ما الذي دفعني للمشاركة في هذه الجريمة؟ قصة غرامية في محراب القضاء

حيثيات قصتنا هذه تمت بريفي مدينة السوكي

( التعديلات الكثيرة أدناه لزوم لملمة الحلقات ليسهل على القارئي تصفحها وحدة واحدة بدلا عن البحث للحلقات وسط زخم المداخلات)

بسم الله نبدأ :

تقع مدينة السوكي على بعد 48 كيلو متر شرق مدينة سنار وتطل على الضفة الشرقية للنيل الازرق وتعتبر السوكي ، ايام الزمن الجميل ، من اهم محطات السكة حديد في السودان نظرا لتنوع الوجبات الجاهزة التي تقدمها البائعات للمسافرين بالقطارات واهم هذه الوجبات هي وجبة السمك الجاهزة حيث اشتهر سكانها الذين اغلبهم من اصول غرب افريقية بصيده من النيل الازرق . كما اشتهرت بانتاج الخضراوات والفواكة التي تزرع على ضفاف النيل الازرق . شرق مدينة السوكي وعلى بعد 24 كيلو تقع مدينة الدندر او معتمدية الدندر التي تتبع لها مدينة السوكى . ثمة صراع سياسي تاريخي بين سكان مدينتي الدندر والسوكي لا سيما حول رآسة المحافظة او المعتمدية . اغلب سكان ريفي الدندر من قبيلة رفاعة التي تتزعمها اسرة العجب ود اب جن والد الناظر منصور العجب والشيخ يوسف العجب .
بالسوكي مشروع السوكي الزراعي الذى كان يروي ببيارة تضخ المياه من النيل الازرق وقد تم إنشاء البيارة هذه في عهد نميري عندما كان المهندس مرتضى احمد ابراهيم - شقيق الراحل صلاح احمد ابراهيم وفاطمة احمد ابراهيم - وزيرا للري وتم فصله اى مرتضى من الوزارة بعد انهيار تلك البيارة بعد ايام من إنشائها ووقتئذ اطلق مرتضى احمد ابراهيم بكل شجاعة كلمته الشهيرة وذات الدلالات السياسية التي قال فيها ( فالتنهار البيارة الاولى والثانية ولتبقى الحقيقة)

كانت فتاه جميلة المحيا وقع في غرامها الكثيرون من ابناء قبيلتها العربية ولكنها ادارات ظهرها عنهم جميعا ورمت عينيها في هذا الشاب الوجيه المنحدر من اصول غرب افريقية الذى غيرت الغربة في ليبيا الكثير من ملامحه وجعلته متكامل البنيان طويل القامة فاتح اللون واسع العينين يتضرع وسط القرية ولسنان حاله يقول يا دنيا ما فيك الا انا . تصادف ان كان هذا الشاب مدعوا للمشاركة في حفل زواج احد محاسيب هذه الفتاة . وكانت البنت على يقين تماما ان هذا المغترب سيشارك في هذا البوش نظرا للعلاقة التي بينه والعريس . إرتدت اجمل ما لديها من هندمة وانتظرت في بيت اهلها ريثما ينتهي الفاصل الاول من الغناء – صحيح فتاة عربية ولكنها تجيد فن الشحتفة للمغرمين بجمالها . كان المغني في ذلك الحفل هو الفنان عبد الوهاب الصادق . تم اعداد المسرح للفنان من مقطورة قندران بطحت جنباتها لتكون مستوية افقيا و فرشت بالبطاطين وتم تزيينها بالفرش العجمي الوارد من ارض الحجاز .
انتهي الفاصل الاول بثلاث اغاني . نزل الفنان لتناول وجبة العشاء الما خمج وكان من بين المكلفين للاشراف على مائدته ذلك الشاب الوجيه المغترب . وقد كانت فرصة للتقارب بينهما ( الفنان والمغترب) .

اعتلى الفنان خشبة المسرح القندراني وامتلات الساحة بالحضور من الرجال والنساء . حضرت الفتاة وهي في ابهى صورها وجلست في المقاعد الامامية . وفي تلك اللحظة صعد الشاب المغترب وهمس في اذن الفنان طالبا اغنية بعينها وكانت :
ست الريد بقت نساية والتي يقول فيها http://www.youtube.com/watch?v=VAqa1DLVokQ:[/B]

امسك المغترب بيد العريس وراح مبشر بيهو فوق خشبة المسرح وبعد شوية نزل قادل بيهو متلهم الرجال ثم اخد بالعريس انزواية صوب كراسي الحريم وهو يبشر وممسك بسجارة بينسون وعييييييييييييك الزغاريد ولعت في السماء . البنية قطعت الشك الاغنية المطلوبة دي مقصودة بيها لكنها لم تحرك ساكن ومثلت انها متوازنة ومتماسكة لكن جواها مولع نار من المغترب . بعض الشباب والشابات المفتحين والمفتحات من اقرباء البنية بدأوا يحسوا من خلال تبادل النظرات برسائل روحية خفية متبادلة بين المغترب وبنتهم لكنهم آثروا التثبت ليسمعوا ونسة الحريم صبيحة الغد عن جملة معطيات السهرة .

خلاص اقتربت الساعات الاخيرة من نهاية الحفلة وباقي لي الفنان قصد ان يمسك باحلى اغنية عندو عايز يفكها في النهاية عشان يلخبط الكيمان كووووووولها . وفعلا الفنان مسك المايك وشكر الجمهور على التفاعل وراح فارد جناحيه مع اغنية حلوين زي ديل بزوروني حبايبي الحلوين اهلا جونى انا ما قائل .

المهم أغنية ( حبايبي الحلوين ) دي ألهبت مشاعر الناس كوووووووولهم ونزلوا ليك نسوان ورجال حتى البنية العاملة فيها تقلة نزلت حت شدييييييييييد . اها المغترب لقى ليكم الجوطة دي فرصة وطوالي مشى يرقص ليكم في طرف البنية ( باقي لي زولك حاري ليهو تطيشا من touch يعني ) وشعر من نظراتا ليهو بانها مرتاحة ليهو بالحيل . زولك اتاريهو مجهز ليهو رسالة في وريقة فيها رقم تلفونو الثابت - طبعا زمان مافي موبايلات – وطوالي راح عاصر للبنية الوريقة في يدها وزولتك خمشتا زى الما حصلت حاجة ورايحة مدياهو ظهرها سريع عشان الناس ما تحس بحاجة .

الحفل انتهى والناس كوووووووولهم شتتوا لبيوتهم

البت رجعت اهلها مع قريبات ليها وهي صارة الوريقة في يدها وفي الطريق فتحت حقيبتا السمحة ودفست الوريقة جواها منتظرة لحظة وصولها البيت عشان تغير ملابسها بمزاج وتتلهم غرفتا الخاصة وتولع الانوار وتقفل الباب وتنتكي عشان تقرأ كلام المغترب ليها . وصلت وغيرت واتعشت مع عولا وعملت ليهم فيها ماسكا وجع راس من السهر وإستأذنت منهم واتلهمت الغرفة الخاصة دخلت وقفلت الشبابيك والابواب لانو الدنيا كانت شتاء صقط شديد وكدا جرّت البطانية وفتحت الحقيبة وطلعت الرسالة بلهفة ورعشة بسبب البرد وال ....... وبدت تقرأ:

عزيزتي ............. :


إيه يضرك تسأل يوم علي يا غالي
وإنت وحدك عارف همي عارف حالي

كيف أواصل صبري في الطريق الخالي
كيف بدونك تصبح اليالي ليالي

أنا كنت دايما ً بصبر مهما البعاد أضناني
في قلبي إنت بتكبر تكبر معاك معاني

برجى الأيام وستنى أمالي بين نيراني
والهجر مهما يألم يرجع حنانك تاني

لو كان جفيتني خليتني وحدي برايا
مع ليلي الوحدة والشوق حنينو معايا

ما بسيبو غرامك رضيان معاك بشقايا
وقت الطريقك يوصل أعرف نهايتة خطايا.

عزيزتي .... ارجوك ان تحفظي كلماتي هذه ورقم هاتف مكتبي وتمزقي الرسالة باسرع ما يمكن . انا لا أتجرأ الاتصال بك ولكنى في انتظار اتصالك انت في الساعة ..... من صباح اليوم التالي .
لك منى صادق الحب
اخوك ......

فكرت البنيّة في الرد عليــــــــــه برسالة عاطفية مثلها فما وجدت اجمل من ان تتلهم احاسيسه بقولها :

من أول نظرة لم آخد حذره
غير اني هويتو
في قلبي أويتو
قدرت جمالو وأغراني دلالو
أوريهو فنوني
يوريني فنونو

الحياء والنضره
والتيه والجبره
هم مصدر شوقي
ومصيبتي الكبرى
بالحب أبلاني وكمان خلاني
أجيد أشعارو حبيبي شعارو
ده جمال يسحرني
بي لونو ولونو

فيك ياذو الإمرة عا########ي رشاقة
تقسيمه وضمرة
في عيونك خمرة
فوق لونك سمره
في خدودك حمره
الليل والقمرة
ضدين واجتمعو
ثمارك ينعو
بقامتك رنعو

ثم اختتمت خطابها بدعوة صريحة له لمقابلتها في موقع يتفقان عليه فكتبت له :

فرح الاحبة يتم في الامسيات
حيث اللقاء يذهب ما كان وفات

الامور لحدي هسه عادية


اتصلت عليه في اللحظة المحددة وكانت تلك اول مرة يسمع كل منهما نبرات صوت الاخر . تلعثمت الالسن في بداية الووووووو وصار كل منهما يبلع في ريقو وبعد لحظة هدأت الامور وحدث التوازن وصار كل منهما يحكي للاخر لحظات انطباعه الاول في اول مشاهدة بينهما.....................
في النهاية اتفقا على ان يتقابلا في لحظة محددة من مساء ذلك اليوم في منزل لإحدى قريبات المغترب داخل نفس القرية . كان منزل البنية امام القرية ومنزل اسرة المغترب في الناصية الجنوبية منها على بعد 2 كيلو تقريبا .

صارت البنت تفكر في أوفى وأنبل صديقاتها واكثرنهن حرصا على مصالها و حفاظا على خصوصياتها لمرافقتها الى محطة اللقاء . وقع اختيارها على صديقتها البتول . ذهبت البنية الى صديقتها البتول في منزلها المجاور لبيت اسرتها وحكت لها الحاصل و طلبت منها ان تذهب معها الى منزل قريبة المغترب في مساء ذلك اليوم . وافقت البتول على الطلب وبعد ذلك طلبت البنية من البتول ان تسمح لها بالمغادرة لمنزلها لإجراء بعض الترتيبات ...... البتول قالت ليها اقعدي اشربي ليك جبنة آ بنية وامشي بيتكم ( احيييييييي انا دا يوم جبنة يا البتول؟) هكذا كان رد البنية .


حان وقت المساء وحانت لحظة التحرك الى منزل قريبة المغترب في طرف الحلة وظلت البنية في انتظار البتول وهي لابسة توب ملون عادي . وصلت البتول وبدأت تنادي صديقتها من خارج الحوش بصوت عالي يا فلانة يا فلانة يا فلانة . أهلين يا البتول ردت البنية بصوت اعلى من صوت البتول ذاتو. قالوا العاجبة بت خالي أمحمد ولدت بعملية في الاستبالية خصمتك بالشيخ التوم ود بانقا تمشي معاي نحمد ليها السلامة . نان يا البتول العاجبة ما ولدت من الصباح والناس كووووووووووووولهم مشوا ليها مالك تأخرتي ؟ هنا تداخلت (نفيسة ) واحدة فضولية من الجيران بعد سماع اصوات البنات ديل . ايوا نعم يا نفيسة ولدت من الصباح بس انا كنت مصدعة وما قدرت امشي معاهن وبعد بلعت حبوب بندول وجع الراس راح منى والحمد لله ، هكذا كان رد البتول لتسبيك سيناريو الطلعة الى بيت قريبة المغترب .

سمح يا البتول قدامنا قهوة تعالي اشربى معانا و نصلــــــــــي المغرب ونتحرك ( تسبيكة بروحانياتها كمان) . هنا نطّ اخو البنية الصغير وقال ليهن ما شات وين ؟ انا ما ماشي معاتن - ردت ليهو البنية ( نحن ماشين للحكيم ارح معانا عشان يشوف قومة النفس البتجيك كل مرة دي من شنو ؟ يمكن يديك حقنة بنسلين ) لا لا لا امشوا براكن انا ماشي معاكن وتت دابت ليها حدن ( الوليد لسانو مانجض لسه) . كانت في واحدة من بنات الجيران متابعة الكلام البين البنية والبتول وسبق ان تقدم اخوها لخطبة البنية ولكنها رفضت وقد رشح منها بعض الكلام الفارغ عن الخطيب اغضب اخواته جدا . بدأت اخت الخطيب الغير مرغوب فيه تتابع في تحركات البتول والبنية وشكت بحسها الكيدى ان المسألة قد لا تكون زيارة استبالية وانما امر آخر ........ وعلى الفور نادت اتنين من بنات اخواتا وقالت ليهن شوفن انا عايزة منكن حاجة واحدة بس . اها شنو يا خالتو ؟

شوفن يا بنات انا سمعت البنية دي ومعاها البتول قالن ما شات الاسبتالية اها انا دايراكن مما حسّيتن بيهن طالعات تمشن مبارياتنّهن بالطّوالة بعيد بعيد واوع يحسّن بيكن مبارياتنهن لحدى يصلن الاسبتالية سمح؟ لشنو يا خالتو ؟ ما تسألني لشنو بوريكن بعدين و انا قلت ليكن الكلام دا وشوفن اوع تكلمن زول بكلامي دا سمح؟ سمح يا خالتو .
تعالن تعالن واقول ليكن كلام تاني البنية دي مع البتول لو مشن اى جهة غير الاسبتالية برضو حاولن اتبعنّهن بالطوالة شوفن ماشات وين ؟ واوع يعرفن انتو متابعنّهن سمح؟ سمح يا خالتو .
يلا البنية السمحة والبتول طلعن وشايلات ليهن عمود تلاتة طوابق ما فيهو اى حاجة غير ورق الجرائد الجاي من الصين و البلفو بيهو ناس الكناتين زمان السكر .

قدلن قدلن قدلن وبعد دقائق بنياتنا الاتنين قدلن بارياتنّهن بالطّوالة سااااااااااااى ماشات وماشات وماشات وماشات والبنيات متابعات وقت قرّبن للاسبتالية البنية والبتول عرجن لإتجاه اخر صوب فريق ناس المغترب . القمر في طفولتو عمر 5 ايام بس و البنيات الاتنين ماشات ملاصقات الحيّط عشان يكون ضل الحيّطان وصرايف القش رامية فيهن ....
بعد مشوار البتول والبنية وصلن بيت قريبة المغترب وانزون بمدخل الصريف برااااااااااااااحة .

اها البنيات الاتنين عرفن محل دخول البتول والبنية وبعد داك رجعن جري لخالتهن بعد تنفيذ تعليماتها حرف حرف بدون حد يحس او يسمع


وتفشى وعم القرى والحضر

اها اخت الخطيب المرفوض نقلت الخبر لأمها وخواتها على طول . وكانت دهشتهنّ ان تتقرب البنية الى ذاك المغترب الغرب افريقي الاصل وترفض ابنهن العربي النضيف على حد قولهن . يعني عشان مغترب وجابلو فلوس ولا شنو ؟
فكرت اخت الخطيب المرفوض ان توصل رسالة للبتول تبين لها كشفها لسيناريو زيارة الامس للاسبتالية وعلى فور مسكت ورقة وقلم وكتبت فيها ما يلي :
الاخت العزيزة البتول اتمنى ان تكون زيارتكم مساء امس لدكتور ..... ( ذكرت لها اسم المغترب ) موفقة ، كما اتمنى ان يكون المريض قد تهنأ بعمود السمك والمرقة وملاح الملوخية .

وصلت الرسالة للبتول وقد انزعجت جدا وبدأت محتارة في كيفية معرفة اخت الخطيب المرفوض لهذا الموضوع .

نعم نعم فإن النار بالعودين تذكى وان الحرب أولها كلام


البنية وصلتها الرسالة واصابها الكثير من القلق والازعاج . لم تتعجل في الرد على الرسالة وتخشى من ان يزيد التصعيد من انتشار الخبر لذا لزمت الصمت لكنها راخية اضانها للشمارات داخل القرية حول هذا الموضوع .

المهم الخبر وصل لواحد من اهلها كبار السن الما عندهم قشة مرة . طوالي المساء جاها في بيتهم وصاري عكازو في اباطو وقال ليها ( هوي يا بت انت قبل كدا جاك فلان وجاك علان وكوووووولهم من اهلك ابيتيهم واخيرا سمعت لي طقة في الحلة قالوا رامية بالك في ل .......... الهامل الجاي من ليبيا داك . اها على الطلاق طلاق تلاتة ال ...... الهامل الجاي من ليبيا دا اكان ضبحناك وقسمناك كيمان كيمان ما نديهو من لحمك كوم . نحن اولاد عز وسمعتنا في السماء عايزة تدوسي نخرتنا في الواطة؟ تاني نقبل وين نحن مع القبائل اكان بنعرس بتنا للزول الهامل الجاي من ليبيا دا ؟ هو اكان عاجابهو فلوسو وعاجباك عربيتو الراكبا دي نحن بنعرف نسوى ليهو شنو . هوي يا بت بطلي الطرطشة واستري عرضنا )

الشاهد هو ان البنية دي امها وابوها متوفيان وولي امرها الوحيد اخوها واحد لكنو سجم رماد . واخوها دا شخصيتو ضعيفة ما عندو اى إرادة معاها ولما اختو كشفت ليهو رغبة المغترب في زواجها فرح جدا لكنه لم يكشف عن رضاه لبقيه اهله خشية بأسهم .

المهم مع مرور الزمن وتزايد المقابلات السرية بين المغترب والبنية بمباركة من اخيها المسكين اصرت البنت على ان تتزوجه مهما كانت التضحيات وإنكشفت رغبتها تلك لكل الاهل الذين صاروا يهددونها بالكثير من الالفظ وقد طالت تهديداتهم تلك المغترب نفسه .

كان المغترب يملك عربية ماركة اوستن جديدة لنج ومن اجمل عربات المنطقة وكل يوم طالع بيها ونازل بيها ولما يجي بيها جنب بيت ناس البنية اما عمل بوري او داس الابنص عشان يشعرها برجعتو للحلة .

في يوم من الايام قام المغترب من النوم وشال مفتاح العربية عشان يسخنا ويتحرك بيها مدينة السوكى لكنه فوجأ بأن العربية غير موجودة في مكانها والنار ولعت فيهو . وطوالي انصرف تفكيرو الى اتهام اهل البنية بسرقتها او إغراء بعض العصابات المعروفة لديهم لسرقتها بإرشادهم وتعاونهم مع تلك العصابات .


ذهب المغترب لأحد المحامين في مدينة السوكي وشرح اليه جميع ملابسات قضيته متهما اكثر من عشرة اشخاص من اهل غريمته بأنهم وراء سرقة عربيته الابيض ضميرك . بعد أن إقتنع محامي المغترب بجدية الشكوى قام على الفور بإعداد عريضة الشكوي . شملت قائمة الاتهام 5 من كبار السن الذين تتجاوز اعمارهم السبعين عاما . نعم لقد تم القبض على جميع المتهمين في نفس يوم البلاغ .

لقد اشعلت جذوة الغضب عندما تم القبض على هولاء العشرة وبعدئذ اتجهت القضية الى الجهوية والعنصرية من بدايتها فكانت تأتي ارتال من العربات مشحونة بالعرب وارتالا اخرى مشحونة بالغرب افريقيين ذوي المغترب قبل واثناء جلسات المحكمة .

كلفت أنا للدفاع عن العشرة (العرب) . الغريب في الامر هو ان البنية كانت ، اثناء التحريات و جلسات المحاكمة ، مجاهرة بإنحيازها للمغترب وكذلك شقيقها . فكلما شاهدها اهلها تنزل وتطلع هي واخوها مع المغترب اثناء التحري والقضية تزيد مراراتهم ومواجعهم وقد هدد بعضهم بقتلها .

إنتهت التحريات ولم تقم ضد المتهمين ثمة بينة قد تفضي الى ادانتهم في حالو عدم دحضها . وكانت البينة الوحيدة التي وردت ضدهم هى اقوال واحد من اهل المغترب ذكر فيها انه شاهد عربة تايوتا بوكس فيها ناس غرباء عن القرية دخلوها ليلا وباتوا في ديوان واحد من المتهمين العشرة ولم يرها بعد شروق الشمس .

وفي اثناء المحاكمة عمد محامي الاتها ( محامي المغترب ) الى اقناع المحكمة بأن المتهمين العشرة هم من دبر خطة سرقة الابيض ضميرك الخاص بالمغترب وذلك بالتعاون مع احدى عصابات النهب المسلح . وهم من اتصل بالعصابة وهم من قام بإيواء افراد العصابة في الليلة التي تمت فيها سرقة الابيض ضميرك وان ذلك العمل الاجرامي قصدوا به الانتقام من المغترب الذى اتهموه بانه قد عمل عمل للبنية وخلاها تتكسر فيهو عديل كدا .

في الحقيقة لم توجد ثمة بينة مباشرة تربط المتهمين بحادث سرقة الابيض ضميرك ( عربة المغترب ) . الشيئ الوحيد الذى افلح محامي الاتهام في اثباته هو علاقة المتهمين بالبنية واعتراضهم على تزويجها من المغترب وهذا امر لم ينكره المتهمون وقد اقروا به صراحة امام المحكمة بحكم انهم اقرباؤها ومن حقهم الاعتراض على من تقدم لزواجها ان كان ، في تقديرهم ، اقل كفاءة منها . اقر المتهمون ايضا بمبيت عربة بوكس ماركة تايوتا في بيت احدهم في الليلة التى سرق فيها الابيض ضميرك ولكنهم ذكروا ان العربة ماركة تايوتا تلك تخص بعض من اقربائهم الذين قدموا اليهم من مدينة سنار وهم في طريقهم الى مدينة القضارف وقد احضروا شهود دفاع اكدوا صحة روايتهم ( كون العربة تايوتا تخص اقارب اتوا اليهم وهم متوجهون الى القضارف) .

بعد ان استمعت المحكمة لقضيتي الاتهام والدفاع حجزت القضية للحكم النهائي بعد اسبوعين .

بعد ان تصاعدت التوترات بين البنت واخيها واهل المغترب من جهة واهل البت المعترضين على زواجها من جهة اخرى صممت البنت على الزواج من المغترب امام قاضي سنجة برفقة شقيقها الذى يصغرها سنا وهو الولي الشرعي الوحيد الذى يملك حق الموافقة او الرفض اما بقية الجماعة .................

ذهب المغترب والبنت وشقيقها للقاضي الشرعي بمدينة سنجة وتم عقد قران البنت على المغترب وعاد ثلاثتهم ليقيموا في قرية بعيدة من قرية اقربائها المعترضين على الزواج .

حان ميعاد جلسة الحكم - وقد استطاع كل طرف حشد عدد لا يحصى من مناصريه لسماع قرار المحكمة . كان كل فريق جالس بعيدا عن الفريق الاخر لكنهم بتحامروا بالعيون وكانت البنت وشقيقها في صف اهل المغترب مما جعل اهلها يعضون اصابعهم ولسان حالهم يقول ( بت منطلقة وصائعة وفلتت مننا سااااااااااااى لكن يا المغترب اصبر بنجيب خبرك وخبرها )

نادى حاجب المحكمة على الاطراف للدخول وسماع حكم القاضي وقد كان هنالك تزاحم شديد على الابواب والشبابيك لسماع الحكم .


النطق بالحكم في الحلقة القادمة

وما بعد الحكم تبدأ الفصول المذهلة بعد القبض على افراد العصابة التي سرقت عربة المغترب


في يوم جلسة النطق بالحكم إمتلأت ساحة المحكمة بالجماهير الغفيرة من ذوى الشاكي والمتهمين وكان أي واحد من ذوي الطرفين ماسك عكاوز المضبب في يدو وبارم سكينو في ضراعو .

نادي حاجب المحكمة على الشاكي والمتهمين وفي تلك اللحظة تدافع الناس نحو باب المحكمة ليجلسوا على المقاعد الامامية او على الاقل الحصول على مكان في اى زاوية من زوايا القاعة . قامت الشرطة بتفتيش كل من حاول الدخول داخل القاعة وانتزعت منهم العصى والسكاكين والحجبات . كان احد الحاضرين جالسا وهو خالف كراع في كراع وطلّع حقة التمباك وتنتنا ( التنتنا هي النقرة بحميمية لحقة التمباك إيذانا بفتحها) بنقرتين كدا وراح فاتحها عشان يخمش ليهو منها سفة . إنتبه حاجب المحكمة إليه فصاح بأعلى صوته ( اطلع اطلع اطلع يا رجل من المحكمة) الراجل المسكين طلع ومع الباب طوالي خمشو شرطئ آخر وحجزه في الغرفة المخصصة لشرطة المحكمة ريثما تنتهي إجراءات المحكمة ومن ثم يتم النظر في امر إهانته للمحكمة contempt of court


فتح القاضي ملف الشكوى ثم طلع النظارة ورجعها تاني وتاني طلع النظارة ورجعها ومسح الحضور بنظرة الهيبة والوقار العاجلة ثم عاد متصفحا ملف الدعوى الجنائية . سجل القاضي اسماء الحضور ( الشاكي والمتهمين واسماء محامي الاتهام والدفاع)

كان المحامون واقفين في انتظار بداية تلاوة الحكم وهم يرتدون الروب الاسود .

بدأ القاضي حديثه قائلا (نسبة لاسباب صحية لم تتمكن المحكمة من كتابة الحكم ، عليه لا مناص من التأجيل لجلسة قريبة يتلى فيها القرار) .

أصيب الكثيرون من الحضور بالاحباط لانهم اتوا الى المحكمة من مسافات بعيدة لسماع الحكم .

فتح القاضي والمحامون يومياتهم واختاروا ان تكون جلسة الحكم البديلة بعد إسبوع من هذا اليوم .

بعدها صاح حاجب المحكمة ( الشرطي) بصوت عال مع تحية للمحكمة ويده اليمنى مع ناضره وهو يقول (محكمة )




انقضى الاسبوع و حان موعد الجلسة واحتشدت الجماهير في قاعة المحكمة ولزم المحامون مواقعهم داخل القاعة وهم يلبسون العباءات السوداء ( الروبات) . كان القاضي لابسا بدلة سوداء وقميص ناصع البياض وربطة عنق حمراء مزركشة بنقاط بيضاء وحذاء اسود يتلاصف مع الاضاءة ودوران المروحة وايضا نظارة ذهبية اللون ( وين رمانة ؟ عشان ما تفاصح تاني ) .

فتح القاضي ملف الدعوى وراح ماسح ليك زوايا المحكمة بنظرات الهيبة والوقار للتأكد من هدوئها ثم عاد لتسجيل الحضور ( الشاكي ، المتهمين ومحامي الاتهام والدفاع)

قامت المحكمة بتلاوة حيثيات القضية وفندت اقوال الشهود ثم خلصت الى القرار الاتي :

(بعد أن استمعت المحكمة لقضيتي الاتهام والدفاع خلصت الى ان الادلة والبينات التي قدمها الاتهام في مواجهة المتهمين ضعيفة للغاية ولا ترقى الى مستوى إدانه المتهمين بالتهمة المنسوبة اليهم ومن ثم قررت المحكمة الافراج فورا عن جميع المتهمين بالبراءة .

في هذه اللحظة ضجت القاعة بالتصفيق و الهتافات ( عاشت العدالة عاشت العدالة - جاء الحق وزهق الباطل ان الباطل كان زهوقا )

خرج المتهمون من القاعة وإستقبلهم اهلهم بدموع الفرح في ساحة المحكمة الخارجية .

خرجت البنية واخوها والشاكي واهل الشاكي تبدو على وجوههم الحسرة وكان الشاكي يصيح ويتحدث مع اهله ( حأستأنف حأستأنف )

هنا انتهى المشهد الاول من القضية اما المشهد المثير حقا فقادم اليكم في الحلقات القادمة التي ترتبط ارتباطا وثيقا مع الحلقات السابقة .

تتناول الحلقة القادمة كيفية العثور على عربة المغترب الابيض ضميرك وهي مفككة اسبير اسبير في جبل اللباتور شرق مدينة رفاعة وعلاقة أسد البطانة ( احد اشهر عصابات النهب المسلح في السودان ) بتلك السرقة وهل فعلا للمتهمين الذين افرج عنهم بالبراءة علاقة بنهبها؟

نعم سرقت عربة المغترب ( الابيض ضميرك) في خضم المواجهات بين المغترب وذوي البنية


فهل كان تزامن سرقة العربة مع تلك الاحداث صدفة ؟


هل لذوي البنية علاقة بسرقة العربة ؟


وهل لأي من ذويها علاقة بأسد البطانة قائد كتائب النهب المسلح في الاقليم الاوسط سابقا ؟

في الحقيقة لم يستطع الاتهام في القضية التي برئ فيها ذوي البنية من تقديم ادلة دامغة تثبت اى علاقة بين ذوي البنية واسد البطانة او اى من افراد عصابته . في القانون حتى ان وجدت ادله و اثيرت حولها ظلال من الشك ، اى كان مقدار ذلك الشك ، فلا يمكن للمحكمة الحكم بالادانة لان الادانة في القضايا الجنائية لا يمكن تحققها ما لم تقم ادلة قوية ودامغة ومتماسكة تفضي الى ادانة المتهم دونما شك معقول بمعنى The guilt of the accused must be proved beyond reasonable doubt
لا اود ان انصرف بكم الى نقاش قانوني حول الادلة والمقدار المطلوب منها للادانة لتعقيداته القانونية ولكنى اترك استخلاص الحقائق الى القارئ الذى لا اشك في مقدارته العقلية intellectual abilities التي ستوصله الى استنتاج معقول بعيد عن الجدل والفلسفات القانونية .

المهم بعد ايام من تبرئة ذوي البنية من تهمة سرقة عربة المغترب اتصلت شرطة مدينة تمبول ريفي مدينة رفاعة بشرطة السوكي تبلغهم فيه بان هنالك شاب كان يعمل مساعدا مع عصابات نهب مسلح اتى وابلغهم - اي شرطة تمبول - بان هنالك عربة ماركة اوستن مفككة داخل حفرة في جبل اللباتور سرقت من قرى مدينة السوكى وانه اى الشاب كان مع من قاموا بسرقتها وعندما طالبهم بنصيبه من عائد بيع اسبيرات العربة المنهوبة ضربوهو وطردوه وانكروا اى دور له معهم في حادثة النهب .

ذكر الشاب للشرطة جميع اسماء افراد العصابة التي كانت حسب قوله بقيادة اسد البطانة ..... وايضا ذكر لهم اسماء جميع الميكانيكية الذين شاركوا في تفكيك اجزائها وكل من قام بشراء قطعة من مكونات العربة .
إثر ذلك الخبر تحركت قوة من شرطة السوكي الى قرية تمبول - كان اناس من ذوي المغترب وقتها منهمكين في اعمال الحواطة ( بالقرآن ) لتعود العربة للمغترب من اى جهة حركت اليها .



نعم هو اسد البطانة وكما ذكر اخونا الهادي اللحوي :

حينَ يأتي ذِكرُ البُطانةِ تأتينا مِن طرفِ الأحباب نسائمُ الشوّق ، تقفِزُ الذاكرةُ فوقَ حدودِ الخرائط ، فنرهِفُ السمعَ لصوتِ البَهمُ المفطومُ حين يلاقي الأم عند المغيب ، نفتحُ الرئتينِ باتساعِ الشهيقِ لنحتضنَ ريحةُ البرمُ ونوارٌ السنط والسيال واللعوت ، و النسيمُ محمّلاً بدعاش الخريف وأريج التبر وأبو صريصر.
البطانةٌ بياض التبر
بياض اللبن
وبياض النفوس
مساديرٌ ودوبيت ،
البطانةُ ليست نقطةَ على سطر ،
أو شوله لربط الكلام
ولا لوناً في الأطالسِ و المدونات ،
هي أهازيجُ الرعدِ وشلعة بِريقاً قِبليِ ،
هي سواري تبقبق ، و خير وفير

وجنياتاً يشيلوا حق الرجال حُمرة عين

عايزين نعرف من أين يطلع لنا أسد البطانه ، والقصه تسير على أنغام قصة الريده القديمه ،،


علم أسد البطانة وافراد عصابته بأن الشاب الذى ظلموه وهدد بالابلاغ عنهم جميعا قد ذهب فعلا لوكيل النيابة وتعهد له بالكشف عن مفاصل الجريمة بشرط الا يحاكم ويعاقب مع بقية افراد العصابة وهذا يسمى عندنا في القانون شاهد ملك . وشاهد الملك هذا يكون احد افراد جريمة استعصى التعرف على مرتكبيها فينبري احد المشتركين في ارتكابها طالبا العفو عنه مقابل الكشف عمن شاركوا في تلك الجريمة ويسمى هذا الاجراء في القانون الانجليزى بال Offer of Pardon وقد بوشر هذا الاجراء (عرض العفو) في قضية الفلاشا المشهورة حيث تم تقديم هذا العرض للمتهم الفاتح عروة في تلك القضية التي كان متهما فيها اللواء عمر محمد الطيب في عهد الرئيس نميري .

قبل وكيل النيابة بعرض العفو على على ذلك الشاب وبالمقابل قام ذلك الشاب بإرشاد الشرطة عن الموقع الذي خبأ فيه الابيض ضميرك وهو عبارة عن حفرة كبيرة داخل جبل اللباتور شرق مدينة رفاعة . وصلت الشرطة والشاب الى محل العربة ووجدوها مفككة حديدة حديدة وقد تم التصرف في اغلب اجزائها بالبيع . وايضا ارشد الشاب هذا الى الميكانيكي صاحب اللبلنكو الذى قام بتفكيك اجزاء العربة . بعد ذلك تحرك الشاب مع الشرطة للارشاد على كل مواطن اشتري قطعة من اجزاء الابيض ضميرك . اما اسد البطانة فقد صادف ان تم القبض عليه في جريمة نهب اخرى خلال نفس الايام وقد كان محبوسا لدى شرطة مدينة رفاعة .

قامت الشرطة بحصر جميع المتهمين بما فيهم اسد البطانة ومن ثم تم ارسالهم الى شرطة السوكي للتحري والمحاكمة .

نعم الان اسد البطانة في حراسة السوكي في انتظار تقديمه للمحاكمة .

كنت آنئذ اعمل محاميا بمدينة السوكي وكنت مقيما مع احد الاصدقاء الاكارم في مدينة السوكى ينتمى صديقي هذا الى اسرة آل الخبير التي تعود اصولها الى قريتي ود الخبير وود السيد المجاورتين للقرية التي يسكن فيها اسد البطانة ( قرية السيال) بريفي رفاعة . وقد علم صديقي هذا بحادثة القبض على اسد البطانة وإحضاره لمركز شرطة السوكي . ونسبة للجوار الجغرافي بين اهل صديقي في قرية ود الخبير وقرية اهل اسد البطانة فقد شعر صديقي هذا ان الواجب الاخلاقي يقتضي ان يقوم على الاقل بزيارة اسد البطانة في حراسته ومعه عمود مجيه بما لذ وطاب من الاطعمة . نعم كان صديقي هذا انسان متدين جدا وكريم حاتم غير ان تلك الخصال تلازمها خصال اخرى وهي الواجب الاخلاقي في الابرار على من حل بمدينته ضيفا وإن كان مجرما عملا بالمثل القائل عين تكرم الف عين فإكرام اسد البطانة من قبل صديقي هو إكرام لذويه الذين يسكنون بجوار قرية اهله ( اهل صديقي ) بريفي مدينة رفاعة .

تقابل صديقي مع اسد البطانة في الحراسة وحصل التعارف بينهما وقد طلب اسد البطانة من صديقي ان يبحث له عن محامي للدفاع عنه في التهمة الموجهة اليه . عاد صديقي من الحراسة الى منزله ووجدنى مع بعض الضيوف في الديوان فناداني وحكى لي موضوع القبض على اسد البطانة وطلب منى التبرع للدفاع عن اسد البطانة حتى تحسب تلك ايضا من الفضائل التي قدمها لأسد البطانه وأهله في قرية السيال .

قلت لصديقي ابشر ابشر مافي عوجة فأنا أؤمن بحق المتهم الدستوري بأن يقدم لمحاكمة عادلة وان يدافع عنه محامي لذا فانا على استعداد لقبول التكليف مهما كانت التضحيات .

كان هاجسي الاول هو الافراج عن اسد االبطانة بالضمانة وكان صديقي على استعداد لضمانة اسد البطانة فيما لو وافق القاضي على طلب الافراج عنه بالضمان .

اول اجراء قمت به هو تقديم طلب للمحكمة للسماح لي بمقابلة المتهم على مرأى وليس على مسمع من رجال الشرطة ليتسنى لي معرفة معطيات وملابسات الدعوى وتحديد خط الدفاع المناسب للمتهم .

بعد ذلك تقدمت بعدة طلبات للمحكمة للافراج عن اسد البطانة بالضمانة ولكن القاضي رفض بحجة ان الجريمة خطيرة وان التحقيقات لم تنته بعد .

كان اسد البطانة وهو مقيد بالجنازير في الحراسة يمثّل بأنه مريض وكان يستطيع ضغط انفاسه حتى يحدث blood bleeding ...... لتكون ذريعه لإحالته للمستشفى بدل يكون في الحراسة ، يبدو عندو رأي في حتة نقله للمستشفي دي .

شعرت الشرطة بضرورة إحالة اسد البطانة الى المستشفى للعلاج وبالفعل اقتيد الى المستشفى وهو مكبل بالجنازير وقد قرر الطبيب إلزامه فراش المستشفى للعلاج . لزم اسد البطانة الفراش بالمستشفى وكانت رجلاه مقيدتين واياديه مربوطة على احد اعمدة السرير الحديدية حتى لا يهرب من المستشفى .

استطاع اسد البطانة من تدبير علاقة مع الممرضات والممرضين داخل المستشفى كان يبدو مرحا ووديعا جدا وكان يغدق على الممرضين والممرضات بالمال حتى صار صديقا لهم يذهبون معه احيانا ، بعد فك القيود من رجليه ، الى محلات اكشاك القهوة والشاي واحيانا يحضرونه الى مكتبي ليتونس مع محاميه وكدا .

طالت مدة حبس اسد البطانة وشعرت شرطة السوكي من مصادرها الاستخباراتية ان هنالك بوكس ماركة تايوتا يحمل مجموعة من افراد غريبين يحوم حول المستشفى في الامسيات فكثفت الشرطة دورياتها حول المستشفى خشية إختطافه من قبل العاصابات التابعة له .


كان عدد افراد شرطة السوكي لا يتجاوز العشرين يغطون مساحة لا تقل عن مساحة دولة الكويت كووووووووووووولها . وقد صار عمل دوريات ليلية لمراقبة اسد البطانة ، حتى لا يختطف من قبل العصابات التابعة له ، امرا مزعجا جدا لمدير شرطة السوكي فقرر إحالته الى سجن ابو جيلي بسنار لان سجن ابو جيلي واسع وبه عدد مهول من العساكر الذين يمكنهم التصدي لاي محاولة اختطاف من قبل عصابات اسد البطانة .

المسافة بين سنار والسوكي 48 كيلو فقط فيمكن بسهولة ارسال قوة من شرطة السوكي لاحضار اسد البطانة من سجن سنار الى محكمة السوكي في أي يوم يحدد لمحاكمة اسد البطانة .

نعم تم نقل اسد البطانة لسجن ابو جيلي بمدينة سنار وهو مكبلا بالجنازير على متن عربة لاندكروزر بيك اب .

وصل الجميع لسجن ابو جيلي وبعد اجراء بعض الترتيبات الادارية تم تسليم اسد البطانة لمسؤولي السجن


تم ترحيل اسد البطانة لسجن ابو جيلي بسنار - علمت العصابة التي تنوي اختطافة بنبأ ترحيله من السوكي فغيرت من خطتها المرسومة لخطفه من مستشفى السوكي واعدت خطة جديدة تتواءم مع اوضاع سنار .

وفي سجن ابو جيلي تم حبس اسد البطانة داخل زنزانة وهو مكبل بالجنازير . طلب اسد البطانة من الجندي الذى يحرسه مقابلة مدير السجن بحجة انه مريض وفي حاجة الى الكشف الطبي عليه . كان اسد البطانة مبدعا في التمثيل بكونه مريض . امر مدير السجن باحضار اسد البطانة الى مكتبه وقد كان . عندما وصل اسد البطانة مكتب مدير السجن سقط ارضا وصار يزبد بزوايا فمه .

خاف مدير السجن من منظر اسد البطانة وامر بإحالته الى قسم الطواري بمستشفى سنار .

شخص الطبيب حالته وقرر احالته الى عنبر الباطنية بعد ان حدد له وصفة طبية معينة .

ظل اسد البطانة في المستشفى لمدة اسبوع وهو في حراسة جندي وقد استطاع من خلال كلامه الطيب مع الجندى ان يؤثر فيه ويرسخ فيه انطباع الرجل الطيب الوديع . كان يكلف الجندي ببعض الشغلانيات البسيطة - شاي قهوة تمباك وكدا –

في احدى الامسيات دخلت قوة من الشرطة الى مستشفى سنار بقيادة لواء شرطة وقابلت الطبيب المشرف على اسد البطانه وحكوا للطبيب انهم قادمون من كوستي الى سنار بعد سماعهم بان المتهم اسد البطانة مقبوض عليه في سجن ابو جيلي وابلغوا الطبيب انهم اتوا للقبض عليه و للتحقيق معه في جريمة نهب خطيره حدثت وقائعها في منطقة الجبلين جوار مناطق مشروع سكر كنانة .

بعد ان اكرم الطبيب الضيوف الافاضل بالشاي والقهوة ذهب معهم الي عنبر اسد البطانة وكان الجندي المكلف بحراسته جالس على كرسيه جوار سرير اسد البطانة وعندما راي اللواء شرطة داخل على العنبر قام على طوله وتاااااااااااااااااااح دق البلاط محييا سعادة اللواء . قام اللواء برفع اسد البطانة من نومه وتاااااااااااااااااااح راح مسديا له صفعة في وجهه زى الصاقعة وهو يقول لاسد البطانة ( عذبتنا وعذبت امة محمد معانا لكن حتشوف المرة دي يا مجرم ) وعلى طول اتجه اللواء الى الجندي وقال ليهو ( يا جندي اكتب في دفتر احوالك ان اللواء فلان ومعه النقيب فلان والملازمين فلان وفلان حضروا وشالوا اسد البطانة للتحقيق معه في كوستي وسيعاد لكم فور اكتمال التحقيقات معه بشرطة كوستي )

لم تكن للجندي المسكين اى حيلة امام سعادة اللواء وعلى الفور قام بفك الجنازير من سرير عنبر المستشفى وسلمه لسعادة اللواء وقام الجميع برفع اسد البطانة وهو مكبل بالجنازير في عربة لاندكروزر جديدة اتي على متنها سعادة اللواء وزملاؤه .

ذهب سعادة اللواء سافر سعادة اللواء ومن ديك وعيييييييييييييييييييييييييييييك .
اتضح اخيرا ان سعادة اللواء هو احد عصابات النهب المسلح التي ظلت تعمل منذ القبض على اسد البطانة لاختطافه وقد كان .

وهنا انتهى سيناريو اسد البطانة

لنعود نواصل من المحطة التي تركناكم فيها من مسيرة تاجوج والمحلق


نعم تزوج المغترب ورست سفينته مع ملهمته في مراسي صنعاء بعد رحلة شاقة خسرت فيها البنية كل الاهل والعشيرة من اجل غريمها المغترب وقد اثبتت تلك الاحداث بما لا يدع مجالا للشك ما قاله الكمودي الامريكي Steve" Harvey


Quote:
“Nothing on this planet can be compared with a woman’s love—it is kind and compassionate, patient and nurturing, generous and sweet and unconditional. Pure. If you are her man, she will walk on water and through a mountain for you, too, no matter how you’ve acted out, no matter what crazy thing you’ve done, no matter the time or demand. If you are her man, she will talk to you until there just aren’t any more words left to say, encourage you when you’re at rock bottom and think there just isn’t any way out, hold you in her arms when you’re sick, and laugh with you when you’re up. And if you’re her man and that woman loves you—I mean really loves you?—she will shine you up when you’re dusty, encourage you when you’re down, defend you even when she’s not so sure you were right, and hang on your every word, even when you’re not saying anything worth listening to. And no matter what you do, no matter how many times her friends say you’re no good, no matter how many times you slam the door on the relationship, she will give you her very best and then some, and keep right on trying to win over your heart, even when you act like everything she’s done to convince you she’s The One just isn’t good enough.
That’s a woman’s love—it stands the test of time, logic, and all circumstance. ”



نعم تزوج الاثنان وعاشا حبا ممزوجا بحميمية الانتصار وقد انعم الله عليهما بمولودة اختارا لها اسم (انتصار )

ولكن أتدرون ما آلت اليه تلك العلاقة في النهاية ؟
هذا ما سنجيب عليها في الحلقة القادمة فابقوا معنا

..زي ما الدنيا لي قساية..ترم..
متابعين.

عودا حميدا مستطاب وحمدا لله على زوال الزنقه وما إلى ذلك من مجاملات ..
خلينا في المهم....
(البوش) يعني شنو؟؟
وقبل أن تسترسل أرجو أن تضع في اعتبارك ناس الشهاده العربيه وعضوية التويتر والفيسبوك..

Quote: زي ما الدنيا لي قساية..ترم..

والله يا رمانه أقدار ، عبدالوهاب الصادق كان له صوت غريب وفي هذه الأغنية تحديدا التي
يمارس فيها طعات جويه تستعصي على الميراج..
من المحزن أن يفقد القدرة على النطق فجأة ودون مقدمات..

نسأل الله له الشفاء..



-
شيقا .. مسؤول من الخير
دي الجريمه التالته التي تحكي عنها هنا،
إنت سكنت الدندر ول شيكاغو؟

امسك المغترب بيد العريس وراح مبشر بيهو فوق خشبة المسرح وبعد شوية نزل قادل بيهو متلهم الرجال ثم اخد بالعريس انزواية صوب كراسي الحريم وهو يبشر وممسك بسجارة بينسون وعييييييييييييك الزغاريد ولعت في السماء . البنية قطعت الشك الاغنية المطلوبة دي مقصودة بيها لكنها لم تحرك ساكن ومثلت انها متوازنة ومتماسكة لكن جواها مولع نار من المغترب . بعض الشباب والشابات المفتحين والمفتحات من اقرباء البنية بدأوا يحسوا من خلال تبادل النظرات برسائل روحية خفية متبادلة بين المغترب وبنتهم لكنهم آثروا التثبت ليسمعوا ونسة الحريم صبيحة الغد عن جملة معطيات السهرة .

خلاص اقتربت الساعات الاخيرة من نهاية الحفلة وباقي لي الفنان قصد ان يمسك باحلى اغنية عندو عايز يفكها في النهاية عشان يلخبط الكيمان كووووووولها . وفعلا الفنان مسك المايك وشكر الجمهور على التفاعل وراح فارد جناحيه مع اغنية حلوين زي ديل بزوروني حبايبي الحلوين اهلا جونى انا ما قائل .

خليكم تسمعوها ونواصل .

http://www.youtube.com/watch?v=nD_z3n0gDhw

Quote: ..زي ما الدنيا لي قساية..ترم.. متابعين.

تسلمي يا رمانة - صحيح ممنوع التحدث مع السائق ولكنه قول ليس على اطلاقه فللقاعدة قيود واستثناءات

اسكتي وتابعي يا اميرة

Quote: اسكتي وتابعي

:) :) :) :)
لكن انت ما أثناء سواقتك بتتكلم معانا.. أطَمى كيف أنا :)

(البوش) يعني شنو؟؟

ههههههههههههههههههههها البوش عندنا في الضهاري يا اللخو هو اى مناسبة تجمع الاهل فعندنا العرس والطهور والسماية وعندكم عييييييييك بالاضافة الى ما ذكر الفولنتاين والميلاد بهداياهو الحلوة دييييييك

Quote: وقبل أن تسترسل أرجو أن تضع في اعتبارك ناس الشهاده العربيه وعضوية التويتر والفيسبوك..

عندما صفارتي تفصر ويرموا لي التابلت والسيمافور هنااااااااك تاني ما بعاين لا بتاع شهادة عربية ولا اعضاء التيوتر ولا الفيس بوك



-

Quote: شيقا .. مسؤول من الخير دي الجريمه التالته التي تحكي عنها هنا، إنت سكنت الدندر ول شيكاغو؟

جرائم الحب والغرام يا ابا اكرم لا تعرف الحدود اسكت ساى جاياك محن

Quote: لكن انت ما أثناء سواقتك بتتكلم معانا.. أطَمى كيف أنا :)

انا مع الجير والدركسون بس يا رمانة

بعدين قلنا القاعدة ليست على اطلاقها انت مالك ما عايزة تستفيدي من التقييد ؟

Quote: نزل قادل بيهو متلهم الرجال

و دي شنو كمان؟

يا الطيب، أنا بقترح عليك تعمل قاموس دندري - عربي
ممكن تسميهو معجم البردانه..

أوكي؟

Quote: و دي شنو كمان؟

مرتضى ما تعذبني I am addressing my people

Quote: مرتضى ما تعذبني I am addressing my people

يا عضو الكونقرس ، نحن برضو ما ناسك ، زي ما بيغني صالح الضي ..

Quote: البوش عندنا في الضهاري يا اللخو هو اى مناسبة تجمع الاهل فعندنا العرس والطهور والسماية

هسه يا جينجريتش دي لو ما عذبتك بيها ناس دائرتك الإنتخابيه كانوا فاكرنها فَتَّة الفول..

أها .. مِتلَهِّم دي يعني شنو؟

اخى شيخ العرب ود شيقوق

سلامات

قبل ايام كنت فى سيرتك العطره مع كنداكة الدندر والصعيد, الناظره امانى

بشير العجب. تحدثت معها عن اهلنا الرباطاب " الطوافه" الذين ركبوا امواج

الصعيد فى القرن 19 وتزوجوا من الرفاعيين ومنهم والد شيخ بابكر بدرى الذي تزوج ام جدنا العم, عبد الكريم إسمها " بت شيقوق".والصعيد هو موطن
اهلى الجعليين السعداب منذ معارك المك نمر. لذلك اتابع قصصك الشيقه.
وبعدين يالمسنوح مابتسأل من صاحبك ابوبكر سيداحمد? ياخى الراجل مرقها لانجولا وموزمبيق.

Quote: يا الطيب، أنا بقترح عليك تعمل قاموس دندري - عربي ممكن تسميهو معجم البردانه..

وانا اضيف لود امدرمان, محمد المرتضى, " معجم البردانه والقويس"
مع ودى وتقديرى

Quote: عندما صفارتي تفصر ويرموا لي التابلت والسيمافور هنااااااااك تاني ما بعاين لا بتاع شهادة عربية ولا اعضاء التيوتر ولا الفيس بوك

Quote: يا الطيب، أنا بقترح عليك تعمل قاموس دندري - عربي ممكن تسميهو معجم البردانه..

Quote: وانا اضيف لود امدرمان, محمد المرتضى, " معجم البردانه والقويس"

ود عمي كيفنك وام عبد الله والولاد..
الترجمة لاولاد وبنات البندر وناس رمانه علينا..
بس ما تقسيها " متلها " غلبتني تب!
وكان درت تضهبم معاك تب سوق سواقتك !

البوش: الوليمة الكبيرة المصاحبة لمناسبة " لابد أن يكون فيها ذبائح "
القوسي: كان الأسم يطلق على الدندر معناه صعب الوصول اليها في زمن الخريف
و مازال اهلنا الرفاعيين يطلقون عليها هذا الأسم ..
البردانه :قرية في منطقة الدندر

دمتم جميعاً بالف خير ..

عبدالوهاب الصادق - ست الريد بقت قساية

اخونا الطيب

لك التحايا

انا غايتو جريت بنبرى و صنقرت هنا تانى لامن تصل الميس ا

عاطر تحياتى لى صلاح سوق

الناظرة اماني بت ابوى بشير

كيييفك

Quote: ود عمي كيفنك وام عبد الله والولاد.. الترجمة لاولاد وبنات البندر وناس رمانه علينا.. بس ما تقسيها " متلها " غلبتني تب! وكان درت تضهبم معاك تب سوق سواقتك !

ههههههههههههههها انا عارف اكان كمان إتلهمونى بكلام البندر الملولو ومعجّن برضك بتلحقيني يا سريعة النهمة .

يكفينا شرفا وفخرا انك مركبة مكنتين بندرية ناعمة وضهارية خشنة

Quote: البوش: الوليمة الكبيرة المصاحبة لمناسبة " لابد أن يكون فيها ذبائح " القوسي: كان الأسم يطلق على الدندر معناه صعب الوصول اليها في زمن الخريف و مازال اهلنا الرفاعيين يطلقون عليها هذا الأسم .. البردانه :قرية في منطقة الدندر

آي تابعي يديك العافية اى واحد من ناس البندر او الشهادة العربية او ناس التيوتر او الفيسباب - زى ما قال المرتضى - اشرحي ليهو بالمهلة .

Quote: يا عضو الكونقرس ، نحن برضو ما ناسك ، زي ما بيغني صالح الضي ..

انتو يا ناس البرمودة اصلا ما ناسنا علا تسووا ليها تكة طوييييييييلة وتربطوا ليها حريرة في ضنب التكة

Quote: هسه يا جينجريتش دي لو ما عذبتك بيها ناس دائرتك الإنتخابيه كانوا فاكرنها فَتَّة الفول..

الكليمة الحمراء دي شنو ؟ ما عندها مترادفات ؟ باقي نحن ناس ردف سااااااااااى !!

Quote: أها .. مِتلَهِّم دي يعني شنو؟

متكامل متكامل آآآآآآآآآآ اللخو . اها وقعت ليك ولا عندك طلب تفاصيل تاني ؟

شيخ المعز ود ابو نورة

الف سلامة بالطلة واحسن الله عزاءكم ياخ - مشيت والله مخصوص لاسعد ابو نورة طلبت تلفونك قال لي الراجل دا ما موجود في الاردن طفر ليهو لبلد طيرو عجمي لا عارفين ليهو رقم ولا حاجة .

Quote: قبل ايام كنت فى سيرتك العطره مع كنداكة الدندر والصعيد, الناظره امانى بشير العجب. تحدثت معها عن اهلنا الرباطاب " الطوافه" الذين ركبوا امواج الصعيد فى القرن 19 وتزوجوا من الرفاعيين ومنهم والد شيخ بابكر بدرى الذي تزوج ام جدنا العم, عبد الكريم إسمها " بت شيقوق".والصعيد هو موطن

أحييك واحيي ناظرتنا أماني بت اب جن الله يديها لينا العافية

يا زول انت ما كنت متابع ولا شنو؟ دا موضوع كبير وانا خصصت ليهو بوست عمل ضجة في سودانيز لحدما اتصل فيني الخال شوقي بدري من السويد وحكى لي بالتفاصيل كوووولها وكمان اتصل فيني استاذ منعم بابكر بدري من الاحفاد وعرفت عندهم اسم شيقوق حائم لليوم وسط الاسرة وكمان اتصلت فيني الاخت شاهناز زوجة اخينا الباشمهندس الفاتح الطاهر من اميركا . صحيح جدكم تزوج زينب بت شيقوق من قرية ام سنط واتضح - لدى استفساري خلال عودتي للدندر - ان اسم جدنا شيقوق مأخوذ من ناس ام سنط ( ام سنط تبعد من قريتنا 25 كيلو فقط )

لك منى وللاخت اماني الف تحية

عليك الرحمن منو البشحتف فينا
البت الجميلة ولا انت
سطرين ومدخل لينا اغنية
زي برامج الاذاعة نص النهار
بعدين شنو الكلمات الغميسة دي
ما تعمل لينا شرح للمفردات
اها الحصل شنو ؟؟
طبعا ازيك وكل كلمات الغرام في محبتكم

حيد ود البشير

سلام

Quote: انا غايتو جريت بنبرى و صنقرت هنا تانى لامن تصل الميس ا

تسلم تسلم والف مرحب بيك بس طول بالك للشحتفة بس

أمحمد اخوي كيفنك ياخ وكيف الجنيّات ؟

Quote: عليك الرحمن منو البشحتف فينا البت الجميلة ولا انت سطرين ومدخل لينا اغنية زي برامج الاذاعة نص النهار بعدين شنو الكلمات الغميسة دي ما تعمل لينا شرح للمفردات اها الحصل شنو ؟؟ طبعا ازيك وكل كلمات الغرام في محبتكم

ههههههههههههها عليك الرسول تتابع . السالفة دي حقيقية حرف حرف ودرامية اصلا وفصلا .

بس المحيرني حت ناس مدنى كايسين لشرح المفردات

والله يا أمحمد اخوى علا تكون ركبت ليك مكنة بندرية .

المهم أغنية ( حبايبي الحلوين ) دي ألهبت مشاعر الناس كوووووووولهم ونزلوا ليك نسوان ورجال حتى البنية العاملة فيها تقلة نزلت حت شدييييييييييد . اها المغترب لقى ليكم الجوطة دي فرصة وطوالي مشى يرقص ليكم في طرف البنية ( باقي لي زولك حاري ليهو تطيشا من touch يعني ) وشعر من نظراتا ليهو بانها مرتاحة ليهو بالحيل . زولك اتاريهو مجهز ليهو رسالة في وريقة فيها رقم تلفونو الثابت - طبعا زمان مافي موبايلات – وطوالي راح عاصر للبنية الوريقة في يدها وزولتك خمشتا زى الما حصلت حاجة ورايحة مدياهو ظهرها سريع عشان الناس ما تحس بحاجة .

الحفل انتهى والناس كوووووووولهم شتتوا لبيوتهم

تابعوا بس المحن والفتن جاياكم

سلامات ياشيقا يامخرج الروائع
واصل على مهلك وشحتف خلق الله دي

البت رجعت اهلها مع قريبات ليها وهي صارة الوريقة في يدها وفي الطريق فتحت حقيبتا السمحة ودفست الوريقة جواها منتظرة لحظة وصولها البيت عشان تغير ملابسها بمزاج وتتلهم غرفتا الخاصة وتولع الانوار وتقفل الباب وتنتكي عشان تقرأ كلام المغترب ليها . وصلت وغيرت واتعشت مع عولا وعملت ليهم فيها ماسكا وجع راس من السهر وستأذنت منهم واتلهمت الغرفة الخاصة دخلت وقفلت الشبابيك والابواب لانو الدنيا كانت شتاء صقط شديد وكدا جرّت البطانية وفتحت الحقيبة وطلعت الرسالة بلهفة ورعشة بسبب البرد وال ....... وبدت تقرأ:

عزيزتي ............. :


إيه يضرك تسأل يوم علي يا غالي
وإنت وحدك عارف همي عارف حالي

كيف أواصل صبري في الطريق الخالي
كيف بدونك تصبح اليالي ليالي

أنا كنت دايما ً بصبر مهما البعاد أضناني
في قلبي إنت بتكبر تكبر معاك معاني

برجى الأيام وستنى أمالي بين نيراني
والهجر مهما يألم يرجع حنانك تاني

لو كان جفيتني خليتني وحدي برايا
مع ليلي الوحدة والشوق حنينو معايا

ما بسيبو غرامك رضيان معاك بشقايا
وقت الطريقك يوصل أعرف نهايتة خطايا.

عزيزتي .... ارجوك ان تحفظي كلماتي هذه ورقم هاتف مكتبي وتمزقي الرسالة باسرع ما يمكن . انا لا أتجرأ الاتصال بك ولكنى في انتظار اتصالك انت في الساعة ..... من صباح اليوم التالي .
لك منى صادق الحب
اخوك ......

فكرت البنيّة في الرد عليــــــــــه برسالة عاطفية مثلها فما وجدت اجمل من ان تتلهم احاسيسه بقولها :

من أول نظرة لم آخد حذره
غير اني هويتو
في قلبي أويتو
قدرت جمالو وأغراني دلالو
أوريهو فنوني
يوريني فنونو

الحياء والنضره
والتيه والجبره
هم مصدر شوقي
ومصيبتي الكبرى
بالحب أبلاني وكمان خلاني
أجيد أشعارو حبيبي شعارو
ده جمال يسحرني
بي لونو ولونو

فيك ياذو الإمرة عا########ي رشاقة
تقسيمه وضمرة
في عيونك خمرة
فوق لونك سمره
في خدودك حمره
الليل والقمرة
ضدين واجتمعو
ثمارك ينعو
بقامتك رنعو

ثم اختتمت خطابها بدعوة صريحة له لمقابلتها في موقع يتفقان عليه فكتبت له :

فرح الاحبة يتم في الامسيات
حيث اللقاء يذهب ما كان وفات

الامور لحدي هسه عادية
نواصل لنتعرف على مزيد من التفاصيل

حيدر ولد ميرغني

كيفك يا العشاء ؟

Quote: سلامات ياشيقا يامخرج الروائع واصل على مهلك وشحتف خلق الله دي

اسكت ساى يا حيدر الليلة اقدل على راحتي في الصقيع الاسفيري دا ومحل رهيفة تنقد .

فاصل ونواصل

حظات بس

ياخي جيب لينا وقائع الجريمة من قولت تيت ذي المفتش كلمبو ( Peter Falk )
وبعدين اتحرفن في حل الغاز الجريمة



اديك كدا اسع ؟

Quote: وبعدين اتحرفن في حل الغاز الجريمة

ماهسى هو قاعد يتحرفن يافيصل, ماقاعد تقرا تفاصيل التفاصيل ؟ تقول الشقى كان محشور معاها تحت البطانية.

Quote: اديك كدا اسع ؟

النوبي السجم كتلتني بضحكة الله يمسخك يا مسنوووح

Quote: ماهسى هو قاعد يتحرفن يافيصل, ماقاعد تقرا تفاصيل التفاصيل ؟ تقول الشقى كان محشور معاها تحت البطانية.

زولك دا يا قلقو حقو الواحد يخمشو من جضومو ديل ويتلهم بيهو ميعة رأس عامر يديهو كأس كأسين نامن يعطس

اتصلت عليه في اللحظة المحددة وكانت تلك اول مرة يسمع كل منهما نبرات صوت الاخر . تلعثمت الالسن في بداية الووووووو وصار كل منهما يبلع في ريقو وبعد لحظة هدأت الامور وحدث التوازن وصار كل منهما يحكي للاخر لحظات انطباعه الاول في اول مشاهدة بينهما.....................
في النهاية اتفقا على ان يتقابلا في لحظة محددة من مساء ذلك اليوم في منزل لإحدى قريبات المغترب داخل نفس القرية . كان منزل البنية امام القرية ومنزل اسرة المغترب في الناصية الجنوبية منها على بعد 2 كيلو تقريبا .

صارت البنت تفكر في أوفى وأنبل صديقاتها واكثرنهن حرصا على مصالها و حفاظا على خصوصياتها لمرافقتها الى محطة اللقاء . وقع اختيارها على صديقتها البتول . ذهبت البنية الى صديقتها البتول في منزلها المجاور لبيت اسرتها وحكت لها الحاصل و طلبت منها ان تذهب معها الى منزل قريبة المغترب في مساء ذلك اليوم . وافقت البتول على الطلب وبعد ذلك طلبت البنية من البتول ان تسمح لها بالمغادرة لمنزلها لإجراء بعض الترتيبات ...... البتول قالت ليها اقعدي اشربي ليك جبنة آ بنية وامشي بيتكم ( احيييييييي انا دا يوم جبنة يا البتول؟) هكذا كان رد البنية .


حان وقت المساء وحانت لحظة التحرك الى منزل قريبة المغترب في طرف الحلة وظلت البنية في انتظار البتول وهي لابسة توب ملون عادي . وصلت البتول وبدأت تنادي صديقتها من خارج الحوش بصوت عالي يا فلانة يا فلانة يا فلانة . أهلين يا البتول ردت البنية بصوت اعلى من صوت البتول ذاتو. قالوا العاجبة بت خالي أمحمد ولدت بعملية في الاستبالية خصمتك بالشيخ التوم ود بانقا تمشي معاي نحمد ليها السلامة . نان يا البتول العاجبة ما ولدت من الصباح والناس كووووووووووووولهم مشوا ليها مالك تأخرتي ؟ هنا تداخلت (نفيسة ) واحدة فضولية من الجيران بعد سماع اصوات البنات ديل . ايوا نعم يا نفيسة ولدت من الصباح بس انا كنت مصدعة وما قدرت امشي معاهن وبعد بلعت حبوب بندول وجع الراس راح منى والحمد لله ، هكذا كان رد البتول لتسبيك سيناريو الطلعة الى بيت قريبة المغترب .

سمح يا البتول قدامنا قهوة تعالي اشربى معانا و نصلــــــــــي المغرب ونتحرك ( تسبيكة بروحانياتها كمان) . هنا نطّ اخو البنية الصغير وقال ليهن ما شات وين ؟ انا ماشي معاكن - ردت ليهو البنية ( نحن ماشين للحكيم ارح معانا عشان يشوف قومة النفس البتجيك كل مرة دي من شنو ؟ يمكن يديك حقنة بنسلين ) لا لا لا امشوا براكن انا ماشي معاكن وتت دابت ليها حدن ( الوليد لسانو مانجض لسه) . كانت في واحدة من بنات الجيران متابعة الكلام البين البنية والبتول وسبق ان تقدم اخوها لخطبة البنية ولكنها رفضت وقد رشح منها بعض الكلام الفارغ عن الخطيب اغضب اخواته جدا . بدأت اخت الخطيب الغير مرغوب فيه تتابع في تحركات البتول والبنية وشكت بحسها الكيدى ان المسألة قد لا تكون زيارة استبالية وانما امر آخر ........ وعلى الفور نادت اتنين من بنات اخواتا وقالت ليهن شوفن انا عايزة منكن حاجة واحدة بس . اها شنو يا خالتو ؟

شوفن يا بنات انا سمعت البنية دي ومعاها البتول قالن ما شات الاسبتالية اها انا دايراكن مما حسّيتن بيهن طالعات تمشن مبارياتنّهن بالطّوالة بعيد بعيد واوع يحسّن بيكن مبارياتنهن لحدى يصلن الاسبتالية سمح؟ لشنو يا خالتو ؟ ما تسألني لشنو بوريكن بعدين و انا قلت ليكن الكلام دا وشوفن اوع تكلمن زول بكلامي دا سمح؟ سمح يا خالتو .
تعالن تعالن واقول ليكن كلام تاني البنية دي مع البتول لو مشن اى جهة غير الاسبتالية برضو حاولن اتبعنّهن بالطوالة شوفن ماشات وين ؟ واوع يعرفن انتو متابعنّهن سمح؟ سمح يا خالتو .
يلا البنية السمحة والبتول طلعن وشايلات ليهن عمود تلاتة طوابق ما فيهو اى حاجة غير ورق الجرائد الجاي من الصين و البلفو بيهو ناس الكناتين زمان السكر .

قدلن قدلن قدلن وبعد دقائق بنياتنا الاتنين قدلن بارياتنّهن بالطّوالة سااااااااااااى ماشات وماشات وماشات وماشات والبنيات متابعات وقت قرّبن للاسبتالية البنية والبتول عرجن لإتجاه اخر صوب فريق ناس المغترب . القمر في طفولتو عمر 5 ايام بس و البنيات الاتنين ماشات ملاصقات الحيّط عشان يكون ضل الحيّطان وصرايف القش رامية فيهن ....
بعد مشوار البتول والبنية وصلن بيت قريبة المغترب وانزون بمدخل الصريف برااااااااااااااحة .

اها البنيات الاتنين عرفن محل دخول البتول والبنية وبعد داك رجعن جري لخالتهن بعد تنفيذ تعليماتها حرف حرف بدون حد يحس او يسمع

فاصل و نواصل

Quote: لكنهم آثروا التثبت ليسمعوا ونسة الحريم صبيحة الغد عن جملة معطيات السهرة .

والتي سميت لاحقاً بالشمارات ؟


يا شيقوق كفاية شحتفة


يا جماعة شيقوق دهـ موش ياهو بتاع العنكوليب ذاااته ول انا غلطان

Quote: يا جماعة شيقوق دهـ موش ياهو بتاع العنكوليب ذاااته ول انا غلطان

لا بتاع فسيخ الدويم يا مسنووح

نواصل

Quote: قدلن قدلن قدلن وبعد دقائق بنياتنا الاتنين قدلن بارياتنّهن بالطّوالة سااااااااااااى ماشات وماشات وماشات وماشات

بس ياها تفاصيل التفاصيل ذاتها

Quote: بس ياها تفاصيل التفاصيل ذاتها

لا رمانة دا الإسبايسي ياخ

العزيز شيقوق
متابعة لصيقة (سليسيون)
التحايا عبرك لي ود المرتضى وضيوفك الكرام

Quote: متابعة لصيقة (سليسيون) التحايا عبرك لي ود المرتضى وضيوفك الكرام

الف مرحب بود الكاشف

التحايا تصل لود المرتضى رايت ناو


خليك متابع سلسيون بس


عميق امتناني

الظاهر عليك قريت الجواب والرد

يا زول انحنا ما عندنا صبر

كب العندك وأرجع لعنكوليبك

Quote: يلا البنية السمحة والبتول طلعن وشايلات ليهن عمود تلاتة طوابق ما فيهو اى حاجة غير ورق الجرائد الجاي من الصين و البلفو بيهو ناس الكناتين زمان السكر .

شيلة العمود ابو تلاتة طوابق دا وكمان مع المغارب دا الجاب ليها الكدة ذاتو
عمود قدر دا من المفترض اكون فيهو ملاح لحم وسلطة ورغيف يعني غدا
اها الدنيا مغارب ائ زول بستغرب حتى عميكة الحلة العولاق
البت سمحة لكن ملخومة اها التمويه الما مظبوط دا سبب المشكلة كلها
اسع كان خفست ساهي جاي جاي كان اخير من حكاية اللسبتالية ام عمودا مع المغارب لا غدا لا عشا
.
.
.
شيقوق كان اتأخرت علي الجماعة ديل بتمها ليهن بموية ساهي بتمها

ألكع ألكع ياخي في انتظارك
شكرا يا ممتع

Quote: ثم اختتمت خطابها بدعوة صريحة له لمقابلتها في موقع يتفقان عليه فكتبت له : فرح الاحبة يتم في الامسيات حيث اللقاء يذهب ما كان وفات

الاتاريهن بنيات الدندر ماهن هينات

وينك يازول

تحياتى

ياخ معقولا
كل دا فاصل ونواصل
يبدو ان جهاز البث انضرب والدوائر اللاسلكية طشت !
،،،،،، سرت الليبية وفجأة جانا صاروخ من الناتو
وبما ان احد اطراف الازمة كان مغتربا بليبيا فضلنا ان ندس سرت فى الموضوع
وكما تعلم ما بنا من حالات الترقب و الانتظار و قرب انتهاء الفاصل الاعلانى المجانى وعودة البث المباشر
لمتابعة ما تبق من تفاصيل التفاصيل نلتقيكم بعد ؟؟؟؟؟
ولا كـــيف ؟؟
سلااام بوست شيق وشاهق حد الشهيق



قاسم المهداوى

Quote: كب العندك وأرجع لعنكوليبك

يعني طلع ياهو بتاع العنكوليب ؟ هههههههههههههههههه

وعد مني حيفصلها ليكم على عدد حلقات مهند ونور

عيييييييييييك لين يحبو بعض

لا حول كنت بعيد من النت جيت لقيت حلاوة مداخلات

اصبروا جاييكم للرد عليكم واحد واحد الا عماد الشبلي

المرتضى
والله ما ذكرته عن عبد الوهاب الصادق شيء مؤسف.. وابتلاء كبير ربنا يعجل ليه بالشفاء إن شاء الله
أقول ليك حاجة .. أنا بتذكر الاغنية (يعني الخمسة كلمات الاولى فيها ولحنها) بس محيت الفنان خالص.
للاسف الذاكرة أصابها كتير من التعتيم وهو من الآثار الجانبية لغربة العزلة والصمت .. قبل كم يوم كنت بجهد في ذاكرتي عشان اتذكر اسم فنان كان مشهور في الثمانينيات.. لا تخلو منه صبحيات أمدر الوريفة وقرب ينافس كمال ترباس ذاته..كان عنده اغنية بقول فيها في عينيك بريق الماس يقال انها كتبت في طبيبة عيونها واسعة وجميلة ومحشوة بطنٍ من الكحل - كما أذكرها.. فما أن كحلها الشاعر حتى ارتفعت عنده نسبة هرمون الاكسيتوسين وتفتقت قريحته عن كلمات هذه الاغنية.. لحد الآن ما قدرت أتذكر اسمه

الطيب شيقوق
خلاص أنا بتابع معاك بعد بكرة ..

Quote: الاتاريهن بنيات الدندر ماهن هينات

ود عمي عقب خف شوية على البنية ماتدخل في الغريق !

الناظرة اماني

Quote: ود عمي عقب خف شوية على البنية ماتدخل في الغريق !

انت بس خليك واقفة ديدبان لرعاياك لمخارجتهم من المنعطفات البندرية

Quote: خلاص أنا بتابع معاك بعد بكرة ..

لا يا رمانة عليك الرسول تصبري


التصليح لزوم تفضل الدكتور احمد القرشي بتصحيح معلومة اوردتها خطأ ردا على طلب الاستاذة رمانة

التصحيح في المداخلات ادناه

شكرا دكتور احمد القرشي وياها الخاتنك ليها

Quote: يا جماعة شيقوق دهـ موش ياهو بتاع العنكوليب ذاااته ول انا غلطان

ههههههههههههههههههههههههههههههههههههههه والطلح كمان يا الفاتح شلبي .


الواحد يغيب يومين من المنبر يلقاك تقدل متل الورل ,,, صحي مسنووووووح

المهداوي ذاتوووووو


الف مرحب بيك يا زعيم

Quote: كل دا فاصل ونواصل يبدو ان جهاز البث انضرب والدوائر اللاسلكية طشت ! ،،،،،، سرت الليبية وفجأة جانا صاروخ من الناتو وبما ان احد اطراف الازمة كان مغتربا بليبيا فضلنا ان ندس سرت فى الموضوع وكما تعلم ما بنا من حالات الترقب و الانتظار و قرب انتهاء الفاصل الاعلانى المجانى وعودة البث المباشر لمتابعة ما تبق من تفاصيل التفاصيل نلتقيكم بعد ؟؟؟؟؟ ولا كـــيف ؟؟

اصبر بس انت الوحيد الما بنكسر لك خاطر

Quote: سلااام بوست شيق وشاهق حد الشهيق

تسلميا الحبيب خليك معانا بس

دكتورة مهيرة

ازيييييك

Quote: الاتاريهن بنيات الدندر ماهن هينات

هويييييييييييييي المجالس بالامانات ما شايفة الناظرة اماني بت العجب و بت الدندر جات خمشت كلامك وعلقت عليهو ؟

الغريبة كنت فاكرها جاية تديك حمرة عين لكن الحصل عكس تماما جات تشفع ليك يا المهيرة شفت كيف نحن طيبين ومتسامحين

ود البوش

Quote: شيلة العمود ابو تلاتة طوابق دا وكمان مع المغارب دا الجاب ليها الكدة ذاتو عمود قدر دا من المفترض اكون فيهو ملاح لحم وسلطة ورغيف يعني غدا اها الدنيا مغارب ائ زول بستغرب حتى عميكة الحلة العولاق البت سمحة لكن ملخومة اها التمويه الما مظبوط دا سبب المشكلة كلها اسع كان خفست ساهي جاي جاي كان اخير من حكاية اللسبتالية ام عمودا مع المغارب لا غدا لا عشا

.


لا يا ود البوش زولتك شفقت بس - اكان امهلت اكان ضايرت الامور بالسترة لكن برضها معذورة باقي لي كانت ممكونة طااااااب
.

Quote: شيقوق كان اتأخرت علي الجماعة ديل بتمها ليهن بموية ساهي بتمها

خلوني اسبرس وارجع ليهم

Quote: الظاهر عليك قريت الجواب والرد يا زول انحنا ما عندنا صبر كب العندك وأرجع لعنكوليبك

ههههههههههههههها يجازي محنك بطل الشفقة - في حد بفك فرمالتو؟

Quote: . قبل كم يوم كنت بجهد في ذاكرتي عشان اتذكر اسم فنان كان مشهور في الثمانينيات.. لا تخلو منه صبحيات أمدر الوريفة وقرب ينافس كمال ترباس ذاته..كان عنده اغنية بقول فيها في عينيك بريق الماس يقال انها كتبت في طبيبة عيونها واسعة وجميلة ومحشوة بطنٍ من الكحل - كما أذكرها.. فما أن كحلها الشاعر حتى ارتفعت عنده نسبة هرمون الاكسيتوسين وتفتقت قريحته عن كلمات هذه الاغنية.. لحد الآن ما قدرت أتذكر اسمه

الأخت العزيزة / رمانة

سلامات

هذه الأغنية هي للفنان الرائع محمود علي الحاج

ومن أغانيه ..

انا في هواك ضحيت يا حبيبي لو تعلم

رغم بعدك يا مسافة

جربينا يا حنينا

قصة الريد القديمة

مالك مجافي الناس عايش براك في غربة

وغيرها

لك كل الود

وتفشى وعم القرى والحضر

اها اخت الخطيب المرفوض نقلت الخبر لأمها وخواتها على طول . وكانت دهشتهنّ ان تتقرب البنية الى ذاك المغترب الغرب افريقي الاصل وترفض ابنهن العربي النضيف على حد قولهن . يعني عشان مغترب وجابلو فلوس ولا شنو ؟
فكرت اخت الخطيب المرفوض ان توصل رسالة للبتول تبين لها كشفها لسيناريو زيارة الامس للاسبتالية وعلى فور مسكت ورقة وقلم وكتبت فيها ما يلي :
الاخت العزيزة البتول اتمنى ان تكون زيارتكم مساء امس لدكتور ..... ( ذكرت لها اسم المغترب ) موفقة ، كما اتمنى ان يكون المريض قد تهنأ بعمود السمك والمرقة وملاح الملوخية .

وصلت الرسالة للبتول وقد انزعجت جدا وبدأت محتارة في كيفية معرفة اخت الخطيب المرفوض لهذا الموضوع .

فإن النار بالعودين تذكى وان الحرب أولها كلام

يلا كونوا معانا لانو الفلم الحقيقي سيبدأ من هنا

البنية وصلتها الرسالة واصابها الكثير من القلق والازعاج . لم تتعجل في الرد على الرسالة وتخشى من ان يزيد التصعيد من انتشار الخبر لذا لزمت الصمت لكنها راخية اضانها للشمارات داخل القرية حول هذا الموضوع .

المهم الخبر وصل لواحد من اهلها كبار السن الما عندهم قشة مرة . طوالي المساء جاها في بيتهم وصاري عكازو في اباطو وقال ليها ( هوي يا بت انت قبل كدا جاك فلان وجاك علان وكوووووولهم من اهلك ابيتيهم واخيرا سمعت لي طقة في الحلة قالوا رامية بالك في ل .......... الهامل الجاي من ليبيا داك . اها على الطلاق طلاق تلاتة ال ...... الهامل الجاي من ليبيا دا اكان ضبحناك وقسمناك كيمان كيمان ما نديهو من لحمك كوم . نحن اولاد عز وسمعتنا في السماء عايزة تدوسي نخرتنا في الواطة؟ تاني نقبل وين نحن مع القبائل اكان بنعرس بتنا للزول الهامل الجاي من ليبيا دا ؟ هو اكان عاجابهو فلوسو وعاجباك عربيتو الراكبا دي نحن بنعرف نسوى ليهو شنو . هوي يا بت بطلي الطرطشة واستري عرضنا )

الشاهد هو ان البنية دي امها وابوها متوفيان وولي امرها الوحيد اخوها واحد لكنو سجم رماد . واخوها دا شخصيتو ضعيفة ما عندو اى إرادة معاها ولما اختو كشفت ليهو رغبة المغترب في زواجها فرح جدا لكنه لم يكشف عن رضاه لبقيه اهله خشية بأسهم .

المهم مع مرور الزمن وتزايد المقابلات السرية بين المغترب والبنية بمباركة من اخيها المسكين اصرت البنت على ان تتزوجه مهما كانت التضحيات وإنكشفت رغبتها تلك لكل الاهل الذين صاروا يهددونها بالكثير من الالفظ وقد طالت تهديداتهم تلك المغترب نفسه .

كان المغترب يملك عربية ماركة اوستن جديدة لنج ومن اجمل عربات المنطقة وكل يوم طالع بيها ونازل بيها ولما يجي بيها جنب بيت ناس البنية اما عمل بوري او داس الابنص عشان يشعرها برجعتو للحلة .

في يوم من الايام قام المغترب من النوم وشال مفتاح العربية عشان يسخنا ويتحرك بيها مدينة السوكى لكنه فوجأ بأن العربية غير موجودة في مكانها والنار ولعت فيهو . وطوالي انصرف تفكيرو الى اتهام اهل البنية بسرقتها او إغراء بعض العصابات المعروفة لديهم لسرقتها بإرشادهم وتعاونهم مع تلك العصابات .

نواصل

مستمتعين بالحدث
ويا سلااام لما ترمي الحجابت الفشنك
لانك ماقادر تغرز سنارتك
تعال نديك الطُعم المو صارقيل
بس احكي وقول وخلي الشلهتا يسمك يسمك

متابعين احكي

Quote: مستمتعين بالحدث ويا سلااام لما ترمي الحجابت الفشنك لانك ماقادر تغرز سنارتك تعال نديك الطُعم المو صارقيل بس احكي وقول وخلي الشلهتا يسمك يسمك

ههههههههههههها جيت آآآآآآآآآآ ديك العدة ههههههههههههههههههههههههههههههههها الشوووووووووووم

ويييييييييييييين وضاحتنا السمحة ؟ باقي لي زعلانة منى يا خالد ما تصلحني معاها - ياخ دي بتكتب ليك في ميزان حسناتك اكان اصلا عندك حسنات .

Quote: وبعد بلعت حبوب بندول وجع الراس

شيقا شيخ العرب.. باقى لي في شيتا ما راكب عدلو هنا...

زمن القصة وسيارات الأوستن ما ظنيت كان في بندول في البندر...

كان "كافينول" يا شيقا أكان ما بقى أسبرو...

والشيء الثاني يا شيقا...

.

Quote: . اها شنو يا خالتو ؟

العبارة أعلاه تب ما بتاعة أهلنا في البندر...

بناتننا هناك بيقولوا "خالتي" عديل بدون لولوة..

أنت يا شيقا قايل إن ما متنا ما شقينا الترب

ولا عايز تطلع بينا العالي.. عشان أولاد مدينة وكده

يا شيقا بس أنت رائع حتى النخاع في نقل

ثقافة البندر في هذا الأسفير الطيب..

consider it a friendly remark

Hats Up Any Way

أستاذناالعزيز شيقا سلامات , شفت البوست امس , وعشان الشحتفة قلت أحسن ما اخش هسع انتظر لحدى باكر
أكيد المسنوح بكون فرش العنكوليب كلو أجى انااقرأ بمزاج , اها جيت داخل ألقى يا دوب الأوستن
اتسرق , أسع انا اعمل شنو أقوم أفتش الاوستن فى انصاص الليالى دى ولا كيف .
مسعول من الخير ياخ عاطف هاشم مالك موجود معاكم ولا رجع البلد , يا ريت لو عندك رقم هاتفه.

حلاوة العودة غنيناها في موال.
حمدا لله على السلامة يا شيقا
يا" شيق " لكن لقيتك سيناريست لا يشق له غبار ولا الإعصار جوني!
القصة في جزء منها لامست لي قضية نجمة من حيث الاشعار المتبادلة بين الجاني والمجنى عليها:
اغنية ست الريد وأغنية من اول نظرة!.
وبعيدا عن التكيفات القانونية لمآلات هذه القضية، اقول ليك فكر في إنك تطلع كتاب قصص قصيرة سميه " Memories in the Realm of Justice" وصدقني 10 قصص كفيلة بإتمام هذا المشروع الإبداعي لا سيما ونحنا نعاني من قحط بيًن لا يخفى على الأعشى في هذا الضرب( Genre) من الادب.
--
الأغنية رهيبة يا شيقا

محبتي

كمال كرار

والله يا سعادتك يعلم الله يعلم الله انك عسكري من طراز غير .



لا بالجد كان موجود البندول يا جنابو الكلام دا في بداية التسعينات
.
Quote:

Quote: . اها شنو يا خالتو ؟ العبارة أعلاه تب ما بتاعة أهلنا في البندر...[/QU ههههههههههههههههها مالك علي يا جنابو؟ خليني اجي فيهم دايس ابنص ساااى Quote: يا شيقا بس أنت رائع حتى النخاع في نقل ثقافة البندر في هذا الأسفير الطيب.. تسلم تسلم سعادتك شهادة منك تعلق في الامينة ( تعرف الامينة حقت بيت الجالوص ؟) دي زماااااااااان كنا بنعلق فيها شنطة الدمورية مليانة كتب المدرسة الاولية وفيها الحبر تحت تحت تحت في اركانها اها لقيتني كيف؟

---

Post: #62 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-04-2012, 10:34 PM Parent: #61 يا جنابو فيصل Quote: مسعول من الخير ياخ عاطف هاشم مالك موجود معاكم ولا رجع البلد , يا ريت لو عندك رقم هاتفه. ياخ دا انا اول مرة اشوفو وتخيل حبينا بعض بصورة ما تتخيلها خمشتو من اهله ومشيت بيهو ساحل الخليج العربي وحلفت عليهو يشيش معاى رغم انها اول مرة لي وربما اول مرة ليهو لكن اللحظة اللحظة كانت جميلة - تخيل يا فيصل ونحن في البحر اتصلنا بصديقي احمد ابراهيم الجراي وكان وقتها في القضارف - ياخ اسكت ساى دي لحظة ما بتتكرر المهم هو سافر لكن حتما جايينا راجع يا جنابو فيصل وسوف اوريك لحظة عودته بس نزل لي رقمك في المسنغر

---

Post: #64 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 05:46 AM Parent: #62 أستاذنا الفطحل الفاتح ميرغني Quote: حلاوة العودة غنيناها في موال. حمدا لله على السلامة يا شيقا يا" شيق " لكن لقيتك سيناريست لا يشق له غبار ولا الإعصار جوني! القصة في جزء منها لامست لي قضية نجمة من حيث الاشعار المتبادلة بين الجاني والمجنى عليها: اغنية ست الريد وأغنية من اول نظرة!. وبعيدا عن التكيفات القانونية لمآلات هذه القضية، اقول ليك فكر في إنك تطلع كتاب قصص قصيرة سميه " Memories in the Realm of Justice" وصدقني 10 قصص كفيلة بإتمام هذا المشروع الإبداعي لا سيما ونحنا نعاني من قحط بيًن لا يخفى على الأعشى في هذا الضرب( Genre) من الادب. يا الفاتح اخوى دى ونسة ساي ياخ لا ترقى الى الرواية - لكن الغريبة اولاد البندر وبنات البندر بحبوا نوع الونسات دي ما عارف السر شنو . المهم طالما الشغلانية بقت ماشة كدا ( اصلا السمعة والغنى بجوك بالغفلة ) ليك على آخد بإقتراحك دا واقوم الملم ليك الحكاوي دى في كتاب واحد بعنوان ( ذكرياتي في رحاب العدالة) كما تفضلت بتجرمتك ليها الما خمج واقوم اسويك انت مصطفى سعيد احدى الروايات . المهم حأعمل الكتاب واسميهو ليك ( المجموعة الكاملة لشيقا) ههههههههههههه عشان تجوا انتو الماعندكم شغلة تترجموهو لسبعة لغات .

---

Post: #65 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: حسن طه محمد Date: 03-05-2012, 06:00 AM Parent: #64 شيقا العزيز بصراحة وبصراحة جدا بدأت في القراءة ولقيت القصة من بدايتها مشوقة وحاولت اواصل وتذكرت اني لو واصلت .. معناه شغلي الرسمي حيتعطل فقلت يا ولد ..... اكل العيش صعب بس لازم منو ... للعيال ولا ...... العيال وفي البيت ما في طريقة وما في وقت وقصتك عايزة متابعة.. وبتركيز كمان اعمل شنو ؟؟؟؟ فشوف لي حل بالله وواصل

---

Post: #66 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 06:13 AM Parent: #65 استاذنا حسن طه بوركت يا صديقي لا حول ولا قوة إلا بالله العلي العظيم ، فقدت الجالية السودانية بالسلطنة صباح اليوم عميدها ، وفقد النادي أحد أهم دعاماته وأركانه ، وفقدنا أباً حنوناً وصديقاً صدوقاً ومربيـــــــــــــاً وقائـــــــــــداً ومعلماً . نسأل المولى عز وجل أن يتغمد فقيد الجميع الحاج / بابكر النور بواسع رحمته ومغفرته ، وأن يدخله فسيح جناته مع الشهداء والصديقين والأبرار وحسن أولئك رفيقاً ، وأن يلزم أهله وذويه وأعضاء الجالية ومنتسبي النادي الصبر والسلوان ، ولا نملك إلا أن نقول " إنا لله وإنا إليه راجعون " ..... سأتوقف عن الكتابة حدادا عليه نواصل بعد غد ان شاء الله

---

Post: #67 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: محمد أبوالعزائم أبوالريش Date: 03-05-2012, 06:38 AM Parent: #65 المسنوح ... Quote: سمح يا خالتو جاي أتلهّمك في دي .... لقيت صبقوني. د. أحمد القرشي ... Quote: هذه الأغنية هي للفنان الرائع محمود علي الحاج ومن أغانيه .. انا في هواك ضحيت يا حبيبي لو تعلم رغم بعدك يا مسافة جربينا يا حنينا قصة الريد القديمة مالك مجافي الناس عايش براك في غربة ما تنسى دي: حبيب القلب ..... سمير القلب الريدة ما بالغصب _______ أول مرة أسمع الفنان عبدالوهاب الصادق، سنة 1975 في الجزيرة قرية إسمها (ودأبريش) .... وقتها ما كان عرف الطريق للإذاعة وواضح إنو كان فنان المنطقة (كل الجيكس حافظ كلامو).

---

Post: #68 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 07:01 AM Parent: #67 Quote: جاي أتلهّمك في دي .... لقيت صبقوني. انتو ناس ابو الريش ديل السناحة جارية في جيناتهم كووولهم مساخيط

---

Post: #69 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: موسي الراجل Date: 03-05-2012, 07:10 AM Parent: #67 ود شيقوق سلام بدل البنبر ختيت لى (هباب) وبرضو تدينا ليها ذى (جمه) الوارده حجر والله كان تلكعك اكان اخلى ود البوش يتمها مويه من ابو سته اليتك بهيش الصعيد ( لصاقه و اغيبش )

---

Post: #72 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 07:54 AM Parent: #69 اخي ود الراجل صباحك ورد Quote: بدل البنبر ختيت لى (هباب) وبرضو تدينا ليها ذى (جمه) الوارده حجر والله كان تلكعك اكان اخلى ود البوش يتمها مويه من ابو سته اليتك بهيش الصعيد ( لصاقه و اغيبش ) اصبر اصبر بطل الشفقة يا مسنوح ود البوش دا اصلو صار زى ديك العدة

---

Post: #102 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: Ahmed Yousif Abu Harira Date: 03-06-2012, 08:44 AM Parent: #72 Quote: نواصل انت بتواصل متين؟ تصلك الشِعبة

---

Post: #230 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: نوفل عبد الرحيم حسن Date: 03-13-2012, 11:13 AM Parent: #69 مثل هذه القصص الحقيقيه وهذا السرد الجميل يصلح ان يحول الي دراما ومسلسلات وافلام بدلا عن المسلسلات الاجنبيه فارغة المعني والمضمون في اغلبها ... لكن نقول شنو بس شيقا بالله زود الجرعه شويه ما عندنا صبر للشحتفه دي

---

Post: #231 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-13-2012, 11:31 AM Parent: #230 نوفل Quote: مثل هذه القصص الحقيقيه وهذا السرد الجميل يصلح ان يحول الي دراما ومسلسلات وافلام بدلا عن المسلسلات الاجنبيه فارغة المعني والمضمون في اغلبها ... لكن نقول شنو بس وكمان لو شفت البتولا او حبيبة المغترب ولا ليلي علوى كمان يا نوفل Quote: شيقا بالله زود الجرعه شويه ما عندنا صبر للشحتفه دي اصبر بس سيف اليزل كويس بقيت تغني كمان

---

Post: #70 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عبدالله الشقليني Date: 03-05-2012, 07:10 AM Parent: #67 الحبيب ود شيقوق كنتَ ولما تزل ، تكتنز هذه القلائد النادرة في فن القص . أهديك وأضيافك وضيفاتك مفتاح أغنية ،كي لا تُكمل القص في الهواء الطلق ، فللفكرة حقوق نشر ... قُم بقتلنا بالشوق .... ، ولمن يريد /تُريد البقية .... يدفع الثمن *

---

Post: #71 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عبدالله الشقليني Date: 03-05-2012, 07:21 AM Parent: #70 نرجو من الأستاذ / بكري أبوبكر رفع هذا الملف عالياً وله من الشُكر أجزله *

---

Post: #73 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 08:03 AM Parent: #71 أستاذنا عبد الله تحياتي لك يا العزيز ولجميع افراد اسرتك الميامين Quote: كنتَ ولما تزل ، تكتنز هذه القلائد النادرة في فن القص . أهديك وأضيافك وضيفاتك مفتاح أغنية ،كي لا تُكمل القص في الهواء الطلق ، فللفكرة حقوق نشر ... قُم بقتلنا بالشوق .... ، ولمن يريد /تُريد البقية .... يدفع الثمن هذه شهادة - اخي عبد الله - تملأني شرفا وفخرا شهادة من كاتب نراه تاج وقار يتلألأ على جبين هذا المنتدى لك عميق شكري وامتناني لطلب رفع البوست

---

Post: #74 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 08:31 AM Parent: #73 ذهب المغترب لأحد المحامين في مدينة السوكي وشرح اليه جميع ملابسات قضيته متهما اكثر من عشرة اشخاص من اهل غريمته بأنهم وراء سرقة عربيته الابيض ضميرك . بعد أن إقتنع محامي المغترب بجدية الشكوى قام على الفور بإعداد عريضة الشكوي . شملت قائمة الاتهام 5 من كبار السن الذين تتجاوز اعمارهم السبعين عاما . نعم لقد تم القبض على جميع المتهمين في نفس يوم البلاغ . لقد اشعلت جذوة الغضب عندما تم القبض على هولاء العشرة وبعدئذ اتجهت القضية الى الجهوية والعنصرية من بدايتها فكانت تأتي ارتال من العربات مشحونة بالعرب وارتالا اخرى مشحونة بالغرب افريقيين ذوي المغترب قبل واثناء جلسات المحكمة . كلفت أنا للدفاع عن العشرة (العرب) . الغريب في الامر هو ان البنية كانت ، اثناء التحريات و جلسات المحاكمة ، مجاهرة بإنحيازها للمغترب وكذلك شقيقها . فكلما شاهدها اهلها تنزل وتطلع هي واخوها مع المغترب اثناء التحري والقضية تزيد مراراتهم ومواجعهم وقد هدد بعضهم بقتلها . إنتهت التحريات ولم تقم ضد المتهمين ثمة بينة قد تفضي الى ادانتهم في حالو عدم دحضها . وكانت البينة الوحيدة التي وردت ضدهم هى اقوال واحد من اهل المغترب ذكر فيها انه شاهد عربة تايوتا بوكس فيها ناس غرباء عن القرية دخلوها ليلا وباتوا في ديوان واحد من المتهمين العشرة ولم يرها بعد شروق الشمس . وفي اثناء المحاكمة عمد محامي الاتها ( محامي المغترب ) الى اقناع المحكمة بأن المتهمين العشرة هم من دبر خطة سرقة الابيض ضميرك الخاص بالمغترب وذلك بالتعاون مع احدى عصابات النهب المسلح . وهم من اتصل بالعصابة وهم من قام بإيواء افراد العصابة في الليلة التي تمت فيها سرقة الابيض ضميرك وان ذلك العمل الاجرامي قصدوا به الانتقام من المغترب الذى اتهموه بانه قد عمل عمل للبنية وخلاها تتكسر فيهو عديل كدا .

---

Post: #75 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 10:47 AM Parent: #3 وقفة حداد على روح عمنا بابكر النور عميد الجالية السودانية بمسقط

---

Post: #76 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: قلقو Date: 03-05-2012, 11:59 AM Parent: #75 الأخ شيقا نشاطركم الأحزان فى فقدكم. Quote: المهم حأعمل الكتاب واسميهو ليك ( المجموعة الكاملة لشيقا) حبيبنا شيقا, وتحجز النسخة الأولى لى اخوك (ملح طبعا).

---

Post: #77 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: حسن طه محمد Date: 03-05-2012, 12:18 PM Parent: #76 Quote: اصبروا جاييكم للرد عليكم واحد واحد الا عماد الشبلي شيقا الا اخوي عماد شبلي دا انا ما برضي فيه اي شئ ود شبلي دا اهم زول في الدوحة مع كمرته طبعا لزوم التصوير والظهور وتعال شوف .ز يا شيقا لو في فعالية تلقي ود شبلي مع كمرتو يتقدل ساي آخر اهمياته وتلقي كل واحد يتبسم ليه .. وهو عامل تقيل وماشي علي السايد التاني .. اللي فيهو ال ..........

---

Post: #78 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: Kamal Karrar Date: 03-05-2012, 03:16 PM Parent: #77 Quote: عربيته الابيض ضميرك . بالله يا شيقا أبيض ضميرك عندكم عربية؟؟؟؟ صحي علمو واسع... طبعا عارف الأبيض ضميرك عند العاصميين شنو؟؟؟ ده موضوع فيه بلاغ عديل كده

---

Post: #79 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: rummana Date: 03-05-2012, 04:03 PM Parent: #78 الأخوان الطيب شيقوق/ محمد المرتضى/ أحمد القرشي: تعازينا في فقيدكم ربنا يرحمه ويغفر ليه سؤال: هل للفقيد ابنة خريجة قانون؟ ذكرني الاسم انسانة عرفتها قبل سنوات طويلة وحبيت أتأكد.. تحياتي

---

Post: #80 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-05-2012, 04:20 PM Parent: #79 يابا .. ورانا كورة ما تزازي بينا بين البوست والاذاعه .. الله يهديك عمر علي حسن

---

Post: #85 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 05:54 PM Parent: #80 الخال عمر على حسن الف مليون سلام شفقتنا عليك مالك يا سعادتك غائب؟ Quote: يابا .. ورانا كورة ما تزازي بينا بين البوست والاذاعه .. الله يهديك ابقى على كورت دي حوقة طاب ات فاكر طعام الصارقيل دا رامينو ليكم انتو ؟ ما تسرح ياخال

---

Post: #84 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 05:50 PM Parent: #79 Quote: الطيب شيقوق/ محمد المرتضى/ أحمد القرشي: تعازينا في فقيدكم ربنا يرحمه ويغفر ليه سؤال: هل للفقيد ابنة خريجة قانون؟ ذكرني الاسم انسانة عرفتها قبل سنوات طويلة وحبيت أتأكد.. لا يا رومو انت تقصدين الاستاذة هند بنت الشهيد بابكر النور دا اسم على اسم معقول درست حقوق الخرطوم وما بتعرفي هند بابكر النور؟

---

Post: #86 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: rummana Date: 03-05-2012, 06:29 PM Parent: #84 شيقوق.. ما درست "حقوق" الخرطوم أنا.. درست "قانون" الخرطوم شكلك انت درست بعد التعريب :) بعرف هند بابكر بس الأنا بسأل عليها ما خريجة جامعة الخرطوم.. شكرا على اي حال وشكرا للأخ أحمد القرشي على التوضيح والمعلومات، فعلا هو الفنان محمود على الحاج وكانت فرصة أمر على اليوتيوب وأستعيد بعض ذكريات أيام الشباب. أما بعد يا استاذ الطيب، فالابيض ضميرك عند ناس العاصمة امدرمان هي اغنية حنينة للطيب عبد الله أما عند ناس العاصمة الخرطوم فهو مشروب ود عما للشربوت من النوع الذي يفتى فيه بــ ما اسكر "قليله" فـ "كثيره" حرام .. والعهدة على الرواي.. أنا مالي شغل..! :)

---

Post: #83 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 05:47 PM Parent: #78 يا كمندان كيمو Quote: طبعا عارف الأبيض ضميرك عند العاصميين شنو؟؟؟ ده موضوع فيه بلاغ عديل كده اوع يكون حدي بس ؟

---

Post: #82 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 05:45 PM Parent: #77 خالي ود البوب Quote: وماشي علي السايد التاني .. اللي فيهو ال .......... انا عارفو زولي من دون حمام ما بعيش - بموت في الحمام

---

Post: #81 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 05:43 PM Parent: #76 قلقو Quote: وتحجز النسخة الأولى لى اخوك (ملح طبعا). وش الملاح لذوي الغربى والجكس ياخ وزيت الولد لشيقا

---

Post: #87 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: خالد علي محجوب المنسي Date: 03-05-2012, 06:45 PM Parent: #81 Quote: ويييييييييييييين وضاحتنا السمحة ؟ باقي لي زعلانة منى يا خالد ما تصلحني معاها - ياخ دي بتكتب ليك في ميزان حسناتك اكان اصلا عندك حسنات . لو بقيت أنا .. الهو أنا ودمحجوب القردابي ( ديــك عدة ) أنت بتكون العدة والجدادة ههههههههه وضاحة فوق عديلا أنا امشي واصلحا معاك دا بكون لما تجرب لحسة كوعك وعشم ابليس ووليداتو في الجنة بعدين المتلكنت يا عرريب بزعل وضاحة ليــــه كدي احكي حكيك سمح وتعجني ملكة الخيال الواسع ولا اهتم انت ما بقيت كاتب ليه مخلي ناس حبيب نورة يزمبعو؟؟ههههه مايسمعنا حبيب نورة يجينا ناطي زي قدر الله مايردوا إلا الدعاء احكي يا وهم خلي الردود نحن متشوقين

---

Post: #88 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 07:23 PM Parent: #87 Quote: وضاحة فوق عديلا أنا امشي واصلحا معاك دا بكون لما تجرب لحسة كوعك وعشم ابليس ووليداتو في الجنة خلاص لقيت هواك وتضري عييييييييييك Quote: بعدين المتلكنت يا عرريب بزعل وضاحة ليــــه ياخ اللوم بجي بالغفلات يا سجم - لكن وحياتك وضاحة دي مع حلاوة حديثا دا اكان قبلت عليك زي ابو الدقيق بس تاني ما يفكك منها علا الجليل الرحيم . اصلحني معاها بتكتب ليك في ميزان حسناتك اكان انت اصلا عندك حسنات اها كمان عايز تفتني مع ود نورة دا ياخ رقم روائي نحن ما بنجي في ضفرو

---

Post: #89 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: حيدر حسن ميرغني Date: 03-05-2012, 08:20 PM Parent: #88 تعازينا ياشيقا وان شاء الله آخر الأحزان

---

Post: #90 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 08:28 PM Parent: #89 Quote: تعازينا ياشيقا وان شاء الله آخر الأحزان تسلم اخي حيدر بس زعلان من زولتك تراجي المسنوحة مالها ما جات عزتنا؟ فاكرة المات دا عبد الرحيم محمد حسين ولا سيئ الذكر امين حسن عمر ولا بكري حسن صالح

---

Post: #91 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: خالد علي محجوب المنسي Date: 03-05-2012, 08:32 PM Parent: #89 هههههههههههه قلت لي كيف في ميزان حسناتي أنا رحل الكُحل وكتين إميّل أنا المرض البخلي العين تسيّل هييييييييع رقدت ستا ينظر هييييييع النهز ضرعاتي وارفع الحجاب لي فوق قول سنون فيل سنون دلك وهيك وهاك وهو كرو

---

Post: #94 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 09:32 PM Parent: #91 Quote: رقدت ستا دي بطلاق مافي حد بيعرفها غيري وكمان اقول ليك حد من غير البردانة بيعرفا مافي ات يا جني ما نصيح؟

---

Post: #92 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: Nazik Eltayeb Date: 03-05-2012, 08:37 PM Parent: #88 اها المرة دي كتلت منو يا المسنوح؟ ------------ كتلتنا نحن بالشحتفة... ما تخت القصة كلها و تقوم على عنكوليبك

---

Post: #93 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الفاتح شلبي Date: 03-05-2012, 09:05 PM Parent: #92 كم مرة بس نقول نحن مصتقرين ومنتظرين ؟ يا المسنوح ... شيل عنكوليبك وتعال خلصنا

---

Post: #96 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 09:37 PM Parent: #93 شوشو Quote: كم مرة بس نقول نحن مصتقرين ومنتظرين ؟ يا المسنوح ... شيل عنكوليبك وتعال خلصنا بطل جنك ياخ

---

Post: #95 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-05-2012, 09:35 PM Parent: #92 نزوكي Quote: كتلتنا نحن بالشحتفة... ما تخت القصة كلها و تقوم على عنكوليبك ياخ انت ذاتك وين كتلتينا ؟ بالشحتفة

---

Post: #97 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-06-2012, 06:21 AM Parent: #95 في الحقيقة لم توجد ثمة بينة مباشرة تربط المتهمين بحادث سرقة الابيض ضميرك ( عربة المغترب ) . الشيئ الوحيد الذى افلح محامي الاتهام في اثباته هو علاقة المتهمين بالبنية واعتراضهم على تزويجها من المغترب وهذا امر لم ينكره المتهمون وقد اقروا به صراحة امام المحكمة بحكم انهم اقرباؤها ومن حقهم الاعتراض على من تقدم لزواجها ان كان ، في تقديرهم ، اقل كفاءة منها . اقر المتهمون ايضا بمبيت عربة بوكس ماركة تايوتا في بيت احدهم في الليلة التى سرق فيها الابيض ضميرك ولكنهم ذكروا ان العربة ماركة تايوتا تلك تخص بعض من اقربائهم الذين قدموا اليهم من مدينة سنار وهم في طريقهم الى مدينة القضارف وقد احضروا شهود دفاع اكدوا صحة روايتهم ( كون العربة تايوتا تخص اقارب اتوا اليهم وهم متوجهون الى القضارف) . بعد ان استمعت المحكمة لقضيتي الاتهام والدفاع حجزت القضية للحكم النهائي بعد اسبوعين . بعد ان تصاعدت التوترات بين البنت واخيها واهل المغترب من جهة واهل البت المعترضين على زواجها من جهة اخرى صممت البنت على الزواج من المغترب امام قاضي سنجة برفقة شقيقها الني ( الني تعني سجم رماد) وهو بالمناسبة الولي الشرعي الوحيد الذى يملك حق الموافقة او الرفض اما بقية الجماعة ................. ذهب المغترب والبنت وشقيقها للقاضي الشرعي بمدينة سنجة وتم عقد قران البنت على المغترب وعاد ثلاثتهم ليقيموا في قرية بعيدة من قرية اقربائها المعترضين على الزواج . حان ميعاد جلسة الحكم - وقد استطاع كل طرف حشد عدد لا يحصى من مناصريه لسماع قرار المحكمة . كان كل فريق جالس بعيدا عن الفريق الاخر لكنهم بتحامروا بالعيون وكانت البنت وشقيقها في صف اهل المغترب مما جعل اهلها يعضون اصابعهم ولسان حالهم يقول ( بت منطلقة وصائعة وفلتت مننا سااااااااااااى لكن يا المغترب اصبر بنجيب خبرك وخبرها ) نادى حاجب المحكمة على الاطراف للدخول وسماع حكم القاضي وقد كان هنالك تزاحم شديد على الابواب والشبابيك لسماع الحكم . النطق بالحكم في الحلقة القادمة وما بعد الحكم تبدأ الفصول المذهلة بعد القبض على افراد العصابة التي سرقت عربة المغترب ابقوا معنا

---

Post: #98 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: ibrahim alnimma Date: 03-06-2012, 07:31 AM Parent: #97 التحية ليك يااستاذ الطيب شيقوق ........بس ياخي براحة علينا .........ياخي قللت نومنا؟؟؟؟؟؟؟؟؟

---

Post: #99 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-06-2012, 07:42 AM Parent: #98 استاذنا ابراهيم ود النعمة منك طولة والشوق ليك زى اشواقنا لزوال الانظمة الشمولية Quote: التحية ليك يااستاذ الطيب شيقوق ........بس ياخي براحة علينا .........ياخي قللت نومنا؟؟؟؟؟؟؟؟؟ الله يخليك يا زعيم بس حبيت امشي القيد حرن كية على المابينا

---

Post: #100 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-06-2012, 08:26 AM Parent: #99 في يوم جلسة النطق بالحكم إمتلأت ساحة المحكمة بالجماهير الغفيرة من ذوى الشاكي والمتهمين وكان أي واحد من ذوي الطرفين ماسك عكاوز المضبب في يدو وبارم سكينو في ضراعو . نادي حاجب المحكمة على الشاكي والمتهمين وفي تلك اللحظة تدافع الناس نحو باب المحكمة ليجلسوا على المقاعد الامامية او على الاقل الحصول على مكان في اى زاوية من زوايا القاعة . قامت الشرطة بتفتيش كل من حاول الدخول داخل القاعة وانتزعت منهم العصى والسكاكين والحجبات . كان احد الحاضرين جالسا وهو خالف كراع في كراع وطلّع حقة التمباك وتنتنا ( التنتنا هي النقرة بحميمية لحقة التمباك إيذانا بفتحها) بنقرتين كدا وراح فاتحها عشان يخمش ليهو منها سفة . إنتبه حاجب المحكمة إليه فصاح بأعلى صوته ( اطلع اطلع اطلع يا رجل من المحكمة) الراجل المسكين طلع ومع الباب طوالي خمشو شرطئ آخر وحجزه في الغرفة المخصصة لشرطة المحكمة ريثما تنتهي إجراءات المحكمة ومن ثم يتم النظر في امر إهانته للمحكمة contempt of court فتح القاضي ملف الشكوى ثم طلع النظارة ورجعها تاني وتاني طلع النظارة ورجعها ومسح الحضور بنظرة الهيبة والوقار العاجلة ثم عاد متصفحا ملف الدعوى الجنائية . سجل القاضي اسماء الحضور ( الشاكي والمتهمين واسماء محامي الاتهام والدفاع) كان المحامون واقفين في انتظار بداية تلاوة الحكم وهم يرتدون الروب الاسود . بدأ القاضي حديثه قائلا (نسبة لاسباب صحية لم تتمكن المحكمة من كتابة الحكم ، عليه لا مناص من التأجيل لجلسة قريبة يتلى فيها القرار) . أصيب الكثيرون من الحضور بالاحباط لانهم اتوا الى المحكمة من مسافات بعيدة لسماع الحكم . فتح القاضي والمحامون يومياتهم واختاروا ان تكون جلسة الحكم البديلة بعد إسبوع من هذا اليوم . بعدها صاح حاجب المحكمة ( الشرطي) بصوت عال مع تحية للمحكمة ويده اليمنى مع ناضرة وهو يقول (محكمة )

---

Post: #101 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-06-2012, 08:27 AM Parent: #99 في يوم جلسة النطق بالحكم إمتلأت ساحة المحكمة بالجماهير الغفيرة من ذوى الشاكي والمتهمين وكان أي واحد من ذوي الطرفين ماسك عكاوز المضبب في يدو وبارم سكينو في ضراعو . نادي حاجب المحكمة على الشاكي والمتهمين وفي تلك اللحظة تدافع الناس نحو باب المحكمة ليجلسوا على المقاعد الامامية او على الاقل الحصول على مكان في اى زاوية من زوايا القاعة . قامت الشرطة بتفتيش كل من حاول الدخول داخل القاعة وانتزعت منهم العصى والسكاكين والحجبات . كان احد الحاضرين جالسا وهو خالف كراع في كراع وطلّع حقة التمباك وتنتنا ( التنتنا هي النقرة بحميمية لحقة التمباك إيذانا بفتحها) بنقرتين كدا وراح فاتحها عشان يخمش ليهو منها سفة . إنتبه حاجب المحكمة إليه فصاح بأعلى صوته ( اطلع اطلع اطلع يا رجل من المحكمة) الراجل المسكين طلع ومع الباب طوالي خمشو شرطئ آخر وحجزه في الغرفة المخصصة لشرطة المحكمة ريثما تنتهي إجراءات المحكمة ومن ثم يتم النظر في امر إهانته للمحكمة contempt of court فتح القاضي ملف الشكوى ثم طلع النظارة ورجعها تاني وتاني طلع النظارة ورجعها ومسح الحضور بنظرة الهيبة والوقار العاجلة ثم عاد متصفحا ملف الدعوى الجنائية . سجل القاضي اسماء الحضور ( الشاكي والمتهمين واسماء محامي الاتهام والدفاع) كان المحامون واقفين في انتظار بداية تلاوة الحكم وهم يرتدون الروب الاسود . بدأ القاضي حديثه قائلا (نسبة لاسباب صحية لم تتمكن المحكمة من كتابة الحكم ، عليه لا مناص من التأجيل لجلسة قريبة يتلى فيها القرار) . أصيب الكثيرون من الحضور بالاحباط لانهم اتوا الى المحكمة من مسافات بعيدة لسماع الحكم . فتح القاضي والمحامون يومياتهم واختاروا ان تكون جلسة الحكم البديلة بعد إسبوع من هذا اليوم . بعدها صاح حاجب المحكمة ( الشرطي) بصوت عال مع تحية للمحكمة ويده اليمنى مع ناضرة وهو يقول (محكمة ) نواصل

---

Post: #103 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: singawi Date: 03-06-2012, 08:54 AM Parent: #99 الحبيب ود شيقوق سلام وكلام ياخي القيد حرن دي انت قايلا كية للمابيك براهو ياخي نحن ذاتنا جهجهت باكاتنا والمتاوقة عملت لينا فلايت بس المطلع عيني أنا كنت وييييييييين وكت الأحداث دي نعمنو معظم البلاوي الزي دي في صعيدنا كان ما حضرناها بتجينا نسايمها أو أعصايرها . تحياتي

---

Post: #104 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-06-2012, 09:02 AM Parent: #99 Quote: Quote: رقدت ستا الخال دي انا عارفا .. لكن مابكسر حليفتك .. ثم تعال ياخي .. نحن نمرق من النسور نقع في زولك الرمدان واخته السمحه .. وعايزني ما اسرح .. ما اسرح كيف .. هو فضل لينا شنو غير السرحان كمان انا مع المرتضي وقاموس البردانه الحديث .. العالم يا خال لغته اتفتلت طاب حتي العربي الفصيح الدوغري فتلوه ليك وبقي زي ما قال السوري (بأي طريقه ملفوظه) .. اليومين ديل في قناة ام درمان في مذيعه شابكانا (الصفحه) بفتح الصاد والفاء والحاء بينما ابن منظور مشدد عليها في كل الحالات بسكون الفاء .. دا غير الاسماء الاجنبيه التي تنطق كما تكتب بالعربيه واحيانا يتفننو ليك فيها ويقلبوا ليك الفيفا viva لذلك تجدني من مناصري اصدار قاموس البردانه كاولوية قصوي ثم اتباعه بمذكرات شيقا في اقرب فرصه تفاديا لشحاتف الروح .. ويا اللاااااااااااه .. ويحلنا الحل بله اها قول لي الولد الرمدان واختو عملوا شنو عمر علي حسن

---

Post: #105 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-06-2012, 09:26 AM Parent: #104 سنجاوي ابن عمي كيفك ياخ Quote: ياخي القيد حرن دي انت قايلا كية للمابيك براهو ياخي نحن ذاتنا جهجهت باكاتنا والمتاوقة عملت لينا فلايت بس المطلع عيني أنا كنت وييييييييين وكت الأحداث دي نعمنو معظم البلاوي الزي دي في صعيدنا كان ما حضرناها بتجينا نسايمها أو أعصايرها . ههههها شيل الصبر يا ود سنجة أد الله اوع تتجهجه باكاتكم

---

Post: #107 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-06-2012, 09:45 AM Parent: #105 خالي ابو امير صباحاتك سمن بعسل Quote: ثم تعال ياخي .. نحن نمرق من النسور نقع في زولك الرمدان واخته السمحه .. وعايزني ما اسرح .. ما اسرح كيف .. هو فضل لينا شنو غير السرحان اسرح اسرح يا ابوي والسرحة خشم بيوت ان شاء الله بس ما تبقى سرحة ادريس جماع اللحقتو امات طه Quote: كمان انا مع المرتضي وقاموس البردانه الحديث .. العالم يا خال لغته اتفتلت طاب حتي العربي الفصيح الدوغري فتلوه ليك وبقي زي ما قال السوري (بأي طريقه ملفوظه) .. اليومين ديل في قناة ام درمان في مذيعه شابكانا (الصفحه) بفتح الصاد والفاء والحاء بينما ابن منظور مشدد عليها في كل الحالات بسكون الفاء .. دا غير الاسماء الاجنبيه التي تنطق كما تكتب بالعربيه واحيانا يتفننو ليك فيها ويقلبوا ليك الفيفا viva المرتضى يا خال خلاص اتسلس كويس على الجاردونات jargons البردانية حالنا - باقي لينا انت بس Quote: لذلك تجدني من مناصري اصدار قاموس البردانه كاولوية قصوي ثم اتباعه بمذكرات شيقا في اقرب فرصه تفاديا لشحاتف الروح .. ويا اللاااااااااااه .. ويحلنا الحل بله باقي لي ما شربت فنجان قهوة الصباح يا خال Quote: اها قول لي الولد الرمدان واختو عملوا شنو الولد ني ني ني يا خال

---

Post: #106 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: rummana Date: 03-06-2012, 09:40 AM Parent: #104 Quote: كان المحامون واقفين في انتظار بداية تلاوة الحكم وهم يرتدون الروب الاسود بالله صحي ..؟!! أنا غايتو ما حضرت زمن محمد أحمد محجوب.. الله عالم كلكم كنتوا لابسين كرفتات قصيرة منقطة مع قميص كاروهات وبنطلون مخطط.. وما عاوزة أمر على الالوان .. بعدين الحجبات دي مشكلتها شنو صادروها كمان..!!

---

Post: #108 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-06-2012, 11:39 AM Parent: #106 رومو Quote: بالله صحي ..؟!! أنا غايتو ما حضرت زمن محمد أحمد محجوب.. الله عالم كلكم كنتوا لابسين كرفتات قصيرة منقطة مع قميص كاروهات وبنطلون مخطط.. وما عاوزة أمر على الالوان .. الله يجازيك ليش كدا عين السخط وليست عين الرضا يا رومو Quote: بعدين الحجبات دي مشكلتها شنو صادروها كمان..!! عشان الواحد ما يتلهم ليهو واحد بعكاز ظنا منه ان سكين الخصم ما بتأكلو ( تطعنوا يعني) لانه محجب

---

Post: #109 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: محمد على طه الملك Date: 03-06-2012, 11:57 AM Parent: #106 غايتو إماك خلصت نضمك للخلوق دي بسراع بسراع.. ود المرضى هين وودالقرشي مقدورعليهو وبت الناظر ياهازولتكم.. إلا البقرع منك رمانه دي منو؟ أقول لك قولة الكع برّات الدارة. .. انت برضو ناوي تاجلنا اسبوع؟

---

Post: #110 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-06-2012, 03:29 PM Parent: #109 مولانا الملك Quote: غايتو إماك خلصت نضمك للخلوق دي بسراع بسراع.. ود المرضى هين وودالقرشي مقدورعليهو وبت الناظر ياهازولتكم.. إلا البقرع منك رمانه دي منو؟ أقول لك قولة الكع برّات الدارة. والله يا مولانا رومانة ما قادر انفك منها مرة معاى بسياسة العصا ومرة بالجزرة زى سياسة الامريكان مع ناس الانقاذ

---

Post: #111 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: على ميرغني Date: 03-06-2012, 05:19 PM Parent: #110 يا عمك يا تكب لينا باقي القصة ولا اسع اكتل ليك الدش في ايدك واحكيها انا نجر اخدر

---

Post: #112 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-06-2012, 07:16 PM Parent: #111 استاذنا على ميرغني حباب الصحفي المخضرم وحباب ناس التيار الخربوا الدار Quote: يا عمك يا تكب لينا باقي القصة ولا اسع اكتل ليك الدش في ايدك واحكيها انا تعال احكيها. بس بخاف يجي فيك واحد ناطي بقول ليك نحن عايزين اورجنال Quote: نجر اخدر النجر الاخدر دا ما اكل عيشكم يا ناس الجرايد

---

Post: #113 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-06-2012, 07:28 PM Parent: #112 ما تشفقوا الشفقة ال ...........

---

Post: #114 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-07-2012, 05:06 AM Parent: #113 انقضى الاسبوع و حان موعد الجلسة واحتشدت الجماهير في قاعة المحكمة ولزم المحامون مواقعهم داخل القاعة وهم يلبسون العباءات السوداء ( الروبات) . كان القاضي لابسا بدلة سوداء وقميص ناصع البياض وربطة عنق حمراء مزركشة بنقاط بيضاء وحذاء اسود يتلاصف مع الاضاءة ودوران المروحة وايضا نظارة ذهبية اللون ( وين رمانة ؟ عشان ما تفاصح تاني ) . فتح القاضي ملف الدعوى وراح ماسح ليك زوايا المحكمة بنظرات الهيبة والوقار للتأكد من هدوئها ثم عاد لتسجيل الحضور ( الشاكي ، المتهمين ومحامي الاتهام والدفاع) قامت المحكمة بتلاوة حيثيات القضية وفندت اقوال الشهود ثم خلصت الى القرار الاتي : (بعد أن استمعت المحكمة لقضيتي الاتهام والدفاع خلصت الى ان الادلة والبينات التي قدمها الاتهام في مواجهة المتهمين ضعيفة للغاية ولا ترقى الى مستوى إدانه المتهمين بالتهمة المنسوبة اليهم ومن ثم قررت المحكمة الافراج فورا عن جميع المتهمين بالبراءة . في هذه اللحظة ضجت القاعة بالتصفيق و الهتافات ( عاشت العدالة عاشت العدالة - جاء الحق وزهق الباطل ان الباطل كان زهوقا ) خرج المتهمون من القاعة وإستقبلهم اهلهم بدموع الفرح في ساحة المحكمة الخارجية . خرجت البنية واخوها والشاكي واهل الشاكي تبدو على وجوههم الحسرة وكان الشاكي يصيح ويتحدث مع اهله ( حأستأنف حأستأنف ) هنا انتهى المشهد الاول من القضية اما المشهد المثير حقا فقادم اليكم في الحلقات القادمة التي ترتبط ارتباطا وثيقا مع الحلقات السابقة . تتناول الحلقة القادمة كيفية العثور على عربة المغترب الابيض ضميرك وهي مفككة اسبير اسبير في جبل اللباتور شرق مدينة رفاعة وعلاقة أسد البطانة ( احد اشهر عصابات النهب المسلح في السودان ) بتلك السرقة وهل فعلا للمتهمين الذين افرج عنهم بالبراءة علاقة بنهبها؟ ابقوا معنا

---

Post: #115 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-07-2012, 05:30 AM Parent: #114 نعم سرقت عربة المغترب ( الابيض ضميرك) في خضم المواجهات بين المغترب وذوي البنية فهل كان تزامن سرقة العربة مع تلك الاحداث صدفة ؟ هل لذوي البنية علاقة بسرقة العربة ؟ وهل لأي من ذويها علاقة بأسد البطانة قائد كتائب النهب المسلح في الاقليم الاوسط سابقا ؟ في الحقيقة لم يستطع الاتهام في القضية التي برئ فيها ذوي البنية من تقديم ادلة دامغة تثبت اى علاقة بين ذوي البنية واسد البطانة او اى من افراد عصابته . في القانون حتى ان وجدت ادله و اثيرت حولها ظلال من الشك ، اى كان مقدار ذلك الشك ، فلا يمكن للمحكمة الحكم بالادانة لان الادانة في القضايا الجنائية لا يمكن تحققها ما لم تقم ادلة قوية ودامغة ومتماسكة تفضي الى ادانة المتهم دونما شك معقول بمعنى The guilt of the accused must be proved beyond reasonable doubt لا اود ان انصرف بكم الى نقاش قانوني حول الادلة والمقدار المطلوب منها للادانة لتعقيداته القانونية ولكنى اترك استخلاص الحقائق الى القارئ الذى لا اشك في مقدارته العقلية intellectual abilities التي ستوصله الى استنتاج معقول بعيد عن الجدل والفلسفات القانونية . المهم بعد ايام من تبرئة ذوي البنية من تهمة سرقة عربة المغترب اتصلت شرطة مدينة تمبول ريفي مدينة رفاعة بشرطة السوكي تبلغهم فيه بان هنالك شاب كان يعمل مساعدا مع عصابات نهب مسلح اتى وابلغهم - اي شرطة تمبول - بان هنالك عربة ماركة اوستن مفككة داخل حفرة في جبل اللباتور سرقت من قرى مدينة السوكى وانه اى الشاب كان مع من قاموا بسرقتها وعندما طالبهم بنصيبه من عائد بيع اسبيرات العربة المنهوبة ضربوهو وطردوه وانكروا اى دور له معهم في حادثة النهب . ذكر الشاب للشرطة جميع اسماء افراد العصابة التي كانت حسب قوله بقيادة اسد البطانة ..... وايضا ذكر لهم اسماء جميع الميكانيكية الذين شاركوا في تفكيك اجزائها وكل من قام بشراء قطعة من مكونات العربة . إثر ذلك الخبر تحركت قوة من شرطة السوكي الى قرية تمبول - كان اناس من ذوي المغترب وقتها منهمكين في اعمال الحواطة ( بالقرآن ) لتعود العربة للمغترب من اى جهة حركت اليها . نواصل

---

Post: #116 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-07-2012, 07:02 AM Parent: #115 زمان ناس مولانا محمد على طه الملك لو في جلسة نطق بالحكم في قضية كبيرة بخلوا ليكم الجماهير كلها تدخل المحكمة في انتظار حضور القاضي من بابه الخلفي - والقاضي ما بيكون شفقان بيدخل مع الجماهير لا لا لا - اكان القاضي لو ما شحتف روح الجماهير وقطع نفسهم ما بدخل المحكمة ولما يدخل بيدخل دخلة فجائية تخلع الناس كوووولهم ومع دخول القاضي تسمع حاجب المحكم يصيح وهو يقول ( محكمة) ويروح هارس ليك البلاط بالبوت نامن العلالة تعكل ولحظتها يقوم كل الناس وحتى المحامين على طولهم احتراما للمحكمة. يا حليل ايام القضاء قضاء ويا حليل ايام الزمن الجميل

---

Post: #117 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: Abutalib Elgorashi Date: 03-07-2012, 08:43 AM Parent: #116 أخونا الحاواتي شيقا بطرفكم مولانا ادريس القرشي وهو صاحب حكي جميل جدا يمكنك أن تضيف حكاوية الى كتابك القادم والتحية لك وله وللمتابعين

---

Post: #118 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: rummana Date: 03-07-2012, 09:25 AM Parent: #117 Quote: العلالة تعكل حأشوت ليك دي في معجم البردانة لترجمتها لاحقا بعد انتهاء المسلسل السوكي

---

Post: #120 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-07-2012, 02:56 PM Parent: #118 الاخوة والاخوات ود الكامل الرفاعي ود القرشي رومو عفوا لتاخير الرد عليكم بسبب البطئ الشدييييييييد الذى اصاب سودانيز اونلاين ساعود اليكم يا مسانيح واحد واحد بعد تجاوز المحنة

---

Post: #187 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 04:57 PM Parent: #120 يا نازك بت الطيب بطلي المداخلات البتجيب اللوم وحياتك لقيت مداخلة ليك بالصدفة هسه وعضيت مصبعي على تاخير الرد لكن انت السبب تاني ما تعملي مداخلتك جوة البوست عشان ما تلوميني ابقى ظاهرة يا بت عمي

---

Post: #195 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 09:49 PM Parent: #187 فاصل ونواصل

---

Post: #223 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-12-2012, 04:44 PM Parent: #187 شكرا اخي واستاذي اسماعيل عباس على الطلة بعد غياب

---

Post: #221 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: ismeil abbas Date: 03-12-2012, 03:37 PM Parent: #120 سرد جميل وقصة مشوقة جداً.......تسلم أخى الطيب.

---

Post: #121 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-07-2012, 09:31 PM Parent: #1 نواصل ابقوا معنا

---

Post: #122 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: محمد على طه الملك Date: 03-07-2012, 10:02 PM Parent: #121 Quote: اكان القاضي لو ما شحتف روح الجماهير وقطع نفسهم ما بدخل المحكمة ولما يدخل بيدخل دخلة فجائية تخلع الناس هههههههه إرهاب مقنن.. ماتزاوغ خش في الموضوع.

---

Post: #123 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: سيف الدولة كامل Date: 03-08-2012, 00:50 AM Parent: #122 ردك ما بندورو ,كمل القصة وانكشح شوف ليك ضل ضحي نقي فيهو عنكوليبك.

---

Post: #125 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-08-2012, 06:26 AM Parent: #123 Quote: ردك ما بندورو ,كمل القصة وانكشح شوف ليك ضل ضحي نقي فيهو عنكوليبك. يا بطل السناحة وخليني اكتب مالك باقي لي زى ........... لا .............. ولا بتخ.............. ياخ والله اكتب ولا خليني اكتب زيدك سناحة ولا كفاك ؟

---

Post: #124 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-08-2012, 06:19 AM Parent: #122 Quote: هههههههه إرهاب مقنن.. ماتزاوغ خش في الموضوع. اها يا مولانا كمان ازيدك دخلة القاضي الفجائية ورفعتو للنظارة وتنزيلها من نواضره لعمل مسح شامل لقاعة المحكمة الحركات دي ما بيعملوها الا القضاة اولاد النظار والعمد والسوط لاحقك عديل يا الناظر مع تحياتي للمذكورين ادناه من قضاة السودان : مولانا مهدي عقيد - ولد ناظر الاحامدة مولانا عباس على بابكر - ود العمدة على بابكر النعمان خضر عمر - ولد العم خضر عمر وهم من الحويرصاب - ودا كمان من الذين يجيدون الخلعان بيدخل المحكمة توش مع كركبة لبابه الخاص ككع كع ككع . محمد على طه الملك - الناظر الزبير الملك مولانا حسن المهل - ود عمدة ام روابة سيف الدولة حمدنا الله - ولد عمك حمدنا الله عبد القادر - دا كمان سبورت مستوحى من خلفية السمعة الادبية للوالد حمدنا الله عبد القادر . والغريبة ديل كوووووووولهم الكشة طالتهم من القضائية ما عدا عباس ود العمدة باقي لي نزل نيو فيرجن احدث من الفيرجن الموروث جينيا . ظهر جيل جديد من قضاة الانقاذ المفاجئين والخلاعين من منطلق ال سبورت sport الذى توفر لهم ايدلوجيا وديل خلعتهم ما اوريجينال كوبي ساى . اها لقيتني كيف يا مولانا ؟

---

Post: #126 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: Ahmed al Qurashi Date: 03-08-2012, 07:46 AM Parent: #124 يا الطيب شيقوق انت عاوز تتم القصة دي مثين ؟ يا أحي انحن ما فاضيين ليك كل دقيقة نجي نفتح البوست نلقاك بترد على الناس يا أخي الناس ديل اشكرهم في مداخلة واحدة وانتهي من السالفة دي خلينا نشوف لينا شغل تاني عذبتنا يا شيقوق، انا ما بحب المسلسلات نهائيا عشان حلقاتها الكثيرة وتطويلها للأمور ، عشان كده ما بحضرها أصلا تجئ انت هنا تعمل لينا مسلسل من نوع تاني يا زول جيب من النهاية وبعدين أعمل فلاش باك للأحداث للناس العاوزه التفاصيل مع السلامة

---

Post: #127 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-08-2012, 08:05 AM Parent: #126 Quote: يا زول جيب من النهاية وبعدين أعمل فلاش باك للأحداث للناس العاوزه التفاصيل فلاش باك؟ والله يا ود القرشي المرتضى شرّبك كلام ناس البندر - انا خايف كمان بقيت تنطق الكليمة دي مع لواكة لسان قال فلاش باك !! ياخ انا لو بعرف الفلاش باك تاني اجي باريكم برية سلام ما اسلم عليكم قال فلاش باك!!

---

Post: #128 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: Saifelyazal Elmaki Date: 03-08-2012, 08:10 AM Parent: #127 شيقوق سلام انا غايتو بمسك في كلام الدكتور ده بالحيل Quote: يا زول جيب من النهاية يا شيقوق عذبتنا

---

Post: #129 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-08-2012, 08:39 AM Parent: #128 سيف كييفك؟ Quote: انا غايتو بمسك في كلام الدكتور ده بالحيل ما خايفو يغطس حجرك ؟ ههههههههههههههها انا غايتو بجدع في الصقيع الاسفيري دا كراع كراع العايز يقدل بوراي بشيشو انا معاهو ، والعايزنى ارمي البنية عشان يدق بيها الدلجة دى عند الغافل يا العشاء .

---

Post: #130 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-08-2012, 08:55 AM Parent: #129 نعم هو اسد البطانة وكما ذكر اخونا الهادي اللحوي : حينَ يأتي ذِكرُ البُطانةِ تأتينا مِن طرفِ الأحباب نسائمُ الشوّق ، تقفِزُ الذاكرةُ فوقَ حدودِ الخرائط ، فنرهِفُ السمعَ لصوتِ البَهمُ المفطومُ حين يلاقي الأم عند المغيب ، نفتحُ الرئتينِ باتساعِ الشهيقِ لنحتضنَ ريحةُ البرمُ ونوارٌ السنط والسيال واللعوت ، و النسيمُ محمّلاً بدعاش الخريف وأريج التبر وأبو صريصر. البطانةٌ بياض التبر بياض اللبن وبياض النفوس مساديرٌ ودوبيت ، البطانةُ ليست نقطةَ على سطر ، أو شوله لربط الكلام ولا لوناً في الأطالسِ و المدونات ، هي أهازيجُ الرعدِ وشلعة بِريقاً قِبليِ ، هي سواري تبقبق ، و خير وفير وجنياتاً يشيلوا حق الرجال حُمرة عين عايزين نعرف من أين يطلع لنا أسد البطانه ، والقصه تسير على أنغام قصة الريده القديمه ،، نواصل عشان تشوفوا محن الدنيا يا الحبان

---

Post: #131 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: قلقو Date: 03-08-2012, 09:13 AM Parent: #130 والله ياشيقا شايفك عذبت جماهير المنبر وكلهم عايزنك تصل للنهاية بسرعة,لكن بينى وبينك انا مبسوط من لياقتك (من لايوق)...عذبم ياشيقا وطلع عينم وانا لو محلك ولزيادة جرعة السادية احلف طلاق ماأتم القصة الا بعد أسبوع ...غتاتة كدة بس .

---

Post: #132 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-08-2012, 09:21 AM Parent: #130 علم أسد البطانة وافراد عصابته بأن الشاب الذى ظلموه وهدد بالابلاغ عنهم جميعا قد ذهب فعلا لوكيل النيابة وتعهد له بالكشف عن مفاصل الجريمة بشرط الا يحاكم ويعاقب مع بقية افراد العصابة وهذا يسمى عندنا في القانون شاهد ملك . وشاهد الملك هذا يكون احد افراد جريمة استعصى التعرف على مرتكبيها فينبري احد المشتركين في ارتكابها طالبا العفو عنه مقابل الكشف عمن شاركوا في تلك الجريمة ويسمى هذا الاجراء في القانون الانجليزى بال Offer of Pardon وقد بوشر هذا الاجراء (عرض العفو) في قضية الفلاشا المشهورة حيث تم تقديم هذا العرض للمتهم الفاتح عروة في تلك القضية التي كان متهما فيها اللواء عمر محمد الطيب في عهد الرئيس نميري . قبل وكيل النيابة بعرض العفو على على ذلك الشاب وبالمقابل قام ذلك الشاب بإرشاد الشرطة عن الموقع الذي خبأ فيه الابيض ضميرك وهو عبارة عن حفرة كبيرة داخل جبل اللباتور شرق مدينة رفاعة . وصلت الشرطة والشاب الى محل العربة ووجدوها مفككة حديدة حديدة وقد تم التصرف في اغلب اجزائها بالبيع . وايضا ارشد الشاب هذا الى الميكانيكي صاحب اللبلنكو الذى قام بتفكيك اجزاء العربة . بعد ذلك تحرك الشاب مع الشرطة للارشاد على كل مواطن اشتري قطعة من اجزاء الابيض ضميرك . اما اسد البطانة فقد صادف ان تم القبض عليه في جريمة نهب اخرى خلال نفس الايام وقد كان محبوسا لدى شرطة مدينة رفاعة . قامت الشرطة بحصر جميع المتهمين بما فيهم اسد البطانة ومن ثم تم ارسالهم الى شرطة السوكي للتحري والمحاكمة . نواصل بدون شحتفة

---

Post: #133 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-08-2012, 09:34 AM Parent: #132 Quote: والله ياشيقا شايفك عذبت جماهير المنبر وكلهم عايزنك تصل للنهاية بسرعة,لكن بينى وبينك انا مبسوط من لياقتك (من لايوق)...عذبم ياشيقا وطلع عينم وانا لو محلك ولزيادة جرعة السادية احلف طلاق ماأتم القصة الا بعد أسبوع ...غتاتة كدة بس . هههههههههههههههههها اصبر لي يا قلقو انا حالف اكوي واخلف الكي وحالف أسففهم ليك البتّاب . لقيتني كيف؟

---

Post: #134 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-08-2012, 02:47 PM Parent: #133 Quote: عذبم ياشيقا وطلع عينم وانا لو محلك ولزيادة جرعة السادية احلف طلاق ماأتم القصة الا بعد أسبوع ...غتاتة كدة بس . معاك يا قلقو ! اديهم ياخال .. حبه واحده يوميا لحدي الورم ما ينفش .. والمواعيد عند التمرجي .. النشوف البمرق من البوست منو انا ذاتي ماعندي كورة لغاية الاحد .. وكان اجلوها ما بزعل عمر علي حسن

---

Post: #135 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: rummana Date: 03-08-2012, 03:06 PM Parent: #134 وبما أنه شيقوق ماخد راحته على الآخر وما ناوي يخلص القصة وبما ان أغنية الحفلة الأخيرة سبب القضية كلها اندفنت تحت ركام تفاصيل التفاصيل وبما اني بحب شريف الفحيل لله في لله كده نطلع بيكم فاصلين مع شريف http://www.youtube.com/watch?v=5yXwjNFFANM http://www.youtube.com/watch?v=Ubl3eDHs8pw

---

Post: #136 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-08-2012, 03:07 PM Parent: #134 Quote: اديهم ياخال .. حبه واحده يوميا لحدي الورم ما ينفش .. والمواعيد عند التمرجي .. النشوف البمرق من البوست منو انا ذاتي ماعندي كورة لغاية الاحد .. وكان اجلوها ما بزعل هههههههههههههههههها خالي انت سكر عديييييييييل كدا

---

Post: #137 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-08-2012, 03:11 PM Parent: #134 Quote: يا أحي انحن ما فاضيين ليك كل دقيقة نجي نفتح البوست نلقاك بترد على الناس الدكتور العزيز انت والمرتضي ما عايزنكم تفضوا ابدا .. خليكم مع الكلام المطعم بالسكر شغل الهمباته واسد البطانه دة خلوه لينا عشان لما نجيك للشعر والجمال يكون المخ نضيف ..ويفهم من اول مره كمان اقول ليك بالخبرة كده المتهمين الفيهم اسد البطانه ديل ما ممكن ينقلوهم من رفاعه للسوكي مع بعض .. غلط .. ولازم واحد منهم يعمل شوشره او يهرب ويطاردوه .. شوف ديل كم حلقه ! البوست ده ما ينفع الا كده .. مش كررررررررررررررررر .. طوّل بالك عمر علي حسن

---

Post: #138 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-08-2012, 03:18 PM Parent: #137 Quote: ولازم واحد منهم يعمل شوشره او يهرب ويطاردوه .. شوف ديل كم حلقه ! هههههههههههههههههها الله يجازي محنك كتلتني بضحكة - خايف يجي ناطي عليك واحد متشحتّف يفلقك بحجر لكن حسك الامني إنما إيه يا خال بسحروك الشفاقة ديل

---

Post: #139 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: على ميرغني Date: 03-08-2012, 04:15 PM Parent: #138 ود شيقوق .. مساك الله بالخير راجع المسنجر فتك بعافية

---

Post: #140 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-08-2012, 08:09 PM Parent: #139 اكان ما خالي عمر على حسن رمى لي التابلت ما برمي ليكم كليقة تاني لقيتني كيف يا خال ؟

---

Post: #141 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-08-2012, 08:35 PM Parent: #140 رومو اول بالتبادي تاني ما تحشري مداخلتك جوة البوست وتخلينا نفتش ليها بالفتاشة ثانيا Quote: وبما أنه شيقوق ماخد راحته على الآخر وما ناوي يخلص القصة وبما ان أغنية الحفلة الأخيرة سبب القضية كلها اندفنت تحت ركام تفاصيل التفاصيل وبما اني بحب شريف الفحيل لله في لله كده انت الفحيل البتحبيهو لله دا ما عجبتك فيهو الا الكنداكة ؟ وين نحن راجعين في المغيرب يا مسنوووووووووووحة؟ ياخ دا شريف لما فرد جناحو واترنم بيها خلى ليك حمد الريح ذاتو يرجف مش رومو

---

Post: #142 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: ناذر محمد الخليفة Date: 03-08-2012, 09:06 PM Parent: #141 من الأول ما كنت داير أخش الا القصة تنتهي لكن شكلك ما داير ترسيها لي بر .. بس بدور اسعلك .: الداعي شنو تنزل القصة كلها في أول مداخلة وبعد داك توزعا بالتقسيط المريح .؟!! كدة ما ضيعت علينا قرية التعليقات ؟!! غايتو الصفحة الأولى بعد ما قريت القصة في اول مداخلة .. جيت جاري الماوس جر كرونة ال ك ل ب في التعليقات لحدي ما وصلت هنا ولقيت روحي برضو لافي صينية .. المسنوح غايتو الله يديك العافية ويسكنك الصافية معاها مرتاً دافية قول آمين ..!!

---

Post: #143 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-08-2012, 09:34 PM Parent: #142 Quote: لقيتني كيف يا خال ؟ اب زرد ! هيييييييع كع Quote: اكان ما خالي عمر على حسن رمى لي التابلت ما برمي ليكم كليقة تاني زمان تور الجر سألوه القطر اتاخر ليه ؟ قال : السواق كاتل الناظر والناظر ختّ التابلت في جيبه وشال اهلو ..لامن العمده حلف عليه طلاق حتي رجع .. اها القي ليك عمده يحلف عليّ .. والتابلت في جيبي . عمر علي حسن

---

Post: #144 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-08-2012, 09:39 PM Parent: #142 Quote: المسنوح غايتو الله يديك العافية ويسكنك الصافية معاها مرتاً دافية قول آمين ..!! هههههههههههههههههههههههها مسنووووووووووووووح رسالتك وصلت ما تتعب تفصل ياخ

---

Post: #145 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-08-2012, 09:39 PM Parent: #142 Quote: المسنوح غايتو الله يديك العافية ويسكنك الصافية معاها مرتاً دافية قول آمين ..!! هههههههههههههههههههههههها مسنووووووووووووووح رسالتك وصلت ما تتعب تفصل ياخ

---

Post: #146 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-09-2012, 05:30 AM Parent: #145 الاخ على ميرغني راجع المسنجر

---

Post: #147 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: Ahmed al Qurashi Date: 03-09-2012, 09:08 AM Parent: #146 Quote: البوست ده ما ينفع الا كده .. مش كررررررررررررررررر .. طوّل بالك استاذي الجليل العم عمر علي حسن سلامات انحن لو ما مداخلاتكم الجميلة دي بوست ود شيقوق دا ما ندخله الا بعد ما نسمع من الناس انو انتهى من القصة ، بعد داك نجي نقرأ القصة كلها بدون شحتفة يا عم عمر انا اتصلت بيهو قلت ليهو احكي لي نهاية القصة رفض قال لي تقعد تنتظر كده . وبعدين مقضي لي المداخلات كلها يا فلان راجع المسنجر ويا مسنوح ما عارف ايه وعنكوليب انا بطلب من بكري يحدد لي الزول دا مداخلتين في اليوم فقط نشوفوا بيكتب فيهم شنو ولا شنو لك كل الود والتقدير والاحترام استاذي عمر علي حسن

---

Post: #148 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-09-2012, 10:41 AM Parent: #147 Quote: انحن لو ما مداخلاتكم الجميلة دي بوست ود شيقوق دا ما ندخله الا بعد ما نسمع من الناس انو انتهى من القصة ، بعد داك نجي نقرأ القصة كلها بدون شحتفة يا عم عمر انا اتصلت بيهو قلت ليهو احكي لي نهاية القصة رفض قال لي تقعد تنتظر كده . وبعدين مقضي لي المداخلات كلها يا فلان راجع المسنجر ويا مسنوح ما عارف ايه وعنكوليب انا بطلب من بكري يحدد لي الزول دا مداخلتين في اليوم فقط نشوفوا بيكتب فيهم شنو ولا شنو والله يا ود القرشي اكان بكري حدد لي مداخلتين في اليوم امانة ما حلت للدعس بدل الحلقة في يومين يصير اسبوع انتظر خالي عمر هسه بجيك متلّب من الطندبة

---

Post: #149 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-09-2012, 10:50 AM Parent: #148 قبل المواصلة في قصة اسد البطانة اسمحوا لي اخوتي ان انقلكم الى ما قيل عنه في الصحف المحلية والمنتديات الاسفيرية Quote: نقلا عن صحيفة الدار انتصار لشرطة ولاية الجزيرة تابعت الدار قضية المعتاد الخطير محمد مضوي جعفر ابن أسد البطانة مضوي جعفر حيث تمكنت شرطة ولاية الجزيرة من قتله بعد تبادل لإطلاق النار بين المتهم الهارب الملقب بأسد البطانة تيمناً باسم والده الذي يقضي عقوبة السجن بالسجن الإتحادي كوبر لمدة خمسة عشر عاماً مع عدد من المتهمين في بلاغات نهب بمنطقة أم ضريوة ومناطق أخرى .. وقضية أسد البطانة بدأت أحداثها بمحافظة بحري حيث قام أحد المتهمين بسرقة مواشي من المواطن حاج سعد وتمكن أفراد مباحث المحافظة ببحري من إلقاء القبض على المتهم بسرقة المواشي وأثناءالتحري معه حول الجريمة تمكن المتهم من الهروب من الحراسة ليبدأ بعد ذلك نشاط العصابة الواسع حيث عاد المتهم مجدداً وقاموا بالدخول إلى منزل الحاج سعد بحجة أنهم تابعين لإحدى الجهات الأمنية ولديهم أمر بتفتيش المنزل ليقوموا بنهب الأموال وبندقية وبعد ذلك اقتادوا صاحب المنزل وتركوه في العراء لتبدأ عمليات البحث الجادة من قبل مباحث المحافظة التي كان يرأسها في ذلك الوقت الرائد شرطة عبد الحميد الطيب بابكر حيث طاف أفراد المباحث مناطق البطانة المتعددة في مأمورية هي الأطول في تاريخ أفراد المباحث ، وفي احد الكمائن تمكن افراد المباحث من القبض على أسد البطانة الأب وابنه بمنطقة أم جلود جنوب المسلمية حيث كانوا داخل إحدى الحواشات بالمنطقة وكان الأب يحمـل مسدساً تم القبض علىه قـــــبل أن يستعمله أما ساعده المدعــــــو كمال السر فقد كان هارباً مـــن عدة بلاغات فتم القبض عليه بواسطة مباحث المحافظة أيضاً وقدم إلى المحكمة وتمت إدانته مع بقية المجموعة بالسجن لمدة خمسة عشر عاماً أما المتهم عوض فمازال هارباً من البلاغات المرتكبة . كانت مجموعة أسد البطانة قد تمكنت من سرقة عربة الراحل عمر نور الدائم وقاموا بإرتكاب عدد من السرقات بها وضبط بحوزتهم عربة بوكس موديل 96 بمنطقة شندي وبحوزتهم «2» بندقية كلاشنكوف وج 3 وكمية من الذخيرة والبوكس موديل «2000» يخص الراحل د. عمر نور الدائم والبوكس تم نهبه من منزل الراحل بواسطة معتاد إجرام وتم بيعه لأسد البطانة مضوي الذي قام بإعطائهم مبلغ مليونين من الجنيهات وهددهم بعدم العودة مجدداً لينصاعوا إلى التهديد ويتركوا البوكس الذي تمت به العديد من عمليات النهب . تمكن أفراد مباحث المحافظة بحري من تسديد أوراق البلاغ متكاملة بالتحري ومع المعروضات وأرسل المتهمين إلى حراسة شرطة المدينة ولكن المتهمين استغلوا عطلة عيد الفطر وتمكنوا من الهرب من الحراسة وذلك في عام 2001 م وكانت المحكمة قد أدانت والده وساعده الأيمن كمال السر بالسجن لمدة خمسة عشر عاماً وظل الابن مضوي مختفياً عن الأنظار إلى أن وصلت معلومات إلى شرطة رفاعة بتواجد الابن بمنطقة السيال بالبطانة وعند محاولتهم القبض عليه أطلقوا الرصاص على الشرطة مما جعل القوة تبادلهم إطلاق النار ليتم سحب ابن أسد البطانة الجريح من ساحة المعركة إلا أنه توفي متأثراً بجراحه لعدم إسعافه لفراره مع مساعديه إلى أن توفي وأبلغ عن جثمانه ليتم تدوين البلاغ بشرطة ولاية الجزيرة وما زال الأب أسد البطانة يقضي العقوبة لمدة خمسة عشر عاماً بالسجن الإتحادي بعد أن دفع الثمن غالياً وفقد فلذة كبده بسبب المال الحرام ..! ومعلومات اخري جديدة { مدني : صلاح حاج بخيت : جمعة الزاكي حقت شرطة ولاية الجزيرة نصرا كبيرا في مجال مكافحة الجريمة وذلك باقتناصها لاشهر مجرم بولاية الجزيرة ويدعي محمد مضوي جعفر المشهور بلقب «اسد البطانة» والذي روّع محلية شرق الجزيرة ومدن عديدة اخري وارتكب العديد من جرائم النهب المسلح باسلحة نارية والقتل وتعذيب الضحايا واسرهم واستغلال الضعفاء من سكان القري الطرفية بعد ارهابهم وتهديدهم بفرض الاتاوات والتعاون معه لارتكاب جرائمه وكذلك مده بالمعلومات عن تحركات الاجهزة الامنية ، واصبح بعبعا مخيفا يؤرق مضاجع المواطنين وتسبب في الذعر والهلع في كافة انحاء ولاية الجزيرة والولايات المتاخمة لحدود الولاية . واصبح يشكل خطرا علي المواطنين نسبة لاستعماله المكثف للاسلحة النارية الفتاكة مستغلا خبرته الكبيرة بالطرق البرية الوعرة والمخارج بالسهول والصحراء مما يصعب ملاحقته والقبض عليه وهذه الصفات جعلته يتفاخر وسط القبائل بانه اسد البطانة مما حدي بشرطة الولاية بوضع الخطط الامنية التي تساعد في القبض علي هذا المجرم وعصابته ، حيث قامت شرطة الولاية بالتنسيق مع الاجهزة الامنية الاخري تحت اشراف لجنة امن ولاية الجزيرة بعمليات دهم وتفتيش للمناطق التي يتواجد فيها المتهم ومع تكثيف البحث والمتابعة توفرت معلومات تؤكد وجود المتهم الهارب بمنزله بقرية السيالة وبتاريخ 14/9 الساعة الخامسة صباحا داهمت قوة من شرطة محلية شرق الجزيرة رفاعة منزل المتهم المذكور مما حدي بالمتهم وافراد عصابته مقاومة القوة واطلاق الاعـيرة النارية عليهم وادي ذلك لاصابة المتهم باعيرة نارية وبعدها تمكن افراد العصابة من تهريبه عبر عربة بوكس بعد نفاد الذخيرة من تيم المواجهة . بتاريخ 19/9 وصلت معلومة للشرطة تفيد بوفاة المذكور متأثراً بجراحه داخل مخبأ باحد المناطق المجاورة وقد احضر الجثمان لمنزله فتحركت قوة من الشرطة الي منزله وتم احضار الجثمان لمستشفي ود مدني للتشريح بعد ان تم التأكد من شخصيته . وتفيد معلوماتنا بان افراد العصابة حاولوا استخراج الرصاصة من داخل بطن المتهم بسكين واستعملوا ادوات بلدية عجلت برحيله . الجدير بالذكر ان المتهم مطلوب للعدالة في عدة مدن منها عطبرة .. شندي .. القضارف .. الحصاحيصا .. ابو كرشولة .. الدامر وحلفا وكتب آخر عن أسد البطانة ما يلي :- Quote: همباتي نبيل ، يأخذ من الأغنياء ليعطي الفقراء .... يتحدث عنه الناس وكأنه أسطورة من زمن الأساطير .... يحدثونك عن وصفه ضخم الجسد .... عريض المنكبين ، يهابه الناس .... منظره يوحي بالقسوة والصلابة ..... سمعت عنه منذ فترة طويلة ، في إجازتي الأخيرة في السودان كنت موعوداً مع شخص يعرفه حق المعرفة لكي يكلمني بإستفاضة عنه ، ولكن الزمن أبى ولم أقابل ذلك الشخص ...... ليت من يعرف عنه أن يحدثنا بالتفصيل لكي نعرف سيرته الحقيقية ... وهل هو لص وسارق .... أم إنسان نبيل من جواه ويعشق المغامرة .... وكتب آخر عن مضوى جعفر مضوي (اسد البطانة) ما يلي :- Quote: مضوي انا سمعت عنه كثيرا ومما اثار اهتمامي انه لا يسرق لنفسه بل ليعطي الناس ومما يذكر عنه في يوم من الايام طلب من ابنه ان ينضم اليه في عمله ويساعد المحتاجين فاستغفل ابوه وما سرقه من احد المتواجدين في السوق اراد ان يضعه في جيبه فانتبه ابوه فجاة وقال له " نحن ما بنسرق عشاننا نحن بنسرق عشان ندي الماعندو وخليك راجل" والعهدة على الراوي. وآخر قال عنه :- Quote: لقد التقيت شخصيا بهذا المضوى فى منزل اسره من رفاعه وطلب هو بنفسه ان لا نتحدث ولانذكر مجيئه لامن بعيد ولامن قريب ليس خوفا على نفسه بل خوفا على هذه الاسره الكريمه التى قدمت له المساعده وهم لايدرون عنه شيئا الحكايه بدات فى مصنع سكر الجنيد وكان وقتها مضوى مقبوض عليه وفى نفس الوقت طريح المستشفى على مااعتقد فى تلك الفتره كان هنالك ضابط شرطه من قرية الدناقله شرق مدنى وهذا الضابط تربطه صلة رحم مع الجد عليه رحمة الله محمد دياب....... وليست له علاقه او معرفه بالموضوع فقط تعريف لشخصية الضابط الذى القى القبض علبه اولا نعود لاصل الموضوع بتواجده فى مستشفى سكر الجنيد كان هنلك الشخص الذى لااريد ايضاح اسمه مبر بوعدى لهم ولمضوى فك الله اسره........ عند مجى اى وجبه افطار كانت ام غذاء ..... يقدم هذا الرجل الاصيل كل الوجبات دونما مقابل...... يجى مضوى يدفع .......هذا الرجل الشهم يرفض وبالطلاق .....وعشان مايعطيه اى احساس بياكل معاه كل المجبات ومعاها كباية شاى مصلحه قى يوم من الايام حضر مضوى كعادته لياكل مع الرجل كما طلب منه ومعه باكو سجائر بنسون وقال ليه ياخى انت كل يوم بدفدم لى جمائل انا ماقادر اجازيك ذى ماقلت انك اخوى انا برضو بقول ليك انت اخوى شيل السجائر دى هديه منى ليك وبيعها واستفيد من قروشها واذدادت العلاقه بين الاخوين وحتى تلك اللحظه الرجل لايدرى اى شى عن مضوى ....... مرت الابام وانا شاهد لذلك اذا بعربه بوكس تايوتا جديده لنج ثقف امام البيت والساعه كانت تشير الى العاشره مساء وزوجة الرجل قد وضعت مولودها البكر تصوروا ماذا احضر هذا الرجل.................. ثعجه ومعها حمل صغير واللبن يملا اضرعها................. جلس.......وفى منتصف حديثه ذكر لهم اسمه الحقيقى واعطاهم الامان....... وذكر لهم انه سوف يزورهم من خين لاخر ولكى لايدخلهم فى اى مشاكل سوف ياتى فى وقت متاخر قيلا حتى لايراه احد ويتسبب فى اى مشاكل لهم ومنذ منتصف الثمانيات وانا احمل لهذا المضوى الوعد الاحترام ....فهو شخص عادى ذا قامه طويله .....وسيم الشكل اذا ثمعنته يمتلك حس انسانى لايعكس حقيقة مانسمع عنه اللهم ان كان حسنا فذد من احسانه وان كان مسيئا فاغفر له انه لايغفر الذنوب الا انت......

---

Post: #150 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: فيصل عثمان الحسن Date: 03-09-2012, 11:17 AM Parent: #149 متين حتتم لينا القصة دى يا أسد البردانة , تعرف يا صديق عدد الذين اطلعوا على البوست قرابة الثلاثة ألف , أنا براى عندى قرابة ال 500 كلك . واضح أن المسنوح بعد مالقى التشجيع من خالو سعادة اللواء ما ناوى يتم القصة دى , دحين يا اخوانا ماف واحد ساكن فى بحرى يخطف رجلو لحدى سجن كوبر ويقابل أسد البطانة يتم ليهو القصة دى ويجى يكتبا لينا هنا ونخلص .

---

Post: #151 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-09-2012, 12:09 PM Parent: #150 متين حتتم لينا القصة دى يا أسد البردانة , تعرف يا صديق عدد الذين اطلعوا على البوست قرابة الثلاثة ألف , أنا براى عندى قرابة ال 500 كلك . واضح أن المسنوح بعد مالقى التشجيع من خالو سعادة اللواء ما ناوى يتم القصة دى , دحين يا اخوانا ماف واحد ساكن فى بحرى يخطف رجلو لحدى سجن كوبر ويقابل أسد البطانة يتم ليهو القصة دى ويجى يكتبا لينا هنا ونخلص . ههههههههههههههها والله جنابو بقيت مسنوح سناحة قلت لي انت براك عملت كم كلكات؟ ومال رمانة تكون عملت كم كلكة ؟ وسعادة اللواء معاى بالتلفون كمان وقالت لي اكان كبيت في الحلقة اكتر من خمسة سطور بلحقك امات طه

---

Post: #152 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: محمد على طه الملك Date: 03-09-2012, 01:33 PM Parent: #151 حسع إنت ذااااتك ماك أسد الموقفنا صفوف.. كمل الحكاية بعدين جيب لينا الـ c.v بتاع اسدكم .

---

Post: #153 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-09-2012, 03:07 PM Parent: #152 Quote: حسع إنت ذااااتك ماك أسد الموقفنا صفوف.. كمل الحكاية بعدين جيب لينا الـ c.v بتاع اسدكم لا ال C.V لزوم ناس البندر ما يفتكروهو اسد مفترس هارب من حظيرة الدندر

---

Post: #154 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-09-2012, 06:43 PM Parent: #153 استراحة محارب

---

Post: #155 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-09-2012, 09:23 PM Parent: #154 Quote: يا عم عمر انا اتصلت بيهو قلت ليهو احكي لي نهاية القصة رفض قال لي تقعد تنتظر كده الدكتور زولك إتّفّن في الواطه .. وقال رمانه هددته تلحقه امات طه بعد السطر الخامس .. يعني بعد دا لا تابلت لاتحديد مداخلات بيحلنا .. الآفه كمان دلوقت بدل ( فاصل ونواصل ) بقت (استراحة محارب) .. ودي بالذات (سلبه) وحدّها ما معروف تحياتي يادكتور .. وزي ما قلت ليك (طول بالك) .. يادوب مات واحد ومن بره الروايه .. لسه بدري ! عمر علي حسن

---

Post: #156 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-09-2012, 09:53 PM Parent: #155 Quote: , دحين يا اخوانا ماف واحد ساكن فى بحرى يخطف رجلو لحدى سجن كوبر ويقابل أسد البطانة يتم ليهو القصة دى ويجى يكتبا لينا هنا ونخلص يا عمو فيصل أسد البطانه ما ظنيته بيدي اقوال .. عشرة سنين في كوبر وباقي خمسه .. تلقاهو قاعد يخزّن ساااااااااااااااااااااكت .. وسبحته شغاله : شيقوق .. شيقوق .. شيقوق .. كل واحده 33 مره وتمامة الميه : اصبر ليّ ! الخلاصه .. الزم الجابره واصبر مع اخيّك الدكتور القرشي .. ولو اجتهدت خلاص سيّف البوست في الدسك توب واقعد احرسه .. عمر علي حسن

---

Post: #157 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: Ahmed al Qurashi Date: 03-09-2012, 10:02 PM Parent: #156 Quote: أسد البطانه ما ظنيته بيدي اقوال .. عشرة سنين في كوبر وباقي خمسه .. تلقاهو قاعد يخزّن ساااااااااااااااااااااكت .. وسبحته شغاله : شيقوق .. شيقوق .. شيقوق .. كل واحده 33 مره وتمامة الميه : اصبر ليّ ! يا عم عمر مالك عاوز تخوف لينا الزول دا بعد كلامك دا خايفوا يهرب من البوست او يقعد يشكر في اسد البطانة بالفيهو والما فيهو هو كده ما عاوز يكمل البوست تقوم تخوفوا بأسد البطانه يا جماعة الراجي نهاية لقصة ود شيقوق يقوم يشوف ليه شغله بعد كلام عم عمر دا

---

Post: #158 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-09-2012, 10:49 PM Parent: #157 Quote: هو كده ما عاوز يكمل البوست تقوم تخوفوا بأسد البطانه يا دكتور ما تسمع .. ناس اسد البطانه ديل حاله نفسيه .. ياكلوا الناس هراشه وحكاوي واشاعات ..الواحد تسمع بيه تقول اسد .. تنهره طوالي يعترف الطيب ما بخوفوهو زي ديل الله يغطي عليه من ناس رمانه الحددتها بالسطر عمر علي حسن

---

Post: #159 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 05:45 AM Parent: #158 Quote: الطيب ما بخوفوهو زي ديل الله يغطي عليه من ناس رمانه الحددتها بالسطر نعم يا ابا اكرم مين غيرك البيعرف الشهادة الباغيها ( بالعماني) جميل

---

Post: #160 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 07:14 AM Parent: #159 نعم الان اسد البطانة في حراسة السوكي في انتظار تقديمه للمحاكمة . كنت آنئذ اعمل محاميا بمدينة السوكي وكنت مقيما مع احد الاصدقاء الاكارم في مدينة السوكى ينتمى صديقي هذا الى اسرة آل الخبير التي تعود اصولها الى قريتي ود الخبير وود السيد المجاورتين للقرية التي يسكن فيها اسد البطانة ( قرية السيال) بريفي رفاعة . وقد علم صديقي هذا بحادثة القبض على اسد البطانة وإحضاره لمركز شرطة السوكي . ونسبة للجوار الجغرافي بين اهل صديقي في قرية ود الخبير وقرية اهل اسد البطانة فقد شعر صديقي هذا ان الواجب الاخلاقي يقتضي ان يقوم على الاقل بزيارة اسد البطانة في حراسته ومعه عمود مجيه بما لذ وطاب من الاطعمة . نعم كان صديقي هذا انسان متدين جدا وكريم حاتم غير ان تلك الخصال تلازمها خصال اخرى وهي الواجب الاخلاقي في الابرار على من حل بمدينته ضيفا وإن كان مجرما عملا بالمثل القائل عين تكرم الف عين فإكرام اسد البطانة من قبل صديقي هو إكرام لذويه الذين يسكنون بجوار قرية اهله ( اهل صديقي ) بريفي مدينة رفاعة . تقابل صديقي مع اسد البطانة في الحراسة وحصل التعارف بينهما وقد طلب اسد البطانة من صديقي ان يبحث له عن محامي للدفاع عنه في التهمة الموجهة اليه . عاد صديقي من الحراسة الى منزله ووجدنى مع بعض الضيوف في الديوان فناداني وحكى لي موضوع القبض على اسد البطانة وطلب منى التبرع للدفاع عن اسد البطانة حتى تحسب تلك ايضا من الفضائل التي قدمها لأسد البطانه وأهله في قرية السيال . قلت لصديقي ابشر ابشر مافي عوجة فأنا أؤمن بحق المتهم الدستوري بأن يقدم لمحاكمة عادلة وان يدافع عنه محامي لذا فانا على استعداد لقبول التكليف مهما كانت التضحيات . كان هاجسي الاول هو الافراج عن اسد االبطانة بالضمانة وكان صديقي على استعداد لضمانة اسد البطانة فيما لو وافق القاضي على طلب الافراج عنه بالضمان . اول اجراء قمت به هو تقديم طلب للمحكمة للسماح لي بمقابلة المتهم على مرأى وليس على مسمع من رجال الشرطة ليتسنى لي معرفة معطيات وملابسات الدعوى وتحديد خط الدفاع المناسب للمتهم . بعد ذلك تقدمت بعدة طلبات للمحكمة للافراج عن اسد البطانة بالضمانة ولكن القاضي رفض بحجة ان الجريمة خطيرة وان التحقيقات لم تنته بعد . كان اسد البطانة وهو مقيد بالجنازير في الحراسة يمثّل بأنه مريض وكان يستطيع ضغط انفاسه حتى يحدث blood bleeding ...... لتكون ذريعه لإحالته للمستشفى بدل يكون في الحراسة ، يبدو عندو رأي في حتة نقله للمستشفي دي . شعرت الشرطة بضرورة إحالة اسد البطانة الى المستشفى للعلاج وبالفعل اقتيد الى المستشفى وهو مكبل بالجنازير وقد قرر الطبيب إلزامه فراش المستشفى للعلاج . لزم اسد البطانة الفراش بالمستشفى وكانت رجلاه مقيدتين واياديه مربوطة على احد اعمدة السرير الحديدية حتى لا يهرب من المستشفى . استطاع اسد البطانة من تدبير علاقة مع الممرضات والممرضين داخل المستشفى كان يبدو مرحا ووديعا جدا وكان يغدق على الممرضين والممرضات بالمال حتى صار صديقا لهم يذهبون معه احيانا ، بعد فك القيود من رجليه ، الى محلات اكشاك القهوة والشاي واحيانا يحضرونه الى مكتبي ليتونس مع محاميه وكدا . طالت مدة حبس اسد البطانة وشعرت شرطة السوكي من مصادرها الاستخباراتية ان هنالك بوكس ماركة تايوتا يحمل مجموعة من افراد غريبين يحوم حول المستشفى في الامسيات فكثفت الشرطة دورياتها حول المستشفى خشية إختطافه من قبل العاصابات التابعة له . نواصل

---

Post: #161 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: خالد المحرب Date: 03-10-2012, 07:29 AM Parent: #160 Quote: نواصل Post: #162 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 07:36 AM Parent: #161 Quote: عندى قضيه منتظرك فى المكتب جيت يا مسنوح ؟ شايفك جيتنا بإكرامية لكن للاسف ما ظهرت عندي يبدو في خلل فني عندك الخلل ال ................. Post: #163 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: خالد المحرب Date: 03-10-2012, 07:38 AM Parent: #161 https://fbcdn-sphotos-a.akamaihd.net/hphotos-ak-snc6/p480x480/248206_228170003866872_100000216231964_1077511_6460083_n.jpg اخر محاوله منتظر فى المكتب عندى قضيه دايرك تمسكا لى Post: #164 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 07:48 AM Parent: #163 اخر محاوله منتظر فى المكتب عندى قضيه دايرك تمسكا لى بالحيل يا العشاء اب لبن Post: #165 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: محمد سنى دفع الله Date: 03-10-2012, 07:49 AM Parent: #161 ياخي شوف البنتظرك تعالوا يا المتابعين ومشحتفين قمت انا مشيت لي زول كلس من الاد سنجة والمناطق ديك وكلس عكس سجم الرماد داك وسالتو من الحكاية البشحتف يها روحنا مقطوع الطاري الشاقي الفيافي ونازل من الترماج عكس ود شيقوق . قلت ليهو في قصة قادينا بيها ممكن تكمله لينا قال لي . ولو !! بالشامي عرفت انو الراجل بتاع مسلسلات اهم حاجة تسرع في النهاية والبطل ما يموت قال لي انتظرني واهو انا منتظر تعالوا الزول جاي هسي وعارف القصة كلها وباسمائها الحقيقية والقصة فيها جنس محن ! تعالوا ـ ود شيقا الرجاء كتابة القصة بي لون والمداخلات بي لون تاني ..ممكن ؟؟ Post: #166 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: قلقو Date: 03-10-2012, 09:44 AM Parent: #165 Quote: تعالوا الزول جاي هسي وعارف القصة كلها وباسمائها الحقيقية والقصة فيها جنس محن ! تعالوا ـ شيقا.. ود السنى عايز يدردقك . خليك صاحى للون . Post: #168 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 09:54 AM Parent: #166 Quote: ود السنى عايز يدردقك . خليك صاحى للون . لا يا قلقو ما تقلق اخوك رولاندو بس Post: #167 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 09:51 AM Parent: #165 Quote: ياخي شوف البنتظرك تعالوا يا المتابعين ومشحتفين قمت انا مشيت لي زول كلس من الاد سنجة والمناطق ديك وكلس عكس سجم الرماد داك وسالتو من الحكاية البشحتف يها روحنا مقطوع الطاري الشاقي الفيافي ونازل من الترماج عكس ود شيقوق . قلت ليهو في قصة قادينا بيها ممكن تكمله لينا قال لي . ولو !! بالشامي عرفت انو الراجل بتاع مسلسلات اهم حاجة تسرع في النهاية والبطل ما يموت قال لي انتظرني واهو انا منتظر تعالوا الزول جاي هسي وعارف القصة كلها وباسمائها الحقيقية والقصة فيها جنس محن ! تعالوا ـ ود شيقا الرجاء كتابة القصة بي لون والمداخلات بي لون تاني ..ممكن ؟؟ جربت لعب الوست يا ود دفع الله اخوي؟ في حد بفك فرمالتو للمسانيح ؟ دا شغل مقصاتو طويييييييييييييلة للدامات يا العشاء اب لبن - اكان دايرني افك الدامة وطاتك اصبحت Post: #169 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: فيصل عثمان الحسن Date: 03-10-2012, 10:35 AM Parent: #167 Quote: يا عمو فيصل أسد البطانه ما ظنيته بيدي اقوال .. عشرة سنين في كوبر وباقي خمسه .. تلقاهو قاعد يخزّن ساااااااااااااااااااااكت .. وسبحته شغاله : شيقوق .. شيقوق .. شيقوق .. كل واحده 33 مره وتمامة الميه : اصبر ليّ ! سعادتو عمر سلامات , العشرة سنين فعلا بتهد الحيل , لكن زى أسد البطانة ده اكيد بكون وسع خبراته فى مجال الجريمة وأنت سيد العارفين , وما تستبعد يكون عمل ليهو دورة كومبيوتر وأسع متابع البوست ده , النجيضة ود اختك بكون فى القائمة السوداء بتاعت أسد البطانة , ويا المسنوح ما دام ماناوى تتم القصة أحسن نمارس عليك الارهاب . Post: #170 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: احلام وهبي Date: 03-10-2012, 10:58 AM Parent: #169 استاذنا ود شيقوق اظهر وبان عليك الامان الحكاية طولت تم الحكاية وورينا الزولة العاشقة عملت شنو سيبنا من حكاية الهمباتة واسد البطانة عملت منها مسلسل مكسيكي عايزين القصة الرومانسية احتراماتي Post: #171 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 11:07 AM Parent: #169 Quote: سعادتو عمر سلامات , العشرة سنين فعلا بتهد الحيل , لكن زى أسد البطانة ده اكيد بكون وسع خبراته فى مجال الجريمة وأنت سيد العارفين , وما تستبعد يكون عمل ليهو دورة كومبيوتر وأسع متابع البوست ده , النجيضة ود اختك بكون فى القائمة السوداء بتاعت أسد البطانة , ويا المسنوح ما دام ماناوى تتم القصة أحسن نمارس عليك الارهاب . والله والله يا جنابو فيصل زمان لما نجيكم في المراكز وشايلين طلبات مقابلة للمتهمين على مراى وليس على مسمع كنتم بتزعلوا زعل بتقولوا خلاص المحامي المسنوح جاي يغير اقوال المتهم دا ويبوظ القضية . مقابلة المتهم دي يا فيصل اخوى - وانت سيد العارفين - من اهم الاجراءات للمحامي للتعرف من خلال ال briefing على معطيات الدعوى او التهمة الموجهة للمتهم ليتسنى للمحامي رسم خط دفاعه المناسب - بالتأكيد في بعض الزملاء منحرفون اخلاقيا ومكن يقول للمتهم قول كدا وكدا بدل كدا او تراجع عن اعترافك القضائي وكدا . المسألة هنا شخصية جدا لان هنالك عدد كبير من المحامين الملتزمين بقواعد السلوك المهني ولا يمكنهم مطالبة المتهم بتغيير اقواله التي ادلى بها للشرطة طائعا مختارا . نواصل ليكم في حتة دي قبل نواصل في قضية اسد البطانة لقيتني كيف خالي عمر؟ Post: #172 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-10-2012, 11:22 AM Parent: #169 Quote: اكان دايرني افك الدامة وطاتك اصبحت يا شيخنا دامتك دي في كم الما بتقع دي كمان اوعي تكون الدامه السمحه اخت الرمدان .. كووووووووولهم ساكنها وجايبين ليها دكتور وفنان وخبراء كده جر منهم الاتو لانه المحرب ماشي ليه في سكه ممكن تسقط اللعبه انا ذاتي كورتي قربت باقي ليها يوم واحد بس ، والتابلت بتاعك ده شرط جيبي عمر علي حسن Post: #173 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-10-2012, 11:37 AM Parent: #172 Quote: لقيتني كيف خالي عمر؟ خاتي القول طااااب نحن ذاتنا كنا عارفين ليك العديل من الاعوج مره جاني مبارك زروق يقابل متهمه في قضية انا المتحري فيها .. لما جابوا المتهمه انا وقفت وحييت الاستلذ وطلعت من المكتب وقفلت الباب وقعدت بره .. عمر علي حسن Post: #174 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-10-2012, 11:39 AM Parent: #172 حذف للتكرار Post: #175 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: فيصل عثمان الحسن Date: 03-10-2012, 11:39 AM Parent: #172 Quote: لقيتني كيف خالي عمر؟ خالك وبما انه من أنصار الشحتفة أكيد خالف رجل فوق رجل وأمامه كوب من القهوة وآخر انبساطة . Post: #176 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-10-2012, 11:49 AM Parent: #175 Quote: كوب من القهوة جبنه جبنه ياشيخنا .. وتحت لالوبه همبريبا يسطل عمر علي حسن Post: #177 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: Ahmed al Qurashi Date: 03-10-2012, 12:06 PM Parent: #176 Quote: نواصل ليكم في حتة دي قبل نواصل في قضية اسد البطانة ما قلت ليك يا عم عمر صاحبك بقا في اللف والدوران والتطويل يا ود شيقوق أركز ، عم عمر كان بهظر معاك ساكت Post: #178 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 12:09 PM Parent: #176 لما جابوا المتهمه انا وقفت وحييت الاستلذ وطلعت من المكتب وقفلت الباب وقعدت بره .. هييييييييييييييييييييييييييييع يا حليكم وحليل ناس مبارك زروق وناس قرشي فارس وعبد المجيد امام ومتهمين في قامة مقبول ابراهيم الحاج يا خالي شنق شنق الطاقية في الهامة فوووووووووووووق يا خالي ولدك مترتر بالجماعة متكامل بيهم الوزن الاثباتي ليومية التحري evidential value of the case diary وهل يمكن التعويل على اعتراف المتهم القضائي للحكم عليه بالاعدام؟ وما هي القيمة الاثباتية لاقوال المحتضر ؟ dying declaration وعيييييييييييييك خلي الكمندان فيصل يصفق يديهو ويورينا عرض اكتافو Post: #179 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 12:14 PM Parent: #178 دكتور القرشي يا ود شيقوق أركز ، عم عمر كان بهظر معاك ساكت منتظر خالي يدرع لي التابلت في اباطي عشان اقدل بيكم انتو بس خليكم مع البوكس البجي بالليل يحوم حول المستشفى Post: #180 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-10-2012, 12:41 PM Parent: #179 Quote: منتظر خالي يدرع لي التابلت في اباطي عشان اقدل بيكم الدكتور ده انا شايفه لا فطر ولا اتغدي الليله .. قاعد ممحن مستني البوكس يخطف اسد البطانه امانه بوليس السوكي ما وقع ليه في شبكه .. يلا انهر القلم ياخال عمر علي جسن Post: #181 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 12:43 PM Parent: #179 استاذة احلام وهبي الف مرحب بيك Quote: اظهر وبان عليك الامان الحكاية طولت تم الحكاية وورينا الزولة العاشقة عملت شنو سيبنا من حكاية الهمباتة واسد البطانة عملت منها مسلسل مكسيكي عايزين القصة الرومانسية جاييكم يا احلام اختي اصبروا بس الشغلانية فيها اسد البطانة و طه الضرير وفيها تاجوج والمحلق لحدي ما تصل هند ونور لزوم النزول لاحاسيس ومشاعر جكس القرن الحادي والعشرين . Post: #182 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-10-2012, 01:19 PM Parent: #181 Quote: وما تستبعد يكون عمل ليهو دورة كومبيوتر شيخنا فيصل قبل ما يخترعوا الكمبيوتر كنت احقق في قضية لعلها اكبر سرقه واختلاسات من الادارة المركزيه (الكهرباء) بالخرطوم .. المتهم فيها استصغرني واستصغر فهمي للحسابات والاجراءات المالية فقال لي .. انت حسع جايبنك هنا ليه ، قايلنها شورت هاند ........... اما صاحبك اسد البطانه لو دخل دورة كمبيوتر فاحس انا ذاتي ازوغ عمر علي حسن Post: #183 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: قلقو Date: 03-10-2012, 01:41 PM Parent: #182 Quote: Quote: استاذنا ود شيقوق اظهر وبان عليك الامان الحكاية طولت تم الحكاية وورينا الزولة العاشقة عملت شنو شيقا.. دى مؤآمرة ثنائية الأبعاد. ود السنى عايز يستعين(بزوجة) . خليك نجيط واركز. لكن أنا عااااارفك , حنيين وقلبك رهيف وهسى حتفك آخرك . Post: #185 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 03:24 PM Parent: #183 قلقو يا زول بت فهمي قدوما لينا هنا يحمل مجموعة دلائل ركز كويس اولا - بيت الجنا السنى دا كلو بيت دراما حتى الوليدات بيكونوا هكذا ثانيا - وواحدة من الصفات اللمتو ( لمتو يعني - يا بت وهبي - جمعتو بلغة ناس الضهاري) مع بت وهبى بيكون الحس الدرامي المشترك ثالثا - بت وهبي اصلا ما حصل جات تباري ببوستاتي الا البوست دا ودا بيعني زولك حكى ليها عن قصة اسد البطانة بطريقتو المشوقة ديك وطوالي حلفت الصباح تتلهم البوست تشوف الفيهو . ثالثا : عندما يلتقى الاثنان في بوست واحد اقطع الشك البوست وجد قبول من الناس كووووووووووولهم لانهما ( احلام والسني) هجين ما بين حضارة بت وهبي البندرية وحضارة ود دفع الله الضهارية . وهييييييييييع وكع ومحل رهيفة تنقد Post: #239 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: موسي الراجل Date: 03-14-2012, 08:15 AM Parent: #185 ود شيقوق سلام سقط دنقلا كب نزيله وصفقات الشدر حتاهن التريه باقى ليها شهرين وتلاته ايام ام بشار طارت يا زول هبابنا قده اتقطع كان ما عندك شى خلينا نتكامل السافل تانى مانى مستقيم وكان شديت الشوفه الا فى الدرت واعرف النجعه سيدها مستقيد Post: #184 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 03:13 PM Parent: #182 Quote: قبل ما يخترعوا الكمبيوتر كنت احقق في قضية لعلها اكبر سرقه واختلاسات من الادارة المركزيه (الكهرباء) بالخرطوم .. المتهم فيها استصغرني واستصغر فهمي للحسابات والاجراءات المالية فقال لي .. انت حسع جايبنك هنا ليه ، قايلنها شورت هاند ........... كدي يا خالي انسعلك ، دحين عندما كانت المحاكم شغالة باللغة الانجليزية هل كانت التحريات ايضا هكذا؟ ان كانت هكذا ، فهل كان هنالك رجال شرطة سودانيون يتحققون باللغة الانجليزية ام جميعهم اجانب؟ الى متى ظلت التحريات والمحاكم باللغة الانجليزية ؟ والله السؤال دا طوالي دائر في راسي يا ريت تحكي لينا عشان نواصل مع اسد البطانة. Post: #186 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-10-2012, 04:47 PM Parent: #184 Quote: الى متى ظلت التحريات والمحاكم باللغة الانجليزية ؟ الخال لعلي لااصلح مرجعا هنا .. فلما جئنا بعد الاستقلال وجدنا العمل كله بالعربية وأن اكثر القوانين تم تعريبها .. بواسطة مترجمين سوريين .. فادخلوا مسميات كنا ننفر منها وبقيت مراجع القانون الهندية والبريطانية بلغه صدورها وهي اللغة الانجليزية فنقوم بالاستشهاد بها او الاشارة اليها في المرافعات والمواضع التي تحتاج لتفسير او سند وفيما اعلم ان التقاضي حتي في زمن الاستعمار كان يتم بالعربيه رغم ان اغلبية القضاة ومفتشي المراكز (وهم مكلفون بالقضاء ايضا) كانوا من الانجليز .. ولكنهم كانوا ملزمين بمعرفة اللغة العربية بل ويجلسون لامتحانات دورية رسمية يمنحهم النجاح فيها حق البقاء في الوظيفه بينما يذهب بهم السقوط فيها الي خور بكري الواقع خارج سودانيز اون لاين كانت يوميات التحري تترجم وكانت جميع استمارات الشرطه والقضاء مطبوعة بالعربية والانجليزية وكانت المرافعات تترجم ايضا وكان للمحكمة مترجم ولكن التداول فيها يجري عادة بالعربية خصوصا لان المتقاضين فيها يتكلمون العربية لعل هذا الوضع كان هو السائد قبل ان نولد .. وقد كانت لنا زيارات ونحن في المدرسة الاولية الي نقطة الشرطه والمركز والمحكمه وحضرنا محكمة احد معتادي الاجرام في عطبره وكان القاضي فيها مستر شترتون (مفتش المركز) والمحامي الاستاذ ميرغني النصري وممثل الاتهام الحكمدار عيسي عيد الحميد .. وكان الخواجه يسأل المتهم والشهود بالعربي ونطق الحكم بالعربي ايضا .. وقد علمت من العم ميرغني النصري انهم سوف يستانفون الحكم واطلعني علي صورة الحكم وكانت بالانجليزيه .. ثم شرح لي معني أن يستانف الحكم والجهة التي يتم الاستئناف امامها .. وكلام كتير شئ فهمته وشئ ما فهمته وفيما اعلم ايضا صدرت المجله القضائية Law Reporter اولا باللغة الانجليزية ثم صدرت مترجمة مثل كثير من الدوريات الحكومية مثل سبل كسب العيش في السودان وووقائع مجلس السكرتير الاداري ونشرة السكه الحديد ال Bulletin كذلك فقد كنا نسجل التحريات الادارية ووقائع مجالس التأديب الاداريه المصلحيه باللغه الانجليزية ثم امرنا بتعريبها .. وبقيت الاله الكاتبة الانجليزيه بجوار اختها العربية في المكاتب .. ثم بدأت توضع فوق خزانات الملفات وقل استخدامها حتي انقطع .. وكانت كلها من ماركة امبيريال ولكن الماكينات العربيه بدات قليلا قليلا تتجة للتطور فدخلت المكاتب ماكينات اوليفيتي كاحدث صيحه في عالم صناعة الات الكتابه . يعني اسد البطانه لو حضر ناس مستر شترتون كان صقعوه ليك بالعربي المكسر .. وكان قال للخواجه انقليزي نو .. سعادتك الحق ابوي .. التابلت ده مايقع ! عمر علي حسن Post: #189 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 05:13 PM Parent: #186 Quote: لعلي لااصلح مرجعا هنا .. فلما جئنا بعد الاستقلال وجدنا العمل كله بالعربية وأن اكثر القوانين تم تعريبها .. بواسطة مترجمين سوريين .. فادخلوا مسميات كنا ننفر منها وبقيت مراجع القانون الهندية والبريطانية بلغه صدورها وهي اللغة الانجليزية فنقوم بالاستشهاد بها او الاشارة اليها في المرافعات والمواضع التي تحتاج لتفسير او سند وفيما اعلم ان التقاضي حتي في زمن الاستعمار كان يتم بالعربيه رغم ان اغلبية القضاة ومفتشي المراكز (وهم مكلفون بالقضاء ايضا) كانوا من الانجليز .. ولكنهم كانوا ملزمين بمعرفة اللغة العربية بل ويجلسون لامتحانات دورية رسمية يمنحهم النجاح فيها حق البقاء في الوظيفه بينما يذهب بهم السقوط فيها الي خور بكري الواقع خارج سودانيز اون لاين كانت يوميات التحري تترجم وكانت جميع استمارات الشرطه والقضاء مطبوعة بالعربية والانجليزية وكانت المرافعات تترجم ايضا وكان للمحكمة مترجم ولكن التداول فيها يجري عادة بالعربية خصوصا لان المتقاضين فيها يتكلمون العربية لعل هذا الوضع كان هو السائد قبل ان نولد .. وقد كانت لنا زيارات ونحن في المدرسة الاولية الي نقطة الشرطه والمركز والمحكمه وحضرنا محكمة احد معتادي الاجرام في عطبره وكان القاضي فيها مستر شترتون (مفتش المركز) والمحامي الاستاذ ميرغني النصري وممثل الاتهام الحكمدار عيسي عيد الحميد .. وكان الخواجه يسأل المتهم والشهود بالعربي ونطق الحكم بالعربي ايضا .. وقد علمت من العم ميرغني النصري انهم سوف يستانفون الحكم واطلعني علي صورة الحكم وكانت بالانجليزيه .. ثم شرح لي معني أن يستانف الحكم والجهة التي يتم الاستئناف امامها .. وكلام كتير شئ فهمته وشئ ما فهمته وفيما اعلم ايضا صدرت المجله القضائية Law Reporter اولا باللغة الانجليزية ثم صدرت مترجمة مثل كثير من الدوريات الحكومية مثل سبل كسب العيش في السودان وووقائع مجلس السكرتير الاداري ونشرة السكه الحديد ال Bulletin كذلك فقد كنا نسجل التحريات الادارية ووقائع مجالس التأديب الاداريه المصلحيه باللغه الانجليزية ثم امرنا بتعريبها .. وبقيت الاله الكاتبة الانجليزيه بجوار اختها العربية في المكاتب .. ثم بدأت توضع فوق خزانات الملفات وقل استخدامها حتي انقطع .. وكانت كلها من ماركة امبيريال ولكن الماكينات العربيه بدات قليلا قليلا تتجة للتطور فدخلت المكاتب ماكينات اوليفيتي كاحدث صيحه في عالم صناعة الات الكتابه . يعني اسد البطانه لو حضر ناس مستر شترتون كان صقعوه ليك بالعربي المكسر .. وكان قال للخواجه انقليزي نو .. سعادتك والله كلام سمح ومفيد ياخالي عمر و ما تخرِش منو ميّة Quote: الحق ابوي .. التابلت ده مايقع ! أتكامل بالقوم اسد البطانة؟ Post: #188 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: فيصل عثمان الحسن Date: 03-10-2012, 05:06 PM Parent: #184 Quote: قبل ما يخترعوا الكمبيوتر كنت احقق في قضية لعلها اكبر سرقه واختلاسات من الادارة المركزيه (الكهرباء) بالخرطوم .. المتهم فيها استصغرني واستصغر فهمي للحسابات والاجراءات المالية فقال لي .. انت حسع جايبنك هنا ليه ، قايلنها شورت هاند ........... أكيد يا سعادتك حينها كنت ملازم صغيرونى والراجل ما عارف أن النار تأتى من مستصغر الشرر . يا سعادتك ما تتحفنا ببعض ما تحريت فيه من قضايا عشان المسنوح ده يبطل يعذبنا . Post: #190 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: فيصل عثمان الحسن Date: 03-10-2012, 05:17 PM Parent: #188 Quote: ولكنهم كانوا ملزمين بمعرفة اللغة العربية بل ويجلسون لامتحانات دورية رسمية يمنحهم النجاح فيها حق البقاء في الوظيفه بينما يذهب بهم السقوط فيها الي خور بكري الواقع خارج سودانيز اون لاين هاهاهاهاااى ملعوبة صاح , يا سعادتك كان ما أخاف الكضب السناحة دى فى الجينات . Post: #191 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: فيصل عثمان الحسن Date: 03-10-2012, 05:26 PM Parent: #190 Quote: هييييييييييييييييييييييييييييع يا حليكم وحليل ناس مبارك زروق وناس قرشي فارس وعبد المجيد امام ومتهمين في قامة مقبول ابراهيم الحاج يا خالي شنق شنق الطاقية في الهامة فوووووووووووووق يا خالي ولدك مترتر بالجماعة متكامل بيهم الوزن الاثباتي ليومية التحري evidential value of the case diary وهل يمكن التعويل على اعتراف المتهم القضائي للحكم عليه بالاعدام؟ وما هي القيمة الاثباتية لاقوال المحتضر ؟ dying declaration وعيييييييييييييك خلي الكمندان فيصل يصفق يديهو ويورينا عرض اكتافو بالحيل فيصل بوريك عرض أكتافو , لكن قطع شك بمشى أجيب ليك ضابط الجنايات الشاطر عمر عثمان وبتفن فى الواطة دى وأراقب الوضع عن كثب , أى خرخرة منك الضرب فى الصنقور بس . سعادة اللواء شايفو أداك الضو الأخضر يلا خلصنا . Post: #192 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 05:46 PM Parent: #191 Quote: بالحيل فيصل بوريك عرض أكتافو , لكن قطع شك بمشى أجيب ليك ضابط الجنايات الشاطر عمر عثمان وبتفن فى الواطة دى وأراقب الوضع عن كثب , أى خرخرة منك الضرب فى الصنقور بس . ههههههههههها يا جنابو فيصل زمان كان في قضية حارة خلاص وكان المتحري فيها نقيب وكان الدفاع ممثل بكاونسل من محامين اتنين شخصي وزميل آخر - النقيب قرأ يومية التحري وكانت تحرياتو كاربة بالحيل اها زميلي المحامي من شلاقتو قال لي خليني انا اناقش الشاهد دا - قلت ليهو اتفضل . لقيت ليك اللخو ني بالحيل مع سعادة النقيب وأسئلة اصلا ما بتخدم قضية الدفاع عيوني حمرن شدييييييييد وطوالي همست للمحامي في اضانو قلت ليهو ابعد آآآآآآ جني اديني سحبة في سعادة النقيب دا لانك كدا القضية بتلّفتا مننا طااااب هههههههههههههها Quote: سعادة اللواء شايفو أداك الضو الأخضر يلا خلصنا . بس انت يا العشاء اب لبن مش قلت عايز سعادة اللواء يحكي لينا عن اخطر القضايا التي باشر فيها التحري؟ خلينا نشوف رد سعادتو على سؤالك وبعدين نقرر Post: #193 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: خالد علي محجوب المنسي Date: 03-10-2012, 05:51 PM Parent: #191 Quote: دي بطلاق مافي حد بيعرفها غيري وكمان اقول ليك حد من غير البردانة بيعرفا مافي ات يا جني ما نصيح؟ يا ناس انا راضي وهو مابي بعدو إن شاء الله انيل مرادي ما هو الفات الحبيبو فات وخلا نومو مرة مرة أت هسي نومك كيف ؟؟؟ تلاقك تشخر وتبخر يا سجم قلت لي بتعرف الستا والتلت وابو الدُك وعينو الزايدة ؟؟؟ قالوا يا شيقوق لو اي زول بسيبو حبيبو حقو الناس الحب تسيبو واصل يل رمة مرات بكون ذوق حلو مع انك رمة افي Post: #194 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-10-2012, 06:01 PM Parent: #193 Quote: إن شاء الله انيل مرادي آي يا ود المنسي ان شاء الله في النيل الازرق Post: #196 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: مبارك محمد عثمان Date: 03-10-2012, 10:03 PM Parent: #194 ابو الطب تعرف انا قررت اغيب شهر من الموقع وبعد داك اجي افتح البوست اشوف القصة دي وصلت وين اقصد قصة الغرام دي ورينا ياخي الجكس ديل حصل ليهم شنو وفى نهاية القصة رد علي المداخلات ( ماتشحتفنا) فى هذا الراي يتضامن معي ارسين لوبين واجاساكرستي . اوكامبو يمتنع تحياتي ياحبيب Post: #198 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-11-2012, 05:38 AM Parent: #196 مبارك المبروك Quote: ورينا ياخي الجكس ديل حصل ليهم شنو وفى نهاية القصة رد علي المداخلات ( ماتشحتفنا) هها باقي لي انت من النوع الاصلا ما متابع اسد البطانة ماسك دريب الجكس في القصة وراح ليك مع المداخلات . خليك معانا بعد قليل حننزل حلقة اجبارا لخاطرك يا اللخو Post: #197 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-10-2012, 10:04 PM Parent: #194 Quote: أكيد يا سعادتك حينها كنت ملازم صغير تصور يا فيصل كنت ملازم ولم اكمل في الخدمة عاما وعندما تم تحويل البلاغ للمباحث تم استدعائي امام (اللواء) ابارو وبحضور (العقيد) احمد محمد عواض و(المقدم) احمد كرار وخضعت لاختبار حول فهمي للاجراءات المالية والحسابيه ثم ارسلت لمقابلة (العميد) لويس سدرة الذي الحقني ليوم كامل بحسابت الداخليه (قسم الامدادات) ويوما آخر بمكتب السيد حسبو محمد احمد مدير عام مصلحة المخازن والمهمات بالخرطوم بحري .. وعدت الي العميد سدرة فاستخرج مني كل معلومة تلقيتها بالكلية عن الامدادات والماليه ثم راجع معي حصيلة اليومين السابقين .. ووصل بي الي باب مكتبه واشار اليه قائلا الباب ده فاتح لغاية ما تشعر بأنك ما محتاج مساعده .. ولما رفعت له يدي بالتحية وجدته يعدل زرارة في بدلتي (كانت معووجه قليلا) .. وذهبت الي شركة النور واثقا من نفسي .. فلما سخر مني المتهم قلت لنفسي (مسكين اراب ما يعرف قوه بتاع رومان) .. ولم اسخر منه ابدا وكنت اصل معه بهدوء الي قلب الخطأ فلا يملك الا الاقرار به .. وجرّت التحريات عددا من كبار الموظفين واحدثت هزة في الهيكل الاداري للشركة.. ومنحتني المحكمه ثناء رفيعا في حيثياتها واتبعته بثناء من قاضي محكمة المديريه .. كل هذا بسبب اني ملازم صغير .. ولكنني اعددت لان اكون كبيرا .. وأن اشرف مهنتي عمر علي حسن حسع شيقوق يقول حرفنا البوست ولو اسد البطانه هرب من السجن يقول انا وانت السبب .. Post: #199 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-11-2012, 05:49 AM Parent: #197 Quote: حسع شيقوق يقول حرفنا البوست ولو اسد البطانه هرب من السجن يقول انا وانت السبب .. ياخ انت يا سعادتك الاسبايسي بتاع البوست كلو تقول حرفنا البوست؟ غايتو يا بخت المحامي البمثل الاتهام في قضية وتكون انت المتحري فيها اها يا خالي تتذكر اميز وامتع Cross -examination تعرضت ليهو من قبل محامي ممثلا للدفاع في قضية كنت متحريا فيها ؟ منتظر الاجابة واستلام التابلت منك للانطلاقة رأفة بالمشحتفين Post: #200 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-11-2012, 06:44 AM Parent: #199 كان عدد افراد شرطة السوكي لا يتجاوز العشرين يغطون مساحة لا تقل عن مساحة دولة الكويت كووووووووووووولها . وقد صاروا يعملون دوريات ليلية لمراقبة اسد البطانة ، حتى لا يختطف من قبل العصابات التابعة له ، امرا مزعجا جدا لمدير شرطة السوكي فقرر إحالته الى سجن ابو جيلي بسنار لان سجن ابو جيلي واسع وبه عدد مهول من العساكر الذين يمكنهم التصدي لاي محاولة اختطاف من قبل عصابات اسد البطانة . المسافة بين سنار والسوكي 48 كيلو فقط فيمكن بسهولة ارسال قوة من شرطة السوكي لاحضار اسد البطانة من سجن سنار الى محكمة السوكي في أي يوم يحدد لمحاكمة اسد البطانة . نعم تم نقل اسد البطانة لسجن ابو جيلي بمدينة سنار وهو مكبلا بالجنازير على متن عربة لاندكروزر بيك . وصل الجميع لسجن ابو جيلي وبعد اجراء بعض الترتيبات الادارية تم تسليم اسد البطانة لمسؤولي السجن ماذا حدث بعد ذلك ؟ سنرى في الحلقة القادمة Post: #202 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-11-2012, 07:45 AM Parent: #200 ياخال ديل سبعه سطور ................ شيل شيلتك عمر علي حسن Post: #201 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-11-2012, 07:37 AM Parent: #199 Quote: اها يا خالي تتذكر اميز وامتع Cross -examination تعرضت ليهو من قبل محامي ممثلا للدفاع في قضية كنت متحريا فيها ؟ امسك التابلت .. واول ما تزهج منه رجعه تاني اما الاستجواب فقد حدث في قضية مزارعي ابوخضرة ضد ملاك وادارة مشروع ابوخضره الزراعي باعالي النيل .. وكانت قضية حسابات استغرق التحري فيها ثلاثة اشهر واستجوبت نحو 300 شخص وفحصت وحرزت الاف الوثائق وحفظتها (صم) وبلغت يوميات التحري والمستندات 3 مجلدات وملخص القضيه 42 صفحه.. وكانت هيئة الدفاع مكونه من الاساتذه عابدين اسماعيل وحسين عثمان وني وعبد الحليم الطاهر وكنت المتحري وممثل الاتهام في القضيه حسب النظام الذي كان سائدا في ذلك الوقت .. قمت بتقديم القضية ثم اقسمت اليمين كشاهد علي التحريات وتلوت شهادتي وقدمت المستندات الرئيسيه تم قدمت الشهود واحدا واحدا حتي فرغت من قضية الاتهام .. وكانت المناقشات من ناحية الدفاع سلسه ولم احتاج للتعقيب عليها او اجراء اعادة استجواب لاي شاهد .. بعد ان انتهينا وقف الاستاذ عابدين وطلب من المحكمة السماح لهيئة الدفاع باعادة استجواب المتحري فتقدمت واقسمت اليمين .. فسالني عن شاهد بعينه فذكرت له معلوماتي عنه وعن افاداته .. فقال لي هل تعرف انه مات ؟ فقلت له يموت الاعمار بيد الله .. ففاجاني قائلا بس انت جبته لينا هنا بعد ما مات .. واسقط في يدي فانا فعلا احضرت الرجل للمحكمه وادلي بشهادته . قال المحامي للقاضي يامولانا الشاهد مات ليه سنه ومرتو والعمده بتاع حلتهم واقفين بره .. فاعترضت بان الشاهد حضر امام المحكمه وادي شهادته علي اليمين وقامت هيئة الدفاع بمناقشته وطلبت رفع الجلسة لاحضار الشاهد فوافقت المحكمه بعد لأي وجدل فقهي بيني وبين المحامي تمكنا فيه من الوصول الي القواعد الصحيحة لاثبات الهوية الحقيقية للشاهد وكان جدلا عنيفا في شكل استجواب ادارته المحكمة بمهنية عاليه وفي ذهنها احتمال التزوير من جانبي .. رغم يقينها بانني لم اكن احتاج للتزوير إذ لدي من الشهود عدد يغنيني عن اختلاق اي وقائع جديده .. ووجهت المحكمة بان بامكان الدفاع احضار العمدة والزوجة ضمن شهود الدفاع لانه لامكان لهما في قضية الاتهام ولا تريد المحكمة اخذهما كشاهدي محكمه في تلك المرحلة .. وكنا ننزل جميعا في الاستراحة الحكومية بالرنك ونأكل معا .. وكان الاستاذان وني وعبدالحليم في حكم اصدقائي فسألتهما عن سبب اثارة هذه الضجه فقال لي الاستاذ وني نحن نريد الحقيقه فاذا كان الشاهد منتحلا لشخصية غيره وقمت انت بدسه لتدعيم قضيتك فاننا سنطعن في كافة الشهود ونسجنه ونسجنك .. احضرنا الشاهد واعاد الاستاذ عابدين استجوابه مع فحص الوقائع الدالة علي شخصيته ولم يكن الشاهد يعرف شيئا عن الميت رغم تشابه اسميهما .. وعرفت فيما بعد ان المدير الزراعي للمشروع قدم هذه المعلومة الخطيرة لهيئة الدفاع فوجدتها مناسبة لزعزعه اركان القضية وتشددوا في عرضها ومحاصرتي باستجواب لم اتعرض لمثله طيلة حياتي العملية .. ولك ان تتصور استجوابا (يعصرك) فيه اساتذة بقدرة عادين اسماعيل ووني وعبد الحليم .. عمر علي حسن Post: #203 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-11-2012, 09:04 AM Parent: #201 Quote: وكانت هيئة الدفاع مكونه من الاساتذه عابدين اسماعيل وحسين عثمان وني وعبد الحليم الطاهر وكنت المتحري وممثل الاتهام في القضيه حسب النظام الذي كان سائدا في ذلك الوقت .. يا الله يا الله ياخ ديل عمالقة المهنة اكان لقوك زولا هش اكان وروك النجم بالنهار لكن لقيتك هيييييييييييع كع عافي منك دنيا وآخرة . يا خالي بالتأكيد سمعت بقضية سرقة خزينة نويلا المتهم فيها محمد الحسن هاشم والتي تناولت فيها المحكمة مبدأ حصانة اقول المتهم لمحاميه - أذكر في هذه القضية ، والتي إعتادوا إقحامها في امتحانات المعادلة على الدوام ، أذكر ان المتهم أتى للمحامي عابدين اسماعيل وأخبره بأنه قد تسلم مالا مسروقا من سارقيه واتي لعابدين المحامي ليس من اجل الدفاع عنه في التهمة المنسوبة اليه (استلام مال مسروق) وانما لتبصيرة عن كيفية التصرف في المال المسروق ، وعلى الفور قام المحامي عابدين بفتح بلاغ ضده وادلي للمتحري بالمعلومات التي وصلته في مكتبه من هذا المتهم . لقد تمسك المتهم ، امام المحكمة ، بحصانة اقواله التي ادلى بها للمحامي عابدين بحسبانها من اسرار المهنة التي لا ينبغي قبولها كبينة امام المحكمة . وقد تمسك عابدين بالقول ان المتهم لم يأته بقصد الدفاع عنه في تهمة موجهة اليه وإنما لمعرفة رأيه ( رأي المحامي) في كيفية التصرف في المال المسروق . لقد ابدع مولانا جلال على لطفى في حيثيات قراره حول حصانة اقوال المتهم لمحاميه واستشهد بالكثير من السوابق القضائية. موضوع حصانة اقوال المتهم لمحاميه - يا خالي - موضوع يستحق ان يفرد له بوست خاص لكن نكاية بالكمندان فيصل سنتناوله بالتفصيل في هذا البوست ومحل رهيفة تنقد . Quote: قمت بتقديم القضية ثم اقسمت اليمين كشاهد علي التحريات وتلوت شهادتي وقدمت المستندات الرئيسيه تم قدمت الشهود واحدا واحدا حتي فرغت من قضية الاتهام .. وكانت المناقشات من ناحية الدفاع سلسه ولم احتاج للتعقيب عليها او اجراء اعادة استجواب لاي شاهد .. طيب - يا خالي - ما جاك اى احساس هنا بأن لديهم خط دفاع مخفي ( مدسوس) لا انت ولا قاضي محكمة الموضوع انتبه ليهو؟ خط الدفاع السري دا يا سعادتك انا استعملتو في قضية وغذيتو بأدلة قولية وظرفية وقد فات على محكمة الموضوع مناقشته لعدم إدراكها إياه . ولدى كتابة الاستئناف كشفت عن خط الدفاع السري هذا و الذي كان سببا في إستبعاد قرار محكمة الموضوع . طبعا من حق المحامي عدم الكشف عن خط دفاعه ولو للمحكمة نفسها ومن حقه ايضا ان يتمسك بأكثر من خط دفاع بشرط عدم وجود تعارض بين تلك الدفوع يعني لا يمكن ان تدفع بحق الدفاع الشرعي و ال alibi . . اذكر ان المحامي عبد المجيد امام - رحمه الله - سبق وان تقدم بدفوع متناقضة في قضية المرحوم العميد عوض الكريم بكار. Quote: بعد ان انتهينا وقف الاستاذ عابدين وطلب من المحكمة السماح لهيئة الدفاع باعادة استجواب المتحري فتقدمت واقسمت اليمين .. فسالني عن شاهد بعينه فذكرت له معلوماتي عنه وعن افاداته .. فقال لي هل تعرف انه مات ؟ فقلت له يموت الاعمار بيد الله .. ففاجاني قائلا بس انت جبته لينا هنا بعد ما مات .. واسقط في يدي فانا فعلا احضرت الرجل للمحكمه وادلي بشهادته . قال المحامي للقاضي يامولانا الشاهد مات ليه سنه ومرتو والعمده بتاع حلتهم واقفين بره .. فاعترضت بان الشاهد حضر امام المحكمه وادي شهادته علي اليمين وقامت هيئة الدفاع بمناقشته وطلبت رفع الجلسة لاحضار الشاهد فوافقت المحكمه بعد لأي وجدل فقهي بيني وبين المحامي تمكنا فيه من الوصول الي القواعد الصحيحة لاثبات الهوية الحقيقية للشاهد وكان جدلا عنيفا في شكل استجواب ادارته المحكمة بمهنية عاليه وفي ذهنها احتمال التزوير من جانبي .. رغم يقينها بانني لم اكن احتاج للتزوير إذ لدي من الشهود عدد يغنيني عن اختلاق اي وقائع جديده .. ووجهت المحكمة بان بامكان الدفاع احضار العمدة والزوجة ضمن شهود الدفاع لانه لامكان لهما في قضية الاتهام ولا تريد المحكمة اخذهما كشاهدي محكمه في تلك المرحلة .. هههها والله دا امتحان حقيقي Quote: وكنا ننزل جميعا في الاستراحة الحكومية بالرنك ونأكل معا .. وكان الاستاذان وني وعبدالحليم في حكم اصدقائي فسألتهما عن سبب اثارة هذه الضجه فقال لي الاستاذ وني نحن نريد الحقيقه فاذا كان الشاهد منتحلا لشخصية غيره وقمت انت بدسه لتدعيم قضيتك فاننا سنطعن في كافة الشهود ونسجنه ونسجنك .. ياخ دي ايام الزمن الجميل Post: #204 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-11-2012, 04:01 PM Parent: #203 Quote: طيب - يا خالي - ما جاك اى احساس هنا بأن لديهم خط دفاع مخفي ( مدسوس) لا انت ولا قاضي محكمة الموضوع انتبه ليهو؟ انا لم اتحسب لمثل هذه الحيله رغم ان ملابسات القضية كانت تفرض مثل هذا التوقع .. ولكن القاضي رفض وباصرار شديد حضور الشاهدين في تلك المرحله لانه فيما يبدو اراد ان يقنع نفسه بانها حيلة قانونية ولكن الاستاذ الراحل احمد سليمان المحامي استخدمني (انا ذاتي) كخط دفاع مخفي في قضية اهانة المحكمة التي اقامها ضده مولانا الراحل الامين محمد الامين تاتاي خلال محاكمته لقضية الوكر الشيوعي الشهيرة والمتهم فيها سمير جرجس ومكين ضحيه ومحمد ابراهيم عبده (كبج) .. وكان محامي الدفاع الاستاذ احمد سليمان وكنت ممثل الاتهام وكان المتحري في القضية (المقدم) حسين ابو عفان . دخلنا قبل الجلسه كالعادة الي قاعة المحكمة وفتح الاستاذ احمد سليمان حقيبته واخرج منها (بلوك نوت) جديد ووضعه امامي وقال لي : اتا عايزك تكتب اي كلمه اقولها او يقولها القاضي في اطار الطلب الذي ساتقدم به للمحكمه في بداية الجلسه ثم تعيد لي هذا الدفتر ... ولما بدأت الجلسه استأذن الاستاذ في تقديم طلب من المتهمين .. وقال ان المتهمين مكين وكبج حملاّه رسالة لسعادة القاضي وانه حاول ردهماعن الرسالة ولكن تحت اصرارهما فانه يجد نفسه ملزما بتوصيل الرساله وان الرساله لا تمثل رأيه كمحام للدفاع ولا رأيه الشخصي .. ثم يقرب راسه مني ويسالني : كتبت ؟ فارد بالايجاب .. وظل يملي عليّ وكانه يخاطب المحكمة أن المتهمين يريان ان القاضي قد درس في جامعة ييل بالولايات المتحدة الامريكيه وانه لذلك اصبح عميلا امريكيا لايصلح للحكم العادل في قضية تهم الحزب الشيوعي السوداني .. (وإن هذا الرأي ليس رأيي يا سعادة القاضي) .. وبعدها : كتبت ؟ فأرد ايوه .. حتي انتهي الي ان طلب من القاضي التنحي عن هذه القضيه . وبعد حوار قصير استدعانا القاضي الي مكتبه واتصل بقاضي المديريه وابلغه بانه سيفتح بلاغا ضد الاستاذ ثم ملأ الاستمارة وطلب مني مرافقة (المتهم) لتسجيل البلاغ واطلاق سراح المتهم بضمان قدره 5 جنيهات ثم العوده الي المحكمه لمواصلة الجلسه. فيما بعد عقدت محكمة اخري برئاسة القاضي محمد صالح عبد اللطيف لمحاكمة المتهم احمد سليمان المحامي والمتهم فاروق ابوعيسي المحامي (وكان قد الحق بالبلاغ في مرحلة لاحقة من القضية الاولي) في بلاغ اهانة المحكمه المقدم من القاضي الامين محمد الامين تاتاي ومثل الاتهام في القضية الاستاذ عمر ابوبكر (المدعي العام لجمهورية السودان) ومثل الدفاع الاساتذة عابدين اسماعيل ومحمد احمد محجوب ومبارك زروق وميرغني النصري ومحمد يوسف محمد والرشيد نايل وكان القاضي الامين المبلغ وشاهذ الاتهام الاساسي ضد المتهمين ومعه بعض رجال المباحث شهودا ضد الاستاذ فاروق ابوعيسي وكنت شاهد الدفاع الوحيد .. وقرأت شهادتي من الورق الذي اعاده لي الاستاذ احمد سليمان داخل المحكمه .. ورغم ذلك (عصرني ) الاساتذة الاجلاء لمده ثلاثه ساعات بأسئلة لم اكن ادري من اين يأتون بها ولكنها Relevant .. برأت المحكمه الاستاذ احمد سليمان وحكمت بسجن الاستاذ فاروق ابوعيسي .. واعيدت المحاكمه امام نفس القاضي فبرأ الاستاذ احمد مرة اخري .. ثم اعيدت مرة ثالثه امام قاضي آخر فحكم بسجن الاستاذ احمد سليمان لتسعة اشهر ... بالمناسبه وين زولك اسد البطانه ................... عمر علي حسن Post: #205 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-11-2012, 06:21 PM Parent: #204 Quote: ولكن الاستاذ الراحل احمد سليمان المحامي استخدمني (انا ذاتي) كخط دفاع مخفي في قضية اهانة المحكمة التي اقامها ضده مولانا الراحل الامين محمد الامين تاتاي خلال محاكمته لقضية الوكر الشيوعي الشهيرة والمتهم فيها سمير جرجس ومكين ضحيه ومحمد ابراهيم عبده (كبج) .. وكان محامي الدفاع الاستاذ احمد سليمان وكنت ممثل الاتهام وكان المتحري في القضية (المقدم) حسين ابو عفان . دخلنا قبل الجلسه كالعادة الي قاعة المحكمة وفتح الاستاذ احمد سليمان حقيبته واخرج منها (بلوك نوت) جديد ووضعه امامي وقال لي : اتا عايزك تكتب اي كلمه اقولها او يقولها القاضي في اطار الطلب الذي ساتقدم به للمحكمه في بداية الجلسه ثم تعيد لي هذا الدفتر ... ولما بدأت الجلسه استأذن الاستاذ في تقديم طلب من المتهمين .. وقال ان المتهمين مكين وكبج حملاّه رسالة لسعادة القاضي وانه حاول ردهماعن الرسالة ولكن تحت اصرارهما فانه يجد نفسه ملزما بتوصيل الرساله وان الرساله لا تمثل رأيه كمحام للدفاع ولا رأيه الشخصي .. ثم يقرب راسه مني ويسالني : كتبت ؟ فارد بالايجاب .. وظل يملي عليّ وكانه يخاطب المحكمة أن المتهمين يريان ان القاضي قد درس في جامعة ييل بالولايات المتحدة الامريكيه وانه لذلك اصبح عميلا امريكيا لايصلح للحكم العادل في قضية تهم الحزب الشيوعي السوداني .. (وإن هذا الرأي ليس رأيي يا سعادة القاضي) .. وبعدها : كتبت ؟ فأرد ايوه .. حتي انتهي الي ان طلب من القاضي التنحي عن هذه القضيه . وبعد حوار قصير استدعانا القاضي الي مكتبه واتصل بقاضي المديريه وابلغه بانه سيفتح بلاغا ضد الاستاذ ثم ملأ الاستمارة وطلب مني مرافقة (المتهم) لتسجيل البلاغ واطلاق سراح المتهم بضمان قدره 5 جنيهات ثم العوده الي المحكمه لمواصلة الجلسه. فيما بعد عقدت محكمة اخري برئاسة القاضي محمد صالح عبد اللطيف لمحاكمة المتهم احمد سليمان المحامي والمتهم فاروق ابوعيسي المحامي (وكان قد الحق بالبلاغ في مرحلة لاحقة من القضية الاولي) في بلاغ اهانة المحكمه المقدم من القاضي الامين محمد الامين تاتاي ومثل الاتهام في القضية الاستاذ عمر ابوبكر (المدعي العام لجمهورية السودان) ومثل الدفاع الاساتذة عابدين اسماعيل ومحمد احمد محجوب ومبارك زروق وميرغني النصري ومحمد يوسف محمد والرشيد نايل وكان القاضي الامين المبلغ وشاهذ الاتهام الاساسي ضد المتهمين ومعه بعض رجال المباحث شهودا ضد الاستاذ فاروق ابوعيسي وكنت شاهد الدفاع الوحيد .. وقرأت شهادتي من الورق الذي اعاده لي الاستاذ احمد سليمان داخل المحكمه .. ورغم ذلك (عصرني ) الاساتذة الاجلاء لمده ثلاثه ساعات بأسئلة لم اكن ادري من اين يأتون بها ولكنها Relevant .. رحم الله هولاء العمالقة فقد صنعوا ارثا قانونيا صار زادا لكل دارسي الحقوق في السودان المحيرني يا خالي هو كيف لمحامي الدفاع تكليف ممثل الاتهام لتدوين الطلبات التي يتقدم بها للمحكمة ؟ Post: #206 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: rummana Date: 03-11-2012, 06:31 PM Parent: #204 Quote: بالمناسبه وين زولك اسد البطانه ................... الشغال بالموضوع ده تاني منو يا استاذ عمر؟ رجاءا واصل.. Post: #207 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-11-2012, 06:54 PM Parent: #206 Quote: الشغال بالموضوع ده تاني منو يا استاذ عمر؟ رجاءا واصل.. اها يا خالي الكلام جاب ليهو حمرة عين وزعل اها انا من دربي دا ماشي ابهل القصة كولها واشوف لي هم غيرها Post: #208 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-12-2012, 05:43 AM Parent: #207 Quote: الشغال بالموضوع ده تاني منو يا استاذ عمر؟ رجاءا واصل.. يا استاذه كنت بالامس علي وشك اصدار نداء لمرتضي والدكتور احمد القرشي واهالي مسقط للبحث عن شيقوق واتهامك بالشروع في الحاقه بامات طه بسبب اهماله وتعديه للسطر الخامس في حلقة مسلسله الاخيرة ولكني خرجت مستعجلا للقاء انسان عزيز القاه لاول مرة .. فتركت له الكوره والمنبر .. وهذا شيء نادر الحدوث في نظام حياتي .. اما وقد ظهر شيقوق وزال القلق عليه من مجاورة امات طه .. فانك براءه .. ولكن هذا لايعفيك من البر بتهديك والحاقه بالمذكورات اذا قل عقله و(بهل) القصة كولها كما قال .. أما انا فجاهز .. يدوني الون ارجع التو .. علي طول لك التقدير .. واوعي تخليه يبذّر ويسرف .. السطر السادس وامات طه طوالي Quote: اها يا خالي الكلام جاب ليهو حمرة عين وزعل اها انا من دربي دا ماشي ابهل القصة كولها واشوف لي هم غيرها يا خالو طوّل بالك شويه .. الناس ديل البجهجهم شنو تاني كان بهلت باقي القصه .. واحده واحده المسلسل ده حدو الاجازة .. قال ابهل القصه كولها قال .. طيب ماياهو ده الكايسين ليه ناس السني والقرشي والكومندان فيصل .. اركز يابا عمر علي حسن Post: #209 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: ست البنات Date: 03-12-2012, 06:01 AM Parent: #208 يا خلف الله ما عذبتنا ! غايتو الواحد يفتح بوست يسميهو فيل البطانة ويسحب منك كل المشجعيين ! ست البنات . Post: #210 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-12-2012, 06:04 AM Parent: #208 لا لا يا خالي مش ربنا قال (وإن جاهداك على ان ان تشرك بي ما ليس لك به علم فلا تطعهما) ؟ ومش في حرف في الحالين قّتال؟ اها انا في دي ما معاك حتى ولو تكدرني - عايزني كمان اكسر ليك خاطر رمانة؟ خليك معانا باقي القصة حيجيك مفروش كلووووووووو والزارعنا غير الله اللجي يقلعنا Post: #211 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-12-2012, 07:26 AM Parent: #210 Quote: لا لا يا خالي مش ربنا قال (وإن جاهداك على ان ان تشرك بي ما ليس لك به علم فلا تطعهما) ؟ خلاص .. هاك ال two دي " إنك لا تهدي من احببت ولكن الله يهدي من يشاء " .. اها كان كتلوك ما تجيني منطط عويناتك .. اقابلك جنب امات طه عمر علي حسن Post: #212 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: Ahmed al Qurashi Date: 03-12-2012, 07:46 AM Parent: #211 يا عم عمر انحن القصة ذاتو نسينا احداثها وما عندنا زمن تاني نقراها من الأول عليك الله واصل لينا في ذكرياتك الجميلة دي وود شيقوق دا انحن قنعنا من قصتوا دي Post: #213 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: قلقو Date: 03-12-2012, 08:28 AM Parent: #212 شيقا و عثمان على عمر... ثنائى خطير . متعكما الله بالصحة والعافية . Post: #214 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-12-2012, 08:35 AM Parent: #212 Quote: عليك الله واصل لينا في ذكرياتك الجميلة دي الدكتور ظننت انها ثقيلة علي الاجيال الجديده واغلبية اهل المنبر منهم .. لذلك ظللت افضل (الون تو) وقد نهاني اخي شيقوق ذات مداخلة ان ادخل علي كل سرادق بصينية مليئة بالاطعمة وطلب مني ان اقيم وليمتي في سرادقات (بوستات) خاصه بي .. ولكنني جبنت .. اليوم دخلت بوست حبيب نورة عن المرأة السودانيه قديما وشاهدت الصور التي حفل بها البوست وقرات احدهم يشكر حبيب نوره علي انه مكنهم من رؤية صور حبوباتهم .. بينما كل من عرضت صورهن وما يلبسن لا يتجاوزن الستين علي اسوأ التقديرات .. فكيف اذا جئناهم بصور امهاتنا وحبوباتنا .. ولكن لابد ان احاول .. دون ان اخشي ان يظن بعضهم انني اتحدث من العالم الآخر لك شكري علي التشجيع .. وسأحاول عمر علي حسن Post: #216 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-12-2012, 10:00 AM Parent: #214 دكتور احمد القرشي والباش قلقو الحلقة الجاية بعد ثواني Post: #215 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-12-2012, 09:58 AM Parent: #211 Quote: خلاص .. هاك ال two دي " إنك لا تهدي من احببت ولكن الله يهدي من يشاء " .. اها كان كتلوك ما تجيني منطط عويناتك .. اقابلك جنب امات طه أنت براك عارف وأي جهاد غيرهن اريد ؟ لقيتني كيف؟ Post: #217 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-12-2012, 10:02 AM Parent: #215 تم ترحيل اسد البطانة لسجن ابو جيلي بسنار - علمت العصابة التي تنوي اختطافه بنبأ ترحيله من السوكي فغيرت من خطتها المرسومة لخطفه من مستشفى السوكي واعدت خطة جديدة تتواءم مع اوضاع سنار . وفي سجن ابو جيلي تم حبس اسد البطانة داخل زنزانة وهو مكبل بالجنازير . طلب اسد البطانة من الجندي الذى يحرسه مقابلة مدير السجن بحجة انه مريض وفي حاجة الى الكشف الطبي عليه . كان اسد البطانة مبدعا في التمثيل بكونه مريض . امر مدير السجن باحضار اسد البطانة الى مكتبه وقد كان . عندما وصل اسد البطانة مكتب مدير السجن سقط ارضا وصار يزبد بزوايا فمه . خاف مدير السجن من منظر اسد البطانة وامر بإحالته الى قسم الطواري بمستشفى سنار . شخص الطبيب حالته وقرر احالته الى عنبر الباطنية بعد ان حدد له وصفة طبية معينة . ظل اسد البطانة في المستشفى لمدة اسبوع وهو في حراسة جندي وقد استطاع من خلال كلامه الطيب مع الجندى ان يؤثر فيه ويرسخ فيه انطباع الرجل الطيب الوديع . كان يكلف الجندي ببعض الشغلانيات البسيطة - شاي قهوة تمباك وكدا – في احدى الامسيات دخلت قوة من الشرطة الى مستشفى سنار بقيادة لواء شرطة وقابلت الطبيب المشرف على اسد البطانه وحكوا للطبيب انهم قادمون من كوستي الى سنار بعد سماعهم بان المتهم اسد البطانة مقبوض عليه في سجن ابو جيلي وابلغوا الطبيب انهم اتوا للقبض عليه و للتحقيق معه في جريمة نهب خطيره حدثت وقائعها في منطقة الجبلين جوار مناطق مشروع سكر كنانة . بعد ان اكرم الطبيب الضيوف الافاضل بالشاي والقهوة ذهب معهم الي عنبر اسد البطانة وكان الجندي المكلف بحراسته جالس على كرسيه جوار سرير اسد البطانة وعندما راي اللواء شرطة داخل على العنبر قام على طوله وتاااااااااااااااااااح دق البلاط محييا سعادة اللواء . قام اللواء برفع اسد البطانة من نومه وتاااااااااااااااااااح راح مسديا له صفعة في وجهه زى الصاقعة وهو يقول لاسد البطانة ( عذبتنا وعذبت امة محمد معانا لكن حتشوف المرة دي يا مجرم ) وعلى طول اتجه اللواء الى الجندي وقال ليهو ( يا جندي اكتب في دفتر احوالك ان اللواء فلان ومعه النقيب فلان والملازمين فلان وفلان حضروا وشالوا اسد البطانة للتحقيق معه في كوستي وسيعاد لكم فور اكتمال التحقيقات معه بشرطة كوستي ) لم تكن للجندي المسكين اى حيلة امام سعادة اللواء وعلى الفور قام بفك الجنازير من سرير عنبر المستشفى وسلمه لسعادة اللواء وقام الجميع برفع اسد البطانة وهو مكبل بالجنازير في عربة لاندكروزر جديدة اتي على متنها سعادة اللواء وزملاؤه . ذهب سعادة اللواء سافر سعادة اللواء ومن ديك وعيييييييييييييييييييييييييييييك . اتضح اخيرا ان سعادة اللواء هو احد عصابات النهب المسلح التي ظلت تعمل منذ القبض على اسد البطانة لاختطافه وقد كان . وهنا انتهى سيناريو اسد البطانة لنعود نواصل من المحطة التي تركناكم فيها من مسيرة تاجوج والمحلق عفوا إخوتي الحلقة الاخيرة سماعية ولم اكن حاضرا مشهدها يبدو ثمة خطأ في The proper decipline of the police يعني ما ممكن يكون حضر ضابط برتبة لواء . Post: #218 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: rummana Date: 03-12-2012, 12:14 PM Parent: #217 والله لقيت عندي خاطر عندك :) بس برضو عايزين أستاذ عمر يواصل خلال الفواصل وبعد الفواصل.. وطالما قدَرت إنه عرضة الشاب اللطيف شريف الفحيل وجلابيته ما جابوا رصيد ولا ناسبوا جو البطانة.. ما مشكلة نجيب ليك المغيرب والأحلى منها..عسى خطرك يطيب http://www.youtube.com/watch?v=sDH_GFGUfSY http://www.youtube.com/watch?v=bVFAOT1Y9Z4 Post: #219 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-12-2012, 12:31 PM Parent: #218 Quote: ما مشكلة نجيب ليك المغيرب والأحلى منها..عسى خطرك يطيب شكرا ليك رمانة فقد كانت المغيرب اروع ما قدم في برنامج اغاني واغاني بس الخاطر ما بطيبو لي الا ( مريا) صلاح احمد ابراهيم Post: #220 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: rummana Date: 03-12-2012, 02:24 PM Parent: #219 القصة دي من شنو يا ربي..؟ يعني أنا تلاتة سطور في حجوة فيها أسد بطانة ترضيني وانت عايزني أجيب ليك غنية بتودي النار؟ الأغنية دي حرام شرعا وأي سلفي حايم بهنا ممكن يقيم علىَ أي حد يختاره بالله المرة الجاية اكتفي بطلب سندوتش طعمية بالجنبة ..وبالكتير جبنة مضفرة.. كفاية جدا http://www.youtube.com/watch?v=ZChR-XYngrE ليت لي يا ماريا ازميل فدياس وروحا عبقريا وأمامي تل مرمر لنحت الفتنة الهوجاء في نفس مقاييسك تمثالا مكبر وجعلت الشعر كالشلال بعض يلزم الكتف وبعض يتبعثر وعلى الاهداب ليل يتعثر وعلى الأجفان لغز لا يفسر وعلي الخدين نور يتكسر وعلى الاسنان سكر وفم كالاسد جوعان زمجر ينادي شفة عطشى وأخرى تتحسر ليتني يا ماريا في قمة "الالومب" جالس وحوالي العرائس أحتسى خمرة باقوس النقية وإذا ما سرت النشوة فيَ أتداعى وانادي يا بنات.. نقروا القيثارة في رفق وهاتوا الامنيات لماريا ليت لي يا ماريا ازميل فدياس وروحا عبقريبا لكنت أبدعتك يا ربة حسن بيديَ ربما لا نلتقي من بعد ذلك يا ماريا فتعالي وقعي اسمك باحرف من نار في شفتي وقولي وداعا Post: #222 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-12-2012, 04:42 PM Parent: #220 رومانة ياخ مبااااااااااااالغة والله والف شكر على الفديو - بالله عليك امشي متكتبتي وشوفي الاغنية دي الجماعة كتبوا عنها شنو ؟ كتب اخونا محمد المرتضى حامد في ذلك البوست بإسلوبة المتميز عن هذه الاغنية قائلا:- Quote: تعرف ياشيقوق القصيده دي كل بيت فيها بحق مسكون (haunted ) ولم أستبن معنى مقولة أن الشيطان يسكن في التفاصيل اللي هلكونا بيها ناس نيفاشا وأبوجاوالقرار 1701 و1706 بشأن لبنان والسودان وحنان الا في هذه القصيدة ، يعني قصة (على الأهداب ليل لايفسّر) ده يعني انو في لون يماثل حالة اللاحرب واللاسلم ، ممكن تقول هدنه ، لكن السواد حاصل حاصل ، والله ياخ الرجل وصل الى مستوى التمعن في لون الأهداب التي عادة ما نصل الى تفاصيلها بعد أن نقضي العمر في الحاجب ولما نصل الأهداب نكون شخنا، وفي هذا قرينه أو (بيّنه ظرفيه) على أنو الراجل أخد وقتو أو كان مزوّد ب سي تي سكان أو MRI . المهم انو لون الأهداب الذي لايفسر يعني لي أسود وما أسود زي أكل سودانير وجبه وما وجبه، مع الفارق . أنا جاييك بمناسبة الوجبة دي للأسد الجوعان زمجر. بس بعدين بالليل لأن الليل يثير شياطين الربع الخالي وأبتغي استشارتهم في الأمر. Post: #224 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: مبارك محمد عثمان Date: 03-12-2012, 05:09 PM Parent: #222 ابو الطب .. هالك ال Cross -examination ده. ولا اقول ليك خليني ادخرو ليك لحين الاستمتاع ب ( بمريا) شكرا ليك ولي ( رمانه) بالجد مبالغه .. ياخي متابعين .. كان اكتفيت بمااوردت لاسد البطانه ، ليت لي خبر ( الجكس) دعهم ياتوا ليوقعوا اسمائهم باحرف من نور ( فى اي ماكان يشتهون) مودتي Post: #225 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-12-2012, 06:28 PM Parent: #224 مبارك المسنوح Quote: ابو الطب .. هالك ال Cross -examination ده. ولا اقول ليك خليني ادخرو ليك لحين الاستمتاع ب ( بمريا) شكرا ليك ولي ( رمانه) بالجد مبالغه .. ياخي متابعين .. كان اكتفيت بمااوردت لاسد البطانه ، ليت لي خبر ( الجكس) دعهم ياتوا ليوقعوا اسمائهم باحرف من نور ( فى اي ماكان يشتهون) وكمان ليك ال Re- examination da استمتع بمريا يا عثمان ودا new avenue فتحتو رمانة وتاني عيييييييييييك يا المنتظرين اسد البطانة Post: #226 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: خالد علي محجوب المنسي Date: 03-12-2012, 06:58 PM Parent: #225 Post: #227 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: فيصل عثمان الحسن Date: 03-13-2012, 01:07 AM Parent: #226 Quote: تصور يا فيصل كنت ملازم ولم اكمل في الخدمة عاما وعندما تم تحويل البلاغ للمباحث تم استدعائي امام (اللواء) ابارو وبحضور (العقيد) احمد محمد عواض و(المقدم) احمد كرار وخضعت لاختبار حول فهمي للاجراءات المالية والحسابيه ثم ارسلت لمقابلة (العميد) لويس سدرة الذي الحقني ليوم كامل بحسابت الداخليه (قسم الامدادات) ويوما آخر بمكتب السيد حسبو محمد احمد مدير عام مصلحة المخازن والمهمات بالخرطوم بحري .. وعدت الي العميد سدرة فاستخرج مني كل معلومة تلقيتها بالكلية عن الامدادات والماليه ثم راجع معي حصيلة اليومين السابقين .. ووصل بي الي باب مكتبه واشار اليه قائلا الباب ده فاتح لغاية ما تشعر بأنك ما محتاج مساعده .. ولما رفعت له يدي بالتحية وجدته يعدل زرارة في بدلتي (كانت معووجه قليلا) .. وذهبت الي شركة النور واثقا من نفسي .. فلما سخر مني المتهم قلت لنفسي (مسكين اراب ما يعرف قوه بتاع رومان) .. ولم اسخر منه ابدا وكنت اصل معه بهدوء الي قلب الخطأ فلا يملك الا الاقرار به .. وجرّت التحريات عددا من كبار الموظفين واحدثت هزة في الهيكل الاداري للشركة.. ومنحتني المحكمه ثناء رفيعا في حيثياتها واتبعته بثناء من قاضي محكمة المديريه .. كل هذا بسبب اني ملازم صغير .. ولكنني اعددت لان اكون كبيرا .. وأن اشرف مهنتي سقى الله تلك الأيام ومتعكم بالصحة والعافية سعادتو عمر على حسن , الآن ياسعادتك مثل القضية المشار اليها يتولى أمر التحقيق فيها تيم بأكمله وقد ينجح وقد يفشل فى فك طلاسمها , وجدنا بصماتكم وسمعنا عن شخوصكم الفذة وما خلفتموه من ارث مهنى مهول وسمعة حسنة جعلت الكثير من الدول الصديقة تبتعث بنيها للدراسة فى كلية الشرطة السودانية , بل وأحسب أنى كنت من المحظوظين الذين تتلمذوا على أيادى بعض أبناء دفعتكم ويشهد الله أنهم افضل الرجال الذين انجبهم السودان لم يكونوا ضباط شرطة فحسب بل كانوا نجوم مجتمع فيهم القاص والناثر والشاعر والرياضى وهكذا انفتحت الشرطة على المجتمع وكانت صديقة له تبره ويجلها ويثق فيها . Post: #228 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-13-2012, 07:31 AM Parent: #227 نواصل Post: #229 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: Saifelyazal Elmaki Date: 03-13-2012, 10:59 AM Parent: #228 Quote: نواصل متين ؟؟؟؟؟ تواصل الليل بالصباح تحت المطر وسط الرياح وكان تعب منك جناح في السرعة زيد هسه عليك الله لو كشحت كلامك كلو ما كان ريحتنا حكاية ام ضبيبينة دي ما اظن تنتهي باخوي واخوك وسعادة المستشار يضحك سنين سنين على شحتفة الروح دي Post: #232 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-13-2012, 12:42 PM Parent: #227 Quote: وجدنا بصماتكم وسمعنا عن شخوصكم الفذة وما خلفتموه من ارث مهنى مهول وسمعة حسنة جعلت الكثير من الدول الصديقة تبتعث بنيها للدراسة فى كلية الشرطة السودانية نحن ابناء بيئة لم تكن ترضي بشئ اقل من الكمال وقد رعانا الكبار بمسئولية لا تعرف التهاون وكنا كذلك نتجاوب مع ما نتلقي ونحرص علي الاستزاده من المعرفة ورغم ذلك قال لي العم خليفة محجوب احد اهم قادة الشرطه بعد الاستقلال : انت محلك بره يربطوك بجنزير ويرموا ليك برسيم قدامك ... (يعني المعني حمار) عمر علي حسن Post: #233 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-13-2012, 03:13 PM Parent: #232 سيف Quote: هسه عليك الله لو كشحت كلامك كلو ما كان ريحتنا حكاية ام ضبيبينة دي ما اظن تنتهي باخوي واخوك وسعادة المستشار يضحك سنين سنين على شحتفة الروح دي ياخ انت ما متابع ؟ انت فاكر منى انا ولا من الخال الماسك التابلت يا العشاء؟ اتكلموا معاهو قولوا ليهو ارمي البيرق ليهو عشان أكشحكم كشح فللي Post: #234 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-13-2012, 05:40 PM Parent: #1 لحظة بستحضر في الفلم Post: #235 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: rummana Date: 03-13-2012, 08:37 PM Parent: #234 Quote: ورغم ذلك قال لي العم خليفة محجوب احد اهم قادة الشرطه بعد الاستقلال : انت محلك بره يربطوك بجنزير ويرموا ليك برسيم قدامك ... (يعني المعني حمار) لا حول ولا قوة .. هو بالله الحمار بربطوه بجنزير..؟ شكله كان غضبان منك شديد يا استاذ عمر Quote: لحظة بستحضر في الفلم :) :) ..لمتين؟؟ Post: #236 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-13-2012, 08:57 PM Parent: #235 Quote: لا حول ولا قوة .. هو بالله الحمار بربطوه بجنزير..؟ آآآآآآآآآآآآآآي يا رمانة اختي لكن بطولوا ليهو بسلبة من حبل العاشميق تعرفي العاشميق ؟ مش سمعت بالكابلي بقول عاشميق حبل الوجج انا اخويا مقلام الحجج؟ الجنزير آآآآآآآآآآآ اللخت بربطوا بيهو الحمار جوة التكل ( التكل دا بيت صغيرون من قش او جالوص) اماسلبة العاشميق دي طوييييييييييييلة بربطوهو بيها في عنقو او كراعو ايام بدايات الخريف برة الحلة او القرية عشان تمكّنو من الجوالة للخضار او القش في اكبر مساحة دائرية تكون هذه السلبة قطرا لها . طبعا بعد الخريف يتمكّن خلاص تاني مافي داعي للسلبة لان الحمار ممكن يشبع في طرف البيت ساى . ودي الايام البزيد فيها نهيق الحمار كمان !! خالي عمر ما تسرح كلامي للبت دي صاح ولا فيهو اتنين تلاتة؟ تصحيح خطأ مطبعي Post: #238 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-14-2012, 05:28 AM Parent: #236 Quote: خالي عمر ما تسرح كلامي للبت دي صلاح ولا فيهو اتنين تلاتة؟ كلامك صاح يابا يعني المعني سويتني خبير .. اتاريه خليفه محجوب مابراهو .. عمر علي حسن Post: #237 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عمر علي حسن Date: 03-14-2012, 05:20 AM Parent: #235 Quote: لا حول ولا قوة .. هو بالله الحمار بربطوه بجنزير..؟ شكله كان غضبان منك شديد يا استاذ عمر رحمه الله .. كانت كلمة حمار في طرف لسانه .. ولا ينجو منها احد ذهب مرة لمقابلة المدير العام للشرطه وكان خواجه انجليزي اسمه بتي بونول .. وكان الخواجه خارج المكتب فجلس العم خليفه علي كنبة المراسله خارج مكتب المدير وتحت الشباك مباشرة .. ويبدو ان القعده طالت فنام العم خليفه .. ولم يشعر بالمدير عندما دخل الي مكتبه .. وافاق بعد فتره فنادي علي المراسله متسائلا : يا وداعه الحمار ده لسه ما جاء .. فرد عليه الخواجه من داخل مكتبه : مين حمار خليفه افندي ؟ .. فرد العم خليفه : هو في حمار هنا اكبر من سعادتك .. اما في حادثة ربطي بالجنزير فان التعبير كان دقيقا للغاية .. لآن الحمير وحدها تربط بالجنزير اما غيرها من البهائم فتربط بالحبل .. الاطرف انه اضاف لتلك العباره نصيحة غاليه فقال لي : شوف يا ود علي .. الشغله دي ما بتنفع معاك .. أحسن تكلم ابوك يشوف ليك شغله غيرها !! عمر علي حسن Post: #240 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-14-2012, 08:49 AM Parent: #237 Quote: يعني المعني سويتني خبير .. اتاريه خليفه محجوب مابراهو .. هههههههههههها الله يطول عمرك قربت اقع من الكرسي وين تاني يا السودان نلقى ليك ناس زى ديل ، الكليمة يلفحوها لفحة ويعرفوا الجواها دقيقة مافي - لا بختوا مصبع في ناضر للتجميع ولا أي حاجة . Post: #241 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-14-2012, 09:18 AM Parent: #240 Quote: سقط دنقلا كب نزيله وصفقات الشدر حتاهن التريه باقى ليها شهرين وتلاته ايام ام بشار طارت يا زول هبابنا قده اتقطع كان ما عندك شى خلينا نتكامل السافل تانى مانى مستقيم وكان شديت الشوفه الا فى الدرت واعرف النجعه سيدها مستقيد ههههههههههههها يا زول صبرا يبل الآبري ما عندك؟ Post: #242 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: singawi Date: 03-14-2012, 11:05 AM Parent: #241 ود شيقوق كملت صبرنا ياخي قدر ما مديت حبل الصبر وقلت اخلي بطني غريييقة غلبني مالحكمة في كونك بخيييييل .. وأهلك أرابيب الندى أصلك بتت ..... علييييييي ... ولا الحكاية معانداااااة هي القصة الرئيسية كانت شنووو شنووو .. شنوووو والله الواحد إلا يستعين بالعنوان عشان يتذكر من كترة الكلكات الماوس لحق الزينين أضعف الإيمان طالبك ماوس حمال أسية تحياتي Post: #243 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-14-2012, 11:42 AM Parent: #242 Quote: قدر ما مديت حبل الصبر وقلت اخلي بطني غريييقة غلبني مالحكمة في كونك بخيييييل .. وأهلك أرابيب الندى أصلك بتت ..... علييييييي ... ولا الحكاية معانداااااة هي القصة الرئيسية كانت شنووو شنووو .. شنوووو والله الواحد إلا يستعين بالعنوان عشان يتذكر من كترة الكلكات الماوس لحق الزينين أضعف الإيمان طالبك ماوس حمال أسية هههههههههههها سنجاوي انت الزمن دا كلو وين ياخ حيثيات القصة دي كووووولها في 14 تعرفها؟ 14 14 14 14 Post: #244 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: singawi Date: 03-14-2012, 11:59 AM Parent: #243 14 الواااااحدة دي فورتين حقتنا ذاااااتا فورتين جنة ؟؟؟ Post: #245 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-14-2012, 12:58 PM Parent: #244 فورتين جنة ؟؟؟ آآآآآآآآآآآىىي يا سجاوي بتغبا عليك؟ Post: #246 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عبدالفتاح أبوشيمة Date: 03-14-2012, 03:48 PM Parent: #245 هوي يا شيقا كان دي حديقة مكاواتك برضو حقيقة حليل زمن الناس كانت شفيقة واصل لين تطق لينا عروقا مشتاقين ياخي Post: #247 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-14-2012, 07:43 PM Parent: #246 Quote: هوي يا شيقا كان دي حديقة مكاواتك برضو حقيقة حليل زمن الناس كانت شفيقة واصل لين تطق لينا عروقا ابو شيمة ياخ وين انت الشوق ليك بلا حدود - طمئنا على عافيتك وعافية الجنيات والبنيات Post: #248 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: Hisham Osman Date: 03-15-2012, 01:27 AM Parent: #247 الاخ شيقوق تحياتي تاني لما تحكي قصة , حاول تقاوم نزعة العبث بالقراء.. You are mistreating your readers Post: #249 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-15-2012, 05:13 AM Parent: #248 الاخ هاشم Quote: تاني لما تحكي قصة , حاول تقاوم نزعة العبث بالقراء.. You are mistreating your readers Is it really enjoyable to that extent? Thank you very much . I v` been digging to find out this fact dear Hashim Post: #250 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-15-2012, 12:40 PM Parent: #241 عفوا اخوتي ظروف العمل الرسمي حالت دون المواصلة سنعود اليها بعد انجاز بعض المهام ذات الصفة المستعجلة Post: #251 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: هند محمد Date: 03-15-2012, 04:38 PM Parent: #250 سلامات أخي الاستاذ الطيب شيقوق وعذرا للاقتحام في الحقيقة لم اقرا فحوي البوست ولكن لي عودة متأنية له باذن الله أنشد رايكم وخبرتكم القانونية انت وكل قانونيي المنبر بشان توضيحات خاصة بالقانون الذي تستند عليه المحليات في تحصيل العوائد العقارية لطفا أريد توضيح تفسيري يتناول القانون واصله وقوة سنده علي الرغم من اني درست القانون الا ان الدراسة تظل قاصرة كوني لم اعززها بممارسة المهنة واتجهت لمجالات أخري ولكن بأذن الله عدت للدرب القانوني وانوي المواصلة حتي لاانحرف ببوستك هذا عن موضوعه وفكرته ادعوك والزملاء اهل الاختصاص لافادتي بشكل مفصل عن مسالة العوائد هذا الوحش الذي تضخم ولي قريبة تواجه مأزق حقيقي بشأنها وأتفهم منكم عدم الاستجابة لك التحية والود والاحترام Post: #252 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-15-2012, 08:22 PM Parent: #251 الاخت الاديبة الاستاذة هند محمد Quote: أنشد رايكم وخبرتكم القانونية انت وكل قانونيي المنبر بشان توضيحات خاصة بالقانون الذي تستند عليه المحليات في تحصيل العوائد العقارية لطفا أريد توضيح تفسيري يتناول القانون واصله وقوة سنده علي الرغم من اني درست القانون الا ان الدراسة تظل قاصرة كوني لم اعززها بممارسة المهنة واتجهت لمجالات أخري ولكن بأذن الله عدت للدرب القانوني وانوي المواصلة حتي لاانحرف ببوستك هذا عن موضوعه وفكرته ادعوك والزملاء اهل الاختصاص لافادتي بشكل مفصل عن مسالة العوائد هذا الوحش الذي تضخم ولي قريبة تواجه مأزق حقيقي بشأنها الاخت الاديبة الاستاذة هند محمد الف مرحب بيك والف شكر على هذه الثقة بالاشارة الى استفسارك عن قانون عوائد العقارات يطيب لي افادتك بانني ولاكثر من 13 عام اعمل خارج السودان ولم اكن متتبعا تحديثات القوانين ان قانون العوائد على العقارات الذى كان ساريا عندما كنت في السودان هو قانون العوائد لسنة 1954م ولا ادري ما لحق به من تعديلات - ان وجدت تنص المادة 18 من قانون العوائد على أنه يجوز للمجلس أن يأمر شاغل المباني بأن يدفع العوائد ثم يقوم بدوره بتحصيلها من المالك . نصت المادة 22 من ذات القانون على أن العوائد التي لم تدفع بعد شهر من استحقاقها يجوز تحصيلها بأن تحجز إيجازياً وتباع وفق نصوص هذا القانون أية منقولات خاصة بصاحب المباني يمكن حجزها في التنفيذ المدني .كما نصت هذه المادة على أنه إذا كان شاغل المباني غير مالكها يجوز للمجلس أن يأمر الشاغل بالدفع من الأجرة الواجب عليه دفعها حتى لا يبقى شئ من العوائد متأخراً. دعيني اختي هند اعود بك الى حيثيات السابقة القضائية ادناه لمعرفة حكم المحكمة العليا في السودان على من اخل بسداد عوائد العقارات : Quote: المحكمــة العليــا القضــــاة: سعادة السيد هنري رياض ســكلا قاضي المحكمة العليا رئيساً سعادة السيد رمضـان علي محمـد قاضي المحكمة العليا عضواً سعادة السيد عبد الرحمن عبـــده قاضي المحكمة العليا عضواً بابكــر هــــلال الطاعن ضــد مجلس شعبي المنطقة الغربية المطعون ضده م ع/ط م/101/1976 المحامـــون: محمود الشيخ عمر عن الطاعن. النائب العام (عبد الرحيم محمد إبراهيم) عن المطعون ضده. المبادئ: قانون العوائد لسنة 1954 – إخطار المالك الجديد المجلس بانتقال الملكية إليها – لا يسقط عنه العوائد المستحقة – المادة 21. قانون تسوية الأراضي وتسجيلها لسنة 1925 – العوائد تتبع العقار في أي يد كانت – المادة 27. قانون تسوية الأراضي وتسجيلها لسنة 1925 – العوائد والضرائب – ديون ممتازة تستحق الوفاء أولاً – المادة 27. 1-إخطار المالك الجديد لسلطات المجلس بانتقال ملكية العقار إليه كنص المادة 21 من قانون العوائد لسنة 1954 لا يعفيه من سداد العوائد المتراكمة على المالك القديم. رأي عابـــر: في كل الأحوال يجوز للمالك الجديد أن يسترد بدعوى ما قام بسداده من عوائد مستحقة على المالك القديم. 2-العوائد والضرائب يمكن تحصيلها من قيمة العقار المفروضة عليه في أي يد يكون ولو كانت قد تراكمت قبل انتقال العقار للمالك الجديد. 3-العوائد حق يتبع العقار في أي يد يكون وتعتبر حقوقا ممتازة يجب دفعها أولا وذلك قبل الدائنين أصحاب الحقوق المسجلة وقبل الدائنين الأطراف في التنفيذ عند بيع العقار. الحكـــــم 19/12/1976: القاضي هنري رياض: أنه في 18/1/1976 تقدم الطاعن بعريضة طعن بطريق النقض في الحكم الصادر من محكمة الاستئناف بالخرطوم بتاريخ 26/1/1976 والذي لم يعلن الطاعن إلا في آخر فبراير 1976 كما تقدم محامي المطعون ضده بمذكرة لدفاعه. وتتحصل الوقائع في أن المطعون ضده أقام القضية نمرة 399/1975 لدى محكمة البلدية والعوائد بأمدرمان مطالباًُ بإلزام الطاعن بدفع مبلغ 665 جنيها فضلا عن الرسوم المقررة، عبارة عن متأخرات العوائد عن القطعة نمرة 387/2/2/5 بالمنطقة الصناعية أمدرمان التي انتقلت ملكيتها من المالك القديم إلى المالك الجديد الطاعن (المدعى عليه) في 12/3/1973 وكانت متأخرات العوائد المطلوبة من العقار المذكور حتى ذلك التاريخ 305 جنيهات. واستحقت عوائد قدرها 360 جنيها منذ ذلك التاريخ حتى 30/6/1975. وتقدم الطاعن بدفاع مؤداه أنه ليس مسئولاً عن متأخرات العوائد المستحقة قبل التاريخ الذي انتقلت إليه فيه الملكية، وذلك استناداً إلى أن العقار المذكور قد بيع بالمزاد العلني وفقاً للأمر الصادر من محكمة المديرية بالخرطوم وذلك لصالح دائن يدعى ميرغني عبد النور الذي أقام الدعوى رقم 35/1972 ضد المالك القديم للعقار، وقد استولى ميرغني النور على كل الثمن الراسي به المزاد دون أن تخصم منه قيمة متأخرات العوائد المستحقة وذلك رغم أن محافظ الخرطوم قد أفاد محكمة المديرية بالخرطوم بقيمة متأخرات العوائد بموجب خطاب محرر في 18/7/1972 والبالغ قدرها 325 جنيها وذلك حتى 30/6/1972. وبعد أن استوضحت المحكمة بعض النقاط من محامي الطاعن قضت في 9/12/1975 بإلزام الطاعن بدفع متأخرات العوائد السابقة على انتقال الملكية واللاحقة لها فضلا عن الرسوم المقررة إعمالا لأحكام المادة 21 من قانون العوائد لسنة 1954 والمادة 29(1) أيضاً، وذلك على أساس أن الطاعن بوصفه مالكاً جديداً لم يقم بإخطار المطعون ضده بتغيير ملكية القطعة التي آلت إليه بالشراء خلال شهر من تاريخ انتقال الملكية. واستأنف الطاعن الحكم لدى محكمة الاستئناف بالخرطوم فقضت برفض الاستئناف وأيدت الحكم المستأنف لأسبابه ومن ثم تقدم الطاعن بهذا الطعن بطريق النقض. وحاصل الطعن الوحيد أن الحكم المطعون فيه قد خالف القانون وأخطأ في تطبيقه وفي تأويله لما قضى بإلزام الطاعن بدفع متأخرات عوائد قبل انتقال ملكية العقار المحمل بها إليه، ذلك لأن البيع بالمزاد العلني سواء في ظل قانون القضاء المدني لسنة 1929 أو قانون المرافعات المدنية لسنة 1972، أو قانون الإجراءات المدنية لسنة 1974 يتطلب من المحكمة التي تباشر البيع أن تضمن الأمر الصادر ببيع العقار شروط البيع والثمن الأساسي للعقار ومقدار العوائد والضرائب المستحقة على العقار مما يجعل على المحافظ بالبيع وتصديقه به بل وتحديده للعوائد المستحقة للعقار، إخطارا باحتمال انتقال الملكية إلى الغير في معنى المادة 21 من قانون العوائد نمرة 16 لسنة 1954، كما أن إلزام المالك الجديد بدفع متأخرات استحقت في ذمة المالك القديم يتجافى مع قواعد العدالة والوجدان السليم. وهذا النعي لا يثير صعوبة التعرض لتفسير أحكام المادة 21 من قانون العوائد لسنة 1954 فحسب، بل يثير أيضاً البحث على الأساس الذي بموجبه يمكن مساءلة المالك الجديد للعقار عن متأخرات العوائد المستحقة عليه قبل انتقال الملكية. ولعل أول ما يتبادر إلى الذهن في هذا الخصوص هو نص المادة 27 من قانون تسوية الأراضي وتسجيلها التي تنص على أن:- (تعتبر الأرض، ما لم ينص على خلاف ذلك صراحة في السجل... خاضعة لما قد يكون في الوقت الحالي قائماً أو قابلاً للنفاذ عليها من الالتزامات والحقوق والمصالح التالية دون الإشعار بها في السجل: (أ‌) ضريبة الأراضي وضريبة المباني وغيرهما من الضرائب والعوائد المفروضة على الأرض. (ب‌) .......... ). ذلك مؤدى هذا النص هو أن العوائد والضرائب يمكن أن تحصل من قيمة العقار المفروضة عليه في أي يد تكون ولو كانت قد تراكمت قبل انتقال العقار إلى مالك جديد لا يد له في تراكمها. والسبب في تقرير هذا الامتياز هو تمكين السلطات البلدية أو الحكومية من تحصيل كل من العوائد والضرائب وذلك بتتبع العقار محل العوائد أو الضرائب وذلك حرصا على الأموال العامة وتيسيراً لتحصيلها لضرورتها للإنفاق على المرافق والمنشآت العامة وإلا تعطل دولاب العمل الشعبي وأصاب الاضطراب دولاب العمل الحكومي. صحيح أن مساءلة المالك الجديد عن متأخرات العوائد السابقة على انتقال تاريخ الملكية إليه، يبدو مجافياً لروح العدالة والإنصاف، ولكن التشريع لدى الموازنة بين مصلحة الفرد ومصلحة الجماعة أثر أن يغلب مصلحة الجماعة ومن ثم قرر للعوائد التتبع على العقار في أي يد يكون ولم يكتف القانون بذلك فحسب، بل أنه أوجب لدى البيع بالمزاد العلني بوجه خاص أن يتضمن الأمر الصادر بالبيع بيانا بقيمة العوائد المستحقة وأن يكون من شروط البيع خصم المصروفات والعوائد أولا من حصيلة البيع، وأنه لدى توزيع حصيلة التنفيذ يجب ألا يكون هناك أي إخلال بأية أولوية أو أسبقية يقررها القانون لصالح الحكومة أو أي شخص آخر. ومؤدى ذلك كله أنه يجب على المحكمة التي تباشر التنفيذ ببيع العقار أن تخصص من حصيلة التنفيذ مبلغاً للمصروفات والعوائد والضرائب المستحقة باعتبارها حقوق ممتازة يجب دفعها أولا وذلك قبل الدائنين أصحاب الحقوق المسجلة وقبل الدائنين الأطراف في التنفيذ. ولذلك أصاب محامي الطاعن وجه الحق لما ذهب إلى القول بأنه كان يتعين على محكمة المديرية أن لا تعطي الدائن رافع الدعوى إلا باقي حصيلة البيع بعد سداد العوائد التي كانت مستحقة وقت البيع، وذلك لكي يتطهر العقار من تلك العوائد ويؤول إلى المالك الجديد دون تكليف أو عبء يرهقه دون مقتضىً أو مبرر. بيد أن صحة ما ذهب إليه المحامي لا ينهض سببا لإعفاء الطاعن من مسئولية دفع متأخرات العوائد، إذ يجوز لسلطات العوائد وفقا لأحكام المادة 27 من قانون تسوية الأراضي وتسجيلها المطالبة باستردادها منه، على أساس أن لها حق الاسترداد ممن انتقلت إليه الملكية، وإن لم يكن مدينا أصلياً بها في مواجهتها، وذلك تقديراًُ وتغليباً للاعتبارات العملية والاقتصادية التي سبق أن ذكرها، ومن ثم يجوز للطاعن بعد الوفاء بها، أن يرجع على المالك القديم أو الدائن الذي بيع العقار لصالحه بما يدفعه دون سبب بناء على دعوى الإثراء بلا سبب أو دعوى شبه العقد على ما يراه ملائما لمصلحته. وإذا كان ما سلف بيانه هو الأساس الذي تقام عليه دعوى المطالبة بمتأخرات العوائد السابقة على انتقال الملكية فإن ذلك لا يتأثر أو يتناقض مع أحكام المادة 21 من قانون العوائد رقم 16 لسنة 1954 التي تنص على أنه :- (عند تغيير ملكية أي مباني تحصل منها عوائد يجب على المالك الجديد أن يخطر المجلس بذلك التغيير في ظرف شهر واحد من تاريخ حصوله وإذا قصر المالك الجديد في إعطاء ذلك الإخطار فإنه يكون ملزماً بدفع أية عوائد مستحقة ولم تدفع في تاريخ تغيير الملكية". ذلك أن مراد الشارع من ذلك هو إلزام المالك الجديد بدفع متأخرات العوائد المستحقة باعتباره مدينا متضامنا مع المالك القديم، إن لم يقم المالك الجديد بإخطار المجلس الشعبي بتغيير ملكية العقار إليه في خلال شهر واحد وذلك لحث المالك الجديد على إبلاغ المجلس بواقع الملكية متى يقوم بتحصيل العوائد من المالك القديم. والسؤال الذي يطرح نفسه عند هذا الحد هو:- هل يفقد المجلس الشعبي حق التتبع المقرر له لاسترداد العوائد وفقاً للمادة 27(1) من قانون تسوية الأراضي وتسجيلها في الحالة التي يقوم فيها المالك الجديد بإخطار المجلس الشعبي خلال شهر واحد بانتقال الملكية إليه؟؟ قد يميل ظاهر نص المادة 21 من قانون العوائد للإجابة على ذلك بالإيجاب ولكن قراءة المادة المذكورة مع المادة 27 من قانون تسوية الأراضي وتسجيلها يمكن أن يستنبط منهما أن قانون العوائد لم يحاول أن يقلل من الامتياز المنصوص عليه في قانون تسوية الأراضي وتسجيلها ولكنه أراد فرض التزام شخصي على المالك الجديد في حالة عدم إخطار المجلس الشعبي بتغيير الملكية. والفرق بين هذا الالتزام المفروض بموجب المادة 21 من قانون العوائد وما تقرره أحكام المادة 27 من قانون تسوية الأراضي وتسجيلها يكمن أساساً في أن المادة الأخيرة وإن كانت تخول لسلطة العوائد حق تتبع العقار في أي يد تكون لاسترداد متأخرات العوائد إلا أن ذلك لا يكون باعتبار المالك الجديد مدينا أصلياً بها ومن ثم فإنه إن قام بالدفع إنما يقوم بدفع التزام في ذمة المالك القديم وليس في ذمته ولذلك يجوز له الرجوع على المالك القديم أو من تسبب في الإجراء بما دفعه انصياعاً لحكم القانون، وذلك في حين أن المادة 21 من قانون العوائد جعلت المالك الجديد ملزماً وإن لم تبين بوضوح إن كان التزامه بوصفه مديناً أو كفيلاً أو مديناً متضامناً الأمر الذي يوسع الباب أمام الطاعن لرفع الدعوى ضد من أثرى بلا سبب من جراء دفعه بما لم يكن مستحقاً عليه فعلا وقت انتقال الملكية إليه ذلك لأن إلزام الطاعن بالوفاء بنص القانون لا يفقد حق الرجوع على الغير بموجب الدعوى المتاحة له في حقل شبه العقد. لكل ذلك ولما كان منطوق الحكم المطعون فيه موافقاً للقانون بحسب النتيجة التي انتهى إليها ومتفقاً مع التطبيق الصحيح للقانون وفقا لما سبق ذكره فإن النعي على الحكم بمخالفته القانون يكون غير سديد مما يتعين معه رفض الطعن وإلزام الطاعن بالرسوم. لذلك نأمر بما يلي :- 1- رفض الطعن. 2- إلزام الطاعن بالرسوم. 19/12/1976: 19/12/1976: القاضي رمضان علي محمد: القاضي عبد الرحمن عبــده: أوافق. أوافق. Post: #253 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-16-2012, 07:25 AM Parent: #252 نعم تزوج المغترب ورست سفينته مع ملهمته في مراسي صنعاء بعد رحلة شاقة خسرت فيها البنية كل الاهل والعشيرة من اجل غريمها المغترب وقد اثبتت تلك الاحداث بما لا يدع مجالا للشك ما قاله الكمودي الامريكي Steve" Harvey Quote: “Nothing on this planet can be compared with a woman’s love—it is kind and compassionate, patient and nurturing, generous and sweet and unconditional. Pure. If you are her man, she will walk on water and through a mountain for you, too, no matter how you’ve acted out, no matter what crazy thing you’ve done, no matter the time or demand. If you are her man, she will talk to you until there just aren’t any more words left to say, encourage you when you’re at rock bottom and think there just isn’t any way out, hold you in her arms when you’re sick, and laugh with you when you’re up. And if you’re her man and that woman loves you—I mean really loves you?—she will shine you up when you’re dusty, encourage you when you’re down, defend you even when she’s not so sure you were right, and hang on your every word, even when you’re not saying anything worth listening to. And no matter what you do, no matter how many times her friends say you’re no good, no matter how many times you slam the door on the relationship, she will give you her very best and then some, and keep right on trying to win over your heart, even when you act like everything she’s done to convince you she’s The One just isn’t good enough. That’s a woman’s love—it stands the test of time, logic, and all circumstance. ” نعم تزوج الاثنان وعاشا حبا ممزوجا بحميمية الانتصار وقد انعم الله عليهما بمولودة اختارا لها اسم (انتصار ) ولكن أتدرون ما آلت اليه تلك العلاقة في النهاية ؟ هذا ما سنجيب عليها في الحلقة القادمة فابقوا معنا Post: #254 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: هند محمد Date: 03-16-2012, 08:58 AM Parent: #253 استاذنا الطيب شيقوق شكرا أجزل الشكر للافادة يبدو ان نطاق القانون الذي ذكرته لازال ساري التطبيق مع الزيادة في حجم المبالغ من الايجار السنوي لكل سنة يخصص ايجار شهر يذهب لمصلحة العوائد في حالة الامتناع يتم حجز الايجار من المستأجر لكن يقال انو القانونيين هنا لهم مخارج للامر يتم عبرها تخفيض المبلغ ، من المؤسف انو مافي شخص بعطيك خبرتو هنا في هذا الموضوع تحديدا وفي غموض يلفه ليس صعبا اوكل محامي او استشيره لكن المحامين البحثت معاهم الامر في مجلمهم كان ردهم خليها عليها وبنحلها ، ومانخشاه الطرق التي تنافي الدين وناس العوايد مابدوك منشور وبلفو ويدورو شكرا جميلا للافادة وماقصرت ،وقد اطلب الاستشارة في بوست منفصل من بقية القانونين هنا واحكي الحكاية _________________ استشارتك باعتبارك عمدة القانونين هنا يا أخي ولابداء التقدير بشكل تواصل انساني والاحترام أشكرك Post: #255 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-16-2012, 11:55 AM Parent: #254 الاخت الشاعرة هند نهارك سعيد Quote: استاذنا الطيب شيقوق شكرا أجزل الشكر للافادة يبدو ان نطاق القانون الذي ذكرته لازال ساري التطبيق مع الزيادة في حجم المبالغ من الايجار السنوي لكل سنة يخصص ايجار شهر يذهب لمصلحة العوائد في حالة الامتناع يتم حجز الايجار من المستأجر لكن يقال انو القانونيين هنا لهم مخارج للامر يتم عبرها تخفيض المبلغ ، من المؤسف انو مافي شخص بعطيك خبرتو هنا في هذا الموضوع تحديدا وفي غموض يلفه ليس صعبا اوكل محامي او استشيره لكن المحامين البحثت معاهم الامر في مجلمهم كان ردهم خليها عليها وبنحلها ، ومانخشاه الطرق التي تنافي الدين وناس العوايد مابدوك منشور وبلفو ويدورو شكرا جميلا للافادة وماقصرت ،وقد اطلب الاستشارة في بوست منفصل من بقية القانونين هنا نعم اغلب القوانين القديمة كقانون الشركات لعام 1925 م وقانون تسوية الاراضي وتسجيلها لعام 1928 م ما زالت سارية المفعول فقانون العوائد العقارية يغلب ان يكون ساريا بإستثناء بعض النعديلات في مقادير الرسم الضريبي كما تفضلت . ما تيأسي من المحامين ففيهم زمرة تفيض بالخير والطيبة وسيكونون دعما لك او لصديقتك متى ما التقيت بهم للراي القانوني حول تلك المسألة . Quote: واحكي الحكاية خليك متابعة لمعرفة ماذا تم بين الاثنين في وادي بغيض؟؟ Quote: استشارتك باعتبارك عمدة القانونين هنا يا أخي ولابداء التقدير بشكل تواصل انساني والاحترام لا حول عمدة عديل كدا؟ ياخ المنبر دا فيهو ناس جهابذة عديل يا اختي الف شكر على التواصل وربنا يسهل امر العوائد Post: #256 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-16-2012, 07:35 PM Parent: #255 كونوا معنا لمعرفة الخواتيم Post: #257 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الفاتح ميرغني Date: 03-16-2012, 07:52 PM Parent: #255 Quote: يا الفاتح اخوى دى ونسة ساي ياخ لا ترقى الى الرواية - لكن الغريبة اولاد البندر وبنات البندر بحبوا نوع الونسات دي ما عارف السر شنو . المهم طالما الشغلانية بقت ماشة كدا ( اصلا السمعة والغنى بجوك بالغفلة ) ليك على آخد بإقتراحك دا واقوم الملم ليك الحكاوي دى في كتاب واحد بعنوان ( ذكرياتي في رحاب العدالة) كما تفضلت بتجرمتك ليها الما خمج واقوم اسويك انت مصطفى سعيد احدى الروايات . المهم حأعمل الكتاب واسميهو ليك ( المجموعة الكاملة لشيقا) ههههههههههههه عشان تجوا انتو الماعندكم شغلة تترجموهو لسبعة لغات . أنا شخصيا بفضل عنوان " ذكرياتي في رحاب العدالة" لانك كنت جزء من التجربة،ولانه لا ينطوي على بعد إحتكاري مثل عنوان "المجموعة الكاملة لشيقا". لووول. ياخ من هسع انحنا بدينا إعداد دراسات نقدية ومقارنة بين " الواقعية السحرية" و " الواقعية الجنائية" الحتركبك في سرج واحد مع ناس أجاثا كريستي! قلت لي الغنى بجي بالغفلة؟ بجنس نضميك ده يا اخوى بجيك مع سبق الإصرار والترصد. قال غفلة قال! -- بعدين بطل حكاية الفططان دي! Post: #258 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-16-2012, 08:14 PM Parent: #257 Quote: ياخ من هسع انحنا بدينا إعداد دراسات نقدية ومقارنة بين " الواقعية السحرية" و " الواقعية الجنائية" الحتركبك في سرج واحد مع ناس أجاثا كريستي! الواقعية السحرية عديييييييييييل كدا ؟ ياخ انت مثقف مثقف بصورة ما عادية ياخ منو هنا البيعرف الواقعية السحرية في رواية الطيب صالح؟ قال شيقا عندو واقعية سحرية !!!!!!!! ياخ شيقا فارش الكلام في الصقيعة لا واقعيات ولا حاجة انت اخمش بس اوعاك تأول لواقعيات وكدا يا سجم لكن بيني وبينك لقيتك خطيييييييييييييييييير Post: #259 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-17-2012, 07:49 AM Parent: #258 ما آلت إليه الامور ، بعد خروجي من السودان الى السلطنة منذ العام 1998 م، بلغت به هاتفيا وقبل اسبوع فقط من كتابة هذه المداخلة . ابقوا معنا لنحكي لكم تفاصيل المحادثة Post: #260 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-17-2012, 02:53 PM Parent: #259 علمت قبل اسبوع عبر الهاتف ان المغترب قد طلق البنية طلاقا بائنا علمت ايضا ان اهل البنية رفضوا عودتها اليهم علمت ايضا انها قد انجبت من المغترب بنت واحدة تولت امر رعايتها إمرأة محسنة من اهلها العرب علمت ايضا انها قد تزوجت بآخر غرب افريقي والسلام عليكم ورحمة الله تعالى وبركاته Post: #261 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: مهيرة Date: 03-17-2012, 03:20 PM Parent: #260 مسكينة البنية ركبت راسها ساى بقت عليها ميتة وخراب ديار اهلنا قالوا :الماعنده كبير يشترى ليه كبير الله يكون فى عونها تحياتى Post: #262 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-18-2012, 05:34 AM Parent: #261 Quote: مسكينة البنية ركبت راسها ساى بقت عليها ميتة وخراب ديار اهلنا قالوا :الماعنده كبير يشترى ليه كبير اي والله يا دكتورة مهيرة المسكينة صارت ليها ميتة وخراب ديار خالص التحايا Post: #263 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-19-2012, 09:54 AM Parent: #262 نواصل Post: #264 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-19-2012, 06:26 PM Parent: #241 لمن فاتهم الاطلاع Post: #265 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: Ahmed al Qurashi Date: 03-19-2012, 07:52 PM Parent: #264 الأبيض ضميرك محور القصة Post: #266 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-19-2012, 08:07 PM Parent: #265 يا سلام يا دكتور القرشي مبااااااااااااااااااااااالغة الابيض ضميرك ياخ - بس يا ريت لو كان مع السيكونس بتاع القصة Post: #267 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: mohmed khalail Date: 03-19-2012, 11:16 PM Parent: #266 سلام وتحية.. شكرا يا الطيب شيقوق القصة حقيقة مثيرة وتستحق المتابعة لكن حقيقة المط والتطويل انقصا من قدرها الكثير..بالنسبة لي الامر ليس فيه شئ من الغرابة لانها قصة حب ضحى طرفيهامن اجل من يحب ولم يكتب لها النجاح كغيرها من قصص الزواج. ولكن ما يدعو للاسف هو ما وراء هذه السطور من إيحاءات غير مريحة.اهل البنت موقفهم منذ البداية غلط وضد الدين وضد اي عرف انساني بل ساهموا في إلحاق الضرر بشخص كل جريرته انه اراد ان يتزوج بنتهم على سنة الله ورسوله..وبهم جبن بائن لانهم حينما فشلوا في منعه من الزواج بإبنتهم لجئوا الي اسلوب إنسان رخيص وهو اسلوب السرقه ونهب مال الرجل بليل..وكان اشرف لهم لو انهم نهبوا سيارته عينك يا تاجر على الاقل نقول همبته وحمرة عين مش (حرمنة ودسديس هذا ليس من الرجولة في شئ) ..وفي النهاية تم له ما اراد برغم حقدهم وكيدهم وتزوج بمن يحب ومات من مات بغيظه اما الا تستمر الحياة بين اي زوجين فليس في هذا الامر ما يدعوا للشماته حيث ذكرت انت وغيرك بعد طلاق البنيه انها(ميته وخراب ديار) لييييييييييه يا الطيب ليه كده فالطلاق ابغض الحلال عند الله وهو وارد في اي لحظة وبين اي اثنين في الدنيا... ثم لماذا انت متحامل على البنت؟؟؟ ما هو خطأها الذي يجعلك تتحامل عليها؟؟؟وبرغم انك تحاول ادعاء الحياد لكن تعليقاتك كلها توحي بانك سعيد لما ال اليه حالها من طلاق.ووصفت ولي امرها (اخوها) بانه إمعه لمجرد انه كان موافق على زواج اخته على من تحب لانه مع ارادة اخته وضد ضيق افق اهله.لييييييييييييه يا الطيب لييييييييه ياخ.. ثم كان وصفك التالي Quote: تزوجت بآخر غرب افريقي هل تقصد انه غير سوداني؟؟؟؟ومتى كان تعرييف السودانيين يتم بدول مهجرهم؟؟؟ هي العنصرية دي كيف يعني؟؟ ثم فيها شنو لو اتزوجت واحد من غرب افريقيا حتى ولو كان ما سوداني؟؟ المهم مسلم وهي ارتضته ما في سودانيات متزوجات من جنسيات مختلفه الجديد شنو يعني؟. ولماذا لم تتحامل على المجرمين الذين دافعت عنهم ؟؟بالرغم ان عنوان البوست يوحي بانك فعلا نادما على المشاركة في هذه الجريمة.. لكن كلماتك كما تبدو غير ذلك تماما خصوصا في الختام.. ــــــــــ التحية لهذه الشابة اينما وجدت على تضحيتها لاجل من تحب وعلى ثباتها على مبداها..وان فشل زواجها فسيفكر اهل تلك المنطقة الان الف مرة قبل ان يقفوا في وجه بناتهم واختيارتهن..وهي بذلك رائدة في تحرير النساء من جهل اهل تلك البقاع. إن الله يهمل ولا يهمل وهو كفيل بكل من زرع لها المشاكل في حياتهالا لشئ الا لانها قالت اريد ان اتتزوج من احب على سنة الله ورسوله. اسال الله ان يسعدها في حياتها وان يلجم الشامتون والشامتات..ويكف اذاهم عنها ما ظهر منه وما بطن. وأن يصلح الحال ويهدينا ويهديك.. Post: #268 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: عبدالفتاح أبوشيمة Date: 03-20-2012, 00:37 AM Parent: #267 Quote: ابو شيمة ياخ وين انت الشوق ليك بلا حدود - طمئنا على عافيتك وعافية الجنيات والبنيات يا شيقا ليك الشوق بحور وفيها حور ما إنت هو ود السرور مهما نلف تاني وندور الرجعة ليك بتضوي نور طمّني إنت على البدور ما بقوك جد ياعاشق التمور واللا إنت بس راجل السرور تجتر لي زمن الحضور زمن القوانين و(الكُرور) كرور دي رطانة ياالمنور ديمة والوش نور وما لها الحكاية عايزة تجيب محزنة والحب يبور أوعاك من حكاية تسوي الأرض بور وناس مهووسة بي تفتيش قصصاً قشور خاشين كدا جوة القلوب الشاهدة زور ما يحولوا الشي ويكون طلع لي برة سور Post: #269 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-20-2012, 10:04 AM Parent: #268 Quote: القصة حقيقة مثيرة وتستحق المتابعة لكن حقيقة المط والتطويل انقصا من قدرها الكثير شكرا أخي محمد خليل لنزاهة وموضوعية رأيك في القصة . اما مسألة المط والتطويل يا اخي فلم يكن متعمدا وإنما لظروف العمل وتباعد المسافات الزمنية بين الحدث نفسه الذى كان تقريبا في أواخر ثمانينات القرن الماضي وبين مواعيد تجميع وكتابة حيثيات القصة . Quote: ولكن ما يدعو للاسف هو ما وراء هذه السطور من إيحاءات غير مريحة. ما ورد من إيحاءات يا عزيزي لم تمثل رأي الشخصي وإنما إشارات مستوحاة من ثقافة إجتماعية موروثة تعمدت التلميح بها لإبراز لسان حال ذلك المجتمع في أخ البنية الذى صمد مع اخته دعما لزواجها من المغترب . Quote: اهل البنت موقفهم منذ البداية غلط وضد الدين وضد اي عرف انساني بل ساهموا في إلحاق الضرر بشخص كل جريرته انه اراد ان يتزوج بنتهم على سنة الله ورسوله..وبهم جبن بائن لانهم حينما فشلوا في منعه من الزواج بإبنتهم لجئوا الي اسلوب إنسان رخيص وهو اسلوب السرقه ونهب مال الرجل بليل..وكان اشرف لهم لو انهم نهبوا سيارته عينك يا تاجر على الاقل نقول همبته وحمرة عين مش (حرمنة ودسديس هذا ليس من الرجولة في شئ) اتفق معك في الموقف الخاطئ لاهل البنية سواءا اكان من منطلق ديني او انساني اما مسألة سرقة العربة فهذا أمر تم التحقيق فيه ضد جميع اهل البنية وقد قدموا لمحاكمة عادلة انتهت ببراءتهم ولم تقم ضدهم من البينات ما يمكن ان تفضي لإدانتهم في حالة عدم دحضها ومن ثم يكون حديثك هنا مجرد فرضيات تقبل الخطأ والصواب ومتضاربة مع المبدأ القانوني السامي الذى يقول ( ان المتهم برئي حتى ثبت إدانته دونما شك معقول) . Quote: ميته وخراب ديار) لييييييييييه يا الطيب ليه كده فالطلاق ابغض الحلال عند الله وهو وارد في اي لحظة وبين اي اثنين في الدنيا... عفوا ، يا أخي العزيز ، فهذه لم تكن من قبيل الشماتة وإنما مثل يساق عادة في مثل هذه الحالات ولا يمكن ان يصنف بأي حال من الاحوال بأنه ضرب من الشماتة . Quote: تزوجت بآخر غرب افريقي Quote: هل تقصد انه غير سوداني؟؟؟؟ومتى كان تعرييف السودانيين يتم بدول مهجرهم؟؟؟ هي العنصرية دي كيف يعني؟؟ ثم فيها شنو لو اتزوجت واحد من غرب افريقيا حتى ولو كان ما سوداني؟؟ المهم مسلم وهي ارتضته ما في سودانيات متزوجات من جنسيات مختلفه الجديد شنو يعني؟. ولماذا لم تتحامل على المجرمين الذين دافعت عنهم ؟؟بالرغم ان عنوان البوست يوحي بانك فعلا نادما على المشاركة في هذه الجريمة.. لكن كلماتك كما تبدو غير ذلك تماما خصوصا في الختام.. كلا وانما قصدت ان ابين ما عانت منه تلك البنت عندما عمدت ان تسبح عكس تيار مفاهيم موروثة لي ، انا شخصيا ، رأي فيها . لك منى وافر الاحترام والتقدير Post: #270 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-20-2012, 10:09 AM Parent: #269 Quote: ود اب شيمة Quote: يا شيقا ليك الشوق بحور وفيها حور ما إنت هو ود السرور مهما نلف تاني وندور الرجعة ليك بتضوي نور طمّني إنت على البدور ما بقوك جد ياعاشق التمور واللا إنت بس راجل السرور تجتر لي زمن الحضور زمن القوانين و(الكُرور) كرور دي رطانة ياالمنور ديمة والوش نور وما لها الحكاية عايزة تجيب محزنة والحب يبور أوعاك من حكاية تسوي الأرض بور وناس مهووسة بي تفتيش قصصاً قشور خاشين كدا جوة القلوب الشاهدة زور ما يحولوا الشي ويكون طلع لي برة سور هههها يطول عمرك باقي لي شيطان الشعر جاك راجع تاني Post: #271 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: rummana Date: 03-20-2012, 03:25 PM Parent: #270 ولا يزال البوست في الصفحة الأولى حتى بعد أن "كلفتت" نهايته والمنتظرون لفيلم رومانسي طويل فيه انصرفوا بخفي حنين... قبل كم يوم وأنا أقرأ المستجدات في هذا البوست تذكرت دعوتك لي بالمرور على مكتبة شيقوق والوقوف عند بوست "ماريا" ..ومن هنا ضغطت على رابط المكتبات ودخلت المكتبة وتوقفت عند الصفحة الأولى في البوست المذكور – منها عرفت ما عصى علي تبينه ووضعته للضمان كده بين inverted commas في كلمة أولومب"ياس" والحقيقة أنا كتبت ما سمعت من حمد الريح في الفيديو لكن لم استطع تبين هذه الكلمة بالتحديد وقوقل لم يساعدني ووجدت أن أولومبياس هي أميرة إغريقية ووالدة الاسكندر الأكبر وحسبت أن هناك قمة أو جبل يحمل اسمها "كنت أجد تاريخ المدنيات القديمة ممل للغاية". عموما سأعدل الكلمة حسب ما ذكرها بعض الأخوة في ذلك البوست في مداخلتي الماضية هنا. لكن قبل أن أتوقف عند "ماريا" لفت نظري بوست قديم في 2007 فيه بيان أو رسالة من عبد العزيز الحلو وياسر عرمان عن الحركة الشعبية ينعيان فيه أخانا وزميلنا مولانا عبد الباسط العدناني. وأحزنني هذا الخبر جدا فعبد الباسط كان زميلا عزيزا عليَ وأدهشني فعلا أن أعرف أنه قد ترك القضائية وانضم لصفوف الحركة الشعبية في وقت ما وهو شيء غريب من معرفتي له ..لكنه شيء قديم مضى على كل حال. ربنا يرحمه ويغفر له ويكرمه ويكرمنا بالفردوس إن شاء الله. من الصدف يا استاذ الطيب أنني كنت أتحدث مع ابني قبل حوالي الشهرين عنه..! كنا نتحدث عن الـ vocabulary وكيف يمكن للانسان أن يكبر مخزونه من الكلمات والمفردات الانجليزية. وذكرت له أن أحد زملائنا في الكلية حكى لي أنه كان يتبارى مع أحد أخوانه في حفظ الكلمات ومعانيها من القاموس فيتحدى كل واحد منها الآخر في حفظ عدد معين من الكلمات وكنت أقصد عبد الباسط، وقد وجدت تلك فكرة عبقرية فعلا وحاولتها لوحدي ثم مع أولادي في صغرهم لكني فشلت فشلا بينا- أنا والحفظ ما أصحاب. Quote: الاخ الوجيه عبد الباسط العدناني - رحمه الله - كان اخا خلوقا وطيب المعشر وكان قانونيا ضليعا ومتحدثا لبقا باللغتين العربية والانجليزية . عمل قاضيا ومحاميا بالقضارف وانتقل بعد ذلك للجهاد في صف الحركة الشعبية . كانت اجمل اللحظات معه في فسحة الزير هاوس بالكلية ذكرني خبر وفاته زميل آخر لنا توفي أيضا وهو في ريعان شبابه "أحمد عمران" وقد مات قبل سنوات في حادث سقوط طائرة وهو قادم إلى بريطانيا من أميريكا رحمهما الله Post: #272 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: مهيرة Date: 03-20-2012, 08:18 PM Parent: #271 Quote: .وفي النهاية تم له ما اراد برغم حقدهم وكيدهم وتزوج بمن يحب ومات من مات بغيظه اما الا تستمر الحياة بين اي زوجين فليس في هذا الامر ما يدعوا للشماته حيث ذكرت انت وغيرك بعد طلاق البنيه انها(ميته وخراب ديار) لييييييييييه يا الطيب ليه كده فالطلاق ابغض الحلال عند الله وهو وارد في اي لحظة وبين اي اثنين في الدنيا... سلام يا محمد خليل ولدى: (ميتة وخراب ديار ) دة مثل معروف وجبناه فى القصة دى لانه يوصف حال البنية التى ضحت باهلها من اجل حبيبها ،ولكن الحبيب لم يحفظ الود وغدر بزوجته ولم يقدر تضحياتها فطلقها طلاقا بائنا ورماها فى الشارع هى وابنتها وهذا تصرف ######## وإنسان رخيص منه ليس بسبب جنسه وعرقه ولكن بسبب أخلاقه الدنيئة، فكل الأجناس فيها دنيء الأخلاق وكريمها وليس فى الأمر شماتة تحياتى Post: #275 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-21-2012, 08:23 AM Parent: #272 Quote: وهذا تصرف ######## وإنسان رخيص منه ليس بسبب جنسه وعرقه ولكن بسبب أخلاقه الدنيئة، فكل الأجناس فيها دنيء الأخلاق وكريمها صحيح يا دكتورة مهيرة ولكن مع فرضية نأيها عما يوجب طلاقها من الزوج العادي (readonable spouse ) رغم كل تضحياتها له Post: #273 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-21-2012, 05:47 AM Parent: #271 الاخت رمانة Quote: ولا يزال البوست في الصفحة الأولى حتى بعد أن "كلفتت" نهايته والمنتظرون لفيلم رومانسي طويل فيه انصرفوا بخفي حنين... نفس هذه العبارة اطلقها بعض الاخوة عندما طرحت نفس القصة في منتدى أخر يا عزيزتي - فعلا النهاية انا شخصيا عندي فيها رأي غير أن الرأفة بكم هي التي تحملتي الى الكلفتة . Quote: قبل كم يوم وأنا أقرأ المستجدات في هذا البوست تذكرت دعوتك لي بالمرور على مكتبة شيقوق والوقوف عند بوست "ماريا" ..ومن هنا ضغطت على رابط المكتبات ودخلت المكتبة وتوقفت عند الصفحة الأولى في البوست المذكور – منها عرفت ما عصى علي تبينه ووضعته للضمان كده بين inverted commas في كلمة أولومب"ياس" والحقيقة أنا كتبت ما سمعت من حمد الريح في الفيديو لكن لم استطع تبين هذه الكلمة بالتحديد وقوقل لم يساعدني ووجدت أن أولومبياس هي أميرة إغريقية ووالدة الاسكندر الأكبر وحسبت أن هناك قمة أو جبل يحمل اسمها "كنت أجد تاريخ المدنيات القديمة ممل للغاية". عموما سأعدل الكلمة حسب ما ذكرها بعض الأخوة في ذلك البوست في مداخلتي الماضية هنا. انا شخصيا لم اتمعن المعنى الا بعد هذه المداخلة على الرغم من أنني الطارح للبوست ومدير للحوار حول موضوعاته . Quote: لكن قبل أن أتوقف عند "ماريا" لفت نظري بوست قديم في 2007 فيه بيان أو رسالة من عبد العزيز الحلو وياسر عرمان عن الحركة الشعبية ينعيان فيه أخانا وزميلنا مولانا عبد الباسط العدناني. وأحزنني هذا الخبر جدا فعبد الباسط كان زميلا عزيزا عليَ وأدهشني فعلا أن أعرف أنه قد ترك القضائية وانضم لصفوف الحركة الشعبية في وقت ما وهو شيء غريب من معرفتي له ..لكنه شيء قديم مضى على كل حال. ربنا يرحمه ويغفر له ويكرمه ويكرمنا بالفردوس إن شاء الله. اخونا الراحل المقيم العدناني كان طالبا مميزا في حديثه وهندمته ومفرداته عربية او انجليزية وحتى في قدلته على هذه الارض التي سكن اليها . كنت دائما احب التحدث معه خلال فواصل المحاضرات عن موضوع اي محاضرة . كان يا رمانة مبدع عندما يحكي لنا عن اللورد دينغ والهاي تريز كيس High trees case في موضوع ال consideration والنيبر برنسبل (Neghbour principle ) للورد أتكن وفوس آند هار بتل Foss & her bottle ويختم اللحظة بتولعة سجارة وكباية شاي سادة وبعض من مأثورات مولانا عبد الله دفع الله استاذ الشريعة وقئذن. Quote: من الصدف يا استاذ الطيب أنني كنت أتحدث مع ابني قبل حوالي الشهرين عنه..! كنا نتحدث عن الـ vocabulary وكيف يمكن للانسان أن يكبر مخزونه من الكلمات والمفردات الانجليزية. وذكرت له أن أحد زملائنا في الكلية حكى لي أنه كان يتبارى مع أحد أخوانه في حفظ الكلمات ومعانيها من القاموس فيتحدى كل واحد منها الآخر في حفظ عدد معين من الكلمات وكنت أقصد عبد الباسط، وقد وجدت تلك فكرة عبقرية فعلا وحاولتها لوحدي ثم مع أولادي في صغرهم لكني فشلت فشلا بينا- أنا والحفظ ما أصحاب. عيييييييك الوليدات هسع يا بت امي شايلين الاي باد والاي فون فد نقرة يطلع ليك معنى الكلمة وكمان البروناونسيشن بتاعها . Quote: ذكرني خبر وفاته زميل آخر لنا توفي أيضا وهو في ريعان شبابه "أحمد عمران" وقد مات قبل سنوات في حادث سقوط طائرة وهو قادم إلى بريطانيا من أميريكا وهذا الراحل يا استاذتي كان طالب غير ، فقد كانت له عبقريته الخاصة في هذه الفانية . حكيت للاخ الدالي رحمة الله عن مداخلتك وقلت ليهو اسمها رمانة وطوالي رد لي بسخريتو المعهودة قال لي المسنوحة دي بتكون عاملة ليها اسم مستعار ساي ويمكن تكون راجل ذاتو. Post: #274 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: قلقو Date: 03-21-2012, 08:10 AM Parent: #273 Quote: You are mistreating your readers أضغط ياشيقا ولا يهمك . (لكن بينى وبينك ساديتك تقول ياليل) Post: #276 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-21-2012, 08:26 AM Parent: #274 قلقو Quote: أضغط ياشيقا ولا يهمك . (لكن بينى وبينك ساديتك تقول ياليل) ان شاء ربنا يضوقك موية العادية الطاعمة قول آمين Post: #277 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: rummana Date: 03-21-2012, 10:04 AM Parent: #276 Quote: حكيت للاخ الدالي رحمة الله عن مداخلتك وقلت ليهو اسمها رمانة وطوالي رد لي بسخريتو المعهودة قال لي المسنوحة دي بتكون عاملة ليها اسم مستعار ساي ويمكن تكون راجل ذاتو سلامات شيقوق الأصل في منتديات النقاش أنه الناس كانت تختار اسم مستعار عند التسجيل وهي عادة تجدها في جميع المنتديات بجنسياتها المختلفة. والحقيقة هي عادة حلوة وحميدة لان الاسم المستعار ممكن يكون عنده دلالات وأيضا تنتبه له الذاكرة وتتعامل معه بصورة أفضل. وهكذا كان التسجيل هنا في المنتدى في البداية إلى أن "تغيرت" القوانين (لاتاحة الفرصة لاكبر عدد من الناس للسب والشتم ولايذاء الآخرين في أنفسهم وأهلهم) وكثير من أوائل المسجلين هنا أتوا من منتدى آخر بنفس اسمائهم المستعارة هناك وأنا منهم. لما حاولت اسجل في المنتدى الآخر ما قدرت اسجل باسمين اخترتهم لانهم لم يكونوا متاحين وبصراحة تضايقت من الموضوع ثم لمحت اسم واحدة من المشاركات "جوافة".. وفجأة قفزت إلى رأسي حبوبتي و"غلوتياتها" – وقد عشنا كل سنوات الطفولة بعيدين عنها لذلك كانت المرات القليلة التي كنا برفقتها مميزة وعالقة في الذاكرة - تذكرت غلوتية تقول فيها "طاسة تمنطاسة في البحر غطاصة بطنا لولي وضهرا نحاسة" وكانت الاجابة الرمانة وسجلت على طول بهذا الاسم، عليها رحمة الله. هذا مع العلم بأن الجوافة والرمان من الفواكه المزعجة في الأكل بسبب كثرة البذور :) المسنوح أب تفه شينة وكانت عاجباه اتمنى أن يكون قد فقد آخر شعراية منها وأهديه هذا الرابط وأدعوه للمشاركة فيه تحياتي استاذ الطيب.. http://ar.wikipedia.org/wiki/%D9%82%D8%B1%D9%...B1%D9%8A%D8%AF%D8%A9 Post: #278 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-21-2012, 11:24 AM Parent: #277 Quote: وفجأة قفزت إلى رأسي حبوبتي و"غلوتياتها" – وقد عشنا كل سنوات الطفولة بعيدين عنها لذلك كانت المرات القليلة التي كنا برفقتها مميزة وعالقة في الذاكرة - تذكرت غلوتية تقول فيها "طاسة تمنطاسة في البحر غطاصة بطنا لولي وضهرا نحاسة" وكانت الاجابة الرمانة وسجلت على طول بهذا الاسم، عليها رحمة الله. ههههههههههههها ان شاء بس ورثت ليك حاجة من حبوبة - الله يرحمها - غير الطاسات والتمنطاسات الغطاسات ؟ Quote: هذا مع العلم بأن الجوافة والرمان من الفواكه المزعجة في الأكل بسبب كثرة البذور :) حيرتونا ياخ ناس جعانين وما لاقيين الليمون ذاتو تجي تقولي لقينا الجوافة والرمان واكلهن مزعج بسبب كثرة البذور؟ Quote: المسنوح أب تفه شينة وكانت عاجباه اتمنى أن يكون قد فقد آخر شعراية منها وأهديه هذا الرابط وأدعوه للمشاركة فيه قلت اكلمو ليك واديهو لنك حلتهم الفي ضهاري النيل الابيض لكن كعادته اما نسى موبايلو في البيت او خلاهو صامت في لحظة اجتماع ونسى انو صامت ويقدل بيهو النهار كلو فاكرو ما صامت . Post: #279 Title: Re: ما الذي دفعني للمشاركة في هذه الجريمة؟ قصة غرامية في محراب القضاء Author: الطيب شيقوق Date: 03-21-2012, 07:55 PM Parent: #278 ان شاء الله بس ورثت ليك حاجة من حبوبة؟ - الله يرحمها - غير الطاسات والتمنطاسات الغطاسات ؟