أغنية لمحمد إبراهيم نقد - لشاعر الشعب الدكتور محجوب شريف

أغنية لمحمد إبراهيم تقد

هيْت
خيْت
كيْت
شِبراً.. شِبراً
شارع.. شارع
بَيْتاً.. بيتْ
السودان الوطن الواحد والمتعدد، كم حَبّيتْ
كُلُّ كنوزهم كانت تحلم تاخد مننا ودملين
تحت الارض القالت ابيت
شذا أزهارى
وطمى انهارى
فلذة كبدى
أشرف وأنبل مَنْ خبيت
عين المُخبِر ترمِش، ترمِش
كم ضاراكَ اللـُّطف الثورى
بين الناس العاديين
أبسط ماتتمنى حمامة، وطِفلِ رضيع
وعامل مصنع
فول بالجبنة، وحبَّة زيت
تلك العِمَّة، وجلَّابيتَّك، ومحضر سابق
طابِق يسابق
آخر طابق
حقَّ الشُفعة، ورُتبْ الدُفعة
ماتحسَّرتَ، ولا اتمنيت
تشهد ليكْ بالدِّقة
أزقَّة
ماتأخَّرتَ وماأستنيتْ
إخْتِفَى.. إخْتِفَى
بالهنا والشِفى
مبروك يامحمد
مَهْدَكْ ولَحْدَكْ
مابيناتُم إلا الخير
فرحت.. فرحت
نفس اللحظة الفيها بكيت
شُفَّع كِبْرو
وبِقو سُكان
شمسِ بتطلع
تمسك منك طرف الخيت
هيت
خيت
كيت
السودان الوطن الواحد والمتعدد
كم حبيت


الدكتور محجوب شريف شاعر الشعب تم منحه الدكتوراه الفخرية بالأمس من جامعة الأحفاد رغم أنف الحاقد المكروه " فكرهتموه"
بالمناسبة الدكتور محجوب سيغادر للعلاج في ألمانيا يوم 2012/05/04 ندعوا له بعاجل الشفاء

تم إعادة نشر هذه القصيدة بناء على طلب شاعر الشعب وذلك لتصحيح الاسم من قصيدة لمحمد ...كما ورد في الراكوبة إلى أغنية لمحمد إبراهيم نقد

وكأننا نعيش قصة بلدين ..

بلد فى الخاطر الذى بالبال يا عاطف ..
محجوب شريف ..
نقد ..
التجانى ..
مصطفى ..
حميد ..
منعم رحمة ..
..
..

وبلد تحكمها الانتباهة والهجيج ..


..
أذكر رواية " البقع السوداء" لعاطف عبدالله
ذكر ما جرى فى البر الآمن ..
!!!

أخي محمد حيدر المشرف
شكرا لهذه المداخلة الرقيقة
تجاني .. نقد ..وردي وحميد ..تكالبت الأحزان علينا لكن وقفة الشعب بكل الوان طيفه قد خفف عنا وعثاء الفقد وعناء الرحيل
وطن حدادي مدادي
قد شفناهو يتقسم
ذبائح وإنت تتبسم
لديك الخضرة تتفحم
وتصبح في الأيادي عصي
وأوتاداً بلا خيمة
وصحراءً بلا غيمة

ذلك وطن المكروه (فكرهتموه) ، أما الوطن الذي بالبال


سلاماً يا وطن بحلم
أشوفك يا وطن آمن
حر وسعيد ومتفتح
محل ما يمشي إنسانك
عزيز النفس مطامن
ومتضامن
والخير الظاهر والكامن
في الأيدي جميعاً قدامن
تعيش إنت ونموت نحن
لكي يا غالي ما يكبر جنانا
تحت شرا المحنة
جرحنا إذا بفرهد فيك
حنمشي علي البجرحنا
وحزننا لو يضوي سماكا
هو الحزن البفرحنا
ودمنا لما يسقي ثراكا
ينزل من جوانحنا
وإن راحتنا ما ترتاح
نقول إنشاءالله ما ارتحنا
تضيع أيامنا بس ما تضيع
ملامحك من ملامحنا
بنرجع ليك توصينا
ونسمع ليك تحدثنا
ولو علّينا صوتنا عليك
يا والدنا سامحنا

فكرهتموه .. نسوها