إعلان نصر أو هزيمة مسؤولية الناطق الرسمي باسم القوات المسلحة .. فقط

نقل مجريات الأخداث من داخل جبهة القتال بصورة علاقات شخصية حتى وإن أريد به خير وحسن نيّة فهو خطأ تكتيكي وعسكري كبير.

فتحديد ساعة الصفر أو نقاط التحرّك أو عدد وعتاد القوات المسلّحة دون تخويل رسمي هو وشاية للقوات المسلحة وتهديد مباشر لخططها في النيل من العدو.

أعرف شغف البعض لسماع أخبار تسرّهم ولكن لكل مقام مقال ولكل مقال رجال.

نسأل الله أن ينصر قواتنا المسلّحة على أعدائهم أين ما ثقفوا من علمنا منهم ومن لم نعلم

موقـــــع وزارة الدفـــــاع

Quote: نقل مجريات الأخداث من داخل جبهة القتال بصورة علاقات شخصية حتى وإن أريد به خير وحسن نيّة فهو خطأ تكتيكي وعسكري كبير. فتحديد ساعة الصفر أو نقاط التحرّك أو عدد وعتاد القوات المسلّحة دون تخويل رسمي هو وشاية للقوات المسلحة وتهديد مباشر لخططها في النيل من العدو. أعرف شغف البعض لسماع أخبار تسرّهم ولكن لكل مقام مقال ولكل مقال رجال. نسأل الله أن ينصر قواتنا المسلّحة على أعدائهم أين ما ثقفوا من علمنا منهم ومن لم نعلم

كمال

السلام عليكم

مالك داير تقطع عيش الناس دي، خلي الناس تشتغل وتجهاد كيبوردياً، طبعاً ديل ناس ترطيبة وكمبيوترات ساكت عشان كده بيشعروا بإنهم عملوا حاجة لمن يكذبوا ويجيبوا معلوماتزي دي، واتفق معاك تماماً إنو المعلومات العسكرية البيجيبوها هنا بتخدم جيش دولة الجنوب.

لكن كمان حقو تتفق معاي إنو الموضوع ابتزاز رخيص، لأنو الناس البتجعجع بإنتصارات القوات المسلحة دي ما فيهم أي زول حيمشي يقاتل هناك، جعجعة كيبوردية ساكت، ناس ود الباوقة وبدر الدين اسحق وعلاء الدين، والله ديل أنا قلتا حيكونوا في مقدمة الصفوف، لكن أهو كلام ساكت وعملية ابتزاز رخيصة.

الحكومة تبيع حلايب للمصريين يسكتوا ساكت، الحكومة تطنش موضوع الفشقة كأنهم صابة فيهم مطرة، وهسه شابكننا (لبسنا) الكاكي، واتضح انهم مختبئين خلف كيبورداتهم وشركاتهم. وكمان بتبرعوا بالمعلومات للجيش الجنوبي.

Quote: لكن كمان حقو تتفق معاي إنو الموضوع ابتزاز رخيص، لأنو الناس البتجعجع بإنتصارات القوات المسلحة دي ما فيهم أي زول حيمشي يقاتل هناك، جعجعة كيبوردية ساكت

الصادق اسماعيل

وعليكم السلام

خلينا نأخذ الموضوع بحسن نية

التسرّع في مثل هذه الأمور ليس من مصلحة الوطن وقد يثبّط الهمم أكثر من دفع الحماس في الناس وادخال السرور في نفوسهم بتحرير جزء عزيز من ارضهم من أيد مغتصب عادٍ

Quote: الحكومة تبيع حلايب للمصريين يسكتوا ساكت، الحكومة تطنش موضوع الفشقة كأنهم صابة فيهم مطرة،

شايفك حايم بفرمالتك بتاعة الفشقة وحلايب دي وفرحان بيها شديد
فعندي سؤال

1- هل حلايب والفشقة أراض سودانية محتلة/متنازع عليها؟ ومتى حدث ذلك؟؟
2- ما هو موقفك من وضعهما الحالي(ممكن تضيف هجليج لكن ما شرط)؟ هل يجب أعادتها لسيادة الوطن أم تركها كفرالة لمعارضة النظام؟؟؟
3- ماذا كان دورك أو دور المعارضة في رد هاتين المنطقتين لأرض الوطن إن كانت الإجابة على (1) بنعم ومتى حدث ذلك
4- هل هجليج أرض سودانية محتلة من دولة الجنوب؟ ما هو العمل الصحيح لإرجاعها إن كانت كذلك؟؟؟
5- هل إعادة هجليج عمل تشكر عليه الحكومة كما ستشكرها إذا إعادت حلايب والفشقة أم سيفقدك ورقة فرمالة جديدة لتضيفها لحلايب والفشقة في المرّة القادمة (نسأل الله السلامة) أم تراه أمر غير مهم وستظل فرمالتك سارية؟؟؟

ولي عودة