تظهر كِد ه .. وتغيب

...
...
... تظهر كده ..و تغيب
تشغلنا بيك
يا حبيب
اظهر
معاك النور
و اضحك العصفور ..
ضحكا عجيب و طروب
ضحكا عجيب يا زول ..
الفقرا تمللى جيوب
قش العشش صار طوب
وحزنا اتقشى ..
كلو نام شبعان
مافى زول جيعان
مافى زول نازح
من بلدو قام طش ..
يمه يا شغبه و خاله يا عشه
طياره جاتنا تحوم
ما جايه من غادى ..
جايه من خرطوم ..شايله الفرح
مردوم ..
كل القرى كم كوم .. مطر الحليب
هاطل و بتوزع الحلوى ..
تظهر كده و تغيب
تشغلنا بيك يا حبيب
اظهر معاك النور .. واضحك العصفور
ضحكا عجيب وطروب
ضحكا عجيب يا زول ..الفقرا تملى
جيوب .. قش العشش
صار طوب
يا شيخنا يا المجذوب السيره
مرقت ضو ..كل باب
كو.. كو
كل البنات يا شيخ
كل البيوت بره ..
حردلو يايابا ..
شوف ام خدود كيفن كسرت قيود
وقيود ..
وعاين الفره ..
بجناحه كافته صقر !
وقع الصقر هلكان ..لا قوه لا حوله
...تظهر كده وتغيب
...تشغلنا بيك يا حبييب
.....
.....

كان يا خطاب فى ولد اسمه مجدى النور
قام فلت ومشى
وقال بجيكم وفاااااااااااات

وما ظهر يا حبيب
لليله ما شفنا
غير فى الغنا الرايح
غير فى الضحى الصادح


كل يوم وانت طيب

كمن شاف قبس فى
ليل .. الأغنية أفرحتنى .
كلمات متفائلة .. ولحن
يظهر كده .. وكده
تحياتى

سلامى اليك يا ايها المتفائل فى ظلام العسكر..
سلا ح الطيران يوزع الحلوى على قرى اللاجئين والنازحين..؟؟؟؟
والغاضبون باسم الله يدعون للمتشردين.. فى دارفور وليس فلسطين.. هل يحدث ذلك.؟؟
وسلاح المشاة واليات سلاح المهندسين تستزرع الغابات عبر السهول..؟؟؟؟
فلنتفائل اخى ..وامامنا برنامج للععمل ..
دعنا نبدا يايقاف الكتاحة التى تردم فبنا اناء الليل واثناء النهار..
ليستطيب لنا الجلوس على شاطىء النيل...

شكرا خطاب لمساحة الامل..

...
..
.هناك علاقه جدليه بين ماتنتجه الامم من فنون واداب
.وحركة الواقع الذى ينتظمهم
.والغناء هو امضى هذه الوسائط -فنون ..اداب -
.للتعبير عن هذا الجدل..
..
.وهذا مرتكز أو أحد المرتكزات الأساسيه فى الكتابه الابداعيه
.للكثير من المشكلين لحركةالاِنتباه الانسانى بمايعتريه - سلبا ً
.وايجاباً- من أحوال
..
.

..
.ليِه ما عارف قلت الحبايب جايين
.هذا وقد كان
.بت الشيخ سلامه
.وود الشيخ موسى ود عتمان
.
.مجدى يا سلمى كماأخوانو من المبدعين
.والعشاق المبار للأرض والاِنسان
.يوم خمسه الفات من هذا العام يادابو
.زحه توب عام عن وش الجساره ..
.يادابو قام
.بعد صنَة
.عام..
.لِحقو..سامى السالم
.وبعد يوم..بس
.سته..ديسمبر
.لحقو..المعلِم
.بشار
.
..
.يا لتعب ..نهايات العام
.لذا
.قررت أن نغنى , ملئ الفم
.ياسلمى ويا عثمان
.
..
.لطالما سألنى تؤام الروح العميرى
.ما يدفعك لكل هذا التفاؤل.!!
.فأُجيب اِيمانى اللانهائى
.بقدرات الاِنسان
.بالذات السودانى
..
.كماأطلب منك ياسلمى ..
.مدنا بمعلومات عن ..شغبه
.وعن عائشه الفلاتيه
.جتدرياً..
.كماالمجذوب والحردلو
..
.كم سيكون رائعاذاك المجهود
..
.لكم الورد
..
.

عاشه كما كان حلو لرفيق دربها وعمرها اسماعيل عبد المعين مناداتها
كما كان يحلو للكاشف ايضا مناداتها
ظلت احرص على الاستماع لسحارة الكاشف كلما اتيح لى ذلك خلال الاذاعة
ووجدتها بالفعل سحارة تمتلئ بالكنوز
وجدت عائشة الفلاتية
كما حدثتنى عنها فى تسجيل سيدة به امنا حواء الطقطاقة
قالت
كنا قاعدين فى بيت الكاشف انا وعشه اختى بعد طردونا
(وزينو لينا روسينا اهلنا عشان ما نغنى )
كنا بنغنى غنا البنات
لكن الكاشف ما كان بخلينا نغنى ساكت كدى ،
يعنى لو الكلام ما سمح بقول لينا لا دا ماتغنوه
ولو عجبو الكلام بقوم يساعدنا فى التلحين )
عشه اختى انا وهى كنا بنغنى سوا
هكذا كانت تناديها حواء الطقطاقة طوال حوارى معها
والحوار طويل يا خطاب
وجميل يا خطاب
اتمنى ان ننشره على كل الناس ليستمعوا لهذه السيدة الجليلة
التى تتحدث عن رفيقاتها وتناديهم باختى
واتمنى ان يجئ اليوم الذى نوثق فيه لكل نساء بلادنا
حيث تعوزنا المراجع
لكننا حتام سنلقاها
فاتنى ان اهنئ امنا واختنا الكبيرة الدكتورة خالدة زاهر بعيد ميلادها الثانى والثمانين
لها طول العمر
اليس جميلا ان تكون هذه السيدة محل حفاوتنا ؟
الم تكن اول واحدة دقت باب التعليم العالى وتخرجت كاول طبيبة ؟
لنا ان نعتز بها
طالما ان الفرح مربوط الى وثاق هذا البوست
فلنفرح يا صديقى بكل ماهو جميل
خطاب كل يوم وانت بخير

..
.الشكرلك
..والشكرلله من قبل و من بعد
.ويوم الوقوف
.أعاده الله , على مُُلبي دعوته وندائه الى يوم الدين
..الشكر له,,الواحد
..الأحد
.
سلامى اليك يا ايها المتفائل فى ظلام العسكر..
سلا ح الطيران يوزع الحلوى على قرى اللاجئين والنازحين..؟؟؟؟
والغاضبون باسم الله يدعون للمتشردين.. فى دارفور وليس فلسطين.. هل يحدث ذلك.؟؟
وسلاح المشاة واليات سلاح المهندسين تستزرع الغابات عبر السهول..؟؟؟؟
فلنتفائل اخى ..وامامنا برنامج للععمل ..
دعنا نبدا يايقاف الكتاحة التى تردم فبنا اناء الليل واثناء النهار..
ليستطيب لنا الجلوس على شاطىء النيل...
..
.كل
.ظلام الى انقشاع
.ودارفور ستعود..ستعود أُم خيراً
.جوه وبرَه
..
.أمامنافقط كما أسلفت
.برنامج العمل..
.
..لك الورد
.
,وللجميع التهانى
,بالعيد
,السعيد
..
.شكرا
.يازول
..
.تظهر
.كده .. وتغيب
..
.(امابخصوص الكتاحه..وشاطئ النيل
.( فهنالك -فيلم من انتاج الجمعيه السودانيه
.(لحماية البيئه-
.(يحكى قبل أكثر من عقد من الزمان ,
.(عن التجهور البيئى فى السودان..)
.(اذا كان بالامكان جلبه الى هنا..)
.
.لك الورد
.

..
.كل يوم
.وأُمناحواء
.أجمل..كم افرحنى ياسلمى ..اِستقبالها-بمطار الخرطوم- ا
.لمحجوب الشريف ..من رحلته..تلك ,
.اصدقك القول,,اذا أفضت اننى أطلت الاصاخه
.بين حضنين بديعين
.بين محجوب و حوه..
..
.يالحواء السودان
.يا لعائشه.!
..
.من تكبدت عناء
.سيدة
.الغناء السودانى
.ذهبت عائشه
.الى قاهرة المعز.!
.كانت عائشه,مصره على اِرتداء ,ثوبها السوداني
.وهى تلك اليمامة لسوداء,أو الأبنوسيه..اِذا أحببت
.فناداها, الشارع المصري الشقيق هاذئا..
.لابس انت كفن لييه ياقمييل.ّّّ!!
...
...

..
..هناك علاقه جدليه بين ماتنتجه الامم من فنون واداب
.وحركة الواقع الذى ينتظمهم
.والغناء هو امضى هذه الوسائط -فنون ..اداب -
.للتعبير عن هذا الجدل..
..
.اذا
,نعود الى الغناء
.
.الى الجدل
.فى أمضى احواله
.
.والدنيا..قبايل ..اضحيه
.ميلاد السيد المسيح ..عليه السلام
.حج الى بيت الله الحرام..
.والذكرى السنويه
,لاستقلال
.البلاد
..
.
يا لطفلة العصافير
الموسميه
..
.

خطاب كل عام وانتم بألف خير (وليه تظهر كده وتغيب !!!)
بعد انا لافي في شارع مافي تاني ما ظهرتا إنشاء الله المانع خير .

ياسلام عليك يا خطاب يا سلام عليك

دي العيدية والا بلاش

يا مطر الحليب
هاطل و بتوزع الحلوى ..

خطاب..
غواص في بحر الحروف..
يغرقنا نحنا..
وتلقاهو خفس بالضفة التانية..

..
.هاشم احمد خلف الله
.كل سنه وانت والسودان بالف خير
.شكرا على السؤال والمرور
..غالبا اكون فى شارع مافى
..
.قال صديقنا الشاعر قى بدايات
.شاعريته مفرطة الادهاش ..
..
.لو قالو لي طيرا
.مسافر للغرب
.كُتر الحنين ما غلبك
.يالديمه عايش مغترب
.كان ردو بس
.تحت الخدار
.دنقر على الجدول شِرب
.وغشا الشديرات الهناك
.شال لي عزيز
.عنقود عنب
..
.صديقناذاك كان العميري
.وتجاذبه بين حبيبتين
.الأبيض و ام درمان
..
.

..
.د.محمد حسن
.العيدمبارك عليك والحواليك
,شكرا على مرورك
.وعقبال اعياد..تعيدلناذاك المذاق القديم
.و تعيد للوطن ذلك الاشراق
.السيره تمرق ضو..
.على السهىل والغابات
.الجبال
.الصحارى وعلى شاطئ النيل
..
.

..
.صابر عبدالهادى
.
.شكرا
.كلمة ..خفس .. دي كلمه معبره
.وحريفه ..أيما حرفنه ..
.ياسلام عليها..
.لا صديقى لم ( اخفس )للضفة التانيه
.انا معك هنا..بذات الضفه..
..
.تلك النيليه الحميمه
..
.

..
.الفحل عبد اللطيف
.
.سأواصل معك حوارى بخصوص العسكر والكتاحه
..
.سلمى بت الشيخ يا سلامه
.سيرة الحوار اامل الا تنقطع
..
.أذكر ايضا كتابه طيبه لالهام عبدالخالق
.استعرضت فيه سيره النساء المبدعات
..
.هذا المنشور اعلاه
..مقصود به هذا الحراك
.للواقعين
.المعاش والمعبر عنه , وهو مفتوح
.لمساهمات الجميع
..
.

كل القرى ..دوت كوم


كتابة حلوة يا خطاب

انا جارية بجيك بعدين ...

اها شوفنى:


فووووووووووووووووووووووووووووو

تظهر كده وتغيب
ياعصفور
ابعد حزنك
وافتح قفصك الصدري
للأمال
وغني غناوي الفرح
ياعاشق الكون البهيج
ليك السلام والأغنيات
بنغني معاي كل البنات
اماني ريناس
اماني شكيتي
وشغبة المرغومابية
وبكرة بت مكابر
والكسرو قيود الجهل
أمونه بت عبود
اخت مهيرة
زولة العلم وخلاوي القرآن
وفاطمه بت جابر
ومريم بت حاج عطوة
وفاطمه بت أسد
والسافرو المسافات.. تجاوز
رابحة الكنانية
وست البنات ام سيف
ومعلمات البلد البعيد
طريفة أوديت
من الدينكا
وبحر النيل
من دارفور
وبخيته ريحان
من دار مساليت
وبغنو ليك الشالو العلم نور
نكوى سـركسيان
الأرمن البقو سودان
اول صاحبة جريدةومثلت مع الرواد
بنت الوادي
وفاطمه صاحبة صوت المرأة
والدكاترة
فاطمةبابكر محمود
ود.فيكتوريا
والقديسات
ناس جوزيفين بخيتة
وانا الأغبش الا من محبتك
يا أخوي يا توشي
عيدك فرح وآمالك عراض

..
.طماطم النباتيه ..الا من جكن ,,ساي
.ساي دي انا..محمر أم ما..محمر
.. ما شغال بيها كتير..
.وانتى يابت الشيخ بتعرفى للغنايات ديل اكتر منى
..شايفك
..جريتى..فوووووووو
وعازرك كمان , كمان , وفلووووت
...
..عشان العيد ورشا
..وماما الصغيره
..
.

...
..كتف الغنا الميل
.ونتخيل
.
.محمد السنى
.جاييك بي مهله ..العباديه
..
.لك الورد
..
..
.

..يالك
.ايهاالصديق
...

تظهر كده وتغيب
ياعصفور
ابعد حزنك
وافتح قفصك الصدري
للأمال
وغني غناوي الفرح
ياعاشق الكون البهيج
ليك السلام والأغنيات
بنغني معاي كل البنات
اماني ريناس
اماني شكيتي
وشغبة المرغومابية
وبكرة بتمكابر
والكسروقيود الحهل
أمونه بت عبود
اخت مهيرة
زولة العلم وخلاوي القرآن
وفاطمه بت جابر
ومريم بت حاجعطوة
وفاطمه بت أسد
والسرو المسافات تجاوز
رابحة الكنانية
وست البنات ام سيف
ومعلمات البلد البعيد
طريفة أوديت
من الدينكا
وبحر النيل
من دارفور
وبخيته ريحان
من دار مساليت
وبغنو ليك الشالو العلم نور
نكوى سـركسيان
الأرمن البقو سودان
اول صاحبة جريدةومثلت مع الرواد
بنت الوادي
وفاطمه صاحبة صوت المرأة
والدكاترة
فاطمةبابكر محمود
ود.فيكتوريا
والقديسات
ناس جوزيفين بخيتة
وانا الأغبش الا من محبتك
يا أخوي يا توشي
عيدك فرح وآمالك عراض
..
.محمدياسنى
.كما رماة الحدق ,تدرك اين تصيبنى
.يا لهذا الحشد البهى
.من النساء النواضر
.فعن المرغمابيه ,,وعنهن جميعا
.حدث
..
.ولك ..ولدجاجتك الصغيره
.العيد مبارك
..
.
..
.يا للجمال
.فبالله عليك أفض
.ثم اعد التفصيل
.
.ثولا تنسى ..ثلاق نقاط الشين
..
.

..
.كل من ذكرتهن هنامغنيات بارعات
.فى الميلودى العريق للوطن, وايضا من لم تذكر
.امهاتنا..خالاتناوالعمات ..اخواتنا والحبيبات
..
.لهم التجله
.ولناالغناء الطويل ذلك العنيد و الممتد
..
.يا أم ضفاير قودي
.الرسن
.وأهتفي فاليحيا
.الوطن
..
.

تووشي
قمت بتعديل
وتصحيح بعض الأسماء اتكتبت غلط
كل واحدة من امهاتنا الفوق
حكاية تكتب بالشعر والدراما
تاريخ من الجمال منسي ومهمل
لك المودة والمحبة
وبجيك بالمهلة
عيدك مبارك

..
.الفقرا تمللى جيوب
قش العشش صار طوب
وحزنا اتقشى ..
كلو نام شبعان
مافى زول جيعان
مافى زول نازح
من بلدو قام طش ..
...
..
.وهكذا يا صديقى ..تى
...نفتح بابا للضوء .. عله يتخلل
..فينا المسام ..
.فنشرق بالسلام
...
..
.فلا أروع من مواطن
.ينام ملئ جفونه .. لا حاجه
.لا خوف ..
.لا حرب ..
.لا نزوح ,
.لا ثمة تهديد
..
.هذا اناالمواطن البسيط
.هذا وطنى , الذى يشكل ترسا فعالا
.فى حركة العالم
..
.

بدون مناسبة..
قبل حوالي عشرين سنة.. كنت مع الأستاذ أبوعركي في منزله بالحتانة .. وكنا نتكلم عن شريط كاسيت 90 دقيقة من أغاني عركي كاملة الدسم سريعة الذوبان والتذويب .. كان الشريط متداول بكثافة وسط الإنتلجنتسيا والسميعة.. يومها عرفت من عركي أن الشريط هو compilation تمت بمجهودات أخونا خطاب ..
بمناسبة..
وأنا أفكر إهداء هذه المادة .. التي (تتناسب) مع نص البوست وبوست النص..
جال بخاطري كلام عركي (أصبح الآن بمناسبة) .. وقلت أكيد خطاب بكون عندو درر مكنوزة ماليها حد.. ومع هذا تجدني أتطفل مرة أخرى على البوست وأهديك وزوارك الكرام في صباح العيد.. أمنا عاشة ,,
صباحك نور ولياليك عيد ..

http://www.sudaneseonline.com/video/06-Track4.mp3

..
.الاخ صابر كم انا سعيد بهذه الهديه
.بالغة النقاء والحلاوه التى تغلفت بين موسيقاها والاداء
.الهادئ الرزين ,أعياد و أعياد..
.لا ادرى لماذا لم(تفتح هنا) ارجو منكم والضالعين..ات
.مساعدتنا فى ذلك ..
.ولكم الورد
..
.اما اخونا ابوعركى ..الشريط ..والعيد
.الشريط ماانفك ..يخرج لى ..تماما كما للراوى- مصطفى سعيد
.اسمع عندى ليك حاجه نادره جدا .. فيقوم ذلك الصديق باخراج ذات الشريط
.اسرح طبعا..استديو كرومه بالاذاعه.. وانا (امنتج EDIT )ذات الشريط
..
.فضل لينا العيد .. وانت بعيد
.

..
.بعد صلاة العيد بجامع الرحمن
.اول الطارقين
.يكون العيد
.اعنى بالطبع عركى
.فعركى و العيد ,صنوان
..
.يذهب مباشرة الى السيده ..التى يناديها ايضا
.بأمى ..بت الشايب ..
.الاخوات والاخوان
.يتبعه ..محمد ويزن
.ثم يعجل باختطافى الى الحتانه..
..
.حيث نضحى حتى العصر هناك
..
.وتظهر
.كِده.. وتغيب
..
.

أنا لا أحب الأغاني لمن تجيك ناطة pop up زي عفريت العلبة ..
وتشوش على الناس قراءة البوست..
أحبذ الروابط لما فيها من حميمية و secracy..
ولكن دي محاولة تانية وح أسحبها بعد العيد..

كل سنة وانت طيب ياصديقى خطاب!!

خطاب العيد مبارك
قلت لى زول فى السودان
اعمل حسابك من اللحمة
عشان الحمة النزفية ..
قال لى ها.. حمة نزفية
مع الجمر ده مافى ..
الكاتل الله وعليه التكل ..
لا تخاف .
مافى سم بعد النار
بعدين البطن كان كركبت
اديها كوز شربوت
تحياتى
وكل عام وانت بالف خير

...
.صابر عبد الهادى كتر خيرك اخوى فى الاستجابه
.طلع البوست بصوت امنا عاشه..عقبال حوار سلمى الشيخ
.شكرا صابر..على فار العلبه
.احلى فاره ..يا احلى فاره . .
..
...
...الاشراقه مصطفى ..ياخى سلامات
.واشواق تملا الدنيا.. زيما قال شاويش
.وتردم المسافه..بين القارات
.كل يوم
.وانتى اجمل
..
.

..
.الحبيب عثمان
.اهلنابالحيل نابهين و لامن ادورو الحاجه
. ليهم ليها مليون صرفه و صرفه
. براك عارفهم.. ولا شنو !!
. عارفو الحنين باريك
. كما براني
. صباحك نور و لياليك عيد
..
.

توزيع رايق وراقي للعبارات
وشغل مشغول بروح وثابة
وغناء عذب في تدليه
شاهق في عذابه
سلمت

..
.الاخ بله محمد الفاضل
.شكرا لك عزيزى على التعليق الطيب
.فى حق هذه الاغنيه الطيبه رائقة المزاج
.لا اعرف على وجه الدقه متى وجدت..لكنها تعكس مرحلة مهمه فى مسيرة
.الغناء السودانى ..
.الذى يطول عنه الحكى ..وهنا اسمح لى بايراد عباره للفنان التشكيلى
.الباقر موسى .. مفادها : ان الغناء السودانى : هو المشروع الوحيد ,
.الذى داوم على الحضور , التطور والاتصال..
.او هكذا فهمتها .. او راقت لى , لانها تحظى عندى بالاتفاق
..
.فما ارسخ عمارة هذا الصرح
.صرح الغناء
..
.

ياسلام يا خطاب !

الله يبهجك , وكل عام وأنت [الف خير .

..
. وانت ايضا يامون كل سنه وانت طيب وبالف خير
,شكرا على مرورك الطيب..
...
..
.سلامى اليك يا ايها المتفائل فى ظلام العسكر..
سلا ح الطيران يوزع الحلوى على قرى اللاجئين والنازحين..؟؟؟؟
والغاضبون باسم الله يدعون للمتشردين.. فى دارفور وليس فلسطين.. هل يحدث ذلك.؟؟
وسلاح المشاة واليات سلاح المهندسين تستزرع الغابات عبر السهول..؟؟؟؟
فلنتفائل اخى ..وامامنا برنامج للععمل ..
دعنا نبدا يايقاف الكتاحة التى تردم فبنا اناء الليل واثناء النهار..
ليستطيب لنا الجلوس على شاطىء النيل...
..
. هذه المداخله من الاخ الفحل عبد اللطيف
. هل وازت القصيده ؟؟
. اشتغلت عليها؟؟
. اعتقد ذلك ..
.. مرحبا بقراءاتكم المفجره للنص
.