من زمااااااااان الانقاذ أبعدت الناس من الوطن ..

ابعدتهم لمن قتلت خيرة شباب جيشنا وفي اعظم شهر وحرمت اهاليهم حتى من معرفة قبورهم ..
ابعدتهم لمن تركت حلايب لمصر والفشقة لاثيوبيا وهي صاغرة ..
ابعدتهم لمن عاملتهم كغير مواطنين وشردت الاف الاسر باسم الصالح العام ..
ومكنت لكوادرها فقط لاغير في الاجهزة العسكرية والمدنية ..
ابعدتها لمن جوعت الشعب وشبعت ناسها ..
ابعدتهم لمن قلعت الوتد ووتدت القلع ..
ابعدتهم من الحياة ناهيك من الوطن لمن قتلتهم في دارفور والنيل الازرق وجنوب كردفان ..
ابعدتهم لمن استرخصت ارواحهم في كجبار وبورسودان والقضارف وكسلا وغيرها ..
ابعدتهم لمن عذبتهم في غرف الاشباح لا لشي غير انهم عارضوها..
ابعدتهم لمن استولت على اموالهم بغير حق ..
ابعدتهم لمن افسدت في الارض واجرمت في حق الدين والانسان ..
ابعدتهم لمن اغتصبت صفية وقتلت عوضية وغيرهن ..

وهسه جايين تتكلموا عن الوطنية ..!!!!!!
انتو منو عشان تحددوا منو الوطني ومنو غير الوطني ؟!!!
وينا وطنيتكم لمن المصريين احتلوا حلايب وقتلوا خيرة ضباطنا وعسكرنا ..؟!!
وينا وطنيتكم لمن الاثيوبيين قلعوا الفشقة قدام عيونكم ..؟!!!
وينا وطنيتكم لمن الاسرائليين يقتلوا في شعبنا البسيط في الشرق ؟!!


والله فعلاً ( يكجلوا كجلو اقلوم ) ..

يا فايز المساءله ما مساءله مؤتمر وطنى المشكله مشكله وطن استباح خلينا من الخلاف
وغيروو ما وقتو لتصفيه خلاف مع المؤتمر الوطني فلناجل خلافنا ولنوجه سهامنا الى عدونا
الاجنبى الذى دنس ارضنا وتطاول على سيادتنا ...
حلايب نحن ابناء الشرق سيكون ارجاعها على عاتقنا ومهر استردادها سيكون دماءنا ..

وقت تساندونا في حلايبنا وفي الفشقة الوقت داك نفكر نساندكم ..
هو شنو اللامينا بيكم لوما وطنا الصغير الشرق !!!! ...


اذهبوا انتم ومليشياتكم فقاتلوا - كما قال البوشي - إننا هاهنا نائمون ..

شكرا اخى فايز تبا لهذه الوطنية التى يكون مرجعيتها هؤلاء القتلة المجرمين عندما سال طلاب البجا نافع على نافع فى بورتسودان عن حلايب قال لهم نحن غير مستعدين لاستعداء مصر وبدل اكل الايسركيم عليكم استرجاع حلايب يا بجا وعن اى وطنية يتحدث هؤلاء وهم يقتلون اخواننا نهارا جهارا فى بورتسودان وعن اى اخلاق يتحدث هؤلاء وهم يتركون جنوب طوكر تغرق وينقذون قرية فى تشاد تقربا الى دبى حتى لايعتقل البشير هؤلاء ابعد البشر عن الاخلاق والوطنية ولا يمكن لنا ان نقبل بان يكون تعريف الوطنية حصريا عند هؤلاء البؤساء فليقف معهم من يقف ولن نقاتل اخواننا الجنوبيين وان دخلوا قصر البشير المجرم فهم اقرب الينا من هؤلاء المجرمين القتلة فلن نتركهم حتى ناخذ حقوق دماء جرحانا وقتلانا فلن ننسى لهم تهجيرهم لاخواننا فى دارفور واغتصاب نسائهم وابادة اخوانا فى جنوب كردفان والنيل الازرق فمن يتحدثون عن وطنية ذائفة عليهم ان يضعوا لنا هذه الاعمال فى قالب وطنيتهم فالوطنى الخالص هو من لا يقف فى مربع فيه هؤلاء القتلة ولا ننسى بان دماء قتلى وجرحى اخواننا فى القضارف مازالت بلا حل بئس الوطنية هذه

تنوم عليك حيطه .. نحنا منوو؟؟؟
انا بتكلم عنى نفسي وحسب ما يملاهو على ضميري وسودانيتى ..

خليك قااااااااعد بالحيل بمشي والله ..

دى كمان فيها مزايده ده وطني ..( بعدين بوشي ده منو زااااتو غشان استدل
بقولو .. ) عجاااااايب

يا حسين

Quote: يا فايز المساءله ما مساءله مؤتمر وطنى المشكله مشكله وطن استباح خلينا من الخلاف وغيروو ما وقتو لتصفيه خلاف مع المؤتمر الوطني فلناجل خلافنا ولنوجه سهامنا الى عدونا الاجنبى الذى دنس ارضنا وتطاول على سيادتنا ...

عملتهم أجنبي ودنس أرضك كمان؟؟؟؟؟
أخوتنا لحمنا ودمنا وإن كان هناك خلاف فهو خلاف بين أشقاء
ولا يعالج بالحرب
ولو كنت من أحد أجنحة المؤتمر (جناح الطيب مصطفي) الماشي بفتنة الحرب
نقول لك: لعن الله الحرب وكل الداعين إليها

وأضيف

هذا بالتحديد وقت تصفية خلافنا مع المؤتمر الوطني
ما هو دا المقصود أصلا: تتعمل الضجة دي كلها
عشان يطلعوا الزيك دا ويقولوا أجلوا خلافنا مع المؤتمر الوطني
لا ما بنأجلها
المؤتمر الوطني هو العدو الحقيقي
الذي فرط في الأرض ولم يعطنا السلام
(نخلي تلت البلد والموية والبترول ونقاتل في نص ولاية؟؟؟؟)
الأجنبي والمستعمر والعدو هو المؤتمر الوطني والديكتاتور البشير
وبإسقاطه يرجع كل الوطن موحدا وبدون حرب

ياهو كلام ناس الأسد ذاتو:
إسرائيل هي العدو ونحن بنحاربها (أف كضب ساكت حرب في الراديو والتلفزيون)
والشعب السوري كشف المكنة وقال لناس الأسد: أنتم العدو الحقيقي وبإسقاطتكم تعود الجولان

بإسقاط البشير يعود السودان موحدا
والمواطن السوداني محترما

حبيبنا فايز ده نظام كان غلبك سدها ولع فيها
الازمة ليست في الاخطاء بل في تكرارها بكل بلاهه

Quote: شكرا اخى فايز تبا لهذه الوطنية التى يكون مرجعيتها هؤلاء القتلة المجرمين عندما سال طلاب البجا نافع على نافع فى بورتسودان عن حلايب قال لهم نحن غير مستعدين لاستعداء مصر وبدل اكل الايسركيم عليكم استرجاع حلايب يا بجا وعن اى وطنية يتحدث هؤلاء وهم يقتلون اخواننا نهارا جهارا فى بورتسودان وعن اى اخلاق يتحدث هؤلاء وهم يتركون جنوب طوكر تغرق وينقذون قرية فى تشاد تقربا الى دبى حتى لايعتقل البشير هؤلاء ابعد البشر عن الاخلاق والوطنية ولا يمكن لنا ان نقبل بان يكون تعريف الوطنية حصريا عند هؤلاء البؤساء فليقف معهم من يقف ولن نقاتل اخواننا الجنوبيين وان دخلوا قصر البشير المجرم فهم اقرب الينا من هؤلاء المجرمين القتلة فلن نتركهم حتى ناخذ حقوق دماء جرحانا وقتلانا فلن ننسى لهم تهجيرهم لاخواننا فى دارفور واغتصاب نسائهم وابادة اخوانا فى جنوب كردفان والنيل الازرق فمن يتحدثون عن وطنية ذائفة عليهم ان يضعوا لنا هذه الاعمال فى قالب وطنيتهم فالوطنى الخالص هو من لا يقف فى مربع فيه هؤلاء القتلة ولا ننسى بان دماء قتلى وجرحى اخواننا فى القضارف مازالت بلا حل بئس الوطنية هذه

شكراً قريبي فقد اوفيت وكفيت ...فلايمكن توطين الاجرام ودعمه ..