Post: #1 Title: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-16-2012, 04:28 AM
البْلَّالاَّت أو جَفوةُ الكِستْناء شعر الدكتور أمين محمد سليمان أمير أمراء الشعر الحديس بالمنبر و المنابر المجاورة ..
*************************
البْلَّالاَّت - بنات الخطيئة - عاودوني من جديد (اقطبوط )* شهقة من الدم و لحسة من نبيذ الشجر .. قطيع من الشياة يبحر في دمي : الطريق الوحيد الأكيد للبل الرشيد الحميد المجيد السعيد المريد المعيد هو الموت منسربا علي قارعة الطريق ... قصائد من أرخبيل الخمور العتيقة تعبق في المكان ... صوت الموسيقي متجذرا.... و الخيل تحسر رمل القوافي منكسرة ... مدونة تشكلت من فحيح الثعابين و زمجرت فيها حشائش السافنا العابثة... قطة تفتحت - كوردة - في شارع المك نمر ! بلة تحفها ثلاث بلات من الاتجهات الأربعة ... تسربت في مسامي مثل حبو العاشقين .. بلة تدوزنت و تكوزنت في جسور الشمس و فاصلة المغيب ... بلة ترتاح في شفق البحيرات مثل أنثي عصفورية ذات صدر بهيج ... بلة تغض مضاجع النجوم الساهرة و تعض شفاة السعادة العابرة... هنيهة... و الشجر يرقص عاريا بلا جذوع ... أو جذور .... أو لحاء ... هنيهة... و الخمر يكتب اعترفات الخطايا بالدماء ... هنيهة... والبل يرزخ تحت نيران الشعر الحديس ... قنبلة يضج بها المكان ...
الدكتور امين محمد سليمان .. جزيرة سرنديب - القدس المحتلة تموز 2011 - تشرين 2012
----------- *الاقطبوط فاكهة تتبع الفصيلة الزيتونية .
Post: #2 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-16-2012, 04:37 AM Parent: #1
النص ده لو (استغلق) و ما فتح معاكم ... جربو #3322 قبل الرقم ... كان برضو ما فتح بالله ما تخشو لينا هنا ... نزلت بالنص لاخر حاجة بقدر عليها ... كان ما بتقدرو تطلعو شويه عمركم ما حا تفهمو الكلام ده ...
Post: #92 Title: Re: البْلَّالاَّت أو جَفوةُ الكِستْناء .... شعر حديس !! Author: معاوية المدير Date: 03-19-2012, 00:49 AM Parent: #2
Quote: النص ده لو (استغلق) و ما فتح معاكم ..
أعلم أنه تنوبني خمسين سنة ضوئية زي شفق المغارب لسبر أغوار العبارات الدقيقة كما دبيب النِمال علي التلآل، وتفنيط الكلمات العميقة كما جحور السِحال فوق قمم الجبال. لكن هذا لا يمنعني أن أقول رأي، وأنا جالس الآن فوق قمم جبال الأولمب أحتسي مريسة تامزين، وأُمزمز بنصك المُدمس يا بروف. من الآخر كدا، النص دا عاضي يا برف ما مُستغلق. والله صحي.
مودتي الفايتة قعر أضانك...
Post: #3 Title: Re: البْلَّالاَّت أو جَفوةُ الكِستْناء .... شعر حديس !! Author: مرتضى احمد عبد القادر Date: 03-16-2012, 04:40 AM Parent: #1
يا سلام عليك يا شفيف تصدق دابت رمشات القلب وأنا بقرأ نزيفك
كستناني بجيك راجع يا رايع
Post: #4 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-16-2012, 04:54 AM Parent: #3
Quote: يا سلام عليك يا شفيف تصدق دابت رمشات القلب وأنا بقرأ نزيفك
شكرا يا مورتا علي التشجيع ( تاني حا أجيب ليك قميص هدية ) ! الغريبة أنا بعد ما نزفت كنت ماشي أنوم ... شفت مداخلتك قلت أرد عليك ... بالمناسبة البوست ده جادي جداد ما طبيعي ...
Post: #5 Title: Re: البْلَّالاَّت أو جَفوةُ الكِستْناء .... شعر حديس !! Author: دينا خالد Date: 03-16-2012, 06:13 AM Parent: #4
وكمان ماشى تنوم بدم بارد ؟؟
ـــــــــــــــ ناس سردنيب ديل بعلفوا منهم ما بتتقبض ؟
Post: #6 Title: Re: البْلَّالاَّت أو جَفوةُ الكِستْناء .... شعر حديس !! Author: دينا خالد Date: 03-16-2012, 06:26 AM Parent: #4
Quote: بلة تحفها ثلاث بلات من الاتجهات الأربعة ... تسربت في مسامي مثل حبو العاشقين .. بلة تدوزنت و تكوزنت في جسور الشمس و فاصلة المغيب ... بلة ترتاح في شفق البحيرات مثل أنثي عصفورية ذات صدر بهيج ... بلة تغض مضاجع النجوم الساهرة و تعض شفاة السعادة العابرة...
الليلة يحلنا الحلا بله !! البروفات لما يقوموا لى اللياقه الله لا وراكم ..
ــــــــــــــ حلوة ثلاثة بلات من الاتجاهات الاربعة دى .. عجبتنى ..
Post: #7 Title: Re: البْلَّالاَّت أو جَفوةُ الكِستْناء .... شعر حديس !! Author: هيثم طه Date: 03-16-2012, 06:31 AM Parent: #6
يعني لو نويت علي الشر - ما تقول للزول بل راسك !
في داعي لحركات المثقفين و قصيدة نصها اسماء الله الحسني و النص التاني خمور مستوردة !!
مكبر اللفة مالك
Post: #8 Title: Re: البْلَّالاَّت أو جَفوةُ الكِستْناء .... شعر حديس !! Author: mohmed khalail Date: 03-16-2012, 06:33 AM Parent: #4
المتبلبل الكستنائي
هكذا الشعر ولا بلاش..
ـــــــــــــ
أحد القاوون
Post: #9 Title: Re: البْلَّالاَّت أو جَفوةُ الكِستْناء .... شعر حديس !! Author: mutwakil toum Date: 03-16-2012, 06:51 AM Parent: #8
لماذا يعلف أمين من مائدة الخواض دون اذنه:)
-- البوست ده مافي شك جادي و شرّاني
Post: #10 Title: Re: البْلَّالاَّت أو جَفوةُ الكِستْناء .... شعر حديس !! Author: حيدر حسن ميرغني Date: 03-16-2012, 07:00 AM Parent: #9
Quote: الطريق الوحيد الأكيد للبل الرشيد الحميد المجيد السعيد المريد المعيد هو الموت منسربا
دي معلوفة ... بأمباز كمان ------- يا أمينناالذي "يكوضم" ويقبض على العالفين في الله خلي صاحبي ده في حالو الحداسة دي مافيها علف لوغلبك تستسيغها أعمل نايم بس
Post: #11 Title: Re: البْلَّالاَّت أو جَفوةُ الكِستْناء .... شعر حديس !! Author: جدو Date: 03-16-2012, 07:40 AM Parent: #10
هاهاهاهاهاهاها
تحفة والله يا بروف...
أنا من قريت العنوان عرفت إني موعود بإبداع كستنائي غير مسبوق او معلوف
ربنا يخليك للمساكين والمبلولين الزينا...
تعرف مرة مشيت لملتقى كدة..أها الجماعة قدموا واحد على أساس انه المبدع فلان (ما متذكر اسمه) ولو متذكر كنت قلت ليكم بدون ذكر أسماء
دخلت مرقت دخلت مرقت دخلت مرق في الشااااااااااااااااااارع
ترلم ترم تم تم أخوك جاتو نفسيات...حسيت إني كائن بلا كينونة وإنسان غير مواكب للحداسة وغير متذوق وووو
المهم..(1) يديك العافي شقيش ما تقبل
المصادر: (1) تبارك
Post: #13 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-16-2012, 08:13 AM Parent: #10
بروف أمين سلامات ..
التهكم كأداة من أدوات الكتابة فى هذا المنبر مشروعة جدا.. ودوما ما أمارسها وفى بالى شهوات مريد البرغوثى ..
شهوة لوجود الرجال الذين بنو فى المضافه بيت الكرم وبيت النكات اللئيمه بيت التهكم من كل عال قوى وبيت المساء الطويل بطول الجدال واخبار كل البلاد كان الحصيرة من تحتهم هيئة للامم
هذا هو مدخلى للتهكم ..التهكم من كل عالى أو متكبر وقوى وهم كثيرون كما البيض فى وطنى .. والبيض كثير فى وطنى كما جاء فى وترية الهاجس والحرف .. تجدهم فى دنيا السياسة .. الأدب .. والفكر تجدهم واينما وليت وجهك .. وفى أنفسنا .. وهم هنا حاضرون
أعلاه مقدمة ضرورية لتبيان رؤيتى للتهكم فى هذا المجال .. وهو وكما قلت وسيلة مشروعة. كما بينت مداخلى الشخصية نحو ممارسته .. وللآخرين مداخل مختلفة إن فسروها تفسيرا منطقيا .. وهكذا ..
والآن ..
من نريد أن نحاكم هنا ؟! هل نريد محاكمة الخواض ؟! أم نريد محاكمة النص ؟! أم الاثنين ؟!
وكمحاولة للاجابة أقول ..
ماذا لو أنزل الخواض نصه هنا وانصرف ؟! هل كان سيكون عندها عرضة للتهكم ؟! وأجزم أن الاجابة ستأتى بالنفى ..
ونخلص بذلك أن الدور الذى لعبه الشاعر بعد كتابة النص بالتفاعل مع الناس هو ما جعله عرضة للتهكم .. والخواض معنى هنا بالمحاكمة "التهكم" وفى مرحلة ما بعد انتاج النص ..
والشيء العجيب هنا أن مسألة استغلاق النص قد تعامل معها اسامة الخواض بشيء من التسامح مقابل تعاملى أنا وطه جعفر معها .. اذ يري أنه وبشيء من الاجتهاد قد ينفتح ما كان مغلقا فى مقابل رؤيتى وطه أنه لا فائدة لترجى من ذلك وما على الناس الا الانصراف !
والآن .. وعن كيفية التهكم .. فقد جاء التهكم بصيغة توحى بأنها نص أدبى مما يطلق عليه الشعر الحديث .. وذلك بالاتيان بتراكيب لغوية مفاجئة تماثل تلك المباغتات الاليفة جدا فى الشعر الحديث .. وهذا يدخل الشعر الحديث ومن كل الجهات المعلومة فى سياق التهكم الذى كتبته هنا ..
بناء على ذلك أرى أن عليك الآن الرد على مسألتين كانتا مدخلا لتهكمك.. والأولى شاقة جدا إذ تتعلق بمحاكمة الشعر الحديث ..
والثانية تتعلق بمحاكمة الشعراء فى مرحلة ما بعد النص فى تفاعلهم سلبا وايجابا مع القراء ..
بوست سيكون مثيرا وشاقا جدا إن تعاملت الناس بجديه ..
تحياتى
Post: #12 Title: Re: البْلَّالاَّت أو جَفوةُ الكِستْناء .... شعر حديس !! Author: Yassir Tayfour Date: 03-16-2012, 08:04 AM Parent: #4
يا أميننا أترك ما لا يعجبك وأذهب دون تعريض..
Post: #14 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-16-2012, 08:21 AM Parent: #12
Post: #15 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-16-2012, 09:08 AM Parent: #14
وفى السياق أن أسامة الخواض يري من خلال ما رواه عن تجربة صديقه " وجدى كامل " أنها الطريقة المثلى أو هى ممكنة على الأقل للتعامل مع حالة استغلاق النص .. وأورد ما كتب صديقه حول تجربته مع النص .. والاشارة واضحة عند مقابلتها وهى فى سياقها فى الضد قليلا او كثيرا من رأيي و رأى طه جعفر
ايميل وجدى كامل حول تجربته مع النص ..
Quote: اسامة/ كانت قصيدة عصية في البداية، تشحنها طاقة عالية من الغرابة/ عاودتّها مرة وثانية وثالثة الي ان فتحت لي صدرها البرونزي الزاهي فالفتها والفتني .تقديمك كان مهما ،فهو يضع القاري في منتصف المعركة ...لا مجال عنده للهروب/ خيار واحد هو ان يدلف الي الجوهر ويقبض بالمعني.الوت بها مغامرة شعرية ممتعة --كانك الرسام الذي لا يقبل بخلطات الالوان الجاهزه فيصر علي ابتكار الوانه الخاصة ممسكا ومسيطرا علي ايقاع وصفي فخم. كل الشكر لك.
رؤيتى حول معضلة استغلاق النص
Quote: من جانب آخر .. استغلاق النص على القاريء, هو نهاية علاقة القاريء بالنص ولا أجد لذلك حلولا الا الابتعاد .. وكالآتى .. استغلق عليك النص ؟! حسناً ! .. طوالى أمشي ولا فائدة لترجى من الرجوع !! لا توجد بينك والنص الشعرى تلك التجربة الانسانية التى تسمح بوجود حيز مشترك !! طوالى أمشي ففى هذه الدنيا متسع الشعر .. وحتما ستجد ما يناسب مقاسات الذائقة جواك ! ..
Quote: عندى كثير من التجارب الشخصية للتعاطى مع النصوص الشعرية .. وأر اها جيدة فى حدود كونى قارئاً ..
ولعل أهمها فى السياق الذى نحن فيه .. افتقادى التام للإندهاش بالجديد الذى جاء به شعراء أحفل بهم كثيرا كعاطف خيري والصادق الرضى وغيرهما ... مازال "سيناريو اليابسه" مثلا يمثل ذروة ما أحدثه شعر عاطف خيري فى دواخلى .. وكذلك القصائد القديمة للصادق الرضى .. زمن الياسمين الى فاطمه وغيرها ..
ولذلك وعندما قرأت " أقصى شاشة الاصغاء" .. ما كان منى الا الانصراف وفى بالى أن هذا الشيء لا يعنى لى شيئا مقارنة بحالة التشاجن بينى والنصوص القديمة و .. نضال
تجربتى الحياتيه ومعينى المعرفى لا يجعل من هذه النصوص الجديدة شيئا ذا بال .. وهكذا انصرفت
هل ذلك يعنى أنى بليد شعريا ؟! هل ذلك يعنى ضرورة التوسل لهذه النصوص بوسائل أخرى وحتى تحدث فينى أثرا جميلا ؟! الله الغنى يا سيدى و .. بلاها كما يقول الشوام
وكتب طه جعفر ..
Quote: لقد أصبت من هذا النص جمالا و نال النص احترامي و اعجابي ، ماذا كنت سأفعل اذا لم يعجبني النص كنت باحتصار سأقرأه و احتفظظ برأيي لنفسي و هذا من باب التأدب مع الناس و ليس من أي باب.
Post: #16 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-16-2012, 09:35 AM Parent: #15
وحول التهكم من جنس الشعر الحديث فى حدود النص المعنى .. فأبدأ قولى أنى ودوما أستأنس برأى "عبدالله الشقلينى" .. والرجل لم يحدث أن خذلنى قط .. ولا معرفة لى به وحتى فى حدود مداخلات المنبر .. ويقول عن النص ..
Quote: الشعر وأحواله : دوماً تكون القراءة وجه يُطلُّ على أفق المبدعين ، وهم يركبون في صور الخيال الوثاب خيلهم ، على ظهورها الطنافس ، ومن حولها السهول والوديان والجبال . تسري الخضرة تحتفي بالوديان . إحساس مهيب أني أقف في مبتدأ القراءة ، أُطلُّ على المَشَاهِدْ. لك الشكر الجزيل أيها الشاعر : أسامة الخواض *
لربما كنت مخطئا فى تذوقى النص من خلال انتماءه للشعر "الحديس" ولكن إثبات خطئي قد يكون مهمة ليست بالهينة كما يبدو لى الآن..
المعضلة هنا تكون كالآتى .. يا إثبات تطفل النص على الشعر "الحديس" يا محاكمة الشعر الحديس" وبأدوات جادة جدا وراء التهكم الذى قد أراه مناسبا كمدخل .. بيد أنه لا يصلح مطلقا لأن يعول عليه أبعد من المدخل .. ف "الغريق جوه"
Post: #17 Title: Re: البْلَّالاَّت أو جَفوةُ الكِستْناء .... شعر حديس !! Author: حيدر حسن ميرغني Date: 03-16-2012, 09:47 AM Parent: #16
ود المشرف سلامات لا أعتقد أن الأخ أمين قد ذهب كل هذا المذهب وأعني التهكم على قصيدة الأخ الشاعر والناقد أسامة الخواض وأتمنى أن يصدق إعتقادي هذا لأن أمين أحسبه يمزح فقط كما فعل غيره من قبل عضو هنا مع شعر الخواض إحترامي لك
Post: #18 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-16-2012, 10:06 AM Parent: #17
حيدر سلامات وكيف الاحوال ..
ياخى كتر خيرك اديتنى فرصة أقول كلام بسيط جدا .. كان يمكن أن أقوله وبصورة مباشرة لولا بعض ما هو عالق فى نفسي جراء الكثير مما يحدث هنا ..
من عادتى صباح الجمعة .. أن أقوم بتصفح بوستات المنبر قبل القيام من النوم اللذيذ بتاع الجمعه .. وأمضى الوقت كذلك وحتى وقت العصيدة وبقية طقوس الفطور البسيط والاجمل ..
طالعت المنبر وكان أول ما قابلنى العنوان فتوجست ضيقا ما .. وقرأته حتى رضى عنى الهاجس ورضيت عنه ..
وكنت مترددا بين الكتابة والانصراف .. عندى مساجلات دائرة مع أعداء تاريخيين فى هذا المنبر لم تنتهى بعد .. وما استطعت الانصراف .. فلأمين عندى جفوة الكستناء العنيده وخواص البنفسج .. وتلك جفوة مترفة أخالها فوق مستوى الشبهات الانسانية للعداوة .. هو مازال أميننا الذى نحب على أية حال .. ولو كان باستطاعتى أن أكتب كلمات بسيطة ككلمات ياسر طيفور لقلتها وبذات البساطة التى قالها بها ياسر طيفور وانصرفت ..
وهكذا رأيت مناقشة الفكرة تفصيلا .. وبحيث لا يرتد نحوى سهم الالفة وهو منزوع من إلفته كما حدث من قبل ؟!
اتمنى اللايكون أمين يعنى ما كتبته فى الردود أعلاه .. أتمنى ذلك واشهد الله أنى من الصادقين !
فان كان لا يعني تلك المعانى فله العتبي وحتى يرضى .. وان كان يعنيها فدونه ردودى .. وفى الحالتين أنا الضايع !
Post: #19 Title: Re: البْلَّالاَّت أو جَفوةُ الكِستْناء .... شعر حديس !! Author: طلحة عبدالله Date: 03-16-2012, 10:19 AM Parent: #17
البروف أمين لله درك وشكرا لهذه الدوزنة الباذخة التى فتحت مسامات الروح ضلفتين وفي طريقها لفتح الضلفة الثالثة . نص كحبيبات البلور الملونة توضأ بماء الفستق وإغتسل بالندي ومشي نحوه الجمال فاردا صبابات الهوي وحاسرا عن غموض ساحر . قرأت هذى الأسطورة مرة وإثنتان وفي الثالثة غبت في دنياوات رأيت فيها القمر الخجول وقد تدلي على سلاسل الدهشة ليسقي جذور الوعد القديم . وايم الله غمرني الدفء اللذيذ وخنقتني العبرات هنيهة قبل أن تتقافز من المقل كبداية المطر فت فت فت. يااااااااااااااااااااه .
Post: #20 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-16-2012, 12:27 PM Parent: #19
أخي المشرف.. تحياتي..
Quote: التهكم كأداة من أدوات الكتابة فى هذا المنبر مشروعة جدا.. ودوما ما أمارسها وفى بالى شهوات مريد البرغوثى ..
بهذه التقدمة منحت النص شرعيته .. الاترى أفضلية ملاءمة .. في توصيف عمل الأخ أمين .. ضمن مقومات الأدب الساخر بدلا عن لفظ التهكم .. في كل الأحول متفق معك أن العمل يستهدف نص الأديب الخواض المتداول الآن في البورد.. ويستصحب وتائره في التعريض بوتائره بنمنمات الأدب الساخر.
Post: #21 Title: Re: البْلَّالاَّت أو جَفوةُ الكِستْناء .... شعر حديس !! Author: مرتضى احمد عبد القادر Date: 03-16-2012, 12:42 PM Parent: #20
نوته طلع في بوست وخلفيات وانا ما عندي شي في السالفة دي
اب تفة غايتو عندك جنس حركات اسي لو نوتة دا ما صحبك تعريض دي كانت نقصت حرف :)
Post: #22 Title: Re: البْلَّالاَّت أو جَفوةُ الكِستْناء .... شعر حديس !! Author: عاطف عمر Date: 03-16-2012, 12:59 PM Parent: #1
بروف أمين روحنا وحبنا
Quote: شعر الدكتور أمين محمد سليمان أمير أمراء الشعر الحديس بالمنبر و المنابر المجاورة ..
الكضب خيبة المنابر المجاورة ما بعرفا لكن في منبر سيدنا بكري دا أمير أمراء الشعر الحديس هو الفاروق عمر ( أخوك في الصلعة.... وربما في البل ) طبعاً أنا زي ( مصادرك وبلاويك ) البتجي خاميها دي ما بعرف ليها لكن أصلن أصلن مثلي لا يسأل عن مصدر فقط Take it
Quote: بلة تحفها ثلاث بلات من الاتجهات الأربعة ... تسربت في مسامي مثل حبو العاشقين .. بلة تدوزنت و تكوزنت في جسور الشمس و فاصلة المغيب ... بلة ترتاح في شفق البحيرات مثل أنثي عصفورية ذات صدر بهيج ... بلة تغض مضاجع النجوم الساهرة و تعض شفاة السعادة العابرة...
في ثمانينات القرن الماضي أعاد موسيقارنا الراحل المقيم محمد وردي توزيع أغنيته " أعز الناس " كان اللافت أن الكورس الذي صاحبه قد تكون من الفنانات ( حنان النيل ، حنان إبراهيم ، حنان منو كدا ماعارف ) تحلقنا ذات مساء حول تلفزيون كافتيريا في ( البركس ) نشاهد ونسمع ونتمايل مع التوزيع الجديد وكورسها ذي ( الغنة ) في منتصف الأغنية جاء صديقنا الساخر المرحوم د. إبراهيم رحوم ولاحظ إندماجنا والجميع يردد مع ( الحنانات )
يا أعز الناس حبايبك نحنا زيدنا قليل حنان
أطلق طرفته
" هسع إنت ململم ( الحنانات ) كلهن تاني يجيبوا ليك قليل حنان من وين ؟؟ والله بعد دا إلا تجيب حنان بلوبلو "
لايكوايز يا عمنا
جننت بلة جن
Post: #23 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-16-2012, 03:41 PM Parent: #22
Quote: حلوة ثلاثة بلات من الاتجاهات الاربعة دى .. عجبتنى ..
شكرا يا ستهم ... (البلات) عجبتك لانو النص فتح معاكي ....
-------------- دكتور هيثم يا حبيبنا
Quote: يعني لو نويت علي الشر - ما تقول للزول بل راسك !
في داعي لحركات المثقفين و قصيدة نصها اسماء الله الحسني و النص التاني خمور مستوردة !!
مكبر اللفة مالك
مافي شر والله ... بنمارس في حقنا الديمقراطي في شعر خالي من البل و كلورسترول اللغة ... كبيرة اللفة دي ذاتها جزء من عدم الشر ... لو كتبت قصيدتي الباذخة دي هناك كان الشر جاني مارق بالشاشة ... -------------- أبو خليل يا حبنا .. شكرا للتشجيع
Quote: المتبلبل الكستنائي
هكذا الشعر ولا بلاش..
أخوك بعتبر نفسو مجدد الشعر الحديس في القرن العشرين فبالله ما تبخلو بالتشجيع ... و كان في نص استغلق عليك ممكن تستعين بالناس القدرت تفتحو !!
Post: #24 Title: Re: البْلَّالاَّت أو جَفوةُ الكِستْناء .... شعر حديس !! Author: وليد محمد المبارك Date: 03-16-2012, 03:55 PM Parent: #23
حديس بتاع فنيلتك
بس تحاكو في الصناجة الفاروغ
________
اها يا معلم ما وريتنا لفقت معاك ام لم تلفق
Post: #25 Title: Re: البْلَّالاَّت أو جَفوةُ الكِستْناء .... شعر حديس !! Author: سيف النصر محي الدين Date: 03-16-2012, 04:02 PM Parent: #23
ناس الخواض يا أمين ينفخون الروح في اللغة العربية التي "لولاهم" لوجدت -بصعوبة- مكانا قصيا تضع نفسها فيه منزوية في ركن ما من متحف الكائنات المنقرضة. المهم لو ركزت شوية يمكنك أن تنجز نصك الخاص.
Post: #27 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-16-2012, 04:16 PM Parent: #23
Quote: لماذا يعلف أمين من مائدة الخواض دون اذنه:)
-- البوست ده مافي شك جادي و شرّاني
وكل يا حبيبنا ... القصيدة ما معلوفة .... ده توارد خواطر بيحصل بين الشعراء الكبار بتاعين الشعر الحديس الزيي و زي المشاء كده ... بعدين ياخي البوست جادي لكن ما شراني !! ------------- حيدر الياباني .. سلام يا صديق
Quote: يا أمينناالذي "يكوضم" ويقبض على العالفين في الله خلي صاحبي ده في حالو الحداسة دي مافيها علف لوغلبك تستسيغها أعمل نايم بس
يمين بالله يا حيدر، صاحبك ده أنا معصور عليه جدا و بحبو لله في لله كده رغم إنو عمرنا ما اداخلنا مع بعض ... لكن البل الببل فيه صاحبك للشعر يجعل السكوت جريمة !! ------------- جدو يا حظوظُ المؤوِّلِ في ساعة الكشفِ... يا راموزُ فاكهةٍ بسطتْ فوحها للأيائلِ
Quote: أنا من قريت العنوان عرفت إني موعود بإبداع كستنائي غير مسبوق او معلوف
ربنا يخليك للمساكين والمبلولين الزينا...
أنا هنا يا جدو من أجلك و من أجل أمثالك ... من أجل المساكين والمبلولين من أبناء وطني .... من أجل قليلي الثقافة و الناس الما بتفهم شعرنا الحديس ده و لا عندهم مفاتيح لنصوصنا الباذخة دي ... أنا هنا من أجلكم يا جدو... فلا تحزن !!
Post: #63 Title: Re: البْلَّالاَّت أو جَفوةُ الكِستْناء .... شعر حديس !! Author: جدو Date: 03-17-2012, 02:21 PM Parent: #27
Quote: أنا هنا يا جدو من أجلك و من أجل أمثالك ... من أجل المساكين والمبلولين من أبناء وطني .... من أجل قليلي الثقافة و الناس الما بتفهم شعرنا الحديس ده و لا عندهم مفاتيح لنصوصنا الباذخة دي ... أنا هنا من أجلكم يا جدو... فلا تحزن !!
انت عارف لما قريت النص المعني طوالي جاني إحساس المسطول القالو كان قاعد قدام البحر وفي خضم تاملاته شاف الموج ماشي عكس..اتحير قال كان اتكلمنا يقولوا مسطول وكان سكتنا مدني غرقت :) خصوصاً إنه الناس كلهم بتكلموا عن إنه في نص والقراء مفروض يرتقوا ليه، ماذا وإلا يدونا عجاج كرعيهم..
الحمد لله لقيت لي مجنون معاي ولا كان شكيت في قواي العقلية
دي أكيد كديسة سجيمان، لأنو الدور الفات كانت برضو في شكل وردة ..
النص واضح جداً إلا أن حالات الإستغلاق الفكري تنتج عادة من الشُح في شرب الشامبيون وبعض رقائق الكِستناء الصنوعة في تركمنستان!
،،
بالنسبة للرقم يا دكتور دا من ياتو شبكة ؟ سوداني ولا زين ولا إم تي إن!
Post: #28 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-16-2012, 04:33 PM Parent: #26
Quote: يا أميننا أترك ما لا يعجبك وأذهب دون تعريض..
غايتو يا ياسر المكاشفي ما ختا عليك كلو كلو ... هسي إنت بتفهم شنو في الشعر الحديس عشان تقول لي كلامك ده ؟! --------------------- شكرا يا أخطبوط علي التشجيع ...
Quote: البروف أمين لله درك وشكرا لهذه الدوزنة الباذخة التى فتحت مسامات الروح ضلفتين وفي طريقها لفتح الضلفة الثالثة . نص كحبيبات البلور الملونة توضأ بماء الفستق وإغتسل بالندي ومشي نحوه الجمال فاردا صبابات الهوي وحاسرا عن غموض ساحر . قرأت هذى الأسطورة مرة وإثنتان وفي الثالثة غبت في دنياوات رأيت فيها القمر الخجول وقد تدلي على سلاسل الدهشة ليسقي جذور الوعد القديم . وايم الله غمرني الدفء اللذيذ وخنقتني العبرات هنيهة قبل أن تتقافز من المقل كبداية المطر فت فت فت. يااااااااااااااااااااه .
قصيدتي دي تعد احد الفتوح الربانية في عالم الشعر الحديس ... أعلم تماما صعوبة فتح النص من المرة الأولي لمعظم الناس و لكني أعول عليك و علي أمثالك ممن فتح الله بصيرتهم و بصائرهم ... بعدين يا أخطبوط حنكك العاضي ده كلو كوم و (يااااااااااااااااااااه ) دي كوم تاني .... حقت مسغفين حديسين بالجد !! ------------------ حبيبنا محمد حيدر ... اسمح لي اجيك في الاخر
يا مورتا لعن الله الصداقة، دفعتنا بوضع نقطة زائدة ؛) ___ مشتاقين يا فقر..
Post: #30 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-16-2012, 05:31 PM Parent: #28
مولانا محمد علي الملك .. سلام يا رجل و لعلك بخير
Quote: بهذه التقدمة منحت النص شرعيته .. الاترى أفضلية ملاءمة .. في توصيف عمل الأخ أمين .. ضمن مقومات الأدب الساخر بدلا عن لفظ التهكم ..
شكرا لوضع الأمور في نصابها !! -------------
Quote: اب تفة غايتو عندك جنس حركات اسي لو نوتة دا ما صحبك تعريض دي كانت نقصت حرف :)
إنت غايتو الله يخليك لجنس ده !! ------------- كتب أبو أمين حبيبنا الأساسي
Quote: الكضب خيبة المنابر المجاورة ما بعرفا لكن في منبر سيدنا بكري دا أمير أمراء الشعر الحديس هو الفاروق عمر ( أخوك في الصلعة.... وربما في البل ) طبعاً أنا زي ( مصادرك وبلاويك ) البتجي خاميها دي ما بعرف ليها لكن أصلن أصلن مثلي لا يسأل عن مصدر
و كتب وليد الشفت ( فردة عمر الفاروق ) :
Quote: حديس بتاع فنيلتك
بس تحاكو في الصناجة الفاروغ
عمر الفاروق بتاع قلبكم ؟! أنا اعمالي الشعرية الحديسة منشورة من زمن عمر الفاروق بتاعكم ده كان عندو شعر ... بعدين شعر عمر الحديس (يصيبني بالانضراس وتختل كل حواسي الموسيقية عند سماعه)* .... المقارنه بين شعري و شعر الفاروق الحديس ... تماما مثل المقارنة بين فولتير و نافع علي نافع في فهمهم للديمقراطية ... مافي حاجة مرجعاتا لوراء غير مجاملتكم في الأمور الشعرية دي ... ------------ بالجمبه كده : عمر الفاروق ده واحد من قلائل الناس الانا شتمتهم في هذا المكان ( الكلام ده بكون ليه سنتين كده ) .. تقبل إعتذاري يا عمر و طالما طلعنا أولاد نفس الكار أرجو إنو نسمع صوتك هنا ... ------------ * الجملة دي قالها الخواض للاستاذ بشري الفاضل و جابها ليه وهبة في بوست الهنيهات !! و عشان ما يكون الكلام مبتور ..دي جملة الخواض لبشري الفاضل
Quote: كل مقصدي الا نضرس كثيرا ،فحين اسمع مقطعا مكسورا اصاب بالانضراس وتختل كل حواسي الموسيقية.
------------
Quote: اها يا معلم ما وريتنا لفقت معاك ام لم تلفق
اتخيل يا وليد بعد تعبك داك كلو ما حاولتو ... إتبليت في الشغل و ما كان عندي وقت أعمل أي حاجة .. أديتو لزول عملو لي ... حا أرسلو ليك في ماسنجر !!
Quote: يا مورتا لعن الله الصداقة، دفعتنا بوضع نقطة زائدة ؛)
غايتو يا طيفور لولا انك لا تفهم في الشعر الحديس -فاني اشهد لك بانك ألمح من مشي علي ارض هذا المنبر اما صديقك بلال بن خسران الكستنائي فدعه في غيه و ضلاله القديم - فانه كما جاء في الاثر (من شب علي شئ الخ البل !) و كما جاء في الاثر ايضا ان للاخرة علامات كبري و صغري فان لفكة الكورة ايضا علاماتها المتنوعة !
وما علينا الا الاجتهاد في ايجاد التشابه بين الاخرة و الكورة -فان وجدنا فانه حتما سياعدنا في علاج ضلال هذا الرجل !! و اعني علينا التجمل بالصبر و الجلد -و ليس كل ما نريده سنجده في الاثر !! و علينا الانتظار و الترقب لظهور العلامات الكبري !
يا هيثمنا قبل يومين كنت مع "الضليل" صاحب البوست في سيرتك بالتلفون، طفق يُشِكر فيك، حتى ظننت أنه يتقاضى عمولة ؛) ___ رسل تلفونك في الماسنجر حتى لا ينفرد بك هذا الضليل..
الكتابات الأدبية عموماً، من شعر ونثر وقصة و... إلخ، ما يعجبني منها أعلق عليه إيجاباً، وما لا يعجبني أتركه دون أن أجرح الذين أعجبهم النص، حتى لو لوكان المعجب الوحيد هو صاحب النص.. لو عملنا طريقة الصديق أمين على كل ما يُكتب من أدب، لما نشر ناشر..
تحايا يا جميل وسلام لكل رواد البوست . أعجبتني الطريقة الساخرة في هذا النص وطريقة المجاراة الطريفة ( أعجبتني كنص فكاهي من رجلٍ فكِه ) ولا أخفيك سراً؛ ضحكت . هذا من ناحية . ولكن عندما وضعت نفسي موضع الدكتور أسامة وجدت ما كتب هنا مؤذٍ جداً وقاس . كانت ستكون مقبولة علي الأقل في نظري لو كتبتها كمداخلة في البوست في شاكلة أنك يا دكتور كتبت كذا وكذا ويمكنني أنا أن أكتب مثل هذا الكلام وتأتيه به كمداخلة وحسب . أقول لك أنه شديد القسوة لأن المبدع يكتب بدمه ويؤلمه جداً أن يُراق هذا الدم ويُهدر بهذه الطريقة الساخرة التي قد تعجب أمثالي بإعتبار أن ( كراعي في الموية ) مافي النار . أنت تعرف أني لست وصياً عليك وتعرف أكثر مودتي وحبي وإحترامي ولك أن تكتب ما شئت؛ ولكني أري أن ما يحدث هنا عبارة عن محرقة باردة . كمن يقتلك برفقٍ وإنسانية وتتعدد الأسباب والموت واحدُ . أشكرك يا بروف وتحياتي لك وللجميع . شكرن كتيرن .
Quote: أقول لك أنه شديد القسوة لأن المبدع يكتب بدمه ويؤلمه جداً أن يُراق هذا الدم ويُهدر بهذه الطريقة الساخرة
يا حبيبنا و حبيبها
و من اين لهذا البلال الضليل ان يرتقي ليفهم ذائقتك الرفيعة - و هيهات لمن لا ابداع له ان يشعر بألم المبدعين !
لا تخشي يا سيدي فإنّا ارتضينا بك علينا جميعا وصيا مرضيا و ليبارك خطوك الرب و يرفع الوقر و (الواكس ) من اذانهم و من قلوبهم شهوة الاذي و البل !
Post: #37 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-16-2012, 09:57 PM Parent: #35
يا سيفنا المنصور و المبلول في مدائن العشق الرطيبة
Quote: المهم لو ركزت شوية يمكنك أن تنجز نصك الخاص.
الكلام ده تقولو لزول ما عندو دكتوراة و بروفسيرشب فالصو !! ياخي أنا من نصي الأول أعلنتني أمير أمراء الشعر الحديس، تقول لي نصك الخاص ... بالله يا حبيبها تعال بل لي دكتور سيف و كلامو المؤلم ده ... ---------- عبدو يا حبيبنا ...
Quote: دي أكيد كديسة سجيمان، لأنو الدور الفات كانت برضو في شكل وردة ..
يا زول سجيمان ده من الضهاري ... لا هو لا كديستو ما بكونو شافو شارع المك نمر ... بعدين ياخي القطة في نصي الباذخ ده ما مقصود بيها الكديسة ... مقصود بيها الأم ... ربة العائلة ... و إنت شئت الدقة تحديدا مقصوده بيها إيزيس عند قدماء المصريين ...
و ده واحد من الأسباب اللي من أجلها طالبتكم بقراءة النص أكتر من مرة لانو إستحالة يفتح معاك من أول مرة ...
Quote: النص واضح جداً إلا أن حالات الإستغلاق الفكري تنتج عادة من الشُح في شرب الشامبيون وبعض رقائق الكِستناء الصنوعة في تركمنستان!
أنا كدكتور ممكن أشخص حالتك دي كمبادئ إلتهاب في العصب الحديس ... يعني إنت ممكن يجي منك و تجي تزاحمنا في رزقنا !! ------------
Quote: فعلاً تعد من العدة التى يختال من فوقها ( ديك ) حبشى..
يا مستكاوي .... ياخي مية مرة قلت الناس الأستغلق عليها النص تضرب مربع تلاتين إتنينين ... لو ما فتح معاك اضرب نجمة تلاته سبعات ... لو لسه ما فتح معاك يبقي ده قسمك فيما لا تملك ... الله رايد ليك كده و دي أنا ما عندي ليها حل !! ------------ ياسر طيفور و دكتور هيثم .. الدور التخريبي البتسوو فيه ده مرصود و معلوم لدينا .. ده محل بتاع نقاش علمي ... ونستكم دي بالله أمشو بيها التلفون !!
Post: #41 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-16-2012, 11:21 PM Parent: #37
أخانا في الله و الوطن و أشياء أخر محمد حيدر المشرف .. سلام ياخي و لعلك بخير
Quote: التهكم كأداة من أدوات الكتابة فى هذا المنبر مشروعة جدا..
أول حاجة كتر خيرك الأديتني الحق ده و إن كنت لم استسغ كلمة تهكم و أفضل أن تكون نقد ساخر ..
كل الأنا عملتو يا المشرف كواحد من الناس الاطلعت علي نص الأستاذ الخواض ده إني سخرت من القصيدة القدمها بطريقتي الخاصة ... ما سخرت من الأستاذ الخواض و لا ينبغي لي بل بالعكس - لسبب ما - الزول ده أنا معصور عليهو ... لكن شعرو ده ( و أنا هنا بتكلم عن الهنيهات و الشعر الزي ده ) أنا ما شايفو شعر من الأساس و إن إتفق الأنس و الجن علي ذلك ... يعني يا محمد حيدر زي ما إنت شايف إنو الهنيهات قصيدة مجيدة ... أنا شايف ( و يشهد الله علي ذلك ) إنو قصيدتي الباذخة و المعنونة ب( البْلَّالاَّت أو جَفوةُ الكِستْناء ) و الما عندها لا معني لا مبني دي لو ما زي قصيدة الخواض ما أقل منها !!! السخرية هنا من العمل ما من صاحب العمل ... خلاصة نقطتي الأولي ( أستاذ الخواض محل احترامنا و تقديرنا ... لكن الهنيهات و أشباهها محل نقدنا و بلنا و سخريتنا ) ... -------------
Quote: من نريد أن نحاكم هنا ؟! هل نريد محاكمة الخواض ؟! أم نريد محاكمة النص ؟! أم الاثنين ؟!
وكمحاولة للاجابة أقول ..
ماذا لو أنزل الخواض نصه هنا وانصرف ؟! هل كان سيكون عندها عرضة للتهكم ؟! وأجزم أن الاجابة ستأتى بالنفى ..
ونخلص بذلك أن الدور الذى لعبه الشاعر بعد كتابة النص بالتفاعل مع الناس هو ما جعله عرضة للتهكم .. والخواض معنى هنا بالمحاكمة "التهكم" وفى مرحلة ما بعد انتاج النص ..
غايتو يا دوك قصة انك تسالني السؤال و تجاوبو و بعداك تحلل الأجابة دي قصة صعبة جدا ... و يا ريت لو اجابتك كانت صحيحة .. يا محمد ياخي أنا بحاكم في النص بتاع الخواض ... الخواض أنا ما بعرف ليه سمح ولا شين عشان أحاكمو ... أنا بحاكم في كتابتو و من وجهة نظر شخصية جدا ما عندها علاقة بالعلمية ذاتها .. يعني لو سالتني من أوزان الخليل و الكلام ده إلا أجيب ليك حمور ... الكتبو الخواض ده في رايي علاقتو بالشعر زي علاقتي بالدكتوراة !! و دي مسالة أذواق الناس تختلف و تتفق فيها و إن كنت لا أعرف كيف يختلف الناس في إنو قصيدة الهنيهات ما عندها علاقة بالشعر أساسا و لمصلحة النقاش خليني أجيبها هنا :
الهُنيْهاتُ أو خَفَرُ الأناناس شعر: أسامة الخوَّاض ********************************** الهنيهاتُ بنتُ الرذاذ\الغيوم "ألوت"*، قوافٍ من الشوكولاتا: الطريقِ الوحيد الأكيد الرشيد الحميد المجيد السعيد المريد المعيد المؤدِّي إلى كوّة الفَرْج الأبنوسيِّ، توقُ اللطافة للجاذبيةِ، صوتُ الموسيقى تهدهده حظوة الحقلِ، رغوةُ شمبانيا الانسكابِ، حظوظُ المؤوِّلِ في ساعة الكشفِ، راموزُ فاكهةٍ بسطتْ فوحها للأيائلِ، لؤلؤةٌ نمْنمتْ خفر الأناناس على وجهِ فاتنةٍ إستوائيةٍ، لثغةٌ عُجِنتْ من طحين اعتراف النبيذ لقسِّ الكرومِ، منمنمةٌ نُحِتتْ من ثلاث هنيهاتْ هنيهة أن تتدوزن من سمر الكتْب في حبْوها المتصاهل منسربا في رفيف المكان، هنيهةَ بوح الشقيقةِ \طلْق الصديقةِ في "الفيسبوك" ، هنيهةُ تعميدنا في غدير الأنوثةْ
مونتري-كاليفورنيا-مارس 2011-4 فبراير 2012.
. معقولة بس !!!! ------------ ساعود لمواصلة النقاش يا محمد حيدر
Post: #38 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-16-2012, 10:02 PM Parent: #35
الاخ العزيز الملك ..
Quote: بهذه التقدمة منحت النص شرعيته .. الاترى أفضلية ملاءمة .. في توصيف عمل الأخ أمين .. ضمن مقومات الأدب الساخر بدلا عن لفظ التهكم ..
لم افهم كيف منحت مقدمتى شرعية للنص .. وهل كان النص غير شرعى يا عزيزي ؟! وأما التهكم كتوصيف لعمل أميننا فأعتقد أن أمين قد كتبه تهكما أو ساخرا .. وقد اكون مخطئا ولكن وبالتأكيد لم يكتب هذا العمل ليدخل فى باب الادب الساخر ..
ياسر يا صديقى .. أتفق معك تماما وتمنيت لو كنت كتبت أنا ذات مداخلتك وبذات النقطة التى لن استطيع تجاهلها ..
تحياتى لكليكما وكل الود
Post: #39 Title: Re: البْلَّالاَّت أو جَفوةُ الكِستْناء .... شعر حديس !! Author: الجيلى أحمد Date: 03-16-2012, 10:29 PM Parent: #38
Quote: يا سيفنا المنصور و المبلول في مدائن العشق الرطيبة
Quote: أعول عليك و علي أمثالك ممن فتح الله بصيرتهم و بصائرهم
لينا كل الفخر يا بروف، أصلا نحن هنا للعون والسند إنتم تحرثون ونحن نتيرب .. واحد مثلا زي المدعو جرجير المعروف بود البشري أراهن أنه قرأ النص أعلاه عشرات المرات وإستعان بآخر قطرة من عصارة مخه ثم حمل هذا الرسم البديع كمن يحمل أعباء ثقيلة ووضعه بكامله مية مرة على قوقل ومثلها أضعاف على محركات الترجمة والبحث ليفهم عبارة واحدة مما ورد فيه دون جدوي. لأجل أمثال هذا المسكين يا بروف سخرنا بعض من أوقاتنا الثمينة وحشدنا كل إمكاناتنا الكبيرة في فتح المستغلق من الأشعار الباذخة وتبسيط المبهم المستعصي من مستحسن الكلم.
Post: #42 Title: Re: البْلَّالاَّت أو جَفوةُ الكِستْناء .... شعر حديس !! Author: مرتضى احمد عبد القادر Date: 03-17-2012, 00:00 AM Parent: #40
يا اب تفة انا قلته حرف انت صلحتها نقظة عارف روحك :) بالنسبة للشوق اتحدى عشرة زيك
Post: #43 Title: Re: البْلَّالاَّت أو جَفوةُ الكِستْناء .... شعر حديس !! Author: هيثم طه Date: 03-17-2012, 00:09 AM Parent: #40
Quote: يا محمد ياخي أنا بحاكم في النص بتاع الخواض ... الخواض أنا ما بعرف ليه سمح ولا شين عشان أحاكمو ... أنا بحاكم في كتابتو و
يا بروف ياخي لا افشيك سرا انو الضحك قتلني من طريقة تناولك للقصيدة -و اظهرت مواهب دفينة لسرقة التناص زي هشام و الزول ممكن يكون علي قول حبيب نورة مبسوط من جوة لكن احساسي زي احساسو في النهاية -قصدي نحن كمبدعين بنعرف انو الابداع بكون مصاحبو الم عميق !! و طبعا دي حاجة صعبة عليك انك تفهمها - مقدرينها ليك و عاذرينك - لكن ياخي ما ممكن تبل في الراجل و تقول لينا انت بتبل في النص !! قَصَد البل و اراد المبلول !! ما ممكن حنكك دا ! ياخ انت عارف انو في سياق المنبر و مفهوم البل السائد مافي حاجة اسمها (بل) النص ! يعني انت لامن كنت في تبل في قصص هشام ادم كنت بتبل في القصص ولة في هشام ! قول لي القصص ! المهم النص في النهاية ما بمتلك خاصية الابتلال ! يعني البشيل وش البل في النهاية صاحب النص في سياق و مفهوم المنبر و بالذات مع سيرتك الذاتية الغير مشرفة في البل !! انا شخصيا نص الاستاذ الخواض في تقديري فضيحة للادب و الشعر السوداني و الكان اسوأ طريقة دفاعو عن القصيدة و الاستاذ الخواض زاتو ما مقصر بل للدكتور بشري الفاضل بطريقة عجيبة - يعني البال و المبلول في النار !
عموما انت واصل مع حيدر لانو هو من القلائل اتي لحوار - غايتو لو كنت قلت انك عندك مشكلة شخصية مع الخواض -ان شاء الله كضب ساي -زي ما قلت في حالة هشام حنكك كان ممكن يكون مقبول لكن تقول لينا في المنبر انك بتبل في النص !! ياخي انت ما عارف الفرق بين النص و التناص و النصاص ! - لو كنت كاتب ولة ناقد ادبي كنا ح نقول انك بتحاكم في النص - فقط لا يمكنني الا ان اردد هنا المقولة المشهورة قبل ايام (لماذا تستهدف الكائنات الاسفيرة القمم الابداعية في بلادي )!! --- انت مورتا وين ! عشان مع بعض نقلب السحر علي الساحر ! و نبل البروف دا
Post: #44 Title: Re: البْلَّالاَّت أو جَفوةُ الكِستْناء .... شعر حديس !! Author: مرتضى احمد عبد القادر Date: 03-17-2012, 01:13 AM Parent: #43
يا هيثمكا البروف بالي ررقبتو براهو و شغال مقدم بوستات ما يطلبه المستمعون
بله و بعيد
Post: #45 Title: Re: البْلَّالاَّت أو جَفوةُ الكِستْناء .... شعر حديس !! Author: محمد عثمان ابراهيم Date: 03-17-2012, 03:19 AM Parent: #44
يا أميننا سلامات وشكراً على البوست الجميل. أعيد ما سبق أن قلته لك إن كتابتك الساخرة مختلفة و(جادة) وعميقة. الحقيقة رأيي مشابه لرأيك في شعر أسامة الخواض ولكن لم تأت مناسبة ,اتمنى الا يكون في حديثي قسوة لا أقصدها. أعتقد أن أسامة الخواض لم يتحقق -بشكل كبير- كشاعر وحضوره على المسرح الشعري قليل الكثافة من جهة الإحتفاء أو الدرس أو النقد أو النشر. وصحيح أيضاً إن تجربته الأدبية كبيرة بحساب السنوات والمعارف في الوسط الأدبي ولكن هذا وحده لا يكفي لصناعة شاعر كبير. أول ما قرأت لأسامة الخواض كان قصة قصيرة نشرت في الثقافة السودانية تقريباً وأذكر أنها راقت لي ثم تعرفت على شعره لاحقاُ بعد أن اتخذ لنفسه لقب المشاء. قصيدته الأخيرة (مشيها قصيدته هذه) متينة من حيث المعرفة بقواعد اللغة والإملاء فقط ، في نظري، لكن ينقصها الكثير لتصبح قصيدة شعرية جيدة. طريقة أسامة في إعادة تقديم قصائده عبر مطولات نقدية معقدة، طريقة لا تخدم مشروعه الشعري بقدر ما تعيد تقديمه كناقد وهذا حقل آخر. هذا مع مودتي وتقديري
Post: #46 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-17-2012, 05:48 AM Parent: #45
مواصلة مع محمد حيدر
Quote: بناء على ذلك أرى أن عليك الآن الرد على مسألتين كانتا مدخلا لتهكمك.. والأولى شاقة جدا إذ تتعلق بمحاكمة الشعر الحديث ..
والثانية تتعلق بمحاكمة الشعراء فى مرحلة ما بعد النص فى تفاعلهم سلبا وايجابا مع القراء ..
أول حاجة ياتو شعر حديث الانت بتتكلم عنو ؟ الشعر الحديث بتاع ناس درويش و نزار و أمل دنقل ده ولا الشعر الحديس بتاع الخواض ؟! لانو - في تقديري - مافي علاقة !! يبقي أنا هنا لا اتحدث عن الشعر الحديث إطلاقا ... أنا اتحدث عن النص الفوق بتاع الخواض و اللي في تقديري ما عندو علاقة بالشعر أساسا ... فيما يخص مسالة التفاعل مع القراء أنا شايفها مسالة ثانوية لانها أقرب لشخصية و مزاج الكاتب أو الشاعر ما النص ...و نحن هنا غرضنا النص ما الكاتب ... لكن اللفت نظري في كلام الأستاذ الخواض بعد إنزالو للنص مسالة (استغلاق ) النص للناس الما فهمو كلامو زي وهبة ... و هسي يا محمد حيدر : خليك من وهبة و من كونو مافي قافية و مافي موسيقي و بطاريات النص نايمة مافي نقر ذاتو ...خليك من ده كلو و أنا جادي جدا في طلبي ده ... تعال اشرح لينا قصيدة أستاذ الخواض الفوق دي ... القصيدة دي بتتكلم عن شنو و معناتها شنو و فهمها شنو ... لاحظ أنا زول عندي دكتوراة في أي حاجة و بعد ده 90% من الكلام ما فاهمو... ناس وهبة و الصايم و قيقا و باقي الرجرجة الهنا ديل غير الأنناس الفي العنوان ما بكونو فهمو التكتح .... --------------------
Quote: المعضلة هنا تكون كالآتى .. يا إثبات تطفل النص على الشعر "الحديس" يا محاكمة الشعر الحديس" وبأدوات جادة جدا وراء التهكم الذى قد أراه مناسبا كمدخل .. بيد أنه لا يصلح مطلقا لأن يعول عليه أبعد من المدخل ..
ما عارف إثباتات دي كيف ...لكن من وجهة نظري الخاصة جدا إنو تسمية نص الاستاذ الخواض الفوق ده شعر من اساسو ما صاح ... ممكن يكون النص موزون حسب واحد من بحور الشعر لكن بعد داك مافي شئ ... لا قافية ... لا موسيقي ... لا صور جمالية ... و الأكعب من ده كلو إنو كلام ما مفهوم ( طبعا ده حسب شوفي ) ... و واضح انك شايف العكس .... يبقي تعال ورينا نص الخواض الفوق ده شعر كيف من الأساس.... و وين (حسب شوفك) حسيت بموسيقي شعرية في النص ... و لو في صور جمالية ورينا ليها ... و أهم شئ تشرح لينا معني الكلام ده ... --------------------- ياسر طيفور ... يا قطيع من الشياة يبحر في دمي !!
Quote: الكتابات الأدبية عموماً، من شعر ونثر وقصة و... إلخ، ما يعجبني منها أعلق عليه إيجاباً، وما لا يعجبني أتركه دون أن أجرح الذين أعجبهم النص، حتى لو لوكان المعجب الوحيد هو صاحب النص.. لو عملنا طريقة الصديق أمين على كل ما يُكتب من أدب، لما نشر ناشر..
ليه نقد نص ممكن يجرح كاتبو أو زول معجب بيهو إذا علق عليه البعض سلبا ؟! ياخي نحن بنمارس في حقنا الديمقراطي في إنتقاد نص بسخرية شديدة و بكل أدب و إحترام ؟ و الشاعر أو القاص لو ما عايز الناس تنتقد نصو يلمو عليه و ياما في شعراء دفنت شاعريتهم خوفا من بل النقد إذا خرجت أعمالهم إلي العلن ... بعدين يا ياسر حسب كلامك لو النص عجبك تعلق لو ما عجبك ( تخليه في حنانك ) ..لو طبقنا منطقك ده ما كان بكون في علم نقد و لا نقاد و لا معني للنقاش في أي عمل أدبي !!
Post: #49 Title: Re: البْلَّالاَّت أو جَفوةُ الكِستْناء .... شعر حديس !! Author: دينا خالد Date: 03-17-2012, 07:36 AM Parent: #46
مفاتيح ازليه سرمدية فيها حنيية للكستناء فتحنا بيها بعد ان استغلق علينا نص البروف نوردها ههنا علها تشتغل معاكم .. مفتاح Z Y : وقيل فى الاثر زمان قبل الحقيبة وقبل الحداسيين .. وقبل ما بعد الحداسويين .. (طبعا ديل البروف فى غييه النبيل ما سمع بيهم) بلال بلال بلالى انا دخرى الحوبة سار يا بلالى انا البلال اب ذوق عشا امو المنفل بين اماتو وامو ــــــــــــــ او بمفتاح ودخالة فاطنة وليكم بلالى البدرج العاطلة اب كريق فى اللجج سدر حبس الفجج عشميق حبل الوجج انا اخوى مقلام الحجج ـــــــــــــ
يا خريف الرتوع اب شقة قمر السبوع فوق بيتو بسند الجوع ويا قشاش الدموع
ـــــــــــــــــ ياخ دى بالغت فوكا كتلتنى بالضحك والله ماقادرة اوقف ضحك قدر ما زجرت نفسى (( ياسر طيفور و دكتور هيثم .. الدور التخريبي البتسوو فيه ده مرصود و معلوم لدينا .. ده محل بتاع نقاش علمي ... ونستكم دي بالله أمشو بيها التلفون !!))
Post: #50 Title: Re: البْلَّالاَّت أو جَفوةُ الكِستْناء .... شعر حديس !! Author: دينا خالد Date: 03-17-2012, 07:41 AM Parent: #46
امين يحصد نقاط ثمينة فى طريقه للفور اووول ...
ــــــــــــــ اتقدم بدعو صادقة للاستاذة الناقدة النحريرة سناء الصباغ لوضع هذا البوست فى مساره الصحيح .. ما شايفاها لعل المانع خير؟ ما تكون ماتت ؟ فالموت نقاد يختار النقادين البلا زمم !!
Post: #51 Title: Re: البْلَّالاَّت أو جَفوةُ الكِستْناء .... شعر حديس !! Author: دينا خالد Date: 03-17-2012, 07:58 AM Parent: #46
فقرة من مداخلة للمشاء فى البوست الاصلى
Quote: و لماكس فيبر عالم الاجتماع اكتشاف مدهش حول ذلك ،حين تحدث عن دور "الأخلاق البروتستانية" في نمو و تطور الرأسمالية في المناطق التي تنتشر فيها البروتستانتية. فإذا كان ماركس يقول بأولوية الانتاج المادي في تشكيل البنية الفوقية، يضيف ماكس فيبر بعدا أخر،و هو دور القيم و المعتقدات في الإنتاج المادي.
اها يا امين دا كمان شعر ؟؟ رد ما تهرب الى الامام ... ــــــــــــــ
ومداخلة اخرى للمشاء فى البوست الاصلى ولا شعر ولا حاجة كلام الله والرسول دا .. رد رد كان شاطر وما تتهرب بى جاى وبى جاى ..
Quote: انطلاقا من هذا ومرورا بمختلف إشارات كريستيفا حول الإنتاجية النصية وببعض أعمال يوري لوتمان، وبمفهوم "القارئ الجامع" الذي اقترحه ريفاتير والذي ما يزال تجريبيا، وكذلك بوجهة نظر هيرش ( E.D. Hirsch ) النقدية (6)، نصل أخيرا إلى مفهومي الكاتب والقارئ الضمنيين اللذين طورتهما ماريا كورتي (M. Corti ) وسيمور شاتمان (S .Chatman) (7) (وأفكارهما قامت على أفكار واين بوث). ونصل أخيرا إلى المفهوم الذي أقترحه أنا عن القارئ النموذجي (8)، وأنا مدين في صياغته إلى مقاربة السردية من منظور منطقي صوغي، كما نهض بها فان ديك ( T . A Van Dijk) وشميت (S . Schmidt ) (9)، وكذلك هارالد فينريش (H . Veinrich) (10)، ثم فكرة لويجي باريسون (L Pareyson ) (11) المتعلقة طبعا بكيفية تشكل الكاتب بوصفه محفلا ثاويا في النص. غير أن ماريا كورتي تنبهنا إلى أن ميشيل فوكو كان سباقا إلى طرح قضية المؤلف في أحد نصوصه - من منظور يتجاوز البنيوية بمعناها الحرفي - بحيث اعتبره مرتبطا بكيفية وجود الخطاب ومجالا للانسجام المفهومي والوحدة الأسلوبية، أي مبدأ يحقق وحدة الكتابة .(12) ويقدم لنا إيزر( W. Iser) (13)، في الجانب الآخر تصورا يستعير مصطلحاته من بوث، وإن كان يحيل عليها انطلاقا من تقليد آخر (إنگاردن وگادامر وموكاروفسكي وياوس) دون إغفال منظري السردية الأنجلوساكسونية والنقد الجويسي (نسبة إلى جويس) . وقد عمل إيزر فيما بعد على التقريب بين الاتجاهين في كتابه فعل القراءة ( L'acte de lecture) حيث يحيل على جاكبسون ولوتمان وعلى بعض ما اقترحه كاتب هذه السطور في الستينات. لقد غدا هذا الإلحاح على القراءة والتأويل، وعلى تعاون أو مشاركة القارئ سمة هامة من التاريخ المتعرج للإبستيمي المعاصر. ولعله من المثير الإشارة بهذا الخصوص إلى شارل فيلمور الذي ينطلق في بحوثه من علم الدلالة ويلامس قضايا الذكاء الاصطناعي. فقد كتب سنة 1981 بحثا عن "القارئ المثالي" و"القارئ الواقعي"، وإن كان ينطلق فيه، في الواقع، من النصوص اليومية (لا من النصوص الأدبية)(15).
هكذا ينبغي أن نتساءل الآن، أمام هذه النظريات، حول ما إذا كان الأمر يتعلق بتوجه جديد وفي أي اتجاه. ما يثيرالاستغراب بخصوص الشق الأول من التساؤل هو أن تاريخ الاستتيقا يمكن أن يختزل في تاريخ لنظريات التأويل، أو تاريخ للتأثيرات التي يحدثها العمل الأدبي في القراء، سواء تعلق الأمر بالاستتيقا الأرسطية أو باستتيقا الجزالة (sublime) المنسوبة للونجان لـ Longin وسواء تعلق باستتيقا الكشف esthétique de la vision الوسيطية أو بقراءات استتيقا أرسطو المتجددة، وسواء تعلق باستتيقا الجزالة الكلاسيكية أو بالاستتيقا الكانطية أو بمختلف الاستتيقات المعاصرة (الظاهراتية والهرمنطيقية والسوسيولوجية، واستتيقا باريسن Pareyson التأويلية) فإنها كلها موجهة نحوالتأويل.
يرجع هوليب R Holub (16) أصول البحث الذي اضطلعت به مدرسة كونسطانس إلى المفاهيم الشكلانية حول "الزخرف" و"التغريب" و"المهيمنة"، وإلى فكرة إنگاردن (17) حول الأثرالأدبي باعتباره هيكلا أو خطاطة لا تكتمل إلا بتأويل المتلقي، أو باعتباره سلسلة من الممكنات على المتلقي أن يختار بينها، ويرجع جذوره كذلك إلى النظريات الاستتيقية المنحدرة من بنيوية "براغ" (Prague) وخاصة اجتهادات موكاروفسكي، وأيضا إلى نظرية گادامر الهرمنطيقية، وإلى سوسيولوجيا الأدب. أما الجذور السوسويلوجية للقضية، فيمكن إرجاع عناصرها إلى دوناتيلا فيراري برافو ( D . F Bravo )(18). وبخصوص التقليد السميوطيقي، فأنا أذكر أن شارل موريس سبق له أن لاحظ في مؤلفه ( Foundations of the theory of signs) ( 1938) أن النظريات السميوطيقية، منذ نشأتها، سواء عند القدامى أو مفكري القرون الوسطى، (وسواء تعلق الأمر بالبلاغة الإغريقية واللاتينية أو بالتداولية السوفسطائية، أو ببلاغة أرسطو أو سميوطيقا القديس أوغسطين - التي كانت تفسر عملية الدلالة بالإحالة على الفكرة التي تولدها العلامة في ذهن المؤول). كانت تشير دائما إلى دور المتلقي المؤول.
وأذكر أيضا ما قدمه سنة 1965 الباحثون الإيطاليون في مجال سميوطيقا التواصل الجماهيري في ندوة بيروز (Perouse) التي كان موضوعها هو العلائق بين التلفزة وجمهورها (19). ففي هذه الندوة شددتُ أنا و باولو فابري ( P . Fabri) على أن دراسة الرسائل المتلفزة من منظور الشفرات الخاصة بالمرسلين لا تكفي، بل ينبغي تحليل مضمونها أيضا انطلاقا من الشفرات الخاصة بالمشاهدين.
لقد نشأت نظريات سميوطيقا التلقي في الستينات ردا على : أ - تصلب بعض المناهج البنيوية التي كانت تدعي القدرة على إدراك العمل الفني أوالنص في حدوده الموضوعية، باعتباره مادة لسانية. ب - تعنت بعض النظريات الدلالية الشكلية الانجلوساكسونية المنشأ، التي كانت تزعم الاسغتناء عن كل إحالة على المقام وعلى الظروف المحيطة بالتداول، والاستغناء أيضا عن الإحالة على السياق الذي يتم فيه بث العلامات والملفوظات (وهو موضوع الجدل حول اعتبار علم الدلالة معجما أو موسوعة) . ج - أمبريقية بعض المقاربات السوسيولوجية.
اوووعك تمشى تفتح التلاجة وتمرق الادوية كلها وتقعد تشف اى تعلف ليك فى اسماء عشان ترد .. ح نكتششفك ..
Post: #47 Title: Re: البْلَّالاَّت أو جَفوةُ الكِستْناء .... شعر حديس !! Author: طه جعفر Date: 03-17-2012, 06:39 AM Parent: #43
فقط لا يمكنني الا ان اردد هنا المقولة المشهورة قبل ايام (لماذا تستهدف الكائنات الاسفيرة القمم الابداعية في بلادي )!! ما بالاحمر كتبه هيثم طه
الاخ هيثم طه
ما زال السؤال مطروحا
انا اعتقد ان كل من يمارس الكتابة الابداعية شخص جدير بالاحترام و كنت قد تكلمت عن اناس محددين يتم الهجوم عليهم و التجني عليهم باسلوب لا يشبه شيئا غير اساليب رجال الامن عندما يمارسون التعذيب ضد الشرفاء. مهما اجتهدت او اجتهد غيرك في سعيه لادانة هشام آدم بالسرقة لادبية فهذا هو التجني و هذا هو الاستعداء ليست هنالك ادني علاقة بين قونقليز و الطواحين لان موضوع الكتابة نفسه مختلف. لغة السرد و اسلوبه مختلفان. الكتابان قرأتهما و الكاتبان اعرفهما اما عند قصيدة الخواض فلقد نقل الاخ الحبيب المشرف رأيي، و حب الناس مذاهب يا اخوانا و لا كيف؟ و اعطيك مثال صادم اعرف صوفيا لم يكن يقرأ سورة المسد( تبت يدا ابي لهب و تب) لانه يراها غير جديرة بالقراءة لما فيها من عبارات جارحة و محرجة وفيها من التهديم لقيم كبيرة اكبر من معركة صغيرة بين الرب و احد اعمام النبي!!
انا ابحث عن الحوارات و احتفي بهالا بل اتشرف بها و لكني انفر من الاستعلاء و التجني لن اسمح لاحدهم كائنا من كان ان يقول لي في منبر عام انك حاد او بذيْ او انك تمارس استعلاء علي الناس سارد علي امثال هؤلاء بنفس وقاحتهم فانا لست نبيا او مسيحا لهذا القرن او تلك الالفية او لالفية لاحقة، لن ادير خدي الايمن لمن صفعني في في خدي الايسر، من يصفعني سامزق وجهه و ربما اقطع يده و ادفعه لابتلاعها. ببساطة انا مواطن سوداني يحاول الكتابة الابداعية و ينتج نصوصا قد تعجب فلان و لا تعجب علان و هذا لن يعنيني و لن اهتم به لانني اهتم بصياغة مشروعي في الكتابة و مهتم بالدفاع عنه حرفا حرفا و بشر لا قبل للناس به.
هل جرب احدكم ان يحاور معي نصا كتبته؟ و الجدير بالذكر اني نشرت عددا لا يستهان به من القصص القصيرة هنا و لم احصد منها غير محاورات يسيرة و متقطعة دون محاورتكم سأكتب و بها ايضا سأكتب و ربما اكتب بأفضل ما اكتب الان، لانني اريد ان اكتب و سأكتب لكنكم كما غيركم في ابراجكم العالية ذات العاج و ريش النعام تعتصمون و تفتحون البوسات الجانية و تعرضون بالاخرين و هذا ليس من كريم آداب المناجزة و الحوار.
ما اراه هنا هو أن القراء و الكتاب في ملاقاتهم عبر صفحات المنبر يمارسون طقسا جديدا و عليهم جميعا ان يصوغوا لهذا النوع من اللقاءات الفريدة ميثاقا للتعامل يختلف عما يتم الان. من حقنا ان نتهكم و نسخر من كتابة أحدهم و لكن الا يجدر بنا ان نمارس ذلك التهكم و السخرية في حدود ضيقة و خاصة ليس فقط بدافع احترام الكاتب و لكن بدافع احترام من اعجبتهم تلك الكتابة. كما نمارسها في محيط الاهل و الاصدقاء فاننا كسودانيون نسخر حتي من الرسل و لا كيف.
طه جعفر
Post: #48 Title: Re: البْلَّالاَّت أو جَفوةُ الكِستْناء .... شعر حديس !! Author: طه جعفر Date: 03-17-2012, 07:17 AM Parent: #47
قبل ايام قليلة و بالاستلاف من المكتبة العامة التي ترعاها بلدية تورنتو استلفت كتابا للكاتب الغيني الافريقي كمارا ليي و الكتاب اسمه The radiance of the king
و اذا قدر ان اترجم معني العنوان فهو "انوار مهابة الملك " او "اشعاع وجه الملك" المهم الكتاب كتب و نشر و تم قراءته في خمسينات القرن الفائت قرأته للمرة الاولي هنا في تنورنتو هذه الايام و اعجبني و سأسعي لاقتنائه و قراءته مرة أخري. هذا الكتاب ذو صلة بموسم الهجرة للشمال فهي كتابة بشرت او حكت عن تجارب التحرر الوطني بتوظيف الجنس بشكل ما للتعبير عن تفاصيل صراع الحضارات و الثقافات الذي كان ماضيا ايام تلك الثورات و التحولات الخطيرة و المقصود فترات الخمسينات و الستينات من الالفية السابقة الممتلئة بتجارب التحرر الوطني باذخة المجد و البطولة. الصلة بين الكتاب و موسم الهجرة للشمال هي في القضية موضوع الكتابة و لكل كتاب جماله المميز و لكن كاتب عبقريته في صياغة اجواء عمله الروائي. كتابة عبد العزيز بركة و كتابة هشام آدم و كتابة حامد بدوي و كتابتي الشخصية هي كتابة تمت الآن و انجزت و ربما ستكون لها اهمية خاصة في السنوات الخمسون القادمة مثلا في حالة هشام آدم( قونقليز) ستكون كتابته مهمة عندما يحتاج السودانيون للفكاك من التركة الباهظة لهذا النظام الماثل الان علي المستويات النفسية و الاجتماعية. ستكون كتابة حامد بدوي( مشروع ابراهيم الاسمر الروائي) و عبد العزيز بركة( جنقو مسامير الارض ) مهمة جدا عندما يقرر السودانيون محاولة طريق آخر للتنمية و البناء لهذا الوطن الجثة الملقاة علي قارعة طريق الانسانية بقياداته المطلوبة دوليا جراءالضلوع في جرائم و انتهاكات و ستكون فركة و هي روايتي مهمة جدا عندما يحتاج السودانيون لمناقشة موضوعة الرق و ظلاماته من اجل التعايش السلمي في وطن موحد و متعدد، نكون فيه سواسية و اخوة استطعنا ان نعبر جراح الماضي ببطولة. فلماذا يا أعزائي لا تعطوا للمستقبل فرصته من التحقق و هو كما تعلمون سيتم و عندما يحين ذلك المستقبل سيكون جميعنا اما امواتا( ان شاء الله بعد خرف) او احياء كشهود عصور انطوت و ليس عندنا غير الذكريات المريرة لهذا الفشل المستمر علي المستويات السياسية و الثقافية و ربما حتي في جانب النقد.
قيمة العمل الادبي لا يمكن تقديرها بسهولة في لحظة صياغة العمل و للمستقبل دائما نتائجه غير المضمونة
طه جعفر
Post: #53 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-17-2012, 09:50 AM Parent: #48
Quote: قصيدته الأخيرة (مشيها قصيدته هذه) متينة من حيث المعرفة بقواعد اللغة والإملاء فقط ، في نظري، لكن ينقصها الكثير لتصبح قصيدة شعرية جيدة. طريقة أسامة في إعادة تقديم قصائده عبر مطولات نقدية معقدة، طريقة لا تخدم مشروعه الشعري بقدر ما تعيد تقديمه كناقد وهذا حقل آخر. هذا مع مودتي وتقديري
والله يا بروف غير كلام الزميل الناقد محمد عثماننا بوستك دا لا يسوى الزمن الصرف في الطقطقات عليه وهو من اقيم و اصدق النقد القريتو لمحمد عثمان ذاته!
استاذنا الخواض -يا جماعة قلنا ليكم ما دكتور!؟* ..كرهتونا ذاتو! - انا شايفو ناقد اكتر من شاعر .
لكسل مني -غالباً- لم اقرا له كثيراً .. لكن كل النصوص المدعاة انها (شعرية) القريتا ما على قدر كدا! بالاضافة يا محمد عثمان انو النص، مع المذكرة التفسيرية الملحقة و الشارحة تنطوي على خطا معرفي فادح .. قد يورد موارد المس بثقافة و معتقدات شعب سوداني عظيم!
قيقا راوي .. أديب و ناقد سد طلب ..المافي شنو!؟ (السوق فااااضي مع هروب النقاد لمداعبة شعر الكستناء دا)
--------
يا امين قوم لف انذ كلكت بيبرز! ما كان ممكن تعمل مداخلة في البوست المعني .. وكفى الله البورداب شر القتال لازم تضيع زمنا الثمين دا يعني عشان تملأ جرابك الخاوي الله يرضى عليك خلينا نمارس وظيفتنا الاضافية كنقاد بارتتايمر فيما ينفع الناس حاول اسعى ليك هواية تانية غير بل الناس .. عامل زي الطحالب كدا!
Post: #56 Title: Re: البْلَّالاَّت أو جَفوةُ الكِستْناء .... شعر حديس !! Author: عبدالوهاب علي الحاج Date: 03-17-2012, 10:56 AM Parent: #48
شكراً يا أمين للكتابة
Quote: مدونة تشكلت من فحيح الثعابين و زمجرت فيها حشائش السافنا العابثة...
بس عندي ملاحظتين أرجو أن يتسع لهما بهاءك الكاتب .. النص بتاعك لو نظرنا ليهو عروضيا بنلقاهو موزون على بحر المتدارك؛ ولكن في المقطع الذي جلبته في الاقتباس أعلاه لم أحس بأنه منساب بعد التقطيع علي تفعيلة البحرالمذكور .. لذا أرى أنك لو استبدلت كلمة "الثعابين" الموجودة في المقطع بكلمة "الأفاعي" لاستقام النص و زالت كسرته وانساب واتسق وزنه . أما الملاحظة الثانية
Quote: بلة تغض مضاجع النجوم الساهرة و تعض شفاة السعادة العابرة...
ورد في المقطع أعلاه كلمة "بلة" وكلمة "النجوم" وهنا لم يستطيع الكاتب أن يخفي هلاليته الصارخة وأظن - آثماً - أن المقصود بهذا المقطع لاعب المريخ بلة جابر فهو الوحيد القادر أن يغض مضاجع النجوم والكرة السودانية بشكل عام
ارقدوا عافية المعّاط
________ محمد عثماننا انت
_______ طه جعفر و سعيه الحثيث في طلب شهادات الخبرة الأدبية لا زال ينعي أباه ويصلح الساعات
تمزقنّي العَطلة، تُدَّحرجُنّي نحو حُبيبات الكريستال البلوريّة. إرباً إرباً تتمزق راكُوبَة ست الشَّاي.. والجَنزبيلُ يموتُ واقفاً كصنوبرٍ يَستفرِغُ شظايا النَّارْ بسذاجةٍ أمام طُرمبَّة ود البَّصير. __ * شعر: هشام
Post: #52 Title: Re: البْلَّالاَّت أو جَفوةُ الكِستْناء .... شعر حديس !! Author: عاطف عمر Date: 03-17-2012, 09:12 AM Parent: #1
حبيبنا أبوتفة الشهير بـ ياسر طيفور
Quote: الكتابات الأدبية عموماً، من شعر ونثر وقصة و... إلخ، ما يعجبني منها أعلق عليه إيجاباً، وما لا يعجبني أتركه دون أن أجرح الذين أعجبهم النص، حتى لو لوكان المعجب الوحيد هو صاحب النص.. لو عملنا طريقة الصديق أمين على كل ما يُكتب من أدب، لما نشر ناشر..
لعله أغرب رأى أقرأه لك و ( لك ) هنا مقصود بها أنك رجل صاحب أراء ومواقف سياسية ( حتى وإن فارقت أشقاءك ) لماذا لا تعمم هذا الرأى على ( الكتابات والمواقف السياسية ) ؟؟ بمعنى أدق لماذا تعارض حكومة الإنقاذ ؟؟؟
" ما يعجبك من ( خطابها ومواقفها السياسية ) علق عليه بصورة إيجابية ، وما لا يعجبك أتركه دون أن تجرح الذين أعجبهم ( الخطاب أو الموقف السياسي ) ، حتى لو كان المعجب الوحيد هو الحكومة صاحب ( الخطاب أو الموقف السياسي المحدد ). لو عملنا طريقة ( المعارضات ) على كل ( خطاب أو موقف حكومي ) ، لما عملت وأنجزت حكومة "
شوفتا كيف ؟؟
لو قلت لنا " الكتابات الأدبية عموماً ( المنشأة بواسطة بواسطة أصدقائي من المبدعين أو من تربطني بهم وشيجة سياسية ) من شعر ونثر وقصة و... إلخ، ما يعجبني منها ...... " إلى آخر قولك كنا سوف نقول لك وقتها أنك ( مجامل زيادة عن الحد ) فيما لايصح المجاملة فيك ومن فينا غير مجامل ؟؟
ولو قلت قلنا " الكتابات الأدبية عموماً ( وخاصة للمبدعين الكبار ) ما يعجبني منها أعلق عليه إيجاباً، وما لا يعجبني أتركه دون أن أجرح الذين أعجبهم ...." إلى آخر قولك كنا سوف نقول لك أنك تمارس ( التقية ) التي مارسها ذات يوم صديقنا الذي لم تكن تعجبه أغنية موسيقارنا الراحل المقيم وردي " سواة العاصفة بي ساق الشتيل الني " وكان يرى أن كلمات الشاعر محمد علي أبو قطاطي في هذه الأغنية أقل قامة من كلمات أغاني وردي الأخرى لـ إسماعيل حسن والحلنقي والدوش ... ولكنه ( أى صاحبنا ) كان يخشى أن يقول هذا الرأى خارج دائرة أصدقائه لكيلا ( يتهمه ) الناس بعدم التذوق أو لأنه كان يخشى السؤال الإستنكاري ( المتوقع ) " يعني إنت بتفهم في الغنا أكثر من وردي ؟؟ "
__________________
بروف أمين شكلو البوست ح يبقى ( كرش الفيل 2 ) أى زووول ( يقبقب ) ليهو زووول
Post: #54 Title: Re: البْلَّالاَّت أو جَفوةُ الكِستْناء .... شعر حديس !! Author: Kabar Date: 03-17-2012, 10:40 AM Parent: #52
يا اللي..فتحت البتاع..فتحك على مقفول..لإنو اصل البتاع ..واصل على موصول..فأي شي في البتاع الناس تشوف على طول..و الناس تموت في البتاع..قيبقى مين مسئول؟..
امين حبابك ياخي..و حباب ضيوفك الكرام هنا..
كبر
Post: #55 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-17-2012, 10:56 AM Parent: #52
أخي المشرف .. لطفاً .. لعلي فهمت من مقدمتك الكوتها ليك فوق أنك تجيز النص الساخر.. واعتبرت ذلك بمثابة قبول منك يمنح العمل مشروعيته لديك. في تقديري أمين قدم نقد موضوعي لنص واكرر نص الأديب المشاء.. والله صحي.. فالمشاء لايدانيه في البورد من يملك رباطة جأشه في التعقيب على منتقدية سوى القليل.. أنت منهم في تقديري.. كما أنك من المدركين أن المجاراة أو المعارضة الساخرة أسلوب نقدي معروف بافتراض حسن النية.. وإن كان ذلك يكون عادة بين الشعراء .. والجديد علينا هو شخص الأخ أمين .. الذي لم يعرف على الأقل بالنسبة لي كشاعر .. فهذه موهبة حلمنتيشية لم يكشف عنها من قبل.. اسمح لي أن أدني لك قصيدة الشاعر حسين شفيق المصري.. التي عارض بها معلقة عمرو بن كلثوم القائلة: ألا هبي بصحنك فاصبحينا .. ولاتبقي خمور الأندرينا أبا هنـد فلا تعجل عـلينـا .. وأنظرنا نخبرك اليقينا بأنا نورد الرايات بيضا .. ونصدرهن حمرا قد روينا وأيام لنـا غر طــوال .. عصينا الملك فيها أن ندينا متى ننقل إلى قوم رحانا .. يكونوا في اللقاء لها طحينا ورثنا المجد قد علمت معد .. نطاعن دونه حتى يلينا بأي مشيئة عمرو بن هند .. نكون لقيلكم فيها قطينا ألا لا يعلم الأقـوام أنـا .. تضعضعنا وأنا قد ونينا ألا لا يجهلن أحد علينـا .. فنجهل فوق جهل الجاهلينا بأي مشيئة عمرو بن هند .. تطيع بنا الوشاة وتزدرينا فإن قناتنا ياعمرو أعيت .. على الأعداء قبلك أن تلينا ورثت مهلهلا والخير منه .. زهيرا نعم ذخر الذاخرينا وعتـابا وكلثـوما جميـعا .. بهم نلنا تراث الأكرمينا ومنا قبله الساعي كليب .. فأي المجد إلا قد ولينا ونحن الحاكمون إذا أطعنا .. ونحن العازمون إذا عصينا ونحن التاركون لما سخطـنا .. ونحن الآخذون لما رضينا وأنا المانعـون إذا أردنـا .. وأنا النازلون بحيث شينا وأن النـازلون بكل ثغــر .. يخاف النازلون به المنونا ونشرب إن وردنا الماء صفوا .. ويشرب غيرنا كدرا وطينا إذا بلـغ الفطام لنـا صـبي .. تخر له الجبابر ساجدينا
فيقول المصري في (مشعلقته) كما يسميها:
ألا هبّــــي بصحنـكِ فاطعمينــا.. ولا تبقـي فراخـــــاً أو طجينـا
محمـرةً يتــــوه الـــــرزُ فيهـــا.. إذا مـــا السمنُ خالطها سخينــا
وقالت هل أكلتَ من المحــاشي.. أو الطواجن ِبالأوّز ابن اللذينـا
فقلتُ وهل تتـــوه العينُ عنهـــا.. ولو جئنا بأكلٍ مـن مارينـــــا
فهاتي ما استطعت من الصواني.. ولا تنسي السلاطة َوالطحينــة
إذا ما اللحمُ جـــــاء أمـامَ عينـي.. فلن أعرف سعاداً من أمينـــة
ويومـــاً قد ذهبتُ إلى صحابـي.. وكانوا من الشغـل مزوغينــا
فقــــالوا هل تروحُ لعنـد حاتـي لنأكـلَ لحـمَ رأس ٍ يا أخينــــا
فقلتُ لعلهـــــا من حسن حظـي إذا كانوا جميعـاً معزومينـــــا
ســــــآكلُ ما استطعـتُ ولا أبالـي وأشربُ بعـدَ ذلـك فخفخينـــا
ونــــاديتُ الصبىَّ بكـل ِصوتـي وكانوا هم جميعاً سـاكتينــــا
وعند الدفع ِويحـك لا تسلنــــــي فما أدرى شمالا ً أو يمينـــا
رجالٌ كالتيوس ِوراءَ ظهــــرى.. على الضرب ِالكثيف ِمدربينـا .. وهنا سيرته رحمه الله تجدون فيها بعض معارضاته الساخرة: http://forum.egypt.com/arforum/%E3%E1%CA%DE%E...7%E1%E1%E5-8318.html .. شفت كيف يا امينا.. إنت قايل المحاماة دي الا نقة نفقه وضرب وقتل؟ طقطق الانترنت بنك مشين خلينا نشيل حقنا قبال يجينا حمور. مودتي.
Quote: ورد في المقطع أعلاه كلمة "بلة" وكلمة "النجوم" وهنا لم يستطيع الكاتب أن يخفي هلاليته الصارخة وأظن - آثماً - أن المقصود بهذا المقطع لاعب المريخ بلة جابر فهو الوحيد القادر أن يغض مضاجع النجوم والكرة السودانية بشكل عام
عبد الوهابنا الذي في بحري .. اختشي .. فمن غير بله جابر قادر علي عطاء يغض مضاجع البؤساء حتي يخرج الاقطبوطات من اوكار الضفادع السرمديه ..
Post: #58 Title: Re: البْلَّالاَّت أو جَفوةُ الكِستْناء .... شعر حديس !! Author: وليد محمد المبارك Date: 03-17-2012, 12:09 PM Parent: #55
Quote: اتخيل يا وليد بعد تعبك داك كلو ما حاولتو ... إتبليت في الشغل و ما كان عندي وقت أعمل أي حاجة .. أديتو لزول عملو لي ... حا أرسلو ليك في ماسنجر !!
يعني يا معلم ضيعت لينا ساعات في دبي في التلفون كان ممكن نقضيها مع حبش حلوين عاااااااااااااااااادي
سامحك الله
____________
اها بوستيك ده بديه الدرجة الكاملة لانو نزل كابتن طيران عبد الوهاب الشهير بوهبة من احدى سفرياته ويتكرم ويشرفنا في اون لاين
يا وهبة ما مشتاقين وكده
Post: #59 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-17-2012, 12:15 PM Parent: #55
وحسناً يا رفاق .. ما بين المقاربة الشخصية والمقاربة النقدية بون شاسع جداً فى إعتقادى .. وأعرف جيدا أن مقاربتى الشخصية لها حدودها الملزمة .. وأفهم أنى وحتى أتخذ طريق النقد نحو نص ما , أحتاج لأدوات لا أملكها ولا أخفيكم سراً أنى لا أعرف حتى أسماء المدارس الشعرية الحديثة, هذا فى حال كونها موجودة !! ولذلك أجد نفسي عاجزاً عن إجابة بروف أمين حول انتماء هذا النص للشعر الحديث !! وتماما كالعجز الذى يصيبنى عند مرورى باللوحات السوريالية .. وأجتهد كثيراً فى إستنطاق الألوان .. وأكذب حتى على نفسي أحياناً بأن أرامقها بطريقة تدارى جهلى جيداً, ولا فائدة حقيقية !! وهكذا هى حدود تعاملى مع كل النصوص الشعرية لا تتجاوز عتبات الذائقة .. ولعلها ذائقة جيدة, ولكنها وفى نهاية المطاف مجرد ذائقة !! لا يمكن لها أن تمنح أو تنزع جوائز وإجازات وشهادات فى هذا المجال .. وذلك لافتقارها للمؤهلات الجادة و الاكاديمية الصارمة .. فأنا وببساطة شديدة لست ناقداً ! وأقول ليكم كلام .. شفتو بحور الخليل الزمااان ديك ! فعال فعول فاعل منفعل !! ذاتها ما بعرفها .. والله صحى !! والشعر الحديث ده أنا واقف فى محطة أوائل التسعينيات وحافظ لى كم قصيده بقشر بيها .. يطير الحمام .. الشهوات .. لماذا تركت الحصان وحيداً و .. هكذا وبحب عثمان بشري زمان .. وعاطف خيري زمان .. وأحتفى بتاج السر جعفر و حدى مع الصادق الرضى لمن كتب أقصى شاشة الإصغاء ومن ديك وعييييك .. قدر ما حاولت أن أرضى فرحتى بإقتناء الديوان ما قدرت ؟!!
رحم الله أمرئ عرف قدر جهله آ ناس وما أتتكم به الذائقه فخذوه .. وما أعجزتكم عنه فأنتهوا .. أقول قولى هذا وأستغفر الله لى ولكم ..
وأهديكم أقاصى ما وقفت عند بدايته ذائقتى .. وكان مما جاد به الصادق الرضى وزماااان ..
في الحالة دي نحنا جاهزين (نحنا ضمير الشعبي الواعي) المافي شنو!؟
بالمرصاد .. وعلى استعداد
يساري .. مسغف .. ديموقراطي المافي شنو!؟
Quote: وأجتهد كثيراً فى إستنطاق الألوان .. وأكذب حتى على نفسي أحياناً بأن أرامقها بطريقة تدارى جهلى جيداً, ولا فائدة حقيقية !!
وبفهم في الرسم و الالوان
غير أن العاصفة وعدتني بنبيذ .. وانخابٍ جديدة .. وأقواس قزح
لقيتوني كيف وانا متلفح وعد العاصفة .. وبسمع مارسيل؟
--------
ادعموا ترشيحي للفورسيزونس .. عضواً
Post: #62 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-17-2012, 02:14 PM Parent: #61
غير أن العاصفة وعدتني بنبيذ .. وانخابٍ جديدة .. وأقواس قزح
أذكر جيداً أن مارسيل لا يغنيها هكذا !!..
.. إن شاء الله ما تكونوا قريتوها قبل التعديل !! التعديل التانى لكتابة ان شاء الله بصورة صحيحة .. ياخ اقول ليكم كلام !! أنا كتبت إن شاء الله إنشاء الله ! وبكان الرهيفة التنقد !!!
Post: #64 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-17-2012, 02:35 PM Parent: #62
Quote: أنا كتبت إن شاء الله إنشاء الله !
من غير ما تقول! وقاعد تضرسنا بـ (البشري) واراك متعمداً!
ما عارف حبيب ألبي ديجانقو صابر عليك كيف!؟
--------
هكذا اسمعها " انخابٍ شديدة" والله صحي
لكن خفتها تطلع غلط .. تلخبت علينا ملف اللجو الاسفيري
باقي ليك دا ما بكون تمييز ضد "الناس الاضنينم تقيلة" دا! اها كدا ملفنا وسع عاد!
لاحظ قلت بسمع مارسيل .. ما بقرأ درويش وهناكلك فرق .. يقاس بطول النص او عرض الموجة في القراية بالاضنين
Post: #65 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-17-2012, 05:47 PM Parent: #64
Quote: تماما كالعجز الذى يصيبنى عند مرورى باللوحات السوريالية .. وأجتهد كثيراً فى إستنطاق الألوان .. وأكذب حتى على نفسي أحياناً بأن أرامقها بطريقة تدارى جهلى جيداً, ولا فائدة حقيقية !! وهكذا هى حدود تعاملى مع كل النصوص الشعرية لا تتجاوز عتبات الذائقة ..
عزيزي المشرف .. استبعد ذلك تماما.. لأنك هنا صنفت نفسك معي وكثر غيرنا مع أنصار المدرسة الواقعية.. المعبرة عن صور الحياة وحراكها كما طبيعتها إيجاباً وسلباً.. دون تدخل من الكاتب أو الفنان لفرض ذاتيته أو عكسها باساليب رومانسية.. أصدقك الرأي أن من نجر مصطلح (الحداثة) أغلق وراءه مفاتح الزمن .. بحيث لم يعد في مقدور التالين سوي التحلق حول عبارة ( ما بعد ) لرفع المزلاج ومن ثم العبور.. بعدين مجهود أخونا أمين السهران وراه سنة وربع .. من تموز يوليو2011 الى تشرين اكتوبر 2012هههه.. ما داير اديهو البحر .. بس.
Post: #66 Title: Re: البْلَّالاَّت أو جَفوةُ الكِستْناء .... شعر حديس !! Author: جدو Date: 03-17-2012, 06:47 PM Parent: #65
البوست دا فيه بسم الله ؟؟!!
عندي مداخلة راحت ما بين قيقا ومحمد المشرف !!!
الغريبة رجعت لصفحة البداية حقت المنتدى ولقيت آخر مداخلة من جدو
خشيت البوست أكوسها ما لقيتها ... يمكن النضارة دايري يغيروها كدي كوسو* معاي..
* فتشوا وليس اتحاد جامعة الخرتوم
Post: #67 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-17-2012, 07:10 PM Parent: #65
حبيبها و حبيبنا يا بلة تحفها ثلاث بلات من الاتجاهات الأربعة ... تسربت في مسامي مثل حبو العاشقين ...
Quote: أعجبتني الطريقة الساخرة في هذا النص وطريقة المجاراة الطريفة ( أعجبتني كنص فكاهي من رجلٍ فكِه ) ولا أخفيك سراً؛ ضحكت . هذا من ناحية . ولكن عندما وضعت نفسي موضع الدكتور أسامة وجدت ما كتب هنا مؤذٍ جداً وقاس . كانت ستكون مقبولة علي الأقل في نظري لو كتبتها كمداخلة في البوست في شاكلة أنك يا دكتور كتبت كذا وكذا ويمكنني أنا أن أكتب مثل هذا الكلام وتأتيه به كمداخلة وحسب . أقول لك أنه شديد القسوة لأن المبدع يكتب بدمه ويؤلمه جداً أن يُراق هذا الدم ويُهدر بهذه الطريقة الساخرة التي قد تعجب أمثالي بإعتبار أن ( كراعي في الموية ) مافي النار . أنت تعرف أني لست وصياً عليك وتعرف أكثر مودتي وحبي وإحترامي ولك أن تكتب ما شئت؛ ولكني أري أن ما يحدث هنا عبارة عن محرقة باردة . كمن يقتلك برفقٍ وإنسانية وتتعدد الأسباب والموت واحدُ . أشكرك يا بروف وتحياتي لك وللجميع . شكرن كتيرن .
إعجابك بنصي الباذخ ده مدعاة للفرح و قلادة شرف.... و بالله يا حبيبها شجعني عشان أفتح في موضوع الشعر الحديس ... يا ياسين ... النقد الموجهه لاستاذ الخواض ما مفروض يكون موذي ليهو ... بالعكس، الخواض كزول professional مفروض يستفيد من النقد ده و يعرف إنو في شريحة مقدرة - و دونك مداخلات معظم الناس هنا - شايفة إنو البكتب فيه ده ما عندو علاقة بالشعر ... و طبعا من حقو إنو ما يشتغل بالكلام ده باعتبار إنو بيكتب لنفسو ... و نحن كمان من حقنا ننتقد عملو بدون اساءات لشخصو ... كلامك يا حبيبها و كلام المشرف و طيفور جزء من ماستنا كشعب و بعدنا عن المهنية في تعاملنا مع الأشياء ... يعني يا ياسين أنا أري إنو من حقي أقول ليك إنو روايتك الفلانية كانت بيضة جدا عشان كده كده كده بدون ما تنقص معزتك الشخصية سنتمتر و بدون ما إنت تزعل و تستاء من هذا النقد بالذات لو كان موضوعي ... العكس تماما مفروض الكاتب أو الشاعر يحتفي بالنقد لانو مافي زول كامل و مافي عمل كامل ... ------------ الجيلي يا بلة تدوزنت و تكوزنت في جسور الشمس و فاصلة المغيب
Quote: What??
يعني سايب الوطاط المدورة دي كلها و مسكت لي في ((سيفنا المنصور و المبلول في مدائن العشق الرطيبة)) ده اسمو الوصف الحديس يا وهم !! ------------
Quote: لأجل أمثال هذا المسكين يا بروف سخرنا بعض من أوقاتنا الثمينة وحشدنا كل إمكاناتنا الكبيرة في فتح المستغلق من الأشعار الباذخة وتبسيط المبهم المستعصي من مستحسن الكلم.
شكرا يا أخطبوط و أنت تنسج باشعة الشمس ملبسا يستر عورات البشرى الثقافية !! ------------ دكتور هيثم يا صديق الشمس و الضياء
Quote: ياخ انت عارف انو في سياق المنبر و مفهوم البل السائد مافي حاجة اسمها (بل) النص ! يعني انت لامن كنت في تبل في قصص هشام ادم كنت بتبل في القصص ولة في هشام ! قول لي القصص ! المهم النص في النهاية ما بمتلك خاصية الابتلال ! يعني البشيل وش البل في النهاية صاحب النص في سياق و مفهوم المنبر و بالذات مع سيرتك الذاتية الغير مشرفة في البل !!
في حاجة اسمها بل النص يا دوك ... لانو بل كاتب النص حاجة مختلفة تماما ... نحن ملمومين هنا بنبل في الكلام الكتبو أستاذ الخواض و نزعم إنو ما عندو علاقة بالشعر ... مافي زول اتكلم عن أخلاق أستاذ الخواض مثلا أو سيرتو بين الناس أو أي شئ شخصي لانو كتابتو مافيها ما يعيب أخلاقيا أو دينيا مثلا ... ننتقد عملو كعمل أدبي و نسخر من هذا العمل دون المساس بشخصو ... قصة هشام أدم مختلفة تماما ... لانو ما أتي به هشام كان معيب أخلاقيا لشخصو و ليس لكتابتو .... مافي زول ناقش مقدرة هشام الأدبية ... الناس ناقشت علايفو الأدبية و هو مما يتصل بالاخلاق لا العمل الادبي ...
Quote: فقط لا يمكنني الا ان اردد هنا المقولة المشهورة قبل ايام (لماذا تستهدف الكائنات الاسفيرة القمم الابداعية في بلادي )!!
شايف جملتك دي الأستاذ طه جعفر إستند عليها في كتابة مداخلة طويلة ... أرجو انك توضح ليه غرضك منها و السياق الجا فيها ... لانو أستاذ طه - فيما أري - حسبك جادي في الكلام ده !! ------------ يا مورتا ... تحضر ما تغيب ... ده بالظبط الأتوقعتو بدون زيادة أو نقصان ... إحتمال المره الجايه أجيب ليك بدلة عديل !!
Post: #68 Title: Re: البْلَّالاَّت أو جَفوةُ الكِستْناء .... شعر حديس !! Author: محمد البشرى الخضر Date: 03-17-2012, 08:20 PM Parent: #67
كخبير دامج كنترول و ريسك مانجمنت , وبعد اسسمنت اولي وسريع للبوست آي ريكومند البروف ينسى البوست دا و لا يعود للتداخل فيه إلاّ للشديد القوي
حبيبنا الغالي عاطف عمر الكتابة الأدبية بكل أجناسها طالما أنها "لم تتعدّ حدودها"، وأقصد بحدودها، أن لا تمس مقدس/معتقد/ تقليد، لا تمس فرد، لا تمس أفكار وثوابت؛ ولم تعجبني، وأردت نقدها، يجِب أن إلتزم طرق النقد المعروفة وأدواته، نقد إيجابي، مع أو ضد المادة، ولكنه في الآخر مفيد للكتابة وللكاتب.. الكتابة في السياسة يا بن عمر تمسني، خيراً او شراً، والكتابة في السياسة قد تحصد روحي وقد تنقذها، فكيف إن لم إتفق معها/ ولم تعجبي أن أتركها وأذهب يا بن عمر؟
Post: #71 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-18-2012, 05:48 AM Parent: #69
الملك يا صديق ..
Quote: استبعد ذلك تماما.. لأنك هنا صنفت نفسك معي وكثر غيرنا مع أنصار المدرسة الواقعية..
ياخى انا والله عارف اى حاجه .. بس مدكن !! وعلى طريقة سعيد صالح فى مدرسة المشاغبين .. ههههه
..
نعم ولكن ... ما فعله غابرييل غارسيا ماركيز فينا غريب جدا ولا يمكن تجاوزه يا عزيزي .. جزاه الله عنى وعنكم كل خير .. وحتى عاطف خيري, أدونيس وغيرهم ..
ويا هدهد لقيت أمك ترشرش فى السعف من عينها وتجبر خاطرا المكسور عليك ينكسر خاطر السعف فى إيدا يا هدهد قيام من السما الأول قيام من السما السابع قيام وأنزل مسافة تهبشك غنوة .. وأناولك كاس
Post: #73 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-18-2012, 06:22 AM Parent: #71
يا ملك ..
وأعنى فضاء النص المعنوى ؟!! والمعنوى هذه تذكرنى بفرع التوجيه المعنوى بتاع القوات المسلحة .. وهى ذات القوات المسلحة للانقلاب !!
التوجيه المعنوى !! هناك إحداثيات واقعية جدا لذاك اللاواقع السحرى.. وتماما وكما ينسرب الضوء شفيفا صوب سطح البحر !! اللغة المدهشة يا ملك تعمل كوسيط روحانى بين عالمين !! الواقع و اللاواقع
فى الواقع .. لست واقعياً من الطراز الرفيع !! ما زلت خاضعاً بعض الشيء لشيء من الخيال !!
Post: #72 Title: Re: البْلَّالاَّت أو جَفوةُ الكِستْناء .... شعر حديس !! Author: عاطف عمر Date: 03-18-2012, 06:09 AM Parent: #69
حبنا ياسر الشوق والريد
Quote: الكتابة الأدبية بكل أجناسها طالما أنها "لم تتعدّ حدودها"، وأقصد بحدودها، أن لا تمس مقدس/معتقد/ تقليد، لا تمس فرد، لا تمس أفكار وثوابت؛ ولم تعجبني، وأردت نقدها، يجِب أن إلتزم طرق النقد المعروفة وأدواته، نقد إيجابي، مع أو ضد المادة، ولكنه في الآخر مفيد للكتابة وللكاتب..
الله يخليييييييييك وإلتزام ( طرق النقد المعروفة وأدواته، نقد إيجابي، مع أو ضد المادة، ولكنه في الآخر مفيد للكتابة وللكاتب.. ) هو عين ما فعله حبيبنا أمين ( الضليل في روايتكم ) . قدم نقداً لعمل أدبي بصورة ( مبتكرة ) لكنها في غاية الأدب ولم يتجنى على الكاتب في شخصه. لذلك راعنا دعوتك لـ ( الصهينة ) إن لم يعجبنا النص
Quote: الكتابة في السياسة يا بن عمر تمسني، خيراً او شراً، والكتابة في السياسة قد تحصد روحي وقد تنقذها، فكيف إن لم إتفق معها/ ولم تعجبي أن أتركها وأذهب يا بن عمر؟
وبرضو الله يخليييييييييك وقعت ليك الشغلانية ؟؟ لكن صدقني الكتابة كلها تمسنا بخيرها وبشرها وإن إختلف المقدار خذ مثلاً نظام الإنقاذ وساستنا وأدباؤنا
على قدر ما عارض الساسة عندنا نظام الإنقاذ وأطلقوا عليه بنادق كلماتهم ، ومع ذلك فإن ( الكلمة ) التي أطارت النوم من أعين أهل الإنقاذ - ولا تزال - هي كلمة أديبنا الراحل الطيب صالح " من أين أتى هؤلاء ؟؟ " في البدء كان الكلمة يا حبيب الساسة وكلامهم ومواقفهم هم نتاج الأدباء والمبدعين أصلحوا الأصل تنصلح الفروع كـ نتيجة حتمية والحال هكذا
يجب ندقق في من هو ( المبدع ) حقاً ؟؟ ويجب أن ندقق في الإنتاج الأدبي وهل هو حقاً أدب يجب الإحتفاء به ؟؟ ذلك طالما إتفقنا على أهميته كونه مكون أساسي للشخصية.
ولأجل هذا
أجد أن بوست ( ضليلكم ) أو ( خضرنا - في رواية سابقة- ) أجد أنه من الأهمية بمكان
Post: #74 Title: Re: البْلَّالاَّت أو جَفوةُ الكِستْناء .... شعر حديس !! Author: Murtada Gafar Date: 03-18-2012, 06:30 AM Parent: #72
وردت عن صاحب البوست العبارة التالية
Quote: لانو كتابتو مافيها ما يعيب أخلاقيا أو دينيا مثلا
وددتُ لو أن صاحب البوست (أمين محمد سليمان) أسهب في شرح هذه العبارة، بمعنى آخر هل يمكن لكتابة-إبداعية افتراضاً- أن تكون معيبة من الناحية الدينية؟ وأي دين (إسلام أم مسيحية أم يهودية أم هندوسية أم كجور)؟
هل الدين، مطلق دين، من الأدوات النقدية التي تقاس على معاييرها الكتابة؟ بالتالي يمكن أن تعاب تلك الكتابة على أساس ذلك الدين.
سلمان رشدي مهدور الدم من قبل ملالي إيران ومسلمو بنغلاديش يطالبون برأس تسنيما نسرين.
وجزاكم الله خيراً !!!!!!
Post: #75 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-18-2012, 08:17 AM Parent: #74
Quote:
Quote: لانو كتابتو مافيها ما يعيب أخلاقيا أو دينيا مثلا
وددتُ لو أن صاحب البوست (أمين محمد سليمان) أسهب في شرح هذه العبارة، بمعنى آخر هل يمكن لكتابة-إبداعية افتراضاً- أن تكون معيبة من الناحية الدينية؟ وأي دين (إسلام أم مسيحية أم يهودية أم هندوسية أم كجور)؟
هل الدين، مطلق دين، من الأدوات النقدية التي تقاس على معاييرها الكتابة؟ بالتالي يمكن أن تعاب تلك الكتابة على أساس ذلك الدين.
سلمان رشدي مهدور الدم من قبل ملالي إيران ومسلمو بنغلاديش يطالبون برأس تسنيما نسرين.
وجزاكم الله خيراً !!!!!!
كش ملك
------
البروف الكيشة انتهى يا قدعان
تصدق وتؤمن بالله لو جلاها مرتضى لما تركتك دون عقاب ومنذ متى كان الادب يقرأ بعين الاخلاق والدين .. ؤ ديو!؟
امين أترك ما لا تعرف .. لما تعلف لازم الجرذان الثقافية دي تدخل جحورها
Post: #76 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-18-2012, 12:34 PM Parent: #75
Quote: فضاء النص المعنوي
اعجبني التيرم وشروحه المستردفة.. ذلك لأن لفضاء النص مفهوم حداثي مرتبط بالحاسوب أو الكتابة الإلكترونية.. غيرأن قولك :
Quote: اللغة المدهشة يا ملك تعمل كوسيط روحانى بين عالمين !! الواقع و اللاواقع فى الواقع .. لست واقعياً من الطراز الرفيع !! ما زلت خاضعاً بعض الشيء لشيء من الخيال !!
لملم عني تلك الخاطرة .. رفعة الطراز الواقعي يا صديقي .. مرهون بدوره باللغة والتعابير المدهشة كما تفضلت.. فالخيال الكشفي ضرب من نبوءات التناص.. ينفخ في الواقعية تلك الانفعالات المذرية.. التي تدعك تقفز كالممسوس .. تحدّق بلا وجه وترقص بلا ساق ـ كما قال الفيتوري. ..
Quote: هل يمكن لكتابة-إبداعية افتراضاً- أن تكون معيبة من الناحية الدينية؟
Quote: ومنذ متى كان الادب يقرأ بعين الاخلاق والدين
أخخ.. اتلمو عليك مرتضى وقيقا راوي يا بروف.. إن بقيت محتاج مراقات الحساب بكبر. مودتي للجميع.
Post: #77 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-18-2012, 01:52 PM Parent: #76
يا ملك
Quote: إن بقيت محتاج مراقات الحساب بكبر.
تعرف البروف دا زول كويس جداً .. لكن ما بعرف يعبّر* بس
----
او كتباته تاتي بلغة "قصص عبير" .. دا سقفو ما ليو في الثقافة الغميسة
اها يا بروف احسن ليك تدفع لافكاتو زي الملك دا .. او الدفاع المجاني ياهو اعلاه .. ما ح تعرفو امدح ام قدح!؟
Post: #78 Title: Re: البْلَّالاَّت أو جَفوةُ الكِستْناء .... شعر حديس !! Author: عبد الناصر الخطيب Date: 03-18-2012, 04:43 PM Parent: #77
.
يا أميننا الذي ليس له أشتراك _ في المنبر داك _ لذلك لا أظن له إسهام ثقافي في موجة الحدّسة اللهم إلا تشبر كده منو ساي ..... وتزحلق غير ماهر في أمواج الحداّسة الموجة ما بعد السابعة أو الثامنة ما عدت اذكر لكن بالطبع اعرف عن عصام الخواض .... و لا أدعي غطلاقا القراءة له أو فهم موجاته الشعرية ... فهي تبث على موجات صعبت الالطقات لمن لم ياخذ كورسات تقوية في ما بعد الحداثة على أي حال مستمتع بالبوست في إطار الدعابة وليس إطار الشعر والادب ......
وعلى ما أذكر ليست هذه أول موجة إرتدادية تثيرها أعمال الخواض فقبل ذلك نصف المنبر كتب بوستات ارتدادية عقب قصيدته ليس السرير لهن _ أو في معني للعبارة قريب _
*** أمين سليماننا الذي ما عارف هسه وين بالضبط ........... متداخل للسلام والتحية وها أنا أقراء النص وأعيد ................ أعين فيهو وأضحك وأمشي وأجيهوا رأجع وبس
------------------------ تحياتي لكل المبدعين المارين في أفلاك البوست
Post: #79 Title: Re: البْلَّالاَّت أو جَفوةُ الكِستْناء .... شعر حديس !! Author: كمال علي الزين Date: 03-18-2012, 05:41 PM Parent: #78
(*)
الإخوة الكرام محمد حيدر المشرف قيقا عاطف عمر ودينا خالد
ماتمارسونه هنا هو النفاق الإجتماعي بعينه ليس لأمين أو سواه الحق في جعل أسامة الخواض مادة للسخرية ومادة لبوست شعبي يتكالب عليها الأصدقاء من أجل التسلية وتبادل هذا النفاق للأمانة كنت أظن أن أمين صديق لأسامة ويمازحه .. وإن لم يكن فما يفعله ليس من إحترام الذات ا, الآخر في شئ .. أما إن كان الأمر أمر إختلاف في قضية الأدب نفسه وأراد أمين إيصال وجهة نظره المخالفة لأسامة فهذا شأن آخر .. وأسامة رجل مهذب على مايبدو وبدا هذا جلياً في إصطباره على هذه المهزلة وترفعه عن الرد ..
يا أمين لا تستغل ميل أسامةللترفع عن مثل هذه المعركة .. وأشكر للأخ محمد عثمان أن جاء منقذاً لكم بمحاولة كتابة نقد حقيقي ومحترم وأتفق معه أن شعر المشاء لا يعجبني كثيراً لأنه شعر نخبوي ولكنه صاحب تجربة أدبية شئنا أم أبينا , كما أنه رجل محترم مترفع عن مثل هذه الصبيانيات ..
راجعوا أنفسكم فهذا المنبر ينحدر سريعاً إلى الأسفل منذ فضيحة (بوكرامي) وغيرها .. حتى جاءنا يوم سيتردد كل صاحب تجربة حقيقية جادة في طرح إنتاجه مخافة التعريض والإستهزاء ..
أعلم جيداً عدم (شعبية ) هذا الرأي الخاص بي في خضم تكون إتجاهات جديدة في البورد مؤخراً ..
Post: #80 Title: Re: البْلَّالاَّت أو جَفوةُ الكِستْناء .... شعر حديس !! Author: عاطف عمر Date: 03-18-2012, 06:01 PM Parent: #79
Quote: محمد حيدر المشرف قيقا عاطف عمر ودينا خالد
Quote: ماتمارسونه هنا هو النفاق الإجتماعي بعينه ليس لأمين أو سواه الحق في جعل أسامة الخواض مادة للسخرية ومادة لبوست شعبي يتكالب عليها الأصدقاء من أجل التسلية وتبادل هذا النفاق
Quote: للأمانة كنت أظن أن أمين صديق لأسامة ويمازحه .. وإن لم يكن فما يفعله ليس من إحترام الذات ا, الآخر في شئ ..
Quote: وأسامة رجل مهذب على مايبدو وبدا هذا جلياً في إصطباره على هذه المهزلة وترفعه عن الرد ..
Quote: كما أنه رجل محترم مترفع عن مثل هذه الصبيانيات ..
كمال على الزين
رحم الله إمرءاً عرف قدر نفسه أنا العبد الفقير لربه عاطف عمر أظن في نفسي كل الظن أنني رجل مهذب ومحترم لذلك سوف أصطبر على ( مهزلتك ) وقراءتك الموتورة لمداخلاتي وسوف أترفع عن مجاراتك في صبيانياتك والإدعاء غير المبني على أساس للحكمة
Post: #82 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-18-2012, 06:38 PM Parent: #80
Quote: يا أمين لا تستغل ميل أسامةللترفع عن مثل هذه المعركة .. وأشكر للأخ محمد عثمان أن جاء منقذاً لكم بمحاولة كتابة نقد حقيقي ومحترم وأتفق معه أن شعر المشاء لا يعجبني كثيراً لأنه شعر نخبوي ولكنه صاحب تجربةأدبية شئنا أم أبينا , كما أنه رجل محترم مترفع عن مثل هذه الصبيانيات ..
راجعوا أنفسكم فهذا المنبر ينحدر سريعاً إلى الأسفل منذ فضيحة (بوكرامي) وغيرها .. حتى جاءنا يوم سيتردد كل صاحب تجربة حقيقية جادة في طرح إنتاجه مخافة التعريض والإستهزاء ..
أعلم جيداً عدم (شعبية ) هذا الرأي الخاص بي في خضم تكون إتجاهات جديدة في البورد مؤخراً ..
انت يا كمال متين ح تبطل اللفحي و ختف المحافض دا
ارجع اقرأ رأي قيقا الكتبو هنا ولو لقيت انك كتبت -بالاحمر- احسن منو انا مستعد اخلي ليك البورض دا
فعلاً ملجة!!
Post: #102 Title: Re: البْلَّالاَّت أو جَفوةُ الكِستْناء .... شعر حديس !! Author: كمال علي الزين Date: 03-19-2012, 06:20 PM Parent: #82
Quote: انت يا كمال متين ح تبطل اللفحي و ختف المحافض دا
ياقيقا اللفحي بعينه هو ماتفعلونه مع كتابة جادة تتناولونها للتسلي بها وتلاطفون بعضكم دون أي حرج وصاحب المنتوج الأدبي تاني يخاف يكتب حاجة هنا عشان ماتلفحوها وتعملوها موضوع للتسلية والتظارف ..
Quote:
فعلاً ملجة!!
هذا بالضبط التوصيف اللائق (ملجة) لأنها تجمع مثل (المشاء) وغيرهم من الجادين .. مع من يرون أن الكتابة الجادة مجرد مادة لمواضيع إنصرافية
ولا تتدعي أنك أتيت هنا لنقد تجربة (المشاء) الشعرية , لأنك تعلم تماماً أن هذا بوست للتعريض والإستهزاء ..
.
Post: #81 Title: Re: البْلَّالاَّت أو جَفوةُ الكِستْناء .... شعر حديس !! Author: عمر مصطفى مضوي Date: 03-18-2012, 06:36 PM Parent: #79
الاخ / أمين محمد سليمان وزواره ،،،،، * لست أدري هل لمثلي من الجدد أن يتنطع بالدخول بينكم عتاة أهل المنبر أم لا . غير اني ارى أن للاخ امين كامل الحق في أن يسخر من أى عمل ادبي حد القسوة فالسخرية ضرب من ضروب الأدب ومسلك سلكه الكثيرون وباب من ابواب النقد الذي لايفضي إلى الكراهية بين المتلقي ( الساخر ) ومبتدع النص في اسوأ الأحوال أو هكذا أرها إلا أنها هنا نحت منحا آخر اقرب التشفي من الكاتب من بعض المتداخلين مما هوى بالامر إلى صيغ أخرى أعتقد ان صاحب البوست لم يعنيها . * كما أرى أنه من حق الاستاذ / اسامة الخواض أن يجادل بذات القسوة ويدافع عن نصه وبمزيد من الكتابة في ذات اتجاه مشروعه الادبي . ومن حقه كذلك ان يستهدف ماشاء من شرائح متلقية لنصوصه . ومن حقه التجريب في اى وسط يشاء إن كان هذا المنبر او مايتاح من منابر فلابد للنص من متلقي ولابد له من ناقد وإلا فلماذا الكتابة اصلاً . * ثم من حقنا نحن جمهور العاديين ان نفككك تلك النصوص بما أؤتينا من معرفة إن كانت هذه المعرفة ترقى أو لا لفهمها والتعامل معها كأعمال إبداعية نستصحبها معنا في مسيرتنا نحو المعرفة .
Post: #83 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-18-2012, 06:49 PM Parent: #81
كمال على الزين سلام ..
ليس للامر علاقة بمدى شعبية رأيك هنا ولكن .. هل قرأت بالفعل ما كتبته أنا فى هذا البوست ؟!!
Post: #86 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-18-2012, 06:59 PM Parent: #83
Quote: ليس للامر علاقة بمدى شعبية رأيك هنا ولكن .. هل قرأت بالفعل ما كتبته أنا فى هذا البوست ؟!!
والله يا مشرف لمن لقيتك في لستة المهرجلين لمن اتكيفت ذاتو!
عشان كدا لخير كدا نجيب المعروضات لسعادتو هنا دا
Quote:
Quote: قصيدته الأخيرة (مشيها قصيدته هذه) متينة من حيث المعرفة بقواعد اللغة والإملاء فقط ، في نظري، لكن ينقصها الكثير لتصبح قصيدة شعرية جيدة. طريقة أسامة في إعادة تقديم قصائده عبر مطولات نقدية معقدة، طريقة لا تخدم مشروعه الشعري بقدر ما تعيد تقديمه كناقد وهذا حقل آخر. هذا مع مودتي وتقديري
والله يا بروف غير كلام الزميل الناقد محمد عثماننا بوستك دا لا يسوى الزمن الصرف في الطقطقات عليه وهو من اقيم و اصدق النقد القريتو لمحمد عثمان ذاته!
استاذنا الخواض -يا جماعة قلنا ليكم ما دكتور!؟* ..كرهتونا ذاتو! - انا شايفو ناقد اكتر من شاعر .
لكسل مني -غالباً- لم اقرا له كثيراً .. لكن كل النصوص المدعاة انها (شعرية) القريتا ما على قدر كدا! بالاضافة يا محمد عثمان انو النص، مع المذكرة التفسيرية الملحقة و الشارحة تنطوي على خطا معرفي فادح .. قد يورد موارد المس بثقافة و معتقدات شعب سوداني عظيم!
قيقا راوي .. أديب و ناقد سد طلب ..المافي شنو!؟ (السوق فااااضي مع هروب النقاد لمداعبة شعر الكستناء دا)
--------
يا امين قوم لف انذ كلكت بيبرز! ما كان ممكن تعمل مداخلة في البوست المعني .. وكفى الله البورداب شر القتال لازم تضيع زمنا الثمين دا يعني عشان تملأ جرابك الخاوي الله يرضى عليك خلينا نمارس وظيفتنا الاضافية كنقاد بارتتايمر فيما ينفع الناس حاول اسعى ليك هواية تانية غير بل الناس .. عامل زي الطحالب كدا!
Post: #84 Title: Re: البْلَّالاَّت أو جَفوةُ الكِستْناء .... شعر حديس !! Author: محمد البشرى الخضر Date: 03-18-2012, 06:54 PM Parent: #81
كخبير قانون دولي ومتخصص فض نزاعات و بعد السكند اسسمنت لـ مآلات * البوست
إتس سترونجلي ريكومندد انو البروف يطلب من المعلم تحويل البوست لمكتبته
____________________________
* حقوق الـ "مآلات" أعلاه لود المشرف
يا بروف اظنك شفت نتيجة النشر في سودانيز اونلاين - لا يخفى عليك اي بوست اعني بالطبع
Post: #85 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-18-2012, 06:57 PM Parent: #77
سلام يا محمد عثماننا و لعلك بخير
Quote: سلامات وشكراً على البوست الجميل. أعيد ما سبق أن قلته لك إن كتابتك الساخرة مختلفة و(جادة) وعميقة. الحقيقة رأيي مشابه لرأيك في شعر أسامة الخواض ولكن لم تأت مناسبة ,اتمنى الا يكون في حديثي قسوة لا أقصدها. أعتقد أن أسامة الخواض لم يتحقق -بشكل كبير- كشاعر وحضوره على المسرح الشعري قليل الكثافة من جهة الإحتفاء أو الدرس أو النقد أو النشر. وصحيح أيضاً إن تجربته الأدبية كبيرة بحساب السنوات والمعارف في الوسط الأدبي ولكن هذا وحده لا يكفي لصناعة شاعر كبير. أول ما قرأت لأسامة الخواض كان قصة قصيرة نشرت في الثقافة السودانية تقريباً وأذكر أنها راقت لي ثم تعرفت على شعره لاحقاُ بعد أن اتخذ لنفسه لقب المشاء. قصيدته الأخيرة (مشيها قصيدته هذه) متينة من حيث المعرفة بقواعد اللغة والإملاء فقط ، في نظري، لكن ينقصها الكثير لتصبح قصيدة شعرية جيدة. طريقة أسامة في إعادة تقديم قصائده عبر مطولات نقدية معقدة، طريقة لا تخدم مشروعه الشعري بقدر ما تعيد تقديمه كناقد وهذا حقل آخر. هذا مع مودتي وتقديري
حقيقة أنا لم اقرأ لاستاذ الخواض سوي بعض القصائد المنشورة في هذا المنبر و كلها أشعار حديسة و إن لم تكن بمقدار حداسة الهنهيات الهنا دي ... لكن قريت بوستات نقدية - قبل إشتراكي في المنبر - للخواض و بعض الشعراء و النقاد الأعلام ... و ضح لي من خلالها و أنا البعيد عن التخصص في هذا المجال إنو أستاذ الخواض علي معرفة بالنقد و أدواتو ... و هو الأحساس الذي لم أجده عندما اقرأ قصائدة أما السبب الحديسه... دي كلها انطباعات شخصية و زي ما ذكرت أنا زول ما متخصص اتحدث فقط كقارئ ... --------------- سلام يا ستهم
Quote: امين يحصد نقاط ثمينة فى طريقه للفور اووول ...
الحقيقة أنا مسغف كامل الدسم و جاهز باشعاري الحديسة موية و نور ... ما عارف ناس الفوراول ما سعو لتسجيلي معاهم ليه ؟!
Quote: اتقدم بدعو صادقة للاستاذة الناقدة النحريرة سناء الصباغ لوضع هذا البوست فى مساره الصحيح .. ما شايفاها لعل المانع خير؟ ما تكون ماتت ؟ فالموت نقاد يختار النقادين البلا زمم
بعداك البوست بكون ناقص عم عوض سيد الدكان و نقول ليكم رمتكم ابوروف بفلذات أكبادها .... يا سناء بالله تعالي و جيبي لينا معاك كم قصيدة حديسه كده ما تجينا ايدك فاضيه ...
Quote: اها يا امين دا كمان شعر ؟؟ رد ما تهرب الى الامام ...
ده ما شعر حديس يا ستهم ... ده اسمو بل حديس !! ----------------------------------- الأخ الأستاذ طه جعفر .. تحيات طيبات ياخي
Quote: انا اعتقد ان كل من يمارس الكتابة الابداعية شخص جدير بالاحترام و كنت قد تكلمت عن اناس محددين يتم الهجوم عليهم و التجني عليهم باسلوب لا يشبه شيئا غير اساليب رجال الامن عندما يمارسون التعذيب ضد الشرفاء. مهما اجتهدت او اجتهد غيرك في سعيه لادانة هشام آدم بالسرقة لادبية فهذا هو التجني و هذا هو الاستعداء ليست هنالك ادني علاقة بين قونقليز و الطواحين لان موضوع الكتابة نفسه مختلف. لغة السرد و اسلوبه مختلفان. الكتابان قرأتهما و الكاتبان اعرفهما اما عند قصيدة الخواض فلقد نقل الاخ الحبيب المشرف رأيي، و حب الناس مذاهب يا اخوانا و لا كيف؟
و أنا أعتقد أن أي شخص يمارس الكتابة الابداعية أو لا يمارسها شخص جدير بالاحترام ... الأصل في البني أدم إنو محترم ما لم يثبت العكس !!! في ما يختص بهشام أدم ... مرحلة السعي لاثبات سرقات هشام الأدبية دي انتهيت منها زمان ... أنا أثبت إنو هشام أدم هذا سارق للنصوص الأدبية و العلمية و هو نفسو إعترف بهذا الكلام .
أنا لم أقل أن هشام سرق قونقليز من طواحين بركة ساكن و قلت بصعوبة إن لم إستحالة إثبات ذلك ... أنا أثبت إنو هشام سرق من عشتار فراس السواح و من الخواجة جورج بوليتزر و من فولتير و من الخواجة بول استير و من الخواجة زيج زجلر ... يبقي مافي هجمة علي الكتاب غير هجمة من تدافع عنه علي إنتاج الغير !! بالنسبة للخواض ... ياخي أهو إنت قلتها : ( حب الناس مذاهب !! ) إنت شايف قصيدة الخواض من عيون الشعر ... أنا و بعض الناس شايفين إنو نص الخواض الفوق ده ما عندو علاقة بالشعر لا من قريب لا من بعيد ... و طالما ما وجهنا اساءات للخواض في عضمو ... نبقي حلوين جدا ... المسالة في الأخر وجهة نظر ... أنا أري يا طه إنو معظم أدباءنا عايزين الناس طوااالي تكون في حالة مدح لاعمالهم ... و ده كلام مفهوم باعتبارهم بشر يجري حب كسير التلج في دماءهم مثل الأخرين ... الما قادر أفهمو ... ليه لو اتوجه ليهم نقد القصة بتبقي تجني و إستعداء ؟ في أكثر من بوست أنا مدحت كتابتك لانها راقت لي تماما و طلبت منك ترسل لي روايتك الفازت بجائزة الطيب صالح ( فركة ) و إنت فعلت مشكورا ... قريت الرواية و استمتعت بيها جدا ... هل إذا قريت ليك نص تاني و ما عجبني و إنتقدتو ... ببقي بستعدي فيك و أتجني عليك ؟
Quote: من حقنا ان نتهكم و نسخر من كتابة أحدهم و لكن الا يجدر بنا ان نمارس ذلك التهكم و السخرية في حدود ضيقة و خاصة ليس فقط بدافع احترام الكاتب و لكن بدافع احترام من اعجبتهم تلك الكتابة.
في حدود ضيقة و خاصة ليه يا طه ؟ و هل تم نشر النص في في حدود ضيقة و خاصة ؟ النص اتنشر في أرض الموت الاسمها سودانيزونلاين دي ... النقد تم في نفس المكان ... المشكلة شنو ؟!! و ليه يكون في نقد النص عدم إحترام للكاتب أو من أعجبو النص ؟ نقد النص و ذمو زيو و زي مدح النص : عبارة رأي شخصي في عمل أدبي ... المحك إنو الراي مدحا أو ذما يكون موضوعي و ما يكون فيهو تجريح و اساءات لكاتب النص في عضمو !! أما النص ذاتو ... فدمه مباح طالما أريق في العلن !!
Post: #87 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-18-2012, 07:27 PM Parent: #85
Quote: والله يا مشرف لمن لقيتك في لستة المهرجلين لمن اتكيفت ذاتو!
والله يا قيقراوى ما عارف أقول شنو ؟!! لا يمكن أن تؤخذ كتابتى باختلاف 180 درجة عن معانيها ؟! وبغض النظر عن فحوى ما كتبت .. ليس من المعقول أن يختلف فيه الناس هذا الاختلاف الكبير .. كأن يناقشنى أمين والملك وأنت وكل العابرين هنا انطلاقا من رؤية تختلف 180 درجة من رؤية الاخ كمال على الزين لكتابتى !! وصدقا يا كمال .. لقد أثرت دهشتى وحتى إنشدهت تماما وأسقط فى يدى .. وحتى أخذت أراجع ما كتبت من مداخلات لأعرف الخطأ الذى يمكن أن يقودك لهذا الذى أنا فيه ؟!! والى حد ما .. وجدت أن مقدمة حديثى .. وكان الصديق الملك قد أخذها بدلالات مختلفة قليلا. وجدتها قد تفهم على نحو مختلف فى حال إكتفى الناس بقرائتها .. وأعنى المقدمة وفقط دون قراءة ما كتبت من أجله وأظن أن هذا هو ما حدث مع كمال !!
Post: #88 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-18-2012, 07:33 PM Parent: #87
Quote: وأظن أن هذا هو ما حدث مع كمال !!
يا زول كمال ما قرا ولا حاجتين جا فكا فينا و اتخارج .. بس(بكسر البا)
------
ابتسم انت في مطعم الباشا ما تكلم لينا المسئولين بهناك نتفك من الناس البتقطع بعدينك تحسب دي ياخي!
Post: #89 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-18-2012, 10:02 PM Parent: #88
الأخ كمال.. تحياتي..
Quote: أما إن كان الأمر أمر إختلاف في قضية الأدب نفسه وأراد أمين إيصال وجهة نظره المخالفة لأسامة فهذا شأن آخر ..
هذا ( الشأن الآخر) هو نفسه ما دار حوله محور نظر المتداخلين بما فيهم أمين نفسه.. وإن كان من هزو .. فقد نال منه صاحب البوست النصيب الأوفر وعالجه باريحية معهودة فيه.. مع احترامي مداخلتك خلعت حتى من لم تسميهم من فرط تظنّيها .. أصدقك القول لقد خمشت بغلواء.
Post: #90 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-18-2012, 10:16 PM Parent: #88
المنافق الأجتماعي قيقراوي ( غايتو كمال الزين ما خاتي عليكم انت و وباقي لستة المهرجلين ) !!
Quote: والله يا بروف غير كلام الزميل الناقد محمد عثماننا بوستك دا لا يسوى الزمن الصرف في الطقطقات عليه وهو من اقيم و اصدق النقد القريتو لمحمد عثمان ذاته!
ياخي ما تشكر كلام محمد عثمان بدون ما تبل الباقيين ... إنت مالك و مال زمن الناس !! شفت عشان كلامك الزي ده عمرو ما حا يكون عندك لا مكتبة هنا .. لا عضوية في الفوروال ... و لا عمرك حا تكون زول مسغف بطريقتك دي ... أنا كزول مسغف مكتبتي في أرض البل هنا أقل بقليل من حجم مكتبة الكونغرس... و بعد قصيدتي الحديسه الفوق دي ... بعمل ريفريشنت لايمليي كل خمسة دقائق متوقع ايميل من فوراول بالاي دي و الباسوريد .. بالجمبة كده يا قيقا : إنت كمال علي الزين ببل الأول و بعدين بقرأ ولا هو اصلو كده ؟!! ------------------ وهبة يا بلة تدوزنت و تكوزنت في جسور الشمس و فاصلة المغيب ...
Quote: بس عندي ملاحظتين أرجو أن يتسع لهما بهاءك الكاتب .. النص بتاعك لو نظرنا ليهو عروضيا بنلقاهو موزون على بحر المتدارك؛ ولكن في المقطع الذي جلبته في الاقتباس أعلاه لم أحس بأنه منساب بعد التقطيع علي تفعيلة البحرالمذكور .. لذا أرى أنك لو استبدلت كلمة "الثعابين" الموجودة في المقطع بكلمة "الأفاعي" لاستقام النص و زالت كسرته وانساب واتسق وزنه . أما الملاحظة الثانية Quote: بلة تغض مضاجع النجوم الساهرة و تعض شفاة السعادة العابرة...
ورد في المقطع أعلاه كلمة "بلة" وكلمة "النجوم" وهنا لم يستطيع الكاتب أن يخفي هلاليته الصارخة وأظن - آثماً - أن المقصود بهذا المقطع لاعب المريخ بلة جابر فهو الوحيد القادر أن يغض مضاجع النجوم والكرة السودانية بشكل عام
سعيد جدا إنو النص فتح معاك ... لكن شكلو كده ما فتح معاك للاخر ... لانو ملاحيظك دي ملاحيظ زول جاس خلال النص و استشرف المعاني الغميسه فيهو لكن ما كلها : أنا مستعمل بحر البل في القصيدة عشان كده كلمة الأفاعي ما بتركب هنا ... ما كان في حل للبيت ده غير الثعابين ... ياخي تحمدو ربكم ما قلت ليكم الدبايب !!! بالنسبة لبلة في في البيت التاني ففعلا مقصود بيه لاعب المريخ بلة جابر ... لو كمان تكرمت و وريت عزيزك القارئ مفاتيحك الفتحت بيها نصي المستغلق ده ... تكون ما قصرت ... ---------------- يا عاطف عمر ... ياخي الله يريحك دنيا و اخره زي ما ريحتني في ردك علي ياسر طيفور و الذي لا علاقة له بالادب قديمه و حديسه و ما مفروض يكون متواجد في بوست علمي زي ده من الأساس !! ---------------- محمد النور يا حبيبنا... شكرا ياخي علي البتاع . ----------------
Quote: والجديد علينا هو شخص الأخ أمين .. الذي لم يعرف على الأقل بالنسبة لي كشاعر
شكرا يا مولانا علي تاكيد شاعريتي المافي زول غيرك و غير سيف نصرنا شعر بيها .. ---------------- فيصل الرشيد يا أقطبوطا في دمي يحي و يجري في العروق !!
Quote: اختشي .. فمن غير بله جابر قادر علي عطاء يغض مضاجع البؤساء حتي يخرج الاقطبوطات من اوكار الضفادع السرمديه
اختشي !! ----------------
Quote: يعني يا معلم ضيعت لينا ساعات في دبي في التلفون كان ممكن نقضيها مع حبش حلوين عاااااااااااااااااادي
سامحك الله
حبش شنو يا ولي ياخي ؟ الحمد لله المليت ليك وقتك بدل ده !! ---------------
Quote: وما أتتكم به الذائقه فخذوه .. وما أعجزتكم عنه فأنتهوا .. أقول قولى هذا وأستغفر الله لى ولكم
الصحيح يا محمد حيدر : ما أتتكم به الذائقه فخذوه .. وما أعجزتكم عنه فانقدوه !! ---------------
Quote: بعدين مجهود أخونا أمين السهران وراه سنة وربع .. من تموز يوليو2011 الى تشرين اكتوبر 2012هههه.. ما داير اديهو البحر ..
يا مولانا ... نصي الباذخ ده أنا ما كتبتو انما نزفته علي الكيبورد !! -------------
Quote: خشيت البوست أكوسها ما لقيتها ... يمكن النضارة دايري يغيروها كدي كوسو* معاي..
جدو يا حبيبنا ... أقلع النضاره وكان فتشت مداخلتك بنور الله و بقلب سليم بتلقاها !! ------------
Quote: كخبير دامج كنترول و ريسك مانجمنت , وبعد اسسمنت اولي وسريع للبوست آي ريكومند البروف ينسى البوست دا و لا يعود للتداخل فيه إلاّ للشديد القوي
شكرا علي الريكومنديشن يا البشرى ...لكننا هنا من أجل الشعر الحديث ... إما أن ينصلح حاله أو نهلك دونه .. ------------ ود الخليفة عمار ... سلام يا صاحب
شكلو المتنبئ ذاتو كتب شعر حديس ؟! ما داير أحلف لكن ما عندي شك إنو المتنبئ ذاتو ما عارف كلامو ده يعني شنو !!
Post: #91 Title: Re: البْلَّالاَّت أو جَفوةُ الكِستْناء .... شعر حديس !! Author: MAHJOOP ALI Date: 03-18-2012, 11:45 PM Parent: #90
ياخلق الله البروف امين الياسمين بيتشوبر ساي ... الزول دا حدوا الدوبيت .. ولم يبلغ مدارج الحداثة بعد
Post: #93 Title: Re: البْلَّالاَّت أو جَفوةُ الكِستْناء .... شعر حديس !! Author: معاوية المدير Date: 03-19-2012, 01:02 AM Parent: #91
Quote: النص ده لو (استغلق) و ما فتح معاكم ..
أعلم أنه تنوبني خمسين سنة ضوئية زي شفق المغارب لسبر أغوار العبارات الدقيقة كما دبيب النِمال علي التلآل، وتفنيط الكلمات العميقة كما جحور السِحال فوق قمم الجبال. لكن هذا لا يمنعني أن أقول رأي، وأنا جالس الآن فوق قمم جبال الأولمب أحتسي مريسة تامزين، وأُمزمز بنصك المُدمس يا بروف. من الآخر كدا، النص دا عاضي يا برف ما مُستغلق. والله صحي.
مودتي الفايتة قعر أضانك...
تمّ نقل المدآخلة من أعلى إلي أسفل بعملية قردية ناجحة. اليام كمبيوتر ضاربوا شيطان، فمعذرة...
Post: #94 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-19-2012, 05:15 AM Parent: #93
أمة سودانيزاونلاين دى لذيذه جداً.. والله صحى !! يوم الخميس الفات .. إلتقيت أحد الأعزاء من بورداب الدوحة ... وهو فنان حاله كحال الفنانين .. متواضع جدا وأنيق .. بجلابية وعمة ملفوفة بعناية غاية فى الاهمال !! إسمو أبوالريش .. وفوق ذلك هو زول من "بري" وزول من بري دى لا تقل وبأى حال من الاحوال من "زول من امدرمان" وتماما وكما يقول نقيضها صديقى "صديق" وصديق ضابط فى المعاش, وحكم كرة, ومغترب مجهجهه جهجهة السنين .. غاية ما قد يتمتم به تحت تحت .. وخلااااص لمن يغلبو السكات يقول ليك وفى منتهى الامتعاض : "يا زول الزول ده ذاتو ما من امدرمان" !!
سقى أرضك الغمام يا صديق .. وأظنك بأمريكا فى صحبة زوجة ؟!
أها .. أبوالريش صديقى مال على وهو يسائلنى
- شنو أخبار مقاطعتك للكيزان ؟!! - والله يا ابوالريش ماشي فى الموضوع تمام .. الناس ما فاهمة إنو مافى فايدة !!!
سكت أبا الريش هنيهة وأجابنى بحكمة لا يدركها الا أهل البرارى ..
- تعرف يا محمد المشرف !! عندى صاحبى من قراء سودانيزاونلاين المداومين عليها .. والزول ده مصر إنك إنت ذاتك " كوز" !!
وأسقط فى يدى تماما .. وتماما كما الحال مع كمال على الزين !!
.. التعديل لمساحة كانت يجي أن تكون بيس السطر 15 و 16
Post: #95 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-19-2012, 05:36 AM Parent: #94
هسع الواحد لو داير يعمل سياسة فك الارتباط !! يعمل شنو ؟؟
Post: #96 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-19-2012, 05:41 AM Parent: #95
الفكرة بتاعت تواضعوا يرفعكم الله دى شكلها بيش جدا, وما بتجيب حقها .. أهم حاجه فى الدنيا انو الواحد يعمل ليهو كدوس ... ويكتب بالكدوس !!
Post: #97 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-19-2012, 05:42 AM Parent: #96
هذا ومع السلام عليكم .. لن أعود ..
محمد المشرف كسح !!
Post: #98 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-19-2012, 11:07 AM Parent: #97
Quote: أهم حاجه فى الدنيا انو الواحد يعمل ليهو كدوس ...
Post: #99 Title: Re: البْلَّالاَّت أو جَفوةُ الكِستْناء .... شعر حديس !! Author: Ashraf el-Halabi Date: 03-19-2012, 11:14 AM Parent: #98
أسجل اعتراضي على البوست
Post: #100 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-19-2012, 05:51 PM Parent: #99
تعليقا علي عبارتي (لانو كتابتو مافيها ما يعيب أخلاقيا أو دينيا مثلا )... كتب Murtada Gafar :
Quote: وددتُ لو أن صاحب البوست (أمين محمد سليمان) أسهب في شرح هذه العبارة، بمعنى آخر هل يمكن لكتابة-إبداعية افتراضاً- أن تكون معيبة من الناحية الدينية؟ وأي دين (إسلام أم مسيحية أم يهودية أم هندوسية أم كجور)؟
هل الدين، مطلق دين، من الأدوات النقدية التي تقاس على معاييرها الكتابة؟ بالتالي يمكن أن تعاب تلك الكتابة على أساس ذلك الدين.
سلمان رشدي مهدور الدم من قبل ملالي إيران ومسلمو بنغلاديش يطالبون برأس تسنيما نسرين.
وجزاكم الله خيراً !!!!!!
و تعليقا علي التعليق .. كتب قيقا قاعد ساي
Quote: تصدق وتؤمن بالله لو جلاها مرتضى لما تركتك دون عقاب ومنذ متى كان الادب يقرأ بعين الاخلاق والدين .. ؤ ديو!؟
الكلام جاء في سياق إنو نقدي للخواض ما جاء بسبب عيب في أراءو المطروحة خلال شعرو إذ ليس بها ما يعيب - من وجهة نظري طبعا - سوي من ناحية دينية أو أخلاقية و دي أمثلة لاشياء ممكن الناس تختلف فيها عشان كده أنا قلت مثلا ... فشنو الغريب في إنو زول ينتقد ليه راي زول سوي جاء في قصيدة أو مقالة أو ونسة في الشارع ؟ نقدي لقصيدة الخواض ما جاء لاراءو فيها ... الحقيقة أنا ما عارف لو كان فيها أراء ذاتو ولا لا ... ده الأنا قصدتو بكوتي الفوق ده !! ------------
Quote: اتلمو عليك مرتضى وقيقا راوي يا بروف.. إن بقيت محتاج مراقات الحساب بكبر.
شكرا يا مولانا لكن ما يحتاج !! ------------ ناصر الحق بالحق ... سلام عليك يا ممثلنا في بلاد الحسن و الجمال
Quote: وعلى ما أذكر ليست هذه أول موجة إرتدادية تثيرها أعمال الخواض فقبل ذلك نصف المنبر كتب بوستات ارتدادية عقب قصيدته ليس السرير لهن _ أو في معني للعبارة قريب _
متذكر القصيدة دي جدا و الوقت داك أنا ما كنت مشترك في سودانيزونلاين و بقراه مرة مرة .... لكن متذكر القصيدة و متذكر إنو أساسي كتب قصيدة حديسة مجاراة لقصيدة الخواض ... و منها أنا علفت فكرة أساسي و كتبت نصي الباذخ الفوق ده ...
Quote: أمين سليماننا الذي ما عارف هسه وين بالضبط ........... متداخل للسلام والتحية وها أنا أقراء النص وأعيد ................ أعين فيهو وأضحك وأمشي وأجيهوا رأجع
أنا في قرية صغيرة في ضهاري كانسس أحمل روحي علي راحتي دفاعا عن الشعر الحديث !! ------------ كمال علي الزين
Quote: ليس لأمين أو سواه الحق في جعل أسامة الخواض مادة للسخرية ومادة لبوست شعبي يتكالب عليها الأصدقاء من أجل التسلية وتبادل هذا النفاق للأمانة كنت أظن أن أمين صديق لأسامة ويمازحه ..
فعلا ... ليس لأمين أو سواه الحق في جعل أسامة الخواض مادة للسخرية ... السؤال : وين أمين أو سواه جعلو أسامة الخواض مادة للسخرية في هذا البوست ؟ الأجابة إنو الكلام ده ما حصل و دونك البوست جيب كلام أنا سخرت فيهو من أسامة الخواض ... لم و لن تستطع ... نحن سخرنا من النص و الحقيقة إنو النص سخر من نفسه أكثر من سخريتنا عليه .. بعدين يا كمال البوست ده ما شعبي ... البوست كان شعبي قبل ما تجي إنت و تطل عليهو بطلتك البهية و تكتب لينا فيهو سطورك المن نور دي .... كان شعبي قبل ما تجينا مقلع بلغتك الاستعلائية دي و تصنف الناس في لست النفاق ... أما الان فالبوست بقي بتاع مثقفين رايعين زيك كده .. يا رايع !!
Quote: يا أمين لا تستغل ميل أسامةللترفع عن مثل هذه المعركة .. وأشكر للأخ محمد عثمان أن جاء منقذاً لكم بمحاولة كتابة نقد حقيقي ومحترم وأتفق معه أن شعر المشاء لا يعجبني كثيراً لأنه شعر نخبوي ولكنه صاحب تجربة أدبية شئنا أم أبينا , كما أنه رجل محترم مترفع عن مثل هذه الصبيانيات
حقيقة يا كمال .. البوست كلو ما فيهو مداخلة صبيانية غير حقتك دي ... لانو يا إما إنت ما قريت حرف في البوست أو قريت و ما فهمت حرف .... لستة المنافقين الاجتماعيين دي مافيها نفرين رايهم مطابق ... و محمد حيدر و قيقا رايهم زي رايك تماما لكنهم قالوه بادب ... الأدب الذي لو ملكته يا كمال الزين لما وصفت خيرة الناس في هذا المكان بالنفاق !! لست في معركة مع أسامة الخواض ... و كان إنت أو أسامة شايفنها معركة فهذا شانكم ... من حقي و حق أي بني أدم نقد قصيدة الخواض و السخرية منها طالما نشرها للعلن و طالما لم نسئ لكاتبها و هو عين ما فعلناه .... الان ... بعيدا عن لغتك المستعلية و سوء أدبك ... عايزك تجيب لي كوت فيهو اساءة للخواض أو سخرية منو !! -------------
Quote: رحم الله إمرءاً عرف قدر نفسه أنا العبد الفقير لربه عاطف عمر أظن في نفسي كل الظن أنني رجل مهذب ومحترم لذلك سوف أصطبر على ( مهزلتك ) وقراءتك الموتورة لمداخلاتي وسوف أترفع عن مجاراتك في صبيانياتك والإدعاء غير المبني على أساس للحكمة
أمسحا لي في وشي ده يا أبو أمين ... بالجد والله أنا اسف ! -------------
Quote: يا زول كمال ما قرا ولا حاجتين جا فكا فينا و اتخارج
شمتان فيك يا قيقا !! و رغم انك بلا مكتبة ولا عضوية في الفورول لكنك مرات بتفهم ... ينوبك ثواب اشرح لي الحاجتين ديل : (نفاق اجتماعي ) و (بوست شعبي ) !! -------------
Quote: أصدقك القول لقد خمشت بغلواء.
يا مولانا ... كمال خمش بغلوء و باستعلاء و قلة أدب ... لكن الله في !!
Post: #103 Title: Re: البْلَّالاَّت أو جَفوةُ الكِستْناء .... شعر حديس !! Author: كمال علي الزين Date: 03-19-2012, 06:55 PM Parent: #100
Quote: متذكر القصيدة دي جدا و الوقت داك أنا ما كنت مشترك في سودانيزونلاين و بقراه مرة مرة .... لكن متذكر القصيدة و متذكر إنو أساسي كتب قصيدة حديسة مجاراة لقصيدة الخواض ... و منها أنا علفت فكرة أساسي و كتبت نصي الباذخ الفوق ده ...
هب أن أساسي أخطأ وفعلها ذات مرة فهل أنت (إمعة) لتحاكي فعلته لمجرد أنها حدثت من أساسي ذات يوم ؟
Quote: الان ... بعيدا عن لغتك المستعلية و سوء أدبك ... عايزك تجيب لي كوت فيهو اساءة للخواض أو سخرية منو !!
سوء الأدب هو ماتفعله هنا بالضبط .. وهي محاولة منك لجري لمعركة يبدو أنك مستعد للمضي فيها بحكم تربيتك كما يبدو ولن تتورع عن الملاسنة والشتم.. لذلك أقول لك (ياما دقت على الرأس طبول) وهذا البورد جمعني بمن هو أكثر منك صفاقة وسوء أدب .. فدع عنك هذه المحاولة البائسة فلست أنا من يهزه الشتم .
أما بعد وقد سألت عن كوت واحد فيه إساءة لأسامة فأقول لك لا يغرنك إلتفاف الناس حولك هنا بغرض التسلية فالبوست جله إساءة وتعريض وأستهزاء لأن فكرته مبنية على تعمد التقليل من شأن أسامة كشاعر بل وجعله مادة لبوست (شعبي) و إن لم تفهم هذا فربما لأن معايير الإساءة لديك مختلة بعض الشئ طالما أنك بررت مشكوراً للأمر بأن :(إن أساء أساسي أسئت) مع إحترامي للأخ أساسي بالطبع ..
.
________________________ بالمناسبة : أجمل مافي ردك هنا أنك تقول : في نقدي لأسامة ..وفي نقدي لقصيدة أسامة عن أي نقد تتحدث يارجل ؟ راجع تأريخ أسامة الخواض تعرف لماذا لم يتنازل ويرد على (صبيانياتك )هذه .. لو أن ماتفعله هنا فيه شبهة من نقد لما جررتنا إلى مانحن فيه جميعاً .. فترفق بنفسك فيبدو أنك لست بالحدث أو صغير السن ..
.
(:
بالمناسبة لن أرد عليك مرة أخرى .. فلا تحاول إستدراجي بالشتم ..
وداعاً ...
Post: #101 Title: Re: البْلَّالاَّت أو جَفوةُ الكِستْناء .... شعر حديس !! Author: كمال علي الزين Date: 03-19-2012, 05:56 PM Parent: #96
Quote: الفكرة بتاعت تواضعوا يرفعكم الله دى شكلها بيش جدا, وما بتجيب حقها .. أهم حاجه فى الدنيا انو الواحد يعمل ليهو كدوس ... ويكتب بالكدوس !!
Quote: هذا ومع السلام عليكم .. لن أعود .. محمد المشرف كسح !!
أعلاه كال لنا طيب الذكر بشاشا منه أطنانا .. وكسح
Quote: وجدت أن مقدمة حديثى .. وكان الصديق الملك قد أخذها بدلالات مختلفة قليلا. وجدتها قد تفهم على نحو مختلف فى حال إكتفى الناس بقرائتها .. وأعنى المقدمة وفقط دون قراءة ما كتبت من أجله وأظن أن هذا هو ما حدث مع كمال !!
طيب ماهو إنت فتح الله عليك وفهمتني .. ربنا يفتح على فتح الرحمن قيقا كمان ..
أنا قريت كلامكم الفوق ده كلو بما فيهو كلام أمين الذي لن أعلق عليه فهو لا يحتاج تعليق ..
أما قيقا فأسحب حديثي بحقه وأعتذر وهو حر .. (كده نقطة وإعتذار ياقيقا) ..
أما أنت يامحمد المشرف ياخوي طالما راوحت مكانك بين الكتابة بالكدوس وبين كسحان بشاشا ثم قبلها كدت أن تفهم لولا أن إيضاحك الذي هو ماعنيته سيحرج (فتح الرحمن) كونه لازال يدعي أن مايحدث هنا مجرد نقد برئ ليس فيهو تعريض بأحد ..
فأقول لك يادكتور : أنت تتعاطى كتابة الشعر .. هب أن أحدهم جاء معرضاً بك كما حدث هنا .. ضع نفسك مكان (المشاء) وحكم ضميرك ؟ ثم هب أن كمال الزين أو سواه جاء مبتدراً مداخلته كما أبتدرت أنت بتبرير التهكم مستشهداً بالبرغوثي أو الفرشوطي أو أياً كان .. ؟
عملاً بـ(معكوس) الحديث النبوي الذي رواه النسائي وشهد بصحته الترمذي وأعني (دع ما يريبك إلى ما لا يريبك) أقول:
الهجوم الأمني على سودانيزآونلاين ذو أربعة محاور محور أول: مؤتمر وطني صرف وكادر أمني صريح يستهدف المعارضين بكافة الأشكال، محور ثاني: معارضة المعارضة. وكأن المؤتمر الوطني حمل وديع لا يستحق حتى (المعارضة)، محور ثالث: يشعل الفتنة بين فصائل المعارضة ويتعمد الفُرْقَة بينها، محور رابع: صحفيون (جدد لنج) ومثقفون (مشيّها مثقفون دي) يحاورون المعارضين إما للاستخفاف بهم والزراية بكل ما هو معارض للمؤتمر الوطني (خاصة أهل اليسار العريض بدون أقواس أو خذها على الإطلاق) والانتصار لفكرة هي: ظلّ الإبداع بضروبه المختلفة بعيداً عن منال (كديسة المؤتمر الوطني) فلتقل هي (عفنة).
الحبيب كمال الزين سلامات وتحايا وتقدير يا رجل أول مرة أشوفك قائم صداري كدا .. سحروك واللا شنو ؟؟ وللحق يا كيمو بوست أمين دا ما فيهو أية حاجة من التعريض والتهريج القلت عليهو دا وإن بدا كذلك .. دا نقد ساخر بطريقة أو بأخري ولا يمكن فهمه في أي سياق آخر، ولو شايف أن آخرون هرجوا وهرجلوا في البوست (أنا ما شايف غايتو)* فدي ما حاجة بتخليهو يقع في مرمي نيرانك يا حبيب . ................ يا بروف هدي اللعب مع كيمو فالراجل دا مسحور ساي في رأيي .
* بصراحة محمد حيدر المشرف قام بالبوست لدرجة أنو بقي ليهو فيهو حق أكتر من سيدو
Post: #107 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-19-2012, 10:06 PM Parent: #105
ما دام الواحد حظو ماشى كويس فى الفهم نواصل .. تعرف يا كمال على الزين ! وزى ما قلت ليك مسألة شعبية وشعبي والكلام ده لا ناقة لى فيه ولا جمل .. دى خاضعة تماما لاحكامك الشخصية ولكن .. أن أكون هدفا سهلا للانتياش المزاجى والمترصد دى مسألة غير مقبولة .. مزاجى لانه لا يقوم الا على حالة تخصك .. ومترصد بدليل مداخلتك التانيه ..
الرد على الاصدقاء والمعارف فى هذا المكان مسألة عصية جدا .. ووجدت من اللائق جدا تنبيهك لمتابعة ما كتبته أنا علك تتكرم بحذفى من لستة النفاق الاجتماعى الممارس بحسب رأيك أنت .. وعلى بقية المتضررين اللجوء لاية أفعال مناسبة ..
أنا لم أكتب مقدمة لمداخلتى وانصرفت .. أنا كتبت رأياً قد يروقك وقد لا يروقك فحاكم هذا الرأى بمسؤولية ثم أورده المورد الذى تشاء .. فقط حاكم هذا الرأى يا كمال وهو موجود هنا .. وأرى حتى أنه من غير اللائق أن أشير عليك بعدم الاكتفاء بمقدمة رأيى .. فتلك بداهة تعرفها جيدا ..
مساهمتي المتواضعة في البوست سيد الاسم !!!!!!!! و لاثراء هذا الخيط الهام في منعرجات البل المنبري !!
Quote: الاستاذ الخواض سلامات و عساك طيب مع كامل التقدير و المقامات المحفوظة لو سمحت لي ان اتحرك لتحليل مجريات البوست بمقاربة مختلفة منفتحة غير مستغلقة ! و اعني بغير المستغلقة بان مقاربتي منفتحة وقابلة للخطا بنسبة تكاد من النسبة المئوية الكاملة ! المقاربة هي سايكلوجية حفرية : و هي : انو اصلا القصيدة معمولة بهدف البرمجة ! يعني القصيدة بتبرمج بالناس و المنبر ! و لا اعني بالبرمجة الدلالة السالبة و التي قد يشعر بعض الاعزاء المتداخلين بان مقاربتي قد لا تعطيهم ما يستحقون من تقدير و انما البرمجة بالمعني الايجابي ! و اعني brainstorming- و لدي مؤشرات توحي لي بصحة هذه المقاربة : 1- القصيدة نفسها و عنوانها ! 2- الحاشية و شرح (الوت ) و ما تحوي من دلالة عالية للبرمجة 3- استغلاق النص ! 4- الردود و اعني طريقتك بالردود اوحت لي بالكثير من البرمجة ! 5- الصبر و الجلد اللانهائي الذي ابديته تجاه النقد اللاذع الذي وجه للقصيدة ! و بالنسبة لي لم يكن صبرا او جلدا و انما بمعرفتك الكاملة و توقعك للردود المتوقعة لطبيعة المنبر فانك لم تسمح لاحد ليضعك في الاجواء التي يرغبها هو و بل تعاملت بالرافة مع الردود ! مثلا اذا تعاطينا مع رد الاخ اساسي : و بالرغم من ان اساسي استطاع ان يوظف كل مخزونه وخبرته الشفتة و الاسفيرية في توجيه السخرية المغلفة بالنقد ! و حين اهتم بعض الناس مشفقين بكيفية تعاملك مع هذا النوع لكن لدي ظني الذي اقرب الي اليقين انك كنت تنظر الي مجهود اساسي الذي ظن انه اجهز علي القصيدة و مضي في سبيلا فرحا بما اتاه الله من ذكاء اسفيري و لكن لسان حالك ردك له يقول : مالو الود زعلان كدة ! و تعبان و عرقان كدة عشان حبة هنيهات ! و ختامك له بالرد قائلا(وحتى "ثلاث هنيهات"، ينحو النص الشعري منحى "المتدارك"،و بعد ذلك ينحو منحى "المتقارب"،و الذي هو مقلوب "المتدارك"،و الله أعلم.) ختام في غاية المتعة و الاستغلاق ! 6- اقحامك بعض الردود للرد علي اخرين بكل برود و مواصلتك في المشوار و ماضيا في سبيلك لا تبالي كأن شيئا لم يكن ! و قيقاروي مثالا - و ايضا استشهادك بمداخلة احد المتداخلين بالقول بانه لا يعاني فقط من استغلاق النص عليه و انما ايضا استغلاق الحياة و الصحة ! و اعني تفشي ازمة الاستغلاق في مجالات اخري و ليس فقط عيبا ملازمة للقصيدة الهنهية ! اذن لماذا يستكثر بعض الناس نظرية الاستغلاق للقصيدة !
7- و اتخيل بان احساسك تجاه من فتح بوستا شهيرا لمحاكمة نصك الشهير بانك نجحت الي حد مد الي انفتاح و عدم استغلاق البرمجة بل و تعديه الي مساحات اوسع و في النهاية نجاح خطة البرمجة و البرينستورمين عند من يظنون انهم من شفوت المنبر ! و في النهاية ادت القصيدة مهمتها علي اكمل وجه لاثراء النقد حول الشعر في المنبر الذي اعتكف مؤخرا في مصيدة التضامنات و هذا كله يحسب للحركة النقدية الواسعة التي اثارتها القصيدة الهنيهية -! عموما بهذه المقاربة يمكنني ان انظر الي الكوب الممتلي بهنيهات الماء !
عموما هذه بعض انطباعاتي و محاولة لتفسير الازمة الادبية الناجحة التي اثارتها قصيدة الهنيهات الشهيرة !
تقديري لك و للحضور
التعديل لاضافة علامات تعجب اضافية لا توجد في النص الاصلي ! لجعل النص اكثر مواكبة لمجريات خيط البروف البليلي ! و لرفع ما قد يستغلق علي البعض من معني وهدف النص ! لذا وجب التنويه لداعي الامانة العلمية في النقل و لحفظ حقوق المؤلف !
Post: #109 Title: Re: البْلَّالاَّت أو جَفوةُ الكِستْناء .... شعر حديس !! Author: MAHJOOP ALI Date: 03-20-2012, 00:51 AM Parent: #108
الاخوة : مرتضي جعفر وكمال الزين سلام الذائقة الفردية للرسم والموسيقي والشعر لايحكمها او يحددها موقف سياسي من سلطة شمولية حاكمة او انتماء طبقي ونخبوي ، فاذا كان التعبير عن الذائقة الفردية يلقي بصاحبها جزافا بين خيارات حدها الادني التبخيس وحدها الاعلي كادر امني ، فاين الوعد بالحريات التي تبدأ من حرية الراي الي تحرر الذائقة من القيود والقواعد والضوابظ والمعلوم من الدين بالضرورة ..... وهل المقام يتطلب كل تلك المحاور في امر استدعي من السابقين ابتكار مصطلح الشعر الحر والقصيدة النثرية والقصيدة العمودية والتقلدية ؟ . اما ان الانتماء للعامة او لما هو (شعبي ) منقصة تقتضي الاعتذار لان هناك ادب شعبي وادب طبقي او نخبوي لايجوز ان يتجرا عليه من قبل العامة وان نقده يتطلب ادوات وملكات خاصة وما علي العموم الا الصمت وترك تحديد الذائقة للكهنه والاحبار الراسخون في العلم .....وهل لقب شاعر الشعب لمحجوب شريف او شاعرية احمد فواد نجم السهله الممتنعه تصنفهم ضمن (الشعبي ) المذموم ؟ ام ان عبقرية درويش ضعضعت المقام السامي للشعر بوضعه في متناول العامة ؟ ولكم شكري
Post: #110 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-20-2012, 00:52 AM Parent: #108
يعني يا هيثم افهم من كده .. إنو (الاستغلاق) معني بذاتو لاستثارة النعرات الاسفيرية وصولا لبغية (الشكر لى حماد)؟
كلو وارد.
Post: #112 Title: Re: البْلَّالاَّت أو جَفوةُ الكِستْناء .... شعر حديس !! Author: طه جعفر Date: 03-20-2012, 04:05 AM Parent: #85
Quote: ليه لو اتوجه ليهم نقد القصة بتبقي تجني و إستعداء ؟
الاخ امين محمد سليمان
النقد باستمرار حبابو و النقد يا جماعة ربنا يجيبوا
لا يخفي عليكم الفرق بين النقد و حملات الهدم و التدمير ان يقول احدهم ان هشام آدم يمارس السرقة الادبية ليست له علاقة بالنقد الامر هنا امر حقوق و يستطيع حسمه القضاء و ليس اسهامات النقاد عندما يتم الترويج بهذه الكثافة لفكرة ان هشام آدم يمارس السرقة الادبية فهذا امر ليس له علاقة لا بالنقد و لا بتقدير جهد الكتاب ما يتم في سودانيزاونلاين ضد هشام آدم هو تجني و ترويج لشائعات تستهدف انجازات الكاتب هشام آدم الادبية.
انا ارحب بالنقد و احترمه لا بل استفيد منه و ابحث عنه و ازعم ان كل كاتب جاد سيسعد ايما سعادة بمراجعة اوراق النقاد لاعماله ما يتم هنا في سودانيزاونلاين ضد هشام آدم تجاوز حدود النقد الي ما يشبه التصفية و اغتيال الشخصية.
ليس عندي اعتراض علي ما تفضلتم به من انجاز قصيدة حلمنتيشية. لكن يا أمين ان يتحول هذا الشعر الحلمنتيشي الي فكرة نقدية تريد ان تقول من خلالها ان كتابة اسامة الخواض الشعرية المنشورة بعنوان " الهنيهات او خفر الاناناس " هي عبارة عن كلام فارغ فهذا موضوع يتجاوز حدود السخرية و النقد الي فضاءات أخري ليس لها صلة لا بالنقد او السخرية. و اكثر ما اعترض عليه هنا هو ان يتحول جهد جدي لكاتب ما او لاي عضو من اعضاء المنبر الي موضوع سخرية و تندر. لان هذه الممارسة ببساطة لا يستحقها اناس امثال الشاعر و الناقد السوداني اسامة الخواض. بل يستحقها امثال نافع علي نافع و صلاح قوش و بقية الكيزان و اذنابهم من ناقصي العقل.
طه جعفر
Post: #111 Title: Re: البْلَّالاَّت أو جَفوةُ الكِستْناء .... شعر حديس !! Author: Abobakr Shadad Date: 03-20-2012, 03:47 AM Parent: #1
Quote: البْلَّالاَّت أو جَفوةُ الكِستْناء شعر الدكتور أمين محمد سليمان أمير أمراء الشعر الحديس بالمنبر و المنابر المجاورة ..
*************************
البْلَّالاَّت - بنات الخطيئة - عاودوني من جديد (اقطبوط )* شهقة من الدم و لحسة من نبيذ الشجر .. قطيع من الشياة يبحر في دمي : الطريق الوحيد الأكيد للبل الرشيد الحميد المجيد السعيد المريد المعيد هو الموت منسربا علي قارعة الطريق ... قصائد من أرخبيل الخمور العتيقة تعبق في المكان ... صوت الموسيقي متجذرا.... و الخيل تحسر رمل القوافي منكسرة ... مدونة تشكلت من فحيح الثعابين و زمجرت فيها حشائش السافنا العابثة... قطة تفتحت - كوردة - في شارع المك نمر ! بلة تحفها ثلاث بلات من الاتجهات الأربعة ... تسربت في مسامي مثل حبو العاشقين .. بلة تدوزنت و تكوزنت في جسور الشمس و فاصلة المغيب ... بلة ترتاح في شفق البحيرات مثل أنثي عصفورية ذات صدر بهيج ... بلة تغض مضاجع النجوم الساهرة و تعض شفاة السعادة العابرة... هنيهة... و الشجر يرقص عاريا بلا جذوع ... أو جذور .... أو لحاء ... هنيهة... و الخمر يكتب اعترفات الخطايا بالدماء ... هنيهة... والبل يرزخ تحت نيران الشعر الحديس ... قنبلة يضج بها المكان ...
الدكتور امين محمد سليمان .. جزيرة سرنديب - القدس المحتلة تموز 2011 - تشرين 2012
--
غايتو يا بروف
الما كتب شعر زى ده ما يبقى شاعر ياخ حارمنا مالك
البلالات هذه القصيدة من عيون الشعر وتحتاج قراءه نقديه متانيه ربما نعاود اليها... تهانينا بس ربما تحتاج القليل من صنفرة البلوفه وترصيص كفرات المقطع الاخير بتاع كديسة شارع المك نمر وطبعا الابداع واضح فى ذكر الكديس والنمر فى توريه خفيه .
.
Post: #113 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-20-2012, 05:20 AM Parent: #111
أعجبتنى القصيدة .. وأعنى القصيدة لا ما كتبه بروف أمين .. قصيدة الشاعر أسامة الخواض .. "الهنيهات وخفر الأناناس" وكنت اول من تفاعل معها .. وبالفعل كنت قد راتبت تلك الهنيهات وجدانياً فأختلفت قليلاً عن تراتبها فى القصيدة .. وأرجعت ذلك للتوق الشخصى !.. وكان أن تداخلت مرات عديدة .. المرة الأولى بغرض "رفع البوست", فبادرت "وهبه" بالتحية .. وإختلفت مع "أساسي" فى مرات أخرى .. وناقشت الخواض حول احوال الذات القارئة .. وخلاصة القول كان بوستا جميلا .. وقصيدة جميلة ولذلك لم أستطع إلا أن أخالف "أمين" هنا حول مشروعية هذا البوست .. وأراه تجنى كثيراً على عمل أدبى بهذا التناول .. فالتناول وطريقته هو مبحث خلافنا .. لا شرعية النقد !! فالنقد مشروع جدا وراجح فى موازين العافية .. بيد أن ما مورس هنا ليس نقداً حسبما أرى .. وكان أن سقت حججاً كثيرة .. أولها عدم ممانعتى السخرية والتهكم إن جاءت بحسب الأصول وفى المكان المناسب .. ورأيت أن مدخل أمين للنقد ليس ملائماً ولا ملائما ولا هو حسب الاصول .. وأن هناك جدية أكبر إفتقدها أمين وكان يمكن من خلالها التعامل مع النص بصورة أكثر منهجية و أعم فائدة .. هذه هى بإختصار مسالة النفاق الاجتماعى المذكورة بحسب كمال الزين .. هذه هى روايتى .. ويبقى على كمال إن كان جادا ان يشير نحو ما رآه من نفاق وايراده هنا ؟!!
تحياتى ..
Post: #114 Title: Re: البْلَّالاَّت أو جَفوةُ الكِستْناء .... شعر حديس !! Author: محمد عثمان ابراهيم Date: 03-20-2012, 06:25 AM Parent: #111
Post: #115 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-20-2012, 09:15 AM Parent: #114
Quote: أما قيقا فأسحب حديثي بحقه وأعتذر وهو حر .. (كده نقطة وإعتذار ياقيقا) ..
أما أنت يامحمد المشرف ياخوي طالما راوحت مكانك بين الكتابة بالكدوس وبين كسحان بشاشا ثم قبلها كدت أن تفهم لولا أن إيضاحك الذي هو ماعنيته سيحرج (فتح الرحمن) كونه لازال يدعي أن مايحدث هنا مجرد نقد برئ ليس فيهو تعريض بأحد ..
وين فتح الرحمن - تطير عيشتو- أقر بشرعية (البل) المسمى نقد الموسوم بـ( البْلَّالاَّت أو جَفوةُ الكِستْناء .... شعر حديس !! )! حيرتونا و الله عديل كدا .. لخير كدا الواحد يمش ينتحر بس!
يا عزيزي ما استغلق عليك في (نصي) اعلاه اني اسقطت الشرعية من كامل البوست .. واستثنيت من استثنيته انت يورسلف (بالمناسبة ممكن هنا لو ما اعترفت بانك ما قريت، ممكن اتهمك بالعلف عديييل كدا من (نصي) ..البعيد شنو هو!؟) بما يطابق رأي و موقف حبيب ألبي المشرف ... تماماً .. ويزيد لأنو الضبع الوسيم دا مش بس وسيم .. بل رجل خلوق و مؤدب .. واظن بنفسي الظنون! بما عاتبني عليه البروف همسلف بقوله [ياخي ما تشكر كلام محمد عثمان بدون ما تبل الباقيين ... إنت مالك و مال زمن الناس !!] بعد الاستبعار الاستبعرتو للناس دا - واني لنادمٌ عليه و اعتذاري عنه- تاني الا اجيب لي مسدس و رصاصات على قدر الجماعة .. بدون فرز .. كأجمل ما يكون ديجانغو اسفيري!! ودا ما سلوك (نقدي) افتكر .. يليق بمكانتي الادبية الرفيعة!
يا كمال ساعدنا بالقراية الصااااااااح (ودي ما اول مرة اطلب منك الطلب دا! .. هلا انتبهت يا صديق؟) .. وقليلٌ من حسن الظن لا يفسد العالم الافتراضي دا ياخي! المافي شنو!؟
هاك الفكة دي يا كيمو الجاهز للعكات الاسفيرية .. بلا صالح .. دا انا بعتبرو شيل قفف الآخرين ساي منك! مالك ومال الثقافة انت كمان!؟
بالله عليك خلينا نجي نمارس مهمتنا الاضافية -حتى اشعار آخر- هنا أمين مازال بكتب ليو في كلام خارم بارم
Post: #116 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-20-2012, 09:43 AM Parent: #115
ياجماعة الله عملتوها يسار ويمين ومعارضة واستهدافات !!.. المعارضة معلومة في الشعر العربي قديمه وحديثه.. عورضت من قبل قصائد كثيرة لفطاحل.. عمر بن كلثوم ، نونية ابن زيدون ، والبردة لكعب بن زهير..الخ .. والمعارضة الشعرية سواء كانت بمعان جادة أو ساخرة .. هي بمثابة نقد موضوعي مباشر .. وغير ذي بال أن تكون نية المعارض.. منصرفة لاستعراض موهبته الشعرية .. وابراز ملكته لتبدو أكثر جودة وإبداعا عن مقابلها.. أوكانت بنية السخرية من المعنى اللغوي للقصيدة .. أو مبناها الشكلي.. أو مضمونها بعضه أو كله..
زبدة الرأي أن المعارضة أمرها مشروع.. ولا تقدح أو حتى تجرح صاحب القصيدة المعنية بالمعارضة .. كما لا يملك أي شاعر مسوقا يمنع به الآخر عن معارضة أو مجاراة قصيدته.. فلا تدعوا العاطفة أخوية كانت أم سياسية أم ايدولوجية .. حكما فيما يجيزه العقل.. لعل مقولة أن نقد القصيدة بطرق ساخرة يزدري بشخص الشاعر.. هي محاولة لتفريغ الاعمال الساخرة من مضمونها النقدي .. والباسها تهمة قتل الابداع .. وهي محاولة أشبه ما تكون بجلب فكرة ( شرطي النظام العام ) لفضاء الثقافة .. فيضيق الأوسع ويتسع الضيق.
أنا لا اتفق.
Post: #117 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-20-2012, 09:59 AM Parent: #116
نعم لا اتفق.. أن يقرأ البوست ويكون منطلق الاصطفاف خلفية عقدية أو سياسية.
Post: #118 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-20-2012, 10:20 AM Parent: #117
Quote: نعم لا اتفق.. أن يقرأ البوست ويكون منطلق الاصطفاف خلفية عقدية أو سياسية.
وانا معاك يا مولانا لا اوافق على نظرية المؤامرة دي او اكون (م ن ) بامتياز .. يا كمان اغير تصنيفي كـ(معارض)
الفايت على المعارضة انو عزلة المثقف، و استعلائه الفارغ هو من سيخسرهم آخر ما ادخروا الجبهة الثقافية هي آخر الحصون -الكانت آمنة - من عبث الجبهة وماشين في السكة يمدوا ليكسبوها برضو بغيبوبة نظرية المؤامرة دي!
اكتوبر لم يكن ممهوراً بدم كان ممهوراً بصعلكة المثقف وارتطام الوعي بالاسفلت
د. تاج السر جعفر
--------
ما دام الحديث عن استاذ/ اسامة الخواض
Quote: لكن الأمر-على أرض الواقع-يبدو مختلفا.فالكاتب لا يُنظر إليه إلا بوصفه مناضلا أو شهيدا محتملا.و لا يجد-ما عدا أحلافه المتفائلة-سوى انتظار الشهادة أو الفصل من الخدمة أو السجن و التعذيب.و ما بين الشهادة و التشريد يقوم العمل الحزبي برتابته المملة و حشره للكاتب في ما لا طاقة له به.و هذا ما دعاني –في حدود تجربتي الشخصية-إلى التوبة النصوح عن أي عمل سياسي حزبي.
اعظم المثقفين و المثقِّفين الشعبيين السودانيين .. راااااااح!! ما أشد الاسى ياخي!
Post: #121 Title: Re: البْلَّالاَّت أو جَفوةُ الكِستْناء .... شعر حديس !! Author: معاوية المدير Date: 03-20-2012, 11:17 AM Parent: #120
Quote: حميد مات يا ملك لا حول و لا قوة الا بالله العلي العظيم
نسأل الله له الرحمة والمغفرة.
هذا زمانك قد أطلّ، فامرحي أيتها الكِستناء ...
Post: #122 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-20-2012, 02:52 PM Parent: #121
سلام للجميع .. و رحم الله حميد و والد الأخ طارق جبريل و تقبلهم فيمن عنده .. ---------------------- حقيقة والله متحير ... قريت كلام كمال علي الزين و ما مستغرب من كمية الشتائم ... عادي يعني ... و ما مستغرب من خلو كلامو من أي منطق ... عادي يعني ... استغربت من جرأتو إنو يكتب لي كلام زي ده :
Quote: وهي محاولة منك لجري لمعركة يبدو أنك مستعد للمضي فيها بحكم تربيتك كما يبدو ولن تتورع عن الملاسنة والشتم
و استغربت من الناس القرت الكلام ده و مافي زول قال ليه أهو ده أمين شتمو زي ما عايز ... لكن الربوه ديل أبعدهم بعيد .... قبل اسابيع وقف المنبر علي فد كراع لمن محمد عثمان قال لعصام جبرالله نفس الكلام ... فتحت البوستات و ادين محمد عثمان و تحول البوست الأصلي لساحة لشتيمة محمد عثمان و الأساءة له ...الان لم يفتح الله علي أحد و لو بكلمة لي أكثر من سنتين في هذا المكان ... أعرف كيف أدير معاركي فيه و لا احتاج لاحد ... ما كتبه السيد كمال علي الزين عن تربيتي يخص أناس لا يعرف قيمتهم أحد سواي و لا قيمة لي بسواهم ... السيد كمال علي الزين سيدفع فاتورة إسأتو لوالديّ كاملة غير منقوصة .. و أنا أعني ما أقول ... فتحت هذا البوست لنقد قصيدة الخواض و السخرية منها و إن كنت أظنها تسخر من نفسها .... لم أسئ لكاتبها و لم أسخر منه ... و لم اتحدث أصلا عن أي قصيدة أو نص اخر للشاعر ناهيك عن تجربة الكاتب الشعريه... قلت هذا الكلام الاف المرات حتي ملني و مللته ... و تناقشت مع كل الناس - سوي كمال علي الزين - باحترام ... و لو إحترم كمال نفسه لاحترمناه ... محبط جدا ممن أحسبهم أصدقاء ... يساء لوالديّ فيصمتون و أتهم باني جزء من جهاز الأمن و أني هنا لضرب الإبداع بضروبه المختلفة لصالح المؤتمر الوطني فلا يفتح الله عليهم بكلمة ... لكني أعرف تماما أني لا احتاجهم و أن كل شئ في هذا المكان لا يمت للواقع بصلة ...
Post: #123 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-20-2012, 03:16 PM Parent: #122
يا أمين اقدر انفعالك لكن مافي داعي للادانة الجماعية دي بالله
اعترف اني ما استدركت فداحة كلمات كمال الا اسي -للامانة فطفطت المداخلة كلها لمن لقيتا لا تسمن ولا تغني عن جوع!
كمال ماليهو حق فيما قاله بخصوص من هم ليسوا جزء من الفضاء دا! ..لو قصدهم. ياخي زول بالغ عاقل راشد مؤاخذ قانونياً، ومكلف شرعياً ما دخل من انجبه في سوء ادبو .. دا لو افترضنا توفر سوء الادب
لو طوالي المسئول من الادب هم الوالدين، يا امين انت برضو بتكون اخطأت في حق والدي كمال .. بابتدارك الكلام عن سوء الادب
لكني لا ارى المسألة كذلك ربتنا الشوارع و الحياة و تجاربنا الخاصة .. لا دخل للكرام الانجبونا بكل ما نهبب هنا او في اي معترك آخر
اما مسألة العمالة و الامنجية و بلا بلا بلا فدي تهم ترد على نفسها وسيرتك برضو بترد ونحنا حاولنا نرد
ليه شاغل نفسك بالرد عليها!؟
Post: #124 Title: Re: البْلَّالاَّت أو جَفوةُ الكِستْناء .... شعر حديس !! Author: عبدالوهاب علي الحاج Date: 03-20-2012, 03:35 PM Parent: #122
Quote: و استغربت من الناس القرت الكلام ده و مافي زول قال ليه أهو ده أمين شتمو زي ما عايز ... لكن الربوه ديل أبعدهم بعيد ....
أنا عن نفسي ما بقدر اقرا البوست بعد ما يتجاوز 70 مداخلة او اكثر لسبب ما عارفو ... وبالتالي ما قدرت افتح البوست الا بعد ما خش الصفحة التانية وشفت اقتباسك دا بالجد اتفاجأت حقيقة يا امين كلام وسِخ ومقزز جداً ومدان
Quote: أتهم باني جزء من جهاز الأمن و أني هنا لضرب الإبداع بضروبه المختلفة لصالح المؤتمر الوطني
القال الكلام دا منو عشان اكون عارف انا ما بقدر افتح الصفحة الاولى رد لي هنا او في الخاص .
___________________ بالمناسبة شايفك اشرت لموضوع عصام جبر الله الحصل مع عصام دا ليس تضامن معاهو كما يبدو بقدر ما هو ادانة او محاولة اغتيال لمحمد عثماننا وفشلت اصحى يا معلم فلول اليسار المندحر ديل ما تقيس عليهم معاييرهم مختلفة شديد ...هم في بعضهم عندهم خيار وفقوس
Post: #125 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-20-2012, 04:48 PM Parent: #124
Quote: لو طوالي المسئول من الادب هم الوالدين، يا امين انت برضو بتكون اخطأت في حق والدي كمال .. بابتدارك الكلام عن سوء الادب
يا فتح الرحمن ... أنا قلت لكمال انك سئ الأدب و لم اتعرض لتربيتو فقد يكون تلقي تربية جيدة لكنه أصبح بلا أخلاق نتاج (الشوارع و الحياة و تجاربنا الخاصة ) كما تفضلت .. يعني أنا ما أسأت والديه ... هو كتب لي (وهي محاولة منك لجري لمعركة يبدو أنك مستعد للمضي فيها بحكم تربيتك كما يبدو ولن تتورع عن الملاسنة والشتم ) ... فاذا تكرمت ياخي ما تستسهل لي الموضوع ده بتحاليلك الخاصة !! و خليني أسالك سؤال محدد : الفرق شنو بين كلام محمد عثمان لعصام و كلام كمال لي ؟ يا فتح الرحمن ...إنت عارف كويس جدا إنو أنا ما محتاج مساعدة من زول عشان أرد الأنحطاط الحاصل هنا ده ... قلت ما قلت ما عشان يتحول البوست لادانة لكمال ( موضوع كمال ده ما بتحله في البورد ) ... و إنت عارف إنو أنا ما محتاج زول يرد لي ل Murtada Gafar ولا غيرو ... المسالة كلها عبارة عن حيرة شخصية يبدو اني أخطأت جدا when i expressed it in public ... ----------- يا وهبة .. الكلام ده كتبو لي Murtada Gafar :
Quote: عملاً بـ(معكوس) الحديث النبوي الذي رواه النسائي وشهد بصحته الترمذي وأعني (دع ما يريبك إلى ما لا يريبك) أقول:
الهجوم الأمني على سودانيزآونلاين ذو أربعة محاور محور أول: مؤتمر وطني صرف وكادر أمني صريح يستهدف المعارضين بكافة الأشكال، محور ثاني: معارضة المعارضة. وكأن المؤتمر الوطني حمل وديع لا يستحق حتى (المعارضة)، محور ثالث: يشعل الفتنة بين فصائل المعارضة ويتعمد الفُرْقَة بينها، محور رابع: صحفيون (جدد لنج) ومثقفون (مشيّها مثقفون دي) يحاورون المعارضين إما للاستخفاف بهم والزراية بكل ما هو معارض للمؤتمر الوطني (خاصة أهل اليسار العريض بدون أقواس أو خذها على الإطلاق) والانتصار لفكرة هي: ظلّ الإبداع بضروبه المختلفة بعيداً عن منال (كديسة المؤتمر الوطني) فلتقل هي (عفنة).
أقول قولي هذا وجزاكم الله عنّا خير الجزاء
Post: #126 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-20-2012, 05:03 PM Parent: #125
Quote: يا فتح الرحمن ... أنا قلت لكمال انك سئ الأدب و لم اتعرض لتربيتو فقد يكون تلقي تربية جيدة لكنه أصبح بلا أخلاق نتاج (الشوارع و الحياة و تجاربنا الخاصة ) كما تفضلت .. يعني أنا ما أسأت والديه ... هو كتب لي (وهي محاولة منك لجري لمعركة يبدو أنك مستعد للمضي فيها بحكم تربيتك كما يبدو ولن تتورع عن الملاسنة والشتم ) ... فاذا تكرمت ياخي ما تستسهل لي الموضوع ده بتحاليلك الخاصة !! و خليني أسالك سؤال محدد : الفرق شنو بين كلام محمد عثمان لعصام و كلام كمال لي ؟ يا فتح الرحمن ...إنت عارف كويس جدا إنو أنا ما محتاج مساعدة من زول عشان أرد الأنحطاط الحاصل هنا ده ... قلت ما قلت ما عشان يتحول البوست لادانة لكمال ( موضوع كمال ده ما بتحله في البورد ) ... و إنت عارف إنو أنا ما محتاج زول يرد لي ل Murtada Gafar ولا غيرو ... المسالة كلها عبارة عن حيرة شخصية يبدو اني أخطأت جدا when i expressed it in public ...
يا امين الله يرضى عليك اقرا بهدوء
انا لا بصعب لا بسهل وريتك انا قريتا كيف، عشان كدا مرت عادي بدون ما اقيف فيها كتير انا حسبتها رد مكافئ لكلمتك ..
عشان كدا جيت شرحت ليك
اما ما قاله محمد عثمان فمختلف .. لانو ذكر اتنين من اعضاء اسرة عصام و تكلم عن (البيئة) كاملة ودي اشارة واضحة للاسرة
ما شفتها في حالة كمال هنا .. والله العظيم لم افهم للحظة انو يقصد اسرتك بعد الله في حاجة؟
معرفتي بكمال بتقول انو ما قصد ما فهمت انت .. والله على ما اقول شهيد
اها اقعد اتحلف ليك لمتين؟
--------
يا وهبة يا ضلالي قلت لي اليسار مالو!؟ كان ما لقيت ليك مياه عكرة .. تعكرا و تصيد انت!
Post: #127 Title: Re: البْلَّالاَّت أو جَفوةُ الكِستْناء .... شعر حديس !! Author: عاطف عمر Date: 03-20-2012, 05:38 PM Parent: #126
Quote: و استغربت من الناس القرت الكلام ده و مافي زول قال ليه أهو ده أمين شتمو زي ما عايز ... لكن الربوه ديل أبعدهم بعيد ....
Quote: محبط جدا ممن أحسبهم أصدقاء ... يساء لوالديّ فيصمتون و أتهم باني جزء من جهاز الأمن و أني هنا لضرب الإبداع بضروبه المختلفة لصالح المؤتمر الوطني فلا يفتح الله عليهم بكلمة ... لكني أعرف تماما أني لا احتاجهم و أن كل شئ في هذا المكان لا يمت للواقع بصلة ...
غضبة مستحقة ومفهومة تماماً مرة لأعزاء فوق الثريا مكانهم نالتهم جهالة هم أبعد ما يكونوا عنها ومرة من أعزاء ظللت أنت بينهم دوماً نبراساً لرد الفعل الرشيد وظللت بينهم دوماً مثالاً لتثبيت المبادئ حين يخرص الغرض / الحياء / المجاملة الألسن وحيث أحسب نفسي ممن عنيتهم بخيبة أملك فلا مناص أمامي إلا أبرئ ساحتي
فصدقاً لم أر المداخلة المذكورة رغم ترددي المستمر على البوست رأيت اسم كمال لكنني تخطيت مداخلته بجرة ماوس فنفسي قد عافته ظاهر وباطن وعندما تعاف نفسي شخصاً تتعبني كثيراً في سماع شئ منه ... على الأقل في البدايات
Post: #128 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-20-2012, 06:28 PM Parent: #127
رحم الله حميدة ووالد طارق..
Quote: نعم لا اتفق..
أن يقرأ البوست ويكون منطلق الاصطفاف خلفية عقدية أو سياسية.
أمين المنفوخ وزعلان قربة .. إنت قول ما داير تدفع بس.. حاكم الحركات دي نحن عارفنها.. في مهنة المحاماة في خباثات كنا نلجأ إليها أحيانا عندما ( تستغلق ) علينا القضية.. وهي استفزاز الخصم أو محاميه أو أحد أقوى شهوده .. ليخرج عن طوره ويبهدل القضية.. معلوم إنو الغضب يصرف تماسك ومنطقية الحديث.. باقي الكلام ما بفوت عليك.. صدقا اعلنت وقيقا دا وافقني ـ على خطأ قراءة البوست بخلفيات لاعلاقة لها بالموضوع.. دون تفصيص عبارات من عنيتهم أو تسميتهم.. ياخي حكاية أبوك وأسرتك دي .. فعلا بقت ظاهر مقرفة تنم عن افلاس واضح.. بل تذكَر أن عقلية من يلجأ لها لم تتجاوز مرحلة الوعي الطفولي.. معروف إنت من اصحاب التخصص في (البل العام ) ولو على نفسك .. فإذا حاد عنها غير متخصص.. وخلط العام بالخاص ماتفور ياخي.. لإنو فورتك بتستفز قارئك قبل من استفزك.. لأنك بتشعره كأنك ما قدرَت وعيو.. والأمثلة موجوده لمن قدروا وعي القارئ في نفس البوست ده.. واصل موضوعك وزي ما قال قيقا راوي (سيرتك بترد) مع إنها مهببة.
Post: #131 Title: Re: البْلَّالاَّت أو جَفوةُ الكِستْناء .... شعر حديس !! Author: دينا خالد Date: 03-20-2012, 07:19 PM Parent: #128
امين اتشتم يا رجاله ؟؟؟
غايتو يا امين طبعا البوست دا ما قادرين نخش استغلق علينا ,, ذى ما استغلقت علينا حاجات كتيرة فى الدنيا دى .. لوووووب اهو وهبه الشديد جاب النجيضة قال بعد 70 مداخلة ما بدخل .. انا بس كنت عارفه انو بعد يتقل ما بتفتح !! وفعلا التانية فتحت .. المهم .. قال شنو الزين ؟ انت ما عارف انو الود دا عامل كبير ؟ دا اول تبادى ثانيا ح امشى ادخل من سيرش للبوست بتجينى المداخلات مستغلقه بفتح واحدة واحدة اقراها دى ممكن نعملها لى اى زول تانى يا امون راع ياخ ؟ عشان اقرا الكلام فى سياقه واعرف الزعل امين قدر دا شنو ؟
ــــــــــــــــ غايتو يا كمال لو هبشتنا امشى رددف وتعال ... وقبل ما اقرأ مش كمال ؟؟ غلتان من هسه غلتان ..
Quote: . المسالة كلها عبارة عن حيرة شخصية يبدو اني أخطأت جدا when i expressed it in public ...
خالص التعازي للجميع في فقد الوطن و فقيده
ياخي زعلك مقدر جدا لكن تعرف يا امين لو ما كنت قلت الكلام الاخير بتاعك دا و الله راسي كان ح يكون شاطب من كلامك الاول داك ! عارف انك قلت عن الناس القروا الكلام بتاع كمال الزين - شخصيا ما قريت كعادة المشاركات الزول بمر فيها ساي - و بالجد ما عارف اذا كنت قريتو كان رد فعلي كان ح يكون كيف ! قصدي كان ممكن اشير ساكت انو مافي داعي للكلام او كان ممكن ما اعلق ذاتو ! لكن ح احاول اشرح ليك خياراتي في الكتابة كانت حتكون مبنية علي ياتو منطق - و بالذات انت جبت سيرة الاخ محمد عثمان -و كنت شخصيا يمكن من اكتر الناس قسوة علي محمد اولا يا عزيزي انا و الله العظيم اول مرة اشوف كمال الزين دا و اصلا ما سمعت بيهو - ما عارف قد يكون هو زول معروف هنا لكن عدم معرفتي ليهو بتخصني انا بس لحداثتي في المنبر - عموما انا مثلا لامن كنت كتبت ضد فكرة محمد عثمان كان عندي فهم معين - و لو اصلا كنت متخيل انو محمد عثمان ممكن يرد علي و يقول: انت زاتك ما مربي واهليك ما ربوك و كدة - كان احتمال كبير ما كان اخش زاتو - ! مش لاني خايف و ما داير اتعرض لاساءة لكن اكون عملت شنو يعني ! - اضافة انا بعرف محمد عثمان ككاتب و قريت ليهو و كنت محتج كيف زول كاتب يقول كلام زي دا و يوجه اساءة زي دي بغض النظر انا بعرف عصام و اسرتو ولة لا ! قصدي فكرتي اصلا متجاوزة المفهوم بتاع تسجيل موقف ! قصدي كلامي كان ذو اتجاهين - يعني في حاجات كاتيقروكالي خطا و بتجي معاها الحاجات التانية زي انو ليه كاتب يقول كدة و ليه ناس زي اسرة عصام بتعرضوا لاساءة زي دي - يلا في حالة كمال الزين - انا كلامي انو اصلا ما بهمني اساسا كمال الزين لاني ما بعرفوا اصلا - و في النهاية ممكن اشوفو في اطار قلة الادب المنتشرة في المنبر -يعني مثلا لو صلاح البندر جا قال كلام من كلاماتو احتمال كبير كخيار بتاع كتابة ما اكتب اي شئ و لا اعلق - يلا في حالة كمال اكيد انت كشخص صديق في الحياة الحقيقية بهمني امرك جدا و عدم تعرضك لاي اساءة و برغم قناعاتي الشخصية انك اكتر زول ممكن تدافع عن نفسك - لكن اساسا قاعد اشوف انو كمال الزين دا اساء لنفسو بالصفاقة و قلة الادب بادخال عنصر الاهل و عادي لو حسع جا كمال الزين الشفتو دا ممكن يقول لي : انت زاتك أهلك و ابوك ما رباك - يلا و الله العظيم ممكن اشوف الكلام دا ما اساءة اصلا لاهلي في سياق المنبر -و لا ح يستفزني و دا كلام قلة ادب ساي بتاع منبر -بالتاكيد اي زول عندو نظرة مختلفة في الحتة دي -لكن دي نظرتي حتي الان !! و بالنسبة لي الكلام دا من النوع دا ما عندو علاقة بالمعارضة و لا الحكومة ولاي اي شعار -فقط عندو علاقة بالسلوك الشخصي بتاع الزول ما عارف يمكن لانو عندي اعتقادات شخصية في مفهوم الاساءة و المسئ - و مفاهيم الكرامة الشخصية و الحاجات بتاعتنا عموما -و صدقني اصلا ما شايف انو والديك اتعرضو لاساءة !! عارف نوع كلامي دا ممكن يجرجر لنقاشات طويلة و اسلئة كتيرة من الواقع - لكن كلامي عن الدفاع عن الاصدقاء او عن الحق عموما في سياق المنبر دا و بقول الكلام دا لانو انا شخصيا خياراتي في الكتابة في سياق المنبر قاعد تخلتف جدا عن فكرة الخيارات في الحياة الحقيقية -و ما قصدي ازدواجية المعايير لكن قصدي النظر الي الاشياء في سياق المنبر كمكان بتاع اوهامنا قاعد يختلف عن الواقع عندي ! ----- اما الكلام بتاع الامنجية و كلام مرتضي مدثرالصحيح :(Murtada Gafar ) - شخصيا قريتو - لكن يا امين ياخ اصلا لو كلام زي دا لو ما اتقال -دا حيكون منبر سودانيز كيف ! و الله شفتو من نوع الكلام المكرور و الممجوج و اصلا ما بحتاج لرد - و انت شخصيا اتعرضت لكلام زي دا كتير و متخيلك اصلا متجاوز الحتة دي -يعني خلي الاصدقاء انت زاتك ممكن ما ترد عليهو !
عموما يا عزيزي كلامي الفوق اصلا ما غرض التبرير او الدفاع عن موقف و لكن اولا تقدير لزعلتك المبررة و المفهومة و لتوضيح خيارات الكتابة الشخصية حتي لو اختلفنا في معني خيارات الكتابة و الحياة و الصداقة و كن يا صديقي كما عرفناك كبير القلب تحتمل الاذي من الاقرباء و الاباعد -فقط يمكننا ان نؤجل الاحكام لبعضنا لوقت و مكان آخر اكثر احتمالا للحقيقة من هذا المنبر
نختلف و نتفق في نظرتنا للاشياء في الحياة و المنبر - و اقربها اختلافي الكامل معك هنا في طريقة مقاربتك لقصيدة الهنيهات --- التعديل : لتصحيح اسم Murtada Gafar كاستدراك بعد اشارة الاخ Murtada في مشاركته البعدية - وكان يمكنني ان اتركها جريمة بالثابتة !! تعرف يا Murtada Gafar لاحقا !! مش عادة المنبر قاعدين يخافوا من التعديل و الاتهام بالكبكبة -شفت ما عندي شغلة باوهام المنبر !! بس عرفت يا داب ليه الناس دائما لامن واحد بكون كاتب اسمو بالانجليزي بعملو كوبي و بسيت !! و برضو نتعلم منكم و من المنبر !! و لو انت شفت خطأي اساءة -اقدم لك اعتذاري و انا صاغر ! لي خياراتي و اوهامي و للمنبر خياراته و اوهامه !! و لو يوم من الايام حسيت انو اوهام المنبر سيطرت علي تفكيري حقو اخلي المنبر طوالي ! لانو كدة بكون مجرد كائن منبري !!
تحياتي لك انا غلطان ثم غلطان و بعتذر ليك استدراكا ! لكن برضو الفيك عرفتو و حدرة الظلام !!!
منذ زمن ليس بالقصير توقفت عن الردود بـ(القطاعي) لقناعتي بعدم جدواها في هذا الفضاء الفاسد بسموم جهاز الأمن ومنسوبيه، فكان خياري الآخر: قل قولك فقط.
لكن:[
Quote: ما الكلام بتاع الامنجية و كلام مرتضي مدثر - شخصيا قريتو - لكن يا امين ياخ اصلا لو كلام زي دا لو ما اتقال -دا حيكون منبر سودانيز كيف ! و الله شفتو من نوع الكلام المكرور و الممجوج و اصلا ما بحتاج لرد - و انت شخصيا اتعرضت لكلام زي دا كتير و متخيلك اصلا متجاوز الحتة دي -يعني خلي الاصدقاء انت زاتك ممكن ما ترد عليهو !
أخاطب هيثم طه ومن يهمه الأمر:
يمكنني أن ألعب دور الضحية- (أو كما قال الكاتب الراتب في صحف جمال الوالي وضياء الدين بلال مخاطباً من شتم أسرته في مقام غير هذا) -كالذي يلعبه أمين محمد سليمان الآن بعد أن شتم (كمال علي الزين) ووصفه بسوء الأدب وكأنما هو الأدب المقارن وليس الأدب الذي يكتسبه المرء من أمه وأبيه، فعلام يتقمص أمين محمد سليمان دور الضحية؟ أرجو شاكراً التفكير. كان بإمكاني لعب هذا الدور حين تم تغيير اسم والدي من جعفر إلى مدثر، لكن ما فارقا. تخيل !!!
شاء من شاء وأبى من أبى (الحقوق محفوظة للمرجوم ياسر عرفات):
يظل تقسيمي لمحاور هجوم المؤتمر الوطني وجهاز أمنه - على هذا الفضاء- وهجوم اصابعهما التي تطرق على لوحات المفاتيح لتكتب هنا -أو تنضاف لصفوف مجاهدي الكيبورد (معارضة مني لمصطلح مناضلي "إقرأها مناتلي" الكيبورد) يظل هذا التقسيم هو هو، وليس الكلام بتاع الأمنجية وكلام مرتضى مدثر أو البلا بلا بلا إالخ.
يا جماعة والله جزاكم الله خير !!!! دي إنتو ما قاعدين تشوفوها عموماً في ميزان حسناتكم .
دموع التماسيح لن تجيز عن شفاه (الجباه الشم) مرارة كأس فقدها لمحمد الحسن سالم حميد. فلترقد روحه في سلام ولسوف يأتي إلى نورا كغيمة تملأ (ماعونا) بالخريف.
___________
Post: #133 Title: Re: البْلَّالاَّت أو جَفوةُ الكِستْناء .... شعر حديس !! Author: عبدالوهاب علي الحاج Date: 03-20-2012, 09:38 PM Parent: #132
Quote: يا وهبة يا ضلالي قلت لي اليسار مالو!؟ كان ما لقيت ليك مياه عكرة .. تعكرا و تصيد انت!
ههههههههههه يا قيقا والله صحي .. الناس ديل اي واحد فيهم شايل ليهو زي 30 معيار في جيوبو وحايم هسي شوف عصام جبرالله هنا توضيح هام بخصوص ما يشيعه جهاز الأمن عن "بيع أسرار الحزب الشيوعى" بنى ليهو حكم كاااامل من صورة في احتفال عام ولا في اي زول قال ليهو تلت التلاتة كم ؟ شفت كيف ؟
Quote: غايتو يا كمال لو هبشتنا امشى رددف وتعال ... وقبل ما اقرأ مش كمال ؟؟ غلتان من هسه غلتان ..
انت قايلة يا دندونة خالك دا بريدك ساي كدا ؟ عليك الله بالحتة الفيها الحديدة خخخخخخخخخخ
________________________
Quote: محور رابع: صحفيون (جدد لنج) ومثقفون (مشيّها مثقفون دي) يحاورون المعارضين إما للاستخفاف بهم والزراية بكل ما هو معارض للمؤتمر الوطني (خاصة أهل اليسار العريض بدون أقواس أو خذها على الإطلاق) والانتصار لفكرة هي: ظلّ الإبداع بضروبه المختلفة بعيداً عن منال (كديسة المؤتمر الوطني) فلتقل هي (عفنة)
خخخخخخخخخخخ هسي زي دا لو قلت ليهو أدينا امثلة للمبدعين المعنيين بتاعين اليسار العريض ديل ،ممكن طوالي يقول ليك طه أخوي هههه والله لو كان الزي طه ضبان ديل مبدعين مفروض محمد حامد جمعة واسحاق مين بتاع الانتباهة داك يفوزوا بجائزة نوبل ويحضرني هنا قول الشاعر (المبدع برضو) ذو اليد سليمان : من لا يعرف الحروف **** يظن ان الارقام كالحروف اها يازول العود الفيهو شق طواااالي بقول طق يا مرتضى جعفر .... وممكن أديك هوم ويرك بسيط : ليه الناس ما قاعدين يستخفوا بأعمال مبدعين زي محسن خالد وتاج السر الملك وعماد عبدالله ؟ المبدع مبدع يا معلم ويجبرك على احترامو غصباً عنك ؛والمتغول زي طه ضبان دا محل ما يقبِّل بياخد في راسو (شاء من شاء وأبى من أبى ) والحقوق برضو محفوظة لياسر عرفات
سلامات يا بروف الكوت بتاع التربية القلعتو من رد كمال الزين دا والله أنا أول مرة أنتبه ليهو لكن لو تصدقني ما أظن كمال قاصدو بالطريقة الفلفلتو بيها دي، يعني بالكتير قصدو ( ما تقل أدبك) والله أعلم. كلامي الفوق دا حسب معرفتي لى كمال هنا وفي مواضع تانية، وع العموم سواء تفهمت كلامي دا ولا ما إتفهمتو حقك علينا(علي)، وأصلا والله الموضوع ما بستاهل يصل للمرحلة دي مع تأكيدي أنو كمال شات ضفاري في هجومو على موضوع البوست . بالنسبة لزعلك من وصفك بالأمنجي أو الكوز وما عارف شنو فدي بصراحة أظهرت فيها حساسية غير معهودة فيك يا حبيب لأنو زي ما عارف دا إبتزال معروف في المنبر دا ما عندو أي قيمة لا موجبة ولا سالبة وبالتالي لا يستحق لا إدانة ولا ثناء ولا حتى الوقوف عندو بغض النظر عن القالو منو. .......................... يا وهبة السلام عليك وعودا حميدا
Post: #135 Title: Re: البْلَّالاَّت أو جَفوةُ الكِستْناء .... شعر حديس !! Author: عبدالوهاب علي الحاج Date: 03-20-2012, 11:40 PM Parent: #134
Quote: يا وهبة السلام عليك وعودا حميدا
حبابك يا طلحة ومشتاقين كتير والله
Quote: الكوت بتاع التربية القلعتو من رد كمال الزين دا والله أنا أول مرة أنتبه ليهو لكن لو تصدقني ما أظن كمال قاصدو بالطريقة الفلفلتو بيها دي، يعني بالكتير قصدو ( ما تقل أدبك) والله أعلم.
بالعكس يا طلوح أنا رأيي في كمال خلاف ذلك لهجتو مع أمين عدائية جداً ومستفزة ولا أقول متعالية لأن اللخو ما عندو حاجة يتعالى بيها على زول .. أنا مرة اتداخلت معاهو في بوست (مداخلة لافي ليها سيجارة عديل) شكلها ما عجبتو مع انها في صميم البوست جا رد على الناس ورحب بيهم ترحيب كبير وسفهني ليك سفهة لمن انا ذاتي اتكيفت ههه لما سألتوا ليه ؟ قال لي : انت فاجر في الخصومة عشان كدا انا ما برد عليك تصدق ؟ يمين لصّق لي فجور ساي كدا من حيث لا احتسب . قمت كبرت منو اللفة خفت يقوم يلصق لي حاجة تانية . المهم يا طلوح ما اطول عليك زولك دا على الاقل دخولو هنا ما بريء - فيما اظن - وقاصد يطقطق ليك أب صلعة دا قد يكون شايل لأمين غبينة من (حتة تانية) لكن البوست دا عادي جداً ما بزعل قدر دا وفكرتو ذاتا ما جديدة يا كمال علي الزين أمين دا نحن قنعانين منو ظاهر وباطن وليك اللحم - إن وجد - ولينا العضم وكان العضم ذاتو لازمك حلال عليك عشان ما تقول حارمنك من حاجة ؛انت قايل الما في شنو ؟
والله ساءنا ما ساءك وحاشاك ان تكون كما تطاول به البعض عليك
وانت تعلم والجميع يعلم من انت يا سيدى
اسلوب الشتائم والتجنى لا يليق وهو بالقطع مرفوض وهو يرتد على صاحبه دون ان يؤذى الطرف الاخر الا بمقدار الالتفات اليه ... انا مثلا لم اعلم بهذا الكلام الا من تعليقك انت عليه فترفع يا اخى عن الصغار والصغائر
وقديما اهلنا قالوا ... الداير تكملو : هملوا
فلا تهتم للمهاترات وواصل كتابتك الرائعه وانظر لكل هؤلاء الذين احاطوك بحبهم وصداقتهم الصافيه هم اولى باهتمامك وبوقتك يا حبيب.
حكمة اليوم : كن بلسما ان كان غيرك علقما
مع تحيات بلاير و تحياتى وسلامى
Post: #137 Title: Re: البْلَّالاَّت أو جَفوةُ الكِستْناء .... شعر حديس !! Author: حمور زيادة Date: 03-21-2012, 00:22 AM Parent: #136
Quote: سوء الأدب هو ماتفعله هنا بالضبط .. وهي محاولة منك لجري لمعركة يبدو أنك مستعد للمضي فيها بحكم تربيتك كما يبدو ولن تتورع عن الملاسنة والشتم.. لذلك أقول لك (ياما دقت على الرأس طبول) وهذا البورد جمعني بمن هو أكثر منك صفاقة وسوء أدب .. فدع عنك هذه المحاولة البائسة فلست أنا من يهزه الشتم .
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا كمال مالك ومال تربية الزول ؟ أمين ده قدامك رد عليو كما تشاء .. بس بالله اختا تربيتو دي ما ليك دخل بيها لو سمحت
Post: #138 Title: Re: البْلَّالاَّت أو جَفوةُ الكِستْناء .... شعر حديس !! Author: Afraa Sanad Date: 03-21-2012, 00:34 AM Parent: #137
حاشاك يا ود زينب والمربي محمد سليمان... النعمنك تنجم بلد لكن النار تلد الرماد...
أمانة ما أتلومت يا كمال
Post: #139 Title: Re: البْلَّالاَّت أو جَفوةُ الكِستْناء .... شعر حديس !! Author: حمور زيادة Date: 03-21-2012, 00:42 AM Parent: #138
كتبت كلامي لكمال دون ان اقرأ البوست كله. اكتفيت بقراءة مداخلات كمال وامين في رده عليه قبل ان اعلق. والسبب ان البوست لفت نظري اليه برسالة في نص الليل ده احد الاقارب من السودان وهو مستاء من الاساءة للوالد محمد سليمان رحمه الله. فدخلت وشفت الكلام وكتبت. لكن بعد قراءة كامل البوست اجدني مضطرا ايضا لان اقول ان البوست في حق اسامة الخواض لم يرضيني من امين والغريب انا متأكد اني زمان ما كنت بزعل من بوستات زي دي. الواحد شكلو كبر او بقى مثقف. المهم .. حتى لا يكون موقفي نصف : لم يرضني البوست من امين في حق الخواض. وما قاله كمال في حق تربية أمين هو اساءة لاسرة كاملة لا اعرف لماذا اقدم عليها كمال وانا في انتظار تراجعه عنها.
Post: #140 Title: Re: البْلَّالاَّت أو جَفوةُ الكِستْناء .... شعر حديس !! Author: Yassir Tayfour Date: 03-21-2012, 01:08 AM Parent: #139
يا كمال يا صاحب ما كتبته بخصوص التربية تعدى أمين وأساء لأهله، إن كنت تقصد ذلك أو لا تقصد، أرجو منك أن تسحب ذلك، حتى لا يكون ذلك مبرراً لشخص ما أن يتعدى على أهلنا فيما لا دخل لهم به.. وثانياً يا كمال، أنا اتفق معك بأن البوست يسخر من الخواض، والخواض لا يستحق ذلك، ولكن أنت يا كمال دخلت البوست ووجهتً إهانات مباشرة لأكثر من متداخل..
Post: #141 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-21-2012, 01:13 AM Parent: #140
رحم الله حميد ..
رد كمال على أمين بخلفية كلام أمين عن سوء أدب كمال فى هذا البوست .. هو رد غير مقبول ومدان جدا .. وقد يحسن أمين مثلا أو يسيء الأدب ولكن التربية تتعدى بالتأكيد أمين محمد سليمان لأسرته .. وأنا على قناعة أن كمال لم يعنى هذا تحديدا .. وأعلم عنه الحدة التى يأخذ بها مثل هذه الامور .. وتقريبا أعلم عدم استجابته لما يحدث هنا .. بالنسبة لى لو خيرت بين سوء الادب والنفاق لاخترت سوء الأدب بدون أدنى شك .. لا أحتمل إتهامى بالنفاق .. ولا أقبله .. ولا أتجاوزه أبداً وسألاحق كمال على هذه الاساءة البالغة .. وأرى أن لجميع الناس نفوس أبية جدا ما لم يثبت غير ذلك .. ونتمتع جميعا بالقدر الكافى من الأنفة والاعتزاز بالنفس .. فلست وحدك فى هذا يا كمال .. أغلبية الناس الحايمة فى هذا المنبر تملك تلك الأنفة التى تأبي الشتيمة .. وأنا من هؤلاء .. لا أكثر منهم ولا أقل ..
Post: #142 Title: Re: البْلَّالاَّت أو جَفوةُ الكِستْناء .... شعر حديس !! Author: مرتضى احمد عبد القادر Date: 03-21-2012, 01:21 AM Parent: #139
هجرته البوست دا يا أمين واسي لقيت حمور آخر زول ولي زمنو ما شايفو فقلت اخش اشوف الحاصل ولقيتك جايب كلام كمال الما محترم خالص بس ما عارف ليه لمن قريتو اتذكرتة الضبانة الإتسطلت لمن طارت بقت تكورك الصقر جااااكم
كمال حاول رك في اقرب حته
Post: #143 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-21-2012, 01:36 AM Parent: #142
يا عبدالوهاب .. بالنسبة لموضوع محمد عثمان .. الموضوع ما كان بحسب ما وصفت هنا .. لم تكن أمينا فى توصيف ما كان ؟!
بوست محمد عثمان أصلا .. كان يدور فى فلك ذى صلة بالسياسة .. وذلك قبل الإساءة البالغة التى وجهها لاخوات عصام ..
خذ ما كتبته لك الآن وبأية معايير تراها .. ولن تصل الا لنتيجة أنك لم تكن أميناً فى توصيف ما كان ..
تحياتى
Post: #145 Title: Re: البْلَّالاَّت أو جَفوةُ الكِستْناء .... شعر حديس !! Author: عاطف عمر Date: 03-21-2012, 05:30 AM Parent: #139
Quote: لكن بعد قراءة كامل البوست اجدني مضطرا ايضا لان اقول ان البوست في حق اسامة الخواض لم يرضيني من امين
Quote: لم يرضني البوست من امين في حق الخواض
حتى أنت يا حمور ؟؟؟؟ و ( أنت ) في هذا المقام مقصود بها حمور الكاتب المبدع ؟؟؟ ما رأيته في هذا البوست - ولا أزال - أن أمين قد إنتقد ( عملاً شعرياً ) لشاعر - ربما لسوء حظ أمين - يقدسه الكثيرون ويرون أن أى نقد لأى من أعماله هو إنتقاص ( في حق اسامة الخواض ) وبالتالي فهو ( لا يرضيهم ) . هل أجرم أمين حيث ( إبتكر ) طريقة جديدة في النقد ... إذ أراد أن يوصل للشاعر أسامة رسالة مفادها " إن كان الشعر الحديث في وجهة نظركم هو مجرد رص كلمات ( غريبة ) لا رابط بينها فذاك لا يحتاج لـ ( مبدع ) في قامتكم والدليل على ذلك ها أنذا أمين محمد سليمان الذي لم يعرف الناس لي إبداعاً شعرياً يمكنني أن أفعل ما فعلت أنت المبدع المعترف به " - إنتهت رسالة أمين - فهل أجرم ؟؟ هل نقول له ( صهين ) إن لم يعجبك الحال كما أفتانا حبيبنا أبو تفة ؟؟ أم نقول له أنقد لكن قبل أن تنقد لا بد من تدشين مقدمة طويلة عريضة عن التسبيح بحمد المبدع وولائك المطلق لإبداعه ولكنك ترى ( ...... ) - كم كلمة خجولة كدا - ثم لا تنسى أن تختم بالقول أن الخلل ربما يكون في ذائقتك الشعرية ؟؟
أنت يا حمور رجل مبدع غصباً عني ولا فضل لي في ذلك لكنني إن رأيت منك إنتاجاً لم يعجبني أرجو أن تثق تماماً أنني سوف لن أجامل نصك أو أتجمل عليه وأرجو أن تثق أيضاً ومنذ الآن أن عدم المجاملة تلك لا تعني بحال من الأحوال أى إنتقاص في مكانتك عندي
_______________
ثم بركة الشفناك طيب
Post: #144 Title: Re: البْلَّالاَّت أو جَفوةُ الكِستْناء .... شعر حديس !! Author: طه جعفر Date: 03-21-2012, 04:27 AM Parent: #133
Quote: المبدع مبدع يا معلم ويجبرك على احترامو غصباً عنك ؛والمتغول زي طه ضبان دا محل ما يقبِّل بياخد في راسو (شاء من شاء وأبى من أبى ) والحقوق برضو محفوظة لياسر عرفات
ضبانة البقر الفاتت الضبان تضبنا
عبد الوهاب علي الحاج
بفا بفيفا
طه جعفر
Post: #146 Title: Re: البْلَّالاَّت أو جَفوةُ الكِستْناء .... شعر حديس !! Author: النذير حجازي Date: 03-21-2012, 05:39 AM Parent: #144
Quote: سوء الأدب هو ماتفعله هنا بالضبط .. وهي محاولة منك لجري لمعركة يبدو أنك مستعد للمضي فيها بحكم تربيتك كما يبدو ولن تتورع عن الملاسنة والشتم.. لذلك أقول لك (ياما دقت على الرأس طبول) وهذا البورد جمعني بمن هو أكثر منك صفاقة وسوء أدب .. فدع عنك هذه المحاولة البائسة فلست أنا من يهزه الشتم .
سلام يا كمال،
يا كمال كلامك أعوج تب والله، وبعدين يا جماعة شتائم الجكس الإنتشرت في المنبر دي شنو؟! حكاية ما مربى وما عندك أخوات فارقناها من زمن فارقنا السودن تاني مرجعننا ليها ليه،
وبعدين يا كمال لو أمين وحمور ما مربيين نحن نطلع شنو؟! والله تصدق وتآآآآآآآآآآآآآآآآآآآآآآمن بالله وبدون تملق للأخوين الكريمين أمين وحمور ديل أنا شايفهم قدوة للناس في الأدب في هذا المنبر ولا بحلم نصل ليهم في أدبهم تجيء إنت بي جرة قلم تطلعهم ما مربيين؟!!
يا أمين وحمور سامحو الود كيمو دا، شكلو كدا الود شهادة عربية وحنيكيش ساكت وبعدين يا أمين الزول دا كلامو دا كلام زول خائف منك عديل كدا وبفتش ليهو في سبب للزوغان من لكماتك لكنو طبظا من غير قصد دا اللي حصل يا أمين وصدقني أنا بعرف بقرأ ناس النت ديل كويس.
وبعدين يا أمين أنا متابع للبوست دا لكن أنا النوع اللي بقرأ مداخلة وبفط مداخلتين وتصدق ما بقرأ إلا الكلام اللي بكون مكوت ما عارف دا عماء ألوان وللأ شنو؟! وبعدين ما كنت عايز أدخل البوست دا علشان ما أزعل منا صديقي أسامة الخواض الزول دا أنا بختلف معاهو كتير وممكن يكون إختلافي معاهو إختلاف ريدة ياخي الخواض دا زول معلم كبيييييييييييييييييير في اللغة العربية والزول ما بخسر ليهو زول زي دا بالساهل فهو بالجد أستاذنا عن جدارة
Post: #149 Title: Re: البْلَّالاَّت أو جَفوةُ الكِستْناء .... شعر حديس !! Author: دينا خالد Date: 03-21-2012, 06:16 AM Parent: #146
Post: #153 Title: Re: البْلَّالاَّت أو جَفوةُ الكِستْناء .... شعر حديس !! Author: دينا خالد Date: 03-21-2012, 06:51 AM Parent: #146
Quote: ودينا خالد ماتمارسونه هنا هو النفاق الإجتماعي بعينه
نفاق فى عينك !!
طيب انا مش برضو ممكن اتهمك بانك محركك نفاق اجتماعى من الضفة الاخرى ؟؟
لكن خلينا نتكلم من نفس الحته الحركتك للكتابة انت ورغم عدم حبك لشعر لا حظ (لشعر) اسامة .. يعنى صرحت وبوحت بـ (عدم الحب ) كدا وبدون نفاق لانو ما لـ اسامة ذاتو ,, لكن لى شعرو ..
غضبتك منطلقه لحماية احساس الناس وشعورهم مستاء انت من السخرية التى تكاد ترقى للشتيمة .. وبتفتكر انها جرحت الخواض .. الاحتجاج اذنــــــ على الجريييح .. عظيم وشعور نبيل .. لكن انت جيت وقلبتا الموس من محل ما جرحوا بيها القبلك .. قلبتها بالحتة السنينة وبديت تجرح من طرف تاح تاح تاح .. وين مشى القلب المرهف الحساس ؟ والذى يتأفف ويستنكف حتى من معاينة الجرح ناهيك عن ان يفعله !! عرفت كيف انك جخاخ ساى ؟ لو كنت التزمت الحته الاخلاقية الا تكلمت منها كنت تركت برااح للنقاش والحوار .. ولكنك لم تفعل ..
ـــــــــــــــ شفت لستة (المشاغبين) اقصد (المنافقين) يا كمال .. لقيتك عزال والله ...
Post: #158 Title: Re: البْلَّالاَّت أو جَفوةُ الكِستْناء .... شعر حديس !! Author: دينا خالد Date: 03-21-2012, 07:13 AM Parent: #146
Quote: أسامة رجل مهذب على مايبدو وبدا هذا جلياً في إصطباره على هذه المهزلة وترفعه عن الرد ..
يا أمين لا تستغل ميل أسامةللترفع عن مثل هذه المعركة ..
القال ليك منو ما رد؟ والقال ليك منو الاستاذ مارس الوهم او بى اسم الدلع الـ ترفعع ؟؟ ابدا كضبا كاضب .. الاستاذ بكامل اناقته وبهائه الادبى طارد المتداخلين بالرد والمحاججه والتى ـ فى رايى ـ لم تنقص من وقاره شىء بل زادته رفعه وادب .. طاردهم كود كود وتعليق تعليق وسطر سطر ونقطة نقطة وزنقنا الزنقة تلو الزنقة .. وهو بعلم فيهم قيمة انك تكون صاحب رسالة عظيمة (حسب شوفوا ) وانا افتكر انو ابلى بلاءا حسنا فى افحامنا جميعا .. ود بى ادواتو واسلوبو .. انت قايل الرد لو ما بقى بى اسلوبك دا ببقى اسمو ما رد ؟؟ و التهذيب بمنع الرد ؟؟ طيب انت جيت رديت لييه ؟ هل نضب معينك منه ؟ ولا يعنى الود مارق للربا والتلايف ؟
ـــــــــــــــ البسمعك تقول يا امين لا تفعل ولا تفعل ولا تفعل يقول انت البوليس ! يا فتاح يا كريم ..
Post: #170 Title: Re: البْلَّالاَّت أو جَفوةُ الكِستْناء .... شعر حديس !! Author: دينا خالد Date: 03-21-2012, 08:43 AM Parent: #158
Quote: تلاطفون بعضكم دون أي حرج وصاحب المنتوج الأدبي تاني يخاف يكتب حاجة هنا عشان ماتلفحوها وتعملوها موضوع للتسلية والتظارف ..
يا خوى ناس خاينه خايفه ديل الله بيننا وبين منتوجهم الادبى !! اى مبدع مهمتهم انتاج المنتج ... يبييض بس ... لووووب مهمة المبدعين بتنتهى حد انتاج المنتج .. حتى مهمة الديلفرى ما تبعهم .. بعد داك نحن نعمل بيها شنوووو ؟ دا ما دخل فى عملية الانتاج او ممكن تسميها الولادة ... نلفحها ، نتظارف ، نتسلى بيها ، كل زول حسب امكانياتو ودا بالطبع لن يعيب المنتج ولا صاحبه ولا الناس الفتح معاهم ! انشالله ينتج علكة معلوكة مسيخة وممصمصة بى موية ملح !! الداير يلوك ويرميها يلوك والداير يلوك مع جاه الملوك يلوك والداير ينافق بى جازو ! هو النفاق دا حق زول ؟
ــــــــــــــ عارفين يا كمال انك اوردت الاسماء فى اللسته بدافع العشم فينا . دى ما فاتت علينا كلنا شكرا ليك ... لكن طاقات الشر بتاعتنا دى نوديها وين كمان ؟؟ .. كاتلنا النفاق .. فلازم نفكها فى اول غريب سامحنا .. وامين دا خلى على فهو رجل فاضل اكتر مما كان العدو يتصور ,, فقط .. توقف انت من الكتابه هنا لانك اشتر . قايمة عليك الشتارة .. وقف عشان المشرف دا ما يطق فيه عرق ,, مش قلت ليك ما اسامة براه المفروض تحرص على احساسو ؟
Post: #147 Title: Re: البْلَّالاَّت أو جَفوةُ الكِستْناء .... شعر حديس !! Author: Ashraf el-Halabi Date: 03-21-2012, 05:40 AM Parent: #144
يا أمين رجعت فتشت كلام كمال بعد تكويتك ليهو وأنا شاكي إنك غلطان في مصدره لأني أظن كمال ما من الناس الممكن تكتب كلام زي دا لكن بكل أسف طلع من كمال يا كمال الله ياخ تعال عالج مسألة إدخال أهل أمين في الصراع بينكم دي
Post: #148 Title: Re: البْلَّالاَّت أو جَفوةُ الكِستْناء .... شعر حديس !! Author: كمال علي الزين Date: 03-21-2012, 05:55 AM Parent: #144
(*)
شوف يا سيد أمين أنا رديت ليك بضاعتك كما هي ، وتعمدت كمان أوصفك بسوء التربية ، لأنك وصفتني بسوء الأدب ، فأنا الذي لم يودبني أبي يخاطب أمين الذي لم يحسن والده تربيته وده مفهوم لكل أصحاب الغرض الجو يتباكوا هنا ، انت من بدأ وأنا مابهمني أهلك لأني مابعرفهم ، وما مهتم بأنهم أدبوك ولا ربوك ولا جدعوك في الشارع ، ولا أنا سكران ولا مسطول لما رديت ليك كده ، أنا رديت ليك بضاعتك مع علم الوصول وبس وتاني بقولا ليك ، انت من بدأت بوصفي بسوء الأدب و رديت عليك وأنا واعي تماما انك مسترخص الاساءة ولما توجه ليك نفس الاساءة حا توجعك ، لأنك متخيل ان عندك حق تسي للناس والناس تسكت (إنت منو يازول) ، وما أنا البجي اسئ لزول ساي كده .. حمور الجاي يدافع عن خالو :خالك استسهل وصفي بسوء الأدب فوصفته بسوء التربية فأولي بك نصحه بأن يعلم ان الاساءة المجانية بتجيب قلة القيمة ويتعلم ان للناس ألسن . وأنا جيت هنا مش استجابة لشوية المتضامنين معاك زورا ساي ديل ، ولا لأني الزول البيهز جنس كلام وهبة ده شعرة من رأسو ، أنا جيت لأني لقيتك لاعب دور الضحية ومصدق وكمان ماشايف أي مشكلة في وصفك لي بسوء الأدب ، يعني مفروض لما تشتمني أقول ليك ياسلام يابروف شكرا ياخ حا أرجع لي أهلي أقول ليهم أمين باشا قال ليكم أسأتو تأديبي ولو ما أدبتوني حا يضطرا هو تأديبي ، لا يازول انت تسئ تتوقع رد بنفس المستوى.
------------- ياسيد وهبة أنا لازلت عند رأي ومصر أن لا أتداخل معك وها انت ذا لا تخيب ظني وساظل متمسكا بالابتعاد احتراما لنفسي .. (لكن بالمناسبة أنا مفروض انتحر طوالي قلت لي كمال ده نحنا قنعانين منو ، انتو منو ياجناب الباب العالي ، يأخ أنتا راجل طيب اضافة لفجورك الانا مابيهو ده.. عليك الله اقنعوا مني شديد عشان كده بحس اني لسا بخير ) -------- الى الذين أحسنوا الظن بي من أصدقاء والله ماعدت هنا إلا لأجلكم وأؤكد لكم مرة اخرى انني تعمدت استخدام ذات اللغة متعمدا اعطاءه درس مجاني لأنه الأخ أمين ده يبدو ماعارف يعني شنو. اساءة وزي ده مابحسها إلا تتوجه ليهو ، والدليل على كده إنو ماشايف أي غضاضة في فتحو بوست عشان يسخر ويتونس ويتسلى بأسامة بحجة النقد مع إنو خاتي وش ضاحك على عنوانو ولأنو اتعودنا في المكان ده إنو الاساءة ما عندها معايير ، المعيار الوحيد انها أتوجهت لمنو ، يعني أسامة لو حواليهو شوية بلطجية ومطبلاتية و عندو شلة في البود ده أمين ده كان فكر مليون مرة قبل ما يوجه دعوة لأصحابو يقول ليهم تعالوا نتونس بالزول ده شوية ، وكمان بعدها جاي يوصفني بسوء الأدب بدم بارد ويستنكر هو ورهطه ردي له ووصفي له بسوء التربية وكمان مافاتو إنو يواصل استدرار عطفهم بالتذكير بالاساءة لاخوات عصام عشان يلم تاني شوية متعاطفين .. وماعندي أي حاجة تجاه أهلو ولا بهموني في شئ ، و ما كنتا عاوز أرجع هنا تاني ل كن لقيتو مصدق انو برئ و ض وضحية ومساء ليهو بدون ذنب لمجرد إنو كم نفر من أصحابو جوهو ختو يدهم في حائط مبكى براءتو ده . ودي مداخلة اضطررت لها ولن أعود مرة اخرى ..
Post: #150 Title: Re: البْلَّالاَّت أو جَفوةُ الكِستْناء .... شعر حديس !! Author: Ashraf el-Halabi Date: 03-21-2012, 06:24 AM Parent: #148
سلامات يا كمال عادة ما بحب أتداخل في صراعات البورد دي واحد من السباب لأنها غالباً ليها ذيول ومحتاجة زول متابع وأنا ما متابع جيد لكل البوستات وأظن إنتا وأمين ما من الناس السايقة صراعاتها في البوستات، ربع بعد ربع في البوست دا يا كمال ما حبيت أدي رأي إلا بعد الرجوع لمداخلاتكم إنتا وأمين الموجهة لبعض وحسب التسلسل لقيتك إنتا البديت يعني"سوء الأدب" بتاعت أمين سبقتها "الصبيانيات" منك يا كمال "الصبيانيات" دي أكيد إنك عارفها ما مفردة أخد وعطا مفردة استفزاز فقط
Post: #151 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-21-2012, 06:31 AM Parent: #148
كمال .. وجهت لى إساءة بالغة .. إنت الله ما ليك ولا شنو يا كمال؟! منو فى المنبر ده أنا ممكن أنافقو ؟؟؟؟!
Post: #152 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-21-2012, 06:37 AM Parent: #151
والحسنى أن تأتى هنا يا كمال وتثبت نفاقى الذى إدعيته .. لا أطلب كثيرا .. فقط اثبات نفاقى .. والمعنى واضح انو فى ود مقنعة أنا محتاج أنافقو إجتماعيا ؟!!
Post: #154 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-21-2012, 06:53 AM Parent: #152
وأسمع الكلام ده كويس يا كمال .. لربما أكون هيناً جدا .. ولربما أعبر الأشياء بحسن الظن الجميل والاجمل .. ولربما وربما الخ .. ولكنى إنسانى جدا ... يعترينى الارتباك أحيانا ويمسكنى الأدب عن الافتراء ولا أستطيعه كراهة .. أقدر الناس جيدا وكثير الاهتمام بهم .. ويسوؤنى جدا الاساءة إليهم .. ولا أسيئهم الا للشديد القوى .. وأملك أدوات الاساءة لاجعص جعيص فى المليون ميل السابقة والمعلومة .. وانعل دين أى زول .. وقد انحاز تماما لانسنة جوقة التايتنك .. وفى الواقع انحاز لها تماما ! ولكن أن يمارس أحدهم استاذية ما .. تغول ما .. شبهة حقارة غير موجودة فذلك ما لا استطيع معه صبرا ..
فى مقدمتى ذكرت لامين .. أنى أجيز التهكم من كل متجبر قوى ..
لماذا ؟!!!!
لانهم .. والقسم العظيم تحت قدمى .. لا أكثر ولا أقل ..
أقل قليل الانسنة يكفى ,, وكثيرها يكفى وكل مافى الكون مقدار له الا الانسان ما قدره قدر .. ولا مقداره مقدار !
Post: #155 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-21-2012, 06:59 AM Parent: #154
وعلى سيرة الادب .. وعندما قرأناه تأدبنا !!
الاعظم من قدر الانسان هو الانسان ..
لولا ذلك لانفجرنا !!
Post: #156 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-21-2012, 07:06 AM Parent: #155
بعدين الكلام الفارغ ده أنساهو ولا يليق .. متى وكيف نافقت أنا أمين ؟!
Post: #159 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-21-2012, 07:13 AM Parent: #156
الآن ..
مساحة بكرى البيضاء .. ماذا أكتب ؟!!
حسناً .. الكتابة فعل شديد السهولة .. لا يعوقنى الا الزمن .. وأعنى زمن الطباعة !!
Post: #160 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-21-2012, 07:19 AM Parent: #159
والذى لا اله الا هو .. ناقصنى الكدوس !!
.. يا الله يا الله .. سأنفجر وما شغال بى زول !!!
قربت أكون الحلاج !!!!!! والحلاج عمود واحد للرحمة .. وهناك العواميد الممتده بامتداد الطين ..
200 مليون فدان صالحة للزراعة وفى منتهى التواضع ! سبحانه !
Post: #157 Title: Re: البْلَّالاَّت أو جَفوةُ الكِستْناء .... شعر حديس !! Author: كمال علي الزين Date: 03-21-2012, 07:09 AM Parent: #152
(*) يامحمد أنا لسا شايف انك جيت جاملتا على حساب أسامة وبررت للتهكم عليهو وانتا عارف تماما إنو البوست ده أصلا للسخرية منو والتسلية بيهو واستدعاء الأصدقاء لجعل أسامة الخواض موضوع ونسة وتظارف مش لنقد تجربتو فده بتسميهو شنو ؟ وسألتك في الصفحة الفاتت إن تضع نفسك في مكان أسامة .. وبصراحة مارجعتا قريت تاني لأني مافصيت ولأني بدخل من الموبايل .. اسي مارح شيء بتسمي شنو مجاملتك دي على حساب أسامة ؟ ولا تكون مقتنع فعلا إنو ده بوست نقد (مع إنو صاحب البوست نفسو خاتي وش لاستدعاء الضحكنجية للتسلية بزول مسالم وأديب عندو تاريخ طويل زي أسامة الخواض )؟ جاويني أنا مدين ليك باعتذار مستحق لو أجابتك كانت بتثبت انك ماجاملت زول على حساب أسامة في البوست ده .. وأنا رجعتا تاني مخصوص عشان قدرك عندي والمابمنغني أقول كلمة حق في حق أسامة لمجرد العلاقة الطيبة والود والاحترام البينا ، وماحريص على اني أنافقك للمحافظة على الود ده ، لكن يسعدني جدأ إنو أكون مخطي في حقك عشان اعتذر ليك وحا أكون سعيد جدأ لو أجابتك كانت مقنعة وانك لسا مادرتا في فلك الضحكنية والمستلذين بالتداعي للتنافق والتسلية بالناس الجادين هنا ده .
Post: #161 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-21-2012, 07:24 AM Parent: #157
شكرا يا كمال .. أخوك طلع "تسته" بالكتابه ..
.. "تسته" بلغة الميكانيكية وتعلم تمام القصد
.. تحياتى
Post: #163 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-21-2012, 07:34 AM Parent: #161
بإحدى صدف التأريخ إشتريت لى عربية بيجو .. طلعت صليبى فهدانى الناس لآدم بيجو .. و لآدم بيجو مقر موقر بسوق الحارة الرابعة "الثورة الحارة الرابعة أمدرمان"
وحديد لاقى حديد !! آدم بيجو .. وأنا .. والبيجو !!
أها .. آدم ده مسكنى ليك كلام ما عندو علاقه بمشكلة البيجو بتاعتى وهو "يقزقز" بالجربوكس الاوتاماتيكى عن "مرتو" و "توبها " البى 80 الف !!
وفجأه قال لى
- تعرف يا فرده !! البيجو دى عربات عظيمه ! أول خواجه ادوهو يسوق البيجو دى "تسته".. ما لموا فى لليله !!!
Post: #162 Title: Re: البْلَّالاَّت أو جَفوةُ الكِستْناء .... شعر حديس !! Author: عبدالعزيز حسين عبدالرحيم Date: 03-21-2012, 07:30 AM Parent: #152
مرحب بروفنا أمين
متابع البوست من بدأ ومن بوست الأخ الخواض
يا بروف مالك زعلان كدا ماتتحسس شديد كدا انت ما متابع البورد دا ياخ نحنا شتيمة الأهل دي حاجة عادية وأتعودنا عليه والله هسع لو في قدرة أجيب ليك صور واقتباسات لشتائم لأهلنا في البورد ما اظن تصدق أنها اتكتب في البورد دا القاعد تجي تفتحه وتقراه ولي هسع الشتايم والمطاردات والبشتم بالاهل زول قليل أدب فقط وقلة الأدب اسهل حاجة فكبر دماغك وواصل ونحنا متابعين والناس الكان زافين الأستاذ محمد عثمان ابراهيم ديل مغروضين وعاوزين يغتالوا شخصيته وما عملوا حاجة غير أنو أزداد أحترماً واحد من الجايطين في الزفة قبلها بي أيام شاتم اهلي ومعرض بي بصورة قــذرة
طه جعفر الخليفة
Quote: ضبانة البقر الفاتت الضبان تضبنا
عبد الوهاب علي الحاج
بفا بفيفا
طه جعفر
ياطه مرحباً عليك الله أسمع كلامي دا كقارئ بقرى الحاجات البتكتبوها أنتو الكتاب والأدباء ديل
شوف قريت الكلام الكتبة الأخ الخواض ومش استغلق علي وما فهمته كمان انا شفته كخزعبلات واوهام ساي وكلام امين احسن منه لانو فيه حاجة تتفهم وفيه طرافه بتسر الزول لكن يا طه في حاجة طلعت بيها أنو احترم الخواض واشوف نفس الأديب الفيه عشان ما هاتر ولا شتم ولا نبذ بل جا اتحاور احترمته شديد فهو راجل محترم نفسه مؤدبة وممكن بعد دا اقرى كتاباته وأتابعها
يا طه ما قريت فركة ولا قونقليز ولا حامد البدوي كتب شنو عارف ليه لأنو الفكرة عندي كزول بقرا ويستهلك ما يكتبة الكتاب أنو الكتاب ديل واحد قليل أدب والتاني حرامي وكضاب والتالت عنصري بقيتو خصم على جايزة الطيب صالح وفقدتوها قيمتها الحقيقية وأصبح الناس يرتابوا في الناس البياخدوها
شفنا مهزلتك في الفورول ورقاعتك جابوها هنا الناس كلها شافتك في صورة ما حلوة دا كلو استهلاك لي نفسك ومحزن لينا لأننا نطمح نشوف لينا سوداني تاني يكون زي الطيب صالح
يا طه مافي زول هسع عندو وكت للقراية والكتب والروايات والشعر وغيره على قفا من يشيل والكاتب هسع هو البسعى للقراء فربى ليك قراء يرفعوك لانو دربك دا وداك بعيد يا طه أنت محتاج لعبدالوهاب ولطلحة وتمبس وأساسي ودكتورة نجاة وغيرهم ديل هم البنفعوك أما مدعين الثقافة البنافقوك ديل والله غير يسقطوا حجرك ما يسووا ليك التكتح
أحترامك للناس بترد ليك احترام اكتر منه مادام انت طارح نفسك انو عندك شيئ زايد من الناس مثال أخونا يوسف الموصلى أكتر انسان محبوب في الوسط الفني عارف ليه لأنو الموصلى بحترم الناس مش بحترمهم بس بل بحبهم الموصلى قاعد معانا في البورد دا عادي ممكن تفتح ليك بوست تنادي تنتقد ليه أغنية ولا لحن للموصلى وتكون ما بتعرف حاجة في الموسيقى الموصلى ممكن يتواضع ويجيك ويرد عليك بي كل لطف انت حتى ما بتخلي الناس تنتقدك براك بتجي ناطي جوز في الناس تبقيهم ضبان وترشهم بالبف باف
ما سالت نفسك الناس قاعدين يحترموا بشرى الفاضل لي شنو وأحتفو بي تاج السر الملك وحبيب نوره وبحقروا بيك ويستهزأو بيك لي شنو ؟
عاين الناس ديل قاعدين يسووا شنو وأنت قاعد تسوي شنو
والله كلامي دا ناصح ليك بس
Post: #165 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-21-2012, 07:54 AM Parent: #162
اهو انا لو عندى عدو تاريخى .. ياهو عبدالعزيز ده ! ودى مناسبه عظيمة جدا يا أمين النقول ليك .. كلام مرتضى جعفر ليس خاطئاً بالمطلق !!
أمبن محمد سليمان .. " بروف وعلى راسنا من فوق وأى حاجه "
أمين زول زول صاح!!!!!!!!!!! ديمقراطى وشايف غلط الصاح مظبوط !
لا أمنجى ولا مناضل ولا أى حاجه ... زول عاوز يكون زول تمام التمام .. وزى ما الله خلق ال " زول" .. وفوق للبيعه من أمدرمان ..
يوجد تيار متنامى فى المنبر يتوسل بالناس الصاح .. كيزان الله يكرم السامعين كيزان عديل كده ! كيزان ولو هسع انتخبو تانى .. برغم الحاصل والمتحصل .. برغم أى حاجه .. حيدو الشجره !! ذات الشجرة التقتل , تنهب , تسرق , تغتصب !
البلد .. السودان الليلنا ده !!!!!! فى واحدين بتاجرو بيهو وشطاااار فى العيب الوطنى ..
موزعين كويس فى الاعلام .. رادى تلفزيون صحافة انترنت ..
وفى ناس بخدمو فى اجنداتم بصورة مباشرة .. وفى ناس نص نص .. وفى ناس أكاديميين أولاد ناس !! والله صحى !!
Post: #164 Title: Re: البْلَّالاَّت أو جَفوةُ الكِستْناء .... شعر حديس !! Author: حاتم يوسف العبيد Date: 03-21-2012, 07:50 AM Parent: #148
Quote: شوف يا سيد أمين أنا رديت ليك بضاعتك كما هي ، وتعمدت كمان أوصفك بسوء التربية ، لأنك وصفتني بسوء الأدب ، فأنا الذي لم يودبني أبي يخاطب أمين الذي لم يحسن والده تربيته وده مفهوم لكل أصحاب الغرض الجو يتباكوا هنا ، انت من بدأ وأنا مابهمني أهلك لأني مابعرفهم ، وما مهتم بأنهم أدبوك ولا ربوك ولا جدعوك في الشارع ، ولا أناسكران ولا مسطول
Quote: حمور الجاي يدافع عن خالو
Quote: أنتا راجل طيب اضافة لفجورك الانا مابيهو ده.. عليك الله اقنعوا مني شديد عشان كده بحس اني لسا بخير
Quote: الى الذين أحسنوا الظن بي من أصدقاء والله ماعدت هنا إلا لأجلكم وأؤكد لكم مرة اخرى انني تعمدت استخدام ذات اللغة متعمدا اعطاءه درس مجاني لأنه الأخ أمين ده يبدو ماعارف يعني شنو. اساءة وزي ده مابحسها إلا تتوجه ليهو ، والدليل على كده إنو ماشايف أي غضاضة في فتحو بوست عشان يسخر ويتونس ويتسلى بأسامة
Quote: لقيتو مصدق انو برئ و ض وضحية ومساء ليهو بدون ذنب لمجرد إنو كم نفر من أصحابو جوهو ختو يدهم في حائط مبكى براءتو ده
___________
معقول لسه في ناس في الدنيا عندها أوهام زي دي ... بالجد ... الواحد ليهو زمن طوييييل ماسمع بــ نبرة بتاعت إستعلاء وتكبر بالشكل ده...
___________
البروف أمين ... مابتعرفني ولا بعرفك ... لكن من الليلة أنا من "اصحاب الغرض الجايين نتباكا"..هنا ...
.. ________
Post: #167 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-21-2012, 08:05 AM Parent: #164
وأعادى الصديق اللى ما بهم بيك !
.. أعقلوها قليلا يا صحاب ..
.. أمين محمد سليمان لن يكون صوت من يخجل من صوته .. أو كما يكون العشم الصحيح ..
..
الى لقاء قريب !!
Post: #169 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-21-2012, 08:42 AM Parent: #167
Quote: شفت لستة (المشاغبين) اقصد (المنافقين) يا كمال .. لقيتك عزال والله ...
يعزل عينك!!
في ذمتك دي انا و المشرف علاقتنا شنو بنفاقكم البتعملوا فيو دا!؟
---------
الاهلية كملت ويا حليل شمس المحنة الغرّبت طاحت
ليه بقى مافي حسن ظن في الآخر؟
Post: #168 Title: Re: البْلَّالاَّت أو جَفوةُ الكِستْناء .... شعر حديس !! Author: كمال علي الزين Date: 03-21-2012, 08:29 AM Parent: #164
محمد المشرف أنا كنتا راجع ليك انت عشان اعتذر ليك بس مالقيت اجابة رغم مداخلاتك الكتيرة .. واسي يأخ أنا بعتذر ليك بشده عشان ما أجي تاني هنا .. ولو ماشفتا اعتذإري كافي بجيك في البيت اعتذر ليك بالدرب ..وبالله لوعندك رد تاني ماتكتبو لي هنا لأني ماحا افتح البوست ده تاني واضطر حاتم ده يشوف كائنات غريبة زيي ويحلف طلاق إنو جاي يضبحني .عشان ماتفتكر اني اتجاهلتك ..
لأنو شايف العنتريات الأسفيرية المجانية كترت هنا ..
.
ياحاتم يأخوي البورد ده. يأما بلم اتحملنا .. هو بكري متحملنا انت متضائق مالك يعني اسي أنا حأ اطلع من البوست ده بتكة ذر وحا انساكم عادي وأرجع دنيتي الحقيقية وبعد كم يوم لو هفت لي بجي تاني أرفع ضغطك .. وادي خروج نهائي ..
Post: #183 Title: Re: البْلَّالاَّت أو جَفوةُ الكِستْناء .... شعر حديس !! Author: حاتم يوسف العبيد Date: 03-21-2012, 12:10 PM Parent: #168
Quote: ياسلام يأخ انضميت بالله لأصحاب الغرض (نورت المحكمة) وأنا أصبت برغب اضافي لازدياد الأعداء في منبر. بكري \\\ ماحا افتح البوست ده تاني واضطر حاتم ده يشوف كائنات غريبة زيي ويحلف طلاق إنو جاي يضبحني \\\ لأنو شايف العنتريات الأسفيرية المجانية كترت هنا ..\\\[ياحاتم يأخوي البورد ده. يأما بلم اتحملنا .. هو بكري متحملنا انت متضائق مالك يعني اسي أنا حأ اطلع من البوست ده بتكة ذر وحا انساكم عادي وأرجع دنيتي الحقيقية وبعد كم يوم لو هفت لي بجي تاني أرفع ضغطك ..وادي خروج نهائي ../QUOTE]
...
إتوكل..إتوكل... ربنا يسهل عليك دنيا وآخرة... وحاول لو قدرت كمان ... تتخلص من وساوسك وأهامك ... ____
....
Post: #171 Title: Re: البْلَّالاَّت أو جَفوةُ الكِستْناء .... شعر حديس !! Author: عبدالوهاب علي الحاج Date: 03-21-2012, 09:02 AM Parent: #164
كمال علي الزين
Quote: قلت لي كمال ده نحنا قنعانين منو ، انتو منو ياجناب الباب العالي
إنت القراية "ام غر ض" دي ما بتسيبها اصلك كدي يا أفندينا اعد قراءتك لكلامي تاني وانظر ما تحته خط ... بقيت يا كافي البلا لا كتابة ،لا قراية ، ولا فهم ذاتو ؟
Quote: يا كمال علي الزين أمين دا نحن قنعانين منو ظاهر وباطن وليك اللحم - إن وجد - ولينا العضم وكان العضم ذاتو لازمك حلال عليك عشان ما تقول حارمنك من حاجة ؛انت قايل الما في شنو
... أها يا أفندينا أنت هنا لازمك اعتذار ... وبرضو مدين لي باعتذار قديم عن عدم ردك لي في البوست بتاعك داك ..
Quote: لازلت عند رأي ومصر أن لا أتداخل معك
انت بصحك يا كمال؟ أنت ما جيت راجع هنا الا عشان ترد لي (بعد ما اعلنت عدم رجوعك هنا مهما كان السبب ) خخخخخخخ وشوف يازول ... انا قادر اجرك واجيبك من نخرتك في اي وقت لاي بوست كيفما اريد ووقتما ما احب . وهناك في بوستيك القديم داك ما قدرت ترد علي لأنك وباختصار شديد ما كان عندك رد تردو بعد ما افحمتك وخليتك لافي ساي وانقذتك الارشفة قمت لجأت لي حيلة الفجور في الخصومة المضحكة دي ...أو احتمال لأني ما كنت دايرك ترد... يا زول أنا علي كيفي وانت يا زول اتجاوزت امين لاهلو وكلام امين ليك واضح ولم يتعداك .. دي الحقيقة ... يعني بقرايتك الجائرة (ام غرض) دي ... لو واحد قال للتاني انت (اسأت الفهم) يقوم التاني يقول ليهو انت قاصد ان اهلي ما علموني ولا كيف ؟ ... ولو واحد مثلا قال ليك انا عندي (سؤ هضم) هل دا مبرر كافي لاتهام امه او زوجته بعدم معرفة فنون الطهي ... يا زول انت غلطت وبنيت كلامك الجديد دا على (مراقة) مرتضى جعفر رغم عدم منطقيته لكنو وقع ليك في جرح كلامك عن سوء التربية فيهو اشارة واضحة لاهل امين واي زول يقول ليك كلام غير دا ما تصدقو ... وابقى معتذر ساي وبطل اللولوة
_______________ الاخوة الباقين بجيكم بمهلة بعدين لو البوست فتح معاي المشرف ، عبعزيز ، والعزيز طه ضبان
Post: #172 Title: Re: البْلَّالاَّت أو جَفوةُ الكِستْناء .... شعر حديس !! Author: طلحة عبدالله Date: 03-21-2012, 09:34 AM Parent: #171
مكرر
Post: #173 Title: Re: البْلَّالاَّت أو جَفوةُ الكِستْناء .... شعر حديس !! Author: طلحة عبدالله Date: 03-21-2012, 09:36 AM Parent: #171
قبل ما أقرأ رد كمال الزين عايز أقول حاجتين اتنين أولا بالتبادي أي زول (بما في ذلك الأديب حمور) إتعامل مع بوست البروف دا بفهم خلاف أنو نقد ونقد بناء كمان فما عندو أي حق ولا يمكن وصف معاملتو دي إلا أنها مجاملة للخواض لا غير ( مع إحترامي الكامل للخواض والذي لم أقرأ له من قبل). الحاجة التانية للزول الإسمو طه جعفر دا : إتا يا مواطن شايل بف بافك دا طوالي وحايم بيهو المنبر قاعد تكتب من جوة أدبخانة واللا شنو ؟؟ ( مع إعتذاري لصاحب البوست والمتداخلين لهذه العفانة العفنة) ................ بعد كدا ممكن أشوف بمزاج صديقي كمال الزين قال شنو .
Post: #175 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-21-2012, 10:07 AM Parent: #173
Quote: أولا بالتبادي أي زول (بما في ذلك الأديب حمور) إتعامل مع بوست البروف دا بفهم خلاف أنو نقد ونقد بناء كمان فما عندو أي حق ولا يمكن وصف معاملتو دي إلا أنها مجاملة للخواض لا غير ( مع إحترامي الكامل للخواض والذي لم أقرأ له من قبل).
بالغت يا طلحة وهل امين وما يكتبه (اقرا ما يهببه هنا) مقدس حتى لا يمس!؟
زي ما ابحت دم الخواض الاسفيري .. فامين -طالما اختار النشر في ارض البلالات دي- يتحمل البجيهو! ول ما ياهو العدل؟
------
نحن نلقاها منك ول من صاحبك كمال؟ داك مطلعنا منافقين لامين (را ما يقرا) وانت كدا طلعتنا منافقين للخواض! الا توجد منطقتن وسطى اين الاستواء في خط الاستواء دا ما ممكن نكون ناس ساي -ما منافقين- لكن عندنا راي يبدو لبعض الناس انو رأي منافق؟
صراحة انا زي المشرف اتهام النفاق دا بالنسبة لي بفداحة نبز الوالدين عديل كدا!
لا يا سيدي لست منافقاً .. وحمور ما منافق وامين لابس الغلط توب و عمة وشال!
وهبة و اساسي وانا دا ذاتي قلنا راينا بهناك .. في مظنه ما كان ممكن يقول رأيو دا بهناك .. ويقعد يناقش؟
Post: #176 Title: Re: البْلَّالاَّت أو جَفوةُ الكِستْناء .... شعر حديس !! Author: طلحة عبدالله Date: 03-21-2012, 10:21 AM Parent: #173
الحبيب كمال
Quote: شوف يا سيد أمين أنا رديت ليك بضاعتك كما هي ، وتعمدت كمان أوصفك بسوء التربية ، لأنك وصفتني بسوء الأدب ، فأنا الذي لم يودبني أبي يخاطب أمين الذي لم يحسن والده تربيته
ياخ من حقك تفهم كلام أمين بالطريقة الفهمتو بيها ومن حقك ترد حسب فهمك دا لكن العشم فيك كان أكبر من كدا كتير .. كان العشم فيك تفهم أنو عبارة زي قليل أدب اللى هي مرادفة لسوء أدب لا تسىء بصورة مباشرة للوالدين حسب فهمنا الشائع ليها لأنو الزول ممكن يكون أبوهو وأمو أحسنوا أدبو لكن هو شويطين في رأسو دا عشان كدا الأدب ما شال فيهو، وممكن عادي أبوهو يقول ليهو يا قليل الأدب والمدرس يقول ليهو يا قليل الأدب ومرة الجيران تقول ليهو يا قليل الأدب ..الخ بدون ما يكون في تعمد أو قصد الإساءة للوالدين . من جهة تانية يا كمال حتى لو فرضنا أنو أمين قصد الإساءة لوالدك فبرضو عشمنا(تقرأ عشمي) فيك أنك وفي أسوأ الفروض تلفت نظرو ونظر المتابعين لكلامو دا وتنتظر رد الفعل من الجميع زي ما عمل هو بالضبط لكن دخولك السريع في الزقاق دا ما كان متوقع، وبرضو والله حقك علينا لو شعرت بأنك مظلوم . الشىء التاني يا كيمو والله أنا محتار جدا في إصرارك على أنو العملو أمين في البوست دا ما نقد وما عارف مستند على ياتو فهم أو قاعدة في تمسكك برأيك دا مع أنو السخرية الخالية من الشخصنة هي ضرب من ضروب النقد ودي قاعدة إعلامية معروفة . يا عبد العزيز يا حبيب
Quote: وأحتفو بي تاج السر الملك
ياخ والله أنا زعلان منك زعل السنين في زجك لسيرة (الملك) كمقارنة مع زولك دا ياخ وقسما عظما فرق السما من الواطة، عشان كدا يا حبيب حاول اتصرف أسحب الحتة الجبتا فيها سيرة (الملك) دي واللا أعمل أية حاجة ياخ . حاجة أخيرة : يا وهبة يا حبيب طلبتك بالنبي تهدي اللعب ياخ .
Post: #179 Title: Re: البْلَّالاَّت أو جَفوةُ الكِستْناء .... شعر حديس !! Author: كمال علي الزين Date: 03-21-2012, 11:06 AM Parent: #176
(*) ياطلحة ياعزيز .. أنا متعذب داخل من موبايل يعني لاكتابة لاقراية ولا انترنت كمان .. أنا ماقصدت إلا الرد بنفس المستوى لأن سوء الأدب وقلة الرباية مافي فرق بينهم إلا في البورد ده .. طيب أمين ده اتهمني بسوء الأدب أقول ليهو شنو وهو زول أصلا ماعارف انها دي اساءة والرهط الكريم بنظرو للموضوع حسب قربهم منو ، مش حسب معيار الخطأ والصواب وأنا زول مستعد اتلايق معاهم كده سنة لي قدام طالما شايف اني على حق ومابتهمني اللمة والعنتريات الأسفيرية دي وحبيت أرد ليهو بيان بالعمل عشان سعادتو يعرف إنو سوء الأدب من قلة الرباية ولا دي رجل ودي كراع ؟ أهإ وحاتك أنا لي قريب سنة مادخلتا البورد ده عشان جنس الخمج والمنطق المعوج ده واسي جيت أقضي لي يومين ولا حاري لي شكلة ، لكن أمين ده غاراهو اللمة الفارقة الحواليهو دي ومستمرئ دور البرئ ومصر إنو عدم ربايتو اساءة لأهلو وسوء أدبي ده كلمة عادية أهإ أنا لولا معزتي واحترامي لناس كتار هنا زيك ولولا وصية دينا خالد (: ولولا كمان اني ماعاوز افتح المنبر تاني كنتا واصلتا لياقة لحدي مايبين للحق صاحب ولو اجتمع أهل البورد ده كلهم و وضعوا يدهم على حائط مبكي أمين ده ماكنتا بقيف طالما مإمقتنع اسي ياصديقي بأكد ليك تاني أنا تعمدت أرد ليهو كده عشان يتعلم درس باقي درجة الدكتوراة الأديتيها ليهو خلتو يفهم إنو من حقو. يتجاوز على الناس هبطرش ساكت لمجرد اللمة البتهتف ليهو دي .. وعليه أمين ده زول كعب في نظري وأهلو كويسين مع اني مابعرفهم ، كده كيف ؟
الكتابة والقراية في الموبايل أخير منها اعتذر اعتذار مجاني ساي وأفلسع . وشكرا ياطلحة انك قلتا رأيك ضدي بوضوح رغم البينا ليت لهذا الأمين امناء إذا لما كنا فيما نحن فيه .. العندو كلام معاي تاني تلفونات يإشباب ، أنا ماعندي طريقة انت .
Post: #174 Title: Re: البْلَّالاَّت أو جَفوةُ الكِستْناء .... شعر حديس !! Author: كمال علي الزين Date: 03-21-2012, 10:00 AM Parent: #164
محمد المشرف أنا كنتا راجع ليك انت عشان اعتذر ليك بس مالقيت اجابة رغم مداخلاتك الكتيرة .. واسي يأخ أنا بعتذر ليك بشده عشان ما أجي تاني هنا .. ولو ماشفتا اعتذإري كافي بجيك في البيت اعتذر ليك بالدرب ..وبالله لوعندك رد تاني ماتكتبو لي هنا لأني ماحا افتح البوست ده تاني واضطر حاتم ده يشوف كائنات غريبة زيي ويحلف طلاق إنو جاي يضبحني .عشان ماتفتكر اني اتجاهلتك ..
لأنو شايف العنتريات الأسفيرية المجانية كترت هنا ..
.
ياحاتم يأخوي البورد ده. يأما بلم اتحملنا .. هو بكري متحملنا انت متضائق مالك يعني اسي أنا حأ اطلع من البوست ده بتكة ذر وحا انساكم عادي وأرجع دنيتي الحقيقية وبعد كم يوم لو هفت لي بجي تاني أرفع ضغطك .. وادي خروج نهائي ..
Post: #177 Title: Re: البْلَّالاَّت أو جَفوةُ الكِستْناء .... شعر حديس !! Author: طلحة عبدالله Date: 03-21-2012, 10:33 AM Parent: #174
يا قيقراوي يا حبيب ياخ إتا عايز تنفي وصف النقد لبوست البروف دا كسر رقبة ساي واللا الفهم شنو ؟ كما أنني لم أقل أنك أو أي زول تاني منافق بل وصفت حالة ( لا يمكن وصف معاملتو دي إلا أنها مجاملة) دا كلامي الفوق، لكن لو فهمتو إتا كدا فاعتبر نفسك ما معاهم عشان ما تزعل مني .
Post: #178 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-21-2012, 10:48 AM Parent: #177
سلامات يا طلحة
المجاملة = نفاق اجتماعي .. تماماً خصوصاً في المسائل الثقافية دي لانو بتفقدك (الموضوعية) .. وهي شرط صحة و وجوب لـ(النقد)
البعمل فيو امين ما نقد .. دا رأيّ من يقول بشرعية محاكمة النص اخلاقياً و دينياً لا علاقة له بالنقد الادبي من قريب او بعيد
استخدام كل الطاقة دي للهدم ما نقد ممكن بمجهود اقل -وطاقة سلبية اقل- توصل وجهة نظرك (النص ما عجبني) المافي شنو!؟
هذا مع التحية و الاحترام
--------
انا كان بجامل ما اجامل البروف والله مافي في بوردكم الظالم اهلهو دا، احب الى قلبي منه لكنو اروش .. نعمل ليو شنو؟ مكانتي الادبية كناقد لا تسمح لي بالمجاملة كمان!
Post: #180 Title: Re: البْلَّالاَّت أو جَفوةُ الكِستْناء .... شعر حديس !! Author: طلحة عبدالله Date: 03-21-2012, 11:38 AM Parent: #178
قيقراوي يا محترم بعض الرأي هو برضو ضرب من ضروب النقد .. خلاصة القول أنو البوست ما مقصود بيهو التريقة والإستهتار وإن بدا كذلك لبعضهم (راجع كلام الأخ عاطف عمر أعلاه) وهو بالمناسبة وافي تماما لتوصيف الحالة . .............. لكن بالغت في حكاية أنو من كلمتين ( النص ما عجبني ) توصل رأيك دي .. المافي في الحالة دي كتيييييير يا قيقراوي ياخ . كامل الإحترام والتقدير والله.
Post: #181 Title: Re: البْلَّالاَّت أو جَفوةُ الكِستْناء .... شعر حديس !! Author: طلحة عبدالله Date: 03-21-2012, 11:48 AM Parent: #180
Quote: العندو كلام معاي تاني تلفونات يإشباب ، أنا ماعندي طريقة انت
دا شنو دا يا كيمو دا .. الكلام دا ممكن أفتح بى سببو بوست كامل أرشك فيهو زي الترتيب .. إتا ياخ قايلنا نحن مرتاحين زيك كدا عشان نضرب ليك من وراء أعالي البحار زي القاعدين نضرب لعبد المجيد عبد الرازق من مكتبو عشان نقرأ ليهو رسالة كسلا من حسن فكي آدم وهو قاعد في بيتو ؟؟؟؟ بالكتير أنا أمسكل ليك أو أرسل ليك رسالة أقول ليك فيها أضرب لي لكن حكاية أضرب ليك عشر وخمستاشر دقيقة دي بتخرب بيتي ياخ .. الحالة بقت ما زي زمان يا حبيب .. غايتو كان لابد إنتظرني آخر الشهر واللا اختصارا للوقت حول لي رصيد
Post: #184 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-21-2012, 12:15 PM Parent: #181
Quote: خلاصة القول أنو البوست ما مقصود بيهو التريقة والإستهتار وإن بدا كذلك لبعضهم (راجع كلام الأخ عاطف عمر أعلاه) وهو بالمناسبة وافي تماما لتوصيف الحالة .
رايكم دا قريتو ما عجبني والله!
------
شفت كيف؟ بدون تجريح او فتح بوست راسو عديل
Post: #188 Title: Re: البْلَّالاَّت أو جَفوةُ الكِستْناء .... شعر حديس !! Author: عاطف عمر Date: 03-21-2012, 01:02 PM Parent: #180
Quote: خلاصة القول أنو البوست ما مقصود بيهو التريقة والإستهتار وإن بدا كذلك لبعضهم (راجع كلام الأخ عاطف عمر أعلاه) وهو بالمناسبة وافي تماما لتوصيف الحالة .
الحمد لله أن جعلنا لسان صدق مبين لتوصيف الحالة
شكراً طلحة
Post: #182 Title: Re: البْلَّالاَّت أو جَفوةُ الكِستْناء .... شعر حديس !! Author: محمد عثمان ابراهيم Date: 03-21-2012, 12:09 PM Parent: #178
أنا لا أجادل أصدقائي ومن أحب. في الغالب أقبل منهم كل ما يقولون وحين يصعب علي الأمر أغادر المكان في صمت. حان الآن الوقت لأقول إنني غادرت سودان فور أول بعد مجادلة مع حسن موسى وقف فيها- وهو على خطأ- مع صديقه النور أحمد النور الذي استخدم مفردات بذيئة وصادمة كمحاولة أولى عابثة للفت الأنظار الى كتاباته المثقلة بالأخطاء الإملائية، والنحوية، والأسلوبية، والمشوهة -في بعض الأحيان- بكلمات إنجليزية مكتوبة خطأ، ومستخدمة في المكان الخطأ كذلك. كنت في ذلك المنبر استمتع غالب الوقت بالتداول مع حسن ولم أكن أحفل-كعادتي- بالمتزاحمين على النوافذ ونجاة محمد علي كذلك. حين حاول حسن جري الى مجادلة كنت أعلم أنه لا يخدم فيها وجه الحقيقة وإنما وجه الصديق القديم، خذلت فأوقفت المجادلة كلها وحين خسرت الحوار المفيد حسن موسى لم أهتم ببقية الكورَس فتركتهم جميعاً ورائي. لحسن الحظ لن أضطر لمثل هذا الآن لكنني غير راضٍ فقط عما يلي مما كتبه صديقنا أمين:
Quote: قبل اسابيع وقف المنبر علي فد كراع لمن محمد عثمان قال لعصام جبرالله نفس الكلام ... فتحت البوستات و ادين محمد عثمان و تحول البوست الأصلي لساحة لشتيمة محمد عثمان و الأساءة له ...الان لم يفتح الله علي أحد و لو بكلمة
Quote: و خليني أسالك سؤال محدد : الفرق شنو بين كلام محمد عثمان لعصام و كلام كمال لي ؟
يخامرني شك كثيف في أن أمين استعاد هذه القصة لإستنهاض مجموعة المتزاحمين إياها لتقوم بنفس الدور ضد الأخ كمال وفي كل مرة كان يوجه فيها إدانته لكمال كان يعيد إدانتي أنا كطعم مجرب للإستقطاب. هذا غير عادل بحقي ولمصلحة الجميع فإن حديثي المشار اليه موجود في مكانه وقلت فيه عبارة (محصلة تدريب منهجي) لكن محمد الصائم -سامحه الله- والقراء مستخدمي العين الجماعية المشتركة لم تكن بهم قدرة أو رغبة في القراءة المتبصرة أو الإدراك الخالي من غبش القراءات القطيعية، وهذا ما عبر عنه صديقنا عبدالوهاب حين كتب ما يلي:
Quote: بالمناسبة شايفك اشرت لموضوع عصام جبر الله الحصل مع عصام دا ليس تضامن معاهو كما يبدو بقدر ما هو ادانة او محاولة اغتيال لمحمد عثماننا وفشلت
شكراً يا عبدالوهاب.. القطيع دائماً خارج الكونستيتونسي، ولو طلبنا إثنين في نقاء تبصرك لكلفنا هذا المنبر شططاً.
Quote: وانعل دين أى زول
لا حول ولا قوة إلا بالله.
ملحوظة: لست مغرماً بتالوصاية على الناس وتصويبهم أو تخطئتهم لذا فإنني أترك أمر المجادلة بين أمين وكمال كما هي. العين بصيرة واليد غير راغبة.
Quote: أرجو شاكراً التفكير. كان بإمكاني لعب هذا الدور حين تم تغيير اسم والدي من جعفر إلى مدثر
الاخ بن حعفر سلامات و عساك طيب ( طبعا حتي الكوبي -بيست من البروفايل بقي منك خطورة ! و امكانية لعبة دور الضحية ) يا عزيزي اولا افتراضك بان تساؤل امين هو نوع من لعب دور الضحية -دا تقديرك الشخصي -و و بدوري اصلا ما شايف كلامو دا عندو علاقة بتمثيل دور الضحية - لانو ببساطة الزول البمثل الدور دا بكون ما قادر يدافع عن نفسو و داير الناس التانين يدافعو ليهو -و امين-حسب ظني- قادر يدافع عن نفسو اكتر من الناس -و خاض معارك كتيرة لوحدو و هو عارف عواقبو و كان عارف انو اقرب الناس ليهو ما بقدروا يدافعوا ليهو و تساؤلو بالنسبة لي مشروع -لكن تفسيري لتساؤلو هو انو الحاجات مرات بتجوط للزول في قمة المناكفات والصراعات المنبرية -و انا شايف اصلا تشبيه امين لموقف كمال و موقف الناس منو مع موقف الناس من الاخ محمد تشبيه غير مكتمل و ما محلو اساساو دي حتة الجوطة الاسفيرية الوقع فيها اميننا الذي نحب - امين -في نظري- ما راعي اختلاف السياقات و عشان عدم المراعاة للاختلاف و الاستشهاد الخطأ لازم امين كان يحتار و يتساءل : (في شنو يا جماعة )- و دا في نظري تساؤل عن الموقف الاخلاقي للاخرين يعني هو تساءل عن الاخرين و لم يطلب المساعدة و هو بفتكر الاخرين (مخطئا -في ظني ) هم الضحية لازدواجية المعايير -- في نظرو الاخرين هم الضحية و انت بتفتكر انو هو بمثل دور الضحية و حتي معظم الادانات الحسع لكمالنا الزين جات بعد كلام امين و تسليطو الضوء - و ما عارف بصراحة هل لو هو ما كان اشار هل كانت الادانات دي كانت ح تكون بالشكل دا ! -- بخصوص كلامك عن المنبر كفضاء فاسد بالامن و منسوبيه - غايتو في تقديري الكلام دا نتيجة (لاستغلاق!) الوعي لتفسير و فهم الظواهر ! و حسب فهمي الفضاء دا لو فيهو فساد ناس الامن اخر ناس ممكن يكونوا مسؤولين !شفت كيف ! (كلام امنجية عديل ) امنجية شنو يا بن جعفر ! دي شماعة ساي في نظري و تجلي من تجليات فشل التفكير السياسي السوداني في الواقع و المنبر و عشان اثبت ليك الكلام دا الموضوع بطول شديد ! لكن انت كتجربة لم كل الناس الانت براك بتفتكرهم ما امنجية و اعملوا ليكم منبر خاص و تعال نشوف النتيجة !! معظم لو ما كل الناس ح تتهم بعضها بالامننجية او اي تهم اخري ! انت قايل سودان فوراول ما استحمل المبدع محسن خالد عشان هو امنجي !! عموما في تقديري الفكرة الرائجة في التفكير السياسي عموما و في المنبر بانو انو الحاجة المعينة بتخدم خط النظام (حتي لو صادقين في كلامنا )- دا شايف سببو انو نحن اصلا ما عارفين نعمل شنو و كيف و شنو الممكن يسقط النظام ! يا عزيزي المنبر دا فسادو كلنا مسؤولين منو في تقديري - حسع الاخ كمال الزين دا امنجي !! و عموما انا في تعليقي علي كلامك كنت فصلتو من تعليقي علي كلام الاخ الزين -لانو بفتكر طبيعة كلامك مختلفه عندي عن كلام الزين - كلامك في نظري ما عندو علاقة بالسلوك الشخصي و لكن غالبا دا ممكن يكون تفكير ناس كتار نتيجة (لاستغلاق) الفهم القلناهو ! و انت صادقا ممكن تفتكر انو نقد قصيدة الخواض بطريقة انت ما مؤيدها دا شغل امنجية او علي الاقل بخدم خط الكيزان ! و لو اصلا النظام دا لو ح يقعد عشان نقد قصيدة (الهنيهات و الاناناس ) دي نحن زاتنا بنستاهل النظام و جرائمو !
و ختاما يا عزيزي شخصيا شايف هذا المكان مليان باوهام كتيرة و اكثر الاوهام فطارة -في نظري هو انو الامنجية هم سبب فساد هذا المكان !! اصلو نحن دايرين نطلع مظاهرات من هنا و الامنجية عاملين فتن ؟؟؟؟!!!؟؟
تحياتي يا بن جعفر
Post: #185 Title: Re: البْلَّالاَّت أو جَفوةُ الكِستْناء .... شعر حديس !! Author: احمد الأمين على إدريس Date: 03-21-2012, 12:38 PM Parent: #178
Quote: والله تصدق وتآآآآآآآآآآآآآآآآآآآآآآمن بالله وبدون تملق للأخوين الكريمين أمين وحمور ديل أنا شايفهم قدوة للناس في الأدب في هذا المنبر
تابعت كمال فى بوست شذى بلة بتاع الاستنارة داك وبصراحة كان نضمو منطقى مرتب لا اسفاف فيه رغم الاختلاف والخلاف اللى كان فى البوست ثم تابعت تهنئة ما بتولى كمال لواحد من الملفات فى دولة قطر وبذلت التهانى حالى حال غيرى ممن سرهم ذلك ومن ديك كان كان كمال زاهيا فى خيالى ..
وفجأةً ذهلت وانا اشوف كمال داخل بى نمرة 13 وهو بوزع فى المواصفات والمقاييس بتاعت النفاق والادب والشعر ولى مين ؟ المشرف الذى دافع عن قصيدة الخواض كما لم يفعل المشاء شخصياً وقيقا الذى ما رأى الحق الا وميل صوبه وعندما دعاه ذلك للاتفاق مع محمد عثمان ابراهيم فعل وصرح جهراً لامين بان كل البوست ماخلا المداخلة اياها باطل وكذلك لم تسلم دينا رغم انها من اميز الناس العندهم رؤية واضحة وموقف مبدئى تجاه كل القضايا التى تكتب حولها وعاطف عمر هذا الرصين الذى ماكتب فى بوست والا زانه بلطف جم وادب عالى ورأى مفيد ..
غايتو تويرت نفس المشرف براها بتثبت فداحة ما ارتكبه كمال وإن هدأ مؤخراً :) يا كمال ياخى كتار غيرك ماعجبم ماكتبو امين ولا البوست زاتو وفيهم اصحابو شديد (ياسر طيفور مثالاً) وحبيب نورة وقبلهم المشرف وقيقراوى واخرين ما نافقو امين ولا عملو ايو وهمات ولا اتهمو غيرم ممن وافق امين بالنفاق لكن بالطريقة العادية جدا جو كتبو كدا وقالو رايم بهداوة ووضوح وياريتك لو جيت انت كمان بى حنكك السنين وهداوة لا تنقصك وبدون الوصف المسئ (منافقين)
ياكمال ياخ انا قريت البوست دا كلو ومالقيت فيه ايو استهزاء للخواض سيب العجلة وهدى شوية فانت تملك ماتقارع به من غير ما جاء فى مداخلاتك السابقة
وبين دا كلو يظل الخواض شخص محترم ومؤدب واديب ومداخلاتو فى البوست المعنى بتأكد كدا وان كان لا يحتاج لشهادة منى او من غيرى
امين والله ماعارف اقوليك شنو ؟؟
** غايتو نتوقع بوست لماذا يعلف كمال على الزين الاستنارة
Post: #187 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-21-2012, 12:55 PM Parent: #185
سلامات يا حمور.. مداخلتك الأولى ما عندي كلام عليها .. بس استغربت لرأيك في المداخلة التانية..
Quote: لم يرضني البوست من امين في حق الخواض
لم يرضيك في نفسك ما عندي بيها شغله.. بس ( في حق الخواض ) دي ما نزلت لي.. لأنك قلتو (بروس) بدون أي سند يدعمه.. يعني تصرفت زيك وزي الناس الماعندهم في الثقافة الأدبية.. عمل أمين لا يتعدى كونه مقابلة ساخرة .. ما فيهو أي مخالفة أخلاقية أو قانونية تمس مشروعيتو.. كعمل يمس موضوع دون مساس بشخص الكاتب.. اللهم الا إذا كانوا الناس ما قادرين يفرزو بين النص وشخصية الكاتب.. حسب قراءتي .. اكرر.. الناس تعاملت مع العمل بمنطلقات مختلفة.. منها العاطفة الايديولوجية والسياسية.. ومنها العاطفة المستندة على قاعدة ( انصر أخاك).. ومنها الاعتمد على فرق المكانة الأدبية.. أستاذنا (المشاء) نفسه لو قرأ العمل.. لن يجيب عليه بأكثر من ابتسامة بدورها ساخرة .. خطورة رأي المعترضين على عمل أمين.. هي عفوية ازجاء اللوم أو استنكار العمل بلا سند.. مع إنو العمل لا ينقص من عطاء ومقام المشاء الأدبي مقدار نقير.. دفعي لمثل هذه الأراء المهتبلة بالمجان.. يعتمد أساسا على أن مثل هذه الاعتراضات.. تبدي عدم اعتراف بالاسلوب الساخر ضمن الوسائل المباحة في النقد وعرض الرأي .. وإن اعترفت بها.. فهي تجيزها لمن هو في مقام وتخصص الاديب.. أما الدهماء ( طبعا أمين معاهم).. فلهم القبول أو الرفض دون أن ينبثوا بكلمة.. وهذا هو عين الاستعلاء الذي دار حوله النقاش في هذا المنبر من قبل.. قراءة البعض للعمل باعتباره نشاط تخذيلي يمسط إبداع الأدباء.. قراءة فاسدة من وجهين.. الأول ـ فيه طعن يوحي بضعف ثقة الأديب في قوة ملكته الأدبية وجودة انتاجه.. بحيث يذري به وبنشاطه أي كلام لا يحتوى على الاعجاب والثناء.. الثاني ـ يوحي بتكميم الأفواه وحرمان عامة الناس من ممارسة حقهم في ابداء الرأي .. في حدود الحرية المسموح بها في إطار موضوع العمل.. فالنشاط الأدبي نشاط اجتماعي في المقام الأول.. ثم من بعد جرعة منعشة للنشاط العقلي وملكته في الخلق.. . . أي زول عنده سند يحرم أمين .. من حقه في ابداء رأيو باسلوب ساخر أو غير ساخر حول أي نص منشور .. فاليطالعني بسنده خلف هذا الكيبورد.
Post: #189 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-21-2012, 02:12 PM Parent: #187
وينك يا أمين .. يعني عايزنا نقول لكمال برافو خطتك كدا؟ أهو استلم البوست بعد قال ما جاي.. أنا شخصيا كقارئ لا اكترث بما يكتب خارج إطار الموضوع .. لإنو أحيانا زيما قلت ليك بكون الهدف مستتر.. شغلانه كدا بتذكر الواحد بجرس المدرسة.. وطلة الناظر من شباك مكتبو.. ينهر التلاميذ اللسه بتساككو ورا الفصول.. عشان يلحقوا يقيفوا انتباه في صف الطابور.. لكين بيني وبيك ود المشرف وقيقا ديل عجني ليهم.. ياخي كانوا قعدين ليك شوكة في زورك.. بس حكاية محمد عثمان الردفتها معاك دي ما وقعت لي.. يعني الراجل عشان ناضمك كم مرة .. خلاس اعتبرت الكتوف متلاحقة؟ اصحى يا بريش .. زي محمد عثمان دا ببلو بالارادب .. مش بالطاسة زي حالتك.. إنت ما سمعت حكاية العريبي .. جابو يحلف على مصحف خطي كبير خلاس؟ قال ليهم في ضمتكم دا حسع مصحف سخيل؟ بالو كان في مصحف الجيب.. يدقو ويمشي زي المافي حاجة.. بعد قايدنو للسجن.. العسكري قال ليهو مصحف الجيب ما برضوا كتاب الله؟ رد عليهو آآ زول ها إنت ماك خابرو دا ورق تُرك ساكت.. القصد مطبوع ( اعمل شنو مع ناس دينا ديل الا يشرحو ليهم النكتة) .. أها الفي مقام محمد عثمان دا ما عندنا ليهو غير المصحف الخطي.. يا خي سيبك من الحنفشة الخاشي فيها دي .. تعال واصل مغستنا .. . . بالملسا بالله اذا بتريد.
Post: #190 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-21-2012, 03:07 PM Parent: #189
دا ما عتود الدولة يا ملك
بجيك اسي ود البشرى ويمسخا عليك
--------
افشل رسك اسسمنت اشوفو العملو هنا لأمين دا وامين بحركتو دي عمل افشل مندجمينت للرسك
دا كلو لانو ماليهم في الفيزياء .. كان حافظين قوانين نيوتن كان عرفوا انو لكل فعل رد فعل مكافئ له في المقدار و مخالف له في الاتجاه دا بالنسبة لنيوتن بتاع التفاحة
لكن هنا في مطعم الباشا .. حيث لا تفاح نيوتن البوردابي عدلو لـ : رد فعل مضاعف له في المقدار! من الناحية دي بس ممكن كيس محمد عثمان يظبط مع الكيس اصطدي بتاعنا دا غير كدا انا بعتبرو تعريض بمحمد عثماننا ساي!
Post: #191 Title: Re: البْلَّالاَّت أو جَفوةُ الكِستْناء .... شعر حديس !! Author: حمور زيادة Date: 03-21-2012, 04:42 PM Parent: #190
تحياتي للجميع .. أولاً لابد ان اقدم شرحاً واعتذاراً لمسألة .. انا اعاني من مشكلة في الشبكة تجعل تصفح البورد عذاباً مقيماً .. وعشان افتح البوست ده اخدت لي ما يزيد عن النصف ساعة وحتى الان لم افلح في فتح الصفحة كاملة .. فلجأت لخاصية البحث لاستخراج المداخلات التي ورد فيها اسمي .. فان كان هناك مداخلة موجهة لي لم تظهر لأي سبب ( كأن يكون اسمي كتب فيها خطأ او تناول احد الزملاء كلامي دون كتابة اسمي ) فانا ارجو المعذرة لأني لم أرها وارجو ان لا يعتبر هذا تجاهلا .. كما ان ذات السبب يمنعني من كثرة المعاودة هنا. لذلك ساحاول الرد مرة واحدة على كمال وعاطف ومحمد علي الملك وطلحة. سابدأ بكمال لأنه السبب في قدومي.
يا كمال ..
Quote: حمور الجاي يدافع عن خالو :خالك استسهل وصفي بسوء الأدب فوصفته بسوء التربية فأولي بك نصحه بأن يعلم ان الاساءة المجانية بتجيب قلة القيمة ويتعلم ان للناس ألسن .
لو انك قريت كلامي ليك ما ممكن تقول كلامك ده .. فانا صراحة ما عارفك بترد على شنو. انا ما دخلت ادافع عن خالي بل قلتها ليك عديل امين قدامك رد عليو بما تشاء .. ما تشاء دي تشمل انك تشتمو وتضاربو زاتو لو حبيت .. لكن طلبت منك تختى تربيتو .. وقلت بالصريح اني جابني الاساءة للوالد محمد سليمان عليه رحمة الله .. يعني انا جايي ادافع عن محمد سليمان ما جايي ادافع عن امين ده.
Quote: يا كمال مالك ومال تربية الزول ؟ أمين ده قدامك رد عليو كما تشاء .. بس بالله اختا تربيتو دي ما ليك دخل بيها لو سمحت
Quote: والسبب ان البوست لفت نظري اليه برسالة في نص الليل ده احد الاقارب من السودان وهو مستاء من الاساءة للوالد محمد سليمان رحمه الله.
Quote: وما قاله كمال في حق تربية أمين هو اساءة لاسرة كاملة لا اعرف لماذا اقدم عليها كمال وانا في انتظار تراجعه عنها.
فبالله عليك يا كمال رد على الزول بالكلام القالو ما بكلام من عندك وافتراضات مش بس ما صاح لأ كمان تخالف الواضح المكتوب قدامك وقدام كل الناس. يا اخوي كلامك في حق تربية أمين ده اهانة واساءة لاسرته ووالده .. انت ما قلت ما مربى او قليل ادب ..انت قلت :
Quote: لمعركة يبدو أنك مستعد للمضي فيها بحكم تربيتك كما يبدو ولن تتورع عن الملاسنة والشتم
يعني ده زول أهلو ربوهو على المعارك والملاسنة والشتم. ودي اساءة مباشرة لأهلو الربوهو ديل يا كمال. فلتاني مرة بطلب منك يا كمال : أمين قدامك أهو قول ليو الانت عاوزو .. يدافع عن نفسه او ما يدافع ما خصاني بيو .. البورد ده ما فيو محاماة حقت أهولية. أمين يشيل شيلتو معاك كان انت ظالمو كان هو ظالمك .. ما غرضي .. لكن انك تتجاوز أمين للاساءة لاسرته وأهله الكلام ده ما فوقو سكات يا اخوي. دحين راجع كلامك تاني. واترك أهل أمين ما تركوك. وشوف بصارتك معاو.
ــــــــــــــــــ
اخونا عاطف و محمد الملك و طلحة .. ويمكن أمين زاتو لما يجي .. اعتراضي على البوست انا ذكرت بوضوح اني لا اعرف له سبباً .. لكنه حقا وصدقا لم يعجبني. و لو كنت مواصل في البورد وموجود ولم يدخل كمال بما دخل به كنت تجاوزت البوست وتركته عادي باعتباره بوست ما حبيتو وخلاص. لكن لما اضطريت للدخول لابداء رأي وجدت اني ملزم بشكل ما بان اقول رأي كامل. فقلت اني لم أرض عن البوست. وعقبت باني واثق اني قديما لم اكن ارفض كتابة كهذه ( بل ربما اكون فعلتها ) ######رت قائلا بايني كبرت او بقيت مثقف.
انا يا عاطف لا احب الشعر الحديث ولا افهمه. ولا ادافع عنه. وقديما في شأن قصيدة اخرى للخواض ( اظنها لسن هن للسرير وحده ) قال لي الاستاذ بشرى الفاضل اني محافظ اكثر مما يقتضيه عمري. فمن حيث الذائقة والموقف الادبي انا بعيد عن الشعر الحديث ولا افهمه. لكن لماذا لم يرضني البوست ؟ لو عرفت لقلت. ولما تركت رأيي بروساً يا ملك. لكنه فعلاً رأي لا يقوم على اسباب. لو سألني أمين قال لي الما رضاك في البوست شنو حاصن واحاول اجتهد في خلق اسباب قد تكون حقيقية وقد لا تكون. لكن المتأكد منو وحقيقي هو اني لما قريت البوست قلت في نفسي ليتك يا امين ما كتبته. قد أكون اخدت الموقف ده مجاملة للخواض زي ما قال طلحة .. او قد يكون الواحد كبر و عضمتو رقت .. او قد اكون بقت مسغف ومستتفه نقد العوام الزي أمين خالي ده ( ) كله وارد وغيره وارد. بقي ان اقول : انا لم اطلب يا عاطف مجاملة الخواض والصمت على عمل لا يعجب القارئ. بل انا اصلا لم اقرأ النص الذي بنى عليه أمين بوسته هذا. وربما ان قرأته لن يعجبني على حسب موقفي العام من الشعر الحديث.
Post: #192 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-21-2012, 04:51 PM Parent: #191
سلام يا حلوين ... و عذرا لعدم التداخل من أمبارح ... إتبليت في الشغل لحدي وقت متاخر من الليل و لسه مبلول ... الحاجة العجيبة كمية الايميلات و التلفونات بخصوص الموضوع ده ... يبدو إنو أنا ما كنت عارف قيمة رقبتي و مستو سخها تماما ... و أني - بحق - فارس هذا الزمان و سواي المسوخ أو كما قال أمل !! بجيكم لمن الرجل الأبيض يرخي شوية ...
Post: #193 Title: Re: البْلَّالاَّت أو جَفوةُ الكِستْناء .... شعر حديس !! Author: حمد عبد الغفار عمر Date: 03-21-2012, 05:30 PM Parent: #192
سلام يا بروف وكل المتداخلين
بس عايز أقول للناس العندهم مشكلة في التصفح لحدي اليوم الصباح كانت عندي نفس المشكلة في الصفحات ال فيها مداخلات كتيرة
وكنت قايل المسألة متعلقة بي انا بس لكن كلامهم خلاني أنشط وأشوف حل للمشكلة بالصدفة جاني زول " كرماخة كمبيوتر"
قال تنزل قوقل كروم وتفتح الموقع من صفحة قوقل كروم وظبطت معاي . ـــــــــــــ
بعدين لوا تسمحوا انت وكمال ياخي سيرتكم الاثنين في البورد يحفها حسن السيرة والسريرة
يا أخي ببساطة شديدة ينبغي أن تفهم كلامي كما هو، فأنا قرأت لأمين محمد سيمان أنه قال -بعضمة لسانو- أنه (إتشتم) من كمال علي الزين وأنه قد تم اتهامه بأنه أمنجي –وهو يشير إلىّ من طرف خفي أولاً ثم بعد ذلك صراحة عندما استفسر أحدُهم عن مصدر الاتهام. دع اتهامي جانباً فلم يحن زمان تفنيدهـ بعد. وركز على قوله –أمين محمد سليمان- أنه إتشتم من كمال علي الزين، فهذا عين ما أعنيه بلعب دور الضحية لتعمده تغييب ما تفضل به –أمين محنمد سليمان- من إساءة أسرية لكمال علي الزين حين رماه بسوء الأدب. وليسهل عليكـ ما أعني أضرب لك مثل الذي يأتي باقتباس (إنعل دين أي زول) دون الإشارة لمالك هذا الاقتباس في هذا الفضاء الملئ بالقراءة الإنتقائية والشللية والمسممة بعل أفراد جهاز الأمن، فذلك خبث أثقل وزناً من الإيحاء بأن ناقل الاقتباس عفيف اللسان وتعاف عيونه البريئة ألفاظ من شاكلة (إنعل دين اي زول) سيّما وأنه يستسهل شتم مخالفيه ويستحل الزراية بهم مثل زرايته بصديقي محمد سيد أحمد ووصفه له بأنه لم يقرأ له شيئاً مفيداً من قبل، تعالياً واستحقاراً.
كلامك الآخر حول أن الأمنجية وإفسادهم لهذا الفضاء هو مجرد (تجلي من تجليات فشل التفكير السياسي السوداني في الواقع وفي المنبر). أولاً يا سيدي أرجو مراعاة أنني أختلف معك، حيث أنني أرى أن التفكير السياسي السوداني ليس فاشلاً لا في الواقع ولا في المنبر. فالتفكير السياسي السوداني (وأظنك تعني ذلك الذي تحتكم عليه المعارضة سواءً في المنبر أو في الواقع) لا يقاس فشله أو نجاحه بالوصول إلى السلطة أو إزاحة المؤتمر الوطني عنها وإنما بمعايير أخرى رحبة وفسيحة أرى عدم ضرورة نقاشها هنا، وحسبك هنا أنني أختلف معك حولها، خاصة أن فرضية استهداف جهاز الأمن لهذا الفضاء وتسميمه له والتي بنيت عليها حكمك بتاع (تجلي من تجليات فشل التفكير السياسي السوداني في الواقع وفي المنبر) هذه فرضية ثابتة عندي ثبوتاً كاملاً، فإقرأ معي الآتي على سبيل المثال لا الحصر:
(1) كم مرة تمت قرصنة هذا الفضاء واخترقت قواعد بياناته وسرقت حسابات أعضائه؟ (2) كم مرة تم حجب هذا الموقع عن متصفحيه في السودان؟ (3) إبان الحملة الإنتخابية لإنتخابات جنوب كردفان المعادة إستولى أحدهم على حسابي وأنزل بوست باسمي أعترف فيه بصحة نتائج الانتخابات التي قضت بفوز المطلوب أحمد هارون وأنا لم أكتب في ذلك البوست حرفاً واحداً وعن طريق أحد معارفي في مدينة فينيكس بأريزونا تم ايصال المعلومة لأمين الموقع فحذف البوست وأبدلني مشكوراً كلمة مرور جديدة.
استهداف جهاز أمن المؤتمر الوطني لهذا الفضاء أمر مؤكد وليس وهماً وليس (تجلي من تجليات فشل التفكير السياسي السوداني في الواقع وفي المنبر) ومحاور هذا الهجوم هي كما أسلفت.
العزيز بن جعفر شكرا للرد المستفيض و يا قولك فعلا الحتة ما مناسبة لنقاش النقاط الاثرناها - و خاصة اي زول ممكن يشيل حتة معينة و يناقشها او يزيدها قدام يا عزيزي كلامي عن تجليات الفشل ما عندو علاقة نهائي بالكلام الاخير الانت جبتو عن الموقع !! ودا مستوي تاني تماما ومستدرك ! بل انا تفق فيهو معاك تماما و اصلا ناس الامن لو سمعوا انو في نفرين في نيكاراكوا عندهم موقع ضد النظام ح يجوا ناطين -خليك من موقع سودانيز كلامي كان عن المحاور الاربعة بتاعت الهجوم الانت ذكرتهم ! و لو كنت ذكرت المحور الاخير بتاعك دا اكيد كنت ح أمّن عليهو - اما عن فشل التفكير السياسي دا اكيد ممكن نختلف فيهو او نتفق - و نقطتي تحديدا كان عن اتهام اي زول مختلف سياسيا بخدمة خط النظام و الاتهام دا في تقديري - غالبا اما (استغلاق!) الفهم او الفشل في تحمل راي مخالف او مختلف و دي عندي ما محتاجة امثلة من الاحزاب في الواقع خليك من المنبر و كلامي عن سلوكنا الجماعي داخل المنبر هو السبب في فساد الفضاء و نحن المسؤلين منو - يعني حسع شوف الاخ كمال الزين جا و كفت دا و شلت دا ومارس العنترية علي اصولها و كيفما اتفق و في النهاية قال الحتة دي مليانة عنتريات و فات ! حسع السلوك دا علاقتو شنو بالامنجية ! دا سلوكنا نحن !
تحياتي
Post: #196 Title: Re: البْلَّالاَّت أو جَفوةُ الكِستْناء .... شعر حديس !! Author: عبدالوهاب علي الحاج Date: 03-21-2012, 07:12 PM Parent: #194
يا مشرف سلام ياخ اول حاجة خليني قبل ما ارد عليك .. أوجه ليك صوت لوم على اغراقك البوست بمداخلات غير مثمرة ولا طائل من ورائها خصوصا بتاعة البيجو والتستة الخ .. نحن بنعاني معاناة شديدة في تصفح اي بوست بعد مداخلاته تكتر .. وبقينا نقرأ بطريقة انتقائية جدا والاولوية للاسماء الكبيرة ثم الاصدقاء فالأمثل ... وبقينا نتحايل على البوستات مرات نخش ليها بشارع الغابة ومرات نتلب عديل بفوق الحيطة في ( سلوك أمني قويم)
Quote: انعل دين أي زول
هسي دا شنو دا عليك الله ؟ والداعي ليهو شنو ؟ ______________________________
Quote: وذلك قبل الإساءة البالغة التى وجهها لاخوات عصام ..
للاسف الموقع اصبح تصفحه بيعمل ارتكاريا عديل ما قدرت افتح البوست داك عشان اجيب ليك كوتات ... لكن ما مشكلة الكوت الفوق دا بشغلنا هههه شوف انت وصفتني بعدم الامانة ساي كدا لا ايدي لا كراعي وطوالي خشيت في الخطوة نمرة 2 محل ما محمد عثماننا غلط او اتخيل ليك انو غلط دون ذكر تحرشات واساءات عصام جبر الله لمحمد في ذات البوست واضف لذلك مداخلاتك انت ذاتك الاستفزازية والعدائية حسب ما اذكر (اكتب من الذاكرة والبوست استغلق علي) الزول دا انت وعصام استفزيتوهو وطلعتو من طورو لحدي ما قال كلامو داك (بالمناسبة محمد عثماننا عندو مداخلة في البوست دا وعندو تبرير وتفسير لكلامو لكلامو داك ...حاول ناقشو خليهو يوضح ليك اكتر يمكن ...) هسي عليك الله عدم الامانة القلتو دا الجدير بيهو انا ولا انت ؟ الرابط الجبتو انا فوق بخصوص عصام هل فتحتو ووجهت اي عتاب مجرد عتاب لعصام في اتهامو المجاني لزول بنعرفو حق المعرفة وعصام لا يعرف عنو الا شوية المداخلات البتونس بيها على صفحات المنبر دا مع اصحابو.. والله بالجد مسألة محزنة جدا تقدر تقول لي وين الناس الاصطفوا خلف عصام في البوست داك ليه ما جوا هنا ؟ وين عفراء سند ليه ما فتحت بوست وقالت انا اخت امين نوتة ؟ وبرضو أذكرك بباقي كلامي القلتو انتو ذاتكم في بعضكم عندكم (خيار وفقوس) يعني الاهانة البتتوجه لعصام جبرالله مهما كانت ما زي لما تتوجه لابوبكر صالح . المهم يا زول ردي دا لو اقنعك كان بها ولو ما اقنعك ...ما ظنيتني اقدر اخش البوست دا تاني .. ولا ح اقدر اقرا ردك لحدي ما اب صلعة يشوف حل لمنبرو دا .
Post: #197 Title: Re: البْلَّالاَّت أو جَفوةُ الكِستْناء .... شعر حديس !! Author: عاطف عمر Date: 03-21-2012, 07:21 PM Parent: #191
Quote: اخونا عاطف و محمد الملك و طلحة .. ويمكن أمين زاتو لما يجي .. اعتراضي على البوست انا ذكرت بوضوح اني لا اعرف له سبباً .. لكنه حقا وصدقا لم يعجبني. و لو كنت مواصل في البورد وموجود ولم يدخل كمال بما دخل به كنت تجاوزت البوست وتركته عادي باعتباره بوست ما حبيتو وخلاص. لكن لما اضطريت للدخول لابداء رأي وجدت اني ملزم بشكل ما بان اقول رأي كامل. فقلت اني لم أرض عن البوست. وعقبت باني واثق اني قديما لم اكن ارفض كتابة كهذه ( بل ربما اكون فعلتها ) ######رت قائلا بايني كبرت او بقيت مثقف.
انا يا عاطف لا احب الشعر الحديث ولا افهمه. ولا ادافع عنه. وقديما في شأن قصيدة اخرى للخواض ( اظنها لسن هن للسرير وحده ) قال لي الاستاذ بشرى الفاضل اني محافظ اكثر مما يقتضيه عمري. فمن حيث الذائقة والموقف الادبي انا بعيد عن الشعر الحديث ولا افهمه. لكن لماذا لم يرضني البوست ؟ لو عرفت لقلت. ولما تركت رأيي بروساً يا ملك. لكنه فعلاً رأي لا يقوم على اسباب. لو سألني أمين قال لي الما رضاك في البوست شنو حاصن واحاول اجتهد في خلق اسباب قد تكون حقيقية وقد لا تكون. لكن المتأكد منو وحقيقي هو اني لما قريت البوست قلت في نفسي ليتك يا امين ما كتبته. قد أكون اخدت الموقف ده مجاملة للخواض زي ما قال طلحة .. او قد يكون الواحد كبر و عضمتو رقت .. او قد اكون بقت مسغف ومستتفه نقد العوام الزي أمين خالي ده ( ) كله وارد وغيره وارد. بقي ان اقول : انا لم اطلب يا عاطف مجاملة الخواض والصمت على عمل لا يعجب القارئ. بل انا اصلا لم اقرأ النص الذي بنى عليه أمين بوسته هذا. وربما ان قرأته لن يعجبني على حسب موقفي العام من الشعر الحديث.
جزيل الشكر عزيزي حمور على حرصك على الرد رغم تعثر فتح الموقع عندك ثم تكرار الشكر للتفصيل الذي أكتفي به رغم أنه لم يشف لي كامل الغليل ( بالمناسبة يشفي الغليل يعني شنو ؟؟ ) أكتفي به لأنه زادني إستيقاناً بصواب رؤيتي لكامل البوست وبصحة ونصاع تداخلاتي ( أمارس هذه النرجسية بمزاج رايق حتى لا أترك الميدان لـ خالك يصول ويجول في سوحها - أى النرجسية - منتهزاً إنشغالنا بما فرض علينا من أم المهاترات )
الحبيب حمور تحياتي وتقديري . كونك ما حبيت البوست ساي كدا فدي حاجة تانية لكن حقيقة البوست قائم على فكرة النقد الساخر زيو وزي فن الكركاتير واحد . ويا عاطف عمر حقيقة إتا كفيت ووفيت في مداخلتك الفوق وتقريبا سبقتني في كلامك وعبرت عني تماما .
Post: #199 Title: Re: البْلَّالاَّت أو جَفوةُ الكِستْناء .... شعر حديس !! Author: محمد البشرى الخضر Date: 03-21-2012, 08:22 PM Parent: #198
يا قيقراوينا الله يسألني دا واحد من أجدع تلاتة اسسمنت اتعملن قبل كدا بس تقول شنو عاد الـ "ميردد هيرز نو سكريمر"
فاتني أن أشكرك على التصحيح الخاص باسمي المنبري. وبمناسبة ذكر اسمي المنبري دي عارف -وبفضل خبرة منبرية محدودة- كتابة الاسماء في الردود بطريقة الكوبي بيست -كتلك التي كتب بها (أمين محمد سليمان اسمي)- تعني عدم الرضا عن المخالف في أحسن الأحوال وقد تعني أيضاً الاستخفاف به في أشد حالات الاختلاف، وهكذا قس. ياخ عيب لي مرتضانا أو مورتا أو روحنا وحبنا وشمسنا وعثمانكم إلخ الإخوانيات. عموماً يا زول شوف الطيب مصطفى استقبل ونقل عبر مرحاضه الصحفي - صحافة الانحطاط- خبر رحيل حميد كيف !! تلك معركة يجب ألاّ تهدأ من المعارضين تجاه المؤتمر الوطني ومنسوبيه ومن يتزلفونهم، فقاتلوهم حيث ثقفتموهم فهم يخوضونها بلا هوادة ومعاعهم أنتينوف وشهاب كمان: أنظروا كيف تعاملت الإنتباهة سيئة الذكر مع خبر الحادث المؤلم .
Post: #201 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-21-2012, 11:03 PM Parent: #200
Quote: بجيك اسي ود البشرى ويمسخا عليك
أنا ذاتي قلت كدا من شفتو جاء داخل طابق سوطو ورا ضهرو واشتغل لينا مطوف .
Post: #202 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-22-2012, 01:40 AM Parent: #201
عبدالوهاب سلام ..
مداخلة البيجو ليست وحدها .. هناك مداخلة كانت يجب أن تسترعى الانتباه أكثر ..
Quote: الآن ..
مساحة بكرى البيضاء .. ماذا أكتب ؟!!
حسناً .. الكتابة فعل شديد السهولة .. لا يعوقنى الا الزمن .. وأعنى زمن الطباعة !!
قد أحذف بتاعت البيجو كى أساهم فى حل مشكلة التصفح .. وسأحذفها
المهم .. أنا مهتم جدا بهذا البوست .. وسآتيك بالاسباب تفصيلا فأمهلنى قليلا ريثما أعود ولكن وقبل ذلك .. مسألة الاشارة الى "وإنعل دين اى زول" وهى تكاد تكون مأخوذه بملقاط شديد الحساسية من مجموع مداخلاتى أعلاه .. لا تشبهك أبدا .. لست أنت من يقرأ مثل هذه القراءة المتواضعة .. والله ما فاضل ليك الا أن تحوقل !!
Post: #203 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-22-2012, 01:52 AM Parent: #202
تعرف يا وهبه .. وقبل غيابك الاخير الذى كان .. كنت قد كتبت لك رسالة شخصية لم أرسلها .. لا أذكر انى كتبت رسالة شخصية من قبل .. وأعنى الجواب الواحد ده .. المهم كتبت ليك جواب .. تصور !! أسهبت فيه طويلا عن إجمالى حركتك فى المنبر .. وكنت قد شارفت آنذاك أن تكون حركيا جدا .. ولم أرسله بداعى التريث قليلا وحتى نسيتها بغيابك وانقطاعك عن المنبر .. سأبحث عنها وعسي أن أجد تلك الرسالة .. عموما .. وبمناسبة "البلالات" وجفوة الكستناء .. سأباشر المسأله من جديد
Post: #204 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-22-2012, 01:57 AM Parent: #203
وليعلم الجمع أنى زول مرتب جدا .. فى اول البوست - أول حاجه - سألت سؤالا مهما جدا لامين .. وكان حول أسامة الخواض اذا ما إكتفى بانزال النص وذهب لحال سبيله .. فى تلك الحاله ؟!! هل كان أمين سيكتب هذا البوست ؟!
Post: #205 Title: Re: البْلَّالاَّت أو جَفوةُ الكِستْناء .... شعر حديس !! Author: الجيلى أحمد Date: 03-22-2012, 02:06 AM Parent: #204
أكيد لا يامحمد أمين حايقعد يزوزى بالنص دا ..لمن يلقى ليهو زول يناقشو معاهو .. وقطع شك فى نص المشوار دا أو فى بدايتو بيقع ليهو فى نفر نفرين عندهم فهم موضوعى للنص ويمكن هو ذاتو يغلبو ويمشى يوديهو لى المعاجم ويراجعو والمسألة تغلبو أكتر , ويراجع الشعر وكل الكتابات ..
انت يامحمد فهمت شنو من النص دا ؟
Post: #206 Title: Re: البْلَّالاَّت أو جَفوةُ الكِستْناء .... شعر حديس !! Author: الجيلى أحمد Date: 03-22-2012, 02:16 AM Parent: #205
قرايتك للنص تهمنى جدآ يامحمد ..
بماذا خرجت من النص؟
Post: #207 Title: Re: البْلَّالاَّت أو جَفوةُ الكِستْناء .... شعر حديس !! Author: هيثم طه Date: 03-22-2012, 04:07 AM Parent: #205
تعرف يا عزيزي مرتضي جعفر ( طبعا الاسم استنتاج من مداخلاتك ) ! اصلا وكت امين قنع من قصيدة الهنيهات و من خيرا و شرا فيها ممكن نواصل كلامنا عادي ! و اي اتنين بقوا متطرفين بالجنبة و بتموا في شكلاتم و ببصفوا في حساباتم - بخصوص خبرتك المنبرية عن الكوبي بيست للاسم بصراحة شايف اخير اسلوب ناس امين تحاشيا لاي حرج - و حسع مثلا لو كان رايي الاول كان موافق مع رأيك اشك انك كنت ح تدخلني في زرزرة و اعتذارات ! و مش كدة بس -عندي ظن اقرب لليقين انك كنت عارف انو انا لامن كتبت اسمك غلط ما كنت قاصد اي حاجة (والله اعلم ) ! و براك قلت (الاخوانيات ) و انا بصراحة شفت اسمك اول مرة لاسباب بتخصني - و بالجد الزول بجي في المنبر و كتير بكتب كلام طويل و ما عارف زاتو لو في زول عندو بال عشان يقراهو ! لكن ما قاعد اكون مركز و ما حصل لي لسع تدجين لاجواء المنبر وقاعد اقول كلامي غالبا بكل صراحة و بفوت ! اتخيل ! و حسع لو قلت ليك يا مرتضانا -اضمن كيف بالطريقة الشفتها دي انو مساحة العشم او الهفوة الانسانية ممكن تتقابل في الاجواء دي !!
تحياتي ليك و اما كلامك عن ناس مصطفي و جريدتو ياخي كتر خيرم زاتو انهم جابو الخبر من اساسو !! ----------- يا امين مواصلة لمشاركة فاتت : يا أمين بمناسبة الاساءات في المنبر -شخصيا بري لو في اتهام من الطبيعي اي زول يقيف و يدافع عن موقفو-لكن و الله الاساءات دي عندي ليها فكرة مختلفة !! يعني لو في واحد اساء لي وألا للاهل -اصلا ما بعتبرو اساءة لي -و اصلا ما بدي زول زاتو حق عشان يسئ للاهل ! و ما قصدي انو الناس ما تدافع عن حقها او لاهلها -لكن اثناء الدفاع حقو الزول -في نظري -ما يحس انو بدافع عن اهلو ولا يحس تجاهم باي ألم ! و انما فقط لردع المسئ بس ! و ما ادي زول زاتو يدخلني في المود الهو داير يدخلني فيهو وصدقني حتة المساككة و الاسلوب المنبري لانتزاع اعتذار منقوص شايفو حنك عاضي ساكت اذا اصلا اعتبرت الاساءة من الاول اساءة لي !! و في نظري مافي اساءة زاتها اصلا يقدر يمسحها الاعتذار البجي بعد المساككة بتاعتنا دي !! و الله الا نكون فاقدين حنان ساي !و بنغش في روحنا ساي !! او بنكون بنبحث لاكتمال صورتنا او ذواتنا عند المسئ نفسو ! الـ هو اصلا حقو يكون فقد الشرعية والاهلية لترميم ذواتنا ! و يقوم يعتذر بعد التعب من الجري و لمة الناس و نقول ليهو : (و الله ياها المحرية فيك و عارفنك زول ضكران و ما قاصد حاجة ) ! بالجد ما قادر افهم كيف واحد يجي يقول انتو منافقين اجتماعيا - تقوم الناس تزعل و تحس انها انجرحت ! و يقوم مثلا نفس الشخص يقول : لا و الله يا ناس انتو ما منافقين اجتماعيا ! يقوم الجرح يبري !! يعني كنت بقيت منافق بكلامو و طوالي بقيت ما منافق بنفس كلامو !! دي كيف دي !! الا يكون سحر عجيب بس ! طبعا ما قصدي انو الناس تكون ما مسامحة لكن كيف ادي الزول حق الاساءة و حق رد الاساءة ! ما واقعة لي بالجد و الله ! و يمكن بعد ما انضج اسفيريا الاستغلاق دا افهمو !! و بالتاكيد وابدا ما قصدي الانتقاص من الاعتذار كقيمة انسانية لكن طريقة التعامل او الفهم المنبري مع الموضوع دا شايف فيهو كمية من الاوهام !!
حسع واحد زي اخونا كمال يجي و ممكن يكون عادي داير من زول قروش و ما رجعها ليهو و قرر انو يبيّض بالناس ساي ! و يبرمج بيهم ! ليه اديهو الحق دا اصلا و كمان يلكشرنا عن خطتو و اهدافو و تكتيكاتو و نجاح خططو الجهنمية و المبررات الاخلاقية !! ياخي الحق دا و الامتيازات دي هو انتزعها بشفتنتو و مسكنتنا بس !! يا امين ياخي و الله شايف انو مافي زول عندو الحق انو يدخل التاني في الاجواء الهو دايرها ليهو - اكيد الواحد بتأثر بالاجواء الحوالينو لكن حقو تكون بدرجة معقولة !! حقو مافي زول يكون عندو الحق او القدرة عشان يحدد للاخر خياراتو او مزاجو في الكتابة
و حسع بعد فصاحتي دي و الله كمال الشفتو دا لو لمّ فيني متطرف في المنبر ح اعمل شنو ما عارف !! بس بجليهو عادي لاني ما بقدر عليهو بمسكنتي دي !
تحياتي و رد علي التلفونات ياخ !
Post: #208 Title: Re: البْلَّالاَّت أو جَفوةُ الكِستْناء .... شعر حديس !! Author: محمد البشرى الخضر Date: 03-22-2012, 05:42 AM Parent: #207
Quote: واشتغل لينا مطوف
ازيك يا مولانا ... اطنك تقصد مطوّع لأنو المطوّف ما بطبق سوط ورا ضهرو البطبق السوط و "يطوّف" آخرين في نفس الوقت داك الراعي اها انا راعي دا ما عندي معاها مشكلة - اشتغلها النبي عليه الصلاة و السلام لكن حاشاكم تكونوا "آخرين"
Post: #209 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-22-2012, 07:00 AM Parent: #208
الجيلى سلامات ..
أجزم أن تفاعل الخواض مع اساسي ووهبه, ومن ثم مشاركة طه جعفر فى النقاش الذى دار ولا يزال دائرا .. يمثلان السبب المباشر لكتابة هذا البوست .. ويجب أن يؤخذ ذلك المشهد كاملا حتى يمكننا الوصول للحظه الآنيه النحن فوقها دى .. يجب أخذ حتى الأجواء السائده بالمنبر فى الاعتبار .. أشكال الصراع اليوماتى .. المواضيع .. الاصطفاف .. الاجندات السياسيه .. العلاقات الاجتماعية ..
قد يجيء أمين وينفى ذلك .. كان يقول انه قرأ النص وفقط لا غير النص كان دافعه لكتابة هذا البوست ! وبالتأكيد سيكون صادقا لو قالها ولكن .. وستكون عندها قرائتى الخاصة بهذا البوست خاطئة ..
مررت أول ما التحقت بهذا المنبر بمحنة المبدعين وبيانهم ضد التهكير .. ووقفت ضد الروح النخبوية .. ولو تكرر ذلك سأقف ذات الموقف ..
كان المشهد آنذاك ينبيء بثورة منبرية ضد "الكهنوت" الثقافى السياسي ان جاز التعبير .. ضد أؤلئك أصحاب القداسة الثقافية والمقامات اللغوية الرفيعه .. ضد احتكارهم للكلمة وللموقف الوطنى الصحيح .. وذاك مشهد صحيح ومعافى ولكن صاحبته كثير من الآثار الجانبية ..
أخطرها على الاطلاق .. فتح الباب عريضا للتوسل بذات النهج من أجل الخرمجه المنبرية والانفلات من مسؤولية الكلمة الجادة والمسؤولة والتى تحمل دلالاتها بقوة .. فتح الباب عريضا أمام فقه "التريقه" و "التعريض" المجانى .. فتح الباب عريضا للطفابيع من كل صوب وحدب أن يمارسوا الطفبعه التى يجيدونها تماما ولا يجيدون سواها .. لينسحب وفى هدوء أصحاب السعادة المثقفون .. وكأنهم يأنفون مثل هذا الصراع .. هم يملكون أدواته ولكنهم يأنفونه جدا .. يرونه غير متكافيء !!!!!!!!!!
يعنى يا يحترمنا الناس ويتلقون منا المعرفه .. يا نمشى سودانفوال وغيرها نتلاقح ما بيننا معرفيا !!!!
التقول فيهم واحد قرأ قبول خاص !!!
Post: #210 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-22-2012, 07:10 AM Parent: #209
وكأنى اتلو عليكم يا قوم رسالتى الأخيرة .. " كدوس"
وهكذا إنصرفوا يا الجيلى .. شخصيا لم أكن ضدهم فى شيء .. كنت أراهم أكثر فائدة إن نزلوا بيننا على هذه الأرض .. وأن مكانهم الحقيقى ليس السماء ..
مات حميد فى الأول من أمس .. فبكاه أهل الأرض جميعا
Post: #212 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-22-2012, 07:22 AM Parent: #210
حقبة المناتلين ..
فى الوقت الذى كان ممكن جدا فيه أن تنتصر الاستنارة .. وذلك بخوضها معركة حقيقية ضد الظلاميين .. إنسحبت !!!
فى حقبة "المناتلين" .. والمناتلين تسمية جادت بها قريحة الطفابيع ال########ة وغيرهم من الكيزان أكرم الله السامعين .. فى تلك الحقبة السوداء للمنبر والتى نعيش الآن أحوالها العجيبة .. سادت تلك الثقافة الملعونة للكيزان .. ثقافة "الشفتنة" ..
والشفت زول قاعد ساي وماكل الجداده وخامى بيضها !!
يجيك مقلع بى فرمالة فرمالتين .. واحدة مناتل والتانيه إغتيال شخصية ..
آ زول الكلام ده كيف ؟! يقول ليك مناتل !!
يا زول مناتل شنو ؟! يقول ليك إغتيال شخصية !!!
Post: #213 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-22-2012, 07:26 AM Parent: #212
أعلاه سرد غير تفصيلى للأحوال السائدة .. نواصل لو ربنا هون ..
Post: #218 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-22-2012, 08:20 AM Parent: #208
أنا
Quote: مطوّع
يا ود البشرى .. مشتاقين ياخي .. انا عارف الحاجات دي مابتستغلق عليك .. هو أنا بعرف أكتر من الحكومة؟ الا الفيك اتعرفت. قلت لي راعي مابتاباها؟ أموت وأعرف المدكنو شنو لأمين ؟ تنبيه ، تحذير .. أنا راجي التنفيذ ياخي.
Post: #211 Title: Re: البْلَّالاَّت أو جَفوةُ الكِستْناء .... شعر حديس !! Author: عبدالعزيز حسين عبدالرحيم Date: 03-22-2012, 07:16 AM Parent: #207
بروفنا أمين تحياتي
يا بروف ياخ سمعنا قالوا عندك خاطر عند الريس بكري أبوبكر حفظه الله ورعاه عليك الله قول ليه ينقص عدد المداخلات في الصحفة يعني حكاية 120 دي كتيرة خالص وبتبقى تقيلة على الناس العندهم نت ضعيف وما بقدروا يشوفوا المداخلات الاخيرة وبتحرمنا من ناس زي حمور وعبدالوهاب خليهو يخليها 50 عشان كل الناس تتابع برضه نستغل السانحة ونقول ليك برضه بالخاطر كلم لي بكري يزيد لي عدد المداخلات بدل مداخلة واحدة في اليوم يخليهن لي 5 ان شاء الله عشان اقدر اجامل الناس هسع البموت ما قادر اعزي فيه والبلدوا ليه مولود والبعرس ما قادر اقول حاجة وبقيت متلوم مع الناس وقول ليهو عبدالعزيز ما بهبش ناسك تاني بي ضمانتك وأضمني وما بخذلك
كبيري الحبيب وهبة
عارف ياوهبه أنا حيدر المشرف دا بجر مداخلاته بالاسكرول داون طوالي وما قاعد اقراها ولا فاضي ليه لكن لمن أنت اتكلمت عنه فوق مشيت راجعت الحاصل شنو ؟ لقيته كاتب الكلام دا
Quote: اهو انا لو عندى عدو تاريخى .. ياهو عبدالعزيز ده !
يعلم الله الزول دا ما حصل أتداخلت معاه إلا مره واحده وصفت لي زول بالسمج اتلقفها هو ولبسها وضحت ليه عمل ليه حركات كدا أثبت لي أنو سمج وانها طاقية مقاسه تماما
شفت يا وهبه في التلفزيون مرات بعملوا لقاءات في الشارع مع الناس زي الشروق مرت من هنا شفت الناس البكونو ورى محمد موسى ويأشروا وينططوا ويعملوا حركات عشان يظهروا في التلفزيون بس ياهو دا المشرف دا وهسع نطيطه في البوست دا بس عشان شوفوني أنا فاهم انا بناقش أنا مثقف زي دخوله في البوست بتاع الخواض بتاع خزعبلات الهنيهات داك الوحيد المتداخل وعامل فيها الود فهم النص هو الخواض زاتو مافاهمو بس نظام شوفوني أنابفهم في الحاجه المابتفهموها
يتحذلق ويتقعر ويتقاطع ويقابض ويلبس أي طاقية بس عشان يظهر أنه مثقف وبفهم أي حاجه يهبش أي زول يسب الدين نظام الزميل كمال قليل أدب أنا زاتي بعرف قلة الأدب عشان يلفت الأنظار يحكي قصة البيجو ممكن يعمل ليك شاعر ينزل ليك خزعبلات هنا أو ممكن يظرط او يغني ممكن يعمل ليك فيها أي حاجةبس شوفوني وما تنسوني يهابش اي حاجه وعشان تتأكد كدي أسالوا شنو العلاقة التاريخية بيني وبينه عشان تكون عدواة أو محبه
وسلامي وتحياتي وأحترامي لكل اسرتك وكل عموم بحري
الحبيب طلحه
ليك التحية
Quote: ياخ والله أنا زعلان منك زعل السنين في زجك لسيرة (الملك) كمقارنة مع زولك دا ياخ وقسما عظما فرق السما من الواطة، عشان كدا يا حبيب حاول اتصرف أسحب الحتة الجبتا فيها سيرة (الملك) دي واللا أعمل أية حاجة ياخ .
كدي يا طلحه تعال نحسن الظن في طه جعفر دا نعتبره أبوالدقيق أحمق ساي ونتغاضى عن حماقته دي ونشوف بسوي شنو يمكن يا طلحة الزول دا بكتب حاجه سمحه بس العجاجة القايمه من فنجطتو دي والباف باف البرشوا ما مخلينا نشوف الحاجات دي غايتو انا مستعد اقرى فركة بنظرة مغايرة عن النظرة البشوف بيها طه دا وبوريك انا ماناقد ولا أديب زول ساي بقرى بهضم البعجني وبلفظ الما بعجبني أحتمال يكون طه جعفر زول لطيف وجميل بس لمن يخش النت بجيهو شيطان حا احسن الظن فيه وانصحه يغير تعاطيه مع الناس
بعدين عشان طه دا يعرف أنو الكتب موجودة والله العظيم دخلت الليله الصباح مكتبي لقيت كتاب مقطتفات من القائمة القصيرة 2012 للجائزة العالمية للرواية العربية والله هسع مرت تلاتة ساعات ماعارف الختاها لي في مكتب منو
حا اكون سعيد لو لقيت يوم أسم طه جعفر بين الأسماء ديل وأفتخر بيه
أتمني يوريني كيف أحصل على فركة وساسعى للحصول عليها وقراءتها
التعديل لتصغير الصور
Post: #214 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-22-2012, 07:50 AM Parent: #211
المحرك الاساسي لهذا المنبر هو السياسة والشأن الوطنى العام ؟! لا الكوره .. لا الونسه .. لا الأدب ..
كلها تدخل فى تفاصيل المكان ولكن بجانب الشأن الوطنى .. والا لكان هذا الموقع كغيره ..
بتناول الشأن العام فى السودان .. لا يمكن لانسان أن يخطيء أشكال الصراع الآن .. وبالتأكيد يجب أن يكون المنبر صدى حقيقيا لذلك .. ولكن .. الاصطفاف السياسي فى المنبر قاصر جدا عن التعبير الحقيقي عن الصراع السياسي ..
نأتى لمسألة مهمة جدا .. أن الصراع السياسي ليس صراعا فكريا .. أو هو وعلى الاقل تجاوز ذلك بكثير ..
ليس الصراع الآن صراع يسار ويمين ويمين وسط الخ .. الصراع الآن صراع يموت فيه الانسان ويحيى .. يموت فيه برصاصة .. دانة .. قصف جوى .. جوع .. مرض .. فقر وهكذا ..
الصراع الآن يحيا فيه بعض الناس رفاهية غير مسبوقة .. أموال طائلة .. أملاك مهولة .. حسابات بنكيه .. شركات .. فساد وهكذا
فى هذه التفاصيل .. لا أستوعب ابدا من يفنى عمرو الاسفيري فى تعقب أخطاء من يرفضون الموت !! لابد ان هناك خطأً ما !!
لاحظ عزيزي القاريء .. انى سلمت وتماما أنها أخطاء وحتى أعفى الناس من الجدال !!
Post: #215 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-22-2012, 08:00 AM Parent: #214
لذلك يا عبدالوهاب لا أفهم كيف يمكن لزول تجاوز كل هذا والتركيز فقط فى فلان وحركتو الاسفيرية .. وليس هذا وفقط ولكن .. ربط فلان ده تحديدا بتيار سياسي محدد ..
هناك مسألة غائبة يا عبدالوهاب !!!
Post: #216 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-22-2012, 08:15 AM Parent: #215
والآن يا وهبه .. أنت الى حد ما ملزم باثبات قيام من أشرت نحوهم بمحاولة اغتيال شخصية محمد عثمان !! من هم .. ولماذا .. وكيف ؟! كما أنت ملزم أن تقيم الحجة أن ما كتبه كمال على الزين يساوى مقدارا ما كتبه محمد عثمان !! ثم ومن بعد ذلك تربط ذلك باذدواجية أفعال اليسار ؟!! ولا عليك من بطء الانترنت .. أى مداخلة تريدها سأضعها نيابة عنك ؟؟!! والوالد والمربى الفاضل فى مقام والدى تماما .. تماما هذه مساحة ليست للمزايدات ..
Post: #217 Title: Re: البْلَّالاَّت أو جَفوةُ الكِستْناء .... شعر حديس !! Author: Hussein Mallasi Date: 03-22-2012, 08:17 AM Parent: #215
من الأكثر تسبيباً للملل و الضجر في هذا البوست: هيثم طه أم المشرف؟!!
_____ فاقا قيقراوي .. فتأمل!
Post: #219 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-22-2012, 08:42 AM Parent: #217
Quote: من الأكثر تسبيباً للملل و الضجر في هذا البوست: هيثم طه أم المشرف؟!!
_____ فاقا قيقراوي .. فتأمل!
تلاته في لقمة واحدة يا مفتري؟ خلاص بلالات أمين اتشحترن والبوست شرق ( اكسر الشين دي ).
Post: #222 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-22-2012, 12:38 PM Parent: #219
Quote: من الأكثر تسبيباً للملل و الضجر في هذا البوست: هيثم طه أم المشرف؟!!
_____ فاقا قيقراوي .. فتأمل!
الفي النص هو الاكثر املالاً
--------
اللعبة الحلوة بتعجب .. ولو البل في راسك شخصياً يظل ملاسي كاتبي المفضل لكل الارباع الجايية!
فاق ديجانقو ابو جوز همسلف يا ملك بالثلاثية دي
Post: #220 Title: Re: البْلَّالاَّت أو جَفوةُ الكِستْناء .... شعر حديس !! Author: هيثم طه Date: 03-22-2012, 09:38 AM Parent: #217
ملاسي يا حاقد !! امنع الفوضي و الشغب السطري نحن هنا بنتناقش قضايا بتهم الادب السوداني كافة واستغلاق قصائد النثر علي وجه الخصوص ! -يعني مستوي ممل وعالي عليك ! و بعدين محاولاتك المستميتة عشان تعمل فيها مثقف زينا وتعمل فيها داير تساهم هنا - دي لعبة مكشوفة و مرصودة !! و غير كدة خمسين مرة قلت ليك خلي التعريض و المطاعنات ! حسع قيقا ذنبو شنو !! يعني لازم تطاعن 3 عصافير بهنيهة سطر !! اخير ليك يا ملاسي -البوست دا مفخخ و فيهو مطاعنات تقيلة انت ما قدرها !! حاول طاعن ناس السيامان و الصحفيين المعاك و ما بقدرو يلاحقوك هنا - المستويات عالية و مستغلقة هنا !
يجازي محن سطورك ياخ !
ما اشوفك تاني ماري بجاي !! لانو بصراحة ما بقدر عليك و داير احافظ علي شوية فشفاش عندي !
Post: #221 Title: Re: البْلَّالاَّت أو جَفوةُ الكِستْناء .... شعر حديس !! Author: طلحة عبدالله Date: 03-22-2012, 09:53 AM Parent: #220
Quote: من الأكثر تسبيباً للملل و الضجر في هذا البوست: هيثم طه أم المشرف؟!! _____ فاقا قيقراوي .. فتأمل!
هيثم طه نقناق المشرف سارح قيقراوي متلقي حجج والله أعلم
الحاقد الاصغر طلحة و ليس الاخطبوط !! لا تظنن ان الحملة الشعواء و اغتيال الشخصية التي يقودها الطاعن في المرارة و في زملاء المهنة ملاسي يمكن ان تثنينا عن مهمتنا التنويرية لاعادة صياغة انسان هذا المنبر !! و اننا نعلن امام الملأ ان سفينة التثقيف سارت لا تبالي بالرياح الطعانة و اللعانة !! و ايضا باعتبار ان زعيمنا الاوحد و المبجل البروف و مع حال وصوله مع هذا البوست الي التقاعد الاسفيري نشكر له مسعاه في هذا المكان و لا ننسي ان نشكر و نشيد بادائه للرسالة خلال السنين الماضية علي اكمل وجه وفق الخطة التي رسمناها له في لوحنا المحفوظ ! و الي حين اعلانه مؤتمره الصحفي لافشاء اسرار الاستقالة نؤكد ان بعض الايدي المشاغبة التي حركتها نوازع الحسد علي نجومية البروف الاسفيرية كانت وراء هذا القرار المفاجيء للاوساط -و لا ننسي ان نؤكد عميق اسفنا لنجاح خطة المتآمرين و استجابته عن طيب خاطر لنوازع الاخرين !! و ايضا نؤكد انه ايضا ان من اهداف الاستقالة السامية هي محاولة البروف لافشاء ثقافة الاستقالة التي تندر في سوداننا الحبيب !
و نوعدك باننا سنحذو حذو البروف مع اجتناب بعض الكبائر التي ارتكبها البروف خلال مسيرته الاسفيرية الظافرة كالتجني علي القمم الابداعية في بلادنا الحبيبة و سنحاول ان نوسع مداركنا لما استغلق عليه من فهم في الادب ! و اعني تجنب كل الاسباب التي ادت الي التقاعد الاسفيري المبكر !!
و ان عدتم لن نعد ! لان مقامنا السامي لا يبيح لنا التواضع اكثر من هذا المقدار !
Post: #224 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-22-2012, 02:46 PM Parent: #223
والله يا هيثم استحقيت الكاس انت البرنجي
---------
في اللول كنت قايل سحس -كالعادة كعدو نجاح- بتبلى عليك ساي!
Post: #225 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-22-2012, 04:26 PM Parent: #224
التحيات الطيبات للمنافقين و المنافقات .. الأحياء منهم و الأموات ... التحيات الطيبات للما مربين .. و الما مربيات ... المجاملين و المجاملات ... التحيات الطيبات لاصحاب الغرض الجايين يتباكو .... للملمومين للونسة و العنترات الأسفيرية... و كل زول يشوف رقبتو في ياتو لستة التحيات الطيبات ل :
حبيبنا عمر مضوي دكتورنا العزيز أبو بكر شداد حبيبنا ود المدير المعلوف بامباز المعرفة محجوب بن علي الناقد الفني الأستاذ عبدالوهاب علي الحاج أبو أمين ... حبيبنا عاطف عمر مولانا محمد علي الملك ستهم دينا خالد الدكتور هيثم طه الأستاذ الأخطبوط طلحة عفراء بت خالة جمال حمور الوهم الدكتور محمد حيدر المشرف مورتا بالحليب الأستاذ طه جعفر النذير حجازي حبيبنا حلب لب لب حبيبنا عبدالعزيز حسين عبدالرحيم محمد عثماننا حبيبنا حاتم يوسف العبيد حبيبنا أحمد الأمين إدريس حمدنا الذي بالمملكة البشرى المحلل الأستراتيجي حبيبنا ملاسي حبيبنا فتح الرحمد قيقراوي ...
شايف البوست اتوسع و بقي فيهو تحليلات إستراتيجية و مناقشات بالجمبات بجاي و بجاي ... و ده كلو كويس و بصب في صالح الوطن المعطاء ...لكن الحقيقة إنو هذا البوست فتح للسخرية من قصيدة الهنيهات ... و حتي لا ننسي و ينسي عزيزكم القارئ ... دي قصيدة الهنيهات ... الهُنيْهاتُ أو خَفَرُ الأناناس شعر: أسامة الخوَّاض ********************************** الهنيهاتُ بنتُ الرذاذ\الغيوم "ألوت"*، قوافٍ من الشوكولاتا: الطريقِ الوحيد الأكيد الرشيد الحميد المجيد السعيد المريد المعيد المؤدِّي إلى كوّة الفَرْج الأبنوسيِّ، توقُ اللطافة للجاذبيةِ، صوتُ الموسيقى تهدهده حظوة الحقلِ، رغوةُ شمبانيا الانسكابِ، حظوظُ المؤوِّلِ في ساعة الكشفِ، راموزُ فاكهةٍ بسطتْ فوحها للأيائلِ، لؤلؤةٌ نمْنمتْ خفر الأناناس على وجهِ فاتنةٍ إستوائيةٍ، لثغةٌ عُجِنتْ من طحين اعتراف النبيذ لقسِّ الكرومِ، منمنمةٌ نُحِتتْ من ثلاث هنيهاتْ هنيهة أن تتدوزن من سمر الكتْب في حبْوها المتصاهل منسربا في رفيف المكان، هنيهةَ بوح الشقيقةِ \طلْق الصديقةِ في "الفيسبوك" ، هنيهةُ تعميدنا في غدير الأنوثةْ
بالنسبة لكمال الزين و الكلام الكتيييييير البجي كل شوية يكبو و كل دقيقة يقول ما جاي تاني و يجي بعد دقيقة... الموضوع ده بقي ما عندو علاقه بهنا و حلو ما هنا.... فارجو من الجميع إنو القصة دي تتنسي و نواصل في نقد الهنيهات و النقاش حولها ...
Post: #226 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-22-2012, 05:13 PM Parent: #225
حمد لله على السلامة.. التابلت بتاعك الرميتو ذاتو نسيناهو.. تعال اجدعو بى جاي.
Post: #227 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-22-2012, 05:33 PM Parent: #225
مشيت أجيب كوت المشرف التحت ده ...لقيت إنو في مداخلات بتاعت الجيلي ما شفتها ... فيا الجيلي ياخي العتب علي العمر ... التحيات الطيبات ليك و لملكة هولندا المبجلة الخالة بياتركس ... ------------ و قبل ما نخت كوت المشرف ... والله يا محمد حيدر ياخي أنا زعلان منك حد الزعل العديل ... ياخي نعدك من خيار الناس في هذا المكان ... شنو ياخي البخليك تكتب الكلام الكوتو وهبه و محمد عثمان ده ؟! فياخي عليك الله أمسحو و يا وهبه و يا محمد عثمان بالله امسحو الكوت ده من مداخلاتكم ...
Quote: وليعلم الجمع أنى زول مرتب جدا .. فى اول البوست - أول حاجه - سألت سؤالا مهما جدا لامين .. وكان حول أسامة الخواض اذا ما إكتفى بانزال النص وذهب لحال سبيله .. فى تلك الحاله ؟!! هل كان أمين سيكتب هذا البوست ؟!
افتكرت نفسي رديت عليك و مشيت أجيب ليك الكوت و لقيت نفسي رديت لكن ما بصورة مباشرة علي سؤالك ده .. الأجابة نعم يا المشرف و الدليل البوست ده كلو ... أنا سخرت من قصيدة الخواض و ما سخرت من كلامو إلا في حتة استغلاق النص و اللي هي من صميم النص ...لانو من مداعي السخرية من النص خلوه من الكلام المفهوم - علي الأقل بالنسبة لي. ياخي رغم خلافي التام مع الناس البفتكرو إنو هنا في سخرية من الخواض لكن I can see where they're coming from ... لانو الأمور كلها عندنا شخصية ... نقد قصيدة الخواض و السخرية منها يعني عند معظم الناس نقد الخواض و السخرية منو و هو غير صحيح خاصة اني في أكتر من مكان بينت إنو أنا بحترم الخواض في عضمو و لو كنت داير أسخر منو في نفسو ... ما في شئ بيمنع في البورد ده ... لكن دي ما القضية : القضية إنو الخواض كتب قصيدة و نشرها في البورد ده ... من حقنا كقراء و مشتركين في البورد إنو نسخر منها لانها - في رايي - فعلا مدعاة للسخرية ... ------------ يا وهبه و عبدالعزيز ... بعيدا عن مناكفاتكم و كركباتكم مع طه جعفر ... الزول ده كتاب عدييل و عندو خيال و أسلوب أروع من رائع في الكتابة .... ------------ مهدي مرة أخري لمولانا الملك : ده نصي الباذخ (البْلَّالاَّت أو جَفوةُ الكِستْناء) علة يحي موات الشعر الحديس
البْلَّالاَّت أو جَفوةُ الكِستْناء شعر الدكتور أمين محمد سليمان أمير أمراء الشعر الحديس بالمنبر و المنابر المجاورة ..
*************************
البْلَّالاَّت - بنات الخطيئة - عاودوني من جديد (اقطبوط )* شهقة من الدم و لحسة من نبيذ الشجر .. قطيع من الشياة يبحر في دمي : الطريق الوحيد الأكيد للبل الرشيد الحميد المجيد السعيد المريد المعيد هو الموت منسربا علي قارعة الطريق ... قصائد من أرخبيل الخمور العتيقة تعبق في المكان ... صوت الموسيقي متجذرا.... و الخيل تحسر رمل القوافي منكسرة ... مدونة تشكلت من فحيح الثعابين و زمجرت فيها حشائش السافنا العابثة... قطة تفتحت - كوردة - في شارع المك نمر ! بلة تحفها ثلاث بلات من الاتجهات الأربعة ... تسربت في مسامي مثل حبو العاشقين .. بلة تدوزنت و تكوزنت في جسور الشمس و فاصلة المغيب ... بلة ترتاح في شفق البحيرات مثل أنثي عصفورية ذات صدر بهيج ... بلة تغض مضاجع النجوم الساهرة و تعض شفاة السعادة العابرة... هنيهة... و الشجر يرقص عاريا بلا جذوع ... أو جذور .... أو لحاء ... هنيهة... و الخمر يكتب اعترفات الخطايا بالدماء ... هنيهة... والبل يرزخ تحت نيران الشعر الحديس ... قنبلة يضج بها المكان ...
Post: #229 Title: Re: البْلَّالاَّت أو جَفوةُ الكِستْناء .... شعر حديس !! Author: عبدالوهاب علي الحاج Date: 03-22-2012, 06:51 PM Parent: #227
سُحبت المداخلة احتراما لروح القائد الفقيد محمد ابراهيم نقد اللهم ارحمه رحمة واسعة واسكنه فسيح جناتك وانزله منزلة الصديقين والشهدا ولا حول ولا قوة الا بالله العلي العظيم
______ قد اعود لكتابة المداخلة المسحوبة وقد لا اعود وحسبي الله ونعم الوكيل
Post: #228 Title: Re: البْلَّالاَّت أو جَفوةُ الكِستْناء .... شعر حديس !! Author: حاتم محمد حاج المهدي Date: 03-22-2012, 06:02 PM Parent: #225
Quote: الهُنيْهاتُ أو خَفَرُ الأناناس شعر: أسامة الخوَّاض ********************************** الهنيهاتُ بنتُ الرذاذ\الغيوم "ألوت"*، قوافٍ من الشوكولاتا: الطريقِ الوحيد الأكيد الرشيد الحميد المجيد السعيد المريد المعيد المؤدِّي إلى كوّة الفَرْج الأبنوسيِّ، توقُ اللطافة للجاذبيةِ، صوتُ الموسيقى تهدهده حظوة الحقلِ، رغوةُ شمبانيا الانسكابِ، حظوظُ المؤوِّلِ في ساعة الكشفِ، راموزُ فاكهةٍ بسطتْ فوحها للأيائلِ، لؤلؤةٌ نمْنمتْ خفر الأناناس على وجهِ فاتنةٍ إستوائيةٍ، لثغةٌ عُجِنتْ من طحين اعتراف النبيذ لقسِّ الكرومِ، منمنمةٌ نُحِتتْ من ثلاث هنيهاتْ هنيهة أن تتدوزن من سمر الكتْب في حبْوها المتصاهل منسربا في رفيف المكان، هنيهةَ بوح الشقيقةِ \طلْق الصديقةِ في "الفيسبوك" ، هنيهةُ تعميدنا في غدير الأنوثةْ
بس (بكسر الباء) زي ما بيقول قيقراوي!
بالله دي قصيدة الهُنيْهاتُ أو خَفَرُ الأناناس مثار الجدل..
يعلم الله فهمت بعضاً مماكتب في (البْلَّالاَّت أو جَفوةُ الكِستْناء) ولكن لم أفقه شيئاً من (الهُنيْهاتُ أو خَفَرُ الأناناس)!!
أقول قولي هذا وأنا أحد العوام وماكنت لأكتب في هذا البوست الذي يعج بالمثقفين لولا أن دهشتي فاقت مقدرتي على الإكتفاء بالفرجة..
وبما أنني قد تبللت فسأعوم وأعلن إعجابي وتأييدي للنقد الساخر الذي يمارسه البروف أمين هنا طالما ظل مركزاً على العمل وليس على صاحبه..
Post: #230 Title: Re: البْلَّالاَّت أو جَفوةُ الكِستْناء .... شعر حديس !! Author: معاوية المدير Date: 03-23-2012, 01:34 AM Parent: #228
إسترآحة كِستنائية قصير قبل الرجوع لصلب الموضوع.
الشرح: فاصل ونواصل...
Post: #231 Title: Re: البْلَّالاَّت أو جَفوةُ الكِستْناء .... شعر حديس !! Author: عاطف عمر Date: 03-23-2012, 12:46 PM Parent: #230
ويظل حسين ملاسي ( أبا ذر ) غفاري هذا المنبر يقرأ وحده .. يحلل وحده.. ويشووووت وحده ويظل أيضاً ( حارقاً ) موجعاً في لسعاته.. يذكرنا بـ الأستاذ محمد توفيق و ( جمراته ) الحارقة
_______________________
أقول قولي هذا وصدري مفتوح لسهم من سهامه فهو - أيضاً - لا أمان له
Post: #232 Title: Re: البْلَّالاَّت أو جَفوةُ الكِستْناء .... شعر حديس !! Author: عاطف عمر Date: 03-23-2012, 08:36 PM Parent: #231
بروف أمين يا حبنا
إستغلالاً للفرصة الممنوحة لي فقد قمت بطلب أن ينقل هذا البوست للربع القادم
مزاااااااااااااج كدا
شنو ليك ؟؟؟
Post: #233 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-23-2012, 10:09 PM Parent: #232
رحم الله نقد و تقبله في خيار من عنده ... العزاء للاخوان طه جعفر و محمد المشرف و الجيلي أحمد في هذا البوست ... العزاء لكل أعضاء الحزب الشيوعي و جموع الشعب السوداني ... ------------- شكرا يا أبو أمين علي نقل البوست للربع الجديد ... و ملاسي ده قول ليه بل قيقا و المشرف زي ما داير ... دكتور هيثم ده أبعد منو بالله !!
Post: #234 Title: Re: البْلَّالاَّت أو جَفوةُ الكِستْناء .... شعر حديس !! Author: محمد البشرى الخضر Date: 03-23-2012, 10:09 PM Parent: #232
Quote: شنو ليك ؟؟؟
لكأني بالبروف يرد قائلا : بالغت لكن
Post: #235 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-23-2012, 10:23 PM Parent: #234
شفت الله غالب كيف يا البشرى ... رسلنا ردودنا في نفس اللحظة ... و عشان قراياتك الغلط و بلك المستتر ده .. بعدين يسمك ولا تعريفة ... أمشي إشتكيني ... إحتمال أجيكم ناطي قريب إن شاء الله ...
Post: #236 Title: Re: البْلَّالاَّت أو جَفوةُ الكِستْناء .... شعر حديس !! Author: محمد البشرى الخضر Date: 03-23-2012, 10:42 PM Parent: #235
ههههههههه مرحب بيك يا بروف والله وبنتفاهم في باقي المسائل لما نلاقيك إن شا ء الله
Post: #237 Title: Re: البْلَّالاَّت أو جَفوةُ الكِستْناء .... شعر حديس !! Author: MAHJOOP ALI Date: 03-23-2012, 10:51 PM Parent: #235
Quote: يذكرنا بـ الأستاذ محمد توفيق و ( جمراته ) الحارقة
عاطف عمر بالغة فوكا يااخي محمد توفيق عديل كده ... يااخي داك كانت جمراته تحرق الواطيئها والمتفرج !!! وزولك دا جمراته الورقية والاسفيرية قطاع خاص جدا جدا . اسحب كلامك ... قبل ما ارشك بقصيدة كستنائية ... وكان ما مصدقني اسأل البروف امين
Post: #238 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-24-2012, 09:17 AM Parent: #237
بعد السلام ..
بالجد حزين على نقد.. صدقاً كنت من المعجبين به على الرغم من أنني لم أكن من رفاقة.. وهو في خاطري رجل عالج العمل السياسي باخلاق الزهاد وحكمة الحكماء.. تزوج القضية .. حبس نفسه ممانعا وممتنعاً عن هجرها.. واصطبر .. برغم عروض الغنج السياسي الذي ابدته له الشموليات الدميمة.. عزائي لرفاقه في البوست وخارجه وعموم السودانيين.. رحمه الله..
Post: #239 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-24-2012, 09:39 AM Parent: #238
Quote: يذكرنا بـ الأستاذ محمد توفيق و ( جمراته ) الحارقة
والله يا محجوب علي سبقتني بتعليقك اعلاه في مطعم الباشا دا كلو مجاني .. البل مجاني والالقاب سااااي
هبة من لا يملك لمن لا يستحق!!
-------
الوحيد البركز على الناس لا القضايا هو حسين ملاسي لكنه سحس .. ولا عجب!
ممكن تورينا يا عاطف افاد البوست دا بي شنو بسطرو الممل عن الملل دا؟ مكرور وممل حد الاملال ذاتو!! هو الملل دا غيروهو ول شنو!؟
ومنو هو القال ليو انو بكري بجيبنا من وين عشان نرفه عنو؟
للمرة الاخيرة يا سحس
اذا لم تكن تقرا الا ما يعجبك .. فتأكد انك لن تتعلم ابداً بس (بكسر البا)
Post: #240 Title: Re: البْلَّالاَّت أو جَفوةُ الكِستْناء .... شعر حديس !! Author: طلحة عبدالله Date: 03-24-2012, 09:51 AM Parent: #239
هيثم طه يا حبيب نقناق دي ما حاجة بتزعل ياخ ع الأقل أحسن من متلقي الحجج والسرحان ثم ياخ الذنب ذنب الحكيم ملاسي وليس ذنب من يرددون هذه الحكم بكسر الحاء
Post: #241 Title: Re: البْلَّالاَّت أو جَفوةُ الكِستْناء .... شعر حديس !! Author: عاطف عمر Date: 03-24-2012, 09:57 AM Parent: #237
Quote: عاطف عمر بالغة فوكا يااخي محمد توفيق عديل كده ... يااخي داك كانت جمراته تحرق الواطيئها والمتفرج !!! وزولك دا جمراته الورقية والاسفيرية قطاع خاص جدا جدا . اسحب كلامك ... قبل ما ارشك بقصيدة كستنائية ... وكان ما مصدقني اسأل البروف امين
الإرهاب لن يثنينا
______________
تحياتي وسلامات محجوب
Post: #242 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-24-2012, 06:57 PM Parent: #241
حينما يخرج النص للعلن ... يصبح من حق الجميع التعليق عليه مدحا أو ذما ... إحتفاء به أو سخرية منه... و قد يمتد ذلك ليشمل كاتب النص نفسه و هو الشئ الذي لم يحدث في هذا البوست ... الما عايز زول يسخر من قصيدتو ... ما يكتب زي ( الهُنيْهاتُ أو خَفَرُ الأناناس) دي ... أو يكتبها و ما ينشرها عشان الناس ما تعلق عليها ... حق التعليق و النقد و إبداء الراي في القصائد و الأعمال الأدبية حق مقدس زيو و زي حق الناس في كتابة القصائد و الأعمال الأدبية نفسها ... الخواض و غيرو من حقهم يكتبو الدايرنو و أمين و غيرو من حقهم ينتقدو و يسخرو من كتابتو بدون مساس أي طرف بالطرف التاني في عضمو ... ---------------
Quote: البعمل فيو امين ما نقد .. دا رأيّ من يقول بشرعية محاكمة النص اخلاقياً و دينياً لا علاقة له بالنقد الادبي من قريب او بعيد
استخدام كل الطاقة دي للهدم ما نقد ممكن بمجهود اقل -وطاقة سلبية اقل- توصل وجهة نظرك (النص ما عجبني) المافي شنو!؟
غايتو يا قيقا لمن تلخبت الحاجات مع بعض القصة بتبقي منقه ... ياخي الهنيهات دي فهمت منها حاجة أنا عشان أنقدها دينيا ولا أخلاقيا ... ما ممكن تحشر لي كلام بهناك و تختو بجاي عشان نطلع في الحلة الجديدة ... ياخي واحدة من مشاكلي الأساسية في الموضوع ده إنو أنا ما فهمت نص الخواض ده بتكلم في شنو ذاتو ... يعني يمين بالله ما عارفو نص عاطفي ... وطني ... جنسو شنو و بتكلم عن شنو ... ما عارف ... يبقي كلام (محاكمة النص اخلاقياً و دينياً ) ده ما عندو علاقة بنقدي و سخريتي من قصيدة الخواض و الكلام ده جاء في سياق مختلف و أنا وضحتو مرة تانية... بعدين ياخي منو القال ليك أنا استعملت طاقة كبيرة و للهدم كمان ؟!!! و بالتاكيد ما عندي مانع يا قيقا إنك تسمي نقدي/سخريتي من نص الخواض طاقة للهدم ... لكن أنا ما شايفو كده .. ببساطة شديدة جدا .. أنا شايفو إنتقاد و سخرية لنص يسخر من نفسو قبل أن يسخر منه أحد !! ---------------
Quote: يخامرني شك كثيف في أن أمين استعاد هذه القصة لإستنهاض مجموعة المتزاحمين إياها لتقوم بنفس الدور ضد الأخ كمال وفي كل مرة كان يوجه فيها إدانته لكمال كان يعيد إدانتي أنا كطعم مجرب للإستقطاب.
يا محمد عثمان ياخي حاشا أن تكون طعما للإستقطاب من جهتي ... لك العتبي إن فهمتها علي هذا النحو و لاني ما عايز أفتح الموضوع ده تاني هنا ما حا أخش في تفاصيلو ... زعلك كلو بالله أمسحو لوهبه في صلعتو ... --------------
Quote: أي زول عنده سند يحرم أمين .. من حقه في ابداء رأيو باسلوب ساخر أو غير ساخر حول أي نص منشور .. فاليطالعني بسنده خلف هذا الكيبورد.
والله يا مولانا هرمنا و نحن بنقول للناس الكلام ده ... الله يديك العافية ياخي !!
Quote: يعني الراجل عشان ناضمك كم مرة .. خلاس اعتبرت الكتوف متلاحقة؟ اصحى يا بريش .. زي محمد عثمان دا ببلو بالارادب .. مش بالطاسة زي حالتك..
يا زول محمد عثمان أنا ببلو بالاردب و بالطاسة و بكل ما تيسر و ما عندنا ليهو معايير ذاتو .... الرجل من خواص الخواص إن اتفقنا أو اختلفنا ! -------------
Quote: انا لم اطلب يا عاطف مجاملة الخواض والصمت على عمل لا يعجب القارئ. بل انا اصلا لم اقرأ النص الذي بنى عليه أمين بوسته هذا.
يا حمور ... ما عندي ليك كلام غير نص الأخطبوط طلحة .. بالله أقراهو تاني و كان استغلق عليك اضرب لي تلفون :
Quote: الحبيب حمور تحياتي وتقديري . كونك ما حبيت البوست ساي كدا فدي حاجة تانية لكن حقيقة البوست قائم على فكرة النقد الساخر زيو وزي فن الكركاتير واحد .
-------------
Quote: انت يامحمد فهمت شنو من النص دا ؟
لفائدة الجميع يا محمد حيدر .. عليك الله جاوب لينا سؤال الأمير الجيلي نجل الخالة بياتركس ده بالله ... -------------
Quote: أقول قولي هذا وأنا أحد العوام وماكنت لأكتب في هذا البوست الذي يعج بالمثقفين لولا أن دهشتي فاقت مقدرتي على الإكتفاء بالفرجة
تعرف يا حاتم البوست ده غيري أنا و الناس المتفقين معاي .. زول مثقف مافي !! ------------
Quote: إسترآحة كِستنائية قصير قبل الرجوع لصلب الموضوع.
الاستراحة عندك يا ود المدير ... ضحكت لمن خجلت من روحي ... الشباب ديل جاهزين لقرض الشعر الحديس و نجره علي الهواء مباشرة ..
Post: #243 Title: Re: البْلَّالاَّت أو جَفوةُ الكِستْناء .... شعر حديس !! Author: ABUHUSSEIN Date: 03-24-2012, 07:19 PM Parent: #242
غايتو يا شيخي أمين البعرفو أنا إنك حا تنضرب بي سبب هشام آدم كتير
كتيرين لابدين ليك في الَضُلُمة
و شكلهم كدا كان ما مشيت على الضُلُمة بكسرو الفانوس علشان تضلم و إكسروك إنت بعد داك
Post: #244 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-24-2012, 07:40 PM Parent: #243
Quote: كتيرين لابدين ليك في الَضُلُمة
و شكلهم كدا كان ما مشيت على الضُلُمة بكسرو الفانوس علشان تضلم و إكسروك إنت بعد داك
يا عادل ... من يري بنور الله لا يحتاج فانوس !!
Post: #245 Title: Re: البْلَّالاَّت أو جَفوةُ الكِستْناء .... شعر حديس !! Author: عبدالوهاب علي الحاج Date: 03-24-2012, 08:03 PM Parent: #242
أمين الضــلالي
Quote: يا وهبه و عبدالعزيز ... بعيدا عن مناكفاتكم و كركباتكم مع طه جعفر ... الزول ده كتاب عدييل و عندو خيال و أسلوب أروع من رائع في الكتابة ....
هههههه هو انت الما "كتّاب عديييل" عندك منو ؟ رأيك في الكُتّاب والكتابة أنا بعرفو من يوم كنا قاعدين سوا في بيتكم في ابوروف وقلت لي بالحرف الواحد " إنت كتّاب يا وهبة وعميق وإنت عامل زي الجوهرة الخاتنّها في شنو كدا ما عارف " طبعا بتكون متذكر انا رديت ليك بشنو ؟ هههههه .. الموقف معاهو موقف تاني يُسأل عنه الزميل هيثم طه فطوالي قمت وصلت لنتيجة، إنو رأيك يا أمين في الكُتّاب والكتابة عموما محتاج لإعادة نظر منك ... هسي شوف الكارثة الكان ممكن تحل بهذا العالم لو أنا صدقتك واتجهت للكتابة.
شوف يا معلم أي حاجة ممكن نمشيها ليك لكن زي كلامك عن (طه ضبان) الفوق دا ما حبابو ولا بعدّيهو ليك ساي كدا ... بالله عليك كيف تسمح لنفسك إنك تقيف ضد مشروع عظيم، زي مشروعي الإنساني دا [مشروع إعادة طه ضبان لخانة القراء] ، معقول تسفّه مشروع زي دا وتحط من قدره وتصفه "بالمناكفات والكركبات" مش غلط منك ؟ إنت ما قادر تعرف ولا أظنك عاوز تعرف أنا بسوي في شنو ؟ أنا يا أمين (بحاحي) في الزول الاسمو طه ضبان دا خوفاً على الأجيال القادمة جيل شموسة بِتّي ويُسر بتّك وتوتة بت ود البشرى واللمين ود كيكي، عشان ينعموا بعالم خالي من الركاكة، ونحاول نوفر ليهم - بقدر ما نستطيع - جو نضيف، ليس كما عشنا نحن– أنت و أنا ومن هم في جيلنا – الشقاء الأعظم مع أشعار محمد علي أبو قطاطي وأبو قرون عبدالله أبوقرون ومختار دفع الله وحسن الزبير بتاع أغنية "ما بنختلف " ..الشعراء الذكرتهم ديل (مشيها شعراء دي) لو لقوا واحد زيي زمان وقف ليهم كان شافوا ليهم شغلة تانية، ولسلِمَتْ "خارطة العشق" في السودان من التشوهات والتشققات التي لحقت بها من جراء تغوّلهم . الليلة لو جيت قلت كلامك الفوق دا في تاج السر الملك اقول ليك: آمين . أو محسن خالد أحيي وأضرب تعظيم أو حبيبنا عماد عبدالله اقول ليك أخ كريم وابن أخ كريم لكن تقول لي طه ضبان أقول ليك Stop ... وشهادة زي شهادتك دي يا أمين قد تحشرك حشراً في زمرة الناس "الما ناقشين" وقيل يوم القيامة تُبعث أعرج عديل .. طه بتاع الساعة كم ؟ ياخ الزول دا عندو بوست في الربع دا اسمو ( الراجل العِبْرَة !) عليك الله كان ما قريتو عشان تشوف الخيال والابداع هههههه، ياخ إنت بتتكلم كيف ؟ ردوده على الفاضلتين ثروت همت ونجاة محمد علي هنـــا ... وردوده على دوما ونجاة محمود في مكتبته هنا وأيييك ما عارف ذاتي اقول ليك شنو واخلي شنو ؟ ياخ دا مرة كتب لصديقنا وليد الشفت، الشافتو عيونك اللي ح ياكلهم الدود ديل قال ليهو "أمشي يا تربية النسوان" .. والله صحي!! وكان ما مصدق راجع مكتبته هنا، عليك الله هل حصل في حياتك شفت إنسان بحتقر المرأة ويحط من قدرها بالطريقة دي؟ ياخ طه دا مفروض يمشي يتعالج من النرجسية المسيطرة عليهو دي ، وبالمناسبة نرجسيته يمكن لمسها باليد .. خليهو اليبقى بني آدم في الاول والكتابة ملحوقة . أنا كان ممكن أتفق معاك في كلامك دا بشرط واحد، لو كانت الظروف خدمتو واتولد في الفترة بين 1919 – 1935 زمن كانت الانتلجنسيا في السودان متمثلة بشكل حصري في "الفكي" ومن ثم انتقلت الى مثقفي ام درمان وظهر في تلك الآونة ناس ابوقبورة وابودليبة وتورالجر والفاتح رزق الله (عشمانة) والزوحي وود نفاش ، الذين صادفوا بعض القبول والنجاح آنذاك.. أها زولك دا لو ظهر في الفترة ديك كان ممكن يختار بين انو يبقى فكي او بتاع "مللوجات" (المقصود "منلوجات" قبل ان تلحن بها ألسنة العوام ) . كدي تابع بوستاتو هنا بتلقاهو هو الكاتب وبرضو هو المتداخل الوحيد .. ومرات تهف ليو يقوم يحرف البوست عن مسارو براهو ..مالك مش على كيفو؟ . وعشان ما تقول الزول دا بتبلى عليو ساي كدا أنظر البوست على هذا الرابط الرسول (ص) أخذ أفضل ما في شريعة شعبه! فماذا انتم فاعلون؟ طه دا يا أمين نوتة - من نكد الدنيا عليه - هو الوحيد الإتفق عليهو الديمقراطيين والكيزان والضبان بأنو كيسو فاضي ... أمثال طه دا ربنا خلقهم خصيصاً ليفسدوا علينا عالمنا هذا؛ تماماً مثل الذباب . قال طه كتاب قال هههههههههه إوعا كدا لاخنفك _________ وختاماً أرجو منك شاكراً يا أمين أن تحذف كلامك الخاص بتحقير مشروعي ووصفه بالمناكفات والكركبات .. ولي عودة ببعض الأمثلة من كتابات المذكور
أيوة يا بروف كلام وهبة الفوق دا ما تديهو الواطة عارفك ومتأكد منك ح تقول بينك وبين نفسك أنو وهبة دا قال الكلام دا لأنو عندو مشكلة شخشية مع الزول الإسمو طه جعفر دا .. أيوة أنا ذاتي بقول كدا وغيري كتير ممكن يقولوا كدا لكن الحقيقة والتى لا يمكن حجبها أو الإلتفاف حولها مهما كان حجم التعاطف مع زولك الزعمت أنو كتاب دا هي أنو كلام وهبةالفوق دا صاح متين في المية .. بالضبط زولك دا زي ما قال وهبة فوق . وللحق يا بروف الزول دا ما قريت ليهو حاجة هنا إلا ولقيتو يشتم في دا ويسب في داك ويسخر من دي ويفتري على غيرها وفي أحسن الأحوال يتكلم عن نفسو بافراط ممل جدا . يا بروف إصرارك على أنو زولك دا أديب خصم عليك وعلى نباهتك وحصافتك لأنو الأدب هو فن التعامل مع الآخر وليس مجرد إنتقاء كليمات من كتاب البلاغة للمرحلة الثانوية . الأدب أبعد من زولك دا بفراسخ يا بروف فبالله عليك ما تجبرنا نغير رأينا فيك .
Quote: محمد علي أبو قطاطي وأبو قرون عبدالله أبوقرون ومختار دفع الله وحسن الزبير بتاع أغنية "ما بنختلف " ..الشعراء الذكرتهم ديل (مشيها شعراء دي) لو لقوا واحد زيي زمان وقف ليهم كان شافوا ليهم شغلة تانية، ولسلِمَتْ "خارطة العشق" في السودان من التشوهات والتشققات التي لحقت بها من جراء تغوّلهم .
Post: #248 Title: Re: البْلَّالاَّت أو جَفوةُ الكِستْناء .... شعر حديس !! Author: دينا خالد Date: 03-24-2012, 09:07 PM Parent: #247
Quote: يعني يمين بالله ما عارفو نص عاطفي ... وطني ... جنسو شنو و بتكلم عن شنو ... ما عارف ...
ما تكتر الكلام الحالة دى اسمها استغلق عليك النص !! قول استغلق على وخلاص .. ما تتجرس !
ــــــــــــــ الطريفى زول النصيحة دا ما ترمى كلامه الواطه لكن لو متذكر انا قلتوا ليك قبله صاح ؟ خلى ابو قطاطى فى حالو بالله ...
Post: #249 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-24-2012, 09:43 PM Parent: #248
وهبه و طلحة .. سلام يا رفاق ... يا اخوانا عشان كلامكم ده أنا قلت بعيد عن كركباتكم مع طه ... فلنفترض إنو طه جعفر رجل سئ ... و هو إفتراض لمصلحة توضيح وجهة نظري فقط ... ما علاقة ذلك بانتاجه الأدبي ؟ يجب الا نشخصن الأمور في تقيمنا للاعمال الأدبية و ده جزء كبير من الكلام البنحاول نقولو هنا ... إنو فرق بين نقد الكاتب و نقد نصوصه الأدبية ... و أنا حقيقة ما متابع لاصل مشكلتكم مع طه لكني علي يقين إنو المشكلة ما في إنتاج طه الأدبي ... أنا قريت بعض أعمال طه الأدبيه و عجبتني جدا ... و طلبت منو يرسل لي نصو الفائز بجائزة الطيب صالح (فركة) و الرجل أرسلو مشكورا ... كنت مسافر بعدها بكم يوم .. طبعت الرواية و قريتها في الطيارة و استمتعت بها أيما إستمتاع ... و لنفترض إنو طه جعفر جاء و شتمني بسبب أو بدونو و بقت بينا مشاكل وصل حدها السماء ... لن ينفي هذا عندي إنو الزول ده كاتب مجيد و مبدع ... إذا انتو قريتو بعض كتابات طه الأدبية و ما عجبتكم مافي مشكلة ... ذائقة الناس الأدبية تختلف ... لكن ما ممكن ننفي عن طه جودة أعمالو الأدبية لانكم مختلفين معاهو في أشياء أخرى ... ------------
Quote: قول استغلق على وخلاص .. ما تتجرس
والله يا ستهم قلت ... لكن الجرسة حاصلة ... أكضب ؟!
Quote: يجب الا نشخصن الأمور في تقيمنا للاعمال الأدبية و ده جزء كبير من الكلام البنحاول نقولو هنا ... إنو فرق بين نقد الكاتب و نقد نصوصه الأدبية ..
دي النجيّضة زااااااتا. والله صحي.
وكمان بعض النصوص تستدعي السُخرية من القارئ. يعني هسّع زي النص بتاع بروف أمين دا لو ما كتب عليهو إنو شِعِر، أنا كنت أقول أدغاس أقلآم سااااكت، وعلي اليمين يا بروف أنا لو جبتَ خُنفسانة طمستها في محبرة وفكيتا فوق ورقة بيضاء ناصعة البياض لكتبت ما يسهل فهمه عليّ، لكن الخرابيت بتاعتك دي عآضة ومصدية كمان. بس دا ما بيمنع إنو عندك إنتاج في السِلِك. والله صحي...
أبت نفسي إلا أن أجاري البروف في عصمايته، فإلي مجاهل نصي العميق.
هنايات بنات الجبنة الهجير (الجِبسِي) شوارد من حلآوة لكوّم: الزُقاق الغرافات العراضات الملآحات الشرقرقات الهبابات القلآيات القدايات الغاشي إلي الأرزاق القروش... تسبيح السخانة للضُل الحبيان نبيح الجراقيس الكدايس عُضام الدلآقين البواقي، عقاب السجاير. رغوة صابون فنيك الأرنب مكشوحة الجني يوحي للشيخ. لبان الرخاء حلآوة مولد، شختك بختك. ريحة جبنة عاكلة في الجو بقايا ودِع ومنضوم خرز في عنق طفل الجيران، خفر السواحل. لَجَنَة لُخّت بدقيق فيتريتة منخفجة جُلِطت بثلآث هِنايات: هِناية بت عم عبود الترزي تِتتلبد تحت الحِيط مثل الثعبان. هِناية بت الجيران، خفيفة في الميزان سليطة اللسان. هناية بِتتتتتتتتتتتتتت اللزيّنة طمست في التُرعة.
كُتبت في زمن المِحن. ود المدير من دهاليز جوف بحر الظُلُمات.
تنبيه: بالله لو النص دا عضّ معاكم، عليكم بهذا البرودكت، فهو شديّد و لضيّض. والله صحي.
Post: #252 Title: Re: البْلَّالاَّت أو جَفوةُ الكِستْناء .... شعر حديس !! Author: إدريس محمد إبراهيم Date: 03-25-2012, 08:47 AM Parent: #251
بروف أمين وكافة الأخوة المتداخلين ...
لكم خالص التحايا وبالغ الإعزاز والود والتجلة ....
في البداية عايز أقول ليك يا بروف أنا قرأت نص الخواض ولم أفهم منه ولا كلمة .. فتركته وشأنه ....
نجي لي نصك الفوق ده .. صحيح يمكن تكون قاصد بيه النقد الساخر .. ولكن بحق ومن غير أي مجاملة يا أمين وأشهد الله على ذلك أستوقفتني كثيراً هذه الجزئية من النص :
Quote: هنيهة... و الشجر يرقص عاريا بلا جذوع ... أو جذور .... أو لحاء ... هنيهة... و الخمر يكتب اعترفات الخطايا بالدماء ...
قصدت أم لم تقصد يأ يها البروف فهذا شعر وشعر جميل أعجبني بحق وودت أن أؤكد أعجابي بهذه الجزئية من النص مشيراً لما بها من وزن وموسيقى وجزالة واضحة للعيان ....
* خارج النص : تحية محبة وشوق خاص للأخ / وهبه ... ووينك يا حبيب ....
ولكم جميعاً خالص حبي وتقديري ""
Post: #253 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-25-2012, 09:25 AM Parent: #251
Quote: غايتو يا قيقا لمن تلخبت الحاجات مع بعض القصة بتبقي منقه ... ياخي الهنيهات دي فهمت منها حاجة أنا عشان أنقدها دينيا ولا أخلاقيا ... ما ممكن تحشر لي كلام بهناك و تختو بجاي عشان نطلع في الحلة الجديدة ... ياخي واحدة من مشاكلي الأساسية في الموضوع ده إنو أنا ما فهمت نص الخواض ده بتكلم في شنو ذاتو ... يعني يمين بالله ما عارفو نص عاطفي ... وطني ... جنسو شنو و بتكلم عن شنو ... ما عارف ... يبقي كلام (محاكمة النص اخلاقياً و دينياً ) ده ما عندو علاقة بنقدي و سخريتي من قصيدة الخواض و الكلام ده جاء في سياق مختلف و أنا وضحتو مرة تانية... بعدين ياخي منو القال ليك أنا استعملت طاقة كبيرة و للهدم كمان ؟!!! و بالتاكيد ما عندي مانع يا قيقا إنك تسمي نقدي/سخريتي من نص الخواض طاقة للهدم ... لكن أنا ما شايفو كده .. ببساطة شديدة جدا .. أنا شايفو إنتقاد و سخرية لنص يسخر من نفسو قبل أن يسخر منه أحد !!
عليكم الله شوفوا جنس المحن دي!؟ يا زول انا بحكام فيك انت دا في عضمك ما تلزمني بخستكاتك هنا بس!!
هو النقد دا برا عدة قالوا ليك!؟
---------
بالجد اترك ما يريبك ويستغلق عليك الى ما لا يريبك و يربك صلعتك المستغلقة على كمية دوغمائيات دي!
بجيك افكفك ليك ما استغلق عليك بعد رفع العزاء
Post: #254 Title: Re: البْلَّالاَّت أو جَفوةُ الكِستْناء .... شعر حديس !! Author: طلحة عبدالله Date: 03-25-2012, 11:54 AM Parent: #253
يابروف الله يرضي عليك ياخ ما تكابر ساي بالله
Post: #255 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-25-2012, 06:53 PM Parent: #254
Quote: وعلي اليمين يا بروف أنا لو جبتَ خُنفسانة طمستها في محبرة وفكيتا فوق ورقة بيضاء ناصعة البياض لكتبت ما يسهل فهمه عليّ، لكن الخرابيت بتاعتك دي عآضة ومصدية كمان.
طيب ده ما التعريف بتاع استغلاق النص ذاتو !!! زي ما دينا قالت لي : قول نصي استغلق عليك و بطل جرسة ... بعدين يا ود المدير قصيدتك دي دايره ليها سبعة اندروس من الزماااان داك عشان تتهضم ... فعلا طالعة (من دهاليز جوف بحر الظُلُمات ) !! ------------- إدريس يا حبيبنا ...
Quote: قصدت أم لم تقصد يأ يها البروف فهذا شعر وشعر جميل أعجبني بحق وودت أن أؤكد أعجابي بهذه الجزئية من النص مشيراً لما بها من وزن وموسيقى وجزالة واضحة للعيان ....
ياخي ربنا يجبر بخاطرك ... لكن أنا زول مخي صغير ... كان كتبتو لي كلام زي ده كل يوم حا اكتب ليكم قصيدة حديسة و تاني المنبر ده ما بشيل ذاتو ... عموما عندي نص جديد شغال فيهو من امبارح بعد ما شفت نص ود المدير الحديس ده ... أحتمال كبير جدا نصي الجديد ده يغير خارطة الشعر الحديس في الوطن العربي ... -------------
Quote: بالجد اترك ما يريبك ويستغلق عليك الى ما لا يريبك و يربك صلعتك المستغلقة على كمية دوغمائيات دي!
بجيك افكفك ليك ما استغلق عليك بعد رفع العزاء
أحسن الله عزاءكم يا فتح الرحمن ياخي .. و رحم الله نقد .. ياخي عليك الله ما تفكفك أي حاجة ... تعال لي و بالراحة كده وريني إنت معترض بالظبط علي شنو في البوست ده ... يعني يا قيقا دايرك تديني اعتراضك علي البوست في شكل نقط و كلام محدد عشان أفهمو و أرد عليه ... ------------- طلحة يا حبيبنا
Quote: يابروف الله يرضي عليك ياخ ما تكابر ساي بالله
مافي مكابرة يا طلحة .. في إختلاف في وجهات النظر و كل زول فينا مقتنع بصحة رايو !
Post: #256 Title: Re: البْلَّالاَّت أو جَفوةُ الكِستْناء .... شعر حديس !! Author: عبدالوهاب علي الحاج Date: 03-25-2012, 08:35 PM Parent: #255
سلام يا أمين
Quote: لكن ما ممكن ننفي عن طه جودة أعمالو الأدبية لانكم مختلفين معاهو في أشياء أخرى ...
الأشياء الأخرى دي شنو ؟ إنت قايل بيناتنا طين ؟ نحن مختلفين معاهو في الكتابة دي ذااااتا ....الزول دا أنا ما لاقيتو ولا بعرفو ولا أرغب؛ وتقريبا أنا في مداخلتي السابقة وضّحت الغرض وكتبت :
Quote: إنت ما قادر تعرف ولا أظنك عاوز تعرف أنا بسوي في شنو ؟ أنا يا أمين (بحاحي) في الزول الاسمو طه ضبان دا خوفاً على الأجيال القادمة جيل شموسة بِتّي ويُسر بتّك وتوتة بت ود البشرى واللمين ود كيكي، عشان ينعموا بعالم خالي من الركاكة، ونحاول نوفر ليهم - بقدر ما نستطيع - جو نضيف، ليس كما عشنا نحن– أنت و أنا ومن هم في جيلنا – الشقاء الأعظم مع أشعار محمد علي أبو قطاطي وأبو قرون عبدالله أبوقرون ومختار دفع الله وحسن الزبير بتاع أغنية "ما بنختلف " ..الشعراء الذكرتهم ديل (مشيها شعراء دي) لو لقوا واحد زيي زمان وقف ليهم كان شافوا ليهم شغلة تانية، ولسلِمَتْ "خارطة العشق" في السودان من التشوهات والتشققات التي لحقت بها من جراء تغوّلهم .
افتكر كلامي واضح والغرض بتاعي برضو واضح بشكل كافي ومشروع ، ولا كيف؟
Quote: يجب الا نشخصن الأمور في تقيمنا للاعمال الأدبية و ده جزء كبير من الكلام البنحاول نقولو هنا
وين الشخصنة في كلامي هنا ؟ انا جيت قلت رأي في كتابة كاتب (مشيها كاتب دي) وجبت ليك (روابط) لكتابات كاتبها بيدو ما جبت ليك بناطلينو ولا رفعت ليك صورو ولا قلت ليك الزول دا شين ،عشان تقول لي شخصنة . شوف يا امين الأدب دا "حالة وجودية متكاملة" زي ما قال شيخنا "حسن موسى" ... يعني ما ممكن تجي تكتب لي كتابات ضد العنصرية وانت في نفس الوقت عندك بوست بتمارس فيهو الاستعلاء العرقي على احد كتاب المنبر ... وما ممكن تكتب لي عن المرأة وانت في الواقع بتضطهد المرأة (لجنسها) زي ما عمل مع نساء كتار وكلو موثق هنا وفي منابر أخرى .. أنا اخترت ليك روابط بعناية شديدة لكن ما اظنك فتحتها ولا قريتها ولو فتحتها ما اظنك تجي تقول زي كلامك دا . دي مش برضو كتابة ولا حاجة تانية ؟ زول ممكن يسخر من إنسان عشان وشو شين ...يا امين هل زول بالصفات دي هل ممكن ينتج أبداع ؟
Quote: و طلبت منو يرسل لي نصو الفائز بجائزة الطيب صالح (فركة) و الرجل أرسلو مشكورا ... كنت مسافر بعدها بكم يوم .. طبعت الرواية و قريتها في الطيارة و استمتعت بها أيما إستمتاع
ههههههههه استمتعت بشنو بالضبط كدا ؟ والله لوراجعت نفسك تلقاك استمتعت بالرحلة أو الكرسي كان مريح او او الخ يا امين الزول دا في بوستيك دا قال الرواية بتاعتو دي كاتبا عشان الناس بعد (خمسين سنة) لو حبوا يقروا كتابات عن الرق في السودان بلا بلا بلا ؛ يرجعوا ليها .... أها شفت يا نوتة الورطة الدخلت نفسك فيها ؟ انت يا معلم بتستمتع ساي كدا ولا شنو ؟ الزول دا قال ليك بعد 50 سنة... تقوم انت تستمتع بيها استمتاع فوري .. قبل ما تخمِّر ذاتو هههه ؟ وأنا ذاتي ما قادر أفهم شنو قصة الزول يكتب هسي وداير الناس تفهما بعد خمسين سنة دي رواية ولا ويسكي ؟ يعني يااللخو عامل فيها ابن عربي مثلا ؟ عليك الله شوف الورطة الدخل فيها المحترم الرفاعي حجر في الرابط بتاع (الراجل العبرة) الجبتو ليك فوق ... ياخ الرفاعي سقط سقوط مدوي ولولا طه ضبان دا ما كان ورط نفسو ورطة زي دي ... المهم يا امين انا كتبت ليك عشان تبعد عن الزول دا بقدر ما تستطيع ودا من واقع الصداقة والخوة البيناتنا .. وانا العلي قدر قدرتي سويتو معاك وفي النهاية أنا ما وصي عليك والخيار لك ..ولكن تذكر المثل البقول ليك (البباري الجداد بيودي الكوشة) .. لو لقيت لي فضوة تانية حأجيب ليك بعض المقتبسات وما يخالفها من كتابتو هنا .. عشان تشوف كم التناقضات وتشوف الخيال والابداع دا كيف؟ __________________ حبينا طلوح أشكرك على القراءة الرشيدة __________________ حبيبنا إدريس محمد إبراهيم وعليكم السلام والشوق أطنان _________________ ملاسي انت غاطس وين ؟ قبل ايام اتصلت بيك كم مرة تلفونك مقفول ومشكور على الـــ Like
Post: #257 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-26-2012, 09:00 AM Parent: #256
احسن الله عزاء الجميع يا بروف
اما بعد
Quote: يعني يا قيقا دايرك تديني اعتراضك علي البوست في شكل نقط و كلام محدد عشان أفهمو و أرد عليه
يا اخوانا الزول لسة ما فاهم .. حافظ ساااي! ياعمك انا ما اتيت لحوار هنا .. انما جئت ناقداً
يا امين لكل مجال، تقاليد النقد دا ما هبتلي ساااي ياخي، وكلل من هب ودب جايي غازي عودو! العملتو هنا ليس نقد، ولا يمت للنقد
لو عاوز حاجة ترد عليها رد على الاسئلة الجاية دي:
- ما مدى تبحرك في اللغة، و معرفتك بالعروض و بحور الشعر؟ - ممكن تدلل على ذائقتك الشعرية، واحساسك بالموسيقي الداخلية .. مطلوب نموذج؟ - معرفتك بمدارس النقد؟
في تقديري انت مجرد متلقي عاااادي .. ما عجبك الشعر ما تعمل لينا فوقا اتنين بي قرش وتفتح ليك بوست (للنقد) الساي .. كدا بتنتقل الى متلقي حجج بس (بكسر البا، او كما قال طلحة)
------
ح ارجع ليك بنصين .. عاوز اشوف قرايتك النقدية ليها.. احدهما للخواض نفسه (كدي نشوف مشروعية القراءة ام اخلاق ودين دي ديتا كم) والتاني للقدال (مسدار ابو السرة لليانكي) هل تقدر تزعم انك (فاهم) فيو حاجة!؟ هل استغلاقو وصعوبة لغتو وفكرتو قللت من جماله؟
Post: #258 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-26-2012, 03:10 PM Parent: #257
وهبط بالقمردين ...
Quote: الأشياء الأخرى دي شنو ؟ إنت قايل بيناتنا طين ؟ نحن مختلفين معاهو في الكتابة دي ذااااتا .
الأشياء الأخرى دي كمية الكركبة الحاصلة البسببها بقي في شتائم متبادلة ... خلافكم ده ما في إنو روايات طه جديرة بالقراءة و فيها إنتاج أدبي عالي أم لا ... و ده الأنا قصدتو بانكم ما مختلفين معاهو في الكتابة ...
Quote: زول ممكن يسخر من إنسان عشان وشو شين ...يا امين هل زول بالصفات دي هل ممكن ينتج أبداع ؟
أيوه نعم يا وهبه ممكن ... الكتابة الابداعية ما عندها علاقة بسلوك الزول و الكلام ده هنا كلام عام ... خيال الكاتب ما عندو علاقة بعنصريتو و جزالة أسلوبو ما عندها علاقة بانو sexual predator مثلا ... دي حاجات شخصية لا تمت لانتاجه الأبداعي بصلة ... و الكلام ده مافي مجال الأدب بس ... في الكورة و الغناء و كل المجالات البتخلي الناس تطلع علي الإنتاج الابداعي لشخص ما ... النقطة الأساسية يا وهبة اني أنا اطلعت علي كتابات أدبيه لطه جعفر و عجبتني جدا ...رائي في كتاباتو دي ما حا يتغيير ما لم أطلع علي كتابات أدبية أخرى ضعيفة تمحي رصيده العالي من الكتابة الأدبية عندي ... ----------- قيقا البلال .. سلام يا صاحب
Quote: يا امين لكل مجال، تقاليد النقد دا ما هبتلي ساااي ياخي، وكلل من هب ودب جايي غازي عودو! العملتو هنا ليس نقد، ولا يمت للنقد
لو عاوز حاجة ترد عليها رد على الاسئلة الجاية دي:
- ما مدى تبحرك في اللغة، و معرفتك بالعروض و بحور الشعر؟ - ممكن تدلل على ذائقتك الشعرية، واحساسك بالموسيقي الداخلية .. مطلوب نموذج؟ - معرفتك بمدارس النقد؟
يا قيقا ياخي أنا كلامي ده ما كتبتو في ورقة و رسلتو لمجلة (آفاق) ولا (قضايا فكرية ) ولا القسم الأدبي لهيئة الأذاعة البريطانية عشان يكون فيهو النقد بالتقاليد و الأدوات الأنته بتتكلم عنها دي ... ما ادعيت عكس كده أبدا ... بالعكس وضحت تماما اني ما زول متخصص في الشعر و الأدب العربي و انما اكتب كقارئي استهدفو الخواض لمن نشر نصو في نفس المنتدي البكتب فيهو ... لمن أقول كلمة نقد ... ما مقصود بيها المعني العلمي بدليل إنو أنا ما جبت كلام علمي و أقريت من الأول باني بكتب كقارئ عادي ما متخصص ... أسئلتك دي كانت بتكون منطقية لو أنا ادعيت غير كده ...
Quote: في تقديري انت مجرد متلقي عاااادي .. ما عجبك الشعر ما تعمل لينا فوقا اتنين بي قرش وتفتح ليك بوست (للنقد) الساي .. كدا بتنتقل الى متلقي حجج بس (بكسر البا، او كما قال طلحة)
و القال إنو أنا غير (مجرد متلقي عاااادي ) منو ؟!! ياخي أنا الكلام ده قلتو أكتر من مره في أول البوست ... و لو القصة إنو مافي زول يفتح بوست ما لم يكون متخصص في مجال البوست ... الله يرضي عليك تاني ما نشوفك إلا في بوستات المحاسبة ... و حقو ذاتو نكلم بكري يقفل لينا البورد ده.... ولا كل زول يصور لينا شهاداتو البتثبت علاقتو بموضوع البوست في أول مداخلة !!!
Post: #259 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-26-2012, 04:56 PM Parent: #258
Quote: ياخي أنا الكلام ده قلتو أكتر من مره في أول البوست ... و لو القصة إنو مافي زول يفتح بوست ما لم يكون متخصص في مجال البوست ... الله يرضي عليك تاني ما نشوفك إلا في بوستات المحاسبة ... و حقو ذاتو نكلم بكري يقفل لينا البورد ده.... ولا كل زول يصور لينا شهاداتو البتثبت علاقتو بموضوع البوست في أول مداخلة !!!
دي زي ما بقول قرشينا الاول (الغريبة قلت قاعد تستفيد من كتابتو)شنو كدا ما عارف .. الحالة الفيها البقوم المحاور بتفكيك -قول خلخلة راسا عديل- واعادة تركيب حجج الخصم بشكل يسهل عليه-هو المهلهل* دا ذاتو- يسهل دحضها علي نفسو..
وين انا جبت سيرة تخصص و شهادات!؟
يا سيدي ممكن تتكلم في النقد لو اتوفرت ليك المعرفة .. الله لا قلاها .. قصرت معاك
عارف لو كل زول اتكلم فيما يعرفه فقط، لساد العالم صمت القبور لكن كمان اتسلح بالمعرفة الكافية ياخي
كدي فك لينا مغاليق نص "مسدار ابو السرة لليانكي" دا فقد استغلق علينا يا مهلهل الشعر الحداثوي انت شخصياً شايفو من اجمل الشعر.. لكن لا ازعم اني فاهمو على الوجه القصدو الشاعر .. ودا ما بعني اني ما عندي قرايتي البتخصني تماماً ليهو
-----
* عاوز اتورط وازعم -مع تحمل المجازقة- انو الزير سالم هو رائد الشعر الحديس عديل كدا. الكاتل الله و الحي الله غايتو
Post: #260 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-26-2012, 06:26 PM Parent: #259
Quote: يا سيدي ممكن تتكلم في النقد لو اتوفرت ليك المعرفة ..
معرفة شنو المطلوبة يا قيقا عشان الزول يقول إنو النص ده تعيس ؟ و المعرفة دي البحددها منو ؟ في البوست ده أنا كررت الاف المرات إنو أنا ما متخصص و ما بنتقد و بسخر من قصيدة الخواض من جهة علمية ... أنا بتكلم كقارئ عادي ... حق النقد مكفول للقارئ العادي زيو و زي حق الكاتب و الأديب في كتابة ما يراه ... اها لو اتفتح موضوع تاني أنا ما أفتح خشمي إلا إنت تدق لي تاشيرة معرفة عشان أقدر انضم ؟! ياخي تعال قول لي إنو نص الخواض ده عجبك جدا و حا تعلقو في باب بيتكم .... من حقك ... لكن ما تقول لي إنو أنا ما من حقي أنتقد النص ده و أسخر منو ما لم تتوفر لي المعرفة ...
------------ غلطان أنا القاعد معاكم هنا ... يا اخوانا وين ناس الفوراول ما رسلو لي لحدي هسي !!
Post: #261 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-26-2012, 09:33 PM Parent: #260
النص مهدي إلي مولانا محمد علي الملك .. دكتور سيف النصر حاتم مهدي إدريس محمد إبراهيم ... و إلي الملايين التي طالبتي باخراج الشعر الحديس من ورطته ... النص بعنوان : مخرج النص !!
مخرج النص !! شعر : الدكتور أمين محمد سليمان ******************* العراديب تكاثرت في دمايا ... تناسلت ... و تناثرت ... ثم استمرت ... حتي استقرت في الخلايا ... مرجعا للعشق و الشوق البعيس* ...
****** تجتاحني حمي العناكب و الدوارب مترعه .... تمد خطوها في دمايا مسرعة ... ليلا موشي بالظنون ... قمرا يصارع في النجوم ... لهبا يفج فظاظة الماوئ.. و يمحو وهمة النص التعيس ...
****** يا بقيعا من حطام الشمس ... يا صلاة و دعاء .... يا وسيطا من مسامات الضياء ... و ضياء للمطاميس .. **** وجهها ... كان حاضرا .. بلسما للشمس من حر النهار ... قبسا من النور تخبأ في خمار... مخرجا للنص من مازق الشعر الحديس ...
الدكتور أمين محمد سليمان أمير أمراء الشعر الحديس بالمنبر و المنابر المجاورة رغم أنف عاطف عمر ! ابوروف المحتلة ... كانونُ الأول 2012 ---------- *البعيس : كلمة لا أصل لها في اللغة العربية ... جاء بها الشاعر لزبط القافية..كمان لو طلع في كلمة زي دي تبقي حاجة ما تخلص !! ---------- إنا لله ... بقيت شعر بالجد جد ... هسي الحل شنو
Post: #268 Title: Re: البْلَّالاَّت أو جَفوةُ الكِستْناء .... شعر حديس !! Author: عبدالفتاح أبوشيمة Date: 03-27-2012, 00:21 AM Parent: #261
Quote:
مخرج النص !! شعر : الدكتور أمين محمد سليمان ******************* العراديب تكاثرت في دمايا ... تناسلت ... و تناثرت ... ثم استمرت ... حتي استقرت في الخلايا ... مرجعا للعشق و الشوق البعيس* ...
****** تجتاحني حمي العناكب و الدوارب مترعه .... تمد خطوها في دمايا مسرعة ... ليلا موشي بالظنون ... قمرا يصارع في النجوم ... لهبا يفج فظاظة الماوئ.. و يمحو وهمة النص التعيس ...
****** يا بقيعا من حطام الشمس ... يا صلاة و دعاء .... يا وسيطا من مسامات الضياء ... و ضياء للمطاميس .. **** وجهها ... كان حاضرا .. بلسما للشمس من حر النهار ... قبسا من النور تخبأ في خمار... مخرجا للنص من مازق الشعر الحديس ...
الدكتور أمين محمد سليمان أمير أمراء الشعر الحديس بالمنبر و المنابر المجاورة رغم أنف عاطف عمر ! ابوروف المحتلة ... كانونُ الأول 2012 ---------- *البعيس : كلمة لا أصل لها في اللغة العربية ... جاء بها الشاعر لزبط القافية..كمان لو طلع في كلمة زي دي تبقي حاجة ما تخلص !! ---------- إنا لله ... بقيت شعر بالجد جد ... هسي الحل شنو
[
green]دقّي يا مزيكة دقّي
ويا أرض عليك الله انهدي
مالك بس واقفة لي ضدي
وصلتيها معاك لي حدي
--
يا بروف لله درّك
أولاً أزعم إني مع إدريس فيما زعم
ولولا تسخير السخرية لإقحامها في النص
لزعمت أن هذا هو الشعر الحداسي
لكن لم أتوقع أن تكتب الشاعر فلان بن فلان
فنصّك ونصّه لا يتساويان
--
بس اللي ما عارفه ماله لو قلنا المشاء الناقد
واكتفينا
هو النقد ماله؟
لم الإصرار على الشعر؟
لا أدري وهو مؤهل للنقد
أنا لو منه ما ادّعيت مرة أخرى أني شاعر
أجزم أنه قط لم يجانبك الصواب
في كل ما كتبته في هذا البوست
أشكر لك
Post: #269 Title: Re: البْلَّالاَّت أو جَفوةُ الكِستْناء .... شعر حديس !! Author: عاطف عمر Date: 03-27-2012, 09:11 AM Parent: #261
Quote: الدكتور أمين محمد سليمان أمير أمراء الشعر الحديس بالمنبر و المنابر المجاورة رغم أنف عاطف عمر !
يابروف يا حبيب نتابع البوست لحظة بلحظة مداخلات نقرؤها وتعجبنا ونعيد قراءتها ومداخلات يكفينا منها إسم الكاتب لكن لاتجرجرنا للتداخل .. فنكتر الطلة .. فيزهج من وجودنا الكثير حسين ملاسي الممثل الشرعي لـ ( خلق الله )
Post: #262 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-26-2012, 09:48 PM Parent: #259
سلام يالّي هنا والّي هناك.. شايف البوست ماشي يمد.. بس يا قيقا دحين ماك صعبتها على البروف؟ ايه رايك قولي الفوق دا ذاتو من جنس النقد بمعناه اللغوي.. ######رية البروف ما ظنيتا فاتت المعنى دا يا حيبنا.. اما النقد الأدبي بمعناه المصطلحي.. فـ دا شغل منهجي متخصص ما عندنا ليهو رقبة .. بس دا ما بحجر حق النقد بمعناه العام .. امال أيه..
Post: #263 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-26-2012, 09:56 PM Parent: #262
Quote: غلطان أنا القاعد معاكم هنا
عاين جنس دا؟ ياهو ذاتو ـ راضين بالهم والهم ماراضي بينا.. أنا ذاتي طابق جردل ساااااقط.. وجايّ ابل نصك الأول .. الهدية مقبولة إلا الفيك اتعرفت.. . . مزنوق .. خليني اعمل برين استورمنق واجيك.
Post: #264 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-26-2012, 10:02 PM Parent: #263
خلاس ..
تفصيص النص
مدخل: تفصيص النص يُعنى بتفصيص النص.. وسبر أغواره .. ولعل المتأمل لقوالب الشعر الحديث الحر المرسل منه والنثري .. يلمس بوضوح الأثر النقلي لمفردات وفلسفة الأدب الحديث.. بمعاييره الغربية التي تعنى بالفكرة والمضمون.. داخل إطار جملة نثرية مزودة بايقاع شعري.. باختصار كده.. كان لأدب الترجمة دور مفصلي .. في استساغة هذا النمط وقبوله.. غير أن الغموض والسريالية واستدعاء التراكيب والمفردات اللغوية المهملة .. يُعجِم الفهم لدي المتقبلين لانماط الشعر الحداثي أنفسهم .. مما يضاعف اعداد خصومه.. في تقديري الخاص .. على الحداثوين وتابعيهم من بعد.. أن يرفعوا عن كواهلهم عبء تقليد التراث الغربي.. ليعكس منتوجهم حال ومآل وطريقة نضم مجتمعاتهم .. لذا فإن أشعار حميد رحمه الله أو القدال على سبيل المثال .. يبدوان عندي أكثر أصالة وانتماء لمفهوم الحداثة بالمعنى الدقيق للمصطلح.. من اعمال كثيرة تغلف نفسها بمفهوم الحداثة.. لتسرق ذهنية القارئ وتحشرها بين أحراشها.. فيخرج منها ساخرا على ما تعرض له من خدعة.. . . شفتو كيف.. دا أنا .. * لا مرجع لا حاجة .. بس للأمانة دي حاجات قريتا زمااان .. رسخت في نافوخي المفهوم دا.. . سيبك منو ارح لاقدام.
Post: #265 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-26-2012, 10:47 PM Parent: #264
مبحث أول: سوف أتناول في هذا المبحث (قائية) البروف من (روسيتها ).. وهي التي اصطلح الفكر الغربي على تسميتها بالتايتل.. حيث وردت كما يلي: البْلَّالاَّت أو جَفوةُ الكِستْناء لقد أبدى العنوان جرأة متناهية.. وقوة عين ظاهرة فيما اختزنته مفردة ( الكستناء ) .. فقد جاء في معناها المعجمي*.. أن الكستناء من جنس( ب######## ) رجاء لا تهمل الباء .. والأعجب أنها تعرف ايضا ( بابي فروة) عديييل كده ! قال أيه من فوائده تنشيط العضلات وترميم الاعصاب.. سامعني يا ود المدير؟ والله صحي.
. . لسه إنتو شفتو حاجة.
* راجع معجم البلدان لعمكم قوقل بن اسفير. . جايّ إن بقت عندي فرصة مداخلة. الشطب حيجننا الكلمة المجني عليها ( بـ لـ و ط ي )
Post: #266 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-26-2012, 10:57 PM Parent: #265
مبحث ثاني: لعل العنوان الذي تخيره البروف (لصائيته) .. يتضمن عجمة واضحة لا تخطؤها عين أحول.. سوف اتعرض لها تفصيلا في المبحثين الرابع والخامس إذا بتريدو .. غير أن الملاحظة الابرز.. شهقة النعاس الواضحة على وجه البروف .. عندما رسى مزاد مزاجه العكران وقتها على اختيار هذا العنوان.. حيث عاد البروف بعد يوم عمل شاق .. وجلس الي المنبر يفلفل البوستات .. عله يحظى بموضوع أو قصيدة تبعث في نفسه الراحة .. وتفرفش مزاجه المعكور الخرب.. فكانت سعيدة الحظ تلك العصماء.. التي بنى عليها ( يائيته ) .. ومضى لاويا بوزه . .. المبحث الثالث قال العقاد: الشعر من نفس الرحمن مقتبس . . والشاعر الفذ بين الناس رحمن. الزمن داك ما كانوا في تكفيرين.. لقد بدت لي صورة البروف ساعتها .. وهو يستولد أبيات ( دائيته ) هذه.. مشابهة لصورة هرقل الجبار.. وهو يسحق بهراوته التنانين.. إعمالا (للحكمة) القائلة: الما بتلحقو جدعو.. وإذا عضت معاك اصرف ليها .. أو كما قال.. عموما تمنيت لو أن أديبنا تخير ( لهائيته) هذي .. مفردات فكهة وجزلة ذات جرس .. لاتجرس أحد .. ولا ت###### ايديهو .. زي مثلا يعني.. (الهِنايات أو خفر السواحل).. عندها فقط لصلح العنوان .. و.. كفى المتنطعين شر البهدلة وشيل الحال (نقطة ـ يعني فل اصطوب)
المبحث الرابع ربط البروف في ( بائيته) .. بيت شعره الأول ـ ( افتح الشين دي ).. على أوتاد بيت اديبنا المشاء : الهنيهاتُ بنتُ الرذاذ\الغيوم "ألوت"* فقابلها معرّضا بقوله: البْلَّالاَّت - بنات الخطيئة - عاودوني من جديد (اقطبوط )* هذه الراكوبة التي اطلقت عليها مجازا مصطلح بيت .. جاءت على وزن فعلول ، فعل ، فل.. وأكثر ما قض مضجعي .. وزوزو مخيلتي.. جغمستة الباينة لموسيقى البيت .. بهذه الوقفة الفجائية ( اقطبوط) المقابلة لـ ( ألوت ).. جغمسه شنو ياخي؟ دي بقت لي زي الزول الراكب حمار أو جمل .. وفجأة كدا جاءت (صبرة) طايرة قدام الحمار .. فحرن وتوقف فجأة حتي فقد الراكب توازنه ودق الدلجة.. بالله دي حالة ؟.. غير أن هذه الظاهرة اصبحت مألوفة في الشعر الحداسي.. وكان أكثر من روج لها المغنواتي المصري (شعبلة).. فهو وحده الذي يملك المقدرة والإرادة.. على تحطيم مزاج المستمع واستغراقه الرومانسي.. بقفلته الفجائية .. ( بس خلاس ). . . قارئه العزيز.. انتظر المفاجاءات في المبحث الخامس والأخير.. إذا بكري ما شال العدة. لاحولة إلا بالله .. يعني إلا تقطما عشان توافق مزاج الشخبتة؟ الكلمة هي: تـ و س خ.
Post: #267 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-26-2012, 11:02 PM Parent: #266
المبحث الخامس لقد ابتدر البروف ( ياي يته) .. بمفردة بلالات.. وهي جمع تكسير سالم لمفردة ( بلي ) بكسر الباء وتشديد اللام .. لا لا ما البلعبو بيهو العيال .. دي كلمة اعجمية نوبية معناها يفتت الشيء ويهرسو هرسا.*. ولاشك فإن البروف استخرج لنا عصارة فكره .. باستخدامه لهذه المفردة .. طابعا على ( ضائيته ) مسحة سودانوية .. اقنعتني بحداثويته الشعرية.. مش جاب من اندينا؟ خلاس.. ولعل الدكسة اللغوية جاءت.. في مفردة (عاودوني ) .. إذ جمعها جمع مذكر ساااالم ـ يسلمو السامعين .. على الرغم من أنها تعود حسب السياق لـ (بنات خطيئته ) قبلو وحده.. وكان الصحيح في تقديري المتواضع.. أن يقول عاودنني ويتكي على (دن ) دي.. عموما لا أملك سوى ابداء اعجابي بهذا الجهد.. الذي إذا ما دلّ يدل دلاً على حرصه في ترقية حواسنا السمعية .. وقد أعطت كيفما اختلفنا حولها .. زخما اضافيا لقصيدة ( الهنيهات) .. و.. تصبحون على خير. * المرجع ـ أنا ذاتي.
Post: #270 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-27-2012, 01:59 PM Parent: #267
يا بروف لو غلبك قول لي قيلني .. بقيلك ما تقعد تعمل لي ام الحردان وحركات شفع! ياهو دا النقد حاااااااار كدي .. تحسبو لعب ول كيف!؟
Quote: معرفة شنو المطلوبة يا قيقا عشان الزول يقول إنو النص ده تعيس ؟ و المعرفة دي البحددها منو ؟ في البوست ده أنا كررت الاف المرات إنو أنا ما متخصص و ما بنتقد و بسخر من قصيدة الخواض من جهة علمية ... أنا بتكلم كقارئ عادي ... حق النقد مكفول للقارئ العادي زيو و زي حق الكاتب و الأديب في كتابة ما يراه ... اها لو اتفتح موضوع تاني أنا ما أفتح خشمي إلا إنت تدق لي تاشيرة معرفة عشان أقدر انضم ؟! ياخي تعال قول لي إنو نص الخواض ده عجبك جدا و حا تعلقو في باب بيتكم .... من حقك ... لكن ما تقول لي إنو أنا ما من حقي أنتقد النص ده و أسخر منو ما لم تتوفر لي المعرفة ...
المعرفة بالمجال البتدخل فوقو قدومك دا .. وامتلاك ادواتك للشغل الماشي تسويهو دا تعال نضيف لمعرفتك -ام جراباً فاضي دي- عن (المحاسبة) الاستهترت بيها دي
قلنا ليك اي مجال ليو تقاليدو .. و المحاسبة بالمناسبة ممارسة (نقدية) تماماً المراجعة -تحديداً- تعرف بانها (ابداء رأي فني محايد) .. ركز لي في (فني) ؤ (محايد) ديل!
تعرف واحد من تقاليد مجالنا -المستبعرو دا- او قول الت"كود اوف ايثكس" وم ناهمها: تحسين المعرفة المستمر .. ممارسة (المهنة) دي برا معرفة، او بمعرفة ضعيفة،قديمة، بالية عمل لا اخلاقي تماماً!
شفت كيف؟
--------
بعدين رايك -العنقالي كمتلقي غير مبدع- الحرمك منو منو!؟ انا معترض على كل الهدر للبندويث فيما لا ينفع احد .. امش عبر عنو هناك محل نشرت القصيدة ذاااتا ..
وبالله فكنا من حركات ود البشرى دي، يعني انا مجرد ما نشرت حاجة هنا معناها نشرت ليك انت شخصياً اصلو شنو هو؟ مافي غيركم هنا!؟ بتطروا نفسكم ليه قدر دا؟ البورد دا ما واااسع .. شوف البناسب شعرك يا اخوي (ان وجد طبعاً)
والله اسامة البتستهزا بمعرفتو هنا دا يفتح فيك "بنيوية" ساي الا يطير ليك يكفيه انو كتب نص "ماريل" مع حميد شخصياً كم واحدة الليلة اسمها ماريل؟
هل انت لو اكتب ليك مية سنة -قدر عمرك الحالي دا- قادر على (خلق) زي دا؟
Post: #271 Title: Re: البْلَّالاَّت أو جَفوةُ الكِستْناء .... شعر حديس !! Author: محمد البشرى الخضر Date: 03-27-2012, 02:37 PM Parent: #270
يا قيقرا جننّت التناقض جن ياخ مرة انت ما معترض على ابداء البروف لرأيه كعنقالي و في نفس الوقت ما في داعي يمارس "حركاتي" و يعتبر انو الحاجة العايز يعبر عن رأيو فيها مكتوبة ليه شخصيا و احسن ليه يشوف غيرها البناسبو!! هسي البروف يبدي رايو ولا يتطلّب الله ويشوف البناسب شعره وين؟
دي نقطة و التانية اهو انت ماشاء الله عليك تمارس في "حركاتي" الحاميها البروف دي بمزاج لاتحسد عليه تستلم بوستات الناس وتتلببّها وتملاها فقر ووشوش وانا وأنا وأنا حتى الواحد ما يعرف سيد البوست منو في زول قاليك انو البوست دا مثلا ما نشر ليك شخصيا
__________________
أوعى تجي تحرد ليك دقيقتين و ترجع كالعادة بالله
Post: #272 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-27-2012, 02:47 PM Parent: #271
Quote: يا قيقرا جننّت التناقض جن ياخ مرة انت ما معترض على ابداء البروف لرأيه كعنقالي و في نفس الوقت ما في داعي يمارس "حركاتي" و يعتبر انو الحاجة العايز يعبر عن رأيو فيها مكتوبة ليه شخصيا و احسن ليه يشوف غيرها البناسبو!! هسي البروف يبدي رايو ولا يتطلّب الله ويشوف البناسب شعره وين؟
دي نقطة و التانية اهو انت ماشاء الله عليك تمارس في "حركاتي" الحاميها البروف دي بمزاج لاتحسد عليه تستلم بوستات الناس وتتلببّها وتملاها فقر ووشوش وانا وأنا وأنا حتى الواحد ما يعرف سيد البوست منو في زول قاليك انو البوست دا مثلا ما نشر ليك شخصيا
__________________
أوعى تجي تحرد ليك دقيقتين و ترجع كالعادة بالله
عزيزي القارئ وقع ليك كلامنا!؟
-------
قلنا ليك لمن ما تعرف .. قول (عدس) بس (بالكسرة)
Post: #273 Title: Re: البْلَّالاَّت أو جَفوةُ الكِستْناء .... شعر حديس !! Author: محمد البشرى الخضر Date: 03-27-2012, 03:43 PM Parent: #272
طيّب ... عدس بالكسرة
Post: #274 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-27-2012, 04:08 PM Parent: #273
Quote: طيّب ... عدس بالكسرة
يا ابا حتوت الله يرضى عليك زح لي خلينا نبل البروف (مهلهل العصر في الشعر العربي (الحديس)) دا زي الناس نسقيو من نفس س س س الكاس .. عشان يعرف حاجة!
مادام شايف انو (ناقد) كبير .. طيب المانع شنو انا دا -واخد بال سعادتك؟ بي شيطانا دي- انقد ليو نصو الطارحو هنا وكل طرحو (النقدي)!! المافي شنو (باسوورد ول كيبورد؟) دا مطعم الباشا .. والشوربة للجميع .. مجاناً
-------
نثينغ بيرسونال .. خليك واااسع النقد اصلو كدي من يومو.. حاااااار لينا نحنا كسودانيين لمن الحلاقة تبقى في رسينا الما بعرف ساي بقول عدس ..وكلو عند (العرب) صابون
Post: #276 Title: Re: البْلَّالاَّت أو جَفوةُ الكِستْناء .... شعر حديس !! Author: محمد البشرى الخضر Date: 03-27-2012, 04:38 PM Parent: #274
يا قيقرا الله يرضى علينا جميعا . أبو حتوت ما حايشك واهو بتابع من بعيد و بسكرل داون ما شاء الله لي و افطفط ما تيّسر فا لقيتك استدعيتني و عملت طريقة و شيّختني ياها واسميتها حركاتي وتنهى عنها كمان ولقيتك انت ترجف ومنطقك يرجف جهجهتو الملعقة بيناتكم ثم لا داعي لقولة نثنغ بيرسونال ياب, دونت ووري حتى لو برسنتو ما عندك مشكلة اخوك مدي البورد حجمو الحقيقي و ما ماخدو أكتر مما هو عليه حقيقةً فأخد راحتك ع الآخر ومارس النقد و الحلاقة و سل روحنا بالاستعراض و الهرجي الكتير - ابو وشوش و السادة ساي - ما عنّ لك البركة فييييي وويل الماوس
Post: #275 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-27-2012, 04:21 PM Parent: #273
الأخوان عبدالفتاح و عاطف و الملك ... ياخي ادوني خاطركم أرد علي قيقا ده قبالكم .. ------------ سلام يا قيقا ... تعرف قدر ما الزول يفتكر إنو بقي immune من المحلة دي و من الخلعة لمن يقرأ ردود بعض الناس في المحلة دي ... يكتشف إنو غلطان تماما ... قريت ردك ده و يمين بالله إتخلعت زي الجاي هنا أول مرة ... ما عرفت كلامك ده رد علي كلامي و لا علي كلام إنت قاطعو من راسك .. ياخي أنا كتبت ليك :
Quote: معرفة شنو المطلوبة يا قيقا عشان الزول يقول إنو النص ده تعيس ؟ و المعرفة دي البحددها منو ؟ في البوست ده أنا كررت الاف المرات إنو أنا ما متخصص و ما بنتقد و بسخر من قصيدة الخواض من جهة علمية ... أنا بتكلم كقارئ عادي ... حق النقد مكفول للقارئ العادي زيو و زي حق الكاتب و الأديب في كتابة ما يراه ... اها لو اتفتح موضوع تاني أنا ما أفتح خشمي إلا إنت تدق لي تاشيرة معرفة عشان أقدر انضم ؟! ياخي تعال قول لي إنو نص الخواض ده عجبك جدا و حا تعلقو في باب بيتكم .... من حقك ... لكن ما تقول لي إنو أنا ما من حقي أنتقد النص ده و أسخر منو ما لم تتوفر لي المعرفة ... ------------ غلطان أنا القاعد معاكم هنا ... يا اخوانا وين ناس الفوراول ما رسلو لي لحدي هسي !!
تقول لي :
Quote: يا بروف لو غلبك قول لي قيلني .. بقيلك ما تقعد تعمل لي ام الحردان وحركات شفع! ياهو دا النقد حاااااااار كدي .. تحسبو لعب ول كيف!؟
كدي عليك الله اقرأ الكلام ده تاني عشان توريني : وين غلبني و وين الحرد و وين حركات الشفع ؟ حركات الشفع عديييل كده يا فتح الرحمن ؟! ياخي أنا انتقدت كلامك بتاع إنو نقد أي عمل أدبي بيتطلب معرفة و قلت ليك إنو نقدنا هنا ما نقد متخصص ... نقد قائم علي سخرية من نص نظن إنو يسخر من نفسو و قلت ليك تعال إنت قول النص عجبك لكن ما تقول لينا عشان تنتقدو النص لازم تكون عندكم معرفة ... ده مجمل كلامي في المداخلة الفاتت ....عايز أعرف - و الكلام ده ضروري يا قيقا - وين غلبني .... و وين الحرد.... و وين حركات الشفع .... تقول يا قيقا :
Quote: تعال نضيف لمعرفتك -ام جراباً فاضي دي- عن (المحاسبة) الاستهترت بيها دي
دي مداخلتي الجات فيها سيرة المحاسبة :
Quote: و لو القصة إنو مافي زول يفتح بوست ما لم يكون متخصص في مجال البوست ... الله يرضي عليك تاني ما نشوفك إلا في بوستات المحاسبة
وين الأستهتار بالمحاسبة ؟!! و ده ما سؤال استنكاري ... ده سؤال عايز إجابة .. المحاسبة جات هنا لانو ده مجالك المتخصص فيهو و معني الكلام أوضح من إنو أشرحو ليك ..وين الأستهتار ؟!! تقول يا قيقا :
Quote: بعدين رايك -العنقالي كمتلقي غير مبدع- الحرمك منو منو!؟ انا معترض على كل الهدر للبندويث فيما لا ينفع احد .. امش عبر عنو هناك محل نشرت القصيدة ذاااتا ..
ياخي ده أعجب كلام أنا اسمعو في المكان الظالم ده !! أول حاجة لو كلامك ده صاح و ده الاشو حقك هنا ... إنت متداخل في هدر الباندويث ده ليه ؟ ما كان تجي تقول كلامك ده في أول البوست و تتخارج بعداك حفاظا علي الباندازفت المهدور ده ... إنت عندك 26 مداخلة في البوست ده ( و ده حساب ما رقم مقطوع من راسي ) و سيد البوست الذي يهدر الباندويث عندو 29 مداخلة فيهو !!! النقطة الأهم من كده يا قيقا انك بتمارس علي وصاية عجيبة جدا في البوست ده ... يعني أنا ما انتقد قصيدة إتنشرت هنا ما لم امتلك (المعرفة) بمعناها العلمي و التخصصي... ننتهي من الفلم ده ... كان مفروض أقول كلامي ده بهناك عشان ما نهدر الباندازفت ... المرحلة الجايه خايفك تفتح بوست تطالب بسحب عضويتي لانو كلامي ما عاجبك !!
Quote: وبالله فكنا من حركات ود البشرى دي، يعني انا مجرد ما نشرت حاجة هنا معناها نشرت ليك انت شخصياً اصلو شنو هو؟ مافي غيركم هنا!؟ بتطروا نفسكم ليه قدر دا؟ البورد دا ما واااسع .. شوف البناسب شعرك يا اخوي (ان وجد طبعاً)
هسي الكلام ده مناسبتو شنو و سببو شنو ؟ وين أنا أصلا اعترضت علي حاجة إنت نشرتها ؟ في كل مداخلاتي معاك في البوست ده أنا برد علي كلامك .. و ما حصل أبدا قلت ليك ليه نشرت ده ولا ما نشرتو عشان تقول لي (مافي غيركم هنا! ) و (بتطروا نفسكم ليه قدر دا؟ ) و باقي كلامك السغيل ده !!!
Quote: والله اسامة البتستهزا بمعرفتو هنا دا يفتح فيك "بنيوية" ساي الا يطير ليك يكفيه انو كتب نص "ماريل" مع حميد شخصياً كم واحدة الليلة اسمها ماريل؟
عارف يا قيقا بعد كل الكلام الكتبتو عن أسامة و نص أسامة و الفرق بينهم ...كونك تجي تقول لي (اسامة البتستهزا بمعرفتو هنا دا ) بخليني أفكر جادي و بدون ما أشعر إنو قيقا ده قصتو شنو في البوست ده ... لانو ما ممكن تكون ما قريت كلامي المكرور في النقطة دي لانها في كل مداخلة و مداخلة و ما ممكن تكون قريت و ما فهمت .. و عشان الزول ما يقطع من راسو حاجات قد تكون ما صحيحة ... رجاء جاوبني علي السؤال ده : وين أنا استهزأت باسامة الخواض و بمعرفتو !!
Quote: ياهو دا النقد حاااااااار كدي .. تحسبو لعب ول كيف!؟
الكتبتو لي ده يا قيقا .. ما نقد حاااااار ... ده نجر أخدااااار قطعتو من راسك ده : فلا يوجد حرد و لا حركات شفع و لا إستهتار بالمحاسبة و لا هدر للباندويث و لا إستهزاء باسامة الخواض ...و لا أنا سالتك أصلا ليه نشرت و ما نشرت .... كلو كلام مقطوع من راسك ده ... سؤالي ليك يا قيقا : إنت بتعمل كده ليه ؟!!
Post: #277 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-27-2012, 04:41 PM Parent: #275
Quote: ياخي أنا انتقدت كلامك بتاع إنو نقد أي عمل أدبي بيتطلب معرفة و قلت ليك إنو نقدنا هنا ما نقد متخصص ... نقد قائم علي سخرية من نص نظن إنو يسخر من نفسو و قلت ليك تعال إنت قول النص عجبك لكن ما تقول لينا عشان تنتقدو النص لازم تكون عندكم معرفة ... ده مجمل كلامي في المداخلة الفاتت ....عايز أعرف - و الكلام ده ضروري يا قيقا - وين غلبني .... و وين الحرد.... و وين حركات الشفع ....
حركات الشفع ياها دي:
Quote: اها لو اتفتح موضوع تاني أنا ما أفتح خشمي إلا إنت تدق لي تاشيرة معرفة عشان أقدر انضم ؟!
لو ماشايفا حركات شفع بطريقتك ..لكن انا شايفا كدا ياخي!
بنفس المنطق دا على اسامة الخواض انو ياخد منك تاشيرة على اي "نص" قبل ما ينشرو! مش ياهو الحساب!؟
وبنفس المناسبة مفردة "انشر" ما مقصود بيها (انا) في عضمي دا ..ما عارف لو ما بتعرف الطريقة دي في ضرب المثل .. اصلاً انا لم اكتب (نص) في حياتي عشان انشرو ول اخليو متلبد!
القراية الرغبوية ما حبابا و الله، دي مناسبة برضو
------
باقي المداخلة كلو ردي عليو واااحد
ياخ لو كررت انك قلت وقلت لي السنة الجاية، الما بقنعني ما بخش راسي .. ولو غنيتو عديييل كدا فاعفيني من انك قلت شنو وما تعيد لانو البوست قدامي بقدر ارجع لي اي حتة فيو .. بمزاجي لكم كتابتكم .. ولي قرايتي .. ممكن؟
اما حديثك العجيب عن اني ما قلت ليك انو بوستك دا هدر للباندويث من قولة تيت، فاتمنى انك ترجع لأول مداخلة لي .. ورقمها 53 و مكررة لكمال .. يبدو انو الزول هنا محتاج لاكتر من 27 مداخلة عشان يقولا لي اي زول في اضانو ..
اتمنى انك تكون امين -مش بس في الحساب- لولا مداخلة كمال المعاطة دي و الله العظيم لم اكن انوي التداخل هنا.. خليك امين و اذكر انو البوست التوى مليون مرة لحدي ما وصلنا للمحطة دي.. وأقر ليك - بكامل قواي العقلية- كل مداخلاتي الاخيرة ما قاصد منها غير المعط بساهم معاكم في اهدار الباندويث .. المافي شنو؟ بكري بلقاهو وااااقع في الواطة دي!
ارتحتا!؟
Post: #278 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-27-2012, 06:07 PM Parent: #277
Quote: ارتحتا!؟
لا .. ما ارحتا يا قيقا ... -------
Quote: حركات الشفع ياها دي:
Quote: اها لو اتفتح موضوع تاني أنا ما أفتح خشمي إلا إنت تدق لي تاشيرة معرفة عشان أقدر انضم ؟!
لو ماشايفا حركات شفع بطريقتك ..لكن انا شايفا كدا ياخي!
بنفس المنطق دا على اسامة الخواض انو ياخد منك تاشيرة على اي "نص" قبل ما ينشرو! مش ياهو الحساب!؟
لا ما ياهو الحساب و لا أي حاجة ... لانو أنا ما قلت الخواض ما يكتب شعر إلا بشروط معينة و ما قلت ولا حددت و لا طالبتو بمعرفة معينة عشان هو يكتب شعر ... لكن إنت طالبتني بمعرفة معينة عشان انتقد نص الخواض !! في كلامي الأنت وصفتو بحركات الشفع : أنا انتقدت كلامك لي في قصة المعرفة إنو منو البقول و يحدد المعرفة المعينة دي و لانك إنت القلت الكلام ده.. قلت ليك نرسل ليك كل مرة تدينا تاشيرة قبل ما نكتب .. من حقك تعتبرو حركات شفع زي ما داير.. ما بقدر اشيل منك حق تقييم كلام اتقال ليك حتي لو تقييمك ده في رايي هو حركات الشفع الأصلية !! ----------
Quote: وبنفس المناسبة مفردة "انشر" ما مقصود بيها (انا) في عضمي دا ..ما عارف لو ما بتعرف الطريقة دي في ضرب المثل .. اصلاً انا لم اكتب (نص) في حياتي عشان انشرو ول اخليو متلبد!
يعني إنت هنا قاصد نص الخواض ... طيب السؤال لسه قايم ... منو القال الخواض ما ينشر عشان تقول لي (اصلو شنو هو؟ مافي غيركم هنا!؟ بتطروا نفسكم ليه قدر دا؟ ) كاننا اعترضنا علي إنو الخواض نشر قصيدتو دي عشانا نحن تحديدا ... وهذا ما لم و لن يحدث ... الحاصل العكس تماما : قلنا الخواض و غيرو من حقهم يكتبو و ينشرو الدايرنو و باقي الناس من حقها تعلق علي المنشور بالطريقة الدايرها طالما ما فيها اساءات للكاتب و الناشر ... ----------
Quote: اما حديثك العجيب عن اني ما قلت ليك انو بوستك دا هدر للباندويث من قولة تيت، فاتمنى انك ترجع لأول مداخلة لي .. ورقمها 53 و مكررة لكمال .. يبدو انو الزول هنا محتاج لاكتر من 27 مداخلة عشان يقولا لي اي زول في اضانو ..
اها شوف الكلام الساااي ده كيف : وين أنا اعترضت علي اعتراضك بتاع الباندويث ده ... وين أنا اعترضت علي انك ما قلت كلامك ده من قولة تيت ... أنا اعترضت علي قعادك و كتابتك لعدد مداخلات قريبة لعدد مداخلات صاحب البوست في نفس البوست الانت مشكلتك فيهو الباندويث ... يعني بالعربي كده يا قيقا ... كلامي ليك كان إنت وقت معترض علي البوست بسبب الباندويث ... البخليك تسكن فيه شنو ؟!! ياهو ده كلامي الكتبتو قبل أقل من ساعة :
Quote: أول حاجة لو كلامك ده صاح و ده الاشو حقك هنا ... إنت متداخل في هدر الباندويث ده ليه ؟ ما كان تجي تقول كلامك ده في أول البوست و تتخارج بعداك حفاظا علي الباندازفت المهدور ده
الاعتراض ما في ( تجي تقول كلامك ده في أول البوست ) الاعتراض في (تتخارج ) بعد ما قلتو !! الاعتراض ما في انك ما قلتو من الأول ... الاعتراض في انك سكنت في البوست و بقيت - بعد سيد البوست - أكثر الناس اهدارا للباندويث ...
Quote: بساهم معاكم في اهدار الباندويث .. المافي شنو؟
مافي مشكلة يا قيقا ... بس عليك الله المرة الجاية لمن تساهم في حاجة إنت شايفها غلط ما تبل بيها باقي الناس ... خاصة لو الناس دي ما شايفه فيها حاجة غلط !! -----------
Quote: باقي المداخلة كلو ردي عليو واااحد
ياخ لو كررت انك قلت وقلت لي السنة الجاية، الما بقنعني ما بخش راسي .. ولو غنيتو عديييل كدا فاعفيني من انك قلت شنو وما تعيد لانو البوست قدامي بقدر ارجع لي اي حتة فيو .. بمزاجي لكم كتابتكم .. ولي قرايتي .. ممكن؟
لا ما ممكن يا قيقا ... لانك ما ممكن تقطع كلام من راسك ... و تحاسبني بيه و لمن أقول ليك الكلام ده جبتو من وين ... تقول لي اعفيني ... ما بعفيك ... لو ما عايز زول يجي يقيف ليك في حلقك و يطالبك باثباتات لكلام قلتو في حقو ... ما تقول كلام من راسك ساي ... لو ما بتقدر to back كلامك up ما تقولو ...
و بالمناسبة أعلم تماما إنو أنا برد عليك بحدة ... إحتمال لو كان الكلام ده من زول تاني كنت ح أكون أقل حدة ... و دي زي تسعين في المية من مشكلتي في كلامك ... إنو الكلام - الما شادي حيلو ده - جاي منك إنت بالتحديد !!
Post: #279 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-27-2012, 08:27 PM Parent: #278
رغم الحاصل, تابعت ما تيسر .. عموما .. أكون الآن شديد الرضى والحزن معا ..
عندما باشرت الردود على كمال على الزين .. ما كنت أحمل هما للتفاصيل الانسانية التى تعلق دوما بين الأصدقاء .. فى الواقع لم أغضب قط من كمال .. دعتنى الكتابة أن أكتب غضبا غير موجود .. ببساطة شديدة لأن كمال لم يسيئنى أبدا .. وأذكر أنى تبسمت حين قرأت ل "دينا خالد" .. والتى أدخلت وبظلم فى زمرة المنافقين المفترضين .. قرأت لها ما تؤكد به أن إختيارات كمال للناس كانت بدافع تفاصيل حميمة فى باله .. فى بال كمال !! وتبسمت لأنى أعلم ذلك علم اليقين ..
لم أكتب غضبا او انفعالا ضد كمال .. تصورت مساحة افتراضية حدودها بالفعل "مربع بكرى" المخصص للردود .. وتعاملت معها كما ينبغى للافتراض أن يكون .. وتلبست الافتراض تماما وحاولت كتابته ..
كتبت عن أحوال الكتابة .. وأنها لا تجيز لكمال كتابة ما كتبه .. والا .. وانتبهوا ل "إلا" هذه !! وإلا جاز للناس أن تكتب ما تريد .. أن ترد جهلا وتزيد .. وانعل دين أى زول !!!
كنت وبإختصار أتحدث عن حالة من أحوال الكتابة غير المسؤولة.. وقدمت لها جيدا كونها حالة جهل .. نقدر عليها جيدا ولا نمارسها .. وهذا ما جرى حول ما ذكر عن واقعة " وانعل دين أى زول " لم أكن أسب أحدا .. كنت أتحدث عن حالة محدده للجهل والاستجابة لتفاصيله وفى حالة امتلاك أدواته البلاغية والتى لا تساوى شروى باس وورد مجدوع فى هذا الفراغ البذيء ..
ذلك ما ببالى حول هذا الموضوع يا أمين - ولا أعنى أحدا غيره .. وأعنى أميننا الذى نحب تحديدا ..
فإن رأيت يا أمين وبعد كلامى هذا .. أنى تجاوزت قليلا أو أكثر قليلا .. فخذ الموضوع كما هو إختلاف مشروع جدا فى تصوراتنا للكتابة .. فالشاهد فى الموضوع أنى أنا لم أسب أحدا هنا أو أسب دينه ولا ينبغى لى ذلك أبداً
موضوع وهبه !! ويبدو أن رد وهبه كان غاضبا على ما يبدو .. وأعنى رده الذى سحبه مع التأكيد الشديد على توافرة مرة أخرى ..
الشاهد فى هذا الموضوع أنى أشرت وبوضوح لوهبة .. أنه وبناء على استيعابى لشخصيته الاسفيرية والمعززة بلقاء جميل ما زال بالبال .. قد وجدت أن الخط العام لهذه الشخصية فى هذا المجال المحدد, ينبيء بحال مختلفة عن التى بالخاطر الجميل !!
طيب !! ما هى الحال الاولى التى وصلتنى وأستوعبتها وحتى أجد إختلافا ما مع حال أخرى تناقضها ؟!
هى وببساطة لى زول سودانى مثقف وصاحب تجربة حياتية تنتمى إجتماعيا ونوعا ما لليسار السودانى ودونما التزام لخلافات هنا وهناك .. وهذه حال معروفة جدا .. وفى البال نماذج كثيرة لشخصيات عديدة أقدرها تقديرا كبيرا .. فى الواقع .. كانت تلك حالى أنا شخصيا وحتى تأريخ ليس بعيدا جدا ..
هذا كان وصدقا مدخلى نحو عبدالوهاب .. قد أكون مخطئا وقد لا أكون ولكن وفى كل الاحوال هو ذا مدخلى وكان هو مدخلى لكتابة ما كتبته معنونا لوهبه .. أتمنى أن تفهم مداخلاتى نحوه من خلال هذا الاطار الذى أراه جميلا .. فإن ساءه هذا .. فلن أعود إليه مرة أخرى و THAT IS ALL ولا أسعى لخلافات بلا صالح ولا أحتاجها أصلا .. كما وأن هذا المنبر لا يقدم لنا شهادات من أى نوع !!! وفى الواقع يأخذ الكثير من الوقت المهدر بلا معانى تستحق ..
Post: #281 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-28-2012, 01:46 AM Parent: #280
Quote: عدس بالكسرة
كدا تبقى عطسة يا ود البشرى .. يكون قيقا زكمك ؟ عفيت منو .. . . د.المشرف .. سعدت بعودتك بدون (كدوس).. التفاعل بيننا من خلال النت .. مازال تجربة حديثة.. و(إزة الزول) كما اصطلح الأخ محمد جمال.. تاريخ تربوي ضارب في القدم في مجتمعاتنا كما تعلم .. كانت قناعتي قبل أن أخالط المجتمعات في الغرب.. أن صفتي الشجاعة والاقدام.. ليست سمات مكتسبة في مجتمعاتنا فحسب .. بل هي في جيناتهم الوراثية.. وكم كان خذلاني عندما تكشف لي أن هذه السمة .. طابعها وموئلها عندنا هي الجماعة وليس الفرد بذاته.. فالفرد منا لا يتدرع بالشجاعة والاقدام إلا في وجود الجماعة.. وباستطاعته أن يتحزم لمواجة جماعة بمفردة .. حتى وإن لم يكن على حق مادامت المواجة مشهودة في الهواء الطلق .. ربما هنالك أفراد هناوهناك حملوا هذه السمة ذاتيا .. مثل من سمعنا عنهم من الهنباتة.. لقد هالني ما يبدية أفراد كثر هنا في الغرب من شجاعة منطلقها ذاتي .. مثل أولئك الذين يمارسون بمحض إرادتهم.. انشطة بالغة الخطورة .. إن لم يكن احتمال الموت فيها راجحا .. فالاذي الجسيم مؤكد.. مغامرون بمعنى الكلمة. معليش طولت عليك .. ومشكور ياصديق فما قلته بحقي نابع من ذوقك.. . . عاينو لي يا جماعة إذا ملاسي مشى نام .. عندي لسه باقى كلام مع البروف وقيقا.
Post: #282 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-28-2012, 01:57 AM Parent: #281
قيقا وأمين بطلو عكلتة .. حكاية أنا قلت وإنت قلت خلت الجعلي ابوتفه يرطن.. قال( فرته) قال.. طيب الفهم شنو؟ الفهم يا جماعة أبعد من نص الأستاذ المشاء ومقابلّة في هذا البوست.. ولو أن بعضنا حصر الموضوع وتفاعل معه في إطار هذا الحيز .. صحيح النص كان (تختة) ولكنها الصدفة وحدها جعلته كذلك فيما أظن.. أمين لم يعرف بيننا كشاعر .. ولا أعلم أن له مؤلفات أدبية في أي مجال كان مثل المشاء.. بخلاف كتاباته هنا وبعض المقالات الصحفية من وقت لآخر.. هذه المعلومة مهمة لاستنتج منها أن سـ خـ ريته وإن وقعت على نص المشاء.. من الصعب فهمها بأنها موجه لشخص المشاء .. أو أن مدلولها لايتجاوز النص (التختة) لنصوص مشابهة أخرى.. فالمدلول حسبما بدى لي من الوهلة الأولي .. يترصد قصائد الشعر الحر المرسل والنثري.. الاتكتب منها والحيتكتب .. وأديبنا المشاء ليس وحده من يؤلف قصائد على هذا النسق.. لكي نحمل نصه دون سواه .. تبعة عدم التقاء أذواق بعضنا مع مثل تلك النصوص الحديثة.. وليس غريبا أن يوجه النقد لمدرسة أدبية أو منهجها الكتابي .. من خلال نص أو مجموعة نصوص.. فـ شنو .. على قول قيقا ذات نفسة.. بطلو عنكبة (وهدر الباندويث).. المسألة كووولها ما فايته الونسة.
Post: #283 Title: Re: البْلَّالاَّت أو جَفوةُ الكِستْناء .... شعر حديس !! Author: محمد حيدر المشرف Date: 03-28-2012, 06:43 AM Parent: #282
انتباهك لفكرة الكدوس يا ملك .. او لعلها الكتابة بالكدوس بالاحرى !! انتباه جميل ..
وانتباهك للمجال وأحوال الكتابه جميل كذلك .
شكرا يا عزيزي ..
Post: #284 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-28-2012, 08:39 AM Parent: #283
Quote: و بالمناسبة أعلم تماما إنو أنا برد عليك بحدة ... إحتمال لو كان الكلام ده من زول تاني كنت ح أكون أقل حدة ... و دي زي تسعين في المية من مشكلتي في كلامك ... إنو الكلام - الما شادي حيلو ده - جاي منك إنت بالتحديد !!
بس (بكسر البا)
دا اشد ماعندك يعني!؟
[تلخيص اللحظة]
قانون نيوتن التالت ومتلت للحركة بالبورد (حيث لا قانون، ولا سقف للبل):
لكل فعل رد فعل، مضاعف له في المقدر .. وفي نفس س س س س الاتجاه
انتهى
-----
بدل ما تحمد ربك اني اتداخلت معاك قدر دا .. تجي تشتكي؟ عالم جاحدة .. غيرك يحلم حلم باني اتنازل اتداخل معاه مفروض تشكرني على تضييع زمني الغالي معاك (او كما قال فيلسوف عصره و آوانه اعالف و غير معتلف بالله)
ثم دا كلو انا عارفو بدافع الغيرة .. ياها حسادة الناس عديمة الشعر .. والعلاقة طردية بين الشعر -الحديس خصوصاً- و شعر الرأس والشعور عموماً
يا سيدي اتداخلت في البوست، وقلت الاملاه علي ضميري .. جا كمال بل الناس بدون وجه حق .. فدافعت عن موقفي و انتزعت تبرئة ساحتي عند يد جيت انت بليت الناس من طرف .. وضحت ليك موقفي جا ملاسي بلانا بالثلاثية .. اشدت بحلاوة اللعبة جا من يصطاد في مياه ثلاثية ملاسي العكرة كان لازم ارد وكل ما يجي كلام (ناقص) ح ارد عليو .. ممن صدر .. واينما كان فيكم زول دافع حاجة من جيبو!؟ الشوربة للجميع .. مجاناً هنا في مطعم الباشا دا المافي شنو!؟ والما عاجبو يحلق حواجبو (قانون نيوتن الرابع)
Post: #285 Title: Re: البْلَّالاَّت أو جَفوةُ الكِستْناء .... شعر حديس !! Author: بله محمد الفاضل Date: 03-28-2012, 09:56 AM Parent: #284
قسماً عذبتونا عذاب في شنو بله بله بله
ما كفاية البل النحنا فيهو يا اخي
عالم قلبها خرتيت صحي
...........
ما في واحد يجي يقولي (يا بله روق)
Post: #286 Title: Re: البْلَّالاَّت أو جَفوةُ الكِستْناء .... شعر حديس !! Author: عبدالعزيز حسين عبدالرحيم Date: 03-28-2012, 10:18 AM Parent: #285
زعلان من البروف أمين ما قاعد يقرى مدخلاتنا
معاه حق قيقراوي والمشرف ما أدوه فرصه زاتو ملو البوست رغوه كلام لا يشبع لا يسكر ########و قيمة البوست وأكشن البل
والله قيقراوي والمشرف ضرسونا
المشرف عاوز يظهر ويحشش في بوست أمين دا وعاوز يقنعنا أنو بفهم وأنو فهم خزعبلات الخواض بي حذلقتة وسماجته الكلها أنا أنا أنا أنا
قيقراوي دا مالو ؟؟؟ وقاعد يقول شنو
يا نديد أنت قاعد تقول شنو ؟ يعلم الله كلامك أستغلق على مره واحده في شنو يازول مالك ؟
--------------
يا حيدر مشرف كدي تعال وريني العداوة التاريخية دي باقي رايحه لي شهره كما أمكن أشتهر في البوست دا كمان
Post: #287 Title: Re: البْلَّالاَّت أو جَفوةُ الكِستْناء .... شعر حديس !! Author: طلحة عبدالله Date: 03-28-2012, 10:47 AM Parent: #286
يا قيقراوي الحبيب كفاك ياخ .
Post: #288 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-28-2012, 11:45 AM Parent: #287
Quote: يا قيقراوي الحبيب كفاك ياخ .
كفاي شنو يا طلحة والله لولا معزتك ما كان رجعت هنا!
-----
الموضوع بسيط جداً يا شباب (المنضرسين) الما عاوزني اجي هنا تاني ما يجيب اسمي .. ويضمن لي الباقين غير كدا فالعفو يا شباب .. ما تهضموا حقي!
ما اظن في زول عندو علي حق اكتر من كدا
"فلتحمل الريح اغنيتي .. لا اخاف شئ .. لا أأمل في شي .. انا حرررررررررر"
Post: #290 Title: Re: البْلَّالاَّت أو جَفوةُ الكِستْناء .... شعر حديس !! Author: محمد البشرى الخضر Date: 03-28-2012, 12:39 PM Parent: #288
مالك يا قيقرا كسرت الروتين الدورة دي؟ في العادة تستلم البوست ثم تبرر مداخلاتك و تختم بدي مرقة من هنا وما راجع ودي آخر مداخلة - ويتش إز آبسوليوتلي نوت - وتواصل في البوست عادي وتقدمو حتى الباب حركة الما دايرني ما يناغمني دي جديدة, النيو لوك خلي بالك هههههههههههه
مولانا الملك طيب ما تشمتني ياخي, هدانا الله واياكم يا معلم شنو الحكاية ؟ في البوست دا فقت الثلاثة معا هرجي وهلاك باند (زفت) ههههههههههه
Quote: مبحث أول: سوف أتناول في هذا المبحث (قائية) البروف من (روسيتها ).. وهي التي اصطلح الفكر الغربي على تسميتها بالتايتل.. حيث وردت كما يلي: البْلَّالاَّت أو جَفوةُ الكِستْناء لقد أبدى العنوان جرأة متناهية.. وقوة عين ظاهرة فيما اختزنته مفردة ( الكستناء ) .. فقد جاء في معناها المعجمي*.. أن الكستناء من جنس( ب######## ) رجاء لا تهمل الباء .. والأعجب أنها تعرف ايضا ( بابي فروة) عديييل كده ! قال أيه من فوائده تنشيط العضلات وترميم الاعصاب.. سامعني يا ود المدير؟ والله صحي. .
سلآمات يا محمد علي. سامعك بالحيل، وكلآمك فايت قعر أضاني. القال بنشط العضلآت ويرمم الأعصاب صدق. والله صحي. لكن البروف، الختاها رقدت !!!
Quote: * راجع معجم البلدان لعمكم قوقل بن اسفير.
لسان العرب. مقاييس اللغة. الصّحّاح في اللغة. القاموس المحيط. العباب الزاخر. أها عارف، أجدادنا ديل قالوا يطرِشُن أب عُرُف دا تب ما دقّ نحاس أضانُن. لكن أنا جبلك خبرو، و وحات ربي النصيبة دا أنا قاعد اشوفوا في الكناتين ومتعجِّب فيهو رقبتي، لكن الليلة البروف دلآني عليهو. خلي بالك البروف دا تاريهو مُو هيّن. إن شاء الله ربنا يتفقوا مع قيقا.
أها تعال شوف اب فروة، وكمان معاهو قصيدة في قمّة الحدآسة:
عشان وترة كلآمك المستقلق الفوق دا تقع للناس وآحد قال في بعض الأعراف تُشبه به العذراء نسبةً لأنّ الثمرة حولها شوّك. يعني دونها خرت القتات. دحين البدور يخوض حوآشة البامية دي، اليحمل شراها.
دا إقتراحي في القضية غايتو. بس أنا ما ناقد. أنا زول شاعر والدليل علي ذلك قصيدتي الفوق دي، والتي سكبت فيها كلّ مشاعري، وأستفتيت فيها دواخلي مراراً وتكراراً قبل وضعها علي مِهاد القِرطاس...
Post: #291 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-28-2012, 03:26 PM Parent: #289
فتاح يا حبيبنا ... سلام ياخي
Quote: يا بروف لله درّك
أولاً أزعم إني مع إدريس فيما زعم
ولولا تسخير السخرية لإقحامها في النص
لزعمت أن هذا هو الشعر الحداسي
و أنا أزعم انك و أخونا إدريس قد إرتقيتم بي مرتقي صعب .... ياخي أنا ما عندي علاقة بالشعر غير قرايتو ... لم يحدث أبدا أن كتبت أو حاولت كتابة شعر من قبل ... الحاصل هنا ده محض نقد ( بالمعني البلدي عشان قيقا ما يزعل ) و سخرية من نص أزعم إنو بسخر من نفسو و من الناس و من إطلاق كلمة شعر عليهو !!
Quote: بس اللي ما عارفه ماله لو قلنا المشاء الناقد
واكتفينا
هو النقد ماله؟
لم الإصرار على الشعر؟
هنا أنا بختلف معك يا فتاح ... الخواض - زيو و زي أي زول - من حقو يكتب شعر و باي شكل و أي نوع و من حق الناس نقد الشعر ده باي شكل و باي نوع ... بل من حقها انها تقول إنو ده ذاتو ما شعر ... ----------- أبو أمين يا حبيبنا
Quote: لاتجرجرنا للتداخل .. فنكتر الطلة .. فيزهج من وجودنا الكثير حسين ملاسي الممثل الشرعي لـ ( خلق الله )
كترت الطلة بتمسخ جزء من خلق الله ... بالتاكيد أنت لست منهم !!
-----------
Quote: اما النقد الأدبي بمعناه المصطلحي.. فـ دا شغل منهجي متخصص ما عندنا ليهو رقبة .. بس دا ما بحجر حق النقد بمعناه العام ..
شكرا يا مولانا ... حا أجي لمباحثك دي في مداخلة براها كان الله هون ----------- محمد حيدر يا حبيبنا ... سلام ياخي و حمدالله علي السلامة
Quote: ذلك ما ببالى حول هذا الموضوع يا أمين - ولا أعنى أحدا غيره .. وأعنى أميننا الذى نحب تحديدا ..
فإن رأيت يا أمين وبعد كلامى هذا .. أنى تجاوزت قليلا أو أكثر قليلا .. فخذ الموضوع كما هو إختلاف مشروع جدا فى تصوراتنا للكتابة .. فالشاهد فى الموضوع أنى أنا لم أسب أحدا هنا أو أسب دينه ولا ينبغى لى ذلك أبداً
فليكن (إختلاف مشروع جدا فى تصوراتنا للكتابة ) إذن ... ------------
Quote: البوست ده أهدّر زمنكم، أطلعو منو طلع "فرِتكم" ؛)
ياخي إنت مالك و مال زمنا ؟! البوست ده مهم في بيان سقف النقد و السخرية و حق العوام الزينا ديل في إبداء ارائهم ... بعدين ياخي إنت مش مفروض تعمل حاجات و تضرب لي باك ؟ الحصل شنو ؟! -----------
Quote: دا اشد ماعندك يعني!؟
أبدا يا قيقا ... أنا لم استعمل القوة بعد !! -----------
Quote: ما في واحد يجي يقولي (يا بله روق)
يا بله روق !! نحن بنتكلم هنا عن البل ... اللي هو ما عندو علاقة بابن السيد محمد الفاضل !! ----------- عبدالعزيز يا حبيبنا .. سلام ياخي ...
Quote: زعلان من البروف أمين ما قاعد يقرى مدخلاتنا
يا زول ما بقراها كيف ؟! قول ما برد بالتفصيل ... فرق الوقت باليني جدا في الردود علي الناس ... اصحي الصباح الاقي كمية من المداخلات ما أقدر أرد عليها ... بكتب أسماء الناس في شكل إعتذار لانو الرد علي كل الناس مرات بكون صعب جدا لو ما مستحيل و ما ممكن الزول يتخير مداخلات معينة يرد عليها و يخلي الباقيين ... مافي أتفه من إنو تكتب مداخلة لزول و ما يرد عليك لكن مرات كتيرة الرد بكون صعب جدا لكثرة المتداخلين ... فيا عبدالعزيز ياخي لك العتبي حتي ترضي ... ----------
Quote: وحات ربي النصيبة دا أنا قاعد اشوفوا في الكناتين ومتعجِّب فيهو رقبتي، لكن الليلة البروف دلآني عليهو. خلي بالك البروف دا تاريهو مُو هيّن. إن شاء الله ربنا يتفقوا مع قيقا.
إنا لله !! بالله يا ود المدير البتاع ده ياهو الكستناء ؟! سنيني ده كلها في بلد الرجل الأبيض بشوف البتاع ده في Walmart... الله يكسر وهبة حته حته كان كنت عارفو إنو ده الكستناء !! --------------- يا اخوانا وهبة وين ؟!
Post: #292 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-28-2012, 03:27 PM Parent: #289
Quote: مالك يا قيقرا كسرت الروتين الدورة دي؟ في العادة تستلم البوست ثم تبرر مداخلاتك و تختم بدي مرقة من هنا وما راجع ودي آخر مداخلة - ويتش إز آبسوليوتلي نوت - وتواصل في البوست عادي وتقدمو حتى الباب حركة الما دايرني ما يناغمني دي جديدة, النيو لوك خلي بالك هههههههههههه
Post: #293 Title: Re: البْلَّالاَّت أو جَفوةُ الكِستْناء .... شعر حديس !! Author: محمد البشرى الخضر Date: 03-28-2012, 05:20 PM Parent: #292
أوكي أوكي ... عدس
Post: #294 Title: Re: البْلَّالاَّت أو جَفوةُ الكِستْناء .... شعر حديس !! Author: عبدالوهاب علي الحاج Date: 03-28-2012, 09:24 PM Parent: #293
سلام يا مشرف
Quote: ويبدو أن رد وهبه كان غاضبا على ما يبدو ..
اول حاجة البركة فيكم في العم نقد .. يا حبيب الله لا جاب زعل .. كل الحاصل اني بطيء جدا في الكتابة ومرات بكتب شوية وبتابع في التلفزيون .. المهم لما رسلت المداخلة ورجعت لصفحة المنبر اتفأت بخبر نعي المرحوم العم نقد .. خجلت وانا اصلاً اي خبر موت بطرطشني ليس خوفا منه بل احترام ومهابة لهذه الفاصلة المهمة .. ولا شك اننا ذائقوه . عشان كدا سحبت المداخلة .
Quote: هى وببساطة لى زول سودانى مثقف وصاحب تجربة حياتية تنتمى إجتماعيا ونوعا ما لليسار السودانى ودونما التزام لخلافات هنا وهناك ..
تعرف عشان ارد على نقاطك دي داير لي اقل شي ساعتين او تلاتة .. المهم حفاظا على زمنك وزمن رواد البوست وخوفاً من الوغد ملاسي ، عشان كدا ح أديك الزيتونة طوالي والباقي نتمو اذا مد الله في الآجال واتلاقينا في سانحة اوسع من الاولى حقيقة حركتي في المنبر دايرة ليها مذكرة تفسيرية صغيرة كدا علها تزيل عن عينيك بعض الغبش اول حاجة انا ما يساري ولا كوز ولا مثقف كلامك الفوق دا صحيح في حالته (الاجتماعية) فقط ولا اتعاطى السياسة واكره الحديث والمتحدثين عنها . بحب الناس جدا واسعى لمعرفة اي زول بتخيل انو يستحق المعرفة والصداقة بغض النظر الزول دا منو او توجهو السياسي شنو ؟ وبحب الفنون والمهتمين بيها الرسم والمسرح والموسيقى ... وبرضو بحب السمك والشطة الخضراء والجرجير ... واكره الكذب والنفاق والناس الما بلتزمو بمواعيدهم وبكره الحرامية والفتوات والشواذ والغواصات وملاح القرع والمريخ . عندي اصحاب كيزان وسلفيين وشيوعيين وبعثيين وليبراليين وحقانيين ونوبة ودينكا واولاد عرب ... الشرط الاساسي البفتشو في الزول انو يكون زول انساني ويحترم الناس وبيحترم نفسو هنا في البورد اهم حاجة تكون زول بتفهم ذكي ولماح ومرح ومن النوع البفهما طايرة ... وعندي تشكيلة اصحاب عجيبة لو بقيت اكبر مصنفاتي في الدنيا ما بتقدر تصنفهم ... ديل بتداخل معاهم وبتداخلوا معاي وبحبهم جداً الفي السودان بواصلو والبرة اذا جا وسمعت بيهو بواصلو برضو وبكرمو . الا من ابى . وما بفرض نفسي عل زول ابدا في كاتقوري تاني ما عندي اي مشاعر تجاهم وهم برضو خليط فيهم الشيوعي والاتحادي حزب امة وفيهم ناس ساي كدا . وفي ناس بكرههم جدا جدا جدا زي ابوبكر صالح وطه جعفر وصلاح البندر ومحمد فرح وواحد تاني من الوطني ما في داعي لذكرو مع العمالقة ديل يعني باختصار كدا يا مشرف انا زول عادي او زول شعبي او وهم ساي لا يستحق الاهتمام الكبير دا والله والله اي كلمة كتبتها ليك هنا انا صادق فيها الكلام الداير اكتبو كتير الا الزمن بقى ممحوق وما في موود من قبيل اكتب وامسح اكتب وامسح لمن زهجت ذاتو سلام
__________________________
Quote: يا اخوانا وهبة وين ؟!
مالك داير بي شنو ؟ تقول لي طه ضبان كتاب ودايرني اتعامل معاك عااادي كدا ؟ تالله إنك في ضلال شديد.. ولن انظر لك بعين العطف والرحمة الا بعد ان تسب آلهته وتذكر آلهتنا بخير . وان شاء الله قيقراوي يمعط ليك باقي صلعتك دي . ___________________ يا ملاسي .. ياخ ناس هيثم والمشرف ديل بهتهم في صمة خشمهم الاتنين الجداد ديل عميان منهم ولا شنو ؟ ياخ دا معط لا شفناهو ولا ادونا ليهو وكان داير تدخل معاهم قيقا للمرة التانية علي كيفك زول بلومك ماف
Post: #295 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-28-2012, 09:48 PM Parent: #294
Quote: يعني باختصار كدا يا مشرف انا زول عادي او زول شعبي او وهم ساي لا يستحق الاهتمام الكبير دا والله
Quote: وواحد تاني من الوطني ما في داعي لذكرو مع العمالقة ديل
أحي أنا ؛) ___ طيّب قول أول حرف من إسمو ؛)
Post: #297 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-28-2012, 10:07 PM Parent: #296
Quote: أحي أنا ؛) ___ طيّب قول أول حرف من إسمو ؛)
أحي أنا وساي يا ياسر ؟! وهبة بالجبنة و الزيت الحار حاجة ما تخلص !!
--------------- وهبه و ياسر ... البوست ده بوست علمي و نقدي عالي ... دايرين تخستكو بالله افتحو ليكم واحد تاني ... الباندازفت بتاعنا براهو قرب يخلص !!
Post: #298 Title: Re: البْلَّالاَّت أو جَفوةُ الكِستْناء .... شعر حديس !! Author: محمد البشرى الخضر Date: 03-28-2012, 10:19 PM Parent: #294
Quote: والناس الما بلتزمو بمواعيدهم
بالله شوف الحجة دا غايتو كان نضمنا مافي داعي و كان سكتنا إن شا الله مدني تغرق
يا معلّم الإتنين الجداد المعّاطين ديل منو ؟
Post: #299 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-29-2012, 01:09 AM Parent: #289
Quote: مِهاد القِرطاس...
لكين يا ود المدير السغافة ما عندك .. خليت البروف يكب ورقو ويطلب النجدة . . .
Quote: الله يكسر وهبة حته حته كان كنت عارفو إنو ده الكستناء !!
الله مخير ما عندي قول .. بس قولتك (كان كنت عارفو) دي.. ماها كتيرة من زول Walmart ؟
لووول والله. .
.
Quote: الاتنين الجداد ديل عميان منهم ولا شنو ؟
غايتو يا وهبة بعد الصينين صنفرو ليك البلوفات .. بقيت أخطر من ماو ذاتو .. معقول عايز تفك المستجدين ذي حالتنا .. بقول مثلا يعني .. بى قنبلة من قولة تيت؟
Post: #300 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-29-2012, 03:03 AM Parent: #299
مولانا الملك ...
Quote: الفهم يا جماعة أبعد من نص الأستاذ المشاء ومقابلّة في هذا البوست.. ولو أن بعضنا حصر الموضوع وتفاعل معه في إطار هذا الحيز .. صحيح النص كان (تختة) ولكنها الصدفة وحدها جعلته كذلك فيما أظن.. أمين لم يعرف بيننا كشاعر .. ولا أعلم أن له مؤلفات أدبية في أي مجال كان مثل المشاء.. بخلاف كتاباته هنا وبعض المقالات الصحفية من وقت لآخر.. هذه المعلومة مهمة لاستنتج منها أن سـ خـ ريته وإن وقعت على نص المشاء.. من الصعب فهمها بأنها موجه لشخص المشاء ..
مش كده و بس ... أنا لم يحدث أن تداخلت مع الخواض مطلقا و ليس بيني و بينه سوي هذه الهنيهات و التي لو كتبها أي شخص أخر و نشرها جادي علي أساس انها شعر مثلما فعل الخواض ...لفعلت نفس الشئ ... و طيلة هذا البوست مش لم اتعرض للخواض و بس ... لم اتعرض للخواض ولا لاي عمل أخر من أعمالو لانو الغرض لم يكن الخواض و لا أعمالو و لا أنا ناقد أو متخصص ... الغرض كان (الهنيهاتُ بنتُ الرذاذ\الغيوم) و السخرية من نص منشور و لو أنا غلطان في حاجة فهي في إنو النص ما كان محتاج سخرية لانو - في تقديري - يسخر من نفسو ... و عشان القصة ما تكون كلام ساي ... ده نص الخواض للمرة التالته علي شاشة البلالات :
الهنيهاتُ بنتُ الرذاذ\الغيوم "ألوت"*، قوافٍ من الشوكولاتا: الطريقِ الوحيد الأكيد الرشيد الحميد المجيد السعيد المريد المعيد المؤدِّي إلى كوّة الفَرْج الأبنوسيِّ، توقُ اللطافة للجاذبيةِ، صوتُ الموسيقى تهدهده حظوة الحقلِ، رغوةُ شمبانيا الانسكابِ، حظوظُ المؤوِّلِ في ساعة الكشفِ، راموزُ فاكهةٍ بسطتْ فوحها للأيائلِ، لؤلؤةٌ نمْنمتْ خفر الأناناس على وجهِ فاتنةٍ إستوائيةٍ، لثغةٌ عُجِنتْ من طحين اعتراف النبيذ لقسِّ الكرومِ، منمنمةٌ نُحِتتْ من ثلاث هنيهاتْ هنيهة أن تتدوزن من سمر الكتْب في حبْوها المتصاهل منسربا في رفيف المكان، هنيهةَ بوح الشقيقةِ \طلْق الصديقةِ في "الفيسبوك" ، هنيهةُ تعميدنا في غدير الأنوثةْ
و لا حولة ولا قوة إلا بالله ...
Post: #301 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-29-2012, 03:35 AM Parent: #300
الأشكالية يا الملك - فيما أري - في مفهوم النقد عندنا كسودانيين و فهمنا ليهو من منظور شخصي جدا ... و الكلام ده بيسري علينا كلنا كسودانيين مثقفين و غير مثقفين ... ما فينا زول بياخد أي نقد باي مهنية مهما كان نوع النقد ... و المسالة دي بتظهر بوضوح في الناس الشغلها بيطلعو عليه الناس زي الشعراء و الأدباء و لعيبة الكورة و الممثلين ... الخ ... مفروض الناس دي تحتفي بالنقد ده - و أنا هنا بتكلم كلام عام - و تحاول تطلع بالموضوعي فيهو ... لكن لانو مفاهيمنا كلها شخصية ... نقد العمل بيعني عند الناس نقد العامل نفسو ... و ده بالتاكيد كلام ما سليم !! أي نقد من أي نوع بيتاخد شخصي و مش من من وجه اليهم النقد و بس حتي من الناس التانية ... شوف قيقا لحدي امبارح دي بقول لي (إستهزاءك) من الخواض و حمور قال لي (الخواض ما بيستاهل كده ) و ديل ناس بحساب (الشخصنة ) أنا أقرب ليهم من الخواض بملايين المرات ... نحن ما قادرين و ما أظن نقدر نفرق بين نقد الشخص و نقد عمل معين لهذا الشخص ... و طبعا لا اتوقع إنو أي شاعر يفرح بانو قصديتو سخرو منها علي الملأ ... لكن حقيقة أتمني إنو الخواض - خاصة بعد كمية الناس الأيدت كلامي عن قصيدتو - يراجع نفسو في مسالة كتابة نصوص زي دي ... خاصة و إنو عندو المقدرة الحقيقية في كتابة نصوص مبدعة زي ما قريت ليهو في بوست ماريل ... غني عن القول إنو الكلام ده تمني لا أكثر لا أقل ... الخواض من حقو يكتب الشعر بالطريقة البتعجبو زي ما من حقنا ننقد شعرو بالطريقة البتعجبنا !!
Post: #304 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-29-2012, 10:40 AM Parent: #301
Quote: الأشكالية يا الملك
أيو كده يا أمين .. شابكني ( مولانا مولانا) دي بالجد قاعدة تكسر خاتري وتخليني انطمه..
Quote: الأشكالية يا الملك - فيما أري - في مفهوم النقد عندنا كسودانيين و فهمنا ليهو من منظور شخصي جدا
وأحيانا من منطلق العاطفة الأيديولوجية .. يعني إذا أنا يساري وأنتقدت عمل شخص يميني .. بنظرو لعملي النقدي منزاوية كوني يساري .. .
Quote: نقد العمل بيعني عند الناس نقد العامل نفسو
عشان كدا يا أمين ما غريبه تشوف نفس الناس الخرجت في إبريل تهتف ضد الدكتاتورية الشمولية .. تصفق لدكتاتور شمولي تاني وتاني.. لإنهم علقو نقدهم باشخاص الحاكمين مش بالنظام في عضمو.. دا هو نفسه خطل التفاكير المضيعة البلد.
Post: #305 Title: Re: البْلَّالاَّت أو جَفوةُ الكِستْناء .... شعر حديس !! Author: khaleel Date: 03-29-2012, 11:27 AM Parent: #304
يا نوتة
كل سنة وانت طيب
شايف الليلة عيد ميلادك في الفيس بوك
لقد هرمنا يا دفعة
ههههههههههههههههه
Post: #303 Title: Re: البْلَّالاَّت أو جَفوةُ الكِستْناء .... شعر حديس !! Author: عبدالفتاح أبوشيمة Date: 03-29-2012, 04:22 AM Parent: #300
Quote: (1)
الطريقِ الوحيد الأكيد الرشيد الحميد المجيد السعيد المريد المعيد المؤدِّي إلى كوّة الفَرْج الأبنوسيِّ، توقُ اللطافة للجاذبيةِ،
(1) أيها البروف
رجاءً تمعّن في هذا النص وقل لي رأيك فيه
وخصوصاً في اختلاط هذه الأسماء بأسماء
الله الحسنى والتي تؤدي إلى كوّة الفرْج الأبنوسي (علماً أن كلمة الفرْج مضبوطة بتسكين الراء
وإن لم تشكّل هكذا لكنّا أحسنّا الظن) ألم يتجاوز الشعر وحتى الأدب؟
أم هي فقط رغائب الاستفزاز؟
ونحن في حضرة النقد.
والله أعلم
Quote:
(2)
و أنا أزعم انك و أخونا إدريس قد إرتقيتم بي مرتقي صعب .... ياخي أنا ما عندي علاقة بالشعر غير قرايتو ... لم يحدث أبدا أن كتبت أو حاولت كتابة شعر من قبل ... الحاصل هنا ده محض نقد ( بالمعني البلدي عشان قيقا ما يزعل ) و سخرية من نص أزعم إنو بسخر من نفسو و من الناس و من إطلاق كلمة شعر عليهو !!
(2)
وأنا معك أزعم أنك قد لا تكون شاعراً ولكن ما كتبته من نص إن قارنّاه بالنص أعلاه
مؤكد أنه يمتاز عليه على الأقل من ناحيتي الإيقاع والموسيقى الداخلية - نعم نقد محض وهو ليس موجها للمشاء وحده
ولكن لكل مدّع ممّن يملأون الساحات سخاماً فلا تقلل من قيمة الصناعة التي صنعتها
فهي أفضل من نظم من يسمّون أنفسهم شعراء
وبالفم المليان
Quote:
(3)
هنا أنا بختلف معك يا فتاح ... الخواض - زيو و زي أي زول - من حقو يكتب شعر و باي شكل و أي نوع و من حق الناس نقد الشعر ده باي شكل و باي نوع ... بل من حقها انها تقول إنو ده ذاتو ما شعر ...
(3) ولأنه من حقناأن نقول إنو ده ذاتو ما شعر
والله صحي
يا أخي الخواض يعرف
لأنه ناقد ماهو شعر وماليس شعراً
ولكن أن يدّعي أن ما كتبه شعر
في الوقت الذي يمكن أن تقسم الملايين
بأنه ليس شعراً(فالمبالغة هاهنا)
أشكر لك اهتمامك بالرد
هذا بوست رائع لا تسمح له أن يخرج من طريقه، وبورك في قلمك
Post: #302 Title: Re: البْلَّالاَّت أو جَفوةُ الكِستْناء .... شعر حديس !! Author: معاوية المدير Date: 03-29-2012, 03:38 AM Parent: #299
Quote: يا معلّم الإتنين الجداد المعّاطين ديل منو ؟
Post: #306 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-29-2012, 11:51 AM Parent: #302
يا امبن ما تقوله عن التعامل مع النقد بحساسية اكيد حمور-ككاتب وناقد مجيد - اكثر ادراكاً له منك! بدل ما ترمي الخطأ على غيرك، هلا بطلت التحسس انت دا للنقد واتعاملت معاه كنقد؟
اسامة الخواض طارح نفسه ككاتب هنا ... والتعرض -غير الموضوعي- لمشروعه الكتاب بالطريقة دي، تعرض ليهو هو! هكذا اقرأ المسألة وعليه بنيت كلامي
------
تعرف الحاجة المحيراني في بوستك دا انك وغيرك فاهمين اني معجب بنص الخواض، رغم تصريحي برأي في اول مداخة!! ما عارف الناس ما قاعد تقرأ، ام هي شهوة البل وغوايته؟
Post: #307 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-29-2012, 04:50 PM Parent: #306
Quote: شابكني ( مولانا مولانا) دي بالجد قاعدة تكسر خاتري وتخليني انطمه..
بالله اعفي لينا يا مولانا ... كان ما أخاف الكضب أقول ليك في زول كتب ليك مولانا و أنا عارفك دارس قانون فقلت الملك حبيبنا قاضي يجب مناداته بمولانا ...
Quote: عشان كدا يا أمين ما غريبه تشوف نفس الناس الخرجت في إبريل تهتف ضد الدكتاتورية الشمولية .. تصفق لدكتاتور شمولي تاني وتاني.. لإنهم علقو نقدهم باشخاص الحاكمين مش بالنظام في عضمو.. دا هو نفسه خطل التفاكير المضيعة البلد.
يا ريت لو كده و بس ... الناس بتتحسر علي نفس القيادات الدكتاتورية المرقت ضدها ... مشاكلنا و افاتنا كتيرة ... الفلم ده كان قلبنا سياسة ما بنخلص .. مباحثك في قائيتي الباذخة قريتها كذا مرة ... طممت لي بطني و شكلي داير لي أربعة سنين ضوئية عشان أبقي شاعر !! -----------
Quote: يا نوتة
كل سنة وانت طيب
شايف الليلة عيد ميلادك في الفيس بوك
لقد هرمنا يا دفعة
هرمنا و ساي يا خلي ...
عشان كده كان مفروض تقول لي هاردلك بدل كل سنة و أنا طيب دي !! ----------------- فتاح يا حبيبنا
Quote: أيها البروف
رجاءً تمعّن في هذا النص وقل لي رأيك فيه
وخصوصاً في اختلاط هذه الأسماء بأسماء
الله الحسنى والتي تؤدي إلى كوّة الفرْج الأبنوسي (علماً أن كلمة الفرْج مضبوطة بتسكين الراء
وإن لم تشكّل هكذا لكنّا أحسنّا الظن) ألم يتجاوز الشعر وحتى الأدب؟
أم هي فقط رغائب الاستفزاز؟
ونحن في حضرة النقد.
والله أعلم
أحد الأصدقاء نبهني لمسالة تطابق معظم أسماء الطريق (المؤدِّي إلى كوّة الفَرْج الأبنوسيِّ ) مع أسماء الله الحسني و لاني ما متخصص أو لقلة المعرفة في المجال ده ما عرفت what to make out of it .... قصة التطابق أوضح من الوضوح لكن بالتاكيد مافي زول غير كاتب النص عارف قصدو كان بالظبط شنو ... و ده جزء من الكلام الجاب السخرية من النص لكن فكرتو شنو ؟ ياها الله أعلم الختمت بيها كلامك ده .
Quote: ولأنه من حقناأن نقول إنو ده ذاتو ما شعر
والله صحي
يا أخي الخواض يعرف
لأنه ناقد ماهو شعر وماليس شعراً
ولكن أن يدّعي أن ما كتبه شعر
في الوقت الذي يمكن أن تقسم الملايين
بأنه ليس شعراً(فالمبالغة هاهنا)
اتفق معاك تماما يا فتاح ... أنا لا علم لي إن كان الخواض شاعر أم لا ... لكني متاكد مليون و ربع في المية إنو نص الهنيهات ده ما شعر و لو لم يكتب عليه الخواض شعر ربما لم اهتم بنقدو و السخرية منو ... --------------
Quote: يا امبن ما تقوله عن التعامل مع النقد بحساسية اكيد حمور-ككاتب وناقد مجيد - اكثر ادراكاً له منك! بدل ما ترمي الخطأ على غيرك، هلا بطلت التحسس انت دا للنقد واتعاملت معاه كنقد؟
يا قيقا ... أنا ما قلت حمور تعامل مع النقد بحساسية ... أنا قلت تعامل معاهو بشخصنة و جبت كوت كلامو لمن قال لي (الخواض ما بستاهل كلامك ده ) في حين إنو أنا فقط تكلمت عن نص الخواض و ليس عن الخواض ...
Quote: اسامة الخواض طارح نفسه ككاتب هنا ... والتعرض -غير الموضوعي- لمشروعه الكتاب بالطريقة دي، تعرض ليهو هو! هكذا اقرأ المسألة وعليه بنيت كلامي
يا سيدي من حقك تقرأ المسالة بالطريقة البتروق ليك و من ثم تبني كلامك علي قرايتك دي ... و من حقي أشوف عكس شوفك ده ... ( التعرض الما موضوعي ) ده فصلو لينا عشان نناقشك فيه و ما يبقي كلام بين قوسين أو شرطتين ساي ... بعدين وين أنا أصلا تعرضت لمشروع الخواض الكتابي كان بموضوعية ولا من غير موضوعية ؟ البوست ده ليه أكتر من أسبوع مدور صباح مساء... لم أتكلم عن أي عمل من أعمال الخواض غير الهنيهات ... يعني لو باقي شعر الخواض طلع في سرج واحد مع أمل دنقل لن يغير ذلك ما كتبتو هنا ... لاني فقط كتبت و سخرت من الهنيهات .... و بالتالي الكلام عن تعرضي لمشروعه الكتابي كلام مقطوع من راسك ده ... زيو و زي باقي الكلام الليك كم يوم بتكتبو هنا ...
Quote: تعرف الحاجة المحيراني في بوستك دا انك وغيرك فاهمين اني معجب بنص الخواض، رغم تصريحي برأي في اول مداخة!! ما عارف الناس ما قاعد تقرأ، ام هي شهوة البل وغوايته؟
وين يا قيقا أنا قلت ولا لمحت ساي انك معجب بالنص ؟ (شهوة البل وغوايته) في البوست ده مافي زول شايلها غيرك ..اللي بتقطع كلام من راسك و تحاسبنا عليه ... محمد حيدر هو القال النص عجبو و لمن الجيلي سالو يشرح لينا نص الخواض ده ... أنا كوت كلام الجيلي و قلت للمشرف - و تاني بقول ليه - إنو يجي يشرح لينا نص الخواض ده بقول شنو ذاتو ... ما عارفك من وين جبت كلام زي إنو أنا فاهم انك معجب بنص الخواض ... و يا ريتك لو بتقطع من راسك و تسكت ... لا .... بتبل بسبب المقطوع من راسك ده !!! يا اخوانا لو في زول في جدة ...يمشي يكشف لينا علي فتح الرحمن ده ... الزول ده ما براو !!!
Post: #308 Title: Re: البْلَّالاَّت أو جَفوةُ الكِستْناء .... شعر حديس !! Author: الشفيع وراق عبد الرحمن Date: 03-29-2012, 05:08 PM Parent: #307
يا بتاعين البلالات الكستنائية انتو قاعدين تصرفو عربي كتير خلاس العربي ده بتجيبوهو من وين؟
----------------------------- يا جماعة الخير في حتة اسمها هجليج، تم الاعتداء عليها من قبل دولة الجنوب وتم صدهم من قبل قواتنا المسلحة للمعلومية امكن تكونوا غاتسين في البوست ده من فبراير وما جايبين خبر الدنيا قلنا ننوركم
Post: #309 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-29-2012, 05:31 PM Parent: #308
Quote: يا جماعة الخير في حتة اسمها هجليج، تم الاعتداء عليها من قبل دولة الجنوب وتم صدهم من قبل قواتنا المسلحة
يا الشفيع ياخي الانقاذ ممكن تغتال فينا أي شئ إلا الوطنية و الانسان الجوانا ده ... فياخي الله يرضي عليك ما تزايد في وطنيتنا ولا في انسانيتنا ... شوف ليك بوست بتاع سيدي الرئيس أقعد فيه و خلينا نحنا في بلالاتنا الكستنائية لحدي ما يجي وقت الحساب علي العملتوه في البلد دي !!
Post: #310 Title: Re: البْلَّالاَّت أو جَفوةُ الكِستْناء .... شعر حديس !! Author: الشفيع وراق عبد الرحمن Date: 03-29-2012, 05:41 PM Parent: #309
Quote: قلنا ننوركم
وما دام متنورين فتناكم بي عافية
Post: #311 Title: Re: البْلَّالاَّت أو جَفوةُ الكِستْناء .... شعر حديس !! Author: محمد على طه الملك Date: 03-29-2012, 08:25 PM Parent: #307
Quote: كان ما أخاف الكضب
لالا إنت صادق بس هنا خلينا بعيدين من البنشات أحسن.
Quote: مباحثك في قائيتي الباذخة قريتها كذا مرة ... طممت لي بطني
الظاهر يا بروف حبيبنا قيقا بالاشتراك مع الخواجة لحسوا تركيزك.. ناس البيت ديل خليهم هسه بعيد.. قائيتك الباذخة كانت تختة .. تختتتتا.. أنظر لابعد من أرنبة كستناءتا ياخي.. كدى شوف الكستناء عندها مقابل بى غادي واللا لا ؟ ممكن تعاين من ( كوة) البتاع إذا بتريد.. أقطبوووط الوووت وإنت ماشي عادي يعني .. أمال كبير الشراح والمشرّحين ود المدير.. تعبان في شنو؟ شيء بالكتابة وشيء بالفديو.. مش عشان يشرح لينا المستغلق في نصك الباذخ.
Quote: إنا لله !! بالله يا ود المدير البتاع ده ياهو الكستناء ؟! سنيني ده كلها في بلد الرجل الأبيض بشوف البتاع ده في Walmart... الله يكسر وهبة حته حته كان كنت عارفو إنو ده الكستناء !! ---------------
طيّب يا بروف، إنتوا وكت الحاجة ما عارفنها بتجو تقولوها لينا ليه ؟؟؟ أتريدون أن يُكذّب الشِعر والشعراء ؟؟؟ هسّع كان ما ربنا ستر الكستناء دي قرررربت تطلع كلمة كعبة. بعدين الوآحد فيكم لما يلقى الخرابيط بتاعتوا ما لآفقة، يقول ليك عضّت، فأصبح مجنيٌ عليها. بس صرآحة أنا زعلآن من الناس البيقولوا البوست ما جايب حقو !!! يا زول علي اليمين جايب حقو ونُص. هسّع الكستناء دي أنا لمان عرفتها عملت ليك تست لمجموعة من القاطنين في بلآد بنات الأصفر بقضهم وقضيضهم، لقيتُوم ليك ما عارفنها من ناحية، ومن ناحيةٍ أُخرى يخرِبُن كان عارفين أنّ هنالك علآقة بينها وبين سُفُن الصحراء. والله صحي...
Post: #313 Title: Re: البْلَّالاَّت أو جَفوةُ الكِستْناء .... شعر حديس !! Author: معاوية المدير Date: 03-30-2012, 00:45 AM Parent: #312
Quote: لكين يا ود المدير السغافة ما عندك .. خليت البروف يكب ورقو ويطلب النجدة .
أها، شِنو ليك يا ملك ؟؟؟ وبلغة جنوّن البندر : لقيتني كيف ؟؟؟
الغريبة، ود شيقوق قاعد يقول (لقيتني كيف ؟؟؟) لكن بيني وبيّنك، ما خايلآ فوقو...
Post: #314 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 03-31-2012, 09:25 AM Parent: #313
Quote: تعرضي لمشروعه الكتابي كلام مقطوع من راسك ده ... زيو و زي باقي الكلام الليك كم يوم بتكتبو هنا ...
انت فاهم لو وصفت كلامي بانو قاطعو من راسي خلاس طوالي ببقى قاطعو من راسي!؟
------
بالجد يا امين بعد ما تعمل ساين اوت بتنوم عاااادي كدا، ويديك ملطخة بدماء ضحايا شهوة (السخرية) وتزجية اوكات فراغك!؟
التناول غير الموضوعي هو بوستك دا (لحدي اسي لم اقرأ قراءة جمالية او تفكيك للنص او نواحي الضعف الانت شايفا فيو في زعمك الصاعق الزاعق (دا ما شعر!) .. بالله ممكن تورينا ما هو الشعر .. وماهو معيارك الجمالي (الشعروميتر) الاستخدمتو!؟ الاجمل كمان ناقلينو -البوست- للربع الجديد! علي بالحلال تفاءل زي دا اصلو ما لاقاني كلو كلو! والله تحيروا كلو كلو! برضو انا المحتاج يكشفوا على قواي العقلية!؟
لخير كدا خليتكم في ي ي ي نعيمكم دا وهنيئاً لكم .. ولي جحيمي
Post: #315 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 03-31-2012, 07:44 PM Parent: #314
الملك يا حبيبنا ...
Quote: الظاهر يا بروف حبيبنا قيقا بالاشتراك مع الخواجة لحسوا تركيزك.. ناس البيت ديل خليهم هسه بعيد.. قائيتك الباذخة كانت تختة .. تختتتتا.. أنظر لابعد من أرنبة كستناءتا ياخي..
ياخي أنا لو بعرف أنظر لابعد من أرنبة كستنائتي كان كان بكون قاعد هنا ؟! قريت تعليقك تاني و اكتشفت اني رديت ليك بدون ما أفهم كلامك تماما ... امسحها في وش ود المدير ده يا ملك !! ------------ المدير يا حبيبنا ...
Quote: هسّع كان ما ربنا ستر الكستناء دي قرررربت تطلع كلمة كعبة. بعدين الوآحد فيكم لما يلقى الخرابيط بتاعتوا ما لآفقة، يقول ليك عضّت، فأصبح مجنيٌ عليها. بس صرآحة أنا زعلآن من الناس البيقولوا البوست ما جايب حقو !!! يا زول علي اليمين جايب حقو ونُص. هسّع الكستناء دي أنا لمان عرفتها عملت ليك تست لمجموعة من القاطنين في بلآد بنات الأصفر بقضهم وقضيضهم، لقيتُوم ليك ما عارفنها من ناحية، ومن ناحيةٍ أُخرى يخرِبُن كان عارفين أنّ هنالك علآقة بينها وبين سُفُن الصحراء. والله صحي...
أنا الكستناء دي سامع بيها من بدري لكن سئيلي الله ما عرفت معناها إلا مع البوست ده ... غايتو زي ما قلت الحمد لله ما طلعت كلمة كعبة ... بالنسبة للبوست ... والله يا مدير قدر ما أخت نفسي في محلة الناس الأنتقدو البوست و السخرية من قصيدة تسخر من نفسها عشان أطلع بمعادل موضوعي لنقدهم ... ما القي غير ربطهم للسخرية من النص للسخرية من قائله ... و الربط ده لا يوجد إلا في عقولهم لانو مافي سخرية من كاتب النص إلا في عقولهم !! ------------ السيد فتح الرحمن قيقراوي
Quote: انت فاهم لو وصفت كلامي بانو قاطعو من راسي خلاس طوالي ببقى قاطعو من راسي!؟
لا ما فاهم كده ... و الدليل اني فندت كلامك حته حته و وريتك كيف انك قاطعو من راسك ... أنا جبت ليك أي كلام في حقي قطعتو إنت من راسك و فندتو ليك ... و ما لقيت منك إجابات ... و كان حبيت ممكن ارصو ليك تاني من فوق لكني عارف حساسيتك مع الباندويث و إهدارو فما حا أعمل كده !!
Quote: بالجد يا امين بعد ما تعمل ساين اوت بتنوم عاااادي كدا، ويديك ملطخة بدماء ضحايا شهوة (السخرية) وتزجية اوكات فراغك!؟
والله يا فتح الرحمن بنوم نوم ... عارف ليه ؟ لاني ما بكتب كلام و ما بقدر to back it up ... و ما بقطع من راسي عشان أبل الناس ... و كان غلط علي زول ما بكابر و أوسع الغلط ... فلو الناس البتسوي ده كلو بتنوم بعد ما تعمل ساين اوت ..أنا الما بنومني شنو ؟
Quote: التناول غير الموضوعي هو بوستك دا (لحدي اسي لم اقرأ قراءة جمالية او تفكيك للنص او نواحي الضعف الانت شايفا فيو في زعمك الصاعق الزاعق (دا ما شعر!) .. بالله ممكن تورينا ما هو الشعر .. وماهو معيارك الجمالي (الشعروميتر) الاستخدمتو!؟ الاجمل كمان ناقلينو -البوست- للربع الجديد!
ياخي كونك لم تقرأ دي ما مشكلتي ... لكن وجه إعتراضي علي نص الخواض قاااعد في البوست . الهنيهات دي ما شعر بالشعروميتر حقي أنا ده ... المشكلة شنو ؟! هل أنا جيت قلت داير أقدم نقد علمي متخصص لنص الخواض ؟ العكس تماما من الأول أبنت اني ما متخصص ولا شاعر و نقدي و سخريتي من النص ده قايمة علي رؤيتي كقارئ إستهدفو الخواض لمن نشرو هنا ... اليوم الممكن تسمي مداخلتي دي شعر هو نفس اليوم اللي ممكن تسمي هنيهات الخواض شعر !!!
Quote: لخير كدا خليتكم في ي ي ي نعيمكم دا وهنيئاً لكم .. ولي جحيمي
إن شاء الله ما يبقي كلام ساكت !!
Post: #316 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 04-01-2012, 10:39 AM Parent: #315
Quote: ياخي كونك لم تقرأ دي ما مشكلتي ... لكن وجه إعتراضي علي نص الخواض قاااعد في البوست . الهنيهات دي ما شعر بالشعروميتر حقي أنا ده ... المشكلة شنو ؟!
ما قريت بتاعتي دي انت قريتا كيف؟ ما قريت يعني مافي، مش انا رفضت اقرأ (دي ما قاعد اعملا والله حتى للغثاء الملل البتكرر فيو دا)!
يا امين انت فاهم (موضوعي) يعني شنو!؟
Quote: ... ( التعرض الما موضوعي ) ده فصلو لينا عشان نناقشك فيه و ما يبقي كلام بين قوسين أو شرطتين ساي ...
مش كان دا طلبك!؟
---------
Quote: إن شاء الله ما يبقي كلام ساكت !!
نكورك ليكم تابوا تجونا .. نجيكم تقنبوا تكوركوا!؟
Post: #317 Title: Re: البْلَّالاَّت أو جَفوةُ الكِستْناء .... شعر حديس !! Author: قيقراوي Date: 04-01-2012, 11:34 AM Parent: #316
Quote: والله يا فتح الرحمن بنوم نوم ... عارف ليه ؟ لاني ما بكتب كلام و ما بقدر to back it up ... و ما بقطع من راسي عشان أبل الناس ... و كان غلط علي زول ما بكابر و أوسع الغلط ... فلو الناس البتسوي ده كلو بتنوم بعد ما تعمل ساين اوت ..أنا الما بنومني شنو ؟
لو كنت المقصود انا بـ(الناس) وما دام انك مقتنع تماماً بصحة موقفك وما راضي مراجعة
يبقى في الحالة دي انا بعتذر ليك و بشدة وندمان و سافي التراب على اي كلمة كتبتها هنا
وبعتذر لنفسي ذاتو!
ما كتبت ما كتبت الا لما رأيته -وقد اكون كنت مخطئ- في مفارقة الحس الانساني العادي الشفتها هنا، و الما بتشبه امين البعرفو .. لكني حالياً غير متأكد من البعرفو و الما بعرفو شنو ذاتو!!
عموماً اهو كلامنا الاتنين مكتوب .. وقااااعد فليغفر الله للجميع
ههههههههههه كان على الملامة تعال ساي يا قيقراوي .. ياخ أنا كتا متوقعك تنقطع بعد همزة ملاسي مباشرة ............... يا زول مالك بقيت جادي كدا مع البروف دا.. والعكس ؟؟؟؟؟؟
Post: #319 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 04-01-2012, 07:51 PM Parent: #318
Quote: ما قريت بتاعتي دي انت قريتا كيف؟ ما قريت يعني مافي، مش انا رفضت اقرأ (دي ما قاعد اعملا والله حتى للغثاء الملل البتكرر فيو دا)!
قريتها زي ما إنت كتبتها لي : إنك ما قريت لا إجمالا ولا تفكيكا أسباب نقدي لنص الهنيهات ... في حين إنو البوست من أولو لاخرو أنا بكرر في سبب السخرية/النقد للنص .... و رفقا بالباندويث ( اللي أعلم تماما مدي حرصك عليهو ) حا أجيب ليك مقتطفات من الصفحة الأولي بس عن أسباب نقدي/سخريتي من اللهنيهات :
مافي شر والله ... بنمارس في حقنا الديمقراطي في شعر خالي من البل و كلورسترول اللغة ...
لكن شعرو ده ( و أنا هنا بتكلم عن الهنيهات و الشعر الزي ده ) أنا ما شايفو شعر من الأساس و إن إتفق الأنس و الجن علي ذلك ...
أول حاجة ياتو شعر حديث الانت بتتكلم عنو ؟ الشعر الحديث بتاع ناس درويش و نزار و أمل دنقل ده ولا الشعر الحديس بتاع الخواض ؟! لانو - في تقديري - مافي علاقة !! يبقي أنا هنا لا اتحدث عن الشعر الحديث إطلاقا ... أنا اتحدث عن النص الفوق بتاع الخواض و اللي في تقديري ما عندو علاقة بالشعر أساسا ... فيما يخص مسالة التفاعل مع القراء أنا شايفها مسالة ثانوية لانها أقرب لشخصية و مزاج الكاتب أو الشاعر ما النص ...و نحن هنا غرضنا النص ما الكاتب ... لكن اللفت نظري في كلام الأستاذ الخواض بعد إنزالو للنص مسالة (استغلاق ) النص للناس الما فهمو كلامو زي وهبة ... و هسي يا محمد حيدر : خليك من وهبة و من كونو مافي قافية و مافي موسيقي و بطاريات النص نايمة مافي نقر ذاتو ...خليك من ده كلو و أنا جادي جدا في طلبي ده ... تعال اشرح لينا قصيدة أستاذ الخواض الفوق دي
نقدي لقصيدة الخواض ما جاء لاراءو فيها ... الحقيقة أنا ما عارف لو كان فيها أراء ذاتو ولا لا ..
لست في معركة مع أسامة الخواض ... و كان إنت أو أسامة شايفنها معركة فهذا شانكم ... من حقي و حق أي بني أدم نقد قصيدة الخواض و السخرية منها طالما نشرها للعلن و طالما لم نسئ لكاتبها و هو عين ما فعلناه ....
بالنسبة للخواض ... ياخي أهو إنت قلتها : ( حب الناس مذاهب !! ) إنت شايف قصيدة الخواض من عيون الشعر ... أنا و بعض الناس شايفين إنو نص الخواض الفوق ده ما عندو علاقة بالشعر لا من قريب لا من بعيد ... و طالما ما وجهنا اساءات للخواض في عضمو ... نبقي حلوين جدا ... المسالة في الأخر وجهة نظر ...
كل الأنا عملتو يا المشرف كواحد من الناس الاطلعت علي نص الأستاذ الخواض ده إني سخرت من القصيدة القدمها بطريقتي الخاصة ... ما سخرت من الأستاذ الخواض و لا ينبغي لي
في حدود ضيقة و خاصة ليه يا طه ؟ و هل تم نشر النص في في حدود ضيقة و خاصة ؟ النص اتنشر في أرض الموت الاسمها سودانيزونلاين دي ... النقد تم في نفس المكان ... المشكلة شنو ؟!! و ليه يكون في نقد النص عدم إحترام للكاتب أو من أعجبو النص ؟ نقد النص و ذمو زيو و زي مدح النص : عبارة رأي شخصي في عمل أدبي ... المحك إنو الراي مدحا أو ذما يكون موضوعي و ما يكون فيهو تجريح و اساءات لكاتب النص في عضمو !! أما النص ذاتو ... فدمه مباح طالما أريق في العلن !!
يا محمد ياخي أنا بحاكم في النص بتاع الخواض ... الخواض أنا ما بعرف ليه سمح ولا شين عشان أحاكمو ... أنا بحاكم في كتابتو و من وجهة نظر شخصية جدا ما عندها علاقة بالعلمية ذاتها ..
ليه نقد نص ممكن يجرح كاتبو أو زول معجب بيهو إذا علق عليه البعض سلبا ؟! ياخي نحن بنمارس في حقنا الديمقراطي في إنتقاد نص بسخرية شديدة و بكل أدب و إحترام ؟ و الشاعر أو القاص لو ما عايز الناس تنتقد نصو يلمو عليه و ياما في شعراء دفنت شاعريتهم خوفا من بل النقد إذا خرجت أعمالهم إلي العلن ...
يا ياسين ... النقد الموجهه لاستاذ الخواض ما مفروض يكون موذي ليهو ... بالعكس، الخواض كزول professional مفروض يستفيد من النقد ده و يعرف إنو في شريحة مقدرة - و دونك مداخلات معظم الناس هنا - شايفة إنو البكتب فيه ده ما عندو علاقة بالشعر ... و طبعا من حقو إنو ما يشتغل بالكلام ده باعتبار إنو بيكتب لنفسو ... و نحن كمان من حقنا ننتقد عملو بدون اساءات لشخصو ... كلامك يا حبيبها و كلام المشرف و طيفور جزء من ماستنا كشعب و بعدنا عن المهنية في تعاملنا مع الأشياء ... يعني يا ياسين أنا أري إنو من حقي أقول ليك إنو روايتك الفلانية كانت بيضة جدا عشان كده كده كده بدون ما تنقص معزتك الشخصية سنتمتر و بدون ما إنت تزعل و تستاء من هذا النقد بالذات لو كان موضوعي ... العكس تماما مفروض الكاتب أو الشاعر يحتفي بالنقد لانو مافي زول كامل و مافي عمل كامل ...
في حاجة اسمها بل النص يا دوك ... لانو بل كاتب النص حاجة مختلفة تماما ... نحن ملمومين هنا بنبل في الكلام الكتبو أستاذ الخواض و نزعم إنو ما عندو علاقة بالشعر ... مافي زول اتكلم عن أخلاق أستاذ الخواض مثلا أو سيرتو بين الناس أو أي شئ شخصي لانو كتابتو مافيها ما يعيب أخلاقيا أو دينيا مثلا ... ننتقد عملو كعمل أدبي و نسخر من هذا العمل دون المساس بشخصو ...
يعني من أول البوست و لحدي مداخلتي الأخيرة كلامي واحد و محدد كالاتي : - إنو النقد و السخرية موجهه لنص الهنيهات فقط و ليس لمجمل أعمال الخواض لاني لم أطلع سوي علي بسيط جدا من أعمالو .. - إنو أنا لست بناقد و لا متخصص و أن سخريتي من النص جاءت من رؤيتي الشخصية جدا أن النص يسخر من نفسه ... - إنو أنا ما إتعرضت بالنقد أو السخرية للخواض في عضمو و أعلنت في أكتر من مكان احترامي و عصرتي علي الخواض كبني أدم ... دي محاور مداخلاتي من بداية البوست .... بكرر في الغثاء الممل ده - علي قولك - ليك إنت تحديدا لانك بتنجر من راسك و تنسبو لي و ما بتقدر to back it up ... فيا أخليك تنجر و تقطع من راسك و تفهم علي كيفك ولا أرد علي كلامك و أفندو ... تاكد تماما يا فتح الرحمن لو القصة دي حصلت كل يوم ( زي ما مدوره معاك هنا ليها أسبوع ) ... أنا حا اختار أرد ( بغثائي الممل ) ده من إنو أمرر ليك إنت ولا غيرك يقولوني ما لم أقل و يقطعو لي من راسهم و يحاسبوني عليه بعداك !!
Post: #320 Title: Re: البْلَّالاَّت أو جَفوةُ الكِستْناء .... شعر حديس !! Author: عاطف عمر Date: 04-01-2012, 08:16 PM Parent: #319
Quote: يعني من أول البوست و لحدي مداخلتي الأخيرة كلامي واحد و محدد كالاتي : - إنو النقد و السخرية موجهه لنص الهنيهات فقط و ليس لمجمل أعمال الخواض لاني لم أطلع سوي علي بسيط جدا من أعمالو .. - إنو أنا لست بناقد و لا متخصص و أن سخريتي من النص جاءت من رؤيتي الشخصية جدا أن النص يسخر من نفسه ... - إنو أنا ما إتعرضت بالنقد أو السخرية للخواض في عضمو و أعلنت في أكتر من مكان احترامي و عصرتي علي الخواض كبني أدم ... دي محاور مداخلاتي من بداية البوست .... بكرر في الغثاء الممل ده
إنتقلت من خانة المعجبين بـ ( تفرد التجربة النقدية ) للبروف أمين إلى خانة ( المشفقين ) عليه تفرد هنا أعني بها رأياً قديماً أن أهلنا في السودان ( أسرى للقوالب الجاهزة ) في كل شئ وأى خروج عن ذلك المألوف لن يهضم ويقبل بـ ( أخوي وأخوك ) الإشفاق هنا مرده للتكرار الباعث حقاً للملل للبوست ودواعيه والغرض منه
المهم
كامل التضامن يا عمك
Post: #322 Title: Re: البْلَّالاَّت أو جَفوةُ الكِستْناء .... شعر حديس !! Author: محمد البشرى الخضر Date: 04-01-2012, 08:27 PM Parent: #320
Quote: كامل التضامن يا عمك
بالله شوف ... سمح نان ناقلو مالك عليه ما كان اسي اتأرشف زي الترتيب و كنا اتحلينا
يا بروف جايينا بي جاي متين حاول تجي قبل تصيّف وإلاّ ح تتبل بل جد - بل حقيقي وليس مجازي
Post: #323 Title: Re: البْلَّالاَّت أو جَفوةُ الكِستْناء .... شعر حديس !! Author: عاطف عمر Date: 04-01-2012, 08:39 PM Parent: #322
Quote: بالله شوف ... سمح نان ناقلو مالك عليه ما كان اسي اتأرشف زي الترتيب و كنا اتحلينا
والله يا عمك زى الشعرت بتأنيب الضمير كلمة ( زى ) مقصودة لتعطي هامشاً للبروف أمين عله بهذا النقل يستطيع أن يوصل فكرته من البوست
فكرة الجن التي صرفت كل هذا الباندزفت دا
Post: #324 Title: Re: البْلَّالاَّت أو جَفوةُ الكِستْناء .... شعر حديس !! Author: محمد البشرى الخضر Date: 04-01-2012, 08:54 PM Parent: #323
يا هندسة الباندودث ما اهلكته فكرة البوست - الواضحة من البداية اهلكه - واهلكنا - الدفاع عنها و تبريرها يا بروف اشهد انو بالك سلبة - تقرأ لايوق - بعرف آخرين * في لو كانوا في محلك زماااااان كان قالوا عدس واتعذروا بقلة الحيل للغلاط :)
___________________
* أنا دا المقصود عشان مافي واحد يتحسّس
Post: #321 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 04-01-2012, 08:22 PM Parent: #319
Quote: لو كنت المقصود انا بـ(الناس) وما دام انك مقتنع تماماً بصحة موقفك وما راضي مراجعة
يبقى في الحالة دي انا بعتذر ليك و بشدة وندمان و سافي التراب على اي كلمة كتبتها هنا
وبعتذر لنفسي ذاتو!
ما كتبت ما كتبت الا لما رأيته -وقد اكون كنت مخطئ- في مفارقة الحس الانساني العادي الشفتها هنا، و الما بتشبه امين البعرفو .. لكني حالياً غير متأكد من البعرفو و الما بعرفو شنو ذاتو!!
عموماً اهو كلامنا الاتنين مكتوب .. وقااااعد فليغفر الله للجميع
وآسفين على الملل المرة دي ما كلام ساكت ..
سلام و سلام وان جيتكم تاني ابقى ملام
بالله يا قيقا ده كلام ده ؟! ياخي إنت تجي تكتب لي كلام من راسك بانو أنا ملطخ يديني ( بدماء ضحايا شهوة (السخرية) وتزجية اوكات فراغي ) إستنادا علي لا شئ و لمن أفند كلامك و أرد ليك عليه و ما يكون عندك عليه ردود لانو مقطوع من الراس تجي تعملها زعل و حردان ؟! حردان ؟! .......... يا ربي أنا سمعت الكلمة دي وين في البوست ده ؟ إنت يا قيقا مش قبيل قلت لي بطل حركات الشفع و الحردان رغم اني ما عملت حركات شفع ولا حردت ... سالتك عن انك جبت حرداني ده من وين.. ما رديت ... أتاريك قاصد رقبتك و جيت اديتنا بيان بالعمل ... شوف يا فتح الرحمن ... اختلفنا في البوست ده و حا نختلف في بوستات تانية كان الله مد في عمرنا ... زعلان مني اضرب راسك في حيط الاسافير التسعة و تعال راجع بعداك ... شنو المشكلة في اننا نختلف في راي ؟ ما حدث هنا و ما سيحدث في بوستات لاحقة لا ينقص قدرك عندي مثقال حبة من خردل ... كنت و ستظل فتح الرحمن قيقراوي .... في عماقتك الغالبة و سطحيتك المرة في السنة ... تظل فتح الرحمن قيقراوي و إنت تقطع من راسك عشان تبلني لاننا اختلفنا في راي مثلما أنت فتح الرحمن قيقراوي و نحن متفقين في أراءنا .. في كلا الأحوال تظل فتح الرحمن قيقراوي من أحب الناس إلي في هذا المكان و خارجه .... قالها ثم سقطت منه دمعتان علي الكيبورد !! --------------------
Quote: كان على الملامة تعال ساي يا قيقراوي
يا طلحة ... قيقا ده كرامة بتعريفة ما عندو ... هسي بعد بلي ليهو ده كلو تاني حا يجي البوست !!
Post: #325 Title: Re: البْلَّالاَّت أو جَفوةُ الكِستْناء .... شعر حديس !! Author: معاوية المدير Date: 04-02-2012, 01:04 AM Parent: #321
Quote: بالنسبة للبوست ... والله يا مدير قدر ما أخت نفسي في محلة الناس الأنتقدو البوست و السخرية من قصيدة تسخر من نفسها عشان أطلع بمعادل موضوعي لنقدهم ... ما القي غير ربطهم للسخرية من النص للسخرية من قائله ... و الربط ده لا يوجد إلا في عقولهم لانو مافي سخرية من كاتب النص إلا في عقولهم !!
يا بروف عليك الله خُت نفسك في الرف، وريّح بآلك، لأنوا حكاية السخرية من النص لا تعني السخرية من كاتب النص دي يوما التعمل (كِلِك) بيكون القيامة فضل ليها شهرين بس، وشهرين ما كفاية عشان السودان يطلع من مِحنتو. والله صحي. عارف، قبل ايام كدا إنتقدت مُرشح الدائرة بتاعنا وقلت الزول دا يعتبر فاشل لأنوا منذ إنتخابه لم يقدم شئ للبلد. أها، تعال شوف الجماعة شبكوني زول متواضع، وود بلد، والبيجي يقول لي شرب معانا الشاي فوق المُشرع وكان مِتفن في الوآطة، والبيقول لي لاقيتوا في فُراش فلآن، والبيقول لي في عقد فلآن كفى الناس لحدهم، وهكذا. آخر النهاية طلعت أنا غلتان وقعدت إتعضر للجماعة حتي ياااااا الله خلوني، و وآحد قال لي ختوك في عِلبك. تصدق!!!. دحين يا أخوي إنت حاتقعد تردد في كلآمك دا ويا قول أهلنا ( الحِميّر في طِينوا، والعجمي في رطِيّنوا ). تلزمنا خمسة سنين ضوءية كالحة السوآد كشعر ليلى العامرية عشان الكِلِك يحصل، وبالنسبة للنص أقنع من فهمو. النص دا الأجيال الحاتفهموا دي لِسّع بدري عليها. لمان ينزلوا شباب ( الألينت ) للأرض ويتزوجوا بنات البشر حا ينتجوا جِيّل إسموا ( ايليابشر )، دا هو الجيل الحايتذوق النص ويتفاعل معاهو علي أساس إنوا شِعِر، وشِعِر رصين كمان، وفيهو جرس موسيقي، وحا يلحنوهو ويرقصوا علي أنغاموا الكاروشة كمان. بعدين حكاية ترسل النص لفلآن عشان يجيزوا، وتجيب لينا كوتات دي عليك الله أنساها. صدقني لن ولم ترتقي بالخرابيط بتاعتك دي، لكن عندي ليك فكرة. رسّل النص لملك الجن نطي بن شمهروش في مثلث برمودا، ولو أجازوا حايكون شِعر غصباً عن عين الشنفرى زاتو. والله صحي.
عليك الله يا بروف ركّز معاي ما توديناش في دآهية، أنا قاعد أشخبط في الصنبورة. والله صحي...
Post: #326 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 04-02-2012, 05:11 PM Parent: #325
أبو أمين و البشرى ... سلام يا حلوين و اسمحو لي أرد ليكم سوا لانو كلامكم متشابه :
Quote: إنتقلت من خانة المعجبين بـ ( تفرد التجربة النقدية ) للبروف أمين إلى خانة ( المشفقين ) عليه تفرد هنا أعني بها رأياً قديماً أن أهلنا في السودان ( أسرى للقوالب الجاهزة ) في كل شئ وأى خروج عن ذلك المألوف لن يهضم ويقبل بـ ( أخوي وأخوك ) الإشفاق هنا مرده للتكرار الباعث حقاً للملل للبوست ودواعيه والغرض منه
Quote: يا هندسة الباندودث ما اهلكته فكرة البوست - الواضحة من البداية اهلكه - واهلكنا - الدفاع عنها و تبريرها يا بروف اشهد انو بالك سلبة - تقرأ لايوق - بعرف آخرين * في لو كانوا في محلك زماااااان كان قالوا عدس واتعذروا بقلة الحيل للغلاط :)
حقيقة لمن فتحت البوست ده ما كنت بعاين لتجربة نقدية و الكلام ده ... استفزتني هذه الهنيهات و سخرت منها بقدر استفزازها لي كنص ... لكن الحاجة اللي بالجد بفكر فيها من زمان و ترسخت لي بعد إشتراكي في أرض الموت دي هي مسالة شخصنة النقد و الراي و أعني بيها إنو إذا كان عندي راي في عمل ما أو في راي ما ... ده ما مفروض يكون راي في صاحب العمل نفسو ما لم يكون ده ال trend بتاع أعمالو أو أراءاو كلها ... توضيح النقطة البسيطة دي بيحتاج لياقة ( من لايوق ) شديدة لانو القصة دي معشعشة فينا كواحدة من مشاكلنا بتاعت عدم المهنية في كل شئ !! في تقديري نقد عمل فني أو أدبي أو نقد راي ما مفروض يكون عندو علاقة بالزول في عضمو ... مافي زول بياخد رايك أو نقدك كعمل منفصل من رايك فيهو في عضمو ... لن يشفع كلامك مهما كتبت و لن تشفع علاقتك بالزول مهما قربت ... انتقدت أو سخرت من عمل ... معناتها إنت بتنتقد و بتسخر من الزول في عضمو ... اختلفت مع زول مهما كان قريب ليك و مهما كانت سبب الأختلاف ... معناتها إنت بتطعن في علاقتك بيهو ...و لو كان الأختلاف حاد ... معناتها إنت رفعت يدك من الزول ده أو في الطريق إلي سمرقند ... ده مفهومنا كلنا إلا ما رحم ربي ... و دي المسالة الدايره نقاش . بعدين يا البشرى ... عاطف لو ما كان نقل البوست ده ...كنت نقلتو براي ... مفروض كان أجي عليكم الأسبوع الجاي لكنها إتاجلت لظروف إضطرارية جدا ... بديك خبر لمن ربنا يسهلها ...
Post: #327 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 04-03-2012, 03:51 PM Parent: #326
المدير يا حبيبنا ...
Quote: يا بروف عليك الله خُت نفسك في الرف، وريّح بآلك، لأنوا حكاية السخرية من النص لا تعني السخرية من كاتب النص دي يوما التعمل (كِلِك) بيكون القيامة فضل ليها شهرين بس، وشهرين ما كفاية عشان السودان يطلع من مِحنتو. والله صحي.
لم يبق من شئ يقال يا مدير ... ال(كِلِك) بتجي قبل القيامة كان الناس الواقعة ليها القصة دي صبرت عليها ...
Quote: تلزمنا خمسة سنين ضوءية كالحة السوآد كشعر ليلى العامرية عشان الكِلِك يحصل، وبالنسبة للنص أقنع من فهمو. النص دا الأجيال الحاتفهموا دي لِسّع بدري عليها. لمان ينزلوا شباب ( الألينت ) للأرض ويتزوجوا بنات البشر حا ينتجوا جِيّل إسموا ( ايليابشر )، دا هو الجيل الحايتذوق النص ويتفاعل معاهو علي أساس إنوا شِعِر، وشِعِر رصين كمان، وفيهو جرس موسيقي، وحا يلحنوهو ويرقصوا علي أنغاموا الكاروشة كمان. بعدين حكاية ترسل النص لفلآن عشان يجيزوا، وتجيب لينا كوتات دي عليك الله أنساها. صدقني لن ولم ترتقي بالخرابيط بتاعتك دي، لكن عندي ليك فكرة. رسّل النص لملك الجن نطي بن شمهروش في مثلث برمودا، ولو أجازوا حايكون شِعر غصباً عن عين الشنفرى زاتو. والله صحي.
عجبتني قصة مخاطبة القريب و توجيه الكلام للبعيد دي خالس ... ده ذاتو ضرب من ضروب اللغة ... التاثير السلبي لادخال العاطفة في ما لا يجب أضر بالناس و بالبلد ككل ...فاذا كان ( أكلو اخوان و إتحاسبو اخوان ) ضيعت الناس ..( أكلو أعداء و إتحاسبو أعداء ) حا تسوي شنو ؟! ...
يا أخي مآآآآآآلك تاني جبت سيرة البحر بعد أن سكنت جراحاتنا؟؟؟ يا أخي داير تهيّج فيني المصرآن تآآآآآني مآلك ؟؟؟ آآآآآآآآح، الله في.
غايتو أنا فردة مُنقرضة، ودايرك تستنسخني صارقيل، عشان إنقشط في حُفرة طيّن، وإتفكا من طيّنك البتطين فيهو دا. رِفقاً بنا فقد قال جرير: ليس لداء الركبتين طبيب. والله صحي.
خلآس، جاك بديع الزمان الهمزآني قال ليك، عند دُكان اليماني، قدرتاً بوخها الملوي رماني، وجاي تقول لي: حصلت ليك دحرجة يا ود المدير !!! ما شفنالنا دحرجة بتحصل بعد خمسة صفحات!!! أظُن أنّ بك سُكرُ، وأعجب كيف حدث لك هذا وأنت أصلاً لا تُعاقر إبنة العنقود !!! لكن مسألة الإنزوا في تكلة الطناش دي عجبتني شديد. والله صحي.
من أفظع الحالآت التي تمر بها النفس البشرية أن يفتر إنفعالها الأيّه كدا ما عارف، فتصيبها فاء فقر الفاه. عندها تصير في حوجة إلي إستسخاف.
تحياتي. وآحد من حاشيتك، أو بطانتك ماعارف، خجلآن نسبةً لأنني لا أُؤمن بانّ الخِجلو إتلحسو. إنت زِعِلت واللآ من دِيّك زعلآن يا دكتور ؟؟؟
سأعود إليك بعد أن تزول فقرة الفاه، وينطمّ بُقي.
سُعال: إنت كُراعرامي يعني شنو ؟؟؟
Post: #329 Title: Re: البْلَّالاَّت أو جَفوةُ الكِستْناء .... شعر حديس !! Author: aydaroos Date: 04-16-2012, 06:46 AM Parent: #328
النقد الساخر من النصوص و الاشخاص ... مدرسة نقدية
ولو في زول إعتبرها مسيئة .. و ستوقف الادب و المسيرة الادبية للأدباء يبقي الادب و الأدباء أساسا" في أزمة
سلام لي قريبي ود المدير و شكرا" ليك يا بروف
Post: #330 Title: Re: البْلَّالاَّت أو جَفوةُ الكِستْناء .... شعر حديس !! Author: osama elkhawad Date: 04-17-2012, 03:20 AM Parent: #329
دليل القارئ الحزين إلى موسيقى شعر أسامة الخواض غير المبين
كتب الشاعر موسى مروح الآتي عن موسيقى شعري التي أنكرها البعض بل و سخروا منها:
Quote: قرأت لك هنا ثلاث قصائد هي علي التوالي: "ما قاله الفضل بن عباس بن أبي لهب في التاسع من يوليو 2011"، و "الهنيهات أو خفر الأناناس" و هذه القصيده. قرأت كل قصيدة مرتين أو ثلاثة. ويمكن القول أن قراءاتي الأولى بالتحديد كانت مسوحاً لطوبوغرافيا هذه القصائد، أو إن شئت هي دراسات جدوى شعرية سريعة، الغرض منها الإجابة على سؤال واحد: هل تَعِدُ هذه القصيدة بالمزيد حتى تغريني بالعودة إليها ثانيةً؟ يمكنني القول الآن إنه بعد كل قراءةٍ إولى لقصائدك هذه، كانت الإجابة نَعَماً مدوية. --أول شيئ جذبني إلى هذه القصائد هو موسيقاها العروضية المحكمة.
أقول "أول شيئ" لأن موسيقى شعرك تأخذ بتلابيب القارئ من أول سطر، وهذا ناتج من معرفتك بتوظيف العروض الخليلي لخدمة هذا الجانب من صناعة الشعر. إحتفاظك بالتفعيلة يمكن النظر إليه باعتباره إحدى حيلك الجيدة للاحتفاظ بالقارئ، الذي ربما استغلقت عليه قصيدتك بغير هذه الحيل. هناك أيضاً حيلتان أخريان هما استخدامك لبعض المفردات العامية أحياناً (خاصة في هذه القصيدة)، أو المفردات التي هي موضة رائجة (مثلاً "الفيسبوك" في الهنيهات، و"المعولم" في ما قاله الفضل...علي سبيل المثال لا الحصر). هذه الاستخدامات للغة، وإن بدت محصورة في سطح اللغة فقط، إلا أنها لابد مسنودة بآراء محددة في ماهية الشعر وما ينبغي أن يكون. هذا يقودني للقول أن مشروعك الشعري في عمومه، وكما بدا لي في هذه القصائد، قد لا يكون، في نظري، مشروعاً حداثوياً بالمعني السائد في صحافتنا النقدية، حتى بعد كل هذا الجدل حوله، وإنما هو بالأحرى مشروع إنساني لازمكاني، حيث يتصالح الزمان، ماضيه وحاضره ومستقبله، وحيث تتصالح الثقافات والجغرافيا.
أعود للموسيقي ثانيةً. بالنسبة لي، التخلص من الموسيقي العروضية في الشعر هو التخلص من وسيلة عظيمة لانسياب اللغة والأفكار في القصيدة، وقد أتعدى ذلك لأقول هو تخلُّصٌ من إحدى جينات القصيدة العربية. أختم هذه النقطة بالقول أن تذوُّق موسيقى شعرك لا ينبغي أن تكون له علاقة ب"غموضه". فكل شخص يستطيع تمييز إيقاعات الغناء، والطبول الصاخبة يُفترض ألا تستعصي عليه موسيقى شعرك. -- علي صعيد الفكر الشِّعري، هذه القصائد مثّلت لي مواقف/واجهات/زوايا شعرية/وجدانية مختلفة وقفها الشاعر، تراوحت بين ما هو قومي (ما قاله العباس)، وفردي/حسي (الهنيهات)، و أُسري/روحي (هذه القصيدة). -- في قصيدة ما قاله العباس، أحكمتَ في نظري الربط بين مواجع ذلك اليوم الأليمة وبين اختياراتك اللغوية، حتى أن القصيدة كلها تقريبا أخذت شكل تساؤلات محزنة. فقد تساءلتَ ب "ماذا" ٨ مرات، و بِ"هل" ٨ مرات أيضاً، ثم ٣ مرات للماذا ومرة لكيف ومرة لأين. هذا التوظيف القوي لأدوات الاستفهام، مع موسيقي القصيدة (تفعيلة المتقارب) أديا، من وجهة نظري، إلي أن يتلبّس القارئ نفس لبوس الحزن والغم الذي انتاب الشاعر ودعاه لكتابة القصيدة في المقام الأول. هذا إنجاز مهم لأي شاعر. إحدي الميزات الأخرى لهذه القصيدة هي أنها تستنهض التفكير لدينا على عدة أصعدة، الديني منه والسياسي والثقافي والاجتماعي، وذلك بطرحها هذه الأسئلة المحرجة للضمير السوداني. هذه نقطة مهمة على صعيد إمكانية استخدام الشعر كوسيلة للتغيير الاجتماعي والثقافي.
-- قصيدة الهنيهات أعجبتي فيها كثافتها وغنائيتها وحسِّيتها. لكنها بدت لي إيحائية/جنسية أكثر من اللازم (أو لازمي أنا على الأقل). لو كنت مكانك لاستخدمت أسطورة ألوت لإبراز زعامتها الروحية وقوتها كإمرأة.
Post: #331 Title: Re: البْلَّالاَّت أو جَفوةُ الكِستْناء .... شعر حديس !! Author: معاوية المدير Date: 04-17-2012, 08:33 AM Parent: #330
أعصابك يا بروف...
Post: #332 Title: Re: البْلَّالاَّت أو جَفوةُ الكِستْناء .... شعر حديس !! Author: aydaroos Date: 04-17-2012, 09:17 AM Parent: #331
Quote: كتب الشاعر موسى مروح الآتي عن موسيقى شعري التي أنكرها البعض بل و سخروا منها:
أستاذ: أسامة الخواض في رايي المسألة تحولت من مدي شاعرية قصيدتك الجاراها البروف ،الي حق القارئ اي قارئ في السخرية من نص أو كاتب نص بما لا يخوض في صفاته الشخصية(كان يكون قصيرا" أو طويلا" ،أسودا" أو أبيضا").
يعني المسألة الجديرة بالنقاش هنا بقت: هل يحق لأمين أو أيي قارئ آخر أن يقوم بنقد نص ما .. و هل يحق للنقد أن يكون ساخرا"؟ أنا شخصيا" شايف إنو حقو
و طبعا" نقد أمين لا ينقص من قيمة نصوصك عند من أحبوها .. و أكيد ما محتاج تجلب شهادات منهم فالنصوص تتكلم عن نفسها.
في ما يختص موسيقى "الهنيهات أو خفر الأناناس"، اتضحت الحقيقة ناصعة البهاء، و بيضاء من غير سوء، بفضل كاتب فاضل شاعر عالمٍ بعروض الخليل بن أحمد الفراهيدي جعل الله قبره روضة من رياض الجنة.
لم تتبق إلا احتمالات مثل:
المكابرة، أو
الاعتذار،
أو
الصمت المشوب بحمرة التيه و الحيرة، و الخذلان ، و قليل من مشاعر الندم، و كثير من الارتباك و الإرباك معا ، و في آن واحد،
أو
إغلاق البوست، و لو بحجة الجرد السنوي،
أو
قراءة أي من الذكر الحكيم على روح "البوست الطاهرة": "الفاتحة" على روحه "الطاهرة". آمين، يا رب العالمين.
و يقام المأتم بضمائر مشعلي محارق الشواء الآدمي، و معاونيهم من حمَّالي الحطب.
إنا لله و إنا إليه راجعون. و لا يحمد على مكروه سواه.
Post: #334 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 04-17-2012, 06:02 PM Parent: #333
المدير يا حبيبنا .. سلام يا حامل الحطب ...
Quote: سلآمات يا بروف.
يا أخي مآآآآآآلك تاني جبت سيرة البحر بعد أن سكنت جراحاتنا؟؟؟ يا أخي داير تهيّج فيني المصرآن تآآآآآني مآلك ؟؟؟ آآآآآآآآح، الله في
يا زول مصرانك ده هايج براو ... تتجارى من محرقة أدمية لمحرقة أدمية و ما داير المصران يهيج عليك ؟
Quote: جاك بديع الزمان الهمزآني قال ليك، عند دُكان اليماني، قدرتاً بوخها الملوي رماني، وجاي تقول لي: حصلت ليك دحرجة يا ود المدير !!! ما شفنالنا دحرجة بتحصل بعد خمسة صفحات!!! أظُن أنّ بك سُكرُ، وأعجب كيف حدث لك هذا وأنت أصلاً لا تُعاقر إبنة العنقود !!! لكن مسألة الإنزوا في تكلة الطناش دي عجبتني شديد. والله صحي.
من أفظع الحالآت التي تمر بها النفس البشرية أن يفتر إنفعالها الأيّه كدا ما عارف، فتصيبها فاء فقر الفاه. عندها تصير في حوجة إلي إستسخاف.
يا زول بطل جرسة ... الكلام استغلق عليك تبكي بس ... جاء في الاثر ( كان استغلقت عليك النصوص ... اركز ما تلوص ) ... اللواصة البتسوي فيها دي ما كويسة للمصران و إنت راجل صاحب عيا ...
Post: #335 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 04-17-2012, 06:23 PM Parent: #334
عيدروس يا حبيبنا .. سلام ياخي و مرحب بيك في أرض البل !!
Quote: النقد الساخر من النصوص و الاشخاص ... مدرسة نقدية
ولو في زول إعتبرها مسيئة .. و ستوقف الادب و المسيرة الادبية للأدباء يبقي الادب و الأدباء أساسا" في أزمة
يا زول الكلام ده تقولو لزول ما عندو حديدة ... ناس المدير و محمد الملك و عاطف عمر و البشرى و باقي حمالي الحطب ديل ليهم شهر شغالين في محرقة الشواء الأدمي دي لمن ريحتها مرقت بره المنبر تقول لي مدرسة نقدية ؟! ناس سقفها المعرفي أقصر من أبو القدح لمن يقعد ... يستغلق عليهم النص ... يجو يقولو ليك نسخر من النص ...
Post: #336 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 04-17-2012, 06:39 PM Parent: #335
Quote: في ما يختص موسيقى "الهنيهات أو خفر الأناناس"، اتضحت الحقيقة ناصعة البهاء، و بيضاء من غير سوء، بفضل كاتب فاضل شاعر عالمٍ بعروض الخليل بن أحمد الفراهيدي جعل الله قبره روضة من رياض الجنة.
لم تتبق إلا احتمالات مثل:
المكابرة، أو
الاعتذار،
أو
الصمت المشوب بحمرة التيه و الحيرة، و الخذلان ، و قليل من مشاعر الندم، و كثير من الارتباك و الإرباك معا ، و في آن واحد،
أو
إغلاق البوست، و لو بحجة الجرد السنوي،
أو
قراءة أي من الذكر الحكيم على روح "البوست الطاهرة": "الفاتحة" على روحه "الطاهرة". آمين، يا رب العالمين.
و يقام المأتم بضمائر مشعلي محارق الشواء الآدمي، و معاونيهم من حمَّالي الحطب.
ده كلام صاح يا أسامة ... الهنيهات دي من عيون الشعر العربي لكن ماذا يعمل الحاسد مع الرازق ... الشغلة دي حسادة ساي ... ما قدرو يكتبو زيها طوالي جابو الحطب و حضرو المحارق و الدخاخين تلولي لهسي ... أنا بقترح اننا نبلهم بنصوص حديسة ... إنت نص و أنا نص و كل ما المحارق تولع نطفيها بنص حديس ... غير كده ما شايف حل ... الناس دي مصممة علي شواءك و أنا شايف إنو نتغدي بيهم قبل ما يتعشو بينا !!
Post: #337 Title: Re: البْلَّالاَّت أو جَفوةُ الكِستْناء .... شعر حديس !! Author: هيثم طه Date: 04-18-2012, 00:02 AM Parent: #336
تعرف يا أمين - شخصيا ما كنت مرتاح لفكرة البوست دا - و يمكن ما يكون عندي سبب وجيه الا احساسي انو النقد او السخرية من القصيدة ممكن تتفهم في سياق المنبر وكأنها (بل ) لصاحب القصيدة حسب اجواء المنبر - و ما عارف هل في الاول الناس حقو تأسس لفكرة فك الارتباط بين نقد القصيدة و نقد الكاتب نفسو - ولة تأسس للفكرة عبر تجربة زي شغلك في البوست - ما عارف بالجد ! عشان كدة بخلي الباب مفتوح علي اساس انو اختلافي معاك اختلاف وجهات نظر -و دي حاجة عادية جدا و مفهومة لي - بالرغم من انو بالجد كنت متحسس للاستاذ الخواض بالفهم السوداني البسيط انو ممكن يشيل في خاطرو ! و بصراحة صمت الاستاذ الخواض في الاول كان عاجبني جدا و اكبرتو خالص انو ما استجاب للنقد والسخرية و ايضا تعاملو في البوست سيد الاسم مع المتداخلين - لكن لامن ذكر اخيرا كلامو عن بوستك - احبطني جدا -! زعلو مفهوم جدا-في تقديري - وطبيعي من بوستك- باعتبار السخرية بحاجات الزول في النهاية ممكن تأثر في صاحب الحاجات - و بالتاكيد قصيدتو عزيزة عليهو و اي سخرية منها من الطبيعي تزعلو (واعني علي المستوي الانساني ) لكن لامن جا اتكلم عن بوستك - في تقديري- ما اتكلم بلغة المشتغل بحقل الثقافة و عالم بضروب النقد وتكلم عن شواء و عن خطة مدبرة ذات ليل و حاجات كتيرة -في ظني -ما عندها علاقة بالواقع بقدر ما عندها علاقة بالزعلة الشخصية - يلا كلامو دا و زي مشاركتوالاخيرة دي بالنسبة لي ما عندها علاقة بحقل المعرفة اوالشعر او السلطة المعرفية البمتلكها الاستاذ الخواض-
ختاما داير اقول انو انا شفت مناكفات كتيرين من المثقفين او المشتغلين(كمحترفين ) بحقل الثقافة عموما - و بتخيل لي انو كتيرين منهم بفترضوا انو مثلا عدم امتلاك الشخص العادي مثلا زيك او زيي او باقي الناس العاديين للمعرفة الكافية في الحقول المعرفية المختلفة بتسلتزم عدم معرفتنا بابسط ابجديات العقل او الحوار ! يعني هل معرفة الاستاذ الخواض ببحور الشعر بتمنحو حق قول كلام ما عندو معني زي ( تدحرج البوست و انزوي في جخانين النسيان )
و ممكن اختصر كلامي دا كلو بـ : هل المثقف عندنا بفترض قلة (الاي كيو )العادي دا عند الاخرين لانو هو متفوق عليهم بمعرفة متخصصة !
تحياتي لك وللاستاذ الخواض
Post: #338 Title: Re: البْلَّالاَّت أو جَفوةُ الكِستْناء .... شعر حديس !! Author: معاوية المدير Date: 04-18-2012, 00:54 AM Parent: #337
Quote: سلام لي قريبي ود المدير و شكرا" ليك يا بروف
سلآمات يا قريبي عيدروس. السلآم ليك ولجميع الأهل من جم. أسأل الله أن تكونوا بخير، وعلي أتمّ صحة وعافية. عبرك تحياتي وأشواقي لعموم ناس السيالة.
أخبار عبد الماجد شنو ؟؟؟
مودتي...
Post: #339 Title: Re: البْلَّالاَّت أو جَفوةُ الكِستْناء .... شعر حديس !! Author: معاوية المدير Date: 04-18-2012, 01:23 AM Parent: #338
Quote: في رايي المسألة تحولت من مدي شاعرية قصيدتك الجاراها البروف ،الي حق القارئ اي قارئ في السخرية من نص أو كاتب نص بما لا يخوض في صفاته الشخصية(كان يكون قصيرا" أو طويلا" ،أسودا" أو أبيضا").
يعني المسألة الجديرة بالنقاش هنا بقت: هل يحق لأمين أو أيي قارئ آخر أن يقوم بنقد نص ما .. و هل يحق للنقد أن يكون ساخرا"؟ أنا شخصيا" شايف إنو حقو
عيدروس يبعث حجوة الضِبيبِيّنة مرةً أُخرى من بين فرث ودم !!! والله صحي...
Post: #340 Title: Re: البْلَّالاَّت أو جَفوةُ الكِستْناء .... شعر حديس !! Author: معاوية المدير Date: 04-18-2012, 01:34 AM Parent: #339
Quote: المدير يا حبيبنا .. سلام يا حامل الحطب ...
سلآمات يا بروف.
ترِبت يدآك يا بروف، أتظفر بالشواء وتبعثني لجلب الوآقُوّد ؟؟؟!!! إذاً، تبّت يدآيّ إن لم أجعل خفر سواحلك هذا نسياً منسيا.
أهلنا قالوا في المثل: البتكبر عليهو حِزمتو، اليكسّر يزيدا...
Post: #341 Title: Re: البْلَّالاَّت أو جَفوةُ الكِستْناء .... شعر حديس !! Author: aydaroos Date: 04-18-2012, 08:35 AM Parent: #340
قصيدة ما بعد الحداسة
أم ضبيبينة
لم أسمع الحجوة ، ولكني رايت أم ضبيبينة تدور حولهم أ طفالي أطفالنا تقع علي العين علي الأنف علي المستقبل الذي لا نحلم به
- هل نريد أن تسمعها؟ - نعم يا صاحبي - أول بقولو نعم؟ - طيب هل هي قصيدة؟ - أول بقولو قصيدة؟ - هل أنت شاعر؟ - أول بقولو شاعر؟ - إنت عاوز تقول نقد؟ - أول بقولو نقد؟ - ............. - ............ - ...........
القصيدة مفتوحة علي النهج ما بعد الحداسي و للمتداخلين حرية إتمامها .. و دا طبعا" النص المفتوح أو المنفتح
أكان تقدرو يا بروف و ود المدير
Post: #342 Title: Re: البْلَّالاَّت أو جَفوةُ الكِستْناء .... شعر حديس !! Author: معاوية المدير Date: 04-19-2012, 07:01 AM Parent: #341
Quote: للعبد الضعيف الفقير لله سبحانه و تعالى، مناعة و حصانة ، من وهْب الرزّاق الوهّاب المعطي، ضد الأوبئة.
يا بروف أنت وأصحاب نار المجوس أقول لكم الحذر، ثمّ الحذر. الماعندوا مناعة من الجليل الرحيم ما يقربني. أنا وباء الكوليرا البخلي الزول يفتح ماسورة عدييييل كدا. ما فيكم وآحد يقول لي متطعم، التطعيم دا ما بنفعكم. والله صحي.
Quote: براءة من الله لموسيقى شعري الذي أرهقه أشباه النقدة و المتعلمين بغمزهم و لمزهم: ويل لكل همزة لمزة. صدق الله العظيم
يا همازين يا لمازين، لن يطوفنّ أحدكم عرياناً بعد هذه البراءة حول كعبة النحارير من سلآلة الخليل بن أحمد، فدعوا الغمز واللمز، وأستجيبوا لداعي الحق المُبين وسيروا إلي سبيل الرُشد زاعنين طائعين، وإلا والذي رفع السماء بلآ عمد ليرمينكم صناجة العرب بقوس ليس لكم بها قِبل من كنانته التي لا ينضُب معينها ابداً.
Quote: يا زول بطل جرسة ... الكلام استغلق عليك تبكي بس ... جاء في الاثر ( كان استغلقت عليك النصوص ... اركز ما تلوص ) ... اللواصة البتسوي فيها دي ما كويسة للمصران و إنت راجل صاحب عيا ...
سلآمات يا أيها البروف المتناقد
يا زول عصير الأناناس دا قالوا مبالغة مع نوع العيا بتاعي دا. حكمة أنا كمان مصراني عصبي. وبيفتح الإستغلآق في ثواني. أما اللوآصة دي، يا زول قالولك الكمدا بالرمدا جت يقرُضا. عندي صاحبي حكيم شديد وخبير في شئون الطب. قال لي كمان اكان خلطتو بشوية خفر سواحل يبقيك مِتل الحُصان. والله صحي...
Post: #344 Title: Re: البْلَّالاَّت أو جَفوةُ الكِستْناء .... شعر حديس !! Author: أمين محمد سليمان Date: 04-19-2012, 04:34 PM Parent: #343
هيثم ..سلام يا دوك
Quote: شخصيا ما كنت مرتاح لفكرة البوست دا - و يمكن ما يكون عندي سبب وجيه الا احساسي انو النقد او السخرية من القصيدة ممكن تتفهم في سياق المنبر وكأنها (بل ) لصاحب القصيدة حسب اجواء المنبر - و ما عارف هل في الاول الناس حقو تأسس لفكرة فك الارتباط بين نقد القصيدة و نقد الكاتب نفسو - ولة تأسس للفكرة عبر تجربة زي شغلك في البوست - ما عارف بالجد !
يا هيثم ... الشعب السوداني الشقيق حاجاتو كلها شخصية عشان كده صعب جدا إنو الناس تفرق بين بل النص و بل صاحبو ... الهنيهات بقت مشاع للناس للادلاء بدلوهم في اللحظة اللي الخواض داس فيها send و نشرها في أرض البل بجاي ... كل العملناه إنو سخرنا منها و ما ادعينا إنو سخريتنا دي نقد علمي ... الخواض زعل من السخرية دي حتي ظن انها كفارة لذنوبه ... و ما الخواض بس ... ناس كتار ( منهم حمور و يس حبيب نورة ) و لاحظ ديل بالذات كتاب و عندهم إنتاج أدبي ... ما فرقو بين السخرية من النص و من صاحب النص ... لو أنا كان عندي أي إنتاج أدبي أو فني أو رياضي مبذول للناس و جاء زول سخر من إنتاجي ده بالتاكيد ما ح أفرح من السخرية لكن ح أفهمها في ال contents بتاعتها إنو ده نقد موجه لي في عمل مبذول للعامة و لو أنا حريص علي راي العامة ديل ح أحاول أشوف ليه الناس ما تقبلت إنتاجي ده ... إذا ما حريص علي أراء الناس دي ما برد و لا أفكر فيهم أصلا ...لكن قصة إتهام الناس و حطب و شواء و خطة مدبرة زي ما عمل الخواض فدي محض جرسة من النقد و كلام بسئ ليه هو ما لزول تاني .... ---------------
Quote: لم أسمع الحجوة ، ولكني رايت أم ضبيبينة تدور حولهم أ طفالي أطفالنا تقع علي العين علي الأنف علي المستقبل الذي لا نحلم به
- هل نريد أن تسمعها؟ - نعم يا صاحبي - أول بقولو نعم؟ - طيب هل هي قصيدة؟ - أول بقولو قصيدة؟ - هل أنت شاعر؟ - أول بقولو شاعر؟ - إنت عاوز تقول نقد؟ - أول بقولو نقد؟ - ............. - ............ - ...........
عيدروس يا رايع ... إيه الحلاوة دي ؟ المشكلة الوحيدة في نصك الباذخ ده إنو من بحر (البل ) و ده بحر ود المدير المفضل ... و ود المدير زول متشوعر ساي ... رغما عن كده جذبني نصك ده و موسيقتو العروضية المحكمة لانو موسيقى شعرك تأخذ بتلابيب القارئ من أول سطر ...
البتاعه دي بجي أتمها ليك كان الله هون ..
--------------- المدير حمال الحطب و اكل لحوم البشر ..
Quote: يا زول عصير الأناناس دا قالوا مبالغة مع نوع العيا بتاعي دا. حكمة أنا كمان مصراني عصبي. وبيفتح الإستغلآق في ثواني. أما اللوآصة دي، يا زول قالولك الكمدا بالرمدا جت يقرُضا. عندي صاحبي حكيم شديد وخبير في شئون الطب. قال لي كمان اكان خلطتو بشوية خفر سواحل يبقيك مِتل الحُصان. والله صحي...
العيا بتاعك ده يا مدير ما بتعالج بالانناس ... و لا بخفر السواحل و الضفادع البشرية ... إنت داير ليك قراية تقيلة في راسك الغليد ده !! ... نسال الله السلامة
) !
