حـــــــــــــــــــــــــــمــــــــــــــــــيــــــــــــــــــــد

مات الكلام
قبال يبدا في الحرف التناد
حميد يا مرق السقف
ويا ركازة البيت المكوع
ويا
سند الفروع رصاص
واتلفحت كل القصايد بالسواد
بين الحروف وجع الغنا الممدود دمع
بين الدموع نشف المداد
سكت الغنا
اتجرتق الوتر الرماد
حميد رحل زي الطيور قبال خريف
ياناس اقيفوا
ماتشيعو الوطن الجمال
ما تعلنو اليوم السواد
حميد
يا تربال
وبا ساقية بتشيل من نيلنا موجات الجمال
اليوم وقف نيل السواقي
واعلنت قيفاتو ايات الحداد

وداعا شاعر الغلابه والمسحوقين
وداع قدر تراب الوطن
من كل الحناجر ومن بيوت الطين
مشيت قبال ما تطلع شمس بكره
الكنته كل يوم منتظره تطلع

وداعا وداعا شاعر الوطن شاعرنا االجميل
ابكيك قدر حروف قصايدك
ابكيك قدر خوفك على الوطن
الله عليك الله عليك
يا وطن

يا جمة حشى المغبون

حمـــــــــــــــــــــــــــــــــــــــــــــــــــــــــــيد
يا جمة حشى المغبون .. فى الزمن الهلاك من جاء
تكون حانت مواعيدك .. يكون وقت المطر قد جاء
وشرق ضوى البلد عيدك .. وطابت نسمتو العرجاء
و نمون يا طيبة تمينا .. وبدين ونعنه وغنينا الغنا الراجا
وبدت كاس المودة تدور عشق من حلفا لى راجا
حبابك ألف .. حبابك ألف
وياعنزنا القرجة
ويا لبانة فى الزمن المراحو نشف
ويا ########ة للخوانة والعوج البدورلو ولف
دميرتنا البتروى جرف
مسيرتنا وتميراتنا الكانوا وقف
أصابعين الرجال رصاص سعر راس البنية سقف
تكون دار بى زمن عندك
نكون لمينا فى الفاتنا تكون فاتت ملامحنا وتضاريسنا
القبيل غمرت .. عرش بتنا وطوابيرنا
وبدت شتلات بعد غمرت
ضراعيك يا الولد كبرت
مراعيك يا البلد خدرت
خضار .. خدرت غزار غزرت
خضارا زين برغم الصيف وأناتو
عصافير الجلد كبرت
تباصر نسمة منتحرة
تطمن غيمة مندحرة
تضاير الغابة والصحرا
من الغمة وظلاما شين
ومنك يت قرير تنفك
وتكون اتحلت عقدة الدين
ويا جمة حشى المغبون فى الزمن
الهلاك من جاء
تكون حانت مواعيدك .. يكون وقت المطر قد جاء
وغابت شمس الابداع فى بلادي .. الله يرحمك ياحميد

تيتمت ابجدية العامية
وها نحن من بعدك نبحث عن حرف معطون في النيل

حميد فقد كبير للوطن








ملحوظة

عنوانك فتل المنبر فتلة شديدة تصعب معها القراءة
ارجو المعالجة بفتح بوست جديد