Post: #1
Title: العار لجماهير الوسط والشكر والتقدير لجورج كلونى ,,,
Author: كمال سالم
Date: 03-17-2012, 04:02 PM
العار لكل أهل الشمال السودانى بما فيهم دينا خالد !
|
Post: #2
Title: Re: العار لجماهير الوسط والشكر والتقدير لجورج كلونى ,,,
Author: كمال سالم
Date: 03-17-2012, 04:13 PM
Parent: #1
قرابة المليون من أهلنا فى جبال النوبه قد نزحوا من
قراهم ومساكنهم بعد أن أمطرهم المجرم المتعطش للدماء المدعو
عبد الرحيم محمد حسين بوابل من نيرانه التى أحرقت أخضرهم
ويابسهم !!
حدث كل ذلك ولم يفتح الله على أهلنا فى الشمال ولو بكلمه واحده
تعاطفا مع أخوة لهم فى الوطن .
والغريب والأغرب إنهم حشدوا الآلاف ونظموا المسيرات تعاطفا مع
أهل الشام ( فتأملوا ) .
|
Post: #3
Title: Re: العار لجماهير الوسط والشكر والتقدير لجورج كلونى ,,,
Author: كمال سالم
Date: 03-17-2012, 04:34 PM
Parent: #2
ياللعار !! أين أحزابنا ( الكرتونيه ) ؟؟ بل أين منظمات
المجتمع المدنى ؟؟
هل من المعقول أنهم لم يسمعوا بالمأسأه التى تحدث فى جنوب
كردفان ؟؟!!
فلنترك أولئك وهؤلاء قليلا ونسأل عن صحافتنا,, أيعقل أن لايستطيع
ولا صحفى واحد من حوالى 50 صحيفه يوميه أن يسلط الضو على ماحدث
لأهلنا فى جبال النوبه .
هل هو الخوف الذى زرعه المؤتمر الوطنى وشبيحته فى قلوب الجماهير
المخدره ؟؟
أم هى عدم مبالاه بكل مايحدث قد سكنت فى الأعماق وقتلت كل الأحاسيس
فى هذا الشعب الذى صار لايرى ولايسمع ولا يتحدث !!!
|
Post: #4
Title: Re: العار لجماهير الوسط والشكر والتقدير لجورج كلونى ,,,
Author: كمال سالم
Date: 03-17-2012, 04:42 PM
Parent: #3
ياجماهير الشعب السودانى أهلكم فى جنوب كردفان يحتاجون
للإغاثه والنجده ,, يحتاجون للغذاء والكساء والدواء .
ياترى هل الهلال الأحمر السودانى يعلم عنهم شئ ؟؟
أم أن أهل الصومال أحوج للنجده من أهلنا النوبه السودانيين الذين
يموتون الآن كالضأن ! والهلال الأحمر السودانى يفاخر بما أنجزه
فى الصومال .!
|
Post: #5
Title: Re: العار لجماهير الوسط والشكر والتقدير لجورج كلونى ,,,
Author: كمال سالم
Date: 03-17-2012, 04:57 PM
Parent: #4
والله إنى لن أستغرب بعد الآن لو طلب أهل دارفور
وأهلنا فى جبال النوبه والنيل الأزرق الإنفصال !!
لن أستغرب لأن عصابة الإنقاذ قد إستطاعت أن تفصل
الوجدان السودانى عن بعضه .
لن أستغرب حتى لو طالب أهلنا فى المناصير بالإنفصال
لأن الشعب كله كان يتفرج عليهم طوال عام كامل وهم فى
محنتهم ولم تخرج مسيره واحده مؤيده لهم !!
وأظنه لن يكون غريبا لو إنفصل حى أبروف عن أم درمان !
|
Post: #7
Title: Re: العار لجماهير الوسط والشكر والتقدير لجورج كلونى ,,,
Author: كمال سالم
Date: 03-17-2012, 05:31 PM
Parent: #5
هل صار الشعب السودانى ساذجا لهذه الدرجه حتى يصدق
أكاذيب المؤتمر الوطنى التى تقول بأن هؤلاء الثوار ليسوا هم إلا مجرد متمردون !
أيعقل أن يكون كل هذا الشريط من دارفور مرورا بجنوب
كردفان وحتى جنوب الأزرق أيعقل أن يكون كل هؤلاء متمردون ؟؟!!
إنها مسافه تزيد على الألفين كيلو متر ,, إذا ماذا تبقى من السودان ؟؟
وهل يتمرد المواطن على حكامه بدون أسباب ؟؟
إنهم وإن تمردوا فإنهم لم يتمردوا على الوطن بل تمردوا على الحكم الجائر
والظلم البائن .
للأسف فإن المؤتمر الوطنى بآلته الإعلاميه قد إستطاع أن يخدع كل جماهير الشمال
السودانى وصور لهم بأن ثلثى أهل السودان متمردين وقتله وإنهم يتحدون الآن لتصفيتكم !
ولأنهم كانو قد صفوا الوجدان السودانى من قبل فقد صدقهم هذا الشعب خالى الوجدان .
وبالتالى صرتم يا أهل الشمال من أسذج شعوب الله ,, كيف لا وأنتم تصدقون المريض عقليا
المدعو الطيب مصطفى والذى صار يخرج عيكم كل صباح بصندوق زباله نتن تتلقفونه باكرا على عجل
حتى ضربت ورقته الصفراء تلك الرقم القياسى فى التوزيع .
وهل هنالك أكثر سذاجه من أن يصدق شخص عاقل ذلك المدعو عبد الرحيم ( أبورياله ) الذى لا يعرف
أن ينطق بجمله مفيده واحده ؟
بل كيف لكم أن ترضوا بأن يكون قائد الركب وحادى المسيره للسودان العظيم وشعبه الأعظم ذلك الرجل
الشاذ فكربا وسياسيا المدعو نافع على نافع ؟؟!!
بالله كيف وصلنا إلى هذا الدرك ؟؟؟
|
Post: #6
Title: Re: العار لجماهير الوسط والشكر والتقدير لجورج كلونى ,,,
Author: دينا خالد
Date: 03-17-2012, 05:22 PM
Parent: #4
فعلا عار شديد والله يا كمال
اوافقك الراى
العار حتى لدينا خالد ..
اقول ليك كلام العار حتى لكلونى ..
العار لاى زول ما قادر يوقف الحرب دى !!
|
Post: #8
Title: Re: العار لجماهير الوسط والشكر والتقدير لجورج كلونى ,,,
Author: كمال سالم
Date: 03-17-2012, 05:43 PM
Parent: #6
إنت يادينا ( شمامه ) ولا شنو ؟؟!
كنتى لابده وين ؟ البوست ماتم عشره دقائق !
عموما شكرا ,, ووالله مشتاقين ..
حريفه تجى نشيل لينا شوال سكر وشوية فواكه
ونمشى جنوب كردفان ,, ماتخافى الطريق فاتح
بحتات كتيره .
|
Post: #9
Title: Re: العار لجماهير الوسط والشكر والتقدير لجورج كلونى ,,,
Author: Mohamed Suleiman
Date: 03-17-2012, 07:30 PM
Parent: #8
برافو يا كمال سالم
إنت عارف ... زي صوتك ده هو بالضبط زي شعاع التغيير في التفكير البيضوي للناس حقيقة خزيهم ...
كل قضايا الضمير و الحق عبر التاريخ هناك أصوات من الطرف الآخر صفعت جحافل الظلام عشان تصحي و تواجه نفسها في المراية ... و يا لقبح مواقفهم ...
و كانت دائما تلك بداية الصحوة ...
|
Post: #10
Title: Re: العار لجماهير الوسط والشكر والتقدير لجورج كلونى ,,,
Author: الصادق الزين
Date: 03-17-2012, 07:44 PM
Parent: #9
Quote: حريفه تجى نشيل لينا شوال سكر وشوية فواكه
ونمشى جنوب كردفان ,, ماتخافى الطريق فاتح
بحتات كتيره . |
إنت بتمزح يا عم كمال و لا شنو؟ سكر شنو و فواكه شنو و بطيخ شنو؟ هو التفكير الإنطونياتى دا مبتلى به حتى من نعتبرهم أوعى مثقفينا!! دِينتك دى يا خوى فكّت اللعب زمان و أصبحت تبارى بوستات الملهى و الموديلات ما كلو زى بعضوا؟
|
Post: #11
Title: Re: العار لجماهير الوسط والشكر والتقدير لجورج كلونى ,,,
Author: دينا خالد
Date: 03-17-2012, 08:29 PM
Parent: #10
وفى السودان بعرفوا الطرق
احسن مليون مرة من كلونى ..
لكن يا خوى بشوف القلب ..
ما بتشوف العين ..
تبا للعنصرية ..
تبا للفقر
وتبا للقهر
تبا للفصاحة
تبا للقمع
تبا للبشير
وتبا لسلفا ..
اوقفوا الحرب ... يجب ان تصدر قوية
من الوسط ومن الشمال ومن الشرق
ومن الغرب ومن الجنوب الجديد ..
يجب ان نعزز صرخات جورج كلونى ..
وما نخلى حلقوا يبح براهو ..
يجب ان نسير فى الطريق الذى عبده كلونى ..
|
|