Post: #1
Title: حبيبنا ؛ ود حميد سلام - بدمع: أبوفواز
Author: صديق عبد الجبار
Date: 03-22-2012, 07:57 PM
حبيبنا ؛ ود حميد ... سـلام !
بدمع : صديق أبوفواز
الدوحة / قطر
الخميس 22 / مارس / 2012م
-----------------------------------------------------------------
حبيبنا ود حميد ... سلام !
سلاماً من صباً مدموع ...
ومن قلب مكلوم ... سلام !
سلام ؛ يغشاك من جملة العُوام ..
ومن حلاوة أهل سقدان ..
ومن مرارة بلد عمران بي نضمك المزدان ..
***
وداعك مر .. يا ريشة الغلبان ..
وسفرك .. حاااار ...
حرارة السودان ..
وموتك !
ماهو موت إنسان ...
موتك !
موت أمل مدفون ..
وموت االفرحة في الوجدان ..
***
وداعك !
ما وداع عادي ..
وسفرك !
بس سفر شادي ..
ماشي قريب وبيهادي ..
وهداكَ هناكَ بي غادي ...
***
ندنقر نخمش التربة !
ونتحسس أتر قدمك ..
وريحة الطيبة في شِعرك ..
ونسمة التربال تهب خلفك ..
وتصرخ تقول ؛
إنشالله مو آخر معاد !
***
يا محٌمد .. يا حبيب يا زين !
يا منديل دموع العين !
ويا العمرك ما عرفت الشين ..
وما قصرت في الحيين ..
ولا اتنكرت للميتين ..
ولا اتلومت تب يا زين ..
وإيدك الممدودة ديمة علي المساكين ..
يشهدلها الفاتوا والجايين ...
***
كجنت شيتاً إسمه الشريان !!
عشان شالك !
كرهت الموت ..
فشان موتك !
الموت الما بعرف الإحساس..!
الموت البشيل أحلى ما في الناس !
الموت الرفض ينحاز !
يخلي ناس عوار ...
ويختف النوار ...
إستغفر الله يا نوار !
إستغفر الله يا حوار !
إستغفر الله ...
إستغفر الله ...
يا فَقد البعيد والجار ..
***
وفي الآخر .. !!
بتحسر وارسل رحمة ليك مدرار ..
واعاهدك يا حبيب الدار ...
بعاهدك يا سلالة الأحرار ..
ويا ترب الكلهم أبرار ...
ويا منبع الأنهار ...
حيبقى غناك لي إصرار ..
وسيرتك الدايمة ..
يوت مسدار ...
|
Post: #2
Title: Re: حبيبنا ؛ ود حميد سلام - بدمع: أبوفواز
Author: صديق عبد الجبار
Date: 03-23-2012, 08:34 AM
Parent: #1
.
|
Post: #3
Title: Re: حبيبنا ؛ ود حميد سلام - بدمع: أبوفواز
Author: الشفيع وراق عبد الرحمن
Date: 03-23-2012, 11:39 AM
Parent: #2
كلام درر ابو فواز
وشايفه ينقط من القلب علي الكيبورد عدل
وفيت وكفيت
ابكيتنا والله الذي لا اله الا هو، وهسه بشوف في الشاشة طشاش
|
Post: #4
Title: Re: حبيبنا ؛ ود حميد سلام - بدمع: أبوفواز
Author: صديق عبد الجبار
Date: 03-23-2012, 03:21 PM
Parent: #3
Quote: عزاء قائد الحزب نقد باستراليا
رحل قبل قليل رجل المهام الصعبة الاستاذ محمد ابراهيم نقد
القائد نقد صور و فيديو شارك بما عندك من صورة و فيديو
رحيل الاستاذ محمد إبراهيم نقد سكرتير الحزب الشيوعي
ارشفة المنبر العام الحالى الربع الاول للعام2012 يوم 31 مارس12
مرحبا صديق عبد الجبار []
أخر زيارة لك: 22-03-2012, 11:20 PM الرئيسية
المنبر العامحبيبنا ؛ ود حميد سلام - بدمع: أبوفواز
نسخة قابلة للطباعة من الموضوع ارسل الموضوع لصديق اقرا المشاركات فى صورة مستقيمة « الموضوع السابق | الموضوع التالى »
أقرا احدث/اخر مداخلة فى هذا الموضوع »
23-03-2012, 11:39 AM
الشفيع وراق عبد الرحمن
تاريخ التسجيل: 27-04-2009
مجموع المشاركات: 6766
Web sudaneseonline.com
تغير كلمة السر
مكتبة الفساد
من اقوالهم
(مكتبة مفتوحة للتحديث)
SudaneseOnline Twitter SudaneseOnline FaceBook
Re: حبيبنا ؛ ود حميد سلام - بدمع: أبوفواز (Re: صديق عبد الجبار)
كلام درر ابو فواز
وشايفه ينقط من القلب علي الكيبورد عدل
وفيت وكفيت
ابكيتنا والله الذي لا اله الا هو، وهسه بشوف في الشاشة طشاش |
الناس يا الشفيع بتعاملني على اساس إني سواق طيارة وبس !
أنا ما ني سوا ق طيارة وبس !
أنا تربال .................
والخرطوم دي ما ها حلتي ....
والطيران ما هو مهنتي ..........
والدوحة دي ما ها حقتي .......
والغربة ماها منيتي ...
أنا انتطردت من السودان عشان السودان .................
والطردوني ............ هههههسسسسع دا كاعدين يعانوا ......!!!
لأنهوم وثقوا في الكيزان !!!!!!!!!!!!!!!!!!!!
|
Post: #5
Title: Re: حبيبنا ؛ ود حميد سلام - بدمع: أبوفواز
Author: صديق عبد الجبار
Date: 03-24-2012, 02:25 PM
Parent: #4
|
Post: #6
Title: Re: حبيبنا ؛ ود حميد سلام - بدمع: أبوفواز
Author: الشفيع وراق عبد الرحمن
Date: 03-24-2012, 03:32 PM
Parent: #5
Quote: أنا انتطردت من السودان عشان السودان .................
والطردوني ............ هههههسسسسع دا كاعدين يعانوا ......!!!
لأنهوم وثقوا في الكيزان !!!!!!!!!!!!!!!!!!!! |
علي الحلال الزيك ما بينطرد يا ابو فواز،،،، وهم الخسرانين
طول بالك على اخوك، هو برضو مطرود زيك وبرضو من الكيزان
قول (خيرها في غيرها)
{فَعَسَىٰ أَن تَكْرَهُوا شَيْئًا وَيَجْعَلَ اللَّـهُ فِيهِ خَيْرًا كَثِيرًا }
|
|