بشرى لمرضى السكر والمؤهلين للسكر‍ هانت

Quote: اكتشاف مادة طبيعية تخفض السكر في الدم السبت 21 ابريل 2012 6:34:30 م كشفت دراسة ألمانية حديثة عن مادة طبيعية من البقوليات يطلق عليها اسم "أمورفروتين"، تزيد من تفاعل الجسم مع الأنسولين، الأمر الذي يسفر عن انخفاض نسبة السكري والأحماض الدهنية في الدم . ويؤكد العلماء وفق الدراسة التي نشرتها مجلة "بروسيدينغز" التابعة للأكاديمية الأمريكية للعلوم عدم وجود عوارض جانبية ناتجة عن استهلاك هذه المادة . وكان البروفيسور كريستوفر فايندر من معهد ماكس بلانك لأبحاث علم الوراثة الجزيئي قد أجرى دراسة على أكثر من 800 مادة تدخل في تركيبات نباتات يستهلكها الإنسان في الطعام، بهدف العثور على مادة ذات تأثير مضاد للسكر، فنجح في العثور على هذه المادة في نبتتي جذور العرقسوس ونبات نذل النيلي البقولي. وحقن العلماء مجموعة من الفئران السمينة بمادة الـ "أمورفروتين" فاكتشفوا تزايد نشاط الأنسولين لديها، الأمر الذي يشير إلى أن الأنسجة تفاعلت مع الأنسولين الذي تفرزه غدة البنكرياس بشكل أفضل، مما نتج عنه امتصاص الخلايا نسبة سكري ومن ثم تحويلها إلى طاقة. وفي المحصلة النهائية تضاءلت نسبة السكري في الدم كما تضاءل معدل الدهون بمختلف أنواعه. ولم يرصد العلماء أي تأثير سلبي لمادة الـ "أمورفروتين" على الكبد، بل خلصت أبحاثهم إلى أن هذه المادة تشمل حماية للكبد. وعلى الرغم من تنويه العلماء بضرورة مواصلة البحث قبل الإعلان عن النتائج النهائية، إلا أنهم أكدوا أن النتائج التي توصلوا إليها حتى الآن تفيد بأن الأمور تسير لصالح استخدام هذه المادة في المستقبل، اذ يبدو أنها بديل أفضل عن العقاقير الصناعية التي تؤدي إلى أعراض جانبية .

Quote: نبتتي جذور العرقسوس ونبات نذل النيلي البقولي.

شكراُ جنى على الخبر

لكن النباتين الفوق ديل بالعربى البسيط شنو وهل يتواجدان عندنا فى السودان

الجماعة ديل ما جربوا الحرجل واللالوب

تعرف ياجنى عندنا نباتات وأعشاب كتيرة جداً علاج لأمراض مختلفة وناجعة بس تحتاج لشوية بحوث وترويج

شكرا يا جني

ده الـ Abstract بتاع البحث*

Given worldwide increases in the incidence of obesity and type 2 diabetes, new strategies for preventing and treating m e t abolic diseases are needed. The nuclear receptor PPARγ (peroxisome proliferator-activated receptor gamma) plays a central role in lipid and glucose m e t abolism; however, current PPARγ-targeting drugs are characterized by undesirable side effects. Natural products from edible biomaterial provide a structurally diverse resource to alleviate complex disorders via tailored nutritional intervention. We identified a family of natural products, the amorfrutins, from edible parts of two legumes, Glycyrrhiza foetida and Amorpha fruticosa, as structurally new and powerful antidiabetics with unprecedented effects for a dietary molecule. Amorfrutins bind to and activate PPARγ, which results in selective gene expression and physiological profiles markedly different from activation by current synthetic PPARγ drugs. In diet-induced obese and db/db mice, amorfrutin treatment strongly improves insulin resistance and other m e t abolic and inflammatory parameters without concomitant increase of fat storage or other unwanted side effects such as hepatoxicity. These results show that selective PPARγ-activation by diet-derived ligands may constitute a promising approach to combat m e t abolic disease.

و الفهمته إنو المادة دي بتعمل وقاية من تطور السكري النوع الثاني فقط
عبر تخفيض مستويات السكر و الأحماض الدهنية في الجسم
لكن غير معروف إذا ما كانت حتشفيه تماما حال حدوثه

من ناحية أخرى
تركيزها بعرق السوس ضئيل جدا
بحيث لا تكون مفيدة عبر إستهلاكه
(لابد من تصنيعها على شكل دواء)

و تحذير من وكالة الأغذية و الأدوية الأمريكية
من إستهلاك كميات كبيرة من العرق سوس
لمن هم فوق عمر الأربعين
لتسببه في أمراض عدم إنتظام القلب

لذا لزم التنوية

____________________________________________________________________________
* الدراسة

مرض السكر للزول المتابعه بشكل يومي مرض صعب والتحكم فيه صعب جدا
شخصيا بعاني مع والدتي بشكل يومي والى حد ما متحكمة فيه ...
مسألة قياس السكر وحقن الانسولين مابطالة بتعدي بسهولة عاوزة إنتظام وحرص ودقة وصرامة بس
لكن مشكلتي الاكبر مع والدتي في الاكل
عاوزة تاكل عادي
وعاوزة السمن البلدي
والكسرة والعيش
والسكر الطبيعي بتاع القصب
وعصير جهينة بتاع الجوافة
وعندها الاكل ماببقى أكل الا يكون دسم
وماقدرت أمنعها
والله ماقدرت
وأخر ما إتوصلت ليهو اننا نقسم البلد نصين
ناكل أكل صحي ويوم في الاسبوع نلخبط
لكن هي بقت بـــــارعة في المنبيوليشن
المهم هسة أنا بقيت خايفة على صحتي أنا ذاتي
أريد حلا!!
خايفة جدا لانه من أثار مرض السكر أمراض الكلى



________________
بالمناسبة عيدان القرفة تتغلي وتتشرب زي الشاي مفيدة جدا وبتنزل السكر
وكمان الحلبة
والدتي تعاني تايب تو

Quote: لكن مشكلتي الاكبر مع والدتي في الاكل عاوزة تاكل عادي وعاوزة السمن البلدي والكسرة والعيش والسكر الطبيعي بتاع القصب وعصير جهينة بتاع الجوافة وعندها الاكل ماببقى أكل الا يكون دسم وماقدرت أمنعها والله ماقدرت

الأخت راوية ربنا يدى الوالدة الصحة والعافية ويطول عمرها

هذا الكلام اعلاه فى غاية الخطورة على الوالدة

المعروف بأن تايب تو من مرض السكر اهم حاجة بالنسبة ليهو هو الطعام

مضاعفات هذا المرض قد تأخذ بعض الوقت فى الظهور

ولكن عند حدوثها لا قدر الله من الصعوبة وقفها

نوع الطعام الذى تتناولة الوالدة اهم ما فى الأمر وكميته واوقات تناوله

لابد ان تدرك الوالدة بأن عدم الاكتراث فى التعامل مع هذا المرض اثاره كارثية على الصحة ومتعبة ومكلفة جداً

عليه لابد من اخذها للطبيب ومتخصص التغذية حتى يوضح لها الأمر وأهميته وخطورته حتى تتعامل معه بالجدية والالتزام المطلوب

مضافأ لنوع الطعام لابد من ممارسة عادة المشى لن اقول الرياضة لأن ذلك ربما يكون امر غير وارد عند الامهات فى ثقافتنا

وحكاية السكر المعقد (الابيض الذى يتناوله جموع السودانيين) من اخطر الاشياء على مرضى السكر

وايضاً العصائر والمشروبات الغازية التى يدخل فيها ذلك النوع من السكر تفاديها يساعد فى التحكم فى السكر

هناك انواع معينة من الفاكهة يمكن تناولها لتعويض السكر الابيض وبالطبع الموز ليس من ضمنها

الحلبة والحرجل مفيدان

لست متخصص ولكن لدى القليل من الخبرة فى التعامل مع هذا المرض

وقد شهد هذا المنبر العديد من البوستات التى تهتم بمثل هذه المواضيع

اتمنى عودتها وأتمنى من ذوى الاختصاص رفد البوست بارائهم

وشكراً للأخ جنى , رغم اننى ادرك ان بوستات جنى عبارة عن برقيات مهمة وعاجلة

ولكن لا ضير من المواصلة فى هذه البوست اذا سمح الأخ جنى لأهمية الموضوع

تحياتى
لنا عودة

التحيةللأخ جني صاحب البوست ،وللأخت راوية ولجميع المتداخلين بالبوست ... مع تمنياتي للوالدة بالصحة والعافية ...
لا أريد أن أزيد على ما قاله الأخ الفاضل حسن حماد محمد... ففرض نظام غذائي صارم لمريض السكر وعدم المجاملة على الإطلاق في ذلك ، مع ممارسة المشي ، أضف إلى ذلك شرب الشاي الأخضر بدون سكر من الأسباب الرئيسية لتجنيب مريض السكر متاعبه ... أقول قولي هذا من واقع تجربة مع هذا الداء والذي لم يسلم منه إلا القليل من الناس في هذا الزمان ... فالإرادة القوية هي التي تمكن المريض لتطبيق كل ما سبق ... فمثلاً شرب الشاي أو عصير أو قهوة بدون سكر ، في بداية الأمر كنت أرى بأن هذا الأمر مستحيلاً ولكن مع التعود صار أمراً عادياً ... نسأل الله تعالى أن يمن بالصحة والعافية لجميع المرضى ... آمييييين

سلام جنى
والى المتداخلين
اكتشفت اننى مصاب بمرض السكر منذ ما يربو على 12 عام ، الشفاء النهائى الى الان غير موجود او غير معروف بشكل ادق، كل ما هو مطلوب صداقة هذا المرض ، بمعنى الامتناع نهائيا عن السكر ومشتقاته وكل شىء يضاف اليه السكر الابيض، واتباع نظام غذائى يعتمد بدرجة كبيرة على تناول السلطات بكميات كبيرة ( جرجير خس عجور خيار تبش ) وتناول الخبز الاسمر ( الردة) وتناول الفاكهة بشكل منضبط ما عدا المنقة والموز والعنب والطيخ ، واهم شىء رياضة المشى وهذه تمثل افضل انواع العلاج ، كوب الحليب خالى الدسم مطلوب يوميا ، الامتناع عن تناول لحم الضأن بقدر الامكان وقليلا من لحم العجالى والافضل الدجاج والسمك ويا حبذا لو كان مشوى على الجمر،
اى شخص يتبع هذه الخطوات لن يحتاج الى تناول ادوية .

تحياتى ( طبعا الواحد اصبح اخصائى مرض السكر)

Quote: مرض السكر للزول المتابعه بشكل يومي مرض صعب والتحكم فيه صعب جدا شخصيا بعاني مع والدتي بشكل يومي والى حد ما متحكمة فيه ... مسألة قياس السكر وحقن الانسولين مابطالة بتعدي بسهولة عاوزة إنتظام وحرص ودقة وصرامة بس لكن مشكلتي الاكبر مع والدتي في الاكل عاوزة تاكل عادي وعاوزة السمن البلدي والكسرة والعيش والسكر الطبيعي بتاع القصب وعصير جهينة بتاع الجوافة وعندها الاكل ماببقى أكل الا يكون دسم وماقدرت أمنعها والله ماقدرت وأخر ما إتوصلت ليهو اننا نقسم البلد نصين ناكل أكل صحي ويوم في الاسبوع نلخبط لكن هي بقت بـــــارعة في المنبيوليشن المهم هسة أنا بقيت خايفة على صحتي أنا ذاتي أريد حلا!! خايفة جدا لانه من أثار مرض السكر أمراض الكلى

على طول تعالجيها من الاكتئاب
دا سلو ك اكتئابي على الارجح
senile depression
وطبعا انت نفسك بتكوني معرضة لاكتئاب بحكم رعايتك لام مسنة مريضة بداء السكر اضافة الى عملك
انا برى دايبتيك منذ عشرة سنوات نجحت فى البقاء خارج نادى السكر
اول ماقمت به انقاص وزني من 93 كجم الى 83 كجكم
وغيرت اللايف استايل تماما
السكر مرض مرعب يتوجب عدم الاستهانة به تماما والبقاء تحت الاشراف الطبي اللصيق لابقاء السكر التراكمي تحت 7
والا تعقيدات السكر المرعبة العمى والفشل الكلوى وبتر الاطراف
تخفيض الوزن والمشى يوميا هى ضربة البداية مع الحمية الصارمة
امك لو بتاعة مانبيوليشن اعملي ليها سيموليشن
الله معاك يا راوية
تحياتي لكل زوارى
جنى

غايتو أنا عامل خرمجة تقيييلة!!!
كان جاكم خبرو قريب ما تستغربوا



عضو أساسي في النادي من كم وكمين سنة!!
+ الأم + الأخت الكبيرة + الزوجة + أبوي الله يرحمه
+ 8 من خيلاني حفظهم الله + 7 من أعمامي ـ أبقاهم الله!
غايتو ديل القدرت أحسبم سريعا مارش!!!

المشكلة إني متزوج بت خالتي (عضو أصيل في النادي)
وأمها محسوبة في القائمة بالإضافة لأبوها
وأختها الكبيرة برضو

وأختي متزوجة ود عمي (برضو تبع المنتخب)!

الجميع يستخدم إنسولين وعاملين أزمة في الصيدليات



أها ديل تايب كم يا ربي



_
رحم الله د. مجدي الشيخ

أها النجيضة يا جنّي موضوعكـ دا لحدي ما يبقى
على أرض الواقع يكون أمات طه زاتو مستغربين فينا!!

Quote: أها النجيضة يا جنّي موضوعكـ دا لحدي ما يبقى على أرض الواقع يكون أمات طه زاتو مستغربين فينا!!

وبتشيش كمان والحجر بساوى اربعين سيجارة والسجارة لمريض السكر تساوى اربعين سيجارة لمن لا يعاني مريض السكر
نصيحتى لك الى ان يشوفوا لينا الخواجات دبرة وهو امر متوقع ان تضع نفسك تحت الرقابة الصارمة للاطباء ان لم يكن من اجل نفسك فمن اجل اطفالك لان تعقيدا السكر صاحبها فى حلقة مفرغة يفقده اعتلال السكر عمله ومن ثم يفقده التامين ومن ثم يستنزف كافة مدخراته بسبب الكلفة الباهظة للعلاج من تداعياته
جنى

Quote: وبتشيش كمان والحجر بساوى اربعين سيجارة والسجارة لمريض السكر تساوى اربعين سيجارة لمن لا يعاني مريض السكر

ديشااااااااااكـ!!
دا أنا غلبااااان!!



يعني في حجرين يوميا الواحد مفروض
يفتح ليهو حساب في جزر الباهامس!!

رايكم شنو فى جمعية مرضى السكرى واصدقائهم بالبورد
نهتم زى اخونا جنى باخبار اكتشافات العلاج
ونهتم بالثقافة الغذائية
ونهتم بالرياضة وافضل انواعها لمرضى السكر
ونهتم باستجلاب العلاج من خارج السودان
ولكم تحياتى

غايتو يا ود الصايم كملت
الوجوه الضاحكة والفاكهة
والحزينة ذاتو
رحم الله الدكتور مجدي احمد الشيخ
ولن ننساه أبدا

............
بالنسبة للسكري
غايتو نحنا عائلة منكوبة
الوالد رحمه الله عانى اشد المعاناة
من السكر وضغط الدم
ووكذلك أخواني الاتنين الكبار
عندهم ضغط وسكر
لدرجة إنو واحد جاتو جلطة
والتاني ذبحة
لكن الحمد لله حالتهم مستقرة
لكن الشي الما مطمن
ود أخوي عمرو 15سنة ظهر ليه
سكر في الدم في أول فحص كان550
لدرجة إنو ما إمتحن الشهادة السودانية
بقرار من الدكتور ..... لكن الحمد لله
هسة بدا سكرو ينزل وصل 300

أها دايرين نعرف النباتات دي موجودة
في السودان؟

شكرا جني
والحضور ايضا

Quote: سلام جنى والى المتداخلين اكتشفت اننى مصاب بمرض السكر منذ ما يربو على 12 عام ، الشفاء النهائى الى الان غير موجود او غير معروف بشكل ادق، كل ما هو مطلوب صداقة هذا المرض ، بمعنى الامتناع نهائيا عن السكر ومشتقاته وكل شىء يضاف اليه السكر الابيض، واتباع نظام غذائى يعتمد بدرجة كبيرة على تناول السلطات بكميات كبيرة ( جرجير خس عجور خيار تبش ) وتناول الخبز الاسمر ( الردة) وتناول الفاكهة بشكل منضبط ما عدا المنقة والموز والعنب والطيخ ، واهم شىء رياضة المشى وهذه تمثل افضل انواع العلاج ، كوب الحليب خالى الدسم مطلوب يوميا ، الامتناع عن تناول لحم الضأن بقدر الامكان وقليلا من لحم العجالى والافضل الدجاج والسمك ويا حبذا لو كان مشوى على الجمر، اى شخص يتبع هذه الخطوات لن يحتاج الى تناول ادوية . تحياتى ( طبعا الواحد اصبح اخصائى مرض السكر)

حافظ لوحك تمام واقتراحك التحت وجيه
وما تنسى لبس الجزمة

الأخ الفاضل / حافظ أنقابو

Quote: أها دايرين نعرف النباتات دي موجودة في السودان؟

أنا أصريت على التنبيه ده

Quote: من ناحية أخرى تركيزها بعرق السوس ضئيل جدا بحيث لا تكون مفيدة عبر إستهلاكه (لابد من تصنيعها على شكل دواء) و تحذير من وكالة الأغذية و الأدوية الأمريكية من إستهلاك كميات كبيرة من العرق سوس لمن هم فوق عمر الأربعين لتسببه في أمراض عدم إنتظام القلب لذا لزم التنوية

علشان الناس ما تدقش العرقسوس
الأحسن تنتظر التصنيع الدوائي للمادة الفعالة فيه
فالإستخدام المفرط للنباتات دي مضر

مودتي

بالمهلة كان الله راد يا جني
بنجي نشوف مخرج من الورطة دي
والله بقى لينا زي الورطة ديك
لا انفكينا مِنو
لا انفكى مننا

شايف كيف



تحياتي واحترامي

انا قلت اقدّم دعوة للجماعة العايزين ينقصوا وزن انهم ينضموا لينا في البوست بتاع النصري
Sudaneseonline Biggest Loser

دعوة خاصة لود الصايم، وتعال النشاكلك كمان! انت مفروض تكون شغال مسلوق في مسلوق... ده غير انه اطفالك حيكون عندهم قابلية عاليه بسبب الوراثة (بعيد الشر عنهم)... فإنتو مفروض في البيت يكون عندكم نظام غذائي صارم عشان الاطفال الله يحفظهم... انا غايته ما بعرف طريقة أكلك كيف، لكن غايته مااااااا اعتقد انك متبع النصايح الفوق دي....

Quote: انا غايته ما بعرف طريقة أكلك كيف

يا بت الحسين .. بنظام أضرب وأهرب


غايتو الحاجة الوحيدة الثابتة عندنا
إنو بنضرب جردل كنتاكي يوم الجمعة!!



والله بوسطيكم داكـ كل مرة أجي أقراهو بتخارج منو سريع!
ومرات كتير بفكر أمشي أدخل (مصحة) عديل .. أسلم نفسي
لمستشفى بنظام علاجي ـ غذائي صارم .. الواحد يقدر يطلع منو بالنجيضة!!



_
المشكلة الأكبر في الموضوع دا إنو كلنا عدنا السمنة الوراثية!!

الله يشفي منتخبكم يا ود الصائم ....

قطعت مصاريني بالضحكـ

Quote: عضو أساسي في النادي من كم وكمين سنة!! + الأم + الأخت الكبيرة + الزوجة + أبوي الله يرحمه + 8 من خيلاني حفظهم الله + 7 من أعمامي ـ أبقاهم الله! غايتو ديل القدرت أحسبم سريعا مارش!!! المشكلة إني متزوج بت خالتي (عضو أصيل في النادي) وأمها محسوبة في القائمة بالإضافة لأبوها وأختها الكبيرة برضو وأختي متزوجة ود عمي (برضو تبع المنتخب)!

طبعا ياود الصايم زواج الاقارب ده زاتو سبب الامراض
وما بتهزم الا بالزواج من الاغراب



تحياتى ياجنى ,,,,

(التجربة خير برهان
يقول احد العلماء في الكويت :
هذا ما وصفته لأحد المصابين بالسكر جاءني بنتائجه الطيبة الرائعة

وهذا من فضل ربي أخرها زميل لي في العمل أعطيته إياه منذ (5) أيام وجاءني
اليوم يدعو لي حيث كانت عيناه يكسوها البياض الغير طبيعي من السكر وعلى وصفه
اليوم لي عندما طلب مني مزيد منه

قال والله يا أبومشاري السكر كان في الليل يصل (480) وفي النهار مابين (250)
إلى (300) وقد نخرت جسده ابر الأنسولين فقال لي منذ أن استعملته وقد أصبح في
الليل (180) وفي النهار (110) لا يتعداها
وقد أوقف استعمال إبر الأنسولين خلال الأيام الماضية تماماً ...
لا أطيل عليكم
الدواء
بعد توفيق الله سبحانه وتعالى
هو - ورق شجرة الزيتون
طريقة عمله بسيطة جداً هي أن تغلي كمية من ورق الزيتون ما يملى كفيك منها من
الورق و تغسله بالماء لتخليصه من الغبار ثم بعد ذلك تغليه بلتر
ونصف ماء حتى يغلي ويقلب الماء عند غليه (3) دقائق ثم تتركه يبرد وترشحه وتأخذ
القطارة (الماء فقط ) وتعبئة في زجاجة وليست بلاستيك وتضعه في الثلاجة وتشرب
منه فنجان قهوة عربي كبير أو كأس شاي
طريقة استعماله:
تشرب منه فنجان قبل الفطور وقبل الغداء وقبل العشاء يعني (3) مرات يومياً
مع إيقاف جميع أنواع أدوية وعلاجات السكر وتقوم بمراقبة السكر بالتحليل خلال
اليوم الأول والثاني والثالث
وبعدها تقرر هل تستمر أو لا ؟؟؟
اسأل الله سبحانه وتعالى بمنه وكرمه وجوده وإحسانه أن يمن على جميع المرضى
بالشفاء والعافية إنه سميع مجيب والله يرعاكم
ملاحظة هامة :
ندعوك بسرعة نشرها لتعم الفائدة أن شاء الله تعالى
على فكره جربها عدد من الصحاب ونتيجة مثمره أن شاء الله
نصيحتي اللي السكر عنده متمكن الأفضل طحن الأوراق وهي خضراء ثم وضعها مع الماء
وغليها و يشرب منها جرعات قبل الأكل ونتيجة مضمونه
ملحوظة:
لاختيار الأوراق الجيدة يجب أن تأخذ واحده منها وتمضغها
إذا هي لاذعة ومره فهي جيده وتكون مفيدة
علي فكره الفائدة مو بس تنزيل السكر بس (معالجة ما خلفه من تدمير في الجسم)
اللهم أشفي مرضانا و مرضى المؤمنين
تقبلو وافر تحياتي )

اعلاه ما جاءني في الايميل قبل فترة عسى ولعل ينتفع به الناس
اللهم اشفي جميع المرضى

ورق الزيتون لالالالا
احذرو ومن واقع التجربه
قرات عن فائدة منقوع ورق الزيتون
في علاج مرض السكر وقلت يالسكر جاك البلى
وارسلت ال سوريه جاءني بسرعة البرق وعملت اللازم
والمطلوب كما هو مكتوب وثلاث جرعات حسيت بالدنيا تدور
والم وانتفاخ في البطن وبسرعه وبمساعدة ام العيال الى مستشفى
حمد الدولي والي وحده الاقامه القصيره قضينا ليله كامله هاك ياحقن
ودربات والحمد لله جات سليمه فاحذرو .

عليك بورق شجرة المورنقا
ومن تجربة نفرين من اقاربي
واحد عندو سكري لحدي ما بقى يقراء بالنضارة
والتاني عندو مشاكل مزمنة في البطن
وليهم زي ثلاثة شهور بيتناولوا كباية مورنقا صباح ومساء
الاول رجع يقراء بدون نضارة والثاني بقى زي القطا
يدوس اي شئ
شخصيا بديت اتناول صفق المورنقا كل يوم على الريق
شعرت بتحسن كبير في الصحة العامة
وكمان حاجة تانية ممكن ارسلها في الخاص لمن يرغب
ــــــــــــــــــــــــــ
واضمن للراغبين سرية المعلومات عنهم

Quote: يا بت الحسين .. بنظام أضرب وأهرب غايتو الحاجة الوحيدة الثابتة عندنا إنو بنضرب جردل كنتاكي يوم الجمعة!! والله بوسطيكم داكـ كل مرة أجي أقراهو بتخارج منو سريع! ومرات كتير بفكر أمشي أدخل (مصحة) عديل .. أسلم نفسي لمستشفى بنظام علاجي ـ غذائي صارم .. الواحد يقدر يطلع منو بالنجيضة!! _ المشكلة الأكبر في الموضوع دا إنو كلنا عدنا السمنة الوراثية!!

ود الصيام... لا ياخ ما ينفع الكلام ده والله... قلت لي كنتاكي... معناها جربته الريزو الجديد بتاعهم مع الشرمبس!

الله يبعد عنكم الشر ان شاء الله... غايته هي السمنه مرتبطه بي اكتر من نوع مرض مزمن زي الضغط والسكري .. وطبعا في وجود العامل الوراثي والlife style بتاع ناس كنتاكي ده، غايته بس نسأل الله السلامة... احنا اهلنا ناس ضغط وكولسترول ساااااكت... عشان كده انا قاعده اتلفّت الايام دي.. السكري ما عندنا وراثي...

اب

Quote: معناها جربته الريزو الجديد بتاعهم مع الشرمبس!

أوووف كوووورس .. سبايسي كمان!!

بوست رائع و مفيد ... شكراً جني

ود الصايم ... ضمن حملة التصحيح حقو تنضم للنصري و أمير في بوست الرابح الاكبر و انا حأكون الحكم

سلام يا جني والزوار


يا جماعة في حبوب اسمها جانوفيا Januvia محضرة من مستخلص طبيعي

مفيدة جدا مع ناس الانسولين ولو خلايا الانسولين فيها حياةبسيطة ممكن ترجع لحالتها الطبيعية والزول ممكن يستغنى عن العلاج نهائيا

شكرا للاهتمام والنصائح الذهبية فعلا
وبمناسبة ضرورة المشي للاسف والدتي قعيدة بقت على كرسي متحرك
مع العلم صحيا ليس لديها مايمنعها عن المشي وقد أكملت علاجها
لكن للاسف she locked her mind
ومتخيلة إنها لو مشت حتقع تاني وتتكسر
وطبعا كلامك صحيح مليون المية ياحيدر عن الاكتئاب





____
بالنسبة لود الصايم إتكلمت معاهو لغاية ماحسيت إني زودتها
ولو في سبب واحد بكون عاوزاهو يكون في امريكا بس عشان الرعاية الصحية والاهتمام بالامراض المزمنة

يا جماعة !!
ما تلعبوا بيروحكم !!

مافي أي علاج بيشفي تماما من مرض السكري بالذات النوع الأول ..
في كمية مهولة من الوصفات و الدعايات المضللة ..
و كلها بتندم الزول !!

أي حاجة بتقول شفاء كلي من السكري أو عكس للمضاعفات الحصلت
إتأكدوا إنها مجرد محاولة غير أخلاقية للمتاجرة بمرضكم و أملكم في العلاج


و للأمثلة من البوست ده :

Quote: يا جماعة في حبوب اسمها جانوفيا Januvia محضرة من مستخلص طبيعي مفيدة جدا مع ناس الانسولين ولو خلايا الانسولين فيها حياةبسيطة ممكن ترجع لحالتها الطبيعية والزول ممكن يستغنى عن العلاج نهائيا

ده فعلا دواء معتمد
لكنه ما بيروح المرض أبدا
و عنده أعراض جانبية خطيرة مثل :
إلتهاب البانكرياس الحاد (قاتل)
زيادة نسبة الإصابة بالسرطانات
فما مفروض يتاخد بدون إشراف طبي لصيق
و لناس النوع التاني من السكري بس !!
(خلايا الإنسولين في النوع التاني سليمة أصلا)

Quote: وهذا من فضل ربي أخرها زميل لي في العمل أعطيته إياه منذ (5) أيام وجاءني اليوم يدعو لي حيث كانت عيناه يكسوها البياض الغير طبيعي من السكر وعلى وصفه اليوم لي عندما طلب مني مزيد منه ... وقد أوقف استعمال إبر الأنسولين خلال الأيام الماضية تماماً ... لا أطيل عليكم الدواء بعد توفيق الله سبحانه وتعالى هو - ورق شجرة الزيتون

الزيتون به أحماض دهنية ستفاقم من مشاكل السكري !!
و عتامة العين الناجمة من السكري لا تعالجها الأدوية بتاتا
(لابد من جراحة)
و الأخطر أن إيقاف العلاج سيؤدي للموت لا محالة


حسبي الله و نعم الوكيل
يستغلون آمال الشفاء للتكسب
الله لا سامحهم دنيا و آخره

Quote: شكراُ جنى على الخبر لكن النباتين الفوق ديل بالعربى البسيط شنو وهل يتواجدان عندنا فى السودان الجماعة ديل ما جربوا الحرجل واللالوب تعرف ياجنى عندنا نباتات وأعشاب كتيرة جداً علاج لأمراض مختلفة وناجعة بس تحتاج لشوية بحوث وترويج

طبعا الاخوان اجابوا على سؤالك فيما يختص بالنباتين المذكورين والذين يتم استخلاص المادة الفعالة منهم!
اما نباتات وأعشاب السودان الكتيرة فستجد حظها من الترويج بعد ان يتقسم الغطاء النباتي السوداني بين عدة دول فربما يجد من يهتم به
جنى

Quote: لا أنهم أكدوا أن النتائج التي توصلوا إليها حتى الآن تفيد بأن الأمور تسير لصالح استخدام هذه المادة في المستقبل، اذ يبدو أنها بديل أفضل عن العقاقير الصناعية التي تؤدي إلى أعراض جانبية .

يا قرشى
اعتقد من صياغ الخبر هو الحديث عن السيطرة على مستوى السكر والدهون فى الدم وليس الشفاء الكامل ودون اعراض جانبية وهذا بحد ذاته مكسب كبير وخاصة ان مرضى السكر يتحولون بعد فترة الى حقن الانسولين بعد فقدان الحبوب لفاعليتها
وهذا مكسب اخر فالانسولين مكلف ةاستخدامه يحتاج لضوابط كثيرة
جنى

Quote: ففرض نظام غذائي صارم لمريض السكر وعدم المجاملة على الإطلاق في ذلك ، مع ممارسة المشي ، أضف إلى ذلك شرب الشاي الأخضر بدون سكر من الأسباب الرئيسية لتجنيب مريض السكر متاعبه

على ان يكون مريض السكر ليس سودانيا او يتخارج من السودان عقب الاصابة به!
جنى

Quote: بالنسبة للسكري غايتو نحنا عائلة منكوبة الوالد رحمه الله عانى اشد المعاناة من السكر وضغط الدم ووكذلك أخواني الاتنين الكبار عندهم ضغط وسكر لدرجة إنو واحد جاتو جلطة والتاني ذبحة لكن الحمد لله حالتهم مستقرة لكن الشي الما مطمن ود أخوي عمرو 15سنة ظهر ليه سكر في الدم في أول فحص كان550 لدرجة إنو ما إمتحن الشهادة السودانية بقرار من الدكتور ..... لكن الحمد لله هسة بدا سكرو ينزل وصل 300 أها دايرين نعرف النباتات دي موجودة في السودان؟ شكرا جني والحضور ايضا

عليكم بالدعاء والدواء
الادوية المنقذة للحياة مكلفة خاصة فى بلد مثل السودان
جنى

Quote: يا قرشى اعتقد من صياغ الخبر هو الحديث عن السيطرة على مستوى السكر والدهون فى الدم وليس الشفاء الكامل ودون اعراض جانبية وهذا بحد ذاته مكسب كبير وخاصة ان مرضى السكر يتحولون بعد فترة الى حقن الانسولين بعد فقدان الحبوب لفاعليتها وهذا مكسب اخر فالانسولين مكلف ةاستخدامه يحتاج لضوابط كثيرة

يا جني
كلامي ما مقصود بيه موضوع البوست الأساسي بطبيعة الحال
و أنا في أول مداخلات لي أوردت ملخص البحث و تخمين حول طريقة عمله
بالتاكيد هو لسه في طور التجارب و إن شاء الله يطلع أحسن من الموجود حاليا
و تشكر طبعا على مشاركتنا بالتطورات العلمية الحلوة دي

قصدي كان تماما المثالين الذكرتهم
كتبوهم الأخوان بحسن نية و رغبة في الخير للناس
و لأن البوست مقروء حبيت بس أحذر منهم بقوة
علشان ما نشيل ذنب الناس

تحياتي

الأخ محمد قرشي عباس
سلام

طبعا رأيك مقدر جدا كمختص
وفي الأسا س وما يجب أن يكون مفهوم للجميع هو عدم تناول عقار بدون استشارة الطبيب خاصة للامراض المعقدة مثل السكري

وخاصة عندما يكون العلاج حديث الاكتشاف

و جانوفيا Januvia هذا أنا شخصيا سمعت بيه قبل 3 شهور فقط من صاحب المؤسسة التي أعمل بها

وكانت المناسبة إنو لدينا زميل مهدد بقطع رجليه الاثنين بسبب جروح فيها لعدم المقدرة على السيطرة على مستوى السكر رغم وجوده في المستشفى

وطرحنا له الفكرة واشرنا عليه باستشارة الطبيب الذي وافق على تناولها وفعلا تناولها مع الانسولين وكانت المفاجئة بعد اسبوع من بداية العلاج نزول مستوى السكر لمستويات طبيعية

وبدأت الجروح في الشفاء تماما وهو الآن يمشي على رجليه

مع ذلك بنكرر معاك يجب أخذ الحيطة عند التعامل مع أي عقار

شكرا للتنوير

جني يا صديق

الحلبة مدروشة شايلا ليها مُقلاع للسُكري

تخلي الانسلين يحضن الجلوكوز

ويمشو ويغنو:-
زرعوكي وين يا حلبة؟
شتلوكي وين يا حلبة؟
في جزر لنجرهاس يا حلبة

سلام مجدداً أخي جني ولكل المتداخلين
فوووووووووووووق لأجل منبر خال من السكر " مسيييييييخ "

.

بدأ مرض السكري مع المدام أثناء حملها بكريمتنا الأولي واختفى تماماً بعده ( يعني القابلية موجودة .. هكذا فهمنا وهيأنا أنفسنا )
مع كريمتنا الثانية إستمر نفس الفيلم .. سكري وأنسولين أثناء الحمل وإختفاء تماماً بعد الولادة
بعد ولادة إبننا ( أمين ) في 1998 لم يختفى السكر بل إستمر معها ...
أجهزة القياس كانت متاحة لدينا في المنزل .. نفحص بصورة دورية
ورغم ذلك .. تفاجأت في العام 2001 أنني مصاب أيضاً بهذا المرض ( وتلك قصة فيها من الطرفة الكثير )
منذ ذلك التاريخ ونحن نتعامل مع السكري بما ينبغي أن يكون عليه الإلتزام من تناول الأدوية في مواعيدها وتجنب ما يقود للإخلال بمستوياته.
لا نكذب ( النفس غلابة )... تخذلنا مرات ومرات بشهواتها
نضعف أمام المجاملات الأسرية والأخوانية ( عليكم الله أكلوا دي وأمشو أبلعوا حبتكم )
لكن نحاول ما استطعنا سبيلاً أن يكون المعدل التراكمي أقل من ( 7 ) كما ينصح الأطباء ... حتى الآن ناجحون بمقدار كبير والحمد لله

يمكنني أن أقول أننا قد تعاملنا معه بجدية تامة .. وبدون تهويل وتضخيم وربما بسخرية ( دون إستهتار ) .
أظن أننا قد تصالحنا معه وربما صادقناه

لم يكن في الأسرة من ناحيتي أو من ناحية المدام أى تاريخ لمرض السكري

نحن من بدأ هذا التاريخ ... ولله حمداً كثيراً

نحاول وفق ما نستطيع أن نجنب أبناءنا هذا المرض .. أتمنى أن نوفق




_________________

نزلت هذه المشاركة في بوست ذي صلة بهذا البوست للأخت العزيزة سمارت

حبابك صديقي جني وحبابكم يا كل ( الحلوين )
من خلال تجربتي الممتدة مع الراجل ده قرابة السبع سنوات ..
الجري فالجري فالجري ....
ما يجي واحد ( حلو ) يقول لي الجري ده ما حقي ...
لازم يكون حق كل الحلوين

ألا هل بلغت اللهم فاشهد