Post: #1
Title: تكاليف العرس حسب موازنة 2012
Author: رهف
Date: 03-09-2012, 09:31 PM
سعار الزواج 2012 حسب اسعار السوق وقابل
/ قولة الخير2 مليون وإحتمالللزيادة اكتر ع حس ابو النسب
2/ شيلة وأرياح 7 _ 9 مليون
3/ دهب + شبكة 20 مليون
4/ عزومة غداء في البيت10 مليون ولو في النادي 14مليون
5/ فنان للحنة درجة تالتة مليون و شوية
6/ صالة + عشاء 30 مليون
7/ تصوير مليون ونص
8/ مصاريف المكياج و الزفاف و حنة العروس 5 مليون
9/ فنان ع مستوى 5 ولا 6 مليون
10/ ايجار شقة ايام شهر العسل مليون ( دا لو ما برا البلد بتكلف 2500 الف دولار بالجديد
11/ حاجات كدا زي زينة العربية بوكية الورد زينة الشيلة .. الخ دي خت 5 مليون كدا بالجنبة.
وبالله كان ما جاهز مافي داعي تحرجنا و تدخلنا في حتت ما ظريفة
التعريفة اعلاة غير شاملة الضريبة
والتغير علي حسب اسعار السوق قابل للزيادة.
|
Post: #2
Title: Re: تكاليف العرس حسب موازنة 2012
Author: الامين موسى البشاري
Date: 03-09-2012, 10:07 PM
Parent: #1
غايتو جنس تحطيم ....... 
العرس عرس والما عرس الله معاهو
Quote: كالعادة، وخلافا لكل دول العالم التى تتم فيها مراسم الزواج فى يوم او اثنين وبأقل التكاليف الممكنة ،نجد ان الزواج السودانى هو عبارة عن مسلسل مكسيكى يستمر لايام وايام ، يجتمع فيها الاهل والاحباب والجيران وجيران الجيران والاقارب من الدرجة الخمسمائة بعد الالف، وتنفق فيه اموال طائلة تكفى لبناء مستشفى حديث او فندق (5) نجوم او رواتب المعلمين فى احدى المحافظات.
تبدأ الحكاية بعد ان تحس بالقلق عندما تجد ان معظم اصدقائك قد دخلوا القفص الذهبى طائعين مختارين-اؤمن تماما بمسألة القفص ،ولكن لدى تحفظات كثيرة على حكاية ذهبى دى-المهم تحس بالخطر وتأخذك غضبة حمقاء وتناجى نفسك وانت فى حفلة زواج احد الاصدقاء(والله الواحد بعد دا يشوف ليه مرا.معقول هناى الاهبل دا يعرس وانا لسه قاعد براى زى تور الساقية)عندها يستعرض خيالك قائمة طويلة من معارفك البنات ابتداء من ناس نونة زميلتك فى الروضة مرورا بصديقات مرحلة المراهقة الكتار وحتى زميلات الجامعة والشغل وبنات الحلة وبنات الاعمام والاخوال وباقى الاهل، ثم وبسرعة تنسى كل تلك الاسماء فى حياتك عندما تسترعى انتباهك الحسناء الجالسة فى ركن قصى فى حفل ذات الصديق الاهبل,تحبها من اول نظرة وتراقب حركاتها وسكناتها,تلاحظك هى لكن تعمل ما شايفة وتتلاهى بمكالمة وهمية فى موبايلها وهى ترمقك من طرف خفي كما يفعل الصياد المحترف.
المهم تتعارفوا بواحدة من الطرق الكثيرة وجلسة جلستين فى الكافتريا ثم(ياهناى والله انا ماممكن اطلع وانزل معاك كدا ساى,الناس تقول علينا شنو؟سمعتى حتبوظ)ثم تمسح دمعة وهمية من عينيها فتأخذك الحماسة وتقول(والله ياسوسو انا ناوى اصل بيتكم بس انتى عارفة الظروف والعرس بيكلف كتير وووووو) فتقاطعك سوسو بحنية ثعلبية وبنعومة الافاعى(انا مادايرة منك شى,انت بس تعال اخطب والعرس يتأجل لحد ما الظروف تتحسن) فتصدق الكلام من عوارتك .وتحدد يوم الخطبة وتأخذ ثلة من اهلك وقليل من جيرانك واصدقائك وتقصد بيت الملاك المختار وتفاجأ انت واهلك بحشد كبير فى بيت العروس وخيمة كبيرة امام البيت وصوت المايكرفون يردد(تست تست واحد اتنين تلاتة تست تست) تأخذك الدهشة قبل ان يأخذك ابو العروس جانبا,يعدل عمته التوتل ثم يقول(والله ياولدى انحنا خطوبة ومسخرة ودخلة ومرقة ماعندنا,عشان كدا قررنا نعقد ليكم طوالى والعرس بالراحة) ثم بأبتسامة محذرة(ولا رايك شنو؟)وقبل ان تدلى برأيك غير المعتد به اصلا، يكون وكيلك ووكيلها قد اتموا عقد القران فى الخيمة، وتحولت انت بقدرة قادر من مشروع خطيب الى زوج-مع وقف التنفيذ- بسرعة البرق ثم يغمرك المعازيم(مبروك ياعريس مبروك ياعريس بيت مال وعيال) وانت كاضم ماقادر ترد وتسمع احدى عمات العروس وهى تقول(شوفوا ياخوانى من الفرحة لمن ماقادر يتكلم) ثم تطلق زغرودة مدوية وهى تبتعد تجتاحك معها رغبة فى لكمها فى فمها لتخرس الى الابد.
ومن هنا تبدأ الجرجرة والطلبات التى لا تنتهى فرغم انها صارت شرعا حرمك المصون الا انه يجب عليك ان تقوم بطقوس مهولة ومراسم عرس كامل لأستلامها,فتبدأ بالصرف عليها وعلى اهلها وهدايا فى المناسبات وثياب غالية لها ولامها ولخالتها لحضور مناسبة ود عم خالة ناس فتحية طليقة جارهم,ثم موبايل لاخوها الذى نجح اخيرا فى امتحان مرحلة الاساس وجاب الباس,ببساطة تتحول اسرة زوجتك اللى لسه ما لمستها الى مؤسسة جباية او مصلحة ضرائب انت كل جمهورها!!!وعندما تثور على الوضع وتحلف بالطلاق ان تمشى وتجرها من شعرها وتجيبا بيتك بدون حفلات او كلام فارغ وتخلص، تفاجأ بأن المعارضة تأتيك من الداخل أى امك واخواتك(ليه مادايرنا نفرح بيك؟انحنا اقل من الناس البسوو الاعراس؟والله لو ماعملت عرس ماعافيين منك؟عليك الله عاين دا,داير الجارات ياكلن وشنا؟)فترضخ للأمر الواقع وتبيع قطعة ارض ورثتها عن جدك الرابع عشر وترهن بيت ابوك وتبيع الكمبيوتر والموبايل وتزوغ ببعض الصناديق ثم تستلف من( 10-15 ) صديق كدا واخيرا واخيرا جدا تجد نفسك حالق جديد ولابس بدلة سودا- لون الحداد!!!-متأبط شرا هو عروسك المصونة والتى جاءتك فى هيئة فيل صغير بعد ان نجحت وصفات التسمين التى قامت بها العمات والخالات وبعض الصديقات الخبيرات,تأتيك متدحرجة فى فستان ابيض-لون الفرح!!!- فتجلسا تحت بقعة ضوء مزخرفة عليها كرسيان تعرف بالكوشة- والتى لاول مرة تدرك معناها- الجميع فى الحفل فى رقص هستيرى والفنان يصدح بسعادة غير مبررة(شن بتقولوا فى الفرح البعذب سيده والريد البضيع زولوا!!) فتلمس الاغنية فيك اوتارا حساسة وتكاد تطفر الدموع من عيونك,وتجول عيناك على الحضور السعيد وتتوقف عيونك على آخر العزاب من اصدقائك وهو يرنو اليك بحسد تارة وتجول عيناه بين الحسناوات تارة اخرى، وتكاد تقرأ افكاره وهو يفكر(هسى فلان الاهبل دا عرس وانا قاعد براى زى تور الساقية؟)فتكاد تصرخ فيه محذرا ولكن صوتا خبيثا فى داخلك يهمس بمكر وحقد(وانا مالى,هو أنا فى زول حذرنى)؟
صحيفة الراي العام
نيالا جنوب دارفور
يوسف سام
http://sudanyiat.net/news.php?action=show&id=8867
|
|
Post: #3
Title: Re: تكاليف العرس حسب موازنة 2012
Author: SAIF MUstafa
Date: 03-09-2012, 10:25 PM
Parent: #2
أختنا رهف ....
سلامات
كويس أنو المهر لغوه
عقبال يلغو العرس ذاتو...
وبعد دا تكلفتك دى عندنا هنا تعرس لشلة أصحابنا وأصحابهم......
أنت وزير مالية فاشل وبه شبهة فسااااااد... وعليه ستتم ترقيتكم إلى ملاحظ غابات.... بعد التأكد من أنقراض كل الغطاء النباتى...
....
تحياتى
|
Post: #24
Title: Re: تكاليف العرس حسب موازنة 2012
Author: رهف
Date: 03-12-2012, 08:35 PM
Parent: #3
ازيك يا سيف اخبارك ياخ ما لغوا المهر ولا حاجة بس القصة جاطتت اخبارك مالها مقطوعة
|
Post: #12
Title: Re: تكاليف العرس حسب موازنة 2012
Author: رهف
Date: 03-10-2012, 06:21 PM
Parent: #2
ود البشاري نشكرك علي المشاركة ولكن القصة فعلا اصبحت مشكلة وتحتاج مراجعة
|
Post: #4
Title: Re: تكاليف العرس حسب موازنة 2012
Author: المعز عبدالمتعال
Date: 03-09-2012, 10:27 PM
Parent: #1
ألأخت رهف
اشتري لي تذكرة سفر للهند بي مليون ونص بالكتير اتنين مليون بعد داك اقرب وكالة زواج طبعاً ألأختيار بالكاتلوج(هندية،مسلمة، شعرها متر وربع، طويلة، لونها برونزي، عيون مها، .....) وتقدس الحياة الزوجية ومعروف طبعاً انو الهندية بتتكفل بتكاليف الزواج، يعني بي خمسة مليون البتعادل ("8 / مصاريف المكياج و الزفاف و حنة العروس 5 مليون) بجيب هندية، أجمل و أرق و خالي "نقة"
|
Post: #5
Title: Re: تكاليف العرس حسب موازنة 2012
Author: الصادق ضرار
Date: 03-09-2012, 10:59 PM
Parent: #4
التعريفة دي تشمل راجل المرا و لا للمتزوجين اول مرة ؟
|
Post: #6
Title: Re: تكاليف العرس حسب موازنة 2012
Author: manal eltahir
Date: 03-09-2012, 11:32 PM
Parent: #5
| Quote: اشتري لي تذكرة سفر للهند بي مليون ونص بالكتير اتنين مليون بعد داك اقرب وكالة زواج طبعاً ألأختيار بالكاتلوج(هندية،مسلمة، شعرها متر وربع، طويلة، لونها برونزي، عيون مها، .....) وتقدس الحياة الزوجية ومعروف طبعاً انو الهندية بتتكفل بتكاليف الزواج، يعني بي خمسة مليون البتعادل ("8 / مصاريف المكياج و الزفاف و حنة العروس 5 مليون) بجيب هندية، أجمل و أرق و خالي "نقة" |
وبكره تجئ تتبكي...أنا ألما ضقت الحريره وانا ألما ضقت الضريره و........و.....وتطول ألقائمه...
والقال ليك منو مافي نقه...وكمان بالهندي...
|
Post: #7
Title: Re: تكاليف العرس حسب موازنة 2012
Author: حافظ انقابو
Date: 03-09-2012, 11:40 PM
Parent: #6
عزيزتي حماتي
حفاظاً على الود
خلي بتك معاك
--------------------
كتلتي لي بوست بجهز فيهو
حلال عليك
تحياتي
|
Post: #8
Title: Re: تكاليف العرس حسب موازنة 2012
Author: عبدالله الشقليني
Date: 03-10-2012, 11:05 AM
Parent: #7
تحية لصاحبة الملف مع الشُكر
|
Post: #9
Title: Re: تكاليف العرس حسب موازنة 2012
Author: نجاة محمد بابكر
Date: 03-10-2012, 11:48 AM
Parent: #8
غايتو يارهف غير حطمتى الشباب ماعملتى اى حاجة
|
Post: #10
Title: Re: تكاليف العرس حسب موازنة 2012
Author: أحمد الشايقي
Date: 03-10-2012, 03:05 PM
Parent: #9
شكرا أخت رهـف على إثارة حقيقة أن الزواج أصبح من المستحيلات في بلادنا بتكاليفه ومجاملاته وطقوسه المعروفة أمام الشباب مما آدى لمشاكل اجتماعية ونفسية قاسية الوقع على قطاعات كبيرة منهم
ونشكر لك ذلك لأن إثارة مثل هذا الأمر هنا قد تفتح الطريق أمام نقاشات جادة حول الموضوع واقتراحات عملية للحلول في ضوء المعرفة اليقينية لما يواجه شبابنا من واقع اقتصادي هو في الحقيقة واقع صعـب
لك التحية
أحمد الشايقي
|
Post: #11
Title: Re: تكاليف العرس حسب موازنة 2012
Author: رهف
Date: 03-10-2012, 06:18 PM
Parent: #9
سلام استاذة نجاة وشكرا علي المرور انا كتبت البوست ليس لتحطيم الشباب وانما لمحنة حقيقة تواجه الشباب السوداني واعتقد الضرر يقع علينا نحن الانسات فعزوف الشباب عن الزواج الخاسر الاكبر فيه الانسة فلابد من نقاش موضوعي يعالج هذه الظواهر
|
Post: #13
Title: Re: تكاليف العرس حسب موازنة 2012
Author: Nasr
Date: 03-10-2012, 07:34 PM
Parent: #11
طيب يا رهف
| Quote: واعتقد الضرر يقع علينا نحن الانسات فعزوف الشباب عن الزواج الخاسر الاكبر فيه الانسة فلابد من نقاش موضوعي يعالج هذه الظواهر |
نسأل سؤال لتطوير النقاش
الحريص أكثر علي هذه (المصاريف) غير المعقولة
الشاب أم الشابة
السؤال بطريقة تانية
لو أن العريس إقترح عرس بفاتحة في ظل شجرة بلبن بقرة
العروس (وأمها) حيوافقوا
بالجد
شلت هم كبير علي شباب وشابات السودان
كان الله في عونهم
|
Post: #14
Title: Re: تكاليف العرس حسب موازنة 2012
Author: د.نجاة محمود
Date: 03-10-2012, 07:52 PM
Parent: #13
سلامات يا رهف عاملة كيف؟
كل ما تجي قصص فلان دفع كم في عرسو يحضرني حوار طريف بين محمد عباس وعبدالعظيم قمش طلاب معانا في المعهد
عبد العظبم قال ود عمو عرس واحدة والتكفلة كدا وكان رقم فلكي طوالي محمد عباس بكل المعية قاليه ليه ياخي والله مرة الخمسين جنيه في حلتنا الحمار مايشيلها..
نجي للجد
انا شخصيا بكامل اختياري تزوجت بعقد فقط وحاجات رمزية لانه كنت بفتكر انه انا لا اقدر بثمن ولا يمكن ان يشريني زول
وكثير جدا من جيلنا تزوجن زيجات بسيطة جدا ..وناجحة اثمرت البنبن والبنات
المسالة كلها مسالة وعي للاسف التعليم في السودان لا يمحو الامية الحضارية للمراة بل يجعلها اكثر بوبارا
وحبا للمظاهر وبيحولها لمسخ..وجيل بناتنا الان جيل استهلاكي جدا لا يقدر ابدا المال وفائدته..
وكل مرة يجبو لينا تقليعة جديدة ىخر واحدة دفعو 20 الف دولار ( عملة صعبة) والحاجات جو شالينها بتروليهات مذهبة..
زمعها تذاكر شه العسل لخارج السودان.
الناس منبهرة انا حسيت بالقرف...
انا بفتكر انه المفروض الناس تشتغل في توعية الامهات.. والبنات في ان الزواج الذي تصرف فيه اموال في الحاجات المهمة مثل بيت الزوجية
لانه الغالبية البتعمل الحاجات دي بتنتيه ساكنة مع اهل الزوج او اهلها والواحدة تخسر ليها مية مليون في يومين
وتقوليك قلنا نقعد مع اهلي اواهلو نحل الديون.. موش كان ممكن ما يكون في ديون؟
وبجيك صادة نشوف الحاجات دي من شنو وهل البفرضها الرجل ولا المرأة
|
Post: #15
Title: Re: تكاليف العرس حسب موازنة 2012
Author: manal eltahir
Date: 03-10-2012, 09:12 PM
Parent: #13
| Quote: لو أن العريس إقترح عرس بفاتحة في ظل شجرة بلبن بقرة |
علي اساس انه العروس رضيعه وكده...؟!!!!!!
.
ولتطوير النقاش برضه خليكم موضوعيين شويه...
|
Post: #16
Title: Re: تكاليف العرس حسب موازنة 2012
Author: Nasr
Date: 03-11-2012, 04:55 AM
Parent: #15
Quote: علي اساس انه العروس رضيعه وكده...؟!!!!!!
.
|
ما فهمنا حاجة
أبيني يا رعاك الله
|
Post: #17
Title: Re: تكاليف العرس حسب موازنة 2012
Author: Hani Arabi Mohamed
Date: 03-11-2012, 08:03 AM
Parent: #16
مجموع عاداتنا وتقاليدنا المهنية والاجتماعية والسياسية والثقافية والعنصرية تحتاج إلى مراجعة شاملة كاملة ... وربما إلى هدم وإعادة بناء. لأننا لا ننتمى أبداً إلى هذا العصر الذي نعيشه.
|
Post: #18
Title: Re: تكاليف العرس حسب موازنة 2012
Author: محمد فرح
Date: 03-11-2012, 08:43 AM
Parent: #16
ناس توتي عندهم وصفه جميله جداً
أي عرس زادت تكلفتو عن حد معين ناس الحله مابجو العرس ويقاطعون والد العريس أو العروس
للأسف عاداتنا محطمه جداً ونحنا بنعقد مسألة الزواج شديد ، التفكير في الزواج فقط ممكن يسبب إحباط شديد لأغلب الشباب العزابه بالنظر لمرتباتهم الهزيله والوضع الحالي يصبح الامر مرعب
النسوان كان مادايرين بناتهم يبوروا لابد من تبسيط المسألة دي وعلى الحكومه إغلاق كل صالات المناسبات وإلغاء إقامة حفلات الزواج بها والإكتفاء بالنوادي البسيطه أو خيمة الحله
|
Post: #19
Title: Re: تكاليف العرس حسب موازنة 2012
Author: عمر التاج
Date: 03-11-2012, 09:06 AM
Parent: #18
الكلام ده عن الزواج الأول أم التاني؟
|
Post: #20
Title: Re: تكاليف العرس حسب موازنة 2012
Author: بكري الخير
Date: 03-11-2012, 10:11 AM
Parent: #19
Quote: كل ما تجي قصص فلان دفع كم في عرسو يحضرني حوار طريف بين محمد عباس وعبدالعظيم قمش طلاب معانا في المعهد
عبد العظبم قال ود عمو عرس واحدة والتكفلة كدا وكان رقم فلكي طوالي محمد عباس بكل المعية قاليه ليه ياخي والله مرة الخمسين جنيه في حلتنا الحمار مايشيلها.. |
هههههههههههههه
والله كلام عجيب خلاص
أها دمسناهو العرس دا
|
Post: #21
Title: Re: تكاليف العرس حسب موازنة 2012
Author: وضاحة
Date: 03-11-2012, 03:06 PM
Parent: #20
والله يا رهف العرس الزى دا احسن عدموا بجيب النحس
وربنا ما ببارك فيه زاتوا
|
Post: #22
Title: Re: تكاليف العرس حسب موازنة 2012
Author: حافظ انقابو
Date: 03-12-2012, 07:57 PM
Parent: #21
رهف إزيك ياخ
| Quote: واعتقد الضرر يقع علينا نحن الانسات |
طبعا دي ما ركزت فيها من زمان
الله يعرس ليك معانا
قولي اااااااااااااامين
|
Post: #23
Title: Re: تكاليف العرس حسب موازنة 2012
Author: رهف
Date: 03-12-2012, 08:32 PM
Parent: #21
شكرا يا وضاحة وكلامك صح بس منو بالقنع الديك
|
Post: #26
Title: Re: تكاليف العرس حسب موازنة 2012
Author: جمال الباقر
Date: 03-12-2012, 09:53 PM
Parent: #23
انتي بتتكلمي على 95 مليون ... حولي 75 الف ريال سعودي
كتيرة
|
Post: #25
Title: Re: تكاليف العرس حسب موازنة 2012
Author: رهف
Date: 03-12-2012, 09:38 PM
Parent: #4
المعز شكرا علي المرور ياخ الدولة متبنية سياسة توطين الداخل داير تفتح ليهم جبهة جديدة ولا شنو ولينا نحن كمان مالك عاينا ياخ كمان جابت ليها هنود
|
Post: #27
Title: Re: تكاليف العرس حسب موازنة 2012
Author: عثمان رضوان
Date: 03-13-2012, 09:18 AM
Parent: #25
| Quote: وعلى الحكومه إغلاق كل صالات المناسبات وإلغاء إقامة حفلات الزواج بها والإكتفاء بالنوادي البسيطه أو خيمة الحله |
وكت جابت ليها حكومة، على الحكومة إيجاد وظائف للشباب،
والخروج من محنة الإقتصاد الحر (حرية بلا حدود).
تحية لبتنا رهف.
والكلام القالتو رهف دة بنطبق على بنات العاصمة(الخرتوم).
نحن عندنا العرس بالفاتحة في.
وحسب الإستطاعة.
نحن بنشتري رجال ما بنبيع بنات.
|
Post: #28
Title: Re: تكاليف العرس حسب موازنة 2012
Author: زهير عثمان حمد
Date: 03-14-2012, 05:09 AM
Parent: #27
العزيزة رهف
تحياتي
ما العرس خلينا عديل كدا وأنتو أقعد سوا كدا لمتين لحدي ما الواحدة ضهرا ينحني وتبقي شكلولاته
*ياشباب في المغرب الشقيقة العرس يكلف الف دولار ود جبريل عندو وكالة زواج عليكم بالاتصال بود جبريل الارخص والاجمل الادوم
|
Post: #29
Title: Re: تكاليف العرس حسب موازنة 2012
Author: Ammar Elyas Babiker Hassan
Date: 03-14-2012, 06:29 AM
Parent: #28
سلامات يا رهف
المشكلة مافي العرس بس
المشكلة في كل تفاصيل حياتنا
اي واحد فينا عاوز يعيش بوضع اعلي من امكانياتو الحقيقية
مثلا الواحد العندو امكانية يشتري بيت في الثورة بيمشي يشتري في المهندسين ويتمها شيكات وديون وصناديق
والعندو امكانية يشتري في المهندسين يمشي طوالي علي الرياض
والامكانياتو يركب اكسنت يمشي يشتري طوالي كورولا
والامكانيتو قدر الكورولا يمشي علي الكامري والبرادو (نفقتن براها قدر ماهيتو)
نفس القصة في موضوع الزواج
الممكن يعرس بي 10 مليون بيعرس بي 20 مليون ويقعد يحلحل في الديون سنتين قدام
والعندو عشرين مليون بيعرس بي 40
عشان كده كل الشعب السوداني متضايق, العندو والما عندو
والجميع يكابس ليل نهار
الاستاذ من مدرسة لي مدرسة, ومن حصة لي حصة
الدكتور من مستشفي لي عيادة ومن عيادة لي محاضرة
ما ضايقين طعم للحياة
والمغترب يعيش 10 سنين عشان يعرس
و10 سنين عشان يشتري قطعة في كافوري
و10 سنين تانية عشان يبنيها
ولمن يرجع عشان يعيش فيها يلقي الحكم خلاص ماسك الصفارة وماشي علي دايرة السنتر
|
Post: #30
Title: Re: تكاليف العرس حسب موازنة 2012
Author: mekki
Date: 03-14-2012, 07:11 AM
Parent: #29
Quote: انتي بتتكلمي على 95 مليون ... حولي 75 الف ريال سعودي
|
مافي discount للبايرين؟
|
Post: #31
Title: Re: تكاليف العرس حسب موازنة 2012
Author: mekki
Date: 03-14-2012, 07:13 AM
Parent: #29
Quote: انتي بتتكلمي على 95 مليون ... حولي 75 الف ريال سعودي
|
مافي discount للبايرين؟
|
Post: #32
Title: Re: تكاليف العرس حسب موازنة 2012
Author: نوفل عبد الرحيم حسن
Date: 03-14-2012, 08:29 AM
Parent: #31
يعني مافي أمل ؟
|
Post: #33
Title: Re: تكاليف العرس حسب موازنة 2012
Author: عادل الباهي عبدالرازق
Date: 03-14-2012, 08:54 AM
Parent: #32
الاخت رهف سلام عليك وعلي ضيوفك الاكارم
دي مشكلة العادات السودانية الضارة العجائز يسهلوا
ليك موضوع الزواج بالكلام ساكت أول ما تمد رأسك نبقي
في جيب جيب جيب بلاهي بيت الجداد بتاع الجيران يضربوا
جير علي حسابك . التكلفة دي زكرتني نكته مسطول قاعد مع
حبيبتوا قالت ليهوت أنت العاجبك فيني شنو؟ قوامي الانجليزي
ولا عيوني الساحره قال ليها والله ماعاجبني فيك الا خيالك الواسع
دا
النجيضة الزواج خليناهوا وعلي المتضرر اللجوء للقضاء
|
Post: #34
Title: Re: تكاليف العرس حسب موازنة 2012
Author: عبد الله كسلا
Date: 03-14-2012, 09:18 AM
Parent: #33
| Quote: والقال ليك منو مافي نقه...وكمان بالهندي... |
|
|