اسعار الاراضي في الديم كم؟؟ النوبة ديل ح يطلعوهم منها

شنو يعني دايرين خلفاء الله في الارض وظله يمشو يسكنوا ليكم في ولاية الجزيرة يعني؟؟

وانتو بفقركم دا واشكالكم دي تكونوا متحكرين في نص نص الخرطوم

وانتو زاتكم احسن من ناس عشش فلاتة شنو، ما رحلناهم زي الما حصل حاجة

غايتو في كوز كان قاعد يمخمخ ليهو مدة عشان يلقى ليهو طريقة تكون شوية قانونية
في انو يستولى على الاراضي دي، والظاهر لمن غلب حيلة، قال يجيب عاليها واطيها

الحكومة لن توفر اي مقدار جهد لتهدئة الاوضاع في الديم، بل العكس تماما، ح تولعها
لمن بكره تشوفوا بعيونكم البلدوزرات بتمسح في اراضي الديوم وتصادرها بحجة انتزاع "اراضي حكر"
وهذا من حق الدولة

خالص تعازينا لاسرة الشهيدة عوضية

عملية الاغتيال مدبرة

للاستيلاء على المنازل ومصادرتها

ولخدمة المؤتمر الوطني سياسيا وامنيا بالكشف عن بؤر المعارضة النوباوية في الخرطوم عبر استفزازهم بمثل هذه الجريمة

اساسا قرار المصادرة صدر وهذه العملية فقط لتنفيذها بالقوة الجبرية

انهم يفوقون سوء الظن العريض

وها هي الدولة تعترف بالدافع لارتكاب الجريمة

Quote: وحسب المكتب الصحفي للشرطة ان الحادث وقع اثر مرور دورية شرطة أمن المجتمع بالشارع العام بمنطقة الديم وبعد القبض على اثنين من المخمورين صاح احدهم بصوت عالي خرج على اثره مواطنون من ثلاثة بيوت تحديداً بالحي ، علماً بانه كان قد صدر قرار من المحكمة بتاريخ (7/1/2012) بإنزار بالمصادرة ضد أحد هذه البيوت

مع تحيات دولة الكيزان

نريد ان نعرف ملابسات وحكم المحكمة الذي بموجبة تقرر مصادرة منزل بالديوم الذي قد يكون بيت الشهيدة
عوضية او قريب منها (حسب افادة الشرطة)

والسؤال الاكثر اهمية:

هل عرض احدهم شراء تلك المنازل ورفضت تلك الاسر الكريمة العرض؟؟