هوي يا غارزيتو ولا جن احمر إتا ...

تجيب البرنس ولا على كيفك
دا شنو ياخ دا
علي اليمين الهلال كورتو بقت اخير منها تصريحات الصوارمي
ياخي دي كورة زي الزفت بدون خط وسط وبدون تكتيك او نقل كورة بفهم
بس شوووو من الدفاع للهجوم ما معقول ياخ
وين صانع اللعب
مهند دا ما صانع لعب ولا يحزنون
مرض يمرضكن ياخ

رغم النتيجة الكبيرة لكن كورة الهلال واطة بس لا طعم لها ولا نكهة
للمرة التانية في مباراة نحن غالبين فيها يتم اختيار النجم من المدافعين
في كورة المريخ كان صالح الامين والليلة عبد اللطيف بوي
يا غارزيتو ياخ بدون صانع لعب و بدون خط وسط ماشي وين بي تيمك دا
الكونفيدرالية بالطريقة دي الله يستر منها

سيدااااااااااااا وكفى

:CC

بهاء بكرى ...
خليل ...
عمر بوب ...

الكلام دا ياهندسة قلتو للجماعة الفوق ديل
بعد كورة المريخ ..قلت ليهم الهجوم فى وادى
والدفاع فى وادى ...ولارابط بينهما ...وقلت
انو وسط المريخ بباكاتو الكتار ديل فرض اسلوبو
على وسط الهلال وذلك لغياب هيثم مصطفى ...

البرير عشان ينتصر لنفسو ابعد هيثم وحرض
عليهو المدرب ...ولو قدر وانهزم الهلال
فى المباراة القادمة او اى مباراة مهمة فى غياب
هيثم ياالبرير شوف ليك بلد امشى عليها ...

ود البشرى
زولك دا يعاكس في البرنس عايز الشرط الجزائي
ودا سيناريو واضح
اي عترة في السكة تعادل او هزيمة لا قدر الله
او حتى فوز بأداء باهت (اها بوستيك دا جزء من خطة المدرب )
الجماهير ستطالب برحيله وعودة البرنس
وعندها
هو وولده حيمشو بالشرط الجزائي
والبرير (المدان افريقيا ) مستعد يدفع الشرط الجزائي ولا يأتي رئيس غيره للهلال

يا محمد ...
البرير مش بس ازانا في هيثم
لا كمان عشان يتم الناقصة فرط في النعيم وعجز عن تسجيل فيصل موسى
نفسي افهم منو اسي صانع اللعب في الهلال ؟

Quote: بهاء بكرى ... خليل ... عمر بوب ... الكلام دا ياهندسة قلتو للجماعة الفوق ديل

ودالبشري ده ممكن ناخد وندي معاهو لانو قريب الدكتور كمال عبدالوهاب لكن انت البخلينا نسمع كلامك شنو ..... خليل وانا اولاد امدرمان يعني الكورة دي بنعرفها اكتر منك اذا عندك كلام قولو لبوب ده ...
هيثم ده حدو شهر ستة بديلو بتمرن مع التيم هسة

يابهاء

عرفناك انت جيت امدرمان سنة 78 ولا 68 ماعارف ...
خليل دا مدخلو معاك ليه ...الزول دا ماعندو معاكم
اى مخلط معاكم ......

اها تعال هاك كلام الكورة ...لاعب يتسجل شهر 6 مابنستفيد
منو الا الموسم الجاى ...محتاج موسم كامل عشان يعرف ينسجم
مع اللاعبين خاصة اذا كان صانع لعب ...هيثم لسه فيهو موسم
موسمين حتى ياتى البديل ...بعرف ليك كاريكا بجى طالع من
وين ...وسادومبا بكون واقف وين ...وبشه حركتو فى الملعب
كيف ...وبرجح الكفة فى وسط الملعب لصالح الهلال ..كورة
هلال مريخ دى لو كان لاعب كان تشوف الباكات ديل يطاقشو
فى بعض ...

يازول الكبير كبير ...نحن نقعد ننتظر البرازيلى بتاعك
دا فيها يصيب وفيها يخيب ..كفى انتظارنا لزولك اتوبنغ
اللى اسى ماعرفنا راسو من قعرو ...

Quote: هوي يا غارزيتو ولا جن احمر إتا .

ياشيخنا

زمان الشاعر علي الجارم بعد ما فطر وشبع تمام قال قولته الشهيرة ( اللي مش عارف يقول عدس) ..
البرنس جاييك قريب new version مش reconditioned .. وخلي بالك الحرب العالميه
القايمة دي كلها خوف منه ..

عمر علي حسن

شكرا ود البشري


هذا المدرب (الحنبريت )


مطرود من مازيمبي من هزيمته من الترجي تلاتة صفر


يعني زول كيسو فاضي

قال الجماعة اتمرنو 72 تمرين وهيثم حداشر تمرين فقط

ما شاف ناس بشارة زمان يجي راكب الموتر ويدخل المباراة ويكون نجم المباراة بدون تمرين

الحبيب ابو حتوت

Quote: ياخي دي كورة زي الزفت بدون خط وسط وبدون تكتيك او نقل كورة بفهم بس شوووو من الدفاع للهجوم ما معقول ياخ وين صانع اللعب مهند دا ما صانع لعب ولا يحزنون

صدقت يا أخي الفاضل
كنت مغيوظ جدا - رغم انتصارنا - من الاسلوب الذي أدّى به المدرب تلك المباراة.
ما هو طعم الكورة إذا لم تكن منقولة بباصات متقنة حتى الوصول إلى مرمى الخصم.

----
خلي الوفي
مشتاقون يا أخي .

تحياتي ومودتي

Quote: ودالبشري ده ممكن ناخد وندي معاهو لانو قريب الدكتور كمال عبدالوهاب

عشان كدا....
إذاً كلام ناذر فيهو صحيح ... أنو طابور خامس





___________

ما تجي تحاججنا أنو ناذر قالها في إطار سياسي
الطابور الخامس يظل طابور خامس حيثما توجه

Quote: ...هيثم لسه فيهو موسم موسمين حتى ياتى البديل

غايتو يا ود البشرى لو موافق على كلاموا ده .... سيصبح وسط الهلال كوسط فيفى عبدو كان عندما يهتز تهتز شوارع الهرم والان تحاول ان تهزه فتهتز مقدمة بن خلدون

Quote: زولك دا يعاكس في البرنس عايز الشرط الجزائي ودا سيناريو واضح

معقول يا السندا يا عمك ياخ
دا كلام غريب جدا هو ما تم اربعة خمسة شهور في التدريب
غايتو الله يكضب الشينة

يا بهاء

Quote: هيثم ده حدو شهر ستة بديلو بتمرن مع التيم هسة

ويعني احنا ح نقعد من غير صانع لعب لغاية شهر ستة !!
طيب ما حنشرب زيت وبالطريقة دي الكونفيدرالية زاتها في غضب الله

هلا بالريّس عمر علي حسن ..
طيب نقول عدس, وعدس تاني كمان
ورورنا يا ريّس الحاصل شنو؟ وليه اصلا في حرب قايمة
وقريب دي ح تحصّل لينا كورتين الشلف ؟ و يمكن دور السطاشر مكرر - لا قدّر الله ؟ ولا النيو فيرشن دا ح نساكك بيه ناس هلال كادقلي و الأمل عطبرة وكدا؟

والله ياخلي
المدرب دا ما نقدر نقول عليه كيسو فاضي
للامانة رغم العولاق الفي وسط التيم لكن مظهر خط الدفاع ما بطال وفي نوع من الإنضباط التكتيتي و دا شغل مدربين
دا غير في جمل معينة واضحة بصماتو فيها
عند\ك قون بشة نفسه و الفاول الإتلعب لسادومبا على الطرف و عكسها لمساوي و أوشكت تبصّر
دي جملة واضح فيها شغل الكوتش
لكن دا لا يعني ان نغفر للمدرب ان يلعب بدون صانع لعب و يلغي دور خط الوسط تماما
بمناسبة الكوتش وين طارق الكوتش ياخ

عمّنا جعفر
كورة الهلال البنعرفها عندا طعم ونكهة مميزة, جات فترة مسك التيم دوسانتوس وكان بحقق انتصارات بدون عروض فتضجر الجمهور و كانت النتيجة اعفاؤه
مهم نلعب كورة صاح

عاطف يا هندسة حليل زمن القدرة على الغلاط و المحاججة اسي ان بقيت قلت علي مش طابور خامس الهين دا إن طلّعتني ياوران سلفاكير هيمسيلف ماني مغالطك

يا أمير القصة مش هيثم في رقبتو القصة ليه الهلال بلعب دون صانع لعب
شطبوا النعيم و فرّطوا في فيصل موسى طيب منو صانع اللعب البنظم خط الوسط ويروّق الكورة
حاليّا لا يوجد غير هيثم في الكشف, اها عشان في ناس ما بريدوه او عندهن راي فيه نقعد نلعب كورة معولقة زي دي

Quote: ولا النيو فيرشن دا ح نساكك بيه ناس هلال كادقلي و الأمل عطبرة وكدا؟

النيو فيرشن ده ياعمنا حينور ليك اربعه خمسه سنين تاني .. ويوم ما ينزل تاني ما بتلقاه واقف
وباذن الله هو البيرفع كاس افريقيا وكاس الدوري وكاس السودان ويمكن كاس هجليج لو عملوه ..

الهلال ربنا خلقه كده .. يعكر ويصفي .. وكلما يصفي يبقي احلي

والله الانا شايفه ما بتشاف بالعين المجرده .. بس طولوا بالكم .. دا شغل مكرّب .. ومستدام .. مش
الليله فوق وبكره تحت .. one go زي ماقال المرحوم حموده للبنات السمحات ماشات مع بعض

عمر علي حسن

ونعم الشوف يا ريّس, وحاضرين نطوّل بالنا
مهما ابدينا قلقنا على الهلال لحبّنا له لن نفوقك بالتأكيد
و الله يصبّرنا غايتو لغاية ما يجي الشغل المكرّب المستدام
لحينها علينا بأدوية الحموضة و الحرجل و الحلبة

Quote: لحينها علينا بأدوية الحموضة و الحرجل و الحلبة

هههههههههههههههههههههههههههههههههههههههههههها