Post: #1
Title: رساله من الزميل معاويه عبيد حول مقتل صفيه
Author: Haju Muktar
Date: 03-06-2012, 05:28 PM
عوضية عجبنا ترشحت في الانتخابات الاخيرة عن الحزب القومي السوداني
اسرتها ناصرت ياسر عرمان كمرشح للرئاسة..وادوارد لينو كوالي للخرطوم
ومن حينه ترصدته اجهزة امن الحكومة
|
Post: #2
Title: Re: رساله من الزميل معاويه عبيد حول مقتل صفيه
Author: Haju Muktar
Date: 03-06-2012, 05:32 PM
Parent: #1
مرشحة الحزب القومى ..العزاء للاهل فى الجبال
|
Post: #3
Title: Re: رساله من الزميل معاويه عبيد حول مقتل صفيه
Author: تبارك شيخ الدين جبريل
Date: 03-06-2012, 05:38 PM
Parent: #2
ومن هي "صفية" المذكورة في العنوان؟
|
Post: #4
Title: Re: رساله من الزميل معاويه عبيد حول مقتل صفيه
Author: Haju Muktar
Date: 03-06-2012, 05:39 PM
Parent: #2
النسيج الاجتماعى سد منيع ياكيزان
عدل صفية تعنى عوضية وعوضية صفية اهل الهامش
اسمها عوضية
|
Post: #5
Title: Re: رساله من الزميل معاويه عبيد حول مقتل صفيه
Author: Haju Muktar
Date: 03-06-2012, 05:54 PM
Parent: #4
التعازى للشرفاء
ذنب عوضية .دعمها للحركة الشعبية
|
Post: #6
Title: Re: رساله من الزميل معاويه عبيد حول مقتل صفيه
Author: تبارك شيخ الدين جبريل
Date: 03-06-2012, 06:07 PM
Parent: #5
| Quote: عدل صفية تعنى عوضية وعوضية صفية اهل الهامش |
ما فهمت "أهل الهامش" دي ... الشهيدة مش من الديم؟
ولاّ تقصد الإسم ما ضروري في الهامش؟
ولاّ "تهميش" منك ساي .. شايف انك ما محتاج تكون دقيق في اسم واحدة "مهمشة"؟
الهامش دخلو شنو في انو شرطة الديم تكتل مواطنات الديم؟
احترم الدقة في المعلومة وعدّل انت عنوان البوست أو اسحبو ...
بعدين وين رسالة ابن "جدة" البار حول مقتل "أياً كان اسمها"؟
زاتو نفهم زول زي معاوية العبيد ممكن يقول شنو ...
... المهم ....
|
Post: #7
Title: Re: رساله من الزميل معاويه عبيد حول مقتل صفيه
Author: عبد الخالق امن الله
Date: 03-06-2012, 06:14 PM
Parent: #5
تبارك انت لسه بتركب فيل؟؟
انزل من فيلك
|
Post: #8
Title: Re: رساله من الزميل معاويه عبيد حول مقتل صفيه
Author: تبارك شيخ الدين جبريل
Date: 03-06-2012, 06:20 PM
Parent: #7
Quote: تبارك انت لسه بتركب فيل؟؟
انزل من فيلك |
عبدالخالق امن الله انت ما بتعرفني ... وانا ما بعرفك ...
مافي داعي للكلام الشين الله يرضى عن والديك ....
... المهم ....
|
Post: #11
Title: Re: رساله من الزميل معاويه عبيد حول مقتل صفيه
Author: عبد الخالق امن الله
Date: 03-06-2012, 06:29 PM
Parent: #8
Quote: عبدالخالق امن الله انت لسة الفيل بيركبك؟؟
قول ليهو كفاك ... سلّو ...
|
والله يكون راكبني احسن من انو يلحس مخك
ياخ البنقو ده جننك في راسك
اسمعني
دخن 5 سجارات بس اليوم
|
Post: #9
Title: Re: رساله من الزميل معاويه عبيد حول مقتل صفيه
Author: عبد الخالق امن الله
Date: 03-06-2012, 06:21 PM
Parent: #7
|
Post: #10
Title: Re: رساله من الزميل معاويه عبيد حول مقتل صفيه
Author: Tragie Mustafa
Date: 03-06-2012, 06:26 PM
Parent: #9
ربنا يصبر اهله.
انها فقيدة الهامش يا تبارك
الموت يمتد لينال من النوبه حتى في الخرطوم!
|
Post: #12
Title: Re: رساله من الزميل معاويه عبيد حول مقتل صفيه
Author: عبد الخالق امن الله
Date: 03-06-2012, 06:35 PM
Parent: #10
تجمع مواطني الديم في وقفة احتجاجية
|
Post: #13
Title: Re: رساله من الزميل معاويه عبيد حول مقتل صفيه
Author: تبارك شيخ الدين جبريل
Date: 03-06-2012, 07:02 PM
Parent: #10
أم "الهامش" .... تراجي مصطفى ...
Quote: ربنا يصبر اهله.
انها فقيدة الهامش يا تبارك
الموت يمتد لينال من النوبه حتى في الخرطوم! |
ربنا يرحمها ... ويقتص من قتلتها ...
بس "فقيدة الهامش" دي غامضة شوية ... أي زول من النوبة هامش؟
الهامش تحول من حالة اجتماعية/سياسية لإنتماء عرقي؟
بالأحرى ... أي نوباوي "هامش"؟
التعريف الجديد دا شنو؟ تبرير لمشروع الدولة العنصري؟ ولاّ تعريف صادر من ذهنية "الطيب مصطفى" المعششة في أمخاخ المناضلين؟
زولة من العاصمة وتنعم بالحقوق القانونية وتترشح في الإنتخابات وتموت بالرصاص في منطقة سكنية آمنة وليس في منطقة عمليات عسكرية ...
البيبقّيها "هامش" شنو؟ نظرتنا العنصرية انو النوبة مهما ناضلوا من أجل حياة كريمة حا يظلّوا "هامش" حتى لو ماتوا من أجل هذه الكرامة؟
طيب فرق كلامكم دا من رصاصة الملازم شنو؟ مواطنة بكامل الأهلية وحقوق المواطنة؛ وأول حق حق القصاص والعدالة ونسف فكرة التعامل العنصري على انها طارت السما أو نزلت الواطا حا تظل "هامش" ... ماتت تدافع عن حق الوقوف أمام بيتها والحديث مع أمها وأخوها كمواطن عادي (ما هامش) ... بعد اتكتلت جايين تسمّوها "هامش"؟
طيب ... إذا كنت انتي في كندا حاسبة روحك "هامش" ... الما "هامش" منو؟ (حتى لو تديني زول بالإسم)
... المهم ....
|
Post: #14
Title: Re: رساله من الزميل معاويه عبيد حول مقتل صفيه
Author: Mohamed Abdelmotalib Hassan
Date: 03-07-2012, 02:02 AM
Parent: #13
هذا الزميل الشيوعي المريض الكذاب المذكور في عنوان البوست , لا زال
يكذب هنا وبغباء شديد , ويتاجر بكل ما يمكن أن يتاجر به , ففي أحد اشرطة
الفيديو قال شقيقها ومن كان بقربه إنها تنتمي للمؤتمر الوطني الحاكم يعني كوزة
بالفهم بتاع هذا الشيوعي القذر!!!!
شيوعي كضاب كالعادة , حتى الكضبة المرة دي كرعين ما عندها.
فعلاً : النضال في خطر , كل من هب ركب القطر.
أجيب الشريط هنا ولا مافي داعي.
|
Post: #15
Title: Re: رساله من الزميل معاويه عبيد حول مقتل صفيه
Author: elsawi
Date: 03-07-2012, 02:55 AM
Parent: #14
Quote:
هذا الزميل الشيوعي المريض الكذاب المذكور في عنوان البوست , لا زال
يكذب هنا وبغباء شديد , ويتاجر بكل ما يمكن أن يتاجر به , ففي أحد اشرطة
الفيديو قال شقيقها ومن كان بقربه إنها تنتمي للمؤتمر الوطني الحاكم يعني كوزة
بالفهم بتاع هذا الشيوعي القذر!!!!
شيوعي كضاب كالعادة , حتى الكضبة المرة دي كرعين ما عندها.
فعلاً : النضال في خطر , كل من هب ركب القطر.
أجيب الشريط هنا ولا مافي داعي.
|
والله حسب الوثيقة التحت دي الأخ معاوية عبيد ليس كاذباً
للشهيدة الرحمة والمغفرة
|
Post: #16
Title: Re: رساله من الزميل معاويه عبيد حول مقتل صفيه
Author: تبارك شيخ الدين جبريل
Date: 03-07-2012, 03:06 AM
Parent: #15
| Quote: والله حسب الوثيقة التحت دي الأخ معاوية عبيد ليس كاذباً |
في الحقيقة معاوية عبيد لم يقل شيئاً البتة ...
.... المهم ...
|
Post: #17
Title: Re: رساله من الزميل معاويه عبيد حول مقتل صفيه
Author: Mohamed Abdelmotalib Hassan
Date: 03-07-2012, 03:07 AM
Parent: #15
Quote:
والله حسب الوثيقة التحت دي الأخ معاوية عبيد ليس كاذباً |
من ناحية كذاب فهو كذاب , أما إذا كان الأمر مجرد غلاط إسفيري مُر , فليس لدي رغبة في الخوض في مثل هذا النوع من الغلاط.
هذه الوثيقة لا جدال أنها وثيقة قديمة من شكلها ومظهرها , كما أن شكلها العام لا يوحي بمطابقتها لأصلها , بالإضافة إلى أن شهادة أحد من تحدثوا حول المرحومة يوم أمس أكد وبعبارات قاطعة ومحددة عضوية المرحومة في المؤتمر الوطني أو كما قال الحزب الحاكم ورددها مراراً وتكراراً.
أما إن كان قصد مناضلو الكيبورد تكذيب ما ورد في ذلك الشريط فليكن الأمر واضاحاً ويجب الدفع بذلك بدل الجعجة والنحيب.
أيهما أولى بالتكذيب , شاهد أدلى بشهادته أمس وهو شاهد عيان لكل الوقائع وهو على صلة قريبة بالمرحومة؟ أما ذلك الشعوعي الملفق الكذاب الذي يقبع في السعودية ويخشى حتى من إعلان إنتماءه للحزب الشيوعي خشية إملاق؟
مالكم كيف تحكمون؟؟؟؟؟؟؟؟؟؟؟؟؟
|
Post: #18
Title: Re: رساله من الزميل معاويه عبيد حول مقتل صفيه
Author: Bashasha
Date: 03-07-2012, 03:21 AM
Parent: #17
| Quote: بس "فقيدة الهامش" دي غامضة شوية ... أي زول من النوبة هامش |
تبارك،
ايوة!
بل اكتر من كده اي زول ما شمالي ما بشر زاتو، تقول لي هامش الهين ده او معقول او موضوعي؟
هل صدفة ده فهمك؟
فكرك ماتو ملايين ليه في سودان الجلابة؟
ايو لانهم ما بشر يا هذا، او كما الصراصير واحد.
نعم، مرة اخري في السودان الجلابي الحالي، الما شمالي اكرر ما بشر اطلاقا!
اها لسة مصر تسال اسئلتك العجيبة دي، البتفضح طريقة تفكيرك؟
|
Post: #19
Title: Re: رساله من الزميل معاويه عبيد حول مقتل صفيه
Author: Tragie Mustafa
Date: 03-07-2012, 06:24 AM
Parent: #18
يا تبارك انت بجدك؟!
يا زول كلامنا القلت عليه زي رصاص الضابط ده ياهو الحقيقيه:
صفية تظاهرت مع كل من لبى نداء 28 يناير تم الافراج عنهن جميعا(الشماليات)
وصفيه اغتصبت بعدها!! لانها مرصوده من يوم 28 يناير؟!الم تكن بنت مركز؟!
الم تكن جامعيه؟!الم تكن من سكان الخرطوم؟!اصحى يا بريش!!
Quote:
أم "الهامش" .... تراجي مصطفى ...
Quote: ربنا يصبر اهله.
انها فقيدة الهامش يا تبارك
الموت يمتد لينال من النوبه حتى في الخرطوم!
ربنا يرحمها ... ويقتص من قتلتها ...
بس "فقيدة الهامش" دي غامضة شوية ... أي زول من النوبة هامش؟
الهامش تحول من حالة اجتماعية/سياسية لإنتماء عرقي؟
بالأحرى ... أي نوباوي "هامش"؟
التعريف الجديد دا شنو؟ تبرير لمشروع الدولة العنصري؟ ولاّ تعريف صادر من ذهنية "الطيب مصطفى" المعششة في أمخاخ المناضلين؟
زولة من العاصمة وتنعم بالحقوق القانونية وتترشح في الإنتخابات وتموت بالرصاص في منطقة سكنية آمنة وليس في منطقة عمليات عسكرية ...
البيبقّيها "هامش" شنو؟ نظرتنا العنصرية انو النوبة مهما ناضلوا من أجل حياة كريمة حا يظلّوا "هامش" حتى لو ماتوا من أجل هذه الكرامة؟
طيب فرق كلامكم دا من رصاصة الملازم شنو؟ مواطنة بكامل الأهلية وحقوق المواطنة؛ وأول حق حق القصاص والعدالة ونسف فكرة التعامل العنصري على انها طارت السما أو نزلت الواطا حا تظل "هامش" ... ماتت تدافع عن حق الوقوف أمام بيتها والحديث مع أمها وأخوها كمواطن عادي (ما هامش) ... بعد اتكتلت جايين تسمّوها "هامش"؟
طيب ... إذا كنت انتي في كندا حاسبة روحك "هامش" ... الما "هامش" منو؟ (حتى لو تديني زول بالإسم)
... المهم .... |
بروفيس زين العابدين اعتقلوا في غرفة بها حمام!!
ناس جدو ديل لما يعتقلوهم مس بيكتوا بانه مافي حمام في الغرفه
بل بيدخلوا لهم انوب بلاسيت في قضيبهم!!يعني لو عايز تبول في روحك حتى ما تقدر تعملها؟!
الا تسحتي من سؤالي عن من هم هامش؟!
واصل خداع نفسك يا غالي.....كفايه نحن عارفين الهامش بتحسب كيف في عقول من بيدهم السلطه!
|
Post: #20
Title: Re: رساله من الزميل معاويه عبيد حول مقتل صفيه
Author: Asim Fageary
Date: 03-07-2012, 06:38 AM
Parent: #19
| Quote: ل بيدخلوا لهم انوب بلاسيت في قضيبهم!!يعني لو عايز تبول في روحك حتى ما تقدر تعملها؟! |
تراجي سلام حار يدفيك من برد المكان
يا تراجي والله شعرت جلدي إقشعرت
دا كلام شنو البخلوا الزول ينكمش دا
يعني إنتي لو إعتقلوك بهذه الطريقة لن تحسي بما نحس به نحن وبمجرد السماع
شفتي كيف
بعدين يا أخوانا مسألة الهامش نحنا متفقين معاكم فيها
لكن كمان ما ممكن زول يكون مستوطن في العاصمة ويكون هامش إلا يكون الهامش دا بتسحبوا مدى بعده من برلين أو أنتاريو أو ملبورن
والسودان دا بصراحة بفهم تاني كدا كمان - يا تبارك الكلام ليك - كله هامش
لكن يا تراجي وبشاشا حقو شوية تروقوا المنقة وتجيبوا تعريف للهامش نتفق عليهو
والكارثة الحاصلة دي حالياً لا بتعرف شمالي ولا جنوبي ولا شرقي ولا غربي بتعرف حاجة واحدة بس تكون مع الطقمة المتحكمة إنت في مأمن
تكون ضدها مهما تكون متفاني فأنت لن تكون في مأمن
|
Post: #21
Title: Re: رساله من الزميل معاويه عبيد حول مقتل صفيه
Author: منتصر الامين
Date: 03-07-2012, 07:33 AM
Parent: #19
لا حولا ولا قوة إلا بالله
لك الرحمة يا عوضيه
والخزي والعار لقتلتك
كتلوك الناس القصر
الناس المأفونين
الناس البالة مغطى
والساسة المبيوعين
كل يوم يضيف النظام مزيدا من الدماء
فهل ما زلنا نحتاج المزيد منها لنشعل الثوره؟؟؟
|
Post: #22
Title: Re: رساله من الزميل معاويه عبيد حول مقتل صفيه
Author: Bashasha
Date: 03-07-2012, 03:51 PM
Parent: #21
| Quote: لكن يا تراجي وبشاشا حقو شوية تروقوا المنقة وتجيبوا تعريف للهامش نتفق عليهو |
عاصم فقيري،
الموضوع ماعايز تعريف من اصلو.
ده سلخ بعوض او بس.
الشمال والشمالي هو المركز، او بقية السودان والسودانيين هامش او مهمشين.
ما مهم الشمالي كفرد مقيم وين في السودان او المهمش ساكن وين في الخرطوم.
الاساس هو الميلاد مش مكان الاقامة.
الشمالي بالميلاد او لانو فقط شمالي، فهو سيد بلد طوالي، اكرر بالميلاد، او غيرو وافد او اجنبي بغض النظر عن مكان اقامتو.
حتي لو جينا للاقامة، الديم تاريخيا، او ما تبعو من مفهوم "ديامي" التنميطي، لم يخرج عن السياق الابارثيدي العام، الذي جعل كرتون كسلا خاص حصرا بمهمشي الجلابة، كمثال.
فما فاهم انتو عايزين تصلو لي شنو، بي محاولات تطفيش الكورة هذه؟
الكارثة الحاصلة لاتختلف من الحصل والحاصل في بلدنا من نصف قرن.
لمصلحة من، محاولات تغبيش الرؤية هذه؟
هذا لايفيد او مكلف جدا، بل هذه الذهنية هي المسؤولة من ابادة قرابة ال3,000,000 سوداني.
مثل هذا التستر، يطيل امد الصراع بلا طائل.
التشخيص الصحيح هو نصف الطريق للعلاج!
اذن اسلوبك ده ياعاصم مدمر او مكلف جدا.
ده الوكت الانسب لتسمية الاشياء باسمائها، مهما كلف.
لانو يظل الارخص تكلفة مهما كلف والاعلي مردود والاسرع.
جربنا اسلوب النعامة او دفن الراس، فماذا كانت النتيجة؟
|
Post: #23
Title: Re: رساله من الزميل معاويه عبيد حول مقتل صفيه
Author: Asim Fageary
Date: 03-07-2012, 07:59 PM
Parent: #22
يا بشاشا تحايا ايها النوبي المهمش
رغم أنك سليل ملوك
يا بشاشا لو رجعت لآخر فقرة أنا كتبتها لوجدت أنني لخصت الموضوع بأن كل من يتبع للطقمة احاكمة ليس مهمشاً وكل من يعارضهم فهو مهمش
فما عارف وين تشتيت الكورة هنا
بالرغم من إعترافي أيضاً بإهمال الريف حتى في حكومات أخرى كانت تعتبر ديمقراطية أو ما شابه
ياخي أنا ما مختلف معاك ولا مختلف مع تراجي
لكن بس ما عاوز إستهلاك عبارة الهامش يكون بالطريقة دي
إنشاء الله تكون فهمتني
لك الود
|
Post: #24
Title: Re: رساله من الزميل معاويه عبيد حول مقتل صفيه
Author: تبارك شيخ الدين جبريل
Date: 03-08-2012, 01:14 AM
Parent: #23
يا بشاشا ... اول حاجة لو رايي مختلف عن رايك ما تنتقدني في شخصي ... ولا تفترض انك عندك مفاتيح نزعاتي النفسية والذهنية ..
اتعامل مع رايي بى موضوعية محدودة في حدود الرايي نفسو ...
الكلام بتاع انو "الجلابة" عنصر ... وأي عنصر آخر عبارة عن "هامش" ... دا كلام عنصري ليس إلاّ ...
والكلام العنصري لا يجلب سوي الفتن والمزيد من العنصرية ... Evil begets Evil ...
لو "عوضية" - الله يرحمها - هامش؛ طيب نحن اولاد الجلابة متورين نفسنا في شنو؟
الخطأ في البيفكر في انها "هامش" ... وأنها مستباحة ... وأن قتلها يمكن أن يمر هكذا دون أن يقيم الدنيا ولا يقعدها ...
بنات النوبة "الهامش" بيموتن بالمئات يومياً ... المرق ليهن مظاهرة منو؟
بت الديم يقيف معاها الديم كلو في نفس اليوم ... دي مساواة "السودان الجديد" الجايين انتو عشان تهدّوها بى عنصريتكم المضادة ...
انتو الحاجة الفيها خير وإيجابية للشعب السوداني بيعميكم عنها الحقد والكراهية ليه؟
أمر مغضب ومحزن أن تقتل شابة من الديم في باب منزلها ... ولكن ما يثلج الصدور وقوف الجيران وأهل الحي وكل المدينة موقف صارم من هذا الإعتداء القبيح ... كم سودانية قتلت واستبيحت في الهامش ولم تهز شعرة في المجتمع لأنها من "هامش" المجتمع؟ انتو بتحسبوا كيف؟
... المهم ....
|
|