نداء عاجل الى طلاب الهند / بنجلور

الأخوة طلاب الهند المحترمون :
السلام عليكم ورحمة الله

استميحكم عذرا أن أسأل عن تكاليف المعيشة لطالب علم من المفترض أن يجري تدريبا في بانجلور لمدة شهر أو خمس و اربعين يوما والأسئلة المراد الاجابة عليها:

- ما هي أفضل طريقة للسكن في بانجلور وكم تكلف شهريا" يعنى استوديو ؛ سكن مع عائلة ؛ مع مجموعة سودانية ؛ الخ.
- بالتقريب كم تكاليف المعيشة الشهرية لطالب علم.
هل من الامكان لهذا الطالب أن يتصل ببعض الطلبة السودانيين حتى لا يشعر بالملل في هذه الفترة ويتعرف بصورة أفضل على المدينة.

وشكرا مقدما على مساعدة هذا الطالب.

الأخوة طلاب الهند : أنا في أنتظار ردودكم ؛ ولكم مني مقدما الشكر

تحياتي

الاخ انور
هندى قديم بنجح معاك
ياخوى ما تشيل هم للسفرة دى
سافر ساكت بالفلوس المعاك
اذا كانت الدراسة منحة
الشباب هنالك ما يقصرون معاك
لكن بجوك اسى ما تخاف
ولك ودى

الأخوة ود العباسية وأبوقوته ، أولا تحياتي الحارة لكم لدخولكم هذا البوست بنية المساعدة وفعلا توقعاتكم في مكانها وتوالت على الايميلات تترى من طلاب الهند بمجرد دخولهم الى هذا البوست فلهم مني الشكر وأخص بالشكر الأخ ناجي عبد المنعم الذي كان مستعدا لتقديم أي مساعدة ممكنة .

أكرر شكري ولكم خالص تحياتي

السلام عليكم الاخ انور

زي ما قال ليك اخونا ابوقوته ابقى مسافر ساكت وما تشيل هم

انت ياراجل حا تقعد كلها 45 يوم زي ما قلتة.

بالنسبةللسكن اولا ممكن تسكن مع اسرة ودا طبعا شئ كويس ، وممكن تسكن مع الشباب

وتدفع شيرينغ وتكون مبسوط جدا ولكن حسب علمى انه ال45 يوم دي ما اظن الشباب يخلوك تدفع ايجار

او تسكن مع اسرة ،

الحاجة التانية التكاليف اصلوا ما كتيرة للشهر يعنى اذا بالغتة بتصرف 200$ ،انا بتكلم ليك عن

الحاجات دي وانا برة الهند لى حوالى 5 سنين

الحاجة التالتة يا سيد انت اول ما تصل لازم تلاقى الاخوة السودانيين موجودين وبى كميات

فما تشيل هم من الناحية دي وعلى فكرة بنقلور مدينة جميلة جدا فما تحرم نفسك من المتعة

وانا متاكد انت ما بتقعد 45 يوم بس انت يامان حاتقعد قريب 3 شهور


وربنا يوفق ....