Post: #1 Title: هلال مريخ قمة الحنبريت Author: khaleel Date: 04-14-2012, 06:51 AM
بغياب هيثم مصطفي وغياب صانعي اللعب في المريخ
كان المباراة بلا اناقة
Post: #2 Title: Re: هلال مريخ قمة الحنبريت Author: khaleel Date: 04-14-2012, 06:52 AM Parent: #1
اجمل مافي المباراة
باص سادومبا لبشة
في (الزمكان ) المناسبين
Post: #3 Title: Re: هلال مريخ قمة الحنبريت Author: khaleel Date: 04-14-2012, 06:56 AM Parent: #2
الحكم تعبان
اكلنا في ضربتي جزاء
ولم يكمل زمن المباراة في الشوطين
Post: #5 Title: Re: هلال مريخ قمة الحنبريت Author: khaleel Date: 04-14-2012, 06:58 AM Parent: #3
تهديفة كليتشي بالراس حلوة
وتهديفة سعيد السعودي بالراس احلا
والاجمل (كلكلة سادومبا
لي باسكال واو
Post: #4 Title: Re: هلال مريخ قمة الحنبريت Author: Ashraf el-Halabi Date: 04-14-2012, 06:58 AM Parent: #1
شفت الفايتر جت عملت تيك أوف كيف؟
Post: #6 Title: Re: هلال مريخ قمة الحنبريت Author: khaleel Date: 04-14-2012, 07:01 AM Parent: #4
Quote: شفت الفايتر جت عملت تيك أوف كيف؟
بشة يا اشرف
ذكرني ابوبكر كاكي
قطع المسافة من خط 18 لي خط 18
في تلاتين ثانية
Post: #7 Title: Re: هلال مريخ قمة الحنبريت Author: khaleel Date: 04-14-2012, 07:04 AM Parent: #6
استحوذ المريخ علي الكرة كثيرا
ولكن بدون فعالية
ويسمي الخبراء هذا استحواذ سالب
وتمترس الهلال دفاعا كثيرا
Post: #9 Title: Re: هلال مريخ قمة الحنبريت Author: khaleel Date: 04-14-2012, 07:06 AM Parent: #7
بهذا المستوي للقمة
لن يصمد الهلال كثيرا في دوري الثمانية
امام ابوتريكة وبركات والمساكني
Post: #8 Title: Re: هلال مريخ قمة الحنبريت Author: Ashraf el-Halabi Date: 04-14-2012, 07:05 AM Parent: #6
أب شبحة صعب يا هندسة
Post: #10 Title: Re: هلال مريخ قمة الحنبريت Author: khaleel Date: 04-14-2012, 07:08 AM Parent: #8
Quote: أب شبحة صعب يا هندسة
كدة دا القون التالت لبشة
في شباك المريخ يا اشرف
والحسابة بتحسب
Post: #12 Title: Re: هلال مريخ قمة الحنبريت Author: khaleel Date: 04-14-2012, 07:12 AM Parent: #10
لسان حال دفاع المريخ
امام مازيمبي يقول
اريد حلا
Post: #13 Title: Re: هلال مريخ قمة الحنبريت Author: Ashraf el-Halabi Date: 04-14-2012, 07:13 AM Parent: #10
حقو تشرح (الحنبريت) دي شنو لأنو معانا حناكيش ههههه
Post: #11 Title: Re: هلال مريخ قمة الحنبريت Author: إدريس محمد إبراهيم Date: 04-14-2012, 07:11 AM Parent: #8
خلي الحبيب وبقية الهلالاب الحلوين ...
ألف مبروك وأسعد الله صباحكم ....
هذه مداخلتي في بوست د. ياسر المجاور ... لعله من المناسب أن أنقلها هنا حيث أرى فيما كثيراً مما طرحته هنا ....
Quote: د. ياسر وبقية العقد الهلالي الفريد ....
أجمل تحايا الانتصارات المبهره دائماً لهلالنا الجميل المنتصر أبدأً بمشيئة الله ثم بعزيمة هؤلاء الأشاوس من أبطاله ....
بشه لاعب جميل .. ودائماً أتوقع من خلاله المفاجآت المفرحة ... التحية الخاصة لهذا الثعلب القتّال ...
بصراحة الحكم كانت شخصيته مهزوزة للغاية وفلتت المباراة من يده .. ألم تر كيف يحتج عليه الللاعبون كل مره ...
* حقيقة لابد أن أعترف بها إحقاقاً للحق رأيت المبارة بعد إنقضاء العشرين دقيقة الأولى أي بعد إنقضاء صلاة العشاء في الرياض .. حقيقة طوال هذه الفترة كان المريخ هو الأفضل أداءً وانحصر لعب الهلال في التكتل الدفاعي وتشتيت الكره ... وكان وسط الهلال ضائعاً طوال تلك الفترة ... هذه كلمة حق يجب أن تقال .. وعلى الأهلة الحريصين على تقدم الفريق في المواجهات القوية القادمة أن يتدارسوا هذا جيداً ويبحثوا عن مكامن الخلل في الفريق حتى يمكن تلافيها مبكراً .... وأرى ضرورة عودة الكابتن هيثم مصطفى الحتمية في الفترة المقبلة وإزالة كافة المعوقات أمام ذلك ....
ألف مبروك مرة أخرى .... وهاردلك للأخوة المريخاب .. قدمتم مستوى وأحرزنا نتيجة .. وهي الأهم في مباريات الدوري ... البتغلب بو ... العب بو ...
مع خالص تحياتي وحبي وللجميع ؛؛؛؛
مع خالص تحياتي وودي وتقديري ؛؛؛
Post: #14 Title: Re: هلال مريخ قمة الحنبريت Author: khaleel Date: 04-14-2012, 07:23 AM Parent: #11
Quote: حقو تشرح (الحنبريت) دي شنو لأنو معانا حناكيش ههههه
يا ابو الشوش
حنبريت يعني مباراة تعبان جنينة ملوة
هههههههههههههههههههههه
Post: #15 Title: Re: هلال مريخ قمة الحنبريت Author: khaleel Date: 04-14-2012, 07:27 AM Parent: #14
ادريس محمد ابراهيم
صباح الخيرات
كلامك صحيح مائة بالمائة
فريقي القمة في انتظار مواجهات افريقية شرسة في مقبل الايام
وعليهما اعادة النظر وتصحيح الاخطاء قبل تلك المواجهات
شكرا صديقي
Post: #16 Title: Re: هلال مريخ قمة الحنبريت Author: khaleel Date: 04-14-2012, 07:27 AM Parent: #14
ادريس محمد ابراهيم
صباح الخيرات
كلامك صحيح مائة بالمائة
فريقي القمة في انتظار مواجهات افريقية شرسة في مقبل الايام
وعليهما اعادة النظر وتصحيح الاخطاء قبل تلك المواجهات
شكرا صديقي
Post: #17 Title: Re: هلال مريخ قمة الحنبريت Author: khaleel Date: 04-14-2012, 08:55 AM Parent: #16
مدافعنا صالح كان كويس
ولكن هل ساعده لاعبي المريخ
بلعب الكرات الطويلة
نشوفك في كاس الابطال
لمنحك الشهادة
موسي الزومة كان ما بطال
Post: #18 Title: Re: هلال مريخ قمة الحنبريت Author: khaleel Date: 04-14-2012, 10:34 AM Parent: #17
كدة الفرق اربعة نقاط
والدوري نظريا اتحسم لصالح الهلال
Post: #19 Title: Re: هلال مريخ قمة الحنبريت Author: فتحي الصديق Date: 04-14-2012, 11:15 AM Parent: #18
بعدين ما تنسى المعز يا خليل . اتبايخ بياخة ما عادية .. وأكل كم وطاشر دقيقة كدة من زمن المباراة والهلال متقدم بهدف بشة العجيب . ياخي دا طلع كلتشي من طورو .. ------------------------------- لاعب شفت بالجد .
Post: #20 Title: Re: هلال مريخ قمة الحنبريت Author: على محمد على بشير Date: 04-14-2012, 11:15 AM Parent: #18
خلى ازيك .. ومبروك الفوز
Quote: استحوذ المريخ علي الكرة كثيرا
ولكن بدون فعالية
بالغت يا خلى والظاهر الفوز بيعمى العيون ياخ حتى هدف الهلال الانتا بتتغزل فيهو دا جاء من تهديفه للمريخ ارتدت من القائم الهلالى وقبلها الناس قامت وكوركت قوون ولكنها ارتدت من القائم برضو
وتقولى مافى فعاليه اول مره اقراك وانتا متعصب ..
Post: #21 Title: Re: هلال مريخ قمة الحنبريت Author: khaleel Date: 04-14-2012, 11:24 AM Parent: #20
Quote: بعدين ما تنسى المعز يا خليل . اتبايخ بياخة ما عادية .. وأكل كم وطاشر دقيقة كدة من زمن المباراة والهلال متقدم بهدف بشة العجيب . ياخي دا طلع كلتشي من طورو .. -------------------------------
يا فتحي
المعز جلط مرتين او تلاتة وكان ممكن يهدي المريخ
قونين اوانطة
Post: #22 Title: Re: هلال مريخ قمة الحنبريت Author: khaleel Date: 04-14-2012, 11:37 AM Parent: #21
Quote: بالغت يا خلى والظاهر الفوز بيعمى العيون ياخ حتى هدف الهلال الانتا بتتغزل فيهو دا جاء من تهديفه للمريخ ارتدت من القائم الهلالى وقبلها الناس قامت وكوركت قوون ولكنها ارتدت من القائم برضو
هاردلك ابو علوة
ياخي دي هجمة عكسية نموذجية
مفروض تدرس في اكاديميات كرة القدم
خليكم جاهزين لي مازيمبي الذي لا يرحم
Post: #23 Title: Re: هلال مريخ قمة الحنبريت Author: على محمد على بشير Date: 04-14-2012, 11:46 AM Parent: #22
المريخ فى القمه
كان مظهره انيق جدا يا خلى باصات قصيره وانسجام بين اللاعبين اطراف فاعله وضغط هجومى متواصل وسيطره على الملعب
خطأ دفاعى واحد فى تغطية بشه كلف المريخ نتيجة المباراه واخطا دفاع الهلال عدة مرات ولكن التوفيق لم يحالف المهاجمين بجانب ان درهم حظ الهلال كان اعلى كعبا من قنطار شطارة المريخ وياها المستديره
والى حد ما جماهير المريخ راضيه عن شكل اداء فريقها امام الهلال والمجننى رضاكم انتم عن شكل الهلال مؤخرا وخاصه امام المريخ
غايتو ح تصحوا قريب حبث لا ينفع الندم !!
Post: #24 Title: Re: هلال مريخ قمة الحنبريت Author: عبدالوهاب علي الحاج Date: 04-14-2012, 12:13 PM Parent: #23
يا خلي مشتاقين يا هندسة ومبروك النقاط وما تخاف على الهلال .. الهلال بخير الحصل للمريخ في المباراة اسمو دردقة
______________ يا علي بشير مشتاقين يا عمك
Post: #25 Title: Re: هلال مريخ قمة الحنبريت Author: khaleel Date: 04-15-2012, 05:52 AM Parent: #24
Quote: يا خلي مشتاقين يا هندسة ومبروك النقاط وما تخاف على الهلال .. الهلال بخير الحصل للمريخ في المباراة اسمو دردقة
وهبة يا معلم
مشتاقين حتي الثمالة
لحدي دور الاربعة في دوري الابطال انا معاك
بعد داك مافي معلوم
Post: #26 Title: Re: هلال مريخ قمة الحنبريت Author: Al Sunda Date: 04-15-2012, 06:04 AM Parent: #25
مبروك يا هندسة
Quote: لحدي دور الاربعة في دوري الابطال انا معاك
أشك في ذلك وبهذا الذي رأيناه ليلة الخميس
Post: #28 Title: Re: هلال مريخ قمة الحنبريت Author: معاوية محمد الحسن Date: 04-15-2012, 06:17 AM Parent: #25
Quote: الحكم تعبان اكلنا في ضربتي جزاء
خليل حبيبنا اولا مبروك عليكم الثلاثة نقاط لكن هو بالله ياخلي الهلال وصل منطقة جزاء المريخ باستثناء كورة الهدف عشان يكون عندو ضربتي جزاء مامحسوبات كمان الحكم كلمة تعبان كثيرة عليه ياخليل لانه كان ميت وليس تعبان علاء الدين شائل الكورة بيده داخل منطقة الجزاء وما حسبها المعز وبكري المدينة براهم واقعين 10 دقائق فى الملعب بخلاف الحالات الأخري وبعد ده حسب دقيقتين فقط لكل شوط طالما كان التحكيم بمثل هذا المستوي فلن تتطور الكورة
Post: #29 Title: Re: هلال مريخ قمة الحنبريت Author: khaleel Date: 04-15-2012, 06:23 AM Parent: #28
معاوية صباحو
المباراة كان يجب ان تسند للحكم الفاضل ابو شنب
حكم مميز وصاحب شخصية قوية
اها مازيمبي كيف
Post: #27 Title: Re: هلال مريخ قمة الحنبريت Author: khaleel Date: 04-15-2012, 06:04 AM Parent: #23
يا علي
المريخ بعد الوسط كان يلعب كرة طويلة
عفا عليها الدهر ولم اشاهدها في افلام ابيض واسود
بتاعة الكرة الانجليزية
انيق شنو ياخ
انيق انت
هههههههههههههههه
Post: #30 Title: Re: هلال مريخ قمة الحنبريت Author: امير عوض الجمري Date: 04-15-2012, 07:27 AM Parent: #27
مبروووك يا خلي
يا هندسة المباراة عموما لم تخرج عن المألوف لمباريات القمة .. خوف وتوتر من اللاعبين فالخطأ هنا لا يغتفر ونتيجته قد تحكم عليك بالنفي من دولة القمة الى الابد .. عشان كدا في حرص زيادة عن اللزوم ودا بيفسد المباراة طبعا .... هدف بشة جميل جدا واثبت فعلا انه لاعب ذو عقلية كبيرة وبتمتع بذهنية عالية ... وانت قلت اجمل ما في المباراة تمريرة سادومبا وانا بعتبر اللعب التمريرة هو بشة نفسه يعني انطلاقته في الوقت الوجيييز دا وفي المكان الفاضي دا .. لو كانت الكورة عندي انا كنت حا العب الباص دا ... رأسية ساكواها الاولى الضربت في القائم الايمن (حارس مرمى الهلال التاني) جميلة جدا وتمريرته لكليتشي والتعامل معاها بيسراهو فوق العارضة كانت تمريرة حلوة برضو .... وبيضة كليتشي لعمر بخيت (لذييييذة) ....
المهم يا هندسة الفريقين داخلين زي ما قلت انت على مرحلة قوية في المنافسات الافريقية ولاااابد من الانتبااااااااااااااااااااااااااااااااااه ....
ومبروك تاني .
Post: #31 Title: Re: هلال مريخ قمة الحنبريت Author: معاوية محمد الحسن Date: 04-15-2012, 08:27 AM Parent: #30
Quote: اها مازيمبي كيف .
خلي مازيمبي حتى لو ابعدنا ماحيفوز علينا خمسة فى ملعبنا وبذلك ستظل فضيحتكم هى الأعلي بجانب فضيحةالهروب من وفاق سطيف
مش ياخليل بقولوا احذر من بونية الخواف اها ده مالم يفعله لاعبو المريخ يوم الخميس
Post: #32 Title: Re: هلال مريخ قمة الحنبريت Author: Fadl Karrar Date: 04-15-2012, 10:39 AM Parent: #31
والأجمل يا خليل المشهد كله معز إستلم الكورة كاريكا بيأشر لي معز : ألعب الكورة لي مهند مهند مرر الكورة لي كاريكا كاريكا لي سادومبا وبشه الله يخليهو كان في خط ستة بتاع الهلال متابع كل التمريرات دي الما أخدت 4 ، 5 ثواني وهو يشبح في إتجاه مرمي المريخ ياخ دي قمة التكتيك والمتعة
Quote: والأجمل يا خليل المشهد كله معز إستلم الكورة كاريكا بيأشر لي معز : ألعب الكورة لي مهند مهند مرر الكورة لي كاريكا كاريكا لي سادومبا وبشه الله يخليهو كان في خط ستة بتاع الهلال متابع كل التمريرات دي الما أخدت 4 ، 5 ثواني وهو يشبح في إتجاه مرمي المريخ ياخ دي قمة التكتيك والمتعة
