Post: #1
Title: ما شفتو"نقد" يا ساري الليل
Author: adil amin
Date: 03-26-2012, 01:11 PM
Parent: #0
مع الاعتذار لحاتم الدابي للاقتباس..الفقد عظيم ولست بشاعر
ما شفت نقد تابع النجمات فات لي قدام .. يا ساري الليل
درويشاً من يا دوب صغير عشرة أعوام
الزول زول الله من الصلاح الرفعت عنهم الأقلام
دي بركة الرسل الدارو الآخرة أم خيرن دام
التركو نعيم الدنيا الزايل للعبدوها وللحكام
في يوم البحر الجانا وتسب وقام
يوم دخل الحلة وهد بيوتنا ترا وهدام
صبحنا ضيوف ما خلاّ وراهو صلة أرحام
يوم داكا نقدخلاها مرق سفره طويل مع الأيام
متجلبب بي تيبان الرحمة غطا وهندام
متنعلت بي أرض الله الواسعة خطى الأقدام
متزود شايل خير الزاد وحي وإلهام
ما شفت جناح جبريل غتاهو بقالو مظلة جلوس وقيام
فتشنا سما وفتشنا أرض ما شفنا منام
في التمر الشايل تكا سبيطو مدلدل خام
في الجرف الأخضر في لوبيهو وفي النجام
في جدول جاري يسقي الحلة تسرسر مويتو نعيماً دام
يبقالي نجع متوجه قاصد أرض الشام
ما شفتو هناك مع الحجاج لابس الإحرام
في يثرب ومكة وفي بيت الله المكسي رخام
يبقالي هناك يكون مندسي مع الخدام
يا ساري الليل أنا داير أوصيك وأديك كلام
الروح ان صعدت لي باريها وفي جنات الخلد مقام
لو كان لاقيتو في إي مكان في إي زحام
روح كلمو قولو الحلة بكت من شوقا إليك تغريك سلام..
|
Post: #2
Title: Re: ما شفتو"نقد" يا ساري الليل
Author: adil amin
Date: 03-27-2012, 11:16 AM
Parent: #1
سلسلة اعلام الفكر السوداني المعاصر
حصريا في سودانيز اون لاين بعد الارشفة
هكذا تكلم محمد ابراهيم نقد
|
Post: #3
Title: Re: ما شفتو"نقد" يا ساري الليل
Author: adil amin
Date: 03-27-2012, 11:34 AM
Parent: #2
عاش كراهب ومات كالبرق
هذا الكتاب سلسلة مقابلات في صحف عالمية و يجسد رؤية المفكر السوداني الكوشي نقد للعالم في مرحلة ما قبل انهيار المعسكر الاشتراكي بلحظات في زمن اخر ديموقراطية 1988 ولكن للاسف لم تعقله اذن واعية
ويعتبر مرجعية اساسية وعالمية للمفكر السوداني الذى رحل عن دنيانا الفانية قبل ان يدرك اهلنا البسطاء انه كان اسم عظيم في حياتنا اغفلته اجهزة الاعلام السودانية والعربية والعالمية فى زمن الزيف والمفكر المزيف ورجل الدين المزيف والسياسي المزيف والمثقف المزيف وحتى المواطن المزيف..والانقاذ تترنح ولا تجد من يشيعها الى مثواها الاخير مزبلة التاريخ
|
Post: #4
Title: Re: ما شفتو"نقد" يا ساري الليل
Author: adil amin
Date: 03-30-2012, 07:18 PM
Parent: #1
تعالي يا د.نجاة محمود بعد الارشفة
لهذا البوست(هكذا تكلم محمد ابراهيم نقد)
وخلي اي دنان بافلوفي في البورد ده يجي وراك...يمارس كتاباته المشينة
عشان اللى يتفرج ما يشتريش بالذات ناس بضاعة خان الخليلي
شيوعيين مصر ديل...النعر الذي يجهل حتى ابجديات الفكر الشيوعي..واخلاقه
الله يرحم نقد
كانت الفجوة الضوئية التي تفصله عن الحزب الشيوعي الف سنة
الله يرحم نقد
كان مقامه
كمقام صالح في ثمود
مفكر كوكبي كانت اسهاماته الفكرية ستغير العالم وتنقذ الاشتراكية الدولية لو لقيت اذن واعية من 1988
|
|