موضوع للربع القادم الجزيرة الجميلة تستحق منا التوثيق لها على الاقل ود مدني السني بركات الاقسام الزراعية المكاتب المدن القرى الحلول الكنابي . . خزان مكوار الترعة الرئيسية الكتارات الكبيرة والجنابيات الترع امات عشرينات والكراكة ام دلو . . السلوكة والجراية الفوادين والهرسي . . الدوستنتاريا والمستراح والضبان اللخدر . . اللستبتالة والشفخانا ونقاط الغيار والحكيمباشا . . العرس والطهور وود اب تشا والقاشيت اللك والدحش اب ضنبا مقطوع . . العمد والمشايخ وحل الشبك ود اللمين وابو عركي وخلف الله حمد وسيد خليفة واحمد المصطفي ومصطفى سيد احمد . . الشكينة وابو حراز وطيبة وسرحان وود الفادني وام ضوا بان . . الفطرة في الصقيعة والعيد والرحمتات كورة الشراب وكورة التنس والكورة ام بوز وسيد الاتيام اللنداي والدوبيت والبصل اب عروق ومعتوق وقوز الرهيد وكنبو البان . . عنصرية ما شفناها الا في الزمن العلينا دا الحلة فيها كواهلة وتاما وجعليين ونوبة وحلاوين .... الجزيرة لمت السودان كلو في حلة واحدة
بمشيئة الله هذا البوست ننقله من ربع لربع ومن ملوة لكيلة حتى يصير ارادب من العيش وشوالات كبس من القطن وبمعاونة الاعضاء والقراء نوثق للجزيرة ايما توثيق ادري انه موضوع شائك وطويل ولكن حب الجزيرة يكلل الصعاب ونخوض الكنارات والترع سداري وقفا قفا وننمطي اللواري والتيمس والبرينسات لنوثق لارضنا الطيبة
Post: #4 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: Alshafea Ibrahim Date: 12-24-2011, 12:27 PM Parent: #2
تحياتي يا ود البوش عام سعيد عليكم 2012 ربنا يحقق الأماني ... لو ما فاطر ما تخاطر ... لمن يحتاج ترجمة بعض الكلمات والعبارات والجمل من داخل وخارج حوش بكري ... عليكم الاتصال علينا على الرقم المجاني الذي يظهر على الشاشة ... يازول ساعدنا بالترجمة معانا ضيوف ... شكلوا بوست روعة قاعدين تحت ضل نيمات قنظرة فطيس ... ولا قول (99) أو (114) منتظرين نتابع.. الشفيع
الشفيع ود ابراهيم باللينقلنزي وكت انقليزك قدر كدي المقعدك مع الطير ديل شنو ؟ حبابك والله حبابك لكن الدار دي دارك وائ زول من الجزيرة قعاد ساهي كدي ليهو مافي ضيفة وقرعة نضيفة ؟ لا اخوي تجيب قدحك كان بملاح لوبا ولا كان ام شعيفة الكتلت المرة الضيفة ولا ان شاء الله الترمة وموية البرمة وتعزم ضيوفك وتنادي شفع العرب البتكلو فوق الشعب لقولة فلان كعب تناديهن اغسلوا للضيوف كل واحد ابريقو في يدو ولبعدين شفعنا ديل جنهن وجن البقوليهن بتقرا في سنة كم لانهن كلهن بقروا في سنة خامسة ساتة مافي ليها طوب ولا سابعة ولا تامنة السلم طلعوا بيهو وجدعوا
Post: #5 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد إبراهيم علي Date: 12-24-2011, 12:27 PM Parent: #1
الجزيرة بلد مترامي الاطراف وبها مدن وقرى وحلول وكنابي لاتحصى ولاتعد ولكن حبنا لهذه الارض يحفزنا ويدفعنا للتوثيق لها واتمنى ان نمر على كل المدن والقرى والحلول والكنابي ... الامر يبدو مستحيلا ولكن بمعاونة الاعضاء والقراء على هذا الايميل [email protected] سوف نغطي على الاقل مساحات شاسعة الاقسام الزراعية تدلنا على المكاتب ومن ثم القرى والحلول والكنابي الاسواق الاسبوعية تدلنا ايضا على القرى التي تتسوق بها اجتهد وتجتهدون حتى تفلحون يا ايها ناس الحلول . . اتمنى ان اوفق في تر هذا الخيط ليصبح كيفة غليدة من قطن طويل التيلة
امحمد ود ابراهيم عوافي يا اخوي والله طوبتك دي حيرتني دا ضانقيل وين دا ؟ علا تكون كبيت فوقا حيمور ولا حت كمان اندفق فوقا شاهي فداسي بالقديم . . اخونا محمد ابراهيم نحتاجك في قرى البحر الجميلة القريقريب ... فادسي العامراب .... فداسي الحليماب ... الدوينيب العيكورة ... ود الفادني .... اركب التيمس وواصل المشوار واطلع العالي وادلى بالدقداق وخلي بوريك نغمتو .... الباظ السريع القام
تقع ولاية الجزيرة بين خطى عرض 32-13 درجة جنوبا 30-15 درجة شمالا وخطى طول 22-32 درجة غربا و20-43 درجة شرقا وتحدها من الشمال ولاية الخرطوم ومن الجنوب ولاية سنار وشرقا ولاية القضارف ومن الغرب ولاية النيل الأبيض.
تبلغ مساحة الولاية حوالي 23,373كلم2
المصدر : ويكيبيديا الموسوعة الحرة
Post: #10 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 12-24-2011, 03:04 PM Parent: #9
Quote: تقع ولاية الجزيرة بين خطى عرض 32-13 درجة جنوبا 30-15 درجة شمالا وخطى طول 22-32 درجة غربا و20-43 درجة شرقا وتحدها من الشمال ولاية الخرطوم ومن الجنوب ولاية سنار وشرقا ولاية القضارف ومن الغرب ولاية النيل الأبيض.
تبلغ مساحة الولاية حوالي 23,373كلم2
توصيف لا يعنينا نحن وصفنا كالتالي: تقع الجزيرة في القلب الجزيرة في قلوبنا تشيلها من قلوبنا .. تلقانا بلا قلوب وفي عيوننا تشيلها من العيون .. تكون شلت ود عينّا
طه ود ابراهيم عوافي يا كلس والله كلامك صاح انا ذاتي بعد جبتو من العولاقة اللسما ويكا دي قلت دا كلام ريحتو مدرسة مدرسة ما بنفع مع جماعتي ديل انا عارفكن دايرين نضمي ساهي اصلكن ما بتدروا الترقي والفلفسة يعني معناة المعنى دايرين تقولوا المشروح من تالا الصعيد كداي من كداي ومن تالا الغرب معروف بحر ابيض موكدي اتو ناس وحاتي شمها خترين خلاس اها وصف وصفك البتعرفو يا طه ود عمي ابراهيم
Post: #15 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 12-24-2011, 03:41 PM Parent: #12
Quote: اها وصف وصفك البتعرفو
وسيعة وهيطة حلوة نَفَسْ وطاعمةْ ريق وطَيْبَةْ معشر عشان كدا حدود الحب حدودا .. لو تلقى للحب حدود .. .. يا أبا فريد تدنقد البوست دا ؟
Post: #11 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 12-24-2011, 03:08 PM Parent: #5
طه خربت علي التوثيق لكن مو مشكلة مرات تلشغوا ومرات تجيبوا ملان . . . معليش يا ام ابوك الدنيا جات بالعكسي مرات تجغم ومرات تهز سعنا
Post: #16 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 12-24-2011, 04:37 PM Parent: #14
Quote: طه خربت علي التوثيق
أستنكر وأدين وأشجب تخريبي للتوثيق إت أشر لي على المداخلة وأنا أمسحها على طول ولو قلت كلهن بمسحن والمهم حاجتين: أولا ما عاش من يخرب ليك بوست ثانيا أن يبقى هذا البوست عاليا وعامرا بكل مفيد
Post: #23 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-27-2011, 09:07 AM Parent: #16
طه ود عمي ابراهيم هذا البوست وجودك فيهو كالماء يجري بين جداوله فان انقطعت عنه تاني الا يشرب بالناكوس . . ودعني اوضح وافصح اكثر كانت فكرتي ان ادير هذا البوست بخطين الخط الاول توثيقي بحت بجلب المعلومات من مصادرها والخط التاني نعتمد على معلوماتنا الشخصية اها قمت جبت اول المعلومات من وكيبيديا الموسوعة الحرة فيما يخص الموقع الجغرافي وبعد ان اضفتها النصيحة شفتها مسيخة وما ركبا عدلا وقلت في نفسي دا كلام فاضي ساهي ولبعدين تقسيم الولايات الاخير دا اصلو ما واقع لي في راسي الجزيرة النحن بنعرفا هي مشروع الجزيرة وامتداد المناقل اها مداخلتك وقعت لي في جرح وفرحت بها وقنعت من وكيبيديا وسجم رماد فقلت لك خربت لي التوثيق قاصدا ما كنت اخطط له مسبقا وهو بالفعل لايروق لي وانا اصلا ما بحب التجغمس والنقل من المصادر الاخرى وهو في مصدر احسن ممن عاشوا في الجزيرة وتمردغوا بترابها واحبوهو طه ..... رجاءا خذ مافي القلوب ولاتهتم بالمكتوب
شكرا للأستجابة وتلبية طلب الأخ محمد عبدالرحمن ..... بس لكن ساعد الجماعة بالترجمة ........ . . البخسة المشلعيب السعن الأمباز الدوكة السحارة السلوكة
تحياتي
Post: #20 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد قسم الله محمد Date: 12-24-2011, 08:11 PM Parent: #19
ود البوش .. والله قومتا علينا وجع الوجع زاتو .. معاك من الشلابي للتقانت لأب عشرين.. إنقايه إنقايه ورباط رباط.. ....................................................................... يا أخي ذكرتني زمان زي الأيام دي تكون قاعد في راس الترعه حارق ليك عرشين فول ..
Quote: يا أخي ذكرتني زمان زي الأيام دي تكون قاعد في راس الترعه حارق ليك عرشين فول
صاح الليام دي لقيط القطن وقلع الفول . . لكن يا محمد كان تكون احلى لو وريتنا ياتو ترعة وفي ياتو مكتب وياتو حلة العينك ليها هناااااك وانت في راس الترعة شايف سهريجا من بعيد وتجي داخل الحلة المغيرب في الصقيطة ديك وخشمك اغبش من الفول . . تعال صاد وضاد وطا وظا وعين وغين وشكرا جزيلا
ود البوش تحياتي الجزيره الترع الاندرين في الترع السمك الشطه الخضره خضرة الخلا مكتب سرحان يوم السوق صرف الفردي بيوت الموظفين بيت المفتش التحليه جلي بيت باش غفير التحليه بطيخ المزارعين صرف الصرف طيارات الرش نقابات اضرابات البورت الموؤسسه الفرعيه للحفريات سوق العزازي الحاج عبدالله حوش ابكر والي الدين محمد عبدالله سامي عزالدين شواطين اهلينا ارجنتيا الاتحاد الرومان مكتب ابجن الري الري اضمن لي شبارقه مع وداللمين وابوعركي مع عمر جعفر باقر العفيف وعادل عبدالعاطي ياسر عرمان وازرق طيبه وهجو وابواتنا اليغقوباب فتح الرحمن البشير وبص النسيج كمين من بيت عايش علي النسيج مارنجان والمحالج
ولسع بجيكم راجع
Post: #22 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-27-2011, 09:02 AM Parent: #21
اللهم أرحم خليل ابراهيم وأغفر له وأدخله فسيح جناتك العزاء لكل الوطن والعزاء لاسرته و نسابته بقرية الرضمة نواحي المدينة عرب بالجزيرة . . فهو رجل ضؤ . . عمي بامسيكا الله يرحمو جاني ضيف بايت معاي جاتني قومة بالليل لقيت الفانوس مولع قلت امكن عمي عيان مشيت ليهو عمي بامسيكا نعلك طيب شايفك ما همدت الفانوس قال لي انا ما كتل الضؤ وفهمته وتركته ..... . .
Post: #24 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-27-2011, 09:15 AM Parent: #22
وأصبح ماؤها غورا فلن تستطيع له طلبا
Post: #25 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-27-2011, 09:23 AM Parent: #24
أخونا محمد ابراهيم علي والجنيات ناس المصادر انا بلقط ساهي زي عنز السوق شئ صور وشئ كاركتير وبخمها اجيبا هنا اها لازم يعني معنات المعنى اقول الشئ دا جبتو من وين ؟ للعلم يعني عشان ما لبعدين نبقى في حاو وهش
Post: #27 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: رشا بابكر Date: 12-27-2011, 09:38 AM Parent: #25
أول في التبادي بقوليك سلام وتاني هوي يا ود المتامنة والله ما حريتها فيك تتغاباني عديل
رشا بت عمي بابكر ناس ود راوة البتغابكن حرم مو سوداني خلي زول جزيرة وعلي بالطلاق يا رشا زعلتك دي لو لو تمنها السفر اليك اينما كنت فدونها الطائرات وتذاكر السفر والله العظيم انا لاسع ما عارفك زعلانة في شنو لكن زعلتك شقتني النص . . . اوقفت الردود في اليومين الفاتو لموت دكتور خليل حرقنتي موتو والله . . رشا بابكر حتى لو ما غلطان بعتذر وما عاش من يزعلك وما عاش من يتغابك يا رشا
Post: #28 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: رشا بابكر Date: 12-27-2011, 09:41 AM Parent: #25
أول في التبادي بقوليك سلام وتاني هوي يا ود المتامنة والله ما حريتها فيك تتغاباني عديل
Post: #26 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: Alshafea Ibrahim Date: 12-27-2011, 09:36 AM Parent: #24
تحياتي يا ود البوش وضيوف كباري وقناطر وترع وجنابيات وأبعشرينات الجزيرة . لي طلب من الأخوان والأخوات .. ليت أي واحد يغطى لنا منطقته بالتفصيل ، المكتب ، قسم الري ، الترعة ، الجنابية ، القرية ، المدارس ، الشفخانة ، المركز الصحي ، السوق ، المحافظة وأنا لا أعترف بالمحليات ومسميات وتقسيم الإنقاذ ... وليتك تنقل البوست للعام الجديد ... مع خالص الود الشفيع
Post: #30 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد عبد الماجد الصايم Date: 12-27-2011, 09:56 AM Parent: #26
هوي يا عروووب .. النقّة في شنو؟
ماعندكم فاتولة؟
Post: #31 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-27-2011, 10:40 AM Parent: #30
يبدو ان هذا البوست غير موفق ابدا من بدايته بدأ بزعل اخونا طه ابراهيم وانتهى بزعل اختنا رشا بابكر . . . اخونا طه كان نتيجة لبس في معنى كلمات كتبتها . . اختنا رشا بابكر تحسب اني تجاهلتها رغم ان ردودي كانت على المتداخلين حسب الاسبقية 1/ الشفيع 2/ محمد ابراهيم 3/ طه ابراهيم وتوقفت هنا لموت الدكتور خليل وعدت اليوم فلو رديت على ائ متداخل آخر قبل رشا فعلا يكون اللوم وعلى كل حاله ارجو المعذرة من اختنا رشا واخونا طه ولهما العتبى حتى يرضو
Post: #32 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: ايهاب Date: 12-27-2011, 11:00 AM Parent: #31
سلام لكل المتداخلين وتحيه لصاحب البوست
Post: #33 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-27-2011, 11:15 AM Parent: #32
مشيت جبت حاجة عشة تحنس لينا رشا واسع داخلة معاها جوة البيت باقي نحن ائ حاجة ولا زعل ضيوفنا اها سامعا تقول ليها وحاتي تشربي الجبنة . . وجبت خالي امحمد ود العبيد لـ طه باقي صاحبو اها شافيو ابرم في شنبو وشبع في سف وقرش لا ايدي لا كراعي عشان ارضيهو . . وكلو هين مقابل رضاهم
Post: #34 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-27-2011, 11:27 AM Parent: #33
أختنا نازك الطيب سلام وتحية الدار دارك والبيت بيتك وان شاء الله القعدة تطيب ليك ومرحب بيك في دارك
Post: #35 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-27-2011, 11:39 AM Parent: #34
عمنا ود تور كنيزة من الهدى انصاري متشدد كان مسافر في الخريف وانقطع في حلها كلها صوفية وما بريدو الانصار اها بعد فطروهو واسقوهو الشاهي والجبنة وبدا معه الحوار التالي : اللخو من وين من الهدى انصاري يعني ؟ انصاري احمد ربي والمو انصاري ما بحمد ربو؟ احمد ربو على رماد خشمو ؟ . . الهدى بها قسم زراعي كبير هو قسم الهدى ومن مكاتبه : مكتب شندي الواصلاب مكتب قوز الرهيد مكتب سرحان طبعا المعلومات دي من الراص ساكت وشوية شوية نجمعا
Post: #36 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 12-27-2011, 11:48 AM Parent: #33
سلام يا عبد الله وقول بسم الله أول تبادي أنا ما زعلت - الله ما جاب زعل ياخي تاني حاجة إنت صاحب الموضوع ومن حقك أن تسير به إلى الغايات التي تريدها ومن هنا كان استعدادي لمسح أي مداخلة تنحرف بالبوست عن مساره وأنا جاد فيما قلت بدون أي زعل وبما إننا نتطلع إلى مطالعة هذا البوست في الربع القادم - ربع بكري طبعا - عايز أوضح رؤيتي حول مسألة التوثيق فانا أرى أن للتوثيق مناهجه وطرقه المتبعة والتي لا تتوافق مع ما يمكن أن نطرحه هنا ولكن ما يمكن أن يتم هنا هو حوار - وتثاقف - وتسليط ضوء على قرانا وكنابينا وحواشاتنا وصلات أهلنا - قيمهم أعرافهم وتقاليدهم ومجمل ما يمكن أن نطلق عليه ( المحنّة في أرض المحنّة ) ما إنت عارف الأرض حنينة والناس أحنّ من الأرض .. إلخ هذه رؤيتي باختصار .. ومن أراد المعلومات الموثقة عن الجزيرة فسيجدها في مظانها الرسمية أما هنا أريد أن أقول أن شلعوها الجعليين أو أختها التي شلعوها الخوالدة ما هي إلا اسم قبيح لواقع جميل من العمار والتعمير وأن وصف الجعليين أو الخوالدة ما هو إلا اسم ليس له من معناه شيء .. .. مودتي واحترامي
. . ضرانا الله اضروا . . ياخي شوال الكبس دا اكاد ان اشتم ريحته والله صحي شوف النفرين البسجلوا في القناطير ديل مندمجين كيف ؟ عل : علاوة ار : ارباح . . الايصال المكتوب عليهو صورة
Post: #37 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: الصادق صديق سلمان Date: 12-27-2011, 11:58 AM Parent: #33
ود البوش,,,,,
طبعاً,,,,,,,,,
عليك الله اقرأ قلبي دا قاعد يقول في شنو؟؟؟؟؟؟ الجزيرة هي جزيرة الحب والمودة والتلاقي
هي الحب المقيم في القلوب الشيخ مدني السني الشيخ سعدابي الشيخ محمد شاطوط أهل الله الكرام رضي الله عنهم في ابو حراز الشيخ يوسف ابو شراء الشيخ يوسف بقوي - المناقل ابوي الشيخ الجيلاني - الهلالية رضي الله عنه وارضاه ونفعني بجاهه الكبير الهلالية الحب الأبدي - دار ابوي الشيخ الجيلاني عمر التاي - جامعة القرآن الكريم مدني الحب الضارب في الأعماق حي مايو40 - دردق - مايو نص - مايو طرف - اركويت - عووضة - حي الزمالك - الحي السوداني - الري - المؤسسة العامة لأعمال الري ومديرها السر علي سليمان كلودة رحمه الله - ناس الخواض الكرام - ناس ابوسنون الرجال الكرام - أبوي يوسف محمد أحمد مريودة والجعيلي وطلب والزين وعبدالرحيم الجاك والجاك وآل الجاك وآل مريودة وآل كلودة جبرونا والمزاد وشندي فوق والحلة الجديدة والبيان والقلعة ومدرسة فريني نادي الخريجين وبانت زراع وجني رحمهما الله سيد الأتيام والعوض وعمر ملكية ونادي الثوار ونورالدين عبدالمجيد وحسكو واولاد جوني وعارف فولة وأسامة لاتو وتندبة ونقشة والتوم الحارس السلمابي الابتدائية وشقدي المتوسطة والأميرية ومالك محمد الجاك ومدني الثانوية
نادي النصر وما أدراكما نادي النصر حسان حامد ابزيد ونقدالله الكشان وعباس وودالياس وعصام جبرالله وكبلو وعماد الناسخ وحوري ومعتصم جنا وعبداللطيف وياسر عمر هاشم
فريقنا يا ودالبوش (حي مايو 40) وناس ابوالوفاء وناس العاقب وناس محمد الأمين وناس حمدان وناس جيلاني وناس سلوى وناس مستقيمة وناس بدوي وبيتنا ناس صديق والفسحة والدافوري
سفيان عمو وعبد الوهاب حسن الباهي وأنس ابوالوفاء وحسن مصطفى شانز ومحمد مختار شطة ووليد عثمان محمد سعيد سيكا
الدموع ما وقفت وانا بقيف هنا لكن ساكن قبلي يا ودالبوش
البيت دا طوالي بذكرني ود اغيبش غرب العقدة ام شارع ام طمبورا قارع وبالتحديد بيت عمنا علي ابو غريرة له التحية ولاسرته . . عجب الدار عثمان فرح تلاتة سفر والكنابي كنبو حريقة وكنبو التامة سلام وتحية خاصة لبوشني ود الطرشا مسمنو علي ابوي والفقوسة سلام وود المنسي جاتك تمشي وعزازي ربك ... تدي ربك العجب
Post: #42 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد علي البصير Date: 12-27-2011, 12:42 PM Parent: #38
ود البوش ـ معاك كمان ودمقبول ـ التاريخ والجغرافيا
جنوب الجزيرة ـ محلية الحوش ـ 22 كلم جنوب غرب مدني ـ 25 كلم شمال غرب الحوش ـ يحدها من الشمال الكمر الجعليين ، ومن الجنوب سوق القضيضيم التاريخي ، ومن الغرب ـ عسير ، ومن الشرق الرميتاب ، وودشمعة وود العمرابي
هنا خلوة الفكي أحمد فضيل ـ شعاع معرفة علم ودين ـ أنداح ليعم كل المنطقة ـ ما يقرب من نصف قرن
المدرسة الإبتدائية بنين ـ أسست في عام 1946 م ـ من أشهر خريجيها ـ الدكتور شرف الدين إبراهيم بانقا ـ وزير الشئون الهندسية الأسبق بولاية الخرطوم
مهندس عماد فضل المرجي ـ مدير عام وزارة الشئون الهندسية بولاية الخرطوم ـ البروفسور أحمد إبراهيم الحاج ـ الأستاذ بكلية الطب بعدد من كليات الطب بالجامعات السودانية ـ مهندس أمين عمر ـ مدير الإدارة الفنية بمصنع الحاج عبد الله سابقاً ـ وغيرهم
المدرسة الإبتدائية بنات ـ أسست عام 1960 م
المدرسة الثانوية بنين
المدرسة الثانوية بنات
مركز الشباب ـ
المركز الصحي
المستشفى الريفي ( تحت التشييد) نقطة البوليس هاكم الصورة دي وتاني راجع ليكم ـ
منظر عام لودمقبول ـ
ودي كمان مدرسة الأساس بنين ـ أسست عام 1946 م
ود البوش ـ جايك صاد
Post: #43 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد علي البصير Date: 12-27-2011, 12:50 PM Parent: #42
زمان في الجزيرة في حاوي واحد بس الان ائ زول حاوي لو الواحد ما بقى حاوي كيف يعيش اسرة تتكون من سبعة افراد تحتاج لمصاريف يومية لا تقل عن 30 ألف ودخله في الشهر لايزيد عن تلتمائة وعشرين الف زمان في الجزيرة في حيدر قطامة واحد اتمنى الا يكون الحال غير الاحوال . . اها وين يا جماعة الحواي حي ولا ميت وهو ذاتو منو ؟ اسمو وبلدو وكذلك حيدر قطامة امبرسي يا يا امبر سي يا يا وكوفك طوبة الضانقيل تتفقش . . اردم يا ود البصير ادرم ما قصرت وتعال صاد وضاد وطا وظا وعين وغين لحدي لام الاف واليا نقطتين من تحت
ود البصير سلام المحيربا سلام ود جروب سلام ام بوشة والريداب وحلة ارباب سلام وايضا كذلك ود مقبول سلام . . . لكن يا اخوي ناسك مثقفين ثقافة عالية اجتماع فيهو كربيتة وورق ومكرفون ونظرات وسنو وسنو . . اجتماع قرية في شكل مدينة ولو اسعفتني الظروف سوف انقل لك اجتماعا على الارض مباشرة الواحد اتكلم واضرر في التراب ولا كمان اطقطق في الحجار باقي خرصانة الجامع الكلام من الراس للراس هكذا اجندة الاجتماع وفي اللاخر نفضوا هدومن من التراب واتوجهوا بيوتن مع المغيرب يحكي لام العيال وعيالها ما دار هناك من كلام فاضي ساهي لهم الله .... اهلي الطيبون
النصيحة ود مقبول سمحة ان شاء الله حلولنا كلهن ابقن زي ود مقبول شكرا جزيلا اخي محمدعلي البصير على الاضافة الثرة . . وكمان كان جبت لينا اغنية من ارض المحنة حقت محمد مسكين تكون ما قصرت طب
ايهاب سلام وتحية ولا أسيبا مدني واجي اسكن حداك . . مدني يا اجمل خبر شكرا جزيلا لاضافة هذه اللوحة الجميلة عن حاضرتنا مدني الجميلة
Post: #50 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 12-28-2011, 02:50 AM Parent: #30
محمد عبد الماجد الصايم كل سنة وإنت طيب
Quote: هوي يا عروووب .. النقّة في شنو؟
ماعندكم فاتولة؟
عندنا لووووووتري يلا أصرف لي روحك واحد كااااااك من عندك
Post: #51 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-28-2011, 10:26 AM Parent: #30
حمودي دا دخلوا ضل الراكوبة ما تفهقوا عنز قرنا مكسور
هجو سلام ياخي غايتو يا اما انت كنت مفتش ولا ابوك كان مفتش ولا مدرس ولا كمان حكايتك شنو ذاتا انا ما عارفا لميت مكتب سرحان على مكتب ابجن وقلت الري اضمن لي ونحن بنقول الري افضل لي آآآآآآآآآآخ يا الري عبدالماجد . . خترت كدي علي حوش ابكر وجيت صادي علي حلة سعيد بكان ياسر عرمان وقطعت قلبي بالوالي الله ارحمو واغفر ليهو عندي ولد طالع زيو خلقة واخلاق وكورة ولدي حسن جاب نفس قونو الفي الهلال السعوي . . ومشيت كدي علي الباقير وعقب جيت مارنجان حكايتك شنو تعال ورينا ياخي . . يوم الصرف والملاح بنعرف الرغيف والموز والبصل هجو شكرا ياخي
Quote: شكرا للأستجابة وتلبية طلب الأخ محمد عبدالرحمن ..... بس لكن ساعد الجماعة بالترجمة ........
واشكره اخي محمد عبدالرحمن فهو صاحب الفكرة . . ترجمة مافي يا اخوي لان الترجمة بتمسخ الحديس . .
Quote: السحارة
ومن استخدامات السحارة هي دس الشفع بواسطة حبوباتهم بها من القراريح شكرا جزيلا اخي رضا وخليك معانا ياخي
Post: #46 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: فيصل محمد خليل Date: 12-27-2011, 02:20 PM Parent: #45
من كلمة وزير الثقافة الأستاذ عمر الحاج موسى بمناسبة افتتاح تلفزيون الجزيرة 1972م. وإن كان من تعليق بين لغة هذا الرجل ولغة بعضهم لا نستطيع أن نشبهها إلا بالإرسال التلفزيوني عبر المايكرويف والإرسال التلفزيوني بالأقمار الاصطناعية. الى كلمة عمر: الجمعية الأدبية... المهرجان الثقافى... الدعوة لمؤتمر الخريجين... حنتوب... بخت الرضا... الأبحاث... بركات . جـادت ومافـتـئـت الثـوّار... الأرباب دفع الله... أحمد وعامر المكاشفي... ود الصليحابى... ود برجوب... المهدى... ود حبوبة... القرشي... المزارعين... العمال والطلاب. وحضنت أجمل الناس... الشنابلة... الحضور... السناهير... الحلاوين... العوضية... العايداب... الجعافرة... الدباسين وناس ود اللـِّدِر. وأهلى فى الجزيرة سيدى الرئيس نايرين وزينين... طيبين وسمحين ومتسامحين... حمالين شيل وحلالين شِـبـك وأخوان بنات... يبشرون للثورة ويبشرون بها... ويتحزمون لها... ويغيرون عليها... فهي لهم القوت والعشم والعَـشـا... وهي الرجاء والأمان... هي النجدة والفزعة والنديهة. لأطفالها: هي اللبن وهي اللبا... هي الحفيظة وهي القلادة... هي الحُجـا وهي الحجاب وهي اللوح والشرافة. لزرّاعها وعمّـالها: هي التاتيبة وهي القِـسِّـيـبـة وهي السويبة... هي الرخـا وهي التخـا... هي الدخرى وهي البكرى... هي المطمورة وهي الشونة... هي العـد وهي السرف... هي الجَمَّام وهي المترة... هي التساب وهي أم رويق... هي العبادى وهي الدعاش هي الحملة... هي الشراية هي اللبنة... هي السُّـقـْدة هي الـلـقـدة... هي الشاية وهي التاية... هي القمح وهي القطن... هي المُـقـُد وهي السمسم. لشبانها وشاباتها: هي النم هي الدوباى هي الشاشاى... هي الشوف وهي الشاف... هي الـحُـق وهي الحَقو... هي العديلة وهي الجَبيرة وهي الحَريرة وهي الضَريرة وهي الوزيرة. ولشِـيبها: هي العمار وهي العمار... هي الودعة وهي الطية وهي العافية... وأحباؤك هنا فى الجزيرة يكيلون فريك حبهم للثورة بالأردب... وخضرة أملهم بالحواشة... وعِـيـنـة خريف رجائهم بالجبهة والطـَرْفـة والخيرصان... لا بُـتـَّاب فى حب حبهم ولا بـُور فى خضار أملهم... ولا رهاب فى حقيقة رجائهم... وهم لخير السودان يحرثون الأرض ويحلبون الضرع ويجمعون الزرع ويفرعون الفـرع ويلملمون الماء فى أب ستة وأب عشرين فهو الحبيب القادم عـبـر الوهاد والنهاد والنهود خلاصة دموع عيون المكادة. والشكر لك ولجمهورية ألمانيا على كل ماقدمت وستقدم ونحن مدينون لها بتلفزيون أم درمان والجزيرة... ونريد أن نكون مدينين لها بتلفزيون كسلا وعطبرة وهم فاعلون. والشكر لأهل مدنى ولأهل مدنى ولأهل مدنى فقد بردت ظلال ذراهم لنا واحلولى جنى نعماهم لنا وصفا جمام نداهم لنا وموضع السجدة والسندة فى الشكر لك سيدى الرئيس. رجاؤنا أن تكون المحطة خيراً وبركة على الجزيرة... أن تكون أنسـاً للياليها... مُثـقـِّفـاً لبنيها... مُعلمـاً لعُمالها ومُزارعيها... منبراً لأدبائها... قيثارة لشعرائها. السادة المدعوون لنفرح بهذا اليوم فهو تجمعت فيه الرجال والنساء والأطفال... حضنوا الطنبور ودقوا الدنقر ونقروا الشتم واستافوا طيب المِسك والجلاد. يوم يهنئ فيه الصغار الكبار ويهنئ فيه الكبار الصغار ويهنأ فيه الكبار والصغار... وفيه تـُنـاغِـم العذارى العذارى... ويستنفر الشباب الشباب وفيه يخرج البشر بشيشه ويهز العطف عطفه ويذر ذر الفرح عطره وفيه يشدو الصفاء ويصفق الهناء... وترقص البهجة ويبشر البشر وفيه تزغرد السعادة للحاضر الأخضر والغد المعطاء......... ودامت الأفـراح.
صديقي الجميل فيصل خليل ياخ دائما دائما دائما تأتي بالدرر النادرة ياسلااااااااااااام ياخي انا الخطاب دا كان عندي وضاع مني شكرا جزيلا شكرا شعبي شكرا يا مبدع . . . عاين جاي مش في خطاب قالوا في مدني ووصف فيه حنتوب بانها تقع على النيل كالهمزة على السطر . . له الرحمة والمغفرة عمر الحاج موسى . . كدا ما كفاية يا فيصل اكيد عندك صور نادرة شكري وتقديري واحترامي
Quote: الجزيره الترع الاندرين في الترع السمك الشطه الخضره خضرة الخلا مكتب سرحان يوم السوق صرف الفردي بيوت الموظفين بيت المفتش التحليه جلي بيت باش غفير التحليه بطيخ المزارعين صرف الصرف طيارات الرش نقابات اضرابات البورت الموؤسسه الفرعيه للحفريات سوق العزازي الحاج عبدالله حوش ابكر والي الدين محمد عبدالله سامي عزالدين شواطين اهلينا ارجنتيا الاتحاد الرومان مكتب ابجن الري الري اضمن لي شبارقه مع وداللمين وابوعركي مع عمر جعفر باقر العفيف وعادل عبدالعاطي ياسر عرمان وازرق طيبه وهجو وابواتنا اليغقوباب فتح الرحمن البشير وبص النسيج كمين من بيت عايش علي النسيج مارنجان والمحالج
ولسع بجيكم راجع
أخونا هجو سلام وعوافي يازول حيرتني في معرفتك للحلول والمكاتب المتباعدة دي ووجود باستمرار معنا مهم جدا والبيت بيتك . . . ذكرتني لمن كنا شغالين في سم الفار
Post: #52 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: Alshafea Ibrahim Date: 12-28-2011, 10:54 AM Parent: #49
بالله أنت زميل معنا في حملات سم الفأر؟ ايام وأيام سم الفأر ، حرق سيقان القطن ، عتالة الملح اليوريا من اسطح عربات الترماج ، كنا نذهب بعيدا مئات الكيلومترات من محطة الضباب غربا إلي كندرة ، الفريجاب سرحان حتى سقدي والواحة ، أها سم الفأر قسم وادي شعير .. عليك أمان الله مشينا (كدر) وشايلين السم من تنوب الخشيم حتى ود ريعة وشلعوها الخوالدة ، ود الجمل وتلك القرى الجميلة شاقين ( النمر) جمع (نمرة) وموعدنا سوق ودرعية للفطور الكارب ... وغالبا ما تكون تلك الأعمال في أشد ايام السنة حرا ، الجميل أن الخضرة (صيفا) تغطي مساحات ومساحات مد البصر ( الجناين) البصل (الحار) والعجور الصيفي والعدس الغابة ، ذكريات وذكريات على القناطر والسرايات نودع بصات ( الأوستن) الأنيقة في طريقها لمدني ونستقبلها عصرا في رحلة عودتها لتلك القرى الجميلة .. يالله ، نادرا ما تجد (عربة) كارو بدون حمولة حتى ولو كانت (علفا) أخضرا (للسعية) ومنظر تلك اللواري وهي تئن تحت وطئة الأحمال الثقيلة من ذرة وقمح وعدسي وبصل وفول وهي تجوب القرى وتسلك طرق الترع والكنارات صوب المناقل أو الحصاحيصا أو مدني .. خيرات ونعم ورفاهية وراحة بال ولقمة شريفة يا لسوء حظ من لم يعاصرها .. أها قاعدين ومنتظرين الشفيع
Post: #53 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: حمد عبد الغفار عمر Date: 12-28-2011, 11:10 AM Parent: #52
سلام يا ود البوش أنا بشتغل معاك كمساري بس ويلا
الكريبة- بيكة-114- أبريش - الخولاب - جاموسية- سعداب- سعد الله - ودكري - أم جلود- شادلي- مريود -تنوب يا
كبري 4- مندرة- العزازى - حلة عبد العزيز- ود سليمان - فارس الكتاب- حلة حمد - عبد الجليل - ودساوي - المسلمية- أبو قدوم- ود بلية - حلة شاع الدين - حلة فضل الله - الدوينيب- الفقراء - ود سلفاب- الكشامر- نايل- الكبر- النديانة - المناصير - حلة عبد الرحمن- قوز أحمد نور ود شمو- كندوة- ود بهاي- صراصر- قنطرة الهوى- أم عضام- المريبيعة - كنبو مكي- ودحسين أبو لقمة أم عود- ود كرار- أم دوينة- التبوب- ود مطر- ودالبر- ود رعية- الشبيك - طيبة كمال الدين- الخشيم- أبو جن
أخونا حمد عبد الغفار عمر سلام وتحية غايتو لو اشتغلت معاي كمساري في هذه القرى الجميلين اهلهادي تمرقنا مخاسرين حمالتك علي اخر المشوار ما القاك خلست من زول واحد . . وين القروش يا كمسارينا ؟ يا اخوانا الجمال موجود في كل مكان لكن الجمال الاصلي في الشبيك وفارس الكتاب . . يا حمد طليح الخوالدة طليح الخوالدة ويني يا حمد .... جينا فيها سارين ولا شنو ؟
Post: #54 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: نادر النور آدم Date: 12-28-2011, 11:19 AM Parent: #52
قرية السواجير العوامرة محلية الحصاحيصا وحدة الربع الإدارية دا عربون يا قريبي وراجع ليك ان شاء الله بي مزاااااااااج
اها دا ود اخوياً ليك .. واسمو مجاهد ود حسن
Post: #55 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: نادر النور آدم Date: 12-28-2011, 11:27 AM Parent: #54
ودا جمال ود عمر بغسل في البرينسة الليلتو فوق ضهر الترعة
عبد الله ود البوش وكل ناس الجزيره سلام جاكم من ناس الجزيره شرق البطانه رفاعه .. الجنيد.. تمبول .. العماره .. عد الغباش .. عد الحاج .. عد الخضر .. ابو جلفه الطندب .. السيال .. زرقه .. الفادنيه .. فاتحة الجعلين .. العيشاب .. ودابوعشر ود الفضل .. الموته .. بيكا .. ريبا .. الجعافره ..الحضور .. المحس وما تنسوا قرى المهيدات ام بلي .. ام حجير .. حداف .. الدناقله .. سر الكل .. ود اكرت .. ودابو شام والكثير الكثير من قرى تلك المنطقه والتى بها اخر مكتبين فى مشروع الجزيره من ناحية الشرق وهما مكتب حداف ومكتب ود الفضل ...
ولي عوده مع خالص تحياتي لكل أهلي بالجزيره خاصة اهلي بقرية فاتحة الجعليين ريفي تمبول وهاكم مني كبدة إبل طااااااااازجه
اووووووووووو اهلنا ناس البطانة اخونا منتصر الامين سلام وسلام وابقى داخل يا زول . . الشم خوخت وبردن ليالي الحرة شوف عيني الصقير بجناحو كفت الفرة والليلة ام خدود تلقاها مرقت برة ... كعععععععععع . . البطانة صحة وعافية في همبريبا يا الشيخ بدوي تمسكني من اضاني توديني لبكاني اكل الويوك قد مصراني ابودليق ابو دليق يا منتصر وود حسونة وين ليكن ما من تالاكن ؟ ولا اظنكن اتو دون جاي قريب البحر ماكن في الصي هنااااااااك . . منتصر شكرا جزيلا ياخي
Post: #60 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عماد حسين Date: 12-28-2011, 12:34 PM Parent: #55
Quote: العتامنة مسقط رأسي هذه القرية لم اجد متعة للحياة خارجها ابدا العتامنة قريتي التي أحببت
يديك العافية يا ود البوش
هل هي العتامنة التي منها/ إشراق الدين الشاذلي/ وعبدالهادي عبدالله؟!
أذكر أنني زرت اللعوتة الماحي، وهي غير بعيدة عنها في رحلة دعوية
Quote: هل هي العتامنة التي منها/ إشراق الدين الشاذلي/ وعبدالهادي عبدالله؟!
بس اياها ذاتا وصلت طب واشراق الدين وعبدالهادي اولاد عمي لزم اشراق الدين حاليا في غرب السودان وعبدالهادي معنا هنا بالرياض . . شكرا جزيلا لمرورك هنا
Post: #61 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 12-28-2011, 12:38 PM Parent: #55
الصورة التحت دي لأجل فقع مرارة 1- الشفيع إبراهيم 2- نازك الطيب وكل من يأنس في مرارته الكفاءة
Post: #64 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد علي البصير Date: 12-28-2011, 01:30 PM Parent: #61
الحبيب عماد حسين ـ لنا عظيم الشرف بزيارتك لودمقبول
ودا صاحبك النعمان
النعمان الداعية والخطيب المفوه الذي لا أمل حديثه مهما أسهب ، وأطال ـ
وهو قريبي وجاري
Post: #65 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد المسلمي Date: 12-28-2011, 01:37 PM Parent: #61
الاخ عبدالله ودالبوش السلام عليكم التحية لأهلنا بالجزيرة منطقة الحاج عبدالله وذكريات مصنع النسيج وأهلنا في قري ودالحداد وام عدارة ونوارة وليمون وهولاء ناس طيبين لم تدخلهم العنصرية اوالقبلية ولكنهم أخوة متحابين ومتواصلين وديدنهم المحبة والأخوة الصادقة فلك ولهم الف مليون تحية
Post: #67 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عماد حسين Date: 12-28-2011, 02:27 PM Parent: #65
Quote: الحبيب عماد حسين ـ لنا عظيم الشرف بزيارتك لودمقبول
ودا صاحبك النعمان
النعمان الداعية والخطيب المفوه الذي لا أمل حديثه مهما أسهب ، وأطال ـ
وهو قريبي وجاري
الله يحييك يا ود البصير
وأشكرك كثيراً على أن جلبت هذه الصورة للأخ الداعية/ النعمان إبراهيم
آخر مرة التقيت بالأخ العزيز/ النعمان كانت قبل 7 سنوات
بالله أبلغه تحياتي الحارة.. وإذا تيسر أرجو أن تمدني برقم هاتفه على الخاص
تحياتي وجزيل شكري
Post: #69 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: مصطفى محكر Date: 12-28-2011, 02:44 PM Parent: #67
بداية الشكر لصاحب البوست الرائع عبد الله ود البوش..
الجزيرة تستحق الكثير .. اليست هي التي كانت تنعش مصانع الانجليز بالقطن طويل وقصير التيلة.. وهل من نفر مشى على رجلين في السودان والا كان للجزيرة بعد الله الفضل الكبير عليه.. ود البوش دع هذا البوست مشرعا، وحتما سنعود مرات ومرات.مع تقديري.
حبيبنا نادر النور سلام واحترام الله اسامحك يا نادر لكن اصلك ما خفت في الله كلو كلو يازوووووووووول برينسة شنو وكاربة شنو؟ انا كتلني التراب الواقفة عليهو البرينسة يا نادر ان كنت لا تعلم غلاة كل حبة من تراب هذه المنطقة علي فلتعلم الان حصحاصة منه عندي افضل من وزنها ذهبا وقسما بالله عظيم اهدتني هذه الارض التي تقف عليهاالبرينسة سعادة ما كنت اجدها لو حزت بدلها ذهبا وتا الله
Post: #75 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: Alshafea Ibrahim Date: 12-28-2011, 03:52 PM Parent: #70
الأخ طه إبراهيم .... يالله عليك ، ذكريات سكة حديد الجزيرة منذ العام 1953م حيث بدايات عمل الوالد (عليه رحمة الله ومغفرته التي نرجوها ونطلبها دوما صبح مساء كل يوم) والتي أنتهت عام 2000 م بمنطقة ( الضباب ) ( فطيس ) مكتب وادي شعير ، ولما قدر الله لنا أن نرى الدنيا قدرنا سخر لنا ذلك وما كنا له مقرنين ، القطارات ، العربات ، السواقين ، الزياتين ، المحولجية ، المكانيكا ، الزيوت ، الناظر ، الكاتب ، الخفير ، الدريسة ، الترولي ، السرايات ، بيوت الموظفين ، بيوت العمال ، رائحة القطن والقمح والمبيدات والتقاوي ، الخيش ، الزيوت ، عطر زهور أشجار الشوارع والسرايات ، كنا نسافر كثيرا مارنجان ، ود الشافعي ، الطلحة ، التبوب ، الضباب ، كندرة ، لغاية 24 القرشي وبعدها سقدي والواحة ... شمالا وداي شعير ، صرار ، القوز ، قرشي ، لغاية الباقير حيث المحالج والمطاحن ... تعايشنا وعشنا وأختلطنا وعاشرنا وأكلنا الملح والملاح وتتشاركنا الأفراح والأتراح مع قبائل السودان قاطبة دون تمييز من كان يأكل ( الكول) أو ( الملوحة) أو ( الويكاب) دخلنا الأنادي والكنابي والنوادي والمدارس والشفخانات ، ركبنا الترماج واللوري والبصات والبرينسات ، شوينا الفول والقنقر على ضفاف أبعشرين والجنابية ، سرقنا الطماطم والعجور والعنكوليب بالليل البهيم لزوم الشقاوة والرجالة ، سربنا بالسعية في شهر فبرائر والقطن أخضر والمزارعين يرجون منه كم لقطة ولقطات .. شكرا ياطه ، وشكرا ود البوش الذي جعل ذلك ممكنا ... في 2009 م وبمحطة بنزين بالحصاحيصا ( المحطة التي تقع في بداية الحصاحيصا من جنوب) عند تقاطع شارع الفريجاب طابت ... توقفت لغرض ما ، فوجدت شاحنات (دبل) وعلى كل ترلة عدد (2) ترماج البعرفو ذي جوع بطني ، في طريقها إلي (محرقة) جياد للحديد ... لم يتركوا لنا حتى أثرا نستدل به على ذلك الإرث القومي الجميل كل أصول ومنقولات حتى عقارات المشروع أنتهت بجرائم بشعة ومروعة لا يأتيها إلا الكيزان ... الشفيع
سلام أخوي عبدالله السمح في البوست ده أنو خلا الناس تتكلم علي سجيتها يعني مافي (فلفسه) ولا قعّيد كلام ننضم نضم أهل الطاعم وسمح والله لاني زعلانه ولا شي الله لا جاب زعل بين الأخوان أها الليلة جيب ليك نضماً سمح بلحيل.
أمي بتحكي لينا عن واحد بريد بت في الحله وهي كمان بتريدو واتعاهدوا واحد يخلي التاني مافي البنات حسدوها وبقن يجيبن ليها الكلامات الكِضب عن زوله . ابوها سمع الكلامات وحبسها المسكينة في البيت وحرّم عليها المرّقه تعب صاحبنا داير يجن ويومن في اتسرقت بالدس ومشت لي صاحبتها ، جاهو جاري صاحبن لي الحق الحق فلانة واقفة تحت النيمه مع صاحبته .. وما صدق وطلق كرعي
وناداها وقال ليها :
وكت كُتي بتريديني الخِلوق عارفنك إسمي ما بتجيبي ... حتى ان بقن كاتلنك اليوم يا السمعتي كلمة الواشنك إنتي العيش لتيب .... وأنا المطر الشّنح منك
قالت ليهو : لامِن أموت بريدك ... حتى ان بقيت محبوسة بفديك بي رويحتي .... والجمرة شانك ادوسها يا مطر البطانة ..... الضّرب السهول وتروسا ريدتن بعدك أنتَ ..... تحرم علي ما اكوسا ................................................... عبدالله أخوي شن قولك في زي ده تعال شوف الزمن الفينا شن فيهو !!
Post: #79 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-29-2011, 07:02 AM Parent: #76
أختنا رشا بابكر سلام ومراحب والله
Quote: وكت كُتي بتريديني الخِلوق عارفنك إسمي ما بتجيبي ... حتى ان بقن كاتلنك اليوم يا السمعتي كلمة الواشنك إنتي العيش لتيب .... وأنا المطر الشّنح منك
قالت ليهو : لامِن أموت بريدك ... حتى ان بقيت محبوسة بفديك بي رويحتي .... والجمرة شانك ادوسها يا مطر البطانة ..... الضّرب السهول وتروسا ريدتن بعدك أنتَ ..... تحرم علي ما اكوسا
اول حاجة يا رشا خليني اضرب الراراي بجيتك السمحة دي ولا اخفي فرحتي بعودتك للبوست . . وكلامك الفوق ياهو الكان حاصل واياهو تعاملنا العادي اقوليك حاجة يا رشا في حاجة كانت عجيبة جدا الواحد فينا كان مناهو اشوف حبيبتو شوف ساهي بس ومن بعيييييييد ولو اصتدم بها في زقاق يبقى في التخارجو من الموقف الصعب دا احكي ليك حكاية حقيقية حصلت معاي وانا في الثانوي بعد صلاة العشا مباشرة وانا ماشي في زقاق ضيق جدا الزول الشايل عنكوليب ما بمش بالزقاق دا اها وفجاة وقدامي مباشرة يطلع لي القمر وانزنقت زنقة كـلـب في طاحونة عارفة عملت شنو يا رشا حرم تلب تلبت في بيت الناس وقعت فرق العناقريب ما بركة الما وقعت فوق المرة الكانت راقدة فوق العنقريب وراجلها راقد في النعقريب التاني واخدت علقة لن انساها ابدا والزول اسع قاعد ولليوم العلينا دا كلما الاقيهو يتذكر الموقف دا طبعا وقتها لم يصدق ان قصدي شريف مهما حلفت له بالتكسرني وتطفا اهلي بنار ما ممكن اصدقني والا كان تصديق الزول المنتظر عربية السوق اقرب للتصديق من موقفي هذا ولكن فيما بعد ... فيما بعد دي بعد سنين طويلة ... بعدما تزوجت نفس الحبيبة . . رشا بجيك راجع تاني شكرا جزيلا اختي الغالية
Post: #78 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عادل خياري Date: 12-28-2011, 10:46 PM Parent: #77
اخونا عبدالله تحياتي وتشكراتي على البوست التحفة واشكر الاخ زيادة عبدالباقي الذي نبهني لهذا البوست وصاحبه سوف نمدك بمعلومات عن الهدى بلد سيدي خالد ولكن مبدئيا اتصبر بالرابط ده لحدي مانرجع ليك سعيد بوجودك هنا ونتمناك ايضا هناك في منتديات الهدى http://www.abnalhuda.com/
Post: #81 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-29-2011, 07:39 AM Parent: #78
عادل خياااااااااااري عديل كدي يازول سلام سلام سلاااااااااام نعلكن طيبين وجركن ملان عجين يا زول ات معانا في الحلة دي ولا حس ولاخبر وكمان قديييييم لكن كلامك ما قل ودل والله كترت الكلام كان سمح في القرايا . . لك التحية والسلام وايضا كذلك التحية لاخونا زيادة عبدالباقي ود الفضل . .
Quote: سوف نمدك بمعلومات عن الهدى بلد سيدي خالد
معلوماتك اكيد تفيد كتير في هذا البوست ولكن الهدى بلدي ودمي الذي يجري في عروقي نصو من الهدى وطبعا بدينا البوست بالحلول والكنابي والقرى والهدى دورها لم يات بعد فهي من المدن العريقة بالجزيرة والتي لها طعم خاص ونكهة لاتوجد الا في الهدى والجزيرة ابا الهدى كل شخص منها يمثل علما خاصا من اعلام المهدية الخالدة ولا الزمن العلينا دا يا عادل اختلط حابلها بنابل الكيزان ولكني حسب معرفتي بناس الهدى فهي لن تتبدل ابدا الله اكبر ولله الحمد ( القديمة حقتنا ) سلام يا الهدى سلام حي المهدية وسلام سهريج الكواهلة وسلام عد الكواهلة سلام حي التعاون سلام حي البان سلام حي المستشفى سلام الحلاوين سلام العوامرة سلام الهجرة الثانوية العامة بالهدى سلاااااااااااااااام الان ابكيتني يا رجل
Post: #80 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-29-2011, 07:09 AM Parent: #77
الكيك سلام يامن يجري حب الجزيرة في دماهو شكرا جزيلا اخي على الكاركتير المعبر
Post: #82 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-29-2011, 11:09 AM Parent: #80
الحصاحيصا درة مدن الجزيرة . . اخونا شمس الدين خليفة ارسل لي رسالتين على الايميل وهو من الناس الغيورين جدا على مدينته الجميلة الحصاحيصا مع انه طلب مني ترتيب الكلام المكتوب ولكني لا ارى ترتيبا اجمل مما رتبه وخطاهو .... غايتو ناس الجزيرة ديل الواحد تلقاهو استشاري باطنية واقعد في بيت العزاء وكانه لايفرق بين القحة والجضمارة .... استاذ شمس الدين دا كلامك زي ما هو بضبانتو
Quote: شنو يا خوي نسيت الحصاحيصا اللمت كل قبائل السودان فيها امسك معاي حي العمدة الحي الاوسط الحي الشرقي كريمة الحلة الجديدة حلة فور الكمبو المزاد الامتداد المايقوما اركويت ربع الخراب حي السينما الانادي ود الكامل الدبة او الصداقة او حلة موسى ابوفروع الضقالة كمبو حاج علي
باسطة ود حميد والحليب البارد فول البربري عمك محي الدين قهوة المشلخين السوق وبداخله كل الاسواق
Post: #83 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد علي البصير Date: 12-29-2011, 11:14 AM Parent: #82
Quote: الله يحييك يا ود البصير
وأشكرك كثيراً على أن جلبت هذه الصورة للأخ الداعية/ النعمان إبراهيم
آخر مرة التقيت بالأخ العزيز/ النعمان كانت قبل 7 سنوات
بالله أبلغه تحياتي الحارة.. وإذا تيسر أرجو أن تمدني برقم هاتفه على الخاص
تحياتي وجزيل شكري
تم إجراء اللازم ـ راجع الخاص أخي عماد ـ
بلغ تحياتي لأخي النعمان
Post: #84 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-29-2011, 11:19 AM Parent: #82
رديت ليهو باني كيف انسى الحصاحيصا وأمي لاتعترف الا باطباء مستشفى الحصاحيصا . . واها دي رسالتك التانية اخي الاستاذ شمس الدين قال نحن ناس مساكين ساهي قال ات يا شمس الدين بقيت مسكين بعد الماجستير ولا شنو ..
Quote: تسلم اخي عبدالله نسينا نضيف حي الزهور ومكتب قرشي وحي الجملونات وحي الموظفين والفبارك والمحالج ومصنع الصداقة سابقا وكبري رفاعة الذي افقر رفاعة وام دغينةواريجي
ما تنسى جعفر الطيار وشيخ خوجلي وخديجة الضكريةوود الواطا
وناس الكورة شواطين وعروه وسيف واخوه ابوالعز وعلي الامين ومحمد الامين واولاد جبارة واولاد مطر وناس سمحين سماحة فوق الوصف
وسمك التنقور ودرار
عليك الله ياودالبوش رتب الكلام ده نحن ناس مساكين ورص الكلام ما بنعرف ليه حبينا نشارك بس لاننا اتربينا ودرسنا وعشنا في الجزيرة ولا زلنا نعيش بها وخيرها مغرقنا للرأس
بجيك صاد كان الله اراد
لك الود والاحترام
Post: #85 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-29-2011, 11:34 AM Parent: #84
رسالة سمينة من اخونا الجنيد عبر الايميل
Quote: تحية طيبة بالتبادي اخوك في الوطن ما اخوك بتاعت الجماعة اياهم الجنيد حمد بابكر الماحي العمدة احمد حاج البشير من قرية عجان ده اسم الدلع وهى كمبو عجان ودى من جملة 14 كمبو كالتالي (عجان - ام سنة- ام وزين - ابارا- ابوكرنة-المنسي-مقدر-خيار -محمد عبدالله-الحدايحيد - تميرا ديل كم وتقريباً معاهن تورس وام كوراك) فوقن طوالى بتقع المحيريبا ودي محلية غالبية قراها من قري الحلاوين ومنهن (ودالبصير-الفوار-بحرالعلوم -منى-شكيرات الحليواب وحاج الصافي والوادي-وودشنينة -وجادالعين واولاد يوسف ودبترو وكتفية وصافية والطرش زمان واسم الدلع السنية وابسير وما ننسي كبكباية وقوزعبدالسلام بكان ودحبوبة زاااتو والولى ونرجعبك تانى لا وراء عندك امبوشة وود جروب وكمبو ابودقينة وكمبو جبرالله ديل في الكنار وتلقى سليم منها لا وراء الربع والارئك العوامرة وجمبها الزهراب وتعال تاني قنطرة ستة وعشرين وتمسك الفنقة البتوديك خرتوم الجن تلقى المحريبة ياناس اللغات ضعفوا الحاء وبيضاء والنخيرة وكاب الجداد حدى هنا ارجعبك للحلاوين تاني فوق جاد العين بتلقى كمبو الكودة ومن طوالى العديد وابوعشر ولزق ليهو حلة عباس وتعال بى جاي فوق لا كتفية تلقى توبة وكمبو الفلاتة واسترحنا ومناقزا وانجضوا وكمبو حريقة وحلة والتكلة جبارة وحلة الحاج وحلة مصطفي والحليلة ودلقا وقنب اها وصلناك الظلط للتذكير الحتات اللاوراء دي في الخريف الا عن طريق الانزال حتن شوفتا حتن دي كيف حتن تدخلاء ما متذكر كويس احتمالن ناسيلي كم قرية كدى المهم والاهم الناس القلتهم ديل تخش اى بيت زى البيتكم تضرب ام تكشوا والجبنة البلدية ما الحبشية وتنوم فوق عنقريب ماشرو وجمبك ###### الجيران وغنماية ناس البيت وتمانية سخلان وجعير العجول مالى الحتة تطلع برة تلقى الناس مخلفة يعنى راكبة متقريفة فوق حميراء وماشي الخلاء ضاربة هموما في الواطة عشان يطلع عيش وفول تقابة الناس هناك ناس الله قلوبة نضيفة زى يو الجمعة ما في حقد وما في زعل الا دخلوا علينا الجماعة اياهمبوظوا اى حاجة ولكن الفينا ما بتغير نحنا اولاد الارض الارض البتدى وما بتشيل اولاد الجزيرة اتعلمنا نقول الحق ونقيف معاهو ما بنقول سوينا ولا بنقول دايرين من ضراعنا بننتج ومن ضراعنا بنقسم زادنا كل القبائل تقول اهل مافي مشاكل بتاتاً وبرضو الله يجازى الكان سبب ضيع البلد وبدور يضيعنا معاهو وبقول ياناس الجزيرة حافظوا على التسامح حافظوا على الخوة البنكم ما تنغشوا ما تتددقسوا طالبوا بحقكم حل خلافكم بينكم والمسعول إن جاكم ما تدوهوا البيضاء ماف مسؤول الا الله ودمتم الجنيد حمد بابكر الماحي قرية عجان ريفي المحيريبا محافظة الحصاحيصا الامارات ابوظبي
الله اديك العافية يا الجنيد اخوي تحياتي وشكرا جزيلا ياخي تعال اكتب معانا هنا كتابتك طاعمة زي ملاح اللوبة
Post: #86 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 12-29-2011, 11:53 AM Parent: #85
الهدى مدينة بدون بوليص . . هل سمعت في الدنيا دي كلها في مدينة مافيها بوليص ؟
هذه هي مدينة الهدى بالجزيرة ... لكن اسع قطع شك بكون فيها بواليص وامكن كمان قسم عديل الاخ الزميل عادل خياري ارجو الافادة باقي انا طولت من الهدى والله ما عارف فيها بوليص ولا ما فيها في الماضي كل هذه المنطقة لايوجد بها مركز شرطة الا في العقدة وكان شغلوا كتل الكلاب السعرانة واقبض ناس اللنداي احيانا او يوصلهم لبيوتهم حسب القانون الساري حينئذ . . واحد من المنطقة فلقوا ولدو ( الجنا عميكة ) فلق ابوهو اها ابوهو مشى المستشفى قاليهو الا تجيب اورنيك من البوليص مشى نقطة العقدة العسكري قاليهو ورينا الحاصل بالضبط الزول قاليهو ياخي الولد عميكة وفلقني وانا ابوهو البوليص اصر اجي الولد الولد جا البوليس قاليهو فلقت ابوك لشنو فاجاب الولد : ما تان ابلد؟ ينطق الكاف تاءا لانو عجمي برضو
Post: #87 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 12-29-2011, 12:16 PM Parent: #86
من أبرز مكونات الجزيرة التاريخية - الاجتماعية - الدينية التصوف الإسلامي ومراكزه المتعددة وللتعريف - فقط - بأكبر وأشهر هذه المراكز سأورد بعضا من الصور المنتشرة في مواقع الإنترنت
Post: #88 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 12-29-2011, 12:29 PM Parent: #87
الشكينيبة - مركز الطريقة القادرية - مسيد الشيخ المكاشفي
Post: #90 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 12-29-2011, 12:39 PM Parent: #88
بشارك بس يا طه دقندي مافي . . سلام يا كلس واصل الحكي الجميل واضرب النوبة ضربا فتأن وترن ثم ترفض هديرا او تجن . . ونحن انصار تمام كما مولانا قالنا كونوا مع الامام بسيفنا ورمحنا المسنون . . الجزيرة في البيت واحد تلقى انصاري وختمي وصوفي وانصاري سنة وشيوعي وكوز وكلهن اشربوا من تيبار واحد
فلنتحد نحن سكان الجزيرة لنصبح اكثر قوة ننبذ العنصرية بكل صورها نقبل الاخر ونحترم رأيه والنية لو شالت النية العنقريب اشيل مية
Post: #92 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 12-29-2011, 01:14 PM Parent: #91
أبو حراز - سجادة العركيين - قادرية
Post: #93 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 12-29-2011, 01:24 PM Parent: #92
طيبة الشيخ عبد الباقي - ( أزرق طيبة )
Post: #94 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 12-29-2011, 01:31 PM Parent: #93
خلاوى القرآن في ود الفادني
Post: #95 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 12-29-2011, 08:16 PM Parent: #94
قبة الشيخ القرشي ود الزين بطيبة القرشي
قبة ود الترابي بود الترابي
قبة ود الطريفي - بالطلحة
قبة ود المرين بالهلالية
Post: #96 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد عبدالرحمن Date: 12-29-2011, 08:42 PM Parent: #95
هووووو.. مدد يااهل الله مدد ... مدد يااهل الجزيرة مدد .. حباب القرشى ودالزين حباب الشيخ عبدالمحمود حباب الشيوم التوم ودبانقا .. حباب اهل الله من ذكرت ومن لم اذكر ... حباب اهل ناس التقابة والتقند والواسوق والطورية ..حباب اهل (البعوجوا ) الدرب ..
حبابكم نتابع كل حرف يخط هنا ...فى ضيافة ودالبوش ...وفى انتظار اطلالة ابوحراز كمان لتكتمل الصورة ..
وان ماجيتا من زى ديلا واسفاى وماساتى واذلى ..
Post: #97 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: Mohamed Salih Dafalla Date: 12-30-2011, 06:20 AM Parent: #96
سلام هييي الجزيرة حرق الفول وسرقة العنكوليب والسسسسسسسسسسسسكة من سيد الحواشة والدقـــة الصباح في المدرسة، الجزيرة الغولاط (الجدال) في برندات الدكاكين و العرس البتلتوا لي من الصباح زولكم دي من قرية الكشامر غرب الكنار جنب الحصاحيصاوقبل المسلمية وجيرانها ود شمو والرحلاب والنديانة ونايل وانت ماشي علي الحصاحيصا بتلاقيك وودسلفاب، وانت ماشي علي المسلمية بتلاقيك الفقراء و العمارة طه وتقطع كبري الخشب وقدامها طوالي ود الفادني شرق الكنار. انتو عارفين احلي حاجة في الجزيرة شنو؟ الونسة في ضل الصباح و بعد صلاة العشاء غايتو جنس غولاط وفلهمة وكمان في ناس كده بس يدوك الكضبة لحد مافي تهبش راسك والناس بعد داك يمشو ينومو ومافي زول شايل في قلبو حاجه يا حليل ايام الجزيرة لمن كانت ريحة الشية تضرب في البلد بعد الصرف وهاك يا بوبار مرة قالوا في واحد مننا اجر ليهو تاكسي من الخرطوم لحد الكشامر وقال لسيد التاكسي اهم حاجة تلف الكشامر دائرة وتضرب البوري تووووووووووت عشان الناس دي كلها تعرف كان حيين بنتلاقي
Post: #98 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد عبدالرحمن Date: 12-30-2011, 06:41 AM Parent: #97
واننى من بلدة ينتشى النيل عند مروره عليها ويرقص طربا .. يتثنى النيل كأفعى ضاقت عليها الدروب ...وهو هناك يجيد (العرضة) و(الصفقة) وكل انواع الرقص الحديث والضارب فى القدم ... لان النيل جزء من حضارات هذه الدنيا فهو يعرف بلدتى يعرفها تماما ...حيث مر عليها مئات السنين وهى تستلقى بجمالها الآخاذ على ضفتيه لايضيرها تقلب الحضارات والامم ...فى مقتبل شبابها لاتشيخ ...مغرورة هذه البلدة لان النيل يخصها بالرقص والانتشاء ... والغوانى يغرهن الثناء ..بلدة تتحدث بلسان واحد وتفكر بعقل واحد وتعرف دروب التفوق والمعالى ...
انها اربجى ياسادتى هبة النيل للدنيا.وهى مكون اصيل من مكونات الجزيرة الخضراء التى صهرت ثقافات القادمين اليها وصبغتهم بصبغتها ومااجملها من صبغة ..حيث الطيبة والمحنة هى المعيار المشترك ...وفيها يكمن السر ..ومن اراد ان يعرف سر المحنة عند اهل الجزيرة فليستمع لفنانى الجزيرة ...وسيعرف السر ...شحنت اصواتهم بكل معانى الحنية والطيبة وقالت لهم هيا ساهموا فى صياغة وجدان واحد لامة واحدة وقد كان ..
Post: #102 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: Alshafea Ibrahim Date: 12-30-2011, 04:48 PM Parent: #101
جمعة مباركة وعام ميلادي سعيد. الشفيع
Post: #103 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: نادر النور آدم Date: 12-31-2011, 08:23 AM Parent: #102
صباحكم والبلد بي خير
Post: #104 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبد الحي علي موسى Date: 12-31-2011, 09:39 AM Parent: #103
يا سلام وسلام يا ود البوش والتحايا لأهلنا في عموم الجزيرة خاصة كنابينا(مهمشي المهمشين).
وحتى ناس الجاموسي وأخص مريحلة تلك القرية التي درست بها المرحلة الابتدائية وتعلمنا فيها اللقيط والشلخ والكبس والكماشة.
وأظنك تعني الشكينيبة بلد العارف بالله الغوث المكاشفي. تحيـــــــــــــاتي
Post: #105 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالرحيم أبراهيم العبيد Date: 12-31-2011, 10:18 AM Parent: #104
أبن العم عبدالله ودالبوش اولا في التبادي سلام عليكم وللاخوان/ات وللجميع ولافراد أسرتكم الكريمه لكن بوستيك جاب ليه همبرير وشمينا رائحة الموليته وأم تكشو ويكاب عليك الله أقل لينا التيوه وشد حيلك مع شدت وشليل وين راح الجماعه ضاربين ليك البقنيه والكيته شغاله اهـ ذكرتنا بتلك الايام الجميله الاداره الاهليه النظار والعمد الناس ما بتعرف المحاكم وين المطامير الناس كان بتشرك بالقلابات( القماري -ودابرق أمقردون) وتلقي الجماع طول اليوم (أدردو) في الطير
ولنا عوده مع التحيات للجميع
Post: #106 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد علي شقدي Date: 12-31-2011, 11:25 AM Parent: #105
سلام اهلنا عوافي تسلم جزيرة الخير
مالو اعياهو النضال بدني وروحي ليه مشتهية ودمدني
يا طه والشفيع شنو نايمين في الهمبريب ده براكم ما كان تلكزو اخوكم لي بوست ودالبوش الحنين ده لكم جميعا كل التحايا العطرة قبل اقل من اسبوع كنت ببحبت في رواية سالم ودالسما الرجعني ليها قصة التوثيق الروائي البسيط لانسان وارض الجزيرة فيها ملامح غاية في الروعة فقط ارفد هنا من الرواية اقتباس لشئ من تاريخها الزراعي واكيد لنا عودة
يعتمد سكان القرية في معاشهم على مصدرين : الزراعة والرعي ، وكلاهما يعتمد على ماء المطر والنيل الأزرق ، وبالقرية نوعان من الاراضي الزراعية الشريط النيلي ، الذي يبلغ عرضه مائتين الى خمسمائة متر ، وهذه الارض يغمرها النيل الأزرق عندما يفيض في الفترة الواقعة بين يوليو وإكتوبر من كل عام . وعندما تنحسر مياه الفيضان يقوم الناس بزراعة الأرض التي رواها النيل ، ورسب فيها كميات من الطمي ، بشتى أنواع البقول والحبوب والخضر . وهذه الأراضي تسمى الجروف (المفرد جرف ) ولا تحتاج الى ري بعد زراعتها التى تتم خلال شهري إكتوبر ونوفمبر وتحصد خلال مارس وأبريل . أما النوع الثاني من الزراعة فيتم على السهل المنبسط الممتد بين النيلين الأزرق والأبيض الذي قام عليه فيما بعد مشروع الجزيرة ، أكبر مشروع زراعي في أفريقيا والشرق الأوسط وقتها ، والذي أفتتح في عام 1924 م والاراضي التي بها السهل يتم تنظيفها من الاشجار وتزرع خلال موسم الأمطار بين يونيو وإكتوبر من كل عام وتسمى بلدات (بكسر الباء وتسكين اللام ومفردها بلاد) تزرع البلدات ذرة وهو الغذاء الرئيسي لسكان وسط السودان الذي تقع فيه قرية ود الماجدي . لكل واحد من سكان ود الماجدي بلاد وجرف ؛ البلاد تؤمن له الخبز خلال العام إذا كان موسم الأمطار جيداً ، والجرف يأتيه بشتى أنواع البقول التى يتأدم بها ؛ والخبز الذي يصنع من طحين الذرة إسمه ( الكِسْرَة) . والكِسْرَة نوعان ((عصيدة وشرائح)) . الناس بخير ما دامت الأمطار تهطل والنيل الأزرق يفيض – كل شيء في حياتهم موجه للزراعة – فهم يقسمون العام الى ثماني وعشرون عِينة ، في كل عينة ثلاثة عشر يوماً ، ما عدا عِينة واحدة بها أربعة عشر يوماً لتكمل أيام السنة الى ثلاثمائة وخمسة وستين يوماً . وعندما تكون السنة كبيسة فإنهم يطلقون على التاسع والعشرين من فبراير ((يوم الفرق)) ولا يدخلونه في حساب العين . والثماني والعشرون عِينَة هذه مقسمة على فصول السنة الأربعة بالتساوي . لكل فصل سبعة عين ، ويحددون بداية ونهاية كل عِينَة حسب التقويم الميلادي .والتقويم الدقيق هذا فرعوني الأصل ، والآثار الثقافية الفرعونية عند أهل الشريط النيلي هذا كثيرة وباقية الى يومنا هذا ؛ فالوعاء الذي يجلب به الماء من النيل اسمه ((القيروانة )) ومزود حفظ الجاف يسمونه ((الكَابدُولو )) ، ومجرى الساقية الذي يجلب به الماء من النيل يسمى(( النّقنيق)) والحبل الذي تربط إليه العلب التى تأتي بماء الساقية تسمى ((الألَس))وهذه كلها مفردات هيروغلوفية ؛ وحتى أسماء البلدان مثل ((فداسي )) (الأرض الطيبة) و((وبرنكو ومارنجان )) كلها ألفاظ هيروغلوفية ...........الليلة يوم كم في شهر خمسة ؟ ...........يوم ستة ... ...........النّطح دخل . كلّم الجماعة يحفروا البير ، بير النطح مويتو ما بِنقَطَ . ..........الليلة يوم كم في شهر سبعة؟ ..........واحد وعشرين. ..........النترة دخلت .ازرعوا البلدات . ..........يوم عشرة . .........مضت ستة يوم في سعد ذابح ، أغرسوا بَصَل الدُخري .لهم خبراء في هذا التقويم يحددون التوقيت الذي يزرع فيه كل محصول . .........خالي الزبير ود الطيب !باكر ماشي أزرع البطيخ . .........لا تزرع باكر .. اصبر خمسة يوم لا من تدخل عصاة الموية .. كان زرعت باكر بطيخك بطلع دَقَل (صغر الحجم ) ........ جدي بله ود على ! بصلي بدا يعفن ! .........لأنك زرعتو قبال سعد الأخبية . طلع كبار لكن ما صبر .ودية . السوق وبيعو بما فتح الله ! ........عمي مصطفى ود جمعة ! بقرتي جابت ليها عجلة ميتة ! لأنك عشّرتها في عريج وولدت في النطح .البهم ما حمل الحر ومرق ناقص الله يعوضك ، الجاتك في مالك سامحتك . استشارات هؤلاء الحكماء لا تخيب أبداً ، وحتى بعد قيام مشروع الجزيرة ومجيء الخبراء الزراعيين فإنهم كانوا حريصين على ألا يختلفوا معهم . ..........يا حاج ! أزرع الذرة بين صفوف الطامطم عشان يوقيها من حر الشمس . ...........يا افندينا .... حر الذرة أكعب من حر الشمس . بالإضافة لي كدي الذرة بينقل للطماطم مرض العسلة والبياض ! .........يا حاج كلامي دا كلام عِلِم وكلامك دا جرّب تخرب ! ..........عشان خاطرك يا ولدي بسوي كلامك .. لكن اكان تجيب ليها حبة طماطم دي تسوي المريسة في الإنداية . وأمسك الشيخ بلحيته التيسية البيضاء الخفيفة بيده اليسرى .
Post: #120 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-01-2012, 09:41 AM Parent: #106
اخونا محمد علي شقدي سلام وتحية وشكرا جزيلا على المداخلة السمينة ود اللمين ود السما وفي انتظار عودتك ومتابعتك الف شكر اخي شقدي
Post: #119 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-01-2012, 09:30 AM Parent: #105
حباب عبدالرحيم ود عمي أبراهيم سلام وتحية واحترام
Quote: وتلقي الجماعة طول اليوم (أدردو) في الطير
القديلو عليك الله القديلو اديها تلة القديلو يا اب صوفة القديلو دنقر شوفا كفففففف كتحت يا زول هوي القديلو قبضتو صعبة خلاس الا زول مرزق . .
Quote: وشمينا رائحة الموليته وأم تكشو ويكاب
ام تكشو بالويكاب دي قيلت فيها اشعار من شدة ختورتا . . الجزيرة كانت متعة الحياة وايام مضت نتمنى عودتها مرة اخرى وان كان ظروف الحياة كلها تغيرت ..... اييييه يا زمن عدى راح شكرا عبدالرحيم مع تحياتي لك وللاسرة الكريمة ونلتقي كان الله هون
Post: #117 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-01-2012, 09:18 AM Parent: #104
أخونا عبد الحي علي موسى سلام وتحية وشوق
Quote: والتحايا لأهلنا في عموم الجزيرة خاصة كنابينا(مهمشي المهمشين).
هم دعامة المشروع وهم مننا وفينا لهم التحية والاحترام
Quote: وأظنك تعني الشكينيبة بلد العارف بالله الغوث المكاشفي.
بالتأكيد طبعا ولكن دي معاكسة من الكيبورد ود الحنوت شكرا عبدالحي
Quote: واننى من بلدة ينتشى النيل عند مروره عليها ويرقص طربا ..
Quote: انها اربجى ياسادتى هبة النيل للدنيا
وصفك ابداع يا محمد عبدالرحمن ولكن تعجز الكلمات عن وصف اربجي مهما ابدعت كل من يمر عبر اربجي يحييها وترد لهم التحية ومن هنا احي اربجي وناس اربجي الطيبين وحلوين . . خليك قريب محمد ومتابع
اخونا Mohamed Salih Dafalla مرحبا بك ومرحب بالكشامر وما جاورها هذه المنطقة معروف عنها خصوبة التربة ونجاح الجناين وعنكوليبا قصب سكر بس . . شكرا جزيلا اخي محمد صالح دفع الله لاضافتك الميزة وخليك متابع
Post: #112 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: Alshafea Ibrahim Date: 12-31-2011, 04:11 PM Parent: #108
الأخ محمد علي شقدي أخباركم شنو ؟ عساكم بخير ، مراحب ملاييين أبقى داخل وهات وهات المزيد .. ود البوش ما بترضى بالدقندي .... شراكة بالربع كيف ؟ تحياتنا الشفيع
Post: #113 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد عبدالرحمن محمد Date: 12-31-2011, 05:19 PM Parent: #108
ود البوش عبدالله، أبو حسن الحَسَن وضيوفك ما اتعبتبني مداخله في بنبر اب صلعه ده غير في بوستك ده يعني ابدا وين؟
Post: #114 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 12-31-2011, 06:46 PM Parent: #113
الشفيع إبراهيم
Quote: ود البوش ما بترضى بالدقندي .... شراكة بالربع كيف ؟ تحياتنا الشفيع
هوووووي يا الشفيع لا تخطب على خطبة أخيك أسحب طلبك وإلا أنا عارف محل بووووجعك وبمغص مصارينك في المداخلة الفوق نكشتك بي الطرماج أها لو ما سحبت طلبك بورم فشفاشك بي صور التركترات والكراكات الدقو فوقها الجرس في الحصاحيصا والصور موجودة في منتديات الحصاحيصا لكن كدي نستنى ونشوف رأي أبو العروس
Post: #115 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طارق عبد اللطيف نقد Date: 12-31-2011, 07:04 PM Parent: #114
اهل العوض سلالالالالالالالالالالام مربع
نحن دناقلة يا رسول الله
والسودان حق السودانيين كلهم لذا نحن منكم وفيكم وبنقعد نتاوق ونسمع ونستكم ونتثقف جفرافيا عن سوداننا الحبيب
Post: #116 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: خالد المحرب Date: 01-01-2012, 07:24 AM Parent: #115
ا
صديقى العزيز عبد الله ود البوش من الدوحه بحييك وانا من المعجبين جدا بمدنى اولا لان احمد ولدى درس فيها الشى التانى فيها الجمال مكتمل فيها الفن والشعر مدنى جمعت بين الوتر والكفر والخضره والماء والوجه الحسن تحياتى يا عبدول والله الشوق اطنان حديد من النوع التقيل
Post: #118 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: Alshafea Ibrahim Date: 01-01-2012, 09:21 AM Parent: #116
ود ابراهيم طه آ زول ما شفت الحواشات السمحات بزرعوا فيها أكثر من شريك ؟ النفوس لو طابت الخمسة فدان بقسموها شريكين ، أها بوست ود البوش ده دسم وقوي ومحتاج شركاء بالكوم ... عليك الله هات الصور سجن سحن غرامة غرامة ... الشفيع
Post: #124 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-01-2012, 10:32 AM Parent: #116
أخوي شيخ العرب خالد المحرب سلام وسلامة ود اخوك الوزير محمد يوسف ابوحريرة الزول النضيف الله اديهو الصحة والعافية اسع كيف ان شاء الله كويس نتمنى له الصحة والعافية واعود لاهله طيب معافى . .
Quote: من الدوحه بحييك
ومن هنا نحييكم وربنا يجيبكم بالسلامة
Quote: وانا من المعجبين جدا بمدنى اولا لان احمد ولدى درس فيها الشى التانى فيها الجمال مكتمل فيها الفن والشعر مدنى جمعت بين الوتر والكفر والخضره والماء والوجه الحسن
مدني والجزيرة لكل السودان فهي ارض الخير والطيبة والجمال الاصلي . . شكرا جزيلا للغنوة .... التي طلبتها من بداية البوست تحياتي لك ولافراد اسرتك وربنا يحفظم في حلكم وترحالكم
Post: #179 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: مصطفى محكر Date: 01-22-2012, 01:26 PM Parent: #116
تحية واحتراما.. للاخ عبد الله ود البوش..
لقد كان سردك قصة جميلة تستحق الاهتمام .. ومن خلال هذه المساحة ، اطرح سؤالا.. فهل من مجيب.. ؟
هل يعود زمان تهفو فيه مصانع الانجليز لاقطان الجزيرة؟.
Post: #123 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-01-2012, 10:21 AM Parent: #115
حبيبنا طارق عبد اللطيف نقد ياخي مشتاقين وين بلدك ؟ سلام ملايين ياخي
Quote: نحن دناقلة يا رسول الله
الدناقلة اكتر ناس ساكنين في الجزيرة وكمان هم اكتر ناس مستفيدين معظم تجار الجزيرة دناقلة المزارعين في الخلا والدناقلة منجمين في الضل اصلي ما شفت لي دنقلاوي ماسك ليهو كدنكة الا عشان ابيعها وباختصار الجزيرة جمعت السودان كلو طاقية في راس . . عاين جاي زمان بتي سألتها معاك سودانيات في المدرسة ؟ قالت لي الا ... يعني نعم ... لكن شريرات خلاس كيف شريرات امس اشكلن اشكلن في شنو ؟ واحدة قالت للتانية يا دنقلاوية يا حلابة العنزة ؟ وانت فهمت شنو من الكلام دا يعني نبذتها كيف ؟ يعني قالت ليها يا وسـخـــة لمن تمشي السودان بتشربي لبن العنزة الوسـخـان ما بتشربي حليب البقالة . هههههههههههههههه بالله شوف النبذ اللذيذ دا
Post: #122 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-01-2012, 10:08 AM Parent: #113
أخونا الحبوب محمد عبدالرحمن محمد سلام وتحية وشوق
Quote: ما اتعبتبني مداخله في بنبر اب صلعه ده غير في بوستك ده يعني ابدا وين؟
اصلو هو بوست ولا حمام سقط وحتى كان بقى حمام سقط كان بطش ولا كان في الكنار اصلا اياها الشهقة اللولى وووووووف وتاخد ليك نطة لفوق وبعدا تغني بالليل دا ماشي وين بالليل دا ماشي وين يا كنار ادخل ساهي ياخي ان شاء الله تدوبي الضان ود الضان الرقيبة جريدة والضنب دلقان والبطن وسيعة لتجدع التيمان .... ..
Post: #125 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-01-2012, 10:41 AM Parent: #122
الشفيع وطه عوافي اشتهدوا اشتهدوا .... العين خوافة والضراع اعمى ما تنقنقوا في الفاضي شريكك شريكك في حبة فريكك ؟ الحواشة دي عشرة فدان كلكن تشغلكن قوموا بدري وازرعوا بدري وحشوا بدري وشوفوا كان تنقدروا ماتبقوا زي زيدان الكسلان وحصد الناس وما حصد زيدان سوف ازرع من هنا وهناك ويشير بلحيته بس ويشرب عكارتو واقول الضحوة تمت البطن طمت
Post: #126 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-01-2012, 10:55 AM Parent: #122
Quote: عليك الله هات الصور سجن سحن غرامة غرامة ... الشفيع
الييع بالجرس تم هنا في الحصاحيصا للآليات الموجودة في الحصاحيصا فقط، كل حاجة اتباعت في مكانها ، دا بالنسبة للآليات المتعطلة بسبب إيقاف عمليات الصيانة وأيضا بسبب عدم الحاجة إليها أصلا حتى لو كانت جديدة كرت ( ما هو أصلا تم إلغاء الهندسة الزراعية بالكامل ) أما الحاجات الكبيرة السمينة زي سكك حديد الجزيرة فدي اتباعت أم غمتي كدا لا جرس ولا فرس ..
Post: #127 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-01-2012, 11:05 AM Parent: #126
الله لا كسبن ولا غزا فيهن بركة يا طه يبقى ليهن باربحا وعقاب شهر . . . ضرانا الله اضروا ضرانا الله اضروا ضرانا الله اضروا . . ولكل طاغية يوم للحساب
----------------------------------------- اذا دعتك قدرتك الى ظلم الناس فتذكر قدرة الله عليك العبارة دي دائما بتكون مكتوبة في الطواحين ( ما عارف ليه ) واحيانا الباظات حسب رغبة الكمساري
Post: #128 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد عبدالرحمن محمد Date: 01-01-2012, 12:13 PM Parent: #127
Quote: اصلو هو بوست ولا حمام سقط وحتى كان بقى حمام سقط كان بطش ولا كان في الكنار اصلا اياها الشهقة اللولى وووووووف وتاخد ليك نطة لفوق وبعدا تغني بالليل دا ماشي وين بالليل دا ماشي وين يا كنار ادخل ساهي ياخي ان شاء الله تدوبي الضان ود الضان الرقيبة جريدة والضنب دلقان والبطن وسيعة لتجدع التيمان ....
أعلاه محوّل لي محمد ع الصايم للترجمه ..
Quote: اتو برضو قاعدين تقولوا العيد جاكن لبرودو ؟
عبدالله خوي الليام ديل سقطن شديد خلاس، ومااا فضل فيها عيد فشان تغامرلك بي حمّام لاكين انطمن، برَسِلّك شي من هني تنبخابو مرّه في اللسبوع وزول يجيب خبر ريحتك ماف
أشكر الاخ المهندس معتز حسن الذي ارسل الرسالة ادناه عبر الايميل وارجو ان يواصل معنا حكاياته مع مشروع الجزيرة
Quote: السلام عليكم
انا من مهندسي هيئة مياه الري بمشروع الجزيرة ايام ما كان في مشروع و في ري و في عملي جلت الجزيرة من اقصاها الي ادناها حتي استقر بي المقام في اخر سنين عملي في امتداد المناقل بين ود المنسي و الحفائر و 24 القرشي / قسم ري الحفائر كان مكاناً يضج بالحركة منذ الصباح الباكر تقارير الامداد المائي و شغل الكراكات و البلدوزرات و القياسين و رائحة الديزل تملا المكان و عمال الغيط ينصرفون الي المزارع فجراً سكان المكتب شوايقة من المقل و جعليين من العبيدية و زغاوة من ######س و عركيين من الجزيرة و اسرة جنوبية واحدة من اويل كنت في مقتبل الشباب انذاك و عند قدومي للمكتب وجدت منزلي خرج لتوه من الصيانة الدورية تحيط به خمسة افدنة من الأزاهر و الخضر كنت عزابي و لم اهتم لأمر المسكن كثيراً و كانت اسعد اوقاتي مع الالات العاملة في الكنارات و صيانة القناطر و ابواب اب عشرين في مناطق تتبع مكتبنا تمتد من كمل نومك و ميجر المنقطعة الي حلة عمر او كرتوب او معتوق الواقعة جميعها في اقاصي غرب مشروع الجزيرة و المناقل وجدت في المكتب عمالاً حضروا بداية تأسيسه عند قيام امتداد المناقل في الخمسينات من القرن المنصرم عرفت منهم كيف كان الرجال يخدمون هذا التراب و اثناء وجودي حضر الي مكتبي في زيارة سريعة الرجل الذي علي يديه تم إنشاء المكتب طوبة طوبة اسمه عامر شرفي جاء من الخرطوم و هو رجل هرم / ليمتع ناظريه بما بنت يداه و هو فتيّ
و عدت انا يوماً بعد اثنتي عشرة سنة من الغياب لأجد منزلي ( السراية ) ذات الخمسة أفدنة التي كان يتغني بها الناس اصبحت مسكناً للأغنام يأمن فيها الراعي علي غنمه و يستخدمها زريبة
تضاءلت البيوت المسكونة من 67 بيتا الي ستة او سبعة و تحولت البقية الي اطلال لا نوافد ولا ابواب ، و حوائط قد إتكات بعضها يقاوم الزوال و بعضها استسلم للمصير المحتوم و انتقل الي رحمة مولاه اطلال تنبئك ان من سكنوا الديار كانوا من اعزة الناس و لو انهم عمال لكنهم شرفاء و اغنياء بالتعفف المستودع تحول الي طاحونة يملكها احد اثرياء الكمبو المجاور زرت منطقة كان لي فيها مراتع في الصبا 24 القرشي و ما جاورها و لم اجدة شيئاً / حتي سكة حديد الجزيرة المندثرة و قضبانها لم تسلم من البيع و تحولت الي بنكنوت في جيوب الكيزان
ختامامشروع الجزيرة بكل عظمته تحول الي ذكري و لن يعود دي الحقيقة التي يجب ان نعترف بها اسف للاطالة لكن الموضوع ذو شجون و ساعود اليك عما قريب ان شاء الله دمت بود معتز حسن
Post: #131 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد عبدالرحمن محمد Date: 01-01-2012, 02:04 PM Parent: #130
Quote: أمحمد امسك بخاخك عليك آ جنا وخلي الطرطشة نحن من محبتنا لبعضنا حرم نخرة الواحد في اباط التاني مندفسين دفس في لوري شمشو تصر العين ..... كعب صنان النفس يا ولدي
Quote: ما اتعبتبني مداخله في بنبر اب صلعه ده غير في بوستك ده يعني ابدا وين؟
كلمتك دي يا امحمد ولدي ذكرتني الجنا لمن الاقي امو الطولت منو ادحش واعاين ليها .... وتنننن انفقع بالبكا ...... بركان عواطف جياشة لم يسعها ماعون اللغة الضيق فاستبدله بعاطفة اوسع فتحضنه امه وب علي وب علي وب علي الدقاك منو ؟ . . الجزيرة وسعت وتسع السودان كله . . . مرحبا محمد عبدالرحمن وفي انتظار مساهماتك
وهذه رسالة من اخونا يس حسن من الزبيرات حلة ناس ود الكمن .... اشكرك اخي يس وواصل معنا وتابع
Quote: السلام عليكم وأتمني لك الخير دائما، حقيقة سعدت بك كثيرا وبي موضوعك الشيق عن الجزيرة في موقع سودانيزأونلاين، ولدت بالجزيرة بقرية الزيبرات ريفي طابت وإنتقلت الأسرة الصغيرة الي قرية ودسعيد ريفي العزازي مكتب 86 الشويرف. درست الإبتدائي بقرية ودسعيد في مدرسة حيطانها من طوب وسقفها من زنك وكمر ، وأسوار المدرسة من العوير والكتر والسلك الشائك،، أهل القرية عبارة عن تمازج من قبايل شتي ولكن سوادهم الأعظم من المغاربة، حي الجعليين المتمثل في منزلنا ومنزلي عمي رحمة الله عليه ومنزل عماتي وجدي المرحوم الأمين زايد الذي قبره يعتبرا مزارا لأهل القرية لانه كان شيخا وكانت له خلوة بدرس فيها القرأن بالقرية، القرية تقع بين ترعتين إحداهما تدعي ودعديلة والأخري تدعي الترعه القدامية أو ترعة معاذ، أمام القرية كان هناك صهريج كبير وبه محطة ترشح المياة من الترعة وتنقيها من الطمي والأفات، ويحيط بالصهريج أشجار عالية من السنط وغيره، وتعتبر هذه الأشجار الحارس الأمين للصهريج من الريح ولنا ملعب وإستراحه نهرب إليها من وهج الشمس ونرعي بعض اغنامنا ونلعب فيها ولنا فيها ذكريات تدوم وتدور في دواخلنا وتعطينا حياة أخري وبعد ثالث لأيام الجزيرة ولياليها الريفية الهادئة.
شكرا كل كثيرا وأتمني أن تزورنا في منتدي رفاعة للجميع
يس حسن زايد
أستاذ جامعي- لندن
Yassin Hassan
Post: #134 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-03-2012, 08:10 AM Parent: #133
الأسماء الرنانة والغريبة لبعض القرى والحلول تغطي على اسماء بنيها خاصة في المدارس مثلا ائ واحد من بريبيرة طوالي يسموهو بريبيرة وكذلك : ام بعيبش ابوجعيرين هببنا كمل نومك وهلم جرا ومن الاسماء التي لها وقع خاص على الاذن : الفدقوبة الكسنبر قنب . . بالصدفة لاقيت واحد من كمل نومك فرحت داير اسألوا من واحد صاحبي قرى معانا في حنتوب قال لي اسمو منو قلت ليهو اسمو كمل نومك هههههههههههههههه وبديت اذكر في اسمو وجدت في الذاكرة اسم آخر هو كملبيت يور اسليب ههههههههههههه قام قال لي انا ذاتي اسمي كمل نومك ههههههههها
Post: #135 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-03-2012, 12:33 PM Parent: #134
بمناسبة أسماء القرى
Quote: عجب الدار
تحول إسمها إلى حي المطار ما تقول لي مطار وين وطيارات شنو لأنو بقى لا في مطار ولا في طيارات ولا في رش ذاتو شفت كيف الدنيا ماشة بالمقلوب لمن كان في مطار .. الحلة كان اسمها عجب الدار لما سموها حي المطار طار المطار ..
Quote: وعزازي ربك ... تدي ربك العجب
خليييييييك أمين في العشرة لي آخر مدى ضع العبارة الصحيحة مكان النقط عامل فيها حريف لوووووووووول
ياخ الواحد كلو ما يدخل البوست دا ويقرأ الجديد عيونو تاني ترقرق الجزيرة دي كانت الروح ومن ترابها نما الجسد
لازم نعمل في صمت يا أهل الجزيرة من أجل الجزيرة
الصادق
Post: #137 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-03-2012, 01:57 PM Parent: #136
وشهد شاهد من أهل النظام وأحد أقلام الإنقاذ التي تعامت كثيرا عن الحق وطبلت كثيرا للسياسات الخرقاء إن لم نقل عنها ظالمة وجائرة .. عبد المحمود نور الدائم الكرنكي - غني عن التعريف - له ما له وعليه ما عليه فكل نفس بما كسبت رهينة يتحسر الكرنكي على مدني وعلى الجزيرة ولاية الجزيرة... جمهورية الإشراق والأطلال الكاتب: عبد المحمود نور الدائم الكرنكي
Quote: كيف تحَّولت ولاية الجزيرة المشرقة من عاصمة السودان وعاصمة السودان الثانية إلى أطلال، بسبب فقدان العناية الحكومية الإتحادية الكافية، كيف استحالت إلى أطلال بعد أن كانت مصانع هادرة ومزارع مزدهرة وسلة غذاء السودان وتجارة ناجحة وثروة حيوانيةضخمة وحياة وحشية زاهية؟. هل آن الأوان لكى ينتبه المركز في الخرطوم إلى دعم ولاية الجزيرة كنز السودان الثمين ورصيده الأبقى مالاً وبشراً. هل أدارت حكومة السودان الإتحادية ظهرها لولاية الجزيرة؟. في أوزان الولايات الأمريكية ليست ولاية نيويورك أو ولاية كاليفورنيا أو ولاية (إلينوي) في وزن ولاية (إيداهو) أو ولاية (ڤيرمونت) أوولاية (داكوتا الجنوبية). كذلك في أوزان الولايات السودانية تعتبر ولاية الجزيرة ولاية ثقيلة الوزن في الموارد الإقتصادية والطبيعية والموارد البشرية (الوطنية).الجزيرة ولاية المعدن النفيس، معدن الوطنية النفيس أحمد خير المحامي وزير الخارجية الذكي وأفضل وزير خارجية سوداني منذ الإستقلال وأحد زعامات الحركة الوطنية وصاحب فكرة مؤتمر الخريجين، ولاية مدثر البوشي أول وزير عدل سوداني، ومأمون بحيري أول سوداني درس في جامعة أكسفورد ووزير المالية في أميز العهود السياسية في السودان ، هي ولاية على عبد اللطيف الذي أعلن ثورته على أرضها في مدينة ودمدني في منطقة (الأورطة) الحالية (حي البوليس)، الجزيرة ولاية بابكر كرار زعيم حركة التحرير الإسلامي وأحد أذكياء السودان ومثقفيه الكبار والنذير دفع الله علامة البيطرة وولاية عبقري الجراحة عمر بليل ونجم تلفزيون السودان حسن عبد الوهاب والتجاني الكارب المحامي القدير وعبد العزيز شدُّو المحامي البارع ذائع الصِّيت وأحمد يوسف علقم حكيم السياسة الوطنية وأبو اليسر مدني العرضي وعبد الله محمد توم، وأمثالهم من الأماجد. هي ولاية (1800) شهيد سقطوا من أجل العقيدة ووحدة السودان. الجزيرة ولاية عثمان النذير قبطان (كنانة) الذي سجَّل لها عهداً ذهبياً في زمان ظلت تتراجع فيه كل المؤسسات من سكة حديد وسودانير ونقل نهري ونقل بحرى وخدمة مدنية وصناعات. وغير هؤلاء وهؤلاء الكثيرون من نخبة وطنية هي تاج على رأس السودان الحبيب. الجزيرة ولاية الصوفية المسلحة والمناضلين المجاهدين الأبطال ووطن الثورات الدائمة ضد الإحتلال الأجنبي، ولاية المتصوّف الذاكر ود حبوبة والعارف بالله عامر المكاشفي والمجاهد العابد الشريف أحمد ود طه و صاحب الحزم والسيف الشيخ ود البصير والشيخ الثائر أحمد الريح العركي. الذي قضَّ مضاجع الحكم التركي ووفر مظلة الحماية للبطل المك نمر الذي أوفى بعهده في طريقه متحيِّزاً إلى فئة ومتحرِّفاً لقتال، وقد قاتل في معركة (النصوب)، وغير هؤلاء من الأعلام. الجزيرة ولاية عميد الفن و(قائد الأسطول) محمد أحمد سرور وإبراهيم أحمد أبو جبل (ابراهيم الكاشف)، محمد الأمين حمد النيل، (الفنان محمد الأمين)، رمضان حسن، الخير عثمان، محجوب عثمان، عبد الله محمد، عوض الكريم عبد الله، الفنان الرائع مصطفى سيد أحمد، عوض الجاك، عثمان النو، على السقيد عبد العزيز المبارك، أبو عركي، على المسَّاح، الشاعر الكبير الهادي آدم، والمبدع الرائع الشاعر فضل الله محمد الجزيرة ولاية عبقري كرة القدم سيد مصطفي، والغزال الأسمر عمر النور، وسمير صالح، وغيرهم من كبار عازفي الكرة. في ولاية الجزيرة ومدينة ود مدني ازدهر نجم محمد أحمد محجوب ومبارك زروق والطاهر ابراهيم وعلي عبد القيوم. الجزيرة ولاية أهل الفنون الجميلة أحمد سالم، وراشد دياب، ولاية الجزيرة هي عاصمة أهل الله من أولياء الطرق الصوفية من السادة السمانية والسادة العركيين والصادقاب واليعقوباب، وغيرهم من الصالحين الذين تأهَّلوا للقاءِ الله الذي تقصر عن عظمته الأفكار، حيث تنتشر في رحابها الوادعة المدن الفاضلة والمآذن والقباب في طابت و(أب حراز) وطيبة و(سمته بار) والهلالية وود الفادني، وغيرها. الجزيرة الولاية التى تحتشد الأذكار في قلوب أوليائها الصالحين، وتنتشر في سهولها العابدة وفضائها الذاكر خلاوي القرآن المضيئة، كما تحتشد السَّماء بمصابيح النجوم. لكن ولاية الجزيرة اليوم هي أكثر الولايات السودانية من حيث عدد المغتربين خارج السودان من الضاربين في الأرض يبتغون من فضل ربهم. كما ذاب أولياؤها الصالحون يُعلِّمون الناس الفناء في حبّ الله ذكراً وعطاءً غير ممنون، كذلك ذابت ولاية الجزيرة في الفضاء الوطني، فضاء السودان، تهب المال على حبّه وتهب شبابها وكفاءاتها المميزة. الجزيرة حيث مشروع الجزيرة والمناقل (28) ألف مزارع. الجزيرة حيث مشروع الجزيرة (أبو السودان) الذي ظل يطعم كل السودان في كل دروبه منذ عام 1927م. ظل الشعار الذي ينبض في قلب الجزيرة شعار (مالكَ يا قلبي على الدُّروبِ... تبحثُ عن كل حشاً منكوبِ... تصنعُ من أنَّاته وجيبي... هل أنتَ يا قلبي أبو القلوبِ). ولم تتحدث تلك الولاية وهي أم الوطنية لم تتحدث حتى اليوم عن قسمة السلطة والثروة، بل ظلت تفني ذاتها في السودان موارداً ونخباً. الجزيرة حيث كانت رئاسة ووزارة الري ورئاسة مشروع الجزيرة ببركات وهيئة البحوث الزراعية والتعليم الذهبي في حنتوب الثانوية وبخت الرضا حيث تعلم في مدارسها نوابغ السودان ورؤساء الدول الشقيقة، عبد الله الطيب والعاهل السعودي الراحل الملك فهد بن عبد العزيز والرئيس الأثيوبي أمان عندوم وبن غانم رئيس وزراء اليمن الشمالي ######طان الشعبي رئيس وزراء اليمن الجنوبي، والملك عبد الله بن عبد العزيز ملك السعودية ومحمد نجيب رئيس جمهورية مصر وعبد الرحمن تور علي رئيس وزراء الصومال. واحتضنت الجزيرة الليبرالية الودودة الراقية المتسامحة ألوان الطيف الديني والعرقي، حيث درَّس في أرضها شيخ الطيب أبو قناية العالم الوحيد في السودان الذي كان يدرِّس كتاب (الموافقات في أصول الأحكام). هذا الكتاب الثمين أحد أعمدة علم أصول الفقه على مذهب الإمام مالك بن أنس. أولياء الله الصالحين في الجزيرة أعلام على رأسها أنوار، الشيخ المكاشفي والشيخ عبد الباقي أزرق طيبة والشريف الهندي والمصابيح أولاد الشيخ نور الدائم في طابت الشيخ عبد المحمود والشيخ الحسن ود صلاح والشيخ محمد عبد الرحمن شاطوط ومن الفقهاء الشيخ آدم علي محمد والشيخ الطيب أبو قناية، وغيرهم. في الجزيرة أعلام من التجار الوطنيين. هناك عثمان زياد ونور الدائم صالح الكرنكي وعلي علقم وشمس الدين الشافعي والخواض وبابكر سالم عثمان وعزت أبو العلا وعثمان سلمان وود الجاك وود الهلالي ومحمود دفع الله والبوشي وشدو والليثي وطه حسن إبراهيم وحسين عوض وعلي الباهي ومحمد سليمان الدمياطي وإبراهيم الريح والأمين حاج أحمد المقبول وعبد السلام حاج أحمد المقبول والسنوسي حسين النعيم ومحمد صالح جريس وأحمد عبد اللطيف وعبد الستار يسن ومحمد حاج خالد وأبوعيسى وقاسم الفرنساوي وأبوزيد أحمد العوض وفتح الرحمن البشير وغيرهم من الكرام. هناك في الجزيرة التجار (النَّقَادة) والأغاريق والشوام والهنود واليهود. هناك فرنسيس عطية وقرياقوس وصليب ودرياس وصالح باروخ، (يهودي) وعداس (تاجر يهودي) و (هاركسنداس) هندي، أولاد كُبَّارة (شوام)، و(جوانو)، و(النِّدليس)، و(أبو شمس) أغاريق، وغيرهم. ماذا حدث حقيقة في ولاية الجزيرة لتتحوَّل من جمهورية إشراق إلى أطلال. إبحثوا عن السبب في إهمال الحكومات الإتحادية المتعاقبة منذ مطلع السبعينات. الجزيرة التي عُرفت بمؤتمر الخريجين والتعليم المتميِّز والتجارة المزدهرة والصوفية الشفيفة والوطنية الطليعية، أصبحت اليوم جمهورية أطلال، لأنها أصبحت لا يبالي بها أحد بالدرجة الكافية في المركز الخرطوم. أيضاً في الجزيرة المعاشيون أشقياء. في الجزيرة أصبح مشروع الجزيرة الذي أطعم كل السودان منذ عام 1927م، بعد انهياره محتاراً (يكوس) هدَّاي. بعد أن بيعت قضبان سكته الحديدية كحديد خردة إلى (جياد)،وأسدل الستار على المحالج في مارنجان والحصاحيصا. أصبح مشروع الجزيرة محتاراً (يكوس) هدَّاي. كيف لا وقد صدَّر السودان تحت قيادة (النهضة الزراعية) هذا العام قطن بمبلغ (23) مليون دولار؟. وذلك حسب تقرير بنك السودان المركزي. ولم تزل النهضة الزراعية في عامها الرابع متأجِّجة في (المكاتب) و(قاعات الإجتماعات)، وليس في الواقع في الحقول الخضراء أو خزينة السودان أو بطون الملايين المعتفين.
سلام للناس نحن ما عندنا لا ترعة لا حواشة نحن ناس البحر ناس الشرق زمان كان عندنا البلدات . أنا صغيرة ما شفتها كان بحمونا نحن البنات نمش بنمش الجروف والساقية اشهر سوق في شرق الجزيرة سوق تمبول أمش سوق تمبول سوق االجِمال تشوف العجب العجاب هناك قالوا في مسرح للفنون في السهلة ساي بتلاقي فيهو الشاعر والطمباري والدوباي تسمع النمه تقعد ليها في الواطة تشوف واحدن راكب بعيرو وخالف كرعيه ويدوبي تباري ماك حاس بي روحك قالوا قبال سنين كان في شاعر مشهور اسمو ود الضو بجي في سوق تمبول ده بقول كلام الحِكم الناس تبرك ليهو في الواطة شان تسمعو
هسي جبته ليكم منو شي _ أمي النبيهه الحافظه الله يطول عمرها كل قعده معاها بتقول لي الما سمعتو
اسمعوا دي من كلام ود الضو :
كان جادت عليك بالبزل كافيها وكان بخلت مشت لا تجري متلافيها أسمع عاد أخوي ... أوريك عجايباً فيها دي الدنيا الغرور ما تبقى غفلان فيها ما تامن دريبا وتضحك كمان في وجيها بعد بارد نسيمها بغبرك سافيها كلمة ومعنى( سافيها __ دي السفاية تراب ناعم شبيه بالرملة ) وأنا بأذن الله برجع ليكم تاني
Post: #141 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: Alshafea Ibrahim Date: 01-04-2012, 06:29 PM Parent: #140
طه أخوي كتر خيرك ... على الصورة أو الصور ... هي تعبر عن ما تم بيعه بالعلن ... لكن ما تم أخذه بالخفاء أو السرقة منو المسئؤل عنه ؟ من البائع والمشتري في كلا الحالتين ؟ مؤلم ومحزن ذلك ... مدني وما أدراك ما مدني أصبحت نسيا منسيا بين مدن أخرى لم تكن يوما (قرية) جوار مدني ..... لنا الله من ظلم الأبعدين وهم ليسوا بأقربين ...
ود البوش المهندس عبد الله محمد أحمد شركة كهرباء الشرقية ، أبن الحلاوين الفذ بيننا .. ومعنا بالدمام هو حقا إضافة نوعية للمنبر ... أصبر شوية المهندس جايكم بما يثري ويفيد وينفع الشفيع
Post: #143 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-05-2012, 06:44 AM Parent: #140
Quote: هناك قالوا في مسرح للفنون في السهلة ساي بتلاقي فيهو الشاعر والطمباري والدوباي
رشا بت عمي بابكر سلام وتحية شرق الله البارد دا كلو ابداع وناسو سمحين وكلامن اما غنا او حكم او فكاهة فهم يفرجون على انفسهم بروح الدعابة والمرح
Quote: كان جادت عليك بالبزل كافيها وكان بخلت مشت لا تجري متلافيها أسمع عاد أخوي ... أوريك عجايباً فيها دي الدنيا الغرور ما تبقى غفلان فيها ما تامن دريبا وتضحك كمان في وجيها بعد بارد نسيمها بغبرك سافيها
دعوة لقبول تقلبات دواليب الحياة وكل زول اتعايش حسب دولابو . . شكرا جزيلا رشا ودائما نتوقع منك الكثير
Post: #142 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-05-2012, 06:31 AM Parent: #139
الحبيب عادل خياري سلام وتحية شكرا جزيلا لهذه الاضافة التي حرمت من سماعها بفعل ناس اي تينا لكن بسمعا بالليل بعد ضحوتن دي تنتهي تاني دايرن مني شئ . . نضال دي بتكون قالت كلام زي الغنا والله صحي دائما خليك داب وردة يا عادل دارق دارق يا عادل لكن ما تحورما
وين الناس المشاركين في الحواشة دي بعد كدا طلبتا لا اكلت لا شربت . . المفتش عامل فيها متواضع قعد مع المزارعين في الوطا اتونس معاهم وفجأة كدا قبل عليهو ود الجار عودو وقال ليهو : والله ياسيد السنة الفاتت لقيت فينا طريقة وطلبتنا لكن علي الطلاق السنة دي كان ظرت طووووط ما تلقى فينا طريقة
Post: #145 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: اسامة دفع الله ابوالحسن Date: 01-09-2012, 01:37 PM Parent: #144
العزيز عبد الله ود البوش والاخوة الجزيراب اهل المنجل والطورية والواسوك واللبقة والتقند والناكوسي وابو عشرين شكرا نبيلا اخي عبد الله لافتراعك لهذا البوست الذي انتبهت اليه اخيرا الجزيرة جزيرة الخير كما تحلو لنا تسميتها التي اعطت السودان بدون منا ولا اذى في زمن لم يدخل في قاموسه السياسي مصطلح قسمة السلطة والثروة وحينما داهمها الاعصار والاعسار لم تجد من يقف بجانبها لكن بأذن الله عائدة الى ماضيها بعزم وعزيمة بنيها. الجزيرة هذه البقعه الطاهرة من الارض شهدت طفولتنا وبواكير صبانا ومازلنا نتعفر بترابها حتى يريد الله بنا امرا كان مفعولا من جنوب الجزيرة ومن ارض البرياب تلك القرية الوديعه التي ترقد علي ضفاف الازرق الخفاق كالهمزة علي الالف كتشبيه عمر الحاج موسى كانت النشأة الاولى وبرغم تنقلنا في ربوع السودان المختلفة بحكم عمل الوالد لكن كانت الجزيرة والبرياب بالاخص في الوجدان والخاطر. البرياب هم احفاد الشيخ علي ودبري وعليهم تم اطلاق الاسم علي القرية والشيخ علي ودبري عالم من أعلام الصوفية اتى ابناءه من منطقة نهر النيل منطقة الجزيرة نسري وحجر الطير حاملين لواء القران ناشرين علومه في كل بقاع السودان غربه وشرقه وجنوبه وحتي الدول المجاورة. مابين النيل والباجور ( الحواشات) والبلدات (بكسر الباء) كانت الطفولة. مابين السباحةعلي ضفاف النيل وصيد السمك وبين الملود والطورية والجراية والسلوكة في الحواشات والبلدات والجروف والبقر (بضم الباء)كنا نقضي نهارات العطلات المدرسية. اكلنا الموليتةوالفقوس والتبش بالشطة والليمون والحميض وام بنا والسينات والكسرة البايتة بالموية والشطة والملح علي طرف التقند وابوعشرين اصطدنا البلطي والبياض والقرقور والكاس والتامبيرا والبردة والقرموط من النيل استخرجنا الترتوس والدامبوية وكعكول الصمغ من جذور وسيقان اشجار سنط غابة قوفة. نصبنا شراكنا في الخريف للطيور بكل انواعها القمري البلوم قدوم احمر قدوم اصفر الادرو والابقير شركنا بشرك السبيب وبالقلابة وبالشبكة. اتعشينا بالويكاب وملاح اللبن (التربيقة) والتمليكة وام بق بق والفطيرة باللبن وعصيدة الدخن في ليالي الشتاء وعلي ضؤ القمر. لعبنا شليل وشدت والرمة وحباسها وسك سك الشفيع اخوي يدك معاي عشان نعطي منطقة جنوب الجزيرة حقها من تالا ود الحداد جنوبا لبركات شمالا ومن الحوش غربا الي المدينة عرب كل مناطق هذه البقعه المنسية. اخي علي البصير زاملني في مدني الثانوية الاخ عبدالوهاب عبدالقادر من ود مقبول كما يجاورني الان بحي الزمالك بود مدني الاخ صلاح البصير لو في العمر بقية انشاء الله لي عودة اخ عبد الله
الاخ اسامة دفع الله ابوالحسن يا سلااااااام ياخي بصراحة مداخلة عجزت كيف ارد عليها لانها ما بتتصاقع كلو كلو ولايسعني الا ان اديك برواة وبرنجية البوسط دا
Post: #147 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-09-2012, 09:43 PM Parent: #146
Quote: وين الناس المشاركين في الحواشة دي بعد كدا طلبتا لا اكلت لا شربت
أنا أخوك إت 53 سنة يا عبد الله أخوي ما اطلبت لينا حواشة .. قاعدين لكن زنقة الاختبارات حاصلة .. رغم ذلك نواصل
Post: #148 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-09-2012, 10:21 PM Parent: #147
أها وبما إنو الكلام عن الحلول ( جمع حلة - قرية ) أي زول رايحة ليهو حلة إفتشها هنا وقول بسم الله بي محلية الكاملين بتري -- الباقير الوراني -- الباقير القدامي -- حلة حسين -- الجديد الثورة الدبب -- الباقير المحلج دار السلام -- المرخيات -- السرحات -- أراك الفكي حسن -- حبيبة -- بانت الكواهلة السرحات -- الثورة داؤد -- مهلة الحسناب -- الفراجين -- ام جواميس -- دبيسة العوامرة السديرة الغربية -- الحجيبراب -- بشارة المسلمية -- القعلة العوامرة -- الفخيخير -- السديرة الشرقية الحلقي العقليين -- ود كردة العقليين -- الحفاير و البساطاب -- أبو حبرة العقليين -- الحضيراب -- الفدقوبة الرواينا -- طابت العقليين -- القلعة شتيم -- امام دقير -- المسعودية -- الشقلة عوج الدرب النوبة -- المعيلق -- المرضي حاج حمد -- النابتي -- الخلوات -- كجنة سليمان طيبة الخليفة -- توير -- كاب الجداد -- بركات -- الذاكرين -- أزرق السريحة -- المحيريبا -- الفدقاب -- ام دخن -- الشوتلاب -- حلة موسى ود أفرش السعداني الحلاوين الجملون السعدانة الدبيبة عبد الله عبد الملك العمارة الجموعية ام مرحي الشيخ الطيب -- الريحانة -- طيبة -- الدبيبة الدباسين -- بيضا -- الشقائق عبد الله السروراب -- ام شديرة -- النويلة -- العمارة عبد الرحيم -- العقيدة الدباسين -- رويانا سلامة حلة عباس -- الجابراب -- التكلة حمد -- الكحيلاب عجبنا -- عديد ابوعشر -- اللعوتة الحسانية الجميعابي -- الهدي ود العجب -- طيبة النعيم -- طيبة حسب الله -- ابو جديان -- حلة حاج عمر اللعوتة العوامرة -- صارقير -- بلالة -- المسيد -- ألتي -- ودخراش القوز -- الغابة -- القرضات -- أم مغد -- ود بسري -- التكينة العزازة -- جدة حكيم -- الحفير خير الله -- زالنجي -- أرض الشفا -- جرما والميعة الحلفايا -- الهبيكة -- أم القرى -- عد الغنم -- البشاقرة غرب -- فضل التكلة رفاعة -- التكلة أبشر -- كاتب -- ود بلة -- القلقالة -- ود الترابي العمارة عبد الله -- خيرات -- الرباط -- ام وزين -- الكسمبر -- الحليلة الشيخ موسى كلكول -- الكمر طابت -- ابروس -- حلة حمد -- كبيد -- سارا ودالمحنة -- السنيط -- ود الماجدي -- ام دقرسي
Post: #149 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-09-2012, 10:54 PM Parent: #148
قرى محلية الحصاحيصا اربجي -- ام دغينة -- عمارة ابيد -- ود شنتور -- قوز الشكرية -- قوز كبرو -- قوز بخيت -- ابو جويلي ود هجا -- ود سلفاب -- ود السيد -- ود الفادني -- ام القرى -- الدوينيب -- الكشامر -- الفقراء --الراحلاب -- ود شمو -- العوامرة نايل -- العيكورة -- العمارة طه -- النديانة -- ود بلال -- البقيع -- سعد الله -- حلة حمد -- عبد الجليل -- ودساوي -- التبوب أم عود -- أم دزينة -- طنطا -- الخولاب -- هزاوي -- نجرو -- الطعيماب -- ابو ريش -- الطالباب -- الكوع -- الشاوراب قنب -- الحليلة بانقا -- حاج السيد مرزوق -- البطاحين -- الشيخ البصير -- استرحنا -- التميد -- مصطفى قرشي -- مناقزا -- ابو فروع شرفت الحلاوين -- الشجرة ابوسير -- طيبة القرشي -- التكلة جبارة -- حبيب الله -- ام سيالة -- ودبهاي -- كندوة -- ابو شنيب سليم -- النقرابي المسلمية -- جاد العين -- ام كيعان -- جابر -- خيار -- ود الأمين -- دار النعيم -- ود شنينة -- شكيرة الوادي مقدر -- تميرة -- الحداحيد -- المنسي -- شكيرة حاج الصافي -- شكيرة الحليواب -- ودبترو -- صافية -- ام سنا محمد عبد الله -- كتفية -- ام قرقور -- ابو كرنة -- عجان -- ام وزين -- انجمنا -- ود البصير -- ابارا -- الشبشة -- قوز عبد السلام منى -- الفوار -- ام كوراك -- ام حمد -- الولي -- بحر العلوم -- كافي -- طابت -- ود بلال -- ابو كساوي -- الجميلية -- العركي العتامنة -- الريداب -- ام بوشة -- حسب الدايم -- الفاشر -- ام تريبات -- ام طرفايا -- كتير مساعد -- حلة سعيد -- ام جريس معيجنة -- التكلة اولاد حامد -- أبو عدارة -- ود البليلة -- الفريجاب -- ام مرحي الشيخ علي -- فقنا -- قوز الرهيد -- الكفتة -- العمارة علي عبد الله دار السلام صليحاب -- الكريمت المغاربة -- السعلاب -- ود الحليو -- الرفاعيات -- ام مليحة -- الزهراء -- ام دوانة الحامدة -- ام دوانة الضباب صراصر -- قصيصة -- عبد الكريم -- الحماداب -- ام عضام -- الراشداب -- حلة خضر -- العمارة كاسر -- ام دليبة -- الزبيرات غريقانة -- القلمونا -- اللعوتة الماحي -- عبد الفضيل -- وادي شعير -- الجزولي -- طيبة المصري -- المريبيعة -- حفير مكي فرج الله -- ابو طليح -- ود مالك -- تنوب -- فطيس -- الكبر -- المناصير -- نايل -- ود حسين -- عبد الرحمن -- بيلة -- ابو قدوم قوز احمد نور -- ود كري -- شاع الدين -- مريود -- شاذلي -- الفضليين -- قرضاية -- العقليين -- ام جلود -- ام دوينيب -- القدير ود الهبيل -- ام كويع -- ود عجيب -- ام سدرة -- كترة -- بجيجة -- القليعة -- ام عويد -- عد الشيخ علي -- عد الفكي عبد الله -- العمارة الشيخ الطيب ابو نوة -- عد خير الله -- حجاز -- ابو ندودة -- الجموعية -- الكمير -- الصوابات -- ابو سنينة -- جندية -- ارتميلي -- سعادة الكواهلة ود بحار -- اللويبدة -- ام كرارة -- الدناقلة -- الفيل -- الكاهلية -- الصديق -- القكي حامد -- قوز الناقة -- الزلم -- العامة -- الطيار السويل -- افطس -- الكلاكة -- القويز -- احمد يوسف -- الحميراء -- علي مضوي -- الشلال -- حلة الشريف -- العبدناب -- العزازة -- الاشقيراب الربع -- السواجير -- ابو جن -- النخيرة -- عيسى موسى -- كتير العوامرة -- المنصورة -- الإريك العامري -- ام سنيطة -- ابو خدرة استعن بالله -- الشيخ بلال -- الغبشان -- ام ورق -- ادريس مصطفى
Post: #150 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-09-2012, 11:36 PM Parent: #149
قرى محلية جنوب الجزيرة حلة حسن -- الخوالدة -- عيسى الطاهر -- عيسى حمد -- بشاير -- العركي -- عبد الغني -- ود الخير المنارة -- ود العباس -- عسير -- عبد الباقي -- العضيم -- ود المقبول -- القضيضيم -- الرميتاب قسم الله -- شمعون -- دار اليقين -- ود العمرابي -- ود ديومة -- نعيم الله -- رزق الله ود العطايا -- ود المبارك -- ود شنان -- ام الخير -- ام تريبات -- الفايدة عزيزات -- مهلة رجب الفوايدة -- الروف -- الحوايدة -- ود نعمان -- ود حسين -- اللعوتة -- الطيارة -- ام حمراء -- الكمجرة الدباسين -- نور الهدى -- الكترة -- التومات عباس -- الكراتب -- ود جمعان -- ود سيد -- رغوة جبر -- الجميلة -- ابو دقن -- الشقيلة -- العقيدة -- العقدة الجموعية -- ود الماحي -- ابو قمري -- روينا عوضية حاج الطيب -- حلة داؤد -- طبقة -- ود المنير -- خواجة -- ام عصيبة -- النوراب نسيم -- الزنابدة -- الشريف مختار -- العمارة فحل -- عرفات -- دار سالم البدري -- ود المضوي البشاير -- فحل -- الفقيراب -- شبونة -- الشيخ حسين -- ود الهندي -- ود الكواهلة -- ود المعاك الصواردة -- صديق -- شنان -- الدوحة -- تباخة -- ود النو -- عمارة الخوالدة -- طيبة وازن -- الشريف الدسيس الفقيرة العويضات -- الدليبة -- سلامة -- ود يحيى -- المسببة مناها -- البرياب -- الربوة -- اركويت الخور -- كدينة -- قدس -- الفقرة -- مؤمنة -- السواكنة حامد -- العمارة هجو -- الشكابة طه -- الشكابة الجاك الشكابة شريف -- الشكابة حامد -- البيلاوي -- مكنون -- مدفعين -- سابع ود لين -- حلة نصر -- بلين -- داري الحاج حسن موسى الخليف -- العمرية -- ود الحوير -- اولاد يس -- الشقلة بابكر -- نقاش -- ود ماهل -- قنديل -- ابو سفرة جلركو -- الدنيقيلة -- سمبتار -- ليمون -- نوارة -- هزيل -- كمر الشدايدة -- الشريف صالح -- بنات بشر -- ام حجار نصر الدين -- ام قزازة -- بيضاء -- دقيس -- الراجو -- ام عدادة -- مزيقيلا -- الدومة -- بانت -- فارس -- ام صلحة دقلاس -- الراعي -- ود الحداد -- البستوني -- هلال -- عمارة النصري -- الجمرية -- قندال -- ودبكومة -- الحجيراب الهبانية -- ام دلكة -- الحجراب حصاحيصا -- الرويس -- ود بخاري -- شندي فوق -- بانقا -- ام كتر -- ام شجرة -- ابو سعدية ديم المشايخة -- سريرة -- السلمية -- القريقريب -- العزازة -- الطلحة عوض الكريم -- باشكار -- طيبة الشيخ عبد الباقي -- قسومة كركوج -- مساعد -- السوريبة -- الشكابة شاع الدين -- الكمر آدم -- الكمير -- فزاري -- حلة حامد -- ام بشير -- ام رواج حمد النيل -- ود النور -- ود عشا -- حاج علي -- قنب الاسد -- انبسطنا -- ود النو -- محمد نور -- سليمان الحاج عمارة ضيف الله -- ود حيدر -- عبد الدايم -- ابو سوري -- حاج مصطفى -- ود النعيم -- شلعوها الجعليين -- ود الضوء العركيين ود الليثي -- ود الشافعي -- درويش -- الفكي هاشم -- حاج النور -- سعد الشفيع -- كمر الجعليين -- امري مساعد -- ود حميدان المخيرف -- الصفا -- ود شمة -- المدينة عرب -- الشايقاب -- دار العمدة -- ودحسين -- الردمة -- مهلة -- الطلحة ودالطريفي ابو سنينة -- العمارة يوسف -- تبلت -- ود الجمل -- الوراق -- قمبو -- بيكا -- ود رحيل -- دار السلام -- حلة فرح -- البطاحين عبد الحكم -- الرقلة حماد -- علم الهدى -- بيضاء -- حليوة -- بورتبيل -- ود العشا -- عبد الحفيظ -- حلة حمد الخوالدة -- دار النعيم ود البكير -- ود ربيعة -- ود جليد -- الكواهلة -- الجبلية -- العمارة محمود -- ود شاور -- بهاء الدين -- ابراهيم عبد الله الشليخة -- ام جير -- محمد زين -- ابو حجير -- ام مرحي حسن -- الابيضاب -- جبريل -- حلة موسى -- ود البر -- عبد الصادق محمد طويل -- العلقماب -- الخشم -- جوادة -- ود رحمة -- شلعوها الخوالدة -- الشبيك -- البخيت -- حلة سعيد -- ود مطر النويلة -- زونقاحة -- شرفت الخوالدة -- عوفينا -- الشبيراب -- ابو حراز المقاديم -- المنورة -- كترة حمدان -- ود مرزوق ود الجالب -- الصراف -- الهجليجة
Post: #151 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-10-2012, 00:03 AM Parent: #150
محلية المناقل عتقي -- دار نايل -- عشم الله -- ود الشقل -- ام طلحة -- الشكينيبة -- قوز الشيخ الجيلي العمارة البخيت -- الشليخة المصطفى -- حميرات -- اللتب -- البراقنة -- البريكات ود قنجاري -- طيبة القولاب -- اريطل -- قارو -- ود حمد -- الولي الحجر -- ام مليحة النفيدية ام قرقور -- ام جن -- بانت الصابونابي -- بانت على حامد -- قرية خالد -- ام الأجور -- دار السلام العزازة -- العمارة الكتياب -- ام سريرة -- العمارة سراج -- الحصاحيصا النفيدية -- العمارة عبد الله نعيم -- نوارة -- بشاير سليمان -- كضيبات -- الرضي -- الأغر -- كادوس -- ابورويشد بربيرة كتري -- زحل -- الله أدانا -- طيبة وقيع الله -- سليمة -- المراريت -- ام حجار المكاشفي -- قبوجة الفردوس -- القلعة -- الرانجوك -- مبروكة -- سقدي -- مهلة -- الحجيرات -- الحسانية -- ام جديان ود اللبيح -- اولاد جامع -- عبد المحمود -- العشير -- دار السلام -- مريحلة -- مطيرة -- القلعة -- كرري طيبة جابر -- ام سديرة -- ابوزمام -- الروضة -- ضقل -- برغول -- الدشينات -- سقيدة -- الرخيمة العديجة -- بانت -- النو -- الشقلة -- ود رويبح -- ام باجبار -- عدار -- القليز -- بلومة الفومة موية -- شكير -- الشكرية -- المطيمر -- ابودون -- شاكرين -- الكبير -- ود المراد -- السانية -- الثورة العمارة عبد الله -- الفقوسة -- ود بلة -- ود سعيد -- ود النبيهي -- الدويرة -- ام دكت الجعليين -- ام دكت الدار العبطة السنيط -- العبطة حسين -- ود تليب -- ود الجترة -- ود سراج -- ود النورة -- التحاميد -- الخروعة -- مهيلة حفير الصافي -- العشرة -- عراق -- القلعة جمال الدين -- ام شديدة -- القلعة عوض الجيد -- الياس -- الطرفة -- الشويرف العمارة علي -- السرارة -- ود آدم -- حريدانة -- الشطيطة -- كترة حسب الله -- كترة يحيى -- مسعود -- طيبة زايد ود رزوق -- الكريمت العركيين -- ابرق -- العوامرة -- ام دغينة الركابية -- الفكي بشير -- البضاء الجديدة -- السريرة ام بعيبش -- الزريبة -- العمارة كرم الله -- شاشا -- الفرجاب -- الفخاخير -- كمل نومك -- ود الأمين ضوء الأحامدة -- ود حلاوي -- ابو عجب -- الطقيع -- الحماداب -- الحمرا -- العمارة عبد الباري -- بشاير الفكي الأبيض -- ود طرفة -- الخير بجيك -- ام شديدة البديرية -- كمر الزين -- البعاشيم -- المسارعة -- ابوعون الطائف -- ام ذكرى -- القفيل -- سوسيوة -- الهدى -- القلعة حمدون -- القلعة نور ايوب -- العديد -- ابو سور الحفاير رحمة -- الحفاير رحمة -- الحفاير عبد المجيد -- سرحان -- العدناب -- سنيبرة -- ود كوكو -- القلعة الجبارين مبروكة الشفيع الطيب -- طيبة النور -- عثمان فرح -- طربانة -- الجميلية -- الدنيقيلة -- ود أغيبش -- طيبة البشير العقدة المغاربة -- عجب الدار -- ابوقرون -- السديرة -- المحريبا بلال -- عوض العليم -- مهلة عبد الله -- شندي الواصلاب الدبيبة -- الكارناب -- ود الجمل المغاربة -- ود الجمل السلام -- الطندبة الجعليين -- طيبة كمال الدين -- هجرس العركي -- ود الزين العبدناب -- الشليخة المغاربة -- العمارة وداعة -- ابو عجب -- ود سعد الله -- مهلة الحاجاب -- طابت الحاجاب -- دار الفرح -- هجرس العشا هجرس البلال -- ود النعيم -- بانت الضياباب -- بانت ابودقن -- دار المزيد -- سراج -- مالك -- الدبيبة المهدي -- دار السلام رزيقات ام ضبان -- قوز محينة -- كترة داؤد -- الرفة -- عبود -- ود عابد الخوالدة -- النقير -- امبجيك -- ود محمود -- عبد الغني ام دغينة التوم -- الطليح -- ام حجير -- البابنوسة -- بقادي -- الدقيساب -- صقير -- الطليح جبارة -- النمير -- الحرقة مشيري -- القرياب -- ام درمان الجديدة -- الدبة شرق -- الهشابة مشيري -- شرفت -- ام تريبات -- اللحويين -- ابو رقم معزة -- ام هجليجة -- خدر -- سعدان -- ام سنيطة -- العزوزاب -- مطيميرة -- ابو حلقة -- ودعمر -- رحمة الكوة الجديدة -- البالطاب -- ام روب الجديدة -- واصلة -- الزيادية -- العديد -- غنيوة -- ود المكي -- ام اصلة -- القنابيل عبد الرسول -- ود حسين -- الماطوراب -- احمد المصطفى -- الحفاير -- بشير -- ابو حواء -- حلة عمر -- ود الفضل أبو مريخة -- كرتوب -- ود العريكي -- المجيقة -- معتوق -- العطشا -- قنيدة -- صبابة -- العمارة فضل السيد -- العكرة النوراب
Post: #152 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-10-2012, 00:08 AM Parent: #151
أها يا ود البوش الليل هوّد والفينا كملت وكان حيين بنتلاقى ونواصل
Post: #153 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-10-2012, 06:39 AM Parent: #152
طه ود عمي ابراهيم مليووووووون سلام مليووووووون سلام حرم آ جنا النجاضة الدخلا فيك عمي ابراهيم ما تمرق منكن لا جنا الجنا عليك النبي قلت لي 53 سنة حواشتكن ما اطلبت ؟ حرم رجال يعني انت وابوك شبعتوا ربع ناس الخرتوم رغيف طوسطة وموية ساقطة من دفيس القصب بس والتبن والباقي روح ختر للخواجات قطن طويل التيلة صااااافي من البالة وللسبتالية طوالي شاش نضيف لا قرود ولا دفيس حرم بكتيني آ جنا عديل كدي .... هييييييييع ديل اهلي ارحكا آ جنا علي الحلول دي النعيد سيرتا اللولة آ جنا أهلنا خلاس مقطوعين الضكر ديل ضاموهن وقطعوا مصارينن الله لاكسبن ولا غزا فيهن البركة . . . طه أخوي بعد القليع واللم والحرق والكنس بمش المكتب اسجل ليك الحواشة دي عن المفتش بكري ابوبكر خلاس ؟
Post: #154 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-10-2012, 06:51 AM Parent: #153
طه ما انزلنا عليك الذكر لتنسى شرق الجزيرة رفاعة الحضارة والعلم تعال صاد لتكن شرق الجزيرة مسك الختام وبعد كدا انا بجهز الباظ ونمشي سيرة للحلول دي كلها السيرة كبار وصغار اولا وبنوت وحبوبات واغنوا بين الترع وامات عشرينات سندريا ري وا سمارنا . . في سنااااااار في سناااااار انكسر مسمار وصلحوا العمال عمال البلاد داك وكب لي جالون ما بكب ليك الطرمبة هديك ما بعيدة عليك تمشيها بكرعيك ونطلع العالي وندلا بالدقداق
Post: #155 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-10-2012, 10:06 AM Parent: #154
شرق الجزيرة ( شرق الله البارد ) الشرفة بركات -- الشرفة الفوق -- الشرفة البحر -- الفردوس -- الكميلاب -- الحمدلاب الكواهلة الحمدلاب الشكرية -- القلابيس -- الحدبة عبد القيوم -- الحدبة مصطفى -- الطالباب -- ابو جلفة العوايدة -- العريباب -- الهبيكة -- الصبوحاب -- الأحامدة -- الرفاعيين الفوق -- دلوت القوز دلوت البحر -- الرفاعيين البحر -- العزيبة -- الصقيعة -- صفيتة -- ود مرحوم -- عمارة الجعليين بانت -- التكلة شاع الدين -- التراجمة -- ام القرى -- حشيش -- ام حريزات -- قرفة -- ام تلاتة ام عشة -- اللعوتة -- حمدت الله -- الرضمة -- ام عكش -- ود الامين -- ود الشفيع -- ود آدم -- ود ساقرتا الفولة -- الشناتير -- الصفا -- الغنوماب شاع الدين -- ود شمعون -- السيال -- البلعلاب محمود -- البلياب ود الخبير -- السروفاب -- اللعوتة البلعلاب -- الجنيد الحلة -- الجنيد البيارة -- طيبة -- العك -- ود السيد البويضاء -- الجنيد المصنع -- التضامن ودسرو -- ود العشا -- ديم الياس -- ود غلوقة -- الهجيليج -- الكديوة -- الطلحة الفرحاب الطلحة المعاضيد -- قرية المغاربة -- الجقوقاب -- الغنوماب -- الحسين آدم -- زمزم دكين -- عطينة -- الجعافرة برنكو -- عد الشيخ جماع -- الحضور -- ود النور -- تابي وتاي السيد -- القطاطي -- الكاملين شرق المتمة -- المغاربة -- ديم جاد كريم -- المحس العمراب -- المحس الرقيبة -- الفادنية البويضي -- بلولة ابو شمال -- ود عشيب السيال -- العيدج -- التكيلات -- جزيرة اولاد محمود -- البشاقرة شرق -- المقاريت وداعة -- المقاريت رفاعة النابتي -- الركيب -- قوز حماد -- عد النور -- البعابيش -- القدوراب -- الترية -- الطالباب ابو جيرة -- الزرقاب صالح الحماطرية -- الشويماب -- القرشاب والدليلاب -- الشيخ مكي -- الخطوة -- ود مكاوي -- ود الراكب -- الرزقاب القبة الشاوراب والمحيريبة -- السمرة الخلفلاب -- الحنيات -- المسلمية -- ابو قرجة -- البروراب -- الخضراب -- ود راوة الهلالية -- تمبول -- الهشيبات -- ود نايل -- الداماب -- الرحاب ود الرضي -- ابو حريرة -- الحمراب -- السيال انجضو الجنينة وام روب -- ود حرز الله -- ام شنشين -- الحموراب -- ابو مليحة -- القراعة -- بريدة -- العمراب النيب -- الحواء -- ود ابو شام -- السكيرانة -- الغنوماب عبد القادر -- ام حجير -- الغنوماب السيد -- الموسياب المهيدات -- فضل الله جبريل -- النصوراب -- مقيعيرة -- كوير موسى -- ود أكرت -- الحار موسى -- ود الكباشي -- القليع سر الكل -- الدناقلة -- ود الفضل -- بيكة -- قنيفة العفصة -- ود ابو عشر -- الهجرة -- ترير -- جفونة --حداف الفادنية -- الطليح -- غريقانة -- الحمدلاب -- الطندب -- الحسناب -- الاسيد ود موسى -- ود عركي -- ود ابو عاقلة بدينة -- ود جودات -- زرقة -- كريعات -- مبروكة -- ود الحسين -- الكميلاب -- ود الهميم -- عد الحاج -- الحشيشاب عد خضر -- العمارة -- مكنون -- عد الغباش -- فاتحة -- القبة العفصة -- الاعوال -- البادياب -- الكتوباب -- الجبوراب ابو تريمة -- الغسيناب والسالماب -- الكاهلي تايبين -- الكاهلي زيدان -- السعدية -- التبيب ابو ضريس -- ام طرطارة ود البر -- حلة الخليفة -- الحاج موسى -- عمارة البنا --الربدا -- عد الشيخ -- كيران -- قوز الشخيباب -- قوز البطاحين القرعا -- ام كتيرة -- الناجي -- الفعج البشير -- كمر البطاحين -- كمر عليش -- كمر ود حمد النيل -- الفعج حمد الله ود ايوب -- عبد اللاه -- ابو الحسن -- حلة التوم -- روينا العركيين -- السعدوناب - الشنابلة -- مبروكة -- كروراب كعورة -- الرميلات -- رغوة -- ضحوى -- طيبة السبغيين -- الميعة ود بابكر -- ود الفادني -- ام شانق -- مرزوق ود الكاشف -- المعلياب -- ود قراض -- التبيب النافعاب -- التماري -- حران -- القلعة البيضا -- الجرابيع -- الشريف يعقوب ود هلال -- القرية 23 -- القرية 24 -- القرية 26 -- القرية 27 -- المسارعة -- الحريز -- ود عمار -- ود المادح -- اللالوبة الطينة -- العين -- ود فقيشة -- ود الريد -- عمارة النفيدية -- ود العجيل -- الرحمانية -- حفيرة -- الخياري -- المحكرة الرصرصة -- الطلحة ود النذير -- مهيلة -- كرجابة -- القرية 31 -- القرية 32 -- القرية 33 -- القرية 34 القرية 35 -- القرية 36 -- القرية 37 -- القرية 38 -- بانت شرق المصرف -- طيبة شرق المصرف -- المغاربة شرق الكنار الكواهلة المرغوماب -- الفردوس شرق المصرف
Post: #156 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: اسامة دفع الله ابوالحسن Date: 01-11-2012, 07:51 AM Parent: #155
Quote: الاخ اسامة دفع الله ابوالحسن يا سلااااااام ياخي بصراحة مداخلة عجزت كيف ارد عليها لانها ما بتتصاقع كلو كلو ولايسعني الا ان اديك برواة وبرنجية البوسط دا
الاخ عبدالله عوافي ااازوول اطراءك تاج يزين راسي وفوق من اجل الجزيرة اسامة
Post: #157 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: Alshafea Ibrahim Date: 01-11-2012, 08:36 AM Parent: #156
ود البوش وطه وضيوفكم سلام بهذا أنا الشفيع أعلن بكامل أهليتي الناقصة والمقصرة في حق الجزيرة وناسها أعلن عن نيتي ورغبتي في شراكة طه ود ابراهيم في هذا الإبداع والتمييز الفريد مع ود البوش ، شكرا طه فأنت (بحر) ما ليهو ساحل فات القوم بمراحل - ما بنقدر عليهو ... الأخ أسامة : شكرا للإضاءة السريعة عن البرياب والمشروع والبلدات وقوفة والأزرق والسهلة والمهلة والدانبوية والموليتة وأم تكشو والسخينة والروب والكسرة البايتة ، السباحة ايام حرارة الأجواء على صفاف الأزرق الرملية ، وسمك الدميرة الذي يدخل البيوت عن طريق أكثر من منفذ ويكون متاحا للصغير والكبير .. راجعين الشفيع
Post: #159 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-11-2012, 12:58 PM Parent: #157
أختنا رشا بابكر سلام جاك وتعالي صادة
Quote: نحن ما عندنا لا ترعة لا حواشة نحن ناس البحر
وذلك باستثناء حواشات سكر الجنيد والسكر دا بحد ذاتو حكاية وفي الأصل شرق الله البارد دا كلو سكر Sugar الناس والأرض وحتى الدواب عندي قريبي يعمل مساعد طبي (زماااان) تنقل بين ابو عشر وودراوة والهلالية وهو من قرية القليع في ريفي الهدى (غرب الجزيرة) أهلنا في القليع والعقدة وعجب الدار تربطهم علاقات رحمية متشابكة مع ناس ود راوة وما يميز الناس ديل إنهم جميلين وسمحين - خلقة الله كدا - أها قريبي دا عندو رأي إنو أي زول سمح خلقة فيه نفس أو ريحة من سيدنا يوسف عليه السلام فكان يقول إنو سيدنا يوسف دخل القليع وما قعد ... بس شرب موية واقف على طولو ومشى وكذلك فعل في العقدة .. أما في ود راوة قعد يوم وليلة وضبحو ليه كمان إنتو قايلين حكاية الحصحاص حلاوة دي قالوها كدا ساااااااي
Post: #160 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد عبدالرحمن Date: 01-11-2012, 01:33 PM Parent: #159
ها جنا طه ودابراهيم
عفيتك منك عفوا يلازمك يبقى ليك ضل .. بالله كلما تقرا اسم حلة دقات قلبك تزيد وعيونك دموعا تحجب النظر ..
ها ناس هووى ...يمين الما من الناس ديل حقو راح ...حبابهم الحنان
Post: #161 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-11-2012, 02:00 PM Parent: #160
محمد عبد الرحمن حياك الله يا أخي الجزيرة وسيعة عدد كبير من القرى لم أوفق في ذكرها منها القرى الكثيرة حول ود مدني وهي قرى مشهورة تكفيها شهرتها وفضل ناسها مثل فداسي - ود المجذوب - ابو حراز وما جاورها .. إلخ وهناك رئاسات الأقسام الزراعية والتفاتيش وهي أماكن ذات تأثير كبير في مجتمع الجزيرة وتاريخ الجزيرة وخاصة في حياة أولئك القادمين للعمل في مشروع الجزيرة من خارج الجزيرة .. إذا ربنا يسر الأمور وصاحب هذه الحواشة أدانا فيها فدان فدانين نزرعن جنينة حقت صور إن شاء الله نجيب صور للعديد من هذه الأماكن لك تحيتي ومودتي
Post: #162 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-12-2012, 09:03 AM Parent: #161
أها يا اخونا طه ابراهيم بقى توثيق ولا ما بقى اسع لو ائ واحد كتب اسم حلتو في محرك البحث كررررررر ايجبو هنا ترسي توثيق لي جنا الجنا من البداية لمن قلت توثيق يا طه طرت لي في حلقي قلت توثيق برا توثيق برا ملاح لحم معاك اها جاك كلامي . . الكنابي يا طه قد تكون جزء من القرى ولكن بعض الكنابي الكبيرة انفصلت من القرى وكونت وحدات قائمة بذاتها بها مدارسها ومراكز خدماتها وبعض الكنابي تجمعت في شكل رقل كبير تعال راجع ووثق للكنابي هذه الشريحة التي خدمت مشروع الجزيرة وهي شريك فعال في عجلة الانتاج ولها دورها الهام في مجتمع الجزيرة
Post: #163 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-12-2012, 10:24 AM Parent: #162
عبر الايميل مشاركة من صديقي عبدالمطلب محمد عبدالرسول وصفها بالمتواضعة رغم دسامتها:
Quote: الاخ الفاضل / عبدالله ودالبوش
لك التحية والتقدير
أهنئك على هذا البوست الرائع (الجزيرة حلولنا وكنابينا) وكما وعدتك ارجو ان تقبل مني هذه المساهمة المتواضعة التى كتبتها على عجل وفاء بالوعد وارجو ان اساهم بالمزيد حالما يخف علينا (حمل الدوام التقيل) ... ولك تحياتي مجددا .... عبدالمطلب محمد عبدالرسول
قرية الدوحة تقع في جنوب الجزيرة غرب مدينة الحاج عبدالله وجنوب مدينة الحوش وتتبع اداريا لمحلية الحاج عبدالله التي تبعد عنها حوالي 18 كيلومتر وتبعد عن مدينة الحوش حوالي 12 كيلومتر ، وتعتبر من اكبر القرى في محلية الحاج عبدالله وكان الساسة سماسرة الانتخابات يعولون عليها كثيرا في الترجيح بكفة فوزهم ويكون عهدهم بها تلك الليلة الخطابية فقط ، عدد سكانها حوالى 12 الف نسمة
وقد ذكر في طبقات العارف محمد ود ضيف الله ان الدوحة هي موطن الشيخ بانقا اب يعقوب ( المنطرح الجاب الطريق بالضبح) وقد سمعنا من القصص التي رواها اهلنا ان الشيخ تاج الدين البهاري اراد ان يختبر من يرغب في سلك الطريق فأقام خيمة بداخلها خرفان وامر من اراد سلك الطريق ان يمر من هذه الخيمة وقام احد الشيوخ ودخل الخيمة وقام الشيخ تاج الدين البهاري بذبح الخروف وظن الناس ان الشيخ الذي دخل الخيمة قد ذ’بـح وخافوا جميعا الا الشيخ بانقا الذي قال (انا توراً كمل كراه فمما اخاف؟) وبذلك سلك الطريق واقام في قرية الدوحة تحت شجرة لاتزال قائمة حتى اليوم وقد قيل ان تسمية الدوحة أتي من تلك الشجرة وقال لنا اجدادنا ان الشيخ بانقا قد توفي فيها وهو ما قد ذكره محمد ود ضيف الله في طبقاته.
ويتضح من هذه القصة ان الدوحة عمرها اكثر من خمسمائة سنة لان الشيخ بانقا قد ظهر بعد دولة الفونج السنارية 1505 ، وتعتبر قرية الدوحة من القرى الرائدة والنموذجية في المنطقة وكانت سباقة في مجالات التعليم والخدمات والاقتصاد ولكنها لم تجد حظها في الظهور والشهرة بسبب موقعها الذي يبعد عن الطريق المسفلت ، لان الطرق المسفلتة هي السبب الرئيسي الذي يرتقى بالبلد او يقعد بها مثلما درسنا في المدارس في مادتي التاريخ والجغرافيا عن المدن تلك العبارة الشهيرة ( ...... وقد ازدهرت هذه البلدة بسبب موقعها الجغرافي الذي يربط بين ملتقى الطرق مما ادى الى ازدهار التجارة والصناعة ).
وهناك الكثير من القرى التي تجاور الدوحة وقري المنطقة ولفائدة القراء الذين يجهلون تلك المنطقة ساذكر قرى
الشريف مختار –القصيراب –تباخة-مكنون-البيلاوي-ودالحوير- حلة البدري –العمارة-ضويو-البسابير-الحليلة-فحل-التومات – جالس-ود ام مدينة –كاوا-السبيل-الجبابيد-شبونة عمر-شبونة طه- شبونة عبدالفضيل-حلة الشيخ الحسين-ام ضريسة-اولاد ياسين-اللحامدة- العمرية-عبرة-الشقلة-كمر مدني-البرقو-البيلاوي موسى –دارالحاج- البيلاوي جميل-اب قرشين-كيلو 57 – حلة داؤود-مرفعين-بلين-ودماهل – الكجاكسة-ودفقدة-نقاش-المطامير-الشدايدة-الزناندة جبارة-الزناندة فضل السيد- طيبة-ودعسلة-كينغا-ودالماحي -العقيدة ود الساعد-العقيدة الصغيرة-حلة حسن-نسيم –ام عصبة
تشترك قرى الجزيرة مع بعضها في كثير من العادات والثقافات وقد ذكر الكثير من الاخوة المتداخلين في هذا البوست الكثير بدء من زراعة الحواشات والبلدات والعمليات الزراعية وما يصاحبها واذكر كيف كنا نذهب ونحن تلاميذ في المدارس لعملية (لقيط القطن) لمدة اسبوعين وكان العائد من اجر هذه العملية يذهب الى المدارس وصيانتها وكل تلميذ يحمل معه العصيدة ونسميها الكسرة اللقمة في تلك الكورة التي يرتسم على صفحاتها نجمة صفراء يحتضنها هلالا اخضرا وتتوسط تلك اللقمة حبة من الطماطم حمراء اللون وبجانبها الشطة القبانيت وقليل من الملح ، وكم كنا نلتهمها بشهية وصحة نحسد عليها ودائما تحلو هذه الاكلة في الخلاء ولا تضاهيها في لذتها كل اكلات كنتاكي وماكدونالدز، وبعدها نشتري الرغيف من باعة الرغيف الذين يجوبون الغيط بحميرهم ويحملون الرغيف على صناديق الشاي الخشبية المزينة باطرافها بقطع الصفيح ويحمل الواحد منهم سكينه على ضراعه ليقطع بها الرغيفة الى نصفين او الى اربع حسب طلب المشتري وكنا نشتري ربع رغيفة او نصف حسب ما يتوفر لنا من مبالغ من الاهل وكانت الرغيفة لنا كالحلاوة حتى يطلق عليها دلالا حلاوة رغيف.
واذكر كيف كنا نذهب مع اهلنا يوم وزن القطن وتعبئته على شوال (الكبس) واذكر منولوج كان يقول ( الشالت قلبي دابا صغيرة /قدر شوال الكبس ده ضميرا)في اشارة الى السمنة التي كانت من الاشياء المحببة ودلالة على الرفاه والنعم و اصبحت في زماننا هذا من الاشياء التي يعير بها المرء .
كان يوم الوزن من الايام المشهودة مثل ايام الامتحانات وتحضر كل النساء اللائي قمن بعملية اللقيط وتقف كل واحدة اما (كومها) ليقوم الوزان بربط القطن على (العِبْ) ويجب ان تكون الوزنة 36 رطلا وتسمى ( وزنة) او شنكل وغالبا ما تكون الواحدة قد لقطت عدد من الشناكل خلال الاسبوع ويتم تسجيل ذلك في ورقة ليتم الصرف لها حسب ما انتجت ويكون يوم البهجة للنساء وغالبا ما يقمن بشراء الخواتم من سوق الحوش والحاج عبدالله وكان محل الصائغ ازهري ووالده في الحوش مشهورا وتزدهر تجارته مواسم اللقيط.
وكنا نقوم بعملية التسجيل والوزن ونحصل علي نصيبنا من المال جراء ذلك ونستخدمه احيانا في مساعدة اهلنا في المصاريف واحيانا في شراء حاجياتنا الخاصة وهناك من يجمع مبلغا كبيرا ليشتري به عجلة كنقلة نوعية من ركوب الحمير والدحوش التي كنا نذهب بها الى الطواحين لطحن العيش .
كان الخريف موسما رائعا للعنكوليب وقصب السكر والدردقو ، كنا نلعب الكرة عصر كل يوم في ميادين واسعة وتمر بجوارنا اللواري محملة بقصب السكر والبطيخ واذكر ان (المساعدي) كان يقوم برمي بطيخة او بطيختين ونجري تاركين اللعب لننقض على تلك البطيخة التي تكسرت واختلطت بالرمل والحصى وكانوا ايضا يرمون لنا قصب السكر فنتدافع في الظفر به.
وبعد الانتهاء من اللعب عند المغرب نرجع الي البيوت لتنتظرنا حراسة الحمار والاشراف على (علوقه) ويقدم له (العدار) والفتريتة في مخلايته التي تربط على (قدومه).واذكر ان احد الاصدقاء ونحن نجتر تلك الذكريات قد قال لي ( والله لو كان اباؤنا احياء وعاملونا الان بمثل معاملتهم لنا سابقا لقاضيناهم امام محكمة الجنايات الدولية ولجنة حقوق الانسان ، وقال لي (والله يوم كنت حارس الحمار وشلت لي عدارة ومضغتها ،، جاء ابوي ضربني ضرب شديد وقال لي تاكل السم كملت عشاء الحمار ده كلو) وضحكت ضحكا شديدا ثم قال لي بالله ابوي اكرم على الحمار مني انا ابنه افلا يستحقون المحاكم.
قلت له ان الاباء في تلك الازمان كانوا رحيمين وعطوفين بابنائهم وبحيواناتهم معا ، لكن ممكن تكون زودتها شوية ، وظل يروي في تلك القصص والنوادر ، منها ماهو سالب وماهو ايجابي ولكن مهما يكن فتظل هي ذكريات رائعة نجترها كلما جلسنا سويا ونتسلى بها مثلما قال رجل عجوز عندما سئل (كيف تحيا؟) فأجاب: (استعيد الذكريات والصور).
سنواصل فيما بعد ان شاء الله
شكرا جزيلا اخي عبدالمطلب على هذه اللوحة الرائعة التي رسمها قلمك واتمنى عودتك مرة اخرى
Post: #164 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-13-2012, 03:03 PM Parent: #163
ود البوش وزواره الكرام عواااااافي
Quote: أها يا اخونا طه ابراهيم بقى توثيق ولا ما بقى
لا ليس توثيقا بل هو هترشات وفي أحسن الأحوال تعريف أو إضاءات ومعظم المشاركات ذكريات وتداعي ذكريات وشجون حديث طاعم ولذيذ لكن لو فتحنا باب الحديث عن ما حاق بالجزيرة من ظلم وأكل حقوق أهلها بالباطل فلن يسرك المنظر ولن تعجبك الريحة
Post: #165 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-13-2012, 03:16 PM Parent: #164
Quote: الكنابي يا طه قد تكون جزء من القرى ولكن بعض الكنابي الكبيرة انفصلت من القرى وكونت وحدات قائمة بذاتها بها مدارسها ومراكز خدماتها وبعض الكنابي تجمعت في شكل رقل كبير تعال راجع ووثق للكنابي هذه الشريحة التي خدمت مشروع الجزيرة وهي شريك فعال في عجلة الانتاج ولها دورها الهام في مجتمع الجزيرة
عدد كبير من قرى الجزيرة المروية تلحقها كنابي تحمل اسم القرية نفسه لكن بعض الكنابي منفصلة عن القرى وإن كانت تحمل أسماء هذه القرى ومن الملاحظ أن منطقة شرق الجزيرة تكاد تخلو من الكنابي وذلك راجع إلى أن السبب الأساس في نشوء هذه الكنابي هو مشروع الجزيرة المحصور جغرافيا في السهل الممتد بين النيلين الأزرق والأبيض .. وملاحظة أخرى هي أن معظم هذه الكنابي وأكبرها يوجد في محلية المناقل
Post: #166 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-13-2012, 03:36 PM Parent: #165
بعض أشهر الكنابي في محلية الكاملين
كمبو طويل -- كمبو جبريل -- كمبو 3 حاج حمد -- كمبو 2 – طيبة الخليفة -- كمبو 19 دكين -- كمبو 6 أبريل -- كمبو الحريق بعض أشهر الكنابي في محلية الحصاحيصا كمبو المحالج -- كمبو حاج علي -- كمبو زكريا -- كمبو محمود -- كمبو مايو -- كمبو كيلو 5 -- كمبو نبق كمبو عيد -- كمبو حسن -- كمبو المسيرية -- كمبو العامة -- كمبو الفريجاب 9 -- كمبو عجب -- كمبو الرقل أشهر الكنابي في جنوب الجزيرة كمبو أبو الحسن -- كمبو المصارف -- كمبو بلة -- كمبو البان محلية المناقل كمبو 26 الكوة -- كمبو عبد الباقي -- كمبو دبل الكويت -- كمبو أم قرقور -- كمبو 131 -- كمبو رمضان -- كمبو عبد الغني كمبو الطائف -- كمبو الدشينات -- كمبو ام طلحة الجديدة -- كمبو عبد الرحمن -- كمبو سقيدة -- كمبو اشهب -- كمبو خالد كمبو الحفير -- كمبو ساني -- كمبو الكراكات -- كمبو بوليس -- كمبو مجوك -- كمبو الحاج آدم -- كمبو العزازة البيارة كمبو جبرونا -- كمبو منير تامة -- كمبو سميرة -- كمبو سلام -- كمبو بانت -- كمبو زولين -- كمبو ود النبيهي -- كمبو الجملون كمبو الجنابية -- كمبو التومات -- كمبو السراري -- كمبو مراد -- كمبو 8 صفر -- كمبو 14 الفخاخير -- كمبو الهشابة -- كمبو الماطوراب كمبو المسارعة -- كمبو الحجيرات -- كمبو ودالشقل -- كمبو الرقل قمرى وزغاوة -- كمبو الرقل تامة -- كمبو كدباس -- كمبو السلمة -- كمبو تسعة كمبو المشاية -- كمبو النور -- كمبو حريقة -- كمبو 7 ود حامد -- كمبو عجب الدار -- كمبو السدر -- كمبو البرقان -- كمبو 28 الرفة كمبو شعير -- كمبو ابو دقن -- كمبو كسلا -- كمبو 20 -- كمبو عشر -- كمبو مكتب النور -- كمبو الخيمات -- كمبو الوافرة كمبو معايش - كمبو باقرما -- كمبو ابندودة -- كمبو المراريت
Post: #167 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-18-2012, 08:25 AM Parent: #166
اللهم أغفر لزميلنا سالم أحمد سالم وارحمه وادخله فسيح جناتك وصبر اسرته وجميع اقاربه ومعارفه واصدقائه انا لله وانا اليه راجعون
Post: #168 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: Alshafea Ibrahim Date: 01-18-2012, 09:31 AM Parent: #167
الأخوين ود البوش وطه ود إبراهيم متابعين نرفع البوست الشفيع
Post: #169 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-18-2012, 10:21 AM Parent: #168
شكرا يا الشفيع للمتابعة ورفع البوست . . اخونا طه ود ابراهيم اصلك ما قصرت طب لكن زراعتك دي دايرة رقاعة حلول كتير فطيتن تعال ارقع . . ونواصل
Post: #170 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: Mohammed Ahmed Saeed Date: 01-18-2012, 12:42 PM Parent: #169
الاخ ود البوش
تحية وتقدير
اخوك من اهلك ناس ابوفروع قرية جميلة ومتفردة بين النيل الازرق و الظلط مزارع ود مزارع حواشتنا رابع بيت ترعة الدبة مكتب دلقا قسم ود حبوبة .
لكن ما سطرة احد الاخوة عن ناس الجديد الثورة جعلنى معجب بة لدرجة انستنى اهلى وهاك ما سطرة عن استقبال اهلنا ناس الجديد عندما اقفلت الخرطوم بحظر التجول يوم ضربة خليل لام درمان وطبعا ناس الجزيرة الكرم متاصل فيهم ومنطقة الجديد فى رمضان مستحيل تجاوزها مثلها ومثل كل قرى ظلط مدنى الخرطوم
عند أجتياح ناس حركة العدل والمساواة للخرطوم غرباً من بوابة أمدرمان، كنا خارج الخرطوم يومها وفي طريق العودة فوجئنا بانه ممنوع الدخول للخرطوم في ذلك اليوم، فما العمل؟ نحن على مشارف الخرطوم، والمشوار بعيد، فقد أتينا من مدينة سنار حيث الأهل والأحباب إلى الخرطوم حيث العمل والمأوى، كيف لنا أن ندخل وهي ممتنعة . قلنا مرحبا بالمبيت في الشوارع إذ لسنا وحدنا في ذلك فالكثيرين داخل الخرطوم سيلتحفون السماء ويفترشون الأرض مثلنا وزيادة على ذلك الخوف من المصير المجهول، ونحن مصيرنا معروف، على العموم رجعنا من الباقير حيث بداية الحظر إلى منطقة الجديد الثورة حيث الكافتريا الراقية الجميلة من يصدق بأننا لم نستظل بظل الكافتريا أكثر من ساعة؟؟ - وعينك ما تشوف الا النور- حتى أتت جحافل المواطنين تترى من كل فج من تلكم المنطقة بسياراتها والراجلين رجالاً ونساء إلى الشوارع كل يرنو للفوز باكبر عدد من المواطنين مقطوعي السبيل ليبيتوا معه في داره حيث مقامه فتباروا الحلف بأغلظ الأيمان بأن لن يبيت فرد واحد في الشارع مادمنا على قيد الحياة فالسودان سودان الجميع في حلنا وترحالنا في كل شيء يجب ان نتشارك في الحلو والمر.
بعد أن تفنن أهل تلك المنطقة في الحلف علينا، أيقنا أنه لا محالة إنا إلى منازلهم داخلون، وحتى لحظة دخولنا للمنزل لم يتصور أحد منا أن نعامل بمثل هذه الطريقة أبداً، حيث كان الجمع كبير أسر وأفراد، كمية كبيرة من البصات السفرية والعربات الخاصة كلها في منتشرة في الطريق ما بين الباقير والجديد الكل عبر عن سعادته بانتصار القوات المسلحة بكل مسمياتها ووحداتها، إلا في الجديد الثورة فقد كانت أكثر من فرحة، فرحة النصر وفرحة الشهامة والكرم الذي قابلت به المنطقة المواطنين مقطوعي السبيل. المهم في الموضوع أنهم اكرموا وفادتنا أيما إكرام فإما ان يكون حاتم الطائي منهم أو منهم، أو هم أحفاده، أيما تختارون هم له وهو لا يساوي ما فعلوه لنا، لن أخوض فيما فعلوا، فهم أهل الكرم والجود.
اللهم ربنا اجزهم خير الجزاء بقدر نواياهم وألطف بهم ووفقنا إلى ما تحب وترضى عمر مايرنو
الاخوة الاعزاء هذه القصة من أجمل الاحداث التي مرت أيام الهجوم على أمدرمان يرويها كاتبها عمرمايرنو وجدتها في منتدى آخر ولم أستطيع إلا أن أنقلها لكم بحذافيرها حتى تقفوا معي إحتراماً لشعب السودان العظيم الذي لايشبهه شعب آخر أبداً أبداً فعلاً .... لو ماكنت سوداني وأهل الحارة ما أهلي وا أسفاي وا مأساتي وا ذلي
Post: #171 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: طه إبراهيم عبد الله Date: 01-18-2012, 01:17 PM Parent: #170
سلامْ يالمنجل المركوز على ضَهرَ البلد تِقياتْ ومرحبْ بالترسْ ناكوسى يدفِقْ صُرة البِلداتْ سلامْ للجَنَى البَدَّر زَرعْ جَدعَـاتْ … للباجور عُمومْ من سوبا لى بَركاتْ ******** نَعَمْ إنو البلد نَيـَّلْ شِربْ من تُرعتو الجَرايَّة إيدَياتِكْ على الفايتْ البعيد دنّاية إنتى لَتيبَة إنتى شَـرايَةْ … إنتى كِسـيرة فى مُخلايَة … مُخلايةَ الجَنَـى البَدَر بعد ما صَلى … شَـالْ سَلوكْتو والجَرايَّة … إنتى التايَة ******** إنتى كَديبَة الضُهـرى الرَزَمْ قِـدَّامى حِـنْ أخوالى جُود أعمـامى إنتى المَسْـرى فى الدَغَشْ أبْ سِقيطـاً حامى ******** إنتي جنينة تمزج للرهد ألوان إنتى الخَلوة فاتِح بابا لِلضيفـانْ إنتى مَراحِـبْ أهلاً طالعَةْ مِنْ ديـوانْ ******** يا مُسدار الشَالَنْ ليلَّنْ رَتَعنْ … ركَزَنْ فوقْ دانقَة ود حامِدْ يا خَلواتْ بالضيفْ إدَفَّـنْ … مِن زِيفة السّـقطْ المِتهاوِدْ أضربوا الكَفْ تِمـوها جَرايِدْ ******** يا جِنَيَّـات الوادى الرَّاقِـدْ يا كَتلَةْ صافية وكَتْفِيــةْ ويا مُهْـرةْ حَبُوبتى رِقيةْ فيكى سُيوفْ السَوُ الدَّيَـةْ وقَرضُوالفَزْعـَةْ القِـدَامِيَّةْ ******** يا عَمَّ الهادى عَقَـبْناكُم شِرِبـنَا قَـهاوى دخلَنْ فُوقنا دُعْجَنْ .. قَفَرنْ بى مَهاوى وبى عديلة الله البيضاء قَـجَّتْ فوق فُرقَانَة الفَـرْحَـةْ ورَقَصـتْ نِعْـمَةْ البِتْ السَـمْحَة .. لون القَمحَة وبَشَّـتْ فوق وِديانَّا الفرحة تباركْ الله … يا رسُول اللهْ مِنْ عِينْ الحَسودْ خَـلق الله … يا رسول الله ******** والله يا طِينَة جزيرتى الخضراءْ لِغيرِكْ إنتى ما غَنيتْ بِدوبايَة ولغيرِكْ إنتى مابنكَتِبْ حَرفـاً يسيلْ مُرتاحْ على دَواية لِغيرِكْ إنتى ما حسيتْ إنو الدُنيا سَوَّاية
أخونا Mohammed Ahmed Saeed سلام وتحية حبابك وحباب ناس ابوفروع القرية الجميلة باهلها وزينة بالنيل والزلط وحبابك كمزارع بيننا وبحواشتك رابع بيت القسم اللول اظنها والله بختك فيها جنينة ممتازة خلاس ترعة الدبة ان شاء الله تكون رويانة مكتب دلقا قسم ود حبوبة من المكاتب المشهورة بالمحصولات الوفيرة . . التحية لناس الجديد والتحية لناس ابو عشر والكاملين وود الماجدي التحية لكل قرى الجزيرة الواقعة على زلط مدني وهم بالفعل ناس مضيافين ويسعدوا بخدمة ابناء السبيل التحية لكل قرى الجزيرة وحلولها وكنابيها كلهم زي بعض نفس الترحاب ونفس الكرم والجود في أئ مكان في الجزيرة انت في الجزيرة ابتسم مرحبا . . شكرا اخونا امحمدحمد ود سعيد
Post: #177 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-19-2012, 08:49 AM Parent: #175
الاخ mohmed khalail تحية وسلام واحترام هي الجزيرة ارض المحنة والسلام مرور الكرام يسعدنا ولكننا نطمع ولو بالقليل عن المنطقة المدينة القرية اتوقع عودتك مرة اخرى شكرا جزيلا اخي محمد خليل ودام الود بيننا والتقدير
Post: #176 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-19-2012, 08:41 AM Parent: #174
أخي صبري الشريف سلام وتحية واحترام شكرا جزيلا لمرورك من هنا واضافتك واتوقع حضورك مرة اخرى وسماية الشريف في ديوان الجزيرة هنا تحياتي
Post: #178 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-22-2012, 11:56 AM Parent: #176
نواصل
Post: #180 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 01-23-2012, 10:10 AM Parent: #178
عبر البريد من اخونا بدر المعارف محمد لك التحية والاحترام اخي بدر المعارف وشكرا جزيلا لاضافتك القيمة وخليك داب وردة .... دارق دارق طوالي عليك الله وكمان اتلح بكري عشان تسترد كلمتك الطيبة شكرا جزيلا ياخي
Quote: الاخ / عبد الله ود البوش
السلام عليكم ورحمة الله وبركاته،،،
أولا أود أن أشكركم على تخصيص بوست من اجل التوثيق لجزيرتنا الخضراء التي لم تحظى بأي اهتمام من قبل الحكومة من حيث التنمية والتطوير، لان وسطها يفتقر للطرق المسفلتة وغيرها من الخدمات الضرورية ،بالرغم من الصعوبات والعقبات التي تواجه أهلنا في الجزيرة لكنهم مبسوطين بما يتوفر لديهم من إمكانات وعائشين في وئام وانسجام واحترام، لا يعرفون التذمر من شطف العيش.
اولا انا كنت عضويا في هذا المنبر ولكن للأسف فقدت كلمة السر منذ عام 2003 و كتبت للاخ بكرى مرارا وتكرار لاسترداد كلمة السر ولكنه لم يستجيب، منذ ذلك التاريخ أصبحت من المداومين على ارتياد سودانيز اون لاين كقارئ فقط لم أحظى بعضويته، وأنا كثير الاطلاع على المواضيع تقوم بطرحها او المداخلات التي تقوم بها.
بصراحة تناولكم لموضوع الجزيرة اعجبنى واثار فييّ شجون كثيرة وودت مشاركة بسرد بعض القرى والكنابي التي في الجزء الغربي من الجزيرة:
أخونا مصطفى محكر سلام وتحية واحترام ياخي مداخلتك دي لقيتا في نص الحواشة تراعى ساهي ولو ما شفتها بالصدفة كانت جابت لي ملامة معاك . .
Quote: تحية واحتراما.. للاخ عبد الله ود البوش..
لقد كان سردك قصة جميلة تستحق الاهتمام .. ومن خلال هذه المساحة ، اطرح سؤالا.. فهل من مجيب.. ؟
هل يعود زمان تهفو فيه مصانع الانجليز لاقطان الجزيرة؟.
بالتأكيد يا مصطفى أقطان الجزيرة معروفة عالميا تزول الطامة دي وبعدين كل شئ يرجع لمكانو باذن واحد احد .. شكرا جزيلا اخي مصطفى وعفوا للتأخير بسبب دخول المداخلة في حتة عجيبة
Post: #182 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد المسلمي Date: 03-03-2012, 05:09 AM Parent: #181
ودالبوش سلام
Post: #183 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: معتصم دفع الله Date: 03-03-2012, 01:01 PM Parent: #182
ها زول عليك الطلاق بوستيك دا ما شفتو علا الليلة .. ويا جنوي سلام .. كلامكم أطعم من ملاح الويكاب ..
خابر يا ودالبوش أهلنا ديل كان ملينا البورد دا كله كلامنا عنهم ما بكفيهم حقهم .. لكن خلنا النقول قدر قدرتنا ..
أخوكم من القلقالة .. مكتب ودالترابي وقنطرة القلقالة والمحطة الترابي الليلت القطر الزمان داك الله يرحمه .. منطقتنا بحري الجزيرة أو الإقليم الأوسط زمن البلد أقاليم ومديريات الحلال حكامه عٌمد وشيوخ .. النحدثكم عن سوق الكاملين وسوق ودراوة بلد قريبتنا رشا بابكر دي وكان جاء أخوها المطر أمانة ما نضميهو طاعم بالحيل والنكلمكم عن سوق التكينة وسوق المسيد أها الأسواق دي كان رايح ليك فيها زول بتلقاهو هناك وبتلقى فيها كل شيتن سمح تبيع وتشتري والرضى بالمقسوم أما سوق المكتب يوم الصرِف داك عيد براهو يا حليله غشوا أهلنا بالنفرة الزراعية وضـيعـوا المشروع، البكاء ما سمح خلونا نشد الهمة ونرجّع للمشروع سيرته الأولى .. أها حدانا التكلة أبشر والتكلة رفاعة ودالترابي ودراوة وجنبيها السيال والعيدج وقرية فضل والبشاقرة غرب والتكينة وتمشي شوية جنوب تلقي قرية الكسمبر وتحتها أبوروس وحلة حمد وقبل ما تصل الكاملين تلاقيك الحليلة وبعدها كلكول وورانا سافل في عديد البشاقرة وقرية ودلميد وكاتب وتمشي قدام لا شوية تلقى طيبة النعيم بلد النعيم ودحمد وجنبها المعيلق وحلال كتار ما بتعدو يا ودالبوش وعندي أهلاً لينا في وادي شعير والعقدة وأبوفروع وأبوعدارة .. أهلنا ديل كانوا سمحين وعارفين وأعمالهم مشهود ليها زمن التوعية والسينما المتجولة والجمعيات الأدبية والأندية والمدارس كانت جامعات في حينها فيها كل الأنشطة الثقافيها منها والرياضية لذلك الجزيرة أنجبت أفذاذ طرقوا ميادين العمل العام في السودان .. الجزيرة وطن ضم جميع أهل السودانية من شرقه لغربه ومن جنوبه لشماله العنصرية دي كلمة ما سمعنا بيها علا هسى دي، البيوت كانت مفتوحة على بعضها مافي زول بدق الباب تصبّح وتمسّي على الجار القريب وبعيد واللقمة مقسومة بيناتن .. والكلام لي الشفيع أبراهيم أخوي النحدثك عن مصنع الباقير أو المحلج ياخي دا كان موظف كترت ناس وشغالين في أمانة الله الباظ بجيهم في المواعيد وبرجعهم في المواعيد دقة متناهية ووفرة في الإنتاج وراحة في البال هسي وينو عليك الله طاله الخراب هو الما خرب في البلد دي شنو عليك الله ..
غايتو يا ودالبوش بوستيك دا بنملاهو ليك سرابة سرابة وما بنخلي أبوعشرين وأم ستات بي تقانتن ..
الكلام دا كتبتوا قبل ما أكمّل قراية البوست .. ربما يكون بعض ما كتبته يطابق كتابة زول تاني ..
ولدنا الراقي وشفيف معتصم دفع الله سلام وتحية واحترام
Quote: أها حدانا التكلة أبشر والتكلة رفاعة ودالترابي ودراوة وجنبيها السيال والعيدج وقرية فضل والبشاقرة غرب والتكينة وتمشي شوية جنوب تلقي قرية الكسمبر وتحتها أبوروس وحلة حمد وقبل ما تصل الكاملين تلاقيك الحليلة وبعدها كلكول وورانا سافل في عديد البشاقرة وقرية ودلميد وكاتب وتمشي قدام لا شوية تلقى طيبة النعيم بلد النعيم ودحمد وجنبها المعيلق وحلال كتار ما بتعدو يا ودالبوش وعندي أهلاً لينا في وادي شعير والعقدة وأبوفروع وأبوعدارة
سكان هذه القرى تجمعهم محبة تفوق البعد الانساني وتنعم بها حتى الانعام التي تعيش بينهم ويتقاسموها اللقمة بيناتن . ديل يا معتصم بقولوا للدابي جار مو نقار لكي يعطوهو الامان ان عاش بينهم في سلام . . شكرا جزيلا معتصم فقد اضفت واثريت البوست نغما مموسقا
يا سلاااااااام يا ود المسلمي سلام ويا ود الكباشي عوافي حبابك والله حباك وحباب الجابك جيتك دي اصلا مي ساهلة دي بنسميها جية الفقدة .... يعني معناة المعنى زولا فقدك عديل وسافر سفر في شان اصلك والله حسيت بيك كانك جيت داخل في بطن بيتي وقلت سلام كتر خيرك والله يا محمد المسلمي وسلم علي الحاج عليك الله
Post: #186 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: محمد المسلمي Date: 03-05-2012, 05:41 PM Parent: #184
Quote: يا سلاااااااام يا ود المسلمي سلام ويا ود الكباشي عوافي حبابك والله حباك وحباب الجابك جيتك دي اصلا مي ساهلة دي بنسميها جية الفقدة .... يعني معناة المعنى زولا فقدك عديل وسافر سفر في شان اصلك والله حسيت بيك كانك جيت داخل في بطن بيتي وقلت سلام كتر خيرك والله يا محمد المسلمي وسلم علي الحاج عليك الله
الاخ الحبيب عبدالله ودالبوش حبابك عشرة حبابك اخوي العزيز ومتابعين لي كتاباتك التي اخرجتنا من التهاتر والسياسة وعشنا معك في الجزيرة حلة حلة وكمبو كمبو وواصل ومتابعين
الجزيرة يعمها الحزن هذه الايام وتبكي محمد عثمان وردي محمد سالم حميد محمد ابراهيم نقد لهم الرحمة والمغفرة وعالي الجنان
Post: #188 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالله ود البوش Date: 05-16-2012, 10:00 AM Parent: #187
الجزيرة سلاااااااااااام وعوافي
Post: #189 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: عبدالرحمن الحلاوي Date: 05-16-2012, 11:47 AM Parent: #188
ود البوش سيد الحوش ...السلام عليكم ورحمة الله ...ماشاء الله تبارك الرحمن ...بوستيك دا ما شفتو علا هسع واقف في نمرة تلاتة ..نديك لفيفة صغيرة من حلة عباس وامشي بوشك اطلع على الظلط من أبوعشر والبطاحين والشاوراب وقنب والطالباب والضقالة وانزل على الحيصحيصة على طيبة الشيخ القرشي ومصطفى قرشي والتميد ودلقا والحليلة وحلة الشيخ البصير وودزروق والتكلة قرشي ومناقزة وشرفت وانزل لتحت أبوسير والتكلة جبارة والمدينة وودبهاي وصراصر وأم تريبات وامسك ترعة بقاري تلقى نفسك في الولي والفور وود البصير وأم سنة وأم بوشات وبحر العلوم وخياري وأم وزين وأم سنة وأم كوراك وتعال راجع على سليم والمحيريبا والتقر وشكيرة حاج الصافي ود اللمين وأولاد يوسف وجاد العين ود بتروا وصافية وكتفية وأنجضو واسترحنا واطلع بالترعة تلقى نفسك في أبوعشر وسلامتكم الكنابي : وراء طيبة الشيخ القرشي كمبو هببنا وكان مرتعا خصبا للعسلية والكجومورو وعرقي القريب والعيش لمن أراد أن يتزود وخير الزاد كان زاد المساكين المريسة ..أما كمبو العديد في الطريق إلى ود بهاي فمشهور بقوة عرقيه فكان اهل المناسبات يأتون ببرميل أو أزيد ..ويقع شرق مناقزة كمبو حريقة فكان مشهوراً أيضا بيع العرقي شديد النقاوة فيأتيه الناس من كل فج عميق وبين طيبة ومصطفة قرشي كمبو مشهور نسيته ولكن أكبر الكنابي وأوسعها سوقاً كمبو 7 ويقع شرق الولي وفيه سوق كبير يؤمه عدد كبير من اهل الكيف وتجد الندامي تحت ضوء القمر يتسامرون ويرمون الدوبيت مربعات قطع أخدر ، وفي المحيريبا كمبو يقع قريبا من التقر وهو مكان تجمع فيه الانصار ورتبهم ود حبوبة إلا أن الكودة معتمد الحصاحيصا سي الذكر نقلهم إلى ذلك الصعيد الطاهر وسمي الكمبو باسمه ( كمبو الكودة ) وهذه جولة مبسطة في حلالنا وليأتي محمد أحمد سعيد ويكمل المشوار تحياتي
حبيبنا عبدالرحمن الحلاوي وعليكم السلام ورحمة الله تعالى وبركاته عجبني مشيك طويت الوادي سواقتك سمحة وبرينستك تسوي كحا بو وطلعنا ونزلنا معاك الاسكيف وسلمنا على كل القرى والكنابي الكانت عامرة والله اعيد العمار زي ما كان
Post: #192 Title: Re: الجزيرة سلام حلولنا وكنابينا ود مدني سلام مدنا وقرانا ( صور _ توثي Author: مها عبد الله Date: 05-20-2012, 01:52 AM Parent: #191
سلام للجزيرة وناسا
بوست غاية فى الجمال إبن عمي ود البوش ، أرفع البوست ومزيد من القراءة ، أتمني من الأخ منتصر الأمين مواصلة التوثيق لقري البطانة ، قرأت بوستا توثيقا للأخ عبد الرحمن الحلاوي عن قبيلة الرفاعيين بمنبر رفاعة للجميع ، وأتمني أن يكون هنالك بعض التوثيق للقبائل التى تنتشر عبر الجزيرة الخضراء ، لم أجد بغالبية كتب التاريخ أو الوثائق المعروفة لقبائل السودان أي توثيق لقبيلة ( الحمران ) والتى هاجر جزء كبير منها من شرق السودان وإستقرت وتمازجت مع الشكرية وبعض قبائل شرق البطانة .
