Post: #1
Title: خطة عمل مشروع الدولة الوطنية السودانية
Author: aydaroos
Date: 04-09-2012, 11:26 AM
أسم المشروع : مشروع بناء الدولة الوطنية في السودان.
الغاية : بناء دولة وطنية حديثة لا تفرق بين الاديان الاعراق و الثقافات،
تركز علي التنمية المربوطة بمصالح مجتمعاتها و أفرادها،
و تنشر الديمقراطية في كل كياناتها و مؤسساتها،ديمقراطية ذات
محتوي إجتماعي ينحاز للمهمشين في البادية و الريف و المدن.
الأهداف: ؟؟؟
معوقات ومحفزات المشروع : ؟؟
أصحاب المصلحة : من يساند هذا المشروع و من يعاديه؟
خطوات تحقيق المشروع : متروك للقراء
المدة الزمنية للمشروع : ؟؟
إدارة المشروع : مشروع يدار بطريقة تعاونية من قبل المنظمات و الأحزاب
الناشطات و الناشطين ،الثوريات و الثوريين ، الافراد المبادرين،
الكل مشارك حتي المعادين للمشروع بتأخيره، و الساكتين
و الساكتات (بس يورونا هم ساكتين ليه؟:) )
و الكل مدعو للمساهمة في كتابة خطة عمل هذا المشروع
_________________________
تم التعديل لتبديل كلمة الهدف في-2- بالغاية، و إضافة الأهداف في -3-
|
Post: #2
Title: Re: خطة عمل مشروع الدولة الوطنية السودانية
Author: Elawad Eltayeb
Date: 04-09-2012, 01:00 PM
Parent: #1
حل حزب المؤتمر الوطني وحزب المؤتمر الشعبي
وحل كافة المنظمات التابعة لهما
ومصادرة ممتلكاتها لمصلحة الخزينة العامة للدولة
إحالة كافة العسكريين الذين شاركوا في انقلاب 30 يونيو 1989م
أو الذين شاركوا في السلطة السياسية فيما بعد للمحاكمة
تعديل الدستور بحيث تسقط الجنسية السودانية تلقائياً عن كل عسكري (جيش، شرطة، أجهزة أمنية) يشارك في إنقلاب عسكري على السلطة الديمقراطية.
يمنع أي عسكري (جيش، شرطة، أجهزة أمنية) من ممارسة اي نشاط سياسي أو الإنتماء لأي تنظيم سياسي، أو ممارسة أي وظيفة سياسية وهو على راس العمل، ويستمر المنع لمدة 10 سنوات بعد تنحيه من الخدمة.
نقل مقر القيادة العامة من موقعها الحالي لموقع استراتيجي آخر بعيد عن المدنيين.
يعزل كل من شارك في قيادة النظام من المدنيين من كل الوظائف والسلطات العامة.
|
Post: #4
Title: Re: خطة عمل مشروع الدولة الوطنية السودانية
Author: تبارك شيخ الدين جبريل
Date: 04-09-2012, 02:29 PM
Parent: #3
أها جيت ...
هتافية العوض بتاعة قلع قروش الناس ونظرية "البدون" دي انساها ...
تنظيمات اليسار: عندنا في حزب الخضر، حق، الليبرالي، حشد، الحركة الشعبية قطاع الشمال ... تكوّن جبهة يسار عريضة (بعد يشفوا من "فراكشنات" الحزب الشيوعي) وتبدأ بمشروع إعادة بناء الطبقة البرجوازية بطريقة تصب في المصلحة المحلية ... لأنو الطبقة البرجوازية هي البتدير مفاصل المجتمع كلّو ... ومصالح الطبقات التانية بترتهن بمصالح الطبقة البرجوازية ... دايرين رأسمالية وطنية ... دايرين ليبرالية .... دايرين تعددية وتساوي ... دايرين نهضة ونقلة نوعية في الزراعة والرعي ... دايرين بحث علمي ... دايرين بنية تحتية لى إنتاج صناعي ... دايرين ... ودايرين ...
المعترضات الوحيدة الشايفاها عيني بى وضوح:
1- الحزب الشيوعي السوداني (جملة وتفصيلا)
2- قانون النظام العام (أو "الشريعة" تحت أي مسمّى آخر)
لأنو الاتنين ديل هم الدعوة للتخلّف والنكوص والرجعية!
... المهم ....
|
Post: #5
Title: Re: خطة عمل مشروع الدولة الوطنية السودانية
Author: عثمان عبدالقادر
Date: 04-09-2012, 02:58 PM
Parent: #4
Quote: المعترضات الوحيدة الشايفاها عيني بى وضوح:
1- الحزب الشيوعي السوداني (جملة وتفصيلا)
2- قانون النظام العام (أو "الشريعة" تحت أي مسمّى آخر) |
والله يا تبارك أخوي لا أرى إلا معترضا وحيدا جوهريا يشمل ديل والباقين المعاهم ( صرامة الناموس في انفاذ قوانينه وعدم السماح بالفطفطة( حكم الوقت) ).
وما لك إلا أن تقول ( اسلمت لرب العالمين ) وعيك من عدم القدرة على المناطحة .
Quote: خطوات تحقيق المشروع : متروك للقراء
المدة الزمنية للمشروع : ؟؟ |
وطبعا أخي عيدروس أول إشكالات المشروع هي آليّات التنفيذ التي ستواجه أيضا بالمعترض أعلاه ويتحداك في المدة الزمنية التي لا تقل عن جيلين آخرين.
طيب التحايا لكم جميعا
ابو حمـــــــــــــــد
|
Post: #6
Title: Re: خطة عمل مشروع الدولة الوطنية السودانية
Author: قيقراوي
Date: 04-09-2012, 04:04 PM
Parent: #5
متابعين
|
Post: #7
Title: Re: خطة عمل مشروع الدولة الوطنية السودانية
Author: تبارك شيخ الدين جبريل
Date: 04-09-2012, 08:31 PM
Parent: #6
| Quote: وما لك إلا أن تقول ( اسلمت لرب العالمين ) وعيك من عدم القدرة على المناطحة . |
بل "الوعي" بعقبة الناموس في حد ذاته هو بداية "المناطحة" ... وأثبت التاريخ أن النواميس التي سبقت الدوغمائية الماركسية والفقه على المذاهب الأربعة هدّها ذات الوعي بدورها السالب في عجلة التاريخ ... وعدم سماحها لفطفطة الزمن وتطوّرها ... بسبب التنميط المتكلّس للتاريخ والزمن في نواميس المطاميس ...
فلا تيأس ... فالمثل "منو البيقدر بيقول البغلة في الابريق" ... هو ذاته ... المثل الذي يقول بجرأة ووضوح ... أن "البغلة في الابريق" ...
... المهم ....
|
Post: #10
Title: Re: خطة عمل مشروع الدولة الوطنية السودانية
Author: aydaroos
Date: 04-10-2012, 07:28 AM
Parent: #5
أخوي ابو حمد سلام و شوق
بتفق مع رد تبارك عليك بس معترض علي الإضافة علي كلمة الدغومائية
فالاصل إن الدغومائية مشكلة ملتصقة بكل ذو تفكير غير نقدي و ليست حصرا" علي
أتباع الماركسية و فيهم من ذوي التفكير المبدع كثيرون.
|
Post: #9
Title: Re: خطة عمل مشروع الدولة الوطنية السودانية
Author: aydaroos
Date: 04-10-2012, 07:15 AM
Parent: #4
Quote: تنظيمات اليسار: عندنا في حزب الخضر، حق، الليبرالي، حشد، الحركة الشعبية قطاع الشمال ... تكوّن جبهة يسار عريضة (بعد يشفوا من "فراكشنات" الحزب الشيوعي) وتبدأ بمشروع إعادة بناء الطبقة البرجوازية بطريقة تصب في المصلحة المحلية ... لأنو الطبقة البرجوازية هي البتدير مفاصل المجتمع كلّو ... ومصالح الطبقات التانية بترتهن بمصالح الطبقة البرجوازية ... دايرين رأسمالية وطنية ... دايرين ليبرالية .... دايرين تعددية وتساوي ... دايرين نهضة ونقلة نوعية في الزراعة والرعي ... دايرين بحث علمي ... دايرين بنية تحتية لى إنتاج صناعي ... دايرين ... ودايرين ...
المعترضات الوحيدة الشايفاها عيني بى وضوح:
1- الحزب الشيوعي السوداني (جملة وتفصيلا) |
لو حاولت أرتب كلامك يا تبارك عندك في الغاية:
* بناء نظام رأسمالي تقوده الطبقة البرجوازية و عندك ليه محددات إنو يكون وطني، ليبرالي
يراعي الحقوق و الحريات، ديمقراطي
.
و عندك في الاهداف:
1- تنمية زراعية و رعوية.
2- حرية البحث العلمي و دعمه و إستثماره في الإقتصاد و المجتمع.
3- دعم البنية التحتية للإنتاج الصناعي.
و عندك في أصحاب المصلحة :
الأحزاب اليسارية - مصلحة إيجابية تساعد في إنجاز المشروع-
الحزب الشيوعي - مصلحة سلبية تعوق المشروع-
سؤالي ليك هنا: طيب الباقين الما داخلين في الأحزاب اليسارية ولا الشيوعيين
نختهم وين؟
شكرا" علي المشاركة :)
|
Post: #8
Title: Re: خطة عمل مشروع الدولة الوطنية السودانية
Author: aydaroos
Date: 04-10-2012, 06:53 AM
Parent: #2
أخوي العوض الطيب سلامات
Quote: حل حزب المؤتمر الوطني وحزب المؤتمر الشعبي
وحل كافة المنظمات التابعة لهما
ومصادرة ممتلكاتها لمصلحة الخزينة العامة للدولة
إحالة كافة العسكريين الذين شاركوا في انقلاب 30 يونيو 1989م
أو الذين شاركوا في السلطة السياسية فيما بعد للمحاكمة
تعديل الدستور بحيث تسقط الجنسية السودانية تلقائياً عن كل عسكري (جيش، شرطة، أجهزة أمنية) يشارك في إنقلاب عسكري على السلطة الديمقراطية.
يمنع أي عسكري (جيش، شرطة، أجهزة أمنية) من ممارسة اي نشاط سياسي أو الإنتماء لأي تنظيم سياسي، أو ممارسة أي وظيفة سياسية وهو على راس العمل، ويستمر المنع لمدة 10 سنوات بعد تنحيه من الخدمة.
نقل مقر القيادة العامة من موقعها الحالي لموقع استراتيجي آخر بعيد عن المدنيين.
يعزل كل من شارك في قيادة النظام من المدنيين من كل الوظائف والسلطات العامة. |
إذا ممكن ألخص :
1- إزاحة النظام الدكتاتوري
2- سيادة الديمقراطية وحكم القانون
و دي حا تكون داخلة في خطة عمل المشروع :
3- خطوات تحقيق المشروع : متروك للقراء
بس برضو دايرين تفصيل للخطوات دي :)
شكرا" ليك
|
Post: #11
Title: Re: خطة عمل مشروع الدولة الوطنية السودانية
Author: aydaroos
Date: 04-10-2012, 07:31 AM
Parent: #8
في بوست عيبو لي القبيلة ! أنا قلت :
Quote: المسكــــــــــوت عنه
هناك مشكلة في هيكلية الدولة السودانية، يعني زي تبني عمارة علي راس بيت طين
كدا بي تكون محتاج طوالي دعامات عشان العمارة تقيف، و الدعامة في سودانا الفضل دا
دايما" بي تكون القمع للمجموع و الرشاوي للتابعين.
اها المشكلة في الهيكلية دي إنو إقتصادنا مركب، بني إقتصاد حديث وبني إقتصاد قديم
تشكيلات قبلية و عشائرية و ما بعدها و في المقابل تشكيلات مدينية حديثة.
و أنتج التشويه دا وعي مركب لا يري ابعد من أنفه ، تتراكب فيه كل الرؤي
القبلية و العشاثرية و ما بعدها و الوعي الحديث بنسب متفاوته.
الصراع من قبل البنيات الحديثة في الدولة عشان علاقات الإنتاج تتحول للعلاقات الراسمالية
، و البني الإجتماعية و العلاقات تتحول للشكل البرجوازي (البرجوازي معجميا" = ساكن المدينة)
معطل أو مترتر زي ما قال الصديق قيقا فوق و المسبب الاساسي لي دا الوعي المخرمج الناتج من
الإستعمار و فاعل لحدت هسه.
في نفس الوكت الكيانات القبلية و العشائرية و ما بعدها متكاتفة مع الوعي القديم(المقموع
لكن الفاعل في اللاوعي) في البني الحديثة، بي يسعي لتهديم الدولة السودانية للعودة
الي صفاء المشهد القديم بقبائله و عشائره و أسره و ملوكه (ايام كان جوز الحمام
4، و البطيخ و اللبن و المويه ما ببيعوهم، و أيام اليوم كان ممهول زي إسبوع هسه...الخ).
إستغل قطاع من البرجوازية،ممكن نسميها البرجوازية الشرهة، بمعرفتهم المستقاة من
كل البني بحكم الإرتباط بسوق الله أكبر، إستغلوا اشواق القبائليين و العشائريين و ما بعدهم
بإزاحة الدولة من المشهد، فأزاحوها متحالفين معهم لكن فقط من السوق لكي لا
تحول بينهم و بين مص قوت و دم العباد و تركوا باقي اجهزة الدولة (خصوصا" الأمن
،الشرطة، الجيش) فاعلة لتقمع من يقول بغم. و من الجهة الأخري خدعت البرجوازية
الشرهة باقي البرجوازية بأن أفهمتهم أنها ستقوم عنهم بالتحديث (الرد بالسد
و الزلط الزلط)، ثم إتضح جليا" للجميع من يمين و يسار ، إن التحديث الذي
زعمته البرجوازية الشرهة هو تحديث العربات ،البيوت،حسابات البنوك ، والنتيجة
الحتمية لما يحث الآن من نهب للدولة و المجتمع و قمع للهامش سيكون إنهيار
الدولة السودانية.
إذن هناك صراعين :
1- صراع خارجي من اجل إصلاح هيكلية الدولة بإستيعاب البني القديمة سلميا".
2- صراع داخل الدولة لإزاحة البرجوازية الشرهة حتي تتحول الدولة لدولة
الديمقراطية و التنمية و ينساب التغيير بسلاسة من البني الحديثة للبني القديمة.
|
|
Post: #12
Title: Re: خطة عمل مشروع الدولة الوطنية السودانية
Author: aydaroos
Date: 04-10-2012, 08:14 AM
Parent: #11
بتفق معاك يا تبارك في إنو مشروع الدولة الوطنية هو مشروع تقوم به البرجوازية (في
المعجم سكان المدن و عندي أنا هي الطبقة التي تملك وسائل الإنتاج و تستحوذ علي فائض
القيمة)، لكن الأهم في ما أطرحه إنو حلفهم الأساسي هو مع العمال(و ليسو هم من يعملون بأيديهم
كما في وعينا الجاهز ، و لكنهم كل من يتعاطي أجره مقابل عمله عضليا" كان أم ذهنيا" و يساهمون
في إنتاج فائض القيمة و يمثلون مع البرجوازية أكبر طبقات النظام الراسمالي)، و هذا الحلف قائم لإستبعاد الشريحةالشرهة من البرجوازية القائمة علي نهب العباد و البلاد بدون تقديم مقابل لهذا
النهب. و لنشر العلاقات الراسمالية في الكيانات القديمة( ومعاها الديمقراطية(السياسية و
الإجتماعية و اللبرالية).
و بختلف معاك يا تبارك في إنو الحزب الشيوعي معيق للمشروع، بالعكس بري إنو ساهم
و حا يساهم في التغيير، بس بختلف معاهم في شوفهم الما صريح، يعني بطرحو برنامج
الثورة الوطنية الديمقراطية و بي يلتزمو بالديمقراطية ، لكن:
1- لم يقل الحزب صراحة أنه في معرض إتمام التغيير البرجوازي للنظام الرأسمالي
مع أن هذا حقيقة ما يقوم به.
2- تعريف العامل لم يتغير علي الاقل في ذهنيات أعضاء الحزب و في ما يدرس لهم
و في أدبيات الحزب و دا إستبعد قطاع عريض من الطبقة العاملة و خلق عقدة ذنب
عند من ينعتهم الحزب بالبرجوازية الصغيرة و هم في حقيقتهم عمال.
3- القوي التي ستنجز البرنامج لم توصف فيهاكيانات الهامش و لم يضمن ايي دور لها في التغيير
و هي من نظم و علاقات و وعي قديم و في رايي دا واحد من أهم أسباب عدم تطور أنجازات
البرنامج .
يعني أنا راي إنو البرجوازية نساعدها كعمال لإتمام تغييرها و في نفس الوقت
للجم و حشيتها الظاهرة للعيان في الواقع الراهن.
|
Post: #13
Title: Re: خطة عمل مشروع الدولة الوطنية السودانية
Author: تبارك شيخ الدين جبريل
Date: 04-10-2012, 09:04 AM
Parent: #12
Quote: و بختلف معاك يا تبارك في إنو الحزب الشيوعي معيق للمشروع، بالعكس بري إنو ساهم
و حا يساهم في التغيير، بس بختلف معاهم في شوفهم الما صريح، يعني بطرحو برنامج
الثورة الوطنية الديمقراطية و بي يلتزمو بالديمقراطية ، لكن:
1- لم يقل الحزب صراحة أنه في معرض إتمام التغيير البرجوازي للنظام الرأسمالي
مع أن هذا حقيقة ما يقوم به.
2- تعريف العامل لم يتغير علي الاقل في ذهنيات أعضاء الحزب و في ما يدرس لهم
و في أدبيات الحزب و دا إستبعد قطاع عريض من الطبقة العاملة و خلق عقدة ذنب
عند من ينعتهم الحزب بالبرجوازية الصغيرة و هم في حقيقتهم عمال.
3- القوي التي ستنجز البرنامج لم توصف فيهاكيانات الهامش و لم يضمن ايي دور لها في التغيير
و هي من نظم و علاقات و وعي قديم و في رايي دا واحد من أهم أسباب عدم تطور أنجازات
البرنامج .
يعني أنا راي إنو البرجوازية نساعدها كعمال لإتمام تغييرها و في نفس الوقت
للجم و حشيتها الظاهرة للعيان في الواقع الراهن. |
والله كان دا اختلافك معاي .... انا زاتي بختلف معاي .. 
(اخير "معيق" بتاعتي ... انت طلّعتو "عوقة" كلو كلو!)
... المهم ....
|
Post: #14
Title: Re: خطة عمل مشروع الدولة الوطنية السودانية
Author: قيقراوي
Date: 04-10-2012, 11:39 AM
Parent: #13
Quote:
و ليست حصرا" علي
أتباع الماركسية و فيهم من ذوي التفكير المبدع كثيرون. |
ماركس لم يزر السودان أبداً!
الصحوة الماركسية . حيدر ابراهيم علي
-----
[أتباع الماركسية] دي حلوة
اذن انت و طبارك غير مختلفين بتاتاً البتة .. الاتباع بغير ‘حسان الياهو (الدوغمائية) .. كأدغم ما يكون!
|
Post: #15
Title: Re: خطة عمل مشروع الدولة الوطنية السودانية
Author: aydaroos
Date: 04-10-2012, 12:06 PM
Parent: #14
| Quote: اذن انت و طبارك غير مختلفين بتاتاً البتة .. الاتباع بغير ‘حسان الياهو (الدوغمائية) .. كأدغم ما يكون! |
هاهاها ... كلامك صاح يا قيقاسجم ... أقعد باريني كده لمن تلحقني البعر
المقصود مستخدمي المنهج الماركسي و أنا ذاتي منهم ... إعتذار لمن أهانته الكلمة
و إنت عودك وينو في البوست ... حكم و لا شنو ؟ :)
|
Post: #16
Title: Re: خطة عمل مشروع الدولة الوطنية السودانية
Author: قيقراوي
Date: 04-10-2012, 12:25 PM
Parent: #15
Quote:
و إنت عودك وينو في البوست ... حكم و لا شنو ؟ :)
|
لا الحكم طبارك الذي ليس بيده شيء .. ادوهو دي على الاقل
قليل من العادلة لا تفسد العالم ياخي!
-----
موضوعكم دا داير تفكير شديد .. ونحت رأس
انا فضلة خيركم داير آكل باسطة .. خلونا نستمتع ببقية حبيبة العقل الفضل دا
من مدة (بفكر) اعمل رايح بس!
|
Post: #17
Title: Re: خطة عمل مشروع الدولة الوطنية السودانية
Author: Elawad Eltayeb
Date: 04-11-2012, 07:24 PM
Parent: #16
Quote: إذا ممكن ألخص :
1- إزاحة النظام الدكتاتوري
2- سيادة الديمقراطية وحكم القانون
و دي حا تكون داخلة في خطة عمل المشروع :
3- خطوات تحقيق المشروع : متروك للقراء
بس برضو دايرين تفصيل للخطوات دي :)
شكرا" ليك |
الشكر لك
ليس فقط إزاحة النظام الدكتاتوري
بل محاسبة النظام الديكتاتوري القائم
لهدف أسمى هو
قفل الطريق أمام الإنقلابات العسكرية وإزالتها من العقلية السودانية نهائياً بل وتحريمها
والهدف الإستراتيجي من كل ذلك هو
التاسيس لكي تأخذ الديمقراطية (دوراتها الكاملة)
بحيث لا يكون هناك أي إمكانية تغيير إلاّ من خلالها
وبحيث لا تخرج البلد عن مسار (الحكم الرشيد)
ويصبح هذا الفهم من المسلمات
تتربى عليه الأجيال القادمة
ولو رجعت لمداخلتي الأولى لوجدت فيها أدوات تفكيكية للفكرة الديكتاتورية
بمعنى آخر -
ليس كما حكم الأخ تبارك بطريقة تفتقر إلى الذوق
أنا أتحدث على مستوى استراتيجي
يسبق التخطيط ويؤسس له ب(الرؤية) و(الهدف)
أما تفاصيل خطة العمل
فسنكون أخطأنا لو تبنينا ايدولوجية معينة أو مدرسة فكرية أو فلسفة معينة وحاولنا فرضها على الناس (لنكون نحن بذلك ديكتاتورية فكرية أخرى)
فهذا ليس هدفنا
لكن هدفنا
أن نضع الآليات (تفاصيل الحكم الرشيد: العدالة، المشاركة، المحاسبة، المساواة أمام القانون، الشفافية، الحريات) في تفاصيل الخطة
وبذلك نؤسس لإدارة التنوع (بكل أشكاله) ونحسن إدارته - ونحوله من حيث الفهم من عائق إلى تحدى ومن حيث العمل من سبب للفرقة إلى سبب للتوحد و(ميزة تنافسية) تقودنا إلى تحقيق (التنمية المستدامة) - ولموقعنا الريادي بين الأمم.
|
Post: #18
Title: Re: خطة عمل مشروع الدولة الوطنية السودانية
Author: تبارك شيخ الدين جبريل
Date: 04-11-2012, 11:25 PM
Parent: #17
Quote:
1- إزاحة النظام الدكتاتوري
2- سيادة الديمقراطية وحكم القانون |
يعني دي معادلة صعبة خالص خالص ... المشكلة انو النظام ما دكتاتوري ... وإنو الديموقراطية في درجة كبيرة من التشوّه ..
وإنو الناس ما دايرة تقعد مع النظام قعدة جادة بتاعة إصلاح ديموقراطي وسيادة الديموقراطية وحكم القانون ... (يعني مش قعدة اقتسام حقائب وزارية!)
المعارضة تمارس الإقصائية وتريد إزالة مجهود عقود من الحرب والتفاوض والدساتير والإتفاقيات والاستفتاءات والإنتخابات بى جرة قلم ...
وفي نفس الوقت لا تطرح أي بديل موضوعي ...
طالما المعارضة تقوم بتغبيش مصطلح "النظام" ... على طريقة تغبيش السلفيين لمصطلح "العلمانية" ... فلن نصل لبناء "نظام" ديموقراطي "علماني" أبداً .... فطوبى للمستفيدين من هذه الدغمسة ...
... المهم ....
|
Post: #19
Title: Re: خطة عمل مشروع الدولة الوطنية السودانية
Author: aydaroos
Date: 04-12-2012, 10:53 AM
Parent: #18
Quote: بل محاسبة النظام الديكتاتوري القائم
لهدف أسمى هو
قفل الطريق أمام الإنقلابات العسكرية وإزالتها من العقلية السودانية نهائياً بل وتحريمها
والهدف الإستراتيجي من كل ذلك هو
التاسيس لكي تأخذ الديمقراطية (دوراتها الكاملة)
بحيث لا يكون هناك أي إمكانية تغيير إلاّ من خلالها
وبحيث لا تخرج البلد عن مسار (الحكم الرشيد)
ويصبح هذا الفهم من المسلمات
تتربى عليه الأجيال القادمة |
متفق معاك خالص يا العوض، و إختصاري العملتو مضمر فيهو كل كلامك القلتو دا و ما عشان
كلامك كتير.
Quote: أما تفاصيل خطة العمل
فسنكون أخطأنا لو تبنينا ايدولوجية معينة أو مدرسة فكرية أو فلسفة معينة وحاولنا فرضها على الناس (لنكون نحن بذلك ديكتاتورية فكرية أخرى) |
لو كلامك علي إستخدامي للمنهج الماركسي في التحليل، فكل زول يحلل بي منهجو المهم
نتفق علي الغاية الاهداف و الوسائل او الآليات زي ما قلتا إنتا، يعني كلام جدل و برجوازية
دا ممكن تفطو عادي و نمسك في الدولة الديمقراطية الوطنية و سيادة القانون و الحقوق و الحريات.
| Quote: وبذلك نؤسس لإدارة التنوع (بكل أشكاله) ونحسن إدارته - ونحوله من حيث الفهم من عائق إلى تحدى ومن حيث العمل من سبب للفرقة إلى سبب للتوحد و(ميزة تنافسية) تقودنا إلى تحقيق (التنمية المستدامة) - ولموقعنا الريادي بين الأمم. |
Like شديد
|
Post: #20
Title: Re: خطة عمل مشروع الدولة الوطنية السودانية
Author: Elawad Eltayeb
Date: 04-12-2012, 11:06 AM
Parent: #18
| Quote: المشكلة انو النظام ما دكتاتوري |
بالله
|
Post: #21
Title: Re: خطة عمل مشروع الدولة الوطنية السودانية
Author: aydaroos
Date: 04-22-2012, 09:56 AM
Parent: #20
أسم المشروع : مشروع بناء الدولة الوطنية في السودان.
الغاية : بناء دولة وطنية حديثة لا تفرق بين الاديان الاعراق و الثقافات،
تركز علي التنمية المربوطة بمصالح مجتمعاتها و أفرادها،
و تنشر الديمقراطية في كل كياناتها و مؤسساتها،ديمقراطية ذات
محتوي إجتماعي ينحاز للمهمشين في البادية و الريف و المدن.
الأهداف: ؟؟؟
معوقات ومحفزات المشروع : ؟؟
أصحاب المصلحة : من يساند هذا المشروع و من يعاديه؟
خطوات تحقيق المشروع : متروك للقراء
المدة الزمنية للمشروع : ؟؟
إدارة المشروع : مشروع يدار بطريقة تعاونية من قبل المنظمات و الأحزاب
الناشطات و الناشطين ،الثوريات و الثوريين ، الافراد المبادرين،
الكل مشارك حتي المعادين للمشروع بتأخيره، و الساكتين
و الساكتات (بس يورونا هم ساكتين ليه؟:) )
و الكل مدعو للمساهمة في كتابة خطة عمل هذا المشروع
|
Post: #22
Title: Re: خطة عمل مشروع الدولة الوطنية السودانية
Author: aydaroos
Date: 04-29-2012, 08:09 AM
Parent: #21
Quote: يعني دي معادلة صعبة خالص خالص ... المشكلة انو النظام ما دكتاتوري ... وإنو الديموقراطية في درجة كبيرة من التشوّه ..
وإنو الناس ما دايرة تقعد مع النظام قعدة جادة بتاعة إصلاح ديموقراطي وسيادة الديموقراطية وحكم القانون ... (يعني مش قعدة اقتسام حقائب وزارية!)
المعارضة تمارس الإقصائية وتريد إزالة مجهود عقود من الحرب والتفاوض والدساتير والإتفاقيات والاستفتاءات والإنتخابات بى جرة قلم ...
وفي نفس الوقت لا تطرح أي بديل موضوعي ... |
يا ريت يا تبارك تجي و تورينا إنو نظام الإنقاذ غير إنو أحادي و دكتاتوري و قايم
علي النهب و العنف ممكن توصفو بي شنو ... و برضو تشرح لينا كيف نقعد معاهم عشان
نغير الحاصل دا. و تورينا برضو كيف المعارضة تبقي جادة.
|
|