Post: #2
Title: Re: تورط يوغندا في ضرب بانتيو بالإتفاق مع حكومة الجنوب
Author: عمر صديق
Date: 04-25-2012, 10:07 PM
Parent: #1
الحركة الشعبية فاقدة للتوازن
|
Post: #3
Title: Re: تورط يوغندا في ضرب بانتيو بالإتفاق مع حكومة الجنوب
Author: بريمة محمد
Date: 04-26-2012, 01:42 AM
الأخ عمر صديق
سلامات ..
أنت عارف موضوع اشتراك يوغندا فى الحرب سمعنا به هنا فى الولايات المتحدة من أخوة صوماليين .. قالوا أن يوغندا وتنزانيا ابدتا نواياهما فى خوض المعارك جنباً إلى جنب مع الجنوب فى منطقة هجليج ..
يبدو أنهم يحاولون ضرب هجليج لكن لأنهم لا يعرفون جغرافية المنطقة فأخطأوا وضربوا هجليج.
بريمة
|
Post: #4
Title: Re: تورط يوغندا في ضرب بانتيو بالإتفاق مع حكومة الجنوب
Author: Adil Hamza
Date: 04-26-2012, 03:58 AM
Parent: #3
انتو مش قلتو كل القوة جوبا جوة
طيب حقو تشكرو يوغندا على العملتو دا
انتو لو خايفين من الادانة التصريحات الما مسؤولة و العنتريات لزومة شنو
|
Post: #5
Title: Re: تورط يوغندا في ضرب بانتيو بالإتفاق مع حكومة الجنوب
Author: Tragie Mustafa
Date: 04-26-2012, 04:38 AM
Parent: #3
بريمه انت عدم عدم معرفة يوغندا بجغرافيتنا هين
اها انت عدم معرفتك دي ويدوها وين ويهضموها كيف؟!
| Quote: تورط يوغندا في ضرب بانتيوبالإتفاق مع حكومة الجنوب |
الناس تتحدث عن بناتيو
| Quote: يبدو أنهم يحاولون ضرب هجليج لكن لأنهم لا يعرفون جغرافية المنطقة فأخطأوا وضربواهجليج |
وبريمه يهضرب بهجليج!ويتحدث عن جهل اليوغندين بجغارفيتنا!!(ههههههههههههههههههههههههههههههههه)
يا بريمه يا اخي بهدي لك بوست فيلم هندي في منبر السودان الجديد كاتبه عبد المنعم سيلمان عن فوبيا الجلابه بهجليج!!
عشان انت نموذج لفوبيا الجراقيس ايضا بهجليج!
|
Post: #7
Title: Re: تورط يوغندا في ضرب بانتيو بالإتفاق مع حكومة الجنوب
Author: عبدالكريم الامين احمد
Date: 04-26-2012, 05:55 AM
Parent: #6
هلا ياعمر
ويااخ احنا ماعندنا قنابير عشان نصدق خبر (خالي كلتش زي ده)..
وبعدين ياخ الحكومة السودانية مادام ما بتقدر تدافع عن عمايلها (الجقلبة ليها شنووو..؟؟؟)
1-البشير اعلن امام كل العالم رغبته وبحماس في ازالة الحركة الشعبية
2-قادة الجيش السوداني بما فيهم وزير الدفاع اعلنو امام كل العالم بانهم (راميين قدام)
3-الهتاف الرسمي والشعبي الذي صار معتمد في معركة الخرطوم كل القوووي (جوبا جووووووه)
4-وبعدين جوبا دي لو عاوز تسخر (كمبالا) لمثل هكذا امور كانت بالتاكيد ستسخرها كغطاء جوي اثناء معركة (هجليج)
5-وحكومة الجنوب بها قيادات (نافذة) من ابناء ولاية الوحدة بما فيهم (ريك مشار) فهل ستتخيل بانهم قد يوافقو علي ضرب اهلهم وبالتنسيق مع حكومة دولة اولي من اجل تحقيق مكاسب في بورصة المجتمع الذي فيه للسودان فائل ممكن يحتاج لقطر عشان ينقلو بما فيه فايل البشير ورهطه المطلوبين الي لاهاي...
اعتقد بان هذه الوكالة الاخبارية الاستخبارية مطالبة بقليل من الاحترام لعقول هذا لشعب الفضل..
واجهزة الاستخبارات معروفة تاريخيا بان في الحروب تعمد الي الورجغة والدغمسة والكضوبات لزوم الحرب والنفسية وكدا ولكن طال الزمن او قصر
حتتكشف كل الحقائق..
وسؤال الحلقة
هل الغارات التي تمت لمنطقة (بانتيو) في فترة ماقبل واثناء كركبة هجليج هي من سلاح الجو اليوغندي...
الجريمة المنكورة من قبل نظام الانقاذ تتواجد في اركانها
1-الدافع
2- السابقة الجنائية
3-الاصرار والترصد
|
Post: #8
Title: Re: تورط يوغندا في ضرب بانتيو بالإتفاق مع حكومة الجنوب
Author: حامد بدوي بشير
Date: 04-26-2012, 09:24 AM
Parent: #7
| Quote: يبدو أنهم يحاولون ضرب هجليج لكن لأنهم لا يعرفون جغرافية المنطقة فأخطأوا وضربوا هجليج. |
تورط يوغندا في ضرب بانتيو بالإتفاق مع حكومة الجنوب واختيار حامد بدوي رئيسا للولايات المتحدة.
|
Post: #9
Title: Re: تورط يوغندا في ضرب بانتيو بالإتفاق مع حكومة الجنوب
Author: Bushra Elfadil
Date: 04-26-2012, 10:06 AM
Parent: #8
فبركات هذا المركز الإعلامي لجهاز الامن السوداني ضعيفة وصبيانية حد السخف والمحزن أنه يتم الصرف عليها من أموال الشعب السوداني بهدف غسل ادمغة هذا الشعب المنكوب نفسه بمثل هذه الترهات. مثل هذه الفبركات من البحر وإلى البحر.وفي كل حين تصبح شخصيات المروجين لها ضعيفة ومهزلةتثير القهقهات بين الاسافير وتجمعات السودانيين. .
|
Post: #10
Title: Re: تورط يوغندا في ضرب بانتيو بالإتفاق مع حكومة الجنوب
Author: عمر صديق
Date: 04-27-2012, 10:54 PM
Parent: #3
| Quote: أنت عارف موضوع اشتراك يوغندا فى الحرب سمعنا به هنا فى الولايات المتحدة من أخوة صوماليين .. قالوا أن يوغندا وتنزانيا ابدتا نواياهما فى خوض المعارك جنباً إلى جنب مع الجنوب فى منطقة هجليج .. |
الاخ بريمة
تحياتي
وفعلا يوغندا متورطة بصورة مباشرة
ورغم ان الحكومة لديها ادلة
ولكن لاادري ماذا تنتظر!!!!!!!!!
|
Post: #11
Title: Re: تورط يوغندا في ضرب بانتيو بالإتفاق مع حكومة الجنوب
Author: محمد على حسن
Date: 04-27-2012, 11:16 PM
Parent: #10
احترموا هذا الشعب
صحيح الاختشوا ماتو
ال جوبا طلبت من كمبالا لضرب بانتيو
حكم والله
تعيش كتير تشوف كتير
|
|