أعيدوا إلىَ مدرستى بحري الأميرية 1:لعناية الحبيبة فايزة موسى بواسطة الحبيب شمس الدين السنوسي

.
.

[qb]

فايزة الحبيبة و الحبيبة جدا
لا زلت اذكرك ملياً بالفستان البنى والطرحة البيضاء والهدوء حد الملائكية
ست كوثر ابراهيم امضت سنوات بالسلطنة قريبا منا و كنت اعرف منها اخبار آفاق /الان بالسعودية و نهلة/بامريكا الان و صفاء
اكرام علمت انها اضحت مهندسة ولا اعرف سبيلا لعنوان لها!!
عدت فى اجازة للسودان شهر 6/7 الماضيين وقلت للسائق-وكنا راجعين من امدرفقى طريقنا للمزاد-ادخل من شارع المدارس لارى عن كثب مدرستنا الاميرية 1
المدرسة هي هي و لكنى وجدت لافتة غيرها بعد ان حولتها-لوثة التعليم الانقاذى-الى جامعة
لم أجد عمي محمد بمريوله الابيض و لهجته المميزة و سندوتشاته
لم أجد رفيقاتى ولا الحياة التى كانت تعج بها هذه المدرسة الفخيمة الضخمة و التى كانت مؤسسة رفيعة المستوى بحق
لم اجد لافتة"ملكة"على فصلنا ولا"نفيسة "على الفصل جارنا اللدود الذى كنا نتنافس مع بناته مؤكدات ان ملكة اشطر من نفيسة
وجدت الماسورة القديمة التى كنا نمسح بها وبمائها جريمة اكل الداردمة التى يحذرنا من اكلها الاباء خاصة فى مواسم الامراض
وجدت الشجرة العتيقة تميل أغصانها حزناً كأنها إمرأة ثكلى فقدت بنيها وبالاصح بناتها
وجدت المبانى نفس المبانى
والجدران يحتلها طلاء جديد
ومن خلفه لمحت بيت الشعر الذى كان مكتوبا بخط النسخ فى الممر الذى يفصل برندة فصولنا عن الحوش الخلفى و الذى كتبه الخطاط خطأ"انما الامم الاخلاق ما بقيت...فان هم ذهبوا اخلاقهم ذهبت" وجدته باهتاً كسيف البال
لم أجد عزيزة البدرى ناظرة مدرسة الريفى
ولم أقو على النظر للبص القديم الذى احيل الى المعاش على ايامنا و كان يروى قصص مجد غابر عن العز الذى كانت ترفل فيه دفعات قديمة ايام كانت للمدارس الحكومية بصات
ذلك البص الذى لم يكن به اطارات و كان يحرس مكتب عزيزة البدرى من الخارج
وكنا نتخذه مأوى بانتظار اهلينا الذين عادة ما يأتون متأخرين
لم أقو على النظر جهته خشية أن يكون غائب هو الآخر كما غاب كل شيء
وخرجت من مدرستى التى ضاعت لا ألوى على شيء تحجب عنى الرؤى سحابة دموع على زمن مضى و لن يعود أبدا
وحرمونا حتى حلاوة الذكريات الملاذ
خالص محبتى لك [/qb]

اختنا لنا

Quote: ولم أقو على النظر للبص القديم الذى احيل الى المعاش على ايامنا و كان يروى قصص مجد غابر عن العز الذى كانت ترفل فيه دفعات قديمة ايام كانت للمدارس الحكومية بصات

حضارة سادت ثم بادت

بالله كيف حال الاميرية 2 بنين الجارة الشرقية لمدرستك الحبيبة

Quote: بالله كيف حال الاميرية 2 بنين الجارة الشرقية لمدرستك الحبيبة

دفعة كم بالله يا دورنقاس؛ غايتو انا كنتا في شمال.

اما بخصوص المدرسة فقد تحولت الى ثانوية اسمها عمر ابن عبدالعزيز؛

او عمر ابن الخطاب؛ خانتني الذاكرة؛ رغم مروري بها عدة مرات في اليوم.

Quote: Quote: بالله كيف حال الاميرية 2 بنين الجارة الشرقية لمدرستك الحبيبة دفعة كم بالله يا دورنقاس؛ غايتو انا كنتا في شمال. اما بخصوص المدرسة فقد تحولت الى ثانوية اسمها عمر ابن عبدالعزيز؛ او عمر ابن الخطاب؛ خانتني الذاكرة؛ رغم مروري بها عدة مرات في اليوم.

شمال دى الكانت فى حلة الدناقلة؟؟بالفهم ده مفترض تكون جنوب
مشكور اخي الحبيب ملاسي
انتا كنتا دفعة سنة كم فيها؟؟

Quote: حضارة سادت ثم بادت بالله كيف حال الاميرية 2 بنين الجارة الشرقية لمدرستك الحبيبة

بتكون لحقت جارتها
بقت حاجة كدة فى "سورة"-بفتح السين وتسكين الواو-التعليم العالي او الما عالى!!
محبتى لك دورنقاس

لا أعتقد ان مدرستنا الحبيبة مرت عليها ناظرة كست كوثر ابراهيم
كانت الحنان الحازم يمشي على رجلين
كانت تأتى بنفسها الى الفصول وتراقب عن كثب أداء المدرسات بشكل مهذب لا مخبري
وكانت كثيرة المتابعة لتلميذاتها و كثيرة النصح والارشاد لهن
لم تكن ناظرة ابراج عاجية
بل كان باب مكتبها مفتوحاً لنا قبل أن يكون مفتوحاً للمدرسات
ذكرت لى فى بداية التسعينات عندما قابلتها بعد سنوات من ذهابي من المدرسة التى تركتها فى اول شهر من تانية عام لظروف سفر والدى للتحضير
ذكرت لى ان دفعتنا كانت الاحب الى قلبها لانها اول دفعة تشهد ترقيتها الى مديرة فعندما جئنا الى اولى عام كان اول عهدها بالادارة
لم تكن ست كوثر تفرق فى المعاملة بيننا و بين بناتها آفاق محجوب حاج حضرة-التى كانت معنا فى فصل ملكة-ونهلة-شقيقتها التى كانت فى نفيسة الفصل الصديق اللد لنا-واذكر ان ابنتها صفاء فى ذلك الوقت كانت فى مدرسة عشمانة الابتدائية ومأمون اصغر الابناء كان فى الشعبية الابتدائية وكانوا كلهم يجتمعون فى مدرستنا فى نهاية اليوم فى انتظار والدهم ليقلهم الى المنزل.
كانت ست كوثر بجانب مهامها الادارية تقوم بتدريس الانجليزي لنا بطريقة مبسطة و حلوة..
سقى الله تلك الايام
وأسعدك ست كوثر أينما كنت

الاخت العزيزة لنا


انت ايضا خريجة الاميرية بحري (1) ??

لنا بت المهدى

انا بت الاميرية بحرى فى زمن ست فائزة نقد

شقيقة المناضل محمد ابراهيم نقد

اها انتى الزمن داك وين ؟

نادية الحبيبة
نحنا كنا اظن من جيل السابقات الاولات
بداية التمانينات فى الاميرية 1
انتى اظنك كنتى وقتها سغمبروتة
ما وريتينى انتى ريفي 2 ولا الاميرية 1 ؟؟

غادة الحبيبة
على أيامكم برضو الفصول كانت اتنين ملكة و نفيسة؟؟

الاخت لنا

يختي الليلة انا و نادية كشفناك كنا تسكتس ساي



نحن ايام المديرة العظيمة فايزة نقد جزاها الله عنا كل خير

و كانت الفصول وقتها اذا اسعفتني الذاكرة حمراء و خنساء

كدي نشوف فصول الاخت نادية كان اسمهم شنو

نحنا الجيل القديــــــــــــــم
بيكونو يا حبيبة كانو بيحجوكم بينا زى حركة 24 و انقلاب 56 وصالون فوز فى العشرينات و الاستقلال ومؤتمر الخريجين
مش قلنا السابقون الاولون؟؟

لنا بت عم مهدى الغالية

Quote: نادية الحبيبة نحنا كنا اظن من جيل السابقات الاولات بداية التمانينات فى الاميرية 1 انتى اظنك كنتى وقتها سغمبروتة ما وريتينى انتى ريفي 2 ولا الاميرية 1 ؟؟

انا كنت فى الاميرية 2

لكن الصراحة كانت ناظرتنا الفعلية فائزة نقد لدرجة انى مامتزكرة اسم الناظرة التانية ..!!

وكانت فصولنا حميراء وخنساء وكده

لكن انتى بتعرفى دكان عيساوى كان جنب المدرسة ؟

تكون غادة بتعرفو اكييييييييد!!

الله ..والله ياحليل شارع المدارس !!

الاخت نادية

Quote: لكن انتى بتعرفى دكان عيساوى كان جنب المدرسة ؟

دة الدكان الكان قصاد المدرسة؟؟ كنا بنجيب منو الفيمتو البااااااااردة آخر اليوم


و الله يا حليل السودان و شارع المدارس

غادة بت المناضل عبد العزيز خالد

يسعدنى ويشرفنى ان اكون من دفعتك فى مدرسة الاميرية

وخسارة انى ماشفتك فى الزمن الجميل داك ..!!

لكن يبقى العزاء فى لقاع حميم جمعنا هاهنا فى هذا الوطن الافتراضى

Quote: دة الدكان الكان قصاد المدرسة؟؟ كنا بنجيب منو الفيمتو البااااااااردة آخر اليوم

اقول ليك سر ؟

عمو عيساوى سيد الدكان ده كان داير يخطبنى وانا مازلت فى تانية عام .!!

والله بتكلم جد..!!

الحبيبات غادة و نادية
عاجبنى الون تو دة
وما أجمل الذكريات
يلا أحكن و إستمرن

العزيزة جدا لنا مهدى
تحياتى مع كثير احتراماتى
بوست العوض شكلوا حيتفرع لبوستات عديدة
اولا لاول مرة أشوف فائزة منهمكة فى الكتابة بهذه الصورة وطبعا أجبرتها تكتب الداير تكتبوا فى ورقة
وأقوم انا بالنقل عشان ما تستخدم حسابى بشكل مباشر ويقوم بكرى يطبق فينا قانون الصالح العام رغم إنى رسلت ليه إيميل بخصوص التطور الجديد ده.ومسافة تجى قلت استغل الفرصة وادردش.
ثانيا انا حاكون عندى جبهة تانية معاكى بس انت خليكى مستعدة ومعاكى الزول المتفرد يعقوب

شمس الدين السنوسى

يا بنات
قلتو لي ست فايزة نقد؟
وست عزيزة البدري؟
والبص؟
وعم بدوي زينة وحالف ما يودينا......... يودينا وين زاتو أنا ماعارفة!!
أيام
سلام
إيمان

الاخوات لنا و غاده
و الله عملتو اى نفسيات , زكرتونى الايام الخوالى
ايام الاستاذه المربيه الفاضله فائزه نقد
كانت الفصول 3. خنساء , حميراء و زهراء . انا كنت فى خنساء و صديقتى العزيزه و بنت اخت الاستاذه فائزه كانت فى زهراء.
, ازكر انه مع الفيضانات كل المدراس انهارت مع الامطار , الا الاميريه ,لان الاستاذه فائزه كانت فى حاله نشاط دائم لجمع التبرعات لصيانه المدرسه
زكرتونى ايام شارع المدارس و ملابس المتوسط البنيه الشينه و الطرح البيضاء
الفيمتو من عيساوى و مجلات ميكى و رجل المستحيل من مكتبه المؤسسه
اخر مره يدقونى فى المدرسه كانت فى سنه اول فى الاميريه . فى حصه العلوم ما قدرت ارسم الهيكل العظمى. ومن اليوم داك و انا ماشه عديل

Quote: اقول ليك سر ؟ عمو عيساوى سيد الدكان ده كان داير يخطبنى وانا مازلت فى تانية عام .!! والله بتكلم جد..!!

المصيبة يا نادية؛ انو هو البيكون بيتكلم جد !!

Quote: شمال دى الكانت فى حلة الدناقلة؟؟بالفهم ده مفترض تكون جنوب مشكور اخي الحبيب ملاسي انتا كنتا دفعة سنة كم فيها؟؟

سلامات يا لنا؛

شمال دا كان اسم النهر؛ فمدرستنا حينذاك كانت ممعنة في الجهوية؛

و كانت بها 3 انهار؛ هي:

شمال؛ غرب و جنوب.

طبعاً ناس الشرق مهمشين منذ ذلك التاريخ و حتى اليوم.

اما دفعتي؛ فهي الدفعة التي سبقت حفر البحر مباشرة؛

حيث تخرجنا من هذه المدرسة في العام 77 او 1978 .

-العم- حسين ملاسي


ما عاوزة اقول ليك السنة دي بتعني شنو بالنسبة لي-77-

Quote: اما دفعتي؛ فهي الدفعة التي سبقت حفر البحر مباشرة؛ حيث تخرجنا من هذه المدرسة في العام 77 او 1978 .

انا دخلتا الاميرية 81/82
يعنى دفعتنا الحضرت انشاء كوبري بحري بعد ما دفعتكم السبقت الدفعة الحفرت البحر طوالى "اللى هى انتقالية بين الدفعتين"

الاخت العزيزة smart_ana2001


انا بقي من فصل –حميراء- لاكن لا اذكر ابنة الاستاذة القديرة فايزة لربما اختلاف السنين الا ان الذكري لا تزال حية كالامس. امنية التخلص من الزي البني و لبس اللبني بسرعة


غايتو....ايام

Quote: ما عاوزة اقول ليك السنة دي بتعني شنو بالنسبة لي-77-

- الابنة - غادة؛

زماااااان مريت على البروفايل.

______

سمارت انا الحبيبة
وكمان انتى بت مدرستنا؟؟
الليلة يوم سعيد اكيد

حتى انتى ياايمان الرائعة ؟!!!!!!!!!!

ياجماعة والله لنوية دى عملت حاجة جميلة خلاص

لمت بنات ست فائزة كلهم فى فصل واااااحد!!

يلا بعد البيوت انا عازماكم فيمتو عند عيساوى ..

الله

ليتنى ارتدى ذلك الزى الذى طالما تمنيت الخلاص منه.!!

اياليت ايام الاميرية تعود يوما !!

يابنات اجروا على الفصول ست فائزة مارة بالحوش !!

Quote: يا بنات قلتو لي ست فايزة نقد؟ وست عزيزة البدري؟ والبص؟ وعم بدوي زينة وحالف ما يودينا......... يودينا وين زاتو أنا ماعارفة!! أيام سلام

ايمان الحبيبة
اتارى الاميرية دي البتطلع أحسن الناس
محبتى و فرحتى انك بت مدرستي

Quote: ثانيا انا حاكون عندى جبهة تانية معاكى بس انت خليكى مستعدة ومعاكى الزول المتفرد يعقوب

اخي الحبيب شمس الدين
جداً يا حبيب على الرحب و السعة
وبالله استعجل الحبيبة دى مشتاقة لحروفها
محبتى الخالصة

Dear Lana, how are you doing,

It is really shameful for the authorities to change a name of a school or any other constitution that has been there for a long time and became a part of the history at the county or the where the institution stands ,,it is like erasing an identity or striping happiness from a joyful past,but what to say as the adage goes (you won't provide good when you don't possess it),it is cristal clear this government has put negative changes into alomst evrything.


I am a former student of ALAMIEREEAH WAHID1(1) BOYS SECONDRY SCHOOL, at Aldanaglah shamal ,i hope my former beloved school didn't meet the same fate of yours
best wishes ®ards

Quote: it is cristal clear this government has put negative changes into alomst evrything.

Dear Manubia
Everything including our past, our history and also our lovely memories

لنا مهدي، ذكرتيني شارع المدارس... مريت بيهو كتيييييييييييير.. ولعبنا مع (مدرستك) القديمه مبارة طائرة، وغلبانهم .. وغنينا ليهم "لا قراية لا كوره، حالتكم ما معقولة"... درست سنة في مدرسة بحرى النموذجية.. في الصبابي.. خلف ضريح السيد علي المرغني...

استمتعت بما كتبتي...





بنت الحسين

الاخ ملاسى

بتسالنى عن دفعتى

Quote: اما دفعتي؛ فهي الدفعة التي سبقت حفر البحر مباشرة؛

بما ان دفعتنا سبقت دفعتكم بسنين بحرية عشان كدا سمونا اولاد بحرى

لو تصدق انا كمان كنت فى شمال .

دورنقاس و ملاسي
تعرفو نحنا بنات الاميرية سواء بحري 1 ولا 2"الريفي"كان عندنا قناعة انو الاميريات بنات اشطر من اولاد و ارتب
ولمن تحصل هراجل ولا فوضى و ركلسة كانو المدرسات يقولو لينا :"مالكم دايرين تبقو زى اولاد الاميرية؟؟"
محبتى

Quote: لنا مهدي، ذكرتيني شارع المدارس... مريت بيهو كتيييييييييييير.. ولعبنا مع (مدرستك) القديمه مبارة طائرة، وغلبانهم .. وغنينا ليهم "لا قراية لا كوره، حالتكم ما معقولة"... درست سنة في مدرسة بحرى النموذجية.. في الصبابي.. خلف ضريح السيد علي المرغني...

مريوم الحبيبة
بركة البوست دة جاب الاحبة كلهم
غلبتونا بالله؟؟
عوجة كبيرة
محبتى يا غالية

ست فاطمة عبده أم الفصل أمنا كلنا
كانت
بصوتها الرنان و قامتها السامقة و لون بشرتها الضارب فى السمرة المحببة و صفاء نيتها و وجهها ونفسها
اتذكرها شديدة النحول سريعة الخطا مائلة الى ان تكون ربعة القامة ترتدى توبها الابيض الناصع و منها تعلمت احترام التوب الابيض و محبته كزى فى العمل
وكانت شديدة الصرامة حينما يتعلق الأمر بالخطأ والصواب ذات شخصية آسرة و مؤثرة
واتذكرها متكئة بيديها على المنضدة لا تفارقها البسمة وهى تشرح -بصبر و محبة -لنا اللغة العربية التى جعلتها مادة محببة للجميع و خاصة البلاغة و النحو
وكانت بين الفينة و الاخرى تتحفنا بقفشاتها الذكية و تعليقاتها اللماحة مبددة مللاً قد يتسرب لنفوس الطالبات من دسامة المادة التى تشرح
وكانت تقول "كلكن بناتى" وتفاخر بفصلنا الفصول الأخرى
لم أر ست فاطمة عبده منذ عام 1982 رأى العين ولكننى أراها رأى الفؤاد و الإحساس..
وسقى الله تلكم الأيام

الغالية لنا مهدى
طبعا يا لنا انا ما زيك الكتابة بتجينى بسهولة وانت طبعا معروفة من زمان انك كنتى بتغلبينا فى الكلام وكيف كانت استاذة فاطمة عبده بتقومك عشان تقيفى قدام السبورة وتشرحى لبقية الفصل قواعد الاعراب,
وكلما اتذكر ايام الاميرية بلقاكى انتى فى المقدمة زي كانك كنت عنوان للفترة ديك عشان كده أصلو ما مستغربة إنك تكونى أديبة وكمان رغم الفصل كلو كان بيستمتع بطريقة تدريس استاذة محاسن للتاريخ لكن اهتمامك انت بالمادة دى كانت مختلفة وده الخلانى ما أتفاجأ انى اشوفك واحدة من كوادر حزب الامة المتميزات
و ما حتصدقى لو قلت ليكى إنى اخر مرة قعدت اكتب كانت فى 2001 ودى كانت لرسالة الماجستير لكن من غير ما أحس مسكت القلم وبديت اكتب وده بصراحة لانك صحيتى جواي زكريات ما ممكن تتنسى, والله انا حاسة زي الفصل كلو قاعد معاي وانت يا لنا بالذات بتذكر بيكى تفاصيل الاميرية واحد. والانتماء للاميرية واحد هو انتماء اسرة وبمجرد ما واحدة تقول لي انا قريت فى الاميرية احس انها بس زي اختى بت امى و أبوي . وأنا كنت مستغربة فى سر الريدة الغريبة لغادة عبد العزيز خالد والانا بعرفها من فترة لحدى ما عرفت من البوست ده انها من الدفعات الورانا فى الاميرية و والله عمى محمد بتاع الكافتيريا كلما اتزكرو بجينى احساس انو واحد من ناس بيتنا ولحدى اللحظة دى صوتو بيرن جواي لامن الزحمة بتاعت الفطور ونحن نصرخ فيهو وهو بكل صبر يهدى فينا..
أصبرى يا وردة..
أصبرى يا حلوة..
الغالية لنا لو لقيت زمن بجيكى راجعة
(مع محبتى) بتاعتك لانك طالما انتى القايلاها فتبقى من ممتلكات بحرى الاميرية
اختك الشقيقة فائزة موسى

Quote: الغالية لنا مهدى طبعا يا لنا انا ما زيك الكتابة بتجينى بسهولة وانت طبعا معروفة من زمان انك كنتى بتغلبينا فى الكلام وكيف كانت استاذة فاطمة عبده بتقومك عشان تقيفى قدام السبورة وتشرحى لبقية الفصل قواعد الاعراب, وكلما اتذكر ايام الاميرية بلقاكى انتى فى المقدمة زي كانك كنت عنوان للفترة ديك عشان كده أصلو ما مستغربة إنك تكونى أديبة وكمان رغم الفصل كلو كان بيستمتع بطريقة تدريس استاذة محاسن للتاريخ لكن اهتمامك انت بالمادة دى كانت مختلفة وده الخلانى ما أتفاجأ انى اشوفك واحدة من كوادر حزب الامة المتميزات و ما حتصدقى لو قلت ليكى إنى اخر مرة قعدت اكتب كانت فى 2001 ودى كانت لرسالة الماجستير لكن من غير ما أحس مسكت القلم وبديت اكتب وده بصراحة لانك صحيتى جواي زكريات ما ممكن تتنسى, والله انا حاسة زي الفصل كلو قاعد معاي وانت يا لنا بالذات بتذكر بيكى تفاصيل الاميرية واحد. والانتماء للاميرية واحد هو انتماء اسرة وبمجرد ما واحدة تقول لي انا قريت فى الاميرية احس انها بس زي اختى بت امى و أبوي . وأنا كنت مستغربة فى سر الريدة الغريبة لغادة عبد العزيز خالد والانا بعرفها من فترة لحدى ما عرفت من البوست ده انها من الدفعات الورانا فى الاميرية و والله عمى محمد بتاع الكافتيريا كلما اتزكرو بجينى احساس انو واحد من ناس بيتنا ولحدى اللحظة دى صوتو بيرن جواي لامن الزحمة بتاعت الفطور ونحن نصرخ فيهو وهو بكل صبر يهدى فينا.. أصبرى يا وردة.. أصبرى يا حلوة.. الغالية لنا لو لقيت زمن بجيكى راجعة (مع محبتى) بتاعتك لانك طالما انتى القايلاها فتبقى من ممتلكات بحرى الاميرية اختك الشقيقة فائزة موسى

فايزة الحبيبة
يا حليل زمان و شطارة زمان أيام الزمن زين قبل ما المخ يتخن والكبر يحصل
والله كنتن صبورات على دور المدرسة الكنتا بطبقو فيكم
متذكرة طبعا ست محاسن الكانت تنظق اسماء بناة الاهرام بصورة مختلفة و محببة وبالمناسبة درست انا تاريخ فى الجاعة حبا لها
والله يا حبيبة من لحظة شمس الدين اتكلم عنك و سالنى انتى لنا صاحبة فايزة و انا كل تفكيرى و ذكرياتى حول الاميرية
متذكرة عمي محمد الدمث جدا والصبور
ومشاعر المرقوها من المدرسة فى اولى عام و اتزوجوها و حزننا على فراق صاحبتنا
ومحاسن ابراهيم طلب ال"ليدي"بحق من صغيرة
احلام حسن النعيم الطيبة و رزينةالقرت اقتصاد بالمناسبة
ندى الاحمر الجاتنا محولة من الكويت وكانت بتقول "بيسكويت"خطفاً برقى شديد
نهلة محمود بت كوبر و اخر اخبارا انها قرت الثانوى فى الخرطوم الثانوية
هويدا شديدة الرقة التى كانت متخصصة فى تلحين الاناشيد الانجليزية
هنادي اللطيفة طيبة القلب سريعة الحركة و البديهة
هالة التى كانت مغرمة بان تقول لكل من يعرف اسمي يعنى الهالة حول القمر الكانت يا فايزة خامس صف ورانا وكانت رقيقة و طيبة و حنونة جدا
زينب الرفيعة و هادئة
علوية التى بدانا مرحلة الثانوى العام معها بشكلة لانها كانت تصر انها اقصر منا كي تجلس فى اول صف واصبحت فيما بعد صديقتنا
اكرام و افاق و هاتين البنتين لن تكفيهما مجلدات الدنيا
وفايزة
الرقيقة و حنونة و ملاك بمعنى الكلمة و الله اداك يا شمس الدين
الف مبروك الماستر و حابة اسمع كل اخبارك يا حبيبة

كم أنا سعيد بتهنئتي لشمس الدين و فائزة بالمولود. و ازدادت سعادتي بتفرع هذا البوست المترع بالذكريات عن بوست التهنئة.
و تحياتي (للإخوة و الأخوات) ملاسي و شمس الدين و لنا و فائزة . و (للبنات) غادة و نادية و إيمان .(Just kidding)

غادة عبدالعزيز خالد
الاستاذه فائزه عندها بنت واحده بس الزمن داك كانت بتدرس خارج السودان
اللى كانوا معانا فى المدرسه بنات اختها دكتوره امنه نقد

لنا مهدى
كلنا ناس بحرى الحلوين

Quote: لنا مهدى كلنا ناس بحرى الحلوين

الحبيبة سمارت انا
الحقيقة بالجد ناس بحري حلوين كان سكان كان مدارس

Quote: تحياتي (للإخوة و الأخوات) ملاسي و شمس الدين و لنا و فائزة . و (للبنات) غادة و نادية و إيمان .(Just kidding)

اخي الحبيب العوض
بالجد وقت غادة و نادية و ايمان ما دخلوا المدرسة نحنا كنا فى العام
تانى لو واحدة فيكم يا بنات قالت لى يا لنا بدون "خالتى"الشكلة بتدور
لاكين برضو ملاسي و دورنقاس أعمامنا وجدود البنات[وجه ضاحك]
شكرا للبوست الخاص بك الذى كان السبب فى لقاء الحبيبات بعد طول غياب

لنا الحبيبة
يا اخ هيجت علينا لواعج الذكري كما يقولون..
بحري واحد وفصلنا ملكة الجنب المكتب ..ست كوثر الناظرة المثالية ياسلام لشدة ما كان يعجبني هدوءها ورزانتها وكذلك بناتها عسل زيها..يالنا اكرام اصبحت مهندسة مدنية وهي تسكن الكدرو كنا نسكن بداخلية واحدة بالجامعة" فلسطين" في اولي الهسه عملوها إدارة ولا شنو ما عارفة اصلو الجامعة ذاتا اتشقلب حالا وصرنا غرباء حينما نذهب زي الاطرش في الزفة ماعارفين حاجة..نرجع للأميرية مدرستنا العزيزة..تتذكري الجمعيات الادبية ..وكيف كانت حافله طبعا انت يالنا اصغر مننا بدفعة ..ان شاء استاذ الباقر يكون درسكم يا اخ دا زول ما عادي الي الآن حصصه ترن في اذني لغته العربية الثمينة واشعاره وبلاغته..تتذكري " الليث الأبيض" او كما نلقبها وكيلة ريفي ..وعم محمد حتي هو ما نسيتيه والله احييك علي ذاكرتك..شفت السمك الكان بعمله عجيب كيف غايتو نصه دقيق !..كانت مدرسة متكاملة ..بداخلية وشكل مدرسي نفتقده الآن فالمدارس اصبحت بيوت مأجرة لا حوش زي الناس ولا حديقة ولا فصول تشبه الفصول ..كل السمح ذهب ذهب للأسف ونأمل ان يعود..والله الجامعة الختوها مكان المدرسة لا جاية لا حاجة كل ما امر بيها زيك والله " بتغاظ" ما لا المدرسة كانت اجمل ما يكون وخرجت اجيال واجيال ..وكت داقين صدرهم لإنشاء جامعات ما يبنوا ماالتعليم بقي بقروش وقروش ماهينة الطالبة البتكتب ابوها عامل بتدفع 600 الف قدر ماهيته تلاته مرات ناهيك عن ملايين اخري لا تحسن بها بيئة تعليم ولا غيره ..كل استاذ استاذين اتلمو اجروا بيت عملوه مدرسة ..لا طابور لا حديقة تفتح نفس التلاميذ لا معمل لا ..لا ..واه من دا زمن..ربنا يعدل الحال يالنا وتعود مدارس مثل بحري وريفي واحسن ..فهلا دعونا جميعا ..

Quote: يا اخ هيجت علينا لواعج الذكري كما يقولون.. بحري واحد وفصلنا ملكة الجنب المكتب ..ست كوثر الناظرة المثالية ياسلام لشدة ما كان يعجبني هدوءها ورزانتها وكذلك بناتها عسل زيها..يالنا اكرام اصبحت مهندسة مدنية وهي تسكن الكدرو كنا نسكن بداخلية واحدة بالجامعة" فلسطين" في اولي الهسه عملوها إدارة ولا شنو ما عارفة اصلو الجامعة ذاتا اتشقلب حالا وصرنا غرباء حينما نذهب زي الاطرش في الزفة ماعارفين حاجة..نرجع للأميرية مدرستنا العزيزة..تتذكري الجمعيات الادبية ..وكيف كانت حافله طبعا انت يالنا اصغر مننا بدفعة ..ان شاء استاذ الباقر يكون درسكم يا اخ دا زول ما عادي الي الآن حصصه ترن في اذني لغته العربية الثمينة واشعاره وبلاغته..تتذكري " الليث الأبيض" او كما نلقبها وكيلة ريفي ..وعم محمد حتي هو ما نسيتيه والله احييك علي ذاكرتك..شفت السمك الكان بعمله عجيب كيف غايتو نصه دقيق !..كانت مدرسة متكاملة ..بداخلية وشكل مدرسي نفتقده الآن فالمدارس اصبحت بيوت مأجرة لا حوش زي الناس ولا حديقة ولا فصول تشبه الفصول ..كل السمح ذهب ذهب للأسف ونأمل ان يعود..والله الجامعة الختوها مكان المدرسة لا جاية لا حاجة كل ما امر بيها زيك والله " بتغاظ" ما لا المدرسة كانت اجمل ما يكون وخرجت اجيال واجيال ..وكت داقين صدرهم لإنشاء جامعات ما يبنوا ماالتعليم بقي بقروش وقروش ماهينة الطالبة البتكتب ابوها عامل بتدفع 600 الف قدر ماهيته تلاته مرات ناهيك عن ملايين اخري لا تحسن بها بيئة تعليم ولا غيره ..كل استاذ استاذين اتلمو اجروا بيت عملوه مدرسة ..لا طابور لا حديقة تفتح نفس التلاميذ لا معمل لا ..لا ..واه من دا زمن..ربنا يعدل الحال يالنا وتعود مدارس مثل بحري وريفي واحسن ..فهلا دعونا جميعا ..

انا بنت النيل الحبيبة الغالية وين انتى يا حبيبة اشتقنا ليكي
ومعك ندعو ان تعود تلك الحقبة الرائعة من تاريخ التعليم الحكومى الزاهي فى أوج ازدهاره
هل انت دفعة شويكار"شوشو"واميرة عبدالماجد؟؟
بالله واصلي و ادعوك بشدة لكتابة ذكرياتك هنا فهي مما يسعد
محبتى

العزيزة لنا مهدى
تحياتى مع كثير احتراماتى

قلت لفائزة فى معرض حديثى عنك, أن لنا مهدى كانت كالنحلة همة ونشاط وكان هذا مدخل لاستدعاء
فترة تعتبر من أخصب فترات تكويننا الفكرى من خلال سانحة تواجد كل التيارات السياسية والفكرية فى مكان واحد
وما لفت نظرى فى تلك الفترة ان شباب حزب الامة الذين التقيتهم بمصر كانوا يختلفون كما وكيفا. وأقول صادقا
انهم استطاعوا أن يزيلوا هذه الصورة( الباهتة) فى ذهنى فى فترة الديمقراطية الاخيرة لان هناك صورة علقت فى الاذهان بأن الكادر الشبابى او الطلابى هو من نصيب قوى اليسار او التيار الاسلاموى. إلا أن هؤلاء الفتية الذين
إلتقيتهم بمصر فاجأءونى بعددهم وعدتهم. ورغم اختلافى السياسى مع برنامج حزب الامة إلا اننى حملت احتراما خاصا لكوادر حزب الامة بمصر وكانت النتيجة علاقات وصداقات اعتز بها حتى الان. فلم يكن بالقليل ان تلتقى
فى تنظيم واحد وفى شقة واحدة من هم فى رحابة صدر وسعة افق كل من بازرعة العمدة , الهادى , يعقوب أو
ادم داود زد اليهم عمر واحمد الامين موسى. أما صديقى الصدوق اباهريرة زين العابدين و صديق حسن مساعد والمكاشفى بخيت, كنت لا اتى اليهم إلا وانا فى قمة التسليح باخر انتاج عابد الجابرى وأركون وحتى الان لا زلت استدعى من الذاكرة تلك المناقشة التى انقطعت بينى والمكاشفى فى اغتيال العقل العربى لبرهان غليون أما ذلك المقاتل الحديدى احمد جلال فانا أعتبره مدرسة مستقلة فى بناء الجسور
. بل القاهرة كانت مكانا لبعض المشاريع الطموحة جدا والتى منها حواراتنا العديدة مع يونس حبيب الله حول انسب المداخل لاحتواء التسمم الاثنى والتناحرات القبلية بين النوبة والبقارة فى مناطق التماس والتى تاثرت بسرطان االجبهة اللااسلامية. وكان اكثر من عادى أن نتخاشن ونحتد مع الديناميكى صلاح جلال حول بعض المواقف التى تخصنا فى
الحزب القومى وفى اليوم الثانى نكون فى غاية الملاطفة ونحن نحتفل بقدوم ابنه جلال.
أما فى تمارين كرة القدم فلقد كان هناك مشهد فى غاية الدلالة والتعبير والتى كانت تحكى لوحة من الانسجام الفريد بين جيل الخبرة وجيل الشباب.. فهاهو د. التيجانى سيسى الخلوق والاستاذ حسن عبد الله المحامى المهذب فى معركة كروية ضد عبد الحفيظ عباس وعباس الفكى تنتهى بباص لابا هريرة منفردا بالمرمى وفى الخلف عباس الفكى يصيح مستلفا بعض مفردات ابو هريرة الثقافية ( يا الله يا ابو هريرة طريقك مخملى امشى جيب قون).
كل هذا لفت نظرى إلا أن الملاحظة التى فرضت نفسها هى جندريات حزب الامة من شاكلة اخلاص مهدى , لنا , كوثر مصطفى وثريا عبد اللطيف واللاتىاستطعن أن يعدن صياغة صورة البنت الملتزمة سياسيا الى صورة اكثر نضوجا وفاعلية. اكثر ما يميز اخلاص ولنا و اخواتها هى قدرتهن المتناهية فى اشعارك ببساطتهن وما ان تقترب منهن فهناك لوحة من توهج الذكاء وقدرة غير عادية فى الدخول معك فى حوارات مهما كانت درجة تعقيدها وعليك ان تسلم بانهزامك إن جئت اليهن وانت لا تفقه شيئا فى التطور الجندرى بحزب الامة
فشكرا لك لنا والى كل شباب حزب الامة .

شمس الدين السنوسى

لنا الحبيبة
فعلا نحن ومن ذكرت دفعه..افتقد بت عبد الماجد بشدة فقد كانت فلته الدفعة شاطرة ومبدعة وكليمة وسمحه..
سأعود في وقت ارحب لإجترار الذكريات الصادقة ونبيلة

اميرة عبدالماجد اخر عهدى بها الثانوى العام
قابلت شقيقتها حنان حين عدت فى اجازة تانية عالى و نزلت معهم المدرسة فقط للقيا صديقات الزمن الحلو
وكان ذلك فى بحري القديمة حيث امضيت معهم قرابة الشهر
وبعدها لم ارها و لم اسمع عنها
معظم بنات الاميرية انتقلوا الى بحري القديمة
فى انتظار ذكرياتك بنت النيل

Quote: قلت لفائزة فى معرض حديثى عنك, أن لنا مهدى كانت كالنحلة همة ونشاط وكان هذا مدخل لاستدعاء فترة تعتبر من أخصب فترات تكويننا الفكرى من خلال سانحة تواجد كل التيارات السياسية والفكرية فى مكان واحد وما لفت نظرى فى تلك الفترة ان شباب حزب الامة الذين التقيتهم بمصر كانوا يختلفون كما وكيفا. وأقول صادقا انهم استطاعوا أن يزيلوا هذه الصورة( الباهتة) فى ذهنى فى فترة الديمقراطية الاخيرة لان هناك صورة علقت فى الاذهان بأن الكادر الشبابى او الطلابى هو من نصيب قوى اليسار او التيار الاسلاموى. إلا أن هؤلاء الفتية الذين إلتقيتهم بمصر فاجأءونى بعددهم وعدتهم. ورغم اختلافى السياسى مع برنامج حزب الامة إلا اننى حملت احتراما خاصا لكوادر حزب الامة بمصر وكانت النتيجة علاقات وصداقات اعتز بها حتى الان. فلم يكن بالقليل ان تلتقى فى تنظيم واحد وفى شقة واحدة من هم فى رحابة صدر وسعة افق كل من بازرعة العمدة , الهادى , يعقوب أو ادم داود زد اليهم عمر واحمد الامين موسى. أما صديقى الصدوق اباهريرة زين العابدين و صديق حسن مساعد والمكاشفى بخيت, كنت لا اتى اليهم إلا وانا فى قمة التسليح باخر انتاج عابد الجابرى وأركون وحتى الان لا زلت استدعى من الذاكرة تلك المناقشة التى انقطعت بينى والمكاشفى فى اغتيال العقل العربى لبرهان غليون أما ذلك المقاتل الحديدى احمد جلال فانا أعتبره مدرسة مستقلة فى بناء الجسور . بل القاهرة كانت مكانا لبعض المشاريع الطموحة جدا والتى منها حواراتنا العديدة مع يونس حبيب الله حول انسب المداخل لاحتواء التسمم الاثنى والتناحرات القبلية بين النوبة والبقارة فى مناطق التماس والتى تاثرت بسرطان االجبهة اللااسلامية. وكان اكثر من عادى أن نتخاشن ونحتد مع الديناميكى صلاح جلال حول بعض المواقف التى تخصنا فى الحزب القومى وفى اليوم الثانى نكون فى غاية الملاطفة ونحن نحتفل بقدوم ابنه جلال. أما فى تمارين كرة القدم فلقد كان هناك مشهد فى غاية الدلالة والتعبير والتى كانت تحكى لوحة من الانسجام الفريد بين جيل الخبرة وجيل الشباب.. فهاهو د. التيجانى سيسى الخلوق والاستاذ حسن عبد الله المحامى المهذب فى معركة كروية ضد عبد الحفيظ عباس وعباس الفكى تنتهى بباص لابا هريرة منفردا بالمرمى وفى الخلف عباس الفكى يصيح مستلفا بعض مفردات ابو هريرة الثقافية ( يا الله يا ابو هريرة طريقك مخملى امشى جيب قون). كل هذا لفت نظرى إلا أن الملاحظة التى فرضت نفسها هى جندريات حزب الامة من شاكلة اخلاص مهدى , لنا , كوثر مصطفى وثريا عبد اللطيف واللاتىاستطعن أن يعدن صياغة صورة البنت الملتزمة سياسيا الى صورة اكثر نضوجا وفاعلية. اكثر ما يميز اخلاص ولنا و اخواتها هى قدرتهن المتناهية فى اشعارك ببساطتهن وما ان تقترب منهن فهناك لوحة من توهج الذكاء وقدرة غير عادية فى الدخول معك فى حوارات مهما كانت درجة تعقيدها وعليك ان تسلم بانهزامك إن جئت اليهن وانت لا تفقه شيئا فى التطور الجندرى بحزب الامة فشكرا لك لنا والى كل شباب حزب الامة . شمس الدين السنوسى

اولا اخي الحبيب الكريم شمس الدين اشكرك على كلماتك الجميلة فى حقي و زميلاتي و زملائي الاحباب
فترة الدراسة بمصر اكاد اجزم بانها وضعت بصماتها و حفرت تاثيرها عميقاً فى فكر ووجدان كل من مر بهذه التجربة الثرية
ذكرتنى مداخلتك بسياسيي الزمن الجميل الستينيات حيث سمعنا انهم كانوا"يصلو الحد"بداخل اجتماعاتهم و فى مناقشاتهم منطلقين من ضروب شتى من التوجهات الفكرية و السياسية و بمجرد انتهاء الاجتماع فاذا بهم كلهم مجتمعين للغداء او للعشاء عند هذا او ذاك
كانت روحهم طيبة لانهم كانوا يتعاملون مع السياسة بدون عصبية و باعتبارها احدى وسائل و آليات حل مشكلات السودان ولا ينظرون لها فى حد ذاتها كغاية
سبحان الله كل من ذكرت من احباب هنا ذهب فى بلد مختلف بعد ان ظنوا حينا انهم لن يفترقوا البتة،وتفرقوا فى اصقاع الارض طلبا للعيش حيناً و طلبا للعلم حيناً آخر
وفرقت السياسة بعضاً منهم عن إخوتهم و إن لم تفرقهم انسانيا او اجتماعيا
سقى الله ايام مصر فقد كانت بحق رائعة و مبهرة فى ذلك البلد الآمن المضياف
محبتى و كثير احترامي