الهلال والمريخ على صفيح ساخن

مستوى اللاعب السوداني اولا بدنيا منتهي

ذهنية اللاعب السوداني ما حترتقي لسبب واحد
انو ذهنية الادارة مازالت تتعامل باللايك والديسلايك
وبعدين رحم الله جيل الادارات التي تعرف ماذا تريد من اللاعب والنادي
المريخ جيل ابو العايلة والقبطان حاج حسن عقمان
الهلال رحل اخر العمالقة الطيب عبدالله وعبد المجيد منصور
اما اخونا الوالي واخونا البرير ديل شفع ساي بتاعين شو
الوالي لولا قروش المؤتمر الوطني عمرو ما كان حيعرف انو في حي اسمو العرضة القارضة الناس قرضة
المهم ما علينا
نتكلم عن النواحي الفنية لدى لاعب اليوم

اولا لاعب اليوم لياقتو البدنية منتهية ودرجة التحمل بتاعتهم ضعيفة خاصة بعد مايصلو دور التمانية حيث يكون الضغط النفسي عالي ونحن لعيبتنا ما دربوهم على تحمل الضغط
تانيا
يفتقر لاعب اليوم لكيفية امتصاص الكرة يعني بالبلدي ما بعرفو يثبتو الكورة
زمان نحن بقولوا لينا رجلك دي لازم تكون مغنطيس لمن تصلها الكورة تلصق فيها
هسة الواحد يدوهو الباص الكورة تضرب فيه وتمشي منو متر
خليك من التعامل مع الكور العالية
ونواصل

*

ناتي للانتشار في الملعب وتنفيذالواجبات
دي تلقاها عند الغافل
كل لاعب تلقاه سرحان في وادي