Post: #1 Title: لنا فبراير ياصديقى .. ولهم كل العام Author: khatab Date: 05-01-2008, 10:26 PM Parent: #0
.. . انت قايل نحن زي اول . بنزعل يوم تجافي ً.. . ما اتغيرت . حاجات كتيره . وانت . مافى .. . هكذا هو دائماً . شعاعاً من الصراحه . مع ذاته قبل ان يكون معك .. . ساخر درجة الشخير نهايات الضحكه . منه أولا ً . قبل ان يكون منك .. . .
Post: #2 Title: Re: لنا فبراير ياصديقى .. ولهم كل العام Author: Emad Abdulla Date: 05-01-2008, 10:39 PM Parent: #1
Quote: . انت قايل نحن زي اول . بنزعل يوم تجافي ً.. . ما اتغيرت . حاجات كتيره . وانت . مافى
يا خطاااااااااااااااب ياخي .. عامل جملتك البتبدا بنقطة إعلان نهايتها قبل ما تبدا دي .
( و إنت مافي ) .. إنّا لله .. أكعب حاجة يا صاحبنا .. و " هو مافي " .. ود أم بعلو يجيك .. و المرفعين و البعاتي .. و هو برضو .. لسه مافي .. و يكترن فيك المنافي لما زاتك تبقى .. مافي .
Post: #3 Title: Re: لنا فبراير ياصديقى .. ولهم كل العام Author: khatab Date: 05-01-2008, 11:26 PM Parent: #2
.. . كترت علي ياعمده و صاحبك وللا عليهو . أهدانى المنافى . وزاغ بي حرفنه .. .. . كويس انك صاحى و حاس . معناها يا ود عبدالللا انو الورده . ما بتنداس . وحاس جنب حاس , . اعتزر الليل و اتراوح . يا صاحبى امشى ينوم .. . يا حليلو صاحبنا ياعمده ,, .
Post: #4 Title: Re: لنا فبراير ياصديقى .. ولهم كل العام Author: khatab Date: 05-02-2008, 09:16 AM Parent: #3
.. . هو فبراير . عادة ً .. . ما يجيئ .. هو دائما الثانى . من شهور . العام , . بالتوقيت الميلادى للسيد المسيح . و الهجري لسيد الخلق . النبي محمد.. . ( ص) . .. . اتساءل دائما . أبدا . لماذا فبراير بالتحديد .! . مثل .! . قصَيِر.!فى الشهور العربيه .! . هو أقصر الشهور .؟ . أو اقلاها عددا..! . و اطيل التفكر..! .. . ً
Post: #5 Title: Re: لنا فبراير ياصديقى .. ولهم كل العام Author: محمد سنى دفع الله Date: 05-02-2008, 09:25 AM Parent: #4
لنا انت محروق حريشك وانت بتنفض فينا زي ورق الشجر الناشف بي كلامك الخفيف خفة النسمة من الزول المالي الحته وهو مافي
Post: #6 Title: Re: لنا فبراير ياصديقى .. ولهم كل العام Author: khatab Date: 05-02-2008, 10:09 AM Parent: #5
.. السنى يابا . . كنت عارفك زي عماد جاي .. . اكتشفت انو عماد بعرفك اكتر منى .. . عارفك . الحرف اللصيق بعمل فيك شنو .! . الزول زولك و نحنا ما اكتر . من سبب .. . قال صديقنا الجميل .. . ليك ِ . مليون حق تخافي . ما جبت ليكى . شبط .. . هديه.. . و من بداية الدنيا . حافي .. .. . ؟؟؟ .
Post: #7 Title: Re: لنا فبراير ياصديقى .. ولهم كل العام Author: khatab Date: 05-02-2008, 10:33 AM Parent: #6
.. . 20 فبراير . 1954 . الابيض . السودان .. .
Post: #8 Title: Re: لنا فبراير ياصديقى .. ولهم كل العام Author: خدر Date: 05-02-2008, 04:10 PM Parent: #7
اديني سمعكـ في الاخير انا عمري ما فاضل كتير شالوهو مني الامنيات الضايعة في الوهم الكبير
___ تعيش و تفتكر يا خطاب
Post: #24 Title: Re: لنا فبراير ياصديقى .. ولهم كل العام Author: khatab Date: 05-05-2008, 10:02 PM Parent: #8
.. . اديني سمعكـ في الاخير انا عمري ما فاضل كتير شالوهو مني الامنيات الضايعة في الوهم الكبير .. . اصلو عمرنا چدول شوق . و حبة ذكر ى ما آكتر .. .. . و كما قالت سلمى .. انتو خمسه و تلاتين سنه . مش كفايه ؟؟ .. . خلي بالك من زهورك . و من وطن . باقيهو عندي .. . و الكثير .. .
Post: #9 Title: Re: لنا فبراير ياصديقى .. ولهم كل العام Author: khatab Date: 05-02-2008, 04:15 PM Parent: #7
.. . 1974 . الدنيا كانت عصرا وخري قبل الغروب . اتلاقينا هناك .. مركز شباب ام درمان . الصاله مكشوفه للمسرح داك كجل مسارح السودان . بعد عشرين سنه من الميلاد . اتلاقينا هناك .. رغم اننا جينا للعالم .. الفانى ده سوا . انا جيت . يوم 11 فبراير 1954 . وانت .. يوم 20 من نفس الشهر . ذات العام . حلقه من المقاعد نص الصاله.. و صوت كهديل النهر بيغني . جرانى الصوت يا صاحب .. . جر غُتاك و البرد شديد.. . جبديك لي حبل البير و بهمك عطشانه . الشمس قلايه فوق راسك . وسراب الصحرا .. مرايات من الموج الكاذب . جريت اقرب كرسى بي شيش و جلست . كما الاصنام الفوق راسها الطير . مصتنته,,, . . كانت بينى و بينك و الايام . تلك الغُنيه, . يا لله . ياالنبى داوود . عمى سماعين ود حد الزين .. محمد عثمان ياوردى . ما خبرتونا بي هذا هديل .! . يا رب الكون .. الطف وأنعم .. قصة حب رواها.. و هاك يا سمعان . . من هذا الشخص . من انت ؟ .. . فصلتنا تسعة ايام فى الميلاد . وها نحن نلتقى هنا الان .. . بعد عشرين عام .. .
Post: #10 Title: Re: لنا فبراير ياصديقى .. ولهم كل العام Author: khatab Date: 05-02-2008, 04:49 PM Parent: #9
.. . ود أم بعلو يجيك .. و المرفعين و البعاتي .. و هو برضو .. لسه مافي .. و يكترن فيك المنافي لما زاتك تبقى .. مافي . .. . انت زعلت يا عمده وللا شنووو .. .. . بتبالغ عديل كده يا طارق ... . ياخى قبل ما نتكلم فى التلفون . ما تشوف لي جدو .. غنيوه حاره كده .. . و ياريت تكون يا قمر .. . برسل ليك تلفونى الشغال . تحت تحت . يعنى الماسنجر . و كده , . عشان ننونسو.. .. . القاك فوق ضحوه . فاتحه علي النيل .. .
Post: #11 Title: Re: لنا فبراير ياصديقى .. ولهم كل العام Author: khatab Date: 05-02-2008, 09:13 PM Parent: #10
.. . أومأت له بأغنيه و كنت قد احسست بالالفه .. . لم يعطنى اي احساس بأنه قد سمعنى , دلف الى باحة اغنيه اخرى . الامر الذى أغضبنى و احسست بتطفلى لحظتها مؤنبا ً . تهورى .. بالتحدث الى هذا المغنى العجيب . مالي وله.ّ . لكنه فجأة ً . فى تلك اللفه الدقيقه . ناصية اللحن , . مال الى اغنيتى التى وددت الاستماع . ذاك المنحنى السحرى فى الميلودى .. . و حين خلوصه اليها, ضاحكا ً . أحكم التفاتته المحكمة الي .. . فعدت من فورة غضبى , . الى باحة الطرب .! .. . هذا ما كان من امر اول يوم . و توأمى بعد عشرين عام .. . من الميلاد .. .
Post: #12 Title: Re: لنا فبراير ياصديقى .. ولهم كل العام Author: khatab Date: 05-02-2008, 11:01 PM Parent: #11
.. . تقاطعنا و مساءات مركز الشباب . مشغولا ً بالشعر كان صديقى . ومجنون بالمسرح كنت . لم نكن اصدقاء حتى ذاك التقاطع . لكننا نبرق بعضنا والمواقف بشفافيه عاليه . ولغه فوق البنفسجيه .. .. . حتى واقعة تبادل القمصان . المحطه الوسطى .. . كافتيريا ميامى , . بسوق ام درمان .. .
Post: #13 Title: Re: لنا فبراير ياصديقى .. ولهم كل العام Author: سلمى الشيخ سلامة Date: 05-03-2008, 03:14 AM Parent: #12
عبثا احاول النسيان .... تجئ كالسحا بة تظللنا باجمعنا , مطر يتنزل فيغسل الاحزان , يعيننا علي متابعة مشوار الحياة .... فلماذا صرت قمرا لا نطاله؟ هل نطولك؟ وانت الشاهق السامق ؟ كيف وانت في ذؤوابات الروح تعدو كخيل جامحة لا يروضها مروض , لعلي قلت لك ذات مرة انك تظل تلك الضحكة التي تجلجل كلما اشتد حصار الحياة علينا ,تنفض عنا تلك الضحكة غبارات الوجع التي نثرتها الحياة .... تدخل مسارات الروح
ومسامها تنكت كل العوالق بجاروفها ... الا ما اطيب ذلك ... أيها الوهج الذي اجترحته الايام ليضئ مساحات الظلام في داخلنا ... كيف لنا بوهج في غيابك ؟ ايتها الشمس التي وهبتنا اشعتهاالبنفسجية ما فوقها وما تحتها بالتسامح والجمال المرهون للضحك والحب .... نعم الحب ... فلقد كنت تؤاخي الورود تزدري زهرة عباد شمس لأنها مرهونةللشمس كنت عبادشمس مغاير لا يرعوي للشمس ... فلقد كنت شمسنا علي نحو خاص ... افما يزال دفئك بيننا نتقاسمه؟ افتقدك علي نحو خاص ... اود لو تحل الآن لتقيني رطوبة الوحشة من حولي ..... اعلم ان روحك قريبة مني ترقبني مثلما تفعل دوما ... تكلمني تضحكني .....يسرنا ان ( نتقاود) في الطرقات ماشين أو علي متن (البيجو البيضا) من الأذاعة الي ابراهيم الحلبي في اقصي امدرمان ... الي شارع اب روف ...أو من الربع الأول الي خور طقت صحبة عبد المنعم , مرورا باسواق اب جهل , ود عكيفة الي ( العمود )حيث ( سيد الأقاشي ) الذي كنا ( نتتفن ) له ارضا لا علينا من غبار العابرين أو العربات , الي مستوصف التجاني هلال علي مشارف امبدة ( لنشم ) زهرة (دقن الباشا .... كنت ترنو كثيرا الينا بسؤال كنا نراه غريبا , آخر مرة قلت لنا قبل رحيلك بعدة ايام : انتو خمسة وتلاتين سنة مش كفاية؟ كنا ننبهم من السؤال ... ونرده لك : علي شنو ؟ فتجينا : لا .... ساكت سؤال بس غموض يلف السؤال ويلفنا .... تري هل كنت تدرك الماوراء ؟ لا اجد اجابة .... فلقد مضيت وانت الذي لا أعرف له سوي إسم الصديق والرديف لروحي , ......وما كنت حاريالك رحيل.
مالك تقلب علينا المواجع يا صديقى
Post: #14 Title: Re: لنا فبراير ياصديقى .. ولهم كل العام Author: khatab Date: 05-03-2008, 03:15 AM Parent: #12
.. .تطل ميامى كانت كنافذه عظيمه على المحطه الوسطى . ذات المحطه التى أحسست تجاه شيخ يقف الى جوارى فى انتظار .. البصات . عمدت الى فتح حوار معه .. فطالعنى بوجه مسن . و تحادثنا لاكتشف انه أحد شيوخى المسرحيين . اول من اهتدى الى الطاقه الابداعيه الكامنه فى صوت سرور . و ذهب عميقا ًفى مجابهة الاستعمار .. نحو المك نمر . انه .. ابراهيم العبادى .. . يا للمحطه الوسطى لام درمان .. . هناك تمت واقعة تبادل القمصان .
Post: #15 Title: Re: لنا فبراير ياصديقى .. ولهم كل العام Author: اسيا ربيع Date: 05-03-2008, 04:15 AM Parent: #14
خطاب
عميري هذا الفرح الباذخ .. مقيم للابد فى دواخلنا ويشكل فينا عنصر الحركه
وياله من غنا نحيل يسكن الوريد والروح
هو عميري.... علمنا الفرح حتى في احزاننا .. عميري الزى يهش ربيع فى مسام قلوبنا .. وبه تصالحنا ومازلنا مع انفسنا
خطاب
شكرا لك المحطات الحنينة التي سرناه.
Quote: . اتلاقينا هناك .. رغم اننا جينا للعالم .. الفانى ده سوا
وها نحن نلتقى .. . انا جيت . يوم 11 فبراير 1954 . وانت .. يوم 20 من نفس الشهر
وها نحن نلتقى .. فى فبراير(17 فبراير1962 ) يعنى بينك و بين عميري .. وما اجمله من( نص )
المره الاولى .. كان اللقاء 1975 وكنت فى طريقي للمسرح .. و برضو كنت فى النص بينك وبين عميري .. داخل التكسي
Post: #16 Title: Re: لنا فبراير ياصديقى .. ولهم كل العام Author: HAYDER GASIM Date: 05-03-2008, 05:04 AM Parent: #15
فى جدل ... عبور النسمة, تتحقق بعض الأحلام ... لكن ربما يكون النسيان, فكان العميري ضد الغفلة وأوجاع الصداع النصفي وضد الفصل بين المراكب والسواحل.
... خطاب ... فبراير مشروع للسهر ... والحمى ... فكن منيعا.
مع مودتي
Post: #17 Title: Re: لنا فبراير ياصديقى .. ولهم كل العام Author: khatab Date: 05-03-2008, 07:21 PM Parent: #16
.. . اديني سمعكـ في الاخير انا عمري ما فاضل كتير شالوهو مني الامنيات الضايعة في الوهم الكبير .. . نعم يا طارق . يا قمر.. . شكرا للانتپا ه . يا قمر . عليك الكلاكله . المراكبيه .. ... . عليك ابروف .. . خسمتك بالذي ركز الارض . معبد ... .
Post: #18 Title: Re: لنا فبراير ياصديقى .. ولهم كل العام Author: اسيا ربيع Date: 05-03-2008, 10:22 PM Parent: #17
Quote: . نعم يا طارق . يا قمر.. . شكرا للانتپا ه . يا قمر
اجي يا خطاب .. انزل ليك الغنية تشكر طارق !!!
عارفين انك بقيت .. جد .. كمان بقيت احوص؟؟
Post: #19 Title: Re: لنا فبراير ياصديقى .. ولهم كل العام Author: khatab Date: 05-04-2008, 01:26 AM Parent: #18
.. . معليش يا اسيا . الغنوه ابت تفتح معاي . and this keyboard is so hard to write with . قريپا سوف اعود . لكم الورد .
Post: #20 Title: Re: لنا فبراير ياصديقى .. ولهم كل العام Author: khatab Date: 05-04-2008, 07:52 PM Parent: #19
.. . كانت هي المره الاولى التى نلتقى خارج المركز . اقمصتنا قصيرة الاكمام .. كانت . لا يرتدى صديقى .. طويلة الآ كمام . ساعلم لاحقا .. ان قاموسه اسقط الفانله الداخليه . الشراپات جزم الرپاط . وان القمصان لا تحشي فى اغلپ الاحوال . لا يعترف اصلا پمهمة الپشكير .. . درجة حرارة المدينه تجر الاقدام طوعا الى مرطپات ميا مى . لا ادري كيف خطرت له الفكره و هو يرمق قميصى القمردينى .. : اسمع كيف الپتاع ده ؟ : طوالى . هكذا تمت الصفقه وسط دهشة الجميع . تپادلناها و سار كل فى اتجاه .. .
Post: #21 Title: Re: لنا فبراير ياصديقى .. ولهم كل العام Author: khatab Date: 05-05-2008, 04:55 AM Parent: #20
.. . التجاذب بيننا آهلنا لآلفة عظيمه . المجيئ الى الوجود فى فبراير واحد لم يكن صدفه . ها نحن نكتشف كل موقف كل لحظه ، كيف اننا آقرب . مما كنا نظن . سبحانك يا الاهى . سمت لغة التواصل بيننا .. خف الوزن فحلقنا ما اتا ح الفضا ء . و صفقت الآچنحه . صار لللغة قاموس خاص تتچاوز الكلام . بمراق ٍ عاليه . اندغام آقرب للتخاطر ِ الشعورى .. منه للحروف . آقرب للغناء .. غناء الوچود للوچود . دون الات .. دون صوت . نحن الچوقة و الرواد . و سرنا . غبرت اقدامنا .. دروب كل المدن . سكك القرى النديه . دراويش .. نفتح للريح چببنا المرقعه بالحنين . نطير ما اشتهت الرياح . ونوينا .
Post: #22 Title: Re: لنا فبراير ياصديقى .. ولهم كل العام Author: khatab Date: 05-05-2008, 03:56 PM Parent: #21
.. . وها نحن نلتقى .. فى فبراير(17 فبراير1962 ) يعنى بينك و بين عميري .. وما اجمله من( نص )
المره الاولى .. كان اللقاء 1975 وكنت فى طريقي للمسرح .. و برضو كنت فى النص بينك وبين عميري .. داخل التكسي .. . يا بنت فبراير الجميله . يا صديقه للزمان الآصيل . مبروكه عليك سلمى ... . يا قمر لسه ما طلعت .. القمره .. . لعناية اسيا ربيع و طارق ابو لقاء ..
Post: #23 Title: Re: لنا فبراير ياصديقى .. ولهم كل العام Author: khatab Date: 05-05-2008, 05:10 PM Parent: #22
.. . لدى صديقنا تتداخل طرق التعبير ، تمتزچ حينا . لتتفرع احيان . فانظر كيف يهزچ مداعبا ايناس عبدالباقى . نوسه بت منيره العميري .. . نوسه الدوسه . ملوسه الدابي . چنينه و عمك تنقو .. ليتابعه الچميع مرچعا المقطع . مع تنغيم مقاطع لللحن . و يمكن لللحن الدوران الى ما لا نهايه .. . و تلك منطقه آو حقل خاص به اكتشفه هو . و لم يزرعه ، بعده آحد .. . يذكر دون شك كل ركاب بص المعهد . مداعبته لزميلنا الطيب ود المكى و هو يضع اولى اقدامه على . سلالم البص .. . ( من الابطآ الى الآسرع .. الآخفت نحو الآعلى ) : .. ود : .. المكي ود المكي . حتى تصير تظاهره ضخمه تنتظم الچميع .. . و نحنا تاني . ما عندنا شغل بالليل .. انحنا تاني .. . عقب التصوير الليلى للقطات مسلسل . وادى آم سدر .. .
Post: #25 Title: Re: لنا فبراير ياصديقى .. ولهم كل العام Author: khatab Date: 05-06-2008, 02:22 AM Parent: #23
.. .فى جدل ... عبور النسمة, تتحقق بعض الأحلام ... لكن ربما يكون النسيان, فكان العميري ضد الغفلة وأوجاع الصداع النصفي وضد الفصل بين المراكب والسواحل. .. . العزيز حيدر .. لقد كان العميرى ما قلت و اكثر . لم يهن عليه ان تصادر .. حبيبته الديمقراطيه .. هكذ ا من قبل التجار والمرابين . ابصر نوافير الدم قبل ان تدار موتوراتها .. ابصر بعين عشقه الثاقبه ، . جرثومة المؤ امره .. كان تريزياس . و كان جميع اهل طيبه تلفهم الحيره . لذ ا يا صديقى تلفع بالمه و غاب . فنديدى لا يرضى بغير الحرية . جلباب .. .
Post: #26 Title: Re: لنا فبراير ياصديقى .. ولهم كل العام Author: khatab Date: 05-06-2008, 04:40 PM Parent: #25
.. . عالم . بدونك . بخونك و بدون جنونك . خبل
. يا مافى .. . غاطس الاحزان . صار طافي . ورد النيل . حقل الكذبه
. تزرع شمس اليوم . ما تولع آخر الليل لمبه . باعوا . الكومبا . جوا بيوتهم سوو . بنوك . فتحوا طرمبه
. في دارفور الموت .بالكوم . اشطر انثى . لي وقود . ماتحوم . صح النوم
. في كجبار الدق الطار . طعنو المسمار . طار من طار . وحار من ركه . .. .
Post: #27 Title: Re: لنا فبراير ياصديقى .. ولهم كل العام Author: khatab Date: 05-07-2008, 06:12 PM
.. . عالم . بدونك . بخونك و بدون جنونك . خبل
. يا مافى .. . غاطس الاحزان . صار طافي . ورد النيل . حقل الكذبه
. تزرع شمس اليوم . ما تولع آخر الليل لمبه . باعوا . الكومبا . جوا بيوتهم سوو . بنوك . فتحوا طرمبه
. في دارفور الموت .بالكوم . اشطر انثى . لي وقود . ماتحوم . صح النوم
. في كجبار الدق الطار . طعنو المسمار . طار من طار . وحار من ركه . .. .
Post: #28 Title: Re: لنا فبراير ياصديقى .. ولهم كل العام Author: khatab Date: 05-07-2008, 09:05 PM Parent: #27
.. . اعلم قبلك يا صديقى اننى بفتحى هذا الباب . انه لن يوارب .. لذا انتظرت كل هذه السنين . بالغت مش .ّّ!! . ما مشكله . بعد مجيئ الانقاذ . و ذهابك . صمت عن النشر تماما ولم افطر . الا بالقاهره .. عقب خروجى المفروض . بعد سبع سنين . كتبت لك .. سيناريو ضد الموت . فجائتنى قارئه صديقه للملحق الثقافى لجريدة .. الخرطوم .. : ..لم أكن اعرفه .. لكنها تماما.. تعرفك الان .. .افتح الباب .. لاننى اشتاق للونسه ربما.. احكى عنك لك .. لى ربما . للاخرين .. . كيف كانت لا تقوى على حملك الاحذيه .! . لانك لا تستغلها للسير فقط . فلم تكن تدرى ماهى مهمتها بالضبط . الطيران كأجنحه.! . ام الاكتفاء بالسير , كما لم يكن يجرؤ . على احتمالك الرجال الجيف . و انت تعريهم ببصيرتك فقط . تربكهم درجة الارتجاف . الاعتراف . و نضحك من هروبهم المزري . والمخجل حتى للمكان .. . افتح الباب لعصافيرك المتوحشه لمهاجمة كل جوقات الكلام . المغتغت وفاضى وخمج . للسره بت عوض الكريم . تمارس سطوتها الانيقه . للبحر ان يقوم او يعود او يغادر ساحليه . الى الابد . للغنا البكر المندى و للتحدى . لكل شهداء الجمال . للنابغ من الاجيال . للاطفال قساة الملامح الذين فصلت لهم حبيباتك . التيبان مرايل . الاطفال المنسيين تحت احذية العساكر . خارجين من . تحت ترابيس البنادق والحزن . من وجع المعسكرات النزوح . الملاجئ الاهله بالظلام .. .افتح الباب غيرالقابل للمواربه . الانغلاق . ذاك الُمشرع للشمس .. .
Post: #29 Title: Re: لنا فبراير ياصديقى .. ولهم كل العام Author: khatab Date: 05-08-2008, 00:29 AM Parent: #28
.. . صباحاًتوقع اقدامك تحية الصباح على الممشى المحازى للنيل . من ابوروف حتى التلفزيون .. ترد التحيه الموجات بالصفير والتصفيق . المهزار , تغافل طفلات الاسماك شبكة المجرى قافذة ًارتفاع زراع , مرددة ً . نشيداليوم الجديد . تُحار العصافير لجنون السمكات المشاغبه .. لكنها تذهب للرقص عوضاً . عن الشقشقه . العزف المصاحب على الات الفضاء المتاحه .. . اصلو يانيل مره مره . لمن اتعب من سنين عمرى المسافره . بمشى لي عينيك واقرا . قصة حياتى من يومي البديت . لحدى يوم الليله واطرا . كل معنى عشت ليهو . كل فرحاً . بل فى يباس عمري المسره . واقرايانيل .. .
Post: #30 Title: Re: لنا فبراير ياصديقى .. ولهم كل العام Author: somia gassim Date: 05-08-2008, 00:42 AM Parent: #29
[[ فى جدل ... عبور النسمة, تتحقق بعض الأحلام ... لكن ربما يكون النسيان, فكان العميري ضد الغفلة وأوجاع الصداع النصفي وضد الفصل بين المراكب والسواحل.]] ..
انه في الدواخل له الرحمه
Post: #31 Title: Re: لنا فبراير ياصديقى .. ولهم كل العام Author: khatab Date: 05-08-2008, 02:15 AM Parent: #30
.. .انه في الدواخل له الرحمه .. . شكرا ياسميه . غنى صديقنا فى ولى زمان الحب .. . يأتى الربيع غداً . لن اعدم الظل َ .. . ذهب عميقاًفينا . لكنه لم يصادر عبق حضوره الماثل .. . مفتوحه و معبده بالجمال و الثوره الدروب التى . افترع وشق َ . .
Post: #32 Title: Re: لنا فبراير ياصديقى .. ولهم كل العام Author: اسيا ربيع Date: 06-29-2008, 08:08 AM Parent: #31
اكون كضاب
لو اترددت شان استقبلك جواي
-- ولو قاومت حد السيف بريقو يلخبط الهداى
-- صحيح قبلك شراع الدهشه ماصفق
ولا كان العرق وداي
-- دي حتى الأغنيات قبلك
حروف ابياتا كانت ساي –
بس الحاصل بدورك تسمعي شويه
-- فترت من السواحل ديك
وغشوني المراكبيه –
وكنت بلملم الضحكات
وحاجز فى البياض نيه –
ولما سالنى ريح الليل
وكنت براى
اعود واهى
غلبنى اساوم الرهبه
ونزفت جروحي زى ماهى –
وماتلومت لو شفتى
ده ليل الغربه متناهي --
حدودو الغربه بعدو الغربه
فيهو الغربه والأفق الرقد ساهى
-- امد ايدي بس لي وين
واقاوم كيف زمن لأهي
لانفع التودد فيهو لا جاياهو حنيه –
شتت املي في الموجات
وكثر في العشم جيه –
ده كلو من السواحل دي
ومن ظلم المعديه
وانا البعت الفرح لليل
وغشوني المراكبيه –
وفجا صحيت من الحاصل
افتش غنيه فى زمن الصحا
دايشه المفردات جواي
والكان اتمحى –
هاك باقى روحى تغنى ليك
عشمانا فيك
تريحا –
بس اوع من
رحلآ تتوه انا تاني قاسى اصابحها –
وادينى سمعك فى الاخير
انا عمرى مافاضل كتير
شالوه منى الامسيات
الضايعه
فى الوهم الكبير
والدنيا ماتمت هنا –
لسه فاضل ناس تعاشر
وناس تضوق طعم الهنا –
بكره اجمل من ظروفنا ولسه جايات المنى –
بس شيل مع شنطك معاك
حبة حزر فتح عيونك
وخلى بالك في الصبر –
انا ليسه في ايدي
بواقي من الكتابات والحبر
داير اسمعك شايل سواقيك السبر –
تسقى الجروف وتمشط الارض الحزينه
تبنى من عرقك
مواني
وتصنع القادوس مدينه –
واكون ميت انا
وعايش على السهله الفرايحيه --
انا البعت الفرح لليل
وغشوني المراكبيه
Post: #33 Title: Re: لنا فبراير ياصديقى .. ولهم كل العام Author: khatab Date: 06-30-2008, 02:09 AM Parent: #32
شكرا ً اّسيا ااا ربيع ( جاء المد فى الالف لحبنا مناداتك بها هكذا ممدوده .. اّ سيااا كما اخوتنا الاريتريين والاثيوبيين ) شكرا يا فبرايرية الميلاد يا من قاسمتينا الضحك و البكاء المسرح , اذاعه وتلفزيون وذاك الزمان الجميل , على رفع البوست اولا ً جلب هذه القصيده العلامه .. الى هنا ثانيا ً . فلك و لعزو و لكم جميعا ً كل الحب .. .واكون ميت انا
وعايش على السهله الفرايحيه --
انا البعت الفرح لليل
وغشوني المراكبيه .. . مازال اليوم بتوقيتى هو اّخر يوم للزمن الديمقراطى قبل تسعة عشر عام وايه الدنيا غير لمة ناس فى خير او ساعة حُزُن .. 29 يونيو 2008 لذا وجب التنويه .
Post: #34 Title: Re: لنا فبراير ياصديقى .. ولهم كل العام Author: khatab Date: 07-03-2008, 07:05 PM Parent: #33
شكرا ً صديقى بكرى ابوبكر فالثالث من يوليو , هو يوم الذى تكاثفت فيه على العميري , اسباب الغياب مصادرة الديمقراطيه , حظر التجول منذ السادسه مساء فقر مستشفى ام درمان وطاقة الوطن الموصده على حب كبير للمواطن والوطن فرحل تماما ً الساعه الواحده والنصف صباح الرابع من الشهر السابع للعام ذات اليوم المقترح لمفاوضات السلام .. الميرغنى ,, قرنق بالعاصمه الاثيوبيه .. اديس ابابا فرحل فى هدوء رحيلا ً عاصفا ً .. لا نقول الا ما يرضى الله تبارك وعلا .. انعم بك من رب يا سيد الكون .. .
Post: #35 Title: Re: لنا فبراير ياصديقى .. ولهم كل العام Author: أشرف البنا Date: 07-03-2008, 08:14 PM Parent: #1
وردة ... تفتحت وعداً ... فاحت عطاءً و جمالاً ... ثم انزوت ... لا زلنا ننتظر ... وردة ... مضت ... أريجها باقي ... مثل الورود لم يبقى طويلاً ... و تبقى لنا منه الجمال و الأريج ... له الرحمة ...
Post: #36 Title: Re: لنا فبراير ياصديقى .. ولهم كل العام Author: khatab Date: 07-03-2008, 11:54 PM Parent: #35
وردة ... تفتحت وعداً ... فاحت عطاءً و جمالاً ... ثم انزوت ... لا زلنا ننتظر ... وردة ... مضت ... أريجها باقي ... مثل الورود لم يبقى طويلاً ... و تبقى لنا منه الجمال و الأريج ... له الرحمة ... ...... العزيز اشرف شكرا على هذه الكلمات الطيبات فى حق فناننا الجميل العميرى الذى كان يشدو .. يأتى الربيع غدا ً لن اعدم الظلا و كان يغنينا .. يا قمر انا ما بطولك ادينى من نورك وميض شان انور وابقى طولك ياقمر ... .
Post: #37 Title: Re: لنا فبراير ياصديقى .. ولهم كل العام Author: khatab Date: 07-06-2008, 11:22 PM Parent: #36
قت ليك ال .. دنيا ما وقفت قت لي نفس ال .. دنيا .. بتقيف لكنا نظل . كما نحن .. دائما .
Post: #38 Title: Re: لنا فبراير ياصديقى .. ولهم كل العام Author: khatab Date: 07-07-2008, 00:47 AM Parent: #37
.. . عم صباحا . عم مساء .. فى كل التواقيت ، عم بهاء . لنا الوقت الصد ق . و لهم الرياء . .. .
