فيديو المضبوطات في منزل د. رياك مشار بالخرطوم

!!!

متين آخر مرة كان فيها مشار في الخرطوم؟

مندوب عنبر الانتباهة قال "منزل (المتمرد) رياك مشار" فزول يصحيهو بلاي

هولاء الكيزان السفلة يمارسون دوما .الخبث ..والفكرة من المسرحية دى كلووووووها مقائضة هولاء الطلبة بالاسرى


كدى بالمنطق ..التخطيط لضرب هجليج من بيت رياك فى الخرطوم


غباء غباء لا يشبه الا بنى كوز


اطلقوا صراح هولاء الطلبة وكفاية فضحية طلاب الشرطة

واختشوا ..

ارحمزنا ودعوا مساحة تعايش للاجيال القادمة

أخى أشرف

تحياتى

إستمعت وشاهدت ما أتت به النيل الأزرق وأصابتنى بنوبة من الضحك

حتى إنفنقلت على ضهرى مما سمعت فمن نسج السيناريو شخص ليس له خيال

أو منطق خطة إحتلال هجليج تُكتب باللغة العربية وتُوضع فى منزل مأهول

وفى قلب الخرطوم و لقيادى جنوبى معروف يراها الغاشى والماشى وكذلك

تلك الأسلحة المعروضة فكيف يستقيم هذا الأمر فلو دُفنت تلك الأسلحة والوثائق

فى منطقة نائية وفى منزل غير مأهول كان بإمكان هذا السيناريو أن يقتحم قرعوبة

البعض ولكن بتلك الطريقة السمجة التى تفتقر لأبسط قواعد الموضوعية والمعقولية ستدخل

من سيستمع لذلك السيناريو فى نوبة من الضحك الهستيرى الذى ربما يقود الى التفنقل

على الظهور لذا أحذر من يريد الإستماع الى ذلك السيناريو أن يتخذ له موضعا قريبا من

الأرض لتفادى ما لا يُحمد عُقباه.

اختشو شوية يا ناس المؤتمر الوطني!

اختشو, ما تملونا فقُر

مسرحية سيئة الاخراج للغاية

بعد ما جوعوا الشعب قالوا عاوزيين يقوموا ليهو ( قنابير )

قمة الإستخفاف بعقول الناس
مزيع القناة واضح عليهو الكذب ، أما بتاع الإنتباهه فأتقن دوره تمام
( إعترف الحارس بمكان الأسلحة التي عُثر عليها ) هههههههههههه غايتو يا الكيزان عارفاكم عورا بس عوارة زي دا عمري ما سمعت بيها ولا شفتها ... والله صحي

يا جماعة ناس الحكومة ديل خبرة أكتر من عشرين سنة في الكذب و ما قادرين يحبكوا ليهم كذبة تخش الراس؟ ممكن يجيبوا مليون مبرر مقنع لتفتيش بيت مشار و يكفي إنه نائب رئيس دولة محاربة. لكن التخطيط للهجوم على هجليج يكون تم في البيت دا كتيرة شوية.. يعني يكون خططوه الحرس ولا شنو؟

إحتلال هجليج كشفه سلفاكير عندما أعلن عند الهجوم الفاشل فى الشهر الماضى

أعلن وعلى شاشة التلفزيون وأمام قياداته إحتلال هجليج بعد أن أتته معلومه خاطئه ومتسرعه

وكان هذا خطأ كبير وقع فيه وكشف فيه نيته وهدفه الإستراتيجى من الهجوم ..

لكن سياسى المؤتمر الوطنى ووزير الدفاع والجيش المفرغ من أهل الخبره والدرايه

تفرغوا للإحتفال والسُخريه .. ولم يمعنوا النظر فى تصريحات سلفاكير

فتفاجأوا هم وحدهم بإحتلال هجليج ؟؟ والمحزن والمثير للسُخريه حقيقةً أن يصرح

وزير الدفاع بأنهم تفاجأوا بإحتلال هجليج ..

هل ما حدث يحتاج لأى أدله بالتخطيط لإحتلال هجليج

وماذا تنفعكم هذه الوثائق الآن ( إذا كانت صحيحه أو غير صحيحه )

وهل ينكر ريك مشار أنه خطط لذلك وهو الآن متواجد داخلها

خلاس قدموا ريك مشار ( المتمرد ) لمحاكمه وما حيقدر ينكر .. ( ما الوثائق قاعده )

انهم يفوقون سوء الظن العريض
اتمنى ان تتعلم قيادات كل الحركات الدارفوريه من هذا الدرس
هؤلاء قوما لا يأتمنون ويخطيء كل من يتوقع منهم مراعاة عهد او اتفاق.

الحاجة الكويسة فى الموضوع انو فى تطور فى الاجهزة الامنية
والظاهر ناس الامن جو ودقو الباب ولا الجرس ما عارف
قام الزول دة فتح ليهم الباب
قال ليهم:
-السلام عليكم
- وعليكم السلام
- انتو منو؟
- نحنا ناس الامن
- اها ان شا الله خير
- لا بس عندنا امر تفتيش للمنزل
- طيب ممكن اشوفو
- جدا اتفضل
- ايواا صاح خلاص اتفضلوا فتشوا
- شكرا ياخ واسفين للازعاج

الانتبهاهة و عرفناه مؤسسة بتاع جهاز امن.......لكن ده شنو الخرمجة البسوي فوقو قناة النيل الازرق ده

الورجغة الانقاذية صارت ورجغة عينة
وكضوبات تجي وكضوبا ت تفوووووووت

والكلام ده يقولو لشعب ماعاش 20 سنة ونيف في ظل هذه الورجغ

الكيزان إفتروا يا كيكي!!
ياخ احنا نستحق كضة أحسن من دي!

سلامات يا شباب
معاوية الصائم
جمال خضر
معروف سند
الصادق ضرار
مها (أم قنبور) :)
العوض
أسامة الكرور
تراجي مصطفى
أمجد الزين
ناصر الإحيمر

المحير إنو مشار دا المفروض يكون ساب الخرطوم ومشى أهلو قبل إعلان الانفصال، يعني ما ساكن في البيت دا
طيب، هل معنى كدا الناس دي خططت لاجتياح هجليج قبل الانفصال!؟
لكن المؤلم في الموضوع إنو الكيزان بقو يستخسروا فينا تكريب الكضبة!!
فسالة في الكضب!!
نسأل الله السلامة!

السيناريو التالي :
القاء القبض على عصابات مسلحة داخل العاصمة كانت تخطط لإثارة الفوضى و الاضطرابات
اعلان حالة الطوارئ و حظر التجول
حملة اعتقالات شرسة ضد المعارضين و رميهم بتهم الخيانة و التآمر

و دة كلو تحسباً للازمة الاقتصادية و الضائقة المعيشية التي بدأت تتمدد في عرض البلاد و طولها


الموضوع جدي و ليس للمزاح...

Quote: السيناريو التالي : القاء القبض على عصابات مسلحة داخل العاصمة كانت تخطط لإثارة الفوضى و الاضطرابات اعلان حالة الطوارئ و حظر التجول حملة اعتقالات شرسة ضد المعارضين و رميهم بتهم الخيانة و التآمر و دة كلو تحسباً للازمة الاقتصادية و الضائقة المعيشية التي بدأت تتمدد في عرض البلاد و طولها

السيناريو دا هو الأقرب يا عبيدة

Quote: السيناريو التالي : القاء القبض على عصابات مسلحة داخل العاصمة كانت تخطط لإثارة الفوضى و الاضطرابات اعلان حالة الطوارئ و حظر التجول حملة اعتقالات شرسة ضد المعارضين و رميهم بتهم الخيانة و التآمر و دة كلو تحسباً للازمة الاقتصادية و الضائقة المعيشية التي بدأت تتمدد في عرض البلاد و طولها الموضوع جدي و ليس للمزاح...

الطريف ان الشاب مضروب في عينه .......ويقولو ليك بدون اي ضغوط اجاب علي كل الاسئلة ......ويبدو ان هذا هو السينارو المحتمل ......ولكن هل هذا يحلهم ؟ هل هذا سيشكل مخرج ؟ السلطات المصرية تعمل بحالة الطواري اثناء الانتفاضة المصرية .....ولن ينجو هؤلاء اللصوص من غضبة الشعب السوداني ، خربو كل الحياة السياسية والاقتصادية والاجتماعية ......

لا انا المزعلنى مع كل المستندات دى فى قزازة فيها حاجه بيضاء كدى يكون عرقى ياربى؟؟
لانها مستند خطير جداً ، والله الشمار حارقنى حرقة داير زول يورينى فى القزازة دى فى
شنو؟ بالله مافى زول يقول لى دى محاية المحاية بتكون غبشا كدهـ..
اخخخخخخخخخخخ من الحكم بالدجل الكجور،،،،

يا إبراهيم الكيزان مدهشين

الفي القزازة يا موج دا خاص بالخطة "ب"
بعدين ظهور صحفي من الانتباهة يعني إنو الكيزان بدوا يستعملوا الأسلحة الاعلامية التقيلة نوعاً
لقدام دا بيتكشف

للاسف لا أصدق هذه المسرحية
مسرحية بايخه و مقرفه

النمر النمر لحدي ما يكتلكم يا كيزان مافي زول بصدقكم
مصداقية بح و بس

الجد حزينة جدا للترويع بالامنين في بيوتهم...

كل الاسلحة الموجودة عند الجنوبين دخلوا بيها بعلم الحكومة لما كانو سمن على عسل
اسع بقت نفس الاسلحة دي دليل اتهام...

بكرة حتدور الدوائر عليكم يا كيزان ستمارس عليكم سننكم الى سننتوها في التعامل مع الاطراف من ابناء واهل واقارب..
ولن ينجو حتى رضيعكم من الاضطهاد الي سيجد التبرير له ايوا هم ما عملو لاهلنا كدا..


ابعدو من الاطراف* اضربوا ريسينكم بريسين بعض بكرة ريك مشار ا حيبقى بطل قومي كعادتكم لما تصالحو.

الاولاد ديل ظاهر عليهم الخوف الشديد واحد فيهم مضروب في عينه ومقعدنهم في ا لارض
بكرة حتلفوا اطرافكم البتحبوهم ذي عيونكم في الوضع المهين دا بمثل ما تدين تدان
_____________
الاهل والاقارب الابناء والزوجات

Quote: داير زول يورينى فى القزازة دى فى شنو؟

أفو يا صديق الموج, كمان (الكيماوى) بيغباك؟؟

المستغرب ليهو إنو كيف ناس بكل هذا الغباء نجحوا فى حكم السودان كل هذه المدة,
ولا يا ربى يكون الغباء ما فيهم هم, بل فينا إحنا, والله جايز, لأنى شايف إسطوانة
الجهاد دورت من جديد, ومن جديد فى ناس كتيرة صدقت الدعاوى, وعليه, فسوف
تعود الحور العين الى ساحات معاركنا, وستأتى القرود مفجرة الألغام, ومعها السحاب
الذى سيظلل المجاهدين, وستنفتح السماء علينا مرة أخرى, من بعد أن كانت قد أغلقت
و و و و و .

رياك مشار مو ياهو الزول الجابوه في القصر الجمهوري وعملوا معاه صلح
تاني الخلاهو العدو الكبير شننو وهل كان هو السبب الانفصال طيب وكت عارفين انو
الانفصاليين ديل حيبقوا اعداء لما لم يتم تحجيم الاعداء وهم بين ظهرانيكم
اخراج سيء من قناة لا خبرة لها في الفببركات

شر البلية ما يضحك

دي فبركة ما يعملا لام ميم في محاولتو الأولي ل اللولوة

جاني احساس انو شكل المؤامرة الكيزانية سيئة الاخراج دي حاصل من بدري وشغل كدا ممسرح مسرحة صاح وليهم فترة
شغالين فيهو..... يعني بيت الدكتور رياك مشار دا من ما رحل منو يا دوووووووووب يعني الكيزان انتبهو لانو ممكن يكون
فيهو سلاح وفيهو باسبورتات وشنو شنو.... والحاجة التانية ناس رياك ديل لما مرقو من خرطوم الجن دي ما مرقو مكشوشين
مرقو برااااااااهم يعني ما ممكن يكونو بالغباء البخليهم يخلو اسلحة جنس دي وراهم واذا كان هم فعلا دخلوها فاكيد كانو حا يعرفو
يمرقوها وللا مش كدا !!! ..... يا كيزان ياخ زي ما قال معروف ما تملونا فقر ولما تلعبوها العبوها صاح وخليكم عندكم فيشجن
ياخ..... مرض يمرضكم.

Quote: للاسف لا أصدق هذه المسرحية

للأسف الأأسف من بتاعك دا يا صادق قسط كبير من أهلنا المساكين بصدق الهجص دا
ودا كله بسبب غياب الدور الإعلامي للمعارضة

ــــــــــــــــــــــــــــــ
قناة فضائية يا معارضة يا بت ال####!

Quote: كل الاسلحة الموجودة عند الجنوبين دخلوا بيها بعلم الحكومة لما كانو سمن على عسل اسع بقت نفس الاسلحة دي دليل اتهام... بكرة حتدور الدوائر عليكم يا كيزان ستمارس عليكم سننكم الى سننتوها في التعامل مع الاطراف من ابناء واهل واقارب.. ولن ينجو حتى رضيعكم من الاضطهاد الي سيجد التبرير له ايوا هم ما عملو لاهلنا كدا.. ابعدو من الاطراف* اضربوا ريسينكم بريسين بعض بكرة ريك مشار ا حيبقى بطل قومي كعادتكم لما تصالحو.

"المكتولة ما بتسمع الصيحة" يا دكتورة
ناسنا ديل لا يروا أبعد من أرنبة أنفهم
بس إن شاء الله بعدين لما يبقى ليهم بمبي يركزوا،
على الأقل عشان نحترمهم حتى كشجعان فقط

Quote: أفو يا صديق الموج, كمان (الكيماوى) بيغباك؟؟

بل هي الكرستالة تبع عرمان، حسب السناريوهات الانتباهية
فما زال في الدين متسع للاستغلال يا عبد الله

نائب الرئيس : لعنة الله علي سلفاكير
بص بصة وخد فكرة يا زمراوي عن أحوال القانون في السودان
أسي صاحبك دي يفرنب يطلعوا ليهو بالمادة (78) اجراءات

يا حبيب نورة والخير
الكيزان خربوا أي شي حتى الكضب!
دي حقارة راسا عديل!!
والله احنا نستحق كضبة أحسن من دي ياخ!!

Quote: خلي عندكم فيشجن

فيشجن بتاع فنيلتك :)
إنتو قايلين نفسكم أمريكان!
إذا روسين المعارضة (التقليدية) حشروا أولياء العهد في القصر!
يبقى الباقين ديل خسارة فيهم الكضب المجيه ذاتو