عثمان ميرغني .. يا كافي البلا لا وثائق لا إنجليزي!

Quote: ليته اكتفى بال Shot في الماشيت أعلاه:

دا اسمو انجليزي دارجي ... الزول دا مقدد اللغة لمن جهجهكم ...

shot to kill رمى بقصد القتل

shoot to kill ارمى للقتل


طيب الخطا شنو؟ طالما فى النهايه المقصد واحد!!!!

عثمان ميرغني صاحب معهد علوم الكمبيوتر وليس المعهدالبريطاني لتعليم اللغة الانجليزية

و بالأحمر كمان !!
حسبي الله و نعم الوكيل

الظافر و ما في .. تُرى فيمن ستدرعها هذه المرة ؟!

قد يكون الخطأ طباعي.

يا حسين

سلامات

فى المانشيت كمان

وين المصححين عميانين

هههههههههههههههههه والله عندي احساس إنكـ
ما ح تفوتها ليهو ياخ
سيبكـ من الخطأ دا رأيكـ شنو كلام النائب الاول؟
الرجل طلع يعشق مناظر الدماء ويدعو لاراقتها
وربما يلحق بالريس وابو رياله في لاهاي
والله صحي ()
..
..



سبب التعديل
___

اسف لتكرار الصورة
الغريبة في كمبيوتر المكتب ما كانت ظاهرة عندي
لكن هسي في البيت لقيتها ظاهرة
لذا تم حذف الصورة

المفروض shoot to kill

ده لو كان في مصدر!!

Quote: يا كافي البلا لا وثائق لا إنجليزي!

لاعلاقة لرئيس التحرير بهذا الخطأ
يتحمل مدير وسكرتير التحرير تجهيز واعداد الصحيفة للطبع
واضافة للجهاز الفني يكون الخطأ تحت مسؤولياتهم

Quote: لاعلاقة لرئيس التحرير بهذا الخطأ يتحمل مدير وسكرتير التحرير تجهيز واعداد الصحيفة للطبع واضافة للجهاز الفني يكون الخطأ تحت مسؤولياتهم

أتتحدث عما يجب أن يكون أم عن ما هو كائن في التيار؟!!

Quote

Quote: : ليته اكتفى بال Shot في الماشيت أعلاه:

ليته اكتفي بالShot في المانشيت اعلاه:

حتي انت يا حسين .......

يا جماعة ما تفهموهم غلط

إحتمال قاصدين :
"النائب الأول تم قتله بالرصاص"
بس من الرجفة غلطوا حتى في دي


غايتو يا ملاسي
عثمان ميرغني حقوا بعد ده يرشيك
إنشاء الله يتصور معاك !!

Quote: ليته اكتفي بالShot في المانشيت اعلاه: حتي انت يا حسين .......

الفونسو ملاسي دي , اصلا مذهل. اذا راقبته, وسألته
في علم الفلك لوجدته مذهلا ايضا.

shoot to kill

اعتقد ان الشيخ علي عثمان محمد طه متأثر بأفلام الكاوبوي
فقد كررتها اكتر من مرة Shoot to kill
ولوكان مسدسا في يده لكان جربه هكذا في المصور زاتو
يعني بالعربي كدا حنقدر نأمن سلامة حدنا من كل الاتجاهات
حتى ححدودنا مع مصر وليبيا وتشاد وحدودنا الشرقية
فلنجند انفسنا لحماية حدودنا
اذن ارتكوا لنا حماية الحدود الشمالية لنقتل المهربين من والي مصر

الخطوط الرئيسية للصحيفة صحيح ان مدير التحرير او
سكرتير التحرير من يضعها لكن يجب ان تعرض على رئيس التحرير
حتى لو كان خارج المبنى بالتلفون
رئيس التحرير المسئول القانوني الاول عن الصحيفة
فانه يتابعها حتى ارسالها الى المطبعة
بعض رؤساء التحرير بل اكثرهم يراجعون الصحيفة سطرا سطرا
عثمان ميرغني احدهم
التطور الذي حدث في التحرير يستطيع رئيس التحرير متابعة الصحيفة اول باول
الجهاز الفني في الصحيفة (جمع تصميم اخراج) ليس مسؤول عن
الاخطاء التحريرية فقط الاخطاء الفنية
ويبقى القول لا تذهب الصحيفة للمطبعة الا بعد اجازتها من ادرة التحرير

وين علي مرغني شايف اتاخر عن هذا البوست ولا محتاج لكزة ؟!

لازم يبدأ ثاني من:
AMBO & BIMBO
أو
WHITE NILE READER 1

Quote: AMBO & BIMBO

ودا يطلع شنو كمان

عثمان ميرغني رجل حصيف ومارس مهنته باحترافية
وكتب ما سمعه من تصريح النائب الأول كما نطقه
وهو يعلم أن النائب الأول ليس بعسكري حتي
يكون قاصد Shoot

فكتبها كما سمعها

ٍٍShot to kill

والشوت البكتل دا ممكن يكون شوت تكيلة...شوت عرقي...شوت ويسكي

shot :
A small amount of an alcoholic beverege typically above 80 proof. Served in a small glass known as a tumbler. Variety of mixed shots; whisky is the most common straight shot in America.

حيلكم يا جماعة ..
الراجل عاملها مبنية على المشلول ..
أووبس ... على المجهول ...
بريك ...... بروك ...... بروكن ... براكين !!!!

[BOLDاالنائب الأول يأمر بإطلاق النار علي مهربي البضائع للجنوب
Monday, April 23rd, 2012
امدرمان: الميدان

أمر النائب الأول لرئيس الجمهورية علي عثمان محمد طه، القوات المكلفة بمكافحة التهريب، علي الحدود مع الجنوب، بان تطبق النار لتقتل كل من يهرب القوت والغذاء إلي دولة الجنوب. وقال أن هناك تهريب في الحدود وام تسمح الحكومة لأحد أن يمد العدو (ولو بشق تمر)، وأضاف التعليمات واضحة بالغة الانجليزية “أطلق النار لتقتل”، وبرر النائب الأول حديثة أمام نواب المجلس الوطني أمس بان المنطقة منطقة طوارئ وستطبق فيها أحكام الطوارئ علي طول الحدود مع الجنوب، مبيناً أن من يثبت تورطه بدعم العدو بتخابر أو إمداده عسكرياً أو غذائياً، وردد: “هلا هلا علي الجد”، وأوضح أن المعركة متشعبة وان العدو له امتدادات في داخلنا، من خلال بعض الأصوات المخزلة والخلايا النائمة، وبعض الذين يؤثرون الكسب الحرام علي الرزق الحلال ويتاجرون بقوت الشعب، مشيراً إلي أن المعركة لم تبدأ باحتلال هجليج، وإنما العدوان بدا يوم اختار الجنوب الانفصال. وأكد أن الميزانية المجازة من جانب المجلس الوطني كتاب مفتوح، لا بد ان يعاد النظر فيها، قائلاً يجب أن نصارح شعبنا بالحقائق، ليعيش الواقع لحظة بلحظة. في سياق متصل أودعت لجنة الأمن والدفاع بمجلس الوطني مشروع قانون رد العدوان ومحاسبة حكومة الجنوب، وقد أحيله القانون للجان المختصة لمناقشته.


تاكيدا للخبر وحت لا يتم ابتزاله

قلة قليلة جدا من صحفيي السودان ممن يلمون الماما متوسطا بقراءة و كتابة الانجليزية
و اقل منهم من يجيدها

تحياتى للجميع ،،

الاخطاء فى كل شى واردة الا ان هناك اخطاء تعتبر ان جاز التعبير ( جسيمة)
لكن يا حسين وضيوفه الكلمة فى حد ذاتها (shot) من معانيها ضربة او طلق نارى وذلك بعد الرجوع لقواميس اللغة الانجليزية واستغربت ان احدا من المتهكمين لم يبذل جهدا ولو قليلا للبحث عن معنى هذه الكلمة..

المهم ملاسى ده قصته شنو مع عثمان ميرغنى ده ... بترصد فيهو كده ..؟؟

Quote: لكن يا حسين وضيوفه الكلمة فى حد ذاتها (shot) من معانيها ضربة او طلق نارى وذلك بعد الرجوع لقواميس اللغة الانجليزية واستغربت ان احدا من المتهكمين لم يبذل جهدا ولو قليلا للبحث عن معنى هذه الكلمة..

______

عفارم عليك يا البحثت و أتيت بمعناها من القواميس!

تحياتى ملاسى

الغريبة انو عثمان ميرغنى نزل اليوم تصحيح ادعى فيه أن الكلمة وردت خطأ فى العنوان و صحيحة فى متن الخبر, مع أن الواضح أنها وردت خطأ فى العنوان و المتن معا

يعنى عدم معرفة بالاملاء و مكابرة فى عدم الاعتراف.

لك تحياتى مرة اخرى

سلام يا على الخير

صيغة الامر من هذه الكلمة لا تحتمل الا تصريفا واحدا هو: shoot و هو ما ارادته التيار و لكنها اخطاءته
اما shot قيمكن ان تكون مصدرا او صيغة الماضى

النية ما سليمة
عاوزين يقلبوا كلام النائب..انقلبت عليهم

السيد ملاسي الـ(س)ـغير فعلاً من دعاة الإنصرافية....
فهاهو يترك هذا الخبر الجلل ليتوقف عند تصيده لأخطاء الآخرين!

لـ(سِ)ـغره وعدم نضجه الصحفي تجاوز أوامر علي عثمان لمليشيات المؤتمر اللاوطني بقتل المهربين دون محاكمة
وهو القانوني والمحامي الذي أضاع من عمره سنوات طويلة بحثاً عن حقوق حتى من أجرم أو خالف القانون.

دع عنك هذة الإنصرافية.. وأنت الصحفي الباحث لك عن قيد وغلال تسترزق منها.

Quote: لكن يا حسين وضيوفه الكلمة فى حد ذاتها (shot) من معانيها ضربة او طلق نارى وذلك بعد الرجوع لقواميس اللغة الانجليزية

Differentiate between the NOUN and the VERB, saying shot to kill like saying Ahmed to kill .. it's meaningless

So it's true he must have used shoot as it's the verb form

كان take away ما عارف


______
الجابركم على الانجليزي شنو يا عثمان
كان انت .. كان هويدا سر الختم

يا عثمان - قول لهويدا – دي اسمها هوم دليفري؛
أو دليفري على أضعف الايمان .. مش تيك أواي.

_______
ما تنسى تجينا بكرة و تقول غلطة مطبعية

ثم تانياً يا عثمان .. لمن يرد علي ظاهر و لمن ترد انت برضو ظاهر.

يا ملاسى والله انا شايفة الغلطة فى التعبير ما ذات بال
مقارنة بالموضوع فى رقبتة دى
معقولة بس

الواحد قبل ما يطبع يفكر فى تبعات كتابته
الحكومة هسه ح تسيب كلو وتقبل على ستات الشاى من جم
فى استجابة سريعة للرأى العام!!!!!!!

Quote: الواحد قبل ما يطبع يفكر فى تبعات كتابته الحكومة هسه ح تسيب كلو وتقبل على ستات الشاى

لو بقت على تبعات الكتابة – يا سهام - لهان الأمر:

Quote: يا عثمان - قول لهويدا – دي اسمها هوم دليفري؛ أو دليفري على أضعف الايمان .. مش تيك أواي

يا حسين ملاسي إنت من عندينا في أمريكا؟!

طبعاً يا حسين معظم الطلاب في أمريكا بشتغلوا
دليفري شغلة لذيذة وسهلة وفيها بخشيش كويس

بس هويدا سر الختم ما دام قالت للدليفري اسمو
تيك أوي معناتها تيك أوي، هويدا المنصورية دي
ما بنرضى فيها، لكن هذا الحثـالة المدعو عثمان
ميرغني فهو صحفي سمج وجاهل، فلقد كتب من قبل
بأن المناصير يعيشون كالفئران في مناطقهم ويرفضون
الترحيل القسري، فيجب فتح المياه فيهم وإخراجهم
كالفئران. بالله دا إسلوب صحفي مثقف ومتعلم، والحمار
دا خليهو يرجى الراجيهو بعد الحكومة دي تغور
ح نحاسبو على كلمة كلمة قـذرة قالها في حق المناصير.

وشكراً يا حسين عجبتني السخرية من هذا المأفون، وما بعيد
إنو هويدا المنصورية كتبت دليفري صاح بس عثمان ميرغني
بكون غيرها ليها.

Quote: ﴿لاَ يُكَلِّفُ اللّهُ نَفْساً إِلاَّ وُسْعَهَا (286)﴾ سورة البقرة

البتاع ده من ما نميري عمل شريعتو ديك بقى تيك اوي
ما شاء الله على التقدم في زمن شريعة الانقاذ بقى هوم ديلفري
بالطريقة دي الشريعة الجاية بوصولو بالمواسير للبيوت

نزولا عند رغبة ملاسي (وآخر) بالمداخلة في هذا البوست
اقول ان ملاسي مغرض ومغرض جدا كمان
يعني في العمود الرصين وجميل وملعوب (ثرو كمان) مالقيت الا الهفوة الصغنونة دي
صحي يا سي حس عيب السخط (والحسادة ) تبدء المساويا
عليك الله اسع عبارة (قنينة الخمر) دا ما بتجب كل ما قبلها
بعدين انحنا لسع في مرحلة (التيك اوي) حكاية الدلفري دي لسع ما ادونا ليها
يعني قول في ريدر تو......
يا دوب


عالم حاسد جنس حسادة

قول هويدا ما بتعرف انجليزي .. ثورة تعليم
عالي و كدا .. انت سببك شنو يا عثمان؟!!

Quote: قول هويدا ما بتعرف انجليزي .. ثورة تعليم عالي و كدا .. انت سببك شنو يا عثمان؟!!

ليك علي يا ملاسي إشتغل ليك عتالة في البوست
دا من أرشيف لأرشيف فضح هذا الجهلول المتسلط
هسا عليك الله دي عملية يعملها هذا الحـقـير
عثمان ميرغني مع ست الشاي؟!

Quote: فلقد كتب من قبل بأن المناصير يعيشون كالفئران في مناطقهم ويرفضون الترحيل القسري، فيجب فتح المياه فيهم وإخراجهم كالفئران.

يال نذير شكلك اختلط عليك الاختصاص
الكتب الكلام دا اسحق احمد فضل الله
ــــــــــــــــــ
باقي رايك في عثمان ما عندي فيهو راي

Quote: يال نذير شكلك اختلط عليك الاختصاص الكتب الكلام دا اسحق احمد فضل الله

سلام يا علي ميرغني، أبداً والله ما إختلط علي
الإختصاص، فعلاً الغبي اسحق فضل الله قال نفس الشيء
ولكنه يردد ما قاله عثمان ميرغني قبل عدة سنوات

الكلام دا قديم يا علي ميرغني فقد كتبه عثمان ميرغني
وأطلعت عليه قبل أكثر من ست سنوات، وحاولت أن
أجد المقال فلم أفلح، ولكن أعدك بأنني سأعثر عليه.

وبالمناسبة عثمان ميرغني قد كان الصحفي الوحيد الذي
يكتب عن الخزان عندما كان اسمه خزان الحمداب قبل
أن تصير تسميته بخزان مروي.

تحياتي

في إطار بحثي عن شتائم هذا الجهلول للمناصير
عثرت على مقال قديم له يخطيء فيه خطأ مضحك
في اللغة الإنجليزية، يا عثمان يا أخوي إنت
لا قريت لا باريت؟!

كتب الجهلول:

Quote: أن منطقة الحامداب لا تتأثر كلها بقيام السد فهناك قسم من الحامداب يقع خلف السد في الاتجاه النازل Down Stream

الخطأ في كلمة Downstream فهي كلمة واحدة
والجهلول دا فصلها وحتى ترجمها خطأ فكلمة
Downstream تعني الجزء المع التيار من النهر
وعكسها هو Upstream وهو الجزء الضد التيار من النهر
عند نقطة معينة من النهر.

الغريبة زميلنا علي عسكوري كان يخاطبه بالأستاذ الصحافي
عثمان ميرغني، فرد عليه عثمان ميرغني بأنه مهندس مدني
والخزانات هو تخصصه، ويا مهندسين وناس الهيدروليك
كلمة Downstream بكتبوها مثلما كتبها المتهندس
عثمان ميرغني؟!

المصدر: Re: عثمان مرغني: مره اخري !!!

Quote: طلع علينا في الفترة الأخيرة الصحفي عثمان ميرغني في جريدة الرأي العام بعدة مقالات باثا فيها الكثير من الأكاذيب والتضليل حول مشروع خزان الحماداب الذي بدأت نزر النزاع حوله تتجمع. وبعد أن اضطلعنا علي اكثر من موضوع مما كتبه، اتضح لنا جهله وعدم إلمامه بمشاكل مشروعات الخزانات وتأثيراتها وشروطها الخ... ولأننا نفترض حسن النية، قمنا بكتابة مقال مختصر نشره في عموده وإن ادخل عليه بعض التعديلات. فبالرغم من مخاطبتا له بـ ( السيد عثمان مرغني) لا حظنا إنه قام بتغييرها إلى ( المهندس عثمان ميرغني) ويبدو أن الرجل – كغيره من الإنقاذيين - يعاني شيئا من الانفصام. في تلك الرسالة أشرنا وزودنا المهندس عثمان بمعلومات وتقارير اعترف هو نفسه في رسالته لنا بأهميتها، وانه كان يجهلها وهو أمر يعني انه يخوض في أمور بالغة الحساسية من غير علم ولا كتاب منير. ولو طلب منا المهندس عثمان المزيد من المعلومات لفعلنا، ولكنه وبالرغم من اعترافه بجهله بالموضوع استمراء الاستمرار في ترويج أكاذيبه الباطلة في محاولة مفضوحة لتضليل الرأي العام

المصدر: الصحفي عثمان مرغني وإدمان الكذب!!

Quote: الخطأ في كلمة Downstream فهي كلمة واحدة والجهلول دا فصلها وحتى ترجمها خطأ فكلمة Downstream تعني الجزء المع التيار من النهر وعكسها هو Upstream وهو الجزء الضد التيار من النهر عند نقطة معينة من النهر.

فهمت من كلامك انو الخطاء في جعل المصلطح كلمتين
واعتقد انها ما مشكلة كبيرة
لكن كدا ارجع للخطاء الكبير في تفسيرك للمصطلحين.. انا عارف انك فاهم معناهم شنو
لكن تفسيرك الكتبتو فيهو خطاء كبير حيث لا جزء مع او ضد تيار النهر
كلاهما مع تيار النهر بس الفارق موقعهم من السد او النقطة الافتراضية المقاس
منها ( reference point) ..

من الذي يكتب لعلي ميرغني

يا علي ميرغني خطأ صغير؟! يا علي ميرغني دا
مصطلح هندسي ولا يجب التلاعب به، لتوضيح الرؤية أكثر
أنظر لهذا الرسم التوضيحي:


بالمناسبة يا علي، إنت بتدافع كدا عن عثمان ميرغني ليه؟!
هل أنت شقيقه؟! أم أن عثمان ميرغني يكتب باسمك؟!

هو خطاء صغير عندما يرد في مقال عام وليس متخصص.. يعني ما رسم ايضاحي لمشروع
هندسي
نعم عثمان هو شقيقي الأكبر مباشرة
وانا ما بدافع عنو من المنطلق دا.. وامكن نقاط خلافنا في الافكار كبير جدا
بالمناسبة لاحظ اني ما علقت على وجهة نظرك فيهو.. لانو شخصية عامة ومن حق كل زول يشوفو
من الزاوية الهو واقف فيها...
حاجة مهمة.. انا ابن المؤسسة العسكرية ..وافتخر.. واول دروسها الاعتداد بالنفس.. بدون تكبر
علشان كدا انا مقتنع باني افكاري (حتى لو تكون لالوب) أحسن من افكار غيري (حتى لو تكون بلح الشام)
ــــــــــــــــــــ
ملاسي.. انا نظرت لتعليقك من باب النصف الملان من الكباية
وشكراً لاعجابك بمداخلتي


وش ضاحك لمن واقع في الارض

شكراً يا علي ميرغني على توضيح صلة
القرابة بينك وبين عثمان ميرغني

طيب يا علي، هل صحيح بأن أخاك مهندس؟!
ومهندس شنو؟!
وخريج سنة كام؟!
ومن أي جامعة؟!

تحياتي

هو خريج هندسة الكترونيات من جامعة شبرا .. لو لم تخني الذاكرة
بداية الثمانينات (1983)
عمل لفترة طويلة في شركة ارامكو في السعودية
ابتعثته لفترات لدراسة البرمجة في امريكا وكندا
اشتغل ايضا مهندسة برمجة في شركة سعودية خاصة
اسس شركة علوم الكمبيوتر منتصف الثمانينات (قبل انشاء كمبيوتر مان نفسها)


ــــــــــ
بالطريقة العسكرية ..
ايو سعال ؟؟؟؟

(...)



كان "لقاليقكم" ما عارف!!


______
عرفنا الانجليزي .. مصري برضو – يا كافي البلا - ما في!

Quote: كان "لقاليقكم" ما عارف!!

ارشحك تلعب مساك شمال بدل موسى الزومة
يا خي لعبك ضاغط شديد

Quote: عرفنا الانجليزي .. مصري برضو – يا كافي البلا - ما في!

بذا ثبت – قطعاً - أن عثمان لا يكتب لهويدا كما ادعى كمال حسن بخيت!

______
بل و لا يراجع ما تكتبه مثلما يراجع
كامل الصحيفة كما ادعى هو

Quote: ترى هل استخدمت الجهات الأمنية (كوكريتر سياسي) لحساب المكاسب والخسائر من قرار اعتقال (البوشي)؟! بكل تأكيد الخطوة وضعت مساعد رئيس الجمهورية في وضع بالغ الحرج. نظرة يا جهاز الأمن !! / ضياء الدين بلال نظرة يا نافع!

يبدو ان الحال من بعضو!!
والشغلة محتاجة محو امية عديييل كدا!











--------

من السياق يبدو انو سعادة رئيس التحرير -رغم فطارة التحليل، وبؤس النتيجة الطلع بيها- يقصد (محاسب) ..
لانو ديل البعملوا [حساب المكاسب والخسائر]

اوع يكون قاصد (آلة) بس!!

ياجماعة ما تظلومها ساكت
هي كتبتها بالغين
لكن المدقق اللغوي غيرها الى القاف
لأنو حسب رايو اذا كانت بالغين
ستنضم الاستاذة الى زمرة مساخيت سودانيزاولان
القاعدين ليهم اسبوع في البوست بتاع تجار سعد قشرة والكساد
زائد آخرون

Quote: ترى هل استخدمت الجهات الأمنية (كوكريتر سياسي) لحساب المكاسب والخسائر من قرار اعتقال (البوشي)؟! بكل تأكيد الخطوة وضعت مساعد رئيس الجمهورية في وضع بالغ الحرج

جنا نيتر = جنريتر
كوكو ريتر = كوكو زول ريتر ساكت
.. كلوا ماشي..
بس كوكيتر دي محتاجة لي تسجيل براءة إبتكار لانه فيها إقلاب بغنة

ازييك يا غيغراوي .. ((طبعاً الغنة دي عشان امكن تعجب الجماعة و يعينوني مراسل))
بس كتروا لينا من الإقلاب دة بالله..

كيفتني حتة (الشخيت) دي في بروفايلك














-----

Quote: ازييك يا غيغراوي .. ((طبعاً الغنة دي عشان امكن تعجب الجماعة و يعينوني مراسل))

شفت الزمن الاستثنائي دا!

بت الكــــلب الشعيرية!!
المسغفاتية حايمن بي برة ..
حسن عثمان .. ورشاد عثمان ..


والجماعة يفتشوا في (ككو)* .. وداير يمسكنا ضنبو!!


حضارات سادت ثم بادت .. او كما قال




* (الاستاذ) ضياء ما مشى بعيد ..
العلاقة جدلية بين الكك و الككو و الكوكليتر (اقرأ محاسب) ..

زمان واحد قال لي البحصر نفسو بين الت(0) و الـ(9) بحصل ليو (كك)