Post: #1
Title: اماسي نيويورك من جديد *طارق ابوعبيدة في ختام جولته 16 مارس اهلا بكم
Author: إحسان عبدالمتعال أحمد
Date: 03-10-2012, 08:28 PM
Parent: #0
احبة الجمال
تحايا الاماني والوصال
نيويورك تلبس حلتها الزاهية استقبالا لكم في امسية من دنيا الجمال
كما عودناكم نتشارك الافراح واللحظات السعيدة
معا نجدد ما بنفوسنا من حزن والم
ونعيش امسية نيويوركية حالمة وعبقة باجمل الالحان
يستضيفكم عبرها نجمنا المحبوب الفنان الصديق طارق ابوعبيدة
في اخر حفلاته بالولايات الامريكية
اراد ان يجئ الختام مع اهل نيويورك المبدعين الذين يعشقون الفن واهله
مرحبا بكم جميعا
|
Post: #2
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: محمد عبد الماجد الصايم
Date: 03-11-2012, 10:11 AM
تحياتي إحسان!
ياخ معقولة؟ طارق أبو عبيدة .. وعبق وألق وألحان؟
خدر الواحد دا؟ أصلوا ما عليهو أي علاقة بالألق والحاجات دي!!
المهم الواحد مضطر يحضر عشان
نشوف الحكاية (جابت ولّ ما جابت)!!
أو كما قال مولانا تاجو الملكـ!!
أي كان نوط بليف ماي آآيز!!
|
Post: #28
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: إحسان عبدالمتعال أحمد
Date: 03-13-2012, 01:41 AM
Parent: #2
الاخ ود الصايم
سلامات لما تجينا ( يو كان بليف يور ايز واير ) بس اتحرك وين ما كنت وما تفوت المهرجان دا
وباقي الكلام القالو خدرنا الجميل نجم الحفل
اها وكمان
المزيد من المعلومات
نرجو الاتصال بالارقام الاتية
1472-952-917 الاخ عبد الله الشريف
1364-605-347 الاخ علي محمد الحسن
الدعوة للجميع بنيويورك والولايات المجاورة
حضوركم يسعدنا
|
Post: #6
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: فضل الصادق
Date: 03-12-2012, 03:04 AM
Parent: #3
|
Post: #7
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: Nagat Sid Ahmed Elshiekh
Date: 03-12-2012, 04:07 AM
Parent: #6
سلام يا استاذة أحسان بالله خلى خدر يغنى ليكم سميرى ..
حضرنا الحفلة الأخيرة بواشنطون قمة الطرب شكرا طارق ..
ياطارق شكلك كدا ح تفط فلادلفيا المرة دى رغم الشارع واحد ...
نتمني ليكم ليلة سعيدة دا أكيد ح تكون سعيدة.....
|
Post: #8
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: عصام عيسى رجب
Date: 03-12-2012, 09:17 AM
Parent: #7
ومتين بتحِن على ناس الصحراء يا طارق .....؟!
|
Post: #9
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: الصادق خليفة
Date: 03-12-2012, 11:20 AM
Parent: #8
ومتين بتحِن على ناس الصحراء يا طارق .....؟!
ود رجب رسل الزيارة و نحن بنجهز مخرج 18
تحياتي احسان و خدر و رجب .
مع الامنيات باماسي ناعمه
|
Post: #10
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: على عمر على
Date: 03-12-2012, 11:42 AM
Parent: #9
هسع يا استاذتى وياستى احسان
ما بتخجلى طارق دا انا عازمو بشوف ايوا ويشوف
|
Post: #30
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: إحسان عبدالمتعال أحمد
Date: 03-13-2012, 02:11 AM
Parent: #8
الاعزاء الافاضل
عصام عيسي رجب
فضل الصادق
شكرا للمرور واتمني ان تشاركونا الاستماع لنهر الاغنيات الحسان
الغالية نجاة سيد احمد الشيخ
لكل سلامي ومحبتي وعبر البوست دعوة خاصة لآصدقائنا بفلادلفيا ناس عمر حبيب وشريف والغالي
وما ننسي زول في الحلة فلادلفيا الا ونرسل الية رقاع الدعوات للحضور
ويا نجاة الحفل سيكون ما يطلبه الحاضرون سميري وخداري وكل البجود بيه طارق الجميل
لك الشكر وبالله اعملي لينا مفاجأة بحضورك للحفل
لكم التقدير
|
Post: #29
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: إحسان عبدالمتعال أحمد
Date: 03-13-2012, 02:02 AM
Parent: #30
خدر يا خداري
بي طلتك تنور داري
كلنا انتظار لقدومك الباهي والسعيد
اعددنا العدة لاستقبال يليق بمكانتك السامية في النفوس
فانت فنان يستحق الاحتفاء بك اينما حللت
لا تلتفت لآي احاديث جانبية يكفي ما خطه البعض عن الاخ الفنان المحترم عصام محمد نور وجاءت النتائج نجاح ( بأمتياز ) لجميع حفلاته
كن علي الوعد
ودمت في حفظ الله
|
Post: #11
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: حسن حماد محمد
Date: 03-12-2012, 04:26 PM
مرحب بطارق فى نيويورك
مازالت ذكريات اللقاء السابق عالقة بالذهان
طارق مبدع رائع ومقدرة على التفاعل مع الحضور غير مسبوغة
طارق يذكرنى بحفلات السودان لما البلد كانت جميلة وبى خيرها
شكراً الاستاذة احسان على الأخبار الحلوة
|
Post: #12
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: Adam D.El-Asha
Date: 03-12-2012, 04:49 PM
Parent: #11
إحسـان
لك معزتي التي تعرفين...
ولطارق الود في الجهات الأربع ولنقل إينما ولي وجه
وبصـوته الطروب نسـعد فالفتي أوتي مزامير داؤد...ياخذك في رحلة وله فيشـدك الحنين..تظل محفوفا بالود.
آهـلا بمقدمك يامولانا خدر فلمثلك تضـوع الطيوب .
آدم العشـــــا
|
Post: #18
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: إحسان عبدالمتعال أحمد
Date: 03-12-2012, 07:49 PM
Parent: #12
الاحبة الاعزاء المتداخلون (حتي الحاقد دينق)
لكم تحياتي وتقديري
شكرا لتوقيعاتكم الانيقة
ارجو حضوركم في الزمان والمكان الذي لم يسالني عنه اي منكم خاصة الذين لم يروا البوست الثاني
الذي جاء عن طريق الخطا
موعدنا
معكم الجمعة التاسعة مساء
16 مارس 2012
المكان
green pavilion
4307 18th Avenue
Brooklyn NY 11218
7184354722
|
Post: #32
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: إحسان عبدالمتعال أحمد
Date: 03-13-2012, 02:30 AM
Parent: #18
دينق في الجارة الشقيقة
كيف احوالك مع انها واضحة ملخبطة ( وكدا )
يا زول ما تفارق البوست دا _ ح تجيب لينا الزباين _انا وطارق اقصد الحزب الشيوعي والمؤتمر الوطن لدينا ( مصالح مشتركة ) في هذا الحفل ما تخربها علينا
عليك الزمالة البينا هنا وكمان ما تنسي حق الجيرة
معزوم وكلم معاك صحبك الخردة ( كوستانطون )
الجمعة ما تنسي
|
Post: #21
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: حبيب نورة
Date: 03-12-2012, 09:09 PM
Parent: #32
أريتني معاكم
إحسان يا ست الناس كيفنك
|
Post: #22
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: حبيب نورة
Date: 03-12-2012, 09:13 PM
Parent: #21
خدوري
كيفنك يا خداري القاصد وداري
بالله عليك رنة الخلخال في هذا البوست وفي الحفلة
وبعديها أتفكفك ياخ أرجع أهلك قبال تهلك :)
|
Post: #31
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: إحسان عبدالمتعال أحمد
Date: 03-13-2012, 02:22 AM
Parent: #11
طابت اوقاتكم اخوتي
الصادق خليفة
تروس
حسن حماد
نسافر مع خدر في رحلة الانغام والالحان الشجية
تروس
الحل بسيط من يوم الخميس اتحركو علي نيويورك وما تفوتو الكرنفال الختامي لحفلات طارق
الاستاذ حسن حماد
من اجمل الامسيات النيويوركية تلك التي قضيناها استماعا واستمتاعا بصوت طروب وشجي
فقد هوم بنا طارق بين الثري والثريا وحتما سيعيد لاذهاننا تلك الليلة
الي الملتقي
|
Post: #26
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: Elmosley
Date: 03-13-2012, 01:03 AM
تمنياتي للفنان طارق ابوعبيده
بحفل ناجح واداء مميز
وبالتوفيق
|
Post: #27
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: إحسان عبدالمتعال أحمد
Date: 03-13-2012, 01:27 AM
Parent: #26
استاذي الحبيب موصلي
تحايا رقيقات رقة قلبك الكبير
كم نفتقدك - يعوض فقدك تلكم الالحان الجميلة التي اتتنا كما النسمات فأحالت جدب غربتنا سهولا وحدئق ياسمين
سلامي لك وللرائعين عنادل الشدو
ابقي طيب وربنا يوفقك
مودتي
|
Post: #33
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: إحسان عبدالمتعال أحمد
Date: 03-13-2012, 02:35 AM
Parent: #27
الشفيفان العزيزان
ادم العشا
حبيب الكل حبيب نوره
لكما من الود وعميق التحايا ما يرضيكما
اسعدني مروركما البديع
وقد زينتما هذا البوست بخطكم الجميل
راوية الحبيبة
كيف احوالك شكرا لوجودك بيننا
|
Post: #41
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: Elmosley
Date: 03-13-2012, 09:30 AM
Parent: #27
تحياتي احسان ولاسرتك الكريمه
وسلام خاص للدكتور
الذي هو من خير الكرماء
كونوا بخير
|
Post: #43
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: DKEEN
Date: 03-13-2012, 12:23 PM
Parent: #41
سلامات يانذير..
وعساك طيب...بخصوص شلة طارق التي جاءت في معرض مداخلتك..
انالاقيت بعض من شلة هذا المسخوت..وهي للعلم نفس الشلة البتعلب كتيشنة مع دينق..في الحقيقة البلعب دينق معاها كتشينة..
اخوك الكبير دينق اظنو ماعندو غيرهم في تلك الصقيعة..
وهي والحق يقال شلة مبتهجة ومرحابة ومتسقة وعليهم سمات ود المحاصرين ..
وقد شهدتهم في جلسة طيبة في مطعم الارباب حسن جادين..
|
Post: #44
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: Afraa Sanad
Date: 03-13-2012, 06:47 PM
Parent: #43
Quote: تعرف يا طارق عزوف الناس عن حفلاتك هي مداخلاتك
في بوست الأنجيرا، أمريكا ما زي هولندا، بتعاملو مع
الزول أو الفنان على حسب مواقفو السياسية، |
النذير ياخ والله أنا أشفق عليك من حجم التفويض ألاديتو لنفسك أنك تتكلم باسم سكان واشنطن الكبري قاطبة وحسب علمي أنك ليس منهم!! ياخي حفلات طارق عندنا كانت ناجحة بكل المقاييس..بعدين انتوا يا متعاطي السياسة في أمريكا عندكم تجربة سابقة في الترويج لفنان قلتوا أنه كوز ونتيجة لحملتكم ضده قام سكان واشنطون باستفتاء مضاد وكانت حفلاته من انجح الحفلات في تاريخ واشنطون...ألتطريب يا زميل ليس له لون...وطارق مطرب ولو كره البعض..ولعلمك نحن لحدي اسع بنحنس في طارق ده يعمل لينا حفلة...بعدين ياخ واشنطون لا تعني فقط مصادرك التي تهدد بنقل معركتهم مع طارق لارض سودانيز أون لاين وكانها هي سقف الدنيا ياخ في عوالم تانية أرحب for those who have lives فقط ابحث عنها وستكتشف أنك you are missing big time
|
Post: #46
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: حسن حماد محمد
Date: 03-13-2012, 11:40 PM
Quote: يا طارق بالجد بالبوست دا حرقت ورقك في أمريكا
بسبب المروج لحفلتك هي كوزة معروفة في أمريكا
تعرف يا طارق عزوف الناس عن حفلاتك هي مداخلاتك
في بوست الأنجيرا، أمريكا ما زي هولندا، بتعاملو مع
الزول أو الفنان على حسب مواقفو السياسية، وممكن
يا طارق تقارن ما بين نجاح حفلاتك السابقة وفشلها
حالياً ومعرفة السبب الرئيسي لذلك، فأنا أظن بأنك قد
خُدعت بسبب بعض الشلليات الضالة وأدوك فكرة خطأ
عن أمريكا، عليك الله لاحظ يا طارق زمان كانت عنواوين
حفلاتك بكري بثبتها ليك في المنبر ومئات المتداخلين
ولكن الآن يتجاهلها الناس، علشان كدا بنصحك بعدم
الاستهتار بكلام شقيقي الأكبر دينق، دينق بقول دائماً
الحقيقة التى يستحي البعض عن قولها. |
والله تانى عايزين ترجعونا للمربع واحد
بتاع دا كوز ودا عميل للكيزان وكلامكم الذى يسبب الغثيان
الواحد ماقادر زاتو يقول شنو لى نوع الفهم البحير الفوق دا
الناس دى بتكتب وهى فى كامل وعيها وله بتتريق وله الحاصل شنو ؟
غايتو لضيق الزمن اكتفى بهذا وبجيك راجع بعد شوية
|
Post: #50
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: SAIF MUstafa
Date: 03-14-2012, 01:23 AM
Parent: #46
| Quote: لا تلتفت لآي احاديث جانبية يكفي ما خطه البعض عن الاخ الفنان المحترم عصام محمد نور وجاءت النتائج نجاح ( بأمتياز ) لجميع حفلاته |
الأخت أحسان
سلام
البعض المقصود دا أنا... وكان أكرم ليك تذكرى أسمى لأنو البتعملى فيه دا لخبطة كيمان ...
جولة عصام كانت ممولة من المؤتمر الوطنى والسفارة وكجزء أساسى من أستراتيجية أعلامية مدروسة أنت وقناة الشروق بعض أدوات تنفيذها.. لذا نادينا بمقاطعتها... وكان تكونى أمينة وتجيبى كلام عصام بعد رجع...ولو حضر عصام بصورة خاصة لما تعرض له أحد...
محاولة ربط ما حدث بحفلات الأخ طارق محاولة خبيثة لا تصدر إلا من مطبلى النظام ومحسوبيه من أمثالك وأنا لا أرضاها لطارق لأنى لا أرى خير من وراءها سوى لخبطة الكيمان...
أخيرا ..أفضل ليك تبحثى عن مواضيع غير الفتنه فأنت الفيك من مواقف مكفيك وليست من أولوياتى التصدى لصغار المطبلين والكذبة من أمثالك.... ولو كررتيها حا أردمك وبالوثائق وأنت عارفة بتكلم عن شنو...
ألعبى بعيد يا شاطرة.... سمح
ويا أخ طارق أنا مالى فى البوست دا... جابنى خبث حكامة بعثة السودان ومطاعناتها وأنا مالى فى اللولوة وكلامها الفارغ الزى دا...
وأتمنى ليك حفلة موفقة....
تحياتى
سيف مصطفى
|
Post: #54
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: omer osman
Date: 03-14-2012, 05:47 AM
Parent: #50
| Quote: رحلتي الحالية لتسجيل CD جديد باستوديوهات في نيويورك |
خبر جميل جداً ........ في الانتظار يافنان 
بس المشكلة تكون الاستديوهات دي كمان بتاعة المتعافي مثلاً ..
|
Post: #56
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: طارق جبريل
Date: 03-14-2012, 12:22 PM
Parent: #54
هو الخرابة دة لليلي صايع
|
Post: #57
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: Afraa Sanad
Date: 03-14-2012, 01:22 PM
Parent: #56
| Quote: هسا عليك الله يا عرفرف |
???????
الأستاذ النذير أنا إسمي عفراء ولا أظن أن بيننا ما يدعو لرفع الكلفة...
وبما أنك سيد بلد وعندك جنسية أمريكية انشالله تكون اتعلمت منهم كمان To address people properlyy
|
Post: #68
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: حسن حماد محمد
Date: 03-14-2012, 11:22 PM
| Quote: ده سوالي الوحيد لك وبطل اللف والدوران البتعمل فيهو ده. |
اسعلك نكير قول آمين
|
Post: #69
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: munswor almophtah
Date: 03-15-2012, 00:38 AM
Parent: #68
يا خدر السلام عليكم ورحمة الله وبركاته
ياخ إنت فنان
والفنان للناس أجمع ولا يرى ألوان الخلاف أيا كانت
فغنى لمن شئت متى ما شئت وكيف ماشئت
ولناس إحسان غنى ما شئت
منصور
|
Post: #74
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: DKEEN
Date: 03-15-2012, 12:40 PM
Parent: #69
النذير سلامات تاني
مع احترامي الشديد بنفسي واحتفائي بها..
بس فكرة انو الناس الاتلمت ديك جاية عشاني انا براي بعيدة شوية
موش لانو انا نكرة وزول جربان محتفي بي نفسو..بس لانو طارق لاقاهم في تلك اللمة وسلم عليهم باساميهم فردا فردا في شاراة ان ثمة معرفة جامعة بيناتم..
خدر ده بجي امريكا دي بصورة متكررة..وانا زول ممعوط ساي جيت في صدفة غير متكررة في غالب الاحوال..
ما بقدر الم ليك في اساميهم لاني مابتذكر اتغديت شنو امس.. هي جماعة كما اشرت متواددة وولوفة لابسين حاجات برد وبسفو صعوط وحرفا في الحريق
لو عصرت ليك نفسي ما حاتذكر غير واحدة اسميها (سلمي)
لكن ليه التعب..
انا احيل هذا السؤال الى دينق نفسو لشرح اريحية هذه الشلة وطبيعتهم الودودة..
الاسامي دي ما اظن تخدم غرض..فكثير من الناس بحب يحتفظ بي خصوصية..
دم بخير..
والعزومة مافايتاك رسل لينا حقها ناشف..
----------------------------
جنابو دينق..
باستصحاب كتابات ومواقف خدر في هذا المكان وفي مساحات حياة اخر ارحب..يصبح سؤالك اللحوح - والذي تنهض به كبينة اتهام لي خدر - مجرد لجاج في ملجة ساي..
محاولة تكرار الاتهام لشخص بهذه الصورة اللحوحة والمصرة عشان مبادرة كوزة- بصحة زعم افتراضك- للإعلان لحفل عام لايذهب ريعه لمبادرة مؤتمرجية، هو بالتاكيد مسالة يلوح فيها شي من البطن الغريقة..
قد نختلف سياسيا وقد نتقاتل ويسبي بعضنا بعضا..ولكن ما ممكن تنهر ليك زول عمل اعلان لحفلتك بحجة انتا ياخي كوز وانا مختلف معاك ماتدخل في شؤوني..خاصة ان كان هذه الشؤون من الشؤون التي قد لايختلف عليها السياسيون..فاحسان – بصحة زعمك انها مؤتمر وطني- لايعني ذلك انها مابتحب غنا طارق..ولايعني بالضرورة لايمكن ان تروج لحفلاته..
مؤتمرجية او رببليكان فان ذلك لايجعل من حفلة صاحب المواقف الواضحة انها حفلة لدعم الجمهوريين في بروكلين او حفلة لدعم مواقف النظام المتهاتلك في الخرطوم وبالتالي لا يجعل موقف مغني الحفل محرجا او سيئاً..
ثم الا يمكن ان تتفق معي في انه، من غير المنطقي ان يقوم احد قاصدا متعمدا الترويج لحفلته مستخدما مندلين بينما يعلم ان اهل الحي يلبون نداء النقارة زمرا زمرا..
انا لاقيت احسان دي وحضرنا حفلة سوا في مجموعة طيبة من الخلق..ما جال في خاطري انها مؤتمر وطني ولم يكن ثمة مايدعوني لذلك..الناس جات غنت وابتهجت وتسالمت ومضت الى احوال معايشهم..ولو كنتا عرفتا انها مؤتمر وطني لماغير ذلك في جلستي تلك شيئا ولابتهجت وغنيت وسالمتهم ومضيت..
معركة مع المؤتمر الوطني ليست طرف ساوند ستيتم يادينق..
ياجنابوانا لاقيت احسان وكانت سودانية مرحابة ومضيافة..
انتا جربتا لاقيت طارق ده قبل ان تروج احسان لحفلاته؟
ولا كان عندك شي من علم الكتاب بي انو احسان ستقوم بالدعوة لحفلته يوم 16 مارس لذلك لم تلتقيه في اوائل يناير؟
بعدين الفنان- وان كان ذلك من حقو- لايغني فقط لاجل المادة وربما اشباع الذات المغنية والوصول بها الى اقصى حالات الابداع عبر استشعار حسن الاستماع والاستمتاع في جمهرة المستمعين هي الاسبق في مقاصد المغنين
فما تعاير الخلق بحاجاتهم المادية كونك تنظر الى طبلون الجمس الاسود بتاعك يضوى ليك كما طبلون الايرباص وتقعد تكوجن في الكلام الماسمح في حق رجال يعيشون بالحد الاعلى من الشرف في عالم معفن انتهازي ينوء بزبالة لاتكاد تطاق..
|
Post: #77
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: Afraa Sanad
Date: 03-16-2012, 01:18 AM
Parent: #74
البوست بقي مسيخ كده مالو ؟؟
بس "بكسر ألباء"
تاني
|
Post: #75
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: حسن حماد محمد
Date: 03-16-2012, 01:16 AM
| Quote: البوست بقي مسيخ كده مالو ؟؟ |
الأستاذة عفراء والله البوست طاعم عسل كطعم ليالى نيويورك
بس انت اختفى رجلك وأصلينا فى نيويورك وحاتشوفى روعة المشهد
والله وما طالباتى حليفة آخر حفلة أحياها المبدع طارق فى نيويورك كانت حفلة أسرية رائعة
وكانت محضورة من بورداب وبوردابيات من الولايات المجاورة
وأسعلى الأخت شذى والأخت منال يحدثوك عن أهل نيويورك وحبهم للفن وللمبدعين
والله أختنا احسان ما مر فنان بالولايات المتحدة الا وكان ضيفاً فى دارها والدكتور وليد
ودائماً اليوم التالى للحفلة هاك يا باربكيو وشيات لا ينقصها الا الشربوت
وكفاية طعم فى البوست دا طلتك علينا وبقية الاخوة المتداخلين بما فيهم أخونا دينق
تحياتى واحترامى
|
Post: #78
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: Afraa Sanad
Date: 03-16-2012, 01:24 AM
Parent: #75
تسلم يا حسن يا البتعرف الأصول إنت وإحسان..
حبوبتي كانت بتقول يتغرب خيارنا يستر حاله وحالنا..
والعكس صحيح لكن الفهم قسم يا ود أمي...
|
Post: #79
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: عبدالعزيز حسن على
Date: 03-16-2012, 02:56 AM
Parent: #78
يا فنان كل الاماني بليلة ممتعة، يظهر بسبب المشغوليه و (اكل العيش ) فاتني المولد، قالوا المداحين ( عبر خطوط التلفونات الما خمج ) ما خلوا غنوة ( ما سواها) حتي رائعة العندليب الاسمر اني اغرق اغرق اغرق .
او كما قال خفير المستشفي اللئبم( بطريقتك دي يوم بتقتل ليك زول)
|
Post: #80
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: Sabri Elshareef
Date: 03-16-2012, 04:27 AM
Parent: #79
؟؟؟؟؟؟
|
Post: #81
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: النذير حجازي
Date: 03-16-2012, 08:37 AM
Parent: #80
العزيز صبري، فعلاً حاجة غريبة جداً
لقد حذف بكري جميع مداخلاتك ومداخلاتي ومداخلات دينق
طيب يا بكري وكت حذفت مداخلاتي أظن أنه من الإنصاف أن تقوم أيضاً
بحذف المداخلات الموجهة لي؟! وللأ رأيك شنو يا أبو صلعة؟!
-------
شكراً يا دكين على التوضيح
لوووووووووووووول@ رسل لي العزومة
يا زول إن شاء الله عزومتك ح تصلك والجايات أكتر من الرايحات
وإ ن شاء الله تجيء أمريكا المرة الجاية مقيم، أمريكا دي البضوق عسيلتها
بجيها راجع تاني لا محالة
|
Post: #82
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: علي جلاس
Date: 03-16-2012, 04:06 PM
Parent: #81
نقل فؤادك حيث شئت من الهوى ما الحب إلا للحبيب الأول
كم منزل في الأرض يألفه الفتى وحنينه أبدا لأ ول منزل
نيويورك سيتي قبلة المهاجرين الي بلاد العم سام وأول محطات الأمل مدينة ترحابه ومجواده ورغم إقاع الحياة السريع مليئة بالجمال والخيرين من أبناء سوداني
فالتحية لي شموعها الوضاءة وعلي رأسهم أختنا الفاضلة الأعلامية النشطة إحسان عبد المتعال والأستاذة/ علي محمد الحسن شيخ العرب وعبد اللة الشريف
وحسن حماد وآدم العشا أشرف الباقر وقادة نشاطها ا لرياضي أولاد العباسية جورنال . وميسرة وعمر الوجيه وباقي العقد الفريد والأرباب حسن عيسي
فأين ماوجدتهم وجدت الأخوة والجمال . فأنتم تستقطعون من أوقاتكم , مالكم وجهدكم للترفيه علي أنفسكم والأخرين فلا تلتفتوا ال هؤلا :-
"إقتباس"
فالت افهون وحدهم هم المنشغلون بالناس ...
أما الخيّرون فأعمالهم الجليلة أشغلتهم عن توافه
الأمور، كالنحل ينشغل برحيق الزهور ...
فيحوّله عسلاً فيه شفاء للناس.
فاعمل واجتهد وأتقن
ولا تصغ لمثبّط أو حاسد أو فارغ.
واعلم أن:
الأسد لا يأكل الميتة
والنمر لا يهجم على المرأة لعزة النفس
أما الصراصير فعملها في القمامة
وإبداعها في الزبالة .
فمرحباً بزميل المنبر الفنان المبدع طارق أبو عبيدة أينما ماحللت أهلا ونزلت سهلاً والتفاحة الكبري باسطة أشرعتها بالتاكيد سيسعدوا ويطربوا كما طربنا بفلادلفيا
وسعدت جاليتنا بك قبل إسيوعين وراكبين ال HIGH WAY ان ربنا سهل للقاء الأصدقاء والأهل والأحبة والطرب الجميل .
|
Post: #83
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: أميرة فاروق عبد العال
Date: 03-16-2012, 05:43 PM
Parent: #82
ساعات قليلة تفصل نيويورك ومساءها هذا الباهي المزدهي وهو يرقص نشوة ويفتح ذراعيه لاحتضان الفرح وعشاقه.. ساعات قلائل
تفصله عن لقاء الفنان المبدع صاحب الصوت الشجي (طارق) ومعجبيه..
فهنيئا لكم يا أهل نيويورك بالإمتاع المرتقب..
والتحية ليك يا فنان..
|
Post: #84
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: إحسان عبدالمتعال أحمد
Date: 03-16-2012, 05:50 PM
Parent: #82
الاخ العزيز علي جلاس
سلام من الله يغشاك ويجدك ومن معك بالف خير
نيويورك الساحرة التي لاتنام ترحب بكل القادمين اليها
ليلتنا بوجود الفنان طارق ستكون من الف ليلة
والاجمل انكم حضور فيها
نزداد تشريفا بوجودكم بيننا
في انتظاركم
|
Post: #85
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: حسن حماد محمد
Date: 03-16-2012, 08:48 PM
الأخ صبرى الشريف نرسل ليك الليموزين وله نجدع ليك العنوان لزوم الجى بى اس
شكراً على المرور
بعد اذن الاستاذة طبعاً
|
Post: #86
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: salah ismail
Date: 03-16-2012, 09:27 PM
Parent: #85
مرحبا بالاريج...فنحن ارصفة تحتضن الحقائب ياطارق
ما تملك لايمكن الا ان يضيف الي اماسينا بعض الالق...
ومانملك الا الحب فهو ليس اختيار
تلك المرابيع من الدهشة التي تنبتنا نخلا علي الضفاف نظل الجميع
ونسقط التمر علي القادمين وهوناضج...
لك الود...
|
Post: #87
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: إحسان عبدالمتعال أحمد
Date: 03-16-2012, 10:51 PM
Parent: #86
الافاضل الكرام
حسن حماد
صلاح اسماعيل
لكما الود والسلام
وجميعا التقينا في رحابة الالفة والمحبة للاخ الفنان طارق
الاخ حسن حماد
تعلم تماما بان البوست بوستك ويشرفني ان اجدك بين ثناياه
الي الملتقي مساء
|
Post: #88
Title: Re: اماسي نيويورك من جديد *طارق ابوعبيدة في ختام جولته 16 مارس اهلا بك
Author: Sabri Elshareef
Date: 03-17-2012, 03:54 AM
Parent: #87
Quote:
فمرحباً بزميل المنبر الفنان المبدع طارق أبو عبيدة أينما ماحللت أهلا ونزلت سهلاً والتفاحة الكبري باسطة أشرعتها بالتاكيد سيسعدوا ويطربوا كما طربنا بفلادلفيا
وسعدت جاليتنا بك قبل إسيوعين وراكبين ال HIGH WAY ان ربنا سهل للقاء الأصدقاء والأهل والأحبة والطرب الجميل .
|
علي جلاس المهرول خلف عصابة الخرطوم
انت ابداع طارق خليت لييه فرقه عشان يكون بين اهله وجماهي شعبه
ما طارق في المنفي والعايش في الوطن ايضا في منفي
كويس انك هنا تعجب بالغنا ويا ريت يكون موقف متسق مش بكرة
مع تهليل وتكبير لقتل اهل البلد ويطلع التهليل والتكبير ليس لله وانما للسلطة والجاه
كويس هنا انت الزمن يحفظ لك هذا الحديث
كتر خير طارق جعلك تخرج من هتافية تاييد الطغاة القساة عصابة الخرطوم
حسن حماد
تحياتي
شكرا علي الشعور الطيب بس رايت قصقصة البوست واصبح مثل الوطن الذي قسمته العصابة الحاكمة
انا اشكرك الاستفهام لاني كنت متابع البوست
يا عزيزي انا احسان وعبد الرحيم لا يمكن ان يسوقوا لي ان احضر فنان وهم علي موائد اللئام تاييدا او مشاركة او خلافه
بيننا وطن مسروق ومنهوك والعصابة الحاكمة غدا احسان او عبد الرحيم رد الله غربته مصور السفارة ..
بالله لو كان بالامكان يا حسن ان تحاول تسويق كتاب حبيب نوره
الناس الظاهر عليها اصبحت غير مهتمة بالقراءة في امريكا
تحياتي الطيبة
|
|