يلا نغنى للمريخ (قصيدة)

نحنا نغنى للمريخ عشان وطنا عظيم ممتد
ونحن نغنى للروعة وكت الحاره ساعة الجد
وكت الناس تضيق بالحيل تشوف اولادنا تتمرد
تعيد البسمة للجمهور تحقق نصر توفى الوعد
××××××××××
جموع تتوالى كالامواج
وكلو ولاها للوهاج
حلاتها النجمة فى هاماتنا زى التاج
ندهت شيوخى فى كسلا وديوم ود حاج
××××××
نحنا نغنى للمريخ ومابنفتر
نحنا ولانا للنجمة زى انفسنا بل اكتر
كاسنا يجينا محمول جو ومرة يجينا محمول بر
ويا عاذلنا يامسكين نقولك ولى جدادك كر
×××××××××
نحنا نغنى لى افريقيا للمريخ
شوفو شبابو كيفن باقى ما بيشيخ
نحنا حلاوة زى منقة وحمار بطيخ
بنانا اسمنت والخرصانة واجود سيخ
عمار محمد ادم