أخبار تُفيد رفع الحصانة عن قاتل عوضية

هل من مؤكد ؟؟

ماكان له ان يكون عادياً تماماً

صار الناس ينتظرونه بفارق الصبر ويشككون في حدوثه

ضابط قتل مواطنة بغير وجه حق ما الذي يجعلنا نحس ببعض الراحة لمجرد أقاويل تفيد رفع الحصانة عنه لتقديمه للعدالة

يعني ماهو المميز حقاً في هذا الشخص لكي تلاوي جهات الإختصاص قراراً برفع الحصانة عنه لما يزيد عن الأربعين يوماً ؟؟

وفي قضية شديدة الوضوح

رجل قرر أن يطيح بشرف الشرطي من أجل أن يتحول لقاتل متعمد

أرفعوا عنه الحصانة وأعدموه

الأمر في منتهى البساطة

ولا نقول بما سارت به العبارة الشهيرة ( أن مثلي لا يُسال عن مصدر )

ولكني أصدقكم القول بأنني سمعت هذه العبارة من موظف بأحد الجهات العدلية نهار اليوم في لقاء ضم العديد من الناس

لفت إنتباهي بقوله

فسألته لماذا لم يعلن هذا في وسائل الإعلام

اجابني بالقول ( خلال اليومين القادمين إن شاء الله )

ولما كانت القضية بمجملها غريبة لذلك يراودني شعور لامبرر له في الحالات الطبيعية بحجب إسمه هنا

لا أدري لماذا


أحميه من ماذا لا أعلم ربما لشعوري أن من رفعوا الحصانة حال صحة الخبر لم أو لن يسعدوا بذلك

مايجرى فى هذه القضية امر مريب
ولماذا لايريدون رفع الحصاتة عن القاتل ؟
ومن هو القاتل ومن اى مديتة فى السودان ؟

مايجرى فى هذه القضية امر مريب
ولماذا لايريدون رفع الحصاتة عن القاتل ؟
ومن هو القاتل ومن اى مديتة فى السودان ؟

سلامات ياصابر

على العدالة ان تكون ناجزة

ولكن أضعف الإيمان أن تكون موجودة على الأقل

صابر..حبابك يا صديق
كدت أن اقول: ما تحكها للدم ياخ..!!!!

الضابط المعني من شرق السودان (يعني ود اخت الأخ وزير الداخلية)..و تعود جذوره الى مدينة كسلا..
اسرته تقيم في منطقة القوز في الخرطوم..و هو بالمناسبة معروف لأهل المرحومة عوضية..يعني لو لا قدر الله بقى الكلام الشين..فركة كعب و الناس بتحصلوا زي السلام عليكم..!!!

هناك تفاوض محموم للغاية (زي الحصل في قصة المرحوم بشير الطيب طالب جامعة الخرطوم الذي اغتاله كادر الإتجاه الإسلامي فيصل حسن عمر)..مع اولياء الدم بان تتم التسوية..و نفس الحجة القالوها قبل عشرين سنة لأسرة بشير الطيب (الغريبة بشير و عوضية الإتنين من جنوب كردفان) و التي تفيد انو سك القضية ح يخدم الشيوعيين..نفس الخط هسع معتمدين عليهو (ما عارف الشيوعيين ديل البفيدهم شنو في قصة العدالة تاخد مجراها..لكن الأنجض منك بيندرع ليك في حبل الله)..المهم..

صديقي عمر حبابك يا خي..و عندي صاحبي رايح مني (يقوم يطلع قريبك) اسمو عبد الرحمن ابراهيم خريج اقتصاد 1988..و سامع انو حاجة كده في الخراتيم.. فلو وقع في عينك اقريهو السلام نيابة عني..!
غايتو صابر ده لو طلع عندو علاقة بقريبي عبد الهادي عابدين..يكون دخلنا في حتة ضيقة خلاص..(ما تخاف يا صابر لو طلعت كده يمكن تكون استاذنا وما جايب خبر ياخ..!!!)..

تحياتي لأستاذنا يا عمر ..

كبر

أستاذنا كبر

صباح الخير

اتمنى ان تجد العدالة طريقها للتطبيق ، الموضوع أصبح اكبر من أن يكون تسويات بين الأسر

هذه فرصة لتقويم أداء الأجهزة النظامية

لابد من عقوبات رادعة تجعل رجل الشرطة يفكر ألف مرة قبل إستعمال العيرة النارية


عارف ياكبر

انتظر صباح كل يوم جديد علني أجد مايفيد رفع الحصانة ولا جديد

هل من الممكن أن ينجو قاتل علوية من القصاص ؟؟ وهو شخص معروف كما ذكرت وكان قد أرداها قتيلة من مسافة قريبة كما ذكر شقيقها ؟؟