Post: #1 Title: سلامتك يا ام احمد من الوجع Author: عفاف أبو حريرة Date: 04-26-2012, 03:45 PM
في وجع ما بتشكي الا لي الله ثم اقرب الناس ليك والذمن ساقني بعيد خلاص
Post: #2 Title: Re: سلامتك يا ام احمد من الوجع Author: ismeil abbas Date: 04-26-2012, 04:14 PM Parent: #1
أم أحمد....................مليون سلام.
كيف لقيتى الوالدين فى طيبة الطيبة؟.
لمين أشكى ألم الفراق أشكى لمين أنا؟؟؟
ده حال الزمن..
تحياتى للجميع...ولمنه أف......
Post: #3 Title: Re: سلامتك يا ام احمد من الوجع Author: عفاف أبو حريرة Date: 04-26-2012, 05:22 PM Parent: #2
Quote: أم أحمد....................مليون سلام.
كيف لقيتى الوالدين فى طيبة الطيبة؟.
لمين أشكى ألم الفراق أشكى لمين أنا؟؟؟
ابو احمد ومني ليك ترليون سلام الله يخليك لينا طال مافي في الدنيا ناس زيك اكيد كلنا بخير سلامي لي كل العندك
Post: #4 Title: Re: سلامتك يا ام احمد من الوجع Author: حفصه خالد المحرب Date: 04-26-2012, 05:40 PM Parent: #2
Quote: تحياتى للجميع...ولمنه أف......
والله ياعمو اسماعيل تركتم بصمتكم بقوه :) منه لحدي اسي كل ما نكون طالعين حديقه ولا ماشين مكان بتقول ماشين لعمو أوف انا شاكه انه جاتك لوز من نفخ البلالين اليوم داك ولكن اتت ثماراها وصل تحياتنا لخالتو حياة "فتحيه" ^_^
Post: #5 Title: Re: سلامتك يا ام احمد من الوجع Author: خالد المحرب Date: 04-26-2012, 11:18 PM Parent: #4
Post: #6 Title: Re: سلامتك يا ام احمد من الوجع Author: محمد عبدالرحمن محمد Date: 04-26-2012, 11:57 PM Parent: #5
البوست ده فيو ريحه كدي زي ريحة الحَمَريب بعد مطراً دعاش..
جنا أمو وَبُو: أحمد.. خالد اب احمد.. عفاف اٌم احمد.. حبصه اَخت احمد..، أسماعين ابْ احمد.. ساميه اُم احمد.. [اَبو الحسين] اب احمد.. وَنا اب احمد!!
+ كلام السرير لي زينوبه؟
وكمان، لي طيبتو بت طيبه؟ ، ، شاااحد الله يلمني بَاحمدي ده الحين!!!
..
آآناس بلا كدي انا لاحق الصِحْ!
Post: #7 Title: Re: سلامتك يا ام احمد من الوجع Author: الامين موسى البشاري Date: 04-27-2012, 00:04 AM Parent: #6
ام احمد مالكـ علينا يا اختي؟ برانا قاعدين على الهبشة هسي الواحد يقوم يجوعر ليكم في البوست دا .. ..
__ التعب يهون يا ام احمد اتكي راسكـ واشكي ساي الحواليكـ كتاااار (ربنا يغطيهم ويحفظهم ليكـ يا رب) الكلام لي انا دا اشكي لمنو ياخ؟
Post: #8 Title: Re: سلامتك يا ام احمد من الوجع Author: ساميه حامد Date: 04-27-2012, 00:17 AM Parent: #7
Quote: ثم اقرب الناس ليك
انت تبري من الالم
Post: #14 Title: Re: سلامتك يا ام احمد من الوجع Author: عفاف أبو حريرة Date: 04-27-2012, 09:59 AM Parent: #7
Quote: ام احمد مالكـ علينا يا اختي؟ برانا قاعدين على الهبشة هسي الواحد يقوم يجوعر ليكم في البوست دا ..
البشاري جوعر ساهي صدقني الجوعير بخفف الوجع
Quote: التعب يهون يا ام احمد اتكي راسكـ واشكي ساي الحواليكـ كتاااار (ربنا يغطيهم ويحفظهم ليكـ يا رب) الكلام لي انا دا اشكي لمنو ياخ؟
الله في والله يا البشاري في وجع بس الله البشكو ليه انت تبرا منه يابه
Post: #9 Title: Re: سلامتك يا ام احمد من الوجع Author: ساميه حامد Date: 04-27-2012, 00:20 AM Parent: #6
Quote: ، شاااحد الله يلمني بَاحمدي ده الحين!!!
..
آآناس بلا كدي انا لاحق الصِحْ!
يا الله يا محمد
يا رب يلمك في احمد ويريح بالك
وينك ياخ مشتاقين والله
Post: #10 Title: Re: سلامتك يا ام احمد من الوجع Author: ساميه حامد Date: 04-27-2012, 00:24 AM Parent: #9
Quote: اتكي راسكـ واشكي ساي الحواليكـ كتاااار (ربنا يغطيهم ويحفظهم ليكـ يا رب) الكلام لي انا دا اشكي لمنو ياخ؟
اخوي البشاري ام احمد من اروع النساء لذلك اكيد ناسها كتار وهي زولة حبوبة وحنينة بس ما بتحب تشغل الحواليها بس انا من هنا بقول ليها نحن معاك يا الحبيبة وخوة ومحبة للابد واشكي وابكي لينا وعذبينا زي ما دايرة
ــــــ
اما انت فتبكي بس
Post: #11 Title: Re: سلامتك يا ام احمد من الوجع Author: اسماء الجنيد Date: 04-27-2012, 00:36 AM Parent: #10
بريـــــــــة من الألم يا خية مشتاقين يا حبيبة القسا , طمنينا عليك يا غالية ليك السلام ولكل المعاك تسلمي وربنا يحفظكم يا أم واب أحمد والعيال
Post: #12 Title: Re: سلامتك يا ام احمد من الوجع Author: الامين موسى البشاري Date: 04-27-2012, 02:42 AM Parent: #10
Quote: اما انت فتبكي بس
الله في
Post: #17 Title: Re: سلامتك يا ام احمد من الوجع Author: عفاف أبو حريرة Date: 04-27-2012, 10:23 AM Parent: #12
Quote: .مشتاقين يا حبيبة القسا , طمنينا عليك يا غالية
بت الجنيد طالما في ناس حنان زيك في الدنيا اكيد انا بخيـر ووالله يا سومه بحسك دايما زي النحله شايله السرور في جناحاتك وبتنشريه في اي مكان تدخليه
Post: #13 Title: Re: سلامتك يا ام احمد من الوجع Author: عفاف أبو حريرة Date: 04-27-2012, 09:40 AM Parent: #6
Quote: شاااحد الله يلمني بَاحمدي ده الحين!!!
امين يابو احمد ربنا يلم شملك مع فلذة كبدك ابقي قريب
Post: #15 Title: Re: سلامتك يا ام احمد من الوجع Author: عفاف أبو حريرة Date: 04-27-2012, 10:07 AM Parent: #13
Quote: انت تبري من الالم
ياالله ياساميه والله بكتيني شددددددددددددددددديد واصلي متحيله علي البكاء انتي نعم الاخت لا انتي بمليون اخت
Post: #16 Title: Re: سلامتك يا ام احمد من الوجع Author: وضاحة Date: 04-27-2012, 10:21 AM Parent: #15
ان شاء الله تبرى وتسلمى من الالم يا ام احمد
وربنا يملاك صحة وعافية للبحبوك
عفة مشتاقيين لو تسمحى رسلى لى تلفونك عاوزاك فى موضوع
Post: #18 Title: Re: سلامتك يا ام احمد من الوجع Author: عفاف أبو حريرة Date: 04-27-2012, 10:42 AM Parent: #16
Quote: ان شاء الله تبرى وتسلمى من الالم يا ام احمد
وربنا يملاك صحة وعافية للبحبوك
تسلمي ياوضوحه
Post: #19 Title: Re: سلامتك يا ام احمد من الوجع Author: ismeil abbas Date: 04-28-2012, 08:42 AM Parent: #18
بنتنا..حفصة أديبتنا الصغيرة.......
لك المودة والتقدير..
منة زولة راضعة من المحنة كثير ما شاء الله وتحمد سيده..وفارضة سطوتها علينا بأن نزيدها بما هو غارقة فيه.
ألأطفال أحباب الله فنحن نحبهم ليحبب الله خلقه فينا..
لك التحية والتقدير....وللأسرة الكريمة.
Post: #20 Title: Re: سلامتك يا ام احمد من الوجع Author: ABUHUSSEIN Date: 04-28-2012, 11:13 AM Parent: #19
Post: #21 Title: Re: سلامتك يا ام احمد من الوجع Author: حمزاوي Date: 04-28-2012, 12:04 PM Parent: #20
أنا غايتو ما فاهم حاجة مافي محسي يترجم لينا
Post: #22 Title: Re: سلامتك يا ام احمد من الوجع Author: عفاف أبو حريرة Date: 04-28-2012, 10:05 PM Parent: #21
.الله عليـــــــــــــــــــــــــــــــك يا ابو حسين يا رائع تسلم كتير شكرا على المداخله الانيقه يا شفيف
Post: #23 Title: Re: سلامتك يا ام احمد من الوجع Author: عفاف أبو حريرة Date: 04-28-2012, 10:10 PM Parent: #21
Quote: أنا غايتو ما فاهم حاجة مافي محسي يترجم لينا
الزول الجميل الخال حمزاوي تتعدد الاسباب والموت واحد كان لقيت المحسي خليه يترجم ليك الاجابه دي زاتها .
Post: #24 Title: Re: سلامتك يا ام احمد من الوجع Author: طارق عبد اللطيف نقد Date: 04-29-2012, 08:24 AM Parent: #23
الزول الجميل حمزاوي دي ذكرتني الزول الوسيم في طبعه دايما هادي وطبعا انا جاي اترجم لي الخال حمزاوي
واهديكم الاغنيه دي واقول لي ام احمد انت تبري من الالم
سوقني معاك يالحمام ... ... سوقني محل ما الحبيبة قريبة تراعي الغرام غريبة الأشواق حبيبة يجيبا منام في منام ... ... سوقني محل ما المحنة أيادي تقطر سلام سماحة الحياة فوق أهلنا وبلادي تقرقر وئام ... ... غلابه وأمان مو الطيابة ضكارى بصارى وكرام حبابه الحبان في بابه وتدخلوا عليّ الحرام
فقارى ولكن غنايا غنايا بهذا الغمام بهذا النيل كم تغايا وتيرابا النرميهو قام ... ... إرادة القمره البتقدر براها تضوي الضلام شعاع شمشاً ياما خدّر وإذا يبَّس لا يُلام ... ... فيابا خرابا الحرابة وخرابة فكر سوسي سام خرابة الكل نفسو تأبى عقابه .. تلِم عم سام ... ... ولِيد مخلوق للقرايي خزين مدخور للجِسام تتمر نيتو التخايي إلاما مذهلل إلام
درب من دم ماب يودي حرِب سُبّه .. حرب حرام تشيل وتشيل مابِ تدِّي عُقب آخرتا إنهزام ... ... بطانة الشيطان قديمِة وبعد دا منو العرشو دام
إذا الإنسان ما لو قيمِة علي إيش خلَّفُو سام وحام ... ... تعالوا الدم ما هو مويةِ ولا ها ترايي المسام أخويا وطراوة الخوة إبتسام ... ... تعالوا نحانن بعضنا تعالوا نحانن بعضنا نخل قلبو على التُمام نبضنا يشهل أرضنا وأرضنا تجِم العضام ... ... تعالوا بدل نبني ساتر نخيب ظن الصدام نطَّيب للعازه خاطر نقوم لأطفاله سام ... ... أخير كرّاكةً بتفتح حفير وتراقد الركام أم الدبابة البتكشح شخير الموت الزؤام ... ... تعال لي غابتك يا خيرا تعال لها يا أسده الهمام بدل دوشكة يغني طيره محل قنبلة عش نعام ... ... بلد صمَّي وشعب واحد عصية على الإنقسام أبيه وبكراها واعد صبية ومشهاده تام ... ... بساطه أحمدي كم يشيلنا وتشهِّلنا على الدوام نَقِل ليلنا تقوِّي حيلنا ودليلنا تمام التمام ... ... نلقّم سقف المتاهة نجم هدّاي في الضلام ونطعِّم حرف النزاهة لإيئلافك يا حمام
ديموقراطية وأمان سوا .. سوا عالين مقام مواريثنا المن زمان محصَّنة في أروع نظام ... ... بريدك يا زول بريدك بعشقك حتّى الهيام أريحيتك عد تزيدك مهابة وليك القيام ... ... عهدي معاك يا حمام حبِيْب الرُسل الكرام رسول الأمراء العظام عصامي على ما يرام ... ... ماب تهدِل في خنادق ولا ب تقدِل فوق حطام ولا ب تنزل في فنادق وسطنا مراعيك قُدام ... ... فيا ملدوغ من أديس معوَّق في كوكدام تعال عمِّر فينا ميس كفانا طشيش الكلام جناحيك جنوب شمال وأمش طوِّف يا حمام محِل غصن العزّة مال عليك وعليهُو السلام
حكيم الطير يا مهبِّر شُراكة القَتَلة اللئام متين بإسم الحق تكبِّر وبالرحمة تصلِّي إمام ... ... فلاحة العالم تعمر محبّة مودة ووئام يقص الايد التدمر تشمِّر ساعد السلام ... ... سوقني زمن كُلُّو عافي نتاجو عِلم خيرو عام بري آيمة من المنافي وطن وافي على الدوام قِبلة غناي
تحياتي
Post: #25 Title: Re: سلامتك يا ام احمد من الوجع Author: حمزاوي Date: 04-29-2012, 08:56 AM Parent: #24
