Post: #1
Title: لازم ليفركوزن توقف تصدير الاسبرين لبرشلونا
Author: نصار
Date: 03-07-2012, 10:53 PM
باللهي ليفركوزن فرحتنا بهزيمتها لبيرن ميونخ و طيرته من السباق على بطولة الدوري
تجي برشلونا تعمل عمليتها الماكويسة دي 7 اهداف!!
دي هزيمة كبيرة و خطيرة على الانسانية جمعاء لانه عمال مصنع Beyer بكرة
ممكن يجوطوا تركيبات الادوية يودونا في داهية
ياخي كانوا يلخوا بيرن بالسبعة دي لكن الجماعة ديل طيبين و ما بستاهلوا البهدلة
دي كلها، هو اصلا البارسا دي ما مفروض يلعبوا ضدها لعيبة كورة، مثلا
يجيبوا ناس ملتيتاسكينق بقدروا يتفرجوا و يلعبوا في نفس الوقت
ناس شافي و ميسي عاملين زي السحرة الهنود البصفروا للكوبرا و هي تبدوا
انها بترقص على نقمات الناي لكن الخدعة بتاعة الحاوي تكمن في انه بخلي
الثعبان يتمايل مع حركة راس الشفت دا...
ديل يطقطوك باصات لمان تنسى انك دخلت الميدان عشان تسوي شنو
و كما فسلين فسالة شديدة خلاص الكورة دي ما بدوا فيها الخصم فرصة
زي الطفل المدلل الابوهو غنيان، داير الكورة دايما عنده ولا يشلا و يمشي اهله
عشان كدا مفروض الفيفا تسمح للفرق البتلاعب البارسا انهم يجوا بكورتهم
و بعد دا مافي ضمان يغلبوا
بس الله غالب
|
Post: #2
Title: Re: لازم ليفركوزن توقف تصدير الاسبرين لبرشلونا
Author: نصار
Date: 03-07-2012, 10:59 PM
Parent: #1
حكاية الاسبرين دي ذكرتني مرة جو اولاد راحات لعبوا مع اولاد حينا
شرامتنا طقطقوا ليك الشباب كمية كدا
ديك عشان ينتصروا لكرامتهم و يبخسوا على اولادنا فرحتهم قالوا ليهم
ما مشكلة غلبتونا في الكورة لكن الاسبوع الجاي عازمنكم تنس في نادي
الجزيرة لوووووووووول
اولادنا قربوا يقولوا ليهم نحنا ما بناكل حاجة ما بنعرفا
|
|