Post: #1
Title: جسر جوي بقيادة ابن ادريس دبي(نصر)لحماية العاصمه!
Author: Tragie Mustafa
Date: 03-12-2012, 07:11 AM
Parent: #0
اها بقينا حسه في الحقنا يا ادريس دبي!!
وجسور جويه لنقل عساكر تشادين للدفاع عن العاصمه؟!
عساكر...تشادين اجيييييييييييييييي يا...عيال حجر البصل!!
(هههههههههههههه)اها ما قلتوا نوبه!!
اها تشاد ما بتحلكم!
وين امريكا روسيا قد دنا عذابها؟!
خلاص ما فضل لكم الا موسى هلال يلقط في الجنجويد للدفاع عن العاصمه القوميه!!
اها الارترين الجندتوهم......وسفرتوهم ايران!!ما نفعوا وما عرفوا يحرابوا ويصمدوا؟!
منح ل 1000 ضابط (ارتري مسلم) منحوا الجنسيات السودانيه وذهبوا لايران للتدريب على الاغتيالات!
كله ما نفع....بقينا في التشادين؟!
مسكينه بنت موسى هلال اتاريها.... فعلا ضحيه لصفقه كبيره!
حكومه كامله تلجأ لدوله(تشاد) الصغيرونه وسكانها ما تامين كم مليون ؟!
|
Post: #2
Title: Re: جسر جوي بقيادة ابن ادريس دبي(نصر)لحماية العاصمه!
Author: ود الباوقة
Date: 03-12-2012, 07:16 AM
تراجي انت عندك صامولة حلجت ولا شنو
مالك بقيتي تنططي زي ام قيردون من بوست لي بوست
اركزي شوية
وبطلي بطبطة
على فكرة نسيت اسالك
شارون ما قام اكلو شيء
|
Post: #3
Title: Re: جسر جوي بقيادة ابن ادريس دبي(نصر)لحماية العاصمه!
Author: حامد بدوي بشير
Date: 03-12-2012, 07:28 AM
Parent: #2
المناضلة تراجي،
تتميز هذه الحكومة بأمرين كل منهما أسوأ من الثاني. أمران لم تقدم على فعلهما حتى حكومة فيشي الفرنسية التي لعقت أخذية جنود الاحتلال النازي:
1 - بقاؤها في السلطة اهم من كرامة وبقاء الوطن.
2 - فقدان الثقة في أجهزة القمع التي صرفت عليها كل قوت الشعب.
إنها ترى الآن بأم عينها، ما يحيق بدولة الحزب الواحد في الدول المجاورة والبعيد، وكيف ان أجهزة قمعها لم تستطع حمايتها من مصيرها المحتوم تاريخيا.
وهي تعلم ان الدور عليها ولم يتبق غيرها سوى نظامي أفورقي ودبي.
فلا غرابة في أن تلجأ لهذه التكتيكات البائسة.
وأهلنا قالوا: الغرقان يتمسك بي قشة دبي وريشة أفورقي.
وبالمناسبة، نظام دبي ونظام أفورقي ليسا بأحسن حال من نظام البشير.
وما نراه الآن هو حلف الخائبين.
حلف الرمق الأخيرة ... فرفرة المذبوح.
|
Post: #4
Title: Re: جسر جوي بقيادة ابن ادريس دبي(نصر)لحماية العاصمه!
Author: معاوية عوض الكريم
Date: 03-12-2012, 07:41 AM
Parent: #3
تراجي يا حااااااااااااااااااااااجة ما تختشي !
جسر جوي بتاع شنو
كل يوم تصحي من الصباح تعملي نجرة جديدة
بعدين شايفك مركزة شديد علي حجر العسل دي
قولي الروووووووووووووب !
|
Post: #5
Title: Re: جسر جوي بقيادة ابن ادريس دبي(نصر)لحماية العاصمه!
Author: Tragie Mustafa
Date: 03-12-2012, 07:48 AM
Parent: #3
الفاضل حامد بدوي سلامات
شكرا على مرورك وانها فعلا فرفرة المذبوح
Quote:
المناضلة تراجي،
تتميز هذه الحكومة بأمرين كل منهما أسوأ من الثاني. أمران لم تقدم
على فعلهما حتى حكومة فيشي الفرنسية التي لعقت أخذية جنود الاحتلال النازي:
1 - بقاؤها في السلطة اهم من كرامة وبقاء الوطن.
2 - فقدان الثقة في أجهزة القمع التي صرفت عليها كل قوت الشعب.
إنها ترى الآن بأم عينها، ما يحيق بدولة الحزب الواحد في الدول المجاورة والبعيد،
وكيف ان أجهزة قمعها لم تستطع حمايتها من مصيرها المحتوم تاريخيا.
وهي تعلم ان الدور عليها ولم يتبق غيرها سوى نظامي أفورقي و دبي.
فلا غرابة في أن تلجأ لهذه التكتيكات البائسة.
وأهلنا قالوا: الغرقان يتمسك بي قشة دبي وريشة أفورقي.
وبالمناسبة، نظام دبي ونظام أفورقي ليسا بأحسن حال من نظام البشير.
وما نراه الآن هو حلف الخائبين.
حلف الرمق الأخيرة ... فرفرة المذبوح. |
اعلم يا اخي انه نظام دبي ونظام افورقي ليس افضل من نظام البشير وكلاهما يفتك بشعبه!
افورقي طبق اكبر جريمه ببلاده وهو محاولة طرد المسلمين!
السودان تلقفهم ليس محبة فيهم ولكن رغبة في تغير التركيبه الديمقرافيه لشعبنا!
فناس تراجي و الاحصاءات البتقول الزنوج لا زالوا اغلبيه من اهل السودان هذه الحقيقيه المؤتمر الوطني
يعمل جاهدا على طمسها ومؤسف ان يعاونهم رجلا يفترض ثوري مثل اسياس أفورقي !
الغريبه اعتمدوا التريكبه الجهويه و الآن كما قلت لا يثقون باجهزتهم الامنيه لماذا يا ترى؟!
انا اعتقد الاجابه لانهم ليسوا اهل مبدأ بل مجرد ناس
منافع ارتبطت مصالحهم بالنظام و الآن بدأ القفز من المركب الغارقه!!
|
Post: #6
Title: Re: جسر جوي بقيادة ابن ادريس دبي(نصر)لحماية العاصمه!
Author: عصام دهب
Date: 03-12-2012, 07:51 AM
Parent: #5
كضب البنط ..
|
Post: #7
Title: Re: جسر جوي بقيادة ابن ادريس دبي(نصر)لحماية العاصمه!
Author: فايزودالقاضي
Date: 03-12-2012, 08:49 AM
Parent: #6
استاذة تراجي ...سلامات ..
الغريق يتمسك بقشة ..
والذى خلق السماء الحكومة دي لو تلقى ضمان انها ماتحاسب في كل جرائمها وفسادها وتاريخها القمعي منذ مجيئها لتخلت عن السلطة فتمسكها بهاالآن ليس حباً فيها بل وسيلة تقيها من المحاسبة ، المحاسبة التى لاتبقى منها احد ..لذلك وجودها في السلطة هو خيار مجبرين والاستعانة بدبى او افورقي هو المتاح لها حالياً ..
يامولانا جيب دليل مادي على انه مافي جسر جوى عشان نكذب الاستاذة تراجي او جيب صورة للسماء فاضية ..
|
Post: #8
Title: Re: جسر جوي بقيادة ابن ادريس دبي(نصر)لحماية العاصمه!
Author: عصام دهب
Date: 03-12-2012, 09:30 AM
Parent: #7
فايز .. إزيك ..
| Quote: يامولانا جيب دليل مادي على انه مافي جسر جوى عشان نكذب الاستاذة تراجي او جيب صورة للسماء فاضية .. |
ياخي أنا ممكن أجيب ليك صورة للسماء فاضية و صافية ، لكن بس إنت أضمن لي إنو تراجي ما تجئ تقول الصور دي جبتوها بعد ما الطيارات نزلت في وادي سيدنا ..
|
Post: #9
Title: Re: جسر جوي بقيادة ابن ادريس دبي(نصر)لحماية العاصمه!
Author: مهيرة
Date: 03-12-2012, 11:08 AM
Parent: #8
| Quote: جسر جوي بقيادة ابن ادريس دبي(نصر)لحماية العاصمه! |
وبرضو مابحلهم ياتراجى اختى!
يمهل ولا يهمل
وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ
تحياتى
|
Post: #10
Title: Re: جسر جوي بقيادة ابن ادريس دبي(نصر)لحماية العاصمه!
Author: مدثر صديق
Date: 03-12-2012, 11:44 AM
Parent: #9
المجاعة تهدد تشاد
| Quote: تحذير وتقرير من منظمتين دوليتين صدرا فى يوم واحد نهاية الاسبوع الماضى ، عن احوال القارة الافريقية. فالأول من منظمة الفاو ينذر بشبح المجاعة، والآخر من البنك الدولى توقع تسارع النمو الاقتصادى فى افريقيا، والتحذيران يلخصان الحالة الافريقية التى تحتمل التناقضات. وان القارة التى لم تعد مظلمة كما كانت فى القرون الماضية لا تزال فى طور النهوض الاقتصادى، وبالنظر الى البلدان التى اوردتها منظمة الفاو كأكثر البلدان المهددة بالجوع وهى تشاد والنيجر ومالى وبوركينافاسو نجد انها كما هو حال أغلب البلدان الافريقية تعتمد بشكل مباشر على الزراعة كمصدر رئيس للدخل، وفى ظل التغيير المناخى الراهن وفشل الدول الصناعية الكبرى فى الالتزام بخفض حدة الانبعاث الحرارى، وفشلت أيضاً فى معالجة آثار ذلك التغيير وانفض سامر مؤتمر كونهاجن دون التزامات واضحة تجاه توفير مبالغ ضخمة تتراوح بين (30) إلى (100) مليار دولار بحلول العام 2020 لإفريقيا لتتمكن من مواجهة الآثار البيئية والاقتصادية والاجتماعية للتغيير المناخى. |
صحيفة الراي العام
http://www.alhadag.com/reports1.php?id=2903
|
Post: #11
Title: Re: جسر جوي بقيادة ابن ادريس دبي(نصر)لحماية العاصمه!
Author: عثمان محمد كرار
Date: 03-12-2012, 11:54 AM
Parent: #10
نصحه لناس المعارضه لو دايرين يمشو لي قدام :
سكتو الوليه الخرفانه دي وودالقاضي ومحمد عادل وشوفو النتيجه
|
Post: #12
Title: Re: جسر جوي بقيادة ابن ادريس دبي(نصر)لحماية العاصمه!
Author: Tragie Mustafa
Date: 03-12-2012, 01:24 PM
Parent: #11
عارف يا عصام دهب
ما ركزته انه الابيض نفسها فكوها عكس الهواء!
لاحظ هؤلاء يتحدثون عن حماية العاصمه القوميه ؟!
حسه نفتش....شويه نلقى حدود العاصمه ذاتها ما بعيد تكون تقلصت لحوش بانقا وكافوري!!
و الشعب كله مفكوك عكس الهواء!!
قال كضبا كاضب قال!!
انه موسم الهروب الكبير!
|
Post: #25
Title: Re: جسر جوي بقيادة ابن ادريس دبي(نصر)لحماية العاصمه!
Author: Tragie Mustafa
Date: 03-12-2012, 09:03 PM
Parent: #10
انت يا مدثر صديق خليك من المجاعه تهدد ولا المجاعه تتنيل
انت رئيس تشاد ده ماهو ذاته الجاء دفع لكم مهر 25 مليون دولار ولا زولا ثاني؟!
طيب يا اخي خلي عمك موسى هلال يرجع لشعب تشاد بس 15 مليون دولار وحاتك بيقضي على المجاعه كلها!
|
Post: #20
Title: Re: جسر جوي بقيادة ابن ادريس دبي(نصر)لحماية العاصمه!
Author: Tragie Mustafa
Date: 03-12-2012, 05:58 PM
Parent: #9
الفاضله د. مهيره
حقا الله يمهل ولا يهمل!
Quote: | Quote: جسر جوي بقيادة ابن ادريس دبي(نصر)لحماية العاصمه! |
وبرضو مابحلهم ياتراجى اختى!
يمهل ولا يهمل
وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ
تحياتى |
ربنا في....يا دكتوره.
كثر خيرك على العبور.
وربنا يغطي....على اهلنا كلهم ويكفي الابرياء شرور الحرب.
|
Post: #13
Title: Re: جسر جوي بقيادة ابن ادريس دبي(نصر)لحماية العاصمه!
Author: فايزودالقاضي
Date: 03-12-2012, 01:30 PM
Parent: #8
| Quote: ياخي أنا ممكن أجيب ليك صورة للسماء فاضية و صافية ، لكن بس إنت أضمن لي إنو تراجي ما تجئ تقول الصور دي جبتوها بعد ما الطيارات نزلت في وادي سيدنا .. |
خلي تراجي انا ذاتي بقول ..
|
Post: #14
Title: Re: جسر جوي بقيادة ابن ادريس دبي(نصر)لحماية العاصمه!
Author: فايزودالقاضي
Date: 03-12-2012, 01:44 PM
Parent: #13
عثمان محمد كرار ..سلامات ..
Quote: نصحه لناس المعارضه لو دايرين يمشو لي قدام :
سكتو الوليه الخرفانه دي وودالقاضي ومحمد عادل وشوفو النتيجه |
انا من زمان حاسي اني ذو قيمة كبيرة ومؤثرة في السودان لكن ماكنت عارف محل التأثير ده وين ..
اتارى انا موقف حال المعارضة وحال التغيير ..
غايتو عمر الجزلي اتلوم معاى شديد ماجابني في برنامجه (اسماء في حياتنا ) ..
اتغطى كويس ياعثمان من البرد فرومانيا اليومين ديل بتكون باردة ...
تحياتي ،،،
ـــــــــــــــــــــ
سؤال بره الموضوع : لاحظت انك من مواليد النوراب بالمتمه
فهل من علاقة للنوراب بنوراب البجا ؟ فالنوراب عندنا جنس من البجا ..
|
Post: #15
Title: Re: جسر جوي بقيادة ابن ادريس دبي(نصر)لحماية العاصمه!
Author: احمد التجانى احمد
Date: 03-12-2012, 02:14 PM
Parent: #14
ود القاضى , عيبك الوحيد (فى البورد بس , برا يمكن تكون اكثر) انك ماسك طرف توب خالتك
كل ما تقول ولا الضالين انت تجيب ااامين , وكل نجرة بتفكها هنا انت وراها بتكون شايل ليها عدة النجارة
خالتك انا ابدا ما بلومها لانها ما بتعمل اكثر من عمايل الخالات والحبوبات اليومية وهى تجميع قوالات
وقطايع اليوم وحبكه فى شكل قصة درامية وبعد كدة تفكها فى الناس , لكن انت بعمايلك دى مؤخرا
المشروع السياسى بتاعك اهتز كثير بسبب هذا الدور المشبوه
وما طالبنى حليفة لكن كنت قايلك ح تخش زعلان لهبشة اهلك الاريتريين فى صمة خشمهم
|
Post: #19
Title: Re: جسر جوي بقيادة ابن ادريس دبي(نصر)لحماية العاصمه!
Author: فايزودالقاضي
Date: 03-12-2012, 03:22 PM
Parent: #15
احمد ...سلامات
Quote: ود القاضى , عيبك الوحيد (فى البورد بس , برا يمكن تكون اكثر) انك ماسك طرف توب خالتك
كل ما تقول ولا الضالين انت تجيب ااامين |
زي اساسي ماسك طرفك ...
Quote: لكن انت بعمايلك دى مؤخرا
المشروع السياسى بتاعك اهتز كثير بسبب هذا الدور المشبوه |
انت عارف يااحمد انا ماعندي مشروع سياسي محدد ولا ادوار بقوم بيها لاى جهة ولا بنتمى لحزب سياسي لكن اى جهة عايزة تسقط النظام ده انا بقيف معاها وبختلف مع البعض منها ليس في وسائلها بل في خلطها للسياسة بالعرق واثننة الصراع في السودان ودي حاجة موجودة في شكل مواقف فردية لايمكن ان اصفها بتوجه منظم لهذه الحركات او تلك الاحزاب وكمان الحكومة لاتمثل اثنية او جهة بعينها حتى احاسب اثنيات معينة بأفعالها فقد تاذى منها كل السودان وكل الجهات ويجب ان تحارب على هذ الاساس ..اما مايحدث من البعض في توجيه الصراع لغير وجهته هو انكفاءة اصبحت تطيل من امد النظام وتفرخ حروب ذات شكل جديد تدمر ماتبقى من الوطن ...
يااحمد الحكومة تلعب على وتر الاثنية في صراعها مع الحركات لانها اصبحت الخط الاخير بالنسبة ليها للدفاع عن نفسها بوجودها المستمر في السلطة ..والبعض من الناس المحسوبة معارضة ساهموا بكتاباتهم في ذلك فاعتقد يجب ان يتغير الخطاب السياسي باتساق مع النوايا الصادقة لوحدة الامة في تغيير من خلق هذه الازمة بعيداً عن وتر العرقية ..
| Quote: وما طالبنى حليفة لكن كنت قايلك ح تخش زعلان لهبشة اهلك الاريتريين فى صمة خشمهم |
انا ضد النظام في ارتريا ولست ضد الشعب الارتري يااحمد وشخصياً ارتريا هي السودان بالنسبة لي والعكس كذلك وزي ماقال فنان الشرق السوداني والغرب الارتري حامد عبدالله عندما سؤل في التلفزيون الارتري عن جنسه فقال : السودان وارتريا هم يديني الاتنين لكن مابعرف ياتا اليمين وياتا الشمال .. وانا كلي السودان وكلي ارتريا ....
تحياتي ياحبيب ..
|
Post: #16
Title: Re: جسر جوي بقيادة ابن ادريس دبي(نصر)لحماية العاصمه!
Author: Tragie Mustafa
Date: 03-12-2012, 02:21 PM
Parent: #7
الفاضل فائز سلامات
بتفق معك فيما اوردت....انهم مش غرقانين بل في مرحلة الطوفان عديل!
Quote:
استاذة تراجي ...سلامات ..
الغريق يتمسك بقشة ..
والذى خلق السماء الحكومة دي لو تلقى ضمان انها ماتحاسب في كل جرائمها وفسادها وتاريخها القمعي منذ مجيئها لتخلت عن السلطة فتمسكها بها
الآن ليس حباً فيها بل وسيلة تقيها من المحاسبة ، المحاسبة التى لاتبقى منها احد ..لذلك وجودها في السلطة هو خيار مجبرين والاستعانة بدبى او افورقي
هو المتاح لها حالياً .. |
طيب ....باقي لك ندخل لهم واسطه مع ناس (كاودا) يدوهم ضمانات ينكشحوا من وجهنا و يعيدوا اموال شعبنا ويتكلوا على الله!
(ههههههههههههه)ولا كيف يا حبيب؟!
لكن حق اولياء الدم الناس السحلوا اهلهم نمشي منه وين؟!
لابد من المحاسبه
ضمانات قطر و السعوديه لن تكفيهم!
|
Post: #17
Title: Re: جسر جوي بقيادة ابن ادريس دبي(نصر)لحماية العاصمه!
Author: Faisal Elrasheed
Date: 03-12-2012, 02:42 PM
Parent: #16
Quote: (ههههههههههههه)ولا كيف يا حبيب؟!
|
حيزبون...
تعرفي هضربتك دي كلــــــــــــــها كوم وضحكتك (المجلجله)دي كوم تاني ...يا (مجلجله انتي)..
نصيحه:
ناس كاوده ديل بتلحقيهم امات طه كما خليل ..هم اساسا لحقو امات باقي ليهم طه
|
Post: #18
Title: Re: جسر جوي بقيادة ابن ادريس دبي(نصر)لحماية العاصمه!
Author: د.نجاة محمود
Date: 03-12-2012, 03:05 PM
Parent: #17
لوووووووووووول
غياتو تراجي الفتالة مرات بالجد بتشتغل كوميديا فرست كلاس
عندي حبوبة شوية درويشة يوم صحت من النوم قعدت في نص السرير وزغردت لمت الحلة كلها
بزغاريدها دي
وقالت ليهم جيتلمكم تاني مافي موت شوف عيني دي عزراوين ميت وممدد في العنقريب وادينو المقابر
وقربت تنهي حطبتهابارقصو وافرحو حقت المرحوم القذافي ديك
فبالله يا تراجي قصري الديك..
ناس الهامش ديل لما قنابلهم تقع حتقع في طرف المدينة حيث نحنا ناس الهامش ديل..
يعني ذي ما بقتلو في اهلهم في كردفان ودارفور حيلحقوهم في الخرطوم برضك.
|
Post: #21
Title: Re: جسر جوي بقيادة ابن ادريس دبي(نصر)لحماية العاصمه!
Author: احمد التجانى احمد
Date: 03-12-2012, 06:44 PM
Parent: #18
-Quote: .انت عارف يااحمد انا ماعندي مشروع سياسي محدد ولا ادوار بقوم بيها لاى جهة ولا بنتمى لحزب سياسي لكن اى جهة عايزة تسقط النظام ده انا بقيف معاها وبختلف مع البعض منها ليس في وسائلها بل في خلطها للسياسة بالعرق واثننة الصراع في السودان ودي حاجة موجودة في شكل مواقف فردية لايمكن ان اصفها بتوجه منظم لهذه الحركات او تلك الاحزاب وكمان الحكومة لاتمثل اثنية او جهة بعينها حتى احاسب اثنيات معينة بأفعالها فقد تاذى منها كل السودان وكل الجهات ويجب ان تحارب على هذ الاساس ..اما مايحدث من البعض في توجيه الصراع لغير وجهته هو انكفاءة اصبحت تطيل من امد النظام وتفرخ حروب ذات شكل جديد تدمر ماتبقى من الوطن ...
يااحمد الحكومة تلعب على وتر الاثنية في صراعها مع الحركات لانها اصبحت الخط الاخير بالنسبة ليها للدفاع عن نفسها بوجودها المستمر في السلطة ..والبعض من الناس المحسوبة معارضة ساهموا بكتاباتهم في ذلك فاعتقد يجب ان يتغير الخطاب السياسي باتساق مع النوايا الصادقة لوحدة الامة في تغيير من خلق هذه الازمة بعيداً عن وتر العرقية .. |
عزيزي ود القاضي
كلامك الفوق دة جميل ونبيل لكن علاقته شنو بالاتهام الموجه ليك
وهل تحالفاتك مع شخص او جهة ما بيفرض عليك تكون بصمنجي
وحامل أختام لتلك الجهة او تلك الشخصية
|
Post: #22
Title: Re: جسر جوي بقيادة ابن ادريس دبي(نصر)لحماية العاصمه!
Author: الشفيع وراق عبد الرحمن
Date: 03-12-2012, 07:48 PM
Parent: #21
ود الباوقة جليتيه ليه:
| Quote: شارون ما قام اكلو شيء |
؟
| Quote: عندي حبوبة شوية درويشة |
حبوبتك يا دكتورة (أوعى) من تراجي
بوست عسل
|
Post: #23
Title: Re: جسر جوي بقيادة ابن ادريس دبي(نصر)لحماية العاصمه!
Author: صلاح عثمان
Date: 03-12-2012, 08:32 PM
Parent: #22
| Quote: بل في خلطها للسياسة بالعرق |
عين العقل يا ود القاضي
|
Post: #24
Title: Re: جسر جوي بقيادة ابن ادريس دبي(نصر)لحماية العاصمه!
Author: Tragie Mustafa
Date: 03-12-2012, 08:50 PM
Parent: #23
موسم الهروب الكبير بدأ....والجقلبه بدأت!
Quote: حيزبون...
تعرفي هضربتك دي كلــــــــــــــها كوم وضحكتك (المجلجله)دي كوم تاني ...يا (مجلجله انتي).. |
حيزبون انا يا سجمان؟!
(ههههههههه)قلت لي حيزبون!!
ما بتحلك من حكاية انكم خوافين وغلبكم التسوا ووقعتوا لادريس دبي في عرضه يحميكم!
|
Post: #26
Title: Re: جسر جوي بقيادة ابن ادريس دبي(نصر)لحماية العاصمه!
Author: محمد البشرى الخضر
Date: 03-12-2012, 09:17 PM
Parent: #24
| Quote: اجيييييييييييييييي يا...عيال حجر البصل!! |
أوسكار يا تراجي
|
Post: #27
Title: Re: جسر جوي بقيادة ابن ادريس دبي(نصر)لحماية العاصمه!
Author: فايزودالقاضي
Date: 03-13-2012, 07:59 AM
Parent: #21
حبيبنا احمد ...سلامات ..
Quote: عزيزي ود القاضي
كلامك الفوق دة جميل ونبيل لكن علاقته شنو بالاتهام الموجه ليك
وهل تحالفاتك مع شخص او جهة ما بيفرض عليك تكون بصمنجي
وحامل أختام لتلك الجهة او تلك الشخصية |
اولاً كلامي القلت عنه جميل ده رغم انك ماشايف اى علاقة ليهو باتهامك لى الا انه يلخص وجهة نظري في الصراع بين المعارضة والحكومة وكمان بتقدر من خلال سطوره او ماوراءه تتحسس مكانك بينهما ...
وعن تحالفاتي فياريتني لو كنت متحالف بجد ..
انا ممكن تسميني متضامن لانه حدي الكلمة البكتبها ضد النظام وبس وده اضعف الايمان ..
ولايعني ذلك اني بصمنجي او امعة بل بكتب رأئي بكل وضوح وصراحة لا ارضاءً لأحداولجهة ..
موقفي قد تتفق معاه تراجي او انت او حتى اساسي لكن ده لايعني اني حامل اختامكم ولايعني اننا واحد ..
فاسلوب معارضتي للنظام قد لاتعجبك كما هو واضح ..ويبقى رايك وجهة نظر تحترم ..
ومنطلق موقفك المتحامل على المعارضة والذى قد يدعم احياناً الحكومة قد لايعجبني لكن لا يعني اني اصفك بالبصمنجي للحكومة او حامل اختامها..
تحياتي ،،،
ً
|
Post: #28
Title: Re: جسر جوي بقيادة ابن ادريس دبي(نصر)لحماية العاصمه!
Author: معاوية عوض الكريم
Date: 03-13-2012, 09:49 AM
Parent: #27
حجر البصل في عينك يا تراجي !
|
Post: #29
Title: Re: جسر جوي بقيادة ابن ادريس دبي(نصر)لحماية العاصمه!
Author: فايزودالقاضي
Date: 03-13-2012, 11:06 AM
Parent: #28
| Quote: حجر البصل في عينك يا تراجي ! |
البصل مفيد للعين ..
|
Post: #31
Title: Re: جسر جوي بقيادة ابن ادريس دبي(نصر)لحماية العاصمه!
Author: معاوية عوض الكريم
Date: 03-13-2012, 11:22 AM
Parent: #29
| Quote: البصل مفيد للعين .. |
|
Post: #32
Title: Re: جسر جوي بقيادة ابن ادريس دبي(نصر)لحماية العاصمه!
Author: مدثر صديق
Date: 03-13-2012, 11:28 AM
Parent: #29
الولايات المتحدة: تحالف كاودا قد يستثير النعرات العنصرية في السودان
|
Post: #33
Title: Re: جسر جوي بقيادة ابن ادريس دبي(نصر)لحماية العاصمه!
Author: Tragie Mustafa
Date: 03-15-2012, 01:45 AM
Parent: #32
مدثر صديق...(ههههههههههههههههههههههههههههههههه)
| Quote: الولايات المتحدة: تحالف كاودا قد يستثير النعرات العنصرية في السودان |
(انت يا حبيب ما عارف انه امريكا دي خشم بيوت هي ذاتها)!!
فانت قرض على (امريكا المسحوره بمشعوذيكم)ونحن مقرضين على امريكا اللاسه ما سحرتوها!
|
|
