Post: #1
Title: عبدالحكيم الدم الذي أضيف الي قائمة المياه
Author: حافظ حسن ابراهيم
Date: 04-04-2012, 06:08 PM
يا شباب ما تشتغلوا بالبوست دا شديد
هو حتة دارفوري و كمان نازح في معسكر كلمة و مات
يعني الموضوع عادي و الموت ما جانا صريح
هو ذاته ببالغ نجي من كل الميتات دي و داير يجي يعمل ليه حزب في الخرتوم محل الطيارة و الريس قدس الله سره؟
معقوله يا أخوانا؟!!!!!
دارفوري و مات
و الدارفوريات ديل خصبات جداً و الله جعلي واحد يولد خمسية....
يعني ما في حاجة تبكوا أو تتحسروا عليها......
و تاني نرجع لعبدالحكم معليش ما حنسميه شهيد إحتراماً لمشاعركم و إنما عبدالحكم حاف
يا خي حكم أنت من معسكر كلمة شنو التطاول العليك؟
ايوا الزول دا مات
لكن ما تشيلوا هم
ممكن تكون عربية ضربت ليه تلفون و استدرجته و في الظلط طسته
ما بعيد صح؟
ممكن يكون ساي منها و ليها دق روسية في ظلط الله و الرسول دا
يا شباب ما في زول يحزن لا حاجة
فالشهيد في هذا الوطن مسئولية ذويه
|
Post: #2
Title: Re: عبدالحكيم الدم الذي أضيف الي قائمة المياه
Author: حافظ حسن ابراهيم
Date: 04-04-2012, 06:18 PM
Parent: #1
ضرب لي ود أختي أمس الطالب في واحدة من الجامعات الكتيرة دي
أتصل علي و قال لي عبدالحكيم مات...
قلت ليه ليه مات؟
قال لي قرر يموت و قام مات
تمام هكذا قلت أنا
وا أختي دا شليق و قدر ما نصحناه يختار ليه قبيلة محترمة رفض و مصر يكون دارفوري
يا حسام ما ممكن نحن ننضف و انت ت######
المهم نرجع اعبدالحكيم ... و سألت ابن اختي الزول دا مات كيف و ليه؟
قال لي الزول دا مات ساي و رغبة في الموت ما أكتر و لا اقلا....
طيب انتو وين؟
نحن في المشرحة أم درمان
وصلت المشرحة لقيت ليك الشمس طلعت سودا .... الوجوخ سود و اليوم أكثر سواداً
سالتهم وين البقية
قالوا لي لسا ما وصلوا
المهم لحد الساعة 8 لم يصل أحد كما لم ينجح أحد أتخارجت و قلت الحي أولي من الميت
|
Post: #3
Title: Re: عبدالحكيم الدم الذي أضيف الي قائمة المياه
Author: حافظ حسن ابراهيم
Date: 04-04-2012, 06:25 PM
Parent: #2
المهم ما في زول يشتغل بالبانر
مش أنا قلت ليكم حتة دارفوري و مات؟
اللليه لازم أمشي الشغل لانو غيابي كتر
و الهامش دا طلع صليبنا يا خي
مشيت الشغل و علي إتصال بإبن أختي العاق
حوالي الساعة واحدة قال لي خلاص الناس ديل حيسلموا الجثمان
يلا تعال
استاذنت من المدير مع سبيلة عيون و بعض الدموع بما يعني أنني في كارثة
المهم من خلال التلفونات أتضح أن الموكب تم فرتكته بالعسكر و البمبان
يا خي ديل عبيد مجانين كيف يعني يتظاهروا جوة الخرطوم؟
بشيل هالك وصلت سوق ليبيا و منها الي دار السلام
يا خي دي دار سلام خالص
|
Post: #4
Title: Re: عبدالحكيم الدم الذي أضيف الي قائمة المياه
Author: حافظ حسن ابراهيم
Date: 04-04-2012, 06:33 PM
Parent: #3
اوكي يا شباب قبال التشييع و المقابر
اتصلت علي عدد من أصحابي
فكانت الإجابة يا خي البركة فيكم
و الله خبر مؤسف يا حافظ
رديت في سري يا شباب أنا ما داير بركتكم و لا أسفكم
أنا داير وجودكم في المشرحة
في الدافنة
دايكرم تشوفوا المحامين وين؟
تجيبوا التلج من وين؟
و أكتر دايركم تتطمونني ان الدنيا بخير و انتو جنبي؟
لكن قليل من الصدق لا يضر منهم كان عبدالله العيدروس حينما قال أنا لها و أنا بها؟
وجدته قبلي بالمشرحة و التحية لهذا الصديق اينما حل أو رحل
|
Post: #5
Title: Re: عبدالحكيم الدم الذي أضيف الي قائمة المياه
Author: محمد علي شقدي
Date: 04-04-2012, 06:42 PM
Parent: #4
حافظ اسكت كفاية ياخي
|
Post: #6
Title: Re: عبدالحكيم الدم الذي أضيف الي قائمة المياه
Author: حافظ حسن ابراهيم
Date: 04-04-2012, 07:04 PM
Parent: #5
| Quote: حافظ اسكت كفاية ياخي |
شقدي يا صديق لازم اكت و أكتب بالتحديد
لانو حزن قدر دا ما بقدر اتحملوا براي
المهم بناء علي التلفون اتركت
و تلفون أخر مضاد وجهني الي سوق ليبيا فتوجهت
مع كم حافة كدا بالغلط ركبنا انا و صديق الوجعة خالد بحر
ركبنا و نزلنا و تميناه الباقي ركشات حتي منزل ذوي عبدالحكيم
نفس وجوه المشرحة كانت وجوه بيت العزاء
الحزن الثقيل
الغضب الما لاقي حتي يتفرغ فيها
الحزن علي الحياة
هكذا كانت الوجوه
|
Post: #8
Title: Re: عبدالحكيم الدم الذي أضيف الي قائمة المياه
Author: مكي ابراهيم مكي
Date: 04-04-2012, 07:12 PM
Parent: #6
اكتب يا حافظ اكتب
ياها الحقيقة باينة يااااااااااخ
|
Post: #7
Title: Re: عبدالحكيم الدم الذي أضيف الي قائمة المياه
Author: انعام حيمورة
Date: 04-04-2012, 07:07 PM
Parent: #5
المجد والخلود للشهيد عبد الحكيم ولشهداء بلادي
له الرحمة والمغفرة والعزاء للجميع
|
Post: #9
Title: Re: عبدالحكيم الدم الذي أضيف الي قائمة المياه
Author: حافظ حسن ابراهيم
Date: 04-04-2012, 07:21 PM
Parent: #7
Quote: اكتب يا حافظ اكتب
ياها الحقيقة باينة يااااااااااخ |
مجدي يا صديق و كما اسلفت نفس وجوه المشرحة كانت وجوه بيت العزاء
الغضب.... الحزن.... و قلة الحيلة
بعد لت و عجن خرج الجثمان مغطي بالعلم الذي تتوسطة نجمة
شابات و شباب في عمر البسمة مقطبو الوجوه
يهتقون بحرقة
مقتل طالب مقتل أمة
يا بشير يا سفاح أوكامبو كلامك صاح
نفس الشباب الذين يهتفون بهذا الهتاف القاتل في السنة الماضية هتقوا
دارفور سلام و عدالة .... و الوحدة خيار الشعب
لكن اليوم غير يا صديق
من الوسط لم ينجح أحد عفواً قصدي لم يحضر أحد
و لكن الشرطة مثلتهم خير تميثل
|
Post: #10
Title: Re: عبدالحكيم الدم الذي أضيف الي قائمة المياه
Author: تيسير عووضة
Date: 04-04-2012, 07:47 PM
Parent: #9
يا حافظ ..
بلادٌ يسحق العسكر أعمار بنيها
أي خيرٍ ترجوه تلك البلاد؟
|
Post: #11
Title: Re: عبدالحكيم الدم الذي أضيف الي قائمة المياه
Author: Nasruddin Al Basheer
Date: 04-04-2012, 07:59 PM
Parent: #9
رغم قساوة الكلمات يا حافظ
لكنها الحقيقة المجردة المؤلمة..
هذا لسان حال القتلة العنصريين
(ما يموت كان مات، ما من دارفور)..
اكتب يا حافظ وافضح عنصرية أهلنا
في السودان الشمالي..
والله بشعر بالأسى والأسف لما جرى ويجري
لأهل دارفور، وأنا لا أملك سوى كلمات الشجب والإدانة..
نسأل الله لك الرحمة والمغفرة يا عبد الحكيم
|
Post: #12
Title: Re: عبدالحكيم الدم الذي أضيف الي قائمة المياه
Author: مكي ابراهيم مكي
Date: 04-05-2012, 01:07 AM
Parent: #11
up
|
Post: #13
Title: Re: عبدالحكيم الدم الذي أضيف الي قائمة المياه
Author: د.نجاة محمود
Date: 04-05-2012, 01:28 AM
Parent: #12
سلامات حافظ العزيز
البركة فيكم وربنا يصبركم ويرحم الشهيد
من المحزن ان يموت ابناء الامهات سمبلة
ما سير التحقيقات الان ومااذا كتب في شهادة الوفاة ؟
|
Post: #14
Title: Re: عبدالحكيم الدم الذي أضيف الي قائمة المياه
Author: الرفاعي عبدالعاطي حجر
Date: 04-05-2012, 01:52 AM
Parent: #12
بكل تأكيد هو لن يكون دمه ماء مسال بل سيسقي الارض
يتحول الى غضب مسال وليس كامن كمون صمتنا العجيب
لا تبتئس يا صديقي فالغد اخضر ولعل الازمات المتلاحقة
وما اورثتنا الانقاذ من تمييز لغدٍ افضل نتطلع اليه وما بعد
الحرب وسوء الظن إلا الخروج من هذه الغيبوبة وبزوغ فجر
الانسجام الحقيقي في وطن يسعنا .... ألا رحمات الله تغشى
الشهيد المغدور ألا خوف عليه فهو في يد قدير لطيف عالم
الغيب والشهادة , خالص التعازي لاهل الفقيد , واقدر لك المرارة
التي تحسها ولعل في ذلك خلاص قادم .
............................................................................حجر.
|
Post: #15
Title: Re: عبدالحكيم الدم الذي أضيف الي قائمة المياه
Author: Amani Al Ajab
Date: 04-05-2012, 02:18 AM
Parent: #14
Quote: بكل تأكيد هو لن يكون دمه ماء مسال بل سيسقي الارض
يتحول الى غضب مسال وليس كامن كمون صمتنا العجيب
لا تبتئس يا صديقي فالغد اخضر ولعل الازمات المتلاحقة
وما اورثتنا الانقاذ من تمييز لغدٍ افضل نتطلع اليه وما بعد
الحرب وسوء الظن إلا الخروج من هذه الغيبوبة وبزوغ فجر
الانسجام الحقيقي في وطن يسعنا .... ألا رحمات الله تغشى
الشهيد المغدور ألا خوف عليه فهو في يد قدير لطيف عالم
الغيب والشهادة , خالص التعازي لاهل الفقيد , واقدر لك المرارة
التي تحسها ولعل في ذلك خلاص قادم .
............................................................................حجر. |
شكراً الأخ حجر لقد عبرت عني ..
البركة فيكم الأخ حافظ وفي الجميع ..
والعزاء للوطن ..
|
Post: #16
Title: Re: عبدالحكيم الدم الذي أضيف الي قائمة المياه
Author: عمر مصطفى مضوي
Date: 04-05-2012, 07:44 AM
Parent: #15
الأخ / حافظ حسن سلام
هذا الحزن النبيل المر والمبرر أوجعنا جميعاً والموت السياسي المحبط للوطن
يطل براسه كشيطان العن في هذا اللحظات الانسانية الصميمة يغيب فيها الناس
عن الوعي ولا يغيبون . الموت المهيب سيد اللحظات وجلال الغياب يغلف الحاضر
بمزيد من الاسى والوجع . ولكني أراك واخوانك الذين هم في حضرة الموات تلك خضراً
نؤمن جميعاً بوطن أب يحبنا جميعاً دون تفرقة . يمنحنا الحياة كما نشتهيها وكما يهبها لنا
الشهداء والاخيار منا وأني لأرجو ان تكون أحلامنا هذه تمائمنا ضد هذا العبت المفضي للعدم
وأني لأرجو أن نكون جميعاً اباء لهذه الامنيات المشروعة لاتكسر قناعتنا مشاريع الهوس
والظلام . ودولة القهر والجبروت .
فعلاً أحساس مر أن نستجدى الأحزان من الناس واى ناس أخواننا في الوطن والتراب ويمكن الأنسانية ،،،
ألا رحم الله الفقيد الشهيد وبوأه مكانه مع الصديقين والشهداء وحسن أولئك رفيقا .
|
Post: #17
Title: Re: عبدالحكيم الدم الذي أضيف الي قائمة المياه
Author: طارق عبد اللطيف نقد
Date: 04-05-2012, 09:30 AM
Parent: #16
لا تحزن ولا تبتاس يا صديق
كل دماء الشهداء مهر للوطن والانعتاق
وحتما كل هذا الحزن سيفجر نيران غضب
تلتهم هذه العصابة الباغية الجاسمه على صدورنا
وغدا سوف نرى
حيطه تمطى وتفلق في قفا الزول البناها
وبالترفات العنصرية الرعناء دي
سوف تنقل سوف تنقل عصابة الجبهة الحرب للعاصمة
|
Post: #18
Title: Re: عبدالحكيم الدم الذي أضيف الي قائمة المياه
Author: قيقراوي
Date: 04-05-2012, 12:16 PM
Parent: #17
|
Post: #20
Title: Re: عبدالحكيم الدم الذي أضيف الي قائمة المياه
Author: Abdel Aati
Date: 04-05-2012, 12:25 PM
Parent: #19
النظام يستهدف اولاد دارفور وخصوصا مثقفيهم لاسباب عنصرية
ومن يدعي المعارضة نايمين في العسل والصالونات
ما اكبر المفارقة بين تشييع كهل ثمانيني قتله الدهر
وبين تشييع شاب عشريني قتله كلاب النظام ..
|
Post: #21
Title: Re: عبدالحكيم الدم الذي أضيف الي قائمة المياه
Author: حافظ حسن ابراهيم
Date: 04-05-2012, 12:48 PM
Parent: #20
Quote: المجد والخلود للشهيد عبد الحكيم ولشهداء بلادي
له الرحمة والمغفرة والعزاء للجميع |
ربنا يرحمنا نحن الأحياء يا إنعام حيمورة
و الشكر علي المرور
|
Post: #22
Title: Re: عبدالحكيم الدم الذي أضيف الي قائمة المياه
Author: aydaroos
Date: 04-05-2012, 01:36 PM
Parent: #21
دمنا ... إنه دمنا الذي يسيل
شكرا" حافظ
|
Post: #23
Title: Re: عبدالحكيم الدم الذي أضيف الي قائمة المياه
Author: Siham Elmugammar
Date: 04-05-2012, 07:33 PM
Parent: #22
يا حافظ..................ز
|
Post: #24
Title: Re: عبدالحكيم الدم الذي أضيف الي قائمة المياه
Author: Amani Al Ajab
Date: 04-05-2012, 08:03 PM
Parent: #23
Quote: وصلت المشرحة لقيت ليك الشمس طلعت سودا .... الوجوخ سود و اليوم أكثر سواداً
سالتهم وين البقية
قالوا لي لسا ما وصلوا
المهم لحد الساعة 8 لم يصل أحد كما لم ينجح أحد أتخارجت و قلت الحي أولي من الميت |
لقد سقطوا في الإمتحان واي إمتحان !
شهيد في قلب الخرطوم !
شاب في مقتبل العمر 22 عاماً يحلم بغد أفضل له ولوطنه !
أمه تحلم باليوم التي تخضب فيه يداه بالحنة وتسيروا لبيت العديله !
قيادات المعارضة الفيها إتعرفت أين جماهيرها؟!
هل يريدون إشارة بالتحرك في مثل هذا الأمر الجلل ؟!
ما الذي جرى لشعبنا هل أصبحت الأرواح رخيصة لهذا الحد ؟!
هل نجح النظام في زرع الفرقة والشتات ، الناس يتفرجون على
النعش والهتاف الداوي ولا يحرك فيهم شعرة ؟!
أفيدونا يا ناس السودان ما الأمر ؟!
|
Post: #25
Title: Re: عبدالحكيم الدم الذي أضيف الي قائمة المياه
Author: معاوية عبيد الصائم
Date: 04-05-2012, 08:16 PM
Parent: #24
ماعندى كلام يا حافظ
|
Post: #26
Title: Re: عبدالحكيم الدم الذي أضيف الي قائمة المياه
Author: حافظ حسن ابراهيم
Date: 04-05-2012, 08:26 PM
Parent: #24
Quote: يا حافظ ..
بلادٌ يسحق العسكر أعمار بنيها
أي خيرٍ ترجوه تلك البلاد؟ |
تيسير عووضة يا صاحية في ظمن النعاس
لا خير يأتي من مثل هذه بلاد و هؤلاء عباد
|
|