محسسن خالد ... الحساب بت !

فكر بغيرك

وأنت تعدّ فطورك، فكّر بغيرك
‎لا تنس قوت الحمام‎
وأنت تخوض حروبك فكّر بغيرك
‎لا تنس من يطلبون السلام‎
وأنت تسدّد فاتورة الماء، فكّر بغيرك
‎من يرضعون الغمام
وانت تعود إلى البيت ، بيتك ، فكّر بغيرك
‎لا تنس شعب الخيام
وأنت تنام و تحصي الكواكب ، فكّر بغيرك
‎ثمّة من لم يجد حيّزاً للمنام
وأنت تحرّر نفسك بالاستعارات، فكّر
بغيرك ‏
‎من فقدوا حقّهم في الكلام
وأنت تفكّر بالآخرين البعيدين ، فكّر
بنفسك
‎قل: ليتني شمعةٌ في الظلامْ

http://sudanyiat.net/videos.php?action=show&id=191
حوار عملتو سماح مع محسن خالد فى قناة امدرمان ...










ـــــــــــــــــــــــ
طبعا المقدمة البدا بيها دى جديدة لنج
الفيلم دا فاتنى صدقوا .. من متيييين !!

Quote: يا محسن، وأنا مارق من الأهل، راجع للبرد والرفيق الفسل، في البانطون لاقوني أربعة لواري مشحونة "خدار"، البرتكان، البرتكان، يا سلام ياخ، إتذكرتك والله، وأنا بالضفة الغربية للنيل، طلعت الكاميرا وصورت ليك المشهد، ومن جيت راجع من السودان، المنبر في كركبة شديدة، داير أجيب ليك الصوّر وإنت تسوي النضم..

ياسر طيفور

Quote: منوّر مؤتمر ابن بطوطة يا ابن البتولا أتاريك لابِد بهناك وأنا أتاوق ليك هنا الغريبة الجماعة ديل يشكوا من "الندرة الشديدة في الأعمال الفنية الجيدة أو الأعمال الروائية الخالصة" ما سِمعوا بيك وألاّ بِستهبلوا!

عادل البدوى

Quote: وبالله خلي بالك منك ما تكتل لينا رقبتك دي فوق الورق سوي ليك كم محسن ومحسنة وراك وبعدين اتكل ما في مشكلة أبشرك بنبكي لمن تقرب تقرر ترجع محنة فوق دموعنا المشتتة دي حكاية النسب البتفتش فيها دي بتدور ليها واسطة قوية تب سيرتك الذاتية بهناك و س خانة و س خ السنين غايتو بقترح عليك دكتور بشرى زاتو زول واصل وإن كان ما نجح المسعى ما عليك إلا تركب وتمش راسك عديل.

بلة محمد الفاضل

Quote: هسّع في ذمتك يا عادل زول بكتب جنس كلامي الفوق دا، بدوهوا جائزة؟ لو إنت دا عادل البدوي عندك جائزة في بطن بيتكم بتديني ليها، وألا بتخليها مطبولة في سحّارتها؟ واوعَ، مش ياها الحالة دي كدي، لو الخواجات ديل أدوك –فرضاً كوميدياً- أصغر جائزة عندهم، تاني الجوائز العربيات ديل كلهن ح يجنك بخشم الدرب طائعات يسعن حتى دارك، فتعزل منهن الحنيذة –هههه- وتدفر الباقي بعد أن تَمَّغِي خلالاس. كما كانت تدفر خالتك الناعمة طربيزة اللقيمات، بعد أن تكوضم منها تماام حتى تفتر نواجذها. أخوك فيلسوف جوال، مادح بلغة الحرم بت طيفور، والحكاية دي دايرالها ناس متوهطين ومِنْتَجِّين في الواطـة، وعندهم برستيج، دا ما مشهاد خلاء. شخص يسخر من عالمهم هذا الذي يشيّعونه* بالجوائز، يداقش ويتفاعل كمثقف عضوي في الانترنت ولا ينتحي له مجلساً قصياً، ولا مقعدَ فلهمةٍ علياً، باقيلك دا زول جوائز وألا زول سقراطي مالي جيبو فتايل سم؟

محسن خالد









ــــــــــــــــ
الرسول كان ما سمعتو اللقاء الفى الرابط فوق دا ..
والسمع يسمع تانى .. جايين للود محسن ..

دا منو المركب نظارات دا
ألن ديلون
ولا واحد تاني



والله الدنيا دي
شايلين فيها تقيل تب


هسا الشوق دا مثلاً
يودو وين...

دينا سلام

ويا سلام عليك يا دينا ..

محسن خالد وما أدراك ما محسن خالد ..

ياخ ده زول كتَّاب لمن غلط .. بحب أقراهو .. وبالجد بستمتع بكتابتو ..

مفتقدنو في المنبر .. ومفتقدين حرفو الجرئ .. وكلامو الدغري الما مغتغت ..

قابلتو في أبو ظبي قبل سنين .. وقعدنا مع بعض للحظات .. زول سمح وزين بالجد ..

هسي ما قادر اشوف الرابط ده لأني في المكتب .. بس لمن ارجع البيت ح اشوفو إن شاء الله

وبرجع ليك .. وليهو .. كان ربنا احيانا

عليكم الله شوفو القعدة دي .. وبساطتها وجمالها ..

والله حسدتهم عديل على الهمبريب في السهلة دي ..

ياخ سودانا ده جميل بالحيل .. وهواهو عليل ..

شكراً ليك يا دينا ..

هي اذن خطوات مع الابداع ,
صاحبة البوست و ضيفها..

معكم في هذة الاناقة ..

______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

سلام ليك يا دينا خالد

ممتدا ليصل محسن خالد

غايتو محسن فارض خسائر فادحة على البورد دا بعدم كتابته فيه


بس أنا أكثر حاجة متكيف ليها إنو زول في الزمن دا يلقى ليه فرصة يلبس عراقي وسفنجة ويتحكر في بطن الأرض الطيبة دي ويشم هواء نضيف زي دا

يا الله

المريد يريد عودة الشيخ

يا حمد

Quote: غايتو محسن فارض خسائر فادحة على البورد دا بعدم كتابته فيه

ابددددددددا خسران هو وكان ما عارف اليعرف
يلقى لى وين ناس حلويين زينا ...
كضاااااب ..

نحن خسارتنا اقل تمثلت فى ناس زعيط ومعيط ديل المتلببين
الكتابة وبى استعراض كلام بشبه بتاع ناس البندر البجو المدينة
والله لو ما التلاجة كنت وقعت فى الراوتر !!
تعال يا محسن ياخ
تعال
عايزين لينا بوست عن اخلاق الكتابة !
ياخ عن اخلاق الرجالة السودانييييه دى للكاتب !
تعال ياخ ....











ـــــــــــــــــــ
الملك .. خلينا نفورو اصلو كلام سمح ما دايرنوا معاه
لما يحلق شعرو العاجبو دا ويبطل الفلهمة ويجى صاد ..
اول قلت بكون فى اللستة تانى قلت لستة شنو كمان البعرفها العريبى
دا ... يكون مودر باسويردو فى السحارة .. ولا مسكو البتولا
رمتو فى مفحضتها الله يرحمها ..

Quote: Quote: جنننكم مقاشيش Quote: ياخ انا غلبنى اتخيلها خيال ساكت ما قدرت لا هااا! شرح البلاّل وجب. ويا دينا البلاّل مذكّر ومؤنّثه بلاّلة والاتنين يصلحوا لأسامي البشر. لو ما ضوّة خالتي، شُفتي الاسم دا كيف، بِقَت ما بتضْـفُـر السعف لأنّها لجأت لتجارة التماطيق بعد أن تهمّشت تجارة القُفاف والبروش، كنت أسعفتك (ههه) بصور للبلاّل المنشود. بَسْ ما دوّامة الله هوي الدنيا ما دوّامة، ونركب الكركابة...الخ...الخ.

عادل البدوى

Quote: غايتو يا عادل البدوى خالتك دى البرادعى عدييييل كدا فى زمنها ... ارشحها بعد التماطيق للعمل مع محمد البرادعي المدير السابق للوكالة الدولية للطاقة الذرية لووووووووووب فهو يتاج لخبرات فى عمل كل تلك الاشياء التى ذكرتها علها (تسعفه) فى عمله الجديد فى السياسة المصرية لوووب ـــــــــــــــ كلهن خليهن .. علييك الله يا عادل التماطيق دى شنو ؟ اوعك يا محسن تجى تمطق لى الكلام فى السعى للعمل من الفسيخ شربات او لعمل المقاشيش هوفر والسعف ريش نعام .. كلمونى كلام افهموا نحن ما صدقنا فكينا طلاسم ..( المشهاد ) تجونا راجعين بى طقاطيق !!!

دينا

Quote: هىىىىىىىىىىى يا محسن والله حقرتنى حقره شديدة خلاس .. انا بجيبننى ايي صور؟ مكمكم كدا تقول حاكماك الانقاذ ؟ ما عندهم بدلة كممها قصير ؟ من القبقبة البقيت فيها دى !! اناشخصيا اخير لى الجينز مها ما بعرفها ... الوان من وحى المسيكتاب وليمونها وبرتكانها .. وييين بتهرب منو ويييييييييييييين تررم تم تم .. هيجتا اشجانا وزكرتنا يطيب الذكر ستييف ووندر .. و الـ Knocks Me Off My Feet by Stevie Wonder – Stevie WonderWonder was born premature, which caused him to be blind, 13 May 1950 in Saginaw, Michigan. His family later moved to Detroit when he finished fourth he took piano lessons at age 7 , had mastered the age 9 During his childhood he was active in his church choir .He also taught himself to play harmonica and drums , and had control of both age of ten. Wonder also learned to play bass in his early years at Motown. Motown founder Berry Gordy signed him to 11 years, impressed by his many musical talents. ـــــــــــــ بس اكيد الولادة فى ميتشغان بتفرق .. هناك بمسكوك الدرب وهنا يلمو فيك ناس ابرياله يخلو حياتك كلها مكابدة ومعاناه وانتظار للتلفون والبرود باند وزمنك يضيع ذى ما قال الشاعر مابين العفار والسك ،، الله لا كسبهم,, غايتو بدلك دى ذى كتابتك نصها ما مفهوم .. لوووووووووب

دينا

Quote: دينا .... بخصوص كلام ووندر وربطك له ببداوتي، أبصم عليه بالعشرة، كون البيئة والدعم منذ سن مبكرة يصنع الكثير في تنمية القدرات أو حتى (أحياناً نادرة) استيلادها. لو قلت لك إنني أتذكر لأول مرة رأيتُ فيها التلفزيون والمروحة والكمبيوتر ومتى لأوَّل مرة سمعتُ بالموبايل سماعاً وأنني أتذكر بالضبط كيف وأين، ألن تتعجبي؟ أو ألا يعني ذلك أنني تلقيتُ جرعتي من المدنية الضرورية، بوصفها شرطاً من شروط العيش في حد ذاته، متأخّراً؟ أعتقد أنني لو كنتُ ابن مدينة لتغيّر تصوري وتطوري نحو العالم بشكل مختلف، دعينا نقل (مختلفاً) ليس أسوأ أو أحسن. لو قلتُ لك أتذكر أوَّل مرة استمعتُ فيها لمصطفى سيد أحمد، وإنني تفاجأت بالنص الذي كان يغنيه، لعاطف خيري ونسيتُ نفسي تماماً حينها. كنتُ متوجهاً إلى مدني بعد قدومي من شندي، ولم أجد مواصلات مباشرة إلى مدني فحجزت تذكرة إلى سنار وقلتُ سأنزل في مدني، وفي نقطة ما من الاقتراب إلى مدني أدار سائق البص (لحظة شهيق)، فنسيتُ نفسي معها ومرقتها في سنار. قلتُ الله! هل هناك من يكتبون بهذه الصورة؟ و"كمان" هناك من يغنون هذه الكتابة؟ وسألتُ حينها لأوّل مرة سائق البص، من الذي كان يغني؟ قال لي إنه مصطفى سيد أحمد، سألتُه عن الشاعر فلم يعرف! فسجلتُ اسم مصطفى على نوتتي وتوجهت للمبيت مع أختي بسنار. المفارقات، أو المواجهات مع الحضارة، موضوع يستحق التأليف الجاد بالنسبة لمن يتذكرون مشاهداتهم هذه، من جنس حالي، تخيل أن تدهشك الحضارة المستجلبة في الخرطوم! البدقوا فيها النسوان بشارع عام! أعتقد أنَّ من أهم مشاهداتي في جنوب إفريقيا، أنَّ جنوب إفريقيا عبر البواخر والبحر، مما بعد العام 1887م تحديداً، أضحت تواكب أوروبا تماماً، أي منذ قدوم أولى الأسر الأوروبية إلى جنوب إفريقيا ليتم بعد ذلك اكتشاف الذهب ولتتسارع أعداد الأوروبيين في ظرف تسعة أعوام فحسب ليكون تعدادهم مائة ألف أوروبياً، تمهيداً للاكتساح بعدها والاستيلاء على كامل البلاد. وهذا الشيء لمسته وتأكدتُ منه تماماً من خلال معارضها المتعلّقة بالفنون والأثاث والمقتنيات والمخترعات والعلوم من أرشيف ذلك الزمن القديم. أي أنَّ جنوب إفريقيا كانت قطعة من الخارطة الأوروبية تحيى على خارطة إفريقيا، وهذا أثّر على الدول المحيطة بجنوب إفريقيا، بطبيعة الحال، رغم قوانين الأبارتيد. المفاد من هذه الملاحظة، أنَّ الريف السوداني ذاته، لا يواكب مدنه المجاورة، في أي سمت حضاري كان لتلك المدن، ناهيك عن مواكبة عاصمة البلاد. الفرق شاسع لدرجة أن يخلق بلاداً تسكنُ خارطةً من قارة أخرى، في الاتجاه المعاكس لجنوب إفريقيا. وكلّما أتذكر قصة سماعي المتأخرة لمدرسة مهمة في الكتابة عبر مصطفى سيد أحمد، وأربط هذه القصة بجنوب إفريقيا التي كانت تواكب أوروبا من إفريقيا، أصفّق إيديني وأدّي ربي العجب! وأشفق على الريف السوداني وكل شخص نابغة ينتظر له أن يأتي من هناك. فتذكروا يا إخوة وأخوات، أنّ 75 في المائة، ربما، احتمال، هذه نسبة جزافية منجورة نجراً بمقاربات منّي، من سكان السودان يسكنون في مناطق لا تصلها أية خدمة من خدمات الحداثة كي تساعد في تغيير أولئك الناس وتغيير أنماط عيشهم وأن تكفل لهم أبسط شروط العيش في عصر الـGalaxy Tab* الواقع سحري. هذا لكي نعلم حجم التغيير، الضخم، المطلوب منا، من مثابرتنا وجهدنا وعرقنا، نحن الذين تعلمنا، لأجل تحديث الحياة وترفيع وترقية كرامة الإنسان. * لعناية فيصل نوبي تحديداً، تقول لي الآي فون؟ هييييع، علي بالحلال الكورييين انتهوا من دين حجرو ذاتو، وسيدو رَقَد غَرِب جزلانه، كما تقول الكوشرثيا في توصيف بديع. آمنتُ بالله، جهاز مبالغة، مبالغة، مبالغة. هذه التكنولوجيا الفارقة والمتحدية لا المنافسة فحسب للغرب، تشرح بالواضح جداً، لماذا يحشد الأمريكان خمسمائة وثمانية وعشرين ألفاً من جنودهم في كوريا الأخرى، على وزن مريم الأخرى، ويصنّعون الفتن بين الكوريتين قشّة عيونهم من النوم حتى تغيب. هذا ما يهدد الغرب فعلاً، لو كان ذلك ضرورياً، انقلاباً على مفاهيم تكامل الحضارات، والمصطلح من عندي، لا مفاهيم صراع الحضارات، وأمريكا روسيا قد دنا عذابها، والجعجعة الفارغة وكاملة دسم الجهل والأميّة والتخلّف. تلفون لما التلفون يقول من جلكسيك اكتفيييت ويا كوريا مالك؟ وظائف الكمبيوتر لما البي سي يقول واااي، كل ما يتعلق بالتدوين والكتابة وأجهزة الاتصال الحديثة لما كاتب زي محسن خالد يقول (الروووب، أنا بحب الجلاكسي وبكره الآي فون) إنترتين منت عبر الفلاش لما أجهزة العرض كلها تتعقّد من روحها، وتصميم سمح ساااكت، مع حجم ووزن مضبوطين تماماً. حاكم إنني ممن لهم عقدة باتجاه إنو أنصح الكمبيوترات ديل لكن شينة التصميم، أنصح اللاب توبات توشيبا لكن شينة التصميم، أنصح العربيات مارسيدس لكن شينة التصميم.. إلخ. تكنولوجيا وسماح وحضارة للطيش، الناس وييين ونحن وين؟ الناس بأي عصور ونحن نتخبط في أية ظلمات؟ (أقسم بالله العظيم ثلاثاً، والله على ما أقول شهيد "هههه") أنا ومعي إحدى صديقاتي الغربيات حينما أخذنا نتلمس ونتصفح هذه الآلة العجيبة والمُذهلة، رفعتْ صديقتي وجهها من على الآلة بذهول كامل، وقالت لي بالحرف الواحد، بليييز شيل النصيبة* دي ووريها للراجل الكان بضرب في البت السودانية وسط الشارع والمارّة، في الشريط الوريتني ليهو وطيّر النوم من عيني أسبوع كامل. فقصدها خُذ هذه الحضارة، المتمثّلة في هذه الآلة، وارجع بها إلى إخراج قومك من عصور قدو قدو، لهذا العصر. شرطتو عين الحضارة الإنسانية ذاتها، وأسأتوا إلى الإنسانية كلها وجمعاء، ومكابداتها عبر التاريخ والقرون، لترقية حياة الإنسان وتكريمه ومواساته بوسط هذا العدم الوجودي المرير، يا همج يحيون خطئاً بعصور الـGalaxy Tab، الواقع سحرية. يقولوا ليكم هذه الـGalaxy Tab، وراء تصنيعها نساء ورجال يسمون بقيادات وسراة بلادهم، ورؤسائها وحكمائها وكبرائها وآبائها وأمهاتها، الحادبون على مصلحتها لا مصالحهم، الرؤوفون الرؤومون بزلاتها والمواسون لها لدى مُلِّماتها، تقولوا لي حديث البشير في القضارف!؟ ----

محسن خالد

.

Quote: وبالله خلي بالك منك ما تكتل لينا رقبتك دي فوق الورق سوي ليك كم محسن ومحسنة وراك وبعدين اتكل ما في مشكلة أبشرك بنبكي لمن تقرب تقرر ترجع محنة فوق دموعنا المشتتة دي حكاية النسب البتفتش فيها دي بتدور ليها واسطة قوية تب سيرتك الذاتية بهناك و س خانة و س خ السنين غايتو بقترح عليك دكتور بشرى زاتو زول واصل وإن كان ما نجح المسعى ما عليك إلا تركب وتمش راسك عديل. بلة محمد الفاضل

المحيرني هو الزول الكتب الكلام دا
قائل رقبتو سوبر قاعد فوقا الزائلة دي
ظنيتو
حليلو هو

يعني يا دينا ما لقيتي غير جنس دا تجيبيهو
ما كتبنالو شعر راسو عديل
وينو

سلام يا دينا

الصورة دي لمحسن مع صديقنا العزيز موسى في قرية أم ضريسه
أبان زيارة محسن الأخيرة للسودان قبال 4 شهور ..
قضى معنا 3 شهور في غاية الروعة ..

موسى د رفيق محسن و خليل روحه من زمن الجامعة
و كان أول زول محسن مشى ليه في محلته قبال ما نشوفو زاتو

محسن منقطع عن الكتابة عموما
اللهم إلا من هنيهنات في الفيس بوك
و ما تسألوني من السبب



غايتو لو قريتو زهرة الغرق بسودانيات بتعرفوا الحاصل

يا عباس قرشى !!
منقطع عن الكتابة ؟؟؟ وهو العربى الهقل شن طعمو
بلا الكتابة ؟
والله لو قلنا لى مكان واااااحد بنمشى
عشان نقرا فوقو نكون كضبنا على ...
يجينا هنا ولا على كيفو ...
ينقطع من الكتابة نان داير يسوى شنو ؟؟ لوووووب
تعال يا محسن ياخ
تعال خليها مستورة !!












ــــــــــــــ
هييى يا عباس موسى شنو كمان الدفعت محسن ؟؟
موسى محسن لما سافر خلى بفتتح فى مويتو دى
خلو السلبطة انت وموسى !

دينا

سلام... ووين حقوق النقل ياخ
والله صحي
فخورين بمتابعتك لـ صحيفة شبكة سودانيات
ونتعشم انك تجدعينا بمقال مقالين كده
من بيت الكلاوي عشان تسددي حقوق النقل وكده
والتحية للمبدع محسن خالد

تحاياي

Quote: خلو السلبطة انت وموسى !

هوي يا دينا خالد

إنتو كلكم في عرفنا أنا و موسى متسلبطين ساي !!
محسن ده أنا عندي الكراسات الكتب فيها أول رواياته بخط يده

كنت الراعي الرسمي ليه بالجامعه
بالله شوف جدادة الخلا دي ..


عموما ..
إن شاء الله يجي هنا يبرد ليك بطنك الفايرة دي
المافي شنو على قول قيقا !!


كمان المعجبين و المعجبات عاوزين يضايقونا في محسن .. آخر زمن !!

الناقد المبدع
سودانيز موقع نقاد يختار الجياد ..
تعال ياخ
تعال ونحن علينا نستحمل الوان البدل والقمصان
علينا الحلال ما نقول حاجة نقطعووا فى مصارينا !
ليمونى ليمونى ...
مش احسن من الزيف والتصنع.. وفضا الراس
.. ذبحونا ذبحونا ذبححح حلاااااال ..








ــــــــــــ
ود البتولا ؟ ناكل من سنامنا ولا جايي!!

طبعا محسن فيه ميزة
اقصد عيب
بجى يستلم من صاحب البوست بوستو
يسالم ويطايب ويرد ويقابض ويوصل لى خشم الباب
ويقدم ويجيب الليمون والبرتكان
وكان درتا شكلة بسويها معاك .. اصلو ما بقول ما خسانى !
يضارب براهو
ويكتل براهو
ويشيل القتيل يدفنو وينففض يدينو ويرجع تانى يسالم ويطايب
خدمات متكاملة .. تشطيب هاى لوكس ..









ـــــــــــــ
تعال بقا .. ايدى وجعتنى !
تعال استلم المعجبين يا معولق ..

التحية و الشوق لمحسن خالد من على البعد
يا دينا الإقتباسات دي من وين؟

توقعته سكوتاًّ

فكر بغيرك

وأنت تعدّ فطورك، فكّر بغيرك
‎لا تنس قوت الحمام‎
وأنت تخوض حروبك فكّر بغيرك
‎لا تنس من يطلبون السلام‎
وأنت تسدّد فاتورة الماء، فكّر بغيرك
‎من يرضعون الغمام
وانت تعود إلى البيت ، بيتك ، فكّر بغيرك
‎لا تنس شعب الخيام
وأنت تنام و تحصي الكواكب ، فكّر بغيرك
‎ثمّة من لم يجد حيّزاً للمنام
وأنت تحرّر نفسك بالاستعارات، فكّر
بغيرك ‏
‎من فقدوا حقّهم في الكلام
وأنت تفكّر بالآخرين البعيدين ، فكّر
بنفسك
‎قل: ليتني شمعةٌ في الظلامْ



niiiiiiiiiiiiiiiiiiiiiiiiiiiiceeeeeeeeeeeeeeeeeeeeeee

يا محسن تعال وتعال







...........................
لزوم الكنكلوجن كيجن

...
...

Quote: ... يضارب براهو ويكتل براهو ويشيل القتيل يدفنو وينففض يدينو ويرجع تانى يسالم ويطايب

...
و يتفرجخ في الصقيعه مع صاحبو ..براهو
..
..
..
..(اباذر ...االسوداني )...

..

Quote: .... ...الحقنا يا باذر ... ..كنزوا الدهب ....و الفضه ... ...و الكاذب الضليل ... ...من نيلنا اتوضأ ... و لطًخ جبين امدر .. .. ..الحقنا يا الكر ار ... ..رفعوا المصاحف تاني ... ..فوق السيوف و النار ... ..دايرين ...يكاتلو الضو ... ..بدل يفتحو الطاقات ... ..دايرين يهدمو الساس .. ...و يبددوا القدرات .. ..شان الضلمه تسو .. . . .. .الحقنا ...يا ... ...الحقنا يا ... .. ..الفينا يا سنار ... ..ما بلحقك غيرك ... ..الفينا يا سنار ... و جددي نفيرك ... . ..الفينا يا سنار ... و جددي نفيرك .. . . . .(ازهري الحاج .... اسكندريه ....يوما ما من بداية ثمانينيات قرن مضي ) ...

.
.
.معليش يا ابو الزهور المقطع من القصيده فيهوخربشات ....
..اخوك ما حفيظ ....الاسلاك كمان صدأت...
..
..و الله فرجيني

____________________________
...

Quote: بشبه بتاع ناس البندر البجو المدينة

دندنه ...

غايتو صاحبك ده اكان ما اخاف الشلاقه ..
.. حيلقي ليهو فرصة بستفه ...
..خاصة و انو هو عريبي ...من الضهاري ..الضارِبا المحل
.
.
.
.
.

.

ود البشرى
سلامات يا عزيز
معليش كنت بعيدة
محسن خالد يحلق عاليا مع إبن بطوطة في لندن









ــــــــــــــ
لكن ياولدو يا بشرى لقيت كورتك فكت كيف؟؟؟
احوال البورد اتغربت ... طواااالى بقيت برا الشبكة
كف الله الخير ! مالك محموم ؟ هجوم ارض جو قبل كم يوم
برضو لقيتك مسطح .. ود البشرى ولا غيروووهو !!!
الواحد بقا لو داير يعزز القوات يتحير ..

دندون .....
تسلمى للصباح المفيد.... كلام من دهب...
نطالب برجوع محسن للبورد... والله صحي.

Quote: سودانيز موقع نقاد يختار الجياد .. تعال ياخ تعال ونحن علينا نستحمل الوان البدل والقمصان علينا الحلال ما نقول حاجة نقطعووا فى مصارينا ! دينا

مااا بتعرسي بالطريقة دي وبتفوتيني في البوره، لأنو حنكك بييش كان ياهو دا!

فترااااان، دخلت فيني فترة من السودان، لا هسع ما مرقت، شوفي شوفي كان مغالطه..

----------
يا أخوانا الود لكم أجمعين والحب
وكتّر خيركم على الافتقاد، وجزاكم الله خيراً كثيراً، وبارك فيكم
أهي كانت فرصة نمتّعكم بصورة صورتين من البلد والشخوص
لكن النت عندي -في لندن، بتاع اليو إس بي- كما الواطــه، وبرضها تفرق عن واطــاة النت في السودان.
اكتشفت إنو الجماعة الكانوا بكتبوا معانا من السودان ديل خترييين وغاية الصبر والحرفنة مع النت. آمنت.

Quote: اللهم إلا من هنيهنات في الفيس بوك ود القرشي

ياها دي أمها وبت أعمها
وخلينا نشاركهم لها

دينزل واشنطون منتحلاً للإمام نافع

كتب لي أحد الأصدقاء معلّقاً في بوست عن مواد سينمائية بما معناه أنَّه لم يستسغ فيلم The book of Eli وقلت له ما معناه شيل الصبر يا رجل، هذا الفيلم ليس مادةً سطحية بلا هدف كما يبدو من ظاهره. ملخّص الفيلم هو رجلٌ يسير بلا توقف يقصد جهة "الغرب" يؤدي دوره الممثل الباتع والمُجيد دينزل واشنطون، بعد دمار شامل وقع على الحضارة الإنسانية فدينزل القاصد الغرب يسير وسط دمار كلي ومجاعة كاسحة وانحطاط بشري هائل، بينما هناك رجلٌ آخر يؤدي دوره جيري أولدمان يبحث عن كتاب على طول مادة الفيلم وواضح أنَّ الكتاب المنشود بذلك البحث مع دينزل واشنطون الذي يتقاطع دربه مع هذا الرجل الذي يريد ذلك الكتاب بأي ثمن، ويبدأ الصراع بينهما حول ذلك الكتاب. نلاحظ أنَّ دينزل كان محمياً بقوة ماورائية مهيبة، إلهية لا تُقهر، كما نكتشف في النهاية أنّ الكتاب كان بجوف دينزل أي كان يحفظه ولم يكن يحمله في يديه، وأنّه كتاب مقدّس، ليقوم دينزل بعدها بالنوم على سرير من شدة ما قاساه في طريقه واعترضه من آلام وفواجع، كي يملل ذلك الكتاب من رأسه كاملاً، بينما يتوفّر له من يكتب ما يملله من مادة ويدونها بالحرف الواحد. هذا بالطبع بعد أن يصل لجهة "الغرب" التي كان ينشدها، حيث نجت بعض الكتب الإنسانية وجُمعت في شكل مكتبة للتراث الإنساني بجميع أنواعه. واضح أنَّ الترميز هنا لا يحتاج لشرح من كون المسيحية انتقلت إلى الغرب من الشرق بعد خفوتها في موطنها الأصلي وواضح كذلك أن الترميز يقصد الكتاب المقدّس الذي في واقع الأمر لم تتم له النجاة على هذا النحو. فالقرآن هو الكتاب الوحيد الذي حُفظ على هذا النحو في الصدور وبالتواتر السماعي وما يزال يحفظُ بهذه الطريقة ذاتها إلى يوم الناس هذا. ودينزل واشنطون نفسه وبسواده يُطابق لي الإمام نافع بن أبي نعيم الليثي، وهو القارئ الذي تحدَّرت عنه أهم روايتين للقرآن وهما روايتا ورش وقالون، أي أنَّ ورش وقالون أوردا روايتيهما عن قراءة نافع الذي عاش بالمدينة المنوّرة. ونافع كان أسود شديد السواد وحالكه كما تتفق المصادر كلّها دون استثناء ورُغم ذلك ينسبونه إلى أصبهان وكأنّ بلاد فارس غدت مع فخر هذا الرجل موئلاً للسواد، وكأننا لا نعرف أين تقع جغرافية السواد! فكافور حق السودانيين لا ينازعهم فيه رومٌ ولا فرس، أما نافع هذا الذي لولاه لاختفت أهم روايتين فهو أسود/ فارسي، فتأمّل!
المهم أنّ فيلم The book of Eli لا يصح إلا مع القرآن، ولا يتحقّق إلا في معيته، وإلا فبالوسع القول إنّ قصته منحولة عن القرآن رأساً ونحلاً، فستندُّ الكتب الأخرى عن الإيفاء بما كان للقرآن من عظيم حفظ وتدوين، وهو فيلم سأعود إليه مطولاً لو وجدتُ إلى ذلك سبيلاً.

Quote: فترااااان، دخلت فيني فترة من السودان، لا هسع ما مرقت، شوفي شوفي كان مغالطه..

عاد ماتفتر كيف و إنت كنت فيه رحالة !!
من شندي لسنار لأم ضريسه و بالعوده

شي عمليات جراحية و شي حوامة و ملاقاه
يازول أفتر فترك ساي ..
ده الحنين ما التعب !!

Quote: لكن النت عندي -في لندن، بتاع اليو إس بي- كما الواطــه، وبرضها تفرق عن واطــاة النت في السودان. اكتشفت إنو الجماعة الكانوا بكتبوا معانا من السودان ديل خترييين وغاية الصبر والحرفنة مع النت. آمنت.

طبعا يا محسن أنا بقت ماعندي مشكلة في النت بفضل الآيفون القلعته منك
ياخ النصيبة ده لما تستعمله كمودم modem للدخول للنت عبره بيكون خطير خلاص !!
أتاريهم شبكات الإتصال موزعين لينا usb صيني ضارب ما مستفيد من الباندويث بتاع الشبكة


عقبال الجية النهائية ياخي
بس مانكون مرقنا نحن زاتو !!

______________________________________________________________
لو سمحت حأنزل صور هنا لعينة من أعمالك القديمة جدا بخط قريبك الحاج مبارك
إيه رأيك

بلة الفاضل
شهاب الفاتح
عبد الله كسلا
قيقراوى
وحمد
وود البشرى
قرشى عباس
والامين بشارى
رانيا الشيخ
انقابو
هلولو
نجاة سيد احمد
خليكم قراب
ياسر طيفور اعمل حسابك شكلك داير تموت
بقيت طواااالى مارق لى عمل الخير.
شفتو كلامكم السمح دا جاب الود المجنون
بكامل بهائه وروقتو وابداعه ,,,, ما تمشوا











ـــــــــــــــ
لكن طبعا الجن فى هذا البوست على مسئئولية صاحبه !

محسن خالد يتجدع في منزله الرائع المكون من ثلاثة طوابق
ومطل على النيل
يتابع في البناء
نتمنى له اقامة هنية محل ما يكون
وبالله هو ما قدر موسى ؟؟

وووووووووووووووووووووووووووووو
الود الجميل باهى الطلة محسننا
نوووور بوستنا وشارع بكرى يوم ما جييتنا
ويا الهليت فرحت قلووبنا اشرقت الانوار ياخ !
فى البدء كانت سودانيز
لييه اتنكرت لينا ؟
صرتك مدفونه هنا ...

والله عاد كان بقيت تلبس الجينز مع التى الشيرت
البلوو الفخيم دا ... فعلا حنكى بيش اقر واعترف ..
ياخ حببببه بس وتلحق رشاد ..
النصيحة ضربت حسين فى الاناقة ,,,
الصورة ما مباااالغة ..
كل مرة اقول انشالله تقع
من اللدايات ديل مش اسمهن كدا ؟
مشيت تضهب بى روم العاصمة والمسيكتاب
(العملية الجراحية) دى يا قرشى طلعوا لى جسم غريب مش ؟؟
البوست بوستك يا حبيب
وطبعا انت ما داير ليك عزومة ..










ــــــــــــــ

احكى لينا عن السودان بالله .. قصة الانترنت دى
ذكرتنى خالتنا جات السودان وعانت
عشان تشوف ايميلها الهناك بتشوفو كل دقيقة قالت لى غايتو
دخول النت فى السودان اسهل منو عواسة الحلومر ..

لكل الحلوين
خلو البوست دا فوق الى حين عودتى ,,,

أخونا الأنيق محسن
عودا حميدا
إنشاء الله ما تغيب تاني
من زمن وبنسمع بيك سمع
بالله خليك حضور
ومعك نستمتع




........................
يا دينا إنشاء الله
البوست دا نكون شايلنو فووووووق
لحين عودتك .. كما يحمل الموج بوست دوما

أشرقت الأرواح يا اخي
والله ليك توحشات كتيرات كترة

شغل عمك ملاسي جاب نتيجة
شايفك بقيت مطقماتي ختري



شنو التنازلات ليك يا دينا
خُفتي من البايركس

Quote: بينما هناك رجلٌ آخر يؤدي دوره جيري أولدمان يبحث عن كتاب على طول مادة الفيلم وواضح أنَّ الكتاب المنشود بذلك البحث مع دينزل واشنطون الذي يتقاطع دربه مع هذا الرجل الذي يريد ذلك الكتاب بأي ثمن، ويبدأ الصراع بينهما حول ذلك الكتاب

زولك دة ي محسن هو " بالدسار "... يمكن بفتش عن الاسم الاعظم ..
نحن كلنا بنفتش عن الاسم الاعظم... عشان دايرين نسبح بيهو كما دعانا ربنا...

محسن كاتب عظيم جدا وللوطن أن يفخر بذلك..
..
..تحياتي له

مصطفى بشار

عشان كدا يا مصطفى بشار قلنا لى محسن
يرجع يكتب هنا ويبطل الفلهمه ...
هو زول نتو ذى واطات السودان نان الفلهمه
ليهو شنو .. يا النبى نوح !!

مرقناك فى لندن والتلج ...
كان هناك برضو بتشكى من النت
تعال مارق قوام ...

ياخ عليك الله يا محسن لقيت السودان كيف ؟
شفت جنس المكابدة دى ؟
شفت عواسة الحلو مر دى ؟
اى حاجة عواسة حلومر
وزمنك كلو انت منتظر الناس فى مواعيد
عليك الله كان ما بديت لينا من الخرطوم ...
لانو لو بديت تحكى من اهلك من هناك
يانا المرقنا من الشبكة الا يجينا عادل
بالترجمة على الشريط ..
ناس المسيكتاب ديل ما شلت ليهم معاك هوفر؟
للدنيا والزمان ...
عشان يبطلوا الفاقة بتاعة السعف دى
ويقوموا بالبغر يسوووا لينا صاروخ ..










ــــــــــــــ
تعال احكى لينا ياخ الجميع هنا منتظرنك !

بمناسبة عواسة الحلو مر

قصة حقيقية

وحد حابس مرتو في البيت
ما بخليها تطلع نهااااائي
ولا بخلي نسوان الحلة إجنها
عايشة في بيتا وبس
طبعا من الولايات وأهلهم قليلين
في الخرطوم والمسافات بعيدة
ف حصل يوم عندهم جارتهم
حصلت ليها وفاة
إتلمن نسوان الحلة
عشان يمشن العزاء قالن
كدي نغشى فلانة دي عشان
تمشي معانا العزاء
دقوا الباب طلع ليهم صاحبنا
طبعا يدينو ملخبطة بعجين الابري
وعرقو سايل من سخانة الصاج
قال ليهن إتفضلن
صاحباتنا دخلن
المرة ضيفتن تماااااام
في النهاية خشن في الموضوع
أها صاحبنا الموضوع ما عجبو
قام دخل جوة ....
جاء مارق جاب معاهو سوط عنج
من النوع الممنوع [ضنب قرنتي]
قال ليهن بلاش كلام فارغ
وأدى ليك الحيطة سوطين طاخ طاخ
النسوان ديل بقن صغاااااااااااار
قال ليهن فلانة دي حصل عتبت
بيت واحدة فيكن؟
بلاش قلة أدب
يلا قومن عوسن الابري دي
صاحباتنا إتلملمن وعلى الصاج
والعجين .. دي تقعد .. ودي تقوم
عاسنها جت ...
بعد إنتهت فتح ليهن الباب
ما صدقن طلعن جري جري

هسة ديل تاني بمشن بكى؟؟




.......................
قت لي يا دينا
عواسة الابري كيف؟

Quote: لو سمحت حأنزل صور هنا لعينة من أعمالك القديمة جدا بخط قريبك الحاج مبارك ود القرشي

يا ريتك يا ود القرشي يا ريتك، خصوصاً وإنني لا أمتلك شيئاً من الكتابين.
تحدثت في حواري مع سماح عن في رمضاء صحارى الخطيئة، الآخر نسيت اسمه وهو تسنيم الكلمات، بالله أنفحنا بشيء منهما.

تحياتي الشاملة إلى الفنّان الشامل الحاج مبارك، وهي فرصة لتحيته وشكرانيته، ما زلتُ أحتفظ بأعمال ولوحات له، حياه الله بما يليق.

والانترنت لسع في عسر أيها الصحبُ.

الشاب دا أنا جيت من السودان شرقان بيه، يا سلام على حسبو وآل حسبو، والديه وإخوانه وأخواته.
مضّيت معهم يومين في بيتهم، ويا لهما من يومين، نشوف كان ربنا طلق القلم.

دكتور الوليد، عميد كلية المختبرات بجامعة الأزهري ههههه
عرّفته بالطريقة أعلاه التي لا يحبها، فهو كاتب مجتهد ويحب أن يُعرّف بالكتابة فهو بها كَلِفٌ وفيها درويش.
لم ينقطع عنّي طوال وجودي بالخرطوم، يا له من رجل*، زرتُه وتعرّفتُ على أسرته.
أمّا المصادفة الحلوة فسافرنا في يوم واحد، وهذه الصورة التقطها لنا صديقي العزيز ود القرشي في المطار.
وجلسنا على أرض المطار بالداخل نحرّر نصّاً له حول المطارات، شفتو كيف؟

• كما يا لسناء مرسي من امرأة، جاياكم لقدّام.

Quote: محسن خالد يتجدع في منزله الرائع المكون من ثلاثة طوابق ومطل على النيل يتابع في البناء ود السني

يمين كان سمعوك أهلي يضحكوا جنس ضحك
ياخي هسع أنا براي والله بطني وجعتني من الضحك، يا مصاريني
الجماعة بعد ما أكرموني وضبحوا ولموا الفُرقان ووجوه دار جعل والعُمَد والمهمين والحيران والتغيانين والشبعانين والفقراء والمساكين ما خلوا زولاً تب...
قالوا لي أها، شوالات القروش البطاحات بتاعاتهن بصلن متين؟ الشي دي إطناشر سنة وألا أكتر.
أحييي يا مصاريني
قلت ليهم آعروب هووي أنقرعوا، أنا من يومي حق علم، متيين قت ليكم ماشي أجيب لي قروش؟
يا زول، الكلام دا كيف! والحَتْلة دي كلللها وجاي ساكت عاقب إيديك فوق ضهرك؟ علي الحرام كان كدي علمك طاير وإتْ ذاتك طاير.
أحييي يا مصاريني

الحتات دي ما قالوا أصبحّت مرتّعاً للحناكيش والمتسيحين؛ الجابكم ليها قريب الغيبة منو؟ بالله أكتب لينا مشاهداتك في العصراوية دي..
___
يا حسبو فاقدنك والله!

الأمهات الثلاث

عبد المحسن ود البتولا بت الحرم بت كلتوم (الشهيرة ببنت المحينة).

مما يؤثر عنها، ويحفظه جميع أفراد الأسرة تقريباً تردادها لهذا الرثاء دائماً وفي كل حين

دخلوني في الهضلم ... واي أنا... وبالتراب عليّ انضم.. واي أنا
إن هَترت مافي قَدَم... واي أنا..
وأطرى في القديم وأندم... واي أنا
دخلوني في بيت الدود... واي أنا... وبالتراب عَليّ مسدود... واي أنا
الملائكة لي شهود... واي أنا... وحِسَّهم كذا البِرْعُد... واي أنا
كلتوم بت المحينة

أمّا أبدع ما قامت به من سودنة لدين كوشرثي خاص بنا كسودانيين فهو دعاؤها هذا الذي كانت تكرّره باستمرار

نبينا أمسى، وبين جبلين أرسى. جَبَد عكازو وانتكى، قال لها يا أرضاً أمسيتِ وأمسينا، وأرسيتِ وأرسينا، لملمي أطارفيك علينا، من الكَرَبَة أم صوف، ومن العقرب أم عرطوف، من حابيك ومن دابيك،
ومن ود ابن آدميك، أب كرعيناً دُرْماس، وأب عينيناً غُلْمَاس، يا الهمزة والعباس، والخضر وإلياس، الفي البحر جُلاس، ويا الرسول شفيع الناس، تبقى بينا وبين عدانا، لا عيناً ترانا ولا كراعاً تطانا.
بنينا فوقنا قبّة حديد، من السافل للصعيد، قمبورة في السماء، وجارية فيها المَاء، وبانيها ربّ القدرة والعظمة، ومفتاحها يا لطيف يا لطيف يا لطيف.
كلتوم بت المحينة

صديقتي العزيزة الحرم

عندما تُوفيت البتولا أتذكر ولزمن طويل كانت حبوبتي كلتوم تقول، كُر يا يُمة تموت بتول الجاهلة وأنا قاااعدة من الإنجليز، ماتت بعدها بستة أشهر وعشرة أيام.

لم أعثر لحبوبتي كلتوم على صورة، ولكن خالي* عبد الفتاح هذا أقرب الناس شبهاً بها، حبوبتي الحرم لا تشبهها إطلاقاً. الغريبة مجرّد الصدفة جعلته يوصلني بعربته للمقابر.

-----------
التحية لنساء السودان كلهن من أتن بنا لهذا الوجود.

* هو حفيد كلتوم، بكلام الريف يعني خالي ود خال أمي، أبوه الدرويش ود كلتوم، والدرويش دا أخو الحرم بت كلتوم لوول.

ومرة ثانية وثالثة وألفاً، التحية لنساء السودان كلهن من أتن بنا لهذا الوجود.

فنّي الكمبيوتر ود القرشي، صوّرنا دكتور وليد فنّي المعمل
محمّد ما قصّر معاي شبّعني شامبيون، مع شامبيون مش عارف إيه وإيه!
إني والله لك من الشاكرين على تعبك وسهرك معاي وحوامتك أبداً ما قصّرت، طلّعت زيتك فاعفُ عنّا بالله.
لكن ماك مشحود يا صديقي

دينا كيفنك




يا مقطوع الطاري
وين بلودك

نتابع معكم بمتعة ونسلم عليكم من القلب ... وبس.

Quote: يا سلام على حسبو

ما تشكر لينا الراكوبة فى الخريف ...
الباقيين كلهم صاح بكونوا احلى ناس ..










ــــــــــــــــ
حبوبتك كلتوم دى الله يرحمه اظنها صاحبة المقوله
قالت ليهم /: اناغايتو كان متتا... قباااال
ما يدخلونى فى القبر بجن ,,,,

والله يا دينا عندى إحساس محسن دا بعرسك
أصلو فيكم حاجات براها كدا أها أنكروا

وربنا يتم على خير أها دى خطوبه على
الهواء وفال حسن

منصور

والله يا منصور السويتا رقدت
هسع في داعي للمقصات
....


عليك الله كان تقيف آ محسن
عليك الله

صديقى الـ كى ! KEY
انت لسسه لسانك متبرى منك !
انا هينة البقنع ال عريبى دا شنووووو!!











ـــــــــــــــــــ
هو شدة ما متبربر ياقول باوقة
لمن جايب لى عريس كمان .. قال شنو
لتعارفوا ... لووووووب

محسن خالد كاتب بمثل ماتجود به الكتابه، لايستغرب أن تسمع عنه قريبا، لصيقاً يالجوائز، هو لايقصدها بل تقصده، أراهن على مزاجه، لكن رهاني على كتابته أقوى وأعلق والصق بنا، لايتمسخر في الكتابة بل يمارسها بشهوة غريب، جمعتني به لحظات كثيرة في الخليج، لكن أشارات غامضة كانت تشيي لي بأنه يكتب لنفسه بمران طويل، فيجعله بزهو بقيم وافرة وبفلسفة عميقة، تتوقع منك ان تكون في مدارها لتستشرف مفاهيما ً بغمت من معرفة واسعة وذكاء غريب.
..
..
هذا ليس إطراءاً
..
..
..
..

أول مرة يجيني إحساس
إنو الفط حار


الشكية لي الله

دينا..حبابك يا صديقة..
و حباب ضيوفك..
و حباب صديقنا الإنسان محسن خالد..
ابكتني شواهد كلتومة..و الحاج طيفور..و اشياء اخرى كتيرة..
بالنسبة لكتاب علي (فيلم)..عندي مشكلة مع عمك دينزل واشنطون..ياخي كل زريقة في نورث امريكا مكسرة فيهو ، بما فيهم الحيكومة..عشان كده الفليم عديت فيهم ماشط قصدا..بس اتوقفت كتير في عمك ألبرت قرين...و دي سكة براها.. يعني صاحبك الغالطك في الفيلم ده داير ليهو اعادة توطين..من الجاز..و موسيقى الروح (سول موزيكا)..لغاية ما يصل حكاية الخراب (متذكر عمك الشاعر بتاع الأرض الخراب؟..ظني هو ت.س. اليوت..!!!!!)



ياخي البركة في صورة محمد قرشي عباس (لو صدقت).. الزول انا كنت قايلو بتاع اسافير ساكت..و الأسافير متهمة في حاجات كتيرة خلاص..!

قدم لي قدم. يا محسن ...كويس انك بقيت تظهر في الإذاعات وقنوات التلفزيون.. اشمعنا يعني قنوات تجيب نجوم الغد..و ما تجيب عمك محسن خالد؟...
يا دينا قربت اصدق كلام منصور و اجيب ليك غنية لألبرت قرين اسمها (زواج)..لكن بيني بينك ناس النت ديل ما مضمونين (يعني عادي ممكن يمسكوك ضنب الككو زي الماحاصل..)؟؟

و دمتم..
كبر

أوعى من الملاوزة يا كبر يا اخي
يعني ناس حريفين ومقطعنها زيكم يجفلو
ناس قريعتي راحت الزيي ديل يسووو شنو
أفا...

بارك ساهي حرم ما تقول حاجة

قالها ونظر بالشزر من الحتة السنينة جهة (الشرير/المفتاح و دي دي)
{ما تسعلوني من التصريفات والنحو ونحوه}

ههههههه



...........
يا عمك يا محسسسسسسن
بالله هاك يمكن تتطرا الغرق وتغرقنا...




........
زهرة الوقت
قاسم حداد

في زهرة الوقت أوقفني غفلة و اصطفاني
تخطى بي المعجزات الأليفة
و أعطى حروفي لحنا لكل الأغاني
أدخلني في الرموز و قال لي :
( امسح عن ضوء عينيك كل المعاني )
و أجلسني في المدى اللؤلؤي البياض
كجوهرة في قطيفة
و ألبسني دهشة حين قال لي : ( اقرأ )
تداخلت في خجلي و اضطربت
فوشحني بالرؤى ساعة
و استعار العصافير كي تستفيق بقلبي
و قال لي : ( اقرأ )
فنزت عروقي صهدا خجولا
فقد كنت طفلا
و كان على قلبي عجولا
فأدخلني بغتة في السؤآل
فاحمر ورد بقلبي
و اخضر ثوبي
و ما كنت إلا انتقالا جميلا من اللون
أين حـدود الخيال؟
تأمل في حزن صمتي ، و استل برقا و قال:
( اقرأ الآن باسم الوطن )
و باسم القلوب المذابة عشقا
و باسم الشجن
بحزن الدهور المرابط في أفق عينيك اقرأ
بوهج العذاب الذي يصهل الآن في نبض زنديك اقرأ
بشوق العذارى الخجولات بالحب اقرأ
بوجد الغريب المشرد في كل أرض
و بالوقت يمضي
و اقرأ باسم ازدهار الطفولة
و باسم الأماني العجولة اقرأ .
قرأت
و كان السطوع الندائي يقرأني
فقرأت
وجدت الإشارات في أول الخلق
لكن في البدء كان القلق
و ذبت
كما حلمة الحلم ذبت
فمن أين أبدأ
ما كنت أعرف أين حدودي
و أين حدود الشفق
ففي دهشتي قد اختلط الصهد بالبرد
فقد كان صوت يحاورني
لا أراه و لكنه ذائب كالألق
و في زهرة الوقت رافقني نزهة في المعاني
تخطى بي المعجزات الأليفة
حولني الحب رائحة حرة في الحروف النحيفة
صحوت فلما رآني تلاشى
و لاشيت حزني في زهرة الوقت
ودَّعني و اصطفـاني .*

سجن جو - البحرين 17/3/1979

http://www.qhaddad.com/ar/book/qh-1.asp

العزيز / كبر

Quote: ياخي البركة في صورة محمد قرشي عباس (لو صدقت).. الزول انا كنت قايلو بتاع اسافير ساكت..و الأسافير متهمة في حاجات كتيرة خلاص..!

يا ريتني حالة إسفيرية ..
كان على الأقل ما نابني زي ده
جهاز الامن يداهم منزل عضو المنبر الدكتور محمد قرشي ...!!
عاجل: جهاز الأمن يعتقل عضو آخر من أعضاء لجنة النوا...محمد قرشي قبل قليل!!

أها صورتي حقيقية .. الدور و الباقي عليك

_______________________________________
عزيزي محسن
باقي اليوم ده إن شاء الله بنزل ليك أعمالك الأولى
و كمان بفتك في توحشك القديم

يا منصور ..
الزول ده زول الله ساي
عاوز ليه زوله تفتح معاه مسيد .. و الله صحي !!

عاوز ليه زوله تفتح معاه مسيد .. و الله صحي !!

وعليكم السلام يا قرشى نان دينا ما من الغبش والشيخ الجعلى والله
تفتح معاهو النجف ذاتو وطبعا هم قايلنى بهرف أنا بقوليهم رؤية
صلاح وما حيصدقوا لامن يسمو ولدهم منصور أو دينا قالت موافقه
محسن مابى مالو????
وإنتى أمسكى لى فى الكى دى لامن أقفل الأبواب وقيامتك تربط.

ويا كبر كلام صح -وما رميت إذ رميت ولكن الله رمى)
زى ديل لازم إرموهم كدى ما بقعوا بالساهل أها
يا محسن اللعب عندك ودينا عندها الآتو قافل يا جنب


منصور

يا البلّه جيّاب الغلّة الفاضل يا ابن الفاضل والأكرمين
علي بالحلال كان بخاتري دايركم فرّادي من عبد الله كسلا وإنت ماشي، أنا لاقيكم ويييين، كلكم، ومن طرف،... أمانة ما بحبكم ومشتهيكم
وما تزال أشعارك المهداة إليَّ يا بلّه تخجلني بما فيها من إسماح وود
إلا أيامي قليلة وحيلتي أقل منها وهيلتي بقت علي مصيبتها مربوطة في جناح طائر، وقد حان موعد الصحف المطهّرة والكتب القيّمة .


الأقدار ما عجيبة يا صديقي، فعلاً عجيبة ورسمها دقيق، كان معاي الشاعر سموأل الشريف والكاتبة رانيا مأمون و(سواقي) ود القرشي:)
وتجولنا يومها وقعدنا في كافتريا النشاط بالنشيشيبة. جاني شاب ولا اتردّد في دا منو، وسلّم علي طوالي ودغري بالاسم والمشابطة وعرفة الدهور ثم أخذ مقود الحديث بسلاسة ولطف.
ليدهشني بعد شوية مع رانيا بكونه يحفظ كلــب السجّان عن ظهر قلب، كما يحملها معه مغلّفة ومجلّدة، أولى الطبعات التي ظهرت منها في القاهرة، شفت كيف إنو الكلمات لا تموت، ولن تموت مهما منعت الرقابة أو لم تمنع؟

سمّع لينا الطالب "مُهيمن" من كلــب السجّان لامن قلنا ليه كفى، الجامعة في عمومها غير الجامعات التي نعرف، ولكن لكل قاعدة شواذ.

رانيا وسموأل، والجبنة التالتة حقتي

مهيمن

والله يا محسن حاسدك على القعدة الفي طرف الحِلة دي بالعراقي ..
بساطة المكان وكمية المحنة الفيهو ..
ولا الرقدة الفي السرير المتاكأ بالطوب ..
ياخي دي إجازة يدفعوا فيها قروش ..
خلتك تجي وتكتب لينا كل الكلام الطاعم دا ..
ياخي سلامنا بالكوم ..





شكراً يا دينا بوستاتك دائماً في السلك ..
الإختيار المناسب في التوقيت المناسب ..

سلامي ..

سلامات يا محسن يازول يا جميل

ياخي شكرا للتعريف الجميل ( فيما خص الكتابة طبعا .... ههههههه ) ، فأنا في البلد دي - سودانيزاونلاين - قليل العشيرة !!!!

واحد من الحاجات الاجمل من انك تقرا لمحسن خالد ياجماعة انك تلاقيهو و تتونس معاهو ...

كنت ولازلت شاكر للظروف اللمتني بيهو في الخرطوم في اجازتو الاخيرة ....

بمناسبة الصور وكده : انت الصور الانا اخدتها ليك في نادي القصة اليوم داك مع المعجبين والمعجبات ما رسلوها ليك والا شنو ؟

غايتو ضيعت العيون ديك ساكت يا ودالبتولا ....



مودتي التي تعلمها وشكرا لدينا خالد .

الف رحمه تنزل على روح الشهيد عبد الحكم
روحك لن تزهق هدرا ...
ولكنها كوة فى نفق ظلامنا
وحجر صلد فى تاسيس الحلم القادم
حرية ... سلام ... وعدالة
وسودان على اسس جديدة ..
نم قرير العين فقد عبدت طريق اهلك الى
الخير والرفاه والطمانينة ...







ـــــــــــــ
نعزى انفسنا واسرته واهله فى دارفور
واهله فى جميع السودان
والظلم ليلته قصيرة ...

Quote: يا منصور .. الزول ده زول الله ساي عاوز ليه زوله تفتح معاه مسيد .. و الله صحي !!

شوف ذى الاحتجاج المبطن دا !!!!










ـــــــــــــــــــ
لو محسن زول الله انا زولة منو ؟؟
معاك منننننن مسيد لى مصنع كوكا كولا !!

الزول الجميل السنى دفع الله
خليك قريب عشان كل ما محسن دا يطبزها
تصلح لى معاى شوية ...
من زمان كنت دايرا محسن يجى يشرح لينا اسم ولدكم داك !


بلة الفاضل
ما خفت والله .. لكن النصيحة الغيبة دى نفعتو
بقى انيييق (اصلو هو لو اكتفى بالكاجول دا
ما بتجينا عوجة كعبات علينا البدل)
لوووووووب


عوض عمر ومصطفى بشار
منورييين شرفتو ..







ـــــــــــ
محسن خالد ! انقابو دا انت ما حاضرو
خلى اصلوا كدا .... برلوم .

لكن يا محسن
حفيد كلتوم ,,ما مبالغة
ما وريتو الخواجيات؟ ..
عشان يامنن .. وتانى ما يجنك !





ياسر طيفور !

Quote: الحتات دي ما قالوا أصبحّت مرتّعاً للحناكيش والمتسيحين؛

انت دا كلووووو جايب خبرو يا ابتفه؟؟
ترحل بى جسمك وقلبك معانا! ..
انى وايى .. مافى فرق كبير بين المتسيحين
والسايحين من شمس السودان بعدطول كندشة اوتلج ..












ــــــــــ
لكن يا ياسر كلووو طبعا كوم والشنا كوم !

الحلويين طارق جبرين وجمال
شكرا للمرور الانيق .. شفتو كيف؟
من الله خلقكم فى زول قال ليكم كدا !

كبر والوليد
البيت بيتكم انداحو بالله
معتصم دفع الله السنى دفع الله
الليلة فى دفع شديد ...
دا بس من ذوقك يا معتصم يا ظريف
وخليك قريب بالله ..








ــــــــــــــــ
يا وليد انت من زمن الصورالبدوها صاحبها وخلاس؟
راجع بتكون العفريته عندك لسه
نزل الصور العندك سريع الوصف ما بنفع !

Quote: شوف ذى الاحتجاج المبطن دا !!!!

غايتو غلطان أنا الخايف عليك ..
صاحبي ده زول الله أيوه ..
لكن بقية العبارة "ما زول عرس"
يعني حيجنن مرتو جن شديد ..
غايتو قد أعذر من أنذر

Quote: الحتات دي ما قالوا أصبحّت مرتّعاً للحناكيش والمتسيحين

غايتو يا ود طيفور
ده كل النابنا من الكوبري
بيكون العمدة أسي بتململ في تربته ..


أها النزيدكم من صور اليوم داك ..






إبنتي العزيزة ميرا ..
(المصاغة من ضوء النجوم)






صديقنا المشترك .. كاظم الزعيم (شاعر مجيد و إنسان كامل الدسم)





و لسان حالها يقول : سايبني مع المجنون ده بصحك يا بابا

أها قصرت معاكم !!

يا ود قرشي،
ست الشاي المسكينة اليوم داك تكون سمعت ليها ونسة ما أنزل الله بها جنب كانون..
___
يا دينا قبل كده ما شفتي حناكيش مثقفين؛) ؟

دينا وضيوفها
وصاحبي محسن
شكرا على المتعة ومتابعين
وبعدين مسألة العرس مسألة الاسم محلولة عند الخواجات بدون ماتضطروا تغيرو حاجة!

د. صدقى كبلو
يا هلا واشرقت الانوار
يكفى البوست فخرا ان تكون انت احد متابعيه
انشالله محسن دا ما يكسفنا معاك ,, وينستر










ـــــــــــــــــ
يادكتور ياخ الاسماء دى لو ما اتغيرت
الفايده شنو ؟ يعنى انا امرق من خالد ادخل
عن خالد اخر ... الخلود لله ياخ !

شاحد الله يا دينا
إديك عريس
ذي صاحبنا بتاع الابري دا
وتاني البورض دا
ما تشوفي الا في الاعياد



.................
كل ما تقولي برلوم بعيد الدعوة
وذي ما إنت شايفة أنا ود شيخ
ودعواتي مقبولة

شعرت أن مساهمتي الصغيرة قد لا تناسب المناسبة "إحتفاء".

تحياتي للجميع

!يا وليد انت من زمن الصورالبدوها صاحبها وخلاس؟ راجع بتكون العفريته عندك لسه نزل الصور العندك سريع الوصف ما بنفع !

يا دينا الصور ما عندي ولا بكامرتي

انا بس صورت محسن مع بعض المعجبين - او المعجبات - اليوم داك ......

اما قصة الوصف ما بنفع دي فكلامك صحي


مودتي

شعرت أن مساهمتي الصغيرة قد لا تناسب المناسبة "إحتفاء"... (2).

تحياتي للجميع

Quote: لكن النت عندي -في لندن، بتاع اليو إس بي- كما الواطــه،

سلام يا دينا ومشكورة على الـ"كشكشة" الموفّقة. وحمداً لله على سلامة الرجعة، يا محسن، من بعد طول نجعة.

أها، انجقدوا؛ اسقوا لنا حقول الانترنيت دي خلّونا نرتع والله يهدي شركات الاتصالات تسهّل لنا السبيل إلى هذا الكلأ.

وقام بينا .. ااب
وقع بينا .. رببب ..

...

وين يا محسن؟ منتظرين!

شكلوا يا دكتور ان (الليمون) رجع لعادته القديمة !!

يا محسن نحن قعدنا للعقد الزواغه شنو

قرب تعال ما تبتعد

(ياخ نحن ناس بنعيش حياتنا الغاليه بالنيه السليمه)



سلام لك ولدينا ولدكتور كبلو (الكمنلو)

أها وين سيـك سيك



منصور

كل سنة ومحسن خالد بخير

أووو غاية الأسف يا صحبُ
كنتُ على سفرٍ وحالياً ببلاد عواسة الحلو مُر
أوافق على عرض المفتاح فــ أنا مبروك وسعيد على دينا، حظها يمين، أمها داعيالها طرفي النهار وزلفاً من الليل
تحياتي للجميع لامن نجي للعقد
شرفتونا بالحيل


مما جيت السودان والجماعة شابكننا
عُنوةً واقتدارا، وزيرة الإعلام برضو (قدااام العرب!)
يا ستي سناء الشيء دي بالفتح
عَنْوَةً واقتداراً
المغالطني يرجع يكوس

الآن حصحص الحق

يا محسن جده جد وهظاره جد

وليس هنالك إشهار أكبر من إشهاركم هذا


وبيت مال وعيال ومكتبات


خالص السلام لك يا محسن وللعروس دينا
والمنادى نادى وقالها كونى بسر كن
وألف مبروك دكتور كبلو

منصور

أشرقت وأنورت والله!

Quote: الذكرى لأشياء عشناها وانقضت تُجَسِّد بورتريه الغياب بوصفه فعلاً ماضياً

محسن ... الذي جاء على غفلة من الزمن .. قد رفع سقف احتياجي لـ الأدب لأعلى مدى .. الأدب بكل سهوله وتعرجاته و منحنياته و تضاريسه وماءه و ناره .. الأدب بكل صمته وسكينته و وقاره.. رغم أنَّ تلك المعجزة الزمنية كانت كـ رسل المطر حياءاً و جمالاً و ندرة، إلا أنها في عرفي أنا أزماناً كانت و أخرى ســ تمتد في عمري كـ الأساطير، مختلفة و ساحرة و خالدة.. (كادي)



_________________________

Quote: يا ستي سناء الشيء دي بالفتح عَنْوَةً واقتداراً

أمي بس في اللقطة دي

دينا
سلام
ياخي وحياتك الزول ده انا مابعرفو ، بس الزول ده . الزول الانا شفتا صورتو ده زول طيب بالحيل ، واظنو زول جميل بالحيل ، بيذكرني اخوي الكبير ، نفس قصتو بالتفاصيل الدقيقة ولي 30 سنة ماشفتو،

دنيا ازيك
والله انا كنت من المحظوظين والربنا انعم عليهم بزيارة الجميل محسن خالد والرائع دكتور قرشي وبيتنا نور يومها

البلّه يا صديقي في المغارات كلها وفيما وراء الآفاق وهنا
كايس يوم أمسكك فيه على انفراد
يا ضراع المطر


شايف صديقي العزيز قيقا مختفي وله الأشواق حتى يستغيث


عبد الله كسلا تحايا يا رجل وأشواق غاية الود والحب
بالله عليك ذكرني بملاقاة أبو ظبي دي حاكم أخوك خرفان من ذلك الزمن
كن بألف خير و(مقدامك لأبو إبراهيم) كما يرد في ثقافة الجدات

شكرا يا شهاب الفاتح على لطفك هذا الذي لا ينفد
بوركت من رجل محب

حمد عبد الغفار
تحياتي أزكاها وأنداها
عارف؟
كلامك دا هي ذاتها قالتو في الإيميل وجحدتو هنا نظام حرفنة منها
شفت كيف؟
يضحك نهارك

تحياتي يا الأمين موسى
كن بخير

ود البشرى غاية الأشواق ياخي
معقول البوست الكان متجدع فيه عادل البدوي بجلالة قلمه
وكمان متجدع فيه صاحبك فيصل نوبي ما شفتو
بالغت ياخي
قلنا مشتاقين

أها يا حافظ أنقابو
جينا وجينا
بس وينها العروسة دينا؟
العروسة شردت يا الــكيي

رانيه الشيخ
شكراً على الطلّه

وييين يا هولولي
ما براك السلوك ذاكرتك صدّن
كلنا تعبانين من شقاء الذاكرة
للذاكرة شقاء يقعدها
ماهل الود


نجاة سيد أحمد تسلمي
المشكلة بقت في الطاقة الروحية الداخلية التي تدفع الكائن
إما إنها بقت تعبانة، أو تدفع في اتجاه آخر
يضحك نهارك

يااا ياسر ود طيفور
يا أخوي إنت وينك؟ ومالك؟
أما مشتاقين لدرجة لا تعلمها
ولو علمتها لعلمنا عنك
الزول الودانا المحل دا ياهو ود القرشي
دي توتي جوار الكبري

Quote: زولك دة يا محسن هو " بالدسار "... يمكن بفتش عن الاسم الاعظم .. نحن كلنا بنفتش عن الاسم الاعظم... عشان دايرين نسبح بيهو كما دعانا ربنا... Awad Omer

سلامٌ كريمٌ وتحايا طيبة يا عوض
حقيقي ذات الفكرة المتعلِّقة بالاسم الأعظم خطرت على بالي بينما أشاهد الفيلم، لأنّ أولد مان كان يبحث عن السؤدد في ذلك الكتاب، والاسم الأعظم يكفل ذلك لمن يعرفه حسب ما يقال عنه.
والكتابات عن الاسم الأعظم لا نهاية ولا ختام لها، منذ الأديان القديمة، مما قبل الإسلام، وإلى بالداسار أمين معلوف.
أعجبتني مقالتك من أنّك تبحث عن الاسم الأعظم من أجل التعبّد به "التسبيح"، ولكن كيف نبحث عن هذا الاسم؟
هذا هو السؤال!
{عشان دايرين نسبح بيهو كما دعانا ربنا} هل دعانا ربنا للتسبيح بهذا الاسم تخصيصاً يا عوض أم تقصد في العموم؟
أتمنّى عليك أن تعيد مراجعة تفسير هذه الآيات من جميع المفسّرين والتأمُّل فيها

Quote: ( واتل عليهم نبأ الذي آتيناه آياتنا فانسلخ منها فأتبعه الشيطان فكان من الغاوين ( 175 ) ولو شئنا لرفعناه بها ولكنه أخلد إلى الأرض واتبع هواه فمثله كمثل الكـــلب إن تحمل عليه يلهث أو تتركه يلهث ذلك مثل القوم الذين كذبوا بآياتنا فاقصص القصص لعلهم يتفكرون ( 176 ) ساء مثلا القوم الذين كذبوا بآياتنا وأنفسهم كانوا يظلمون ( 177 ) ) قال عبد الرزاق ، عن سفيان الثوري ، عن الأعمش ومنصور ، عن أبي الضحى ، عن مسروق ، [ ص: 507 ] عن عبد الله بن مسعود ، رضي الله عنه ، في قوله تعالى : ( واتل عليهم نبأ الذي آتيناه آياتنا فانسلخ منها [ فأتبعه ] ) الآية ، قال : هو رجل من بني إسرائيل ، يقال له : بلعم بن أبر . وكذا رواه شعبة وغير واحد ، عن منصور ، به . وقال سعيد بن أبي عروبة ، عن قتادة ، عن ابن عباس [ رضي الله عنهما ] هو صيفي بن الراهب . قال قتادة : وقال كعب : كان رجلا من أهل البلقاء ، وكان يعلم الاسم الأكبر ، وكان مقيما ببيت المقدس مع الجبارين .

أما موضوع هذا الفيلم فهو ما يدل على قول الأمم السابقة عن أمة القرآن (أناجيلهم في صدورهم)، فمن نراه هنا يصلح لأن يكون الإمام نافع و(بس):)
Deliver us

سلامات يامحسن ,
(وكل سنة وانت طيب)

ياأخى والله أسعدتنى أيما سعادة بتشريفكم لنا فى زواجنا ..
شكرآ ياصاحبى ..
وشكرآ للصديق محمد قرشى ولكل الصحاب الجميلين

_________________

طبعآ يامحسن تنبيهك لى بشأن فيلم The book of Eli لعمنا دينزل, فتح لى نافذة
رؤية مختلفة.. فشكرآ ياصاحبى ..

وكن دومآ بخير

مناهل - الجيلي - و كل الأصحاب الجميلين هنا
شكرا على الكلمات الرقيقة و على هدية التذكر !!

دمتم بخير

مصطفى يا بشّار والله أيام
يا عزيزي وينك ووين أراضيك
لك وحشات لا تحد
ناولني أخبارك

يا طارق جبريل، إنت الوين؟
تجينا بهنا وألا نجيك كازا؟
مشتاقين يا مسنوح
غاية الأشواق

محمد جمال ولك الحب
مالك ياخي ماسح المداخلات، ما عرفتك كتبت شنو!
رجاءً رجّع ما كتبت
ولا تبخل علينا بأي نوع من الكتابة
مناسبة شنو؟ هسع البوست دا عندو مناسبة!؟
كلو بينفع وبيونس
كن بخير


وييين يا كبّر؟
مشتاقين
دينزل دا مكسّر الدنيا بتمامها، هن يعني البنيات الزريقات وحيدهن!
حاول تشوف فيلم بلم القلتو بهناك لمصطفى مدثر حيث يشاركه ترافولتا البطولة
ليك وحشة يا رجل

معتصم دفع الله
ياخي دي كم سنة منك؟ كن بخير
وليك وحشة لا تحد
أرجو أن تكون أمورك كلها ماشيه تمام التمام

دكتور الوليد مشتاقين


أووو د. صدقي شخصياً
فاقدك لي أزمان وكل ما أقول أأتّرك تشجرني الشواجر وتقشرني القواشر
ياخي أجمل الأمنيات لك ولمن معك بأن تكونوا على خير
ولك من الود أجزله وكثير السلام



أهااا شفتِ يا دينا عادل البدوي شخصياً جانا مارق
وهو ممن أستشفي بكتاباتهم
ياخي إنت مالك داير تبقى لي زي شنتير الذي لم نعد نظفر منه حتى بالسلام!
هوووي الدنيا ميها ركوبة بكره تتلفت تلقانا مافي
مشتاقين يا عزيزي


حباابك يا أحمد موسى
كن بخير

وكل سنة وإنت بخير يا راوية العباسي
غاية الأشواق والود
طمنينا عليك وعلى الوالدة
وكونوا جميعاً بألف خير


كادي
من أبهى الناس الذين عرفتهم قبل أن ألتقيهم ومن أبهاهم وأزهرهم بعد الشوفة
ليك وحشة يا رشأ
وما تطولي الغيبة

يااا مناهل
ود البتولا وود القرشي هما المحظوظان بلقياك وزيارتك والتعرّف على أسرتك السمحة
ليك وحشة
ويوم عرس الجيلي لسّع مدوّر في الرأس
تاني مبروك يا الجيلي
وما يزال فيلم كتاب إيلاي محتاج لكتابة شايلة حيلها
مشتاقين يا رجل

Quote: يااا مناهل ود البتولا وود القرشي هما المحظوظان بلقياك وزيارتك والتعرّف على أسرتك السمحة ليك وحشة ويوم عرس الجيلي لسّع مدوّر في الرأس تاني مبروك يا الجيلي

طبعا محسن هو الوحيد اللي عنده كامل الحق في التحدث بإسمي
و بيعملها بأحسن مما أريد قوله دائما !!

سلامنا للتيمان بتاعين الآدآب و الفرنسي ..
و لكل الأسرة الكريمه

Quote: المشكلة بقت في الطاقة الروحية الداخلية التي تدفع الكائن إما إنها بقت تعبانة او تدفع فى، اتجاه آخر

بلا !!

شفتوا الولد دا جميل كيف ؟









ــــــــــــ
ومالها الصفقة تعبانة ؟؟؟

إنا لله!!
الواحد الظاهر عليهو (نظرو قلّ)!!
بوست زي دا قاعد ونحن نلت ونعجن بهناكـ!!

محسن خالد
ترليون حمدا لله على السلامة
نورت بلدك يا أنيق





...............
بالنسبة للعقد
المأذون جاااااااهز
وصيوان الحفلة ح ندقو
في البوستات الملهلبة دي
وبي كدا تكون الفرحة فرحتين
والنفوس تتطايب ويعود المنبر
إلى الهدوء .. وبالمرة تريحنا
من دينا دي شهرين تلاتة

تحياتي وإحترامي

ومحمد جانا ما يغشانا ..... محمد جانا ما .....
وجعلنا من بين ايديهم سدا ومن خلفهم خور كبير











ــــــــــــــ
مشتاقين ياخ راجع كدا من غير اى اقوال !!
سوطتا شنو ؟ اوووع يكون ماجستير
اضان الماجستير طرشة !

كنت في هجليج!!

ا محصن
غايتو كل حركاتك مغفورة إلا حكاية تتحاوم بسكرتيرنا العام القادم
وتقعد بيهو كمان تحت الكباري
راعي المقامات ياخ

عصرت علينا عصر شديد يا محسن .. ليك وحشة يعلم الله.
_____

شكرا دينا

يا ود الصائم تحيات عطرة
يعني هو الست دينا المش بتلت وتعجن، عداها العيب :)

أبااا ساندرا
ياخي الشوق ليك يرمي زي الجبنة وواحد
تحياتي لكل السمحين المعاك
غايتو يا أبا ساندرا سكرتيركم الجميل الراحل إبراهيم نقد مقامه عندنا هو مقام الكاتب، وهو مقامٌ لا يعلو عليه مقامٌ إلا من جنسه. ولو كنتم محظوظين فعلاً فسيكون سكرتيركم المنتظر الكاتب والمفكّر السياسي محمّد حسبو.
حسبو ما تخرّش منو المية، فهل أنتم مهتدون وصاحون؟
هذا الحزب في أمس الحاجة إلى الشباب المتأملين والمتفكرين هؤلاء وحسبو سيكون مكسباً كبيراً من ناحية التواصل وهو رجل له علاقات جيدة، ممتدة وثرّة، والأهم له دماغ نشط ومُلْهِم.
أوعَ تفاجئونا.
لو كنتم ستؤخرون صاحبي دا، فهناك صاحبي التاني عصام جبر الله، رأيكم شنو؟


يا طارق ياخي إنت دا الغائب في الركائب وغيابك عاصر علينا شديد
يا رجل لك وحشة وقد مضينا معاً لحظاتٍ لا تنسى
وييينك؟

Quote: غايتو يا أبا ساندرا سكرتيركم الجميل الراحل إبراهيم نقد مقامه عندنا هو مقام الكاتب، وهو مقامٌ لا يعلو عليه مقامٌ إلا من جنسه. ولو كنتم محظوظين فعلاً فسيكون سكرتيركم المنتظر الكاتب والمفكّر السياسي محمّد حسبو. حسبو ما تخرّش منو المية، فهل أنتم مهتدون وصاحون؟ هذا الحزب في أمس الحاجة إلى الشباب المتأملين والمتفكرين هؤلاء وحسبو سيكون مكسباً كبيراً من ناحية التواصل وهو رجل له علاقات جيدة، ممتدة وثرّة، والأهم له دماغ نشط ومُلْهِم. أوعَ تفاجئونا. لو كنتم ستؤخرون صاحبي دا، فهناك صاحبي التاني عصام جبر الله، رأيكم شنو؟

محسن خالد في تئامره المجيد على الحزب الشيوعي السوداني

الشاب الجميل الفنان محسن خالد، يقول:

Quote: محمد جمال ولك الحب مالك ياخي ماسح المداخلات، ما عرفتك كتبت شنو! رجاءً رجّع ما كتبت ولا تبخل علينا بأي نوع من الكتابة مناسبة شنو؟ هسع البوست دا عندو مناسبة!؟ كلو بينفع وبيونس كن بخير

أنا كتبت أي كلام... وشطبته أي شطب... وأنا سعيد بك وبالصحاب هنا أيما سعادة... وقلت للحظة الواحد يستمتع لابدآ بدل المخاطرة... ذاك سر الشطب... لأن البوست سمته هادي وجميل كما رأيته وأراه... فأستشرت أحد الأصدقاء الخلص "هنا" بعد أن أستخرت فقال لي توكل على الله وأشطب (لأن الناس ممكن تفهمك غلط) لا تسألني من هم الناس (لا أعلم)... قال لي الصديق: ممكن يسألوك لولوةً منهم ساكت: هل لك شعور أن محسن خالد أغمق منك : )... فضحكت ضحكآ مرآ وشطبت "لغيت العملية"!... وهذا هو الكلام "أدناه" حدث قبل عدة أسابيع مضت "وأنا في عنايتك":

Quote: ديناتحادث د. كبلو "سلام عليكم الإتنين": Quote: يادكتور ياخ الاسماء دى لو ما اتغيرت الفايده شنو ؟ يعنى انا امرق من خالد ادخل عن خالد اخر ... الخلود لله ياخ ! --- سلام دينا... أنا كنت ناوي أهديك طوعآ إسم يناسبك جدآ وهو "جمال" وعلى الأقل الواحد يغطي قدحو "مش انت بت عمي، عارف ناس كتيرين ما عارفين... هسه وضح لي أنو القصة أنتهت!... الواحد على كدا إرجع فوروولو صفر اليدين : ). (ما بعرف أعمل الوشوش الخضراء). عندما ألتقيت سلفياالهولندية أول مرة (قصتنا الهناك... والتي رويتها هنا من قبل) كان يتحاوم حولها "سلفيا" واحد مكسر من أولاد حيها أشقر وعنصري تا فه شوية قالت ليه عندي Boyfriend تعنيني ... فعمل فيها مطنش ... ولكن عندما أرته صورة فوتغرافية لي (لم يكن يعرفني ولم يتوقعني) فوجدني Black man بهت وصدم وأصيب في نفس اللحظة باليأس وقال مستسلمآ: I Can't Defeat this!. وفيها إشارة عنصرية واضحة عندها علاقة بالأساطير الغربية حول مقدرات الرجل الأسود الجنسية. بس برضو كويس رب ضارة نافعة. (صاحبك من ديك وعيك). وأما هنا (خالد) عندها علاقة بالفهم. وعليه أستلف مقولة غريمي الهولندي القديم "الذي صرعته" لأقولها في وجه غريمي الجديد "الذي صرعني": I Can't Defeat this!. مع السلامة يا دينا... وأوصيك تسمى ولدك خالد وبتك خالدة.

وطبعآ كله ود ووداد وتواد ومودة وتودة... أو هو ذاك ظني... لا شيء يؤخذ من ثوب المعاني إنما معنى المعاني...

معزتي الأكيدة

محمد جمال

محسن خالد باختصار انت زول كعب !
انت بتحتمل نفسك براك كيف !؟
اخير ليك الاتجاه الاخر دا ما بتلقي زول يزمّلك !



"الاستاذة" دينا ازيك وكدة !




محمد جمال ياخ تخير من تستشيرهم من الاصدقاء !!

سلامات يا شباب..
سعيد بطلة محسن ..
بالجد أنا بحس بالفخر قبل صاحب الموقع ..
لما اشوف ضمن عضويتو شباب عندهم sense of creativity ..
مفروض أيوه مفروض زي ناس محسن وحسبو وبكري الجاك ..
وكل شبابنا وشاباتنا العندهم ما يقولوه لينا..
ما يفوتو المنبر دا كيف ما كان ..
شكرا دينا.

هيثم طه صديقي الرائع الجميل

Quote: محمد جمال ياخ تخير من تستشيرهم من الاصدقاء !!

لا والله يا هيثم لقد تخيرته جيدآ فأختار لي هو بتقديره الذاتي درب السلامة من واقع المثل الشهير "الصاحب الخواف ربى أصحابو" : ).

تحياتي

محمد جمال

Quote: ولو كنتم محظوظين فعلاً فسيكون سكرتيركم المنتظر الكاتب والمفكّر السياسي محمّد حسبو. حسبو ما تخرّش منو المية، فهل أنتم مهتدون وصاحون؟

قلنا ليكم ميييية مرة ..
ما تشكروا لينا الراكوبة فى الخريف !!

Quote: لو كنتم ستؤخرون صاحبي دا، فهناك صاحبي التاني عصام جبر الله، رأيكم شنو؟

اظرررررررط ..واضل ..














ــــــــــــــــ
والله يا محسن قلبت الهوبة بى تسميتو السكرتير المنتظر دى ..
سيظهر المهدى المنتظر ... ولن يظهر السكرتير!
لووووووووووووب اووع جمال دا يطلع شيوعى يتعكلت فينا!

دينا "العزيزة" نهارات سعيدة

Quote: لووووووووووووب اووع جمال دا يطلع شيوعى يتعكلت فينا!

ههههه
أنا لو طلعت شيوعي "ولهو شرف" حا أتشعلق فيكم انتي وخالد محسن "شرف تاني، قصدي الشعلقة" بس أنا كنت حا أتشعلق في منصب السكرتير العام في ذات نفسو... وأبقى سكرتير عام وأمشي أشتغل تحت الأرض أربعين سنة وترتاحو منى : ).

---
أووع إجي د. صدقي كبلو أفهمني غلط... (حاشاه الغلط).

---
انت عارف يا محسن: محمد حسبو وعصام جبر الله ما بقدروا إشتغلو تحت الأرض... ودا في ظني أهم خاصية من خواص المنصب "الصعب جدآ والرفيع جدآ"... فأقترح ناس تانيين : )

---
تحياتي دينا

المداخلة من النوادر يا محمّد جمال ساكت كت داير تحرمنا منها، بالغت
زي دينا دي الفوز بها بكون معقّد أكتر من تصوّرات ذكر أو مغترب أو ظريف أو رجل أبيض، بنفسجي... إلخ
حكاية صعبة خلاص مسألة تتجدّع في كوشة مع متل ناس دينا ديل
قرّبت أصدّق إني فزت بيها
رفعت معنوياتي ياخ، أريتها كان بالفهم كما تقول هع هع هع


يا هيثم، بالجد، شكراً على العون الكريم في مداخلتك
ودققان الصدر للتزميل والتدثير، ففعلاً الاتجاه الآخر دا صعب، بالجد صعب
وإني من باب قوة الرأس كدا داير أقاوم بقدر الله ما يديني قدرة
إني والله آسف شديد الأسف لأن رحيلي تم في ظروف صعبة شوية
فعفوك أرجو
وأهو إنت فيها وعارف الموضوع ما كعوبية لكن فتل وعصر يجيب الموية متضرعة فوق للزيت
كن بألف خير

محمّد الملك يا ملك
يا رجل لك الود والشوق
وإني حقاً لسعيدٌ بمقدمك هذا وكلماتك الطيّبة
كتّر خيرك ولك الحب

هاكِ من الفرش والطازج من أمس وأنا أسيح بين كوستي وربك هذه الصورة تجسّد –تماماً- الأزمة الوجودية التي يعيشها ود البتولا حالياً

قالت الحساب بت قالت!

هو إنت عندك حساب كان ما ساكت! ياها دي البت أم حساب، وياهو دا الحساب زعميط بالجد مش بالنضم.
ست الحساب دي اسمها صباح الصحابي الصادق الشريف الهاشمي، شريفية جينا زرنا فيها وفي حلاتها وحلاة أهلها. شفتِ البت والحساب وألا لسع؟

يا محسن ياخ أنا عاتب عليك ..

تمشي للزول السمح الهاشمي براك !!

و لكن عاتب أكتر إنك تخليني أهرج في شعرك المنسدل ده
من غير ما تقول لي فلسفتك بشأنه ..
لقيتها صدفة في البورد !!

Quote: يا حسبو قلتُ لك إنَّ تطويل الشعر لدى المجالدين وتسريحة الراستا مأخوذة من معابد الكوشيين، ومن التماثيل الكثيرة للمجالدين المهرة على الجدران المروية وجدران النقعة والمصوَّرات والبركل، كل ما تراه متدلياً على الكتفين هو تسريحة راستا وليس عقالاً أو طاقية كما يُظن، وبعض الصور يفسِّر بعضاً. أمَّا بلوغها للثقافة العربية فهو من باب التأثُّر بالثقافة الكوشية، .... عاين معاك الشعر واللا تسريحة المحسنية، وَركِّز يا حسبو على الرجلين المعتقلين في نهاية الشريط تماماً، جاء بهما الرجل الأبيض لأجل التدليل على استرقاق البلاك، تجدهما في تسريحة راستا عديييل، معليش يا أخوان وأخوات دا نقاش مدوِّر ببره بيني وبين أستاذي حسبو، وله علاقة وطيدة بالصورة الكوشية التي أنزلتها أختنا ثروت للمجالد الكوشي محسن خالد:

غايتو مسكنة دربك الصعب ده
حتشيلني ذنوب كتيرة ساي معاك

___________________________________________________________
بعدين عدل الصورة ياخ .. فتلت البوست

Quote: إبنتي العزيزة ميرا .. (المصاغة من ضوء النجوم) محمد قرشى

والله كان مصاغة من ضوء النجوم ما عارفه !!
ايوة ايوة .. شبكوها فى النجوم !

سلام للجميع

محسن ياخ إنت زول جميل حد الجمال
ولما اجي اتداخل معاك بعمل الف حساب
وبكتب المداخلة وبراجعا اكتر من تلاتة مرات
دا طبعا من باب الحزر عشان دينا ما تجي
تلونا وتلولب بي في البورد
أها قت ليك قبل كم سنة في بوست كنت
متابعو فيهو غلاط كبير في تفسير الوعي
وما أدراك ما "عيا عيا" وصراحة الموضوع
عالق بذهني ولأني ما كنت عضو ما قدرت
اواصل في متابعة البوست بما إنك ب"تكتب
بالنقاطة" بمعنى "الرد بعد أسبوع او يزيد"
بيئس الزول من المتابعة ... حاول تجيب
الرابط ولا خش في الموضوع هنا ...


ويا محسن بما إنك في السودان
لو أديني تلفونك على الماسنجر
على الاقل نخش التاريخ من بوابتك الواسعة

..........
دينا بنت خالد شايفة البت الفوق دي؟؟؟
الله إديك واحدة زيها
امييييييييين

غايتو يا محسن لو ما الهامش الجواك دا
كنت يا حلااااتك فى الكوشه .. ماعندك عوجة كلو كلو !
لكن الهامش ياخ !!
ناس قلنالم وقالولنا ديل ياخ .. حاره ياخ !

انت سمعت بالبت فى جريدة هو وهو ولا شنو ديك ؟
فيها اعلانات زواج
قالت هى كيف كيف ودايره راجل كيف كيف ..
على ان لا يكون له اهل بالاقاليم ! لووووووووب .











ـــــــــــــ
قلت لى الصورة دى امس ؟
كوستى بتاعت كرم الله الواااحده دى ؟















ـــــــــــــ
هسه يجيك واحد ثقيل يقول ديك القضارف !

ومنهم من قال لا نريدُ أن نناقش ذلك، سنكتفي باستخدام وتفسير (قدو قدو) ورفاقه للآية التي تنص على جزاء الزانية والزاني، أو بالأحرى هم ضد عقوبة (الجلد) في أساسها، بقرآن أو بدون قرآن، ولن يضيّعوا أعمارهم في دوشانة التفاسير وتلفيقها وترتيقها ليخرجَ لهم أحدٌ ما –منها، أي الآية- ذاتها، بعدم الجلد والتشهير.
ولَمَا كان لي اعتراض على هذه الحجج مطلقاً، لو ذهبنا بها إلى حارات الفكر البحتة، والمنطق العقلاني المجرّد، الذي يستمد هديه من المعرفة وحدها وضوابط العلوم، لا من أمزجة البشر وأهوائهم. ولكن هل يصدق ذلك أو يحق في ما يتعلّق بالمجتمعات والثقافات!؟ أو فيما يتعلّق بما لا يتم إلا من خلال عمليات ديموقراطية معقدة، من أجل الإقناع، ومن خلال تنقيب دقيق في الثقافات وحقوقها في أن تعيش!؟
أيهما أسوأ يا ترى، ما تنصُّ عليه بعض الثقافات السودانية في الدفع بالأشخاص البدينين نحو الانتحار (ثقافة الدينكا)؟ أم جلد الناس وتركهم أحياء؟ أم ثقافة البطان (ثقافة الجعليين وجماعات إثنية أخرى) المتوفّرة إلى اليوم بوصفها ممارسة فروسية تطوعية يقوم بها بعض السودانيين بمحض إرادتهم!؟
كُلّه سيء، أمَّا الأقل سوءاً هنا فهو الجلد. والمستفاد من المثلين هو الحوار مع هذه الثقافات بالحكمة لأجل دعوة الناس بالتي هي أحسن، لا حملهم بالقوة. مسألة تغييب هذه الثقافات وأهلها يبدو أنَّها أصبحت حقاً أصيلاً للجماعات الفكرية والثقافية، على حد السواء، فالكل يريد أن يغصب الناس ويحملهم بالقوة للإيمان بما هو عليه. إنَّ الجبهة الإسلامية منذ وقتٍ بعيد، يشارف انفصالها عن حركة الإخوان المسلمين الأم، لم تعد تتكلّم عن (جهاد القلب) إطلاقاً، وإنَّما عن التمكين وحده، والاستبداد بالأمر والسوق والرفاه. لأنَّ الانضباط شاق ووعر، لأجل إنجاح البلاغات والدعوة إلى الخير، فالدعوة متطلِّبة، ويُستلزم لها انضباطُ الكادر قبل المدعوين، وهذا ما لم يعد في ركابهم، ولا بمعيّتهم الآن. وقد جاء في الأثر الذي ذكره النَّسَائي، وهي حكمةٌ لإبراهيم بن أبي عَبْلة تُنْسَبُ تخليطاً إلى النبي محمّد، أنَّ إبراهيم هذا كان يقول للعائدين من الغزو {قد جئتـم من الـجِهاد الأَصْغَر، فما فعلتم في الـجهاد الأكبر؟ قالوا: يا أبـا إسماعيـل: وما الـجهاد الأكبر؟ قال: جهاد القَلْب}، تهذيب الكمال، المجلّد الأوّل.
الجهاد! الأمر الذي أعلنت الجبهة الإسلامية أنَّها قد انقلبت على ديموقراطية الناس لأجله، ما أسمته سابقاً بالجهاد الأكبر في جنوب البلاد، ها نحن جميعاً نرقبُ خواتيم صنائعهم فيه، وهي سياستهم التي دَمَّرت البلاد وأوقعت المقاتِل بالناس والمغارم والتشريد، وأمَّا جهاد القَلب فأين حياتهم من حياة غمار العالمين، الزاهدين كرهاً لا اختياراً!؟ فتلك قصورهم فوق قبور الناس، فلا أرضاً قطعوا بالبلاد ولا ظهراً منها أبقوا، ولا حفظوا حتى تلك الحدود التي ورثها السودانيون عن سابقيهم.
والحال بحذافيره، ينطبق على رفاقنا من العلمانيين والعلمانيات، فهم أيضاً، بوسط طرافة جحيم الفيديو هذه، يريدون أن يُكْرِهوا الناس على ما يعتقدونه هم. وطائفة ليست باليسيرة منهم، بل غالبهم الأعم، رأى في أمر هذا الفيديو، ما لا يدعو إطلاقاً، لمراجعة ثقافة الشريعة وقوانينها وبيئتها. ونَذْرٌ منهم لم يتبقَّ لهم إلا الحلف بالطلاق، من أنَّهم لا يعنيهم البتة فَهَمُ تلك الآية وقراءتها التاريخية وسط مادتها، وتخريجها، وما تحقق منها وما لم يتحقق في عهد النبي محمّد، وكل ما تراكم من معرفة حولها حتى نبلغ محمود محمّد طه! لا، كل ذلك لا يعنيهم لا في قليل ولا كثير، فهم بالمختصر المريح، لن يشتروا منه بشِلِن، فقط سيكتفون بظاهرية هذه الآية، وسيقرؤونها برواية (قدو قدو) ورفاقه، كما سيأخذون بتفسيرهم ومقارباتهم لها.
وهذه ليست ثالثة الأثافي من طرافة الجحيم!
ثالثة الأثافي أنَّ معظم من أعنيهم هؤلاء يُعَدّون من طلائع الكتابة الحديثة في السودان، فماذا نسميهم مع فهمهم هذا، "حداثيو الظاهر"؟ وهذا التيرم الذي يَنسبُ المفكرين والمعرفيين إلى (الظاهراتية) في كتب التاريخ، كما يقال ابن حزم الظاهري، فبذا يُنسبُ ابنُ حزمٍ إلى فئة المعرفيين الذين يعالجون النصوص من ظاهرها بخصوص الاعتقاد المتعلّق بالتوحيد، فالنسبة هنا ليست إلى جَدٍّ أو اسمٍ كما يفهم بعضٌ من الناس، وإنما إلى منهج من مناهج معالجة النصوص، هو (المنهج الظاهري).
بينما الحداثة، كما أراها، في أجلى أدوارها ومعانيها، المتعلّقة بالثقافات التاريخية، هي بإيجاز، اللُّقى المجلوبة من أتون المراجعات، والتدقيق، والقراءات المتأنية في هذه الثقافات وفي تاريخها، بزوغاً، نمواً، تشكلاً، وإثماراً.
ومجاراةً منّي، لطرافة الجحيم التي ينتجها، حداثيو الظاهر هؤلاء، وبخصوص كتاباتهم الكثيفة والمركّبة، ماذا لو قمنا بقراءة هذه النصوص على (المنهج الظاهري)!؟ أو ماذا سيحدث لو طلبنا من (قدو قدو) ورفاقه إجراء مقاربات لنصوصهم هذه؟ فهل النصوص مما يُقرأ ببساطة الظاهر هذه، دون شرط المعرفة بالتاريخ والثقافة المنتجة لهذه النصوص، والدور الذي لعبته تاريخياً في بناء وجدان أهل هذه النصوص، الذين ليس بوسعهم الاستغناء عنها "انتبه"، بهذه البساطة "انتبه"، التي في مستطاع رفاقنا ورفيقاتنا من العلمانيين والعلمانيات؟ أم هي طرافة الجحيم؟
القوانين التي عُرضت على الناس، وبها كانوا يُحَاكمون، وبها عُذِّبت تلك الفتاة وما تزال تُعَذَّب، لا علاقة لها البتة بالشريعة الإسلامية، لا من قريب ولا من بعيد، ومع ذلك يصر بعض الرفاق على عدم رغبتهم في إخراج هذه الشريعة من الصراع ما دام الآية تنصُّ، في "ظاهرٍ" لا تخطئه عين، على الجلد والتشهير.
طيّب وما قولُ حداثيي الظاهر هؤلاء بعدما ثَبَّت لهم أهلُ القانون أن (الجلد) مادة عقوبة موجودة في القانون السوداني منذ العام 1925م إبَّان وجود الإنجليز في السودان؟
هل هذا يعني أن نقبل (الجلد) إذ ثَبَتَ بأنّه لا علاقة تربطه بقوانين الشريعة، وما عقوبة الجلد تلك إلا قوانين إنجليز غير إرهابيين ويحترمون حقوق الإنسان؟
أم هذا يعني، أنّه لا محيص ولا مهرب للعلمانيين والعلمانيات من مراجعة النصوص أيَّاً تكن، خصوصاً لو كانت تلك النصوص –في حال انفصال الجنوب- ستشكّل ما لا يقل عن نسبة تسعين بالمائة من الأرضية الثقافية التي ستقوم عليها دولة الديموقراطية العلمانية في يومٍ ما من الأيام.
فمراجعة هذه النصوص، وتدبير نظام دعوي علماني، ثقافي شامل، وسلمي، لكي تنجح دعوتك، هو أمر فرض عين، إن لم يكن الرفاق من العلمانيات والعلمانيين يرغبون في امتطاء الدبابات هم الآخرون ويأتون للناس بليل.
فإن كانت هذه المواد القانونية التي عرضوها بمناسبة جلد الفتاة، لا تحتكم إلى ثقافة الشريعة في قطمير، فهل على الناس أن يغضوا الطرف عن ذلك، فقط لكون الآية تقول اجلدوا الزاني والزانية وشهّروا بهما!؟ هل يستقيم ذلك في دماغ عاقل!
ولماذا هم يحتمون بالآية أساساً إن لم يكن لذلك أسانيده على أرض الواقع!؟ طبعاً للاختباء في ثقافة هذه المجتمعات ذاتها، ليقولوا للناس هذه ثقافتكم وهذا إسلامكم، فهل ندعهم يختبؤون بكل هذا اليسر!؟
ألم يقتلوا تجار العملة باسم الشريعة! فأية شريعة قالت بذلك؟
ألم يقتلوا ضباط السودان وجنوده باسم الشريعة وشق عصا الأمّة، فأية شريعة قالت بذلك؟ وأية شريعة هذه التي لم تجلعهم يقتلون أنفسهم حينما شقوا عصا الأمّة وأزاحوا د. الصادق المهدي الذي جاء به الناسُ بمحض اختيارهم وشوراهم ليحكمهم، فانقلبوا عليه هم، مروقاً على هذه الأمّة وشقاً لعصاها، انتهى بشق الوطن ذاته، ومروقاً على هذه الشريعة المبهوتة في صمّة خشمها!؟
ألم يغيّروا ضوابط المرابحات والمشاركات والقروض التي أسستها النظريات المعرفية والاقتصادية في نظام البنوك المعاصرة، كي يقسموا أموال السودانيين لأعضاء حزبهم فقط بزعم وادّعاء مفاهيم "التزكية" الإسلامية، فأي فقه إسلامي قال بذلك؟
ألم يغيّروا كل ضوابط الاستيراد والتصدير بفهم أن الميزان التجاري يجب أن يكون هو أيضاً (لله، لا للسلطة ولا للجاه) بينما الكل يعرف أنهم فعلوا ذلك لإضعاف خصومهم في الأسواق ذات الصلة بالخارج والداخل أولاً، ولجعل جميع تجار الداخل من الخصوم يتنازلون عن ولاءاتهم الحزبية ولو تظاهراً، هذا ثانياً، ولتقسيم رخص الاستيراد والتصدير على أعضاء حزبهم "فقط" ثالثاً.
فلماذا الكل يعرف، بمَنْ فيهم من تعنيهم تلك النصوص الدينية، لماذا يعرفون أنّ هذا من عمل الدنيا وشياطينهم وجشعهم، ولا علاقة له بالآخرة ولا تلك النصوص التي تتحدث عن الآخرة، وحين يتحدث الناس عن ذلك يقولون إنهم مُفَبْرِكُون ومزوِّرون، أي يهاجمون كائنات جشعة وطماعة ولا يهاجمون (الله) الذي هو إلههم أيضاً، لأنَّه واضح أن تلك الكائنات الشريرة، تستخدم مسألة الإله هذي غطاء للإجرام وللمزيد منه، ولا أكثر. فهل يصبح المتنوّرون ضد هذه الكائنات الجشعة أم ضد ثقافة أرضية اختيارهم وانتخابهم، إن كانت المسألة ستصير إلى ديموقراطية وتراضٍ!؟
فكيف يستقيم أن نترك من لنا معه قضية لنحاسب هذه الآية، التي هو يستخدمها فحسب، كما يستخدم غيرها في مسخ وتطويع هذه الحياة كلها، كبراغماتي محترف وكمزوّر لا مثيل له! ألا يقتضي الواجب أن ننقذ هذه الآية من براثنه؟ ليس لنا كعلمانيين وعلمانيات، وإنما لأهلها الذين لا يريدون الضرب وسياسة السياط مثلنا ولا يقرون شيئاً من ذلك، إلا القليل منهم. فمسألة الاعتقاد هذه تتعلّق بالأشخاص وذهنياتهم ووجدانهم، وهي مسألة مركّبة ومرتبطة بالقدرة على مواصلة الحياة والعيش ذاتها، ولكن هذا الضرب الذي رأوه رأي العين، ولم يتبنوه وجدانياً فحسب، ثَبَتَ للغالبية منّا أنّه ليس علاجاً لأية مشكلة كانت على ظهر هذه الأرض! فما الداعي إذاً لاستفزاز الناس في عقائدهم، إن كان غالبهم يتفق معك على الحد المعقول لإنتاج حوار ولو حول الفهم الجمهوري لآيات الحدود هذه؟ خصوصاً وأنَّها لا علاقة لها بما يحدث الآن، وإنما هي درقة لكل ما يمكن أن يحدث، درقة بيد مجرم، وليس تقياً ولا ورعاً ولا فقيهاً!؟
هذه الآية، لا علاقة لها بضرب تلك الفتاة، لأنَّ الممارسات التي اعتاد عليها هذا النظام ضَبَطها أشخاصٌ يضربون من يريدون، ولم يضبطها في أي يومٍ من الأيام قرآن أو حديث أو أثارة من صحابة. ولا بُدَّ للعلمانيين وللعلمانيات الذين يرجون أن تسود نظرتهم الحياة بالتي هي أحكم وأسلم، من الوقوف مع هذه الآية، المبهوتة في صمّة خشمها من ناحية واقعها الذي عاشته عملياً، بين أيدي النبي محمد ورفاقه، والخوض حتى الذقون في نقاشها وتراجمها وتفاسيرها وفهمهما، فهي جزءٌ من ثقافتنا. ألا نناقش ما يرد في كتاب الطبقات لود ضيف الله عن ثقافة هذه البلاد في فترة من فترات حيواتها التاريخية وما كان يشكل وجدان الناس ويؤثّر على حياتهم، وكذلك الأغاني والأشعار والملاحم المتعلّقة بروح ثقافتنا، الموسيقى، الأمثال، الحجا، الصنائع من توسير العناقريب، منشأات السعف، ضرب الطوب.. إلخ.
فهل تقل هذه الآية، والقرآن بأكمله الذي جاءت فيه، تأثيراً على حياة الناس من كل هذه الدوال الثقافية والإرثية!؟


-------------
هذه الكتابة من أيام كنا علمانيين، هسع بقينا مسلمين ساكت :)

دينا، إنت دايره معاي وألا ما دايره؟ بلاش حركاااات...

Quote: وبكتب المداخلة وبراجعا اكتر من تلاتة مرات دا طبعا من باب الحزر عشان دينا ما تجي تلونا وتلولب بي في البورد حافظ

من باب الحزر وألا التخمين؟
وألا الحذر؟
يضحك نهارك
بتلقى تلفوني على الخاص

علمانية الهناء يا محسن .... ^__^

والله بــ تنور البورد ياخ ... خليك ما تمشيش

شكرا دينا خالد على هذا
اليوست الانيق الذي جمع بيني
والاديب الجميل محسن خالد
لطالما تمنيته صديق .. وقد كان

أها يا محسن الهناي بتاع البتاع
ح نعملو متين ^_*
بس عليك الله ما تزل الصور
عشان الجماعة الطيبين ما يشيلو
حالي ... ^_^




....................
البت الاسمك رشا
عاملة ذي دعاية إم تي إن قرايب
أيي بوست ألقاك راكبة سطح
شفتي كيف؟؟؟

محسن ياخ أنا قايلك دخلت اللكلكه شنو ياخ هى ذاتها هامش أمش ساكت



منصور

Quote: ومنهم من قال لا نريدُ أن نناقش ذلك، سنكتفي باستخدام وتفسير (قدو قدو) ورفاقه للآية التي تنص على جزاء الزانية والزاني، أو بالأحرى هم ضد عقوبة (الجلد) في أساسها، بقرآن أو بدون قرآن، ولن يضيّعوا أعمارهم في دوشانة التفاسير وتلفيقها وترتيقها ليخرجَ لهم أحدٌ ما –منها، أي الآية- ذاتها، بعدم الجلد والتشهير. ولَمَا كان لي اعتراض على هذه الحجج مطلقاً، لو ذهبنا بها إلى حارات الفكر البحتة، والمنطق العقلاني المجرّد، الذي يستمد هديه من المعرفة وحدها وضوابط العلوم، لا من أمزجة البشر وأهوائهم. ولكن هل يصدق ذلك أو يحق في ما يتعلّق بالمجتمعات والثقافات!؟ أو فيما يتعلّق بما لا يتم إلا من خلال عمليات ديموقراطية معقدة، من أجل الإقناع، ومن خلال تنقيب دقيق في الثقافات وحقوقها في أن تعيش!؟ أيهما أسوأ يا ترى، ما تنصُّ عليه بعض الثقافات السودانية في الدفع بالأشخاص البدينين نحو الانتحار (ثقافة الدينكا)؟ أم جلد الناس وتركهم أحياء؟ أم ثقافة البطان (ثقافة الجعليين وجماعات إثنية أخرى) المتوفّرة إلى اليوم بوصفها ممارسة فروسية تطوعية يقوم بها بعض السودانيين بمحض إرادتهم!؟ كُلّه سيء، أمَّا الأقل سوءاً هنا فهو الجلد. والمستفاد من المثلين هو الحوار مع هذه الثقافات بالحكمة لأجل دعوة الناس بالتي هي أحسن، لا حملهم بالقوة. مسألة تغييب هذه الثقافات وأهلها يبدو أنَّها أصبحت حقاً أصيلاً للجماعات الفكرية والثقافية، على حد السواء، فالكل يريد أن يغصب الناس ويحملهم بالقوة للإيمان بما هو عليه. إنَّ الجبهة الإسلامية منذ وقتٍ بعيد، يشارف انفصالها عن حركة الإخوان المسلمين الأم، لم تعد تتكلّم عن (جهاد القلب) إطلاقاً، وإنَّما عن التمكين وحده، والاستبداد بالأمر والسوق والرفاه. لأنَّ الانضباط شاق ووعر، لأجل إنجاح البلاغات والدعوة إلى الخير، فالدعوة متطلِّبة، ويُستلزم لها انضباطُ الكادر قبل المدعوين، وهذا ما لم يعد في ركابهم، ولا بمعيّتهم الآن. وقد جاء في الأثر الذي ذكره النَّسَائي، وهي حكمةٌ لإبراهيم بن أبي عَبْلة تُنْسَبُ تخليطاً إلى النبي محمّد، أنَّ إبراهيم هذا كان يقول للعائدين من الغزو {قد جئتـم من الـجِهاد الأَصْغَر، فما فعلتم في الـجهاد الأكبر؟ قالوا: يا أبـا إسماعيـل: وما الـجهاد الأكبر؟ قال: جهاد القَلْب}، تهذيب الكمال، المجلّد الأوّل.الجهاد! الأمر الذي أعلنت الجبهة الإسلامية أنَّها قد انقلبت على ديموقراطية الناس لأجله، ما أسمته سابقاً بالجهاد الأكبر في جنوب البلاد، ها نحن جميعاً نرقبُ خواتيم صنائعهم فيه، وهي سياستهم التي دَمَّرت البلاد وأوقعت المقاتِل بالناس والمغارم والتشريد، وأمَّا جهاد القَلب فأين حياتهم من حياة غمار العالمين، الزاهدين كرهاً لا اختياراً!؟ فتلك قصورهم فوق قبور الناس، فلا أرضاً قطعوا بالبلاد ولا ظهراً منها أبقوا، ولا حفظوا حتى تلك الحدود التي ورثها السودانيون عن سابقيهم. والحال بحذافيره، ينطبق على رفاقنا من العلمانيين والعلمانيات، فهم أيضاً، بوسط طرافة جحيم الفيديو هذه، يريدون أن يُكْرِهوا الناس على ما يعتقدونه هم. وطائفة ليست باليسيرة منهم، بل غالبهم الأعم، رأى في أمر هذا الفيديو، ما لا يدعو إطلاقاً، لمراجعة ثقافة الشريعة وقوانينها وبيئتها. ونَذْرٌ منهم لم يتبقَّ لهم إلا الحلف بالطلاق، من أنَّهم لا يعنيهم البتة فَهَمُ تلك الآية وقراءتها التاريخية وسط مادتها، وتخريجها، وما تحقق منها وما لم يتحقق في عهد النبي محمّد، وكل ما تراكم من معرفة حولها حتى نبلغ محمود محمّد طه! لا، كل ذلك لا يعنيهم لا في قليل ولا كثير، فهم بالمختصر المريح، لن يشتروا منه بشِلِن، فقط سيكتفون بظاهرية هذه الآية، وسيقرؤونها برواية (قدو قدو) ورفاقه، كما سيأخذون بتفسيرهم ومقارباتهم لها. وهذه ليست ثالثة الأثافي من طرافة الجحيم! ثالثة الأثافي أنَّ معظم من أعنيهم هؤلاء يُعَدّون من طلائع الكتابة الحديثة في السودان، فماذا نسميهم مع فهمهم هذا، "حداثيو الظاهر"؟ وهذا التيرم الذي يَنسبُ المفكرين والمعرفيين إلى (الظاهراتية) في كتب التاريخ، كما يقال ابن حزم الظاهري، فبذا يُنسبُ ابنُ حزمٍ إلى فئة المعرفيين الذين يعالجون النصوص من ظاهرها بخصوص الاعتقاد المتعلّق بالتوحيد، فالنسبة هنا ليست إلى جَدٍّ أو اسمٍ كما يفهم بعضٌ من الناس، وإنما إلى منهج من مناهج معالجة النصوص، هو (المنهج الظاهري). بينما الحداثة، كما أراها، في أجلى أدوارها ومعانيها، المتعلّقة بالثقافات التاريخية، هي بإيجاز، اللُّقى المجلوبة من أتون المراجعات، والتدقيق، والقراءات المتأنية في هذه الثقافات وفي تاريخها، بزوغاً، نمواً، تشكلاً، وإثماراً. ومجاراةً منّي، لطرافة الجحيم التي ينتجها، حداثيو الظاهر هؤلاء، وبخصوص كتاباتهم الكثيفة والمركّبة، ماذا لو قمنا بقراءة هذه النصوص على (المنهج الظاهري)!؟ أو ماذا سيحدث لو طلبنا من (قدو قدو) ورفاقه إجراء مقاربات لنصوصهم هذه؟ فهل النصوص مما يُقرأ ببساطة الظاهر هذه، دون شرط المعرفة بالتاريخ والثقافة المنتجة لهذه النصوص، والدور الذي لعبته تاريخياً في بناء وجدان أهل هذه النصوص، الذين ليس بوسعهم الاستغناء عنها "انتبه"، بهذه البساطة "انتبه"، التي في مستطاع رفاقنا ورفيقاتنا من العلمانيين والعلمانيات؟ أم هي طرافة الجحيم؟ القوانين التي عُرضت على الناس، وبها كانوا يُحَاكمون، وبها عُذِّبت تلك الفتاة وما تزال تُعَذَّب، لا علاقة لها البتة بالشريعة الإسلامية، لا من قريب ولا من بعيد، ومع ذلك يصر بعض الرفاق على عدم رغبتهم في إخراج هذه الشريعة من الصراع ما دام الآية تنصُّ، في "ظاهرٍ" لا تخطئه عين، على الجلد والتشهير. طيّب وما قولُ حداثيي الظاهر هؤلاء بعدما ثَبَّت لهم أهلُ القانون أن (الجلد) مادة عقوبة موجودة في القانون السوداني منذ العام 1925م إبَّان وجود الإنجليز في السودان؟ هل هذا يعني أن نقبل (الجلد) إذ ثَبَتَ بأنّه لا علاقة تربطه بقوانين الشريعة، وما عقوبة الجلد تلك إلا قوانين إنجليز غير إرهابيين ويحترمون حقوق الإنسان؟ أم هذا يعني، أنّه لا محيص ولا مهرب للعلمانيين والعلمانيات من مراجعة النصوص أيَّاً تكن، خصوصاً لو كانت تلك النصوص –في حال انفصال الجنوب- ستشكّل ما لا يقل عن نسبة تسعين بالمائة من الأرضية الثقافية التي ستقوم عليها دولة الديموقراطية العلمانية في يومٍ ما من الأيام. فمراجعة هذه النصوص، وتدبير نظام دعوي علماني، ثقافي شامل، وسلمي، لكي تنجح دعوتك، هو أمر فرض عين، إن لم يكن الرفاق من العلمانيات والعلمانيين يرغبون في امتطاء الدبابات هم الآخرون ويأتون للناس بليل. فإن كانت هذه المواد القانونية التي عرضوها بمناسبة جلد الفتاة، لا تحتكم إلى ثقافة الشريعة في قطمير، فهل على الناس أن يغضوا الطرف عن ذلك، فقط لكون الآية تقول اجلدوا الزاني والزانية وشهّروا بهما!؟ هل يستقيم ذلك في دماغ عاقل! ولماذا هم يحتمون بالآية أساساً إن لم يكن لذلك أسانيده على أرض الواقع!؟ طبعاً للاختباء في ثقافة هذه المجتمعات ذاتها، ليقولوا للناس هذه ثقافتكم وهذا إسلامكم، فهل ندعهم يختبؤون بكل هذا اليسر!؟ ألم يقتلوا تجار العملة باسم الشريعة! فأية شريعة قالت بذلك؟ ألم يقتلوا ضباط السودان وجنوده باسم الشريعة وشق عصا الأمّة، فأية شريعة قالت بذلك؟ وأية شريعة هذه التي لم تجلعهم يقتلون أنفسهم حينما شقوا عصا الأمّة وأزاحوا د. الصادق المهدي الذي جاء به الناسُ بمحض اختيارهم وشوراهم ليحكمهم، فانقلبوا عليه هم، مروقاً على هذه الأمّة وشقاً لعصاها، انتهى بشق الوطن ذاته، ومروقاً على هذه الشريعة المبهوتة في صمّة خشمها!؟ ألم يغيّروا ضوابط المرابحات والمشاركات والقروض التي أسستها النظريات المعرفية والاقتصادية في نظام البنوك المعاصرة، كي يقسموا أموال السودانيين لأعضاء حزبهم فقط بزعم وادّعاء مفاهيم "التزكية" الإسلامية، فأي فقه إسلامي قال بذلك؟ ألم يغيّروا كل ضوابط الاستيراد والتصدير بفهم أن الميزان التجاري يجب أن يكون هو أيضاً (لله، لا للسلطة ولا للجاه) بينما الكل يعرف أنهم فعلوا ذلك لإضعاف خصومهم في الأسواق ذات الصلة بالخارج والداخل أولاً، ولجعل جميع تجار الداخل من الخصوم يتنازلون عن ولاءاتهم الحزبية ولو تظاهراً، هذا ثانياً، ولتقسيم رخص الاستيراد والتصدير على أعضاء حزبهم "فقط" ثالثاً. فلماذا الكل يعرف، بمَنْ فيهم من تعنيهم تلك النصوص الدينية، لماذا يعرفون أنّ هذا من عمل الدنيا وشياطينهم وجشعهم، ولا علاقة له بالآخرة ولا تلك النصوص التي تتحدث عن الآخرة، وحين يتحدث الناس عن ذلك يقولون إنهم مُفَبْرِكُون ومزوِّرون، أي يهاجمون كائنات جشعة وطماعة ولا يهاجمون (الله) الذي هو إلههم أيضاً، لأنَّه واضح أن تلك الكائنات الشريرة، تستخدم مسألة الإله هذي غطاء للإجرام وللمزيد منه، ولا أكثر. فهل يصبح المتنوّرون ضد هذه الكائنات الجشعة أم ضد ثقافة أرضية اختيارهم وانتخابهم، إن كانت المسألة ستصير إلى ديموقراطية وتراضٍ!؟ فكيف يستقيم أن نترك من لنا معه قضية لنحاسب هذه الآية، التي هو يستخدمها فحسب، كما يستخدم غيرها في مسخ وتطويع هذه الحياة كلها، كبراغماتي محترف وكمزوّر لا مثيل له! ألا يقتضي الواجب أن ننقذ هذه الآية من براثنه؟ ليس لنا كعلمانيين وعلمانيات، وإنما لأهلها الذين لا يريدون الضرب وسياسة السياط مثلنا ولا يقرون شيئاً من ذلك، إلا القليل منهم. فمسألة الاعتقاد هذه تتعلّق بالأشخاص وذهنياتهم ووجدانهم، وهي مسألة مركّبة ومرتبطة بالقدرة على مواصلة الحياة والعيش ذاتها، ولكن هذا الضرب الذي رأوه رأي العين، ولم يتبنوه وجدانياً فحسب، ثَبَتَ للغالبية منّا أنّه ليس علاجاً لأية مشكلة كانت على ظهر هذه الأرض! فما الداعي إذاً لاستفزاز الناس في عقائدهم، إن كان غالبهم يتفق معك على الحد المعقول لإنتاج حوار ولو حول الفهم الجمهوري لآيات الحدود هذه؟ خصوصاً وأنَّها لا علاقة لها بما يحدث الآن، وإنما هي درقة لكل ما يمكن أن يحدث، درقة بيد مجرم، وليس تقياً ولا ورعاً ولا فقيهاً!؟ هذه الآية، لا علاقة لها بضرب تلك الفتاة، لأنَّ الممارسات التي اعتاد عليها هذا النظام ضَبَطها أشخاصٌ يضربون من يريدون، ولم يضبطها في أي يومٍ من الأيام قرآن أو حديث أو أثارة من صحابة. ولا بُدَّ للعلمانيين وللعلمانيات الذين يرجون أن تسود نظرتهم الحياة بالتي هي أحكم وأسلم، من الوقوف مع هذه الآية، المبهوتة في صمّة خشمها من ناحية واقعها الذي عاشته عملياً، بين أيدي النبي محمد ورفاقه، والخوض حتى الذقون في نقاشها وتراجمها وتفاسيرها وفهمهما، فهي جزءٌ من ثقافتنا. ألا نناقش ما يرد في كتاب الطبقات لود ضيف الله عن ثقافة هذه البلاد في فترة من فترات حيواتها التاريخية وما كان يشكل وجدان الناس ويؤثّر على حياتهم، وكذلك الأغاني والأشعار والملاحم المتعلّقة بروح ثقافتنا، الموسيقى، الأمثال، الحجا، الصنائع من توسير العناقريب، منشأات السعف، ضرب الطوب.. إلخ. فهل تقل هذه الآية، والقرآن بأكمله الذي جاءت فيه، تأثيراً على حياة الناس من كل هذه الدوال الثقافية والإرثية!؟ ------------- هذه الكتابة من أيام كنا علمانيين، هسع بقينا مسلمين ساكت :)

يا متعسلم يا مشرد فينا الشوق
وتزازي بالحلال
علي بالحلال دي كتابة تمش
لمن الناس ذاتا تستغفر في الوعي
وبرضك تبقى زي التميمة فوق رُقابن

والله بعادك يوم خسارة ضمة في معركة الوعي والمعرفة
وما دفعته هنا هكذا ومشيت لمعط ما انسدل
يستحق قيامة لوحدها بحق



تحايا وشوق
وقش الدمعة يا اخي
واقلب الريكة

القطب وغوث الزمان ود البتولا

Quote: الظاهر"؟ وهذا التيرم الذي يَنسبُ المفكرين والمعرفيين إلى (الظاهراتية) في كتب التاريخ، كما يقال ابن حزم الظاهري، فبذا يُنسبُ ابنُ حزمٍ إلى فئة المعرفيين الذين يعالجون النصوص من ظاهرها بخصوص الاعتقاد المتعلّق بالتوحيد، فالنسبة هنا ليست إلى جَدٍّ أو اسمٍ كما يفهم بعضٌ من الناس، وإنما إلى منهج من مناهج معالجة النصوص، هو (المنهج الظاهري). بينما الحداثة، كما أراها، في أجلى أدوارها ومعانيها، المتعلّقة بالثقافات التاريخية، هي بإيجاز، اللُّقى المجلوبة من أتون المراجعات، والتدقيق، والقراءات المتأنية في هذه الثقافات وفي تاريخها، بزوغاً، نمواً، تشكلاً، وإثماراً. ومجاراةً منّي، لطرافة الجحيم التي ينتجها، حداثيو الظاهر هؤلاء، وبخصوص كتاباتهم الكثيفة والمركّبة، ماذا لو قمنا بقراءة هذه النصوص على (المنهج الظاهري)!؟ أو ماذا سيحدث لو طلبنا من (قدو قدو) ورفاقه إجراء مقاربات لنصوصهم هذه؟ فهل النصوص مما يُقرأ ببساطة الظاهر هذه، دون شرط المعرفة بالتاريخ والثقافة المنتجة لهذه النصوص، والدور الذي لعبته تاريخياً في بناء وجدان أهل هذه النصوص، الذين ليس بوسعهم الاستغناء عنها "انتبه"، بهذه البساطة "انتبه"، التي في مستطاع رفاقنا ورفيقاتنا من العلمانيين والعلمانيات؟ أم هي طرافة الجحيم؟

مدد يا سيدي .. مدد

وما قولكم -دام فضلكم- في سقوط نفس س س س النخب الظاهرية دي ذاااتها حول فيديو آخر ..
يظهر الرئيس فيه في كامل بهاء انسانيته، فرحان لربيبته .. ويمارس طقس سوداني حميم
عليك امان الله قلبت بقينا ما فارزين منو السلفي و منو العلماني!
غايتو تخلى حاتم عن يأسه الاثير مؤقتاً و اطلق عليهم لقب (علمانيي الامر بالمعروف و النهي عن المنكر)

وينك ياخي!؟

(الجماعة) شغالين اهمال نظري ومعرفي .. بل وسياسي ذاتو سااااي!
حرموا لينا الرقيص
شفت المحن!؟











---------

Quote: هذه الكتابة من أيام كنا علمانيين، هسع بقينا مسلمين ساكت :)

اسلام ساكت ما بحلك ..
لو حسن اسلامك، لزوجناك دينا بت خالد .. إن قبلت
ومال ايه؟
لازم توافق ..

كمان اذا ما ردت على سؤالك التعسفي اعلاه .. ح نعتبرو (سكات)
والسكات علامة الرضا
المافي شنو!؟

والله مشتاقين
وللعروس المستحية دي ذااااتا

ما لقيت لى وش جضومو حمر ياخ !!

Quote: والله كان مصاغة من ضوء النجوم ما عارفه !! ايوة ايوة .. شبكوها فى النجوم !

و الله مصاغة منها و لا على كيفك
أبوها زاتو النجوم ما فايتاهو كلو كلو ..



بالله شوفي النجمة السميتها عليها دي حلوة كيف ..
جبتها من رواية روسية قديمة لألكسي تولستوي
قريتها زماااااااااان ...

Quote: انت سمعت بالبت فى جريدة هو وهو ولا شنو ديك ؟ فيها اعلانات زواج قالت هى كيف كيف ودايره راجل كيف كيف .. على ان لا يكون له اهل بالاقاليم !

محسن ده مقطوع من شجرة بلا أشقاء
بس منتشر بالأقاليم قلبا و قالبا
جاهم من لندن البعيييييييده ديك
و عاوزين واحده عندها راي بالأقاليم علشان ترجعه تاني بلد الصقيع ديك

فشنو .. المواصفات مطابقة




فوق البيعه ..
وش خجلان و محمر خدوده بلغوة النت : o////o

و إختاري من ديل :

Quote: بمناسبة الصور وكده : انت الصور الانا اخدتها ليك في نادي القصة اليوم داك مع المعجبين والمعجبات ما رسلوها ليك والا شنو ؟ غايتو ضيعت العيون ديك ساكت يا ودالبتولا ..

يعنى يا وليد قصدك انو الزول ممكن يلاقى محسن دا
فى واقع الله والرسول؟؟ ويمشى معاه فى الاسواق ونادى
القصة القصيرة ؟؟ سبحان الله .. ذى الحلم .













ــــــــــــــ
بصراحه كدا الود دا بخووف !

ما هو أصلو
يا تلحق

يا تلحق

يا اخي


بلاش خووف


صباحكم بخيت وسعيد



سي سي: المفتاح

Quote: دينا، إنت دايره معاي وألا ما دايره؟ بلاش حركاااات...

الا ون




الا دو

















------

بسلطة (الكتابة) الممنوحة لي من بكري قدس الله سره (اقرا الباسوورد) ..
ح اتصرف و (أكتب) انا .. في مظاهر فرح، ول مافي ذاتو
ولا عذر لمن انذر

هو ذاتو في ضهارينا ديك -محل جايي محسن دا- مظاهر الفرح دي ما علي قدر كدا!
الشعيرية هي شرط الصحة والوجوب في الحالات دي ..
تلقا الجماعة chـت يسألوا :يا اخوانا الشعيرية جابوها!؟
اذا كان الاجابة : جات
طيب ما تعقدوا يا اخوانا .. راجين شنو!؟

وبت الكـلب الشعيرية ياقيقا...لوووول

الليل ح نشوف اخر القصة دى !!

بكرة الصباح تجوا تلقو بوست
عليييييكم الله دعواتكم .. لكى نتجاوز الحادث !

Quote: عليييييكم الله دعواتكم .. لكى نتجاوز الحادث !

انا ذااااتي قلت كدا!













-----

يا بت يا (متجاوزة)

Quote: وبت الكـلب الشعيرية ياقيقا...لوووول

خاشة الفلم دا انت!؟

مسرحو الجغرافي و الوجداني من عندينا برضو ..

وتمامته:
... القال ليك اقطعي البحر منو؟
ان شاء الله المرة الجاية يلايقوك!












-----

اين العريس؟
مظاهر الفرح ما ضروري وكت حضرت الشعيرية

محسن أوفى من الموت لــ مواعيدوو يا قيقا ^__^

Quote: محسن أوفى من الموت لــ مواعيدوو يا قيقا ^__^

انت يا رشا (كوستي) دي وين موقعا من الاعراب في الخليج (العربي)!؟













-----

الحركة دي ( ^__^ ) شنو!؟

رشا مرحب بيك ياخ فى هذا الموت .. اقصد البوست
كيف حالك وابقى داخلة









ــــــــــــــــــــــــ
قييقا امنع من رشا الفوضى !!