يابا مع السلامة يا سكة في الحزن المطير ياكالنخلة هامة قامة واستقامة هيبة مع البساطة واصدق ما يكون راحة ايديك تماما متل الضفتين ضلك كم ترامي حضنا لليتامي وخبزا للذين هم لايملكون وبي نفس البساطة والهمس الحنون ترحل يا حبيبي من باب الحياة لي باب المنون
الناس الذين خليتم وراك وعيونم حزينة بتبلل ثراك والشارع يتاوق يتنفس هواك
يا حليلك حليلك يا حليل الحكاوي تتونس كانك يوم ماكنت ناوي تجمع لم تفرق بين الناس تساوي نارك ما بتحرق من جيبك تداوي ما بتحب تفرق مابتشد تلاوي الحلم الجماعي والعدل اجتماعي والروح السماوي والحب الكبير
Post: #6 Title: Re: للشمس حنمشي مبارنك، تشييع المناضل نُقد في الخرطوم.. "فيديو + Author: عبد القادر شادول Date: 03-25-2012, 01:52 PM Parent: #4
نسأل الله له المغفرة و الرحمة وان يجعل قبره روضة من رياض الجنة
الموت بيلفح بسمة من توب الزفاف الموت بشرق نسمة في كل الصبا النخلة ترباية العباد ... بي جلالا تنحول رماد ورمادا ينحول سماد وسمادا يدخل كم بلاد وديانا تخضر والبطاح شوف كيف كفاح النخلة ... شوف كيفن بتتحدى الرياح تصبر على مر الحياة .... وتنمطق الموت بي جلد من بعد ما ملت البلد ..شتلا معمر بالألوف وشايل مخلف بارتياح طول المصير ... النخلة حوتة الصحرا.. نوارة الجروف تلقاها في أجمل وشاح بي جراحا رجتنا الصباح ... يا القلتو ما بترجى الصباح النخلة تحت الأرض سر ... والنخلة فوق نخلة نصاح والدنيا أوسع ما تكون ... والجو براح وكل الرياح فوقا بتمر ... يكفيها دا ... ويكفيها صاح ما استسلمت لي ريح غريب وكل الرياح فوق بتمر ... والنخلة ما بتعرف خلاف ريح اللقاح والهمبريب ريح الصلاح يا معوض الليل بالصباح يا معود النار اللهب ... روض نخلنا على الرياح وفي لجة البحر الغريب ... أدي الرواويس الصلاح يكفيها دا ... يكفيها صاح
عارف يا ابونا،،،عمر الشباب ديل كان كم عام 89،،،عندما اتي هؤلاء الأشرار؟
سنة؟،،،سنتين؟،،،شهر؟،،شهرين؟؟
انفتحت آذانهم علي غثاء يونس محمود وهراء "إشدد الإصبع من حول الزناد لا تبالي"
شفت نقد وحميد إنتصروا كيف؟؟؟
نقد ما عندوا تلفزيون حكومي يسبح بحمده صباح مساء والميدان محجوبة كل فترة الإنقاذ
شفت نقد وحميد إنتصروا كيف؟؟؟
انتصرت حياة الموت،،علي موت الحياة يا أبونا
انا بحب الشعب السوداني يا ابو ساندرا
بحبوا حتي النخاع
بحب نقد وبحب حميد وبحب الشيخ الادريسي
بحب الأم بحب الأفريكانية
شعب عظيم يا ابو ساندرا
عاشت قيم الحياة
ومات ميت الأحياء
عاش نقد عاش حميد ودمتم جميعا
مكي الاحمدي
**** إذنك يا نجلاء،،فهذا ما كتبته في بوست ابي ساندرا رائد الديقراطية في المنبر الحر وممكن تبدلي اي إشارة لأبي ساندار بإسمك انتي،،،فأنتي رمز كل شئ جميل ايتها المناضلة التي نشعر امامها بأننا أقزام التحية لموتي الحياة والحرية نقد،وحميد
يامعلم هذا الجيل, إن له من صمتك الآن طيفا لايجامله لكن يقول له: يامن أضأت لنا بداية الدرب, بارك مانحاوله إن كنت أخليت بيتا كنت تسكنه فبيت وعيك خير الناس آهله لقد تركت لهذا الجيل تذكرة أن الذى يغتنى بالشئ باذله وأن للحق سيفا, وعى صاحبه شفاره.. وسجاياه حمائله وأن أنبل مافى المرء طيبته وأن أكرم مافيها نوازله لأنهن امتحان العمر ماولدت أنثى غلاما.. ومارفت أنامله
Post: #28 Title: Re: للشمس حنمشي مبارنك، تشييع المناضل نُقد في الخرطوم.. "فيديو + Author: نجلاء سيد أحمد Date: 03-25-2012, 08:41 PM Parent: #24
له الرحمة ولنا الفخر بالأستاذ محمد إبراهيم نقد وبرفاقه النبلاء عاش الشعب السوداني عاش الحزب الشيوعي السوداني وعاش الشيوعيون السودانيون شيباً وشبابا و"أجمل الأطفال قادمون" وهذه الفديوهات وفيدوهات تشيع صوت الغلابة محمد الحسن سالم حميد هي شهادة صادقة بعظمة الأستاذ نقد وحميدوبعظمة الحزب الشيوعي السوداني وبوفاء الشعب اسوداني العظيم
البقاء و الخلود للقائد نقد و الرحمة و المغفرة لروحه الطاهرة في عليائها
البركة فيكم يا نجلاء و البركة في الشعب السوداني الصامد امام المحن و الاحزان و ما أكثرها ..
نجلاء التوثيق مهم لهذه اللحظات التاريخية ليري أبناؤنا من بعدنا كيف اننا نوقر كبيرنا و ليري العالم كله كيف إننا نقدر قادتنا و مفكرينا ، بس لدي رجاء و أرجو التفهم الفيديو بتاع لحظة خروج الجنازة و النساء داخل البيت يبكبن كل بطريقتها مؤلم للغاية و خصوصي للغاية الرجاء سحبه إحتراما" للحظة حزن و جزع هولاء النسوة و بعض الرجال ، و إذا رأيتي ببقاءه هنا في سودانيز الرجاء سحبه من اليوتيوب فهو لحظة حزن خاصة رغم إنه فقد عام و شخصية عامة !!!
تحياتي و العزاء لكل شعب السودان و رحمة الله و غفرانه تغشاك يا حكيم الامة
Post: #30 Title: Re: للشمس حنمشي مبارنك، تشييع المناضل نُقد في الخرطوم.. "فيديو + Author: نجلاء سيد أحمد Date: 03-25-2012, 09:31 PM Parent: #27
Post: #31 Title: Re: للشمس حنمشي مبارنك، تشييع المناضل نُقد في الخرطوم.. "فيديو + Author: نجلاء سيد أحمد Date: 03-25-2012, 09:37 PM Parent: #30
Post: #32 Title: Re: للشمس حنمشي مبارنك، تشييع المناضل نُقد في الخرطوم.. "فيديو + Author: خالد خليل محمد بحر Date: 03-25-2012, 10:01 PM Parent: #31
ماشين في السكة نمد .. زغب الحواصل .. بهمة عالية يجمعون القوارير وكبابي الشاي من صيوان عزاء فقيد الوطن نقد يرتدون عُصابات حمراء وبدون (تكليف) يساعدون الزملاء في التنظيم والترتيب .. عرفت لاحقا بانهم اولاد الجيران (لنقد) طلبت منهم التصوير فاختارو ان تكون صورتهم بالقرب من الراحل محمد ابراهيم نقد ... ولسان حالهم ماشين في السكة نمد
Post: #40 Title: Re: للشمس حنمشي مبارنك، تشييع المناضل نُقد في الخرطوم.. "فيديو + Author: احمد محمد احمد عتيق Date: 03-26-2012, 08:03 AM Parent: #37
ماشين فى السكه نمد من سيرتك للجايين
وما كان وليدا عاق ....
لا اله الا الله ...وانا لله وانا اليه راجعون ..
ربنا ارحمه ...
شكرا للتوثيق ..
Post: #41 Title: Re: للشمس حنمشي مبارنك، تشييع المناضل نُقد في الخرطوم.. "فيديو + Author: مازن صلاح الأمير Date: 03-26-2012, 01:30 PM Parent: #40
هتف النهر الفى الوادى دا كلام مليان ما كلام فاضى رغم الانسان مشى بى قادى لكن ضلو اتمد ملا السودان والشمس الحلفت يصلى لهيبا النيران ضوت سالت دمعاتا ضرعا مليان و الارض بما رحبت ضاقت خجلت ضاقت اهتزت ضاقت لما واراها الجثمان هذا اللحد الواسع روضة فرشوه ملائكة الرحمان لاول انسان فى العالم يرقد صاحى باطمئنان باسم ضاحك ما زعلان عشان ورث اولادو الشرف البازخ و العزه ما جاها ما سلطه و لا غلطه و لا الدنيا بما فيها و لا ورطه و لا ذهبا و لا حوشا مليان ذهب كما جاء بريئا فقران لكن ضلو اتمد ملا الدنيا كل السودان
مجاهد حسن طه
Post: #45 Title: Re: للشمس حنمشي مبارنك، تشييع المناضل نُقد في الخرطوم.. "فيديو + Author: صلاح الدين موسى Date: 03-27-2012, 01:23 AM Parent: #44
نسأل الله ان يتقبله قبولا حسنا
خالص الاعزاء للزملاء والزميلات فى الحزب الشيوعى السودانى