Post: #1 Title: اعتقد حلو مشكلة صانع اللعب ... Author: محمد عبدالرحمن Date: 03-28-2012, 10:15 PM Parent: #0
0
Post: #2 Title: Re: اعتقد حلو مشكلة صانع اللعب ... Author: محمد عبدالرحمن Date: 03-28-2012, 10:16 PM Parent: #1
باقى ليهم اتنين ...حارس مرمى ومدافع يلعب بجوار باسكال ...
Post: #3 Title: Re: اعتقد حلو مشكلة صانع اللعب ... Author: محمد عبدالرحمن Date: 03-28-2012, 10:20 PM Parent: #2
فيصل موسى الباص الجميل الذى اهداه لاديكو اليوم بالتاكيد سيمنحه كثير من الثقة ...وربما انطلف انطلاقته المعهودة ...فالزول لعاب ...واللعب مابندس ...
Post: #4 Title: Re: اعتقد حلو مشكلة صانع اللعب ... Author: محمد عبدالرحمن Date: 03-28-2012, 10:25 PM Parent: #3
حاولت اكتب فى السياسة غلبنى عديل ..بدات بالكتابة عن الحر ب واعلان الجهاد المزعوم ..وقبل ان استرسل فى الكتابة وجدت معلومة ان البشير سيذهب لجوبا فى موعده المحدد سابقا .. ماعرفت اكتب شنو ؟....حيرونا الكيزان ديل ياخ .. واصعب من الكتابة فى موضوع الحرب محاولة التكهن بما سيخرج به اجتماع الهيئة المركزية لحزب الامة المنعقد فى السادس من ابريل ...
قلت انسى القصص دى كلها واكتب فى ثغرات تشكيلة المريخ ....
Post: #5 Title: Re: اعتقد حلو مشكلة صانع اللعب ... Author: محمد عبدالرحمن Date: 03-28-2012, 10:35 PM Parent: #4
طبعا لم اكتب عن الهلال رغم هلاليتى التى لايتناطح فيها (ثوارن) ...لانو اعتقد ان الهلال ليس به ثغرات كبيرة ... مشاكل الهلال من وجهة نظرى تكمن خارج الملعب .. :
...الامين البرير ومحاولات (كسر الرقبة) ووضع الهلال فى جيبه التى يحاول فيها منذ الموسم السابق .. وخاصة محاولات التاثير على اللاعبين وفرض سيطرته ... هاشم ملاح اكتشفت انو مااقل من البرير .. (كسر رقبة جد) ...
غير دا ماعندنا عوجة تب ...
Post: #6 Title: Re: اعتقد حلو مشكلة صانع اللعب ... Author: Mahmoud Mustafa Mahmoud Date: 03-28-2012, 10:36 PM Parent: #4
Quote: قلت انسى القصص دى كلها واكتب فى ثغرات تشكيلة المريخ ....
عين العقل والله...
..
.
Post: #7 Title: Re: اعتقد حلو مشكلة صانع اللعب ... Author: نيازي مصطفى Date: 03-28-2012, 10:51 PM Parent: #6
Quote: قلت انسى القصص دى كلها واكتب فى ثغرات تشكيلة المريخ ....
غلبتو نسيتو قبل على جيرانو او المثل بتصرف سلااااامات يا خ مشتاقين والله كيفك ؟
Post: #8 Title: Re: اعتقد حلو مشكلة صانع اللعب ... Author: محمد عبدالرحمن Date: 03-29-2012, 06:06 AM Parent: #7
Quote: عين العقل والله...
مش كدا يامصطفى ياخ ...مع انو مافى فرق فى الوقت الراهن مابين موسى الزومة وعمر البشير ...
Post: #9 Title: Re: اعتقد حلو مشكلة صانع اللعب ... Author: محمد عبدالرحمن Date: 03-29-2012, 06:11 AM Parent: #8
Quote: غلبتو نسيتو قبل على جيرانو او المثل بتصرف سلااااامات يا خ مشتاقين والله كيفك ؟
..
هلا ياحبيب نيازى ...اخبارك واهل المدينة ... ياخ انت قائل الجيران هينين يعنى ...امورك كيف ... بالله بلغ تحياتنا (للساكن المدينة ) ...
Post: #10 Title: Re: اعتقد حلو مشكلة صانع اللعب ... Author: khaleel Date: 03-29-2012, 06:27 AM Parent: #9
انت دحين يا محمد
فيصل موسي دا بقدر
يلعب الباص دا مع مازيمبي
البون ساشع بين مازيمبي وهلال كاد (يغلي)
المريخ خارج الابطال بامر مازيمبي
ما حصل في هجليج تفلتات امنية
سيوقع الطرفان بالنبوت
هيثم مصطفي مالو زعلان
Post: #11 Title: Re: اعتقد حلو مشكلة صانع اللعب ... Author: Elhadi Date: 03-29-2012, 06:42 AM Parent: #10
محمد.. سلام..
أنا مريخابي، لكن ما اتعودت أغش على نفسي..
فيصل موسى من خلال مشاهدتي له حتى الآن.. ماسورة كبيرة وكيسو فاضي
لكنه قد يبقى في كشف المريخ لموسم آخر لأنه اتعملت ليهو دعاية جامدة
وكرنقو .. ماسورة هو الآخر، وهو ومجدي أمبدة على رأس قائمة المشاطيب ربما في يونيو :)
ياخ جي ليك من الآخر كده المريخ من اللاعبين السودانيين ما فيهو إلا لاعبين فقط عليهم القيمة..
"ولدنا" راجي عبد العاطي وبلة جابر..
والبركة في المحترفين أديكو وباسكال والبقية
Post: #12 Title: Re: اعتقد حلو مشكلة صانع اللعب ... Author: Elhadi Date: 03-29-2012, 06:50 AM Parent: #11
نسيت أضيف حاجة :
فيصل العجب هو صادق المهدي الكورة السودانية بكل ما للكلمة من معنى :)
Post: #13 Title: Re: اعتقد حلو مشكلة صانع اللعب ... Author: محمد الكامل عبد الحليم Date: 03-29-2012, 07:07 AM Parent: #12
تحية....
ولان الشي بالشئ بذكر فان صانع اللعب في الحراك السياسي السوداني هو المؤتمر الوطني رغم امثولة حكومة القاعدة العريضة والتي تضم الميرغني ومحسوبيه المطيعين...يلعب المؤتمر الوطني علي اجساد الشعب المغلوب علي امره...وبزمن يمتلك وحده صافرته...لكن اطرافه تتاكل بفعل الزعزعة التي لايستطيع معها المناولة والتغذية...يتسيد الملعب طولا(فقط) ويواجه وحده المرتدات...لا ظهر له سوي بعض المشجعين المغردين في سرب احلام الفوز بكاس العالم...
Post: #14 Title: Re: اعتقد حلو مشكلة صانع اللعب ... Author: محمد عبدالرحمن Date: 03-29-2012, 07:16 AM Parent: #12
Quote: فيصل العجب هو صادق المهدي الكورة السودانية بكل ما للكلمة من معنى :)
حبابك ياهدهد ...
(جد لينا جد لينا ولدنا رجع لينا )... سيد صادق دا مسى الكرة الاسبانية ..العجب الشوية دا ...
شكلك المرة دى رامى طوبة المريخ ..على فكرة مشكلة فى حراسة المرمى ومتوسط الدفاع تعنى ان الفريق غير مؤهل لاحراز البطولات ..المريخ دقس فى شطب بهاء الدين قبل ثلاثة مواسم وحتى الآن لم ياتى بالبديل ...
مرحب ياحبيب حبابك ياهدهد ...
Post: #15 Title: Re: اعتقد حلو مشكلة صانع اللعب ... Author: Sayed Bekab Date: 03-29-2012, 07:45 AM Parent: #14
* يلعب الباص دا مع مازيمبي *
احتمال وارد لكن الباص عكسي :)...... ناس المريخ ديل حدهم دور ال٨ الفريق بصراحه مهلهل هلهله شديده خلاص لا صانع آلعاب لاحارس محنك لا متوسط الدفاع........
*هيثم مصطفي مالو زعلان*
صاحبك بالفرنسي راحت عليهو المفروض يبقوهو امام مسجد الهلال بعد ده الموضوع ما بستحمل طبطبه علي الراس ووقيع واطه و لياقه متدنيه...... بقدر ما ذكي هيثم لكن ما قادر يعرف انو الزمن مشه خلاص ......
الإستثمار فى قطاع الناشئين هو الحل لكن لحدي متين حنقعد نعيد و نزيد فى الكلام ده عجبي علي الكرة السودانية ................
Post: #16 Title: Re: اعتقد حلو مشكلة صانع اللعب ... Author: امير عوض الجمري Date: 03-29-2012, 07:51 AM Parent: #14
محمد عبد الرحمن كيف الاخبار والاحوال تحياتي ...........
Quote: المريخ دقس في شطب بهاء الدين
اها يا محمد بهاء الدين جاكم سيلو بيهو كاس افريقيا ...
الهادي دا مريخابي صحي !!!!!!!!!!!!!!!!!!!!!
فيصل لعااااااااااااااااب يا هلالاب ... والجاي احلى يا ابوحميد ...
فريق الاتحاد بقرية (الواق الواق) ...اول مرة يلعبو فى الاستاد ..فى بداية المباراة جابو ليهم قون ..وتعال شوف بعد داك ..الاستاد كلو شغال ( عباس ادها الخلا ..ادها الخلا ياعباس) .. يعنى شوت الكورة برة الميدان عشان يضيع الزمن .. وعباس يعجبك يشيل ويشوت فى الكورة برا الميدان .. ربع ساعة كدا الخصم نظمو صفوفو ...وهاك يااقوان جماعتك طلعو مغلوبين 6/1 ..اسى القصة دى بتبقى على المؤتمر الوطنى ...البشير شوت الكشافات دا مابحلو ...والستة (محمداهو)..
Post: #18 Title: Re: اعتقد حلو مشكلة صانع اللعب ... Author: محمد عبدالرحمن Date: 03-30-2012, 07:48 PM Parent: #17
لكن كسلا سرها باتع ...وعلاقتها بالابداع والحرفنة علاقة قوية ..قدمت من النجوم الحاليين ..
حتى فى الغناء كسلا قدمت الاغنية الرومانسية الجميلة ...قدمت ابراهيم حسين والحلنقى وعبدالعظيم حركه وكجراى ...وكثر كثر ...
صوت السواقي الحاني ذكرني ماضي بعيد وعلى الرمــــــــــال آثارك طرتني ليلة عــيد المني قلبك ينسا يرفس غــــــــــلاوة الريد باقي الطريق بمشــــيهو خليني فيهو وحيد والحب عذاب في كسلا حبيت عشانك كسلا وخليت دياري عشانها واخترت ارض التاكا الشـــــــــاربه من ريحانها فرحــــــــــــت ليالي الريد نداوة البسمات خلتني أبكى حبيت عشانك كسلا وخليت دياري عشانها واخترت ارض التاكا الشـــــــــاربه من ريحانها
Post: #19 Title: Re: اعتقد حلو مشكلة صانع اللعب ... Author: عبد المنعم سيد احمد Date: 03-30-2012, 09:22 PM Parent: #18
محمد عبدالرحمن ابن اربجى اليانعة شاهد معى هذا الهدف وتمعنه مليا الحضرى يشترط على المريخ ان عودته مرهونة بالعبور للمربع الثانى ماهو لو طارو اسة بحصلوا الكونفدرالية البطولة الاسهل ولكن بالعبور سلمة اخرى وبحضور الحضرى بطلعوا من الجنة وسقطة
Post: #20 Title: Re: اعتقد حلو مشكلة صانع اللعب ... Author: محمد عبدالرحمن Date: 03-30-2012, 09:49 PM Parent: #19
يامنعم ..ياابن الحصاحيصا المدينة التى لاتعرف الشيخوخة ...
الحضرى فات فيهو الفوات ...انا مصر انو المريخ دقس بشطبة بهاء الدين ...لليوم ماجا حارس افضل منو للمريخ .. فيما يخص المريخ شكلو غير مطمئن ..حارس ضعيف وثغرة كبيرة فى الدفاع ...المريخ محتاج لمعجزة حتى يعبر لدورى الثمانية ...هذا والله اعلم ...