أرورووووووووووووووووووووك الشاعر و المسرحي خطاب حسن أحمد جانا بجاي

أرورووووووووووووووووووووك الشاعر و المسرحي خطاب حسن أحمد جانا بجاي


03-24-2007, 02:35 PM


  » http://sudaneseonline.com/cgi-bin/sdb/2bb.cgi?seq=msg&board=386&msg=1199651721&rn=0


Post: #1
Title: أرورووووووووووووووووووووك الشاعر و المسرحي خطاب حسن أحمد جانا بجاي
Author: Abdulbagi Mohammed
Date: 03-24-2007, 02:35 PM

يا أخوانا و يا اخواتنا خطاب حسن احمد هلا علينا
سلام تربيع و تكعيب وعوووووووووووووووك
حبابك الف و مليون و مليار حسب التوقيت المحلي وسعر العملات
في المناطق المختلفة
حبابك يا خطاب و عقبال ما يجينا يحي فضل الله

Post: #2
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: بكرى ابوبكر
Date: 03-24-2007, 02:56 PM
Parent: #1


Post: #3
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: ahmed khidir
Date: 03-24-2007, 03:14 PM
Parent: #2

الف مرحب بيك حبيبنا
خطاب حسن احمد منور الحته , وجودك هنا اضافة حقيقيه وانشاء الله يطيب ليك المكان

احمــد خضــر

Post: #4
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Mahmed Madni
Date: 03-24-2007, 03:17 PM
Parent: #1

أن تأتي متأخراً خير من أن لا تأتي البتة.
هنيئاً لنا بمقدم الكائن الـ(جو/بر/مائي)
الـ(شعر/مسر/حياتي)
كتاب حسن أحمد


بشروك بالخير يا بقة

مدني

Post: #5
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Abdulbagi Mohammed
Date: 03-24-2007, 03:33 PM
Parent: #4

يا محمد مدني ، ويييييييييييييييييييييينك يا أخي زمن طويل
عليك الله تلفونك هسع ده هنا او في الماسنجر

Post: #6
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Raja
Date: 03-24-2007, 03:44 PM
Parent: #1

مرحبتين حباب القدير خطاب..

المنبر حيشهد روعة وجمال..

وفي إنتظار بقية الرائعين..


شكرا عبدالباقي..

Post: #7
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Abdulbagi Mohammed
Date: 03-24-2007, 04:08 PM
Parent: #6

Quote: مرحبتين حباب القدير خطاب..

المنبر حيشهد روعة وجمال..

وفي إنتظار بقية الرائعين..


شكرا عبدالباقي..

نتمني ذلك يا رجاء
وبيك و وجودك
ليش إنت ما في في الإسكايب؟؟؟

Post: #8
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Yassir Tayfour
Date: 03-24-2007, 04:17 PM
Parent: #6


أستاذنا خطاب حسن أحمد ذاته!
مليون مرحباً..


شكراً يا كماندر..

Post: #10
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Abdulbagi Mohammed
Date: 03-24-2007, 04:27 PM
Parent: #8

شكراً يا كماندر..
شكراً يا كومرد
مهمتنا القعدة أحياناً تكون ثقافية
وبي شاي عصرية

Post: #9
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: سلمى الشيخ سلامة
Date: 03-24-2007, 04:24 PM
Parent: #1

خطاب حسن احمد غرد يا ساجع وغرد كما يحلو لك اكتب فما نزال عطشى لكتاباتك ولروحك السمحة التى طالما دثرتنا بها

Post: #11
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Salah Abdulla
Date: 03-24-2007, 04:35 PM
Parent: #9

يا سلام يا سلام ..
خطاب حسن أحمد ..

إقسم بالله العظيم إنتو محظوظين يا ناس سودانيز أونلاين ..

مرحبتين ، حبابك ..

أها جرينا كراسينا وإتوهطنا

Post: #12
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: shahto
Date: 03-24-2007, 04:42 PM
Parent: #11

هوي ياخطاب انا شايفك
تعتال هنا و ماتكلم زول الحولية عندنا برانا
شحتو

Post: #13
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: سلمى الشيخ سلامة
Date: 03-24-2007, 04:47 PM
Parent: #1

صلاح الجميل حباب خطاب ركازة الزمن السمح فى الكتابة وفى الغنا فى المسرح كان التحدى وفى الغنا البت الحديقة وصاحبة فى الزمن الصعب امتلئ بهذا الجمال حد التدفق لك الحب نيابة عن خطاب حتى يحل عقدة من كومبيتر يعانى بعض اشكالاتها او كما قال

Post: #14
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Mutwakil Mahmoud
Date: 03-24-2007, 04:57 PM
Parent: #1

أبو سالي
خطاب
العابث بالقلم والزمن
ود حلتي.... ويقيني تعرف ما أعني بهذه
ولكن
ليس لدي ما أقوله سوي أن أردد كلماتك هذه في حقه
هو ذاك خطاب حسن احمد ، يصطادك كما العنكبوت الذى لا تستطيع عنه فكاكا وان استطعت فهو ملتصق بجوانياتك ، يتحداك وكثيرا ان تتجاوزه ايا كانت وسائط التحدى سواء فى الشعر ، المسرح ، الاذاعة ، لتمثيل المسرحى او التلفزيونى فهو شخص سمته التحدى
يغلب عليه وكثيرا الشعر ، ذاكم المفتون بالنيل ، حتى انه هدى النيل اول ديوان له ( شكرا يا نيل )

خطاب حسن احمد سأظل احتفظ لك دائما بغرفة فى قلبى معلنة صداقة لن تنتهى نضرة ستكون كما بدأت واعدة كما ستظل ، حميمة كما ستظل رائعة كما روعتك
أوعدك وعدا علي لن يفكه صوم كما كانت تحلف حبوبتك وحبوبتي أم وهيبه
سوف أوقف وبكل صرامة ولين هذا العابث بالقلم والزمن
فمن غيره قادر علي أن
يمنح هذا الشعب
معني أن يعيش.... وينتصر
أشواقي حين تسعي إليك تشتاق
أخوك د.متوكل

Post: #15
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: عصام عبد الحفيظ
Date: 03-24-2007, 05:48 PM
Parent: #14

بقة



صحى جا الزول الجميل داك
بتاع البت الحديقة !!!!

Post: #16
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: نادر السوداني
Date: 03-24-2007, 06:10 PM
Parent: #15

شكراً عبدللباقي لهذة الخبر الجميل أللذي اسلجة صدورنا ومرحب بخطاب الفنان الجميل

Post: #17
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-24-2007, 06:21 PM
Parent: #1

...
...
سلام جاكم واتعداكم
كل الحلال الجاي والغادى..
...
داير لي شوية جمه..من طول الرحله..كما هاشم صديق.. والمشوار
سلا مات ليكم فرداً..فردا

..وجاييكم راجع فى لحظات ..

Post: #18
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: بكرى ابوبكر
Date: 03-24-2007, 06:30 PM
Parent: #17

مرحبا بشاعر البت الحديقة وشكرا يا بقة جالب الرائعين وعقبال نشوف نورى كمان

Post: #19
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-24-2007, 06:36 PM
Parent: #17

...
...
..يابُقه الكواريييك دى ما عارفه ..
..لاكين حسيتا زغاريد خير ..زى اللا ت ودالعوض حاتم مصطفى..
عقبال الكواريك فى الزمن الملامحه رايقه..
..طال العكار ياصديقى الجنرال الفنان ..

Post: #20
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-24-2007, 06:55 PM
Parent: #19

..
..صديقى الفرجينى الفاخر
..شكرا لإ حتفاظك لى بمقعدى القديم..طوال كل هذه السنوات
..تذكر وانت على وشك مغادرة هذه الأمدرمان الأ مريكيه..ماذا قلت لك :
..لم يعُد والتكنولوجيا..للمسافات وجود..اريزونا فرجينيا..
كله بُعاد..وسأكون معك هُناك متى ..ما توفرت الأسباب
...وأظنها
..أسباب العسل..
شكرا أخى بكرى على حرارة الترحيب .
...سعيد أن كل البنات صرن حدائق..
الا رحم الله الفنان ..وأطال عمر حاملى هم الوطن..
..صلدا ..إبداعا ..وعطاء..

Post: #23
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-24-2007, 07:06 PM
Parent: #20

...
...حماده يا خضر
..إنت هنا ولا هناك !!ا
بكره يوم الوقفه ليوم المسرح ..
تعال ( نوضب الشغل عشان نشوف الشباب كمان ولا شنو !
نتلاقى بالدرب ..
شكرا على الترحيب أشوفك

Post: #25
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Azhari Nurelhuda
Date: 03-24-2007, 07:18 PM
Parent: #23

خطاب الجميل

مرحبتين حبابك.....هوي....
و اليوم السعيد الليلة جابك
يا....خطاآآآآآآآآآببببببببببب

Post: #22
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Inaam Saad
Date: 03-24-2007, 07:06 PM
Parent: #19

شكرا يابقة
ويا خطاب حبابك ألوف


Post: #21
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: النصرى أمين
Date: 03-24-2007, 07:02 PM
Parent: #1

الف مرحب بالاستاذ خطاب حسن احمد

Post: #24
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: عزالدين محمد عثمان
Date: 03-24-2007, 07:12 PM
Parent: #1

Quote: مرحبتين حباب القدير خطاب..

المنبر حيشهد روعة وجمال..

وفي إنتظار بقية الرائعين..


شكرا عبدالباقي..


سلام يا رجاء

عزالدين

Post: #26
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: عبده عبدا لحميد جاد الله
Date: 03-24-2007, 07:31 PM
Parent: #24

ملايين مراحب بالمبدع الاستاذ خطاب
اضافية حقيقة للمنبر وننتظر منه الكثير

Post: #28
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Muna Khugali
Date: 03-24-2007, 07:34 PM
Parent: #26

مرحب كبيره وفرحانه ياخطاب..

Post: #27
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: عبدالكريم الامين احمد
Date: 03-24-2007, 07:33 PM
Parent: #24

مرحب والف مرحب بالزول الجميل المبدع خطاب حسن احمد...
..والان جلوسا علي باحة الاسفير في انتظار الناس الملانة من النيل دعاش
ولابسين من رائحة البلد زفاف..

Post: #29
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Hadia Mohamed
Date: 03-24-2007, 07:56 PM
Parent: #1


جلبت ليك
من بلاد الله البعيدة
صًٌٌَُـٍنوف من الوجد الملح
درت القاك بالسمح
كنت اصتاد فى الظهيرة
من مناقير الكنار
بوصلات سكك الاغانى
ومن قرى الليل القصية
انتشل عطر الامانى
ولو الاقى الليل ادسه
لما يغرس فينى حسه
لى ملاقاتك هديه
واتفقد الرعشة
المعبية فى ايديا
كنت اسعى بالشمس
فى دياجر الليل أصحى
يستف اليل نجمه حالآ
يقلع اوتادة ويجر حبالآ ربطنو
ينزوى الليل ينمحى
وتنتعش مدن النعاس
تملا من الصحو كاس
تجترح دفق الحماس
يحيا شارع منتحى






Post: #30
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-24-2007, 07:57 PM
Parent: #1

..
..
ياالمدنى تعرف اول يوم أصل المدينه الماطره بعد الظهر تماما..
الحصل شنو.!!
..مساءا وأهل البيت الإعلامى الجميل يعرفوننى عليها ضالتى ، كان أن إصطادنا
..آخر الطيور..
أى والله لا أدرى كيف علم ..
ومنذهالم نفترق ألا للعمل ..
المدهش أننى كنت أحتقب تؤام الحقيبه التى كنت تحتقب .!
لا حظت الحفاوة أينما ذهبت ..سألته لماذا كل هذا.!ألأننى معك.!
فضحك آخر الطيور مشيرا الى الحقيبه..اللتان كان أهدتهما..فى ذلك التكريم ..عقد الجلاد..
هنا فقط إدركت يا صديقى أدركت ..إلى جانب أننانحب بعضنا ..طوال ونحاف ..
أنها ذات الحقيبه التى كنت تحتقب وأنها ليحيى
وأنه سمحنى إياها..حين شهوده تعلقى ..
فكانوا بتقرنجه رهيفه..يهمسون..ششووفف بالله ..
محمود مشى ..ومحمود جا,,
..فأدركت مدى الورطه..
أشوفك .

Post: #31
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Hussein Mallasi
Date: 03-24-2007, 08:04 PM
Parent: #30

يا سلام .. يا سلام ..

Post: #32
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-24-2007, 08:11 PM
Parent: #1

..
..
...يا رجاء
..شكرا على الكلام البرطب الحر والسخانه
كنت قارئا عاديا ولا أزال..لكننى منذ القاهره وجريدة الخرطوم
..وحتى الآن ..أرى فيك صحافيتى المفضله..
..ودائما بينى وبينى أقول..أنك أقرب إلى المسرح .!
أو ..مسرحيه ضلت طريقها الى الصحافه
..سلميلى عل الأخوات .
أشوفك .

Post: #36
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: مصطفي سري
Date: 03-24-2007, 08:49 PM
Parent: #32

الزول ما برحبيهو في بيتو وانت في بيتك ونحن الضيوف
اهلا وسهلا يا استاذ خطاب ، التقينا في زمان مضي ، وطبعا
الصورة دي بعد التصحر القسري الذي كسحنا ، واذا لم تسعفك
الذاكرة مرة تحدثت معي وانا كنت في نيروبي وكان بقة بينكم في
البلد النجيضة دي اللتو فيها الان ، ليس هذا مهما ، اقعد عافية
وجيب لينا صلاح الزين ويحي فضل الله وكل المبدعين لتكملوا لنا العرس
ولك التقدير

Post: #33
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Mahmoud Mustafa Mahmoud
Date: 03-24-2007, 08:15 PM
Parent: #1

حباب خطاب السمح
سيد الحس السمح
ود الزمن السمح
أرجو أن لا تجهد ذاكرتك الجميلة في محاولة لتتذكرني..
لكن ممكن أساعدك...
غايتو آخر مرة إتلاقينا فيها أظنها في بيتنا في أمبدة شارع مدني
وكان معاك إبن خالتنا الفنان المخرج الإذاعي حالياً...
حسب الرسول كمال الدين الطيب...
وبعدها لم نلتقيك إلا من خلال ونسات الناس السمحين...
خطاب بتعرف ميرغني؟؟
ميرغني يااااخ
ياخ ميرغني القاعد يقول ليك فجاخ حسن أحمد
لووووووووووول
أقول ليك حاجة؟؟ أحسن ما تتظكرني زاتو

لك الود...حتى وإن لم تتذكر

Post: #35
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Osman Musa
Date: 03-24-2007, 08:47 PM
Parent: #33

يا سلام جاء خطاب حسن أحمد
الان سودانيز اونلاين صارت حدايق
الشاشة يتخللها اللون الاخضر
وخطاب يقف على منصة الواجهة
يحمل اليكم يا سادتى اجمل الرياحين
الف مرحب يا خطاب يا من لم تكف عن العطاء حتى فى زمانانات
الحبس والخوف
الف مرحب والف سلام
عثمان عبدالرحيم موس

Post: #34
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-24-2007, 08:46 PM
Parent: #1

..
..ياسر طيفور..كيفنك يا ود الخال
..الإسم نادر طبعا..طيفور
والجنا خال ..
عشان كده بعتبرك أخو وقريب كمان
كيفنك ! كيف الأحوال
...
كيف الحال وعامل كيف .!
جناحين فرحه تحملنى
وترطب لى حر الصيف.
..
أشوفك

Post: #37
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Salah Yousif
Date: 03-24-2007, 09:04 PM
Parent: #1

ألف مرحب بالشاعر المسرحي خطاب حسن أحمد

كلما أطل شخص من قبيلة الشعراء والمسرحيين والمبدعين يزدان هذا الموقع بهاءا
لأننا بحاجة الى تنوع العطاءات الإبداعية والفنية والدفع نحو المرافيء الوادعة
خاصة وأن أمثال خطاب تفرقوا في بقاع الدنيا الواسعة ولم يعد يلمنا بهم سوى
هذه المواقع التي نأمل أن يحرصوا على الظهور عبرها حفافظا على الترابط والاستمرارية0

ولعلها سانحة أن يطل خطاب مع قرب يوم المسرح العالمي حيث نتوقع منه وقفة
تأمل واجترار للذكريات في هذا اليوم الذي نادرا ما يمر دون احتفاء يليق به0

صلاح يوسف

Post: #38
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-24-2007, 09:07 PM
Parent: #1

...
...
بت الذين أحبهم ..كنتى مافيشه ..بره البلد طبعا فجاءنى الذى يمكنه المجيئ فى أى وقت
ليغادرنى ..خارج الوطن ..بمعنى يذهب بى أقلها ناحية المطار ..وهذا اصعب المهام التى
يتدرعها..على الإطلاق..أودعت حقيبتى وركنت صامتا إلى جواره..
..:..إنت عارف شنو.!!
..:..شنو.!؟ أجبت ..
..:..حنمشى أم بده..
..:..خير .!!
..:..لازم تلاقى عزه قبل ما تسافر..تكون دايره تقول لى امها حاجه..
وذهبنا..
طرق الباب ذات الطرقه التى يعرفها ناس البيت ..
نسميه هناك فى الثوره ..سيد اللبن
..ففتحوا الباب ..سلمنا على الجميع
:..تساءلوا
:..لا لا ما فى حاجه..
:..عزه عندك حاجه لى ماما ..
:..لأنو عمو خطاب مسافر
عفوا صديقتى لم أحكى لك هذه ..
من قبل
..
أشوفك

Post: #39
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: محمد احمد سنهورى
Date: 03-24-2007, 09:22 PM
Parent: #1

مرحب الخطاب ود حسن احمد

Post: #40
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: صديق الموج
Date: 03-24-2007, 09:32 PM
Parent: #1

خطاب السمح كيف حالك جيتنا لاعند بيتنا وها نحن نخطب ودك صديقنا العزيز
ياخى منبرنا نور كله زينة الجابك يعقب على مهلب على مالك ويهديه،،،

Post: #41
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-24-2007, 09:52 PM
Parent: #1

...
..
..يا صلاح كيفنك ياخى
عماد وين مره مره..بلقاهو بتكيف من دخلاته جدا ..
تحياتى لك .. والحيجروا ..الكراسى انأ..وبنابر وهلا هلا ..على العرض
..والمرجو إصطحاب الأطفال..
فى زمن حتى لو إسفيرى ..ملا محو شويه رايقه
..شكرا على الترحيب
أشوفك .

Post: #43
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: الطيب بشير
Date: 03-24-2007, 10:07 PM
Parent: #41

.

أستاذنا خطاب حسن أحمد
مرحبتين و الله
زمن ما سمعنا صوتك يا راجل
بركة الجيت

الطيب البوليص

.

Post: #44
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: عبد المنعم ابراهيم الحاج
Date: 03-24-2007, 10:13 PM
Parent: #41

أرورووووووووووووووووووووك



فجينا ليك في الروح

والقهوة احساسنا

يامراحب ياخطاب

حارسين ..

نشوف عيديتك

للاولاد والعيال

وعايزين

نطلع خشبة

اسفيرية..

مسرح علي الهواء

الطلق ..

مرحب بيك

سمية - منعم

Post: #42
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-24-2007, 10:04 PM
Parent: #1

...
...
بقه وسلمى كدي زحو لى من شحتو ده..
أنا الشايفك وفى الضلمه بكحلك ..والله مش تكون جاورت النيل
..
قال ليهم شنو!!
لمن شاف كتب القانون والفن والذى منه..
..عشوائى وكمان مثقف
انا الحوليه جاي ...
..طبعا انا الضحكت ..ما حاكلم أى زول.!!
كده كويس..
..
متابع وأشوفك

Post: #45
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: محمد المختار الزيادى
Date: 03-24-2007, 10:17 PM
Parent: #1

بوكيه ورد لك مني وصدقني اول شعور ح ينتابك انو البيت بيتكم,تحياتي محمد المختار الزيادي

Post: #46
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: سمندلاوى
Date: 03-24-2007, 10:20 PM
Parent: #1

Quote: سلام تربيع و تكعيب وعوووووووووووووووك
حبابك الف و مليون و مليار حسب التوقيت المحلي وسعر العملات
في المناطق المختلفة
حبابك يا خطاب و عقبال ما يجينا يحي فضل الله


شكرااااااااان (بالسودانى)

وييين يابقة ,, انت ذاااتك جيت بتين بيجاى
والله متعة , حبابك الف انت ذاتك

Post: #47
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-24-2007, 10:24 PM
Parent: #1

...
...
الدكتور كيفنك يازول..سألتنى عنك الأيام الذى دى.!؟
:..
:..إنت وين صاحبك داك .!؟
:..
:..قمت قلت ليها مشغول ..وسكت
...الغريبه.!
ما سألت تانى ..قمت قلت ليها إنت مالك و مالو ..
:..ده ود حلتى .. وكان أن إتكيفت من الاجابه..وفالت الغريبه.! هو ذاته بيقول كده....
عباسيه مورده ودافورى كمان..
..
أشوفك

Post: #48
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: ناذر محمد الخليفة
Date: 03-24-2007, 10:42 PM
Parent: #1

حبابك يا خطاب و عقبال ما يجينا يحي فضل الله

Post: #49
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: saif addawla
Date: 03-24-2007, 11:07 PM
Parent: #48

محبا بالاديب الشاعر المسرحي صديقي خطاب ، اخر مرة التقينا قبل ربع قرن ولكن المخزون من الزكريات تكفي لنصف قرن اخر ( اذا فضل فيعا نصف اخر ) مع خالص تحياتي

سيف الدوله حمدنالله

Post: #51
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: عثمان سيد أحمد
Date: 03-24-2007, 11:20 PM
Parent: #48

من عجائب الدهر

في حوار صحفي قال المذيع عمر الجزلي بانه لم يسمع عن خطاب حسن أحمد

أو يعرفه 000!!! وخطاب يعمل معه في إداره واحده 000 سبحان الله 000

خطاب حسن أحمد صاحب أغنية البنت الحديقة
خطاب حسن أحمد المخرج الأذاعي المسرحي المتمكن
خطاب حسن أحمد الممثل المبدع 00
خطاب حسن أحمد ذلك الفنان المرهف الشفيف


مرحبا بك أيها الفنان الجميل خطاب حسن أحمد

وشكرا للباشمهندس بكري
وشكرا الأخ عبد الباقي

وحقا أنك إضافة حقيقية للمنبر 00
ونتمنى و نسعد كثيرا بتواجد يحي فضل الله بيننا 00



مع مودتي 000

Post: #50
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-24-2007, 11:11 PM
Parent: #1

...عبد الحفيظ..
...عصام طبعا..لذا وجب التنويه..
.....وكتين إضيع عرق الجباه الشُم ..شمار فى مرقه آآه
......أأأه
..يا نوره أأأه
...
...ما زلت أيها الصديق وتسفارى الطويل تصاويرك ..
..فتحت مطمورتهالواحده..من العش لتطير..ليغلف بها هاشم ود راوى ..
ديوان شكرا يا نيل..ناسياأن يذكر اسمك ..
...
ياهو ذاتو.!!
...صاحبك القديم..وبشتهى السمك ..على حواف الأنهار..
أسمعك
..
صور لى بوابة عبد القيوم .!
..
بدون دبايب..
..
أشوفك

Post: #52
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: محمد سنى دفع الله
Date: 03-24-2007, 11:29 PM
Parent: #50

توووووشييي
يأبها الصديق
الذي ضاع مني
في متاهة أحلامي
الود البستان
حته واحدة يابقة
توشي
تتذكر لمن ناديناها
في جوانا
واستغربنا سمعتنا كيف
تذكر الحواري والدروب المغبرة
والمشاوير العرقانه
والبرامج الضاحكة زمن الشجن
والإرتجال لأول مرة في الإذاعة السودانية
وبرنامج ناس
وين ناسك الحنان ياضحكة فرحنا
وين ناسك الغلابا البسطاء
وأبناء السبيل
جيت ونحن متفنين قدامك
منتظرين تحجينا
وتغني لينا أجمل أغاني
من بستان هواك

Post: #53
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: بدر الدين الأمير
Date: 03-24-2007, 11:32 PM
Parent: #50

خطاب ياحسن واحمد
هل جلبنا ليك من بلاد الله
أم بلاد الله هى الجلبتنا اليك
ووينك من الكنار هل تعلم انه
جدد مناقيره وعندو بوصلات غير
البوصلات وبناته هجرا الحديقة

Post: #54
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-24-2007, 11:45 PM
Parent: #1

..
..يا جماعة الله أنا والله ..عديل كده لو ما قلت لحدى هسه ..الرووب
..ما تستغربو لو قلته ..
..قال درويش اللهم أعفنى من هذا الحب القاسى
وأقول أنا بالدارجى..
اللهم أعنى عليه..
كل هذه الحفاوه التى تطوقوننى بها...
..
نادر السودانى ..كيفك يازول ..
..ما تساعد البت بشوية مزازيك ..
عشان تمرق .. من الأبرول..شوية جقلره ..ولاشنو..
...عارفك ..وانت الاتنين ..إذا الحزن النبيل ولا الحديقه
..
أسمعك
..

Post: #55
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: ابو تميم
Date: 03-25-2007, 00:01 AM
Parent: #1

تطرق قلبي ايقاعات

حسبتك بتدوزن دفوف شدوك ... تطربني

اتاريك بتحفر جدار سجنك

عشان يرهف تطير مني



شخص بهذا الحس المرهــــــ ف ـــق لا ينسى

شخص بهه القامة يغرس فينا حروفه غرسا


لك المدى أرحب مما بدا


دمت كما أنت


جميييييييييييييييييييل

Post: #56
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-25-2007, 00:08 AM
Parent: #1

..
..بداية الروووب
..
والعاقبه عندكم فى المسرات.. طبعا..ها
..
أب دقن دا لامن صاحبتو زمان بقيت أناديهو ..بى أبو الزهور
بعدين لمن ضفرتناالظروف ..وبقت تجهجه فينا..بقيت تحت تحت ..أقول ليهو أبو النسايم
..فأنا يالحبيب معاك بهناك وبى جاى..الإشاره عليك..ياحليل أبوسريع وسايق البوباى..
..
الدكتوره الحريفه..إنعام سعد..أنتى الوداك من الأول تقرى الحاجات وحاجات ..زى ما قال
صديقنا السنى شنو.! مش كان (..أسحن ليك ..تتخصصى أى حاجه من الحاجات البتظبطيها أسحن مننا!!
..شكرا على اللون ودى كانت القصيده الأولى وشهدنا ميلادها..حيث أهدانيها..مباشرة ًبعد الميلاد..
..
ياريت يا إنعام لو عندك ..جلبت ليك
..

Post: #57
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-25-2007, 00:41 AM
Parent: #1

..
...الود لكم
..النصرى أمين..
..تعرف مرات الأسامى فيها علاقات مريحه
..زى إسمك ده..
شكرا ليك واتمنى اكون قدر الترحيب..
..
..ياعزالدين محمدعثمان
..شكرا لترحيبك بى معكم هنا..لك خالص الود
..
عبده عبدالحميد جادالله
..فليجد علينا الرب ..بسانحات التواصل
لك خالص الشكر..
..
أشوفكم..

Post: #58
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Haydar Badawi Sadig
Date: 03-25-2007, 03:47 AM
Parent: #57

عزيزي الفنان خطاب،
تحيتي وغامر محبتي،

أقول مع عبد الشيخ الغنى النابلسي:

يا مرحبايا مرحبا يا مرحبا *** هذا الحبيب أتى وكان مغيبا
وسرى نسيم الروح في أحشائنا*** فأمالنا طرباً كإغصان الربا
وبه انجمعنا يوم جمعة وصله *** فتفرقت أحزاننا أيدي سبا


تأتينا معك إلى هذا المكان، حيث انتفاخ الذوات، مع قيم كثيرة،
قيمة التواضع. كثيراً ماتذكرني، يا عزيزي، بقول الأستاذ محمود
عن التواضع، حيث قال أنه هو أصل الخلق الرفيع الذي يقود إليه
العلم الصحيح.

يا مرحبايا مرحبا يا مرحبا *** هذا الحبيب أتى وكان مغيبا

Post: #59
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Aymen Tabir
Date: 03-25-2007, 04:39 AM
Parent: #58

سلامات يازول يا جميل زي عرفتك
خطاب
سلام واشواق توصلك
وفرح ماطر بي وجودك هنا ، وكمان هنافي اقصى اليسار من قفص الصدر
ايمن السر

Post: #60
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Elmosley
Date: 03-25-2007, 05:19 AM
Parent: #1

الف الف مرحب
ابو الصحب

Post: #61
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: sumah
Date: 03-25-2007, 05:49 AM
Parent: #1

*****
****
***
**
*

هذا ما أتيتك به من السودان ..
هدية الاطلاله..





ختاب ..
لع..
لسه ماتاب ..

http://www.yazoal.com/ZAZ_files/slide0001.htm






*
**
***
****
*****

Post: #62
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-25-2007, 06:06 AM
Parent: #1

..
...منى خوجلى
..تفرح بيك الأمانى الطيبات ..يابت عم عوض
..نتلاقى أكيد فى ود قادم..
...
...عبده..يا ود جدنا أحمد..
..النيل طشاش ..ما فضل منه غير الموجات البتشغل للقلب
لكن بنعوضه ..بى قدر الأنهار الجاريه حِدانا..ولا شنو.!!
...
هاديه بت عمنا بدر الدين ..
..هباشه من يومك ..وبتعرفى (..تنكتى سحارات الشعر المتضارى..)
دى يا أم داليه..قصيده بالحيل ، عزيزه على تسلمى..
...
الأستاذ ملاس ..
..يا المنى مستنى الملا م..
يا سلا م..يا سلا م..
...شكرا على الترحيب لكم صادق الود
...
أشوفكم..

Post: #63
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Anwar Elhaj
Date: 03-25-2007, 06:37 AM
Parent: #1

خطاب

وقت ما بنلاقيك فى زقاق الله و الرسول أخير نلاقيك فى زقاق بكرى ده .

مطحونين با خطاب

بقه
وينك . من ديك و هربت . تعال صادى و أؤكد ليك كتفك ما بتجيه عوجه

شكرآ يابكرى و سمعنا صوتك

أنور

Post: #65
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: abdulhalim altilib
Date: 03-25-2007, 07:14 AM
Parent: #63

أستاذنا خطاب حسن أحم

عشرات حبابك وسلامات
وجيدن جيت في حوش بكري الوطن .

نسعد بك ونفرح لأنك حديقة متنوعة
وتفوح منها الروائح الزكية العطرة
نورت هذا الوطن بطلتك ، واسمح لنا
أن نجرجر البنابر لعند رجليك حتى
لا تفوتنا شاردة أو واردة منك يا نبيل
الحرف وعظيم الكلم .
وعقبال لمن نفرح كمان بصنو روحك ودفضل الله .

شكراً أخونا عبدالباقي . وفعلاً بيتنا نــّور .

مودتي ،




( ليمو )

Post: #64
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-25-2007, 06:54 AM
Parent: #1

..
...البيت يا مصطفى يا خوى عمران بسيادو..
..بالنسبه للتعريه هاتفنى صديق عريق ..
..أها شنبك الكبير داك لسه.!؟
فخلصت الى ما يرمى إذ كانت له..منذ الثانويه، بوادر جلحات ..ونحن (ناس شيب كونرى وكده..)
..فرددت عليه :..
..:..كبير ..قصير ، صار يا صديقى أبيض
..:..مُحلى بالأسود..
...
محمود مصطفى..كيفنك ..والبركه فى السودان وفيكم
..فى الرائع..بادى ..إذ أن صداقتى لأ خيك ..حسبو..
عرفتنى به أكثر ..سلم لى على الزول الفى الصوره..
قول ليهو عمو خطاب بسلم عليك ..
...
..أيا زيداب ..يا عثمان عبدالرحيم بن موسى ..سلام
..يا اروع من جاورت نواحى هذى البلا د..
..الأ خضر يا صديق إنتباهة البشرى ..زغرودة الألوان..
..
لكم سادتى
خالص الود

Post: #66
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: مجاهد عبدالله
Date: 03-25-2007, 07:20 AM
Parent: #1

الـــف مرحب أستاذ خطاب ومنور البورد..

خالص الترحيب ...

Post: #67
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: سفيان بشير نابرى
Date: 03-25-2007, 07:34 AM
Parent: #1


يا سلام
مرحب حباب خطاب
مرحب يا حبيب فرحان بيك
واسباب عسلنا وعسل كل الناس
مرحب ود الحياة

Post: #68
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: سليمان عبد الغني
Date: 03-25-2007, 07:41 AM
Parent: #1


الديار سالتني عنك
لما حست بي فراقك
وقالت انها
ما بتنورفي بعادك
وانها بتفضل تعاين في الدروب
مشتاقة لى لحظة ايابك
الديار سالتني عنك
يا ديار ما تذكريني الشفتو فيكي
يا ديار نسيني كل لحظة خلود حسيتها فيكي
ياديار انا كنت كل لحظة جزن بقضيهل فيكي
ما كنت بشعر بالحزن وكتين اجيكي
الليلة ببكي وبشكي فيكي
الديار سالتني عنك
وينو يا عزة الكان بعشق مجيكي؟
وينو الفرح الكان بينور في وشيكي
وينو الكان بيمسك يديكي؟
ويحكي ليكي عن المحبة وريدو ليكي
ـــــــــــــــــــــــــــــــــــــــــــــ
الديار شكلها دوبها نورت بمجيك .. وبطلت تعاين في الدروب وبلت شوقها .. وعازة لقت الفرح البنور وشيها.. ولقت البحكي ليها عن ريدو ليها .. ونحن يا أستاذنا دي قعدتنا عشان نحكي ليك عن محبتنا وريدنا اللي عايز ألف ليلة وليلة عشان نحكيها ..

مودتي

Post: #69
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-25-2007, 07:49 AM
Parent: #1

..
..شفت كيف حبك بيعمل ...تتتيرا ييرا يا
..صدقوا يا جماعة الرحمن..ويبتدر ..سالم حامدوك مخاطبة المجتمعين..
..بأداء وصوت ممثلنا مكى سناده.. من مسرحيه..للكاتب ..عبدالله على ابراهيم..
..
..صلاح يوسف
..طولنا..أناعايتو لسه متذكر..تلك الندوه التى تديرها وتقدمها،على مسرح
قصر الشباب والأطفال..لم أكن أنا ضمن البرنامج ..القدال حين تقديمك له قام
من المقعدالمجاور..هامساً..خطاب إنت حتغنى..
..وكان أن قدمنى دون إخطارك..فصعدت وغنيت ..فكنت فنانا وديمقراطيا..
..فسعدت بسعادة الحضور..وخرمجة أهل الفرحه..كما يقول صديقى محمد طه القدال..
...
..السنهورى..شكرا لترحيبك
..تعرف الممثل ..دنزيل واشنقتون..
..مثال جدا .. وراجل ممتاز ومن الممثلين العندهم قبول..
...
..ياصديق ..ياموج ..ياخى اسمك ده انامن زمان عاجبنى
..بعدين كلماأتبنك فى حته..ألقاك وجيه وتمام التمام..
.آخرتهاإستنفارك لى بت الشيخ ..وكتابتها عن الكاشف..
..
شكرالكم على أريحية الترحيب
...

Post: #70
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Imad Khalifa
Date: 03-25-2007, 08:04 AM
Parent: #69

مرحبا بالاستاذ خطاب حسن أحمد

عماد خليفة

Post: #71
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: nazar hussien
Date: 03-25-2007, 08:06 AM
Parent: #69

انتو الظاهر عليكم ناوين تدونا جنسيات جداد لنج...!

(خطاب حسن احمد)...

والله دي مش اورورووووووووووووووووووووووووووووووووووك

دي معاها...صفوف...وحجازين...ويا زول ما تخرب الصف دا

كل زول بنديه حقوا من الوطن...


تصور يا خطاب...شميت ريحة الطرفة....والنيم..

وعرق...البنائين...

وبسمع بصوت واضح بيقول (هنا ام درمان) يا ربي اكون بقيت ازرق طيبة...زي ما كان في زرقاء يمامة ناس تانين..

الف مرحب بيك ما بتكفي

Post: #72
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Abdulbagi Mohammed
Date: 03-25-2007, 08:25 AM
Parent: #71

Quote: وييين يابقة ,, انت ذاااتك جيت بتين بيجاى
والله متعة , حبابك الف انت ذاتك

يا بكري كيفك إنت والعيالو البلد أم تلج
أنا ما طولت لكن مداقش

Post: #73
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خالد العبيد
Date: 03-25-2007, 08:29 AM
Parent: #1

خبر رائع وجميل
مرحب بخطاب

يا خطاب انا مكتول في مقالات ليك
نزلت في جريدة الخرطوم عن مذبحة العيلفون
ارجو ان تتحفنا بها هنا
ودي

Post: #74
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Abdulbagi Mohammed
Date: 03-25-2007, 09:20 AM
Parent: #73

Quote: مرحبا بشاعر البت الحديقة وشكرا يا بقة جالب الرائعين وعقبال نشوف نورى كمان

يا هندسة نوري حا يجي برضو زي البنت الحديقة

Post: #75
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Hawari Nimir
Date: 03-25-2007, 09:36 AM
Parent: #1

خطاب...الشاعر و المسرحي...
حبابك عشرة ...و الدار دارك..ابقي لي جوه
و بسم الله ابتديت... و بي رجلك اليمين...
سلامات حبابك سلامات


تسلم يا عبد الباقي محمد...........
وشكرا كتير..

Post: #76
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: د.معز عجيمي
Date: 03-25-2007, 09:58 AM
Parent: #75

الاخ خطاب حسن أحمد
لك التحية والشوق الشديد
بعد سنين عجاف طويلة
مرحبا بك و اهلا
تحياتي لكل الذين معك هناك
وتحية خاصة لاجل خاصرة الذاكرة من تلك الايام
( الركن _ ال ابو راس )و لكل الاصدقاء القدامي الجميلين
و لذلك الزمن الرائع البديع

Post: #77
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: فتحي الصديق
Date: 03-25-2007, 10:57 AM
Parent: #76

أهلا بخطاب المبدع اضافة متميزة جدا00

Post: #78
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Bannaga ELias
Date: 03-25-2007, 11:27 AM
Parent: #77

يا خطاب يازمان الناس الأغاني.. كيف أنت وأين أنت ؟ أنس وجن في ثيابك؟ كلماتك لم تشفع لطفل شوقي ولم تردع حنيني إليك..لقد أرجعتني طلتك اليوم إلى منتصف السبعينات أيام شلة مركز شباب امدرمان و المبدع الراحل العميري وأنت والفاتح مطيع والأستاذة اسماء محمد الحسن والعبدلله..كنتم تلقبونني برامبو المتشرد وهو لقب اطلقه علي الصديق والمبدع الراحل سامي يوسف غبريال عندما حضرت من رحلة استشفاء في القاهرة وليس معي أي حقيبة فقط جواز سفر وكراسة شعرية لأنني أضطررت لبيع ملايسي في سوق الروبابيكيا عندما نفدت مصاريفي ولازمني ذاك اللقب حتى تخليت عنه بكامل قواي العقلية والجسدية ومتعمدا مع سبق الإصرار والترصد لظهور رامبو السفاح ورامبو الحرامي .. آه ياخطاب كانت أزقة ومنابر امدرمان نهايات أحلامنا وطلت طفلة تفتح النوافد .. تغلق النوافذ..وعازة في هواك الخليل والله ما ضيع الطرب..
وشكرا لك يا أستاذ عبدالباقي.

Post: #79
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: HAMZA SULIMAN
Date: 03-25-2007, 11:49 AM
Parent: #78

ياهو دة الشاعر الحديقة

تحياتى يا حبيب

Post: #80
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: هشام هباني
Date: 03-25-2007, 12:17 PM
Parent: #79

قريبي عبد الباقي


اهلين بالكائن الثقافي خطاب حسن احمد
وهو يعطي المنبر اضاءة بل هالة من قبس ثقافي
مهول!

هباني

Post: #81
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: ABUKHALID
Date: 03-25-2007, 02:13 PM
Parent: #80

خطاب وبقة وبكري
سلام
مرحب بيك خطاب
وأول مرة اعرف انه بقة معانا في المنبر يا بكري
اشكرك جزيل الشكر
يا كبيرنا
وتحياتي لمحمد مدني
وناقصنا القصاص
ربيع السماني

Post: #82
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Ibrahim Idris
Date: 03-25-2007, 03:39 PM
Parent: #81

لمشاعية الود و تدفق الوجد وإسترحام الزمن للتواصل في حضرة الشعر
ألف مليون زهرة
ودشليون محبة.
لخصوصية الأخراج الذي تلمسته خلسة يوم" عم عبدالرحيم" في إحتفالية الرائع مصطفى أهديك
كلمة ود و غضب رجل عجوز : هلكتني طباعة للنص .... !
كيف لا أكون في المشهد وأنت المحتفى به لنا وعلينا،
معقود هذا الصباح
"بالشروق" في ذلك المساء،
هل عرجت لتلك الحظة
عندما حدثتني عن القصيدة الفعل
والأستشراق.
ما أجمل "عبد الحكيم"
وما أغرب الزمن
وكم حبتك أسمره و الرفاق
و الشعر
وتلك اللحظة!
قال الزاجل وأشياء أخرى
فيلسوف ولاد البلد " صلاح جاهين"
: أنا اللى بالأمر المحال اغتوى
شفت القمر نطيت لفوق في الهوا
وليه ...ما دام بالنشوة قلبى ارتوى

عجبي!!

طال انتظاري للربيع يرجع
والجو يدفا و الزهور تطلع
عاد الربيع عارم عرمرم شباب
إيه اللى خلاني ابتديت افزع؟

عجبي!!

حقاً لقد عاد الربيع بك و بكم
" الهطاب"
لو سمح العم سام
حتماً لتناص
مرتع!

إبراهيم إدريس

Post: #83
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-25-2007, 05:35 PM
Parent: #1

..
...تحايابالوان كل الأوقات ..بكل اللغات
..
نسيت فى ردى ليك أمس يا موج ..بمناسبة مهلب على مالك
وذاك ظرافه وطرافه تسعى على قدمين..
واقف كنت فى الشباك الخلفى لكافتيريا الأذاعه..
..:..اسمع أعمل لى واحد فول..أقوم أسمع ليك واحد وراى
:..خليهم إتنين بالله .!!
دون ألتفت .. وعامل البوفيه محتار
:..خلاص خليهم إتنين ..ده بكون مهلب على مالك
لألتفت إليه بالأحضان ..
له الود فى كل زمان ومكان..
...

Post: #84
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-25-2007, 07:25 PM
Parent: #1

..
..الطيب بشير
ياخى سلا مات ..المذيع البوليص ..طالب الدراسات العليا
يا كم زول فى زول .. لكن بالنسبه لينا ياك الليلنا زول الحيشان
وحريف الشاشه..لكم الود..
..
عبد النعم ابراهيم
شكرا يا صاحب على حلو القول
هدايانا الحلوات لسميه والأولد
..القهوه تب جايين
..ونشد يا زول ديك يا الخشبه
..
محمد مختار ..شكرا يا زول على الترحيب
.. وعلى قول أخوى ..حميد
..: أنا كل بيوت الفقرا بيوتى
..
لكم خالص الود

Post: #85
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: الفاتح يوسف جبرا
Date: 03-25-2007, 07:42 PM
Parent: #1

مرحـباً بالإبداع بيننا
مرحبأ بخطاب حسن أحمد

Post: #86
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-25-2007, 08:06 PM
Parent: #1

..
..سمندل يا سلام ..مزيكه تمام ..تعرف يا بكرى لحدى هسى
..وليه بكره لمن أخرم .. أروح مشغل السمندل وهاك يا سرحان
فيعيد دوزنتى ..كما يقول صديقنامحمد مدنى..كيفك يازول..
..
..ناذر محمد الخليفه ..شكرا ليك على الترحيب
..وسلم لى على الزول اللطيف القاعد قدامك ده..
..
سيف الدوله حمدناالله .. وعثمان سيد أحمد
..ناس المسرح الرايحين منى ..ليهم سنين..
كيفك يا مولانا وكيفك أستاذ عثمان..مش غريبه
تجوداخلين الاتنين.!!
..بروفه بس ..واحده فى مركز الشباب والتانيه فى المسرح القومى
..كم أنا ممتن لهذه الصدفه الجميله..شكرا على الطله والترحيب..
..يطول الكلام والحكى ..
ويا عثمان .. ما تزعل من الراجل .. إمكن نسى وإمكن ظروف المرحله.ها
..ولا أكون ما كنت أسماء فى حياتهم!.. طيب ياخى أمشى أسمع ولا شوف الإ رشيف!
..لكم جميعا خالص الود
..

Post: #87
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-25-2007, 09:30 PM
Parent: #1

..
...يالك يامحمد السنى
يا أيها الأ خضر من الداخل كحقل فسيح
..ما كانت ناس ..ناس ..لولاكم..فريق من العباقره
..ما ان تلقى لهم بالفكره..حتى يتجابدونها..تعد الحلقه حول مائدة البروفات
..لتطهى على الهواء..فيشع فى الناس الضحك ..
تعرف ياسنى ..وقفت عيد ضخيه وكنت مشرفاعلى برامج يومين من ذلك العيد
إتلفت ما لقيت غير العميرى وعبد الحكيم من الطاقم الحريف..طيب وبعدين؟؟
..:..اسمعوا ياشباب ..لازم إكون فى ..ناس
..وقد كان ..تعرف الحصل شنو.!!
إشتغلوا خرفان قاعدين إتونسو مع بعض وتجاربهم مع الضبحات والأعياد
..وتعال شوف الضحك..
..أشوفك

Post: #88
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-25-2007, 10:14 PM
Parent: #1

..
..الأخ بدر الدين..أنتم الآن الذين تجلبون هذه الصنوف من الوجد المُلِح
..بحضوركم هنا .. إحدى عشر عام .. وما زلت أحلم أن أعثر يوماعلى الجزء الثانى
..مغنا بصوت الصادح بالأ لق..مصطفى سيد أحمد..أحلم مازلت
..لك خالص الود
ملاحظ إنت والسنى جيتو سوى ..الدوحه بس .!
..
ماشاء الله العيال كبرت ..قرأت رسالتك فعرفت ..أى تميم أنت
..الأسكندريه..وعم عبد الرحيم..على شاطئ البحر الأبيض ..
..لكن القصيده الظاهر أثر عليها الزمن عشان كده حاقولهاليك تانى..
...
تنقر جوفى ايقاعات
حسبتك كنت بتدوزن دفوف شدوك وتطربنى
أتاريك كنت بتنقر
جدار سجنك ..عشان إرهف
تشق صدرى ..وتطير منى

Post: #89
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: ABUKHALID
Date: 03-26-2007, 00:05 AM
Parent: #88

الاخ العزيز خطاب
يا حليلك
اختفيت وهليت
وياكا خطاب
حسن احمد
شكرا علي اطلالتك المريحة جدا
وشكرا ليك لانك جلبت معاك الناس ديل كلهم للمنبر
ربيع السماني

Post: #90
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: osama elkhawad
Date: 03-26-2007, 00:54 AM
Parent: #89

مرحبا بالمبدع :
خطاب حسن أحمد
وقد تم تعريفه باعتباره شاعرا ومسرحيا،
لكنه ايضا ممثل سينمائي وله اعمال اذاعية ،
و أرجو ان اكوم محقا في ذلك.
وقد قام بدور البطولة ،وارجو ان اكون محقا ،
في فيلم حبل لابراهيم شداد.
مشكلتنا نحن السودانيين اننا لا نتحدث عن انفسنا ،
بتأثير صوفي،
وبتأثير من كلام مثل شكار نفسو ابليس.
اتمنى من المبدع المتعدد ان يقدم ملخصا لسيرته الابداعية والسياسية،
فهو مثلا قد كان في اسمرا،كبعض من مراحل حياته المتمردة.
مرحبا بخطاب
المشاء

Post: #91
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-26-2007, 05:18 AM
Parent: #1

..
...مشكور د.حيدر على هذا النفس الصوفى الذى ضمختنا به
..وأحسب أنه قد سرى عبقه مطوقا هذا الفضاء الإسفيرى ..
لك خالص الود.
...
..أيمن السر تابر..وينك يازول
..اخبار الأ هل ..علهم تمام التمام..
..سلامة قلبك العامر بالخير والحب ..
..نتلا قى أكيد فى ود قادم..
...
لكم سادتى خالص الود

Post: #93
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: عبّاس الوسيلة عبّاس
Date: 03-26-2007, 05:48 AM
Parent: #91

مرحب بالمبدع خطاب.

Post: #92
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-26-2007, 05:43 AM
Parent: #1

..
..متين يا يوسف الموصلى ..نسمع أطول أغنيه.!!
..
..وانا لافى فى شارع مافى
..عاينت لقيتك ..انتى الفى
..الظاهر انو الشارع أصلا..
..مموه فيك و مخفى ...
...
..ياريت زيما بقول عمنا السر قدور..لك كثير الود
...
..الجميل سمعه..حمدالله على السلامه
..تعرف دى أروع هديه تقدمها لى..
محمد عبدالرحيم قرنى شخصيا..وبالجلابيه كمان
..ياسلام
..لقد أشعلت فى ذاكرتى أكثر من نصف عمرى
..أيها الرجل..لك خالص الود
..

Post: #94
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-26-2007, 09:07 PM
Parent: #1

..
...عفوا ايها الأصدقاء لتباعد الجلوس إليكم
..وذلك لأ سباب الركض ..فى مشوار الحياه اليوماتى
...
..أنور
..ألقاك فوق ضحوه فاتحه على النيل
..وتحت هديل موجات مسافره
..غلى شواطى بتعزفه
..ونبدى المقيل..
..ياريت تسمعها بى صوت طارق أبو عبيده
..الحال من بعضه..لك الود حتى نلتقى ذات زقاق
..حتى لو كان زقاق المدق ..
...
..الأخ عبد الحليم التلب
..ليمو..شكرا على الترحاب..وأتمنى ان تجد ناحيتى
..بعض مما على .. افضت ..لك خالص الود..
...
..أيا سفيان
..كيفك يا أخا.. السودان
..يطالعنى حضورك دائما فينبسط فينى سهل من الأرتياح
..أشوفك
...
لكم وافر الود

Post: #95
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Osman Musa
Date: 03-26-2007, 09:25 PM
Parent: #94

أطل على الشاشة . متفرد حوله العسل والاذهار والعقيق والأفق
والناس .
شاعر يغلى بالحرف النشط . ويتفجر بحيوية امدرمان.
أنا سعيد بوجودك هنا
تانى الف مرحب ( وكل الناس فرحانه بيك )
تحياتى _ اخيك عثمان

Post: #96
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Osman Musa
Date: 03-26-2007, 09:33 PM
Parent: #94


أطل على الشاشة .متفرد حوله العسل والأذهار والعقيق والأفق والناس.
شاعر يغلى بالحرف النشيط. ويتفجر بحيوية امدرمان
تانى مرحب ( وكل الناس فرحانه بيك )
تحياتى
اخيك عثمان

Post: #97
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: حمد اسماعيل
Date: 03-26-2007, 09:53 PM
Parent: #94



يا عم خطاب ازيك وحمد لله على السلامه


شيل نفس طويل لانه حتكون فيها جكه


بدون وقفه......وبعدين مشتاقين 1000 .



انت لا الترحال بحلك......وكمل .






حمد
----

Post: #98
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: عبدالله داش
Date: 03-26-2007, 10:12 PM
Parent: #1


كانت ســـعادتى لا توصف
وأنا أقــــرأ

شكراً يا نيل

والآن تكتمل الروعه
بوجودك هنا لتشبع رغبتى

خطاب ...
حد وين ؟؟؟

على مد البصـــر
غنوات تراحيب مننا

Post: #99
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-26-2007, 11:03 PM
Parent: #1

..
..العزيز مجاهد عبدالله ..لك خالص الشكر
..الدار منوره بسياده
..اتمنى ان نقضى وقتا طيبافى التعرف إلينا..قضايانا
..وكل ما يهم الوطن..دمت
...
..الأخ الكريم سليمان عبد الغنى ..الشكر موصول لك
..على بديع الترحاب قدومكم إلى هنا يعنى الكثير بالنسبة لى
..لكم وافر التقدير..
...
..الأخ خالد العبيد
..ربما كنت أحد اقدم المشاركين فى هذا الموقع
..أو هكذا تصنفك الذاكره .. او قل اننى انتبه
لمداخلاتك ..رغم علاقتى المتقطعه عموما والإنترنت ..
..بخصوص تلك المقالات او السيناريو..الذى كتب ونشر فى القاهره
..إبان تواجدى هناك ، وهى خمس حلقات ...الصفحه الثقافيه..
..إشراف ألأستاذ..أحمد الطيب عبد المكرم
..أتمنى أن أحصل عليها..من إرشيف الصحيفه ..الخرطوم
..أو يعيد..إرشيفى الخاص لها..الصديق الذى كان فى زياره للمدينه
..فلم تطاوعه إهتماماته على تخليفه..وراءه ..فاصطحبه معه نواحى الخليج
..شكرا خالد.. اتمنى الحصول على ذلك الأثر..
...
لكم خالص الود
...

Post: #100
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Abdulbagi Mohammed
Date: 03-26-2007, 11:25 PM
Parent: #99

إنت ما عارف انا بحبك قدور شنو ولا ماك عارف
أنا بحبك وبحلف بك
دي من منتصر الشوية

Post: #101
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Sabri Elshareef
Date: 03-26-2007, 11:30 PM
Parent: #1

جلبت ليك
من بلاد الله البعيدة
صًٌٌَُـٍنوف من الوجد الملح


صاحب الكلام السمح صديقنا في دروب الماهات لحدي هنا ومن هناك

لك التفاتة غزال في تشرده

سلام اقرا ردودك وكنت اريد الا تنتهي

انت البداية وتمكث دائما في قلوب الناس
دمت لنا قامة ادبية ضوها ينور خبايا الروح

صبري الشريف

Post: #102
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Abdulbagi Mohammed
Date: 03-26-2007, 11:45 PM
Parent: #101

Quote: صبري الشريف

KEEP IT UP YA WAD ELSHAREIF

Post: #103
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Mannan
Date: 03-27-2007, 03:46 AM
Parent: #1

خطاب يا جميل
جئت متأخرا لهذه الزفة الجميلة فى حديقة الورد وورد الحديقة والبت الحديقة.. التقيت ابنتنا سالى الاسبوع الماضى وسالتهاعنك باستغراب .. وعن غيابك المريب..افتقدناك كثيرا... وهل يخفى القمر؟؟؟؟ ارجو ان تجيئنا بشيئ جديد من تلك الحديقة المسحورة..

نورالدين منان

Post: #104
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-28-2007, 01:56 AM
Parent: #1

..
...كل العالم بى خير ..واليوم العالمى للمسرح
..
..الأخ عماد الخليفه ليك يا زول كل الود
..مرحب بينا فى زمن أجمل ..
..تسلم ياعمده وخليفه
..تسلم
....
..الأخ هوارى نمر
..ياخ ده إسم قوى
هوارى ..أول التبادى
وبعدين نمر ..ليك السلام والشكر بأريحية الترحيب
..تسلم
..
..د.المعزالعجيمى
ليك الأشواق ..مامون أهو مره مره بسمع خبرو وأنت الرايح
لاكين لامن شفت الدال دى ..عرفت الحاصل أصلك من زمان كنت ناوى عليها
..والخور الرأسى.!!
له التاريخ النضر..
..ذاك تاريخ يدونه الجمال
..تسلم

Post: #105
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Soumeta
Date: 03-28-2007, 02:21 AM
Parent: #1

عمو خطاب ،،

آراك محير و مسير حبة من المحبة،،

انا وصلت بيتنا فرحانة،،
و مبسوطة إنك اخيراً جيت هنا،،

Post: #106
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-28-2007, 03:20 AM
Parent: #1

..
..الأخ فتحى الصديق
..ياخى شكرا ليك كتير ..وربنا اقدرنا على التواصل والناس
..وهذا ..أضعف وأقوى السودان ..وفتح مفاهيم جديده لإدارة الحوار
..شكرا على المرور .. وطيب الترحيب
تسلم
.....
رامبو
..يابانقاازيك ..لا حولااا
...انت عارف رحت منى زمن لحدى يوم افتح ليك الحله دى..أقوم ألقاك مصنقر
طبعا اتكيفت وسكت ساكت لحدى ماجيت ..وياهو نفس الكلام بتاع زول زمان..
..مركز شباب أم درمان وبيت ناس عم عوض الجزولى فى بانت ..
وحكايا تطول أيها الرجل ..كم اناسعيد بوجودك هنا..لك جميل الود
..والفانا بآخر..الكتابات
..
لكم عاطر الود
..

Post: #107
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: ابراهيم على ابراهيم المحامى
Date: 03-28-2007, 04:29 AM
Parent: #106

آخوي كيف حالك

لو الاقي اللون ادسو ....لما يغرس فيني حسو
لي ملاقاتك هدية......

Post: #108
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: salma subhi
Date: 03-28-2007, 11:19 AM
Parent: #107

حللت أهلاً أستاذ خطاب حسن أحمد


وديارنا بقت عامرة...


في انتظاراضافتك لكل جديد ومفيد للمنبر

Post: #109
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-28-2007, 09:29 PM
Parent: #1

..
..همزه سليمان العوض
..انت عارف قبل كم يوم سالت بت عمك وبت عمتى
قلت ليهاوين الزول ده ..:.الليله كانوا مقيلين معانا..قالت
..فوددت لوكنت هناك وبينناعود موزون ..إجيب الغنا من قرونو
..لك الود
...
..هشام هبانى ..سلامات آخر مره نتشاوف ..تلك الإحتفاليه
..وروح الخاتم عدلان تطوق الصالة والمسرح ..ورفيقة دربه
..السيده تيسير.. تمهر شهادات تخرجنا من لدنه ..ذلك الكتاب
.....ما المنفى ..
....وماهو الوطن ؟
..هشام قبل ما تمشى داير أقوليك
..شوفته اللوحه..قزازالمقعدالوراك .!!
فى التكسى.!؟
..غايتو..أناكل ماامش هناك باخد لى جمه..
..أسمع منك
..
لكم خالص الود

Post: #110
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: منعمشوف
Date: 03-28-2007, 10:13 PM
Parent: #109

ده الكلام الشحمان

أسى ارحب بى منو فيكم يا أشرار؟ بس قولوا لىَّ ؟

بإعتلاء القاصد خطاب الخشبة السايبر
ولا إكتشاف الكوماندو مسرح بيننا
ولا ظهور يحيح المفاجئ بعد غياب طويل من حوش بكرى

تحيات شحمانات يا شبيبة

Post: #111
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: منعمشوف
Date: 03-28-2007, 10:23 PM
Parent: #110

بوابـ اللون ـة .. عن القاصد خطاب

تمـنياتى لضـيوف البوسـت بتصـفح ممـتع

وكونوا بخير،

Post: #112
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Hadia Mohamed
Date: 03-28-2007, 10:46 PM
Parent: #1

منعم انت ما مكتشف بقة معنا لالا دة فلم تانى

وتقبل تحيات ماجدة فوتى


كدى يا منعم راجع الماسنجر الداخلى

Post: #113
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: منعمشوف
Date: 03-29-2007, 00:09 AM
Parent: #112

لوووول يا هاديه، عرفت لكن متأخر جداًً
Abdulbagi Mohammed
دا إسم بقة الحركى فى الحركة ؟ ولا شنو ؟
ههههههه

القصة دى كدا ما بتجى،
يا بقة ، يا كمان تتموا لينا الإسم كلو
Abdulbagi Mohammed Mokhtar

لقيتينى كيف ؟ مخ ظلط ! مش ؟ هههههه

خالص تحياتى للعزيزة جداً ماجدة فوتى
ولتماضر حبيب الله كل التحايا ولك يا هادية

Post: #114
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Elmoiz Abunura
Date: 03-29-2007, 01:06 AM
Parent: #1


الف مرحب

Post: #115
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-29-2007, 03:55 AM
Parent: #1

..
..أبو خالد دى طبعا .. ودتنى حتات بعيدات
..وقعدت أتذكر..لحدى ..بعد داك.. انو الجانا..
..ربيع السمانى
..ياسلام عليك ..ياربيع وما تكلم ذيدان ..ياربيع
يادوب لميت ..فى جبرا.!
أقوم ألم فيك بى جاي ..
..حكمتو بس ..وتصاريف دهر.!!
...لك المواسم كلها أيها الموسم النادر،
..حتى انه لا يتعدى ..ساعات .!!
الموسم..فكنت وما أزلت.!!
أتساءل.!؟
..
..كيف هو هذا الموسم.!
..المسمى بالربيع.!
كيف ؟؟
..مازلت .!

Post: #116
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Yahya Fadlalla
Date: 03-29-2007, 04:32 AM
Parent: #115


اشارات ثقافية
=============
يحيي فضل الله
============
ابو فراس الحمداني يصرف من الاذاعة
==============================
(( شفت فيك
زمنا مرايا
كل زاوية وجع براهو
وكل درجة ضوء حكايه
و التناقض كرت رابح
في الشوارع
العامود المستقيم اكتفي
بظل اعوج
و الشجر العقيم
اصبح يحاول
و نوع غريب
من النسيم
حظر العصافير
عن الغنا
يا عجايب
يا زمن
يا مرايا بتمتحنا
ياتو يوم
سكت الصباح
عن الشدو ؟
ياتو يوم
ما نقرت فيه العصافير
قشرة الظلمة التخينه ))
بين الدخول الي الاذاعة و الخروج منها ذلك الخروج الموثق بامضاء رئيس الجمهورية
من خلال خطاب (الصالح العام) ,بين ذلك الدخول اليومي الحميم الذي كان يمارسه
خطاب حسن احمد و بين خروجه كشخص غير مرغوب فيه من قبل اولئك المكرسين للقبح ومن حسن الحظ ان تكون شخصا غير مرغوب فيه من قبل هولاء , سبق ان كتبت في حوار اجراه معي الصديق الاستاذ سعد الدين ابراهيم لمجلة الملتقي (ان الصالح العام ان يبقي خطاب حسن احمد بالاذاعة )، خارج الاذاعة كان خطاب حسن احمد يقف ، يقف امام بوابتها ، يقف خارجا عنها بينما دواخله تبحث عن وجوده في الداخل لذلك ضجت فيه تلك المعاني الشعرية التي ابتدأت بها هذه الاشارة الثقافية ، حقا تصبح كل زاوية وجع براهو وكل درجة ضوء حكاية و التناقض كرت رابح في الشوارع و العامود المستقيم يكتفي بظل اعوج ، آسف ، هذه الاشارة ليست عن خطاب حسن احمد ولكنها عن الاذاعة السودانية تلك التي تم الاعتداء عليها و علي دورها و بدلت وشوهت كما حدث للكثير من المرافق الثقافية التي كانت تتحمل عبء التنوير ، اختفت تلك الاغاني العذبة ودخلت فيما هو في مقام الممنوعات فاصبحنا لا نستطيع ان نسمع مثلا اغنية (القبلة السكري )للشاعر حسين بازرعة و الاستاذ الموسيقار عثمان حسين او اغنية( كسلا) للشاعر توفيق صالح جبريل و الاستاذ عبد الكريم الكابلي و الكثير من اغنيات الحقيبة منها مثلا (خمرة هواك يامي) ، كل ذلك بعد ان طال الاذاعة ذلك الحس الديني المفتعل تجاه الفنون ، الدراما الاذاعية تلك التي كان يتحلق حولها ا لمستمعون اصبحت بمثابة امكانية صعبة الحدوث الا اذا كانت تحمل ماهو دعائي للمشروع الحضاري ، برامج ثقافية عديدة و متنوعة لاتملك حق وجودها الا اذا مرت بعدسات سياسية دقيقة و موسوسة ، ذلك الوسواس القهري الذي اغتال البرنامج الثاني كبرنامج ثقافي.
في بداية التسعينات دعت الاذاعة كل الكتاب الذين كانوا يتعاونون معها الي اجتماع يهدف الي عودة نشاطهم بالاذاعة و كنت من ضمنهم ولكن دخل هذا الاجتماع في تلك المنطقة الحرجة ، منطقة حرية التعبير وتدافعت الاسئلة حول هذا الموضوع الحيوي تجاه من يديرون هذا الاجتماع
و لم يصل الكتاب الي نتيجة اللهم الا ذلك الخلاف بين الاستاذ صلاح الدين الفاضل وبابكر حنين حين سئل صلاح الدين الفاضل كمدير للاذاعة عن وجود بابكر حنين في هذا الاجتماع ، اجاب صلاح الدين الفاضل ان وجود بابكر حنين كصديق مهتم داخل الاجتماع ولكن تدخل بابكر حنين معلنا ان وجوده في الاجنماع كممثل شرعي للسلطة ولم يعرف وقتها الاستاذ صلاح الدين الفاضل
كيف يهرب من حرجه فلاذ بصمت لم يستطع ان يكون مطبق وهكذا فر الكتاب مرة اخري من الاذاعة و للحقيقة والتاريخ لم يهرب كل الكتاب ولكن بقي اولئك الكتاب و اللا كتاب الذين لهم قدرة ان يأخذوا من الحرباء اهم صفاتها ، تري هل لا زال هولاء يبشرون بمشروع السلطة الحضاري بتلك البرامج الدعائية و الرسالية ؟
ان الاذاعة السودانية تعتبر مصدر رزق لكثير من المبدعين في المجالات المختلفة ، برامج المنوعات ، برامج ثقافية ، برامج درامية تشتمل علي التمثيلية و المسلسل و جل هولاء المبدعين يعملون كمتعاونين مع الاذاعة من خلال لائحة مالية مضبوطة و كان يوم الخميس من كل اسبوع هو يوم الصرف ، صرف الاستحقاقت المالية لهولاء المتعاونين وتزيد ميزانية المتعاونين مع زيادة اسعار السوق التي اصبحت لا يمكن التحكم فيها لذلك عادة ما تتغير اللائحة المالية سنويا لانها لاتستطيع ملاحقة تلك الزيادات اليومية ويعتبر المتعاونون عصب حركة الاذاعة وذلك من خلال حركتهم الفعالة في جميع مجالات العمل الاذاعي من كتابة برامج و اعداد واداء وتمثيل و اخراج ، اذن بدون هذا الجسم النابض لا يمكن للاذاعة ان تعمل ويستحيل عليها ان تتخلي عن المتعاونين و لكن منذ ان جاء هولاء البشر وانا اعرف من اين آتي هولاء ، اصبحت هناك مشكلة تتعلق بصرف استحقاقات المتعاونين المالية فتتراكم هذه الحقوق المالية لشهور و شهور و عادة ما تحدث هذه الازمة في نهاية شهر رمضان الذي يعتبر بمثابة موسم مكثف للعمل الاذاعي خاصة الاعمال الدرامية و هنا يحق لي ان استخدم تلك الفوبيا التي ورثتها من ممارسة الساسة تجاه الفنون و الفنانين و خاصة الممثلين الذين يقع علي عاتقهم تنفيذ هذه الاعمال الدرامية وتحويلها الي نسيج صوتي ، اقول استخدم هذه الفوبيا واؤكد ان هذا الامر مقصود , كي يبتعد هولاء الممثلين عن الاذاعة من تلقاء انفسهم بدلا عن تلك الفرمانات التي تصدرها السلطة لمنعهم من ممارسة المهنة لان ذلك يحيل الامر برمته الي مايسمي مراعاة حقوق الانسان هذا بالاضافة الي ان هذه الطريقة ذات الخبث الحريف هي نوع من الحرب ، محاربة البشر في ارزاقهم بمنعها عنهم وهي طريقة في العكس تماما مع القيمة الاسلامية التي توصي بان يعطي الاجير اجره قبل ان يجف عرقه و لكن الاذاعة في هذه الحالة لاتعطي الاجير اجره حتي يجف عقله ، تري هل ذلك من ضمن سياسة تجفيف الحياة في ظل المشروع الحضاري ؟
حتي الان لم تصرف الاذاعة الحقوق المالية للمتعاونين منذ شهر زمضان السابق و يقال ان هذه الحقوق المالبة متراكمة من قبل رمضان ويمكنك ان تتخيل هذا الامر مع الضائقة المعيشية في السودان ، جرت اتصالات مكثقة من قبل افراد و من جسم يتوهم انه نقابي كاتحاد المهن التمثيلية كي تحل هذة الازمة ، وصلت هذه الاتصالات الي حد ان تجاوزت وزير الثقافة والاعلام ووصلت حتي نائب رئيس الجمهورية الذي اوصي بحل هذه الازمة من خلال التصديق بمبلغ مالي و هنا تدخل اولئك الوسطاء المنتبهين دائما الي منفعتهم الشخصية وبعد مشاورات و اجتماعات توصلت الاذاعة الي تقسيم هذا الجزء المتوفر من سيولة علي كل المتعاونين و كان نصيب الفرد 50 الف جنيه ووزعت هذه المبالغ ولكن تم اكتشاف خطير و هو ان اصحاب هذا الاقتراح الذي تم بوجبه تقسيم هذا المبلغ قد صرفوا ميلغ ال50 الف جنيه دون ان يكونوا اصحاب استحقاق ، اي انهم لم يقوموا بعمل للاذاعة يكفل لهم هذا الحق و هولاء دون ان اسميهم هم اولئك الذين وضعوا في مناصب عليا داخل وزارة الثقافة والاعلام و منهم من يعمل في وظيفتين ، وظيفة علي التعليم العالي و ظيفة لها صفة الانتداب بوزارة الثقافة والاعلام وبين هاتين الوظيفتين لا ينسي الواحد منهم ان يتحول الي منشار (طالع يأكل نازل يأكل) وذلك في تجاويف العمل الثقافي عموما (مسرحية ، ندوة ، مولد نبوي و غير نبوي ,احتفال انقاذي سائب المال, حوافز )اما اولئك الذين هم بمثابة ملح الارض ما عليهم الا ان يصمتوا علي هذا الفقر او قل الافقار او كما قال الصديق الشاعر حميد
(( فرقا شتا زين
ناسا عيشا دين
مجرورة و تجر
تقدح بالاجر
و مره بلا اجر )
لا يفوتني في هذه الاشارة ان اشير الي طرفة حقيقية حدثت ايام مايو في هذه الاذاعة
وهي انه تم اكتشاف اختلاسات مالية من ضمنها اكتشاف خطير و هو ان الشاعر العربي القديم
ابو فراس الحمداني قد صرف استحقاقه المالي عن قصيدته (اراك عصي الدمع) التي تغني بها الكابلي ، وجد المراجعون ان ابو فراس الحمداني قد وقع اسمه علي كشف الصرف وكذلك الشاعر ايليا ابو ماضي قد صرف استحقاقه علي قصيدته (وطن النجوم) التي تغتي بها احمد المصطفي والشاعر ابو القاسم الشابي عن قصيدته (الصباح الجديد) التي تغني بها حمد الريح و من المحتمل جدا ان يكون الشاعر صلاح عبد الصبور قد صرف استحقاقه عن قصيدته (ولا هذي و لا تلك و لا الدنيا باجمعها تساوي مقرن النيلين يا سمره) الذي تغني بها سيد خليفة و ما خفي اعظم ولكني استطيع ان اقول انها فكرة ممتعة لو تخيلنا ان ابو فراس الحمداني وقف امام صراف الاذاعة بعد ان ترجل عن فرسه الذي عبر به الزمان ليوقع اسمه علي كشف الاذاعة ضاربا بعرض الحائط بدمعه الذي من خلائقه الكبر ، انها دراما نقية تصلح موضوعا لمسرحية ساخرة يكتبها الصديق مصطفي احمد الخليفة
واخيرا لا املك الا ان ارجع الي الصديق الشاعر و المخرج الاذاعي المتميز خطاب حسن احمد في وقفته الدرامية امام بوابة الاذاعة مشهر ا شاعريته تجاه هذا الخراب
((دقيقة بتشوف بلد
و ساعة بتفرج قبيلة
وما في حد شايف
ابعد من همومو
وماهو داري بالعليهو
دي جلدو ام هدومو
و ما في غد
يكفيهو بس
لو عدي يومو
اتخيل الكل قافز سوي
و القوت معلق في الفراغ
بي خيط رفيع
والخيط بيلعب بي الهواء
اتخيل ))
هذه الاشارة الثقافية كنت قد نشرتها في جريدة الخرطوم التي كانت تصدر في القاهرة
يوم الاربعاء12 يونيو 1996م ، و هانذا اعيد نشرها الان و قد لا زال الحال هو نفس الحال مع الكثير من التبجح وذلك حين رد السيد مدير الاذاعة عوض جادين مستخفا بحقوق المتعاونين
في حوار معه في احدي الصحف بما معناه ان امر تأخر صر استحقاقات المتعاونين امر عادي انها لا تتعدي تراكم شهر او شهرين
تري هل نحن في حاجة ملحة كي نذكر السيد عوض جادين ان الاذاعة كانت تصرف هذه الاستحقاقات كل خميس ? ,و كذلك اذكر بتلك الازمة التي حدتث بخصوص نفس الموضوع حين تولي سيادته منصب مدير الاذاعة فقد اعلن عدم مسئوليته عن تراكم استحقاقات المتعاونين في الفترة التي سبقت ادارته واصر علي عدم مطالبته بتلك الحقوق المتراكمة لاكثر من ستة اشهر , فتخيل
(( القوت معلق في الفراغ
بخيط رفيع
والخيط بيلعب بي الهواء
تخيل ))


Post: #117
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: ترهاقا
Date: 03-29-2007, 05:46 AM
Parent: #116

[خطاب الكّتاب ، صديق الزمن الجميل ، هو إنت جيت ؟

بجيك بى رواقة

احمد ساطور

Post: #118
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-30-2007, 02:29 AM
Parent: #1

..
...ابراهيم ادريس
..وانا أطالعك هنا..طلعت ذلك الجبل ،أكتاف أسمرا
وكنت والحكيم..ترقبان صعودى ..ربما حاولت إثبات الفعل..للمدينه
التى إختارت الحريه..بعدطول نضال ..
..الحكيم ينادينى ضاحك الحروف..:..
هذا يكفى ..يا
وانت تحرض رغبتى ..:..
واصل..
كأنك تمسك ترمومتر الصعود..
..حتى تلاحقت كتوفنا..وقمة الجبل..
كان هذا نشيد التعارف
...
فى اليوم الثالث والمدينه تفتح قلبها لى
..سالتنى ..هل تعرف -زهره!؟
..ثم أجابوا وشرائح الليمون تسبح على أكواب الشاى الأحمر
..زهره ..هى البنت الحديقه
..لأ كتشف أن الصديق ..لسان الدين الخطيب
..قدعقد بين -زهره- البطله الإ رتريه..والبنت الحديقه
مغاربه نقديه..!!
..يالمصطفى سيداحمد
فغمرنى السلام..
..
لك الورد
أيها الإرترى من الدويم
..

Post: #119
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Osman Musa
Date: 03-30-2007, 03:46 AM
Parent: #118


حين تعيد سماع الأغنية تحس كانك ( لقيت ) من غاب عنك زمن زمين
أغنيه فيها سلا م شديد وأمال وأمال
جات البنت الحديقة تحمل وهج الشمس والمستقبل
( جمال يقطع النفس)
جات البنت الحديقة _ سوف يغمى على بعض الناس من الحفاوة بها......
تحياتى _ عثمان

Post: #120
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: elsawi
Date: 03-30-2007, 04:24 AM
Parent: #119

حبابك الف يا خطاب و نورت الدار بكل حدائقك ووجدك الملح ..
يبدو إننا على موعد قريب مع دفقات كثيرة من الجمال و الإبداع ..
يوماً ابيض الجابك ..

الصاوي

Post: #121
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-30-2007, 04:46 AM
Parent: #1

..
...ربيع السمانى
..نسيت أقول ليك ..انت لييه خشيت كم مره
..حاقول ليك .. متذكر آخر مره .. شقلبان المحطه
ونحن بنقول لى بعض مع السلامه..مش ..
..وكما أقول إمكن أنا الما جيت ..كما غنا .. الفنان خليل إسماعيل
..لك الود
.....
..الأستاذ..الفاتح يوسف جبرا..شكرا لك أيها الرجل
..الإبداع ..ما أخطرها .. من كلمه ومن صفه .. ليوفقنا مبدع هذا الكون
..إذا خصنا الخالق بنصيب ..تحقيقه .. خدمة لوجهه ..مبدعنا من ماء وطين
..لك خالص الود
.....
..أستاذ اسامه الخواض
شكرا لك على الترحيب ..
وما تفضلت به فى حقى ، من إضاءات ..
..بخصوص السيره .. فغالبا أراها مثلى مثلك يجود بها ،
..كما تفضلت الناس ..
..وعن النشاط السينمائى فتلك ..قصه طويله من المكابده..فى السابق
وحتى الآن ..
ففيلم الحبل ..انتاج مصلحة الثقافه1983
من إخراج ..الأستاذ ابراهيم شداد
لم تعقبه الكثير من الأفلام
..
..بخصوص الأداء التمثيلى
..فلقدقام بالأداء
..إفتتاحية المفدمه
..الممثله السيده..مريم محمد الطيب
..الطفله ..عزه خطاب
..والشخصيه ..حاضرة العبور..الأستاذ المخرج والمونتير..عبدالقادر داؤود
..أماالشخصيات الرئيسيه
..الممثل الفنان..محمد عبدالرحيم قرنى ..وشخصى
..والحمار .. وهوشخصيه لها خطرها فى أحداث الفيلم
..حتى أن المصلحه..إحتارت ماذا تفعل فيه بعد إنتهاء التصوير..
....
وقد أشتغل الفيلم على حملة الدفتردار بك الإنتقاميه1820 ..1821
..
والكلام يطول عن صناعة السينما فى السودان
..وما يمثله فيلم ..حبل..
..

Post: #122
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: بدرالدين شنا
Date: 03-30-2007, 05:57 AM
Parent: #1

أسأل مرحِب ما تسأل طبيب
أعلن أنا بدرالدين شنا عن ترحيبي بمحبوبي الفنان خطاب

Post: #123
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: osama elkhawad
Date: 03-30-2007, 09:51 AM
Parent: #122


شكرا عزيزي خطاب على ردك المسهب ،
فانت مبدع متعدد المواهب.

سيرتك في اسمرا ،هي موضوع لعمل ابداعي او قل سيرة ذاتية عن علاقة المبدع بالسياسي.

ولي ان استسمحك في طلب ،
وهو ان يبسط لنا احد الخبراء أو الخبيرات اغنية :
يا صاحبة في الزمن الصعب

التي غناها :
أبو عركي البخيت

سبق ان تحدثنا،
يا خطاب،
عن هذا السبق الشعري في الاغنية السودانية.
هي نص شعري طليعي.
كما ارجو منك عزيزي خطاب ،
أن تبسط لنا كلماتها المؤثرة الرائعة.

محبتي

أرقد عافية

المشاء

Post: #124
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: osama elkhawad
Date: 03-30-2007, 11:21 AM
Parent: #123

رأفت ميلاد حقق طلبنا في الاستماع الى النص الطليعي :
يا صاحبة في الزمن الصعب
وهنا اللنك:
صاحبة لي في الزمن الصعب
شكرا رأفت
المشاء

Post: #125
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: الجندرية
Date: 03-30-2007, 12:06 PM
Parent: #1

الف مرحب بيك حبابك
واليوم السعيد الليلة جابك

Post: #126
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-31-2007, 01:17 AM
Parent: #1

..
...وأعود إليكم سادتى وسيداتى الجميلات
..كأننى لم ابرح
عتبة الباب
..لكنها الأسباب ..التى عادة ماتنقطع..
..وفى عباره أخرى ..بعد تلك ،التى للسودان فيماوراء البحار
لكم الورد
.....
..الأخ الكريم
..عباس الوسيله عباس
..لك التحايا أولا .. وعل الساحل الغربى للولايات
..اشبع فيك ذلك النزوع للتغيير والتسفار ..
أو على الأقل ..
..عقدت صداقه ..واليابسه
..لك الورد
.....
منو.!!
..حمد إسماعيل.!!
ياربى ..أنا فى حلم ولا علم..
اللهم أجعلُه خير .!
..
حمد كويس جدا نحناهسى فى حله واحده
بدل ..حتانه..وثورات سكنيه..بس
..وألقاك نبت
من تراب السكه..
سديت الأفق..
..سلامات
..
لكم خالص الود
..
يانى زاتوو
..

Post: #127
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-31-2007, 01:50 AM
Parent: #1

..
..الأخ الجار والصديق ..
..الحديث القديم ..عثمان عبدالرحيم موسى
لك منى خالص الود..
....
..الأخ عبدالله داش ..أسعدتك الأيام دائما
..شكرا ..لمطالعتك النيل فى ..أحوالى
..ومازلت ذلك ..الشاكر..وساحاول هنا توفير المذيد
لك منى خالص الود
....
..الأخ عبد الباقى مختار
..لك الورد، على إيصال
..رسالة منتصر..كثير،الشويه..
وأنا أحبه..أكثر منه..
إلا إكون هو ماعارف ..
لكما الورد
....
..رحم الله مغنيناالكاشف
..وأطال الله عمر كل من تغنى بروائعه
....

Post: #128
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-31-2007, 02:33 PM
Parent: #1

..
...تذكره يا صبرى دون شك ..ذلك اليوم
..ونحن نتجاور ..مقعدين..لطائره ستحلق بنا بعيدا
..عن مطار الخرطوم
دون اتفاق حدث هذا..
فكنا هناك بالقاهره..تقصد السمؤل أخيك
وأقصد أخى يحيى..
...
لا يعادل هذا اليوم
سوى التواصل..
..لك دائما ..ذلك المقعدفى الخاطر
..يارفيق السفر..
...غزال دى كتيره ..كان تقول أسد.!!
صاح ولا ما غلط.!!
....
لك الود
..

Post: #129
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-31-2007, 04:40 PM
Parent: #1

..
...منان يا فنان ..ياحنان
..شكرا لسؤالك عنى .. مازلت أواصل ..بياتى الربيعى
..يصلنى من العالم ما تسمح به النوافذ..تلك المُشرعه دوما لإستقبال الجمال
..مطمورتى مازالت بخير..وبها دون شك الذى يسعدك ..شكرا على التوقف والسؤال..
لك خالص الود
....
..سوميته ..رسالتك حلوه وجيتك بالباب أحلى ..
موسيقة طيبتك .. بترطب صالة القلب ..
وتدفى الجيران ..كويس فى الزمن العصفورى ..
قادره تحلقى وتركى .. زيما يكون ..
لك الورد
....
..ابراهيم على ابراهيم
..أخوي كيف حالك..
..أم....سنط ..كيفك يازول ..حلا ..وأمها
..ما جيت لسه بالدرب
لاكين جاى
..شكرا على اللون
تسلم
...
لكم كثير الود
..

Post: #130
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: معتصم دفع الله
Date: 03-31-2007, 04:55 PM
Parent: #1

ألف مرحب بالشاعر الفنان خطاب حسن أحمد ..
أكيد موعودين بالجديد ..

حللت أهلاً ..

شكراً عبدالباقي ..

Post: #142
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: رأفت ميلاد
Date: 04-02-2007, 01:57 PM
Parent: #130

الحبيب خطاب حسن أحمد

ما عارف البوست الملحمة ده ضاع منى كيف

لازم أوقع فيه رغم مقابلتنا الصغيرة الجميلة

ألف مرحب بك جمال ووصال ما بعده محبة
وننتظر الإبداع طوفان

لك محبتى


رأفت ميلاد

Post: #131
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-31-2007, 09:30 PM
Parent: #1

..
...سلمى صبحى ..لك الشكر
..على جميل الترحيب ..
..تعلمين دون شك ..ان اسمك ..مريح الوقع.!
..لا شك تعلمين ..لك الود
....
..المعز أبونوره..لك الشكر
..على جميل الترحيب ..لك الأمانى الطيبات
..أشوفك
....
..الأخ عثمان موسى ..أيها الحميم
..الذى ..يتفقدنى ..أكثر منى ..
..لك الود
....

Post: #132
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 03-31-2007, 10:28 PM
Parent: #1

..
...عبدالمنعم..ياشوف
الزول ده منو المقعدو مع اسمك
ما تقول لى ..ده زول صاحبنا ..أنا غايتو متهمو
بى سعدالله ونوس.ّ!
شكرا على الإطلاله..بعد طول إنقطاع ..
وكل عام والعالم بخير..والسودان بألف خير..لك وماجده
التهانى الباسقات ..
..شكرا على الرابط ونحن فى انتظار المنوت ..
ذلكم الفتى الليمون..
...
تحياتى لكل سكان الأراضى المنخفضه
....
..صديقى القديم ..ترهاقا..أو أحمد ساطور ..العازف الفنان
..تعال بى روقه أو بكل العده
..فى رجاك ..يابا..نحن منتظرين..
لك الورد
....
لكم التحايا
..

Post: #133
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: محمود الدقم
Date: 03-31-2007, 11:10 PM
Parent: #1

استاذ خطاب حسن احمد تحياتي ويؤسفني ان اكون اخر القادمين، لكنك دائما في قلوبنا في الزمن البعيد والزمن الهسع و الزمن الاُمُباكِر ان شاءالله، الاخ عبدالباقي محمد انتا يازول رائع عشان كدة بتجيب الروائع استاذنا خطاب سلم على الخلوق وبعدين نجلس ليك نستمع.


Post: #134
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: منعمشوف
Date: 04-01-2007, 02:31 AM
Parent: #133

خطَّاب يا قاصد صوب البوابة
يا شاعر المدينة وسيدها
ستُفتَح لك البوابة حتماً
إن غشاها المدّ

الجنبى دا أبوى جورج أمادو
أحد شعراء وصعاليك باهيا
أنت تعرفه .. أليس كذلك ؟
ألتقيته قبلاً فى الشارع وتحت الشمس
وحوله بدروبالا وجون دادام زعيم العمال
وهم يحكون عن الإضراب الشهير للكلات فى الميناء

يا خطّاب ماجدة وانا مشتاقين ليك، وشديد كمان
يا تلفون شحمان .. يا كمان تجينا يا حبه

كن والبنَّيات بألف خير

Post: #135
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Moawia Mohammed
Date: 04-01-2007, 02:37 AM
Parent: #1



Post: #136
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 04-01-2007, 02:38 PM
Parent: #1

..
...لا تتركونى لهذا الحزن وحدى..
..عن :..
قصيده ليحيى فضل الله ..العوض
..
..ياتو يوم
سكت الصباح عن الشدو
..ياتو يوم
ما نقرت فيهو العصافير
قشرة الظلمه التخينه..
..
لك الورد..صديقى يحيى فضل الله وأنت
تفتتح ..إشاراتك الثقافيه، ووقوفى على الأطلال
..بوابة الوعى ..الإذاعه..وهى فقط ..أنموزج ..لما حاق
..ويحيق ..بكل الأجهزه التى يفترض فيها..القيام بالمهمه الأقدس
..وهى ..ترسيخ الوعى وإشاعة المعرفه..الأرتباط الوطنى ..بوسائل التنوير
..
لك الجمال
..وأنت تحقب زاتك ..عائدا إلى أرض الوطن
..
..
..

Post: #137
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 04-01-2007, 03:35 PM
Parent: #1

..
...عزيزى الصاوى
..لكم أعيتنى هذه ..الخارطه للوطن
..حبا.. وهى تلبسنى طفلا
..جلا بيه كانت ..أم ..لاوو..صديرى ..منجل أوشوتال
..أسعد دائما لر ؤيتها، ويحزننى ما يحيق بها من أحوال..
..لك الشكر
..وكما يقول ..صديقى محمدطه القدال:..
..:..
..نحن أهل الفرحه جينا..
والمجد للوطن..
....
بدر الدين السمح ..شناة شنو يافنان.!
فما زال فى نظرى ..فتحى بركيه..أسمح زول..
..الشهير..بالسميح..
..تعرف أنا مشتاق لى غناك ..طلعاتك المدهشه
والحميمه..وكنت براى ..عندى ليك مشروع غنا..
..لاكين ..لامن إتلفت ..لقيتك ..جاورت بدرى
..انت بدر السما..كل الحلال
..شوق ليك يازول
..والسفر ما بروحلو زول
..
لكم الود

Post: #138
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 04-01-2007, 04:25 PM
Parent: #1

..أيتهاالجندريه
..سلام..
...مازلت يا أمانى إذكر أول مداخله لك
..وبوابة اللون ..والأمانى وتمنيك ..تحققها على أرض الواقع
..فلك خالص الود..ولأخى عثمان ..ومن خلالكم إلى الحبيب ..
..محمد المصطفى محمد أحمد..له التحايا الباسقات..
..أمدونى من خلال الماسنجر..بأرقام التواصل..لكم الود..
....
..الأخ معتصم دفع الله
..شكرا على الطله ..وحسن الترحيب
..عل تواجدى وإياكم هنايكون له جميل الوقع
..لكم كل الود
....

Post: #139
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 04-01-2007, 04:44 PM
Parent: #1

..
...الأستاذ محمود الدقم
..أيها الرجل الجميل..لك الود ..قبل وبعد الدخول
..نحوهذه السانحه..لقد تأخرت بما فيه التشويق لنا..
وها قد فعلت ..فلك مقدمه ..
..أبلغ أحوال الورد..
التى تقول:..
...
... نجمتين إتجادعن
نمة أساك..
لحق المسافرين فى الصحارى
الإرتباك ..
مخصوم منك ..ناس وصحاب ..
...وهذا ما أشاعته فينى هذه ..ال ألبل..
...إبل الرحيل..
لك خالص التحايا
..وافر الود
..

Post: #140
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 04-01-2007, 11:24 PM
Parent: #1

..
...القاصد .. وحبيب اللون
..عبدالمنعم ابراهيم..الشهير ..بى منعم شوف
..وشوف ..فرقه مسرحيه..تعمل فى حقل التجريب المسرحى
.على الطريقه السودانيه..أفقها المسرح العالمى على إتساعه
افريقى ..عربى ..
..وأرضيتها..السودانى ..وفق رؤيتهاالذاتيه له
..هذا سر تسمية..
القاصد..وحبيب اللون
.ب ..منعمشوف
..
فلك .. وهج البوابه..أيهاالقاصد
..بوابة اللون ..عبدالقيوم..
أمابخصوص ..الجالس الى جوارك ..الصوره
..البروفايل ..واسمك ..البوردى.. فلقد ذهبت انا إلى أنه
..سعدالله ونوس..وإتضح أنه ..جورجى أمادو..شيخ الروايه..
اللاتين..أميريكيه..ذلك الساحر
...
كيف لا أذكره ولقد سبق لك الإشتغال..على روايته ..فرسان الرمال
..مازلت أذكر ذلك العرض ..كأنه كان بالأمس..
..حركة الممثلين على الخشبه..ولقد توفرت لك ، دفعه مميزه
..كيف لا أذكر..بدروبالا..وجون دادام..
والإضراب الشهير..للكلا ت..فى الميناء..
...
كلات الموانى.. الغبش التعانى ..كما تغنى ..صديقى محمد الحسن سالم..حميد
..على لسان .. مصطفى سيد أحمد
..فى دراما..عم عبد الرحيم..
..
فلك الورد أيها الصديق
..ولماجده بديع الألوان ..وعبق الأريج
..
أشوفك
..

Post: #141
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 04-02-2007, 00:27 AM
Parent: #1

..
..
...الأخ الكريم..معاويه محمد
..لك الجمال ..أيها الرجل.. وشكرا على
رائع الترحيب ..وياريت الفى الكبايه ..يكون شاى أحمر
..وبوخو ..إلوى ..والدنياعصريه..
..أما الورد..والبطاقه ..فتلك ..كلاما براو..
تانى وتالت ..ليك الشكر
نتلاقى فى الزمن ..الملامحو..رايقات ..وبراحه..
خالص الود..
...

Post: #143
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: على عمر على
Date: 04-02-2007, 03:59 PM
Parent: #1

خطاب حسن احمد...خطاب حسن احمد
الاسم مـــــــــــــــــا غريب على !!!
لكن شايفاك وين ...شايفاك وييييييين؟؟

Post: #144
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 04-02-2007, 09:35 PM
Parent: #1

..
...الجميل رأفت ميلا د..
..وإذا سمحت ..لى بمخاطبتك ..بالصديق
..فى الزمن الصعب .. ونقل وتكرار تحيتى لك ..
..بإختيار طفلتى ..ورائعة ..لسان حال الوجدان الشعبى..الفنان
..أبو عركى البخيت .. التى إخترتها ..مظلة ً.. لواحتك..
..صاحبه ..لك ..فى الزمن الصعب ..
..فلقد سكب فيها الرجل..ما سكب من معاناةٍ وجمال..
..وفى إختيارك لها ومداخليك الأروع ..والإفادات ..التعليقات..الإضاءات
التى ذهبتم..متعه و فائده ..وبراح ..يؤكد إن أكد..
بلوغ للوعى والشفافيه..درجات عاليات ..من السمو فوق العزابات ..
..دمت أيها الصديق..
..لك خالص الود
...
...

Post: #145
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 04-02-2007, 09:36 PM
Parent: #1

..
...الجميل رأفت ميلا د..
..وإذا سمحت ..لى بمخاطبتك ..بالصديق
..فى الزمن الصعب .. ونقل وتكرار تحيتى لك ..
..بإختيار طفلتى ..ورائعة ..لسان حال الوجدان الشعبى..الفنان
..أبو عركى البخيت .. التى إخترتها ..مظلة ً.. لواحتك..
..صاحبه ..لك ..فى الزمن الصعب ..
..فلقد سكب فيها الرجل..ما سكب من معاناةٍ وجمال..
..وفى إختيارك لها ومداخليك الأروع ..والإفادات ..التعليقات..الإضاءات
التى ذهبتم..متعه و فائده ..وبراح ..يؤكد إن أكد..
بلوغ للوعى والشفافيه..درجات عاليات ..من السمو فوق العزابات ..
..دمت أيها الصديق..
..لك خالص الود
...
...

Post: #146
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 04-02-2007, 11:07 PM
Parent: #1

..
...اللطيف على عمر ..
..شكرا على النكته.!
شايفك وين ..ياربى ..وين .!!
..لكن الغريبه ..أنا شايفك ..! طولت ,, وجاورت النيل
..بتاع ..أحمد شوقى .. وحافظ ابراهيم .. وشكلك كده ..
..نسيت ..نيل الخليل..؟؟
..سلامات ..
..ونيل ..عمر الطيب الدوش ..
...
..ومن فرحة جروف النيل..
..مع الموجه ..الصباحيه..
..
لك الورد
..

Post: #147
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: bayan
Date: 04-03-2007, 06:07 AM
Parent: #146

سلام يا خطاب ومنور البورد لم نلتقي من قبل ولكن اسمع عنك
واتتبع اثارك في دروب الابداع تحيات زوجي درس معك في المؤتمر وتحياتي

Post: #148
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: يحي ابن عوف
Date: 04-03-2007, 06:35 AM
Parent: #147


مرحبأ بخطاب حسن أحمد
لك التحية والشوق الشديد يازول يا جميل

Post: #149
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 04-03-2007, 10:16 PM
Parent: #1

..
...سلامات لكل الحلوات والحلوين
..
..المروا علينا كما الأنسام
..والجايين ..
..البوست أبوابه مفتحه..كما -طاقه والبيوت زمان
..
إتسلسل منها..حَرف الكسره..طايووق للمحراكه ..أو للصاج
..
إتغدوا الناس ..و ينوموا نومة العصريه..
..
ما عاد للنوم مجال..الزمن صحيان..
..
النام ..زمان نام .. والصاحى عليه بالصحيان
..والحلمان ..إملا شبكتو
..
سلامات
..
..حلم يقظه، أكان .!
..أو صحيان.!
..

Post: #150
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 04-04-2007, 00:25 AM
Parent: #1

..
...مرحب بيك الأخت بيان ..
..ليك خالص الود.. ولى للدفعه ..وثانوية المؤتمر
..أبو العيال..سلامات ليهو ..قبال أعرفو ..!!
..منو فى الأخوان ..لكم التحايا.. وكثير الإمتنان
....
الأخ يحيى ابن عوف ..سلامات
..المراكز السودانيه.. دراسات ..وثقافات ..
..الصحف والمجلات ..حضارة السودان
..الخرطوم..والإتحادى..
..شكراً ..على مليار التحايا..
لاكين لو ..فكيت لى منهم مليون..بأى العملات السياره
..بتفرغنى للكتابه زى ..تلاته شهور..لك خالص الود.
....
سلامات
....
لكم جزيل الشكر
..

Post: #151
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: يحي ابن عوف
Date: 04-04-2007, 07:46 AM
Parent: #150


هاهى الايام والسنين تعدى ياعزيز خطاب
ومازالت الذاكرة ندية من الذمن الجميل
ونحتفظ بكل الذكريات الطيبة من الزمن الجميل

لك التحية

Post: #152
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خدر
Date: 04-04-2007, 01:41 PM
Parent: #151







والله يا اب شنب اخرتني منكـ (القاكـ) دي
قدر ما فتشتها جت ما لقيتها
تحت السرير .. فوق راس الدولاب .. عيييييييكـ
انتي يا (القاكـ محل طفشتي ما إتلقيتي
في الاخر دق باب البيت و لقيت بت سمحة واقفه و شايلا
ليها شريط كاسيت .. قالت لي القاكـ هنا يا المطرطش


خطاب والله سمدلله علا الحلامة و بركة الشفناكـ اونلاين هنا

We got em


___________
القاكـ أشعار خطاب حسن احمد

Post: #153
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 04-04-2007, 09:49 PM
Parent: #1

..
...شكرا العزيز ..يحيى على الطله
..لكن ..شايفك ما جبت سيره ..للمليون
..أصلو البلد القاعد فيها..عجيبه خلا س ..
الدولار فيهابى دولار..!
أشوفك..
.....
والله يا طارق ..
سلامات..وقبل ما أعلق أى تعليق..سؤال.؟
..هل لاحظت لى مواعيد دخولك هنا.!!
..كدى عاين ليهو تانى.!
أظنك متذكر..علاقتى مع الأرقام.!
..من لحطة دخولك هنا.. 41 :1
لليوم..للشهر..وأيضا..عدد المشاركات .!
..غايتو..مبالغه فى التوافق ..
فيا شارع الأربعين..!
..حيث النيل ..على بعد آهه..
والتعبير ليس تماما لى ..
..يا كمان..خور أربعات ..وعقاب شهر..
..وسر..بعات ..زيما بقول ود العوض ..بالجمبه كده بتساعد
ولا شنو وبجيك راجع
..فيشان ..أبو الهول المصورو..ده
..وبديع الغنوات..
لك الود..شويتين بس
..

Post: #154
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خطاب حسن احمد
Date: 04-05-2007, 01:00 AM
Parent: #1

..
...طارق سلامات
..
..كويس إنك ..لقيتها .. وجبتها حدود هنا
..كما ترحيبك الدافى ..حين مباشرة نشاطى الكتابى ..بسودا ن الجميع
كما أحب أن أسميه..
..وخلينى أسألك من .. مكنة البت الدقت الباب ، ولوحت ليك بالشريط
يا المطرطش.!!
..دى ..لقاء ..ولا صاحبته بت الجيران..
انت ما تقول لى ..كنت مشغول وبراك عارف البلد ديك .. وجريها وشنو كده ماعارف
..
مافى مشكله..المهم الألحان..رطبه ولطيفه ولى حد كبير ، بتشبه القصيده
..وياريت إستمتعوا بيها كل الأخوات والأخوان..
أما الصوره..فحاجه تمام..
مش لأنى ..الهول ذاتو..لأنو فيها شغل ضو ما عادى
..أضفتك من بدرى ..للناس البعرفو..كويس إكحلونى..
لك الورد أيها الصديق
..
سلامات
..

Post: #155
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خدر
Date: 04-05-2007, 04:58 PM
Parent: #154















_________
بالجنبة بتساعد

Post: #156
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خدر
Date: 04-05-2007, 05:00 PM
Parent: #155

الصورة دي يا كوجونكا اسمها (بلاهي الجماعه خليتم كيف !!)
لاحظ لي حَكة الرجل مع السؤال و العين و الابتسامة بتاعت سيد البيت ديكـ
لمن يجيهو طارق من السفر دون إخطار و هو بكون فاكي ليهو رادي ولا بصلح
في ماسورة .. المهم


بس ياهو ده شكلو بكون كدي






_____
متزكرا ؟

Post: #157
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: عزيز
Date: 04-06-2007, 10:12 AM
Parent: #156


ختاب أبوي

زمان فى الأذاعة قالوا ختاب جاب ولدو

والله قدر ما هربت من ملاقاتك هنا والترحيب بيك عشان عارف لا بقدر ولا عندى القدرة البتجمع الإحساس المشتت فى المشاعر والذكرى المدفقه فى الفكره عشان تبقى كلام قدر جيتك وهلتك الزى ضئ القمره فى عتمة السنين والشوق الطال ..
آخر مره العين شافت العين وكانت حرارة الأحضان بالقرب من وزارة التجارة مقابل باب القصر الجمهورى من جهة الجنوب .. شفت مقادير الزمن!!

ولولا سماع صوتك كل عيييييييييييك وعييييييييييك لفتك الشوق بهذا القلب الذى تسكنه حبا ..

بيناتنا قول وكلام كتير وسلام شديد فى ألو ..

مرحبتين حبابك واليوم السعيد الينا جابك ( ياعلمات قول أهنا ناس توتى وأبوكدوك )

عزيز ود ختاب

Post: #158
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Abdulbagi Mohammed
Date: 04-08-2007, 12:27 PM
Parent: #157

Yahooooooooooooooooooooooooooooooooo dey

Post: #159
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: تراث
Date: 04-08-2007, 09:48 PM
Parent: #158

خطاب.. ياجميل يامبدع حقيقي.. ياصديق نفخر بأنه صديقنا.
لينا زمن نفتش ليك...
عناوين التواصل معي موجودة في البروفايل. وسارسل لك عنوان محمد مصطفى ورقم تلفونه دمت للجميع ودام التواصل بيننا.

Post: #160
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: خدر
Date: 04-09-2007, 06:18 AM
Parent: #159

Quote: ختاب أبوي

زمان فى الأذاعة قالوا ختاب جاب ولدو

ده تلاعب في اوراق ثبوتيه ياعزيز

















Post: #161
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Osman Musa
Date: 04-18-2007, 01:12 AM
Parent: #160


الاخوان الكرام
* خدر
*عزيز
* عثمان تراث
اليكم تحيات وشكر الاستاذ خطاب حسن أحمد. وهو مشقول ( شويتين تلاته)
وراجع ليكم انشاء الله

___
اخيكم عثمان موسى

Post: #162
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Osman Musa
Date: 04-20-2007, 06:26 AM
Parent: #161


فوق

Post: #163
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Abdulbagi Mohammed
Date: 04-20-2007, 07:14 AM
Parent: #162

يا خطاب وينك وين
مبروك خطوبة البنية و نتقابل في العرس
إنشاء الله

Post: #164
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: Osman Musa
Date: 04-20-2007, 06:05 PM
Parent: #163


أخى عبدالباقى كيف حالك
فى مدينة جوبا مدينة
السلام ومركز العالم_ سوف تشق الطرق والبحيرات وتزرع
الأشجار .. انشاءالله .

أخينا الأستاذ خطاب لديه ( شويتين شقلات وراجع)
تحياتى




Post: #165
Title: Re: أرورووووووووووووووووووووك الشاعر و المسرحي خطاب حسن أحمد جانا بجاي
Author: محسن خالد
Date: 04-22-2007, 01:47 AM
Parent: #164

يا خطّاب ألف مرحب بيك
وألف مبروك لسالي وحافظ
ولو خدر دا ما سبقني كنت ناوي أدهشك بالصورة الهو سبقني ونَزَّلها،
غايتو يا طارق! الرشاقة الكتلت إشراقة