Post: #1
Title: البشير: اكسب من حواشتي بالسليت اكتر من رئاسة الجمهورية
Author: على ميرغني
Date: 03-25-2012, 07:00 PM
Parent: #0
قال الرئيس البشير اليوم انه يكسب من حواشتو في السليت مساحتها تمانية فدان أكثر من ما يكسبه من مرتبه في رئاسة الجمهورية
والله جد
|
Post: #2
Title: Re: البشير: اكسب من حواشتي بالسليت اكتر من رئاسة الجمهورية
Author: على ميرغني
Date: 03-25-2012, 07:15 PM
Parent: #1
والمؤمن يكون صديق نقول نحن ما عارفين مرتبو وحوافزو كم رغم انو وكيل وزارة التربية عندو حافز واحد بس ب 165 مليون في السنة ياربي يكون زارع فيها شنو... موالح عنب منقة بلح ... بقر سعانين ... نعام.... غايتو البشير دا قاعد يعصر علينا شديد خلاص
فقر ورضينا بيهو وفساد كل الناس عارفاهو وبرضو سكتنا عنو بس كمان ما يكون قاسي وعايزنا نصدق جنس الدليب دا
|
Post: #3
Title: Re: البشير: اكسب من حواشتي بالسليت اكتر من رئاسة الجمهورية
Author: محمد إبراهيم علي
Date: 03-25-2012, 07:30 PM
Parent: #2
Quote: خرج عمر الى السوق يوما كعادبته فى تفقد بلاده فيرى ابلا سمانا تمتاز عن بقية الأبل بنموها وامتلائها فيسأل : ابل من هذه؟ قالوا ابل عبد الله بن عمر فاتفض عمر وقال؟عبد الله بن عمر بخ بخ يا بن أمير المؤنين؟
وارسل فى طلب عبد الله وقال له: ملن هذه الابل يا ابد الله ؟؟ فأجبا انها ابل هزيله اشتريتها بمالى وبعثت بها الى الحمى اى المرعى أتاجر فيها وأبتغى ما يبتغآ المسلمون.
رد عمر فى تهكم شديد ونقض لابنه: ويقول الناس حين يرونها ارعوا ابل ابن امير المؤمنين اسقوا ابل بن أمير المؤمنين وهكذا تسمن ابلك ويربوا ربحك يا بن امير المؤمنين . ثم صاح به : يا عبد الله خذ رأس مالك الذى دفعته فى هذه الابل واجعل الربح فى بيت مال المسلمين. |
|
Post: #4
Title: Re: البشير: اكسب من حواشتي بالسليت اكتر من رئاسة الجمهورية
Author: جعفر محي الدين
Date: 03-25-2012, 07:37 PM
Parent: #3
ما عندنا كشعب مغلوب على أمره أي مانع من تمليك البشير 10 حواشات في السليت بشرط واحد
نعفيه من تعب الرئاسة خالص خالص
|
Post: #5
Title: Re: البشير: اكسب من حواشتي بالسليت اكتر من رئاسة الجمهورية
Author: Ahmed musa
Date: 03-25-2012, 07:50 PM
Parent: #4
ياخ والله نحن ماسالناه عن حواشته سؤالنا نحن عن اخوانه العباس محمد عبدالله والاخير للعلم مجرد ضابط بالجيش
|
Post: #6
Title: Re: البشير: اكسب من حواشتي بالسليت اكتر من رئاسة الجمهورية
Author: الامين محمد علي
Date: 03-25-2012, 11:04 PM
Parent: #5
انه يكذب على الشعب في قضايا اخطر من هذه بالف مره....
وكذب على الهواء مباشره واستهبال//
حتى انو الواحد اصبح لو اوقعوا حظه التعيس في براثن احدى هذه الخطب المقززه يلزمه الكثير حتى يستعيد شي من صوابه//
دعه يكذب في امر هذه الحواشه ///دعه يكذب
|
Post: #7
Title: Re: البشير: اكسب من حواشتي بالسليت اكتر من رئاسة الجمهورية
Author: jini
Date: 03-26-2012, 00:02 AM
Parent: #6
العافية درجات قبل عدة شهور قال مرتبه ما بكفيهو وبساعدوهو اخوانو! هسة بقت حواشة خجلان ما داير يقول مزرعة! تقول زارعها قطن ولا ابوسبعين! اعلى سلطة فى البلد يجمع بين العمل العام والعمل الخاص! جنى
|
Post: #8
Title: Re: البشير: اكسب من حواشتي بالسليت اكتر من رئاسة الجمهورية
Author: Hani Arabi Mohamed
Date: 03-26-2012, 06:54 AM
Parent: #7
وهل يدخل أهل المحلية والضرائب والزكاة والرسوم الولائية والاتحادية إلى حواشته ؟
هل يدفع عليها رسوماً للدفاع المدني ؟
او للجودة والمقاييس ؟
هل يدفع ؟
هل يجد نفسه آخر الموسم مضطراً لبيع المحصول بأبخس سعر هروباً من ديون البنك والتجار؟
أم يجد نفسه مهدداً بالسجن لأنّ الموسم "ما غطى" ؟
|
Post: #9
Title: Re: البشير: اكسب من حواشتي بالسليت اكتر من رئاسة الجمهورية
Author: نادر
Date: 03-26-2012, 07:47 AM
Parent: #8
عمر بشير ده كلما يجي يكحّلها يعميها والله صحي، يشيييييييل صباعو يطبظ بيهو عينو، وياهو ده مستوى التفكير وبعد النظر البيمارس بيهو السياسة والحكم، وعشان كده البلد تراجعت بشكل مخيف ولا زالت تتراجع بسرعة مذهلة للخلف، تخلفاً وجهلاً ووبالاً على وبال. "بيقولوا الجواب باين من عنوانو" ونحنا ياهو ده عنوان بلدنا، الزول ده بالتأكيد لا يعرف عن تاريخ رؤساء عظماء، ولم يقرأ عنهم، كل همه أن يظل رئيساً للسودان، يحمل الاسم بلا ممارسة حقيقية للحكم والقيادة، وهو بلا شك أسوأ رئيس دولة على الإطلاق على مستوى العالم ... ممارسة الأعمال الحرة من تجارة وصناعة وزراعة وخلافه لا تجوز لمن يشغل منصب حكومي عادي ناهيك عن رئيس الدولة وكمان يجي يتبجح بيها أمام الشعب!!!! ياخي ده منتهى الاسفاف
|
Post: #10
Title: Re: البشير: اكسب من حواشتي بالسليت اكتر من رئاسة الجمهورية
Author: ود الباوقة
Date: 03-26-2012, 07:55 AM
Parent: #9
Quote: مساحتها تمانية فدان |
سبحان الله
هس بالله الزيطة والزمبريطة دي كلها في الـ 8 فدان دي
انا والله كنت قايلا 150 هكتار
وشغالة على نظام الري بالتنقيط
نظام ( رشاشات ) وكدا
|
Post: #11
Title: Re: البشير: اكسب من حواشتي بالسليت اكتر من رئاسة الجمهورية
Author: محمد إبراهيم علي
Date: 03-26-2012, 08:22 AM
Parent: #10
تعرف يا باوقة الري بالتنقيط قاعدة تعلمو الحكومة للشعب السوداني الفضل الحكومة بتقول للشعب السوداني صنقع للسماء وافتح خشمك اها المحظوظ بتجيهو نقطة نقطتين في خشمو والغالب الاعم بياكل هو او النقطة بتاعتو تقع في حتة تانية فيجري عليها عشان يلحسا قبال تنشف اما الري بالرش فده البيروو بيهو بتاعين المؤتمر الوطني تلقاهم واقفين صفوف و الحكومة ترش فيهم وحكمة الله تلقاهم واقفين عرايا وما خجلانين من شي يجيك الواحد مبلول ومويتو تنقط وداير يصلي بيك برضو عرفت الفرق بين الري بالتنقيط والري بالرش
|
Post: #12
Title: Re: البشير: اكسب من حواشتي بالسليت اكتر من رئاسة الجمهورية
Author: قلقو
Date: 03-26-2012, 08:44 AM
Parent: #11
مبروك عليك سيدى الرئيس , وبماإننانملك قنابير فقد صدقناك .
|
Post: #13
Title: Re: البشير: اكسب من حواشتي بالسليت اكتر من رئاسة الجمهورية
Author: منتصر الامين
Date: 03-26-2012, 09:12 AM
Parent: #8
Quote: قال الرئيس البشير اليوم انه يكسب من حواشتو في السليت مساحتها تمانية فدان أكثر من ما يكسبه من مرتبه في رئاسة الجمهورية
|
لا يعنينا ما يكسبه من رئاسته أو حواشته بالسليت بقدر ما يهمنا ما كسبناه كشعب من رئاسته للجمهوريه
|
Post: #14
Title: Re: البشير: اكسب من حواشتي بالسليت اكتر من رئاسة الجمهورية
Author: عمر التاج
Date: 03-26-2012, 10:10 AM
Parent: #13
Quote: اعلى سلطة فى البلد يجمع بين العمل العام والعمل الخاص! جنى |
إذا كان هذا حال الرئيس .. فما بالنا بالسادة الوزراء والمستشارين والمساعدين والدستوريين والولاة والمعتمدين ورؤوساء وموظفي الخدمة العامة؟ فهلا جلس المواطن عمر البشير في مزرعته ليرى هل يكسب منها أكثر من رئاسة الجمهورية أم لا ..
|
Post: #15
Title: Re: البشير: اكسب من حواشتي بالسليت اكتر من رئاسة الجمهورية
Author: Yasir Aloob
Date: 03-26-2012, 10:58 AM
Parent: #13
Quote: لا يعنينا ما يكسبه من رئاسته أو حواشته بالسليت بقدر ما يهمنا ما كسبناه كشعب من رئاسته للجمهوريه |
كشعب فقدنا عزتنا و كرامتنا, و الكتير فقد الستره و العفه و كدولة فقدنا نصــنا (الجنوب) و فقدنا احترام الدول و الشعوب الاخرى. ولسه ياما و ياما
منتصر سلام
|
Post: #16
Title: Re: البشير: اكسب من حواشتي بالسليت اكتر من رئاسة الجمهورية
Author: احمد الأمين على إدريس
Date: 03-26-2012, 11:31 AM
Parent: #15
Quote: تعرف يا باوقة الري بالتنقيط قاعدة تعلمو الحكومة للشعب السوداني الفضل الحكومة بتقول للشعب السوداني صنقع للسماء وافتح خشمك اها المحظوظ بتجيهو نقطة نقطتين في خشمو والغالب الاعم بياكل هو او النقطة بتاعتو تقع في حتة تانية فيجري عليها عشان يلحسا قبال تنشف اما الري بالرش فده البيروو بيهو بتاعين المؤتمر الوطني تلقاهم واقفين صفوف و الحكومة ترش فيهم وحكمة الله تلقاهم واقفين عرايا وما خجلانين من شي يجيك الواحد مبلول ومويتو تنقط وداير يصلي بيك برضو عرفت الفرق بين الري بالتنقيط والري بالرش |
|
Post: #17
Title: Re: البشير: اكسب من حواشتي بالسليت اكتر من رئاسة الجمهورية
Author: nabielo
Date: 03-26-2012, 02:25 PM
Parent: #16
Quote: : البشير: اكسب من حواشتي بالسليت اكتر من رئاسة الجمهورية |
الا يكون زارعا بنقو
|
Post: #18
Title: Re: البشير: اكسب من حواشتي بالسليت اكتر من رئاسة الجمهورية
Author: على ميرغني
Date: 03-26-2012, 02:42 PM
Parent: #17
Quote: الا يكون زارعا بنقو |
يا عمك دا ذاتو بقى رخيص وما بنافسانتاج ناس حظيرة الردوم
|
Post: #19
Title: Re: البشير: اكسب من حواشتي بالسليت اكتر من رئاسة الجمهورية
Author: عمار عبدالله عبدالرحمن
Date: 03-26-2012, 03:52 PM
Parent: #18
اقطع هدومي ولا اعمل شنو يعنى ,,
|
Post: #20
Title: Re: البشير: اكسب من حواشتي بالسليت اكتر من رئاسة الجمهورية
Author: البحيراوي
Date: 03-26-2012, 04:03 PM
Parent: #18
الا يكون زارعا بنقو
الأخ نبيلو
تحياتي - يأ أخي بنقوا شنو يا زول - المزرعة دي زاعنها سمسم إحيرش وعصارتها جواها . يعني زيت الولد دا بالله مع طلب الفول بالملعقة دا قروش يعلم بيها الله . على الحرام كان لقيت فيها المزارعين مشمقين وواقفين عليها تدي ربك العجب.
بحيراوي
|
Post: #23
Title: Re: البشير: اكسب من حواشتي بالسليت اكتر من رئاسة الجمهورية
Author: جمال خضر
Date: 03-26-2012, 05:19 PM
Parent: #21
Quote: قال الرئيس البشير اليوم انه يكسب من حواشتو في السليت |
ما تظلموه ساى
شوف عينى المزرعة عبارة عن غابة تتطاقش فيها أشجار الصندل
والنعام ما يديك الدرب تقول لى شنو تقولى منو
على ميرغنى لك التحية
|
Post: #22
Title: Re: البشير: اكسب من حواشتي بالسليت اكتر من رئاسة الجمهورية
Author: على ميرغني
Date: 03-26-2012, 05:18 PM
Parent: #20
Quote: قروش يعلم بيها الله . على الحرام كان لقيت فيها المزارعين مشمقين وواقفين عليها تدي ربك العجب. |
أمّك!!!!!!!!!!!!!!!! بحيراوي قلب
|
Post: #24
Title: Re: البشير: اكسب من حواشتي بالسليت اكتر من رئاسة الجمهورية
Author: ود الباوقة
Date: 03-26-2012, 05:21 PM
Parent: #22
![](https://a2.sphotos.ak.fbcdn.net/hphotos-ak-ash4/398657_266288486771627_100001714327641_677921_1448227252_n.jpg)
كع
|
Post: #26
Title: Re: البشير: اكسب من حواشتي بالسليت اكتر من رئاسة الجمهورية
Author: Mohamed Suleiman
Date: 03-26-2012, 05:36 PM
Parent: #24
قلنا ليكم .... البشير هو خير حليف لنا ضد .. البشير ...
زي كلامو الطلعو بعفوية .. (هنا تهذيبا .. بعوارة) ... بقية الرؤساء الفاسدين في بلاد تانية يعملوا معاهم لجان تحقيق و حملات صحفية و تحقيقات السلطة القضائية ... بس عشان يعصروا منهم ربع الإعتراف الغعترف بيهو البشير ده...
(صراحة كدة الواحد ما عارف الزول ده بيفكر بوين؟؟!!)
تخياتي يا علي ميرغني.
|
Post: #25
Title: Re: البشير: اكسب من حواشتي بالسليت اكتر من رئاسة الجمهورية
Author: البحيراوي
Date: 03-26-2012, 05:30 PM
Parent: #22
أمّك!!!!!!!!!!!!!!!! بحيراوي قلب
الأخ علي ميرغني
تحياتي - يا علي ميرغني ياتو كدا ما عارف نحل ليه وداك أشرح ليه . والكلام كان جاك أوله أنظر لي عاقبه
بحيراوي
|
Post: #27
Title: Re: البشير: اكسب من حواشتي بالسليت اكتر من رئاسة الجمهورية
Author: على ميرغني
Date: 03-26-2012, 05:36 PM
Parent: #25
Quote: والكلام كان جاك أوله أنظر لي عاقبه
|
بحيراوي... الواحد ما يهظر
|
Post: #28
Title: Re: البشير: اكسب من حواشتي بالسليت اكتر من رئاسة الجمهورية
Author: على ميرغني
Date: 03-26-2012, 06:24 PM
Parent: #27
![](http://www5.0zz0.com/2012/03/26/17/999343038.jpg)
هييييييييييييييييييييييييييييع المزارع المجرق الزول دا قائل القيامة خلوها ولا شنو
|
Post: #29
Title: Re: البشير: اكسب من حواشتي بالسليت اكتر من رئاسة الجمهورية
Author: أمجد الزين
Date: 03-26-2012, 08:20 PM
Parent: #28
يا اخوانا ما تظلموا الراجل ساى احتمال قاصد المزرعة السعيدة
|
Post: #30
Title: Re: البشير: اكسب من حواشتي بالسليت اكتر من رئاسة الجمهورية
Author: على ميرغني
Date: 03-27-2012, 07:17 AM
Parent: #29
تعليقات قراء موقع صحيفة التيار على خبر حواشة الرئيس التي تطرح ذهب وعنب
Quote: لبشير: أربح من حواشتي في السليت أضعاف ما أتقاضاه في رئاسة الجمهورية مزدلفة دكام سخر رئيس الجمهورية المشير عمر البشير من محاولات الضغط على البلاد بخنقها اقتصادياً، وقال: "بالإنتاج لن نحتاج لأوربا وأمريكا ولو كانوا يملكون خزائن الأرض والمطر فليوقفوها" لافتاً لعدم اهتمامهم بالوعيد والتهديد من قبل تلك الدول. وقال البشير خلال افتتاحه بالامس مشروع سوبا غرب الزراعي: "نحن محاصرون لمدة 22 سنة والتنمية ماشة. ووجه البشير ولاية الخرطوم والولايات الأخرى بإعلاء ثقافة الإنتاج والزراعة متعهداً بتوفير مدخلات الإنتاج وكل الخدمات الزراعية، كاشفاً عن تجاوز مشكلة انحسار النيل بمعالجتها بتعلية خزان الروصيرص وتوفيره للمياه والكهرباء طول العام. وأعلن عن توفير مساحات واسعه للزراعه في الولايات واستغلالها الاستغلال الأمثل بتوفير فرص عمل والأمن الغذائي داعياً رأس المال الوطني للاستثمار في الزراعة باعتبارها الأكثر ربحاً، لافتاً إلى تجربته الخاصة في الزراعة عندما قال "حواشتي في السليت 8 فدان اربح منها أضعاف أضعاف مرتبي الذي أتقاضاه من رئاسة الجمهورية". وقال البشير : إن ما قامت به حكومة ولاية الخرطوم، يؤكد أنها ولاية منتجة وليست ولاية مستهلكة كما يعتقد الكثيرون. وأصدر البشير توجيهاته لولاية الخرطوم بتخطيط منطقة سوبا وفقا لرغبة مواطنيها. من جانبه راهن والي الخرطوم د.عبدالرحمن على قدرة المشاريع التي تنفذها الدولة والقطاع الخاص بأن تحرز تقدماً ملموساً في زيادة الإنتاج وتوفير الغذاء، معلناً عن زراعة 30 ألف فدان بمشروع سوبا سيصدر منتجاته الى الخارج قبل نهاية العام، وأشار الخضر لأن المشروع ملحق به سوق مركزي للخضر والفواكهة ومسلخ ومخازن مبردة. إرسال : 3 طباعة : 2 تعليقات حول الموضوع : عدد التعليقات : (11) معتصم - 2012/03/26 - السودان من اين لك الحواشة جنه البلد دي - 2012/03/26 - اوكاش سبحان الله وبحمده سبحان ربي العظيم سبحان الله وبحمده سبحان ربي العظيم سبحان الله وبحمده سبحان ربي العظيم ونحمد الله ونشكره بأن الاخ الرئيس لديه الوقت للاشراف على حواشته بالسليت وشققه بالعمارات ويعرف مقدار دخله وربحه من خسارته لاننا العوام غلبنا هذا خالص وطلعنا بالصفر طلعوا لينا عشرة اصفار من الشمال أحمد ربك كثيرا سيدي الرئيسز. سوداني - 2012/03/26 - السودات هو بدفع ضرائب وذكاة وجبايات وعوائد ومحليات ونفايات غير الترحيل وأجور العمال وكهرباء ومياه وغير المصاريف الشخصية اذا بدفع وربحان يخبرنا عن الطريقة السحرية بتاعتو البديرى الدهمشى - 2012/03/26 - بورتسودان نحترمك سيدى الرئيس ومن حق كل مواطن حق التملك ولكن تعمل حكومتك على زرع الجهوية والقبلية فى شرق السودان امر خطير يدعو سيادتكم الى النظلر فى موسسات الدولة ومايحاك بها من توظيف قاصر او بشكل ملفت للنظر لابناء الشرق دون الاخرين (الموانى) عشان إعتقلوني - 2012/03/26 - سوداني علي الطلاق كضااااااااب والله لو حشاها براو مايدخل دخل يوم في رئاسة الجمهورية على الطلاق كان زرعهارمان ماتنفع 1- ضرائب ارباح أعمال 2- ديوان الضرائب 3- الدمغة الولائية 3- الزكاة 4- رسوم محلية 5- ناس حل نفسك 6- أصحابنا ناس المرور 7- كمل نومك 8- رسوم دخزل الملجة أو السوق 9- نسينا دمغة الجريح 7- ما ننسى أصحابنا ناس الظلط المكسر ناس العبور علي الطلاق كان مزرتعتك بتبيض دهب يالبشير ناسكم ديل أقسمو معاك والقريبة أي زول بيشيل نص العندك .. وإنت شفت حاجة .. الله بسألك 5- الهادي يوسف عبدالله - 2012/03/26 - سنجة_ ام بنين التنمية عبارة عن مديونيه __ والزراعة خراب وبور ومشاريع معطله اي حواشه تبني عمارة خليك من مجموعة متلكات ___ اليس معهو مزارعين في هذا المشروع طيب ليه مابنو _قطيه_ نحن شعب نحن الكذب والدجل والرقص والطرب والنساء __ اليس الا. زول - 2012/03/26 - حواشة السليت قاعد في القصر الجمهوري منتظر شنو ؟ اسحق - 2012/03/26 - الخرطوم هل تعلم ياريس كم يربح اخوانك واقرباءك وناس حوش ود بانقا ناهيك عن أصحاب المشروع الحضاري؟ هذه كارثة حلت على الشعب السوداني .. والدكم كان بسيطا عاش فقيرا وحشر في زمرة الفقراء لكن انتم أبيتم إلا أن تصيروا من الأغنياء لأن عقدة الفقر أصابتكم فسلكتم كل السبل لتصبحوا من الأغنياء ولم تعلموا أن الغناء هو غناء النفس وليس غناء المال والحواشات .. لقد شوهد أخوكم عبدالله وحرمه يتلقيان الرشوة عيانا بيانا!! محمد ابوعمر العركى - 2012/03/26 - السعودية وعندل كم فدان غرب ام درمان ...!!! حسبنا الله عليكم مفروس - 2012/03/26 - السودان ياللسذاجه أحي من الانقاذ - 2012/03/26 - بحري يا عمنا إنت بتقش في نفسك ولا بتغشنا مافي مشكلة أزرع وهمل الفي ذمتك والحساب بعدين ورينا لو السليت كلها حتنفعك. |
ولا نامت المشككين في أمانة رئيسنا العادل... لو مالدينا صباح كنت كتبت نكتة (الرصين)
|
|