Post: #1 Title: سيدى الرئيس...نستأذنك الصلاة فى جوبا ...... Author: ود الباوقة Date: 03-28-2012, 06:43 AM
ياسين محمد نور ...
فى البرلمان السودانى تقليد عريق بالإحتفاء و الإحتفال بذكرى الإستقلال المجيد فى اليوم التاسع عشر من شهر ديسمبر من كل عام و هو اليوم الذى تم إعلان الإستقلال فيه بالإجماع من داخل البرلمان فى 1955/1/19، و يتضمن برنامج الإحتفال هذا كلمات من رئيس البرلمان و رؤساء الكتل البرلمانية تثمّن دور أباء الإستقلال و التضحيات التى بذلوها لنيل الحرية بإخراج المستعمر من البلاد و تحقيق السيادة و إعلان الدولة المستقلة و تهنئة الشعب بهذه الذكرى المجيدة و ضرورة المحافظة على الوطن فى حريته و إستقلاله و تنميته و إعماره.... غير أن فى إحتفال البرلمان (المجلس الوطنى) بالذكرى المجيدة فى العام 2005 فجّرت الحركة الشعبية و عبر رئيس كتلتها بالمجلس فى الحديث عن المناسبة فجّرت قنبلة عندما قال:(( إن ذكرى إستقلالكم التى تقولون عنها مجيدة!! تذكرنا بالخداع و بخيانة الشمال للجنوب و الإنقلاب على العهود و المواثيق ذلك إذ وعد القادة الشماليون الجنوبيين بمنحهم حق تقرير المصير إذا ما وافقوا على تمرير مقترح إعلان الإستقلال بالإجماع غير أنهم تراجعوا عن موقفهم بعد الإستقلال و حاربونا و قتلوا أهلنا مما إضطرنا لحمل السلاح و التمرد على سلطة الخرطوم و الشمال عموما الشىء الذى أدى إلى تخلف بلادنا حتى وافقت حكومة الإنقاذ الوطنى على الإيفاء بالإلتزام بعد 50 عاما))... إذن...حكومة الإنقاذ الوطنى و بحسب الحركة الشعبية هى من ردت الحق لأهله و أنجزت الوعد و مضت لأبعد من ذلك إذ فاوضت و حاورت حركة التمرد من موقف قوة و توّجت التفاوض بتوقيع إتفاقية السلام الشامل (نيفاشا) فى يناير 2005 م ،ثم أنجزت أكثر من 98% من الإتفاقية فى مقابل 38% ممّا يلى الحركة الشعبية، من إقتسام للسلطة و الثروة،و الترتيبات الأمنية،و بروتكولات جنوب كردفان و النيل الأزرق و أبيى،و بأخلاقية عالية و مصداقية مشهودة و حرية و شفافية و مراقبة دولية دعمت و أشرفت على إقامة إنتخابات رئاسية و برلمانية وولائية ثم إستفتاء حول تقرير المصير (حصريا للجنوبيين) أظهرت نتائجه رغبة الجنوييين فى الإنفصال و بنسبة عالية جدا...و تقبلت الإنقاذ ذلك و شارك رئيس السودان فى إحتفال الدولة الوليدة بإعلان دولتها و بارك لهم فى خيارهم و إختيارهم و أكّد البشير على تقديم كآفة أنواع الدعم لهم حتى يعبروا مرحلة الإنتقال إلى الإستقرار رغم أن إحتفالهم بإعلان دولتهم لم يخلو من رسآئل سالبة صدرت من رئيس دولتهم تجاه الدولة الأم!! فى الأيام القليلة الماضية زار وفد رفيع المستوى من دولة جنوب السودان يحمل دعوة من رئيس دولتهم للسيد/عمر حسن أحمد البشير،رئيس الجمهورية، لعقد قمة رئاسية ب(جوبا) حاضرة دولة جنوب السودان للتوقيع على إتفاقية الحريات الأربعة و التى أثارت جدلا واسعا بالسودان،ووافقت الحكومة عليها رغم الرفض الواسع للإتفاقية شعبيا و رفض قطاعات شعبية واسعة لزيارة الرئيس لجوبا...فى الأثناء كانت حكومة الحركة الشعبية فى دولة ج.السودان تعد للغدر بنا على النحو الذى تم بالأمس فى هجليج غير أنه تكسر أمام جاهزية قواتنا الباسلة و التى ردت الهجوم الغادر مكبدة العدو خسائر فادحة فى الأرواح و المعدات و لا تزال قواتنا تطارد فلولهم إلى داخل أراضيهم!! لقد أوفت الإنقاذ ما وعدت و أنجزت بأقصى درجات الصدق إلتزاماتها على كآفة الأصعدة و شهد على ذلك العالمين...غير أننا نتعامل مع أناس لا خلاق لهم جبلوا على اللؤم و الغدر على النحو الذى عرفهم بها العالمين!! و تأسيسا على ما جاء بعاليه نقول: سيدى الرئيس...نستأذنك الصلاة فى جوبا!!
Post: #2 Title: Re: سيدى الرئيس...نستأذنك الصلاة فى جوبا ...... Author: حبيب نورة Date: 03-28-2012, 06:49 AM Parent: #1
أردم يا باوقة
وقبل ما تردم أرمي قدام ساااااهي :)
كع
Post: #3 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-28-2012, 06:56 AM Parent: #2
Quote: وقبل ما تردم أرمي قدام ساااااهي :)
اركز يا زول
الكوع سخن
اركز
Post: #4 Title: Re: سيدى الرئيس...نستأذنك الصلاة فى جوبا ...... Author: معاوية عبيد الصائم Date: 03-28-2012, 07:06 AM Parent: #3
سيدى ود الباوقة الصلاة فى (بترى) ...
مبروك التسوية...ياحريف
Post: #7 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-28-2012, 07:21 AM Parent: #4
Quote: سيدى ود الباوقة الصلاة فى (بترى) ...
مبروك التسوية...ياحريف
بربار
حدد موقفك من الان
أأنت من العدو ام مع الوطن
ولا داعي للولوة والف والدوران
Post: #10 Title: Re: سيدى الرئيس...نستأذنك الصلاة فى جوبا ...... Author: Mahmoud Mustafa Mahmoud Date: 03-28-2012, 07:50 AM Parent: #4
Quote: مبروك التسوية...ياحريف
تسوية شنو يا معاويةياخ؟؟؟
كدي فهمونا...التسوية في أبيي ولا هجليج ولا الحاصل شنو تحديداً؟؟
الواحد بقى ما فاهم التكتح..
..
.
Post: #5 Title: Re: سيدى الرئيس...نستأذنك الصلاة فى جوبا ...... Author: حمزاوي Date: 03-28-2012, 07:09 AM Parent: #3
Quote: الصلاة فى جوبا ......
استوووا اعتدلوووا سوووا صفوفكم يرحمكم الله ان تسوية الصفوف من تمام الصلاة الله اكبر السسسسسسلام عليكم بعدها صقرية حامية ( بصدير عااااام ونادوا لي حسن )
معاك للطيش يا اخوي ودالباوقة الشيء بقا فيها حقارة عديييييل
اليومين دووول يا اللخو ركز في الوطنية البيجمع الناس وبعدين نرجع نتشاكل
Post: #6 Title: Re: سيدى الرئيس...نستأذنك الصلاة فى جوبا ...... Author: صلاح الدين نزلاوى Date: 03-28-2012, 07:20 AM Parent: #5
ود الباوقة سلام
ناس سلفا بطبطوا قالوا ما دايرين حرب تانى مع الشمال هم قايلين الحكاية ساهلة
نحن مع الحسم العسكرى اولا ثم التفاوض ثانيا والرد الحاسم مطلب الجماهير
هجليج حرة وعصية عليهم
Post: #8 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-28-2012, 07:27 AM Parent: #6
Quote: نحن مع الحسم العسكرى اولا ثم التفاوض ثانيا والرد الحاسم مطلب الجماهير
نعم اخي نزلاوي
الحسم العسكري لابد ان يكون اولا
هؤلاء الماكرون ظنوا ان ضبط النفس ضعفا ووهنا
ولكن عليهم ان يتحزموا نكالا بما كسبته ايديهم
الان كل جماهير شعبنا الوفي تصطف خلف قيادتنا الرشيدة
وقوات شعبها المسلحة لدحر الخونة المارقين الماكرين
الله اكبر
الله اكبر
الله اكبر
والعزة للسودان ولقيادته المنتصرة باذن الله
Post: #9 Title: Re: سيدى الرئيس...نستأذنك الصلاة فى جوبا ...... Author: معاوية عبيد الصائم Date: 03-28-2012, 07:33 AM Parent: #8
انا مع العدالة الدولية...مع شيخى اوكامبووووووووووو
Post: #11 Title: Re: سيدى الرئيس...نستأذنك الصلاة فى جوبا ...... Author: محمد أبوالعزائم أبوالريش Date: 03-28-2012, 08:02 AM Parent: #9
Quote: سيدى الرئيس...نستأذنك الصلاة فى جوبا!!
قشة ما تعتّر ليك ....... صلي صلاتك.
في زول قال داير يصلي، منعوهو؟ ...... صلي أبوي
Post: #12 Title: Re: سيدى الرئيس...نستأذنك الصلاة فى جوبا ...... Author: معاوية عوض الكريم Date: 03-28-2012, 08:11 AM Parent: #11
اردم الخونة والمارقين ..
Post: #13 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-28-2012, 08:32 AM Parent: #5
Quote: اليومين دووول يا اللخو ركز في الوطنية البيجمع الناس وبعدين نرجع نتشاكل
الوطنية يا اخي الكريم
هي الادانة الكاملة للاعتداءات السافرة والمتكررة التي تقوم بها حكومة
الجنوب ممثلة في السلفا والباقان
ومن خلفهم بني صهيون ...
Post: #14 Title: Re: سيدى الرئيس...نستأذنك الصلاة فى جوبا ...... Author: هاشم محمد الحسن عبدالله Date: 03-28-2012, 09:16 AM Parent: #13
أخى عمر ، تحياتى ، لابد من الحسم والرد العسكرى العنيف ، وبعد ذلك نشوف ، مودتى .
Post: #15 Title: Re: سيدى الرئيس...نستأذنك الصلاة فى جوبا ...... Author: يوسف السماني يوسف Date: 03-28-2012, 09:41 AM Parent: #14
Quote: سيدى الرئيس...نستأذنك الصلاة فى جوبا!!
الريس في شهر العسل ياباوقة امشوا بدون اذن
Post: #16 Title: Re: سيدى الرئيس...نستأذنك الصلاة فى جوبا ...... Author: بله محمد الفاضل Date: 03-28-2012, 10:00 AM Parent: #15
عشة ما تعتر ليكم يا قول الحيكومة...
Post: #42 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-28-2012, 10:01 PM Parent: #16
Quote: عشة ما تعتر ليكم يا قول الحيكومة
بلة
يا زول لو عترت ولا ما عترت نحن الفيها( ما تارين ) منها
اركز
Post: #17 Title: Re: سيدى الرئيس...نستأذنك الصلاة فى جوبا ...... Author: Dr.Mohammed Ali Elmusharaf Date: 03-28-2012, 10:01 AM Parent: #15
ود الباوقة ما تنسى تدق خروج نهائي من السعودية وتتقدم جحافل المجاهدين ما تبقى زي ناس بدر الدين طه وعلي الحاج بوصلو الشباب مطار جوبا وبيجو راجعين بنفس الطيارة
Post: #43 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-28-2012, 10:09 PM Parent: #17
Quote: ود الباوقة ما تنسى تدق خروج نهائي من السعودية وتتقدم جحافل المجاهدين
دكتور المشرف
نحن جاهزين
ومتى ما دعى داعي الجهاد لبيناه
اركز
Post: #18 Title: Re: سيدى الرئيس...نستأذنك الصلاة فى جوبا ...... Author: محمد علي البصير Date: 03-28-2012, 10:03 AM Parent: #15
ود الباوقة متين بتصلوا لينا في حلايب
جوبا ما أرض (نجسة) كلها كنائس ـ
شوفوا لينا حلايب دي
Post: #19 Title: Re: سيدى الرئيس...نستأذنك الصلاة فى جوبا ...... Author: حسين عوضاى Date: 03-28-2012, 10:32 AM Parent: #18
Quote: سيدى الرئيس...نستأذنك الصلاة فى جوبا
يا الله يا ود الباوقه جمله جمييييييله جدآ ومطلب مشروع
ومعك اثنى واوقع واطلب واترجى
Post: #20 Title: Re: سيدى الرئيس...نستأذنك الصلاة فى جوبا ...... Author: أميرة فاروق عبد العال Date: 03-28-2012, 10:35 AM Parent: #18
الصلعة المقابلة الحَــــر.. :)
Post: #21 Title: Re: سيدى الرئيس...نستأذنك الصلاة فى جوبا ...... Author: عبدالكريم الامين احمد Date: 03-28-2012, 10:42 AM Parent: #20
هلا يا باوقة وبالله بعدما تصلي في جوبا برنا بركعة ركعتين كده في حلايب ولو لقينا سجدة سجدتين كده في الفشقة برضو ما بطالات معانا كشعب فضل...
وهيييييييع
Post: #22 Title: Re: سيدى الرئيس...نستأذنك الصلاة فى جوبا ...... Author: سيف النصر محي الدين Date: 03-28-2012, 10:51 AM Parent: #21
هسه الزول ده قووول الرئيس اداهو الأذن حيسوي شنو هو وجحافلو دي.. حيكون احراج كبير غايتو.
Post: #23 Title: Re: سيدى الرئيس...نستأذنك الصلاة فى جوبا ...... Author: ادريس خليفة علم الهدي Date: 03-28-2012, 10:57 AM Parent: #21
ودالباوقة
اختشي أو كما قال دينق
Post: #24 Title: Re: سيدى الرئيس...نستأذنك الصلاة فى جوبا ...... Author: Abdlaziz Eisa Date: 03-28-2012, 11:16 AM Parent: #23
Quote:
سيدى الرئيس...نستأذنك الصلاة فى جوبا ......
ودالباوقة ازييك..
جوبا دي بحثنا حروفها في لغة حوش بانقا وجدناها تعني: لاهاي...!!
مبروووووك عليكم
Post: #25 Title: Re: سيدى الرئيس...نستأذنك الصلاة فى جوبا ...... Author: جمال محمود Date: 03-28-2012, 11:21 AM Parent: #24
اردم يازول
الخلق دى ما بينفع معاها غير العين الحمرة والسوط
Post: #26 Title: Re: سيدى الرئيس...نستأذنك الصلاة فى جوبا ...... Author: قاسم المهداوى Date: 03-28-2012, 12:42 PM Parent: #25
كع
Quote: سيدى الرئيس...نستأذنك الصلاة فى جوبا!!
وانت فى السعودية ؟؟؟ اها دى كيف ؟؟؟ محتاجة لى شرح بالنيه يعنى بمعنى ان تطلب من رب العباد ان يجعل صلاتك الفى السعودية فى بيت من بيوت الله فى جوبا ؟؟ ولا كيف ؟؟؟
وكع
قاسم
Post: #27 Title: Re: سيدى الرئيس...نستأذنك الصلاة فى جوبا ...... Author: Hassan Bakri Nugud Date: 03-28-2012, 01:05 PM Parent: #26
هي الصلاة دايره ليها إذن كمان !
Post: #28 Title: Re: سيدى الرئيس...نستأذنك الصلاة فى جوبا ...... Author: Deng Date: 03-28-2012, 02:17 PM Parent: #27
مطبلاتي الكيزان ود الباوقة.
لماذا لا تتقدم الصفوف أنت وصاحب هذا المقال للوصول الى جوبا من أجل الصلاة فيها؟
مش أحسن لك من جهجهة السعودية دي والأغتراب؟
Post: #29 Title: Re: سيدى الرئيس...نستأذنك الصلاة فى جوبا ...... Author: أمير فتحي Date: 03-28-2012, 03:32 PM Parent: #28
Quote: لماذا لا تتقدم الصفوف أنت وصاحب هذا المقال للوصول الى جوبا من أجل الصلاة فيها؟
دينق ...لولا السلام وعطية شيخ علي المجانية ...إنتا وسلفا بتاعك جوبا دي لمن تموتو ماكان حتشوفوها
والله صحي
Post: #30 Title: Re: سيدى الرئيس...نستأذنك الصلاة فى جوبا ...... Author: Amani Al Ajab Date: 03-28-2012, 04:02 PM Parent: #29
Quote: هلا يا باوقة وبالله بعدما تصلي في جوبا برنا بركعة ركعتين كده في حلايب ولو لقينا سجدة سجدتين كده في الفشقة برضو ما بطالات معانا كشعب فضل...
وهيييييييع
Post: #31 Title: Re: سيدى الرئيس...نستأذنك الصلاة فى جوبا ...... Author: Amani Al Ajab Date: 03-28-2012, 04:23 PM Parent: #30
Post: #32 Title: Re: سيدى الرئيس...نستأذنك الصلاة فى جوبا ...... Author: معتصم مصطفي الجبلابي Date: 03-28-2012, 04:24 PM Parent: #30
لقيتوها اليومين دى
(البتقع من سلفاكير يستحمله المواطن الغلبان)
Post: #33 Title: Re: سيدى الرئيس...نستأذنك الصلاة فى جوبا ...... Author: مها عبد الله Date: 03-28-2012, 04:42 PM Parent: #32
والله يا باوقة ( النفرة الكبرى) العاملنها الكيزان بالمنبر منذ ( ليلة أحداث هجليج ) تقول صليتو في ( تل أبيب ) هيييييييييع
باوقة أركز وكلم ( أخوانك فى الله ) يركزوا برضو
Post: #34 Title: Re: سيدى الرئيس...نستأذنك الصلاة فى جوبا ...... Author: مها عبد الله Date: 03-28-2012, 04:51 PM Parent: #33
Quote: هلا يا باوقة وبالله بعدما تصلي في جوبا برنا بركعة ركعتين كده في حلايب ولو لقينا سجدة سجدتين كده في الفشقة برضو ما بطالات معانا كشعب فضل...
وهيييييييع
يا كيكي إنت كمان بتبالغ حلايب دي صلوا فيها صلاة ( الغائب ) والله أعلم
Post: #35 Title: Re: سيدى الرئيس...نستأذنك الصلاة فى جوبا ...... Author: صديق الموج Date: 03-28-2012, 05:03 PM Parent: #34
ود الباوقة اقتراح اقطعوا الجمار فى حلايب واتوضوا فى الفشقة وصلو فى جوبا الصلعة المقابلة خط الاستواء قوم بلا وطنية بلا مزايدات معاكم وتحاربوا لييييييييييييييييييييييييييييييييييه هو نحن لاقين شنو؟ يدوكم خمسة، عشرة دولار فى عبور البترول سووها فى كروشكم وجيوبكم الكبار ديل ونومو على كده هو الشعب حق غسيل الكلى ما لاقيه ، كمان دايرين تكملوه فى خروبكم عشان تقعدوا فى السلطه كلاكم بالتهريها،،،،
Post: #37 Title: Re: سيدى الرئيس...نستأذنك الصلاة فى جوبا ...... Author: Abureesh Date: 03-28-2012, 05:19 PM Parent: #35
لو فى حاجة واحدة تجيب الكفوة لناس الجبهة هى تمسححهم بالتعابير الدينية التى ليس لهم منها شئ.
Post: #36 Title: Re: سيدى الرئيس...نستأذنك الصلاة فى جوبا ...... Author: عبدالفتاح أبوشيمة Date: 03-28-2012, 05:06 PM Parent: #33
ورنش ورنش بعد ما ترشرش وما حدّش حوّش خفف دمك قول له أوع تهبّش أقول يا باوقة
لي ديلك طنّش
وطنّش وطنّش الظاهر فيهم من عايز يعفّش أو يمكن ذاته بقى في المشمش
Post: #38 Title: Re: سيدى الرئيس...نستأذنك الصلاة فى جوبا ...... Author: نزار يوسف محمد Date: 03-28-2012, 07:02 PM Parent: #36
ود الباوقة سلام " خوفى من تلحق رفيقك" الواقع يقول أن البشسير سيصلى فى جوبا ... ولكن فى ايطار زيارة عمل ودية ! وبعدها ح يجى يصلى معاك فى الحرم بدون استئذان و يومها تلفت يمينا ستجد نواز شريف رئيس وزراء باكستان السابق وتلف يسارا ستجد زين العابدين رئيس تونس السابق .
Post: #39 Title: Re: سيدى الرئيس...نستأذنك الصلاة فى جوبا ...... Author: وضاحة Date: 03-28-2012, 07:30 PM Parent: #38
Post: #40 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-28-2012, 09:19 PM Parent: #39
اسف انشغلت اليوم ضمن لجنة توزيع اراضي ولاية نهر
النيل
وسافرد لكل منكم مساحة للرد
Post: #88 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-31-2012, 04:14 PM Parent: #29
Quote: دينق ...لولا السلام وعطية شيخ علي المجانية ...إنتا وسلفا بتاعك جوبا دي لمن تموتو ماكان حتشوفوها
اخونا امير فتحي
دينق دا ضارب الطراوة في بلاد العم سام
وما جايب للموضوع خبر
Post: #86 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-31-2012, 04:03 PM Parent: #25
Quote: اردم يازول
الخلق دى ما بينفع معاها غير العين الحمرة والسوط
ابشر بالخير يا جمال يا اخوي
سنردمهم حتى يعودوا لجادة الحق والصواب
اردم
Post: #45 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-28-2012, 10:31 PM Parent: #24
Quote: مبروووووك عليكم
الله يبارك فيك
Post: #41 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-28-2012, 09:28 PM Parent: #15
Quote: الريس في شهر العسل ياباوقة امشوا بدون اذن
هيييييييييييع
كع
الرئيس يقدل في بغداد الرشيد
قال شهر العسل
والله بقيتو مضحكة يا ابورامي
Post: #44 Title: Re: سيدى الرئيس...نستأذنك الصلاة فى جوبا ...... Author: صديق الموج Date: 03-28-2012, 10:21 PM Parent: #41
د
Quote: اسف انشغلت اليوم ضمن لجنة توزيع اراضي ولاية نهر
النيل
وسافرد لكل منكم مساحة للرد
ود الباوقة الورده اليتاوقو ليها بالطاقة اخوك صديق الموج من كاودا من اعمال محافظة شندى محلية المتمة ان شاء الله طلعت لى معاك مزرعة واللا بكلم ود الصايم،،،،
Post: #78 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-31-2012, 08:19 AM Parent: #14
Quote: أخى عمر ، تحياتى ، لابد من الحسم والرد العسكرى العنيف ، وبعد ذلك نشوف ، مودتى .
اخي هاشم
نعم لابد من الحسم العنيف والفوري لقوات الحركة الباغية
حتى ترعوي وتكف عن ما تقوم به وكالة عن بني صهيون
تشكرات اخي هاشم
Post: #46 Title: Re: سيدى الرئيس...نستأذنك الصلاة فى جوبا ...... Author: ذواليد سليمان مصطفى Date: 03-28-2012, 10:31 PM Parent: #1
Quote: سيدى الرئيس...نستأذنك الصلاة فى جوبا ....
انت في الكعبة ما صليت عايز تصلي في جوبا اختشي ياكبير وربي اولادك
Post: #47 Title: Re: سيدى الرئيس...نستأذنك الصلاة فى جوبا ...... Author: Deng Date: 03-29-2012, 05:51 AM Parent: #46
ود الباوقة.
ياخ أنا كنت قايلك وصلت الخرطوم والتحقت بأحدا المتحركات المتجهة الى جوبا، أقوم ألقاك لسه في الرياض ومشغول بي:
Quote: اسف انشغلت اليوم ضمن لجنة توزيع اراضي ولاية نهر
النيل
أين شعاراتكم ديك بتاعت لا للسلطة ولا للجاه. أو أنكم لم تأتو من أجل دينيا ومستعدين لأراقة الدماء؟
أها نصيبك من الارضي كان كم أرضية وكم مزرعة؟ وهل دفت كاش أم بالدين؟
Post: #48 Title: Re: سيدى الرئيس...نستأذنك الصلاة فى جوبا ...... Author: عبدالكريم الامين احمد Date: 03-29-2012, 06:16 AM Parent: #47
Quote: اسف انشغلت اليوم ضمن لجنة توزيع اراضي ولاية نهر
Post: #49 Title: Re: سيدى الرئيس...نستأذنك الصلاة فى جوبا ...... Author: جمال خضر Date: 03-29-2012, 06:52 AM Parent: #48
Quote: سيدى الرئيس...نستأذنك الصلاة فى جوبا!!
أنا متبرع بالأباريق والبروش
هل يا ترى ناس القروش أبين كروش
سيكونوا ضمن المصلين أم ستحول
أمراضهم دون ذلك ؟
بعد نهاية الصلاة أخى ود الباوقة
وحين تبدأون الهتافات أعمل لى مسكول
وقرب الموبايل من المايك عشان أردمكم
هتافات لامن تقتنعوا .
على شاكلة:
(هى لله هى لله لا للسلطة ولا للجاه)
(لا لدنيا قد عملنا نحن للدين وجاء)
ود الباوقة أتمنى لك ولجموع المصلين
إقامة طيبة فى جوبا وما تنسونا من صالح الدعاء
وفقكم الله وسدد خطاكم .
مراسلكم جمال خضر من منطقة الفشقة المحتلة
Post: #50 Title: Re: سيدى الرئيس...نستأذنك الصلاة فى جوبا ...... Author: Abureesh Date: 03-29-2012, 07:10 AM Parent: #49
Quote: اسف انشغلت اليوم ضمن لجنة توزيع اراضي ولاية نهر النيل
لو الحكومة توزع السـودان ليك حق توزع ولاية نهر النيل.. كل واحد يوزع قدر لحافه
Post: #51 Title: Re: سيدى الرئيس...نستأذنك الصلاة فى جوبا ...... Author: مها عبد الله Date: 03-29-2012, 08:13 AM Parent: #50
وصلوا صلاة الغائب علي روح الوطن الغائب... البقي في أيامكم هامل وسايب .... لا ليهو وجيع ولا ليهو حبايب...
قوموا إلي صلاتكم يرحمكم الله
Post: #52 Title: Re: سيدى الرئيس...نستأذنك الصلاة فى جوبا ...... Author: عبدالكريم الامين احمد Date: 03-29-2012, 08:29 AM Parent: #51
Quote: يا كيكي إنت كمان بتبالغ حلايب دي صلوا فيها صلاة ( الغائب ) والله أعلم
لوووووووول يا مها وفي فيديو كده ح افتشو بتاع ركاب قطر باكستانين اقامو الصلاة في محطة القطر وفجاة كده القطر صفر وقام ماشي اها الجماعة ديل فرتقو صلاتهم زي العجب وجري صوووووف محصلين القطر اها دي زي صلاة ناس الباوقة دي في جوبا وفي حلايب وفي غيره
Post: #53 Title: Re: سيدى الرئيس...نستأذنك الصلاة فى جوبا ...... Author: Khalid Saeed Date: 03-29-2012, 09:57 AM Parent: #52
دي هدية خاصة لي حبيبنا عبد الكريم الأمين .
Post: #54 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-29-2012, 10:20 AM Parent: #53
اسف ما زالت المشغولية مستمرة
ربنا يسهل الامور
Post: #55 Title: Re: سيدى الرئيس...نستأذنك الصلاة فى جوبا ...... Author: ذواليد سليمان مصطفى Date: 03-29-2012, 10:47 AM Parent: #54
Post: #56 Title: Re: سيدى الرئيس...نستأذنك الصلاة فى جوبا ...... Author: حماد الطاهر عبدالله Date: 03-29-2012, 11:10 AM Parent: #54
الأخ/ ود الباوقة
تحياتي
Quote: غير أننا نتعامل مع أناس لا أخلاق لهم جبلوا، على اللؤم و الغدر على النحو الذى عرفهم بها العالمين!! و تأسيسا على ما جاء بعاليه نقول: سيدى الرئيس...نستأذنك الصلاة فى جوبا!!
عفوا الصلاة في نمولي و بعدها شعار ( االيوم الحار ما بندار، سلفاكير سبق الطيار).
Post: #57 Title: Re: سيدى الرئيس...نستأذنك الصلاة فى جوبا ...... Author: معاوية عبيد الصائم Date: 03-29-2012, 11:28 AM Parent: #56
كيكى سلامات يامعلم .باوقيشن .بقى شغال بحكمة(البيجبو الله كلووو رزق) بعدين حتة مافيها (عضة)لومك بى باوقيشن ما بقبل عليها
المهم يا كيكى القصة شكلها (ام غمتى) لكن شيل الصبر (المصدر) بتاوق وبكرة بنجيك بالنجيضة....
ياباوقيشن فى اراضى زراعية وللا مافى ؟ شوف لى اخوك فى الوطن (مزرعة) انشاء الله حقت برسيم ...
(غداء اللجنة)خروف كل يوم ......
اها صلاة الشكر حقتنا قربت بعد ما اوكامبو يستلم الاسد العريس ...
Post: #58 Title: Re: سيدى الرئيس...نستأذنك الصلاة فى جوبا ...... Author: وضاحة Date: 03-29-2012, 01:01 PM Parent: #57
بقً بقً
هاك دى اخدلك عرضة
اركز
كع
Post: #59 Title: Re: سيدى الرئيس...نستأذنك الصلاة فى جوبا ...... Author: amir jabir Date: 03-29-2012, 01:26 PM Parent: #58
تمشى سفارة دولة جنوب السودان تاخد تاشيرة تصل جوبا تصلى فى الجامع الكبير وتغشى معاك دينق فى حى الملكية تاخد ليك راحة كم يوم
وترجع الخرطوم وتمشى القاهرة (والقصة انتهت )
اركز يا ود الباوقة واردم من طرف وانا متبرع ليك بى كلاش روسى 2 خزنه قصرنا معاك
Post: #60 Title: Re: سيدى الرئيس...نستأذنك الصلاة فى جوبا ...... Author: عبدالكريم الامين احمد Date: 03-29-2012, 02:37 PM Parent: #59
Quote: دي هدية خاصة لي حبيبنا عبد الكريم الأمين
تحياتي ياخالد ايووووووووه بس ياهم الجماعة بالضبط القاصدهم انا وصلاتهم زي صلاة ود الباوقة ومن لف لفه وان كان الباكستانين فتحو علب ولحقو القطر فان بني كوز فتحو العلب وفك البيرق لاحقين الثروة والقبضات الثمينة
وتخيل الفيديو زززن في راسي طوالي بعدما قريت بوست صلاة ود الباوقة ده
وكل الود والتقدير ياخالد
Post: #61 Title: Re: سيدى الرئيس...نستأذنك الصلاة فى جوبا ...... Author: Deng Date: 03-29-2012, 04:04 PM Parent: #60
Quote: اسف ما زالت المشغولية مستمرة
ربنا يسهل الامور
ود الباوقة.
توزيع أقصد نهب الأراضي لسه ما أنتهى؟
Post: #62 Title: Re: سيدى الرئيس...نستأذنك الصلاة فى جوبا ...... Author: مها عبد الله Date: 03-29-2012, 06:00 PM Parent: #61
Quote: لوووووووول يا مها وفي فيديو كده ح افتشو بتاع ركاب قطر باكستانين اقامو الصلاة في محطة القطر وفجاة كده القطر صفر وقام ماشي اها الجماعة ديل فرتقو صلاتهم زي العجب وجري صوووووف محصلين القطر اها دي زي صلاة ناس الباوقة دي في جوبا وفي حلايب وفي غيره
ههههههههه غايتو خالد ما قصر جاب الفيديو بالغوا لكن الجماعة يا كيكي ، غايتو ود الباوقة دا عينو على الصلاة في جوبا وعين علي توزيع الأراضي الشئ مافي ( خشوع ) كلو كلو في الصلاة دي ولا دى صلاة ( بالنَية )
Post: #63 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-29-2012, 10:45 PM Parent: #62
اسف
غدا باذن سيكون اخر يوم في الاسبوع الاول لتوزيع
الاراضي
على ان نستانف التوزيع في الاسبوع المقبل باذن الله
وسط اقبال منقطع النظير من قبل ابناء الولاية
وشكرا
عليه ساتيكم بالردود كل حسب اسبقيته
وربما لن اتقيد بالاولويات ...
Post: #64 Title: Re: سيدى الرئيس...نستأذنك الصلاة فى جوبا ...... Author: مها عبد الله Date: 03-29-2012, 11:11 PM Parent: #63
Quote: اسف
غدا باذن سيكون اخر يوم في الاسبوع الاول لتوزيع
الاراضي
على ان نستانف التوزيع في الاسبوع المقبل باذن الله
وسط اقبال منقطع النظير من قبل ابناء الولاية
وشكرا
نفهم شنو هسه يعنى أجلتو الصلاة في جوبا ( حتى إشعار آخر )ولا البوست دعاية لتوزيع قطع الأراضي
Post: #65 Title: Re: سيدى الرئيس...نستأذنك الصلاة فى جوبا ...... Author: Deng Date: 03-30-2012, 00:06 AM Parent: #64
ود الباوقة.
توزيع أقصد نهب الأراضي لسه ما أنتهى؟
Post: #66 Title: Re: سيدى الرئيس...نستأذنك الصلاة فى جوبا ...... Author: Deng Date: 03-30-2012, 00:08 AM Parent: #65
باوقشن.
بالله لو أنت غير متأكد من أولياتك تاني ما تفتح لك بوست ساكت.
لازم تحدد.
الصلاة في جوبا ولا أقتسام غنائم السودان الفضل بالرياض؟
Post: #67 Title: Re: سيدى الرئيس...نستأذنك الصلاة فى جوبا ...... Author: Deng Date: 03-30-2012, 00:10 AM Parent: #66
باوقشن 4 ون ناشن.
بيني وبينك صلاة جوبا دي جهجهة ساكت. أحسن تمسك قوي في موضوع الأراضي ده.
Post: #68 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-30-2012, 10:30 AM Parent: #67
جمعتكم مباركة
يا جماعة
دينق
ومها عبد الله
دا تتلحاني كدا
ان شاء الله على خير
Post: #69 Title: Re: سيدى الرئيس...نستأذنك الصلاة فى جوبا ...... Author: Deng Date: 03-30-2012, 01:43 PM Parent: #68
ود الباوقة.
جمعتك مباركة
مقيل وين؟
جماعتنا في أنتظارك بجوبا.
_________________________ توزيع الغنائم(الأراضي) ماشي كيف؟
Post: #70 Title: Re: سيدى الرئيس...نستأذنك الصلاة فى جوبا ...... Author: مها عبد الله Date: 03-30-2012, 02:21 PM Parent: #69
Quote: جمعتكم مباركة
يا جماعة
دينق
ومها عبد الله
دا تتلحاني كدا
ان شاء الله على خير
جمعة مباركة يا ود الباوقة ، أها حصلت صلاة ظهر الجمعة هناك ولا لسه في توزيع ( الأراضي ) ، من الله خلقني ما شفت لي ( غنائم ) تُوزع قبل الحرب ، أنا ودينق أخوي دا بنكون ( أسري ) الحرب الما خوضتوها دى علشان كدا لاصقين هنا ههههههههههه...
Post: #71 Title: Re: سيدى الرئيس...نستأذنك الصلاة فى جوبا ...... Author: Deng Date: 03-30-2012, 06:01 PM Parent: #70
مها عبد الله.
معقولة تصدقي أنو ود الباوقة يخلي توزيع الاراضي(اللهط والنهب) ويسافر علشان يصلي فقط في جوبا؟
يا ود الباوقة الفيك أتعرفت. طلعت زول دنيا(أراضي) ساااكت.
Post: #72 Title: Re: سيدى الرئيس...نستأذنك الصلاة فى جوبا ...... Author: Abdlaziz Eisa Date: 03-30-2012, 06:30 PM Parent: #71
الله يخزيك يا بشبش ويخزي كل من يعشم فيك
Post: #73 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-30-2012, 09:58 PM Parent: #72
بحمد الله وتوفيقه انتهينا من تطبيق الخطة الف بنجاح تام
وموعدنا باذن الله يوم الاربعاء المقبل لاستكمال وتوزيع ما تبقى من
بقية الاراضي
الاقبال كان اكثر مما توقعناه
حيث فاق عدد المتقدمين ما هو متاح من الاراضي
وفي انتظار ( فزعة ) الولاية للمزيد
بعد ان تم قطع دابر التمرد
دعونا ندلف الى هموم ابناء الولاية بدول الاغتراب وتحقيق
حلمهم في سكن يكون في متناول الجميع
الله اكبر
Post: #74 Title: Re: سيدى الرئيس...نستأذنك الصلاة فى جوبا ...... Author: حافظ انقابو Date: 03-30-2012, 10:05 PM Parent: #73
أها يا بقة طلعت بكم قطعة؟؟؟
بعدين البوست دا بتاع الصلاة ولا بتاع الاراضي غايتو جنس لخبطة .. هسة دينق دا سألك قال ليك كيف تصلي في جوبا وإنت في السعودية؟ طبعا انا منتظر الاجابة بلهفة أكتر من دينق
Post: #75 Title: Re: سيدى الرئيس...نستأذنك الصلاة فى جوبا ...... Author: مرتضى احمد عبد القادر Date: 03-30-2012, 11:07 PM Parent: #74
إستأذن الكفيل أول
Post: #76 Title: Re: سيدى الرئيس...نستأذنك الصلاة فى جوبا ...... Author: Nagat Sid Ahmed Elshiekh Date: 03-31-2012, 04:41 AM Parent: #75
Post: #82 Title: Re: سيدى الرئيس...نستأذنك الصلاة فى جوبا ...... Author: مها عبد الله Date: 03-31-2012, 01:19 PM Parent: #81
Quote: ورنش ورنش بعد ما ترشرش وما حدّش حوّش خفف دمك قول له أوع تهبّش أقول يا باوقة
لي ديلك طنّش
وزع يا باوقة وزع ولقروشك حوش لصلاتك في جوبا طنش من غير ما عينك ترمش ممكن كفيلك يفنش وتلقي روحك متفنش
Post: #83 Title: Re: سيدى الرئيس...نستأذنك الصلاة فى جوبا ...... Author: محمد أبوالعزائم أبوالريش Date: 03-31-2012, 03:24 PM Parent: #82
Quote: ود الباوقة.
جمعتك مباركة
مقيل وين؟
\ ده شنو يا دينق؟
لقيت ود الباوقة مسكين وما عارف حاجة؟
المقيلة دي مش ياها بتاعة (العسلية) ....... والاّ غيّروها.
Post: #84 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-31-2012, 03:43 PM Parent: #83
يلا نردم فيكم شوية لحدي يوم الاربعاء القادم موعد
السحب الاخير للاراضي ولاية نهر النيل
........................................
دينق
مها عبد الله
سعيكما مشكور
اتخارجا .....
Post: #85 Title: Re: سيدى الرئيس...نستأذنك الصلاة فى جوبا ...... Author: Deng Date: 03-31-2012, 03:56 PM Parent: #84
ود الباوقة
أها صلاة جوبا فاتتك وراحت في قصة نهب الاراضي المصلح.
عرفنا في الماضي كل ما الكيزان يكونو مزنوقين في عملة صعبة يلجئون الى بيع الاراضي السودانية للمغتربين السودانين حول العالم. أها أنت شخصيا دورك شنو في الموضوع ده وبياتو صفة؟
Post: #90 Title: Re: سيدى الرئيس...نستأذنك الصلاة فى جوبا ...... Author: عبدالفتاح أبوشيمة Date: 03-31-2012, 05:04 PM Parent: #85
والله يا دينق دي واطاتنا اللي فضلت لينا بعد ما قالوا نحن أبينا ما ليك دخل ولا خصّك فينا وإيه اللي عرّفك عن حاضرنا أو ماضينا - وكلمة كوز شن خصّك فيها لا بتعرفها ولا معانيها كل المسلم داخل فيها مالك ومالها يا معاديها اللي بكتب ليك دا زي راديها
Post: #103 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 04-01-2012, 05:13 PM Parent: #90
Quote: والله يا دينق دي واطاتنا اللي فضلت لينا بعد ما قالوا نحن أبينا ما ليك دخل ولا خصّك فينا وإيه اللي عرّفك عن حاضرنا أو ماضينا - وكلمة كوز شن خصّك فيها لا بتعرفها ولا معانيها كل المسلم داخل فيها مالك ومالها يا معاديها اللي بكتب ليك دا زي راديها
اردم ابو شيمة
بارك الله فيك
Post: #101 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 04-01-2012, 05:54 AM Parent: #76
Post: #89 Title: Re: سيدى الرئيس...نستأذنك الصلاة فى جوبا ...... Author: Deng Date: 03-31-2012, 04:15 PM Parent: #87
Quote: ده شنو يا دينق؟
لقيت ود الباوقة مسكين وما عارف حاجة؟
المقيلة دي مش ياها بتاعة (العسلية) ....... والاّ غيّروها.
محمد ابو العزائم أبو الريش.
تفتكر ود الباوقة ده بعرف العسلية؟
Post: #91 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-31-2012, 05:07 PM Parent: #89
Quote: والله يا دينق دي واطاتنا اللي فضلت لينا بعد ما قالوا نحن أبينا ما ليك دخل ولا خصّك فينا وإيه اللي عرّفك عن حاضرنا أو ماضينا - وكلمة كوز شن خصّك فيها لا بتعرفها ولا معانيها كل المسلم داخل فيها مالك ومالها يا معاديها اللي بكتب ليك دا زي راديها
دينق
رايك شنو في الكلام دا
Post: #92 Title: Re: سيدى الرئيس...نستأذنك الصلاة فى جوبا ...... Author: Deng Date: 03-31-2012, 06:28 PM Parent: #91
Quote: والله يا دينق دي واطاتنا اللي فضلت لينا بعد ما قالوا نحن أبينا ما ليك دخل ولا خصّك فينا وإيه اللي عرّفك عن حاضرنا أو ماضينا - وكلمة كوز شن خصّك فيها لا بتعرفها ولا معانيها كل المسلم داخل فيها مالك ومالها يا معاديها اللي بكتب ليك دا زي راديها
ده كلام زول منافق ساكت، ويريد أن يكتب فقط من أجل الكتابة. ده حتى لم يكلف نفسه قرائة عنوان بوستك المهبب ده.
Post: #93 Title: Re: سيدى الرئيس...نستأذنك الصلاة فى جوبا ...... Author: وضاحة Date: 03-31-2012, 07:38 PM Parent: #92
بقَ بقً ود عمى
التلب الزوم
عيدك يا التلب يوم الكماج والدم ويا رعد الخريف مطر السوارى العم قدر ما انظم القافية و اجر النم قولى عليه زى ضرب السلاح فى اليم
أنكرب هيييييييييع
ارح اردم
Post: #94 Title: Re: سيدى الرئيس...نستأذنك الصلاة فى جوبا ...... Author: عمر صديق Date: 03-31-2012, 07:56 PM Parent: #93
Quote: بقَ بقً ود عمى
التلب الزوم
عيدك يا التلب يوم الكماج والدم ويا رعد الخريف مطر السوارى العم قدر ما انظم القافية و اجر النم قولى عليه زى ضرب السلاح فى اليم
أنكرب هيييييييييع
ارح اردم
بت عمي وضاحة يافجر المشارق
تحياتي
وانتي طلعتي ظلامية وجلابية
مع التحايا للاخ ود الباوقة
واردموا وامسحوا
Post: #95 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-31-2012, 10:05 PM Parent: #93
Quote: عيدك يا التلب يوم الكماج والدم ويا رعد الخريف مطر السوارى العم قدر ما انظم القافية و اجر النم قولى عليه زى ضرب السلاح فى اليم
ابشري بالخير
هس لو كان في السودان كان ركزت ليك
تديني ثلاثة سيطان
كع
اركزي
Post: #96 Title: Re: سيدى الرئيس...نستأذنك الصلاة فى جوبا ...... Author: مها عبد الله Date: 03-31-2012, 10:29 PM Parent: #95
Quote: ابشري بالخير
هس لو كان في السودان كان ركزت ليك
تديني ثلاثة سيطان
كع
اركزي
أمشي صلي في جوبا و( الدَق ) العاوز دا بتلقاهو هناك كع كرع
Post: #98 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 04-01-2012, 05:42 AM Parent: #96
Quote: أمشي صلي في جوبا و( الدَق ) العاوز دا بتلقاهو هناك
لكن هناك عندهم ( دلوكة ) يا مها
نحن ناس دلاليك بس
اركزي
Post: #97 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 03-31-2012, 10:45 PM Parent: #95
مع التحايا للاخ ود الباوقة
واردموا وامسحوا
..........................
اخونا عمر
ردم وكشط ومسح
مافي يمة ارحميني تاني
اردم
Post: #102 Title: Re: سيدى الرئيس...نستأذنك الصلاة فى جوبا ...... Author: محمد أبوالعزائم أبوالريش Date: 04-01-2012, 06:31 AM Parent: #97
Quote: تفتكر ود الباوقة ده بعرف العسلية؟
بعرفا يا دينق ... بعرفا زي جوع بطنو ...
بس عامل رايح.
Post: #104 Title: Re: سيدى الرئيس...نستأذنك الصلاة فى جوبا ...... Author: حافظ انقابو Date: 04-01-2012, 05:34 PM Parent: #97
بقة ناس دينق عندهم صوت عنج ودلوكة في جوبا أركز يا زول
عندهم ردم ردم ردم
Post: #105 Title: Re: سيدى الرئيس...نستأذنك الصلاة فى جوبا ...... Author: عبدالفتاح أبوشيمة Date: 04-01-2012, 05:43 PM Parent: #92
Quote:
ده كلام زول منافق ساكت، ويريد أن يكتب فقط من أجل الكتابة. ده حتى لم يكلف نفسه قرائة عنوان بوستك المهبب ده.
دينق بتعرف كلمتين بس
منافق
واختشي
وأكتر واحد ما بيختشي!
وأكبر منافق
شايل ليك صورة ما بتشبهك لا خلقة ولا أخلاق
ارجع لي مداخلتك اللي رديت عليها
عشان تعرف إني بكتب من أجل الكتابة واللا لا
يا لغباء الارتزاق!
إنت اللي بكتب ليك غائب واللا إيه؟
دا شنو دا؟
قرائة
- باوقة
مسكين اللي جاك قال في الكتال مترزّق
--
ضرباً على هام كل اللي جاييكا معوّق والشرّامي قول له بس أحسن بي الله تروّق ما كان أخير ليك لو في الحروف بتدقّق قبال الغصص اللي بيها يوم تكون حتشرّق
Post: #106 Title: Re: سيدى الرئيس...نستأذنك الصلاة فى جوبا ...... Author: ABUHUSSEIN Date: 04-01-2012, 05:55 PM Parent: #105
غايتو يا ود الباوقة بقيت ملطشة للرمم و الخبوب....
Post: #107 Title: Re: سيدى الرئيس...نستأذنك الصلاة فى جوبا ...... Author: ود الباوقة Date: 04-01-2012, 10:57 PM Parent: #106
Quote: غايتو يا ود الباوقة بقيت ملطشة للرمم و الخبوب....
