هل انشق افراد كتيبة حماية هجليج؟؟ .. ولا احد يريد التصريح بذلك

رأي شخصي جدا

هل انشق كل او بعض افراد كتيبة حماية هجليج التي تم تأمينها على تأمينها خاصة
بعد الهجوم الاخير

لم اجد تفسيرا منطقيا لسرعة سقوط هجليج بل وتقدم القوات المهاجمة شمالا!!




انشق دي جبناها من سوريا وكده

كلامك ده كما كتاب كلو بيتو

تحياتي

الصادق ضرار
تحياتي

والله ما فهمت اي حاجة من كلامك

لو كان في انشقاق يا ابو حميد أعتقد إنه الجنود أو الضباط الانشقوا كان حايعلنو انشقاقهم عبر الإعلام .
حتى الان لم نسمع بضابط أو جندي إنشق من جيش المؤتمر الوطني. ....... مثل هذه الامور كانت ستعلن في اجهزة الاعلام.

الاخ احمد محمد بشير
تحياتي

المؤتمر الوطني آخر من يعلن مثل هذا الامر لما له من اثر نفسي ومعنوي كبير يهز صزرة
البعاتي الكبير عند السودانيين، ياخي خليك من دا، جو ناس خليل قالو ديل تشاديين
والآن ينكرون ان لقوات الجبهة الثورية لها دخل بما يحدث هناك، هل سمعت انهم اعترفوا
في اي بيان او جابو سيرة الجبهة الثورية؟؟ ابدا، كل الاتهامات منصبة في ضد الحركة الشعبية الجنوبية

اضف الى ذلك، برضو الجانب التاني لا يريد ان يعلن انه استملها بكل سهولة بسبب تمرد داخلي، لاسباب
كتيرة من اهمها الجانب الامني. طبعا الكلام الى حين

وبكره كله بتعرف

اولا هي ما كتيبة ، هي قوات مكونة من تلاتة الوية و مدعمة بستة عشرة دبابة غير حاملات الجنود المدرعة
و السيارات اللاندكروزر المحملة بالمدفعية و الآسلحة الثقيلة و انكسرت كسرة واضحة للكل المقيمين في المنطقة ولحدي الخرطوم
مرورا بالابيض و ما جاورها ، لانو المعارك صارت في عمق الشمال و الخسائر ما بتتضاري تاني زي زمان لمن كانت المعارك
في الجنوب ، الفضائح ظاهرة ما بغطيها كذب اعلامهم البيزيف الحقائق
والقوات او التلاتة الوية المدعمة هي اللي حاولت تتقدم عشان تحقق انتصارات بعدها السيد عبدالرحيم محمد حسين
المنسحب من التوقيع علي اتفاق اديس حتي بدون ما يودع الوسطاء،يعني زاغ منهم ، عشان يجي يعمل ليهو عملية
عسكرية كبيرة يقدر يضغط بيها حكومة الجنوب و يمشي اديس ابابا و يوقع اتفاق المنتصر..
و اليوم الجيش النظامي كلو عندو راي في طريقة عبدالرحيم محمد حسين في المعركة..
و الله يستر من الجاي علي كل المنطقة من رعونة عبدالرحيم و الرئيس و خال الرئيس

شكرا يا بقة

كلامك مهم شديد

اها يا ابو حميد شيتا مرق

Quote: بقة

الزول ده اسمه عبد الباقي مختار اخو هجو مختار كمرد كبيييييييييييييييييييير
في الحركه الشعبيه وبيكتب لك من جوبا ذاتها فما ترىمي كلامه ده في الواطه!

Quote: اولا هي ما كتيبة ، هي قوات مكونة من تلاتة الوية و مدعمة بستة عشرة دبابة غير حاملات الجنود المدرعة و السيارات اللاندكروزر المحملة بالمدفعية و الآسلحة الثقيلة و انكسرت كسرة واضحة للكل المقيمين في المنطقة ولحدي الخرطوم مرورا بالابيض و ما جاورها ، لانو المعارك صارت في عمق الشمال و الخسائر ما بتتضاري تاني زي زمان لمن كانت المعارك في الجنوب ، الفضائح ظاهرة ما بغطيها كذب اعلامهم البيزيف الحقائق والقوات او التلاتة الوية المدعمة هي اللي حاولت تتقدم عشان تحقق انتصارات بعدها السيد عبدالرحيم محمد حسين المنسحب من التوقيع علي اتفاق اديس حتي بدون ما يودع الوسطاء،يعني زاغ منهم ، عشان يجي يعمل ليهو عملية عسكرية كبيرة يقدر يضغط بيها حكومة الجنوب و يمشي اديس ابابا و يوقع اتفاق المنتصر.. و اليوم الجيش النظامي كلو عندو راي في طريقة عبدالرحيم محمد حسين في المعركة.. و الله يستر من الجاي علي كل المنطقة من رعونة عبدالرحيم و الرئيس و خال الرئيس

يا بقه شغل نضيف!


ويا ابوميد وحاتك دي نفضت غبار بس اظنها من اسحلة الجنوب الجديده
يكونوا يمكن فكروا يجربوها معنا.



المهم البعرفه انا انها قوات القائد على كاربينو و فصائل من الوحده و العدل و المساواة!

الاخت تراجي
العصر ماشي شمالا
الكيزان دايرين يحولوا الصراع
لصراع عنصري
نحن من الشمال وشماليين
لكن نحن مع الهامش
لانو الهامش ده في الجنوب ودارفور والشرق والشماليه
والجزيره والخرطوم وعندنا جيش من الشعب السوداني
خاشي علي الخرطوم والكيزان ديل مسحوقين
قريبا سقوط الخرطوم

الأخ أحمد

لا تستغرب من سرعة السقوط

سترى منه الكثير قريبا

أديك من الآخر..

لا تندهش حتى إذا رأيت النظام كله يتهاوى .. مثل قصور الورق


هذا النظام فقد كل مقومات البقاء

وحتى منسأته ..قد تآكلت



الباقر موسى

Quote: ماحصل في هجليج .. قوة العدو تقدر ب10 الف مقاتل + 5 الف مقاتل قوة أحتياطية مرتكزة جنوب هجليج / بدأ الهجوم .. المخزلون والطابور إنسحبوا تاركين المجاهدين .. وأول المنسحبين كان قائد المدفعية وإرتكذ في منطقة خرصانة .. وفي إستهتار واضح .. جاب كرسي وقعد وولع ليهو سجارة .. بعد هذا .. الجيش بكامله أنسحب خارج هجليج شمالا الي منطقه كيلب الخرصانة وفام ونيم .. قام العدو يبسط سيطرته تماما علي حقول البترول وانشأ دفاعات شمال هجليج خارج المنطقه .. أفاد مراسلنا أن أحتلال هجليج جاء كوسيله ضغط للتنازل عن مناطق مثل أبيي وحفرة النحاس وكاكا التجارية ومناطق أخري وبأحتلال هجليج تكون الحكومة فقدت أكبر مورد أقتصادي .. الشهداء بالمئات والجرحي بالالاف ومنهم مصابين حالتهم خطرة جدا وصلوا الان علي خرصان ..( حسب إفادة مراسلنا هناك ). من الخرطوم : الاخبار غير مؤكدة أن القيادة أصدرت تعليمات بعدم الهجوم وذلك لان مناطق آبار البترول والمنشأات حساسه جدا ويمكن أن تحرق !! الخبر الجيد إنو البلد لسه فيها رجال .. قام نفر كريم من أبناءكم بالقوات النظامية بتسلم زمام الإمور وبادروا بالهجوم والمعارك مستمرة حتي كتابة هذا الخبر .. الساعة 1:30 صباحاً .. جميع المواطنين والمهندسين بالموقع تم إجلائهم وهم بخير وخارج المنطقة .. الخبر الذي إنتشر عن موضوع إلتفاف .. خبر مفبرك ولا أساس له من الصحة مجرد كلام للإستهلاك القوة المهاجمة فيها أحتياطي يقدر ب5 الف جندي جنوب هجليج . يعني أخبار الالتفاف كان خبر خطأ وتم نشره في أكثر من صفحه .. وعند الجيش الخبر اليقين .. الناس تجدد العزم وما ننسي الحصل في غزوة احد .. الله اكبر والعزة لله ورسوله وللمؤمنين الله اكبر ولانامت اعين الجبناء

الجيـــــش الإلكترونـــي للــدفــاع عــن الســودان

شكرا لجميع من مروا من هنا

واصل جاب خبر، انو فعلا في تخاذل تم (او هكذا سماه من كتبه) من بعض افراد الجيش
بضباطهم واسلحتهم. وهو ما لم يؤكده الطرف الآخر

هب ان هذا ما حصل، وهو مغذى هذا البوست

هل سنتوقع مثل هذه الانشقاقات في كل وحدات الجيش السوداني؟؟

شمالا وشرقا وغربا

وبالاخص اذا علمنا ان 80% من قوة افراد الجيش النظامي هم اساسا من الهامش

وبيني وبينكم، ليهم حق ينشقوا اذا كان من يطلقون عليهم الرصاص هم من اهلهم
ومن يحمونهم يأكلون الكوميشن اكلا لما