هسي دي حالة مصنع دايرين يفتتحوهو بعد خمسة يوم - صورة واحدة فقط

المصنع المعني هو مصنع النيل الابيض للسكر

وده تاريخ التقاط الصورة

Quote: هسي دي حالة مصنع دايرين يفتتحوهو بعد خمسة يوم

يا محمد أبراهيم،
ياخي ما سمعت بالغنية ديك، الكان بيهججوبيها ناس الموج وجيلو أيام شبابم ():

سبعه يوم،
واليوم.. سناا؟

-

الله غالب..

Quote: ياخي ما سمعت بالغنية ديك، الكان بيهججوبيها ناس الموج وجيلو أيام شبابم

هوي يا مطرطش قايلني قدرك انت والموج
لكن خليني اسال منها ابوحسين بكون اخدلو عرضة فيها لووول

Quote: خليني اسال منها ابوحسين بكون اخدلو عرضة فيها

عرضة شنو ياخ!
شرطت عين أبو حسين والموج..
.
.
الشي تويستي .. (فيما رشح لي من مجايلييهم)


__________
ثمن بالجنبه كدي:
يعني بعد الصوره دي، نشيل الفاتحي علي بوستك داك؟
-
تفكيك قال!

Quote: يعني بعد الصوره دي، نشيل الفاتحي علي بوستك داك؟

لا البوست داك فني بحت حاولنا ما ندخل فيهو السياسة
مع انو الابالسة ديل مافي شي بينفع معاهم غير السنة حداد تسلق ظهورهم بها



قلت لي تويستي يا خي انت قديم وانا ما قدرك
بعدين الموج ده عريبي ساي من ضواحي الخرطوم شن عرفو بالتويستي
كمان التويستي برقصوهو بالعراريق والسروال ابو تكة لووووول

Quote: هسي دي حالة مصنع دايرين يفتتحوهو بعد خمسة يوم - صورة واحدة فقط

يا هندسة دي ماسورة كبييييييييييييره
باقي لي مقاسها بالمتر ما بالبوصة زي مواسير خلق الله...

تعرف المصيبة الكبيرة وين؟
الناس ديل لو بيسرقوا جيلنا بس ومن الموارد المتاحه بيكون هين لكن ديل بيسرقوا حتى مستقبل أولادنا بالقروض البيشيلوها وينهبوها وتبقى قاعدة على ضهور الأجيال القادمة....
غايتو حرامية جنس ده لا قرينا في التاريخ ولا شفنا في العالم المعاصر...

ده زاتو البقولوا عليه ( فات الكبار والقدروا ).....



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: قلت لي تويستي يا خي انت قديم وانا ما قدرك بعدين الموج ده عريبي ساي من ضواحي الخرطوم شن عرفو بالتويستي كمان التويستي برقصوهو بالعراريق والسروال ابو تكة لووووول

الطرطش .........سلام

يازول ناس الاقاليم ديل عندهم حقد طبقى نجاهنا نحن اولاد الخرطوم
عليك الله فداسى حقت الزول ده كان ما جمال الوالى فى زول كان بعرفها؟
وحاتك الا تقع فيها طيارى زى لوكربى حتى الزول يسمع بيها بس..
بعدين زول فى تفكيكو داك بحكى من زمن مصنع سكر خشم القربه يقول صغير
كالعادة اولاد الاقاليم ديل المدرسه ببنوها ويشتغلو فيها طلب حتى يدخلوهم ليها،،،

Quote: ياخي ما سمعت بالغنية ديك، الكان بيهججوبيها ناس الموج وجيلو أيام شبابم (): سبعه يوم، واليوم.. سناا؟

لا حولاااااااااااا

المطرطش .... إنت من الزمن داك؟

Quote: لكن خليني اسال منها ابوحسين بكون اخدلو عرضة فيها لووول

ما فاضي ليك .... وقتي أثمن من إني أضيعو معاك ....

Quote: ما فاضي ليك .... وقتي أثمن من إني أضيعو معاك ...

كلامه صاح يعيش ابو حسين
سألنا منه يوم الخميس بنته غنت لينا
بابا بغسل العده.. بابا حيلو انهدة
تعيش حكومة الشايقيه على عثمان ورهطه..
لوووووووووول،،،

Quote: ما فاضي ليك .... وقتي أثمن من إني أضيعو معاك

احي زميلة البورد سامية حامد لووووووول

ود الموج ابو حسين من يوم كسر اصبعو خلى غسيل العدة
بقى بيورق الخدرة بس

هههههههههه، والله البوست الموازي ده عجبني بشكل! يا باشمهندس، انا نهائي ما بضع حسن الظن مع الناس ديل... رغم اني زول ظني حسن في معظم الاحيان... لكن ديل، اثبتوا بما لا يدع مجال للشك انهم ما ممكن ابدا يعملوا شي ومن وراه قاصدين خير... عشان كده كنت متابعة بصمت البوست بتاعك داك وقلت انتظر اشوف العلم حيوصل لياتو نتيجة...

أظرف مافي صورتك دي انه الشي الوحيد الجاهز هو حجر الاساس بتاع الاحتفال!

Quote: لا حولاااااااااااا المطرطش .... إنت من الزمن داك؟

إنت متغابي الشوف لي البين قوسين دا مالك؟

Quote: (فيما رشح لي من مجايلييهم)

عالم متسببي خلاس..
-
ثم تعال هني، شن عرّفك إنو الكلام ده قديم؟

Quote: ثم تعال هني، شن عرّفك إنو الكلام ده قديم؟

حتّ انا ....

Quote: (فيما رشح لي من مجايلييهم)

الاخ محمد ابراهيم

تحياتى

والله صورتك تغنى عن الف كلمة كما يقولون

واضح انو ال civil works " الاعمال المدنية لسه ماخلصت بما فيها ال external works

و الكرينات لسه مشحوطة واقفة

عموما يمكن تشغيل المصنع لو اكتملت اعمال ال MEP "اعمال اليكانيكا و الكهرباء" و تم الانتهاء من التشغيل التجريبى و اعطاء الموافقةمن استشارييى تنفيذ المشروع على امكانية بدء التشغيل

الشايفو حتى لو تحصلو على الsoftware العايزنو دايرين ليهم بين اربعة لستة شهور

اها حجر الافتتاح ده يعملو معاهو شنو




افتتحه المشير بتاريخ 5 ابريل 2012 : ما حصل

اها حجر الافتتاح ده يعملو معاهو شنو

افتتحه المشير بتاريخ 5 ابريل 2012 : ما حصل


علا صحيح الحجر دا نسوي بيهو شنو
ولا ابتا يا ربي حيعملو حجر جديد عندما يحين الحين
ولا ينتظروا حت السنة الجاية حتى يتوافق مع اليوم والشهر وتغيير السنة هين

دا بذكرني افتتاح سد مروي
العمال لسع رجلينم ما غسلوهو من الاسمنت قاموا افتتحوه ولا يزال السد في عثرته

قال حنعمل سد كجبار ودال قال

يا هندسة سلام
اجمل مافي هذه اللوحة وهي تقف شاهداً على الإنجاز والإبداع والتأصيل هو الايات المنحوتة عن اليمين وعن الشمال ..

Quote:

(1)
أَوَلَمْ يَرَوْا أَنَّا نَسُوقُ الْمَاءَ إِلَى الْأَرْضِ الْجُرُزِ فَنُخْرِجُ بِهِ زَرْعًا تَأْكُلُ مِنْهُ أَنْعَامُهُمْ وَأَنْفُسُهُمْ ۖ أَفَلَا يُبْصِرُونَ ﴿٢٧﴾وَيَقُولُونَ مَتَىٰ هَٰذَا الْفَتْحُ إِنْ كُنْتُمْ صَادِقِينَ ﴿٢٨﴾قُلْ يَوْمَ الْفَتْحِ لَا يَنْفَعُ الَّذِينَ كَفَرُوا إِيمَانُهُمْ وَلَا هُمْ يُنْظَرُونَ ﴿٢٩﴾فَأَعْرِضْ عَنْهُمْ وَانْتَظِرْ إِنَّهُمْ مُنْتَظِرُونَ ﴿٣٠﴾
صدق الله العظيم - من سورة السجدة

(2)

لَقَدْ أَرْسَلْنَا رُسُلَنَا بِالْبَيِّنَاتِ وَأَنْزَلْنَا مَعَهُمُ الْكِتَابَ وَالْمِيزَانَ لِيَقُومَ النَّاسُ بِالْقِسْطِ ۖ وَأَنْزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ وَلِيَعْلَمَ اللَّهُ مَنْ يَنْصُرُهُ وَرُسُلَهُ بِالْغَيْبِ ۚ إِنَّ اللَّهَ قَوِيٌّ عَزِيزٌ ﴿٢٥﴾
صدق الله العظيم - من سورة الحديد


والآيات دي مكتوبة لأمثالك يا حاقد
ولكل اللذين يقولون ( متي هذا الفتح ) فقد جاتكم الإجابة من فوق سبع سموات ان يوم الفتح قريباً ولن ينفعكم كفركم.. اما هم فسيعرضون عنكم وعن اي اقتراحات حسب الوصية

اما الآية التانية فهي تتعلق بالبأس الشديد وفي ما مخازنهم من اوجه استخدامات الحديد من هراوات ورصاص ودروع وغيره
ليعرفو من ينصرونهم ومن يتجرجر مثلك فالله قوي عزيز وسينصرهم

تأصيل تأصيل يا عمك..كل شئ بالدين والقران والسند حتي السرقة والغهمال واهدار القوت العام لديه سند شرعي
هذا والله ورسوله ثم هؤلاء المكرمين الصادقين البررة ..


............

والنكتة الاكبر
حاليا مصنع سكر كنانة بعبى السكر فى شوالات مكتوب عليها مصنع سكر النيل الابيض عشان ينزلا السوق
يعنى لما الشوالات دى تنزل السوق
لا صورة ولا غيرو بتقدر تثبت انه المصنع ما شغال


انا ما عارف الجماعة ديل حا يبطلو يختو العربة قدام الحصان متين

شكرا لكل المتداخلين وتحياتي لكم جميعا
يوجد لدي مزيد من الصور وساحاول ان ارفعها هنا وهي تاريخها يعود لشهر نوفمبر 2011 اي قبل اربعة اشهر بالتحديد
هذه الصور توضح ان كان من المستحيل تقريبا الالتزام بقرار افتتاح المصنع في تاريخ 5-4-2011
فالمصنع وكما قال المهندس ابوستة والذي فصل عن العمل لانه قال الحقيقة لن يكون جاهزا للانتاج قبل اقل من خمسة الى ستة اشهر

هذه الصور تم التقاطها بتواريخ 8 و10 -11-2011 اي قبل يومين من التاريخ الذي اقترحه وزير الصناعة السابق الجاز
11-11-2011 الساعة 11 لوووول

يعني كلام عبد الغفار المهدي دا برضو صاح؟!!!

Quote: ومعلوم أن الفترة التى تم اعلان الافتتاح فيها وهى فى أول أبريل يقل العصير فى القصب وما اعلان هذا الأفتتاح الا أستعراض لوزراء التجارة العرب وربما للحصول على أكبر قدر من العمولات وحسب حديث الخبراء فان المصنع حتى نوفمبر لايمكن أن يعمل خصوصا وأن (القلايات) لازالت مبعثرة فى الخلاء وهى من اختصاص أسجيك الهندية اما الشركة الفرنسية فاختصاصها هو ما يعرف (بالعصر)،وحسب حديث بعض المصادر فان الكثير من المكن لم يركب حتى الآن،وربما تم ابعاد (تاكوما) الياباينة المتخصصة فى القلايات لعدم توصل الأخوة (المسعورين) لطريقة (كدة) معها فاتجهوا للأخوة الهنود وطلعوا الشعب هندى بقصة السوفت وير والتى كان يمكن الأستعاضة عنها بكبرىولن تكون السابق الأولى فقبل ذلك حدثت فى كنانة لكن أنذاك كان هناك رجال يسعون لجعل السودان سلة غذاء العالم بحق وحقيقية..وليس أمثال هؤلاء اللصوص الذين الفاسدين الذين حولوا السودان لدولة تبحث عن المعونات والأعانات ..ويتموا البلد بأكملها فالسودان فى هذا الشهر يستحق أن يكون نموذج لليتيم فى العالم طالى ما بقى فيه أمثال هؤلاء الذين لايضيرهم خراب مشاريعه وأحلام شعبه ما داموا يقبضون عمولاتهم نظير عمالتهم..

تحياتي ابو طالب القرشي
هناك الكثير والمثير للغثيان والغضب مما يجري
ساعود بتفاصيل اكثر

يا هندسة تحياتي
أنت أعرف وأشطر من الحيكومة والكيزان ؟ شايفك بتدلو بأمور على شاكلة أن تبدو لكم .. فأبتعد بليز ...
خليك في مشروع الجزيرة بليز .. أترك مصانع السكر فهي عصية الفهم إلا لمن رحم ربي ..
الشفيع