تانى بجى زول يقول لينا لاااا لمصادرة واغلاق الصحف؟!

الصحف البتصدر فى الخرطوم دى صحف
بـلا رســــالـــــــة ...

دايرة قفيل واحده ورا التانية ..
والله صحى !

شن طعم الدفاع عن ضرورة صدورها وعدم
اغلاقها وهى بتشتغل بنفس عقلية النظام ؟؟
عقلية السوق
هدفها وهمها الاكبر هو الربح !!

عندى جريدتين دى عناوينهم :

اختطــــاف امريكى فى دارفور !!

حاج ادم يتوقع زوال حكومة جوبا وعودة الجنوب !!

صحف تتصدرها الخزعبلات !
بالله دى مش صحف تستحق الاغلاق فورا
ومصادرتها وتكبيدها افدح الخسائر المالية ؟؟ ..

والله يا دينا أقترح نلغي حاجة إسمها جرايد وحاجة إسمها بوليس.

ونعيش عيشة غابة ..... بلا تطوّر بلا مدنية بلا بطيخ.

___

أنا جادي

سلامات يا دينا
قلناها في السابق ونككررها معك الآن حتى ينصلح الحال المايل للصحافة السودانية،

Quote: لمن يتحدث عن المهنية نسأل:- أين كانت (المهنية) عندما تسترت الصحافة على جرائم الإنقاذ؟ أين كانت المهنية عندما كان الجميع يتحدث عن بيوت الأشباح والتعذيب؟ أين كانت المهنية والبلد تضيع وتدخل في نفق مظلم جراء سياسات الإنقاذ الخرقاء سياسياً واقتصادياً واجتماعياً وحتى ثقافياً؟ الصحافة سلطة، تنافح وتصدع بالحق، الصحافة نور يضيء دياجر الظلم والظلامات، وفي تقديري أن أي صحفي يلتزم بمعايير وشروط المهنية الصارمة لن يستمر في العمل بالصحف في السودان، وإن استمر فسيكون مصيره التشريد والتنكيل والسجن ومن ثم التصفية. ما حدث مع د. مصطفى عثمان (الما شحاد زيينا) تصفيه حسابات بالتأكيد ولا علاقة له بما يدعيه ضياء الدين بلال. فيا سيدي ما تسوطو سواطتكم السنوات دي كلللللها وتجو الليلة تبيعوا لينا المهنية وعايزننا نشتريها منكم، أنت يا ضياء قعدت مع عمر البشير قبل شهور قلائل وجيت مارق ليك بلقاء صحفي تلميذ في سنة أولى صحافة ما يعملو، بالرغم من كثرة المحاور والتحديات الجمة التي تواجه البلاد التي كان بالإمكان التطرق لمجملها مع الرجل الذي نال باستحقاق لقب أسوأ رئيس يمر على السودان الذي انقسم في ايام حكمه جاءت المقابلة كما لو أنها مع رئيس دولة أخرى غير هذا الوطن الذي يعاني. لن يغفر لكم التاريخ هذا الصمت المريب في حق شعب تدهور حتى وصل القاع وبات السودان من أفقر دول العالم بل يتذيل كل قوائم التصنيفات العالمية وبجدارة. يا صحافيي الكرافتتات والقمصان اللامعة والوجوه الناصعة الناعمة في زمن صحافة (الشتل) و(الزبالة) ترحل المهنية ويقبر المواطن والصحافة ويعيش أمثالكم في سعة وبحبوحة، فمال المهنية وما تفعلون؟؟؟

Re: ضياء الدين بلال و دقسته العالية!!

شكرا للاخ العوض مسلمى
الذى القى الضوء على ذلك التخاذل الكبير!
وارجو ان يمدنا بنماذج لعناوين بقية
صحف الهنا الصادرة صباح اليوم ...


الخبر بموضوعية شديده الذى كان يجب
ان تعطيه الصحف اهميتها كالاتى بلا مزايدات
مقتل مواطنة على ايدى الجهات المناط بها حماية
هذه المواطنة !! بس ببساطة شديدة


شنو الاهم مقتل مواطنه ولا اختطاف الامريكى ؟؟؟
ويعنى شنو لو كان كل الصحف ما صدرت اليوم ؟
بدل ما تصدر بلا طعم ولا رائحة
ولا مساس بهموم الوطن والمواطن ,,,

برضو اهمية الخبر بتجى من ردود
افعال المواطنين تجاهه ..
دايرين اكبر من رد الفعل الحصل دا شنو
عشان يكتبوا عنو ؟؟










ــــــــــــــــ
هم بقبلوا المساومات ؟؟؟ خلاص يقبلوها للاخر ,,,

ليست لديهم الشجاعة يا دينا
الامن قال ليهم ما تكتبو قامو ما كتبو بكرة يقول ليهم اكتبو يكتبو
انعل ابو الحنفيات الما بتكب الا طين

بعدين بحسابات الربح والخسارة نفسها !
مش برضو ديل المواطنين البدافعوا عن حرية الصحافة
وعدم مصادرةالصحف اواغلاقها ؟؟؟
الحرية دى بحموها اصحاب الصحف والمحررين ؟
ولا بتحميها الجماهير الواسعه البتقرا الصحف
دى وبتدفع فيها القروش ؟

اذا كانت الصحف دى بعيده عن هموم الشرايح
دى والقطاعات الواسعة من الجماهير
البتحمى حقوقها فى الصدور ... يبقا ما تلوم
الا نفسها اذا اصبح ضهرها مكشوف ..

ح يكون ضهرها مكشوف .. فى لحظات القمع
والمصادرة والاغلاق ..
مافى زول يجى هنا يقول لينا وقعوا !









ـــــــــــــــــ
لا تنحني .... فمن تعلم الإنحناء لن يستطيع إن يصلب قامته يوماً ....

شكرا دينــــــــــا .. الحق في ما تقولين

هناك .. حملة ستنطلق علي صفحات الفيس البوكـ والمنتديات اليوم عبارة
عن دعوة للجميع لمقاطعة الصحف السودانية ولكي يعرف اصحاب الصحف
ورؤساء التحرير ان صحفهم بلا جماهير لا تساوي شي برغم رهانهم علي الاعلان
فلندعوا جميعا لمقاطعة الصحف السودانية التي لا تعبر عن الجماهير ..

Quote: دايرة قفيل واحده ورا التانية .. والله صحى !

بالغتي يا دندون ياخ .. والله صحي
يعني لو قفلوها تاني نلف ديل بشنو:
الطعمية
الزلابية
قميص الحفلة ابو فراشات
الخ الخ

Quote: لا تنحني .... فمن تعلم الإنحناء لن يستطيع إن يصلب قامته يوماً ....

المثل ده تم تغييره ولا شنو؟
غايتو زمان كان كده
اذا لم تنحني فلن يستطيع أحد الركوب على ظهرك

تحياتي

سلام دينا يا حرف الباء ..

بالجد كنت حسن الظن في الصحافة السودانية وكنت حسن الظن في قيادتها وكتاب الاعمدة ولكن للاسف خاب ظني وفشل حدسي في توقع التضامن علي الاقل !!
عندما تخدثت الصحف عن الفساد فرحنا وقلنا قبل الشعب ينبض بالخير ولكن في اول محطة انهزم الجميع بلا استثناء ..
نعم سنقرأ الصحف ولكن من باب التسلية لاغير ..

**حمـلة مقاطعـة الصحـف السودانيـــة **

Quote: هم بقبلوا المساومات ؟؟؟ خلاص يقبلوها للاخر ,,,

تصدقي يا دينا ما شايفها مساومة اصلا !!
المساومة مالها لو مساومة مسؤولة !!
و ممكن يتفننوا في الهامش المسموح !
بس مرات لامن الصحف تدعي باكبر من دورها بتبقي هنا الورطة و الادعاء الكاذب و انهم بكتبوا من اجل المواطن و الحنك دا !
لكن المسؤولية علي الاقل في حالة انسانية بشعة زي دي كانت بتقتضي موقف مسؤول من الصحافة كلها -
و اذا كان الامن اصلا كان ح يصادر كل الجرايد لو كتبوا - علي الاقل كل الصحف كانت تصادر نفسها بنفسها لمدة يوم او يومين احتجاجا
و يعلنوا باي طريقة انهم اتوقفوا الليلة عن الاصدار بارادتهم تضامنا مع الحدث - لانو اي اصدار لجريدة خالية من الحدث خيانة صحفية
و بتفضح ادعاءات الصحف في تمثيل المواطن -

المشكلة بعد يومين تلاتة تاني نفس الصحف ح يتكلموا عن المواطن !

Quote: طال صمتنا حين تكلمت الصخور وتفتّت ذراها غضباً؛ وطال بكاءنا حتي تبلّلت المناديل . ولم نتحرك قيد أُنملة دأبنا آن ألجمتنا المخاوف والتخازل والخنوع . طأطأنا الرؤوس في حيرةٍ وقلةِ حيلة والظلم ساعٍ في دروبنا يركلنا بحشفٍ وسوءِ كيل . لم نكن نمتلك غير تلك الإرادة القوية التي جعلت شوارعنا تتدفق غضباً في أكتوبر وفي أبريل؛ قبل أن تتعلم القارة السوداء النضال؛ وأمتلكنا وعياً إستثنائياً في وقتٍ كانت فيه أمة العُرب تتقاتل علي جزعِ نخلة ودابّة . جئنا من أصلابِ رجالٍ علموا الناس كيف يترقوا درجات المجد؛ ولكنهم لم يدروا بأن النار تلد الرماد . الواقع أكثر فظاعة ومرارةً مما ذكرت ومن جميع ما سيقال لاحقاً؛ الحقيقة أننا لكثرةِ ما بكينا لم نعد نختلف عن نساءنا إلا بعماماتنا وطواقينا؛ طواقي الخوف؛ طواقي الإخفاء التي نرتديها عند اللزوم كلما أتت المُلمّات . تفتقت عبقرية الإنسان السوداني وبذّت كل العالم في هذا الإختراع . ستجدنا الأعلي صوتاً؛ الأكثر ضجيجاً؛ تمور الأرض تحت أقدامنا؛ ويبلغ هتافنا عنان السماء . ولك أن تدهش يا سيدي الفاضل؛ يا أختي الفاضلة؛ يا أمي؛ يا أبنة الجيران . ففي ستاد الهلال سيلتقي الجمعان ولا صوت يعلو فوق صوت المعركة . يشغلنا وطيس الكرة عن مأكلنا ومشربنا وبيوتنا وحياتنا؛ ولكن إذا دوي صوت رصاصها؛ سنرتدي طواقي الإخفاء التي ندّخرها لمثل هذا اليوم؛ قبل أن تغادر تلك الرصاصة فوّهتها؛ وقبل أن يبلغنا الأزيز . أصبحنا نتحايل علي الموت . نعم لا نستطيع دحر جيوشه؛ ولكنا نجاهد ما أستطعنا لكي نجعله يحصدنا في مخادعنا؛ وبين أفخاذِ نساءنا . النساء اللائي لفرطِ تقززهن من عجزنا ورجولتنا التي لا تظهر إلا في المخادع؛ أبين وتمنعن أن ينجبن الرجال . هذه الرجولة الحمراء التي جاهدنا للإبقاءِ عليها بشتّي الطرق والسُبل والحيل؛ فأبتلعنا جميع الأقراص والمنشطات وأوراق النبات وجذور الأشجار؛ ولكنها ما أستاطعت أن تجعلنا نقدر علي أن نواجه رصاصة . يقتلون النساء في السودان وتطالعنا صحف الخرطوم بعناوين محبطة ومخيبة للآمال . ( إختطاف أمريكي في دارفور ) وآخر يقول بلا أدني إحساس بالخجل ولا المسؤولية ولا الإنسانية ( حاج آدم يتوقع زوال حكومة جوبا وعودة الجنوب ) !! إنه للأسف يبشرنا بإقتراب عودة جوبا إلي ( زريبة ) الوطن !! أهذا كل مافي جعبتك يا حاج آدم ؟ ألا تعنيك الشهيدة التي أغتالتها رصاصات ( اليانكي ) وشرطة الزمن الحقير ؟؟ قُبِّحتم وقُبّحتِ يا صحف الخرطوم . أليس يعنيكم أننا قدّمنا إلي المرأة في يومِ عيدها شهيدة ؟؟ إلي متي نصمت وهؤلاء القتلة يتفنّون في إذاقتنا كافة صنوف القتل والسحل والذل والمهانة ؟ . تموت الحرة في بلادي وتتنصّل الشرطة من هذه الجريمة بكل بساطة ويعمدون إلي أكاذيبهم وتدليسهم وخزعبلاتهم . أما نحن فأعددنا لهذا الموقف ما أستطعنا من الرجال الذين يغطّون رؤوسهم بطواقي الإخفاء وينوحون كالنساء . أعتذر لكل النساء في بلدي؛ أعتذر لجدّاتي وأمهاتي وخالاتي وعمّاتي . أعتذر لهن جميعاً فأنا لا أملك إلا أن أجعل دم حروفي يسيل فيسقيني . سأكتب وأكتب ثم أرتدي طاقيتي أنا الآخر وأختفي وراء شاشة حاسوب مغبر برماد سجائري وخيباتي وأمضي . أعتذر لكل الجدّات العظيمات في مراقدهن وأرماسهن وعجزهن؛ الرجال ليسوا من أنجبتن؛ بل من دفنتن . لا تنبت أرضنا كل يوم رجل؛ ولكنها عامرة بالنساء العظيمات الماجدات . شكراً لقد أهديتمونا شهيدة وينبغي أن نردها بثورة . حتي تنام عوضية بسلام .

إعتذار لكل النساء

خلااااس
اليقفلوها
ويفتحوا صحف غيرها
عشان بتوع الامن يلقوا صحف يوقفوها.
أنت كمان عايزة ناس الامن يقعدوا ساكت بلا شغلة؟

سلام دينا..
أزعجني كلام البروف علي شمو في قناة الشروق قبل أسبوعين..
عندما قال أن الحريات الصحفية المتوفرة في السودان لا تتوفر في كثير من البلدان العربية..
وهذه حالة ماثلة أمامنا.. فقد مُنعت الصحف من نشر تفاصيل القضية..
بل أمعنت في الظلم بأن نشرت وجهة نظر الشرطة فقط!!
كلمة واحدة فقط في بيان الشرطة تدلل على الكذب والدغمسة..
(الشرطة أطلقت الرصاص في الهواء.. فهل طارت المرحومة عوضية) كما قال محمد ابراهيم علي؟
هذه القضية لو أتيح لها النشر كانت ستمثل قضية رأي عام تصل إلى أقصى حدود العالم..
وتشكل إدانة كبيرة للشرطة والداخلية والحكومة بصورة عامة..

خالدينا

الدعارة الصحفية

فى الاولى ثمن لممارسة الرزيلة
وفى الثانية يصمت القلم..
عن الحقيقة والفضيلة..
لم تعد سلطة رابعة..
فهناك سلطة واحده..
تتحكم فى الاشياء..
لم تعد سلطة رابعة..
بل اصبحت مومسا تلهث خلف الرزق..
وخلعت ثوب الشرف والامانة..
ولبسنانحن ثوب الحداد..




على سرالختم











PS
مشتاقوووووووووووون والله

يا دينا سلام


عليك الله لو قاعدة في السودان أرجو مدنا بالآتي:

1- اسماء ملاك هذه الصحف

2- اسماء رؤساء تحرير هذه الصحف

عشان نشرب ونقارن


ودمتم

على سرو
والله بالاكتر .. بس ما باليد حيلة ..

عمر التاج زغللت عيوننا ياخ .. وقف .


ايمن دياب
لابد للحرية من حراس ..
وحراس الحرية ما هاميهم انها تتسرق قدام عيونهم
المهم الفلوسات
مش كان ممكن كل الصحف تصدر فى الانترنت فقط
وما تخسر قروشها فى الطباعة اليوم داك ؟؟؟
و مش كان رسالتهم وصلت اضعاف مضاعفة ,,
ووضعوا الحكومة فى موقف تحسد عليه ؟








ـــــــــــــــ
لازم هم يعرفوا ليهم ذى ما ديك بعرفوا ..
ويستمر احراج الحكومة فقط بالنسخة النتية ..
عوضا عن الورقية !

Quote: بالله دى مش صحف تستحق الاغلاق فورا ومصادرتها وتكبيدها افدح الخسائر المالية ؟؟ ..

اها
وبعد الصحف تقفل
نحنا نمشي وين؟

بالنسبة للشفع ديل نسوي ليهم شنو؟؟
أكل العييييييييييييييييييش

Quote: طأطأنا الرؤوس في حيرةٍ وقلةِ حيلة والظلم ساعٍ في دروبنا يركلنا بحشفٍ وسوءِ كيل . لم نكن نمتلك غير تلك الإرادة القوية التي جعلت شوارعنا تتدفق غضباً في أكتوبر وفي أبريل؛ قبل أن تتعلم القارة السوداء النضال؛ وأمتلكنا وعياً إستثنائياً في وقتٍ كانت فيه أمة العُرب تتقاتل علي جزعِ نخلة ودابّة

حبيبها لنورا
ولكننا الان لا نستطيع ان ندعى لا الارادة القوية لدى نخبنا
ولا الوعى الاستثنائى حتى لصحافتنا !!!!

هيثم الذى من اندينا ...

Quote: لكن المسؤولية علي الاقل في حالة انسانية بشعة زي دي كانت بتقتضي موقف مسؤول من الصحافة

واتضح انو مافى اى مسئولية ! الحل فى الحل ؟









ــــــــــــــــ
غايتو ياناس الامن .. فى الصحف دى نحن نزلنا
من ضهركم لو عايزين تقفلوها قفلوها قشة ما تعتر ليكم
ولو عايزين تصادروها كمان اخدو راحتكم ..
ولو دايرين تمرمطوهم لسه مرمطوهم بس لكن عليكم الله وقفوا
منهم الاعلان .. خلوهم يصدروا من غير اعلانات .. والنشوف اخرتها !

Quote: **حمـلة مقاطعـة الصحـف السودانيـــة **

ياسلااااااااام ياود الجمام
ياخ دا اجمممممممل اقتراح ..

اثنى بشدة وانا من طرفى مقاطعة مقاطعة شديدة !!
ولاااااااا الوسيط بكرة ما تدخل بيتنا .. بس !


عوض يا مسلمى ياحرف الحا

شكرا للفتتك الكريمة فانت اول من لفت نظرنا ..
لتلك الجغمسة
قاطع معانا ياخ .. خسمتك بى ال لانام ولا اكل الطعام
تقاطع معانا ..
اتسلى بى (كوتشينه) ( شيشة) اى حاجة !!





ــــــــــــ
حدك الاتنين الفوق ديل .. اوووع تقرب التالته !

Quote: **حمـلة مقاطعـة الصحـف السودانيـــة **

ياسلااااااااام ياود الجمام
ياخ دا اجمممممممل اقتراح ..

اثنى بشدة وانا من طرفى مقاطعة مقاطعة شديدة !!
ولاااااااا الوسيط بكرة ما تدخل بيتنا .. بس !


عوض يا مسلمى ياحرف الحا

شكرا للفتتك الكريمة فانت اول من لفت نظرنا ..
لتلك الجغمسة
قاطع معانا ياخ .. خسمتك بى ال لانام ولا اكل الطعام
تقاطع معانا ..
اتسلى بى (كوتشينه) ( شيشة) اى حاجة !!





ــــــــــــ
حدك الاتنين الفوق ديل .. اوووع تقرب التالته !

دينا يا حرف الفاء والها والميم حبابك في بوستيك
يشهد الله قاطعتها ولا اشتغلت بيها شغلة
الا بيني وبينك سالتهم الوان والتيار رجعوا ولا لسة
ساهي شمار وقلة شغلة وعدم موضوع لاني لابد ببوست كارب لو رجعت التيار من غير هويدا او الظافر !!













________________________
التالتة ثابته زي ما بقولوا اهلنا
والبتبلبل بعوم

محمد ابو العزايم

Quote: والله يا دينا أقترح نلغي حاجة إسمها جرايد وحاجة إسمها بوليس. ونعيش عيشة غابة ..... بلا تطوّر بلا مدنية بلا بطيخ.

لوووووب يا ابو العزايم .. بلا حرد
انت هسه شايف انو الاتنين ديل فى ؟؟
الاتنين اثبتوا بالدليل القاطع انهم صفر كبير !
ياخ لو جريدة بتصدر فى مصر .. كان بتكون مربوطة بجماهيرها
وقراءها ...


يا نادر !
يارييييتنا لو لسه فى مرحلة كل زول ينشر رايو
ويناقشوا دى ... لكن القهر حار ..






ـــــــــــــ
بعدين يجيك واحد يقول ليك مع الساعات الاولى للصباح
بالصوت والصورة والقلم !! لما يجى الصوت الجد جد
يتبربروا ... يادوب عرفت متبربرين معناها شنو !

Quote: انعل ابو الحنفيات الما بتكب الا طين

حيدرنا ..
دايما كلامك حكم ...

شفت الوحل دا !!
يعنى كانوا ح يسووا ليهم شنو ؟؟ يوقفوهم ؟
دا شرف








ـــــــــــــ
كدا اشوفك تانى وقعت فى رفض مصادرة او اغلاق !!
كلها كناتين للبيع بالقطاعى ..
بكرة جاملنا وما تتصفح النسخ النتية ..

موسى البشارى !
لف فى اكياس نايلون
وبعدين هم ذاتهم حبرهم بمرق فى الاكل وسام
ارررردا انواع الحبر ..
مش قلت ليك صادرين يجننوا وواقفين يحننوا ..









ــــــــــــ
انت معانا ولا مع الخيانة ؟؟
المقاطعة وكدا ...

Quote: موسى البشارى ! لف فى اكياس نايلون

ثمح بكلم ابوي يلف في اكياس نايلون
والله صحي
اما انا فسوف استمر في لف حاجاتي
في جرايدنا السودانية لأنها الوظيفة الوحيدة التي تصلح لها

Quote: انت معانا ولا مع الخيانة ؟؟ المقاطعة وكدا ...

يا دينا نقاطع شنو ونخلي شنو عليك الله؟
الجرايد دي واحد من القطاعات الكثيرة التي لحق بها الدمار
مثلها مثل الصحة التعليم اخلاقنا ديننا ..... الخ الخ
عارفه بحكم وجودي في السعودية كنت بمشي 3 الى 4 بقالات
عشان اتحصل على نسخة من جريدة الخرطوم أو السوداني
قبل ان تأمر بايقاف توزيعها السلطات السعودية (السوداني تحديداً تم وقفها)
عارفها سعرهم أعلى من سعر الشرق الاوسط والحياة والجرائد الشهيرة
جرايدنا كلها 10 صفحات بينما الجرايد الاخرى اكثر 30 صفحة
اها فجأة كده الحمى دي فكت مني وبقيت ما شغال بيهم الشغلة
يعني عمليا كده أنا مقاطع قبال دعوتكم دي ....... والله صحي
..
..

__
عمري ما كنته مع الخيانة

تعرفي يا دينا أنا زمان قايلاك مجنونة لكن الآن اتضح لي إنك حصيفة حصافة الجن
ولو دايرين تمرمطوهم لسه مرمطوهم بس لكن عليكم الله وقفوا منهم الاعلان .. خلوهم يصدروا من غير اعلانات .. والنشوف اخرتها !
نحن هنا لينا اسبوع ساكين لينا واحد سمين بليد بعمل 56 مليون في السنة عشان يكون كلام فارغ والناس بستمعوا ليه بالساعات
في النقاش الأخير عن عقاقير تنظيم الأسرة أو منع الحمل راح شاتم طالبة في واحدة من أعظم كليات القانون في امريكا
في ظرف ساعات الحملة بدأت بمخاطبة ممولي برنامجه أن المقاطعة ستشملهم إذا استمروا في بث إعلاناتهم في هذا البرنامج الغبي
في ظرف يومين انسحبوا منو حوالي 16 وعمك وقع إعتذارات والطالبة وجموع النساء والرجال من ورائها قالوا ليه "إعتذارك ما بفيدك"
دايرين لينا زرة زي دي للإعلام السوداني.

دكتوره اسماء !
لووووووب ياخ .. عارفة انتى جبتى الفكرة
منع الاعلان بكون بتهديد المعلنين فى تلك الصحف
بمقاطعة منتجهم ايضا ... او هم لما تكون فى مقاطعه
مافى زول بعلن صاح ؟
الله يدينا يقين ناسكم ديل فى المواقف ...



حمد لبد !
عارف الاسماء ياها ذااااتها نفس الاسماء الخليتها لمن
انت كنت فى السودان .. انت قايل الكنكشة دى فى الحكومة
والاحزاب بس ؟.. نفسسس الاسماء البعجز بكون ولدو جنبو
نفسسسس الفكرة ..
قال الرباطابى عنده فرن .. جاهو فقير رث الثياب
قال لى لى شهرين ما ضقت طعم العيش ! الرباطابى قال لى
ياهو طعمو ذااااااتو ما اتغيير !

من الأشياء المستحيل اعملها انى اقرا جريده لصراحه ولا اشوف لى اخبار
لانى على ثقه ان المصداقيه معدووووووووووووووووووووووووووووووووووومه
ومره مره لو اتهورت اقرا حكايات ولا الدار بيغيظنى اللغه الركيكه المرات بتتكتب فيها المقالات وبتتصاغ بيها الحكايه وكان شفع روضه البيكتبوها

Quote: تعرفي يا دينا

Quote: دكتوره اسماء !

باص ..خانة
ريا وسكينة
حمد والديبة
حاجة عجيبة
ومع ذلك فوق من اجل مصادرة كل الصحف وتحويل صغار المحررين الى بند العطالة
أو اعادة تأهيلهم لوظائف أخرى
سلام آل عبحليم

Quote: ضياء الدين بلال ماحدث من قبل قوة شرطة النظام العام بالديوم يكفي لحل هذه الشرطة التي لا تأتي الا بالكوارث اذا لم يعدم هذا الضابط فعلى العدل السلام وبيان الشرطة لا يغطي عورة الموقف بل يفضح الرغبة في التستر، الى متى تظل الدولة تضيف فواتير أخطاء الصغار والكبار الى حسابها العام من العسكري قدوقدو الى هذا الضابط عديم القلب والاحساس

اعلاه ورد بصفحة ضياء الدين بلال فى الفيس ودا كلام كويس وموقف مابطال وان كان المطلوب من ضياء ومن هم فى مثل موقعه اكتر من كدا بى كتير
ثم كان ضياء الدين نفسو بالامس ضيف برنامج بعد الطبع ولا قبل الطبع ماعارف
فسمعته يحلل ويتحدث عن الحادث بانو ماداير يخوض فى التفاصيل
وان هناك مشكلة ما فى تدريب وعمل الشرطة واتكلم عن عصى وهراوات وبمبان وخزعبلات وشنو كدا ماعارف
الشاب دا كان قال الكلام الكتبو فى الفيس كان برد لى بطنى شوية ...لكن ماجا جمب سيرتو حتى
بينما هناك من ازهقت روحه وتيتم ولده

عجبى!!!!

دحين يا دينا اختنا بعد الصحف شوفى لينا معاك الصحفيين ديل زاتم مالم عندهم انفصام ولا اذدواج ولا الحاصل شنو بالظبط

غايتو وكأنو ضياء الدين بلال برد على مداخلتى الفوق دى حيث جاء بصفحته المقال التالى :-

Quote: ! ما حدث بديوم الخرطوم وما ترتب عليه من ازهاق لروح المواطنة عوضية عجبنا وكسر ذراع جدتها، يستدعي وقفة جادة في أعلى درجات الانتباه..! البيان الصادر من الشرطة لم يقدم ولا القليل من الاجابات على كثير من الاسئلة!! الأخطر من ذلك ان صياغة البيان أعطت إنطباعاً بوجود رغبة في التعامل مع الحدث بذات الاساليب والطرق القديمة، لجان تحقيق لا تقوم بكشف الحقائق ولكن كل ما تفعله إمتصاص المترتبات الاعلامية والسياسية على الأحداث، والانحناء أمام الرأي العام حتى مرور العاصفة!! هناك روايات أخرى تناقض رواية الشرطة، المحاكم هي المكان المناسب لتجلية الحقائق وفحص الروايات لا لجان تحقيق الغرف المغلقة! كان من الاولى ان تعلن الشرطة في بيانها ايقاف الضابط المتهم بقتل الفقيدة عوضية عجبنا، ووضعه قيد التحري، قبل ان تعلن عن تشكيل لجنة التحقيق! وربما تكون قد فعلت ذلك ولكنها بدافع العصبية المهنية لم تعلن الاجراء، وأعلم أن هناك محاكمات تمت لنظاميين وصلت الى حد الاعدام ولم يعلن عنها، لاعتبارات الزمالة، دون إهتمام بالرأي العام،نعم من المهم ان تطبق العدالة ، ولكن الأهم ان ترى وهي تطبق أمام الجميع. الشرطة و بعض أجهزة الدولة تتحرك في بعض المواقف بدافع عصبية الزمالة ،فتتحول اخطاء الافراد وتجاوزاتهم الى فواتير تسدد من الحساب العام. ماذا حدث في موضوع العسكري (قدوقدو) وهو يطبق شريعة الجلد بعدوانية شرسة متجاوزة معايير الشرع والعرف والوجدان السليم على فتاة أدينت بأفعال فاضحة.ولكن الفضيحة انتقلت من أفعال الفتاة الى طريقة العقاب!! أخطاء الافراد تتبناها المؤسسات وترحل لتدفع من الحساب العام لسمعة الحكومة والدولة والشعب. خاصة عندما تكون الحكومة عاجزة عن المراقبة والمتابعة والحساب والعقاب، لأن بعض اولي الزيغ وحارقي البخور وصانعي التبريرات يوهمونها بأن الخطر ليس في وقوع الاخطاء والتجاوزات ولكن الخطر في الحديث عنها بأجهزة الإعلام!! وخوف الحكومة من الاستغلال السياسي لتلك التجاوزات يجعلها ضعيفة الحساسية تجاه الافعال، وشديدة التوجس حيال الاقوال والمكتوبات. هنالك خلل واضح في ثقافة استخدام القوة لدى الشرطة السودانية ،رغم عراقتها وما لديها من خبرات وكفاءات . الدليل حوادث متعددة ، حادثة مقتل الترزي في الكلاكلة ومقتل الشابين في شرق النيل وحوادث أخرى أكبر خطورة في أمري وبورتسودان..! في أحداث الشغب بضواحي باريس في نوفمبر 2005 تم حرق الممتلكات العامة والخاصة، لمدة ثلاثة أسابيع، وكان ضحايا العنف من الشرطة أكثر بما لا يقارن من المتظاهرين! الشرع لا يبحث عن شاربي الخمر في روائح الافواه ولكن في أفعال السكارى وتصرفاتهم ! و بالحيثيات والمنطق البسيط لا يمكن ان تتسبب حملة نظام عام -لا تصل عقوبة الجرائم المستهدفة حد الجلد والسجن المخفف- في قتل النساء وحرق مكاتب الشرطة وانطلاق المظاهرات وكسر أيادي (حبوبات)!! على ولاية الخرطوم ان تفكر جدياً في حل شرطة النظام العام والغاء قانونها المعيب. لأن هذه الشرطة أصبحت تصنع من المشاكل والازمات ما هو مفضي للفوضى والاضطراب وتلطيخ سمعة الدولة بالتصرفات الهوجاء والتصريحات العرجاء. هذه الشرطة تدار بصغار الضباط. حديثي التجربة قليلي الخبرة، وجنود أغلبهم من المستجدين،! اعلم عزيزي القارئ ، كل حملات النظام العام يشرف عليها (ملازمون صغار) وكل مراكزها لا يوجد في ادارتها أعلى من رائد أو مقدم!! ولا توجد لديها برامج فاعلة للاعداد المهني والاخلاقي للقيام بمهام متعلقة بالأمن المجتمعي، أمن المجتمع لا يتحقق بالهراوات والغازات الايرانية والرصاص خاصة في دولة ترفع شعار المشروع الحضاري، فمهمة تقويم السلوك لا تصل حد القتل،سعادة الفريق هاشم!!

ماعارف المقال منشور بالسودانى ولا بالفيس بوك بس ..غايتو فى الحالتين الزول دا القمنى حجراً
لكن مازال سؤالى قائماً : لى ماقال الكلام دا فى البرنامج ؟

دينا اعفى لينا ياخ انتى تقاطعى وانا اقطع والصق ليك هنا
المقاطعة و القطع والقطيع كلهم بودو روما...او هكذا ظننت .

رانية الشيخ !
لقيتك عاقله والله ..
يعنى مقاطعة خلقى ذى ما بقولوا الشايقيي !

يا فضل المولى ى ى ى ى !!
يعنى عامل جبت الديب من ديلو ؟؟
الموضوع دا شغال من زمن حفروا سودانيز اونلاين ..
وبقا ماسخ والجمهور ملاهو .. نايس تراى !
انا قول معاى العايزو .. ولا يهمك .
لكن لطفا اعتذر عن السجع الغير لائق فى حق الدكتورة ..
رجاءا ,, اكره ان يصيب اى شخص رزاز بسببى .. فهمت ؟



احمد الامين !
ما تورينى صفحة صاحبى دى القاها كيف ؟؟
فيها صور ؟؟






ــــــــــــــ
الجمام اخبار المقاطعة شنو ؟؟
قالوا الجماعة كلهم مشوا اشتروا الجرايد
دايرين يقروا اخبار المقاطعه ..

سلام آل عبحليم

السيد عادل فضل المولى
عرفنا إنه أنا ودينا خالد آل عبحليم حسب مزاجك ومدى صدق الكلام ده من كذبه ما بهمك
ممكن تقول لي بقينا كيف ريا وسكينة
واللا ما عارف ريا وسكينة ديل منو؟
بعدين بعد السخف ده كله مسلم علينا ليه ؟

يادينا وحات الله انا ذاتي قلت ليهم كدا
مافى داعي الواحد يشتغل صحفى
احسن موظفين او بياعين نبق وغزل بنات

طيب ناس المنطقة فاهمنها من زمان
ياخي اتنين عايزين يضربوا الأفوال
كانوا بيتناقشوا عن انو جريدة ال...... أفضل أم جريدة اال..........؟
الأفضلية كانت لقلة تسريب زيت السمسم بتاع الفول منة خلال مسام تلكم الجريدة


_____________________________________


ياا دينا فكينا من صحافة ممكن يكون فيها ناس زعيط ومعيط رؤساء تحرير

....
...
...

Quote: ... ....فقد تاكد فى صحف اليوم خبر تاجيل مؤتمر استانبول

...
...
.
.
...ما قلتو ....
.
.
.
.
.
.
.
.
.
.
.
نوبه ؟؟؟!!!!
...
...

لوووووب يا هولولى ..
ما قلنا فى نسخة نتيه .. نتييييه ..
هسه محمد سليمان الجاب لى الكوت من الجريدة
قاعد فى السودان ؟؟؟
اساسا الغرض تكبيدهم خسائر مالية
زوووول يدخل ليهم قرش فى جيبهم مافى ..

النوم النوم
بكريك بالدوم

دومتين مُرّات
في البحر فايتات

شن فايدة مديدة الحلبة والويقود بشيلو اليانكي ...

مرة معونة للغاف ومرة دوانكي ...

ايش معناهو جيبها ان كان ملوهو بوانكي ...

صوتها مسكّتو القربين سيوف وسوانكي ...




... المهم ....

سلام يا دينا.
زميل المنبر صلاح يوسف عندما كان يكتب إستراحة في صحيفة الخرطوم( القاهرية). حكى قصة طريفة، بطلها ايضا ضابط شرطة عرضهم لموقف حرج وطردهم من منزله " شر طرده" على حد تعبيره. المهم في الأمر أنه توصل لمقولة مؤداها أن " البيت الذي يخلو من الجرايد، لا تستطيع أن تأتمن ردود فعل صاحبه". وبالطبع الأخ صلاح كان في ذهنه دور الصحافة في ترقية الذوق والسلوك الحضاري وتحري المصداقية .وأظن الآن وعلى خلفية التدجين الذي وصلت له الصحافة ، فإنه قطعا سيعيد النظر في مقولته تلك!.

محبتي

Quote: سلام آل عبحليم السيد عادل فضل المولى عرفنا إنه أنا ودينا خالد آل عبحليم حسب مزاجك ومدى صدق الكلام ده من كذبه ما بهمك ممكن تقول لي بقينا كيف ريا وسكينة واللا ما عارف ريا وسكينة ديل منو؟ بعدين بعد السخف ده كله مسلم علينا ليه

سلام يا دكتورة
غايتو لو بتلعبي كورة بتاخدي كرت أحمر سريع!
طولي بالك علينا شوية
ريا وسكينة هناكناية عن ثنائية "ممتعة" تماما كما حمد والديبة، وليست ثنائية "مجرمة" كما هي في سياقها التأريخي
عذراً ان جاء فهمك غير هذا
++
بي جنبة
يا دندون
خلينا نعيد اكتشاف العجلة في بلد عجز سلطانها ان يكتشف - في القرن الواحد وعشرين- ان الحرية شرط اساسي لحياة الانسان
تماماً مثل الماء والهواء ...والصحافة!

ياخ مرات ليه

ياخ دندون دى (تاكل بارده ما تدوق حاره ماك داريها)
الله يرحم قريب محمد راجع ويثيبه على مسلسله الهمباته

لكن عليك الله دندون موش همباتيه والله قومابيه نمره واحد
شوفيها تقوم القيامه كيف وتفوت.


ياخ لك من السلام ما يرضيك



منصور

طيب عشان خاطرك يا المنصور
دومتين حلوات
في السرير راقدات
دينا دي أنا حأعمل رحلة خاصة للسودان عشان أعرف هي منو.