Post: #1
Title: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-03-2011, 06:25 PM
الزميلة البوردابية د. رحاب خليفة السنهورى رفعت راسنا و كانت ضمن المدعويين لمقابلته معالي الشيخ نهيان بن مبارك آل نهيان وزير التعليم العالي والبحث العلمي ،الرئيس الأعلى لجامعة الامارات، بقصره مساء أمس.
نحى الدكتورة رحاب على انجازاتها اللى اهلتها تكون ضمن طاقم التدريس فى جامعة محترمة كده.
و اتمنى الاخت رحاب تحكى لينا عن المجهود اللى بعملوه الاماراتيين لتنمية الجامعات و تشجيع الطلبة.
Quote: أشاد معالي الشيخ نهيان بن مبارك آل نهيان وزير التعليم العالي والبحث العلمي الرئيس الأعلى لجامعة الامارات، بدعم صاحب السمو الشيخ خليفة بن زايد آل نهيان رئيس الدولة حفظه الله لرسالة الجامعة وبرامج الدراسات العليا فيها.
جاء ذلك خلال استقبال معاليه بقصره مساء أمس الدفعة الثانية من الملتحقين ببرنامج دراسة الدكتوراه في إدارة الأعمال بكلية الإدارة والاقتصاد في الجامعة بحضور الدكتور عبدالله الخنبشي مدير جامعة الإمارات والدكتور وايت هيوم نائب مدير الجامعة والدكتورة فاطمة الشامسي الأمين العام للجامعة والدكتور ديفيد جراف عميد كلية الإدارة والاقتصاد.
وقال معالي الشيخ نهيان بن مبارك آل نهيان إن هذه الدفعة من الدارسين والدارسات يمثلون حلقة مهمة في تأهيل الكوادر الوطنية من الشباب ليساهموا بدورهم في دفع عجلة التنمية والبناء ومسيرة الحراك السريع لإنجازات البلاد في ظل القيادة الرشيدة لدولتنا الفتية.
وأشار إلى أن ما يتم توفيره من موارد سخية أتاح للجامعة تحقيق تطورات علمية متلاحقة تلبي متطلبات مراحل خطط التنمية المستدامة موجها القيادات الأكاديمية في الجامعة إلى تعزيز ودعم الكوادر الوطنية وتأهيلها بما يتماشى ويتوافق مع متطلبات أسواق العمل.
وعبر معاليه عن اعتزازه بالدفعة الثانية من طــلبة الدكتوراه، مثمنا جهـــودهم وحسن اخـــتيارهم وإقـــبالهم على الدراســة على هذا النحـــو المـشــــرف انسجاما مع متطلــباتهم لمستقــبل واعد وآمن.
كانت جامعة الإمارات قد أعلنت عن تدشين الدفعة الثانية من برنامج الدكتوراة في إدارة الأعمال والمقرر أن تبدأ الدراسة بها في الثالث من أكتوبر المقبل.
من جانبه، عبر الدكتور عبدالله الخنبشي مدير الجامعة عن ارتياحه لنجاح انطلاق الدفعة الثانية من برنامج الدكتوراه على غرار نجاح الدفعة الأولى منه وقال “يسرنا أن نرى هذه الثقة بجامعة الإمارات العربية المتحدة من قبل الطلبة الدارسين ومؤسساتهم”، مشيرا إلى أن إنجازات هؤلاء الطلبة ستدعم وتقوي مؤسساتهم في الدولة.
من ناحيته، أوضح الدكتور ديفيد جراف عميد كلية الإدارة والاقتصاد أن الكلية وشركاءها الدوليين يسعون الى توفير الدعم اللازم لتحقيق آمال الطلبة في برنامج الدكتوراه في إدارة الأعمال ويكرسون مواردهم البشرية والمالية ليكون من أفضل البرامج على مستوى العالم.
كانت كلية الإدارة والاقتصاد قد اختارت 19 طالبا وطالبة من بين مجموعة من المتقدمين للدفعة الثانية من برنامج الدكتوراه في إدارة الأعمال منهم 12 طالبا و7 طالبات معظمهم من المواطنين.
ويحمل الطلبة المقبولون درجة الماجستير من جامعات معتمدة ومرموقة من داخل الإمارات وخارجها ولديهم خبرة واسعة في العمل بمناصب تنفيذية رفيعة في القطاعات الحكومية وشبه الحكومية والقطاع العام |
http://www.alittihad.ae/details.php?id=89755&y=2011&article=full
|
Post: #2
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-03-2011, 06:27 PM
Parent: #1
و اتمنى ان يكون البوست و قصته دافع لكل بناتنا فى السودان ...دافع ليهم يشدوا حيلهم فى التعليم.
ما فى شيء بينفع و يرفع فى الدنيا دى غير التعليم
|
Post: #4
Title: Re: بوردابية فى بلاط معالي الشيخ نهيان بن مبارك آل نهيان
Author: AMNA MUKHTAR
Date: 10-03-2011, 06:30 PM
Parent: #2
| Quote: ما فى شيء بينفع و يرفع فى الدنيا دى غير التعليم |
التحية للدكتورة رحاب ولك ..
::::::::::
أرشح هذا البوست للقمة ..
|
Post: #7
Title: Re: بوردابية فى بلاط معالي الشيخ نهيان بن مبارك آل نهيان
Author: فتح الرحمن محمد
Date: 10-03-2011, 06:39 PM
Parent: #2
 من إنجاز لآخر وموفقة دائماً بإذن الله يارحاب ..
مشكورة ياسمارت كالعادة سباقة ( بقيتي أحسن من الباقين ) 
|
Post: #3
Title: Re: بوردابية فى بلاط معالي الشيخ نهيان بن مبارك آل نهيان
Author: عاطف عمر
Date: 10-03-2011, 06:30 PM
Parent: #1
ياسلاااااام
على الأخبار الحلوة
مبارك للعزيزة رحاب
ودائماً إن شاء الله متفوقة
ودائماً رافعة راسنا
وشكراً ليك يا سمارت
|
Post: #5
Title: Re: بوردابية فى بلاط معالي الشيخ نهيان بن مبارك آل نهيان
Author: داليا الكباشى
Date: 10-03-2011, 06:34 PM
Parent: #3
برافو رحوبه :)
بالتوفيق انشالله :)
التعليم ثم التعليم ثم التعليم .. شكرا سمارت :)
|
Post: #6
Title: Re: بوردابية فى بلاط معالي الشيخ نهيان بن مبارك آل نهيان
Author: Elawad
Date: 10-03-2011, 06:36 PM
Parent: #5
التحية للأخت د. رحاب مع إنه عارف ما بتحب يقولوا ليها دكتورة لكن دا مكانها. مع الدعوات لها و لأسرتها بالتوفيق و السداد.
شكرا يا سمارت.
|
Post: #8
Title: Re: بوردابية فى بلاط معالي الشيخ نهيان بن مبارك آل نهيان
Author: abas
Date: 10-03-2011, 06:45 PM
Parent: #6
الف مبروك رحاب
ومزيدا من التقدم
|
Post: #9
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-03-2011, 06:47 PM
Parent: #6
تسلمى يا امنة مختار...و اتمنى ان بكرى يرفعه ان يتشاف من كل بناتنا
فتح الرحمن محمد....شكرا جزيلا....اصلى احسن منكم
عاطف عمر...شكرا جزيلا و عقبال بناتك و اولادك
تسلمى يا دلوش...و كلها شوية و نشوفك دكتورة اخصائية قدر الدنيا و نجى نقشر بيك
شكرا يا العوض...و عقبال اولادك ما نسمع ييهم كده فى وسائل الاعلام
|
Post: #10
Title: Re: بوردابية فى بلاط معالي الشيخ نهيان بن مبارك آل نهيان
Author: فردوس جامع
Date: 10-03-2011, 06:49 PM
Parent: #9
smart السلام والتحية
مبروك د.رحاب ومذيد من النجاح
.
|
Post: #11
Title: Re: بوردابية فى بلاط معالي الشيخ نهيان بن مبارك آل نهيان
Author: مريم بنت الحسين
Date: 10-03-2011, 06:57 PM
Parent: #10
مبروك لصحابتي رحاب... (لصّيق شديد غايته)...
من زمان معتزين بيك، بس مقصّرين في الكلام.. حاكم احنا السودانيين صعب نقول الجوانا... بس والله فخورين بيك وبعلمك .. ربنا يرفعك كمان وكمان...
سمارت... شكرا على اللفته البارعه.. وبالله قولي لي عقبالك، انا علّقته عشان تقوليها لي... فما تقصّري وفخفخيها عليك الله..
|
Post: #13
Title: Re: بوردابية فى بلاط معالي الشيخ نهيان بن مبارك آل نهيان
Author: أمين محمد سليمان
Date: 10-03-2011, 07:02 PM
Parent: #11
سلام يا اسمارت و شكرا علي الأخبار الحلوة ...
الدوك ليها حق تستو سخنا ... أنا كان دعاني الشيخ نهيان ده، سلام الله ما بردو ليكم تاني !!!
|
Post: #12
Title: Re: بوردابية فى بلاط معالي الشيخ نهيان بن مبارك آل نهيان
Author: محمد الأمين موسى
Date: 10-03-2011, 06:58 PM
Parent: #10
التحية والتجلة للزميلة الدكتورة رحاب... فقد مرت علينا في جامعة الشارقة مرور الكرام ليستقر بها المقام في جامعة الإمارات... وهي فخر للأكاديميا السودانية... نسأل الله لها مزيد التوفيق والتألق.
شكرنا ختنا سمارت على البوست.
|
Post: #14
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-03-2011, 07:10 PM
Parent: #12
abas ...شكرا جزيلا
فردوس جامع ....سلامات...و تلومنا ما رحبنا بيك...مرحب بيك و نتمنى ليك اقامة طيبة...و شكرا ليك
محمد الأمين موسى...شكرا جزيلا....ود. رحاب فعلا فخر لكل السودانيين
(صحبتى و اختى ) مريم بنت الحسين ...(لصيق من بدرى... بدرى)
تسلمى يا مريم و عقبااااالك
و عشان الناس ما تقول عقبالك لشنو ?....مريوم اللى طوالى رافعة راسنا....ح تخلص الدكتورة و ح ترفع راسنا مرة تانية قريب ان شاء الله.
و انا متكده ان انجازاتها ما ح تكون اقل من د. رحاب.
سلامات...بروف أمين ..تقول هسي قاعد ترد علينا السلام!!!
بالله شوف.
لكن انت معذور...بروف دى اديناها ليك ساى كده...لا قراية لا تعب.
|
Post: #15
Title: Re: بوردابية فى بلاط معالي الشيخ نهيان بن مبارك آل نهيان
Author: عبدالكريم الامين احمد
Date: 10-03-2011, 07:11 PM
Parent: #12
فليكن عاليا
والتحية للدكتورة رحاب
|
Post: #16
Title: Re: بوردابية فى بلاط معالي الشيخ نهيان بن مبارك آل نهيان
Author: محمد البشرى الخضر
Date: 10-03-2011, 07:18 PM
Parent: #12
التحية للدكتورة رحاب و لدكتور محمد الامين موسى و لجميع الدكاترة و الاساتذة السودانيين بجامعات الامارات
حقيقة الواحد بحس بالفخر لما نشوف بني جلدتنا مميزين وسط الجنسيات العديدة هنا بالدولة
|
Post: #17
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-03-2011, 07:23 PM
Parent: #16
بشمهندس كيكى...شكرا جزيلا....
بشمهندس ود البشرىشكرا جزيلا....و بحى معاك دكتور محمد الامين موسى و نشكره تانى على مروره.
شكله ا حنا السودانيين السودان ده ما نافع معانا.
|
Post: #18
Title: Re: بوردابية فى بلاط معالي الشيخ نهيان بن مبارك آل نهيان
Author: النصرى أمين
Date: 10-03-2011, 07:27 PM
Parent: #17
معذرة تشابهت على الاسماء....
الف مبروك للدكتورة رحاب (وياريت تشوف لينا شغل لود اخوى فى الامارات)
|
Post: #19
Title: Re: بوردابية فى بلاط معالي الشيخ نهيان بن مبارك آل نهيان
Author: ابراهيم عوض عمر
Date: 10-03-2011, 07:42 PM
Parent: #18
الف مبروك للدكتورة رحاب
شكراً سمارت
|
Post: #20
Title: Re: بوردابية فى بلاط معالي الشيخ نهيان بن مبارك آل نهيان
Author: ALGARADABI
Date: 10-03-2011, 07:57 PM
Parent: #19
ألف مبروك لأم ياسين
نتمني نشوفا في الامارات الضيقة دي
|
Post: #21
Title: Re: بوردابية فى بلاط معالي الشيخ نهيان بن مبارك آل نهيان
Author: abubakr salih
Date: 10-03-2011, 08:16 PM
Parent: #20
التباريك الكتيرة للعزيزة رحاب السنهوري و موفقه دائماً
و الشكر موصول لسمارت الذكية.
|
Post: #22
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-03-2011, 08:21 PM
Parent: #21
شكرا جزيلاالنصرى أمين عقبال اولادك....
وربنا يسهل لابن اخوك الشغل
ابراهيم عوض عمر ...تسلم و شكرا ليك
ALGARADABI شكرا جزيلا...الامارت دى الزحمة بس تطفش من الحوامة
abubakr salih...شكرا جزيلا....تسلم
اسمى ده غير جاب لى الكلام ا عمل شيء...لكن شكرا على المجاملة اللطيفة
|
Post: #23
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-03-2011, 09:59 PM
Parent: #22
وروه لبناتكم و اخواتكم....
|
Post: #24
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-04-2011, 04:59 AM
Parent: #23
سمارت الحبيبة
شااااكرة اللفتة اللطيفة
و شكرا للكل علي جميل كلامكم
كبرتو للزول راسه
سارجع للبوست ان شاء الله خلال اليوم
________
سامع يا امين، خلال اليوم باذنه :p
|
Post: #25
Title: Re: بوردابية فى بلاط معالي الشيخ نهيان بن مبارك آل نهيان
Author: المسافر
Date: 10-04-2011, 05:19 AM
Parent: #24
مرحب رحوبة أهلين
سمارت موف يا سمارت
|
Post: #26
Title: Re: بوردابية فى بلاط معالي الشيخ نهيان بن مبارك آل نهيان
Author: الحاج حمد الحاج
Date: 10-04-2011, 06:14 AM
Parent: #25
د.رحاب خليفة
ما شاء الله.. تمنياتي بمزيد من النجاح.
|
Post: #27
Title: Re: بوردابية فى بلاط معالي الشيخ نهيان بن مبارك آل نهيان
Author: khaleel
Date: 10-04-2011, 06:23 AM
Parent: #26
ام يس من يوما شاطرة
شكرا سمارت
|
Post: #28
Title: Re: بوردابية فى بلاط معالي الشيخ نهيان بن مبارك آل نهيان
Author: mamkouna
Date: 10-04-2011, 07:07 AM
Parent: #27
حاجة جميلة جداً جداً يا د.رحاب
بالتوفيق دايماً
و كتٌر الله من امثالك
..
شكراً ليك يا اسمارت-انتي
|
Post: #29
Title: Re: بوردابية فى بلاط معالي الشيخ نهيان بن مبارك آل نهيان
Author: حامد محمد حامد
Date: 10-04-2011, 07:19 AM
Parent: #28
التحية والتقدير للدكتورة رحاب والى مزيد من النجاحات
الشكر ليكى يا سمارت
وفى انتظار يوست شامل عن الاى فون 5
|
Post: #30
Title: Re: بوردابية فى بلاط معالي الشيخ نهيان بن مبارك آل نهيان
Author: haroon diyab
Date: 10-04-2011, 07:32 AM
Parent: #29
الف مبروك للدكتورة رحاب
ومزيدا من التفوق
تحياتي ...سمارت
|
Post: #31
Title: Re: بوردابية فى بلاط معالي الشيخ نهيان بن مبارك آل نهيان
Author: محمد عبد الماجد الصايم
Date: 10-04-2011, 07:41 AM
Parent: #28
ألف ألف مبروكـ يا رحاب التميز والتفوق كما هو عاداتكـ
شكرا سمارت إنتي!
|
Post: #32
Title: Re: بوردابية فى بلاط معالي الشيخ نهيان بن مبارك آل نهيان
Author: Dalal Ezzaldin
Date: 10-04-2011, 07:44 AM
Parent: #28
ربنا يكرمك يا رحاب كمان وكمان .. تستاهلي كل الخير
| Quote: ما فى شيء بينفع و يرفع فى الدنيا دى غير التعليم |
صدقتي يا سمارتي ..
النماذج الذي د. رحاب ود.اماني ود. شذى وعزاز وغيرهن كتااااار بشهوك في النجاح
وما شاء الله عليهن رافعين راس اهلهن وراسنا
التحيه لهن اين ما كانوا
|
Post: #33
Title: Re: بوردابية فى بلاط معالي الشيخ نهيان بن مبارك آل نهيان
Author: محمد يوسف الزين
Date: 10-04-2011, 07:54 AM
Parent: #32
رفعتي راسنا والله.
مزيد من التفوق يا دكتورة،
الغصة الوحيدة في الحلق انو الناس ديك ماشين ونحن راجعين ورا.
|
Post: #34
Title: Re: بوردابية فى بلاط معالي الشيخ نهيان بن مبارك آل نهيان
Author: غباشي
Date: 10-04-2011, 08:09 AM
Parent: #33
Congrats Dr. Rehab, keep up the good work
Thanks Smart
|
Post: #35
Title: Re: بوردابية فى بلاط معالي الشيخ نهيان بن مبارك آل نهيان
Author: جعفر محي الدين
Date: 10-04-2011, 08:49 AM
Parent: #34
مزيد من التوفيق د. رحاب الخليفة
وإن شاء الله بناتنا وأولادنا يمشوا في دروب المتفوقات والمتفوقين
شكرا سمارت بت المدير
|
Post: #37
Title: Re: بوردابية فى بلاط معالي الشيخ نهيان بن مبارك آل نهيان
Author: داليا حافظ
Date: 10-04-2011, 08:51 AM
Parent: #35
100% يا دكتورة
رفعتي راسنا
مزيد من التمييز ..
|
Post: #38
Title: Re: بوردابية فى بلاط معالي الشيخ نهيان بن مبارك آل نهيان
Author: دينا خالد
Date: 10-04-2011, 09:41 AM
Parent: #33
والله يا سمارات انتى ما عارفه حاجة ساى !
بلاط الشيخ نهيان هو الذى تشرف برحاب الخليفة
دى بت السناهير تقولى لى نهيان !!
كنت اتمنى لو ارتدت رحاب التوب او اللبسة الافريقية
او فردة الشرق او اى من ازياء اهلنا المتنوعه
لتوصل الرسالة كاملة من بعد تفوقها ورفعة راسنا
البتاعه السوداء دى لازم يفهموا انها ما حلوة ...
مليار سلام يغشاك يا سمارت الجميلة
مليار مبروك يا دوخرى الحوبة رحاب ,,
تشرفوا كل من تتواجدوا جمبو ..
|
Post: #36
Title: Re: بوردابية فى بلاط معالي الشيخ نهيان بن مبارك آل نهيان
Author: نهال كرار
Date: 10-04-2011, 08:50 AM
Parent: #1
التحية للدكتورة رحاب :)
أمنياتي بدوام التوفيق, ومن نجاح لنجاح أكبر ان شاءالله
|
Post: #39
Title: Re: بوردابية فى بلاط معالي الشيخ نهيان بن مبارك آل نهيان
Author: وليد عبد اللطيف
Date: 10-04-2011, 09:59 AM
Parent: #36
يازهرة تتحدى النجوم ... ياقمره فاجّة وسط غيوم
دوام التوفيق والنجاح يادكتورة
شكرا اسمارت
|
Post: #40
Title: Re: بوردابية فى بلاط معالي الشيخ نهيان بن مبارك آل نهيان
Author: منال
Date: 10-04-2011, 10:10 AM
Parent: #39
التحية للدكتورة رحاب والف مبروك
مزيدا من التقدم والنجاح
سلمتى اسمارت ,,,
|
Post: #41
Title: Re: بوردابية فى بلاط معالي الشيخ نهيان بن مبارك آل نهيان
Author: مهيرة
Date: 10-04-2011, 10:34 AM
Parent: #39
دوام موفقة وناجحة يادكتورة
شرفتينا
شكرا اسمارت
|
Post: #42
Title: Re: بوردابية فى بلاط معالي الشيخ نهيان بن مبارك آل نهيان
Author: الطيب رحمه قريمان
Date: 10-04-2011, 10:43 AM
Parent: #41
تهانينا للدكتورة رحاب و مزيدا من التقدم .
|
Post: #43
Title: Re: بوردابية فى بلاط معالي الشيخ نهيان بن مبارك آل نهيان
Author: Rasha Swaraldahab
Date: 10-04-2011, 10:58 AM
Parent: #42
الف مبروك ليها وليكم .
جد خير تمثيل للسودان بالخارج وربنا يوفقها .
خبر جميل يا اسمارت .
|
Post: #44
Title: Re: بوردابية فى بلاط معالي الشيخ نهيان بن مبارك آل نهيان
Author: الزنجي
Date: 10-04-2011, 01:33 PM
Parent: #43
مبروك د. رحاب
مزيد من التقم
بالعلم فقط تستنير الشعوب
شركا سمارت لإيراد الخبر
|
Post: #45
Title: Re: بوردابية فى بلاط معالي الشيخ نهيان بن مبارك آل نهيان
Author: اسماء الجنيد
Date: 10-04-2011, 01:50 PM
Parent: #44
يا سلاااااااااااااااااام ياخ ,, خبر يرد العافية ويشفي النفس السقيمة
ليك اجر فرحتنا يا سمارت وليك حلاوة شهقتنا لآلآلآ فوق من الغبطة والسرور
اما البنية الفنجرية رحاب ’’ ربي يديك قدر يرضيك ويحفظ ويغطيك ويطرح البركة فيك
وقل هو الله أحد
ما شاء الله وتبارك الله
ومتل ما قالت الغالية دينا
يعلم الله هم الإتشرفوا بيك
دكتورتنا رحاب و يعلم الله نفاخر بيك في كل الدنيا
هنيئا لأسرتك ومزيدا من التفوق والنجاح
مليون مبروك دز رحاب ومليون شكرا سمارت
|
Post: #46
Title: Re: بوردابية فى بلاط معالي الشيخ نهيان بن مبارك آل نهيان
Author: abdulhalim altilib
Date: 10-04-2011, 03:05 PM
Parent: #44
ألف مبروك د. رحاب
وربنا يوفقك كمان وكمان
ويسدد خطاك في دروب العلم
وترفعي راسنا دائما وأبداً .
فرحانة بيك كل النجوم ونحن معاها .
والحق يقال .. لقد تشرف بك معاليه وبلاطه وليس العكس .
شكراً كثيرا وجزيلا سمارت على مثل هذه
الأخبار الحلوة والتي تسعد القلب
في هذا الزمن البئيس .. زمن تواصل الاحباطات
وفي شتى مناحي الحياة في وطننا الغالي .
مودتي ،
( ليمو )
|
Post: #47
Title: Re: بوردابية فى بلاط معالي الشيخ نهيان بن مبارك آل نهيان
Author: M A Muhagir
Date: 10-04-2011, 04:43 PM
Parent: #46
اتمنى للدكتورة رحاب كل التوفيق والتقدم
وانجازاتها تشرفنا كلنا
تحياتى لك ولها
|
Post: #48
Title: Re: بوردابية فى بلاط معالي الشيخ نهيان بن مبارك آل نهيان
Author: كمال علي الزين
Date: 10-04-2011, 05:28 PM
Parent: #47
(*)
رحاب خليفة يتشرف بها كل مكان ..
وقد تشرف بها بلاط آل نهيان ..
البوست ده فعلاً مفروض يكون عنوان المنبر ..
حتى يتشرف بها المنبر ..
____________________
دينا خالد ..
مداخلتك دي كترتي فيها المحلبية شويتين ..
حكاية التوب السوداني دي وعرفناها ..
قصة اللبسة الأفريقية دي ما خلاص طرشقت من يوم فشل مشروع
السودان الجديد , ولا أنتي ساعتك مؤخرة 3 شهور ..
):
|
Post: #49
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-04-2011, 05:42 PM
Parent: #47
سلامات يا رحاب...بس عاوزنك تحكى شايفه شنو فى جامعات الامارات بيحصل من اجل الطلبة و التعليم والتحصيل
المسافر ...شكرا جزيلا...و تسلم
الحاج حمد الحاج ...شكرا جزيلا
khaleel شكرا ليك...ربنا يحفظ ام يس و يزيدها من علمه
mamkouna...شكرا جويلا...وينك يا ممكونه?...عندنا (مريم و انا) بوست امهات ما بيتم الا بوجودك...
حامد محمد حامد...]...شكرا جويلا...لحدى الان بفكر اخته مع بوست ال اى باد ام افتح بوست جديد!!! المؤتمر الصحفى بقى ليه نصف ساعة بس
haroon diyab شكرا جزيلا...عقبال اولادك...خاصة بتاع الكورة داك...ربنا يحفظه.
ود الصايم عقبال البنات...قول امين
Dalal Ezzaldinكلامك صح يا دلال....غايتو ان فعلا شهونى فى القراية...و السنة الجاية بمشي اشوف دربها عديل. و اصلا ده الهدف من البوست...نشجع البنات و النساء معموما على القراية
محمد يوسف الزين قال الحق تبارك وتعالى في سورة الرعد: {إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ }. لو ما حاربنا الفساد و المحسوبية و الكسل ما بنمشي اى حته...و اكيد ح ترجع ورا.
غباشيعقبال تخلص الدكتوراة و نسمع بيك فى وسائل الاعلام...سودانى رافع راسنا
جعفر محي الدينشكرا جزيلا....و تسلم...ربنا يسمع منك و يوفق كل بناتنا و اولادنا
داليا حافظشكرا و عقبال ما تفرحى بملوكة
دينا خالد
Quote: والله يا سمارات انتى ما عارفه حاجة ساى !
بلاط الشيخ نهيان هو الذى تشرف برحاب الخليفة
دى بت السناهير تقولى لى نهيان !! |
دينا خالد نقول البنت رفعا علمها و من الصباح نحنك فى البنات...تجى تقولى بنت السناهير !!!  Just kidding
اكيد- يا دينا- السناهير بيت علم و دين....و رحاب خير ممثل للاسرة الكبيرة
Quote: كنت اتمنى لو ارتدت رحاب التوب او اللبسة الافريقية
او فردة الشرق او اى من ازياء اهلنا المتنوعه
لتوصل الرسالة كاملة من بعد تفوقها ورفعة راسنا
البتاعه السوداء دى لازم يفهموا انها ما حلوة ... |
كلامك ميه فى المية..بس المشكلة فى الصورة. رحاب كانت لابسه توب سودانى و من تصميمها...ح اخليها تجى هى تشرح حكاية التوب...بس شكله ما واضح من الصورة. تسلمى يا دينا
|
Post: #50
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-04-2011, 05:50 PM
Parent: #49
سلام يا سمارت و تاني مشكورة و باقي المتداخلين الكرام و لطيف كلامهم، اتاريهو شعور جميل الزول يكسرو ليه تلج اسفيريا و انا ما دارية :)
ـــــــــــ
موضوع مجهود الامارات لتنمية مواردها البشرية و خصوصا العلمية موضوع يستحق يفردو ليه بوست بحاله و لكن الايد بصيرة و اليوم قصير، ان شاء الله ساتناول ما استطيع منه هنا. العجيبة قبل سنتين ما كان عندي اي فكرة عما يحدث في هذا الجزء من العالم، غير ما تتداولة اجهزة الاعلام العامة و حكاوي بعض الاقارب و دعوات متكررة من زملاء درست معهم بمانشيستر للعمل بالخليج و الان احس بمدي التزام الدولة بتطوير الانسان الاماراتي
|
Post: #51
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-04-2011, 05:55 PM
Parent: #49
نهال كرار شكرا يا نهال....و تسلمى
وليد عبد اللطيف...شكرا ليك...رحاب تستاهل كل خير
منال شكرا يا منال...تسلمى.
شكرا دكتورة...مهيرة...و تسلمى
الطيب رحمه قريمان شكرا جزيلا....تسلم
Rasha Swaraldahab البرلومة...الجاده...شكرا ليك و تسلمى
الزنجي شكرا ليك...الخبر فعلا مفرح
الاستاذة...اسماء الجنيد تسلمى و شكرا على الدعوات الطيبة....يا ريت بناتنا يشوفوا الموضوع ده و يتشجعوا للقراية و العلم
abdulhalim altilib
شكرا ليك...و فعلا مع كل الاخبار عن السودان و السودانيين الواحد لما يلاقى خبر ذى ده بيرفه معنوياته ...بالجد
...M A Muhagir... شكرا جزيلا...تسلم و عقبال كل بناتنا
كمال علي الزين ما فى كلام...ان رحاب شرف لكل من يلاقيها....
دينا...ذى و ذى كتيرين...بنحلم ان السودان يتوحد تانى...
|
Post: #52
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-04-2011, 06:02 PM
Parent: #51
يا رحاب...ده ما كسير تلج. و لا حتى شكر ليك...ده بس عشان نورى بناتنا ان العلم مهم و مهم شديد. و ان ممكن يوصلنا لاى مكان. و عشان نوريهم انو فى بنات سودانيات -ذيهم- بقوا بروفسرات فى جامعات محترمة.
و عشان كلنا -كسودانيين- نشوف العالم بيهتم بالعلم و العلماء كيف.
و اكيد برضو...عاوزين نقشر بيك حبه (:
|
Post: #53
Title: Re: بوردابية فى بلاط معالي الشيخ نهيان بن مبارك آل نهيان
Author: sami Alzubair
Date: 10-04-2011, 06:02 PM
Parent: #47
عجيب قال ليك
(:
لي قدام يا ست الناس
|
Post: #54
Title: Re: بوردابية فى بلاط معالي الشيخ نهيان بن مبارك آل نهيان
Author: Elfatih Abuelhia
Date: 10-04-2011, 06:30 PM
Parent: #1
الف مبروك للدكتورة رحاب
ومزيدا من التفوق
|
Post: #55
Title: Re: بوردابية فى بلاط معالي الشيخ نهيان بن مبارك آل نهيان
Author: Aymen Tabir
Date: 10-04-2011, 08:01 PM
Parent: #54
| Quote: دى بت السناهير تقولى لى نهيان !! |
يا دينا والله دي عجبتني كيف ! تسلمي دايما شمس وما رقراق !
دكتورتنا / رحاب
و(الناء) هنا لشعبنا الصابر كواحد منهم .. في محنتو زيك وزي تفوقك بعيد رسم خارطة طريق لمخرج سعيد من نفق الظلم والفشل المتراكم .. بنفرحك بيك ونشد على ايديك ونقول مزيد من التحصيل الاكاديمي العالي والمكانه العلميه ليك ، ويارب دايما في عالي المراتب وعلى كل ا لمستويات وتشرف بحضورك كل البلاطات .. كل الود ليك ولاسرتك. مبروك
سمارت انا
شكرا للاخبار الجميله في زمن قلته !
تابر
|
Post: #56
Title: Re: بوردابية فى بلاط معالي الشيخ نهيان بن مبارك آل نهيان
Author: نهلة محكر
Date: 10-04-2011, 10:34 PM
Parent: #55
يا سلاااااااااااااااااام ياخ
رحوبة الحبوبة .. مبارك مبارك يا ستهن
موفقة كمان وكمان يا ستي
كل الشكر سمارت
|
Post: #57
Title: Re: بوردابية فى بلاط معالي الشيخ نهيان بن مبارك آل نهيان
Author: عبدالرحمن الحلاوي
Date: 10-05-2011, 04:53 AM
Parent: #56
موفقة دائما دكتورة رحاب ، وشكراً سمارت على أخبار كهذه والعتمة تسد الأفق ..الإمارات دولة بدأت من حيث انتهى الآخرين ..فالدولة ملتزمة بتنمية المواطنين وتوفير سبل العيش الكريم ..
|
Post: #58
Title: Re: بوردابية فى بلاط معالي الشيخ نهيان بن مبارك آل نهيان
Author: doma
Date: 10-05-2011, 06:22 AM
Parent: #57
رحوبتنا نفخر بك دوما
وشكرا اسمارتينا
بالجد لما ترفعوا /ترفعن اسم السودان وسط الامم بفرح فرح حقيقي
يا سلام يا بنات وابناء السودان
|
Post: #59
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-05-2011, 06:25 AM
Parent: #58
الكريمة امنة مختار، شاكرة كريم كلامك و تحياتي لك، ويين البوست الزمان بتاع يومياتك داك؟ ما تمينا الكلام، لوول
شكرا يااا فتح الرحمن، لوول، سمارت اصلها احسن ياخ
عاطف ابوعمر، دي زي عملات الفلسطينين بما اني ما عارفة اسم ابنك الفي الصورة
|
Post: #60
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-05-2011, 06:26 AM
Parent: #59
دلوش، ست الحوش الديمة مرشوش، و خدمة الناس خدمة الناس البتقومي بيها، و انتي من انفع الناس للناس و ان شاء الله من خيارنا
العوض ذو الذاكرة، شعور الفة جميل لمن تحس ان من حولك يعرفوك، دي بمناسبة اللقب، لووول
عباس، و بارك الله في عملك و ارضاك، شكرا جزيلا
|
Post: #61
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-05-2011, 06:27 AM
Parent: #60
فردوس العالمة، ربنا يحفظك و لك بالمثل
مريومة الحنونة، و الله لا مقصرين ولا يحزنون، و من هم اولي بالحديث عنهم كثر، معظمهم يمضي من غير ان نحس بهم، كالدكتور محمود الزين
امين البروف، غايتو كان بركات الصورة الخاتيها في بروفايلك دي، كان زاتو ما شفت مداخلتك، لوول
انا بس راجية متين القي لي فرقة عشان اجدولك انت زاتك
|
Post: #62
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-05-2011, 06:28 AM
Parent: #61
اووه، دكتور محمد الامين، و الله ليكم وحشة و للشارقة، الاكاديمية السودانية معرفة بامثالكم و العاملين بصمت
ما لكم ما بتجو بلدنا البعيدة دي، لووول
عبد الكريم، شاكرة كريم كلامك دائما معي
محمد البشري، و الله يا محمد الدكتور محمد الامين و من قابلتهم من سودانيين في الامارات في المجال الاكاديمة مثل مضيء لتوضيح ما يمكن ان يقدمة اولاد و بنات السودان للوطن
|
Post: #63
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-05-2011, 06:30 AM
Parent: #62
النصري، ضحكت لمن قريت ردك الاول، و التاني، لو ابن اختك يعمل في مجال التدريس، ان شاء الله يمكنني نصحة و مساعدته في التقديم لوظائف، و الدكتور احمد ما شاء الله عامل بوست جميل للوظائف في جامعتنا، عنواني البريدي في بروفيالي
يا الف شكر ليك انت يا ابراهيم، شاكرة كريم كلامك
القردابي، و الله الزول متلوم معاكم و العجب الزول الفي صورتك ده، لكن ان شاء الله نتلاقي
الف شكر يا ابوبكر، سمارت ما شاء الله عليها
ابوي ما شافك جدعت اسمه خليفة و بقيت علي سنهوري، لووول، السنهوري ده اسم الوالده
|
Post: #64
Title: Re: بوردابية فى بلاط معالي الشيخ نهيان بن مبارك آل نهيان
Author: صديق الموج
Date: 10-05-2011, 06:52 AM
Parent: #63
| Quote: د. رحاب خليفة السنهورى |
بت خالى الشريفية ...................سلام
يازوله والله كان عارفين بختهم هم ...
غايتو كان جو هناك الا يسلموا ليها فى
ايدها حتى يأذنوا ليهم بالدخول
هيييييييييييييييييييع...
الف مبروك يا دكتورة،،،،
|
Post: #65
Title: Re: بوردابية فى بلاط معالي الشيخ نهيان بن مبارك آل نهيان
Author: عاطف عمر
Date: 10-05-2011, 06:53 AM
Parent: #1
تكرار التهاني القلبية الصادقة يا رحاب| Quote: عاطف ابوعمر، دي زي عملات الفلسطينين بما اني ما عارفة اسم ابنك الفي الصورة |
إبني إسمو ( أمين )
أو للدقة ( محمد الأمين )
_______________
إنت قايلة صاحبك البروف دا نحنا بنريدو من شوية ؟؟؟
|
Post: #66
Title: Re: بوردابية فى بلاط معالي الشيخ نهيان بن مبارك آل نهيان
Author: عبد الله كسلا
Date: 10-05-2011, 07:27 AM
Parent: #65
ألف ألف مبروك دكتورة رحاب
تمنياتنا ليك .. ولكل بنات سودانا الحبيب دوام التفوق والتميز 
وعقبال يسن إن شاء الله
وشكراً ليك يا سمارت على الخبر الجميل
|
Post: #67
Title: Re: بوردابية فى بلاط معالي الشيخ نهيان بن مبارك آل نهيان
Author: عبدالمجيد الكونت
Date: 10-05-2011, 07:49 AM
Parent: #66
موفقة دوما دكتورة رحاب
|
Post: #68
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-05-2011, 02:40 PM
Parent: #67
المسافر تسلم و يسلم البيبي المكرفس وشه في بروفايلك ده، ملاحظة ليك من زمااان ما غيرته
الحاج عمدة الشعبية، بارك الله فيك و في كريم كلامك، دائما
خليل، ده من حسن ظنك بس
شكرا ليك
|
Post: #69
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-05-2011, 02:43 PM
Parent: #68
ممكونة شخصيا؟ انتم من جملتوني بكريم كلامكم
حامد محمد حامد، لوول، انا مغسة الايفون فايف كاتلاني بالرغم من اني لا اقتني اي فون حاليا، زي التصوم تصوم و تفطر علي اي فون فور اس
يا الف شكر يا هارون علي كريم كلامك
|
Post: #70
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-05-2011, 02:44 PM
Parent: #69
يا ود الصايم، يا ملح البورد، اعتز بكلامك جدا وشاكرة وجودك هنا
تسلمي يا دلال، و يكرمك رب العزة و الاخوات الكرام المذكورات
محمد يوسف، ياخ انا اول مرة اعرفك انك معانا بي جاي برضه، لوووول، ازيك ياخ و شكرا
|
Post: #71
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-05-2011, 02:45 PM
Parent: #70
يا غباشي، ميرسي طن
يا الف شكر جعفر محي الدين، و احسبها نعمة كبيرة من الله ان استطعت ان ادرس
راسكم مرفوع بجمال خلقتكم و اخلاقكم يا داليا و عقبال الامورة ما تواصل في درب امها
عجبني جدا البيبز اللابساهو، لووول
|
Post: #72
Title: Re: بوردابية فى بلاط معالي الشيخ نهيان بن مبارك آل نهيان
Author: Yassir Tayfour
Date: 10-05-2011, 03:11 PM
Parent: #71
بنات زي الورد
مزيد من النجاحات يا د. رحاب
والشكر لسمارت..
|
Post: #73
Title: Re: بوردابية فى بلاط معالي الشيخ نهيان بن مبارك آل نهيان
Author: omer osman
Date: 10-05-2011, 03:16 PM
Parent: #72
الف مبروك لدكتورة رحاب وللسودان
شكراً سمارت ........
|
Post: #74
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-05-2011, 10:09 PM
Parent: #73
sami Alzubair ..شكرا جزيلا
Elfatih Abuelhia...مشكور على المرور... تسلم
Aymen Tabir...شكرا على الكلمات الطيبة لرحاب و اسرتها
نهلة محكر...تسلمى يا نهلة ...شكرا
عبدالرحمن الحلاوي...فعلا الامارات دولة محترمة جدا...و ده احد اهداف البوست....الناس بتعمل فى شنو
خالتى doma شخصيا !!!!! الف الف مرحب...قطعتى راسنا هنا من بعدك. الحمد لله على السلامة
صديق الموج ..شكرل جزيلا
عاطف عمران شاء الله بس ما سميت الزول الظريف اللى فى الصورة على البروف اب صلعة????
قول لى انها صدفة...please
عبد الله كسلا...شكرا على الورد...تسلم
عبدالمجيد الكونت شكرا جويلا
ياسر تيفور....وينك يا اخى? شكرا ليك
omer osmanشكرا جزيلا...عقبال الاولاد
|
Post: #75
Title: Re: بوردابية فى بلاط معالي الشيخ نهيان بن مبارك آل نهيان
Author: جمال الباقر
Date: 10-05-2011, 10:48 PM
Parent: #74
الف مبروك د. رحاب ومزيد من النجاحات
ياريت لو كان عنوان البوست غير ده
شكرا سمارت
|
Post: #76
Title: Re: بوردابية فى بلاط معالي الشيخ نهيان بن مبارك آل نهيان
Author: Hussein Mallasi
Date: 10-05-2011, 10:51 PM
Parent: #74
______
يا سامي الزبير .. دي مداخلتك التانية
يا ربي الأولى كانت شنو و متين 
|
Post: #77
Title: Re: بوردابية فى بلاط معالي الشيخ نهيان بن مبارك آل نهيان
Author: عمر ادريس محمد
Date: 10-05-2011, 11:44 PM
Parent: #76
تهانينا وألف مبروك د. رحاب الخليفة
والتهانى موصولة لبنت السودان حبوبة ,وأم , وشابة , وطفلة
مزيدا من التقدم والتفوق والنجاح .
* شكرا اسمارت
|
Post: #78
Title: Re: بوردابية فى بلاط معالي الشيخ نهيان بن مبارك آل نهيان
Author: mohmmed said ahmed
Date: 10-06-2011, 05:12 AM
Parent: #77
الف مبروك د رحاب
اضافة نوعية لبورداب العين
بعد ان ذهبت عنا
لنا مهدى
التسجيل فى كشف بورداب العين بطرف الزميل معتز الشهير بعباس
|
Post: #79
Title: Re: بوردابية فى بلاط معالي الشيخ نهيان بن مبارك آل نهيان
Author: عائشة موسي السعيد
Date: 10-06-2011, 06:08 AM
Parent: #78
Quote
والله يا سمارات انتى ما عارفه حاجة ساى !
بلاط الشيخ نهيان هو الذى تشرف برحاب الخليفة
دى بت السناهير تقولى لى نهيان !!
|
Post: #80
Title: Re: بوردابية فى بلاط معالي الشيخ نهيان بن مبارك آل نهيان
Author: أميمة أحمد العبيد
Date: 10-06-2011, 06:10 AM
Parent: #78
رغم عدم معرفتي بي رحاب وكذلك اسمارت لحداثة تسجيلي بالمنبر
لكن الخبر فرحني من جووووووووووه
الف الف مبروك د. رحاب وشكراً اسمارت
التحية والتقدم للجميع
|
Post: #81
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-07-2011, 03:21 AM
Parent: #80
تسلمي يا دينا علي كلامك الحلو
لكن بالجد تشرفت بمقابلته انا دي ياخ و المقامات محفوظة بين الراعي و الرعية، لوووول
دي رابع مرة اقابلة في مناسبات مختلفة، بما فيها طلبة الدكتوراة الدفعة القبليهم، و لكن تاثرت بصراحة المرة دي بخطابه عن الاماراتيين و شكر السودانيين في المجلس لمن عيوني رقرقن
كنت لابسة توب اسود زي ما قالت سمارت و فيه شغل بسيط بالقرمصيص كان عملته لزواج صديقتي، ما واضح في الصورة لكن بجيب صورة ان شاء الله، دي اول مرة في حياتي البس توب في مناسبة تخص الجامعة من اشتغلت في اي جامعة في الدنيا دي، لانه ما بعرف البسه كويس و يا قول امي ببشتن التوب
واحد صاحبنا، اول ما شاف الصورة، قال لي التوب ده لو ختيتيه في راسك كان بيشقه؟ لوول
هو يا بتي بعد لبس التوب، سالني الشيخ انتي من وين؟ اظنه سواد التوب ما كون موضح شكله كتوب
التوب لاحظ ليه سفير السودان الكان حاضر المجلس، اعتقد في اثيوبيا كان، و قال لي مثلتينا خير تمثيل و بصراحة اتخلعت لوقع التوب، لمن قررت البس توب في مناسبات الجامعة الرسمية كلا، او علي الاقل جزء كبير منها
ـــــــــ
السناهير ديل اهل امي يا دندون، الوالد اسمه محمد عثمان خليفة - اصلا براهو ما عاجبو استعمال اسم الاسرة فقط و اسمي علي نظام الانجليز، مع انه كان بايد بكري و ما بايدي :)
|
Post: #82
Title: Re: بوردابية فى بلاط معالي الشيخ نهيان بن مبارك آل نهيان
Author: Ammar Elyas Babiker Hassan
Date: 10-07-2011, 05:42 AM
Parent: #81
نعم هذا البوست يعطي مثالا لنجاح السودانيين بالخارج فهم دوما محل تقدير لما يملكونه من معرفة وامكانيات عالية
بالتوفيق دوما د. رحاب وبقية بنات وابناء وطني
بالجنبه كده اريتو حال وسن ولينه بناتي
|
Post: #83
Title: Re: بوردابية فى بلاط معالي الشيخ نهيان بن مبارك آل نهيان
Author: منصوري
Date: 10-07-2011, 07:07 AM
Parent: #82
مبروك دكتورة رحاب
السناهير ديل اصلهم ناس علم من زمان
ياريت تجينا في ابوظبي نعمل ليها إحتفال يليق بمكانتها في النادي السوداني
|
Post: #84
Title: Re: بوردابية فى بلاط معالي الشيخ نهيان بن مبارك آل نهيان
Author: نجلاء قرافي
Date: 10-07-2011, 07:51 AM
Parent: #83
تتعلي ماتتدلي
يارحاب
اعتقد اكبر انجاز ليها علمها واجتهادها .
اسمارت غايتو حسيت من العنوان اني في زمن غابر خلاس
تشبه لي قصه كده بلاط ال الرشيد ومائة الف من الابل والف الف دينار ذهبيه .
بلاد تحتفي بالعلماء والاكاديميين المميزين ..التحيه للامارات احتضتن السودانيين منذ امد بعيد .
|
Post: #85
Title: Re: بوردابية فى بلاط معالي الشيخ نهيان بن مبارك آل نهيان
Author: خالد درق
Date: 10-07-2011, 08:45 AM
Parent: #84
الف مليون مبروك دكتورة .. رحاب
ومذيد من النجاح يارب
مودتى ...
|
Post: #86
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-07-2011, 10:03 PM
Parent: #85
سلامات جمال الباقر معليش اذا العنوان ما عجبك.....و شكرا ليك
ملاسي...بطل مشاكل..صفق بس و امشى
عمر ادريس محمدشكرا ليك....عقبال كل بنات السودان
mohmmed said ahmedملموميين فى الحرم ان شاء الله. شكرا ليك
عائشة موسي السعيد..شكرا جزيلا
أميمة أحمد العبيدمرحب بيك فى البورد و اتمنى ان يطيب ليك المقام
وشكرا جزيلا
Ammar Elyas Babiker ربنا يخلى ليك بناتك و يفرحك بنجاحهم و توفيقهم
منصوري شكرا و تسلم
نجلاء قرافي ..شكرا ليك. حقيقى العنوان للفت الانظار. بعدين الراجل بالجد عزمهم فى قصره
خالد درق..شكرا جزيلا
|
Post: #87
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-08-2011, 07:51 PM
Parent: #86
نهال كرار يااا كريمة، وينك مختفية؟ سلمي لي علي الزول المعاك بالله و مشتاقين لنقاشاتكم
وليد اخوي، من غير دكتورة بليز، و شاكرة ليك عبير كلماتك
الكريمة منال، سلمتي يا ستي من كل سوء و حفظك الله، اظنك ده اول بوست تدخليه لي، لمن قربت افتح ليك بوست و اعنونه، في زولة ما بتدخل بوستاتي، تاني عديتهم لقيتهم كتار، لووول
|
Post: #88
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-08-2011, 07:52 PM
Parent: #87
مهيرة، و انت بكل خير يا كريمة
يا الطيب، ربنا يحفظك و يعليك و من تحب
رشا السوارابية، السودان معروف باهله و سيظل باذنه، و ربنا يرفع حال البلد
|
Post: #89
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-08-2011, 07:53 PM
Parent: #88
مشكور يا الزنجي، العلم مهم و مهم و ياريتنا نعمل ربع ما تعمله الامارات من ناحية صرف و تركيز علي العلم
و الله يا اسماء الجنيد بحب ادخل وراك اي بوست، لانك بتحسسيني اني في البيت و بين اخواتي و امي و اهلي، ربنا يحفظك يا حنونة و كل من تحبين
|
Post: #90
Title: Re: بوردابية فى بلاط معالي الشيخ نهيان بن مبارك آل نهيان
Author: عبدالله السفاح
Date: 10-10-2011, 11:33 AM
Parent: #89
الف مبروك دكتورة رحاب ومزيد من النجاح
وتستاهلي كل خير
|
Post: #91
Title: Re: بوردابية فى بلاط معالي الشيخ نهيان بن مبارك آل نهيان
Author: قيقراوي
Date: 10-10-2011, 12:05 PM
Parent: #90
مبروك لبلاط آل نهيان
د. رحاب تشرف أي فضاء تحل فيه
---------
يا اسمارت العنوان ما بيشي بالمتن ..
او هكذا بدى لي غايتو!!
ما تقولي اخوك اليومين ديل ما موفق كلو كلو يا قول ود البشرى
|
Post: #92
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-10-2011, 06:17 PM
Parent: #91
عبدالله السفاحشكرا جزيلا
قيقراوي كلمة "بلاط" دى ما اظن فيها اى تقليل لقيمة ضيوف معالى الشيخ. و الله اعلم طبعا.
لكن خلينى اقول (احتمال) اكون ما وفقت فى اختيار العنوان....لانى بصراحة ما متاكده من الموضوع...و الفتيش فى قوقل بالعربى صعب حبتين.
ود البشرى بعد عدم التوفيق اللى هبط عليه فى بوست زينب السورية اتبث انه فعلا لياقته تعبانة
|
Post: #93
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-11-2011, 04:08 AM
Parent: #92
الكريم عبد المنعم التلب، ربنا يحفظك و ربنا يستجيب لدعوتك بتسديد الخطي لينا كلنا ان شاء الله
الكريم مهاجر، شاكره طيب كلماتك و رقيك
كمال علي الزين الحبوب، تعليقك ده من لطفك، و سعيده و متشرفه بوجودي معاكم هنا في غربتي المستمره دي
لووول، و الله لابسة توب يا دندون، لكن واقع من الراس و كمان صف الاساتذة بورا الطلبة عشان كده ما كان واضح
ياخ اللبسة الافريقية اصلا ما تطرشق يا كيمو، بس ورونا شكلها كيف، لووول
|
Post: #94
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-11-2011, 04:08 AM
Parent: #93
سمارتوز، جدا يا حبيبة، ح اتكلم عن البعرفه من حجم استثمار الاماراتيين في التعليم، لكن قلت افشل نظرية بروف امين و ارد في وقت مناسب للمتداخلين، مع انك كفيتيني و الله و وفيتي، ربنا يحفظك
اوووه، سامي ود الزبير، و انت كمان و ست البنات المعاك ديك، فخورة بيها و بانجازاتها
لكن اموت و اعرف مداخلتك الاولي كانت وين يا سمسم؟ لوووووووووول
غايتو ملاسي ما قصر
يا الف شكر يا الفاتح علي لطيف كلامك، اخي اسمه الفاتح برضه، يخيل لي اسم الفاتح ما منتشر كتير في السودان ولا انا ما جايبة خبر
|
Post: #95
Title: Re: بوردابية فى بلاط معالي الشيخ نهيان بن مبارك آل نهيان
Author: esam gabralla
Date: 10-11-2011, 06:19 AM
Parent: #94
دي رابع مرة اقابلة في مناسبات مختلفة
----------------------------------------------
هى مقابله واحده خالعانا في داعى لذكر الباقي ده , مناسبات مختلفه دى يعنى مره سد مال و مره جبنة سيدى الحسن!! رجاءآ راعو مشاعرنا نحن العامه و "الرعاع"
يا فرده ما دام واصله كدى "كشكيهو" لينا يشغلنا حتى لو تيي بوى في بلاط سعادته (إتخيل منظرك تتكلمى معاهو في التلفون: يا نهيان ياخى عندنا ولدنا كده معذبنا ... الخ الخ)
دايمآ مشرفانا و رافعه راسنا , مزيد من النجاحات ...
بالجنبه: توب نهيان ده شكلو مصيره مظلم زى توب العرس المسكين اياه
|
Post: #96
Title: Re: بوردابية فى بلاط معالي الشيخ نهيان بن مبارك آل نهيان
Author: قيقراوي
Date: 10-11-2011, 08:40 AM
Parent: #95
Quote:
قيقراوي كلمة "بلاط" دى ما اظن فيها اى تقليل لقيمة ضيوف معالى الشيخ. و الله اعلم طبعا.
|
لا ابداً يا اسمارت ما فيها شئ (بلاط)
المشكلة مني انا دا
Quote:
بوردابية فى بلاط معالي الشيخ نهيان بن مبارك آل نهيان
|
ما عارف ليه فهمت انو آل نهيان ناسبونا!؟
(في) دي فهمتها (قاعدة) طواااالي يعني ..
ما قايلا مقابلة مرة واحدة بس!
--------
لكن سعدت جداً انو المحتفى بها هنا - في المتن - هي د. رحاب خليفة
|
Post: #97
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-12-2011, 05:06 PM
Parent: #96
يا ايمن دينا تكيف، لكن بترفدني كان تابعتها، لووول
شاكرة كريم كلامك
نهلة محكر، و الله البركة بالشوفة
و انتي كمان من نجاح لنجاح يا رب
الكريم عبد الرحمن، هي فعلا بدات من حيث انتهت باقي الدول، و ما يعجب في تقدمهن انهم لم ينسو ماضيهم
|
Post: #98
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-12-2011, 05:10 PM
Parent: #97
و الله يا ماما دوما انا سعيدة بجيتك المنتدي بعد طول غياب و شايفاك شغالة نيشان طوالي، لوول
مش الانجليز بيقولو
the apple does not fall far from the tree?x
:)
|
Post: #99
Title: Re: بوردابية فى بلاط معالي الشيخ نهيان بن مبارك آل نهيان
Author: ombadda
Date: 10-12-2011, 05:30 PM
Parent: #98
إلى الامام
وبالتوفيق د.رحاب
ولا تنسى الوطن، حتى ولو بتقديم ورقة علمية فى مؤتمر فى السودان أو محاضرة فى أى جامعة سودانية.
وفى إعتقادى العلم لا يعرف الحدود الجغرافية ولا يعرف السياسة.
فائدتى كانت عظيمة من علماء الطب والاساتذة الأمريكان والكنديين والانجليز من أصول مصرية وسورية وأردنية.
هؤلاء يأتون فى إجازتهم السنوية لبلادهم الام. وبدلا من الراحة والاستجمام نجدهم ينخرطون فى نشر ما تعلموه واكتسبوه
فى مؤتمرات وكورسات تدريبية قصيرة. نجد الواحد فيهم واقفا لساعات ولساعات. إقتربت من منسق إحدى هذه الكورسات
وسألته عن الأجر الذى يتقاضاه هؤلاء نظير خدماته- مع العلم بأن رسوم تلك المؤتمرات والكورسات رمزية للحد البعيد.
إجابته كانت: إنهم متطوعون فقط.
متى نرى علماء بلادى المنتشرين حول العالم وهم يتطوعون لخدمة أوطانهم فالحكومات تأتى وتذهب ويبقى الوطن.
|
Post: #100
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-14-2011, 06:50 PM
Parent: #99
صديق الموج مرة واحدة؟
و عليكم السلام و رحمة الله
و بختي انا بيكم و كريم كلامكم
و انا اقوووول يا عاطف
عارف، ذكرتني في بيتنا اصغر اخواني اسمه ياسين سميته انا لمن كنت صغيرة، و سميت ولدي الان ياسين عليه، و اخوي ياسين ده زاتو عنده ولد، سماه احمد علي نفس اسم اخوي الكبير احمد، اخوي الفي النص ما متزوج اسمه الفاتح، لمن سمع باسامينا دي، حلف قال اول ما يجيب ولد ح يسميهو الفاتح الفاتح، لووول
|
Post: #101
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-15-2011, 01:13 PM
Parent: #100
يا الف شكر يا عبدالله
ياسين محتج، و ام ياسين حاسة بذنب دائما تجاهه، مع محاولاتي المستديمة انه ما يحس بشغلي الكتير
منور البوست يا كونت، ايامك و ايام الليموني، لوول
و اولاد زي ال..شنو بيقولو؟ لوول :)
شكرا يا طيفور ياخ
|
Post: #102
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-15-2011, 01:15 PM
Parent: #101
يا الف شكر يا جنابو عمر علي لطف كلامك
و شكرا ليك يا جمال
غايتو يا حسين كان ما البوست ده عني، اتناااشر كلمة بحالهم لسامي، البركة في صفقتي، لووول
|
Post: #103
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-15-2011, 01:16 PM
Parent: #102
شكرا ليك يا عمر، و للطف كلماتك
يا شكرا يا محمد، حاضرين نمشي من دربنا نفتش عباس
يا شكرا يا عائشة، و المقامات محفوظة، لوول
|
Post: #104
Title: Re: بوردابية فى بلاط معالي الشيخ نهيان بن مبارك آل نهيان
Author: Raja
Date: 10-15-2011, 01:18 PM
Parent: #102
مبروك للحبيبة رحاب.. القصر زاد شرف وليس العكس
سلامات سمارتي.. رفعتو الفراش ولا لسة :)
|
Post: #105
Title: Re: بوردابية فى بلاط معالي الشيخ نهيان بن مبارك آل نهيان
Author: محاسن أحمد محمد
Date: 10-15-2011, 07:18 PM
Parent: #104
| Quote: التحية للدكتورة رحاب و لدكتور محمد الامين موسى و لجميع الدكاترة و الاساتذة السودانيين بجامعات الامارات |
فخر لنا والله الدكتورة رحاب
وشكرا سمارت
|
Post: #106
Title: Re: بوردابية فى بلاط معالي الشيخ نهيان بن مبارك آل نهيان
Author: انعام حيمورة
Date: 10-16-2011, 09:49 AM
Parent: #105
برغم الحزن الفي الزول لكن البوست دا فرحني والله وقريت كل التعليقات الفيهو وحتى ردود اسمارت ورحاب
فرحت بي كلامكم كتير ..
يارب دائما رافعين اسم السودان يا رحوبة ..
---
وشكرا اسمارت لبصيص الفرح الدخلني بي سبب البوست ..
مودتي ليكم ولي كل المتداخلين
|
Post: #107
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-16-2011, 05:26 PM
Parent: #106
قيقراوي
| Quote: ما عارف ليه فهمت انو آل نهيان ناسبونا!؟ |
يا ريت يا اخى..ناس فاهمين و محترمين و غنيانيين و عرب (اساد الاسم)
____________________________
شكلى فنعتا من البوست كده ....اكتب كلام ذى ده!!!!!!!!!!!!!!!!!!!!!!
سلامات د. امبدهكلامك صحيح...يبقى الوطن. لكن انابعرف ناس كتار (مهندسين) حاولوا -والله- جادين جدا يعملوا محاضرة ..ندوة...سمنار فى احدى الجامعات و حتى دار المهندس, و الموضوع ما اثار اهتمام ناس كتار.
سلامات يا رجاء..تسلمى.
رفعنا الفراش خلاص...همنا بقى فى ال اى فون الجديد و كده
سلامات محاسن أحمد محمد شكرا جزيلا..تسلمى
|
Post: #108
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-16-2011, 05:27 PM
Parent: #107
انعام البركة فيكم...و نعمل شنو؟ ده حال الدنيا.
ما عندنا غير نقول الحمد لله و نرضى بقضاء الله
|
Post: #109
Title: Re: بوردابية فى بلاط معالي الشيخ نهيان بن مبارك آل نهيان
Author: ismeil abbas
Date: 10-16-2011, 07:02 PM
Parent: #108
لك التقدير وألأعزاز أخت رحاب.....والشكر موصول لآسمارت لجلب مثل هذه ألأخبار التى تبعث الفرح والسرور لكل سودانى غيور..
|
Post: #110
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 10-17-2011, 07:13 PM
Parent: #109
شكرا جزيلا ismeil abbas....
وربنا يوفق كل اولادنا و بناتنا
|
Post: #111
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-21-2011, 05:14 AM
Parent: #110
يا اميمة، و الله فرحني وجودك بالرغم من عدم معرفتي بيك برضه، بعدين ما تشوفي الناس دي بتتونس مع بعض كده، تلقي نصنا ما عارف نصنا، لوول
حبابك في سودانيز
يا الف شكر يا عمار، نحسبه اجتهاد منا و انما هو جله توفيق من الله، كل في مجاله
الكريم منصوري، شاكره كريم كلماتك في حق اهل والدتي، و ليس لي مكانة تليق بي غير وسط اهلي
ربنا يحفظكم كلكم
|
Post: #112
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-21-2011, 05:15 AM
Parent: #111
و انتي كمان لك بالمثل لدعوتك الكريمة يا نجلاء
الامارات مميزة من ناحية تركيزهم علي ابنائهم
الف الف شكر يا خالد، ربنا يحفظكم
يا سلااام يا عبدالله، ربنا يحفظك دائما و ابدا و حنين كلامك
|
Post: #113
Title: Re: بوردابية فى بلاط معالي الشيخ نهيان بن مبارك آل نهيان
Author: Adil Al Badawi
Date: 10-21-2011, 09:05 AM
Parent: #112
سلام يا سمارت ومشكورة على التعريف برحاب المعرفة سلفاً
بالتوفيق يا رحاب في موقعك الجديد والـذي أعتقد أنه المكان الصحيح فالأمارات قد خطت خطوات مقدرة في التعليم عموماً وتعليم المرأة على وجه الخصوص.
أدناه تقرير عن المرأة بدولة الأمارات (الدولة كما يحلو لساكنيها) كنت قد شاهدته ضمن متابعتي لحلقات برنامج المرأة النموذج والتي صادف موعد بثها فسحة غدائي. ورغم تحفظي على بعض الجوانب ببعض حلقات البرنامج إلا إنه قد أفلح في تعريفي على نساء بموريتانيا والسعودية وغيرها فضلاً عن حلقة "أم الأمارات" والتي وجدتها حلقة مميزة فقد نورتني الحلقة حول تعزيز قدرات المرأة بالأمارات على وجه التحديد.
http://www.youtube.com/watch?v=zIU683-C6kg
http://www.youtube.com/watch?v=XuEhODDoX3g&feature=related
http://www.youtube.com/watch?v=HgAHLEFApLU&feature=related
بالتوفيق مجدداً ولا نقول لأمهاتنا وأخواتنا أنتن أهل لذلك فذلك بديهي، وإن لم أوفق إلى مشاهدة حلقة عن سودانية ببرنامج "المرأة النموذج" (هل كانت هنالك واحدة!)، وإنما نسعى لأن نحتفي بهن ما وجدنا إلى ذلك سبيلاً.
|
Post: #114
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-27-2011, 04:18 PM
Parent: #113
متشرفة انا بوجودكم حولي يا قيقاراوي
العنوان حلو يا قيقا ياخ، و عاجبني عالم الله، لووول
سمارت تكتب و انتو اعملو الوشي بالمتن زي ما دايرين، لوول، وشي دي ما اظنها صاح، لكن الحمدلله :)
|
Post: #115
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 10-27-2011, 04:26 PM
Parent: #114
ود جبرالله، البركة بالشوفة و ان شاء الله ناهد بقت احسن
المقابلات دي دايرة ليها ونسة، لوول
فكرة المجالس و تسهيل مقابلة الرعية دي حكاية في الامارات
لووول، التياب مصيرها الدواليب يا عصام براك عارفني و بهدلتي ليهم، لكن بعد الزيارة دي قررت دائما البس واحد في زيارة رسمية
***************
هههههههههههههههها
قلت لي ناسبونا يا قيقا؟
بس دي ياها زاااتها انت تكتب ما تريد و انا افهم ما اريد :)
|
Post: #116
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 11-05-2011, 04:55 PM
Parent: #115
السلام عليكم و كل عام و انتم بكل خير
يا سمارت و كريم ضيوفك
اسفة للغيبة و عدم الوفاء بوعد الكتابة عن الامارات و اهتمامها بالتعليم للان و الردود علي كريم مداخلاتكم، و لكن يعلم الله الوقت ما بعرفه بيمشي وين، من افتح عيني، لحدي ما انوم تاني، والحقيقة حصلت تطورات من ساعات فتح البوست زادت من مشغولياتي الادارية و بقيت ما ملاحقة علي حاجات كتيرة، منها و اقلها اهمية - النوم
السماح، و كل سنة و انتم بكل خير يا من هذبتموني باشراقكم
and as Arnie says
I'll be back
in sha Allah
|
Post: #117
Title: Re: بوردابية فى بلاط معالي الشيخ نهيان بن مبارك آل نهيان
Author: Tragie Mustafa
Date: 11-05-2011, 05:08 PM
Parent: #116
الف مبروك يا رحاب خليفه كل الانجازت الاكاديميه و الوظيفيه.
طبعا طالعت عنوان البوست وما عجبني(معليش يا اسمارتي)
وبتفق مع صاحب الاقتباس:
| Quote: ياريت لو كان عنوان البوست غير ده |
فاذا كان البوست يهدف للحديث عن بورادابيه متوفقه اكاديميا
وحققت نجاح وظيفي فان بلاط آل نهيان هو من تشرف بحضورها!
وانت يا اسمارتي عايزه تتحدثي عن صديقتك بس ربما فات عليك
ان تبثي شيئا من قيم الدوله العظيمه التي تقيمي بها
والتي اتمنى لك ان تكوني نلتي جنسيتها.....لذا امثالك لا يبرهمهم بلاط ولا سلاطين
بقدر ما تبهرنا قيم حقوق الانسان و الديمقراطيه باي بلد معنيه.
الامارت اعرف انه نموذجها مشرف تجاه شعبها...ولكن لا زال ينقصهم الكثير في مجال حقوق الانسان.
اتمنى لهم كل تقدم ولرحاب خليفه كل الخير
وان كنا نحلم بعودة كل الطيور المهاجره
خاصه التي نالت تاهيل علميا ليشاركوا في اعادة اعمار بلادنا التي صارت خرابه!
شكرا اسمارتي.
ومزيد من النجاحات لك ايضا.
كونوا جميعا بخير.
|
Post: #118
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 11-10-2011, 10:43 PM
Parent: #117
سلامات Adil Al Badaw...و شكرا جزيلا على الوصلات...
سلامات يا رحاب...كلنا عارفين موضوع المشغوليات دى...ما فى مشكلة...اخدى راحتك...فتح البوست ما كان الغرض منه اضافة مسؤلية جديدة ليك...لما تلاقي فرقة خشي...برف امين ده ما تشتغلى بيه.
سلامات يا تراجى و كل سنة وانتى طيبة.
اكيد بلاط الشيخ اتشرف بضيوفه العلماء الاجلاء.
لكن....كمان ما يفوتنا اهمام الشيخ بالعلم و العلماء و احترامه ليهم و تقديره.و ده براه بيزيد بلاط السلطان شرف. ما نكون حساسين يا جماعة فى موضوع بلاط ده....انا هسي لو اوباما عزمنى قهوة ح اتبسط شديد. الامراء (او الشيوخ) ناس عندهم قدرهم و وضعهم فى بلادهم.....ما فى سبب يخلينا احنا ما نحترمهم (طول ما هم محترمين).
اما عن البلد اللى انا عايشه فيها.....فهى بلد تحترم العلم و المال و الرياضة و الفن و كل شيء ممكن يكون فيه الزول مميز.لكن انا ما شايفه مناسبة هنا انى اتكلم عنها.
الهدف الاساسي من البوست هو لفت الانظار لاحترام الامارات و اهتمامها بالعلم و العلماء. و الهدف التانى كانت تنبيه بناتنا انه ممكن يقروا و يجتهدوا و يطلعوا من سجن التقاليد و العادات و انه الواحدة ممكن تعمل اى شيء بعلمها و عقلها.
|
Post: #119
Title: Re: بوردابية فى بلاط معالي الشيخ نهيان بن مبارك آل نهيان
Author: smart_ana2001
Date: 11-15-2011, 01:44 AM
Parent: #118
...
|
Post: #120
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 12-09-2011, 05:48 PM
Parent: #119
سلامات يا امبده
و نعم الوصية، و مهما الواحد عمل يحس بتقصير لعدم وجوده بالبلد
الامثلة كثيرة لمحاولات البعض، و خصوصا من اساتذة اجلاء و زملاء بالامارات اعرفهم، كرسو الكثير من وقتهم، و جهدهم و مالهم لخدمة الاكاديمية السودانية
ياريت لكن لو كان في حاجة منظمة يشارك فيها الواحد، و الله يا امبده الواحد مرات يتحير لما تسمع رد فعل البعض عند عرض خدماتك، دي دايره ليها بوست منفصل، و كلام سمارت تحت يوصف حالة حاصلة، لكن الواحد يصر و يقيف
________________
سلامات يا رجاء و شاكره كريم كلامك، تحياتي و حبي لبنات العباسي
و راوية معانا و ما معانا بقت في سودانيز
|
Post: #121
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 12-09-2011, 05:51 PM
Parent: #120
الف شكر ليك انت يا محاسن، ترفعو معنويات الواحد
_______________________
انعام الحبيبة
و الله فرحت انك زرتينا في البوست، رغم حزنك، انا ما كنت متابعة و اسفة بجد
احنا الفخورين باخت كريمة مثلك، بذلت وقتها و جهدها و ما زالت لخدمة الغلابه و المحتاجين من اهلنا
ربنا يحفظك و زوجك و يسعدكم
|
Post: #122
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 12-09-2011, 05:54 PM
Parent: #121
الاخ الكريم اسماعيل عباس
ربنا يحفظك و شكرا لك انت
احب جدا اقرا لك يا اخ اسماعيل، خصوصا في مره من المرات كتب اخ كريم معنا هنا معاتبا انه ناس سودانيز ما عزوه في وفاة والده، و تداخلت في البوست بعديها و اعتذرت و قلت ما كنت فاكره الحاجة دي بتهم صاحب العزاء للدرجة دي، وقمت انت كتبت لي كلام جميل جدا عن ضرورة الحاجة دي، حاولت بعده كل ما القي بوست عزاء ادخل و اشارك، و بالفعل دي حاجة مهمة مشاركتنا بعضنا افراحنا و اتراحنا
ما عارفة مناسبة الكلام ده شنو، لكن اظني ما ح القي لي مناسبة اشكرك فيها للفت نظرنا بالمنتدي
|
Post: #123
Title: Re: بوردابية فى بلاط معالي الشيخ نهيان بن مبارك آل نهيان
Author: قيقراوي
Date: 01-02-2012, 10:32 PM
Parent: #122
وين دا يا اسمارت
Quote:
شكلى فنعتا من البوست كده ....اكتب كلام ذى ده!!
|
نيابة عن نفسي .. و اصالتن عن كل المستوسـخين في البوست دا تم رفعه للعام الجديد
المافي شنو هو!؟
-------
بعدين بالغتي في الحتة الاقتبست منها دي كلو كلو
لو عرفوها الجماعة غايتو الا ترحلي من البورد دا !
|
Post: #124
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 02-01-2012, 10:55 PM
Parent: #123
سلامات يا عادل و زارتنا البركة
الحق يقال قرار الاستقرار لفترة في الامارات كانت حوافزة شخصية جدا، منها تغيير نمط المعيشة، و اهمها بالنسبة لي كان تحسين اللغة لياسين بعد ملاحظة تقهقر قدرتي علي المثابرة في انجلترا مع قصة العربي دي، و الحمدلله تحسن العربي كميات، مع انه بتكلم عربي خليجي
لكن بسرعة اتضح لي انه هناك الكثير الممتع لتقديمة للاكاديمية يختلف عن كتابة الاوراق العلمية و النشر، حتي علي مستوي ونسة عادية في كافتيريا مع الطالبات عن طموحاتهن ومستقبلهن و الوداني انجلترا شنو و اهلي رايهم شنو و شغلي و تفاصيله، الواحد حاسي انه بيعمل في حاجة مختلفة
ايوه و الله، انا شفت كم حلقة من الفي اللينكات ديل، لكن ما اذكر اني شفت سودانيات، مش غريبة؟
سلامي لبنتي، ان شاء الله هي بخير
|
Post: #129
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 06-29-2012, 06:34 PM
Parent: #123
Quote: نيابة عن نفسي .. و اصالتن عن كل المستوسـخين في البوست دا تم رفعه للعام الجديد
المافي شنو هو!؟
Gega |
لووول، و الله يا قيقا بس لو ما الدنيا ثورة :)
-----------
بكرة قيامة بورد بكري و حبيت اشكر كل من تداخل معي و شاكرة سمارت ست البوست علي لطفها و شكرا علي كريم كلماتكم يا الشفيع و معتصم، اخر المتداخلين
و عذرا لعدم قدرتي علي الوفاء بعهد ان اتحدث عن مجهودات الامارت في التعليم و البحث العلمي، و لكن ان شاء الله تجي مناسبة تانية
ربنا يحفظ لينا السودان
|
Post: #125
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 05-18-2012, 07:14 PM
Parent: #77
for some reason i cannot see posts in this thread. I only see the first few and then just a load of lines. this is a test to see if posting is possible
apologies
|
Post: #126
Title: Re: بوردابية فى بلاط معالي الشيخ نهيان بن مبارك آل نهيان
Author: Rihab Khalifa
Date: 05-18-2012, 07:26 PM
Parent: #125
Quote: الف مبروك يا رحاب خليفه كل الانجازت الاكاديميه و الوظيفيه.
طبعا طالعت عنوان البوست وما عجبني(معليش يا اسمارتي)
وبتفق مع صاحب الاقتباس:
Quote: ياريت لو كان عنوان البوست غير ده
فاذا كان البوست يهدف للحديث عن بورادابيه متوفقه اكاديميا
وحققت نجاح وظيفي فان بلاط آل نهيان هو من تشرف بحضورها!
وانت يا اسمارتي عايزه تتحدثي عن صديقتك بس ربما فات عليك
ان تبثي شيئا من قيم الدوله العظيمه التي تقيمي بها
والتي اتمنى لك ان تكوني نلتي جنسيتها.....لذا امثالك لا يبرهمهم بلاط ولا سلاطين
بقدر ما تبهرنا قيم حقوق الانسان و الديمقراطيه باي بلد معنيه.
الامارت اعرف انه نموذجها مشرف تجاه شعبها...ولكن لا زال ينقصهم الكثير في مجال حقوق الانسان.
اتمنى لهم كل تقدم ولرحاب خليفه كل الخير
وان كنا نحلم بعودة كل الطيور المهاجره
خاصه التي نالت تاهيل علميا ليشاركوا في اعادة اعمار بلادنا التي صارت خرابه!
شكرا اسمارتي.
ومزيد من النجاحات لك ايضا.
كونوا جميعا بخير.
Taraji |
سلامات يا تراجي و شاكرة المداخلة
بالنسبة للامارات كنموذج مشرف لاهتمام الحكومات بمواطنيها و التقدم الملحوظ للبلد بين بلدان العالم، اكيد حاصل و الاماراتيين اول من يؤكد انه لابد اكمال ما بدوه من مشوار
ربنا يقدم الفيه الخير للبلد و كل علي قدر همته و مقدراته و من مكانه
الواحد بيشارك قدر ما قدرته و ظروفه تسمح و نفتقد البلد اكتر ما البلد فاقدانا اظنها يا تراجي
شاكرة مرة اخري طيب كلماتك و دمتي بخير
|
Post: #127
Title: Re: بوردابية فى بلاط معالي الشيخ نهيان بن مبارك آل نهيان
Author: الشفيع وراق عبد الرحمن
Date: 05-18-2012, 09:01 PM
Parent: #77
السودانيون حيث ما حلوا،،،أعلام
مبروك
وشكرا اسمارت
|
Post: #128
Title: Re: بوردابية فى بلاط معالي الشيخ نهيان بن مبارك آل نهيان
Author: معتصم دفع الله
Date: 05-19-2012, 01:56 PM
Parent: #127
تهانينا القلبية للأخت رحاب ..
بالتوفيق دائماً إن شاء الله ..
وتحية للأخت سمارت أنا ..
|
|
