والله يا جماعة الحرب دي لخبتت الكيمان .. ما تقدر تفرز الكوز من الجك

الناس كلها بقت وطنية شديد .. الله يخرب بيت كده
دحين انا هسه منو ؟؟ وطني ؟؟ طابور خامس ؟؟ شنو ؟؟
يمكن زول سااااااي .. اها ورونا نحنا وين ؟؟؟

شكلك مع ناس خارج القسمة

هوهوة كلاب الحلة يا معتصم ..
وكلاب الحلة قالت هووووووو



..
رحم الله حميد

ان جيت للجد يا ود الجمام
الحرب (فرزت) الكيمان

هسه انت مع منو؟
معانا ولّ مع الخيانة؟

مرحب بيك يامعتصم وكيفك .........
الواقع أن المؤتمر الوطني يدعو لمثل هذا التصنيف لانه في خنقة شعبية غير مسبوقة ........ولقد اعطاه سلفاكير طوق النجاة ........وجمعيهم قد وعو هذه الزنقة ولا مخرج منها الا بحيل مثل تصدير الازمة بايهام الناس بغزو خارجي ........ولكنها صدقني نفخة وانتهت ........وسلفاكير نفسه يعاني من ازمة داخلية يخطط لخلق شعور قومي بديلاً لتنامي القوقعة القبلية التي قد تضعف الدولة الحديثة ......شانه شان ارتريا واي دولة مستقلة حديثاً
اما التوهم السياسي بان حل مشاكل السودان ياتي من الخارج .....فهي محاولة خارج سياق التاريخ ولا تعرف طبيعة الشعب السوداني ولا تهدتي بتجاربه .............سلفاكير دائماً يشكل طوق النجاة للبشير والمؤتمر الوطني ......
نعم للسلام ولا للحرب ......
وعضوية المؤتمر الوطني هي الاولي بتعلم الوطنية و المواطنة ، وهي التي ضربت الوطنية حينما قبلت بوجود اجنبي مسلح بالاراضي السودانية ، وحينما فرطت في حلايب والفشقة ، وحينما طنشت ضرب الشرق في بورتسودان، وهي الاولي بتعلم المواطنة ، حينما لفظت كل من لا يصفق لها ، من الخدمة المدنية والعسكرية ، وحنما اودعت الخصوم في بيوت الاشباح تحت حجة التمكين.....وحينما قلت المواطن في كجبار وبورتسودان والجامعات وحينما خربت النسج الاحتماعي وحينما خربت القضاء مؤسسات الدولة .....فهم غير جديرون بتعليمنا معني المواطنة والوطنية .......

Quote: فهم غير جديرون بتعليمنا معني المواطنة والوطنية .......

شكرا ابراهيم النعمه

عندنا اولاد اهلنا كانو في معسكر الخدمة الالزامية ما قبل الجامعة وسجلو نفسهم دبابين جماعة المنسقية قالو لازم يمشو الجنوب قمنا مشينا قابلنا المنسق قلنا ليهو ديل اولاد صغار غشيتوهم بالاناشيدالوطنية والرجاله فخليهم يمشو يقروا الجامعة بعد داك لو مشوا معاكم ما عندنا مانع سمعنا كلام زي السم المهم ضعيوا عليهم السنه بعد زمن طويل صاحبك المنسق ذاتو المابغباني جاء هنا السعودية وعرفت انو الجماعة قالو ليهو ما في طريقة غير تسافر فترة وترجع لانو ريحتو فاحت بسرقة تعيينات المعسكرات وامتلاك عدد من محلات الجملة للمواد الغذائية والعمل بطريقة الحرامي المنشار فواتير بالزيادة وبيع واعادة بيع
لما شفتو جاني احساس مر وانا بتذكرو لما كان بدينا درس في الوطنية واولادكم عندهم احساس وطني اكتر منكم بدل تمشوا تجاهدو تبقو مخزلين البلد ده مستهدفه لتوجهها لله والجهاد فرض عين ووووو 000

اللهم انزل السلام علي اهلنا وانزع عنهم غشاوة التعايش مع الظلم والفساد

Quote: الناس كلها بقت وطنية شديد .. الله يخرب بيت كده دحين انا هسه منو ؟؟ وطني ؟؟ طابور خامس ؟؟ شنو ؟؟ يمكن زول سااااااي .. اها ورونا نحنا وين ؟؟؟

label لله يا محسنين..!

للحق يا الشفيع .. انا مع الوطن .. وبالتاكيد الوطن ليس نافع
وليس الطيب مصطفى .. اذن انا مع الوطن الهو ما ديل .. ياخي انا خاين

بكرة نقول قولنا ...

Quote: بعد زمن طويل صاحبك المنسق ذاتو المابغباني جاء هنا السعودية

ودا جاء بي شنو؟

بي فيزة منسق؟


تري يسوونها يا قول الخليجيين

محمد علي شقدي

Quote: بعد زمن طويل صاحبك المنسق ذاتو المابغباني جاء هنا السعودية وعرفت انو الجماعة قالو ليهو ما في طريقة غير تسافر فترة وترجع لانو ريحتو فاحت بسرقة تعيينات المعسكرات وامتلاك عدد من محلات الجملة للمواد الغذائية والعمل بطريقة الحرامي المنشار فواتير بالزيادة وبيع واعادة بيع

تحية طيبة

أنا أظن أنّك كذبت هنا

{يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ}

وكما جاء في محكم التنزيل عايز أدلة قوية تسند هذا الزعم مع نشر اسم المنسّق والسنة التي عمل فيها واسم أحد الأبناء الذين توجّهوا لهذا المنسّق وكما نريد تاريخ وصوله للمملكة السعودية ومكان عمله ومن أين حصلت على المعلومات المعرفية بامتلاكه عدد من محلات الجملة وفي أي سوق توجد هذه الأسواق ومن بعثه للعمل في السعودية وأدلة عن طريقة بيعه (بالمنشار)

آسف لتكذيبك ولكن كثرة الكذب في المنبر خاصة مثل (الحكي) الذي أتيت به والتدليس والقذف بالباطل جعلنا لا نصدق أي (حكاوى) ما لم يكن بأدلة وقرائن وشواهد تعضد من الخبرية وحتى لا نصيب قوماً بجهالة فنصبح على ما فعلنا نادمين

حاجة أخيرة :

قال رسول الله صلى الله عليه وسلم لأصحابه :
أتدرون من المفلس؟ . قالوا : المفلس فينا يا رسول الله من لا درهم له ولا متاع . قال رسول الله صلى الله عليه وسلم : المفلس من أمتي من يأتي يوم القيامة بصلاة وصيام وزكاة ، ويأتي قد شتم هذا ، وقذف هذا ، وأكل مال هذا ،وسفك دم هذا ، وضرب هذا ، فيقعد فيقتص هذا من حسناته ، وهذا من حسناته ، فإن فنيت حسناته قبل أن يقتص ما عليه ؛ أخذ من الخطايا أخذ من خطاياهم فطرح عليه ، ثم طرح في النار .

سلام


بالنسبة لي فالوطن لن ينقسم بالطريقة التي عملوها الكيزان..
والجنوب تحرر من ربقة الهوس الديني
والى أن يلحق به الشمال..
ننتظر بشغف اليوم الذي نرى فيه السودان الجديد الذي نادى به الشهيد الراحل د جون قرنق
دولة موحدة من نمولي الى وادي حلفا


تحياتي

يا جماعة انتو جادين عاوزين تجندوني عشان امشي اجاهد عشان اقاتل من اجل نافع
بالجد ما اظنكم بتعرفوني .. والله انا ما محتاج اقول او ازايد .. ولا اسوي نفسي بطل
كفاية في 98 وقبليها في 93 ناسكم ديل قربوا يقتلوني .. انا القدامكم ده لو الجبهة عاوزة تحارب
اليهود والنصارى .. ما اظن في زول عندو القدرة لو قلت لا يقول لي انت كافر او انت عديم وطنية
ياخي الناس ديل كتلوني عديل وعندي شهود هنا .. وبالمناسبة هم ما كفار زي حالي .. وما انا بكافر
(.........) في الوطنية و(.........) في نافع ... وبعود .. اتخيلوا زول الحكومة تعذب كل حته فيهو ويجي يقول الوطن
الوطنية (.........) في الوطن .. لو ده هو ...

بالمناسبة الاقواس دي مجرد ط ز

ازيك
يامرحوم


شاهد ع العصر

يا نزار سلامات اكيد جاء بي فيزا بي اي مهنه والسلام لكن اشتغل في نفس المجال الانا شغال فيهو وجانا هو وكفيلو صاحب المحل اشان ياخدو عينات والحكي ايضاً لفرانكي بعد التحايا الطيبة - جارو في حي دردق بمدني شغال معانا في نفس المؤسسة والمعلومات دي من عندو وانا اثق في صدقه من خلال معايشه امتدت لاكثر من 11 سنه بمناسبة الصدق والكذب يعني يا فرانكي قبل ماتفصل لي ايات واحاديث وتلصق لي دباجه كضاب بتبرير ان المنبر الذي تكتب واكتب فيه اسمو منبر الكذب كان في الاول تسالني بأدب لكن ما عليك اكتب ما بدا لك للاسم راجع منسقية الخدمة الالزامية في مدني ولكن للترحم علي والدهم اذكر اسماء اولادنا الكانو في المعسكر محمد احمد علي الحسن وهشام احمد علي الحسن المرحوم المهندس الذي كان يعمل بالحفريات 114
عموما نفس كفيلو جاء بعد فترة وقال الزول سرقني اشان كده القصة دي ما بتمثل بالنسبة لي الا رد فعل مباشر وسريع علي كلام ابراهيم النعمه عليه السلام عن من يدرس الوطنية لمن واكيد ما جبتها اشان ادلل علي سوء النظام -- فنظام ضربنا واعتقلنا واطلق علينا الرصاص بكل قواته النظامية المتواجده في منطقة الحدث وقتل على بعد امتار مني صديقي ميرغني النعمان لا يحتاج ان ابرهن علي عدم قناعتي بانه يمثلني بهذه القصه البسيطة
في قصص تانية عن افراد اكثر سوء وابعد اثر كان الله مد في العمر بنحكيها
يا معتصم جبت لينا الكلام اهو ما وطنين وكضابين كمان

سلام

شقدي يا مهذب امسحا لي في وشي ... والله ردك في غاية الاحترام
وبدون اي احاديث وقصص من السيرة النبوية ... وانا اشهد ليك وناس
كتار في المنبر ده بالصدق والاحترام ... ولا يهمك