Post: #1 Title: البتاع يا م. عكاشة: و في البتأع ارومو ياخي..! Author: Kabar Date: 04-14-2012, 11:16 AM
الفارغة يتمها الله يا قريبي...
كبر
Post: #2 Title: Re: البتاع يا م. عكاشة: و في البتأع ارومو ياخي..! Author: Kabar Date: 04-14-2012, 11:32 AM Parent: #1
هذه احتفالية خاصة جدا باخونا محمد عكاشة..و هذا البورد عودنا عدم الإنتباه للمفارقة الذكية.. و احتمال بعض من اهل المنبر تذكر و احتمال لأ,,, بالنسبة لي محمد عكاشة هذا مشغول بفكرة عحيبة و هي صائبة.. فهو الزول السوداني الوحيد الذي كتب و يكتب كثيرا عن شعوب الجوار مثل اثيوبيا..و الحبش.. و عشان نشاركو الشعور.. نقدم ليهو الباقة دي..و تعتقد جزما انو ح تفرحوا بطريقة ما.. في زول يوما كتب عن المغنية الأثيوبية منالوش ايبو..و جاب لحظاتها الأخيرة و هي على فراش الموت..واقول له: عجزت عن المداخلة وقتها.. لأني استغرب كيف ان يموت امثال منال ايبوش (كما استغرب كيف يموت امثال حميد)..المهم..! يا عكاشة.. عشان ما تحس انك براك يا اخي.. بنقول ليك نفس الشعور..و في الشعور ارمو ياخي...!
و يا عكاشة.. علمنا الزمن انو دايما لازم نقفيف مع المغلوب... عشان كده يا قريبي أنا بقيف مع اهلي الأرومو...!!!!! كبر
.
Post: #3 Title: Re: البتاع يا م. عكاشة: و في البتأع ارومو ياخي..! Author: مطر قادم Date: 04-14-2012, 11:47 AM Parent: #2
ياســــــــــــــــــــــــــــــــــلام التحيةلصاحب البوست وموصولهالمحمدعكاشةفهوحضرللتو من ضواحي اثيوبيا التي تعشقها وتعشقته فكثرت اسفاره اليها واصبح متيم بهاوبمشي وبجيها راجع
Post: #4 Title: Re: البتاع يا م. عكاشة: و في البتأع ارومو ياخي..! Author: محمد عكاشة Date: 04-23-2012, 02:40 PM Parent: #3
كبر ياصديق دى لفته بريعه وبديعه غبت عن المنبر لاسباب خاصه وكذا الرحيل الفجوع والاحزان..اللمين عبدالغفار ..زيدان..اناهيدكمال ..وردي وحميد ثم ننشغل هذه الايام بالترتيب لليالي تأبين وردي ولاهلك فى الهضبه مشاركه كبيره.. هؤلاء قوم أحبهم وأحبوه,, أخبرني مطر بالبوست ومن حكم ربنا جل جلالو ..عند كتابته كنت عائدا من هنالك ياااخي ده خيط مهم ..نتواصل عبره.. الحبشه ياصديقى وشعوبها جميعا محل تقديرى واهتمامي ... الحبشه هنا عندى شعبي اثيوبيا وارترا... هؤلاء قوم أهل حضارة باذخه.. يازول قلت احيييك اولا وبجيك صاد بالحيييييل محبتى ومودتى
Post: #5 Title: Re: البتاع يا م. عكاشة: و في البتأع ارومو ياخي..! Author: ismeil abbas Date: 04-23-2012, 03:07 PM Parent: #4
ألأثيوبيين شعب بسيط بحس بألفة خاصة معم وهم أقرب إلينا بكثير من غيرهم.
Quote: عن المنبر لاسباب خاصه
كبر لك التحية ولمحمد عكاشة....ويا محمد خاصة شديد وللا بسيط؟؟ البشير دفع الله قبل كم يوم سألنى عنك.
تقديرى وإحترامى.
Post: #6 Title: Re: البتاع يا م. عكاشة: و في البتأع ارومو ياخي..! Author: محمد عكاشة Date: 04-23-2012, 03:17 PM Parent: #5
حبابك عمنا ابوالسباع وتحياتي للبشير دفع الله والاهل بى هناك كنت فى زحمه شديده جد ربنا يحفظكم
لأكثر من اسبوعين تزينت مدينة اسمرا فى هضبتها الشاهقة ووجهها البسام وهى ترفل فى حلة زاهية تحتفل بعيد الحرية والاستقلال فى مشهد مبهر وخلاب...الطرقات تزدحم بالناس والورود وصوت الناي... شارع (الحرية) وللاسم دلالته ورمزيته .. الشارع على امتداده فى حال من الطرب والفرح الاصيل يرقصون ويسمرون حتى مطلع الفجر فى طلاقة عجيبه واحساس مدنف لشعب ناضل ليكون ذاته ومعناه... الشعب الاريترى فى غمرة احتفاله بيوم استقلاله يحفظ لأهل السودان معروفا جميلا أن امتدت الاواصر بينهما فى كل الظروف ,,,, عاش اهل اريتريا بيننا دون تمييز فى تعايش وانسجام وصلات ممتده ليس فى الحدود فى كسلا والقضارف فحسب ولكن فى معظم اقاليم السودان كشعب واحد... الفن السودانى كان حاضرا فى أرجاء مدينة اسمرا ضمن احتفالاتها فحيثما تجولت فى الطرقات مساء تسمع اغنية عبر مكبرات الصوت للموسيقار محمدوردى الذى يحظى بشعبية كبيرة وكذا معظم الفنانين السودانيين فى اعجاب لانظير له الامر الذى يعكس عمق الصلات بحسب التقاطعات الاثنية والثقافية خصوصا مع أهل شرق السودان وقد يتبدى ذلك من خلال فنونهم الشعبية وعروضهم ولهجاتهم المشتركة ... الاحتفال الرسمى بعيد الاستقلال كان عملا ملحميا فى استاد اسمرا حيث قدمت مجاميع من اكثر من ثلاثة الف فى اعمار مختلفه عروضا مسرحية وغنائية جسدت معنى نضالات امة وتطلعاتها نحو المستقبل والمجد.... العروض كانت عملا ساحرا أدهشت الضيوف من السفراء والوفود المشاركة فى لوحات باهرة... شركة سودانير فى مشاركة كبيرة للشعب الاريترى حملت على متن طائرتها الايربص وفدا له وزنه وتخيرت ليوم الاحتفال بالاستقلال اعلانا لانطلاقة رحلاتها الى اسمرا وافتتحت محطتها هنالك دعما للعلاقات بين البلدين وتوثيقا للصلات بين الشعبين فى خطوة متقدمه واستاذنا محمدطه القدال فى جحفل من الحضور المهفهف فى فندق (أسمرا بالاص ) ضمن برنامج سودانيرالذى أعدته يهدى الى روح الشهيدين عمار وحكيم محمود الشيخ قصيدته البديعه (أسمرا نايى سيباح ) وقد أهاج أشجان الاخوة الارتريين فى مشهد مؤثر وبليغ... شكرا جميلا اسرة سودانير وعبركم الى شعب اريتريا وحفاوته البالغه...