Post: #1
Title: اين ود البلد
Author: محمد حسن العمدة
Date: 05-30-2004, 06:55 AM
Parent: #0
حقيقة يا احباب انقطعت فترة طويلة قبل دخولي باسمي الحقيقي وحقا لقد افتقدت الاستاذ واد البلدببوستاته القيمة والمفيدة رغما عن اختلافي الكبير معه لا ادري وضعه الان من المنبر اتمنى ان يكون بخير وان اسمع اخبارا عنه
|
Post: #2
Title: Re: اين ود البلد
Author: haleem
Date: 05-30-2004, 08:16 AM
Parent: #1
والله سبقتنا يا أخ محمد بسؤالك عن هذا الرجل...
فقد طال غيابه حقيقة...
نتمنى ظهوره ...وتشكر على السؤال
|
Post: #3
Title: Re: اين ود البلد
Author: اساسي
Date: 05-30-2004, 09:53 AM
Parent: #2
ود البلد دا معانا هنا ..؟
بكتب سرا كان ولا شنو ..؟
يطرشنا ويعمينا
|
Post: #4
Title: Re: اين ود البلد
Author: محمد حسن العمدة
Date: 05-30-2004, 10:19 AM
لحبيب haleem
ود البلد وكثيرون مثله افتقدناهم كثيرا ونحن في هذه المرحلة احوج ما نكون لمناقشاتهم التي تفيدنا كثيرا رغما عن اختلاف الراي
الحبيب السماني
يا خوي انت اساسي تقليد ولا شنو ولا هترشات الشيوعيين اثرت فيك ود البلد دا كان زيك كدا اساسي في البورت وانشاء الله يرجع عشان يثمر النقاش انت خليك مع بقايا اليسار وهو تخصص فينا نحن الاميون
|
Post: #5
Title: Re: اين ود البلد
Author: اساسي
Date: 05-30-2004, 10:32 AM
Parent: #4
ايوا ايوا اتزكرته
والله بيني وبينك الزول كان نجاضة بس ماشاء الله عليهو
كانة بريحني فيكم جنس راحة
تعرف المشكلة عندي كمية من الاصدقاء والاصحاب من الامين
لو ما كدا كان استلمت منه الراية لحدي ما يرجع
اصلي عندي راي زاتي وعامل بيهو نايم
يا ود البلد الجماعة ديل راجينك
|
Post: #6
Title: Re: اين ود البلد
Author: WadalBalad
Date: 05-30-2004, 08:36 PM
Parent: #1
Salamat brothers Omda, Asasi, and Haleem
Thanks for the inquiry. I'm around here everyday, watching, reading and enjoying the board. However, I'm also terribly busy with an enormous project on energy resources, which consumed me and my time to the bottom of my teeth. I will be back soon when I finish this task.
Thanks again for asking
|
Post: #7
Title: Re: اين ود البلد
Author: المسافر
Date: 05-30-2004, 09:22 PM
Parent: #6
ود الباوقة
أصبحت زي الناس؟
انت بتسأل عن ود البلد
كدي تعال نسألك
من ايات عمودية انت
جدي العمدة ابريش؟
ولا جدي العمدة ألمين؟
من ولاد حمد ولا ولاد ألمين
الحاجة قالت تشبه لي ولد سيدة بت فاطنة
دايراك متل ابوي جبلا ولا بتهزة
متل ابراهيم أخوي من الكتل ما فزة
متل المين أخوي شطة وعقارب حزة
الخيل الما بتدور اللكزة
ان رجعت سروجن راجية المساير حزة
|
Post: #8
Title: Re: اين ود البلد
Author: محمد حسن العمدة
Date: 06-01-2004, 07:38 AM
Parent: #7
الحمد لله ان طمننا الاخ ود البلد واتمنى مشاركاتك في اسرع وقت
العزيز المسافر
سلام يا زين تراكا بتعرفنا اها اسال الحاجة بتعرف الفكي حسن صاحب البنيه بتاعت التكاوين ؟
نحن اولاد حمد واللمين ويا حليل زمن حمد واللمين
واوسي المغاربة التكاوين الحواشات الكياية الدويحية السوق الجرانيس فتوار وبنية من فتوار موقدة في النار من لهيب الشوق ابكي ليل ونهار
وبسد الساحة وبشيل مفتاحا وجناين الباوقة اللذيذ تفاحا
ما دقتا التفاح يا مسافر ؟
ولا ما سمعتا بالباوقة ام زهور هي جنة وبناتا حور
آآآآآآآآآآآآآآخ يا المسافر مالك عاوز تقلب على المواجع من الصباح
|
Post: #9
Title: Re: اين ود البلد
Author: المسافر
Date: 06-03-2004, 02:22 PM
Parent: #8
العمدة
قلبت عليك المواجع؟
ما سمعت...
الليلة الهبوب جات من صعيد مقلوبة
خلتني اتوب آه أنا التوبة للنار أوبة
يا دوبة ادخنت ومرقت قاعدة في الراكوبة
البت ام ضميراً محزز زي قزار الكوبة
خلت قلبي أنا آه مكنة فورد في البادوبة
مكتوب حناك في حشاي
سفرك غلط زاد لي شقاي
البانة يا أم خصراً نحيل
فوقه الصدير شايل تقيل
لولا الزمن قال مستحيل
ما ظن صباحنا يعقبه ليل
أصيلة يا بنت الرجال
الزول من صغير ما قالوا قال
لولا الزمن جاب المحال
ما ظن فراقنا بعد وصال
يوم الخميس ناوي الرحيل
عليك يالباوقة ام نخيل
|
|