يا خبراء الفوتوشوب وغيرهم .. أفتونا في صورة وردي هذه هل هي مفتشبة؟

Quote:

الصورة التي أوردها زميل المنبر عبد الله عثمان في هذا الموضوع:
الأستاذ محمود محمد طه: صورة نادرة لوردي أصر على أن تكون بجوار الأستاذ

ملاحظة: أنا لم أنف أن يكون وردي قد تصور مع صورة لمحمود محمد طه
فقد تكون هنالك صور أخرى حقيقية - هذا ليس موضوعنا

ولكن موضوعنا هو هذه الصورة أعلاه وهل هي حقيقية أم مفبركة؟؟
في ظني أنه لا يمكن أن تكون يد وردي اليمين وكتفه بهذه الصورة في الطبيعة
مافي زول في (الحقيقة) بتكون يدو مشرشرة كده
وظاهر القص في نهاية كم التي شيرت مع اليد!!

ولو ما أخاف الكضب كنت قلت الراس ذاتو وباقي الجسم كل فردة من بلد
غايتو في انتظار الخبراء رغم إني متأكد المسألة ما محتاجة خبير

اللهم ارحم موتانا وموتى المسلمين

الوهابي محمد جلال عبد الله

تحياتي الطيبة


انت اذا الصورة صحيحة ام غيرها هل منهاج الوهابية تغير واصبح يعتمد الصور ؟؟؟



هذا تقدم اولا في المفاهيم لان المعروف عن الوهابية العداء للحياة والعداء للعقل

وثقافة التحريم والتكفير المتفشيه عنهم


اعتقد ان هذا المنبر يشرح رؤي جديدة للوهابية او ما تسمي انصار السنة


لك التحية والاجلا ل واتمني الاجابة حفظك الله

الأخ محمد جلال..

رجائي أن تعرض عن هذا.. فأنت هنا تتحدث عن مصداقية شخص لا تعرفه. فالأخ والصديق الأستاذ الدكتور عبدالله عثمان خير ممن يؤمنوا على الروح قبل الجسد أو المال. صديقنا البروف هذا عالم قدم للإنسانية ما نعجر جميعنا عن مضاهاته.. بل نعجز جميعنا عن أن نسطر له أسمى أيات الشكر والعرفان. هو كنز من العلم والثقافة واللطافة وعاشق للفن والفنون.

ومن المؤكد أنك لا تعرف دواخل الاستاذ وردي، الذي أعرفه، وقد تجهل تقديره لفضيلة العالم الإنساني الجليل الأستاذ محمود محمد طه، والذي أخط لك كلماتي هذة وأنا اتطلع لصورته الضخمة التي تزين لي موضعي المتواضع هذا. هو من الأحباب الذين حببهم الله لي ومعه شيخنا البرعي، الشريف صديق الهندي، الشريف محمد الأمين الخاتم، الخليفة يوسف ود بدر، وآخرين حباهم الله وإختصهم بفضله، ممن عرفتهم عن قرب ونعمت بصحبتهم.

رحم الله عالمنا الفذ الأستاذ محمود محمد طه وغفر له.. ورحم الله فرعوننا الكوشي الأستاذ محمد وردي ورزقهما وكل شيوخنا الأفاضل أحباب الله، فسيح جناته. ويبقى إرثهم وفكرهم وعطائهم الذي تركوه لنا خير تذكار يخلدوا به أبد الدهر.


وحفظ الله لنا جميعاً، وللإنسانية ولطلابه، سعادة الأستاذ الدكتور الفاضل عبدالله عثمان، وأبقاه.

الأخ محمد ياسين .. تحية طيبة
قد يكون عبد الله عثمان عدل الصورة لحذف شخص لا يرغب بظهوره
كما تفضل بعض الاخوة بذلك في البوست المعني
ولكنه لم يوضح هذا الامر وتركنا نهبا للشك
وكان الارلى بدكتور محترم في جامعة غربية
ان يعتمد مبدأ الشفافية

ما كان يهمني وقد ثبت هو:
ان الصورة قد دخلها فوتوشوب

تحية طيبة

نعم الصورة معدلة ، و لكن ليست مفبركة !

الشخصية الممسوحة من الصورة لم تؤثر على واقع صورة وردى مع محمود محمد طه

لو كان الاستاذ عبدالله ذكر هذا الامر لجنب الناس الخوض فى نقاش عن مصداقيته

هو فى غنى عنه، و هو الرجل الهميم بالتوثيق

الصورتين ادناه من نفس البوست و يدو جليا التعديل فى الصورة الاولى و ان

هناك شخص تم حذفه و الغالب الاعم ان المحذوفة (انثى)





الأستاذ محمود محمد طه: صورة نادرة لوردي أصر على أن تكون بجوار الأستاذ

طبعا شهادتي مجروحه جداً في عبدالله عثمان... اخوي جمهوري وطبيعي احامي ليه...

لكن اتمنى انه مصداقتي يكون ليها اثر

انا شفته الصورة الاصلية... وعارفه انه الواقف جنب وردي(رحمة الله علي)، سيدة.. والسيدة دي انا بعرفها معرفة شخصية... ده رقم واحد
رقم اتنين.. السيدة الفاضلة جداً دي، وزوجها اصدقاء لوردي.. وفي يوم كنت حزينة ومتكدره ومدبرسه.. اخدوني من بيتنا.. وقالوا لي سايقنك غدا برا... مشينا بيت بسيط... فتح لينا الباب وردي .. واكلنا معاهم قراصة بي ملاح بامية...
يعني ما بستغرب الصورة دي ابدا... وما بستغرب انه عبدالله أزال صورة عزيزتنا منها..


وشكرا

محمد جلال سلامات
الغلو ماسمح
والتشكيك في نوايا الناس ماسمح
وحاول تدي الناس اولا البينيفت أوف داوت
ووالله مامصدقة إنه أساسا الموضوع إتناقش في نفس البوست وأبت نفسك الا أن تفرد له خيط كي لا تضيع شكوكك وسط المداخلات

1) إزالة صورة شخص من صورة، لا يجعل كامل الصورة مفبركة أو مزوّرة.

2) ما المستفاد/ المراد الوصول إليه من كل هذا؟

محمد جلال
الأمر لايحتاج لخبير فوتوشوب
كل ذي عين فاحصه أو حتى ربع فاحصه سيكتشف فتشبة الصورة
التزوير واضح وباين وبالإمر إرتزاق رخيص بالقامة وردي رحمة الله

مؤونة عام من الود

محمد فرح ..عمري ما إتكلمت معاك ولا خاطبنك ولا كنت ناوية
لكن أسمحي لي أقول ليك إنت مثير للغثيان
ياخ الصورة لعبو فيها لاخفاء شخصية سيدة محترمة ماعاوزين ينزلوها هنا عشان يجي واحد زيك يقول ليها زي تعليقك القلتو قبل كدا وسحبو ليك باصوردك عشانو
اها وقع ليك؟؟؟؟؟





________________
أها انا الليلة البوست دا حا أتابع فيهو البروتكول بتاع سودانيز
إنت شفت زول من جماعتك غلط بدل ماتقول ليهو غلطت ولا حتى تسكت تجي وتشتم معاهو بالباطل والكذب والتلفق
إيه الجابركم ياعالم؟؟؟؟؟

الأخ محمد فرح والأخت راوية
أرجو ألا تتعاركا في غير معترك
البوست حقق الغرض منه وهو إثبات أن هنالك فوتوشوب بالصورة
فل استوب!!

أما فوتوشوب بحسن نية أو بسوء نية أو هدفه
فهذا ما كان يجب على عبد الله عثمان تجنيبنا إياه
عندما نبهناه أنا وهاشم نوريت إلى ذلك في بوسته المعني
ولكنه أبى واستكبر وتجاهل كلامنا بل رمانا نحن بالكذب
فلجأت لفتح هذا البوست

Quote: التزوير واضح وباين وبالإمر إرتزاق رخيص بالقامة وردي رحمة الله

الارتزاق فالكم وشغلت كباركم ...
ومال العملوهو ناسك لمن دفنوا القامة دي الفجر وصلي عليه القتله واللصوص أسمه شنو????
لعلمك القامة وردي واي سوداني شريف يتشرف بدكتورة أسماء..
أمشي شوف ليك حاجة بتفهم فيها أفتي فيها كان ملابس داخلية ولا حوافز عشان أنت بعيد جدا عن القامات الحقيقية..

Quote: محمد جلال الأمر لايحتاج لخبير فوتوشوب كل ذي عين فاحصه أو حتى ربع فاحصه سيكتشف فتشبة الصورة التزوير واضح وباين وبالإمر إرتزاق رخيص بالقامة وردي رحمة الله مؤونة عام من الود

ابو الزفت!!















-------

سؤال يا اخوانا ..

في زول فيكم عاوز شئ من [مؤونة عام من الود]
ول اقوم بيها براي .. و معاها واحدة تانية من (الود القديم) .. ؤوردي ذاتو

يازول جيت طاير جوز من وين انت!؟
كدي اقرأ البوست دا قبل ما تساهم في عمياني سااااي!
وبضاعتكم ردت اليكم في مسماها .. شيل ودك معاك
انت خليت فيها ود تاني نان بعد القلتو دا!؟

Quote: الأخ محمد فرح والأخت راوية أرجو ألا تتعاركا في غير معترك البوست حقق الغرض منه وهو إثبات أن هنالك فوتوشوب بالصورة فل استوب!!

إنت الله ماليك؟؟؟؟؟؟؟
معترك شنو وأدى غرضو وين؟
مازال الليل طفلا يحبو
مالي غرض بمحمد فرح لكن أنا ها أحدد البوست دا وأوصلو نهايتو وأشوف هل إحنا مابنفهم ولا إنت عبقري؟
بس هسة مافاضية



_________
ما أظنك بتعرفني لما ألم لي في زول في البورد دا؟
غايتو لي هسة ريحتهم طير طير

Quote: إنت الله ماليك؟؟؟؟؟؟؟ معترك شنو وأدى غرضو وين؟ مازال الليل طفلا يحبو مالي غرض بمحمد فرح لكن أنا ها أحدد البوست دا وأوصلو نهايتو وأشوف هل إحنا مابنفهم ولا إنت عبقري؟ بس هسة مافاضية

لا والله .. الله لي بإذن الله وهو مولاي ونعم المولى ونعم النصير
وبعدين شنو من شكلة محمد فرح جاية ناطة تشاكليني انا طوالي
الظاهر ما صدقتي لقيتي ليك موضوع من مافي

البوست ده ما بخصك لا من قريب ولا من بعيد
البوست ده بيني وبين عبد الله عثمان
وماتجي تقولي لي الشخصية الاخفيت في الصورة
دي بت عم حبوبة خالة عم صاحبتي
دي شخصية في علم الغيب لا اعرفها حتى الآن ولا يهمني معرفتها
وعبد الله عثمان مفروض كان يوضح النقطة دي في البوست المعني

Quote: غايتو لي هسة ريحتهم طير طير

والله الكلام ده لي هسي في البورد ده ما سمعت راجل قالو
ناهيك عن امرأة!! سبحان الله غايتو
في النهاية أنا لن أتلاغى ولن أتلاسن معك
لأنو من الواضح النتيجة محسومة من هسي #____#

Quote: والله الكلام ده لي هسي في البورد ده ما سمعت راجل قالو ناهيك عن امرأة!! سبحان الله غايتو في النهاية أنا لن أتلاغى ولن أتلاسن معك لأنو من الواضح النتيجة محسومة من هسي #____#

آها جينا للاسطوانه إياها
أها النكلمك أنا شايفة روحي عندي حق التعبير عن نفسي وبالاسلوب الملائم لثقافتي زي زي الراجل ويمكن أكتر
الكلام مالو ؟ ومخيرين الرجال لو مابيقولوهو لكن ما حصل وعلى حسب حصيلتي المعرفية من الثقافة السودانية إنه خارج
وكمان ماقلت ليك إني مابخاف!!!
مابخاف من راجل يجي يحجمني ويقول لي يامرة إنقهري وماتقولي كلام الرجال
وكلامك دا أنا عارفاك عاوز تهرب بيهو من البوست
لكن هيهات.... أوعى تجي تقول لي مابقولوها الرجال كمان وكلمة خارجة
والبوست أنا مامديت إيدي ونشلتو من جيبك
لقيتو قـــــاعد في (الصقيعة) - ماتجي تقول لي كلمة خارجة-
ولقيتو في البورد ومتاح للغاشي والماشي
وإتبنيتو وعملتو حقي من هسة
ومن دون الجمهوريين حول العالم دكتور عثمان دا مابعرفو
وياريت لو كنت بعرف دكتورة أسماء العرفة البتخليني أدافع عنها
لكن إحنا ناس إختصهم الله بالوقوف في وجه الظلم ورده
وتمكين الحقيقة ....شفت كيف

Quote: لا والله .. الله لي بإذن الله وهو مولاي ونعم المولى ونعم النصير وبعدين شنو من شكلة محمد فرح جاية ناطة تشاكليني انا طوالي الظاهر ما صدقتي لقيتي ليك موضوع من مافي البوست ده ما بخصك لا من قريب ولا من بعيد البوست ده بيني وبين عبد الله عثمان وماتجي تقولي لي الشخصية الاخفيت في الصورة دي بت عم حبوبة خالة عم صاحبتي دي شخصية في علم الغيب لا اعرفها حتى الآن ولا يهمني معرفتها وعبد الله عثمان مفروض كان يوضح النقطة دي في البوست المعني

جاية ناطة ومن شكلة وماصدقت ولقيت موضوع
والبوست مابيخصني وداخلة بين البصلة وقشرتها
والصورة صورة بت حبوبة جيرانا وعبدالله ابى مايوضح
عليك الله دا كلام؟
بالمناسبة 90% من بوستات البورد ماقاعدة أفتحها
لكن الصدفة يومداك خلتني افتح بوست ليك بعنوان مثير
ولقيتك زول (كوبار) اي والله كوبار
وكوبار هذه ليست بكلمة خارحة ولا حكرا على الرجال فقط ولم يصرح بها للنساء بعد
كوبار دي يعني بتزيد البهارات من أجل الاثارة والاثارة فقط
دون النظر ولا مراعاة الحقيقة والاصل فيما تاتي به
شفت كيف؟

أيوا أديلو يا راوية

______________________________

الزول دا داير يقول ليكم مافي علاقة بين وردي و الأستاذ


بس بلعتو بوستو
و راوية دخلت يدها في بطنو و طلعتو تاني
و مش كدا وبس
قالت البوست هولي

أها في رجالة أكتر من كدا

Quote: يا خبراء الفوتوشوب وغيرهم .. أفتونا في صورة وردي هذه هل هي مفتشبة؟

نعم .. معالجة ببرنامج لمعالجة الصور لا نستطيع أن نجزم أنه الفتو شوب
الغرض من المعالجة غير معلوم على وجه الدقة لكنه فتح أفقا للتكهن..

وتبقى هناك علامات إستفهام نأمل أن يجليها صاحب الصورة بمنتهى الهدوء
ودون تخوين من جانبنا ..

مع الود






.

لا حولاا ولا قوة إلا بالله

يا جماعة الخير كدي اهدوا

زول بيمارس في هوايتو وكاتبها ليكم في البروفايل بتاعوا، تقوموا تجوا براكم وتقعوا في "الكمين بتاعو"، هوي يا ناس إنتو ما عندكم روسين.

الزول دا كاتب في بروفايلو إنو هوايتو

Quote: الهترشة والخزعبلة + نصب الكماين

فخلوا الزول يهترش ويكتب في خزعبلاتو وينصب في كماينو، وعبدالله عثمان ابى ما يقع في الكمين وخلا الزول يهترش ومن كترت الهترشة جا فتح ليهو بوست تاني.

غايتو يا ناس سودانيز شكيتكم على الله

زول يمارس هوايتو ما تخلو
زول يكتب رواية ما تخلو
زول ينسي يجيب المصدر ما تخلو


وسلام للناس الفوق

مريم بت الحسين وراوية وعفراء واب الريش والعزائم وود يس وحبيبنا قيقا وكل من فاتنى ذكره.

ويا سيد البوست

واصل هترشتك وانشر في خزعبلاتك وانصب كماينك ولا يهمك، دا منبر من لا منبر له بس اختا صاح (المؤونة) بيوديك الخور والله صحي

عم كوستاوي .. حتى أنت يا كرمبا ^__^
انت الكبير والعاقل ياخ ..

Quote: و مش كدا وبس قالت البوست هولي أها في رجالة أكتر من كدا

أها والله كان دي الرجالة كدي
يبقى (الرجالة طارت) .. والله صحي

Quote: نعم .. معالجة ببرنامج لمعالجة الصور لا نستطيع أن نجزم أنه الفتو شوب الغرض من المعالجة غير معلوم على وجه الدقة لكنه فتح أفقا للتكهن..

قلت الحق يا أخ صلاح شكوكو
وده الكلام القلناهو فوق
لكن بعض الناس ما صدق لقى ليهو موضوع
شكرا على شهادتك بالحق

Quote: نعم .. معالجة ببرنامج لمعالجة الصور لا نستطيع أن نجزم أنه الفتو شوب الغرض من المعالجة غير معلوم على وجه الدقة لكنه فتح أفقا للتكهن.. وتبقى هناك علامات إستفهام نأمل أن يجليها صاحب الصورة بمنتهى الهدوء ودون تخوين من جانبنا ..

تمت الإجابة عن كل التساؤلات في البوست الأصلي، ولم يكن أصلاً هناك داعي لفتح هذا البوست.

أعود وأسأل: ما المستفاد من كل هذا ..... وألى ماذا سنصل، سواء كانت الصورة مزورة أم غير ذلك؟

Quote: الهترشة والخزعبلة + نصب الكماين

"لو قالوا ليك أوصف جمالك تفتكر تقدر تقول الحقيقة؟ .."

Quote: ويا سيد البوست واصل هترشتك وانشر في خزعبلاتك وانصب كماينك ولا يهمك، دا منبر من لا منبر له بس اختا صاح (المؤونة) بيوديك الخور والله صحي

الصادق بتقول كلام زي الفل
إنت الوحيد الفاهمني ^________^

محمد أبو العزائم أبو الريش
الغرض من فتح البوست هو ما ذكرته أنا أعلاه

Quote: أما فوتوشوب بحسن نية أو بسوء نية أو هدفه فهذا ما كان يجب على عبد الله عثمان تجنيبنا إياه عندما نبهناه أنا وهاشم نوريت إلى ذلك في بوسته المعني ولكنه أبى واستكبر وتجاهل كلامنا بل رمانا نحن بالكذب فلجأت لفتح هذا البوست

وأما قولك:

Quote: تمت الإجابة عن كل التساؤلات في البوست الأصلي،

فهذه الإجابات تمت بعد فتح هذا البوست
وقد قلت ما مفاده:

Quote: ما كان يهمني وقد ثبت هو: ان الصورة قد دخلها فوتوشوب

وكان يمكن للبوست أن يمضي في مساره الطبيعي كغيره
ولكن يبدو أن البعض يهوى الصيد في المياه العكرة

أما إذا كنت تلمح لأن أقوم بسحب البوست
فلن أقوم بذلك وليس لدي ما أخجل منه
خاصة وقد توعدني بعضهم بحرب شعواء .. النشوف آخرها

حكمة اليوم:
البعض يصطاد في المياه العكرة
والبعض يعكر المياه ليتسنى له الصيد فيها

نصر الدين عثمان

Quote: "لو قالوا ليك أوصف جمالك تفتكر تقدر تقول الحقيقة؟ .."

ضحكت في كلامك مع إني ما فهمته
لكن افترضت فيهو حسن النية

Quote: ضحكت في كلامك مع إني ما فهمتهلكن افترضت فيهو حسن النية

يا دووب الموضوع وقع لينا، إذاً فتح البوست الجديد من الأساس هو عدم الفهم، أنا كنت قايل الموضوع حاجة تانية

شكراً للتوضيح


مثل سوداني:

عدم الفهم بيؤدي لعدم الفهم