يا متلملم قايم علي حِيلك ..

قطرات فى حجم الغرفه وللا قطاطى مدحرجه ناحيتنا
..
.

يا ودران في بعضك انت

ويا متلملم حيلك قايم

فينا قطاطي الروح تشتاقك

ويصحى متين لو شوقك نايم؟!!

صحي بيوت العصب الساهي

وهش قطرات الوجع الغايم

وطل حلتنا

حين الشارع د مّع سابله
والوقت اصيل
إعتزر النيل للشمس الساطعه
خبا التبر و طلّع لون احمر قان ِ
والموج أجهش
فى صمتُه عويل
شكرا ً يانيل
..
.

يا ودران في بعضك انت

ويا متلملم حيلك قايم

فينا قطاطي الروح تشتاقك

ويصحى متين لو شوقك نايم؟!!

صحي بيوت العصب الساهي

وهش قطرات الوجع الغايم

وطل حلتنا
.......
عزيزى عبدالله
كيفك يا صاحب الدنيا معاك عربى وافرنجى
عساها سعيده
طارين الطله وربك يهوِن
ابقى قريب
..
.

يا متلملم قايم على حيلك
قطرات فى حجم الغرفه وللا قطاطى
مدحرجه ناحيتنا
حضنتنا
عزت احلامنا المفقوده للعام ال....
حمّتنا
غسلت فينا اليأس الراضع
أ ثداء الخيبه والخزلان
وسقتنا جرعات ايمان
بالوطن الرائع
ذادتنا يقين
فى بكره الطالع
و هبّت فينا
جمرات الكان
شكرا ً يا نيل

شكرا ً يا نيل
ما كان تتعب و تغادر مجراك
شكرا ً ليك
قاطع اليابسه وجاي حفيان ضهرك اعوج
عليك العِزه اتراوح فوت
ما السمك السابح فى مجراك
غيرك بيموت
وكم سقيه تفوت علي البلدات وضرعات البهم الواردات
ضهرك اعوج اجبر خاطرنا
عليك العزه اتراوح فوت
بنشد اياديك وبنقول مهما تطول
غمه و بتزول
وانك بكره
يا ما تدي الفضه لياليها
و موجاتك ضاحكه ملئ المجرى
ويا تعكس كل التبر الخبيتُه
و الوقت اصيل
شكرا ً ليك
شكرا يا نيل
...
.

تتحرك انت من منطقه الى اخرى من مكان الى مكان
فهل تتحاور الامكنه فيك تخرج فى سهوم يقظتك .! تتجول فى دهاليز احلامك .!
تمرق نهارا ً منفلتة ً من جغرافياها لتربك لحظتك .. فيتلاشى .. يتبخر المكان الواقعى المعاش او الماثل
ليتمدد القابع فى الذاكره ضاربا ً نطاقه السحرى حولك .!
هل غزاك جنون المكان .! استباح حرمة مشهدك .!
هل .!!
..
.

و شكرا ليك
شكرا يا نيل

كلام حلو
---------

استاذ خطاب، ولدكم ده بشبه ولدي شديد، ان شاء الله اتذكر اجيب الصوره يوم

عبدالله ازيك

يا ايها الظل الوريف
الى الفنان عثمان حسين
شرف لك
الا يجيد منافق
ما نعيك
انت
يا لا..لم ..
تغن بغير الوطن الجميل..
انت
يا لا.لم
تغن بغير ، للحب النبيل
شرف لك ..
هنا زمان الأفك
والتدليس ..
والشرف النزيف .
هذا زمان البائعين
نفوسهم كذبا ،، وزيف ..
شرف لك ..
ان لم تغن
بغيرللوطن النظيف..
ان لم تبايع ..
غير ، للدين الحنيف ..
ان لم تناد
بغير
للحب الغفيف
ان لم تصاحب
غير ذي
الحرف الشريف
شرف لك ،،،
يا ايها
الظل الوريف
د. عزالدين هلالي

يا الوطن الأثلم ..
يا مدردر : مقلب فوق مقلب ..
دمك نبّت شجرات الحنضل ..
يا الهمك وارم و متندل ..
يا مدردر : مقلب من مقلب ..
الله لو تملص نيلك هسه و تمرق ..
منك تمرق ..
مننا تمرق ..
من منبع شين مغبون ..
لمصب واسع مأمون ..
ياخي عليك ربك فارقنا ..
ما مليت من حالنا البيش ؟
من جلداً جافاهو الريش ؟
ياخ فارقنا و شوف ليك شغلة ..
يا المضبوح مننا بالمهلة ..
يا مدردر : مقلب فوق مقلب .
الله معاك .

.....
صاحبي الفيلسوف الجميل ..
ياخي ازيك ..
و بعدين : أنا تعبان .
إنت كمان ؟؟

ماما رحاب مين غيرهم احلى .!
...
. استاذ خطاب، ولدكم ده بشبه ولدي شديد، ان شاء الله اتذكر اجيب الصوره يوم
...
. ياريت اليوم ده يكون هسه
. جيبى الصوره يا ماما رحاب
...
. عشان نتفرج
. نلعب شويتين و نقارن بين الاطفال الحلوين , رايك شنو ياماما .!
...
.

اول ما مرق السنى للنضمي , عاين بعيونو ياعزو
وما فك ّ كلام ..
ضحك السنى .. وصارت لُغتُه الضحك يا عُمده ,

وكان داك اول صوت إصدر منه كرئيس مفوض للجمال
منو عرفنا انه السنى نضّم ..
و ممكن يحكى بدون اتلعثم بي ضحكه
وللا تتفسح من جيبُه علي السكه
الضحكات
..
.

مين غيرهم احلى!!

------
وعد، باكر

عشان ما نلخبط الرصه الحلوه، حطيناهو في البروفايل

الصوره البفتش ليها ما لاقياها والله

العزيزه رحاب خليفه
صوره لجميله لى مشروع زول اجمل ياريت لو كانت اقرب شويه
فى الصوره الشاب ده يا بتثاءب او داير اقول حاجه ..
تحياتى الحاره ليك وليه ُ ..
احتمال كبير اتلاقى هو ومريود لانه حيكون قريب معاكم هناك
لك خالص الود
..
.

بيكون داير يشتكي من امه

ياريت

ياسين و امه و ابوه يتشرفوا، بس ادونا خبر

كل الود

اريد مريود
قام اتلملم مشى واتوهج
بس اياس وكتينو صغير
نفس اللون حقيقي بنفسج
شفت النيل ورط مجراه
وجانا هنا
بسراع يتدفق
شايل موجو
نخيلو وسعفو
غنى وصفق
شبال لي جدو
وعلي مريوم بشويش اترفق
ونحبك صاح
يا متلملم دوبك
قوم اتفتق
ابكي واضحك
خلي مراويد الشوق تتعتق



شفت يا خطاب انا لسه بكتب شعر

يا متلملم قايم على حيلك
قطرات فى حجم الغرفه وللا قطاطى
مدحرجه ناحيتنا
حضنتنا
عزت احلامنا المفقوده للعام ال....
حمّتنا
..
. ( اي فرح ٍ
. ( تدلقونه هُنا ايها الصحاب )
.. لله دركم
. عديل كده
.
..
. بطريقة عماد عبدالله
.

المتناثرة
من جيبو الضحكات
صاحب الناس
الحلوة
البتوزع
كل صباح
من قلوبا
الغيمات
وين متلملم
قايم على حيلك
ما لسه الوقت بدري
نفض من تعب
زحزتك على الأرض
تعبك
واتلملم فينا
من تاني

العزيز خطاب ....

لملم حروفك ...واكثر خطوبك...
فلخطوبك ...دمعات تسيل رهافة
هل لى بزنزانة فى سجن اللملمة الجميل ده ...

يا الوطن الأثلم ..
يا مدردر : مقلب فوق مقلب ..
دمك نبّت شجرات الحنضل ..
يا الهمك وارم و متندل ..
يا مدردر : مقلب من مقلب ..
الله لو تملص نيلك هسه و تمرق ..
منك تمرق ..
مننا تمرق ..
من منبع شين مغبون ..
لمصب واسع مأمون ..
ياخي عليك ربك فارقنا ..
ما مليت من حالنا البيش ؟
من جلداً جافاهو الريش ؟
ياخ فارقنا و شوف ليك شغلة ..
يا المضبوح مننا بالمهلة ..
يا مدردر : مقلب فوق مقلب .
الله معاك .
...
. يا عمده ياصاحب اجمل حاجه بتخلي الحروف تمرق منك زيما دايره
تزعل تحرد تضحك و لا تطرشق زيما دايره
عشان كده الواحد اشيل منها قدر ما اقدر واخُت فى جيب القلب .
مقلب ناقص ميم اطلع مين .!!
..
.

سابله

محمد يا سنى فعلا ً عثمانا حسين ظل وريف و حيظل ممتد ما شاء الصفق النابت بصمة خضره
وشم جديد على وجه الكون
و هلالى قادر اعرف رحيل عثمان بكون رجّه مخزن اشجانه قدر شنو .!
تحياتى ليهو كمين مره ومره ,, مازن منى معزه ومحمد
.. الشمس لو طال غيابه
.. ما بتقصد تابى تطلع بس بتتأخر شويه
.
... و احلام طبعا ً..
. وللا شنو .!!
..
.

اريد مريود
قام اتلملم مشى واتوهج
بس اياس وكتينو صغير
نفس اللون حقيقي بنفسج
شفت النيل ورط مجراه
وجانا هنا
بسراع يتدفق
شايل موجو
نخيلو وسعفو
غنى وصفق
شبال لي جدو
وعلي مريوم بشويش اترفق
ونحبك صاح
يا متلملم دوبك
قوم اتفتق
ابكي واضحك
خلي مراويد الشوق تتعتق



شفت يا خطاب انا لسه بكتب شعر
...
. يا سلام خالد يا جميل معقول .!! شعر شنو دى شفتنه عديل منك و حرفنات فرديه مهوله
. والظاهر انُه ما خُفي ّ اعظم
. ياخالد لا يسعنى الطرب حقيقة ً
. شكرا يا نيل
.
.

يا نيل
يا زول
يا اجمل ضحكةتطوف بالخاطر
يا مياس
يا دقلاش
يا
الليل يا نيل بقى ممتدى
والنيل يا ليل قال عندوتحدى
واتحدانا
جاى معانا
فى كل السكة
شايل افراحنا فى كل اللحظة
ياود يا نيل
يا متلملم
ما تتلملم
ادخل كل ساحات الدنيا واقعد
اركز وابقى الولد الجد
يا نيل يا زول
يا زول يا نيل
يا اجمل عم واجمل جد
يا
روح الشعر اتلمى
يا
بيت الغنا انفتحت كل طاقاتك
ما تستنى
يلا اتهنى
وافرح جد جد
يا خطاب
هيجت مكامن كانت نايمة
وسعادتى البيك
ابد تمتد

...
. سابله
...
. محمد عبد الغنى سابل
...
تعرف يا محمد انت مواطن ممتاز
و من منا لا ينشد المواطنه
الجديره بالاحترام .!
...
. سابله
...
. تخيل معى ايها الرجل العام
. ايها السابل انك مررت بالطريق العام .. كما يمر الرئيس
. وانك حوزي .. او ساتق عربة ( كاروو)
. وانك أوقفت
. لان هذه جنازة الرئيس الذى اختاره الرب الى جواره ورحمته تلك
...
. لكنك بحكم قوانين الحركه والموقف ذاك المهيب ,
. لا يمكنك ان تمُر
. موقوف انت حتى مرور الجناز .!
. ذاك العظيم .!
. هنا
. بالتحديد اذا واتاك المسرح , ستهرع الى .. كاتب محدد فى سيرة المسرح العالمى
. هو .. برتولد بريخت
..
. سابله
..
. يا مدينه
. بي رضاي
. هاك زمان عمرى
. اللى جاي
..
.
مازلت اذكر مداخلتك تلك
...
.

قاصدني عديل

لملمت الناس
في ضل قطية
مصاقرة النيل

وسلسلت كلام
من طرف السوج
ظنيتو مشكن
ليهو سنين..

وانا خاتي صريف
الحال في الضفة
التانية
ينهز فيني
حنين..

والشوق متقرضم
يهرج ساي
ومرة يكربج
كل ما حس
فراغ في العتمة..

ستفت مشاعري
وحين لفلت الغربة
درعتها فى
عود شدرة عند الحجرة
مفارق
وطني الغايب

صريت دمعات في توب
حبوبة..
خليتها تغني
غيابات
أحمد..
في الركايب..

وأحمد يوت ساكيهو كلب
من بيت
لي بيت..
معصوبه عيونو

بخرقة أمن..

سلمى و منعم
منعم و سلمى
..
. جننتو الكلام جن
..
. جاييكم بى مهله , وفى روايه اخرى العباديه
. وفاطمه الحاج .. منى الخير و عشه الفلاتيه
..
.

.. هل لى بزنزانة فى سجن اللملمة الجميل ده ..
....
. العزيزه ناهد
. لك يا سيدتى كل السجن .. تعرفى فى مسرحيه .. ذات فصل واحد كتبتها قبل حين
. اسمها لغة الشوك , نشرتها بموقع .. sudan -forall
تستهل المسرحيه بمحكمه .. هو و هى من تجرى محاكمتهم و من ثم تتعدد المواقع والمشاهد .. الخ
هى وهى .. يتغنون بالزنزانه
..
اتذكر تلك الزنزانه يا حبيبى .!
ما اروع الزنزانه
جاييك ناط الزانه
و تتوالى الاغنيه .. كما احداث المسرحيه
..
. اوردت كل هذا لاعرب لك عن امتنانى واعجابى بهذا التعبير الذى اوردت هنا
. لك عظيم الود
..

بت الشيخ يا سلمى
شو حكايتك يا فاانوس والضلمه .!
والقصه شنو .!
ما العِباره .!
لك التحيه ايها الوطن .. صباح الخير مساه ُ .. يا بت يامستلفه كرسى القمَره
هل فعلا ً ذكرتك .!
..
. هيجت مكامن كانت نايمة
..
. ام متذكره اصلا ً انتى .. !
. اتلملمى يا بت يا شيخ و مُعلِم .. يا استاذه
صَحِي الناس الطشت غادي , فى خلافات ما منظوره .!
عنصره هامش ..جلابه و مركز .! فى بلد منكوبه
.
حاجه عجيبه
...
. هيجت مكامن كانت نايمة
. .
.

قاصدني عديل

لملمت الناس
في ضل قطية
مصاقرة النيل

وسلسلت كلام
من طرف السوج
ظنيتو مشكن
ليهو سنين..

وانا خاتي صريف
الحال في الضفة
التانية
ينهز فيني
حنين..

والشوق متقرضم
يهرج ساي
ومرة يكربج
كل ما حس
فراغ في العتمة..

ستفت مشاعري
وحين لفلت الغربة
درعتها فى
عود شدرة عند الحجرة
مفارق
وطني الغايب

صريت دمعات في توب
حبوبة..
خليتها تغني
غيابات
أحمد..
في الركايب..

وأحمد يوت ساكيهو كلب
من بيت
لي بيت..
معصوبه عيونو

بخرقة أمن..
...
.
. منعم كيفك
ما قُت ليك جاييك برواقه
كيفك يا صاحب و بالجمبه كده مشتاقين
سلملى عل الولاد
..
. جاييك بالسكه
.

يا خطاب
الوجد الفاتح وقاعد فى كرسى قماش
قدام الباب
يسقى الماشين
يهدى الضالين
يرمش يدى النور اذن التحويل لدخول القلب

ياخطاب يانهر الوعد
امنية كانت
واملا معقود
يجينا النيل
يحفرفى الروح (كمين اخدود)
يا خطاب الزمن انفلجت ضحكتو
يوم داك
فاكر ؟
لمن كانت
وكان الفى الخاطر
قال لى مبسوط وليك تذاكر ؟
نتلمى حدا النيل العكران
ونروق مويتو بكلمة ريد
يا وديا نيل

ماتقول يازول

المهره الجابت روحك
دي..

موسومه وداعة

خلينا نبارك أول

شبل الأسد الهاصر
يكبر يكبر
ويعرف كيف
يتعلم صيد
الكلمة النافرة
ويازول
لا حس خبرنا
ولا إحساسنا
لقط بالخاطر

سلامات

.. الوجد الفاتح وقاعد فى كرسى قماش
قدام الباب
يسقى الماشين
يهدى الضالين
يرمش يدى النور اذن التحويل لدخول القلب
..
. سلمى سلامه
عارفه انا قريبات دي حاخلي الشعر .. يعنى انتى والسنى ملاحظ ليكم
بقيتوا تكتبوا شعر عديل , كان ما اخاف الكضب ..
فأحسن نتخارج نحن
وللا شنو .!!
..
.

خطاب .. عن ازنك

..

الصمت

المشمس عندك

بيدفي

كلامي العنك

ويشد وتر اللحظه

كان اقدر

اعزف لحنك

متأمل وهجآ

بستنك

رمحا للزمن الجاي

قدرت فرحت اتنفست

تاوقن الأحلام

جواي

معقوله بس .!
.
. ( خطاب .. عن ازنك )
..
. معقوله تخشى انتى ترقصى و تغنى ما شاء لك الغناء
. والصمت المشمس .. كمان
.! !
شوف باللاي .!!
.
..
.الصمت

المشمس عندك

بيدفي

كلامي العنك

ويشد وتر اللحظه

كان اقدر

اعزف لحنك

متأمل وهجآ

بستنك

رمحا للزمن الجاي

قدرت فرحت اتنفست

تاوقن الأحلام

جواي


...
شكرا اسيا يا بت يا نيل
.
.

منعم يا حاج وسلمى يا شيخ
..
.
بتنوم الدنيا من بدرى وللا بتصحى .!
شالت عصفوره الموال , شنق طاقيه الولد الطال فجأه
و غزاله يادوب قافزه سور الاحلام ,
جدعت طرحه
قالت العصفوره الشقشاقه
: متين يا عصفور نتلاقى .!
بعد العصفور شنق طاقيتُه الضحاكه
شقشق برواقه :
:
لما السودان ابقى كويس
.
: بس نعرف اول كم سنبله جوّه الشوال
: و السنبله شايله كم قمحه
.
: عارفا ك طبعا ً
.. ردت بي شقشقه حردانه
لما السودان ابقى كويس قال .!!
:
بي فكرنا ام فكر الريس .؟
غايتو جنس غايتو ..
.!!
: عارفاك جنك و جن الثوره
: جنك و جنها يا عصفور
ثوره ثوره
كلامك كُله ُ بس ثوره
.
: جناح اكتوبر
: وجناح ياحُبى ابريل
عصفوره يا بت انتى وللا غزاله .!
شقشق فرحان
...
.

الدنيا الرابطة الراس
عيزومة شيخ..

ختت تبانة حالها
تسالي..

نجمات في ريكة
كما الفوشار..

يا حاجة تساليك
لسع ني..

حمستي شميشك
من ورتاب الغابة..

وصاجك قاعد في هبوت

والنيل الخالف
رجلو
تحت تمرات القيف
منتظر الطاب

ما الكاب السادر
فوق العرق
الحامي..

ان شاء الله
تطب كونية
تغتس حجروا

امات الطاب
في نص السكة
البين النار
والجنة..

والكيكران
النجرو
الشيخ اب سنة

مبحوت للعين
الزايدة...

يا طاب
ماشف خطاب?

ضهاب درب الرايحة
على الوهداب..

مندلي تقول
من بص الثورة..

بالنص يازول
العاشرة
كما اكتوبر
والرابعة
كما ابريل

نزلني محطة مافي
يازول يا نيل

اه يا منعم بي عينيك يا ابومرّوه ..
شوفت الصيف .!
كيف نار
والصهده صحارى الوجعه
والسودان
نايم فوق رخوه
علي الجروف
وسراب السُقيا
يا حليلك
يا عمر الدوش
النوار فوق كفك , راحة يدك , تلك الحوايه يقوم
جوابات لكل مدن الارض
صادره من الخرطوم
فتحت جوابك
الاول
..
.
التعديل لتحويل حرف الجيم خاءا ً
لذا وجب التنويه
اما الاخطاء الاخرى
فأمرها متروك لسماحتكم
لكم الورد
..
.

يااا خطاب

الواحد يصر بوستيك دة فى طرف صباحو

ويطلع يعافر الحياة بى قلب قوى

ايزابيلا
يتها الطبيبه المداويا ..
لك من المدافره .. ما ضيعه الغبار , من نسيم
لك غرفة عمليات معقمه لا تخطئها الكهرباء .. يا دكتوره
لك الجلوس الطيب فى ندوه ..
والصباح الباهى
..
.يااا خطاب

الواحد يصر بوستيك دة فى طرف صباحو

ويطلع يعافر الحياة بى قلب قوى
..
. يا بت يا نيل
.
.

الثورة شنو
يا خطاب
والله بقت في طرف بيوت
حي العمدة
والعمدة نايم
وشايو بارد
جنبو
الثورة
البيوت فاتته
وصلت ليبيا
قدر ما ضايرت الكلام ده
برضو الف وابقى سياسة
ههههههههههه
جايك في الماسنجر
عشان اديك الباس وورد بتاعت
ســـــــودانوي

لملمت الناس
في ضل قطية
مصاقرة النيل

وسلسلت كلام
من طرف السوج
ظنيتو مشكن
ليهو سنين..

وانا خاتي صريف
الحال في الضفة
التانية
ينهز فيني
حنين..

والشوق متقرضم
يهرج ساي
ومرة يكربج
كل ما حس
فراغ في العتمة..

ستفت مشاعري
وحين لفلت الغربة
درعتها فى
عود شدرة عند الحجرة
مفارق
وطني الغايب
....
بتبالغ يا منعم ياااخ .. قبل الارشفه بي لغة البورد
..
.
بكره حنتكلم يا صاحب
عن
فن الثوره
..
.

تاني الثورة
مالقلبا قلنا
ليكم الثورة الحارة
2008 بقت قريب لي الكاميرون
ــــــــــــــــ
دي فواصل كلاسيكية
كوميديا فجة لزوم تخفيف
المآسي الشعرية بتاعتكم
البتقطع العقل
كتير مهضومين

الثورة شنو
يا خطاب
والله بقت في طرف بيوت
حي العمدة
والعمدة نايم
وشايو بارد
جنبو
الثورة
البيوت فاتته
وصلت ليبيا
قدر ما ضايرت الكلام ده
برضو الف وابقى سياسة
ههههههههههه
جايك في الماسنجر
عشان اديك الباس وورد بتاعت
ســـــــودانوي
...
. اتخيل يا سُنى اكون فى عمده فى الشاطئ الغربى ممثل وفنان اسمو
كلنت ايست وود
و نحن ما عندنا لا ريس ولا حي العمده .!
تقول لى الثوره شنو .!
راجيك يا محمد يا سنى
انا والاشواق
..
. ربنا اكتب سلامة الحاجه .. احلام ماما
.

Quote: عزيزى عبدالله كيفك يا صاحب الدنيا معاك عربى وافرنجى عساها سعيده طارين الطله وربك يهوِن ابقى قريب ..

حبيبنا الجميل خطاب

زعلان عشان لقيتو في الصفحة التالتة

وزعلان والمولد دا كلو وفاتني

وفرحااااااااااااااااان وحاتك ومبسوط ومن امس

وما تسالني تقول لي مالك

.....


كدا بس

شكرا يا نيل

حبيبنا الجميل خطاب

زعلان عشان لقيتو في الصفحة التالتة

وزعلان والمولد دا كلو وفاتني

وفرحااااااااااااااااان وحاتك ومبسوط ومن امس

وما تسالني تقول لي مالك

.....


كدا بس

شكرا يا نيل
..............
حقك علي يا عبدالله .. تعرف البارح كان اّخر يوم للتواصل الاسفيرى ماعاد الا قبل شويتين
لاسباب لا يعلمها الا الخالق والسوفت وير ..
متكيف جدا ً يا عبدالله من الشغل الجميل العاملنُه انتُ الليله فى لندن لي شيخنا عثمان
ولي زروق وهو بغنى يا مشوار
وللمحادثه التلفونيه المعبره رغم القصر
والمتلملم قايم على حيلُه , مغنى ,
سليل الفراديس وقد اتقسم شكرُه المبدع كما فنه بين العواصم
..................
لكم الورد
..
.

Quote: يا حليلك يا عمر الدوش النوار فوق كفك , راحة يدك , تلك الحوايه يقوم جوابات لكل مدن الارض صادره من الخرطوم

جواب متأخر ياخطاب
حولين وشوية..

واقف في الخط
الفاصل بين
الابيض والأزرق
واقف مصلوب

وقرن النيل
معزوفتو تميل
بالجنبة
كما الوازا..

للساقية الروت
المنقلة بين
بحرين..
- توتي مجاز-

جواب لا عرق النيل
لزاهو شمال
شان وحدة
حال نهرين..

لا الريح شرعتبو
جنوب الحد
الفاصل
بين نهرين..

ويا خرطومنا
القاعدة حبن
متنوسر
حد القيح..

كوراك من غربك طق
أمبدة سبيل..

والساقية تنوح
من ساعة أحمد خابي
وراء التيران..

وحسك ودران يالدّوش
بين الحيطان..

ودرانة طيور الهجرة
تفتش في الجواب..

كانت قاعدة بتكتب
تمحى وتكتب
كتبت مسحت
لمت حيلا وقامت تعتب
والكراس من ايدا ينقط
وجع الراس الفيها بنقط
حيل الفاس الناس بتلقط
شالوا الموج
ولقوهو موتب
لما النيل حجبات الموية
قبل .. فات خلانا بنحسب
اتنين,, وتلاتة وطن السكر
اردب عيش وسماحة بتا
شالت ديش الهم في عيونا
وما هاماها العين التسكر
فاضل كم شان يكفي مرتب
سمك النيل الحزم نصو
ما رضيان بي حق الكستر
والقرموط جايبنو مدوعل
فاجي الطين وشواربو تنطط
قدر الليل الجانا مبستر
ونحنا نكتح نعمة نيلنا
ونيلنا يكب يوماتي,, ونسكر
باسم النيل ,, الشمس ,,المركب
وما شايفين الوسخ الفينا
وعرق الموية اللملم حيلو
سرج النيل شداهو و بركب
شعر البت الكتبت ومسحت
وقالت ليك يا نيلا شكرا
وشكرا جدا

كوراك من غربك طق
أمبدة سبيل..

والساقية تنوح
من ساعة أحمد خابي
وراء التيران..

وحسك ودران يالدّوش
بين الحيطان..

ودرانة طيور الهجرة
تفتش في الجواب..
...
. منعم يا واقف
الصاحيه دايما ً نجمات سادّه الورديه
لو ماتت احلام الناس ذات ليله
بتعمل ظبطيه .. نهارا الحار
ليالى العام
حاكم يا عام .. ما لها الدنيا تمام الا بلدنا
حاكم يا عام .!
من دون خلق الله .!
...
هللا و هللا على الاشواق الثوريه
يا بت يا فالحه وقمريه
يا بت ختريه
بتعرفى تشتعلى من الخاطر
كما الايام
تمام
التمام
..
.

تمام التمام
يا ود يا فنجري
جيناك
نديك التمام
انا والبت
الختريه
وعشاق
غناهم
شاقي
الليل
بدو التمام
بي قايد الأسطول
ورفعو التمام
بي الندامه
وماشين في الشارع الحالم
بودعوا بعض
يا حمامة
مع السلامة
وتنام البلد
وفوق راسها
صدى الأغاني
وعلى الأرض
محفور في الرمل
اشعار الدوش
الكتبه ورحل
على وين
متلملم
قايم على حيلك
على وين؟؟؟؟

سكته قلبيه والله يا اخوان
صابتنى كماصابت
طائرات اليومين ديل ..
خلتنى أفتش جناح تانى .. و فى هذا اليوم الصادر فيهُ عسكرنا زمنا الديمقراطى
والما معروف نرجع ليهو متين .!
الوقت المتطامن لي بُكره ,
بي تدبير الاخوان ..
الاكثر حِرفه ودَرَبَه
كانوا بخططوا بى عقلية اتحادات الطلبه
وما زالوا .!!
..
.
والنيل لا بفتُر لا بيكل
.
. فعفوا ً يا صحاب
. يوم الليله حِملُه ُ
. تقيل
اتقل من موجه واضخم من قطره
و من مزيكه
وشعر
حزين , حنين
الحمل تقيل .. وعندنا ليهو الرقبه
..
. والرقبه سلاح
. والثوره صباح ابدا ً ماجات ليلا ً
. تتخبى
. تمرق يا صاحب لا بتغُش
. لا بتجس ّ
. تمرق بعدين , تمرُق هسه
. بكره بتطلع
. تكنها لا زحت لا راحت
. حاضره حبيتنا الثوره
..
.

ضفه
من ذات الضفاف كنا
و موج حنين ما تعرفو بيغازل
واللا بغسل فى الحجر
و مطر كالما فيش
لا عارف اسكُت
واللا إ حكي للشجر
.
. قعدنا واللا كنا واقفين
صاحين واللا نمنا
واللا ماشين
منو النضم و قال شنو
منو السرح فى عيون منو
و كان شنو الرجعو
من سرحتو
شنقك من الفرح الحبيب
بي طرحتو ..
.

خطاب
سلام مربع

تعوزني كثيرا من المعاول لاهد بها جدران هذا الوطن المائل
تعوزني اطنانا من الاظافر لاخرش بها جلد هذا القصر الخائن
تعوزني كثيرا من الجرأة لاصرخ هكذا

يا ودران في بعضك انت

ويا متلملم حيلك قايم

فينا قطاطي الروح تشتاقك

ويصحى متين لو شوقك نايم؟!!

سلمت ياسيدي لهذا النسمة التي سربتها في عافية شراييني

سلامين مربعات ياشيري
انت كنتى وين .!! انا كنت بقرا ليك زمان حاجات لطيفه وفيها خيال
ولا تخلو من حرفنات
شكرا على المداخله اللطيفه والكلام الجميل
ارى انك هددت الجدران المائله لوطن قايم عديل فينا
اما اطنان الاظافر هل توقظ هذا الجلد التخين .!!
خالص ودى shiry
..
.

من حال لي حال ..
كم حول حلّن و احوالك حالن حال ؟
حالك يا نهار الضل ..
جاهر ليلك بالضي ..
رجلك في رمل الصي ..
و الراس راياتو يشابِن ..
عينيك مشدود نشّابِن ..
من حال لي حال ..
ياااااااا حالك كيفن حالو ؟ ..
أواهٍ يا الزمن الراحل ..
من ساحل شايلنا لساحل ..
و حرام في عرفك مينا ..
من حال لي حال ..
كم حول حلّن و احوالك حالن حال ؟


......
خطاب ياخ إتصلح معانا ..
الله بوديك النار و الله .

.من حال لي حال ..
كم حول حلّن و احوالك حالن حال ؟
حالك يا نهار الضل ..
جاهر ليلك بالضي ..
رجلك في رمل الصي ..
و الراس راياتو يشابِن ..
عينيك مشدود نشّابِن ..
من حال لي حال ..
ياااااااا حالك كيفن حالو ؟ ..
أواهٍ يا الزمن الراحل ..
من ساحل شايلنا لساحل ..
و حرام في عرفك مينا ..
من حال لي حال ..
كم حول حلّن و احوالك حالن حال ؟


......
خطاب ياخ إتصلح معانا ..
الله بوديك النار و الله .
...
وانت يا صاحب شكلك
ماشى الجنه , لو ما اتصلحت
معانا ..

ضفه
من ذات الضفاف كنا
و موج حنين ما تعرفو بيغازل
واللا بغسل فى الحجر
و مطر كالما فيش
لا عارف اسكُت
واللا إ حكي للشجر
.
. قعدنا واللا كنا واقفين
صاحين واللا نمنا
واللا ماشين
منو النضم و قال شنو
منو السرح فى عيون منو
و كان شنو الرجعو
من سرحتو
شنقك من الفرح الحبيب
بي طرحتو ..
لفاك بي نداه ُ ودرَجك وانت عميان
فى حلتُه
عصاتك أكانت والنهر فاتح ممشى مرصوف بالندى
انتهى المشوار يكون واللا ابتد ى .!

شَنِق طاقيتك .. يا زول
و دو بي
عارِض عصاتك
فوق كتفيك و نِم
هِم باناس قدُر ما اداك الهم
غني ليهُم
.. سامعنُه هُم واعبر النهر امشى
الكُل عابر معاك
ما النهر زاتو
عابر قديم
طابق عصاتُه و بدوبي
إعزم الناس
خدار و مويه
المراكب
عِرِق وتيار
واهديها قيف
..

تتحرك انت من منطقه الى اخرى من مكان الى مكان
فهل تتحاور الامكنه فيك تخرج فى سهوم يقظتك .! تتجول فى دهاليز احلامك .!
تمرق نهارا ً منفلتة ً من جغرافياها لتربك لحظتك .. فيتلاشى .. يتبخر المكان الواقعى المعاش او الماثل
ليتمدد القابع فى الذاكره ضاربا ً نطاقه السحرى حولك .!
هل غزاك جنون المكان .! استباح حرمة مشهدك .!
هل .!!
..

. و النيل حريف
. مرايه صيف مُخلايه
فى الخريف , أمصُر قدر ما تقدر
يحنن ايديك طمي شرقان خصوبه
النيل
حريف تعال ليهو فى اي وكت
احتويك َ
مهموم عكرَك الشارع
اصفيك َ
يروقك
يغنى ليك وارجعك , زول جديد
تعاين من بعيد ,
إحييك
ما تعاين .!
ما إسألك
تطراهُ بس
يرطب حواسك
يغسل وشيك ..
...
.
هذه كانت قصيدة..
حوار البوتاماك و النيل
البوتاماك
نهر يمر و يتخلل ولايه فرجينيا وولاية ميريلاند
فى تلاقيهما وواشنطون كما نسميها .. دي سي
d .c
و تسمى ايضا ً منطقه واشنطون الكبرى
...
.
.

تتحرك انت من منطقه الى اخرى من مكان الى مكان
فهل تتحاور الامكنه فيك تخرج فى سهوم يقظتك .! تتجول فى دهاليز احلامك .!
تمرق نهارا ً منفلتة ً من جغرافياها لتربك لحظتك .. فيتلاشى .. يتبخر المكان الواقعى المعاش او الماثل
ليتمدد القابع فى الذاكره ضاربا ً نطاقه السحرى حولك .!
هل غزاك جنون المكان .! استباح حرمة مشهدك .!
هل .!!
..
اين انت الآن
..
.

ضفه
من ذات الضفاف كنا
و موج حنين ما تعرفو بيغازل
واللا بغسل فى الحجر
و مطر كالما فيش
لا عارف اسكُت
واللا إ حكي للشجر
.
. قعدنا واللا كنا واقفين
صاحين واللا نمنا
واللا ماشين
منو النضم و قال شنو
منو السرح فى عيون منو
و كان شنو الرجعو
من سرحتو
شنقك من الفرح الحبيب
بي طرحتو ..
لفاك بي نداه ُ ودرَجك وانت عميان
فى حلتُه
عصاتك أكانت والنهر فاتح ممشى مرصوف بالندى
انتهى المشوار يكون واللا ابتد ى .!

. و النيل حريف
. مرايه صيف مُخلايه
فى الخريف , أمصُر قدر ما تقدر
يحنن ايديك طمي شرقان خصوبه
النيل
حريف تعال ليهو فى اي وكت
احتويك َ
مهموم عكرَك الشارع
اصفيك َ
يروقك
يغنى ليك وارجعك , زول جديد
تعاين من بعيد ,
إحييك
ما تعاين .!
ما إسألك
تطراهُ بس
يرطب حواسك
يغسل وشيك ..
...
.
هذه كانت قصيدة..
حوار البوتاماك و النيل
البوتاماك
نهر يمر و يتخلل ولايه فرجينيا وولاية ميريلاند
فى تلاقيهما وواشنطون كما نسميها .. دي سي
d .c
و تسمى ايضا ً منطقه واشنطون الكبرى

مشتهيك
النيل
تتحكر على قيفتو
الامس قلبك
موجاتو البتجدد
تسالم
شراع مراكب الفجرية
عيونك
ويدك نايمة
في يد حبيبك
ومن لفة ورق
التسالي
تسافر
مليانهبالضحكات
مركب هواكم
مشتهيك النيل

محمد السنى
يا صا حب
و طو الى جميل لو مال عود ..
يا سنى
ما ملت ..
يا رفيق
لو كمل الدرب
مديت
يا سني طولت
..
.

لا أحد يكتب للكولونيل

جواب بتقول يا خطاب
والواحد يمشي كل يوم للباخرة
يقدم خطوة ويؤخر أخرى
وما فيش في البوستة
جواب متأخر
ولا جواب مبكر
والواحد برضو بيمشي
كل يوم للباخرة
والنيل بيقول
تعال بكرة
والواحد مش عارف
برضو بيمشي
عشان النيل
ولا عشان الباخرة
ولا عشان الجواب
الأصلو ما بكر
ولا أتأخر
ولا جا أمبارح
ولا حيجي بكرة
لأنه ما في واحد
برضو بيكتب من أصلو

( ..لا أحد يكتب للكولونيل ..)
..
. انا يا صدقى من يكاتب الكونيل و لا احد سواي
. لا ليس لان الشعب صمت
. يفعل
. و لا اراك الله سيدى الكولونيل
. اذا الشعب فعل .!
.
..
.

جواب بتقول يا خطاب
والواحد يمشي كل يوم للباخرة
يقدم خطوة ويؤخر أخرى
وما فيش في البوستة
جواب متأخر
ولا جواب مبكر
والواحد برضو بيمشي
كل يوم للباخرة
والنيل بيقول
تعال بكرة
والواحد مش عارف
برضو بيمشي
عشان النيل
ولا عشان الباخرة
ولا عشان الجواب
الأصلو ما بكر
ولا أتأخر
ولا جا أمبارح
ولا حيجي بكرة
لأنه ما في واحد
برضو بيكتب من أصلو
....
عزيزى صدقى كبلو عبارة ، عشان النيل ملاتنى احساس بالعالم
رغم الماساه و النظره المتشاءمه
حسيت انو الموجه الجايه ارحم
واوسم بكره
..
.

اسـفـاعليك
يا جـسـمـي الحزين
يا هم غير ملامحي ووشي
لمن ضاقت الروح
من شوف روحها
على مراية النيل
غرقت وصلت حد الطين
زرعت شتلت
همومي
بين الصدف
وزهرة اللوتس
ضحك علي البلطي
وصغار السمك
والصير
هربان
من ملامحي
وجسمي البكاتل
مسامات جلدي
جلدي القابل
صفحةالموية
بي شهقة هواء
وبالضو متوضي
وطاهر
بي موية
النيل
تعالي
ياريح الصبا
ويا اعاصير الهبباي
تعالوا اتبردي
بي موية النيل
اتصفي
خلي الطمي
على الجزاير نايم
ورمالك على الشط
صافيةوندية
نتحكر انا والأصحاب
والبنيات الحليوات
والضحكات
والأغاني
زي الموج
بتجدد
نحس بالنيل
واحس بينا
ونحس ان الموج الجاي
ارحم
ارحم
ارحم

شكرا ً يا نيل
ما كان تتعب و تغادر مجراك
شكرا ً ليك
قاطع اليابسه وجاي حفيان ضهرك اعوج
عليك العِزه اتراوح فوت
ما السمك السابح فى مجراك
غيرك بيموت
وكم سقيه تفوت علي البلدات وضرعات البهم الواردات
ضهرك اعوج اجبر خاطرنا
عليك العزه اتراوح فوت
بنشد اياديك وبنقول مهما تطول
غمه و بتزول
وانك بكره
يا ما تدي الفضه لياليها
و موجاتك ضاحكه ملئ المجرى
ويا تعكس كل التبر الخبيتُه
و الوقت اصيل
شكرا ً ليك
شكرا يا نيل
...
.

شكرا
شكرا

يا

تعرف يا خطاب ردك التاني برضو ريحني
أصلو علاقاتي برواية (اقصة الطويلة) بتاعت غارسيا "لا أحد يكتب للكولونيل" بعيدة، فعندما كنت بجامعة ليدز أحضر للدكتوراة كنت أذهب للشعبة كل يوم وأنظر بريدي فلا أرى خطابافكنت أقول للسكرتيرات "No one writes to the Colonel" أضطريت أحكي ليهم عن غارسياوروايته العجيبة. المسألة يا صديقي كما قلت مرة في إجتماع لآمنستي في إحدى المدن مكرس لتشجيعهم لكتابة خطابات لسجناء الرأي، بأن الشخص في السجن يحتاج للشعور بأن هناك شخص ما يتذكره مهما كانت قناعاته التي تدخله السجن. المهم يا صديقي وهذافي الغربة أفظع من السجن فلا بد أن يكتب أحدهم للكولونيل أو يكتب الكولونيلات لبعضهم البعض (وطبعا أنا أقصد كولونيل غارسيا الإنسان وليس كولونيلات الإنقلابات العسكرية).
إيماني بالشعب لا يتزحزح يا صديقي وهو ليس جودو ولا خطابات الكولونيل المنتظرة. أو كما قال
نعم أنا مشتاق وبي لوعة ولكن مثلي لا يذاع له سر
ويبدو أن بوستك قد إستطاع أن ينتزع البوح مني.
شكرا لك ولضيوفك فقد هيجوا أشجاني.

ياود يا نيل
يا لحن جميل
يا غنوة بتشرق كل صباح
يا امل الغيم فى نقطة مطرة تبل الروح
يا مرتاح
على ضفة نيل
يا مساهر والنيل نديان بصحوك
ميل وانا ليك اميل
نميل سوا
ويصدح فى ابروف
كم لحن جميل

وكان النيل وسادتنا
ومراكب النيل
غطى الدمع البسيل ويسح
وقدر النيل وذراتو عشقناك
وبرضو قليل

يا ود يا نيل
كيف الغيبة ؟
منك راجيين الضل ينشر يغطينا
وليك النسمة تشيل روحنا
ونتنفسك
نملا الرئتين بطلتك

وتظل تعاند فى الغياب
ونظل راجيين لطلتك
تغسل همومنا
ونتشارك الضحك اللعين
يا طلتك
يا وردةمحبوسة وتشابى

يا نيل حزين ومنتظر الطمى
ولا الغنا
قاعد فى ضل بيت الحبس
راجيك تطل
يا منبجس
زى الضيا
يا ود تعال
نلعب سوا
لعبة الحب من جديد

يا ود يا نيل
ما زلت منتظراك تجى
ويطلع شليل الاغنية
وينزل نهار الدنيا تضوى بروقا بيك
يا حليل مجيك
يا حليل مجيك
غطى الحزن عين الشمس
يوم فت يا زول يا نسيم
يا حليل غناوينا المعاك
يا زول تعال
ما زلت منتظرة القدوم
اوعك تطول فى الغياب
يا زول تعال