87% من المصوتين فى موقع الجزيرة نت يعتقدون ان الجنوب ينفذ مخطط خارجى

Quote: نشر موقع الجزيرة نت على صفحته الرئيسية تصويت عن الحدث الأبرز حالياً فى السودان وهو احتلال هجليج وكان سؤال التصويت هو هل تعتقد ان الإستيلاء على منطقة هجليج مخطط خارجى يحاك ضد السودان؟. وقد شارك فى التصويت 9920 شخص 87% منهم صوت بنعم. التصويت الواسع بنعم يعطى مؤشر عن مدى الوعى السودانى بالحدث فلا يعقل ان يتمكن جيش الحركة الشعبية حديث التكوين بدائى العقيدة الحربية من الوقوف امام الجيش السودانى الأكثر خبرة وتمرس الا ابدعم خارجى كبير. ويدعم ذلك مانشرته رماة الحدق فى احدى تراجمها عن صحيفة هاأرتس الناطقة باسم حزب الليكود الحاكم فى اسرائيل من ان جيش الدفاع الإسرائيلى قد ارسل خبراء عسكريين لتدريب جيش جنوب السودان على الاسلحة الإسرائيلية المتطورة التى حصل عليها الجنوبيون وذلك فى معسكر بربكونا.

ووعي العربان الذى تزايد عليه الانقاذ التي ضل سعيها في الحياة الدنيا بقى موضة قديمة في عصر العلم والمعلومات
طيب الزول الوافد العامل ليه ورم سرطاني باسم منبر السلام العادل ويحقر السودان ومكوناته الحقيقية و يشوه المؤسسية في اداء حزب المؤتمر الوطني.(مبادرة نافع علي نافع)..ويدعي انه عربي وهو ما عربي وقاعد في راس الناس... وينفذ مشروع اجنبي (الاخوان المسلمين) القادم من مصر التي تحتل اجزاء من السودان ما نوع المخطط الجهنمي الذى ينفذه

شوفي يا اختنا المخطط اصلا انتهى بفصل الجنوب والامر ماشي لتنفكيك كل السودان اذا استمرت هذه العصابة الحاكمة في السير في هذا الاتجاه الخاطي ء تماما
اما يتصالحو مع الشعب و ناس قطاع الشمال الليلة قبل بكره ويرجعو الى مسار نيفاشا واديس ابابا...والتحول الديموقراطي الحقيقي في الشمال
او ينهار السودان فجاءة وبعد داك البتفرج ما يشتريش...
وفضائية الجزيرة بوق الاخوان المسلمين...تشوش على العرب وتقدم صورة خاطئة ومبتزلة عن السودان سياسيا وفكريا وحضاريا ايضا والسودان دولة افريقية والعرب فيها الرشايدة بس
وهي تجهل الناس بوسائل مبهرة
وبها ((نعر)) سوداني عينة...

سلاام يا فدوى

Quote: مخطط خارجى يحاك ضد السودان؟

تقصدى استهداف خارجى وهلمجرات من الحكى الما جايب اى ثمن
ولوقلنا نعم (علشان خاطر عيون حلوين ) يوجد استهداف خارجى السؤال المنطقى لماذا الاستهداف الخارجى ؟؟؟ فى شنو يعنى؟
وما هو شكل المخطط الخارجى الذى يطرز الان وما هى الاسس التى انبنى عليها هذا الاستنتاج ؟؟؟
يا فدوى ياخ موضوع الاستهداف والامبريالية ( والامبريانو ) ودول الاستكبار وعيييك !!! المسائل والحيل
دى اضحت ما بتاكل اى بلا اى ثمن ولا يمكن ان تحرك ساكنا ما يهم فى الامر هو ان الجزيرة كقناة فضائية وموقع
هى التى تستهدف الشعب السودانى وضد ارادة الشعب السودانى ،، ودا معروف للقاصى والدانى ،، عندى ليك سؤال
شنو الضمنك ان موقع الجزيرة ما يكون تلاعب فى نتيجة التصويت ؟؟؟ اى قام بتزوير النتيجة لصالح المخطط الخارجى
ممكن اوليس كذلك ؟؟؟

Quote: امام الجيش السودانى الأكثر خبرة وتمرس

وهنا تحديدا اقول لك مجرد احلااام ساكت وقالو حلم الجوعان جاتو
هل تعلمى ان هذا الجيش منذ ان خلق لم يحارب ولا مرة واحدة حرب عدييييل كدا اقصد حرب تحرير
رسمى وشعبى ؟؟؟ كل حروبات الجيش السودانى هى ضد مواطنيه ؟؟ ولكى لا احبطك مليشيات فى شكل
جيش ( فكرة ومفهوم التمكين بدايات عهد الانقاذ فى كامل مناحى الحياة ) غيرت كامل بنيه الدولة ، خدمة مدنيه ،
شرطة ، جيش ، جمارك ، نقابات ، منظمات مجتمع مدنى ، وحتى التجارة والصناعات الاولية .
ودا معروف ومعترف به اذن من باب اولى ان يتحزم اولى العزم اقصد اهل المنفعة دفاعا عن مصالحهم

قاسم المهداوى

عادل أمين

صدقنى الطيب مصطفى كلاموا كلوا مشا وجا


واسمع كلام الببكيك ماتسمع كلام البضحكك فى الوقت الببتفاوض فيه الحكومة مع الجنوب فى اديس .شغالين بى هناك مخطط لتدمير السودان

هولاء لا امان لهم وهجليج لم يتم طرحها فى طاولة التفاوض باديس عشان تعرف النفاق دا كيف ..

الحركة الشعبية تنفذ لمخطط خطير جدا

بعدين قطاع الشمال شنو وبطيخ شنو ..عصابة مجرمة يتصالحوا معاها تانى ؟؟.. ما دا التساهل مع الحركة الشعبية وأذيالها وطبطبة يجعلهم يستغلوا هذه الظروف ويعضوا اليد الاتمدت ليهم .

قاسم / سلام
استهداف خارجى على السودان يجب ان نحمل هذا الكلام محمل الجد وهذا واضح من خلال الدعم اللوجستى للجنوبيين فى الاعتداء على هجليج ... والا ماكانوا قدروا على خوض هذه المعركة .
انت مختلف مع الانقاذ وسياساتها ..دى وجهة نظرك ..

لكن كونوا انوا تغالط فى حاجات واقعية واثبتتها الدلائل بوجود مخططات غربية فى الاعتداء على هجليج ..فدا معروف للقاصى والدانى .

Quote: صدقنى الطيب مصطفى كلاموا كلوا مشا وجا

من هو الطيب مصطفى ؟؟؟ مفكر ،، خبير استراتيجى ،،عالم ( ظ راط ) جمع زرة
و كلامو ا مشى وين وجا من وين ؟؟؟
وهو شنو اصلا الكلام المشى وجاء عائدا يبكى ؟؟؟
صحى (ماقال بجى مالو ما جاء )
ياخ معقولا بس فى ناس كدا ؟؟؟؟




قاسم المهداوى

Quote: بعدين قطاع الشمال شنو وبطيخ شنو ..عصابة مجرمة يتصالحوا معاها تانى ؟؟.. ما دا التساهل مع الحركة الشعبية وأذيالها وطبطبة يجعلهم يستغلوا هذه الظروف ويعضوا اليد الاتمدت ليهم .

والله العض اليد الاتمدت ليهم هم كيزان المؤتمر الوطني ديل بعد فشل مشروعم تماما
نميري لانه سوداني 100% وكوشي ايضا وقع اديس ابابا مع السودانيين الاصليين/الجنوبيين 1972 ونميري مع الجنوبيين مع المستقلين التكنوقراط صنع العصر الذهبي الوحيد بعد الاستقلال لحدت ما جاء المازوم الترابي ونسيبه المهدي(الجبهة الوطنية) في اجهاضها الى يومنا هذا
وعمر البشير في درب خالو ده كان ما لحقو امات طه تشوفي
ياا خ لو انتو سودانيين فعلا انزلو من راس الناس واقعدو مع القبائل السودانية الحاربتوها في القبل الاربعة واتصالحو معها وعيشو في حجمكم الطبيعي ولو ما سودانيين امشو البلد الجيتو منها...ناس السودان ما سرطان السرطان مرض مكتسب بجي من الخارج..والجنوبيين ديل السودان بلدهم لانهم احافد كوش بن حام بن نوح
والمخطط الدولي لتهجير سكان البلاد الاصليين واستبدالهم بملل وافدة من الخارج حصل في مثلث السنة بتاع العراق ايضا تم تهجير الكلدان والاشوريين من العراق بالعمليات الارهابية التي يقوم بها الاخوان المسلمين العراقيين والسلفيين(ادوات الصهيونية العالمية المموهة)..والسبب هو انهم احفاد اشور الذى سبيا اليهود ولكن لماذا يهان الجنوبيين في السودان احفاد ترهاقا الذى حرر اورشليم
شوفي اي زول ما يحترم ((المكونات الحقيقية)) للجتمع السوداني ده ما سوداني
اي زول ما يحترم الحضارة السودانية ده ما سوداني يبدل داخلية الهندسة تراهاقا بابي قتادة...
اي زول قايل السودان ده بقعة جغرافية فا ضية جو العرب ملوها ده ما سوداني..
نحن نعتز باصولنا الحقيقية احفاد كوش بن حام بين نوح وديل هم الجنوبيين والطيب مصطفى وانتباهته لا يمثل الانفسه
و خليه يحدد لينا البوصلة الجابتو السودان..وهي بالتاكيد ليس من الشرق عبر بحر القلزم وان عدم عدنا بالوثائق

ياقاسم
الطيب مصطفى مواطن ذيو وذى مواطنين خلق الله
يعرف مكائد القادة الجنوبيين
كلاموا مشا وجا كيف ؟ لمن اثاروا اتفاق الحريات الاربعة باديس
رفض وقال انوا كيف توقع اتفاق مع الحركة الشعبية فى ظل انها بتمارس اعمال عدائية ضد بلدك
وهولاء لاعهد ولا ذمة لهم ..
فى الوقت الذى يتفاوض فيه الوفدين من الشمال والجنوب .. هم يخططون لا حتلال هجليج وقلع حق حمرة عين كدا ...

ودا القصد من خلق ضجة فى اوساط الشعب السودانى لينتفض لكن هيهات الشعب عارف كيدهم وحقدهم الدفين واصتف فى موقف استنكار لما حدث فى هجليج .

الاخ محمد فرح
شكرا على رفد البوست ..
واكيد الاعتداء على سيادة البلاد يرفضه كل وطنى غيور ...

ياعادل بعد الكلام دا كووولوا هجليج سودانية ما جنوبية
والحركة الشعبية اتقوت باسرائيل وامريكا .ومقدراتها العسكرية بائسة .. وهزيلة جدا
والدور الاجنبى واضح وضوح الشمس
مكونات الجنوبيين القلتها دى لمن يحترموا نفسهم بعد داك الناس بتحترمهم

هو المصوتين علي السألين السؤال ما و صلهم خبر انو الجنوب ذاتو بقي خارجي ؟ يتحالف مع الداير يتحالف معاهو
يجيب اسلحة من إسرائيل و لا من آيران هو حر ومستقل يوقع اتفاقات دفع مشترك مع مصر ولا مع امريكا علي
كيفو حسب مصالحو ، ما تضللوا الناس ، كل ما تفشلو في حاجة تفتشو ليكم شماعة ..
المؤسم الزراعي يفشل بسبب سوء التخطيط
تقولوا إبتلاء ،هجليج تسقط تقولوا إسرائيل و امريكا..انتو مسعوليين من الخير زمان
امريكا دي قاعدة في بيتها قلتوا دنا عذابها
اها الولولة فوق كم، امشوا عذبوها في هحليح ، يعني جاتكم قريب ما دايرة ليها سفينة ولا طيارة

يابقة
مصالح لى نفسه لكن ما عشان يعتدى على السودان ويشيل حق بالرجالة كدا
وماعشان يحارب بالوكالة عن الحركات المتمردة ضد الحكومة
ومخططات لاستهداف الوطن بهذه الوسيلة الانتقامية
هجليج فى عائدة فى حضن الوطن .. والايام القادمات ستتوالى الاخبار السعيدة عنها
كويس انوا هجليج دى بينت مواقف ومعادن الناس ..