إقتراح لجهاز الامن والمخابرات بشأن إيقاف الصحف ومصادرتها!!!!!!

أولا مبروك عودة صحيفة التيار للصدور
واقترح لجهاز الامن بدل مصادرة الصحف
وايقافها احيانا الى اجل غير مسمى
أقترح بان يتم حجز الصحيفة لثلاثة الى اربع ساعات
لحدي ما موعد ذهاب الصحف الى التوزيع في المكتبات
وتفكوها ليهم بعد داك
سنجد ان الصحيفة ستفقد معناها ومضمونها
وبالتالي حتخسر عائد التوزيع
والعائد دا طبعا محسوب معاه الاعلانات اللي في الجريدة
ومع تكرار هذه الواقعة اربع خمس مرات
وبكدا اصحاب الصحف سيفكروا الف مرة
قبل الاقدام على نشر اي مادة تراها السلطات الامنية فيها مساس بالامن القومي والوطني
او تلك التي فيها تعدي على الخطوط الحمراء المرسومة

في تقديري ذلك افضل بدل ما نجيب النقة للحكومة
وندي الفرصة للمعارضين عشان يلقوا ليهم جنازة يشبعوا فيها لطم وسانحة للنيل من الحكومة
والتشكيك في الحريات اللي مانحاها الحكومة


خباثة مووووش !!!!!!!!

Quote: خباثة مووووش

شديد ! انتو بتجيو الافكار دى من وين !

Quote: أولا مبروك عودة صحيفة التيار للصدور واقترح لجهاز الامن بدل مصادرة الصحف وايقافها احيانا الى اجل غير مسمى أقترح بان يتم حجز الصحيفة لثلاثة الى اربع ساعات لحدي ما موعد ذهاب الصحف الى التوزيع في المكتبات وتفكوها ليهم بعد داك سنجد ان الصحيفة ستفقد معناها ومضمونها وبالتالي حتخسر عائد التوزيع والعائد دا طبعا محسوب معاه الاعلانات اللي في الجريدة ومع تكرار هذه الواقعة اربع خمس مرات وبكدا اصحاب الصحف سيفكروا الف مرة قبل الاقدام على نشر اي مادة تراها السلطات الامنية فيها مساس بالامن القومي والوطني او تلك التي فيها تعدي على الخطوط الحمراء المرسومة في تقديري ذلك افضل بدل ما نجيب النقة للحكومة وندي الفرصة للمعارضين عشان يلقوا ليهم جنازة يشبعوا فيها لطم وسانحة للنيل من الحكومة والتشكيك في الحريات اللي مانحاها الحكومة خباثة مووووش !!!!!!!!

نصيحة مقدرة جداً لخدمة الحريات .........ولكن اسألك سؤال يااخت ميادة هو انت النصائح الرهيبة دي بسديها خدمة للصحف ، ام لجهاز الامن والمخابرات ، بعدين ياميادة مش كان جهاز الامن والمخابرات يقوم يتقدم للقضاء بشكواه ، كان النصيحة تكون كالاتي ............علي جهاز الامن والمخابرات تعين قاضي خاص وعمل محكمة طواري مدتها خمس دقائق ، تصدر هذه المحكمة قرارها بايقاف الصحيفة حسب رغبة جهاز الامن والخابرات؟ مش كان علي الاقل اكثر وجاهة من نصيحتك هذه؟ اتمني ان يتم قبول تعديل نصيحتك هذه
ولك مني وافر التقدير

Quote: أقترح بان يتم حجز الصحيفة لثلاثة الى اربع ساعات لحدي ما موعد ذهاب الصحف الى التوزيع في المكتبات وتفكوها ليهم بعد داك سنجد ان الصحيفة ستفقد معناها ومضمونها وبالتالي حتخسر عائد التوزيع

إن الأذية من طباع العقرب

Quote: وبكدا اصحاب الصحف سيفكروا الف مرة قبل الاقدام على نشر اي مادة تراها السلطات الامنية فيها مساس بالامن القومي والوطني او تلك التي فيها تعدي على الخطوط الحمراء المرسومة في تقديري ذلك افضل بدل ما نجيب النقة للحكومة وندي الفرصة للمعارضين عشان يلقوا ليهم جنازة يشبعوا فيها لطم وسانحة للنيل من الحكومة والتشكيك في الحريات اللي مانحاها الحكومة خباثة مووووش !!!!!!!!

فرقت شنو؟
ما ياها زاتها الجنازة الراجيينها المعارضين زي ما بتقولي.

_____
إقتراح تاني وصليهو معاكي:
يختو في كل كشك جرايد بتاع أمن، وفي إيدو سوط زي بتاع قدو قدو.
أي مواطن يشتري جريدة مغضوب عليها ..... يديهو محطة بالسوط.

كده ما حيكون في أي تشكيك في الحريات المانحاها الحكومة.

Quote: انتو بتجيو الافكار دى من وين !

اذا المثل او المقولة بتقول (لايفل الحديد الا الحديد)
فأنا اقول
لا يفل خبث المعارضة الا خبث مثله من جانبنا

ما خباثه يا ميادة دي ساذجه فلو جهاز الأمن عمل بفكرتك دي كدا كل الحيحصل معظم قراء الصحف تاني حيستنو الجريده المتأخره لانو فيها الزيت كلو والجرايد حتجتهد تنزل الكلام البخلي جهاز الأمن يأخره عشان تضمن توزيع أكتر







يااارب أدينا جهاز أمن بفكر زي ميادة

Quote: يااارب أدينا جهاز أمن بفكر زي ميادة

كاااااااااااااااااااااااااااك

أوسكار

Quote: فلو جهاز الأمن عمل بفكرتك دي كدا كل الحيحصل معظم قراء الصحف تاني حيستنو الجريده المتأخره لانو فيها الزيت كلو والجرايد حتجتهد تنزل الكلام البخلي جهاز الأمن يأخره عشان تضمن توزيع أكتر

ليس بالضرورة
يعني ممكن يحصل العكس

الاخت ميادة سلام

الإقتراح الاحسن من كدة إنو الحكومة وجهاز الأمن طالما قادرين يوقفوا
صحيفة كل فترة والمسالة مزعجاكم جداً وعايزين تشوفوا ليها حل يقوموا
يوقفوا الصحف كلها وكفى الله المؤمنين شر القتال وتكونوا أنت مرتاحين من القصة
دي والشعب الفضل ده مايقرا صحف خالص . يعني هي جات من الصحف. ولو مضطرين شديد
خلوا أحمد البلال يصدر ليهو جريدتين ثاني واحدة سياسية تتبع للمؤتمر الوطني واحد رياضية برضو
تتبع للمؤتمر الوطني وواحدة اجتماعية برضوا تتبع للمؤتمر الوطني مش انت الفي إيدكم القلم أكتبوا
البريحكم ياخ ،،،،،

Quote: خلوا أحمد البلال يصدر ليهو جريدتين ثاني واحدة سياسية تتبع للمؤتمر الوطني واحد رياضية برضو تتبع للمؤتمر الوطني وواحدة اجتماعية برضوا تتبع للمؤتمر الوطني مش انت الفي إيدكم القلم أكتبوا البريحكم ياخ ،،،،،

تصدق الجرائد اللي ذي اخبار اليوم والرائد والرأي العام
دي ما جرائدي ولا مقروءة لدي
اخبار اليوم نهاااااااائي ما بقراها
الرائد بقرأ فيها عمود راشد عبد الرحيم وعبد الماجد عبد القادر
الرأي العام: بقرأ فيها عمود الفاتح جبرا فقط

أما جرائدي اللي ببدا بيها يوم
التيار رقم واحد
السوداني
الصحافة
اخر لحظة
الاحداث
الايام بقرأ فيها عمود استاذنا محجوب محمد صالح وكلمة العدد فقط

وأيم الله يا ميادة تخرح من عقلي فكرة كهذي، لما حمدت الله على نعمة العقل، ولألبست عقلي سروالاً يستر عورته..

Quote: وأيم الله يا ميادة تخرح من عقلي فكرة كهذي، لما حمدت الله على نعمة العقل، ولألبست عقلي سروالاً يستر عورته..

بس أنا ما زيك
وما بعتقد انو تفكيري ممكن يكون في يوم من الايام ذي تفكير سيادتك

ميادة
انتي البلد دي ماشة أم فكو ؟
مافيها قانون؟
ماشة بالاقتراحات؟
----------------------------------------
اللهم لا اعتراض على حكمك ...
يا ربي السودانيين ديل عملوا شنو في دنيتم؟

ميادة ...سلامات ومشتاقين والله ...



انا اقترح تقترحي على جهاز الامن وجهاز الدولة وجهاز المغتربين وجهاز من لا جهاز له انهم يفصلوا شرق السودان عن باقي السودان الفضل تقترحوا على راحتكم ..تهدوا وتبنوا على كيفكم تفصلوا وتوحدوا بعيد عننا...توقفوا الصحف تقلبوها جرايد حايطيةاو تشغلوها ايميلات المهم نحن نتفك منكم ...

كلو كلو مامناسبننا ...عذبتونا ياخلفاء الله ...



ــــــــــــــــــــــــــــــ
جيت السودان وكنت حريص اقابلك لكن قالوا لي الزول دي تسلمك جهاز الامن وتجيب بوستات المريخ كلها - باعتبار محمد عطا هلالابي - فعملت زغبير وطلعت من بيت ناس السيد بالبياره ..



تحياتي ،،

فيها تعدي على الخطوط الحمراء المرسومة
------------------------------------------
ومن الذي رسم هذه الخطوط الحمراء ؟
عجبي أن يكون السفيه وصيا ... كوز يسرق ويختلس ويقتل ويرتكب من الكبائر ما يعجز عنه ابليس وأمام مراى ومسمع الشهود وعلى الهواء الطلق ويحاول عبثا تكفيف افواه واقلام الشهود ؟؟؟
تحياتي ياميادة .. فكرة ممتازة جدا .. عليكم بالتنفيذ
الشفيع

جهاز الأمن لا علاقة له بالصحافة

وليس مسئولا عنها

الصحافة السلطة الرابعة ولها دور هام في مراقبة السلطات الأخرى

التنفيذيه والتشريعية وحتى القضائية

رعاية لمصالح المواطنين

تتميز الصحافة بقربها من الجماهير وقدرتها على تسليط الضوء على ما يهمهم

وإن أهملته السلطات الأخرى

الحقيقة في النظام الديمقراطي دور الصحافة يأتي في المقدمة

فكل موضوع يقتل نقاشا وحوارا - مع وضد - في الصحافة ومنظمات المجتمع المدني

ثم ينتهي إلى البرلمان ليصدر كتشريع تنفذه الحكومة ويفصل في نزاعاته القضاء


فالصحافة عصب الديمقراطية من قبل ومن بعد


من يتضرر من الصحافة - بما في ذلك الحكومة - فأمامه القضاء العادي

إذا أقنعه بأنه تعرض لكذب ضار أو إشانة سمعة أو نشر كراهية أو ما ماثلها من الجرائم

فالأمر للقضاء لوقف الخطأ وتعويض المتضرر


الأمن دوره حماية المجتمع من التجسس الخارجي

وهو دور كبير

أما التحري في الجرائم داخل البلد فمن عمل مباحث الشرطة

ليس دور الأمن أن يحكم البلد

وبالتأكيد ليس عصابة لتقوم للحكومة بأعمالها القذرة

وأخيرا .. الأمن ليس جهازا في يد الحزب الحاكم وضد المعارضة


الأخت ميادة .. ومن تفكرين لهم - باعتبارك من حملة الشهادات العليا -

ليس الأمن وصيا على الصحافة ولا على المواطنين

وواجبه حماية الوطن حكومة ومعارضة وليس عكازا في يد الحكومة


الباقر موسى

جهاز الأمن لا علاقة له بالصحافة

وليس مسئولا عنها

الصحافة السلطة الرابعة ولها دور هام في مراقبة السلطات الأخرى

التنفيذيه والتشريعية وحتى القضائية

رعاية لمصالح المواطنين

تتميز الصحافة بقربها من الجماهير وقدرتها على تسليط الضوء على ما يهمهم

وإن أهملته السلطات الأخرى

الحقيقة في النظام الديمقراطي دور الصحافة يأتي في المقدمة

فكل موضوع يقتل نقاشا وحوارا - مع وضد - في الصحافة ومنظمات المجتمع المدني

ثم ينتهي إلى البرلمان ليصدر كتشريع تنفذه الحكومة ويفصل في نزاعاته القضاء


فالصحافة عصب الديمقراطية من قبل ومن بعد


من يتضرر من الصحافة - بما في ذلك الحكومة - فأمامه القضاء العادي

إذا أقنعه بأنه تعرض لكذب ضار أو إشانة سمعة أو نشر كراهية أو ما ماثلها من الجرائم

فالأمر للقضاء لوقف الخطأ وتعويض المتضرر


الأمن دوره حماية المجتمع من التجسس الخارجي

وهو دور كبير

أما التحري في الجرائم داخل البلد فمن عمل مباحث الشرطة

ليس دور الأمن أن يحكم البلد

وبالتأكيد ليس عصابة لتقوم للحكومة بأعمالها القذرة

وأخيرا .. الأمن ليس جهازا في يد الحزب الحاكم وضد المعارضة


الأخت ميادة .. ومن تفكرين لهم - باعتبارك من حملة الشهادات العليا -

ليس الأمن وصيا على الصحافة ولا على المواطنين

وواجبه حماية الوطن حكومة ومعارضة وليس عكازا في يد الحكومة

لتبطش به بخصومها


الباقر موسى

أهلييييييييييين يا فايز يا وغد
وانا كمان مشتاقة ليكم بالاكتر طبعا
تصدق الصباح قاعدة اتذكر فيك انت وعبد المجيد الكونت (عبد المجيد من رشة تيسير عووضة ليه تاني ما ظهر البورد......... لووووول عجبني ليه لكين ههههه)
وما عارفه العلاقة بينك الاتنين شنو جيتو على بالي مع بعض

Quote: جيت السودان وكنت حريص اقابلك

قال حريص قال
لو كنت حريص كان على الاقل ضربت تلفون
ونحن جينا لحدي عندك
بس الفيك اتعرفت

Quote: نا اقترح تقترحي على جهاز الامن وجهاز الدولة وجهاز المغتربين وجهاز من لا جهاز له انهم يفصلوا شرق السودان عن باقي السودان الفضل تقترحوا على راحتكم ..تهدوا وتبنوا على كيفكم تفصلوا وتوحدوا بعيد عننا...توقفوا الصحف تقلبوها جرايد حايطيةاو تشغلوها ايميلات المهم نحن نتفك منكم ...

إنفصال الشرق دا خيارك انت براك ولا خيار اهل الشرق كلهم
ورغم امانيك بالانفصال يا فايز لكن لا اعتقد انو في سبب يدعو اهل الشرق للانفصال
ياخ التنمية اللي اتعملت في ولايات الشرق الثلاث كفاية انها ما اتعملت في عهد حكومة اخرى قبل الانقاذ (طبعاً)
ومكابر من يقول غير ذلك
واتمنى تكون وقفت على الفرق بين اسع وزمان بنفسك
في زيارتك الاخيرة للسودان
بس ما تقول ما مشيتك اهلك بي غادي!!!!!!!!!!!!!!!




ـــــــــــــــــــــــــــــــــ
تاني بقول ليك الفيك اتعرفت يا فايز يا ود القاضي

دعاألأخ مرتضى

Quote: ياارب أدينا جهاز أمن بفكر زي ميادة

اللهم آمين .

الكوزة ميادة كمال.

أنتي متين حتتطوري وتبتدي تفهمي أنو مفروض تكون هنالك قوانين للحريات والديمقراطيات ومن بيها حرية الصحافة؟
ليه أنتي بتفكري في دائما في كيفية قمع الناس وحجر الحريات؟

Quote: والتشكيك في الحريات اللي مانحاها الحكومة

هى منحة يعنى ؟ وانا الزمن ده كله مفتكرها حقوق!

هم برضو عارفين كده زى ما انتى عارفة!

Quote: الكوزة ميادة كمال. أنتي متين حتتطوري وتبتدي تفهمي أنو مفروض تكون هنالك قوانين للحريات والديمقراطيات ومن بيها حرية الصحافة؟ ليه أنتي بتفكري في دائما في كيفية قمع الناس وحجر الحريات؟

دينق
الكوزة ميادة كمال
هي برتبة ملازم أول في الامن الوطني
بافكارها الخبيثة تريد ان تجعل من الشعب اكثر فقرا وجهلاً
ولكن نسأل الله ورب العرش العظيم اذا كانت دا فكرتها
ربنا يحرق لها كل ما تمتلكها في مركزها
حتى تعرف قدرة الله
نسألكم جميعا ان تدعو لهذه الحاقدة بالدمار والهلاك وان قوة جهاز الامن والمخابرات ليست اقوى من قوة الله
وتعلم جيدا ان الله قوي وعادل
اللهم دمر مركز ميادة

Quote: هي برتبة ملازم أول في الامن الوطني

قمنا على العبااااااطة يا ذو الكف ولا يد ما بعرف
عندك دليل اني انا ملازم أول في الامن الوطني الشووووية دي

Quote: ولكن نسأل الله ورب العرش العظيم اذا كانت دا فكرتها ربنا يحرق لها كل ما تمتلكها في مركزها حتى تعرف قدرة الله نسألكم جميعا ان تدعو لهذه الحاقدة بالدمار والهلاك وان قوة جهاز الامن والمخابرات ليست اقوى من قوة الله وتعلم جيدا ان الله قوي وعادل اللهم دمر مركز ميادة

إنت مشكلتك معاي ولا مع مركزنا بتاع الكمبيوتر
لقيتك حااااااااقد وحااااااااااااسد لكن

بالمناسبة المركز معروض للبيع لو انت خاتي عينك عليه
فما تزعل شدييييد ممكن يصبح من نصيبك
بس جهز القروش

ميادة سلام
ياخ لكن ما بالغتي مع ناسك !!!
فكرة جهنمية زي دي بتفكيها كده على الهواء ؟؟؟
كده ما بوظتي الحكاية وكشفتي الخطة المحكمة ..
والله صحي
دي تديها ليهم في اضانهم طوالي . عشان اصحاب الجرائد ديل يفهموا حاجة (وش عيونو مبحلقة )
بالغتي عديــــــــــــل
والله صحي

قلتها .. و أكررها .. ضرر ميادة على المؤتمر
الوطني أكبر من ضرر المعارضة و إن اجتمعت!

Quote: قلتها .. و أكررها .. ضرر ميادة على المؤتمر الوطني أكبر من ضرر المعارضة و إن اجتمعت!

ملاسي

سلامات

لكني لا أعتقد أن ضرر ميادة على المؤتمر الوطني أكبر من ضرر البشير،نافع والطيب مصطفى عليه.

Quote: قلتها .. و أكررها .. ضرر ميادة على المؤتمر الوطني أكبر من ضرر المعارضة و إن اجتمعت!

ميادة كلامها بيدخل فى خانة النيران الصديقة يا ملاسى والا عايز تقول عدو عاقل خير من صديق جاهل ؟
برضو ممكن

Quote: قلتها .. و أكررها .. ضرر ميادة على المؤتمر الوطني أكبر من ضرر المعارضة و إن اجتمعت!

أووووو أبو سطر ونص جاء
يأخي إنت قفة ولا أضان قفة


أعذرني حاولت احترمك موووش عشانك
بس عشان خاطر سيرة والدك العطرة
وعشان خاطر اخوك المحترم جدا جدا واللي لاقيته في ماليزيا
بس اعذرني ما قدرت لانك نجااااااااااااااض

Quote: قلتها .. و أكررها .. ضرر ميادة على المؤتمر الوطني أكبر من ضرر المعارضة و إن اجتمعت!

ملاسي يود ان يقول ان المؤتمر الوطني واجهزته الامنية ،يمكن ان يفعل نفس اقتراحات ميادة ولكن في صمت، بينما ميادة تجهر بهذه الموبقات ، ولذلك فان ضررها اكثر من نفعها ........نعم ولكن
الخطل والبؤس ليس في ميادة بقدر ماهو بؤس الفكرة نفسها التي تسبح ضد التاريخ وضد العلم وضد الانسانية .......راس السوط وصلك؟

Quote: أولا مبروك عودة صحيفة التيار للصدور واقترح لجهاز الامن بدل مصادرة الصحف وايقافها احيانا الى اجل غير مسمى أقترح بان يتم حجز الصحيفة لثلاثة الى اربع ساعات لحدي ما موعد ذهاب الصحف الى التوزيع في المكتبات وتفكوها ليهم بعد داك سنجد ان الصحيفة ستفقد معناها ومضمونها وبالتالي حتخسر عائد التوزيع والعائد دا طبعا محسوب معاه الاعلانات اللي في الجريدة ومع تكرار هذه الواقعة اربع خمس مرات وبكدا اصحاب الصحف سيفكروا الف مرة قبل الاقدام على نشر اي مادة تراها السلطات الامنية فيها مساس بالامن القومي والوطني او تلك التي فيها تعدي على الخطوط الحمراء المرسومة في تقديري ذلك افضل بدل ما نجيب النقة للحكومة وندي الفرصة للمعارضين عشان يلقوا ليهم جنازة يشبعوا فيها لطم وسانحة للنيل من الحكومة والتشكيك في الحريات اللي مانحاها الحكومة خباثة مووووش !!!!!!!!

مياده سلامات ..
الحرية حق وليس منحه من أحد
وللصحفيين والصحف التي يكتبون بها حق النعبير وحريته
وليس لجهاز الامن او الامن او الحكومة الحق في المصادره والايقاف
او حق في الحجز لعدة ساعات ..

ميادة
طيب الجديد شنو اصلو ناس الامن بيعملوا كده يقولوا ليك الجريده في المراجعة بعد الساعة 5 مساء يقولوا ليك وزع

ميادة

اذا كان الكلام من فضه فالسكوت من ذهب

والله حريات الصحافة فى السودان فى نعمة كبيرة

وينكم من سوريا

وهذه شهادة اعترف بيها فيصل القاسم

Quote: وهذه شهادة اعترف بيها فيصل القاسم

مرحب بيكي اخت فدوي الشريف
اننا لا نختاج لشهادة من فيصل القاسم وغيره لنستشهد بيه
عن وجود حريات في السودان ام لا

Quote: والله حريات الصحافة فى السودان فى نعمة كبيرة

والنعمة ما حيسوا بيها ويعرفوا قيمتها الا بعد ما تروح منها

Quote: "شيئان ليس لهما حدود، الكون وغباء الإنسان، مع أني لست متأكداً بخصوص الكون" البرت آينشتاين

الإبنة ميادة

في انتظار ردك لمواصلة الحوار معك

الذي أرى أنه ضروريا


الباقر موسى

البصيرة ام حمد
ماتقترحى على الطيب مصطفى يعمل ليه كم صحيفة من الانتفاهة حقتكم دى
يسمى واحدة الانتفاخه و التانية الانوساخه والانتفاهة والانفساخة و الانفضاحه وكده
مش انت مسلمه وقالو فى الدين لاضرر ولا ضرار،،،

ما عندك إقتراح ليهم لكيفية قتل الناس أمام بيوتهم ؟

جاء في عمود الاستاذ/ حيدر المكاشفي باخيرة صحيفة الصحافة
تحت عنوان :شلاقة ميّادة وغتاتة الجهاز

Quote: شلاقة ميّادة وغتاتة الجهاز الناشطة بالمنبر العام بالموقع الإلكتروني السوداني الشهير سودانيز أون لاين، ميادة كمال، فتحت بوستاً فتح عليها أبواب جهنم وعاصفة من التعليقات الناقدة والساخرة على مقترحها العجيب الذي حمله هذا البوست الذي لم يسر حتى أصدقاءها والمتوالين مثلها مع الحكومة وحزبها الحاكم، الذين كانت تجد منهم المناصرة فيما تكتبه نصرةً للحكومة، فما فتحت ميادة التي تعمل بالأمانة العامة لمجلس الوزراء بوستاً إلا لمدح الحكومة أو قدح المعارضة، ولا أدري لماذا تفعل ذلك هل بسبب المحافظة على وظيفتها ونيل رضا رؤسائها عملاً بمقولة "دعوني أعيش" بحسبانها موظفة في "بيت الضبع" أم لأنها من أهل غزّية إن غووا غوت معهم على قول الشاعر؟، وعلى كل حال، ذلك حقها واختيارها الذي يحق لها أن تعبر عنه كما تريد وبالشكل والطريقة التي تحب، ولم ولن نناجزها فيه أو ننتقد حبها للحكومة والحزب الحاكم والنظر إليهما بعين الرضا التي هي عن كل عيب كليلة، ولكن أن "تتشالق" عزيزتنا ميادة تعبيراً عن حبها وموالاتها للمدى الذي يحط من قدر إحدى القيم الأساسية هي حرية الصحافة فذلك ما يجعلنا نقول لها حسبك ومكانك، فأنتِ بهذا الاقتراح العجيب ولا نقول الساذج رأفةً بك، قد فقدتِ احترام الصحافة ولم تكسبي جانب الجهاز الذي لا أشك في أن ضباطه قد سخروا أيضاً من اقتراحك السطحي العجيب، فهم أعرف وأذكى منك في كيفية أداء عملهم الرقابي على الصحف وفي غنىً عنك وعن اقتراحاتك المهببة. وتقترح ميادة التي مادت وحادت عن الحق وهي تحسب غافلة أنها تحسن صنعاً، على جهاز الأمن بدلاً من مصادرة الصحف وإيقافها، أن يحجز الصحيفة بعد طباعتها لمدة ثلاث الى أربع ساعات ثم يطلق سراحها بعد ذلك، ووقتها يكون قد فاتها السوق فتتكبد خسائر فقدان عوائد التوزيع والإعلان معاً، ومع تكرار مثل هذا الإجراء لعدد من المرات المتتالية فإن أصحاب الصحف لن يجرأوا بعد ذلك على نشر أية مادة ترى فيها السلطات الأمنية مساساً بالأمن القومي أو تعدياً للخطوط الحمراء، ويكون الجهاز بذلك قد قفل الباب أمام المعارضين "عشان ما نجيب النقة للحكومة وما يلقوا ليهم جنازة يشبعوا فيها لطم، ويشككوا في الحريات اللي مانحاها الحكومة"، فانظر أعانك الله وإيانا إلى مثل هذه الشلاقة التي تذكر بحكاية شافع الرباطاب مع أحد الشليقين. قيل إن الشافع جلس أمام باب دارهم وهو يبكي بحرقة، مرَّ به واحد شليق فوقف أمامه وسأله مالك بتبكي؟، قال أمي دقتني، قال الشليق وأمك دقتك ليه؟، قال الشافع عشان زي نوع شلاقتك دي، وهكذا كان حال ميادة التي جلبت عليها شلاقتها كل هذا الكم الكبير من السخرية والتهكم على مقترحها الفطير الذي لا يستحق التعليق عليه سوى بالقول لقد كان الجهاز أشطر فقد جرّب وصفتك العقابية هذه لمرات قليلة ثم تخلى عنها، وانتقل إلى الوصفة السارية الآن، ثم إن الجهاز لا يمارس عمله بهذه البساطة ولا يكشف عن أسبابه ولا أهدافه بهذه المباشرة، ولو كان قلبك على الجهاز فهو أقدر، أما إذا كان على الصحافة، فقد جاء قولك أبتر وأشتر، فلا طلتِ بذلك بلح الشام ولا عنب اليمن، وهذا مصير كل شليق...

بجي بي راوقة للرد على ما جاء بالعمود

الاخت الكريمة ميادة كمال
بحب كتابتك وبقراها بي مزاج
لانها بتشبه الافلام الهندية فيها البطل وصاحب البطل

ميادة المؤتمر الاوطنى ايه دا وبالغتى فى الصرحتى بيهو دا

اولا
الامن يحتز الصحف الفيها مواضيع بتهم العنف قتل الشعب ليه؟

ههل انتى ضد قتل النساء ولا مع قتل عوضية؟

وبعدين الجنازة دى منو الحيكومة ؟ حكومة الانقاذ ولا شنو؟

والله لو الجنازة دى حكومة الاننقاذ البتقتل فى الشعب الاعزل اليشبعوا فيها لطم

انا عايزةرايك فى اغتيال عوضية عشان اعمل بيهو موضوع صحفى فى جريدة لا تحتجز من قبل الامن لأن المتحدثة من اههالهم
يعنى اولاد عمموتهم مش ناس الامن ديل هم زى ما قلت حراس الامن القومى وامن الحيكومة الانتى بتحبها خلاص يبقوا اولا عم الانقاذ او اولادها
لذا ما حيحتزوا الجريدة الفيها رايك عن عوضية ومقتلها بس ادينى رايك

ياسلااااام.......

بالله شوفوا البلد دي هاملة كيف؟؟؟؟

ما خربت من شوية





______________________

بلدا ما فيها تمساح يقدل فيها الورل

Quote: Quote: شلاقة ميّادة وغتاتة الجهاز الناشطة بالمنبر العام بالموقع الإلكتروني السوداني الشهير سودانيز أون لاين، ميادة كمال، فتحت بوستاً فتح عليها أبواب جهنم وعاصفة من التعليقات الناقدة والساخرة على مقترحها العجيب الذي حمله هذا البوست الذي لم يسر حتى أصدقاءها والمتوالين مثلها مع الحكومة وحزبها الحاكم، الذين كانت تجد منهم المناصرة فيما تكتبه نصرةً للحكومة، فما فتحت ميادة التي تعمل بالأمانة العامة لمجلس الوزراء بوستاً إلا لمدح الحكومة أو قدح المعارضة، ولا أدري لماذا تفعل ذلك هل بسبب المحافظة على وظيفتها ونيل رضا رؤسائها عملاً بمقولة "دعوني أعيش" بحسبانها موظفة في "بيت الضبع" أم لأنها من أهل غزّية إن غووا غوت معهم على قول الشاعر؟، وعلى كل حال، ذلك حقها واختيارها الذي يحق لها أن تعبر عنه كما تريد وبالشكل والطريقة التي تحب، ولم ولن نناجزها فيه أو ننتقد حبها للحكومة والحزب الحاكم والنظر إليهما بعين الرضا التي هي عن كل عيب كليلة، ولكن أن "تتشالق" عزيزتنا ميادة تعبيراً عن حبها وموالاتها للمدى الذي يحط من قدر إحدى القيم الأساسية هي حرية الصحافة فذلك ما يجعلنا نقول لها حسبك ومكانك، فأنتِ بهذا الاقتراح العجيب ولا نقول الساذج رأفةً بك، قد فقدتِ احترام الصحافة ولم تكسبي جانب الجهاز الذي لا أشك في أن ضباطه قد سخروا أيضاً من اقتراحك السطحي العجيب، فهم أعرف وأذكى منك في كيفية أداء عملهم الرقابي على الصحف وفي غنىً عنك وعن اقتراحاتك المهببة. وتقترح ميادة التي مادت وحادت عن الحق وهي تحسب غافلة أنها تحسن صنعاً، على جهاز الأمن بدلاً من مصادرة الصحف وإيقافها، أن يحجز الصحيفة بعد طباعتها لمدة ثلاث الى أربع ساعات ثم يطلق سراحها بعد ذلك، ووقتها يكون قد فاتها السوق فتتكبد خسائر فقدان عوائد التوزيع والإعلان معاً، ومع تكرار مثل هذا الإجراء لعدد من المرات المتتالية فإن أصحاب الصحف لن يجرأوا بعد ذلك على نشر أية مادة ترى فيها السلطات الأمنية مساساً بالأمن القومي أو تعدياً للخطوط الحمراء، ويكون الجهاز بذلك قد قفل الباب أمام المعارضين "عشان ما نجيب النقة للحكومة وما يلقوا ليهم جنازة يشبعوا فيها لطم، ويشككوا في الحريات اللي مانحاها الحكومة"، فانظر أعانك الله وإيانا إلى مثل هذه الشلاقة التي تذكر بحكاية شافع الرباطاب مع أحد الشليقين. قيل إن الشافع جلس أمام باب دارهم وهو يبكي بحرقة، مرَّ به واحد شليق فوقف أمامه وسأله مالك بتبكي؟، قال أمي دقتني، قال الشليق وأمك دقتك ليه؟، قال الشافع عشان زي نوع شلاقتك دي، وهكذا كان حال ميادة التي جلبت عليها شلاقتها كل هذا الكم الكبير من السخرية والتهكم على مقترحها الفطير الذي لا يستحق التعليق عليه سوى بالقول لقد كان الجهاز أشطر فقد جرّب وصفتك العقابية هذه لمرات قليلة ثم تخلى عنها، وانتقل إلى الوصفة السارية الآن، ثم إن الجهاز لا يمارس عمله بهذه البساطة ولا يكشف عن أسبابه ولا أهدافه بهذه المباشرة، ولو كان قلبك على الجهاز فهو أقدر، أما إذا كان على الصحافة، فقد جاء قولك أبتر وأشتر، فلا طلتِ بذلك بلح الشام ولا عنب اليمن، وهذا مصير كل شليق...

زبدة الموضوع هى الشهرة ولا ابحث غير الشهرة!
يا ناس باركوا لى انا اشتهرت !
كده الشهرة والا بلاش !

Quote: زبدة الموضوع هى الشهرة ولا ابحث غير الشهرة! يا ناس باركوا لى انا اشتهرت ! كده الشهرة والا بلاش !

يا اخ خالد حاكم
ليه قالوا ليك انا الكتبت المقال
ولا قلت لكاتب المقال يكتب عن الموضوع
مع العلم اني ليست لي اي علاقة او تواصل مع الكاتب
ولا اعلم حتى هذه اللحظة انه عضو في المنبر ولا مطلع ساااي

ميادة فكرتك دي مضروبة ومن زمان الناس ديل عملوها
مرة مع التيار .. وبعد الساعة عشرة صباحا ادونا ليها
طبعا بعناها بالكيلو
ومرة مع خرطوم مونتر.. بعد قيام طائرات جوبا قاموا اطلقوا سراحها
برضو بعيت بالكيلو
يعني يا ميادة حتى في الخباثة طلعت بيش
ـــــــــــ
الله يهدينا ويهديك.. قبل المؤتمر الوطني
وقبل القوانين الوضعية تذكري قوانين السماء
وتذكري ان القاضي هو الله الواحد الاحد الذي لا تأخذة سنة ولا نوم

Quote: يا اخ خالد حاكم ليه قالوا ليك انا الكتبت المقال ولا قلت لكاتب المقال يكتب عن الموضوع مع العلم اني ليست لي اي علاقة او تواصل مع الكاتب ولا اعلم حتى هذه اللحظة انه عضو في المنبر ولا مطلع ساااي

يا اخت ميادة كمال

انا لم اقل بانك كاتب المقال والا قلت لكاتب المقال والا على صلة بكاتب المقال !
فقط قلت واقول بانك وصلتى لمبتغاك وهى الشهرة من اجل الشهرة طالما يتناول الكتاب والمحللين فى الصحف السيارة ماتكتبينه هنا او فى اى مكان اخر , ومن حقك تبحثى عن الشهرة ما اردتى ذلك وماتنسى بانو فى ناس انتحروا فى الدنيا دى من اجل الشهرة وفعلا اشتهروا!

Quote: وينكم من سوريا

شوفوا مصيبتنا ..... بقينا نقيس على سوريا

يا شابة يا بنت بلادي انت والبوست بتاعك ده بيذكرني ب كثير عزة في ابياته التي قال فيها:
ألا ليتنا يا عز من غير ريبة** بعيران نرعى في الخلاء ونعزب
كلانا به عرّ فمن يرنا يقل **على حسنها جرباء تعدي وأجرب
إذا ما وردنا منهلا صاح أهله **علينا فما ننفك نُرمى ونضرب
وددت ورب البيت أنك بكرة** هجان وأني مصعب ثم نهرب
تكون بعيري ذي غنى فيضيعنا **فلا هو يرعانا و لا نحن نطلب

اللهمانا لا نسألك رد القضاء
ولكن نسألك اللطف فيه

Quote: والتشكيك في الحريات اللي مانحاها الحكومة

حكومة مييييييييييييييين ياخ
الحريات حـــــــقوق



سبحان الله
-------------
بالمنافسة دي المركز
عايزين تبيعيوه بكم؟

كدى نتعامل مع اقتراحك دا بى شكل عملي ... صحيفة التيار مثلاً ... ماهي "الخطوط الحمراء" التي تخطتها؟ من رسم هذه "الخطوط الحمراء" وبأي معايير؟

إذ لا أفهم إذا كانت هنالك معايير واضحة لحرية التعبير والخطوط الحمراء؛ لماذا تتخطاها أي صحيفة أياً كانت؟

هل ممنوع نقد الحكومة ورئاسة الجمهورية وقيادات المؤتمر الوطني؟ لماذا ممنوع؟ ما هو الأساس القانوني للمنع؟ أليس هنالك قانون صحافة ومطبوعات بمحكمة يترأسها مولانا الرشيد؟

ثم بعد ذلك نأتي لفكرة "حجز" الصحيفة التي تتجاوز الخطوط الحمراء ... ألاّ يوقع ذلك ضرراً على الصحيفة؟ هل تعلمين أن من تعريفات "الجريمة" هي القيام بعمل محدد بقصد إيقاع الضرر بشخص ما أو جهة ما؟ هل تعلمين أن ما تدعين إليه هو "الجريمة" وليس فقط "الخباثة"؟ قانون الصحافة والمطبوعات به عقوبات منصوصة؛ لم تأتِ أنت بأفكار إجرامية لاستخدامها بديلاً للعقوبات القانونية التي تقع على من يخالف القانون؟ أم أن "تجاوز الخطوط الحمراء" أمر مختلف عن مخالفة القانون؟ مما يعيدنا للسؤال: ماهي "الخطوط الحمراء"؟

أتمنى أن يتسع صدرك للإجابة ...


... المهم ...

Quote: كدى نتعامل مع اقتراحك دا بى شكل عملي ... صحيفة التيار مثلاً ... ماهي "الخطوط الحمراء" التي تخطتها؟ من رسم هذه "الخطوط الحمراء" وبأي معايير؟ إذ لا أفهم إذا كانت هنالك معايير واضحة لحرية التعبير والخطوط الحمراء؛ لماذا تتخطاها أي صحيفة أياً كانت؟ هل ممنوع نقد الحكومة ورئاسة الجمهورية وقيادات المؤتمر الوطني؟ لماذا ممنوع؟ ما هو الأساس القانوني للمنع؟ أليس هنالك قانون صحافة ومطبوعات بمحكمة يترأسها مولانا الرشيد؟

ليس هناك حرية مطلقة أو رقابة مطلقة
لان الحرية المطلقة للصحافة شر وبلاء
ولابد من الخطوط الحمراءللصحافة
والتي تتمثل في عدم نشر معلومات متعلقة بالأمن القومي وعدم إثارة الفتن والنعرات العنصرية أو الدعوة للحرب أو العنف واحترام قيم المجتمع وصون الأعراض والأسرار الخاصة.
والتى تمثل عقيدة الامة وهويتها وتوجه النظام الحاكم والاعراف والتقاليد وثقافة البلد والمورثات والقوانين
وهذه تعتبر معايير مهنية وأخلاقية وضوابط أكثر من كونها خطوطا حمراء
دا لو صحافتنا رفعت من حسها القومي والوطني(ما المؤتمر الوطني)

ومع هذه الخطوط الحمراء اجزم لك ان الحرية الصحفية الموجودة فى السودان
لامثيل لها فى بقية الدول العربية
وبالنسبة لصحيفة التيار التى تحاول ان تسير على خط ويكلكس
وجدت الاشادة من الرئيس البشير شخصيا واستشهد بيها اكثر من ثلاثة ولا اربع مرات في حوار واحد
بل وانها اثارت قضية فساد فى شركة الاقطان
واصدر البشير بعدها قرارا حل بموجبه مجلس ادارة الشركة واحالتهم للتحقيق

نجي للردود على الاستاذ الصحفي حيدر الكاشقي
أولا التحية ليك يا استاذ
وبشكرك على اطلاعك على البوست وموضوع البوست
وشكر اخر انك جعلت لنا مساحة على صحيفتكم المقروءة - حتى لو كانت بالقدح والذم -
بأن جلعتنا موضوع مقالك وكده

Quote: ميادة التي تعمل بالأمانة العامة لمجلس الوزراء

ما اكتبه في المنبر العام واي منبر او صحيفة او جهة اخرى يعبر عن رأي أنا
وليس بالضرورة ان يعبر عن رأي مجلس الوزراء
عشان تشير لمكان عملي
ولا انا يوم من الايام استشهدت بمكان عملي
كما واني انضميت لهذا المنبر او الموقع
قبل انتمائي للامانة العامة لمجلس الوزراء

Quote: مقترحها العجيب الذي حمله هذا البوست الذي لم يسر حتى أصدقاءها والمتوالين مثلها مع الحكومة وحزبها الحاكم، الذين كانت تجد منهم المناصرة فيما تكتبه نصرةً للحكومة

كيف خلصت لهذه النتيجة!!!!
إفتراضك هذا لو بنيته على مداخلة الملاسي هذا فقط (أبو سطر ونص)
فهو لا ينعكس او ينطبق على كل المتوالين مع الحكومة الموجودين في هذا المنبر
ولا كونهم لم يتداخلوا معي معناه انهم ضدي
أو العكس

Quote: ولا أدري لماذا تفعل ذلك هل بسبب المحافظة على وظيفتها ونيل رضا رؤسائها عملاً بمقولة "دعوني أعيش" بحسبانها موظفة في "بيت الضبع" أم لأنها من أهل غزّية إن غووا غوت معهم على قول الشاعر؟،

ومنو القال ليك انو (الفعل)الانت استهجنته فيني هو الطريقة للمحافظة على الوظيفة في ما سميته انت بـ (بيت الضبع)
إنت حالتك صحفي واعلامي!!!
واعتقد سبق لك وان تعاملت مع بيت الضبع هذا
هل خلصت الى هذه النتيجة التي اتهمت بيها بيت الضبع بعد تعاملك معه!!!
ولا دا كلام بتطلقه كده سااااي بدون براهين وادلة

Quote: الاقتراح العجيب ولا نقول الساذج رأفةً بك

ياسيدي شكرا على الرأفة
ولو اني جلدي تخيييييين وما تخاف علي

Quote: لم تكسبي جانب الجهاز الذي لا أشك في أن ضباطه قد سخروا أيضاً من اقتراحك السطحي العجيب،

ما عندي علم والله... هل لديك دليل على سخريتهم
ويا ليت لو سخروا معك ان تنقل لي سخريتهم
وساكون لك من الشاكرين

Quote: فهم أعرف وأذكى منك في كيفية أداء عملهم الرقابي على الصحف وفي غنىً عنك وعن اقتراحاتك المهببة.

لووووووووول الاخ المكاشفي بكسر تلج لي ناس جهاز الامن
وهل انت شايف انو اللي بيعملوه ناس جهاز الامن في الصحف ذكاوة منهم
امانة ما دخلت في ورطة مع زملائك الصحفييين في الصحف الذين ينددون ويستهجنون مسلك الجهاز في اغلاق ومصادرة الصحف
تعالو يا مناتلين بصو وشوفو المكاشفي بيعمل إيه

مياده يااختي اقترحي زي ماعايزه وانت حره
شنو كلكم جيتو ناطين ليها في حلقا ودا عيب منك وماصاح وحركات زي دي
زولة قالت اعلنت انها مؤيده للنظام وقالت راي
ماياهو ناس المعارضه ديل كلهم بيقولو في اقتراحات ومش اقتراحات وبس بيجو يكاتلو في نص الخرطوم
دي حرب بين حكومه ومعارضه والحشاش يملا شبكتو

Quote: ولابد من الخطوط الحمراءللصحافة والتي تتمثل في عدم نشر معلومات متعلقة بالأمن القومي وعدم إثارة الفتن والنعرات العنصرية أو الدعوة للحرب أو العنف واحترام قيم المجتمع وصون الأعراض والأسرار الخاصة. والتى تمثل عقيدة الامة وهويتها وتوجه النظام الحاكم والاعراف والتقاليد وثقافة البلد والمورثات والقوانين وهذه تعتبر معايير مهنية وأخلاقية وضوابط أكثر من كونها خطوطا حمراء دا لو صحافتنا رفعت من حسها القومي والوطني(ما المؤتمر الوطني)

إثارة الفتن يا ميادة ... في التعامل مع الأمة على أساس انها عندها عقيدة واحدة اسمها "عقيدة الأمة" ...

والدعوة للعنف والحرب في القول بفردية الهوية وتكميم الأفواه التي تنطق بتعددية الهوية واعتبار الحديث عن الهوية خط أحمر ...

وإثارة النعرات العنصرية في "توجه النظام الحاكم" نحو فرض معايير مقبولية للأعراف والتقاليد والموروثات ... وسن القوانين التي تعتبر بعض الأعراف والتقاليد والموروثات مخالفة قانونية ... وكفر بعقيدة الأمة ...

تهديد الأمن القومي في محاولة فرض الأخلاق بمكيال ... ونفيها بمكيال آخر ...

كلام الأخلاق والتقاليد والأسرار الخاصة وأمن الجتمع والنظام العام كلام لا يليق بأن يكون خطاب دولة ولا علاقة له بالخطوط الحمراء في مهنية الصحافة ... فلا تكثري منه في هذا البوست لأنه بئس المعيار الأمني والسياسي للخطوط الحمراء للصحافة ... التشهير بالناس ونشر الأكاذيب والمساس بالمقدرات والقيم الإجتماعية هذه مخالفات تحكمها أحكام قانون الصحافة والمطبوعات ولا تحتاج لخطوط حمراء وتدخل أمني ...

حجة "الخطوط الحمراء" كانت تستخدم للإشارة إلى نشر معلومات عسكرية تضر بالجيش القومي في معركة عسكرية دائرة كالكشف عن تعدادات ومؤونة الجيش ومواقع كتائبه وألويته وكشف مخابئها وتعريضصها للقصف الجوي وما شابه ذلك ... ولا يشمل ذلك البربوقاندا الصحفية مع أو ضد التصعيد العسكري ... وهي حجة _ أي حجة "الخطوط الحمراء" - لم تعد تستخدم بعد ثورة المعلومات والإتصالات وصلاح جادات ....

أرى أنك جعلت من نقدنا لذواتنا وهويتنا وعقيدتنا وتقاليدنا ومجتمعنا ونظامنا الحاكم وتوجهه خطوطاً حمراء ... فلأي غرض ياترى نحن نريد حرية التعبير والصحافة؟

إذا كانت هذه الأشياء هي حدود الحرية التي ترزقونها لنا بفضلكم ونعمتكم وجليل قدرتكم ... فخذوها ولا حمداً ولا شكراً ... الخالق رازق ...



... المهم ....

Quote: مياده يااختي اقترحي زي ماعايزه وانت حره شنو كلكم جيتو ناطين ليها في حلقا ودا عيب منك وماصاح وحركات زي دي زولة قالت اعلنت انها مؤيده للنظام وقالت راي ماياهو ناس المعارضه ديل كلهم بيقولو في اقتراحات ومش اقتراحات وبس بيجو يكاتلو في نص الخرطوم دي حرب بين حكومه ومعارضه والحشاش يملا شبكتو

تسلم لينا يا عثمان يا اخي