Post: #1
Title: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: انور الطيب
Date: 06-27-2007, 01:28 PM
Parent: #0
الأخ مصطفى دوليب في مقام أخي الأصغر محمد ، خالد ، علي وهشام ....
شطر في الزمازمة وشطر آخر في " فريق حاج " أحمد، هذا الذي يجمعنا به .. لكن لا أدري هواه بالتحديد ! ربما يكون هجينا بين الفريقين ....
ومن الناس من يقابلك فتنزاح هموم الدنيا عنك ، إذا وجدك راجلا أصر على اصطحابك " يعني أنه يمتلك مركبة" لا تسألوني إن كانت فاخرة أم لا ! ولكن اسألوني عن صاحبها على قول الشاعر :
مررت على الديار ديار ليلي ،
والطيب من فريق حاج أحمد يفوح فيعطر المكان ، اناس لهم وجه واحد لا يعرف النفاق ، إن أحبوك كنت خمرا معتقا يسكرهم وإن كرهوك تجاوزوا وسامحوا ...
وربما يكون دخول مصطفى بيننا دافعا لتنشيط بوست الحلفاية من جديد ....
فمرحبا بالأخ الفاضل مصطفى دوليب بيننا....
|
Post: #2
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: بكرى ابوبكر
Date: 06-27-2007, 01:52 PM
Parent: #1
|
Post: #3
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: gamal elsadig
Date: 06-27-2007, 02:02 PM
Parent: #2
.
نرحب كثيراً .....
بالاخ مصطفى دوليب
مرحب يادفعة.... نتمنى لك اقامة طيبة في سودانيز اونلاين
.
|
Post: #4
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: انور الطيب
Date: 06-27-2007, 02:24 PM
Parent: #1
مرحبا
|
Post: #5
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: انور الطيب
Date: 06-27-2007, 03:03 PM
Parent: #4
الحبيب بكري حبيب ، شكرا لك ولتجميلك المكا
المكان ،
الأخ جمال الصادق لك عاطر التحايا
|
Post: #6
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: bayan
Date: 06-27-2007, 03:13 PM
Parent: #5
يا مراحب
اقامة سعيدة...
وكيفك انت يا انور؟
|
Post: #7
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: Hisham Ibrahim
Date: 06-27-2007, 03:17 PM
Parent: #5
قرأت اليوم الإسم في مشاركة سابقة وطرت فرحا بمقدم أخونا الطائر الميمون( مصطفى دوليب) ..
حبابك يا الاخو وخش لي جوه،
ومرحب بيك في دار بكري العامرة مع خالص شكرنا لمن فتح هذا البوست ولسيد الحوش وهو يضمك أولا ويرحب بك مدادا على صفحات هذا المكان فمرحبا بك يا غالي .
شكرا ليك يا أنور وأنت من يضع الورود في وقتها وبين أخواتها ...
هشام ابراهيم
|
Post: #8
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: بكرى ابوبكر
Date: 06-27-2007, 03:25 PM
Parent: #7
|
Post: #9
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: محمد صباحى
Date: 06-27-2007, 03:55 PM
Parent: #8
يامراحب بمصطفي دوليب
في فضاء سودانيزأون لاين الافتراضي
اضافة حقيقية لروح البورد ..................
والشكر موصول لاخونا أنور
|
Post: #10
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: انور الطيب
Date: 06-28-2007, 02:32 PM
Parent: #9
شكرا ليك يا بكري ثاني وثالث ورابع وزيد علي كيفك ... على الترحيب وإنزال الصورة ....
شكرا صباحي لهذه الإطلالة ......
وشكرا ياهشمام والله لقد سعدت سعادة شديدة عندما قابلتك المرة الفائتة بالكيلو كيلو 8 والكيلو دة عجيب يعني منو طوالي لبيتكم ، اها لبيتنا برضو ، لبيت ناس مصطفى دوليب برضو وناس بكري ديل لما كانو بخشو السينما زمان كان برضو بجو بالكيلو أسة اتحنكشو شوية ما عارف يمكن يقولو المسافة بعيدة شوية ....
واها الكيلو دة مشيهو علي كيفك هم طبعا زمان علمونا قالوا كيلومتر لكن أسة أظنو كيلو بايت ....
الأخت بيان تحياتي لك وشكرا على ترحيبك باخينا مصطفى ومصطفى دة اسم على مسمى عسل مصفى ...
|
Post: #11
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: انور الطيب
Date: 06-28-2007, 03:28 PM
Parent: #10
وكمان بتلمنا الردمية سوة وشارع الردمية وشارع الردمية هو الشارع القادم من الإتجاه الشرقي - الغربي ويعمل على شق السوق القديم إلى شقين شبه متساويين ...
يسار هذا الشارع يقبع بيت كل من " أب شحيمة" ، مصطفى دوليب ، و بيتنا برضو ...
تحياتي للردمية على رأي
مررت على الديار ديار ليلي أقبل ذا الجدارا وذا الجدار
وما حب الديار شغفن قلبي ولكن حب من سكن الديارا ...
ودمتم ....
|
Post: #12
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: حسين يوسف احمد
Date: 06-29-2007, 12:42 PM
Parent: #11
مـرحـب بالصـديق الراقي الرائع
دوليـب ..
وشـكرا بكـري ..
وشـكرا أنـور ..
وبهـذه المناسـبة :
أتقـدم للعزيز بكـري مناشدا
إياه للمـرة الثانية ، أن يطلق لنا
سـراح بوسـت النشـيشيبـة ..
هـذا البوست الذي فلت من أيدينـا
فـذهب للارشـيف ..
عشـان حبيبنـا دوليب يا بكري
وعشان ناصر علي أطلق سراحه ..
وكلنـا أمل فيك ..
مع الحب ..
|
Post: #13
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: Tragie Mustafa
Date: 06-29-2007, 01:30 PM
Parent: #12
مرحبا يا انور بصديقكم مصطفى دوليب
ويا مصطفى ما تجي وتبقى كسلان هنا زي ناس وحدين.
لكم الود.
|
Post: #14
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: انور الطيب
Date: 07-01-2007, 06:45 AM
Parent: #13
الأخ حسن يوسف تحياتي وشكرا للمرور ، نناشد بكري أيضا برفع بوست الحلفاية مع بوست النشيشيبة ولك الشكر ....
وبالمناسبة قضيت تقريبا شهر في النشيشيبة وجامعة الجزيرة في ثمانينيات القرن الفائت ، ما أحلاها ، وما أحلى من كانوا معانا فيها ...
الأخ المرحوم ا لدكتور عبد الحفيظ محمد الطيب الدفعة 3 والأخ الدكتور أنيس النحاس والأخ الدكتور الظريف عماد البيلي والأخ الدكتور عادل بشير والأخ الدكتور سيد و الأخ الدكتور نابغ وغيرهم من أبناء الدفعة 3 ، اتمنى لهم التوفيق والسداد ....
الأخت تراجي مصطفى شكرا على المرور والترحيب ، مرحب بيك ....
|
Post: #15
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: نيازي عبدالله مرحوم احمد
Date: 07-01-2007, 07:10 AM
Parent: #14
مصطفي ادريس دوليب شخصيا اهلا وسهلا يا مرحب وتشكر يا انور والبركه في مصطفي الخلاك تظهر يا انور
|
Post: #16
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: انور الطيب
Date: 07-01-2007, 09:50 AM
Parent: #15
الأخ نيازي تحياتي وشكرا للورود الجميلة .....
قابلت محمد شانتير قبل فترة وسالتوا عنك قال لي تمام الراجل لكن الزول دة كيشة في الكورة .... وأنا والله ما شايف كيشة في الكورة دي غير محمد شانتير .....
وبالمناسبة قبل فترة مررت بالقرب من بيت ناس شانتير ما عارف قبل شهرين أو أكثر ولقيت في زي عزاء وفعلا دخلت وعزيت الناس لكن ما عرفت أي زول في الناس وهم برضو ما عرفوني والمهم قمنا بالواجب زي ما بيقولو
اخبارك شنو يا خي وانا والله متشوق لشوفتك ..
|
Post: #19
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: معاذ الدخري
Date: 07-01-2007, 01:22 PM
Parent: #11
ألف مرحب بالأخ مصطفي إدريس .. أتمني لك إقامة سعيدة هنا .. و يلا نتواصل
معاذ الدخري
|
Post: #22
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: Mustafa Doleeb
Date: 07-02-2007, 11:40 AM
Parent: #19
الشكر لك الزميل معاذ علي هذه الاستضافة واتمني ان اكون دخريكم...
|
Post: #17
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: محمد المختار الزيادى
Date: 07-01-2007, 09:52 AM
Parent: #1
الف مرحب
والبيت يتكم
تحياتى
محمد
|
Post: #18
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: نيازي عبدالله مرحوم احمد
Date: 07-01-2007, 12:51 PM
Parent: #17
والله يا انورمافي زول كيشه غير صحبك محمد شانتير و احسن زول بلعب باص غلط ومكن يلاقيك المغرب يقول صباح الخير ولا رمضان كريم........ العزاء دا بتاع ناس اشرف البنز وفاة والده عليه الرحمه واشرف ابن خالة طارق الزين وبلو ود فريق الشايقيه والصادق محمد علي وحاتم محمد علي(جيران ناس الجابري وعوض الجاك والخير عبد الجليل) في فريق القطاطي
|
Post: #20
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: انور الطيب
Date: 07-01-2007, 02:22 PM
Parent: #18
الاخ معاذ الدخري
الأخ محمد الزيادي
تحياتي الحارة لكم وشكرا لترحيبكم بالاخ مصطفى ...
الاخ نيازي تحياتي الحارة واتمنى ان نتقابل قريبا ....
محمد شانتير بيقول لجامعةالخرطوم ، جامعة الخرطوم ولو مسكوه مصنع البطاريات بقلبو مصنع كسرة وعلى أقل تقدير حا يقلبو ا شعيرية ...
هو محمد شانتير الله يديه العافية ما شعيرية ذاتوا والله مش كدة .... سلامي لمحمد شانتير وعماد وكل اسرة شانتير بالحلفاية وقول ليه أنور ود حلتكم القديمة قطع فيك للآخر.....
|
Post: #21
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: Mustafa Doleeb
Date: 07-02-2007, 10:43 AM
Parent: #1
شكرا لك صديقي أنور وأخي بكري علي هذا الترحيب الحار والاستضافة واتمني ان اكون اضافة حقيقيةوهادفة...
التحية لكم وسلامي لناس الميز وناس الجزيرة وخاصة ناس المدني ياانور لانو عدينا معاهم ايام طيبة اثناء الطفولة@ أخي بكري لك الود والسلام موصول لكل حوش ناس الناظر وأبناء عشة بت الناظر واحفادهم.الرفيق هشام( ) والله اشتقنا لضحكتك المميزة وكورتك المبشتنة وكدارتك الراقية مع xxxxxxL
لك التجية اخي هشام مرورا بحوش الخليفة علي ونعرج لناس أمدولة وفاطمة بت سمحة حتي نطلع الظلط لكي نرحب باهلنا بناس الازيرقاب@ نيازي الشاب النشط لنا فترة ما لقيناك أتمني ان تكون بخير تحياتي لناس البيت@ نمشي لوري شوية حتي نشتم نسئم بحر سماحة مرورا بناس كلتوم و بتول (والدة بكري) بنات خالد
(والله نسوان تمام كلما جلست معهم او قابلتهم غير الكلمة الطيبة والدعوات والحكاوي ما عندهم شئ)التحية لك أخي بكر اسماعيل...
اما انتو ياناس الجزيرة(حسين+جمال+...) اصبروا لي شوية لانو احتمال نزيد رسوم التسجيل شوية
|
Post: #23
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: غادة عبدالعزيز خالد
Date: 07-02-2007, 11:50 AM
اهلا بالأخ مصطفى دوليب
كل التحية
غادة
|
Post: #24
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: بكري اسماعيل
Date: 07-02-2007, 12:21 PM
Parent: #23
ألف مرحب بحبيبنا الباشمهندس مصطفى ادريس الرجل الراقي نتمنى له إقامة طيبة بين إخوته هنا .. مصطفى طبعاً دفعة دراسة أنا أصغره بعامين ونيف ..
وحبابك يا أنور بعد طول غياب طبعاً سألت متوكل منك وهو هذه الأيام معنا وأخبرني أنك في طريقك للإستقرار بالسودان ، أتمنى مواصلة بوست الحلفاية في حال استعادته من الإرشيف يا أنور أو كتابة بوست جديد يبدأ حيث أنتهى الآخر ..
هلا بكل الشباب هنا حتى نعود
|
Post: #26
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: Mustafa Doleeb
Date: 07-02-2007, 01:15 PM
Parent: #24
شكرا علي هذه المداخلة يابكري لكن بس راجع شهادة الميلاد احتمال حصل فيها كشط او حذف عند قيامك باجراءت السفر @ وما يغرك البياض الفي الراس دا بس لانو نحن شغالين في الدقيق ومرات يتطاير الغبار ويسكن علي رأسنا يعني ما تقول الناس ح يصدقوك
|
Post: #25
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: Mustafa Doleeb
Date: 07-02-2007, 12:29 PM
Parent: #23
شكرا لكي أختي غادة وتحياتي عبركم للاسرة وناس فريق الحلوة عموما وخاصة حبوبتنا حاجة رقية(والدة عتيش) المراءة المرحة ربنا يديها الصحة والعافية
|
Post: #27
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: انور الطيب
Date: 07-02-2007, 03:54 PM
Parent: #25
مراحب
غادة عبدالعزيز خالد
أهلا وسهلا وبأهلنا العمد وسلام خاص للوالد ولي حسبو ولعماتك آسيا ونعمات ولجميع الأهل بالحلفايا
بكري اسماعيل كيفك وكيف الجماعة كلهم ، تحياتي لمتوكل وعبدالله يوسف وقبل يومين كان معاي فتح الرحمن اسماعيل عكاشة وقعد معاي قعدة طويلة وسائل عنك والله ... تسلم والله يديك العافية
يا مصطفى تحياتي والله شرفت المكان كثييير والله يديك العافية أها الجماعة كلهم مرحبين بيك كثر خيرهم
ويا الله يا بكري حبيب طلع لينا بوست الحلفاية فوق عشان الأحبة كلهم بي جاي وعايزين نجتر ذكرياتنا تاني أدينا فرصة للإجترار يا حبيب قبل ما الجماعة يوصلوا ليكم ماسورة البيت ....
والله يصبرك
|
Post: #29
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: Mustafa Doleeb
Date: 07-03-2007, 10:59 AM
Parent: #28
التحية لكم أهلنا ناس الحلفاية
اليوم نقف وندعوا لحمامتين من حمامات مسجد الفكي شمس الدين بالشفاء وهم الحكيم لداء الجسد والروح عمنا يعقوب أحمد عروة الرجل الذي عمل في شفخانة الحلفاية عقد من الزمن الرجل الرزين صاحب المشورة ملك وزعيم أهلنا العراوة وهو الان طريح الفراش بالمنزل(فاتح في السوق القديم) وقد عاودتة قبل يومين واطمأنيت علي صحته @ أما الحمامةالثانية فهو لا تسمع صوته الا هو يسال عن الغائبين وطريحي الفراش فهو من قدامي موظفي الهئية القومية للمياة الا وهو العم عبد العزيز كرم الله فهو الان بمستشفي الشعب التعليمي فهو بخير لقد زرته السبت الماضي وطمنني علي صحته@ كنا نمتطي معه العربة(ملح)الي مدرسة شمبات الثانوية ومعي الاخوان معمر أحمد ذكي (ود رقية بت الطاهر) ومحمد هارون الارباب(ود أمنة بت يوسف) ومعتز محمد سيدي( ودنفيسة) وناصر عبد الله(ودطيبة بت علي السيد)كلنا نركب معه حتي نوفر حق المواصلات لكي نفطر فطرة مكربة فالهم أشفهم بقدر ما قدموا لنا من مساعدات واوصلونا لهذه المرحلة"اللهم رب البأس أذهب البأس أنت الشافي أشفي شفاء لا يقادر سقما" الهم أشفيهم وأشفي كل سقيم
|
Post: #30
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: انور الطيب
Date: 07-03-2007, 01:56 PM
Parent: #29
اللهم يارب الناس اشف البأس اشف أنت الشافي شفاء لا يغادر سقما ، اللهم اشفهم جميعا واشف استاذنا صلاح شكرالله ..
وياخي يا مصطفى الناس ديل كانو يوم القيامة شنو معمر ود رقية ومحمد ود آمنة ومعتز ود نفيسة المهم شيل شيلتك ديل لو لاقوك بكبعوك عديل كدة غايتو أنا بتوسطه ليك عند معمر يطلع منها والبقية شيل شيلتك ....
وأنا مرة تقابلنا أنا ومحمد أخوي وعل ي عبد الله في دبي قبل سنتين كدة وعرفت محمد بعلي طبعا محمد ماعرف علي بعدين قلت ليهو ياخي دة علي ود طيبة ، قال لي أيوة اخو نا صر يعني ودة شي طبيعي في الحلفاية لكن يتخيل لي أهل امك بنادوك باسم أمك وأهل أبوك بنادوك باسم أبوك ...
مع تحياتي ... واصل يا مصطفى بنفس النفس ونتلا قى في بوست الحلفاية وشكرا يا بكري شديييييد على رفع البوست والله يقدرنا على جزاك وإن شاء الله قبل ما ترجع لديار العم سام نتقابل هنا وعندنا الكثير للونسة والهرجي والزكريات القديمة ولكن حا أذكرك بقصة واحدة وأظل أمسكك بيها أوعى تقول لي ما متذكر زي قريبك يس أحمد خوجلي عندي معاهو قصة طريفة ياخي قالو الشينة منكورة والمشكلة ما عندي شهود ويس نكر الكلام كلو ولا حتة صغيرة كدة منو ما متذكرة أو كما قال .
تلقونا في بوست الحلفاية ....
|
Post: #31
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: Mustafa Doleeb
Date: 07-04-2007, 01:58 PM
Parent: #30
اما عن الاستاذ صلاح شكرالله فقد ذهبنا له قبل عدة أيام بعد صلاة المغرب من مسجد الفكي شمس الدين بصحبة ابراهيم شيخ مصطفي الملثم وعبد الرازق ادريس وادريس بكاب وعمر الفاتح الزبير واسامة عثمان محمد عبدالرحمن"هروال" وطمننا علي صحته والحمد لله ذاكرته بدأت تستعيد قواها وتعرف علينا وأخذنا وادينا معه في الحديث في منزله قرب محطة الشنقيطي"طبعا رحل من جوار زاوية الختمية" هذا بمثابة الاطمانان علي كل من يسأل عن أستاذنا الجليل صلاح شكرالله ... وعندي معه كثير من الاحداث اثناء الدراسة بالمزدوجة سنذكرها لكم...
انا قصدت هذا يا أنور لسببين الاول لاثبات عمق العلاقة بيننا والثانية بعض الناس لا يعرفون الا باسم الوالدة بحكم علاقتهم بها او في عرق طائر يربطهم بالوالدة@ وانت كان مسكت معمر الباقين ديل انا بقدر عليهم...
|
Post: #32
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: انور الطيب
Date: 07-04-2007, 06:16 PM
Parent: #31
مراحب يا مصطفى واهو بركاتك هلت وبوست الحلفاية دور تاني من جديد ونتلاقي هناك زي ما قالو ناس الخليج سوالف وكدة ...
|
Post: #33
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: حسين يوسف احمد
Date: 07-04-2007, 11:46 PM
Parent: #32
يا دوليـب ..
| Quote: اما انتو ياناس الجزيرة(حسين+جمال+...) اصبروا لي شوية لانو احتمال نزيد رسوم التسجيل شوية |
يا ريت والله ...
طولنـا من المشاكل والغلاغل ..
بس أنا خايف ناس سيقا يجو يدفعوها!!!
وعليك الله بالمرة كدا يا دوليب ، حنس بكري أبوبكر
يفك الحظر عن بوست النشيشيبة ..
دا بوست جميل ورائع ..
وضد الأرشفة ..
يا بكري :
وغلاوة دوليب عندك تفك الحظر ..
مع الحب ...
|
Post: #35
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: Mustafa Doleeb
Date: 07-05-2007, 07:31 AM
Parent: #33
التحية لك زميلي ورفيقي حسين يوسف والشوق والود لك ولجميع ناس النشيشيبة وخاصة الدعة (15)
ويا بكري ياود بنات الناظر حلالين الشبك ويجيدوا كل محطوب ويا ود حبيب الحبو للجار والبعيد(كما يقولوا حبوباتنا) أنا عارف يابكري ناس الجزيرة ديل غير المشاكل والوقوف اما المدافع والتصدي للعوات ما عندهم شئ وانا متأكد قلبهم أبيض ويبحثوا للخير لغيرهم وانا طبعا منهم(مع اني لم أعرف سبب التوقف)بالله يا بكري فك عقدتم وأنت تعرف أيضا ناس الحلفاية أكثر مني غير الوساطات وأصلاح البين ماعندهم حاجة... واتمني ان نلتقي قريبا مع حامعتنا النشيشيبة متماشين مع اللوائح والقوانين والمواضيع الثرة الهادفة والمسمرة للمشتركين والزوار ولكم التحية جميعا...
الاخ الرزين جمال التحية لك ولاسرتك الصغيرة علهم بخير ومختفين من الاجتماعيات الظاهر الشغل وناس الدفعة شاغلنك شوية نتمني ان نلتقي قريبا...
|
Post: #34
Title: Re: رحبوا معي بالأخ مصطفى إدريس دوليب " أهلنا ، أحبتنا ، أولاد حلتنا "
Author: Wathig Makki
Date: 07-05-2007, 01:12 AM
Parent: #1
you wellcome
stay well & take care.
( thanks Anwar )
Wathig Makki
|
|